မလေးရှားနိုင်ငံ ဆလာယန်းတွင် မြန်မာ နှစ်ဦး ခေါင်းဖြတ် အသတ်ခံရကာ သုံးဦးမှာ အတွင်းလူနာအဖြစ် ဆေးရုံတင်ထားရ

မလေးရှားနိုင်ငံ ဆလာယန်းမြို့တွင် မွတ်ဆလင်ဘာသာဝင်အချို့နှင့် ပဋိပက္ခဖြစ်ပွားကာ မြန်မာ အလုပ် သမား နှစ်ဦး ခေါင်းဖြတ်အသတ်ခံရပြီး သုံးဦးမှာ ဆေးရုံတွင် အတွင်းလူနာအဖြစ် တက်ရောက်ကုသမှု ခံယူနေ ရကြောင်း သတင်းရရှိပါသည်။

“မေ ၃၀ မှာ မြန်မာအလုပ်သမားတစ်ဦး ခေါင်းပြတ်သေဆုံးတယ်။ ၃၁ ရက်မှာ နောက်တစ်ဦး ခေါင်းဖြတ် အသတ် ခံရ တယ်။ ဇွန်လ ၁ ရက်နေ့မှာ ထပ်ဖြစ်တာမှာ မြန်မာအလုပ်သမား ၃ ဦး ဆေးရုံတင်ထား ရပါ တယ်။ သူတို့ ၃ ယောက်လည်း အခြေအနေ မကောင်းပါဘူး” ဟု ကပုန်း နာရေးကူညီမှုအသင်း ဥက္ကဋ္ဌ ဦးစန်းဝင်း က ပြောပါသည်။

လက်ရှိတွင် မလေးရှားနိုင်ငံ ဆာလာယန်း ကုန်စိမ်းဈေးတန်းရှိ မြန်မာ ဒုက္ခသည် ၁၀၀ ခန့်ကို ကပုန်း နာရေး ကူညီမှု အသင်းမှ ဦးဆောင်၍ ကပုန်းဘုန်းကြီးကျောင်းနှင့် အခြားနေရာ အသီးသီးသို့ ပို့ဆောင် ကူညီပေး လျက် ရှိကြောင်း သိရသည်။

ကွာလာလမ်ပူမြို့မှ မြန်မာနိုင်ငံသား တစ်ဦးက ''အဲဒီနေက ဖြစ်စဉ်မှာ နှစ်ယောက်သေတယ်။ သုံးယောက် က ဒဏ်ရာပြင်းပြင်းထန်ထန် ရထားပြီး တစ်ယောက်ပျောက်နေတယ်လို့ ကြားတယ်။ လူ ၁၀၀ ကျော်လောက် က ပုန်းဘုန်းကြီးကျောင်းထဲမှာ ပုန်းနေရတယ်။ ဘုန်းကြီးကျောင်း အပြင်ဘက်ကနေ ဆိုင်ကယ်တွေ နဲ့ ပတ်နေပြီး ဘုန်းကြီးကျောင်းကို မီးရှို့ပစ်မယ်လို့ ခြိမ်းခြောက်မှုတွေ ရှိနေတယ်။ ဒီဖြစ်စဉ်မှာ ပြစ်မှုကျူးလွန်တဲ့သူတွေက ဆလာယန်းဒေသခံတွေ မဟုတ်ဘဲ ဒေသခံအချို့တောင် မသိလိုက်ကြဘူးလို့ ပြောတယ်။ ဒေသခံတွေက ကျီးလန့်စာစား ဖြစ်နေပေမယ့် မြန်မာသံရုံး အသိုင်းအ၀ိုင်းက ပြဿနာက စိုးရိမ်စရာမရှိဘဲ အေးအေးချမ်းချမ်းပဲလို့ ပြောနေကြတယ်'' ဟု ပြောပြခဲ့ပါသည်။

ဆလာယန်းဒေသမှ မြန်မာအလုပ်သမား တစ်ဦးကလည်း “ကျွန်တော်သိတာကတော့ ဒီဖြစ်စဉ်မှာ ၆ ယောက်လောက် သေသွားတယ်။ အချို့ဆိုရင် ရက်ရက်စက်စက် သတ်ဖြတ်ခံခဲ့ရတာ။ ဒီဖြစ်စဉ်ကြောင့် လူ ၈၀ နဲ့ ၁၀၀ ကြား ဆလာယန်းက ဘုန်းကြီးကျောင်းမှာ ခိုလှုံနေရတယ်။ ဒါကို အကြမ်းဖက်လိုတဲ့ မွတ်ဆလင်ဘာသာဝင်အချို့က ဘုန်းကြီးကျောင်းအရှေ့ကနေ အော်ဟစ်ခြိမ်းခြောက်မှုတွေ လုပ်တယ်။ ကျွန်တော်တို့ဆီမှာ အခုနောက်ပိုင်း မွတ်ဆလင် အကြမ်းဖက် လူအချို့ရဲ့ သွေးထိုးလှုံ့ဆော်မှုတွေ ပြဿနာဖြစ်အောင် ဖန်တီးလိုမှုတွေ မကြာခဏ ဖြစ်နေ၊ ကြားနေပါတယ်။ ကွာလာလမ်ပူ ဘက်မှာတော့ မြန်မာဆိုင်တွေမှာလည်း အေးဆေးပဲ၊ မွတ်ဆလင် ဆိုင်တွေမှာလည်း အေးဆေးပါပဲ၊ သံရုံးကတော့ ဒီပြဿနာကို ထူးထူးခြားခြား ထုတ်ပြန်တာ မရှိသလို အခြေအနေ အေးဆေးရှိတယ် လို့ပဲ ပြောတာ ကြားရပါတယ်။ မြန်မာသံရုံးရဲ့ အကူအညီကိုတော့ ဆလာယန်းမှာ ရှိတဲ့ မြန်မာတွေ အခုအချိန်ထိ မရသေးပါဘူး” ဟု ပြောကြားခဲ့ပါသည်။

မလေးရှားနိုင်ငံတွင် ဖြစ်ပွားနေသော အဆိုပါ ကိစ္စများနှင့် ပတ်သတ်၍ နိုင်ငံခြားရေး ၀န်ကြီးဌာနမှ အဖြစ်မှန်ကို စုံစမ်း၍ သတင်းထုတ်ပြန်သွားမည် ဖြစ်ကြောင်း သမ္မတရုံး ညွှန်ကြားရေးမှူး ဦးဇော်ဋ္ဌေးက Eleven Media Group သို့ ပြောကြားထားပါသည်။

မလေးရှားနိုင်ငံတွင် ဖြစ်ပွားနေသော ကိစ္စများနှင့် ပတ်သတ်၍ မြန်မာနိုင်ငံသားများ အသတ်ခံရမှု မရှိကြောင်း နိုင်ငံတော်သမ္မတ၏ ပြောရေးဆိုခွင့်ရှိသူ ပြန်ကြားရေး ဒုဝန်ကြီး ဦးရဲထွဋ်က ဇွန်လ ၁ ရက်နေ့တွင် ၎င်း၏ Facebook စာမျက်နှာတွင် ဖော်ပြခဲ့ပြီး ဇွန်လ ၂ ရက်နေ့တွင် အဆိုပါ ကိစ္စနှင့် ပတ်သတ်၍ ပြန်လည်ရှင်းလင်းထားသည်။

ယင်းဖြစ်စဉ်နှင့် ပတ်သတ်၍ မလေးရှားနိုင်ငံရှိ နာမည်ကြီး The Star သတင်းစာတွင် လက်ရှိအထိ သတင်းဖော်ပြထားခြင်း မရှိသေးကြောင်း သိရပြီး NTV 7 သတင်းဌာနက သေဆုံးသူတစ်ဦး၏ အလောင်းအား ရဲတပ်ဖွဲ့ဝင်များက သယ်ယူသွားပုံကို movie file ဖြင့် သတင်းဖော်ပြခဲ့သည်။ Bernama သတင်းဌာနတွင်လည်း တစ်ဦးသေဆုံးကြောင်း သတင်းဖော်ပြထားသည်။

Eleven

ဆက်ဖတ်ရန်>>>>

အိမ်ထောင်ရေး ဖေါက်ပြန်နေစဉ် တွေ့ရှိသူ ယောက်ခမအား သတ်ခဲ့သူချွေးမ ဖမ်းမိ

၂၈-၅-၂၀၁၃ ရက်နေ့ ၁၇၀၀ အချိန် သုံးခွမြို့နယ်၊ သာသာမြိုင်ကျေး ရွာနေ ကိုသန့်ဇင်ဝင်း၏ နေအိမ်

