500px က ပိုက်ဆံပေးပြီးဝယ်ရတဲ့ Photo တွေကို Free Download လုပ်ချင်လား ??

Photography စိတ်ဝင်စားသူတွေနဲ့ Photo လန်းလန်းလေးတွေကိုနှစ်သက်သူများအတွက်ပါ... Photography ရဲ့တန်ဖိုးကိုနားလည်တဲ့သူတွေသိပါတယ် Photo တစ်ပုံရဲ့တန်ဖိုးဘယ်လောက်တန်ဖိုးကြီးတယ်ဆိုတာကိုပေါ့...
ကင်မလာမန်းကြီးတွေအတွက်လဲ အိုင်ဒီယာရတာပေါ့... ပုံတွေမှာလဲ အဲ့ပုံရဲ့ ISO တွေ Apature တွေ Shutter Speed တွေ ဘာ Lens နဲ့ ရိုက်တယ်ဆိုတာတွေပါရေးထားပါတယ်...
အရင်စိတ်ဝင်စားသွားအောင် 500px ကိုမသိသူတွေ www.500px.com ကိုအရင်ကြည့်လိုက်ပါ... (download လုံးဝမရပါ Right Click > Save Image As လဲမရပါ)
ပြီးရင်အဲ့က ပုံတွေလိုချင်ရင်တော့ အောက်မှာရေးထားတဲ့ နည်းလမ်းလေးကိုဆက်ဖတ်ပါ...

Step 1 : Firefox Browser ရှိရမည်

Step 2 : Firefox Plug-in ဖြစ်တဲ့ Greasemonkey ကိုသွင်းရပါမယ်... Download&Install: https://addons.mozilla.org/en-US/firefox/addon/greasemonkey/

Step 3 : Userscripts သွင်းလိုက်ရင် အိုကေ သွားပါပြီ... LINK : http://userscripts.org/scripts/show/174189 ကိုဖွင့်ပြီးပြီဆိုရင် ညာဘက်အပေါ်ဆုံးက အစိမ်းရောင် Install လေးကို နှိပ်ပြီးသွင်းလိုက်ပါ...

Step 4 : Brower ကို Restart (ပိတ်ပြီးပြန်ဖွင့်ပါ) လုပ်ပါ .... ပြီးရင် www.500px.com ကိုဖွင့်ပြီး ကြိုက်တဲ့ပုံတစ်ပုံကိုဖွင့်လိုက်ပါ... အဲ့ပုံပေါ်လာရင် ပုံပေါ်ကို Right Click နှိပ်ပြီး Save Image As နဲ့တ၀ကြီး Save နိုင်ပါပြီ... (Greasemonkey Enable ဖြစ်နေရန်တော့လိုသည်)

ဆက်ဖတ်ရန်>>>>

Miss Universe Myanmar ပြိုင်ပွဲ ဝင်ရောက်ယှဉ်ပြိုင်မည့် အလှမယ် အမရာငြိမ်းနှင့် တွေ့ဆုံခြင်း

Miss Universe Myanmar ပြိုင်ပွဲဝင် အလှမယ်တစ်ဦးဖြစ်သူ အမရာငြိမ်းနှင့် တွေ့ဆုံပြီး ပြိုင်ပွဲအတွက် လေ့ကျင့် ပြင်ဆင်နေမှုများ၊ ပရိသတ်များ ကြိုက်နှစ်သက်ကြသည့် သူမရိုက်ကူးသော ဓာတ်ပုံများ အကြောင်း၊ သူမနှင့် ပတ်သက်၍ ထွက်ပေါ်ခဲ့ဖူးသော ကောလာဟလအပေါ် သူမ၏ သဘောထားတို့ကို The Voice က မေးမြန်းထားခြင်း ဖြစ်သည်။

Voice ။ ။ Miss Universe Myanmar ပြိုင်ပွဲကို ဝင်ပြိုင်ဖြစ်သွားပုံလေး ပြောပြပေးပါဦး။

AMN ။ ။ ညီမငယ်ငယ်လေး ကတည်းက Miss Universe လို ပြိုင်ပွဲကြီးမှာ ဝင်ပြိုင်ချင်ခဲ့တာပါ။ ဒါပေမဲ့ တစ်ချိန်တုန်းကတော့ ညီမတို့မှာ ဒီလိုအခွင့်အရေးမျိုးက မျှော်မှန်းခွင့် မရှိခဲ့ဘူးပေါ့။ အခုလို အခွင့်အရေး ရလာတဲ့အခါမှာ ကိုယ့်ရဲ့ အိပ်မက်ကို အကောင်အထည် ဖော်ချင်တဲ့အတွက် ဝင်ပြိုင် ဖြစ်တာပါ။

Voice ။ ။ ဒီပြိုင်ပွဲအတွက် အမရာငြိမ်းရဲ့ ပြင်ဆင်နေမှု အပိုင်းကို ပြောပြပေးပါဦး။

AMN ။ ညီမ ဒီပြိုင်ပွဲအတွက် စာတွေအများကြီး ဖတ်ဖြစ်ပါတယ်။ ညီမက မော်ဒယ်လ်ဆိုတော့ အရင်ကတည်းက အလှအပကို ဂရုစိုက်ပေမယ့် အခုဒီပြိုင်ပွဲ မပြိုင်ခင်ကာလ မှာတော့ ပိုပြီးဂရုစိုက်ဖြစ် တယ်။ ညီမ ကိုယ်အလေးချိန်တက်တာ အရမ်းလွယ်တဲ့အတွက် ကိုယ့်ရဲ့ခန္ဓာ ကိုယ်အချိုးအစားကို သေချာထိန်းတယ်။ Cat Walk လျှောက်တာ လေ့ကျင့်တယ်။ Presentation Skill ကောင်းအောင် အင်္ဂလိပ်စာကိုလည်း ပြန်ပြီး လေ့လာနေပါတယ်။

