အမေရိကန်အပေါ် ယုံကြည်မှု အပြည့်မရှိတော့ဟု ဂျာမန်ပြည်ထဲရေးဝန်ကြီးဆို

အမေရိကန် အမျိုးသား လုံခြုံရေး အေဂျင်စီ (NSA)က ဂျာမနီ ဝန်ကြီးချုပ် အန်ဂျလာ မာကယ်လ်၏ ဆဲလ်ဖုန်း ခေါ်ဆိုမှုများကို ခိုးနားထောင်ခဲ့ကြောင်း သတင်းများနှင့်အတူ အမေရိကန်-ဂျာမနီ ဆက်ဆံရေးသည် အစွန်းအထင်းများ ဖြစ်ပေါ်လာ

အမေရိကန်အပေါ် ထားရှိသော ယုံကြည်မှုသည် တည်ငြိမ်မှု မရှိနိုင်တော့ကြောင်း ဂျာမနီ ပြည်ထဲရေး ဝန်ကြီးက ပြောကြားလိုက်သည်။ အမေရိကန် အမျိုးသား လုံခြုံရေး အေဂျင်စီ (NSA)က ဂျာမနီ ဝန်ကြီးချုပ် အန်ဂျလာ မာကယ်လ်၏ ဆဲလ်ဖုန်း ခေါ်ဆိုမှုများကို ခိုးနားထောင်ခဲ့ကြောင်း သတင်းများနှင့်အတူ အမေရိကန်-ဂျာမနီ ဆက်ဆံရေးသည် အစွန်းအထင်းများ ဖြစ်ပေါ်လာခဲ့သည်။ ယခုအခါ ပြည်ထဲရေးဝန်ကြီး ဟန်းစ်ပီတာ ဖရိုင်းဒရစ်ခ်ျက Bildနှင့် Sonntag သတင်းထောက်များနှင့် တွေ့ဆုံခဲ့ရာ၌ အမေရိကန်အပေါ် အပြည့်အဝ ယုံကြည်မှု မပေးနိုင်ကြောင်းနှင့် စွပ်စွဲမှုများအတွက် တိကျပြတ်သားသော ဖြေရှင်းနိုင်မှုမျိုးကို အလိုရှိနေကြောင်း ပြောဆိုသွားသည်။

"ကျွန်တော်တို့ရဲ့ မဟာမိတ် အမေရိကန် နိုင်ငံအပေါ် ထားရှိတဲ့ ယုံကြည်မှုဟာ လှုပ်ခတ်သွားခဲ့ပါပြီ"ဟု ဖရိုင်းဒရစ်ခ်ျက ဆိုသည်။ ၎င်းက "အမေရိကန်ဟာ ဂျာမနီ ပြည်တွင်းက ဖုန်းခေါ်ဆိုမှုတွေကို ခိုးနားထောင်ခဲ့တယ် ဆိုရင်တော့ ဂျာမနီရဲ့ ဥပဒေကို ချိုးဖောက်တာပါပဲ"ဟုလည်း ပြောကြားခဲ့သည်။ အမည်မဖော်ပြသည့် ဂျာမန် ထောက်လှမ်းရေး အရာရှိ တစ်ဦး၏ အဆိုကို ကိုးကားပြီး မာကယ်လ်၏ ဖုန်းကို NSAက ကြားဖြတ်ခိုးယူ နားထောင်ခြင်းအား အမေရိကန် သမ္မတ ဘာရတ် အိုဘားမားက သိရှိထားကြောင်းလည်း Bildက ဖော်ပြခဲ့သည်။ (၂၀၁၀)ပြည့်နှစ်က NSA အကြီးအကဲ ဗိုလ်ချုပ် ကိသ်အလက်ဇန္ဒားက ယင်းအစီအစဉ်ကို အိုဘားမားထံ တင်ပြခဲ့ပြီး သမ္မတက ခွင့်ပြုခဲ့ခြင်းဟု ယင်းသတင်းစာက ဆိုသည်။

NSAကမူ အလက်ဇန္ဒား အနေဖြင့် သမ္မတနှင့် ဆွေးနွေးမှု မရှိခဲ့ကြောင်း ငြင်းဆန်ခဲ့သလို မာကယ်လ်ကို ပုဂ္ဂိုလ်ရေး လွတ်လပ်ခွင့် ချိုးဖောက်သည့် ထောက်လှမ်းမှုမျိုး မပြုလုပ်ခဲ့ကြောင်းလည်း ငြင်းဆိုထားသည်။ အမေရိကန် ထောက်လှမ်းရေးအဖွဲ့ NSAသည် ဘရာဇီးလ်နှင့် ပြင်သစ်ကဲ့သို့ မဟာမိတ် နိုင်ငံများကိုလည်း အလားတူ ထောက်လှမ်းမှုများ ပြုလုပ်ခဲ့ကြောင်း စွပ်စွဲမှုများနှင့် ရင်ဆိုင်နေရသည်။

ဆက်ဖတ်ရန်>>>>

နယ်စပ်မြို့အချို့တွင် ဂိမ်းဆိုင်များ ဆက်တိုက်ဖမ်းဆီး

ငမန်းဂိမ်းကစားနေသူတစ်ဦး ဓာတ်ပုံ-ကျော်ဇင်သန်း - 7Day Daily

ကရင်ပြည်နယ်တွင် တရုတ်နိုင်ငံသားများက လောင်းကစားဂိမ်းစက်များယူလာကာ စီးပွားရှာနေ သည့် ကိစ္စနှင့်ပတ်သက်၍ အထူးအမိန့်ထုတ်သင့်ကြောင်း ပြည်နယ်အစိုးရအဖွဲ့တွင် ဆွေးနွေးပြီးနောက် မြ၀ တီနှင့် ကော့ကရိတ်မြို့များ၌ ဂိမ်းဆိုင်များအား ဖမ်းဆီးမှု အရှိန်မြှင့်တင်လိုက်ကြောင်း သတင်းရရှိသည်။

ယခုနှစ် ဇွန် ၁၇ ရက်တွင် ကျင်းပခဲ့သည့် ကရင်ပြည်နယ်၊ အစိုးရအဖွဲ့ အစည်းအဝေးတွင် ဦးအောင်မြင့် သိန်းက လောင်းကစားနှိမ်နင်းရေး ပြည်နယ်အထူးအမိန့် ပြဋ္ဌာန်းပေးရန် ဆွေးနွေးပြီးနောက် အောက်တိုဘာလအတွင်း ကော့ကရိတ်နှင့် မြ၀တီမြို့ကြီးများတွင် လောင်းကစားဖမ်းဆီးမှုများ အရှိန်တိုးမြှင့်ခဲ့ခြင်း ဖြစ်သည်။

““ပြီးခဲ့တဲ့လပိုင်းက ကော့ကရိတ်မြို့ပေါ်မှာ ဂိမ်းစက်တွေဖမ်းတာကို ခရိုင်ရဲတပ်ဖွဲ့ကို လက်နက်ကိုင်အင်အားစုတစ်စုက၀ိုင်းထားလို့ ဖြေရှင်းခဲ့ရသေးတယ်””ဟု ကရင်ပြည်နယ်၊ မဲဆန္ဒနယ် အမှတ် (၉)မှ အမျိုးသားလွှတ်တော်ကိုယ်စားလှယ် ဦးအောင်မြင့်သိန်းက အောက်တိုဘာ ၂၆ ရက်တွင် ပြောသည်။
ကရင်ပြည်နယ်၊ မြ၀တီမြို့ သို့ တရုတ်နိုင်ငံသားများက လောင်းကစားဂိမ်းစက်များ တင်သွင်း၍ လက်နက်ကိုင်အဖွဲ့များ၏ အကာအကွယ်ယူပြီး ပွဲလမ်းသဘင်များကျင်းပကာ စီးပွားရှာလာသည်မှာ နှစ်များစွာကြာလာပြီးနောက် ယခုအချိန်တွင် ဖမ်းဆီးမှုများ အရှိန်မြှင့်လိုက်ကြောင်း ကရင်ပြည်နယ်၊ မဲဆန္ဒနယ်အမှတ် (၈) မှ အမျိုးသားလွှတ်တော်ကိုယ်စားလှယ် ဦးစောအေးမြိုင်က အောက်တိုဘာ ၂၆ ရက်တွင် ပြောသည်။

““အစကတော့ ဘယ်သူမှ မထိရဲဘူး။ ငြိမ်းချမ်းရေးလုပ်ငန်းစဉ်ကို ထိခိုက်မှာစိုးလို့၊ လက်နက်ကိုင်တွေရဲ့မျက်နှာ ကြည့်ရသေးတယ်။ အခုတော့ သူတို့တွေကိုယ်တိုင်က ငယ်သားတွေကို လောင်းကစားနဲ့ မူးယစ်ဆေးဝါးကိစ္စတွေမှာ ၀င်မပတ်သက်ကြဖို့ ပြောပေးလာလို့၊ နောက်ဆို ထာဝရငြိမ်းချမ်းရေးနဲ့အတူ တရားဥပဒေစိုးမိုးရေးပါ ကျွန်တော်တို့ဒေသမှာ တည်မြဲလာမှာပါ”” ဟု ဦးစောအေးမြိုင်က ပြောသည်။အဆိုပါ နှိမ်နင်းမှုတွင် ဘောလုံး၊ ချဲနှင့် ဂိမ်းစက်များ အပါအ၀င် လောင်းကစားပေါင်းစုံကို ဖမ်းဆီးရာတွင် ဂိမ်းစက်များအား သိမ်းဆည်းသော်လည်း ပိုင်ရှင်ကို ဥပဒေအရ အရေးယူမှုမရှိသေးဘဲ ပညာပေးခြင်း စတင် လုပ်ဆောင်ခဲ့ကြောင်း ဖမ်းဆီးရာတွင် ပါဝင်ခဲ့သူတစ်ဦးက ပြောသည်။

အောက်တိုဘာ ၂၄ ရက် နံ နက် ၇ နာရီအချိန်မှ နာရီဝက်အကြာ ၇ နာရီခွဲအချိန်ထိ ကရင်ပြည်နယ်၊ မြ၀တီမြို့အမှတ်(၄)ရပ်ကွက်၊ အဓိဋ္ဌာန်အောင်ဘုရား မြေကွက်လပ်တွင် လောင်းကစားဂိမ်းစက်မျိုးစုံ ၁၉၉ လုံးအား မီးရှို့ဖျက်ဆီးခဲ့ကြောင်း မြန်မာနိုင်ငံရဲတပ်ဖွဲ့၏ ရဲဇာနည် ဖေ့စ်ဘွတ်ခ်တွင် သတင်းထုတ်ပြန်ထားသည်။

ထိုသို့ဂိမ်းစက်များအား ဖမ်းဆီးမှုမရှိသေးမီက အလယ်တန်းအရွယ် ကျောင်းသားလေးများက ညအချိန်တွင် ဂိမ်းဆိုင်များသို့ ရောက်လာပြီး လောင်းကစားလုပ်ရင်း မူးယစ်ဆေးဝါးများသုံးစွဲကာ ခိုက်ရန်ဖြစ်ပွားမှုများရှိခဲ့ကြောင်း မြ၀တီမြို့တွင် နေထိုင်သူ အမျိုးသားတစ်ဦးက ပြောသည်။

7Day Daily

ဆက်ဖတ်ရန်>>>>

၁၃ နှစ်ကျော်အနုပညာခရီးလမ်းဖြတ်သန်းမှု ပုံရိပ်ထဲမှာ အောင်မြင်မှုဘဝကို တည်ဆောက်ခဲ့သူ အကယ်ဒမီ သက်မွန်မြင့်နှင့်တွေ့ဆုံခြင်း

၂ဝဝဝ ခုနှစ်လောက်မှာ မော်ဒယ်တစ်ယောက်အနေနဲ့ အနု ပညာလောကထဲ ရောက်ရှိလာပြီး ပရိသတ်အားပေးမှုကို ရရှိထားသူချင်းတိုင်းရင်းသူ အကယ်ဒမီသက်မွန်မြင့် က ကြော် ငြာသရုပ်ဆောင်၊ ရုပ်ရှင်ဗီဒီယိုသရုပ် ဆောင်တွေကို ဆက်တိုက်ရိုက်ကူး လာသူဖြစ်ပါတယ်။ အနုပညာသက် တမ်း ၁၃ နှစ်ကျော်အတွင်းမှာ အောင်မြင်မှုများစွာ ရရှိခဲ့သူ အကယ်ဒမီသက်မွန်မြင့်နဲ့ တွေ့ဆုံမေးမြန်းဖြစ်ခဲ့ပါတယ်။

မေး- အနုပညာရှင်တစ် ယောက်ဘဝကို တည်ဆောက်ပြီးတဲ့ အခါမှာ မျှော်လင့်ထားတာနဲ့ လက်တွေ့ ဖြစ်လာတဲ့အခါ ကွာဟမှုတွေကောရှိလား၊ ဘယ်လိုရင် ဆိုင်ေ ကျာ်ဖြတ်ခဲ့သလဲဆိုတာ သိချင်ပါတယ်။

ဖြေ-သက်မွန်အောင်မြင်ချင်တယ် ဆိုတာထက် သရုပ်ဆောင်နိုင်တယ်ဆိုတာပဲဖြစ်ချင်တယ်။ အောင်မြင်တယ်၊ ကျော်ကြားတယ်ဆိုတာက ဘေးကပါလာတဲ့ အပိုဆုလို့ သဘောထားတယ်။ အဓိကလိုချင်တာက အကောင်းဆုံးသရုပ်ဆောင်နိုင်ပြီး ပရိသတ်အားပေးမှု၊ ချစ်ခင်မှုပဲ။ ဒီ အရာတွေကို ကိုယ်က တန်ဖိုးထားပြီး သူတို့အားပေးရ ကျိုးနပ်အောင် ကြိုးစားချင်တယ်။