မြောက် ဘက် ရှိ ရေကန်အတွင်းမှ လွန်ခဲ့သော (၂)ရက် ကျော် ခန့် ကတည်းကပျောက်ဆုံးနေသော ကိုသန့် ဇင်ဝင်း ၏ဖ ခင် ဦးလှတင်၏အလောင်းအား နောက်ပြန်ကြိုး တုပ် လျက် တွေ့ ရှိသဖြင့် ကိုသန့်ဇင်ဝင်းမှ အရေး ယူပေး ပါရန် တိုင် တန်းခဲ့၍ သုံးခွမြို့မရဲစခန်းမှအမှုဖွင့်ပြီး တရား ခံဖော် ထုတ် ဖမ်းဆီးရမိရေး စုံစမ်း ဆောင် ရွက် ခဲ့ပါ သည်။

အမှုနှင့်ပတ်သက်၍ ရန်ကုန်တိုင်းဒေသကြီးရဲတပ်ဖွဲ့မှူးရုံး၊ မှုခင်းအကူဌာနစုမှတပ်ဖွဲ့ဝင်များသည် ခရိုင်/မြို့နယ်များမှ တပ်ဖွဲ့ဝင်များနှင့်အတူ ပူးပေါင်းစုံစမ်းဖော်ထုတ်ခဲ့ရာ ၂၅-၅-၂၀၁၃ရက်နေ့ ၁၆၀၀ အချိန်ခန့် တွင်သေဆုံးသူ ဦးလှတင်၏ချွေးမ မစန်းစန်းလှိုင်(ကိုသန့်ဇင်ဝင်း၏ဇနီး)သည် နေအိမ် တွင် နောက်ကျော ဘက်နေ အိမ်မှ ကရင်ကြီး (ခ) ကိုသက် (ခ)တင်မောင်မြင့်နှင့် လူမှုရေး ဖောက်ပြန် ဆက်ဆံနေ စဉ် ဦးလှ တင် ရောက်ရှိမြင်တွေ့ သွားသဖြင့် ကရင်ကြီးမှာ ထွက်ပြေး သွား ခဲ့ပါသည်။

၁၈၀၀ အချိန် ဦးလှတင်သည် နေအိမ်တွင်ရှိနေစဉ် ကရင်ကြီး ရောက်ရှိလာကာ မစန်းစန်းလှိုင်နှင့်အတူ ဦးလှ တင်အား လည်ပင်း ညှစ်သတ်ပြီး ကြိုးတုပ်၍ရေကန်အတွင်းသို့ပစ်ချခဲ့ကြောင်း စစ်ဆေးပေါ်ပေါက် သဖြင့် ကရင်ကြီးနှင့် မစန်းစန်းလှိုင်တို့အား ဖမ်းဆီးစစ်ဆေးလျက်ရှိကြောင်း သတင်းရရှိပါသည်။

Yangon Police

ဆက်ဖတ်ရန်>>>>

၅၀၀၀ တန်အတု တရားခံ လွှဲပြောင်းပေးရန်မရှိဟု ကေအိုင်အိုဆို

မြစ်ကြီးနား၊ ဇွန် ၁

မြစ်ကြီးနားတွင် ဖမ်းမိခဲ့သော ၅၀၀၀ တန် အတုအမှုတွင် ပါဝင် ပတ်သက်သည့် ကေအိုင်အိုမှ အရာရှိနှစ် ဦး ကို အစိုးရထံသို့ လွှဲပြောင်းပေးရန် အစီအစဉ်မရှိကြောင်း ကေအိုင်အေ ဒုတိယစစ်ဦးစီးချုပ် ဗိုလ်ချုပ် ဂွမ်မော် က The Voice သို့ ပြောကြားသည်။

“ကေအိုင်အိုမှာ ကိုယ်ပိုင် တရားစီရင်ရေးရှိလို့ လွဲပြောင်းပေးဖို့ မဖြစ်နိုင်ပါဘူး” ဟု ဗိုလ်ချုပ်ဂွမ်မော်က ဆိုသည်။

တရားခံကို လွဲပြောင်းပေးရန် အစီအစဉ် မရှိသော်လည်း အစိုးရထံမှ လာရောက် စစ်ဆေးရန် တောင်းဆို ပါက ခွင့်ပြု သွားမည် ဖြစ်ကြောင်း ဗိုလ်ချုပ်ဂွမ်မော်က ထပ်ဆင့် ပြောကြားသည်။

ကေအိုင်အို နိုင်ငံခြားဆက်ဆံရေး ဌာနမှ အရာရှိတစ်ဦးနှင့် ကေအိုင်အိုမြို့နယ် အုပ်ချုပ်ရေး အရာရှိ တစ်ဦး တို့က အဆိုပါ ၅၀၀၀ တန်အမှုတွင် ပါဝင် ပတ်သက် ခဲ့ကြခြင်း ဖြစ်ပြီး တစ်ဦးကို တရုတ်ပြည်သူ့သမ္မတနိုင်ငံ တွင် ဖမ်းဆီး ထားကာ ကျန်တစ်ဦးကို ကေအိုင်အိုတွင် ဖမ်းဆီးစစ်ဆေး လျက်ရှိကြောင်း ဗိုလ်ချုပ်ဂွမ်မော်၏ ပြောပြ ချ က်အရ သိရသည်။

မြစ်ကြီးနားမြို့ ရှင်းရှန်းဟိုတယ်တွင် ဧပြီလ နောက်ဆုံးပတ်က ကျပ် ၅၀၀၀ တန်အတု ကျပ်သိန်း ၂၇၀ ကျော်နှင့် တရားခံ သုံးဦးကို ဖမ်းဆီး ရမိခဲ့ခြင်းဖြစ်ပြီး ၎င်းအမှုတွင် အဆိုပါ ကေအိုင်အို အရာရှိနှစ်ဦးပါဝင် ပတ်သက် ခဲ့ကြခြင်း ဖြစ်သည်။

၅၀၀၀ ကျပ်တန် အတုများကို ဧပြီလ တစ်လတည်းတွင် မြစ်ကြီးနား၊ မန္တလေး၊ မြဝတီ၊ မှော်ဘီ၊ အင်းစိန် စသည့် မြို့ တို့တွင် ဖမ်းဆီးရမိခဲ့သည်။

The Voice Weekly

ဆက်ဖတ်ရန်>>>>

ဒေါ်အောင်ဆန်းစုကြည်ခြံရှေ့ ရခိုင်ဝန်ကြီး သွားစောင့်

ရန်ကုန်၊ ဇွန် ၁

အမျိုးသား ဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်၏ ခြံရှေ့တွင် ရခိုင်လူငယ်များက ဆန္ဒ ထုတ်ဖော် မည့် သတင်းကြောင့် ရန်ကုန်တိုင်းဒေသကြီး အစိုးရအဖွဲ့မှ ရခိုင်တိုင်းရင်းသား ရေးရာ ဝန်ကြီး ဦးဇော်အေးမောင် သည် တက္ကသိုလ်ရိပ်သာလမ်းရှိ ဒေါ်အောင်ဆန်းစုကြည် နေအိမ်ခြံရှေ့၌ ဇွန်လ ၁ ရက်နေ့ က သွားရောက် စောင့်ဆိုင်းနေခဲ့ကြောင်း မျက်မြင်တွေ့ရှိသူများက ပြောကြားသည်။

ရခိုင်ပြည်နယ်ရှိ ဘူးသီးတောင်နှင့် မောင်တောမြို့တို့တွင် ဘင်္ဂါလီမိသားစု တစ်စုလျှင် ကလေးနှစ်ဦး သာမွေးဖွား ရန် ကန့်သတ်ချက်ကို အမျိုးသားဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က ယ ခုလို ခွဲခြားဆက်ဆံမှုမျိုး ထားရှိခြင်းသည် မသင့်လျော်ကြောင်း၊ ယင်းသည် လူ့အခွင့်အရေးနှင့် လည်း ကိုက်ညီမှု မရှိကြောင်း ပြောကြားခဲ့သည်။