Voice ။ ။ ပြိုင်ပွဲအတွက် ပြင်ဆင်မှု အပိုင်းမှာရော ဘယ်လိုအခက်အခဲတွေ တွေ့ရလဲ။

AMN ။ ။ ဒီပြိုင်ပွဲက ညီမတို့နိုင်ငံအတွက် နှစ်ပေါင်း ၅၀ ကျော်မှ ပြန်လည် ယှဉ်ပြိုင်ခွင့်ရတာ ဖြစ်တဲ့အတွက် ပြိုင်ပွဲအတွက် ပြင်ဆင်မှု အပိုင်းမှာရော၊ ညီမတို့ တစ်ဦးချင်းစီမှာပါ လိုအပ်ချက်တွေ ရှိမှာပါ။ ဒါပေမဲ့ ညီမယုံကြည်တာက မြန်မာလူမျိုးတွေက စိတ်ဓာတ် အရမ်းကြံ့ခိုင်ပါတယ်။ အဲဒီအတွက် ဟိုမှာသွားပြိုင်တဲ့ အခါမှာ ညီမမှ မဟုတ်ဘူး။ အရွေးခံရတဲ့သူ ဘယ်သူမဆို နိုင်ငံတကာနဲ့တန်းတူ ကိုယ့်နိုင်ငံနောက်ကျ မကျန်ရစ်အောင် အကောင်းဆုံး ယှဉ်ပြိုင်နိုင်မယ်လို့ ယုံကြည်ပါတယ်။

Voice ။ ။ ရုရှားမှာ ကျင်းပမယ့် Miss Universe ပြိုင်ပွဲကို သွားရောက် ယှဉ်ပြိုင်ဖို့အတွက် အမရာငြိမ်းတို့ Miss တွေရဲ့ အားနည်းချက်က ဘာဖြစ်မယ်ထင်လဲ။

AMN ။ ။ အဓိကကတော့ မြန်မာလူမျိုး ဖြစ်တဲ့အတွက် ညီမတို့ရဲ့ ခန္ဓာကိုယ် အချိုးအဆစ်က Swim Suit ဝတ်ဖို့ သိပ်အဆင်မပြေဘူး။ ကျန်တာကတော့ အားလုံးက အရည်အချင်း ကိုယ်စီရှိကြပါ တယ်။

"အမှန်အတိုင်း ပြောရရင် ညီမက ဒီလိုမျိုး ကောလာဟလ တစ်ခုနဲ့ နာမည်ကြီးခဲ့ရတာကို သဘောမကျပါဘူး..."

Voice ။ ။ အမရာငြိမ်းက ဒီပြိုင်ပွဲ အပါအဝင် ပြိုင်ပွဲ ဘယ်နှခုလောက် ပြိုင်ဖူးလဲ။

AMN ။ ။ ညီမက ပြိုင်ပွဲတွေ သိပ်မပြိုင်ဖူးပါဘူး။ မော်ဒယ်လ် စလုပ်တဲ့ ၂၀၁၂ ခုနှစ်လောက်တုန်းက Miss People တစ်ပွဲပဲ ပြိုင်ဖူးပါတယ်။ အဲဒီပြိုင်ပွဲမှာ Best Complexion ဆု ရခဲ့ပါတယ်။ နောက်ပိုင်း ပြိုင်ပွဲတွေ မပြိုင်ဖြစ်တာကတော့ ညီမက ပြိုင်ပွဲမှာ ကြုံရတဲ့ စိတ်ခံစားမှုတွေ၊ စိတ်ဖိစီးမှုတွေကို မခံနိုင်တဲ့အတွက် မပြိုင်ဖြစ်တာပါ။

Voice ။ ။ Miss Universe ပြိုင်ပွဲတွေကို ဘယ်အချိန်ကစပြီး ကြည့်ဖူးတာလဲ။ Miss တစ်ယောက်မှာရှိတဲ့ ဘယ်လိုအရည်အချင်း မျိုးတွေကို အားကျလဲ။

AMN ။ ။ Miss Universe ပြိုင်ပွဲတွေကို ညီမခြောက်တန်းနှစ်လောက် ကတည်းကစပြီး ကြည့်ဖူးပါတယ်။ ညီမ သတိထားမိတာကတော့ Miss Universe ပြိုင်ပွဲတိုင်းမှာ ဆုရသွားတဲ့ Miss တွေ အားလုံးက သူတို့ကိုယ်သူတို့ အရမ်းယုံကြည်မှု ရှိတဲ့ပုံပေါက်တယ်။ ကိုယ်မှန်တယ်ထင်တာ၊ ကိုယ့်စိတ်ထဲမှာ ရှိတာကို ရဲရဲရင့်ရင့်နဲ့ ပြောရဲကြတယ်။ ဒီအချက်တွေကို ညီမသဘောကျသလို၊ အားကျစိတ်လည်း ဖြစ်ပါတယ်။