မေး- အောင်မြင်ခြင်းနဲ့ ကျဆုံးခြင်း ကြားမှာ အပြုံးနဲ့မျက်ရည်စက်တွေ ရှိတတ်သလို နိမ့်ချည်မြင့်ချည် ဘဝ အပြုံးနဲ့ မျက်ရည်ကြားက လူသားတစ်ဥိးရဲ့ ဖြတ်သန်း မှု အကြောင်း မသက်မွန်အမြင်ကိုသိပါရစေ။

ဖြေ-သက်မွန်က ကားရိုက်ရင် အကယ်ဒမီရပါစေဆိုတဲ့စိတ်နဲ့ ရိုက်တာမဟုတ်ဘူး။ စရိုက်ပီပြင် အောင် ဇာတ်ထဲမှာ စိတ်ကိုနှစ်ပြီးသရုပ် ဆောင်တယ်။ အဲဒီအပေါ်မှာ ပရိသတ်အားပေးမှုဆို တာရှိတယ်။ ပြီးတော့ အကယ်ဒမီဆိုတာကတော့ ဒီဇာတ်ကားအပေါ်မှာ ကိုယ့်အရည် အချင်း ကိုကြည့်ပြီး သတ်မှတ်မှုတစ်ခုနဲ့ပေးတယ်ဆိုတော့ ရရင်ဝမ်းသာတယ်။ မရရင်လည်း ကိုယ်ကြိုးစားရ ဦးမယ်။ သက်မွန်ဘဝမှာ တစ်နှစ်တည်း အကယ်ဒမီရတယ်၊ အကယ်ဒမီနဲ့လည်း လွဲခဲ့ရတယ်။ ဒါပေမဲ့ အကယ်ဒမီ လွဲသော်လည်း ပရိသတ်အားပေးမှုမလျော့ခဲ့ဘူး။ ဒါလည်း ကျေနပ်မှု တစ်ခုပါပဲ။ အမြဲတမ်းတော့ ကိုယ်ကနိုင်ရမယ်၊ ကျရှုံးရမယ်ဆိုတာမျိုးမဟုတ်ဘူးလေ။ ကိုယ်ကတော့ စိတ်တည်ငြိမ်ဖို့လိုတယ်။

မေး- အနုပညာရှင်တစ်ယောက်ဟာ အနုပညာ၊ အတတ်ပညာ၊ အသိပညာ အပြင် ဘက်ပေါင်းစုံတော်ရမယ်၊ တတ်ရမယ်ဆိုတာ သက်မွန်လက်ခံလား။

ဖြေ-လက်ခံပါတယ်။ အခက်အခဲတွေ ကိုယ်ရိုက်တဲ့ဇာတ်ကားမှာ တာဝန် ယူရတာ ကြီးတယ်။ အာရုံပိုစူးစိုက်ရတယ်။ ကြိုးစားသရုပ်ဆောင်ရတဲ့ဇာတ် ကား ဆိုရင် စိတ် ဖိစီးမှုပိုခံစားရပြီး ပင်ပန်းတယ်။ ဘက်ပေါင်းစုံတော်ရမှာပဲ။

မေး- မသက်မွန်အပေါ်၁၃ နှစ်တိုင်တိုင် အားပေးခဲ့တဲ့ ပရိသတ်တွေကို ဟာသ၊ ဒရာမာ ဇာတ်ရုပ်တွေပါရှိတဲ့ နွေတစ်ခါ၊ မိုးတစ်လှည့်၊ဆောင်းတစ်ညဇာတ်ကား လို ပြော င်းပြီးသရုပ်ဆောင်ပြနိုင်တာ အနုပညာ ဗီဇကြောင့်လား၊ ပရိသတ်တောင်းဆိုမှု ကြောင့်လား၊ ဒါမှမဟုတ်ကြိုးစားမှုကြောင့်လားဆိုတာ ပြောပြပေးပါ။

 ဖြေ-သက်မွန်လုပ်ရမယ့်အလုပ်တစ်ခုကို ပီပြင်အောင်၊ အကောင်းဆုံးဖြစ် အောင် ကြိုးစားတယ်။ ဟာသမှာလည်း သူ့ဟာနဲ့သူ အခက်အခဲရှိတာပဲ။ တစ်ခါတလေကျရင် ကိုယ်ကရှက်တယ်၊မလုပ်ရဲဘူး။ဒါပေမဲ့ဇာတ်ရုပ်အတွက် လိုအပ်ရင် လုပ်ရတာရှိတာပဲ။ ဒရာမာဆိုလည်း ဒီလိုပဲ။ ရှက်လည်းလုပ်ရ တာပဲ။ ဘာလို့လဲဆိုတော့ ကိုယ်က ပရိသတ်တွေအတွက် သရုပ်ဆောင် ကောင်းဖြစ်ချင်တာကြောင့်ဘာပဲဖြစ်ဖြစ်၊ဘာပဲလုပ်ရလုပ်ရပီပြင်အောင်လုပ် ရမှာပဲ။ ဒရာမာဆိုအမေပုံစံအထိလုပ် လို့ရသလို ကျောင်း သူပုံစံ အထိလုပ်လို့ရ တယ်။ ပရိသတ်လည်း သက်မွန်သရုပ်ဆောင်မှုကို မငြိုငြင်ဘဲအားပေးခဲ့တယ်။ဇာတ်လမ်းတွေကလည်း သက်မွန်ကိုပုံစံမျိုးစုံ ဖန်တီးပေးသ လို   ဖြစ်နေတယ်။

မေး- အနုပညာလောကမှာ သက်မွန်မြင့် မှ အကယ်ဒမီ သက်မွန်မြင့်ဖြစ် လာပြီးဖြစ် သလိုအနုပညာ အလုပ်နဲ့ပတ် သက်  တဲ့ ကိုယ်ပိုင်ထုတ်လုပ်ရေး ရော ဒါမှ မဟုတ် ဒါရိုက်တာ ရောလုပ်ဖို့ အစီ အစဉ်ရှိပါသ လား။

သက်မွန် ထုတ်လုပ်တဲ့အပိုင်း တော့ စိတ်ကူးရှိတယ်။ ဒါရိုက်တာ အပိုင်းကတော့ ကြောက်တယ်။ ကိုယ်က အာရုံများလို့ရတဲ့လူမဟုတ် ဘူးလေ။ ဒါရိုက်တာက ဇာတ်ကား တစ်ကားရဲ့ အစအဆုံးလုပ်ရတယ်ဆို တော့ တအားကျယ်ပြန့်သွားတော့ လုပ်ဖို့စိတ်ကူးမရှိဘူး။ ထုတ်လုပ်သူ အပိုင်းကတော့ စိတ်ဝင်စားတယ်။ ကိုယ်ကလည်း အနုပညာ ကို တန်ဖိုး ထားသလို ဝါသနာအရရောရှိတော့ လုပ်ဖို့စိတ်ကူးအပြည့်ရှိတယ်။

မေး- သက်မွန်မြင့်ဟာ အောင်မြင် သွားပြီးနောက်ပိုင်း အရင်က မအောင်မြင်သေးခင် သက်မွန်မြင့် ဘဝကို မေ့သွားလား၊ ကိုယ့်ဘဝကို ဘယ်လိုပြန်သုံးသပ်မိပါသလဲ။

 သက်မွန် ဒီလိုနေရာရောက်လာ တယ်ဆိုတာ အားပေးတဲ့ပရိသတ် အခိုင်အမာရှိတာလည်းပါတယ်။ ကိုယ်လည်းကြိုးစားတယ်။ ဘယ် လောက်ပဲကြိုးစား၊ ကြိုးစား ပရိသတ် အားမပေးရင် ဒီလိုနေရာကို ရောက် လာမှာမဟုတ်ဘူး။ ပရိသတ်တွေ အားပေးရကျိုးနပ်အောင် သက်မွန် မှာလည်း တာဝန်ပိုကြီးတယ်။ ဒီ အောင်မြင်မှုအပေါ်မှာ မသာယာ ဘဲ ဒီအောင်မြင်မှုနဲ့ ဘယ်လိုအကျိုးပြု နိုင်မှာလဲစဉ်းစားတယ်။ ပရဟိတ ရန်ပုံငွေပွဲတွေမှာဆိုလည်း သက်မွန် ပါဝင်ရင် ဘယ်လိုအကျိုးသက်ရောက် မယ်စဉ်းစားပြီး ပါဝင် တယ်။ ရန်ပုံ ငွေဆိုတာကတော့ ပြည်သူတွေ လိုအပ်မှုကို ဖြည့်ဆည့်ပေးဖို့ဆိုတော့ သက်မွန်အောင်မြင်နေတယ်ဆိုပြီး မလုပ်ချင်ဘူးမရှိပါဘူး။ သက်မွန်ကို အားလုံးကပေး တဲ့ ဒီအောင်မြင်မှု အတွက် ဘယ်လိုပြန်ပေးရ၊ ရရင် ဘာမဆို ပါဝင်မှာပဲ။

မေး- သက်မွန်နှလုံးသားကို လှုပ်ခတ် စေတဲ့ ကောင်လေးရောရှိခဲ့ဖူးလား။ အမှတ်တရအနေနဲ့ ပြောပြပေးပါ လား။ အခုဆို ဝါလည်းကျွတ်ပြီ။ သက်မွန် အချစ်ရေးကိုသိချင် တဲ့ သက်မွန်ပရိသတ်တွေအတွက် သတင်းကောင်းများရှိလား။

ဒါတွေက သေချာမှ ပြောတာ ကောင်းပါတယ်။ ဘာလို့လဲဆိုတော့ ကိုယ်က ပရိသတ်တွေကို စိတ်ချမ်း သာစေချင်တယ်။ စိတ်ချမ်းသာတာ ကိုပဲ မြင်ချင်တယ်။ ကိုယ်ပြော လိုက် လို့ တစ်ခုခုဖြစ်သွားရင် မကောင်း ဘူး။ သေချာမှ ပြောပြပါ့မယ်။ သက်မွန်ဘဝမှာ လုံးဝမမေ့နိုင်တဲ့ အမှတ်တရဆိုရင် အကယ်ဒမီဆုရတဲ့ နေ့ပါပဲ။ စိတ်အလှုပ်ရှားဆုံး၊ အပျော် ဆုံး၊ ရင်အခုန်ဆုံးနေ့ပါပဲ။

မေး- အနုပညာကိုမြတ်နိုးတဲ့ သက် မွန်မြင့် သေဆုံးတဲ့အထိ အနုပညာ အလုပ်ကို ဖက်တွယ်သွားမှာလား။ ဘာကြောင့်လဲ။

ကံတော့ ပြောလို့မရဘူး။ အနု ပညာသမားတွေက အနုပညာအပေါ် မှာ တအားသံယောဇဉ်ကြီးတယ်။ သက်မွန် အစက ဒီအနုပညာအလုပ် ကို ဝါသနာမပါဘူး။ ရှက် လည်း ရှက် တယ်။ ဒါပေမဲ့ ဒီအလုပ်တစ်ခုကို ရွေးပြီးရင် ဖြစ်အောင် ကြိုးစားရမှာ ပဲ။ ကြိုးစားလုပ်ကိုင်ရင်းနဲ့ သံယော ဇဉ်တွယ်လာတယ်။ ဝါသနာပါလာ တယ်။ သက်မွန်ကို အားပေးတဲ့ ပရိ သတ်ရှိနေသမျှ သက်မွန်လုပ်သွားမှာ ပါ။ အခုလို စိတ်ရှည်ရှည်နဲ့ ပြန် လည်ဖြေကြားပေးတဲ့ မသက်မွန်မြင့် ကို ပေါ်ပြူလာက ကျေးဇူးတင်ပါ တယ်။

 သက်မွန်လည်း ကျေးဇူးတင်ပါ တယ်။

ထူးထူး
Popular Journal

ဆက်ဖတ်ရန်>>>>

chatroom ကြောင့် ချွေးမနှင့် ချိန်းတွေ့မိခဲ့သည့် တရုတ်အမျိုးသား

တရုတ် အမျိုးသား တစ်ဦးဟာ အွန်လိုင်းမှာ တွေ့ပြီး အပြင်မှာ တွေ့ဖို့ ချိန်းမိခဲ့တဲ့ မိန်းကလေးဟာ သူ့သားရဲ့ မိန်းမ ဖြစ်နေတာကြောင့် ပြဿနာတွေ တက်ခဲ့ ရကြောင်း သိရပါတယ်။ အသက် ၅၇ နှစ်ရှိ အဆိုပါ တရုတ်အမျိုးသား ၀မ်ဟာ သူ့ချွေးမဖြစ်သူ လီလီနဲ့ အွန်လိုင်း ချက်ရွန်းမှ တဆင့် သိကျွမ်း ခဲ့တာဖြစ်ပြီး သူတို့နှစ်ယောက်လုံးဟာ မိမိတို့ ဘယ်သူဘယ်ဝါ ဖြစ်တယ် ဆိုတာကို လိမ်ညာ ခဲ့ကြတာပါ။ အချင်းချင်း လိမ်လည် ပို့ခဲ့တဲ့ ဓာတ်ပုံတွေကို ကြည့်ပြီး သူတို့ နှစ်ယောက်ဟာ တရုတ်နိုင်ငံ၊ မူလင်မြို့ရှိ ဟိုတယ် တစ်လုံးမှာ တွေ့ဖို့ စီစဉ်ခဲ့ကြပါတယ်။