ယင်းပြောကြားချက်အပေါ် မကျေနပ်၍ ရန်ကုန်မြို့ရှိ ရခိုင်လူငယ်များက ဒေါ်အောင်ဆန်းစုကြည် ခြံရှေ့ တွင် ဆန္ဒ ထုတ်ဖော်မည်ဟု ကောလာဟလသတင်း ထွက်ပေါ်လာခဲ့သည်။

ဦးဇော်အေးမောင်က ဒေါ်အောင်ဆန်းစုကြည် ခြံရှေ့တွင် မီဒီယာသမား များနှင့် တွေ့ဆုံစဉ် “ကျွန်တော့် အနေနဲ့ ရခိုင်နဲ့ ပတ်သက်တဲ့ ဘုန်းကြီးပဲလာလာ၊ ရခိုင် လူငယ်ပဲလာလာ ပြန်လွှတ်ဖို့ လာစောင့်နေတာ။ ဒါက သူ့ အမြင်ကိုယ့် အမြင် ပြောကြတာပဲဖြစ်တယ်” ဟု ၎င်းက ပြောကြားသည်။

ဒေါ်အောင်ဆန်းစုကြည်၏ ပြောဆိုမှုအပေါ် ရခိုင်လူငယ်များက မကြိုက်နှစ်သက်ကြောင်း၊ လုံးဝ ကန့် ကွက်ကြောင်း ဖြစ်နိုင်လျှင် ဆန္ဒထုတ်ဖော်ချင်ကြောင်း၊ ဘင်္ဂါလီများ အဆိုပါ မွေးဖွားနှုန်းတိုင်း မွေးဖွားပါက ဆယ်စုနှစ် တစ်စုကြာလျှင် ရခိုင်ပြည်နယ်သည် ဘင်္ဂါလီပြည်နယ် ဖြစ်သွားမည် ဖြစ်ကြောင်း ဒေါ်အောင်ဆန်း စုကြည် ခြံရှေ့ ရောက်ရှိနေသော ရခိုင်လူငယ် တစ်ဦးဖြစ်သည့် ကိုစစ်ငြိမ်းကဆိုသည်။

The Voice Weekly

ဆက်ဖတ်ရန်>>>>

“မြေမြို၍ လူမျိုးမပျောက် လူမျို၍ လူမျိုးပျောက်” ဆိုသည့်စကား ဒေါ်အောင်ဆန်းစုကြည် သိစေချင်သည်

ဒကာမကြီး အောင်ဆန်းစုကြည်- ဦးပဉ္ဖင်းကတော့ ဘုန်းကြီးတစ်ပါးမို့ ..ပြောရမယ်ဆိုရင် ဒကာမကြီးရဲ့ လုပ် ရပ်တွေ ကို အကောင်းမြင်စိတ်နဲ့ ထောက်ခံလာတဲ့သူမို့ ဒကာမကြီးအတွက် အကျိုးရှိစေဖို့ ပြောဆို သွားမှာဖြစ် ပါတယ်။ ယခုတလော ဒကာမကြီးအပေါ်လူကြိုက်နည်းလာတာနဲ့ပတ်သက်လို့ ဘယ်ကစပြောရ မလဲ ဆိုရင် ဘုန်းကြီးဝီရသူပြောတဲ့ ခွပ်ဒေါင်းကနေ မွတ်ဒေါင်း ဖြစ်သွားပြီဆိုတဲ့အကြောင်းကိုပဲ အခြေခံ ပါ့မယ်။ အမျိုးသား ဒီမိုကရေစီအဖွဲ့ချုပ်မှာ ၇၈၆ တွေကို နေရာပေး လိုက်ကတည်းကဘုန်းကြီးတို့ လောက မှာလဲ လှုပ် လှုပ်ရွရွ တော်တော်ဖြစ်သွားပါတယ်။

 ဒီလိုမျိုး ဘုန်းကြီးဝီရသူကထောက်ပြလိုက်တော့ ပိုဆိုး သွားတာပေါ့။ ဒါပေမယ့် ဦးဇင်း တို့ကတော့ ဒကာ မကြီး ကို ထောက်ခံ ဆဲပါပဲ။ ဘာဖြစ်လို့လဲဆိုတော့ ဗိုလ်ချုပ်သမီး  ဖြစ်နေလို့ပါပဲ။ ရခိုင်ပြည်နယ် မှာက နေရာတော်တော် များများမှာ မွတ်ဆလင်တွေရှိနေပါ တယ်။ အများဆုံးကတော့ ဘူးသီးတောင်၊  မောင်တောပေါ့၊ အဲဒီမှာက ကုလား ၉၄ ယောက်ဆိုရင် ရခိုင် ၆ ယောက်ပဲရှိပါတယ်။ လူများစုက ကုလား တွေ(ဘဂါင်္ လီတွေ)ဖြစ်ပါတယ်။ သူတို့ရဲ့ လူဦးရေတိုးပွားနှုန်း ဟာ အလွန်တရာကြောက်စရာကောင်းတဲ့ အနေ အထား ပါ။ ကဲ.. ဒကာမကြီးလဲသိပါတယ်။ ဘင်္ဂလားဒေ့ရှ် ဆိုရင် သူ့အကျယ်အ၀န်းက ရှမ်းပြည်နယ်လောက် ပဲရှိတယ်။ သူ့လူဦးရေက သန်း(၁၆၀)ကျော်ရှိတယ်။

ဒီလောက်ကျယ်တဲ့ဗမာပြည်မှာတောင် လူဦးရေသန်း(၆၀)ပဲရှိပါတယ်။ ကွာခြားချက်ကိုနှိုင်း ယှဉ်ပြ တာနော်..။ မွတ်ဆလင်တွေ အကြောင်း ဒကာမကြီးက ဦးပဉ္ဖင်းတို့ထက်ပိုသိမှာပါ။ ဦးဇင်းတို့သိတာက ဒကာ မကြီးကို မမှီပါဘူး။ မွတ်ဆလင်တွေဟာ သူတို့ရဲ့ အစ္စလာမ်ဥပဒေအရ ယောင်္ကျားတစ်ဦးဟာ တရား ၀င် မိန်းမ(၄)ယောက် ယူလို့ရတယ်။ ကလေးတွေ ကြိုက်သလောက် မွေးကြတယ်။ ရခိုင်ပြည်နယ်မှာ မွတ်ဆလင် အိမ်ထောင်တစ်စုမှာ အိမ်ထောင်ဦးစီးယောက်ျား ၁ဦး၊ မိန်းမ ၄ဦး၊ မိန်းမ တစ်ယောက်ကို ကလေး ၁၀ ယောက်လောက်မွေး တယ်။ မိသားစု တစ်စုကို အနည်းဆုံး ကလေး(၄၀)ယောက်ရှိတယ်။

တစ်ချို့ဆို မိသားစုတစ်စုထဲမှာ လူဦးရေ ၇၀ ကျော်တဲ့ အိမ်တွေရှိတယ်။  တစ်ချို့ ကုလားတွေဆို ကလေးတွေ များလွန်းလို့ ကိုယ့်သား သမီးတောင် ကိုယ် မမှတ်မိ တဲ့သူ ရှိတယ်။ လွန်ခဲ့တဲ့ (၅)နှစ်က ရခိုင် က အမ်းမြို့လေးမှာ လူဦးရေ ၅၀၀၀ ပတ်ဝန်းကျင်လောက်ပဲရှိတယ်။ အခုလို ဘင်္ဂါလီတွေမွေးနှုန်းနဲ့ တစ်မိသားစု ကို လူ (၅၀)၊ မိသားစု (၁၀၀)ဆိုရင် လူ (၅၀၀၀)၊ မိသားစု (၁၀၀)နဲ့တင် မြို့ငယ်လေး တစ်မြို့ လို လူတွေများ လာမယ်။ အဲဒီလိုမိသားစုတွေ ရခိုင်မှာ အများကြီး။မောင်တောတစ်မြို့ထဲပဲ ကြည့်ဦး။ လွန်ခဲ့ တဲ့ (၁၀)နှစ်လောက်က ဘင်္ဂါလီ (၃၀၀၀၀)လောက်ရှိတဲ့မြို့ဟာ အခု ၇၀၀၀၀၀ (ခုနစ်သိန်း) ကျော်နေပြီ။ ကလေး (၂)ယောက်အမိန့် ဆိုတာကလည်း အရင်ကတည်းက ထုတ်ထားတဲ့အမိန့်၊ ဒါတောင် အခု တရား မ၀င်ကလေး (၆၀၀၀၀)ကျော် ရှိတယ်တဲ့။ မွေးချင်သလောက်သာ မွေးခိုင်းလိုက်လို့ကတော့ မတွေးရဲစရာပဲ။ ဒါက ရခိုင် စုံစမ်းရေး ကော်မရှင်မှာပါတဲ့ ဒေါက်တာတွေပြောတဲ့စကား။ သူတို့လဲ မဟုတ်ဘဲ နဲ့တော့ လက်လွတ် စပယ် မပြောပါဘူး။ ဒကာမကြီး- ဒကာမကြီးသာ ကလေး နှစ်ယောက်မွေးတာ၊ ဘင်္ဂါလီ အားလုံး က ရသလောက် မွေးနေကြတာကို ဒကာမကြီး သိမှာပါ။ ဒကာမကြီးသာ အင်္ဂလိပ်ကြီးနဲ့မဟုတ်ဘဲ ဘင်္ဂါလီ ကုလားနဲ့ သာရကြည့် ကလေး (၁၀)ယောက် လောက် မွေးရမှာပဲ။ “မြေမြိုလို့ လူမျိုး မပျောက်၊ လူမြိုမှ လူမျိုးပျော က်မယ်” ဆိုတဲ့စကား ဒကာမကြီး ကြားဖူးမှာပါ။