Voice ။ ။ အခုဆို အမရာငြိမ်းကို မော်ဒယ်လ်အနေနဲ့ ပရိသတ် တော်တော်များများက သတိထားမိ လာကြပြီဆိုတော့ သရုပ်ဆောင်အဖြစ် ဇာတ်ကားတွေ ရိုက်သွားဖို့ရှိလား။

AMN ။ ။ အမှန်အတိုင်း ပြောရရင် ညီမက မော်ဒယ်လ်ကိုတောင် Professional လုပ်တဲ့အထဲမှာ မပါပါဘူး။ သရုပ်ဆောင် ဘက်ကိုတော့ ကူးဖြစ်မှာ မဟုတ်ပါဘူး။ ဒါပေမဲ့ ညီမ ဓာတ်ပုံရိုက်ရတာကိုတော့ အရမ်း ဝါသနာပါတဲ့အတွက် ဓာတ်ပုံမော်ဒယ်လ် အနေနဲ့တော့ ဆက်လုပ်သွားမှာပါ။

Voice ။ ။ အမရာငြိမ်းရဲ့ အပြင်ရုပ်ရည်နဲ့ ဓာတ်ပုံထဲက ရုပ်ရည်က တော်တော် ကွာတယ်နော်။ ဓာတ်ပုံရိုက်တဲ့ အခါမှာကျတော့ ဘယ်လို Mood သွင်းပြီး သရုပ်ဆောင် ဖြစ်လဲ။

AMN ။ ။ ညီမရဲ့မျက်နှာက မိတ်ကပ် လိမ်းပြီးတဲ့ရုပ်နဲ့၊ မလိမ်းရသေးတဲ့ရုပ် အရမ်းကွာတယ်။ ဓာတ်ပုံရိုက်ဖို့အတွက် မိတ်ကပ် လိမ်းလိုက် Mood သွင်းလိုက်ရင်ကို မျက်နှာက ချက်ချင်း ပြောင်းတယ်လို့ ညီမနဲ့ ရိုက်ဖူးတဲ့ ဓာတ်ပုံဆရာတိုင်းက ပြောကြပါတယ်။

Voice ။ ။ အမရာငြိမ်းရဲ့ ဓာတ်ပုံတွေက Sexy Pose တွေများတယ်နော်။ အဲဒါကျတော့ ဘယ်လိုစိတ်သွင်းပြီး သရုပ်ဆောင် ဖြစ်လဲ။

AMN ။ ။ ညီမရိုက်တဲ့ ဓာတ်ပုံတွေမှာ Pose တော်တော်များများက Sexy ဆန်တဲ့ ဘက်ကိုသွားပါတယ်။ Sexy ပုံစံရိုက်ပေမယ့်လည်း အရမ်းကြီးဖော်တာ၊ ချွတ်တာမျိုးတော့ ညီမ မရိုက်ပါဘူး။ ဒါကလည်း ဓာတ်ပုံ ရိုက်တော့မှသာ အဲဒီလိုပုံစံမျိုး ရိုက်ဖြစ်တာပါ။ အပြင်မှာ ဆိုရင်တော့ ညီမက သာမန်သူလို ကိုယ်လိုပုံစံပဲ နေပါတယ်။

Voice ။ ။ ကမ္ဘာကျော် မိုက်ကယ်လန်း အဖွဲ့က အဆိုတော်နဲ့ တွဲရိုက်ခဲ့တဲ့ ကြော်ငြာ ဓာတ်ပုံနဲ့ ပတ်သက်ပြီး ထွက်ပေါ်ခဲ့တဲ့ ကောလာဟလကြောင့် အမရာငြိမ်းကို ပရိသတ်တွေပိုပြီး သတိထားမိလာတယ်လို့ ပြောရင်ရမလား။

AMN ။ ။ အမှန်အတိုင်း ပြောရရင် ညီမက ဒီလိုမျိုး ကောလာဟလ တစ်ခုနဲ့ နာမည်ကြီးခဲ့ရတာကို သဘောမကျပါဘူး။ ညီမက ဒီအနုပညာ အလုပ်တွေကို မိဘ ခွင့်မပြုတဲ့ကြားက လုပ်ခဲ့ရတာ ဖြစ်တဲ့အတွက် အခုလို ပြဿနာ ပေါ်ပေါက်လာတဲ့အခါမှာ အိမ်နဲ့ထပ်ပြီး ဒုတိယအကြိမ် အတိုက်အခံ ဖြစ်ခဲ့ရတယ်။ ဒီကိစ္စနဲ့ ပတ်သက်ပြီး အခုအချိန်အထိ အမြင်လွဲနေသူ တချို့လည်း ရှိတဲ့အတွက် ဒီဖြစ်ရပ်ကို ညီမက သဘောမကျပါဘူး။ ဒီကိစ္စနဲ့ ဆက်နွှယ်ပြီး ကိုယ့်ကို အားပေးတဲ့ နှစ်သိမ့်တဲ့ ပရိသတ်တွေ၊ သူငယ်ချင်းတွေ အများကြီး ရလာတဲ့အတွက်တော့ ညီမကျေနပ်ပါတယ်။