လီလီရဲ့ ခင်ပွန်းဖြစ်သူ တကျွန်းဟာ အွန်လိုင်းမှာ သူ့ဇနီးနဲ့တွေ့ဖို့ ချိန်းလိုက်တဲ့ သူဟာ ဖခင်ဖြစ်နေတယ် ဆိုတာ သိသွားတဲ့ အခါမှာတော့ ဒေါသထွက်ပြီး ဖခင်ကို လက်သီးနဲ့ ထိုးခဲ့ပါတယ်။ တကျွန်းဟာ သူ့ဖခင်ကို လက်သီးနဲ့ ထိုးပြီးတဲ့အခါ ဟိုတယ် ၀န်ထမ်းက ရဲကို ဖုန်းဆက် လိုက်တာကြောင့် ရဲက သူတို့ ၃ ဦးစလုံးကို ထိန်းသိမ်း ခဲ့ပါတယ်။ ယခုတော့ ဖခင်ကို တိုက်ခိုက်မှုနဲ့ တကျွန်းကို ၅ ရက်ကြာ ထိန်းသိမ်း ထားပြီး မူလင်မြို့ ရဲဌာနက အရာရှိတွေဟာ ၀မ်နဲ့ လီလီကို စစ်ဆေး မေးမြန်းခဲ့ကြောင်း သိရပါတယ်။

MRTV 4

ဆက်ဖတ်ရန်>>>>

ရွှေ့ပြောင်း လုပ်သား ၇၀၀ ကို ကယ်တင်လိုက်တဲ့ အီတလီကမ်းခြေစောင့် တပ်ဖွဲ့

Monday 28th October 2013

အီတလီ ကမ်းခြေစောင့် တပ်ဖွဲ့ဟာ လန်ပီချုဆာ ကျွန်းအနီးမှာ လူခုနှစ်ရာ နီးပါးကို ငါးခါခွဲပြီး ကယ်တင် ပေးခဲ့ရတယ်လို့ သိရပါတယ်။ လူဝင်မှု ကြီးကြပ်ရေးကိစ္စကို ထိပ်ဆုံး ဦးစားပေး အနေနဲ့ ဆွေးနွေးဖို့ ဥရောပ သမဂ္ဂခေါင်းဆောင်တွေ ဘယ်လ်ဂျီယံနိုင်ငံ ဘရပ်ဆဲလ်မြို့မှာ တွေ့ဆုံစဉ် ဒီကယ်ဆယ်ရေး သတင်းဟာ ထွက်ပေါ် လာတာလည်း ဖြစ်ပါတယ်။ ဆွေးနွေးပွဲ အတွင်း မကြာသေးမီက မြေထဲပင်လယ်မှာ ရွှေ့ပြောင်း လုပ်သားတွေ သေဆုံးမှုတွေနဲ့ ပတ်သက်ပြီး ဥရောပ ခေါင်းဆောင် တွေဟာ ၀မ်းနည်းမိကြောင်း၊ အဆိုပါ ကိစ္စရပ်ကို ကိုင်တွယ် ဖြေရှင်း သွားမယ်လို့ ကတိခံ သွားခဲ့ပါတယ်။ ဒါ့အပြင် ရွှေ့ပြောင်း လုပ်သား တွေရဲ့ မိခင်နိုင်ငံနဲ့ ဥရောပ သမဂ္ဂတို့လို နိုင်ငံတကာ အဖွဲ့အစည်း တွေနဲ့လည်း ပူးပေါင်း ဆောင်ရွက် သွားမှာဖြစ်ပြီး လူကုန်ကူးမှု ကိုလည်း တိုက်ဖျက် သွားမယ်လို့ ဆိုပါတယ်။

ဥရောပ သမဂ္ဂဟာ နယ်စပ် စောင့်ကြည့်ရေး စနစ် အသစ်ကို စတင် ဆောင်ရွက် သွားမှာဖြစ်ပြီး ၎င်းတို့လုပ်ငန်း ဆောင်တာ တွေကို တိုးမြှင့်ဖို့ တပ်ဖွဲ့တွေကို ဖွဲ့စည်းမှာ ဖြစ်ပါတယ်။ လာမယ့် နွေရာသီမှာ ရွှေ့ပြောင်း လုပ်သားတွေ ခိုလှုံခွင့် မူဝါဒ ကိုလည်း ပြန်လည် သုံးသပ် သွားမှာ ဖြစ်ပါတယ်။ အခု လုပ်သား ၇၀၀ ကို ကယ်ဆယ်ခဲ့တဲ့ လန်ပီဒူဆာ ကျွန်းဟာ အာဖရိကနဲ့ အနီးဆုံး လမ်းဖြစ်တာ ကြောင့်လည်း အာဖရိက ကနေ ဥရောပကို သွားတဲ့ ရွှေ့ပြောင်း လုပ်သားတွေ အတွက် အချက်အချာ ကြတဲ့ နေရာဖြစ်ပြီး ယခုနေရာမှာ လှေတိမ်းမှောက်မှု ဟာလည်း မကြာခဏ ဖြစ်ပွားလေ့ ရှိကြောင်း သိရှိရပါတယ်။


MRTV 4

ဆက်ဖတ်ရန်>>>>

ဓားခုတ်မှု ကျူးလွန်သည့် ပြိုင်ကားသမား ထွက်ပြေးတိမ်းရှောင်နေဆဲဖြစ်

ဆိုင်ကယ်စီးသူကို ပြိုင်ကားပေါ်မှဆင်းကာ ဓားဖြင့် ခုတ်ခဲ့သည့်ဖြစ်စဉ်မှ အမှုကျူးလွန်သူမှာ ထွက်ပြေး တိမ်းရှောင်နေ ဆဲဖြစ်ကြောင်း မန္တလေးတိုင်းဒေသကြီး ရဲတပ်ဖွဲ့မှူးရုံးမှ သတင်းရရှိသည်။

ယခုလ ၂၂ ရက် ညအစောပိုင်းက မန္တလေးမြို့၊ မဟာအောင်မြေမြို့နယ်အတွင်းရှိ  ဗန်းမော် တိုက်လမ်းကြားအတွင်းတွင် ဆိုင်ကယ်စီးလာသည့် သမီးရည်းစားစုံတွဲကို ပြိုင်ကားမောင်းသူက ၎င်းတို့၏ ကားထွက်မည့်လမ်းကို ပိတ်ရပ်သည်ဟုဆိုကာ ကားပေါ်မှဆင်း၍ ပါးရိုက်သောကြောင့် ဆိုင်ကယ်စီးသူအမျိုးသားက ပြန်၍တွန်းခဲ့ရာမှ ဆိုင်ကယ်စီးသူ၏ လက်ကောက်ဝတ်နေရာကို ၂ ပေခန့်ရှိသည့် ဓားဖြင့် ခုတ်သည့်ဖြစ်စဉ်တွင် ပါဝင်ခဲ့သူကို ယခုလ ၂၄ရက်၌  ရဲတပ်ဖွဲ့မှ စုံစမ်းဖော်ထုတ်နိုင်ခဲ့သော်လည်း ကျူးလွန်သူမှာ ယနေ့အချိန်ထိ တိမ်းရှောင်နေသေးကြောင်း သတင်းရရှိသည်။

ပြစ်မှုကျူးလွန်ခဲ့သည့် ကားဝယ်ရောင်းလုပ်ငန်း လုပ်ကိုင်သူ အသက်(၂၃)နှစ်အရွယ် အမျိုးသားမှာ ချမ်းမြသာစည်မြို့နယ်အတွင်းရှိ အောင်ပင်လယ်ရပ်ကွက်အတွင်း နေထိုင်သူဖြစ်သော်လည်း မိခင်မှာ ပုသိမ်ကြီးမြို့နယ်၊ နားဋောင်းကျကျေးရွာတွင်လည်းကောင်း၊ ဖခင်မှာ စစ်ကိုင်းတိုင်းဒေသကြီး ရွှေဘိုမြို့ တွင်လည်းကောင်း၊ အစ်မဖြစ်သူမှာ ပုသိမ်ကြီးမြို့နယ်၊ ကျောက်မီးကျေးရွာတွင်လည်းကောင်း အသီးသီးနေထိုင်ကြသောကြောင့် ကျူးလွန်သူအနေဖြင့် အဆိုပါနေရာများသို့ တိမ်းရှောင်သွားပါကလည်း သက်ဆိုင်ရာမြို့များရှိ ရဲစခန်းများက ကူညီဖမ်းဆီးပေးနိုင်ရန် ချိတ်ဆက်ထားပြီးဖြစ်ကြောင်း တိုင်းရဲတပ်ဖွဲ့မှူးရုံးမှ တာဝန်ရှိသူက ပြောသည်။

7Day Daily

ဆက်ဖတ်ရန်>>>>

လူကြိုက်များသော ဆိုမာလီအသံလွှင့်ရုံကို အစိုးရတပ်က ၀င်ဆီး

အောက်တိုဘာ ၂၈။

ဆိုမာလီအရှေ့တောင်ပိုင်း မိုဂါဒစ်ရှူမြို့မှ  လူကြိုက်အများဆုံးလည်းဖြစ်၊ လွတ်လပ်စွာ သီးခြားရပ်တည်နေသော ဆိုမာလီ အသံလွှင့်ရုံကို လုံခြုံရေးတပ်ဖွဲ့များ အောက်တိုဘာ ၂၆ရက်က အစိုးရပိုင် အဆောက်အဦကို တရားမ၀င် ရယူထားမှုဖြင့် ၀င်ရောက်ပိတ်သိမ်းကာ အမှုထမ်းများကို ဖမ်းဆီးသွားကြောင်း မျက်မြင်သက်သေများက ဆိုသည်။

လက်နက်ကိုင်တပ်ဖွဲ့သည် ပြည်ထဲရေးဝန်ကြီး၏ အမိန့်ဖြင့် ရှက်ဘယ်အသံလွှင့်ရုံကို ၀င်ရောက်ဆီးနင်းပြီးနောက် အစိုးရ၏ အဆောက်အဦ ဥပစာအတွင်း မည်သူမှ မ၀င်ရောက်ရန် တားမြစ်လိုက်သည်။ ၀န်ကြီးက ရေဒီယိုရှက်ဘယ်သည် လေးနှစ်လုံးလုံး အဆောက်အဦကို တရားမ၀င် သိမ်းပိုက်ထားကြောင်းဆို၏။ မျက်မြင်သက်သေ တစ်ဦးဖြစ်သူ Osman Ayanle က အသံလွှင့်ရုံမှ အမှုထမ်းများကို ကုန်တင်ကားဖြင့်တင်ပြီး ရာဇ၀တ်မှုစုံစမ်းရေးဌာနသို့ ခေါ်သွားသည်ဟု ပြောပြ သည်။

ကနဦးက ရေဒီယိုရှက်ဘယ်သည် ပြည်ထဲရေးဝန်ကြီး၏ နှင်ထုတ်သည့် အမိန့်ကို မလိုက်နာခဲ့ကြောင်း၊ ယခုအချိန်တွင် ဖမ်းဆီးထားသည့် သူများကို တရားရင်ဆိုင်နိုင်ရန် မည်သည့် စီရင်ချက်ကိုမှ မချသေးဟု ရဲဌာနက ဆိုသည်။

ရေဒီယိုရှက်ဘယ်က သူတို့သည် သယ်ယူပို့ဆောင်ရေး ၀န်ကြီးဌာနနှင့် သဘောတူညီချက်တစ်ခုရ ယင်းအဆောက်အဦ တွင် တရားဝင် အသံလွှင့်ရုံ တည်ထားခြင်း ဖြစ်ကြောင်း အခိုင်အမာ ဆိုသည်။ ယင်းနေရာသည် ၁၉၉၁ခုနှစ်အတွင်း ဆိုမာလီ တစ်နိုင်ငံလုံးတွင် အကြမ်းဖက်မှုများ စတင်ချိန်ကာလက ဆိုမာလီလေကြောင်းလိုင်းမှ ပိုင်ဆိုင်သော အဆောက် အဦ ဖြစ်သည်။

Ref: AP
From: The Myanma Age

ဆက်ဖတ်ရန်>>>>

ဗြိတိန်မှဗလီများ ဗုံးခွဲရန် ကြံစည်မှုနှင့် လူသတ်မှုအတွက် ယူကရိန်းကျောင်းသား ထောင်ဒဏ် အနှစ်၄၀ ကျ

အောက်တိုဘာ ၂၈။

ဗြိတိန်တရားရုံးက ယူကရိန်းကျောင်းသားတစ်ဦးကို မူစလင်ဘာသာဝင် အဖိုးဖြစ်သူကို သတ်မှုနှင့် ဗလီသုံးလုံးကို ဗုံးခွဲရန် ကြံစည်မှုများအတွက် ထောင်ဒဏ် အနည်းဆုံး နှစ်၄၀ကျခံစေရန် အမိန့်ချခဲ့ကြောင်း သိရသည်။

ယနေ့တွင် တရားခံဖြစ်သူ Pavlo Lapshyn အသက် ၂၅နှစ်သည် က သူ၏ ပြစ်ဒဏ်အတွက် ရုံးတော်သို့ အသနားခံ မည်ဖြစ်သည်။  ဧပြီလက သူသည် ဘာမင်ဟန်မြို့လယ် ဗလီတစ်ခုမှ ပြန်လာသော အဖိုးဖြစ်သူ မဟာမက်စလင်းမ် အသက် ၈၂နှစ်ကို ဓားဖြင့် ထိုးသတ်ခဲ့သည်။ ယင်းပြင် ယခုနှစ် ဇူလိုင်နှင့် ဇွန်လများ အ တွင်း တစ်တန်မြို့နှင့် ၀ါဆောမြို့များတွင် ဗုံးဖောက်ခွဲမှုများ ပြုလုပ်ခဲ့ပြီး ဗြိတိန်မှ ဗလီသုံးလုံး ဖောက်ခွဲရန် ကြိုးပမ်း မှုများ တွင်လည်း ပါဝင်ခဲ့သည်။ ယင်းနှစ်မြို့မှ ပေါက်ကွဲမှုများတွင် မည်သူတစ်ဦးတစ်ယောက်မှ ထိခိုက်နာ ကျင်မှု မရှိခဲ့ဟု ဆိုသည်။