ဒါကြောင့်လဲ ဒေသဆိုင်ရာအုပ်ချုပ်ရေးအဖွဲ့တွေက မွတ်ဆလင်မိန်းမတစ်ယောက်ကို ကလေး၂ ယောက်ပဲ ယူဖို့ သတ်မှ တ်တယ်။ ကုလားတစ်ယောက်ကို မိန်းမတစ်ယောက်ပဲယူဖို့ သတ်မှတ်တယ်။ ဒါဟာမြန်မာ့ ဓလေ့နဲ့ ညီညွတ် သလို ဒေသအခြေအနေအရ လူဦးရေအရ၀ါးမြိုခြင်းကို ကာကွယ်တာဖြစ်ပါတယ်။ ဒီလိုမျိုး အမိန့် ထုတ်ထား တာကို ဒကာမကြီးအနေနဲ့ လူ့အခွင့်အရေးနဲ့မညီတာတို့၊ ကုလားတွေအပေါ် ခွဲခြား မဆက် ဆံသင့်ပါဘူးတို့ဆိုတဲ့စကားပြောလိုက်တော့…အရပ်စကားနဲ့ပြောရရင်ဒကာမကြီး တော်တော်အောက် သွားတယ်။ ဦးဇင်းက ဒကာမကြီးဘက်ကနာလို့ပြောနေတာပါ။

ဒကာမကြီးစဉ်းစားကြည့်လေ…. သူတို့ ကုလားပြည်မှာ  တစ်ခြားနိုင်ငံက သူတွေသွားနေလို့ရသလား၊ ဗုဒ္ဓဘာ သာတွေနေ လို့ရသလား။ တစ်ခြားကို မပြောပါဘူး။ အာဖဂန် နစ္စတန်နိုင်ငံမှာ အစဉ် အဆက် ရှိနေတဲ့ ကျောက်တောင်မှာ ထွင်းထုထားတဲ့ ဗုဒ္ဓရုပ်ပွားတော်ကို ဖျက်ဆီးပစ်ခဲ့တာ ဒကာမကြီး အသိပါ ပဲလေ။ ဒီလောက်ဆိုးသွမ်းလှတဲ့ လူရိုင်းကုလားတွေကို ဒီလောက်အသေးအမွှားစည်းကမ်းလေး ထုတ်တာ ကို ဒကာမကြီးက ဘာလို့ဝင်ပြီး နာနေရတာလဲ။ သူတို့အတွက် နာလို့ပြောတာလို့ပဲ လူတွေနားလည် နေကြ တယ်။ ဦးဇင်းတို့ကတော့ ဒကာမကြီးမှာ အတိတ်က ဘယ်လိုအမည်းစက်တွေပဲရှိရှိ ဗိုလ်ချုပ်အောင်ဆန်း သမီး ဆိုတဲ့ အမြင်နဲ့ပဲ ရှုမြင်ပြီး ချစ်ခင်လေးစားပါတယ်။ ဦးဇင်းတို့တိုင်းပြည်ကို ကျွန်ပြုခဲ့တာ အင်္ဂလိပ်၊ ဗိုလ်ချုပ် ကို လုပ်ကြံ စေ ခိုင်းခဲ့တာအင်္ဂလိပ်၊ ဒကာမကြီးယူလိုက်တာက အင်္ဂလိပ်။ ဦးဇင်းတို့အခေါ်တော့ ကုလားဖြူပေါ့ ဒကာ မကြီး ရယ်။ ဦးဇင်းကတော့ ရှင်းရှင်းပဲပြောချင်တယ် ဒကာမကြီးရယ်။ ကုလားဖြူ ကိုချစ်ရင်ချစ်ပါ။ ကုလား မဲတွေကိုတော့ မချစ်လိုက်ပါနဲ့ ။

 မြန်မာပြည်မှာနေရင်တော့ မြန်မာစည်းကမ်းအတိုင်းသူတို့နေပါစေ။ မိတ္ထီလာ၊ ဥက္ကံ၊ လားရှိုးနဲ့ အခြားနေ ရာတွေ မှာ ဖြစ်ပျက်နေတဲ့ ပြဿနာတွေအားလုံးဟာ မွတ်ဆလင် ကုလားတွေကစလို့ဖြစ်ပေါ်လာတဲ့ ပဋိပက္ခတွေ ချည်းပါပဲ။ ဒီလောက်ဆိုးသွမ်းလှတဲ့ မွတ်ဆလင်ကုလားတွေ ကို ဒကာမကြီးသွားပြီး မြှောက်မပေးပါနဲ့။ ဒကာမကြီးအပေါ်မှာ မြန်မာပြည်က တိုင်းရင်းသားပြည်သူတွေ မုန်းတီး နာကျည်း သွားမှာကို ဦးဇင်း မလိုလားလို့ ပြောနေတာဖြစ်ပါတယ်။

ဦးနန္ဒမာဂိန္ဒ

ဂျစ်ဘက်ဘုန်းတော်ကြီးကျောင်း၊ စစ်တွေ

ဆက်ဖတ်ရန်>>>>

ကေအိုင်အို ငြိမ်းချမ်းရေး ကိုယ်စားလှယ် အဖွဲ့များ၏ လိုင်ဇာသို့ အပြန်လမ်းတွင် ရှမ်းတိုင်းရင်းသားများ ဆန္ဒပြ

ဆန္ဒပြနေကြသော ရှမ်းတိုင်းရင်းသား အချို့ (ဓာတ်ပုံ -ထွန်းလင်းအောင်)

ကေအိုင်အို/ကေအိုင်အေမှ ငြိမ်းချမ်းရေး ကိုယ်စားလှယ် အဖွဲ့များ လိုင်ဇာဌာနချုပ်သို့ အပြန်လမ်းတွင် ရှမ်းတိုင်းရင်းသားများ ၂၀၀ ၀န်းကျင်ခန့်က ၀ိုင်းမော်မြို့တွင် ၎င်းတို့၏ ဆန္ဒကို ထုတ်ဖော်ခဲ့ကြောင်း သတင်းရရှိသည်။

ရှမ်းတိုင်းရင်းသားများသည် ရိုးရာဝတ်စုံများ ၀တ်ဆင်၍ "ငြိမ်းချမ်းရေးအဖွဲ့ ကျန်းမာပါစေ၊ အပစ်အခတ် ရပ်စဲရေး အမြန်လက်မှတ် ရေးထိုးပါ၊ ဖမ်းဆီး ခံထားရသော တိုင်းရင်းသားများကို ပြန်လွှတ်ပေးပါ။ ကချင်ပြည်နယ် အတွင်းရှိ ရှမ်းမျိုးနွယ်စုများအား ပေါ်တာဆွဲခြင်း၊ စစ်သားအဖြစ် စုဆောင်းခြင်းမှ ရပ်တန့်ပါ၊ အကြောက်တရားကင်းစွာ လယ်လုပ်ခွင့်ပြုပါ၊ စိုက်ပျိုးမြေများတွင် ထောင်ထားသော မိုင်းများကို ပြန်ဖော်ပေးပါ" စသည့် ဆိုင်းဘုတ်များ ကိုင်ဆောင်၍ ဆန္ဒထုတ်ဖော်ခဲ့ခြင်း ဖြစ်ကြောင်း သိရသည်။

ငြိမ်းချမ်းရေးအဖွဲ့ ကျန်းမာပါစေ၊ အပစ်အခတ် ရပ်စဲရေး အမြန်လက်မှတ် ရေးထိုးပါ၊ ဖမ်းဆီး ခံထားရသော တိုင်းရင်းသားများကို ပြန်လွှတ်ပေးပါ။ ကချင်ပြည်နယ် အတွင်းရှိ ရှမ်းမျိုးနွယ်စုများအား ပေါ်တာဆွဲခြင်း၊ စစ်သား အဖြစ် စုဆောင်းခြင်းမှ ရပ်တန့်ပါ၊ အကြောက်တရားကင်းစွာ လယ်လုပ်ခွင့်ပြုပါ၊ စိုက်ပျိုးမြေ များ တွင် ထောင်ထားသော မိုင်းများကို ပြန်ဖော်ပေးပါ . . . . .