Voice ။ ။ မော်ဒယ်လ် လုပ်တာအပြင် တခြားဘာတွေကိုရော စိတ်ဝင်စားလဲ။

AMN ။ ။ မော်ဒယ်လ် လုပ်တာအပြင် ညီမ သီချင်းနားထောင်ရတာ၊ သီချင်း ဆိုရတာကို ကြိုက်ပါတယ်။ ဒါပေမဲ့ ညီမက အသံတော့ မကောင်းပါဘူး။ သီချင်းကတော့ သီချင်းအမျိုးအစား တော်တော်များများကို ကြိုက်ပါတယ်။ အရမ်းဆူညံ ပေါက်ကွဲတဲ့ သီချင်းပုံစံမျိုးက လွဲရင်ပေါ့။

Voice ။ ။ ဖက်ရှင်ကျတော့ရော ဘယ်လိုဖက်ရှင်မျိုးကို စိတ်ဝင်စားလဲ။

AMN ။ ။ တကယ်တော့ ညီမက ဖက်ရှင်ကို စိတ်ဝင်စားတဲ့ လူထဲမှာ မပါပါဘူး။ ပုံမှန်ထသွားထလာ ဆိုရင်လည်း စကတ်ပွပွဖားဖား တစ်ထည်၊ တီရှပ် တစ်ထည်လောက်ဆို ညီမအတွက် လုံလောက်ပါတယ်။ သိပ်ပြီးတိုလွန်း၊ ပြတ်လွန်းတဲ့ ပုံစံမျိုးကိုတော့ ညီမဝတ်လေ့ ဝတ်ထ မရှိပါဘူး။ ဝတ်ရတာ ပေါ့ပေါ့ပါးပါး ရှိတဲ့ ဖက်ရှင်မျိုးကို ညီမသဘောကျပါတယ်။

Voice ။ ။ Miss Universe Myanmar ပြိုင်ပွဲ အပေါ်မှာရော ဘယ်လောက်အထိ မျှော်လင့်ထားလဲ။

AMN ။ ။ ညီမက ပြိုင်ပွဲမှာ ကြုံရတဲ့ Stress ကို မခံနိုင်ပေမယ့် ဒီပြိုင်ပွဲကတော့ ငယ်ငယ်ကတည်းက ရူးသွပ်ခဲ့ရတဲ့ အိပ်မက် ဖြစ်တဲ့အတွက် ဝင်ရောက် ယှဉ်ပြိုင် ဖြစ်တယ်။ အကောင်းဆုံး ဖြစ်အောင် ကြိုးစားသွားမယ် ဆိုတဲ့စိတ်ပဲ ရှိပါတယ်။ မျှော်လင့်ချက် ဆိုတာတော့ ဘာမှမထား ထားပါဘူး။ ဒီကရသမျှ အတွေ့အကြုံတွေကိုပဲ ညီမလိုချင်ပါတယ်။

Voice ။ ။ အမရာငြိမ်းကို ဖက်ရှင်ရှိုးတွေမှာ လျှောက်တာ သိပ်မတွေ့ရဘူးနော်။

AMN ။ ။ ညီမ ရှိုးလျှောက်ရတာ မကြိုက်ပါဘူး။ ညီမရဲ့ခန္ဓာကိုယ်နဲ့ ရှိုးလျှောက်တာနဲ့က သိပ်ပြီးတော့ အံဝင်ခွင်ကျ မဖြစ်ဘူးလို့ ထင်ပါတယ်။ အဲဒါကြောင့် ရှိုးတွေ သိပ်မလျှောက်ဖြစ်ပါဘူး။

Voice ။ ။ အမရာငြိမ်းကို အားပေးနေတဲ့ ပရိသတ်တွေအတွက် ပြောချင်တာတွေရှိရင် ပြောပေးပါဦး။

AMN ။ ။ ပရိသတ်တွေ အမရာကို ကြည့်ချင်နေသေးသရွေ့၊ Billboard တွေမှာ၊ ကြော်ငြာတွေမှာ မြင်ချင်နေသေးသရွေ့ ညီမ ဒီအလုပ်ကို ကြိုးစားပြီး လုပ်သွားမှာပါ။ ဆက်ပြီးတော့ အားပေးကြပါလို့ လည်း ပြောချင်ပါတယ်။

The Voice Weekly

ဆက်ဖတ်ရန်>>>>

အွန်လိုင်းပေါ်တွင် အန္တရာယ်အရှိဆုံး ဘောလိဝုဒ် သရုပ်ဆောင်အဖြစ် ပရီယန်ကာချိုပရာ သတ်မှတ်ခံရ

ဘောလိဝုဒ် အမျိုးသမီး သရုပ်ဆောင် ပရီယန်ကာချိုပရာဟာ ယခုနှစ်အတွက် အွန်လိုင်းပေါ်မှာ အန္တရာယ်အရှိဆုံး ဘောလိဝုဒ် သရုပ်ဆောင်အဖြစ် သတ်မှတ်ခံခဲ့ရတယ်လို့ timesofindia.com မှာ ဖော်ပြထားပါတယ်။

အင်တာနက် လုံခြုံရေးကုမ္ပဏီ တစ်ခုဖြစ်တဲ့ McAfee ကုမ္ပဏီက ပြုလုပ်တဲ့ လေ့လာမှု တစ်ရပ်အရ ယခုနှစ်အတွင်း အိန္ဒိယနိုင်ငံမှ အင်တာနက် သုံးစွဲသူတွေကို ပစ်မှတ်ထား လိမ်ညာမှုတွေထဲမှာ ပရီယန်ကာချိုပရာရဲ့ နာမည်ကို အသုံးချပြီး ပြုလုပ်တဲ့ လိမ်ညာမှုတွေဟာ အများဆုံး ဖြစ်တယ်လို့ တွေ့ရှိခဲ့ရတာ ဖြစ်ပါတယ်။