Lapshyn သည် ယူကရိန်းနိုင်ငံအရှေ့ပိုင်း Dnipropetrovsk မြို့မှ ဘွဲ့လွန်ကျောင်းသား တစ်ဦးဖြစ်သည်။

Ref: AFP
မြန်မာ့ခေတ်

ဆက်ဖတ်ရန်>>>>

မြန်မာနိုင်ငံ၏ ထင်ရှားကျော်ကြားသည့် ဒေသများသို့ ဥရောပ ခေတ်ဟောင်း ကားများဖြင့် လှည့်လည် သွားလာမည်

ဥရောပနာမည်ကြီးခေတ် ဟောင်းကားတစ်စီးကို ကန်တော်ကြီးပဲလေ့စ် ဟိုတယ်၌ အောက်တိုဘာ ၂၇ ရက်နေ့ညပိုင်းကတွေ့ရစဉ်။ ဓာတ်ပုံ - မင်းသန့်

ရန်ကုန် ၊ အောက်တိုဘာ ၂၇

မြန်မာနိုင်ငံ၏ ထင်ရှားကျော် ကြားဒေသများသို့ လွန်ခဲ့သည့် ၁၉၂၇ ခုနှစ်ကျော်မှ ဥရောပနာမည်ကြီးခေတ် ဟောင်း ကားများဖြင့် အောက်တိုဘာ၂၈ရက်မှ စတင်၍ ၂၃ရက်ကြာလှည့်လည်သွားလာမည် ဖြစ်ကြောင်း သိရ သည်။ မြန်မာနိုင်ငံသို့ ပြည်ပခရီးသွားများ ပိုမို လာရောက်လည်ပတ် စေရန်ရည်ရွယ်ခြင်းဖြစ် ပြီး ယခုခရီးစဉ် အချို့ကို လာမည့်နိုဝင်ဘာလ အတွင်း မော်ရိုကိုနှင့် ဘာစီလိုနာတွင်ပြုလုပ် မည့်ခ ရီးသွား လုပ်ငန်းပြ ပွဲတွင် ပြသသွား ရန် ရည် ရွယ်သည်ဟုလည်း သိရသည်။

ယင်းခရီးစဉ်တွင်ပါဝင်မည့် နာမည်ကြီး ရှေးဟောင်းကားများမှာ ၁၉၂၇  ခုနှစ်ထုတ်  Bentley Model Tourer ၊ ၁၉၃ဝခုနှစ်ထုတ်   Rolls Royce Model Sedanca de Ville Hopper  ၊ ၁၉၃၈ခုနှစ်ထုတ် Buick Model Special ၊ ၁၉၆၀ ခုနှစ်ထုတ် Mercedes 220SE ၊ ၁၉၆၂ခုနှစ် ထုတ်  Porsche Model 356 ၊ ၁၉၆၄ခုနှစ်ထုတ် Toyota Land Cruiser  ၊ ၁၉၆၄ခုနှစ်ထုတ် Mercedes Model 230 SL ၊ ၁၉ရဝ  ခုနှစ်ထုတ်  Mercedes Model 220 ၊ ၂၀၀၄ ခုနှစ်ထုတ်  Land Rover Model Defender တို့ ဖြစ်သည်။

မင်းသန့်
Yangon Media Group

ဆက်ဖတ်ရန်>>>>

နယူးဒေလီတွင် မြန်မာနိုင်ငံသား ဒုက္ခသည် တစ်သောင်းကျော် စားဝတ်နေရေး အခက်အခဲကြုံတွေ့နေ

ရန်ကုန် ၊ အောက်တိုဘာ ၂၇

အိန္ဒိ ယနိုင်ငံ နယူးဒေလီမြို့တွင် မြန်မာ နိုင်ငံသား ဒုက္ခသည် တစ်သောင်း ကျော်ခန့် စားဝတ်နေရေး အခက် အခဲ များ ကြုံတွေ့နေရကြောင်း အိန္ဒိယနိုင်ငံ နယူးဒေလီအခြေစိုက် Pann Nu ဖောင်ဒေးရှင်း ၏ အကြံပေး  Ko Kim ရန်ကုန်တိုင်းမ် နေ့စဉ် သတင်းစာသို့ ပြောသည်။ ''အဓိက က မြန်မာနိုင်ငံက လာတဲ့ ဒုက္ခသည် အများစု က ပညာ မတတ်ကြဘူး။ လက်မှုပညာလဲ မတတ်တော့ အလုပ်ရုံတွေမှာ အလုပ်လုပ် တဲ့အ ခါမှာ အနည်း ဆုံး လစာဖြစ် တဲ့ ရူပီး ၃ဝဝဝပဲရ တယ်။ အများဆုံးက ၄၅ဝဝ ပေါ့။ အိမ်ငှားခက ၂၅၀၀ အနည်း ဆုံး ပေးရတယ်ဆိုတော့ စားဝတ်နေ ရေးအတွက် ခက်ခဲလာကြတာပါ။ စားဝတ်နေ ရေးခက်ခဲ လာတော့ ညဈေးတွေ မှာ ဟင်းသီးဟင်းရွက် အကြွင်း အကျန် တွေ ကိုလိုက်ရှာပြီး စား သောက် နေကြ ရတာ တွေ တောင် ရှိနေပါပြီ''ဟု ပြောသည်။

ချင်းပြည်နယ် နှင့် ကဘော် ချိုင့်ဝှမ်း ဒေသမှပြည်သူများ ၁၉၈၈ ခုနှစ်မှစပြီး စားဝတ်နေရေးခက် ခဲလာ မှုကြောင့် အိန္ဒိယနိုင်ငံသို့ သွားရောက်ခုံလှုံမှုများ များပြား လာကြောင်း ဒေသခံများပြော ကြားချက်အရ သိရ သည်။ ထန်တလန်မြို့မှ မကင်းပီး က ''၁၉၈၈ကစပြီး ကျွန်မတို့ချင်း ပြည်နယ်က လူငယ်အများစုက ဒေလီကို သွားပြီး အလုပ်လုပ်လာ တာများလာပါတယ်။ အဓိကက တော့ ချင်းပြည်နယ်မှာ စားဝတ် နေရေး တော်တော်ခက် ခဲလာကြ တဲ့အတွက်ပါပဲ''ဟု ပြောသည်။

Pann Nu  ဖောင်ဒေးရှင်း သည် အောက်တိုဘာ၁၄ရက်တွင် လည်း နယူးဒေလီတွင်ခိုလှုံနေကြ ရသော ချင်း အမျိုး သမီးများ၏ ဘဝဒုက္ခအခြေအနေများကို တင် ပြထားသော အစီရင်ခံစာတစ် စောင်ကို နယူးဒေလီ တွင်ဖြန့်ဝေ ခဲ့ကြောင်း သိရ သည်။ ''ဒုက္ခသည် တွေ ထဲမှာ အမျိုး သမီးတွေက ပိုပြီးလူ့ အခွင့် အရေး ချိုးဖောက်ခံရတာများတယ်။ အ လုပ်ခွင်တွေမှာရော၊ နေအိမ်တွေ မှာရော လိင်ပိုင်းဆိုင်ရာ စော် ကားမှုတွေ ရှိ လာတယ်။ ဒီလိုလူ့ အခွင့်အရေး ချိုးဖောက်ခံရမှုတွေ ကို UN  နဲ့ နိုင်ငံ တကာက သိပြီး ကာကွယ် မှု များများလုပ်ပေးနိုင်ဖို့ ဒီအစီရင်ခံစာကို ထုတ်ပြန်ခဲ့တာ ပါ''ဟု Ko Kim ကပြောသည်။

Pann Nu  ဖောင်ဒေးရှင်း အဖွဲ့သည် အိန္ဒိယနိုင်ငံ နယူးဒေ လီမြို့တွင် တရားဝင်မှတ်ပုံတင် ထားသည့် အဖွဲ့ဖြစ်ပြီး အိန္ဒိယအ ရှေ့မြောက်ဒေသနှင့် မြန်မာနိုင်ငံ မှ အမျိုးသမီးများ၏အခွင့်အရေး ကာကွယ်ရေးနှင့် အမျိုးသမီးဖွံ့ ဖြိုးရေး လုပ်ငန်း များ ကို တက်ကြွ စွာလုပ်ဆောင်နေသည့် အဖွဲ့အ စည်းတစ်ခုဖြစ်သည်။

ငယ်ထွေး (ကလေး)
Yangon Media Gruop

ဆက်ဖတ်ရန်>>>>

ဆန္ဒပြမှုမှ ဆူပူအကြမ်းဖက်မှုများဆီသို့

နိုင်ငံတိုင်းလိုလိုမှာ ဆန္ဒပြမှုဆိုတာ လွှဲရှောင်လို့ ရနိုင်တဲ့ အရာတော့ မဟုတ်ပါဘူး။ အုပ်ချုပ်သူ အစိုးရရဲ့ စီမံခန့်ခွဲမှုလိုအပ်ချက်တွေ နိုင်ငံအတွင်း အကျင့်ပျက်ခြစားမှုတွေ နိုင်ငံရေး လူမှုရေး စီးပွားရေး စတဲ့ အဆင်မပြေမှုတွေကြောင့် တိုင်းသူပြည်သားတွေက မကျေမနပ်ဖြစ်တဲ့အခါ ဆန္ဒပြမှုတွေလုပ်တတ် ကြပါတယ်။

အရှေ့ အနောက် ဆင်းရဲ ချမ်းသာမရွေး နိုင်ငံတွေအများအပြားမှာ ဆန္ဒပြပွဲတွေ ရှိတတ် ပါတယ်။ ဒါပေမဲ့ တစ်နိုင်ငံနဲ့ တစ်နိုင်ငံပုံစံတွေ အလားအလာတွေ မတူညီကြပါဘူး။ တစ်ချို့နိုင်ငံတွေမှာ ဆန္ဒပြမှုများဟာ အေးချမ်းစွာ ဖြေရှင်းပြီးစီး သွားတတ်ကြပါတယ်။ တစ်ချို့နိုင်ငံတွေမှာတော့ ဆန္ဒပြမှု များကနေ ဆူပူအကြမ်းဖက်မှုများ စစ်ပွဲများအထိ ဖြစ်ပေါ်လာပြီး နိုင်ငံ့အချုပ်အခြာ ပြိုလဲသည်အထိ ထိန်းသိမ်းမရ ဖြစ်ခဲ့ရတာကို ကမ္ဘာတစ်လွှား တွေ့မြင်ကြရမှာ ဖြစ်ပါတယ်။

ဘာကြောင့်များ ဒီလိုတွေဖြစ်လာရတာပါလဲ။ လေ့လာမိသလောက်၊ သက်ကြီးစကား သက်ငယ် ကြားမိသလောက် ပြည်တွင်းပြည်ပ ၂ ပိုင်း တွေ့မြင်ရမှာပါ။ ဆိုဗီယက်ယူနီယံပြိုကွဲပြီး ကမ္ဘာ့ အင်အားကြီးချိန်ခွင်လျှာ တစ်ဖက်စောင်းသွားခဲ့ပါတယ်။ အင်အားကြီး ဒီမိုကရေစီ နိုင်ငံကြီးများအနေနဲ့ ၄င်းတို့တိုင်းပြည်အတွင်းမှာ ဒီမိုကရေစီအရေးထက် နိုင်ငံ့အရေးကိုသာ ဦးစားပေးသော်လည်း နိုင်ငံ တကာကိုတော့ ဒီမိုကရေစီအရေး ဗန်းပြပြီး တွန်းအားပေး မောင်းနှင်ကြပါတယ်။

၎င်းတို့အလိုမရှိသောအစိုးရ အုပ်ချုပ်တဲ့နိုင်ငံများကို အဓိကပစ်မှတ်ထား တိုက်ခိုက်တတ်ကြ ပါတယ်။ လူသားဆန်မှု လူ့အခွင့်အရေးဆိုတာတွေကို အတင်းသွတ်သွင်းပြီး ပြဿနာများကို ဖော်ဆောင် တတ်ကြပါတယ်။ နိုင်ငံအတွင်း ဘာသာရေး လူမျိုးရေး စီပွားရေး ပဋ္ဋိပက္ခများ ဖြစ်ပေါ်စေပြီး အစိုးရကို အကျပ်အတည်းဖြစ်အောင် ဆောင်ရွက်တတ်ကြပါတယ်။ ဒီနိုင်ငံတွေရဲ့ နိုင်ငံသားတွေ အတွက် ဒီမိုကရေစီအရေးကို ဗန်းပြပြီး သူတို့သြဇာညောင်းမယ့် အစိုးရဖြစ်စေရေး၊ ပဋ္ဋိပက္ခများ ဖြစ်လာရင်လည်း စစ်လက်နက်များ ရောင်းချရေး အဓိက ဦးတည်တာကို တွေ့ရတတ်ပါတယ်။