"၁၉၉၄ ခုနှစ် ဟိုဘက်တုန်းက စစ်သားတွေက ပေါ်တာဆွဲတယ်။ ကေအိုင်အေက အတင်းအဓမ္မ စစ်သား လုပ်ခိုင်းတယ်။ အခွန်ကောက်တယ်။ ၂၀၁၁ ခုနှစ် ဒီဘက်ပိုင်းကျတော့ စစ်သားတွေက ဒါမျိုးလုပ်တာ မတွေ့ ရဘူး။ ကေအိုင်အေကတော့ အခု အချိန်မှာလည်း အခွန်ကောက်တုန်း စစ်သားစုဆောင်းတုန်း ရှိသေး တယ်။ ကျွန်တော်တို့ကတော့ ဘယ်သူ့ကိုမှ မမုန်းပါဘူး။ ကျွန်တော်တို့ကို နှိပ်စက်တဲ့ ဘယ်လက် နက်ကိုင် အဖွဲ့အစည်းမှ လက်ခံမှာ မဟုတ်ဘူး" ဟု ခတ်ချိုရွာမှ အသက် ၆၀ ကျော်အရွယ် ဦးစိုင်း တင်လှိုင်က ဆိုသည်။

၎င်းဆန္ဒပြမှုကို တွေ့မြင်သွားသော ဗိုလ်ချုပ်ဂွမ်မော်အား ဆက်သွယ်မေးမြန်းခဲ့ရာ "အားလုံးညှိနှိုင်းပြီး လုပ်သွား မှာပါ။ ဖမ်းဆီးခံထားရတဲ့ တိုင်းရင်းသားတွေနဲ့ ပတ်သက်ပြီး အစီအစဉ် ရှိပါတယ်။ (အပစ်အခတ် ရပ်စဲရေးနှင့် ပတ်သက်ပြီး) ဒါကို တောင်းဆိုနေတာ ကြာပါပြီ။ အစိုးရနှင့် ကေအိုင်အို ဆက်ညှိသွားမှာပါ။ ရှမ်းတိုင်းရင်း သားနဲ့ ကချင်တိုင်းရင်းသားတွေဟာ အရင်ကတည်းက အတူနေခဲ့ကြတာပါ။

ကျွန်တော်တို့ဆီမှာ ရှမ်းတိုင်းရင်းသားနဲ့ ကချင်တိုင်းရင်းသား အတူတကွ နေထိုင်ရေးမူ ပေါ်လစီ ရှိပါတယ်။ (နောက်ဆုံးအနေနဲ့ ပြောချင်တာကတော့) ကချင်နဲ့ ရှမ်းတိုင်းရင်းသား ချစ်ကြည်ရေး အမြဲတမ်း တည်တံ့ခိုင်မြဲမှာပါ" ဟု အပြန်ခရီးစဉ်အတွင်း ပြောကြားခဲ့သည်။

ကချင်ပြည်နယ် အတွင်းနေ ရှမ်းတိုင်းရင်းသားများက ငြိမ်းချမ်းရေး ဆွေးနွေးပွဲအတွင်း ၎င်းတို့၏ ဆန္ဒများကို ဆွေးနွေးခွင့် မရခဲ့သည့်အတွက် ကျေနပ်မှု မရှိကြောင်း ထုတ်ဖော်ပြောကြားခဲ့သည်။

From: Eleven

ဆက်ဖတ်ရန်>>>>

လမ်းမတော်မြို့နယ် ၀ါးတန်းဇက်ဆိပ်တွင် ဟိုင်းလပ်ကားတစ်စီး ဇက်ပေါ်မှ မြစ်ထဲသို့ ပြုတ်ကျ

ရန်ကုန်မြစ်အတွင်း ပြုတ်ကျခဲ့သော ဟိုင်းလပ်ယာဉ်ကို ဇွန် ၁ ရက် ည ၁၁ နာရီခန့်က ပြန်လည် ဆယ် ယူနေ စဉ် (ဓာတ်ပုံ- ဝေလင်းအောင်)

လမ်းမတော်မြို့နယ် ၀ါးတန်း ဇက်ဆိပ်တွင် ဟိုင်းလပ်ကားတစ်စီး RORO III ဇက်ပေါ်မှ မြစ်ထဲသို့ ပြုတ် ကျသွား ခဲ့ကြောင်း သိရသည်။ ဖြစ်စဉ်မှာ ဇွန် ၁ ရက် မွန်းလွဲ ၂ နာရီတွင် လမ်းမတော်မြို့နယ် ၀ါးတန်း ဇက် ဆိပ်တွင်  ကိုသက်နိုင် မောင်းနှင်သော ဟိုင်းလပ် ၃ခ/.... အစိမ်းရောင် ယာဉ်သည် RORO III ဇက်ပေါ် သို့ မောင်းတက်ခဲ့ပြီး ရပ်ထားခဲ့ရာမှ မြစ်ထဲသို့ ပြုတ်ကျသွားခဲ့ကြောင်း သိရသည်။

"အယ်ဒီ ဟိုင်းလပ်ကားက ပထမဆုံး ဇက်ပေါ်သို့ အရင်စတက်သွားပြီး အရှေ့ဆုံးမှာ ရပ်ထားတယ်။ နောက်ကားတွေ ဆက်တက်တဲ့ အခါမှာ တက်တဲ့အရှိန်ကြောင့် ဇက်ကလှုပ်ပြီး ဂျမ်းတုံးကိုကျော်၍ ရေထဲကို ကျသွား တာပါ။ ကားပေါ်မှာတော့ လူတစ်ယောက် ပါသွားတယ်။ နောက်ပြီး ခဏအကြာမှာတော့ အယ်ဒီ လူက ရေကူးပြီး အပေါ်ကို ပြန်တက်လာတာ တွေ့ပါတယ်" ဟု ဖြစ်စဉ်ကို မျက်မြင်တွေ့ရှိသူ ကိုဆွေဦးက ဆို သည်။

ပြုတ်ကျသွားသည့် ယာဉ်ပိုင်ရှင် ဦးသက်နိုင်က "ကျွန်တော်က ကော့မှူးကို ပြန်မှာပါ။ ဇက်ပေါ်ရောက်တော့ ကျွန်တော် ကားကို ဂီယာထိုးပြီး ဂျမ်းတုံးခုထားတယ်။ နောက်ကားတွေ တက်တော့ ဇက်လှုပ်ပြီး ဂျမ်း တုံးကျော် ကာ ပြုတ်သွားတာပါ" ဟု ဆိုသည်။

ဝါးတန်းဇက်ဆိပ်တွင် တစ်နေ့လျှင် ဇက်နှစ်စီးဖြင့် ကားများကို ပို့ဆောင်ပေးနေပြီး ဇက်တစ်စီးပေါ်တွင် ကား အစီးရေ ၂၅ စီးခန့် ဆံ့ကြောင်း RORO III ဇက်ပေါ်မှ စက်ပိုင်းဆိုင်ရာ တာဝန်ခံ ဦးမြင့်နိုင်က ပြောကြား ခဲ့သည်။

From: Eleven

ဆက်ဖတ်ရန်>>>>

လူ့အခွင့်အရေးကို OIC နိုင်ငံတွေဆီမှာ သွားတောင်းပါလို့ လူငယ်တစ်ဦး ဒေါ်စုအိမ်ရှေ့မှာ ပြော