ပရီယန်ကာချိုပရာရဲ့နောက်မှာတော့ ရှရွတ်ခန်းနဲ့ ဆယ်လ်မန်ခန်းတို့က ဒုတိယနေရာနဲ့ တတိယနေရာမှာ ရပ်တည်နေပြီး ယမန်နှစ်က အွန်လိုင်းပေါ်မှာ အန္တရာယ်အရှိဆုံး ဘောလိဝုဒ် သရုပ်ဆောင်အဖြစ် သတ်မှတ်ခံခဲ့ရတဲ့ ဆန်နီလီယွန်ကတော့ နံပါတ် ၉ နေရာကို ရောက်ရှိ သွားတာ တွေ့ရပါတယ်။
“အနုပညာရှင်တွေကို သူရဲကောင်းအဖြစ် ကိုးကွယ်တတ်တဲ့ အိန္ဒိယလို နိုင်ငံမျိုးမှာ ဆိုက်ဘာ လိမ်လည်မှု ကျူးလွန်သူတွေဟာ နာမည်ကျော် အနုပညာရှင်တွေရဲ့ နာမည်နဲ့ ဖြားယောင်းပြီး အင်တာနက် အသုံးပြုသူတွေရဲ့ ပုဂ္ဂိုလ်ရေး အချက်အလက်တွေကို ခိုးယူတတ်ပါတယ်” လို့ McAfee အင်တာနက် လုံခြုံရေး ကုမ္ပဏီမှ တာဝန်ရှိသူ တစ်ဦးက ပြောပါတယ်။

ယခုတစ်နှစ်တာအတွင်း အွန်လိုင်းပေါ်မှာ ချိုပရာရဲ့ နာမည်ကို အသုံးပြုပြီး လိမ်လည်မှု ပြုထားတဲ့ အင်တာနက် စာမျက်နှာပေါင်း ၇၉ ခုရှိခဲ့ပြီး ရှရွတ်ခန်းရဲ့ နာမည်နဲ့ လိမ်လည်ထားတာကတော့ ၇၅ ခုရှိကာ ဆယ်လ်မန်ခန်း နာမည်နဲ့ကတော့ ၆၈ ခု ရှိခဲ့ပါတယ်။

ယခုနှစ်အတွက် အွန်လိုင်းပေါ်မှာ အန္တရာယ်အရှိဆုံး ဘောလိဝုဒ် အနုပညာရှင် ၁၀ ဦးကတော့ ပရီယန်ကာချိုပရာ၊ ရှရွတ်ခန်း၊ ဆယ်လ်မန်ခန်း၊ ကရီနာကပူးရ်၊ အက်ခ်ရှေကူးမား၊ ရှိတ်ဖ်အလီခန်း၊ အမီတာဘတ်ချန်း၊ ဖာဟန်အက်ခ်တာ၊ ဆန်နီလီယွန်၊ ဟာရီသစ်ခ်ရိုရှန်တို့ပဲ ဖြစ်ပါတယ်။

The Voice Weekly

ဆက်ဖတ်ရန်>>>>

စစ်တောင်းမြစ်ရေ စိုးရိမ်ရေမှတ် ကျော်လွန်မှုကြောင့် တောင်ငူတွင် ထပ်မံရေကြီး

တောင်ငူ၊ စက်တင်ဘာ ၂၈

ပဲခူးတိုင်းဒေသကြီး တောင်ငူမြို့တွင် စစ်တောင်းမြစ်ရေမှာ စိုးရိမ်ရေမှတ်ကို ဒုတိယအကြိမ်မြောက် ကျော်လွန်ခဲ့သဖြင့် မြို့အနိမ့်ပိုင်း ရပ်ကွက်များတွင် ရေကြီးမှု ထပ်မံဖြစ်ပွားခဲ့ကြောင်း တောင်ငူမြို့ခံများ ထံမှသိရသည်။

စက်တင်ဘာလ ၂၈ ရက်နေ့နံနက် ၆ နာရီခွဲအချိန် တိုင်းထွာချက်များအရ စစ်တောင်းမြစ်ရေမှာ စိုးရိမ်ရေမှတ် ၆၀၀ စင်တီမီတာ အထက်သို့ ကျော်လွန်ပြီး ၆၁၆ စင်တီမိတာအထိ ရောက်ရှိ ခဲ့ကြောင်း တောင်ငူခရိုင် မိုးလေဝသနှင့် ဇလဗေဒ ညွှန်ကြားမှုဦးစီးဌာန ခရိုင်ဦးစီးမှူး ဦးမျိုးမြင့်အောင်က ပြောကြားသည်။
“စိုးရိမ်ရေမှတ် ၆၀၀ စင်တီမီတာ အထက်ကို ရောက်ရှိနေပေမယ့် ၆၄၅ စင်တီ မီတာလောက်ကို ရောက်မှ လူနေအိမ်ခြေတွေ ရွှေ့ပြောင်း တတ်တာပါ။ ရွှေကျင်နဲ့ မဒေါက်မှာ စိုးရိမ်ရေမှတ် အထက်မှာ မရှိတဲ့အတွက် တောင်ငူမှာ အရမ်းစိုးရိမ်စရာ အနေအထားမှာ ရှိမနေပါဘူး” ဟု ဦးမျိုးမြင့်အောင်က ရှင်းပြသည်။