ပြည်တွင်းအပိုင်းကို ကြည့်ရအောင် ။ နိုင်ငံတစ်နိုင်ငံမှာ အုပ်ချုပ်သူအစိုးရ အရည်အသွေး ညံ့ဖျင်းခဲ့ရင် တိုင်းပြည်ကို ဖွံ့ဖြိုးတည်ငြိမ်အောင် ထိန်းသိမ်းနိုင်ဖို့မလွယ်ပါဘူး။ စီမံခန့်ခွဲရေးညံ့ဖျင်းရင် တိုင်းပြည် စီးပွားရေးကျဆင်းမယ်၊ ပြည်သူလူထုတွေ ကျပ်တည်းမယ်၊ အကျင့်ပျက်ခြစားမှုတွေ ဖြစ်မယ်၊ ပဋ္ဋိပက္ခတွေ ထိန်းသိမ်းနေရတာနဲ့ တိုင်းပြည်ဟာ ရှေ့ကိုမတက်နိုင်ဘူး ဖြစ်ပါမယ်။

“ဒီနေရာမှာ High Light လုပ်ချင်တာက ပညာရေးကဏ္ဍပဲ ဖြစ်ပါတယ်။”

တိုင်းပြည်မှာ စီမံခန့်ခွဲမှုညံ့ဖျင်းမယ်၊ စီးပွားရေးကြပ်တည်းမယ်၊ မငြိမ်မသက်ဖြစ်နေမယ်ဆိုရင် တိုင်းပြည်ရဲ့ ပညာရည်အဆင့်အတန်းဟာ ဘယ်လိုမှ မြင့်တက်လာစရာ မရှိပါဘူး။ ဒီလိုဘဲ ပညာရည် နိမ့်ကျတဲ့တိုင်းပြည်မှာ စီမံခန့်ခွဲမှုတွေ စီးပွားရေးတွေ ကောင်းလာစရာမရှိသလို အေးချမ်းဖွံ့ဖြိုး စရာလည်း လမ်းမမြင်ပါဘူး။ ပညာတတ်တယ်ဆိုတာ ဆရာဝန်ဘွဲ့တွေ အင်ဂျင်နီယာဘွဲ့တွေ ပါရဂူဘွဲ့ တွေကို ဆိုလို တာမဟုတ်ဘဲ တစ်မျိုး သားလုံး ပညာရည် မြင့်မားရေးကို ဆိုလိုခြင်း ဖြစ်ပါတယ်။

ဆန္ဒပြ ဆူပူအကြမ်းဖက်မှုများနဲ့ ပညာရေး ဘယ်လို ပတ်သက်ပါသလဲ။

ပညာအခြေခံကောင်းတဲ့ ဒီမိုကရေစီနိုင်ငံကြီးများမှာ ပြည်သူများကလည်း အေးချမ်းစွာ စည်းကမ်းတကျ ဆန္ဒပြတောင်းဆိုကြသလို စီမံခန့်ခွဲမှုကောင်းတဲ့ အစိုးရကလည်း စီမံခန့်ခွဲမှုကောင်းစွာ ဖြေရှင်းပေးနိုင်တဲ့အတွက် များသောအားဖြင့် အေးချမ်းစွာ ပြီးစီးသွားတတ်ပါတယ်။

“ပညာအခြေခံမရှိသူများမှာတော့ ဘယ်သူဘာပြောပြောယုံလွယ်ပါတယ်၊ သွေးဆူလွယ်ပါတယ်၊ အုပ်စုဖွဲ့လိုစိတ် အကြမ်းဖက်လိုစိတ် တော်လှန်အုံကြွလိုစိတ်တွေများနေတတ်ပါတယ်။ ” ဒီလူတွေကို ပြည်တွင်းပြည်ပက အကွက်ချစီမံမှုတွေနဲ့ ပေါင်းစပ်လိုက်တော့ ဆန္ဒပြမှုများကတစ်ဆင့် ဆူပူအကြမ်း ဖက်မှုများ စစ်ပွဲများအထိ ဦးတည်လာစေပါတယ်။

ပညာအခြေခံရှိမှ စီးပွားရေး နိုင်ငံရေး ဘာသာရေးနဲ့လူမျိုးရေး ယုံကြည်မှုများကို မှန်ကန်စွာ တွေးခေါ်လုပ်ဆောင်နိုင်မှာဖြစ်ပါတယ်။ ဆူပူဆန္ဒပြမှုများနဲ့ အစိုးရတစ်ရပ်ကို ဖြုတ်ချနိုင်ခြင်းကို ပြည်သူ လူထုရဲ့ လတ်တလောအောင်မြင်မှုလို့ တွေးထင်နိုင်စရာရှိပေမယ့် ကောင်းတဲ့အလားအလာတော့ မဟုတ်ပါဘူး။

နောက်ထပ်တာဝန်ယူမယ့် လူသစ်များကလည်း အရင်လူများနဲ့ ပညာရည် ခံယူချက် အတွေး အခေါ်နဲ့ အတ္တပရတွေ သိပ်ကွာကြမှာမဟုတ်ကြလို့၊ အီဂျစ်လို မကြာခဏ မတည်မငြိမ် ဖြစ်ရင်ဖြစ် ဒါမှမဟုတ် အာဖဂန်နစ္စတန် အီရတ်နဲ့ ဆီးရီးယားလို အချင်းချင်း တိုက်ခိုက်သတ်ဖြတ်ကြပြီး တိုင်းပြည် လည်းကြေမွလို့ ပြည်ပတပ်များ ၀င်ရောက်ဗိုလ်ကျတဲ့အဖြစ်ကိုဘဲ ရောက်ရင်ရောက်ကြရမှာပါ။ ဒီလိုနဲ့ အဆိုးသံသရာ လည်နေမှာပါ။

အင်အားကြီးနိုင်ငံများကတော့ ပဋ္ဋိပက္ခတွေကို ဖြန်ဖြေချင်ယောင်ဆောင်၊ စစ်ဖြစ်လာရင် လက်နက်တွေရောင်း၊ အခြေအနေပိုဆိုးလာရင် ငြိမ်းချမ်းရေးထိန်းသိမ်းမှုအသွင်ယူပြီး တိုင်းပြည် အတွင်းကိုဝင် ခေတ်သစ်ကိုလိုနီပြုဖို့ အသင့်ပြင်ဆင်ထားကြမှာ ဖြစ်ပါတယ်။

ဒါကြောင့် နိုင်ငံတစ်နိုင်ငံကို အေးချမ်းတိုးတက်ဖွံ့ဖြိုးအောင် တည်ဆောက်ရာမှာ စီမံခန့်ခွဲရေး၊ စီးပွားရေးနဲ့ တရားဥပဒေစိုးမိုးရေးတွေ ကောင်းမွန်ဖို့လိုသလို ဒီအရာတွေ ကောင်းမွန်ဖို့အတွက်လည်း တစ်မျိုးသားလုံးရဲ့ ပညာရေးစနစ်ကို အလေးထားမြှင့်တင်ဆောင်ရွက်ပေးနိုင်ဖို့ အရေးတကြီး လိုအပ်လှ ပါတယ်။

ကျွန်တော်တို့တိုင်းပြည်ကရော ဘယ်လိုနိုင်ငံမျိုးထဲမှာပါနေပြီးရှေ့ကိုဘာဆက်လုပ်သင့်ပါသလဲ။


ကောင်းသစ်

ဆက်ဖတ်ရန်>>>>

ဓားဖြင့်ခုတ်သည်ဆိုသည့်အမှု ပြစ်မှုကျူးလွန်သူများကို မိဘများကိုယ်တိုင် ရဲလက်အပ်

ကြည့်မြင်တိုင် စက်ဆန်းတွင်ဖြစ်ပွားခဲ့သည့် ဓားခုတ်မှုတစ်ခုတွင် ပြစ်မှုကျူးလွန်သူလေးဦးအား မိဘများ ကိုယ်တိုင် ရဲစခန်းသို့ လာရောက်အပ်နှံခဲ့သည်ဟု စက်ဆန်းနယ်မြေရဲစခန်းမှ အမှုစစ် ဒု-ရဲအုပ် မိုးကျော် က မဇ္ဈိမကို အောက်တိုဘာ ၂၇ ရက်က ပြောသည်။

အမှုမှာ အောက်တိုဘာ ၂၆ ရက် ည ၁၁ နာရီကျော်အချိန်က ဦးမြရပ်ကွက်၊ မြတ်သူရိန်လမ်းရှိ စံပယ် လက်ဖက်ရည်ဆိုင်တွင် ဘောလုံးပွဲကြည့်နေသည့် လူငယ်တစ်ဦးကို အခြားလူငယ်သုံးဦးက ချုပ်ကိုင်ပြီး ကျန်လူငယ်တစ်ဦးက ဓားဖြင့်ခုတ်ခဲ့သည်ဆိုသော တိုင်တန်းမှုလည်း ဖြစ်သည်။

“ပြစ်မှုကျူးလွန်သူတွေကို မိဘတွေကိုယ်တိုင် လာအပ်လို့ ဖမ်းမိထားပါပြီ။ သူတို့ မိဘတွေ အချင်းချင်း ကလည်း မိတ်ဆွေတွေပါ။ ပြီးတော့ သူငယ်ချင်း အချင်းချင်း ဖြစ်ကြတာပါ။ ဒီအမှုကို ဆက်လက်လည်း စစ်ဆေးနေပါတယ်” ဟု ဒု-ရဲအုပ် မိုးကျော်က ရှင်းပြသည်။

ထို့ပြင် ဓားဖြင့်ခုတ်သည်ဆိုသော်လည်း ပြစ်မှုကျူးလွန်စဉ် အသုံးပြုသောဓားမှာ ခဲတံချွန်ရာတွင် အသုံးပြု သော တွန်းထုတ်ရသည့် အဆစ်ပါဓားသာဖြစ်ပြီး အရိုးအသွား ၆ ဒသမ ၇ လက်မရှိသော ဓားသာဖြစ် သည်ဟု ၎င်းကဆိုသည်။

အမှုမှာ ဘောလုံးပွဲကြည့်နေသည့် သန်းစိုးအောင်(၂၀)နှစ်အား တစ်ရပ်ကွက်တည်းနေ ဌေးငယ်ဦး၊ မင်း ခန့်(၂၇)နှစ်၊ ကြည်စိုး၊ သီဟတို့က လွန်ခဲ့သောတစ်ပတ်ခန့်က စကားများပြီး ဆဲဆိုခဲ့သည့်အတွက် ပြန် လည်တောင်းပန်ခိုင်းခြင်းဖြစ်သည်။

ထို့ကြောင့် ထပ်မံစကားများရန်ဖြစ်ကြရာမှ သန်းစိုးအောင်အား မင်းခန့်၊ ကြည်စိုး၊ သီဟတို့က ချုပ်ကိုင် ပေးပြီး ဌေးငယ်ဦးက ဓားဖြင့် ခုတ်ခဲ့သည့်ဟု ကာယကံရှင်ဘက်က ကနဦးအနေဖြင့် တိုင်တန်းခဲ့ခြင်း ဖြစ်သည်။

ထို့ကြောင့် သန်းစိုးအောင်တွင် ယာလက်ပြတ်ရှ၊ ရင်အံပြတ်ရှ၊ လည်ပင်းပြတ်ရှဒဏ်ရာများရရှိခဲ့ကာ ရန် ကုန်ဆေးရုံကြီးတွင် အတွင်းလူနာ (စိုးရိမ်ရ) အဖြစ် တင်ပို့ကုသခဲ့ရသည်ဟုလည်း ရဲစခန်းက ကနဦး အနေဖြင့် ထည့်သွင်းဖော်ပြခဲ့ခြင်းလည်းဖြစ်သည်။

“လူနာကလည်း စိုးရိမ်စရာမရှိတော့ပါဘူး။ နည်းနည်းပါးပါး ချုပ်ရတာပဲရှိပါတယ်။ ခွဲရစိပ်ရတာ မရှိခဲ့ပါ ဘူး” ဟု ဒု-ရဲအုပ်မိုးကျော်က အတည်ပြုပြောခဲ့သည်။

အဆိုပါအမှုကို ကာယကံရှင်မိဘဖြစ်သူ ဒေါ်တင်တင်လှက တိုင်တန်းထားသဖြင့် စက်ဆန်းနယ်မြေ ရဲစခန်းက (ပ)၃၇၆ /၂၀၁၃၊ ပြစ်မှုပုဒ်မ ၃၂၆ ဖြင့် ဆက်လက်စစ်ဆေးသွားမည်။

ဇော်ဇော်ထွေး// Mizzima - News in Burmese

ဆက်ဖတ်ရန်>>>>

ပဲခူး၊ ဟင်္သာကုန်းက ပဒေသာပင်ပွဲအား မင်းမဲ့စရိုက်ဆန်ဆန် ၀င်ရောက်ဖျက်ဆီးမှု

ပဲခူးမြို့ ဟင်္သာကုန်း မွန်စံပြရှိ မွန်ရိုးရာပဒေသာပင်ပွဲတော်အား မင်းမဲ့စရိုက်ဆန်ဆန် ၀င်ရောက်ဖျက်ဆီးမှု သီတင်းကျွတ်လပြည့်ညက ဖြစ်ပွားခဲ့ရာတွင် ပြစ်မှုကျူးလွန်သူများကို ဖမ်းဆီး အရေးယူပေးခြင်း မရှိသေး ဟု ပွဲတော်ရှိ စည်းကမ်းထိန်းသိမ်းရေးခေါင်းဆောင်ဖြစ်သူ ကိုဖြိုးဝေမြင့်က မဇ္ဈိမကို ပြောဆိုလိုက်သည်။

“အခုချိန်ထိ အရေးယူခြင်းမရှိသေးဘဲ ပြစ်မှုကျူးလွန်ခဲ့တဲ့ ချာတိတ်တွေကို လွှတ်ပေးထားတယ်” ဟု ၄င်းက ပြောပြသည်။