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်အနေနဲ့ မွတ်ဆလင်တွေဘက်လိုက်ပြီး လူ့အခွင့် အရေး အကြောင်း ပြောနေမယ့်အစား OIC နိုင်ငံတွေမှာ လူ့အခွင့်အရေးသွားတောင်းပါလို့ ဇွန်လ ၁ရက်နေ့ မှာ လူငယ်တစ်ယောက်က ဝေဖန်ပြောဆိုလိုက်ပါတယ်။

Kamayut Media

ဆက်ဖတ်ရန်>>>>

နာမည်ကျော် တေးရေးဆရာ ကေအေတီ နှလုံးသွေးကြောကျဉ်း ဝေဒနာဖြင့် ကွယ်လွန်

မြန်မာပြည်ရဲ့ ထင်ရှားတဲ့ တေးရေးဆရာ ကေအေတီ (ခ) ဦးကျော်အောင်သစ်ဟာ ဇွန်လ ၁ရက်နေ့က ရန်ကုန်မြို့ သျှင်ပါဂူဆေးရုံမှာ နှလုံးသွေးကြောကျဉ်းတဲ့ ဝေဒနာနဲ့ ကွယ်လွန်သွားခဲ့ပါတယ်။

Kamayut Media

ဆက်ဖတ်ရန်>>>>

ဝါဆိုမိုးဦးရဲ့ ဓါတ်ပုံ Album

ဆက်ဖတ်ရန်>>>>

မီးရောင်အောက်က အကြွေပန်းလေးများ ဘ၀အကြောင်း

ဆင်းရဲမွဲတေနေတဲ့ လက်တင်အမေရိက ကလေးငယ် သုံးဆယ့်ငါးသန်းအတွက် ရှာကီရာဟာ
သူမရဲ့လုံး ၀န်းတဲ့ တင်ပါး အိအိတွေကို ဝှေ့ရမ်းလှုပ်ခါပြစ်လိုက်တယ်
အင်ဂျလီနာဂျိုလီ လှစ်ဟပြလိုက်တဲ့ ည၀တ်အင်္ကျီထဲကပန်းနုရောင်ပေါင်တံတွေဟာ
အဟာရချို့တဲ့နေတဲ့ အာဖရိက ဒုက္ခသည်တွေဆီ တဖွဲဖွဲဝင်လာမယ့် ရံပုံငွေတွေပဲ
ကဲ . . . ဘာထူးလို့လဲ ကျွန်မမောင်လေး နောက်နှစ်ကျောင်းဆက်ထားနိုင်ဖို့
သိုးစော်နံနေတဲ့ အဲ့ဒီအဆီတစ်ထပ် အသားတစ်ထပ် ခန္ဒာကိုယ်ကြီးတွေကို ကျွန်မအခုနိုပ်ပေးနေရတယ်
ကျွန်မအမေမြန်မြန်နေပြန်ကောင်းလာအောင်လို့ ကျွန်မစကပ်တွေ တဖြည်းဖြည်းတိုတိုလာရတယ်
တစ်လတစ်လ အလျှင်မီအောင် အိမ်စရိတ်ထောက်ဖို့အရေး ရှင့်ကိုအကြင်နာတွေပေးပေးနေရတယ်
ကောင်းရောင်းကောင်းဝယ် . . . ဟုတ်တယ်ဟုတ် . . ကျွန်မတို့အထည်တွေ မချုပ်ကြတော့ဘူး
စက်ရုံတွေပိတ်သွားပြီ ကျွန်မတို့ပန်းရံလည်းမလုပ်နိုင်ကြဘူးလေ
ခွန်အားနဲ့အတက်ပညာတွေ ဈေးပေါနေတဲ့ ခေတ်ကြီးထဲမှာ ဈေးကောင်းရတာပဲ
ကျွန်မတို့ရောင်းစားလိုက်ကြတော့တယ်
ကျွန်မနာမည်လား . . အမေပေးခဲ့တာတောင်မေ့တေ့တေ့ရယ်
ကျွန်မနာမည် ကြယ်စင် . ကျွန်မနာမည် နံနက်ခင်း . ကျွန်မနာမည် တာရာ . ကျွန်မနာမည် အလင်္ကာ
ဟုတ်တယ်လေ ကျွန်မတို့မတည်မြဲကြဘူး
ကျွန်မတို့ဟာ လျှပ်စီးကြောင်းနဲ့ ပတ်ကြားအက်နေတဲ့ မိုးတိမ်တွေပဲ
ကွက်ကျားမိုးတွေ ဖွံ့ဖြိုးတိုးတက်လာချိန်မှာ ဘွားကနဲ ပေါက်ရောက်လာတဲ့ မိုးဦးမှိုပွင့်တွေပဲ
စီးဆင်းနေတဲ့ငွေကြေး စာရင်ဇယားတွေဘေးမှာ ကွေးညွှတ်နေတဲ့ မြစ်ကျိုးအင်းတွေပဲ
လျှော်ဖွတ်ပြီး မီးပူတိုက်ထားတဲ့ ဘေထုတ်ထည်ကိုကြည့်သလို ရှင်ကျွန်မကိုမကြည့်ပါနဲ့
ရှင့်စကားနဲ့ ကျွန်မကိုအဖျားခတ်လိုက်ပုံက ကျွန်မတို့ကပဲ
သူများအိမ်ထောင်ရေးတွေပေါ် လမ်းကြိတ်စက်တက်မောင်းနေသလိုလို
ကျွန်မတို့ကပဲ သူများမိသားစုတွေကို ကူးတို့ဆိပ်မှာ မှို့အိတ်ဖွင့်နေသလိုလို
ကျွန်မတို့ကပဲ ရှင်တို့ရဲ့ တိတ်ဆိတ်နေတဲ့ ယဉ်ကျေးမှု့စာမျက်နှာတွေကို ပလုပ်တုတ်ခေါက်နေသလိုလို
အချစ်တဲ့ . . . ရှင်လေချဉ်တက်လိုက်သလား ဘီယာစော်နံလိုက်တာ
ဟုတ်ပါတယ် ဟုတ်ပါတယ် ကျွန်မတို့အလုပ်က သဒ္ဒါစည်းမျဉ်းစည်းကမ်းနဲ့ မကိုက်ညီပါဘူး
ကျွန်မတို့ဘ၀တွေကလည်း ၀ါကျတည်ဆောက်ပုံမမှန်ကန်ပါဘူး
ဒါပေမယ့် . . ဒါဟာ အမှောင်နဲ့ ချိန်တွယ်ရတဲ့ ၀န်ဆောင်မှုပါရှင်
"အမ္ဗပါလီ" အစ "မော်နီကာဗယ်လူချီ" အဆုံး ကျွန်မတို့အားလုံးဟာ
ရှင်တို့ယောင်္ကျားတွေရဲ့ လျှို့ဝှက်တဲ့စက်ရုံမှာ အချိန်ပိုဆင်းရတဲ့ ခွေးသွားစိတ် တွေပါပဲ
တကယ်တော့ ကမ္ဘာကြီးပူနွေးလာရတာလည်း ကျွန်မတို့နဲ့ မဆိုင်ပါဘူး
အိုစမာဘင်လာဒင် သေဆုံးသွားတာလည်း ကျွန်မတို့နဲ့ တခြားစီ
ဒေါ်လာဈေး ကမောက်ကမ ဖြစ်အောင်ကျွန်မတို့တစ်ခါမှ မလုပ်ခဲ့ဖူးဘူး
ကျွန်မတို့ကို ရေးကြီးခွင်ကျယ် ကဗျာစပ်မနေပါနဲ့ ရှင်ရယ်
ဘောစိနော် ဘော်ကယ်ကြေးလေး တစ်ပဲခြောက်ပြားနဲ့ ရှင်ကျွန်မကို ဒီအတိုင်းပြစ်မထားခဲ့နဲ့ဦး
အိုခေ . . . ဒီငယ်ကျွမ်းဆွေ တစ်ပုဒ်ဆိုပြီးသွားရင် တစ်ဆက်ရှင် စာအချိန်စေ့ပြီ
နောက်တစ်ခါလည်း ကျွန်မတို့ဆီကို ဒီလို ဆင်တွေတအုပ်ကြီးနဲ့ လာရောက်အားပေးနိုင်ပါစေ
သင့်(ခ်)ယူ . . . ဘိုင့်ဘိုင့် . . . ဆီးယူ . . . ဖလိုင်းကစ်(စ်)။ ။