တောင်ငူမြို့နယ် အနိမ့်ပိုင်းရပ်ကွက်များဖြစ်သော အမှတ် (၉) ရပ်ကွက်ရှိ ကြက်သျှာစွန်းနှင့် ဝိုင်းလေးကွက်သစ်၊ သဖန်းပင် ကျေးရွာအုပ်စု အလယ်ကျွန်း ကျေးရွာနှင့် မိုးကောင်းကျေးရွာအုပ်စု မိုးကောင်းရွာသစ်၊ စစ်တောင်းမြစ် ကမ်းနားလမ်း ရပ်ကွက်များဖြစ်သော ရပ်ကွက် ၂၀ နှင့်ပေါက်ခို ကျေးရွာများမှ အိမ်ထောင်စု ၆၀၀ နီးပါး၏ လူနေအိမ်များတွင် အနိမ့်ပိုင်းနေရာအလိုက် ရေအနက် သုံးပေမှ ငါးပေအထိ မြစ်ရေ ဝင်နေပြီး အိမ်ခြေအချို့မှာ နီးစပ်ရာ အိမ်များတွင် ရွှေ့ပြောင်း နေထိုင်နေရကြောင်း အဆိုပါ ရပ်ကွက်များတွင် နေထိုင်သူအချို့က ပြောကြားသည်။
“အနိမ့်ပိုင်းတွေမှာ ငါးပေလောက် ရှိပါတယ်။ ကြက်သျှာစွန်းနဲ့ ဝိုင်းလေး ကွက်သစ်ဆိုရင် ရေက အကုန်အစင် ပြန်မကျသေးခင် ဗြုန်းဆို ပြန် တက်လာတာပါ။ ကူညီစောင့်ရှောက်မှုတွေ၊ ရွှေ့ပြောင်းရတာတွေ မရှိသေးပါဘူး” ဟု တောင်ငူမြို့နယ် အမှတ် (၉) ရပ်ကွက် အုပ်ချုပ်ရေးမှူး ဦးသာထိုက်က ပြောကြားသည်။

၂၀၁၁ ခုနှစ် သြဂုတ်လ ပထမပတ်က တောင်ငူမြို့၌ စစ်တောင်းမြစ်ရေ စိုးရိမ်မှတ် ကျော်လွန် ရောက်ရှိခဲ့မှုကြောင့် တောင်ငူမြို့ ရပ်ကွက်ပေါင်း ၂၀ ကျော်မှ လူဦးရေ နှစ်သောင်း နီးပါးကို ရေဘေးဒုက္ခသည် စခန်း၁၉ ခုဖွင့်လှစ်၍ ရက်ပေါင်း ၂၀ ခန့် နေရာချထားပေးခဲ့ရကြောင်း တောင်ငူ မြို့နယ် အုပ်ချုပ်ရေးမှူးရုံး မှတ်တမ်းများအရ စုံစမ်းသိရှိရသည်။

ဇေယျာကို (တောင်ငူ)

The Voice Weekly

ဆက်ဖတ်ရန်>>>>

မှော်ဘီမြို့နယ်ရှိ လှိုင်မြစ်ကြောင်းတွင် စက်လှေနစ်မြုပ်

လှိုင်မြစ်ကြောင်း

၂၈.၉.၂၀၁၃ ရက်နေ့ ၁၅၃၀အချိန်ခန့်တွင် မှော်ဘီမြို့နယ်နေ စောနေထူး(ဘ)ဦးမောင်ငွေ မောင်းနှင်လာသည့် အရှည်ပေ(၂၀)ခန့်၊ အကျယ်(၂)ပေခွဲခန့်ရှိ တရုတ်ဟွန်ဒါ(၁)ကောင်ခွဲ အင်ဂျင်တပ် အိမ်သုံးသစ်သားစက်လှေသည် ခရီးသည်များတင်ဆောင်၍ မိုးကုလားစုကျေးရွာမှ ညောင်အင်းကုန်းကျေးရွာသို့ ချောင်းဝချောင်းမှ တဆင့် လှိုင်မြစ်ကြောင်းအတိုင်း ကမ်းပါးမှပေ(၂၀) ခန့်ခွာကာ ရေဆန်မောင်းနှင်လာစဉ် မှော်ဘီမြို့နယ်၊ ချောင်းဝကျေးရွာအုပ်စု၊ မိုးကုလားစုကျေးရွာအနီးအရောက်တွင် ၀ဲစုပ်ကာ စက်လှေအတွင်းသို့ ရေ၀င်နစ်မြုပ်ခဲ့ပါသည်။

ထိုသို့နစ်မြုပ်ခဲ့သဖြင့် စက်လှေပေါ်တွင်လိုက်ပါစီးနင်းလာသူ အင်းစိန်မြို့နယ်နေသူများဖြစ်သည့် မခင်သီတာဝင်းနှင့် မတင်တင်မိုး တို့(၂)ဦးအား ရေထဲမှဆယ်ယူကယ်တင်နိုင်ခဲ့ပြီး ကျန်ခရီးသည် များဖြစ်သော အင်းစိန်မြို့နယ်နေသူများဖြစ်သည့် မလှလှအေး၊ မ၀င်းဝင်းမော်နှင့် မဇာနည်မော်တို့(၃)ဦးမှာ ရေနစ်မြုပ်ပျောက်ဆုံး နေသဖြင့် ဆက်လက်ရှာဖွေလျက်ရှိပါသည်။