အမှုမှာ ယင်းနေ့ည ၁၀ နာရီအချိန်က မွန်းရိုးရာပဒေသာပင်ပြုလုပ်နေသော ပွဲတော်လမ်းအတွင်းသို့ လူ ငယ် ၁၅ ဦးခန့်က အိတ်ဇောဖြုတ်ထားသော ဆိုင်ကယ်များအား မွေလိမ်မွေကောက်မောင်းနှင်ခြင်းများ၊ ပဒေသာပင်များရှိ ပိုက်ဆံများအား ဖြုတ်ယူမောင်းပြေးမှုများ ပြုလုပ်ခဲ့ကြကြောင်း စည်းကမ်းထိမ်းသိမ်း ရေးခေါင်းဆောင်က ပြောသည်။

ထို့ကြောင့် လမ်းအတွင်းမှ လူများက လိုက်လံဖမ်းဆီးရာတွင် ဆိုင်ကယ်တစ်စီးကျန်ခဲ့ပြီး ည ၁ နာရီခွဲ အချိန်တွင် အဆိုပါ ဆိုင်ကယ်အား ပြန်လည်ယူဆောင်ရန် တုတ်ကိုယ်စီကိုင်ဆောင်ထားသော လူငယ် သုံးဆယ်ဦးခန့်ဖြင့် လမ်းအတွင်းသို့ လာရောက်ခဲ့ကြခြင်းဖြစ်သည်။

“သူတို့တွေ တုတ်ကိုယ်စီနဲ့ ၀င်လာလို့ ပြဿနာတွေ ပိုတက်မှာစိုးလို့ ကျွန်တော်ကရှေ့ဆုံးကနေသွား တားတာ။ အဲဒါကို သူတို့ထဲက တစ်ယောက်က သံတုတ်နဲ့ ရိုက်လိုက်လို့ မှောက်သွားတဲ့အချိန်မှာနောက် တစ်ယောက် ကျွန်တော့်ကျောကို ဓားနဲ့ နှစ်ချက်ထိုးခဲ့တယ်” ဟုလည်း ကိုဖြိုးဝေမြင့်က ပြောပြသည်။

အဆိုပါ အဖွဲ့အား မောင်စိုးညီညီဆိုသူက ဦးဆောင်လာကြောင်းနှင့် မောင်ရဲလင်းထွန်းက တုတ်ဖြင့်ရိုက် ကာ ကျန်တစ်ဦးကဓားဖြင့်ထိုးခဲ့ခြင်းဖြစ်သည်ဟုလည်း ကာယကံရှင်က စွပ်စွဲပြောကြားထားသည်။

ယင်းသို့ ရိုက်နှက်မှုကြောင့် လမ်းသူလမ်းသားများက လိုက်လံဖမ်းဆီးရာတွင် အကုန်လုံးလွတ်မြောက် သွားခဲ့ပြီး ဆိုင်ကယ်လေးစီးသာ ကျန်ခဲ့သည်ဟု သိရသည်။

အဆိုပါ ဖြစ်စဉ်အား ကနဦးတွင် လူမှုရေးအရ ညှိနှိုင်းမှု ပြုလုပ်ရန် စီစဉ်ထားသော်လည်း အုပ်စုဖွဲ့ထပ်မံပြု လုပ်မှုများရှိနေသောကြောင့် ရဲစခန်းသို့ အောက်တိုဘာ ၂၂ ရက်တွင် အမှုဖွင့် တိုင်တန်းလိုက်ကြောင်း လည်း ကိုဖြိုးဝေမြင့်က ပြောသည်။အခင်းဖြစ်စဉ်က ကျန်ခဲ့သော ဆိုင်ကယ်လေးစီးကိုလည်း ရဲစခန်းက သိမ်းဆည်းထားသည်။

အဆိုပါ အမှုနှင့် ပတ်သက်ပြီး ပဲခူးအမှတ်(၁)ရဲစခန်းမှ အမှုစစ်ဖြစ်သူ ဒု-ရဲအုပ် သောင်းမင်းထွန်းက “ဒီ အမှုကို စစ်ဆေးဆဲဖြစ်နေလို့ ဘယ်သူ့ကိုမှ မဖမ်းထားရသေးပါဘူး၊ တိုင်တဲ့ထဲမှာတော့ နေလင်းထွန်းပါ အပေါင်းအပါငါးဦးဆိုပြီး တိုင်ထားပါတယ်။ အရေအတွက် ဘယ်လောက်ပါလဲဆိုတာ ပြောလို့မရသေး ပါဘူး” ဟု မဇ္ဈိမ၏ ဆက်သွယ်မေးမြန်းမှုကို ဖြေကြားခဲ့သည်။

လက်ရှိအချိန်တွင် တိုင်တန်းခံထားရသူ ငါးဦးကို အာမခံဖြင့် လွှတ်ပေးထားကြောင်း နှင့် အဓိကတိုင်တန်း ခံထားရသူကို ခေါ်ယူစစ်ဆေးနေကာ ပါဝင်ပါက်သက်သူများကို ဖော်ထုတ်နေသည်ဟုလည်း ၄င်းက ပြောပြခဲ့သည်။

အဆိုပါ ရဲစခန်းမှ ဖုန်းကိုင်ဖြေကြားခဲ့သည့် တာဝန်ရှိသူတစ်ဦးကလည်း “ဒီအမှုတွေက တကယ်တန်းဖမ်း ရင်လည်း အာမခံပေးရတဲ့ အမှုပါ” ဟု ရှင်းပြသည်။

လက်ရှိအချိန်တွင် အဆိုပါ တိုင်တန်းမှုကို ရဲစခန်းက (ပ)၆၁၇ /၂၀၁၃ ဖြင့် အမှုဖွင့်ပြီး ပုဒ်မ ၃၂၄/ ၃၂၅/ ၁၁၄ တို့ဖြင့် အရေးယူရန် ဆောင်ရွက်နေသည်ဟုလည်း အဆိုပါ မြို့မရဲစခန်းမှ စုံစမ်းသိရသည်။ မဇ္ဈိမ အနေဖြင့် တိုင်တန်းခံရသည့်ဘက်သို့ ဆက်သွယ်မေးမြန်းရန် လုပ်ဆောင်ခဲ့သော်လည်း အခက်အခဲ အချို့ကြောင့် ဆက်သွယ်မေးမြန်းမှုမပြုနိုင်ခဲ့ပေ။


ဇော်ဇော်ထွေး၊၊ Mizzima - News in Burmese

ဆက်ဖတ်ရန်>>>>

အိန္ဒိယတွင် မိုးကြီးမှုကြောင့် ရေလွှမ်းမိုးကာ သေဆုံးသူ ၄၈ဦးထိ ရှိလာ

အောက်တိုဘာ ၂၈။

အိန္ဒိယတွင် ဆယ်စုနှစ်တစ်စုအတွင်း အဆိုးရွာဆုံး မုန်တိုင်းဒဏ်ခံခဲ့ရသော အရှေ့ပိုင်းဒေသများတွင်  မိုးသည်းထန်စွာ သွန်းခြင်းများ ဆက်တိုက်နီးပါးဖြစ်ပွားခဲ့သဖြင့် ရေလွှမ်းမိုးကာ သေဆုံးသူပေါင်း ၄၈ ဦးအထိ ရှိလာပြီဖြစ်ကြောင်း သိရ သည်။

သြရိဿပြည်နယ် အရှေ့ပိုင်းတွင် ရေကြီး၊ ရေလျှံမှုဒဏ်ကို ထောင်ပေါင်းများစွာသော အိုးအိမ်များက ခံစားနေကြောင်း၊ ခရိုင်ငယ် ၃၀ နီးပါးမှ ကျေးရွာများ ရေမြုပ်နေပြီဖြစ်ကြောင်းနှင့် ဆက်သွယ်ရေးလမ်းကြောင်း အများစုမှာလည်း ပြတ်တောက် နေပြီဖြစ်ကြောင်း အိန္ဒိအမျိုးသား သတင်းအေဂျင်စီ Press Trust  အောက်တိုဘာ ၂၆ရက်က ကြေညာခဲ့သည်။ ယခုရေလွှမ်းမိုးနေသည့် ဒေသများသည် ပြီးခဲ့သည့် နှစ်ပတ်က ဆိုင်ကလုန်း ဖိုင်လင်းမုန်ုတိုင်း ၀င်မွှေခဲ့ သော နေရာများဖြစ်၍ စားနပ်ရိက္ခာ၊ ဆေးဝါးနှင့် သောက်သုံးရေ ပြတ်လပ်မှု ပိုနိုင်ပြီး လက်ရှိအခြေအနေအရ ရေသည် နောက်ထပ် ၄၈နာရီကြာမြင့်ချိန် ရောက်မှသာ ကျသွားဖွယ်ရှိသည်ဟု သိရသည်။

Ref: AFP
မြန်မာ့ခေတ်

ဆက်ဖတ်ရန်>>>>

အမေရိကန်က မာကယ်လ်၏ဖုန်းကို ၂၀၀၂ခုနှစ် ကတည်းက ထောက်လှမ်းနေခဲ့နေဖွယ်ရှိ

အောက်တိုဘာ ၂၈။

ဂျာမနီမှ Der Spiegel မဂ္ဂဇင်းက အမေရိကန်သည် ဂျာမနီအဓိပတိ အိန်ဂျယ်လာမယ်ကယ်လ်ကို လွန်ခဲ့သော ၁၀နှစ်ကျော် ကတည်းက ထောက်လှမ်းနေခဲ့ဖွယ်ရှိသည်ဟု ရေးသားလိုက်သည်။ အောက်တိုဘာ ၂၆ ရက်က ထုတ်ခဲ့သော သတင်းတွင် မာကယ်လ်၏ ဖုန်းကို NSA ၏ Special Collection Service (SCS) တွင် GE Chancellor Merkel ဟု အမှတ်အသားပြုကာ စားရင်းသွင်းထားကြောင်း ဖော်ပြသည်။ ပြီးခဲ့သော ဇွန်လက သမ္မတအိုဘားမားက ဘာလင်သို့ သွားရောက် မလည်ပတ်မီ အချိန်အထိ ထိုစာရင်းမှာ ရှိနေခဲ့သည်ဟု ဆိုသည်။

မဂ္ဂဇင်းက SCS အထောက်အထားအရ စပိုင်လုပ်ငန်းခွဲများက နိုင်ငံခေါင်းဆောင်တစ်ဦး အမည်စာရင်းကို စုံစမ်းမှု စာရင်းတွင် ထည့်သွင်းထားခြင်းမှာ တရားမ၀င်သလို အမေရိကန်နှင့် အခြားနိုင်ငံများအကြား ဆက်ဆံရေးကို ကြီးမားစွာ ထိခိုက်စေသည်ဟု ရေးသားထားသည်။ ထိုမျှ မက ပြင်သစ်၊ မက်ဒရစ်၊ ရောမ၊ ဂျနီဗာ စသည့် ကမ္ဘာ့နေရာပေါင်း ၈၀ ခန့်တွင် ယင်းစပိုင် လုပ်ငန်းခွဲများ ရှိနေသည်ဟု ဆိုသည်။

သို့သော်လည်း မဂ္ဂဇင်းက  SCS ပေါက်ကြားမှုနှင့် ပတ်သတ်ပြီး မည်သည့်သတင်းရင်းမြစ်ကိုမျှ ဖော်ပြခြင်း မရှိသလို၊ မှတ်တမ်းကိုလည်း ထုတ်ပြခြင်း မရှိသေးပေ။

ယခုသတင်းပတ်အတွင်း ဂျာမနီ ခေါင်းဆောင်အပေါ် စပိုင်လုပ်သည့် လုပ်ရပ်အတွက် အမေရိကန် သံအမတ်ကို ဆင့်ခေါ် ဆွေးနွေးမှု လုပ်ခဲ့သည်။ ယင်းဖြစ်ရပ်အတွက် ဂျာမနီ ထောက်လှမ်းရေး အကြီးအကဲက လာမည့်ရက်သတ္တပတ် အတွင်း ဖြေရှင်းချက်တောင်းရန် အမေရိကန်သို့ သွားရောက်မည်ဖြစ်သည်။

သမ္မတ အိုဘားမားကလည်း ဂျာမနီခေါင်းဆောင်ကို စပိုင်လုပ်ရပ်များ အမှန်တကယ်ဖြစ်ကြောင်း သူသိပြီဆိုသည်နှင့် ချက်ချင်း ရပ်တန့်စေရမည်ဟု ပြောခဲ့ကြောင်း မဂ္ဂဇင်းက ရေးသားထားသည်။ လက်ရှိအချိန်တွင် ၀ါရှင်တန်တွင် အွန်လိုင်း စပိုင်လုပ်ရပ်များအတွက် ထောင်နှင့်ရှိသော ကန့်ကွက်သူများက ချီတက်ဆန္ဒပြခြင်းများပြုလုပ်လျှက် ရှိသည်။

Ref: Al Jazerra
မြန်မာ့ခေတ်

ဆက်ဖတ်ရန်>>>>

မိန်းကလေးအစစ်ကို မချစ်တတ်တော့သည့် ဂျပန်လူငယ် အမျိုးသားများ

ဂျပန်တွင် ယခုအခါ အမျိုးသမီးများထက် ကွန်ပျူတာနှင့် အတုအယောင် ဂိမ်းဇာတ်ရုပ်များကို ပိုမိုစွဲလမ်း ချစ်ခင်သည့် အိုတာကူခေါ် အမျိုးသားထုတစ်ရပ် ပေါ်ပေါက်လာခဲ့သည်။