မောင်ရှင်စော

ရတီမဂ္ဂဇင်း
2012

[ဆင်းရဲစွာ ရုန်းကန်ရသော မြန်မာ မိန်းခလေးများဘဝကို စာနာနားလည်နိုင်ကြပါစေ]

From:Myanmar Journal

ဆက်ဖတ်ရန်>>>>

ရခိုင်ပြည်နယ် NLD ပါတီများက ဒေါ်အောင်ဆန်းစုကြည် နှင့် ဗဟို ကို ဆန့်ကျင်ပြီ

ရခိုင်ပြည်နယ် စစ်တွေ၊ ပုဏ္ဏားကျွန်း၊ ပေါက်တော၊ ကျောက်တော်၊ မြောက်ဦး၊ ရသေ့တောင်၊ မင်းပြား၊ မြေပုံ မြို့နယ်ပါတီများမှ ပါတီဥက္ကဌ ဒေါ်အောင်ဆန်း စုကြည်၏ ကန့်ကွက်မှုကို ဆန့်ကျင်ပြီး အစိုးရနှင့် သဘေားထား ထပ်တူ ထပ်မျှရှိကြောင်း၊ NLD ဥက္ကဌ ဒေါ်အောင်ဆန်းစုကြည် နှင့် သဘောထား မကိုက်ညီကြောင်း ရန်ကုန် NLD ဗဟိုသို့ ကြေညာချက် ပေးပို့ခဲ့ပါတယ်။

Black Angle

ဆက်ဖတ်ရန်>>>>

တမိသားစု ကလေး ၂ ဦးယူ ပေါ်လစီနဲ့ ဆေးပညာရှုထောင့်အမြင်

ဗူးသီးတောင်၊ မောင်တောဒေသရှိ ရိုဟင်ဂျာ မူဆလင်တွေ အပေါ် မိသားစုတစ်စု ကလေးနှစ်ယောက်သာ ယူခွင့်ရှိတဲ့ ဒေသန္တရ အမိန့်ဟာ ခွဲခြား ဆက်ဆံရာ ရောက်တယ် ဆိုပြီး လူ့အခွင့်အရေးအဖွဲ့တွေ အပါအ၀င် အမေရိကန် အစိုးရနဲ့ ကုလသမဂ္ဂကပါ ပြစ်တင်ဝေဖန်လာကြပါတယ်။ ကနေဒါ အခြေစိုက် လူ့အခွင့်အရေးနဲ့ ကျန်းမာရေး ဘာသာရပ်မှာ အထူးပြု လေ့လာခဲ့တဲ့ ဆေးပညာရှင်တစ်ဦးကတော့ ဒါဟာ ဒုက္ခရောက်နေတဲ့ အမျိုးသမီးတွေရဲ့ အခွင့်အရေးကို အခြေအနေအရ ကာကွယ်စောင့်ရှောက်ပေးရာ ရောက်တယ်လို့ ရှုမြင်ပါတယ်။ ဒါနဲ့ပတ်သက်ပြီး ဒေါက်တာ ဒေါ်ခင်စောဝင်း ကို ဒီသီတင်းပတ်ရဲ့ အမျိုးသမီးကဏ္ဍမှာ ဒေါ်လှလှသန်း က ဆက်သွယ်မေးမြန်းထားပါတယ်။



From: VOA

ဆက်ဖတ်ရန်>>>>

လူတစ်ပိုင်း၊ခွေးတစ်ပိုင်း ဖြစ်ရသည့် ဘ၀ (ဗီဒီယို)

ဗုဒ္ဒဘာသာ အယူဝါဒ အရ ကံကံ၏ အကျိုးအတိုင်း ယခု လူ့ဘ၀၌ပင် လူတစ်ပိုင်း၊ ခွေးတစ်ပိုင်း ကဲ့သို့ ဘ၀ မျိုးဖြင့် လှည့်လည် တောင်းရမ်းနေသည့် ဗီဒီယို ဖြစ်ပါသည်။ သံဝေဂ ယူနိုင်ပါစေ။

ဆက်ဖတ်ရန်>>>>

KIO/ KIA ကိုမတရားအသင်းက ဖယ်ရှားမည်

သုံးရက်ကြာပြုလုပ်ခဲ့တဲ့ ကချင်ပြည်နယ် မြစ်ကြီးနားက ဆွေးနွေးပွဲအပြီး တစ်ရက်အကြာ ဒီကနေ့မှာ ပြည်ထောင် စုငြိမ်းချမ်းရေးဖော်ဆောင်ရေးအဖွဲ့ လုပ်ငန်းကော်မတီက ၀န်ကြီးဦးအောင်မင်းက ကချင် လွတ်မြောက်ရေး အဖွဲ့ ကေအိုင်အို ကို တစ်ပတ်အတွင်းမှာ မတရားအသင်း ကြေညာထားတာကနေ
ပယ်ဖျက်ပေးမယ်လို့ ပြောလာခဲ့တာပါ။ ၀န်ကြီးဦးအောင်မင်းက သူပြောတဲ့အတိုင်း တကယ်ပဲ ကေအိုင်အို ကို မတရားအသင်းကနေ ပယ်ဖျက်ပေးလိုက်ရင် ငြိမ်းချမ်းရေးအတွက် ယုံကြည်မှု တည်ဆောက်နေချိန်မှာ အများကြီး အားသာမှုတွေ ဖြစ်စေနိုင်တယ်လို့ ကေအိုင်အို ဥက္ကဋ္ဌဟောင်း တစ်ဦးက ပြောပါတယ်။ ဒီအကြောင်းကို ဆက်သွယ်မေးမြန်းထားတဲ့ ဗွီအိုအေမြန်မာပိုင်းသတင်ထောက် ကိုအောင်ရဲမောင်မောင်က တင်ပြထားပါတယ်။

မြစ်ကြီးနားက မနောကွင်းထဲမှာ သုံးရက်ကြာပြုလုပ်ခဲ့တဲ့ အစိုးရငြိမ်းချမ်းရေးအဖွဲ့နဲ့ ကေအိုင်အို တို့ တွေ့ဆုံအပြီး ၁ ရက်ကြာ ဒီကနေ့ မနက်အစောပိုင်းမှာပဲ ပြည်ထောင်စု ၀န်ကြီး ဦးအောင်မင်းက မြစ်ကြီးနား ဒုက္ခသည်စခန်းတစ်ခုကို ရောက်ရှိချိန်မှာ ကချင်လွတ်မြောက်ရေးအဖွဲ့နဲ့ ကချင်လွတ်မြောက်ရေး တပ်မတော်တို့ကို အာဏာပိုင်တွေဘက်က မတရားအသင်း သတ်မှတ်ထားတာကိ်ု တစ်ပတ်အတွင်း ပယ်ဖျက်နိုင်အောင် ဆောင်ရွက်ပေးမယ်လို့ ကတိပြုခဲ့တဲ့အကြောင်း သူနဲ့အတူ ဒုက္ခသည်စခန်းတွေကို သွားရောက်စဉ်မှာလိုက်ပါခဲ့တဲ့ ပြည်သူ့လွှတ်တော် ကိုယ်စားလှယ် ဒေါ်ဒွဲဘူက ပြောပါတယ်။

ကေအိုင်အို၊ ကေအိုင်အေကို မတရားအသင်းက ပယ်ဖျက်ပေးဖို့ လွှတ်တော်ထဲမှာရှိတဲ့ ကချင်ဘက်ကလွှတ်တော် ကိုယ်စားလှယ်တွေ က တောင်းဆိုပေးမှုတွေကို မကြခဏဆိုသလို တင်ပြခဲ့သလို၊ အခုအခါမှာ ၀န်ကြီး ဦးအောင်မင်းက မတရားအသင်းအမှုနဲ့ ဖမ်းဆီးထားတဲ့သူတွေကိုလည်း တစ်ပတ်အတွင်း ပြန်လွှတ်ပေးဖို့ကိုလည်း ပြောခဲ့တယ်လို့ သူမကပြောပါတယ်။