အဆိုပါရေယာဉ်မောင်း စောနေထူးမှာ ထွက်ပြေးတိမ်းရှောင်သွားသဖြင့် ဖမ်းဆီးရမိရေးဆောင်ရွက်လျက်ရှိပြီး ၎င်းအားမှော်ဘီမြို့မရဲစခန်း (ပ)၅၅၃/၂၀၁၃၊ ပုဒ်မ ၂၈၀/၂၀၂ ဖြင့်အရေးယူဆောင်ရွက်ထားရှိကြောင်း သတင်းရရှိပါသည်။

Yangon Police

ဆက်ဖတ်ရန်>>>>

မိခင်ကို သားဖြစ်သူက သတ်တဲ့ လူသတ်မှု

ရန်ကုန်တိုင်း ဒေသကြီး ထန်းတပင်မြို့နယ်၊ စန္ဒယော်ကျေးရွာ တွင် မိခင်ကို သားဖြစ်သူက သတ်တဲ့ လူသတ် မှု ဖြစ်ပွားခဲ့ကြောင်း ရန်ကုန်တိုင်း ရဲတပ်ဖွဲ့ က သတင်းထုတ်ပြန်ထားပါတယ်။

၂၉.၉.၂၀၁၃ ရက်နေ့ ၀၆၃၀အချိန်တွင် စန္ဒယော်ကျေးရွာ အုပ်ချုပ်ရေးမှူး ဦးကျော်မင်းစိုးသည် စန္ဒယော်ကျေးရွာနေ ဒေါ်ထွေးကြည်(ခ)ဒေါ်မိုး မှာ နေအိမ်တွင် ဓါးဒဏ်ရာများဖြင့် သေဆုံးနေကြောင်း သတင်းကြားသဖြင့် သွားရောက်ကြည့်ရှုရာ ဒေါ်ထွေးကြည်(ခ)ဒေါ်မိုးတွင် ဦးခေါင်းနောက်စေ့ပြတ် ရှ ဒဏ်ရာ၊ ဦးနှောက်ထွက်၊ ၀ဲလက်ကောက်ဝတ်ပြတ်ရှဒဏ်ရာ၊ ၀ဲလက် ညှိုးပြတ်၊ ၀ဲကျောကုန်း ထိုးသွင်းဒဏ်ရာ၊ ၀ဲရင်အုံထိုးသွင်းဒဏ်ရာ(၃) ချက်၊ ၀မ်းဗိုက်ထိုးသွင်းဒဏ်ရာ(၂)ချက်တို့ဖြင့် သေဆုံးနေသည်ကိုတွေ့ရှိရပြီး အနီးတွင် ရဲတင်း(၁)လက်၊ အရိုးအသွား(၆)လက်မခန့်ရှိဝါးရိုးတပ် မီးဖိုချောင် သုံး ဓါးအကျိုး(၁)ချောင်းတို့အား တွေ့ရှိခဲ့ရကြောင်း သတင်းထုတ်ပြန်ချက်မှာ ဖော်ပြထားပါတယ်။

အဆိုပါ ဖြစ်စဉ်အား စုံစမ်းမေးမြန်းရာ အခင်းဖြစ်အိမ်ခေါင်းရင်းဘက် (၂၅)ပေခန့်အကွာနေ ဦးသစ်လွင်၏ ပြောပြချက်အရ ၀၃၃၀ အချိန် ခန့်တွင် သေဆုံးသူနှင့်အတူနေသားဖြစ်သူ တင်ထွန်းဝင်းတို့ စကားများကြကြောင်း၊ သေဆုံးသူမှ တင်ထွန်းဝင်း ငါ့ကိုမလုပ်နဲ့ ငါပေးမယ်ဟုပြောဆိုသံကြား ရကြောင်းတို့ကို သိရှိရသဖြင့် ဒေါ်ထွေးကြည်(ခ)ဒေါ်မိုးကို သတ်ခဲ့သူ တင်ထွန်းဝင်းအား အရေးယူပေးပါရန် ဦးကျော်မင်းစိုးမှ တိုင်တန်းခဲ့၍ တက်သစ်နယ်မြေရဲစခန်း(ပ)၉၆/၂၀၁၃၊ ပုဒ်မ ၃၀၂ဖြင့် အမှုဖွင့်ပြီး တရားခံဖမ်းဆီးရမိရေး ဆောင်ရွက်လျက်ရှိကြောင်း ရန်ကုန်တိုင်း ရဲတပ်ဖွဲ့ သတင်းထုတ် ပြန်ချက်မှာ ဖော်ပြထားပါတယ်။

                                                                                                    Myanmar News Now

ဆက်ဖတ်ရန်>>>>

Hunger Games ဒါရိုက်တာနှင့် ပြန်လည်အလုပ်လုပ်မည့် ဂျနီဖာလောရင့်စ်

Hunger Games ဒါရိုက်တာနှင့် ပြန်လည်အလုပ်လုပ်မည့် ဂျနီဖာလောရင့်စ် Universalက ဂျွန်စတိန်း ဘက်၏ ဂန္ထဝင် ဝတ္ထုဟောင်းဖြစ်သည့် East of Edenကို ဆန်းသစ်ရိုက်ကူးရန် ဂယ်ရီကို တာဝန်ပေးခဲ့ပြီး ဂယ်ရီက ဂျနီဖာကို ပါဝင်လာရန် ကမ်းလှမ်းခဲ့