မီးခလုတ်များကို လိုက်ပိတ်ပြီးနောက် အခန်းတံခါးကို ဆွဲပိတ်ကာ သော့ခတ်လိုက်သည်။ ထိုအခန်းကို မည်မျှအချိန်ကြာကြာ ပိတ်ထားရမည် မသိသေး။ ဂျပန်နိုင်ငံ၊ ဟော်ကိုင်ဒိုရှိ ဆေးရုံတစ်ခုမှ သားဖွားဆောင် အခန်းကို ပိတ်ပစ်လိုက်ခြင်း ဖြစ်သည်။ ယင်းသည် ဂျပန်နိုင်ငံတွင် ကလေးမွေးဖွားမှုနှုန်း ကျဆင်းလာခြင်း၏ ပြယုဂ်တစ်ခု ဖြစ်ပြီး ဆန်းကျယ်သော အကြောင်းအရာ တစ်ခု၏ ဂယက်ရိုက်ခတ်မှုဟုလည်း ဆိုနိုင်သည်။ အာရှတိုက်၏ အထင်ကရ ဖွံ့ဖြိုးတိုးတက်ပြီး နိုင်ငံကြီးတွင် လူငယ်များ ကလေးမွေးဖွားနှုန်း သိသိသာသာ လျော့နည်းလာသည်။ အဘယ်ကြောင့်နည်း။ အဖြေက အမျိုးသားများက အမျိုးသမီး အစစ်များကို စိတ်မဝင်စားတော့၍ ဖြစ်လေသည်။

ဂျပန်နိုင်ငံတွင် (၂၀၆၀)ပြည့်နှစ်၌ လက်ရှိလူဦးရေ၏ (၃)ပုံ(၁)ပုံမျှ လျော့နည်းသွားနိုင်ကြောင်း သုတေသီများက သတိပေးထားသည်။ အကြောင်းအမျိုးမျိုးကြောင့် ကလေးမွေးဖွားမှုနှုန်း ကျဆင်းလာပြီး ယင်းတို့အနက် အထူးခြားဆုံးနှင့် အဆီအငေါ် အတည့်ဆုံး ပြဿနာ တစ်ရပ်မှာ လူငယ် အမျိုးသားများက လူငယ်အမျိုးသမီးများကို လိင်ပိုင်းဆိုင်ရာ စိတ်ဝင်စားမှု နည်းပါးသွားခြင်း ဖြစ်သည်။ ဂျပန်တွင် ယခုအခါ အမျိုးသမီးများထက် ကွန်ပျူတာနှင့် အတုအယောင် ဂိမ်းဇာတ်ရုပ်များကို ပိုမိုစွဲလမ်း ချစ်ခင်သည့် အိုတာကူခေါ် အမျိုးသားထုတစ်ရပ် ပေါ်ပေါက်လာခဲ့သည်။ ၎င်းတို့သည် လိင်သာယာမှုကို လက်တွေ့လောကထက် အတုအယောင် လောကတွင်သာ ရှာဖွေ ပျော်မွေ့နေသူများလည်း ဖြစ်ကြသည်။

ဂျပန်နိုင်ငံတွင် ဂိမ်းနှင့် ကာတွန်းဇာတ်ရုပ် မိန်းကလေးများကို စွဲလမ်းနှစ်သက်မှုသည် တရိပ်ရိပ် တိုးပွားလာနေသည်။ လူဦးရေ (၃၅)သန်း နေထိုင်သည့် တိုကျိုမြို့တော်ကြီးတွင် အိုတာကူ လူတန်းစားတစ်ရပ် လျင်လျင်မြန်မြန် ကျယ်ပြန့်ဖြစ်တည်လာခဲ့သည်။ တိုကျိုတွင် အေကီဟာဘာရာဆိုသော အရပ်ဒေသ တစ်ခုရှိသည်။ ယင်းကို အိုတာကူတို့၏ နိဗ္ဗာန်ဘုံဟု တင်စားကြသည်။ အသက်(၂၀)ဝန်းကျင် လူငယ်များသည် ကိုယ်ပိုင် ဖန်တီးထားသည့် စိတ်ကူးယဉ် ကမ္ဘာငယ်များဖြင့် အေကီဟာဘာရာတွင် ပျော်မွေ့နေကြသည်။ ယင်းနေရာတွင် Anime ကာတွန်းနှင့် ဂိမ်းအမျိုးမျိုးကို စုံလင်စွာ ရွေးချယ် ဝယ်ယူနိုင်ပြီး ဂိမ်းချစ်သူများ အကြိုက်ဆုံး ဆွဲဆောင်မှုလည်း ဖြစ်နေသည်။ ထို့နောက်ပိုင်းတွင် 3Dနည်းပညာဖြင့် ဖန်တီးထားသည့် အမျိုးသမီးငယ် ပုံရိပ်များသည် လူငယ် အမျိုးသားတို့၏ စိတ်အာရုံကို အဓိက လွှမ်းမိုး ချုပ်ကိုင်သွားတော့သည်။

"ခုချိန်မှာ ဂျပန်က အမျိုးသားလူငယ် တော်တော်များများဟာ လိင်မှုဘဝနဲ့ သွေးသားဆာလောင်မှုမှာ ထုံထိုင်းမှိုင်းဝေပြီး တက်ကြွမှု တော်တော် နည်းသွားပြီ"ဟု ဂျပန် မိသားစု စီမံကိန်းဌာနမှ ကူနီယို ကီတာမာရာက မှတ်ချက်ပြုခဲ့သည်။ ဂျပန်တွင် ချစ်သူစုံတွဲ အဖြစ်မှ ပြတ်စဲလမ်းခွဲမှုများ သိသာစွာ မြင့်တက်လာသလို (၂၀၁၀)ပြည့်နှစ်က ဂျပန်နိုင်ငံ ကျန်းမာရေး ဝန်ကြီးဌာနက ကောက်ယူသည့် စစ်တမ်းတွင် အသက်(၁၆)နှစ်မှ (၁၉)နှစ်ကြား အမျိုးသား လူငယ်များ၏ (၃၆)ရာခိုင်နှုန်းသည် လိင်ကိစ္စကို လုံးဝ စိတ်မဝင်စားတော့ကြောင်း တွေ့ရှိလာခဲ့သည်။ ယင်းသည် (၂၀၀၈)ခုနှစ်ကထက် (၂)ဆတိုးလာခြင်းလည်း ဖြစ်သည်။ လက်ရှိတွင် အမျိုးသား လူငယ်များ၏ ချစ်ခြင်းမေတ္တာသည် အတုအယောင် မိန်းကလေးများအတွက်သာ ဖြစ်တည်နေတော့သည်။

"အိုတာကူ နှစ်ယောက်ကို တွေ့ဖူးတယ်။ သူတို့နှစ်ယောက်လုံးက အတုအယောင် မိန်းကလေးတွေရဲ့ ချစ်သူအဖြစ်ပဲ ကိုယ့်ကိုယ်ကိုယ် ယုံကြည်ထားကြတာပါ။ တကယ်တော့ သူတို့ရဲ့ ချစ်သူဆိုတာ Nintendo ဂိမ်းထဲက မိန်းကလေးတွေပါပဲ"ဟု BBCမှ အနီတာ ရာနီက ပြောကြားခဲ့သည်။ Love Plus အမည်ရှိ ကွန်ပျူတာဂိမ်းသည် သေးငယ်ပေါ့ပါးသည့် Tablet ကွန်ပျူတာလေးများတွင် ဆော့ကစားရလေ့ ရှိသော ချစ်သူရည်းစားထားသည့် ဂိမ်းမျိုးဖြစ်သည်။ နူရီကန်နှင့် ယူဂီတို့သည် ရင်ကိုနှင့် နီနီဟု အမည်ပေးထားသည့် ကွန်ပျူတာဂိမ်း ချစ်သူနှစ်ဦးမှလွဲလျှင် မည်သည့် မိန်းကလေးကိုမျှ စိတ်မဝင်စားကြချေ။ ပန်းခြံထဲတွင် ချိန်းတွေ့ရန်၊ ချစ်သူကို မွေးနေ့လက်ဆောင် ကိတ်မုန့်ဝယ်ပေးရန် Love Plusက လမ်းဖွင့်ပေးထားပြီး ယင်းဘဝတွင်ပင် သာယာနေကြသည်။

"ကျွန်တော်တို့ အထက်တန်း ကျောင်းသား ဘဝကတည်းက စိတ်ကူးယဉ်ထားတဲ့ ချစ်သူမျိုးကို ပိုင်ဆိုင်နေပြီလေ"ဟု နူရီကန်က ဂုဏ်ယူစွာ ဆိုသည်။ ၎င်းသည် ဂိမ်းကစားတိုင်း အသက်(၁၅)နှစ်အရွယ် ခံစားချက်မျိုးဖြင့် တက်ကြွနေသော်လည်း လက်တွေ့တွင် အသက်(၃၈)နှစ် ရှိနေပြီ ဖြစ်သည်။ အိမ်ထောင်ပြုရန် စိတ်မဝင်စားဘဲ ၎င်း၏ စိတ်ခံစားချက် အားလုံးကို ဂိမ်းထဲမှ မိန်းကလေး ရင်ကိုထံတွင်သာ နူရီကန်က မြှုပ်နှံပေးထားသည်။ "ကျွန်တော် အချိန်ပေးနိုင်ရင် ပေးနိုင်သလောက် ကျွန်တော့် အချစ်ရေးက တည်မြဲနေမှာပဲလေ"ဟု အသက်(၃၉)နှစ် ရှိပြီဖြစ်သော ယူဂီက ပြောဆိုခဲ့သည်။ ၎င်းက "ဂိမ်းထဲမှာ ကျွန်တော်တို့ တူတူ ကျောင်းသွားကြတယ်။ ကျောင်းဆင်းရင် ဂိတ်ပေါက်မှာ ချိန်းထားပြီး ကျွန်တော်တို့တူတူ ပြန်လာတယ်။ ဒီဂိမ်းထဲမှာ ကျွန်တော့်အသက်က (၁၇)နှစ်လေ"ဟုလည်း ယူဂီက ဆိုသည်။

၎င်းသည် ဂိမ်းထဲမှ ချစ်သူမိန်းကလေး နီနီနှင့် အပြင်လောကတွင် တွေ့ဆုံရသည်ဟု စိတ်ကူးယဉ်ဖူးကြောင်းလည်း ယူဂီက ဝန်ခံခဲ့သည်။ နူရီကန်နှင့် ယူဂီတို့၏ စွဲလမ်းမှုအရ အိုတာကူ ပြဿနာသည် လူငယ်ပိုင်းတွင်သာမက၊ လူလတ်ပိုင်းသို့ပါ ကူးစက်လာကြောင်း ထင်ရှားလျှက်ရှိသည်။ ဂျပန်နိုင်ငံတွင် စုံတွဲများထံ ကောက်ယူသော စစ်တမ်းအရ ဖိုမဆက်ဆံမှုသည် သိသာစွာ ကျဆင်းလာနေကြောင်းလည်း သတင်းများက ဆိုသည်။ စုံတွဲ အားလုံး၏ (၂၇)ရာခိုင်နှုန်းကသာ ၎င်းတို့အနေဖြင့် အပတ်စဉ် ချစ်တင်းနှီးနှောဖြစ်ကြောင်း ဝန်ခံခဲ့ကြသည်။ လက်ထပ်မှုနှုန်းမှာလည်း ဆုတ်ယုတ်လာနေသလို ကလေးမွေးဖွားမှုနှုန်းလည်း နည်းပါးသွားသည်။ အခြေတကျ လက်မထပ်မီ ကလေးယူမှုသည် (၂)ရာခိုင်နှုန်းအောက်သာ ရှိတော့သည်။

ဂျပန်မီဒီယာ အများအပြားကလည်း လက်ရှိ အခြေအနေကို ဝေဖန် ရေးသားမှုများ ပြုလုပ်နေပြီး ဂျပန် အမျိုးသားများ အနေဖြင့် ပိုမို၍ လူလားမြောက်ပြီး လိင်မှုကိစ္စကို စိတ်ဝင်စားရန် ဆော်ဩလာကြသည်။ ဂျပန် လူမှုရေး သုတေသီ အချို့ကမူ နိုင်ငံ၏ လူဝင်မှု စည်းမျဉ်းများ တင်းကျပ်လွန်းပြီး ကမ္ဘာအရပ်ရပ်နှင့် ထိတွေ့မှု အပိုင်းတွင် အကဲဆတ်လွန်းခြင်းကလည်း ယခုပြဿနာများ၏ တစ်စိတ် တစ်ဒေသဟု သုံးသပ်ထားကြသည်။

From: Planet Myanmar Network

ဆက်ဖတ်ရန်>>>>

Facebook အသုံးမပြုရန် တားမြစ်မှုကြောင့် အိန္ဒိယ အမျိုးသမီးငယ် တစ်ဦး မိမိကိုယ်ကိုယ် ဆုံးစီရင်

အိန္ဒိယနိုင်ငံတွင် ဆယ်ကျော်သက် အရွယ် ကောလိပ်ကျောင်းသူ တစ်ဦးအား ၎င်း၏မိဘများကFacebook ကဲ့သို့သော လူမှုကွန်ရက် ဝက်ဘ်ဆိုက်များကို အသုံးမပြုရန် တားမြစ်မှုကြောင့် အဆိုပါ ကျောင်းသူသည် မိမိကိုယ်ကိုယ် အဆုံးစီရင်ခဲ့ကြောင်း ဒေသတွင်း ရဲတပ်ဖွဲ့က အောက်တိုဘာ ၂၄ ရက်တွင် ပြောကြား ခဲ့သည်။