“ဖြစ်စေတဲ့အမှုတွေနဲ့ပတ်သက်ပြီးတော့၊ မတရားတဲ့အမှုတွေနဲ့ပတ်သက်ပြီးတော့ သူတို့အနေနဲ့ ဘာမှ ၀င်စွက်စရာ အကြောင်းမရှိဘူးပေါ့နော်။ ဒါပေမဲ့ အမိန့်ချပြီးတဲ့အခါမှာတော့၊ မတရားအသင်း ပယ်ဖျက်ပြီးတဲ့အခါမှာတော့ သူတို့အထဲမှာရှိတဲ့သူတွေကို တစ်ပတ်အတွင်း၊ ဒုက္ခသည်စခန်းကလည်း တစ်ယောက် ပါတာကိုး။ ပြန်ပို့ပေးမယ်လို့ ၀န်ကြီးက ပြောပါတယ်။ အဲဒီတော့ မတရားအသင်းတွေ ကြေညာထားတာကို ပယ်ဖျက်ကြောင်း ကြေညာပြီးတာနဲ့ ဒီစခန်းကို ပြန်ရောက်စေရမယ် ဆိုပြီးတော့ ပြောပါတယ်။ တစ်ပတ်အတွင်းလို့ ပြောပါတယ်။”

အခုလို ကေအိုင်အို ကေအိုင်အေ ကိုသာ မတရားအသင်းကနေ တကယ်ပယ်ဖျက်ပေး လိုက်ရင် အစိုးရနဲ့ ကေအိုင်အို အကြား နာလည်မှုတည်ဆောက်တဲ့ နေရာမှာ ပိုပြီးယုံကြည်မှုတွေ မြင့်တက် လာနိုင်တယ်လို့လည်း ကေအိုင်အေ ဥက္ကဋ္ဌဟောင်း ဒေါက်တာတူးဂျာ က ပြောပါတယ်။

“ဒီလိုပြောတာ အင်မတန်ကောင်းပါတယ်။ အခုဟာ ကျနော်တို့က ငြိမ်းချမ်းရေး ဆွေးနွေးပွဲကို ဦးတည်နေတဲ့အချိန်အခါ ဖြစ်တဲ့အတွက်ကြောင့် ယုံကြည်မှုတည်ဆောက်ရေးက အရေးကြီးနေတယ်။ မယုံကြည်မှုတွေ ပပျောက်ပြီးတော့မှ အချင်းချင်းယုံကြည်မှုရှိရှိနဲ့ စားပွဲဝိုင်းကို အတူတူ ချီတက်သွားပြီးတော့ နိုင်ငံရေးအရ ဆွေးနွေးဖို့ရှိတာကိုး။ ဒါကြောင့်မိုလို့ ဒီလိုပြောဆိုတဲ့ဥစ္စာက ကျနော်ကတော့ အတိုင်းထက်အလွန် ၀မ်းသာတာပေါ့။ ကချင်တွေက တနည်းနဲ့မဟုတ်တနည်းတော့ အမျိုးတွေဖြစ်နေကြတာကိုး။ အမျိုးတွေဖြစ်နေကြတော့ မြို့ပေါ်ကလူတွေနဲ့ တောကလူတွေ၊ အဖွဲ့အစည်းကလူတွေ ဆိုတာကလည်း နိုင်ငံရေးမပါပေါ့။ တော်လှန်ရေးသဘော အသွင်မဆောင်ဘဲနဲ့ လူမှုရေးအရ ဆက်သွယ်နေတာလည်း ရှိတာပဲ။ အဲဒါကို တခါတည်း ဟိုဘက်ကနေ အပြစ်ရှိတယ်ဆိုပြီးတော့ ဖမ်းဆီးထားတဲ့ သူတွေလည်း ဒုက္ခသည်စခန်းမှာလည်း ရှိတယ်လို့ သိရတယ်။ ဒါကြောင့်မိုလို့ ၀န်ကြီးက အဲဒီလို သဘောထားကြီးကြီး ပြောဆိုတယ်ဆိုတာကတော့ ဒါ အင်မတန်ကောင်းပါတယ်။ ဒါမှလည်း ဒုက္ခသည်စခန်းကလူတွေ လည်း နေရထိုင်ရတာ သူတို့ချောင်လည်မယ်လေ။ ပိုပြီး စိတ်ပျော်ကြမှာပေါ့။ မဟုတ်ရင် သံသယစိတ်တွေနဲ့ လွှမ်းမိုးထားလို့ရှိရင် သူတို့ နေရထိုင်ရတာ ပိုပြီးတော့ ကျပ်တည်းတယ်ဗျ။”

အာဏာပိုင်တွေဘက်က မတရားအသင်းလို့ သတ်မှတ်ထားတဲ့ ကေအိ်ုင်အို ကို
မတရားအသင်းက ပယ်ဖျက်လိုက်ရင် ကေအိုင်အေနဲ့ဆက်နွယ်မှု အပါအ၀င် မတရားအသင်းနဲ့ဆက်နွယ်မှုနဲ့ ထောင်ကျနေသူ အားလုံး ပြန်လွတ်လာနိုင် တယ်လို့ လည်း ကချင်အရေးလေ့လာသူတွေက သုံးသပ်နေကြတာပါ။

တိုင်းရင်းသားလက်နက်ကိုင် အင်အားစုတွေကို အရင်စစ်အစိုးရလက်ထက်က
မတရားအသင်း၊ တရားမ၀င်အသင်းလို့ သတ်မှတ်ပြီးတော့ သူတို့နဲ့ပတ်သက်ပြီး
နိုင်ငံရေးလုပ်တဲ့သူတွေကို ၁၇/၁ လို့ခေါ်တဲ့ မတရားအသင်းနဲ့ဆက်နွယ်မှု၊
၁၃/၁ လို့ခေါ်တဲ့ လူဝင်မှုကြီးကြပ်ရေးရဲ့ နယ်စပ်ဖြတ်ကျော်မှု ဆိုတဲ့ အမှုတွေနဲ့ တရားဆွဲဆို ထောင်ချလေ့ရှိတယ်လို့လည်း နိုင်ငံရေး အမှုတွေကိုလိုက်တဲ့ တရားလွှတ်တော် ရှေ့နေ ဦးအောင်သိန်းက ပြောပါတယ်။

ကေအိုင်အိုအဖွဲ့ဟာ ၂၀၀၆ ခုနှစ်မှာ အမျိုးသားညီလာခံ တက်ရောက်ပြီး ၁၇ နှစ်ကြာ တဘက်နဲ့တဘက်အကြား အပစ်အခတ်တွေမရှိဘဲ နေထိုင် လာခဲ့ရာကနေ ၂၀၁၁ နှစ်ကုန်ပိုင်းလောက်မှာ ကေအိုင်အေ ကို အစိုးရရဲ့ နယ်ခြားစောင့်တပ်အဖြစ် အသွင်ပြောင်းဖို့ ကြိုးစားရာကနေ နှစ်ဘက် တင်းမာမှုတွေ ရှိခဲ့ပြီး တိုက်ပွဲတွေ ပြန်ဖြစ်ခဲ့သလိ်ု အစိုးရက လည်း ကေအိုင်အို ကေအိုင်အေ ကို မတရားအသင်းအဖြစ် သတ်မှတ်ခဲ့တာဖြစ်ပါတယ်။

ကချင်ပြည်နယ် မြစ်ကြီးနားမြို့မှာ ၃ ရက်ကြာပြုလုပ်ခဲ့တဲ့ ဒီဆွေးနွေးပွဲကို ကချင်ပြည်နယ်၊ မြစ်ကြီးနား ဒေသခံတွေကလည်း စိတ်အားထက်သန်စွာနဲ့
ကြိုဆိုတာတွေ့ရသလိုပဲ၊ စစ်တပ်ထိန်းချုပ်တဲ့ နယ်မြေတွေထဲက ဒုက္ခသည်တွေရော၊ ကချင်ဘက်က ထိန်းချုပ်ထားတဲ့ ဒုက္ခသည်စခန်းတွေ ဘက်က ဒုက္ခသည်တွေရောကပါ ငြိမ်းချမ်းရေးဆွေးနွေးပွဲ အပေါ်မှာ မျှော်လင့်ချက်ကြီးကြီးထားခဲ့တာဖြစ်ပါတယ်။

VOA Burmese

ကချင်လွတ်မြောက်ရေးအဖွဲ့ ကေအိုင်အို ကိုယ်စားလှယ်များ။ (မေလ ၂၈ ရက်၊ ၂၀၁၃)

ဆက်ဖတ်ရန်>>>>