အသက် ၁၇ နှစ်အရွယ်ရှိ အိုက်ရွှာယာအက်စ်ဒါ ဟီဝယ်လ်သည် ၎င်းအ Facebook အသုံးမပြုရန် တားမြစ် သော ၎င်း၏မိဘများနှင့် အချေအတင် စကားများ ပြီးနောက် အောက်တိုဘာ ၂၃ ရက် ညပိုင်းတွင် မိမိကိုယ်ကိုယ် အဆုံးစီရင်သွားခြင်း ဖြစ်သည်။

ပါ့ဘ်ဟာနီမြို့ရှိ ရဲတပ်ဖွဲ့၏ ပြောကြားချက်အရ သူမ၏မိဘများက ဖုန်းဖြင့် Facebook အသုံးပြုမှုအား မပြုလုပ်ရန် ကြိမ်ဖန်များစွာ တားမြစ်ခဲ့ပြီး ကျောင်းစာကိုသာ အာရုံစိုက် လုပ်ဆောင်ရန် တိုက်တွန်းခဲ့ ကြောင်း၊ အောက်တိုဘာ ၂၃ ရက် ညတွင် သူမ၏မိဘများနှင့် အချေအတင် စကားများပြီး နောက် အိပ်ခန်း အတွင်းသို့ ဝင်ရောက်ကာ သေတမ်းစာ တစ်စောင် ရေးသားခဲ့ပြီး မိမိကိုယ်ကိုယ် အဆုံးစီရင်သွားခြင်း ဖြစ်ကြောင်း သိရသည်။ ၎င်း၏ သေတမ်းစာတွင် သူမသည် ကန့်သတ်ချုပ်ချယ်မှုများ များပြားလှသော အိမ်တွင် နေထိုင်လိုစိတ် မရှိကြောင်းနှင့် Facebook အသုံးမပြုဘဲ အသက်မရှင် နိုင်ကြောင်းတို့ကို ကြိမ်ဖန်များစွာ ရေးသားခဲ့ကြောင်း သိရသည်။

မြ၀တီ

ဆက်ဖတ်ရန်>>>>

ရုပ်ရှင်၊ ဗီဒီယိုများ ပြန်လည်ရိုက်ကူးခွင့်ပြုလိုက်သည့် ရန်ကုန်တက္ကသိုလ်နယ်မြေ

ရန်ကုန်တက္ကသိုလ်နယ်မြေအတွင်းမှာ ရုပ်ရှင်၊ ဗီဒီယိုနဲ့ ကြော်ငြာနောက်ခံရိုက်ကူးခွင့်တွေကို အကြောင်း အမျိုးမျိုးကြောင့် ရိုက်ကူးမှုခွင့်ပြုခြင်းကိုရပ်နားထား ခဲ့ပြီး ၂၀၁၃ ခုနှစ်၊ ၃ လပိုင်းကမှ တရားဝင်ပြန်ရိုက်ခွင့် ခွင့်ပြုလိုက်တယ်လို့သိရပါတယ်။ ရန်ကုန်တက္ကသိုလ်ထဲမှာ ရုပ်ရှင်၊ ဗီဒီယို၊ ကြော်ငြာ နောက်ခံ ဇာတ်ကားတွေ ရိုက်ကူးခွင့်ကို ၂၀၁၃ ခုနှစ်၊ မတ်လကမှ တရားဝင်ရိုက်ခွင့်ပြန်လည်ခွင့်ပြုထားခဲ့ပြီး ဗီဒီယို၊ ကြော်ငြာ သတင်း ရိုက်ကူးခွင့် ၈ ခုခန့် လာရောက်ရိုက်ကူးပြီးပြီဖြစ်တယ်လို့ သိရပါတယ်။

အဆိုပါ တက္ကသိုလ်နယ်မြေအတွင်း ရိုက်ကူးမယ့် ရုပ်ရှင် ကုမ္ပဏီမှ လုံခြုံရေးနဲ့ စည်းကမ်း ထိန်းသိမ်းရေး၊ ရန်ကုန်တက္ကသိုလ်မှ သတ်မှတ်ထားတဲ့ အခြားစည်းကမ်းကန့်သတ်ချက်များကို လိုက်နာရမှာဖြစ်ပြီး ရိုက်ကူးမယ့်နေရာ ရိုက်ကွက် ၊ ရိုက်ကွင်း၊ ရိုက်ကူးမယ့် ရုပ်ရှင်ကုမ္ပဏီမှ ကြိုတင် ညှိနှိုင်း သဘောတူချက် ရယူခြင်း၊ ပညာရေးနယ်ပယ်နဲ့ တက္ကသိုလ်ရဲ့ ဂုဏ်သိက္ခာကို ထိခိုက် စေမယ့် ရိုက်ကွင်းနဲ့ အသုံး အနှုန်း မပါရှိရေး၊ မြန်မာ့ယဉ်ကျေးမှုကို ထိခိုက်နိုင်တဲ့ အရာများ မပြုလုပ် စေရေး အစရှိတာတွေကို ရိုက်ကူးမယ့် ရုပ်ရှင် ကုမ္ပဏီမှ တာဝန်ယူရမှာဖြစ်တယ်လို့ သိရပါတယ်။

MRTV 4

ဆက်ဖတ်ရန်>>>>

လူမျိုးရေးခွဲခြားမှုပြုလုပ်ခဲ့သည့် ရုရှား

၂၀၁၈ ကမ္ဘာ့ဖလားပြိုင်ပွဲကို အိမ်ရှင်အဖြစ်လက်ခံကျင်းပခွင့်ရမယ့် ရုရှားနိုင်ငံဟာ လူမျိုး ရေးခွဲခြားမှု ပြဿနာတွေနဲ့ ရင်ဆိုင်နေရတာကြောင့်ဝေဖန်မှုတွေခံနေ ရပါတယ်။ အောက်တိုဘာလ ၂၃ ရက်နေ့ ချန်ပီယံလိဂ်ပွဲစဉ်အဖြစ် ယှဉ်ပြိုင်ကစားခဲ့တဲ့ စီအက်ကေအေမော်စကိုအသင်းနဲ့ မန်စီးတီးအသင်းတို့ ပွဲစဉ်မှာ မန်စီးတီးကွင်းလယ်လူ ယာယာတိုရေး ကို လူမျိုးရေးခွဲခြားမှုတွေ ပြုလုပ်ခဲ့တာ ဖြစ်ပါတယ်။ အဲ့ဒီကိစ်္စနဲ့ပတ်သတ်ပြီး   ဥရောပဘောလုံးအဖွဲ့ချုပ် ယူအီးအက်ဖ်အေက စုံစမ်း စစ်ဆေးမှုတွေပြု လုပ်နေ သလို အရေးယူဖို့အတွက် စီစဉ်နေပါတယ်။ စီအက်ကေအေ မော်စကိုအသင်းရဲ့ တာဝန်ရှိသူတွေက မိမိတို့ အသင်းပရိ သတ်များဟာ လူမျိုးရေးခွဲခြားခဲ့ ခြင်းမရှိကြောင်း၊ ငြင်းဆိုထားပေမယ့် အောက်တိုဘာလ ၃၀ ရက်နေ့မှာ တရားရင်ဆိုင်ရမှာ ဖြစ်ပါတယ်။

လူမျိုးရေး ခွဲခြားခြင်းခံခဲ့ရတဲ့ ယာယာတိုရေး က ယခုလိုအဖြစ်အပျက်ဟာ မိမိတို့ ကစားသမားတွေကို များစွာအခက်အခဲဖြစ်စေကြောင်းနဲ့  ၂၀၁၈ ကမ္ဘာ့ဖလားပြိုင်ပွဲကို ရုရှားနိုင်ငံမှာ ကျင်းပဖို့အတွက် ပြန်လည်စဉ်းစားသင့်ကြောင်း ပြောကြားခဲ့ပါတယ်။ ဒါ့အပြင် မန်စီးတီးအသင်းကစားသမားများဟာ စီအက်ကေအေမော်စကိုအသင်းနဲ့ ပွဲစဉ်ကို ရုရှားနိုင်ငံမှာ သွားရောက်ယှဉ်ပြိုင်ခဲ့တာကြောင့် အအေးဓာတ်အလွန်များတဲ့ ပြဿနာနဲ့လည်း ရင်ဆိုင်ခဲ့ရတာ ဖြစ်ပါတယ်။

MRTV 4

ဆက်ဖတ်ရန်>>>>

အိန္ဒိယဗုံး လူ ၅ ဦးထက်မနည်း သေဆုံး

Panta မြို့ဗုံးခွဲတိုက်ခိုက်မှုအတွင်း ဒဏ်ရာရသူအား သယ်ဆောင်လာစဉ်။ (အောက်တိုဘာ ၂၇၊ ၂၀၁၃)

အိန္ဒိယနိုင်ငံအရှေ့ပိုင်းပြည်နယ် မြို့တော်တစ်ခုမှာ ဆက်တိုက် ပေါက်ကွဲမှု ဖြစ်ခဲ့လို့ လူ ၅ ဦးထက်မနည်း သေ ဆုံးပြီး ၈၀ ကျော် ဒဏ်ရာရထားတယ်လို့ တာဝန်ရှိသူတွေက ထုတ်ဖော်ပြောဆိုပါတယ်။

ဗုံးဖောက်ခွဲမှုတချို့က ဝန်ကြီးချုပ်ရာထူးအတွက် ယှဉ်ပြိုင်မယ့် အဓိက အတိုက်အခံ BJP ပါတီကိုယ် စားလှယ် Narendra Modi မဲဆွယ် လူထု စုဝေးပွဲကို တိုက်ခိုက်တာ ဖြစ်ပုံရတယ်လို့ Bihar ပြည်နယ် အကြီး အကဲ Nitish Kumar ကပြောဆိုပါတယ်။ Bihar ပြည်နယ် မြို့တော် Patna မြို့တလွှား တနင်္ဂနွေနေ့ က ဗုံး ၆ လုံးထက်မနည်း ပေါက်ကွဲခဲ့ပြီး အတိုက်အခံ BJP ပါတီကိုယ်စားလှယ် လူထုကို မိန့်ခွန်း မပြောခင် အချိန်လေး မှာပဲ ခုလိုပေါက်ကွဲမှု ဖြစ်ခဲ့တာပါ။

လူထုစုဝေးပွဲအတွက် လုံခြုံရေး တင်းတင်းကြပ်ကြပ်ချထားချိန်မှာ ဗုံး ဆက်တိုက်ပေါက်ကွဲမှုတွေဖြစ်ခဲ့ပြီး တိုက်ခိုက် မှုနဲ့ ပတ်သက်လို့ ကြိုတင် သတင်းအချက်အလက် ဘာမှ မရခဲ့ဘူးလို့ Bihar ပြည်နယ် အကြီးအကဲ Nitish Kumar ကပြောဆိုပါတယ်။

၂၀၁၄ မေလမှာ ကျင်းပမယ့် အိန္ဒယနိုင်ငံရွေးကောက်ပွဲမှာယှဉ်ပြိုင်မယ့် ဟိန္ဒူ အမျိုးသား BJP ပါတီ ကစီစဉ်တဲ့ လူထုစည်းဝေးပွဲအတွက် Patna မြို့မှာ လူထု ထောင်နဲ့ချီရောက်နေချိန်မှာ ခုလို တိုက်ခိုက်မှု ဖြစ်ပွားခဲ့တာပါ။ လူထုစည်းဝေးပွဲကိုတော့ နဂိုရ်သတ်မှတ်ထားတဲ့အတိုင်း ပြုလုပ်ကျင်းပခဲ့ပါတယ်။

ဗွီအိုအေ (မြန်မာဌာန)

ဆက်ဖတ်ရန်>>>>

သရုပ်ဆောင် မင်းညီတို့ မိသားစုနဲ့ မိုင်တိုင်၂၇၆ ကားအက်ဆီးဒင့်

အောက်တိုဘာ(၂၆)ရက်နေ့ ကမိသားစု ပုဂံဘုရားဖူး အသွား ညသန်းခေါင်ကျော် အောက်တို ဘာ(၂၇)ရက်နေ့ နံနက်၂နာရီ ၄၅မိနစ်ကမိုင်တိုင်၂၇၆ မှာကားအက်ဆီးဒင့်ဖြစ်ကာ မိထ္ထိလာဆေးရုံသို့ တက်ရောက် ဆေးကု သမူခံယူ ခဲ့ရသူရုပ်ရှင်သရုပ်ဆောင်မင်းညီနဲ့ မိသားစုအတွက် မိတ်ဆွေများ၊ပရိသတ် များနဲ့ အနူပညာ မောင်နှမ များကမှစိတ်ပူကာစိုရိမ် မကင်းရှိခဲ့ကြရပါသည်။“အဆိုးထဲကအကောင်း ဆိုသလို ကလေးတွေ ဘာမှကြီးကြီး မားမားအနာတရမဖြစ်ခဲ့ဘူး”လို့ ကိုမင်းညီကဆိုကြောင်းနဲ့ ထိခိုက် ဒဏ်ရာ ရခဲ့ သူကို မင်းညီတို့ ဇနီးမောင်နှံမှာ လည်းယခုအခါသက်သာနေပြီဖြစ်ကြောင်းစိတ်အေးဖွယ် သိရပါ သည်။“မိုင်တိုင်၂၇၆ မင်းကိုတသက်မမေ့ဘူး အရှင်လတ်လတ်ငရဲကျတဲ့ည ၂နာရီ၄၅”ဟုကိုမင်းညီကဖေ့ဘုတ် ကိုကိုယ်တိုင်သုံးကာရင်ဖွင့်ထားပါသည်။

Phpto credit-Min Nyi

Popular Journal

ဆက်ဖတ်ရန်>>>>