ဂျနီဖာ လောရင့်စ် အနေဖြင့် Hunger Games ဇာတ်ကားတွင် အတွဲညီခဲ့သည့် ဒါရိုက်တာ ဂယ်ရီရော့စ်နှင့် နောက်တစ်ကြိမ် လက်တွဲဖြစ်မည်ဟု သိရသည်။ အမျိုးသမီး တစ်ဦး၏ စွန့်စားခန်းများကို အသားပေး ဖော်ကျူးခဲ့သည့် Hunger Games ဇာတ်ကားတွင် ဂယ်ရီသည် ဂျနီဖာကို အကောင်းဆုံး လမ်းညွှန်သွန်သင်မှုများ ပြုလုပ်ပေးခဲ့သည်။ ယခုအခါ Universalက ဂျွန်စတိန်းဘက်၏ ဂန္ထဝင် ဝတ္ထုဟောင်းဖြစ်သည့် East of Edenကို ဆန်းသစ်ရိုက်ကူးရန် ဂယ်ရီကို တာဝန်ပေးခဲ့ပြီး ဂယ်ရီက ဂျနီဖာကို ပါဝင်လာရန် ကမ်းလှမ်းခဲ့သည်။ အသက်(၂၃)နှစ်ရှိ အော်စကာဆုရှင် မင်းသမီးကလည်း ဆရာဟောင်းနှင့် ပြန်လည်ပေါင်းစည်းရန် လိုလိုလားလား လက်ခံခဲ့ကြောင်း သတင်းများက ဖော်ပြခဲ့သည်။

ဂျနီဖာသည် အဆိုပါ ဇာတ်ကားတွင် သီယိုဂျိမ်းစ်နှင့် တွဲဖက်သရုပ်ဆောင်ရဖွယ် ရှိနေသည်။ East of Edenသည် (၁၉၅၅)ခုနှစ်က ဒါရိုက်တာ အီလီရာကာဇန် တာဝန်ယူပြီး ရုပ်ရှင်အဖြစ် တစ်ကြိမ် ရိုက်ကူး ခဲ့ဖူး သည်။ ထိုစဉ်က နာမည်ကျော်မင်းသား ဂျိမ်းစ်ဒင်းက ဦးဆောင် ပါဝင်ခဲ့သည်။ လတ်တလောတွင် ဂျနီဖာ သည် Hunger Games ဇာတ်ကား၏ နောက်ဆက်တွဲ Catching Fireအတွက် အလုပ်များနေဆဲ ဖြစ်သည်။ ဂယ်ရီ သည် Burial Rites ဝတ္ထုကို ရုပ်ရှင်အဖြစ် ပြောင်းလဲရန် ရည်ရွယ်ထားပြီး ယင်းအတွက်လည်း ဂျနီဖာ ကို ကမ်းလှမ်းဖွယ် ရှိနေကြောင်း သိရှိရသည်။

Planet Myanmar Network

ဆက်ဖတ်ရန်>>>>

လယ်သမားတွေကို သင့်တော်တဲ့ လျော်ကြေးပေးခဲ့ကြောင်း ဒုတိယဝန်ကြီး ဦးရဲထွဋ် ပြောကြား

နေပြည်တော် ပုဗ္ဗသီရိမြို့နယ်မှာ သတင်းစာ တိုက်တွေ နဲ့ ပုံနှိပ်စက်ရုံတွေ အတွက်ဆိုပြီး သိမ်း ဆည်း ထားတဲ့ လယ်ယာမြေတွေအတွက် ပြန်ကြားရေး ဝန်ကြီးဌာနက သင့်တော်တဲ့ လျော်ကြေးတွေပေး ခဲ့ကြောင်း ပြန်ကြားရေးဌာန ဒုတိယ ဝန်ကြီး ဦးရဲထွဋ်က အာဖက်အေကို ပြောကြား လိုက်ပါတယ်။

ပြန်ကြားရေးဝန်ကြီးဌာနကပေးတဲ့ လျှော်ကြေးဟာ ကာလပေါက်ဈေးထက် သိပ်ပြီးနည်းပါးလွန်းတဲ့အတွက် ဝဲကြီးကျေးရွာ လယ်သမားတွေက မကြေနပ်ကြဖူးလို့ ပုဗ္ဗသီရိမြို့နယ် ပြည်သူ့လွှတ်တော်ကိုယ်စားလှယ် ဦးဇေယျာသော်ရဲ့ ကိုယ်ရေးအရာရှိ ဦးခင်မောင်တင့်က အာဖက်အေကို ၂၈ ရက်နေ့မနက်က ပြောဆိုခဲ့ပါတယ်။

" ကာလဒေသပေါက်ဈေးမဟုတ်ပဲနဲ့ တစ်ဧကကို ၂ သိန်းခွဲနှုန်းနဲ့ ပေးတော့ တောင်သူတွေက မယူတော့ပဲနဲ့ သူတို့လယ်ယာမြေတွေထဲကို ပြန်ဝင်ပြီးတော့ လုပ်ကိုင်ဆောင်ရွက်ကြတာဗျ၊ နိုင်ငံတော် သမ္မတခြံနဲ့ ဘေးခြင်းကပ်ကိုပဲ တစ်ဧကကို ကားလမ်းနဲ့ နီးတဲ့နေရာကို သိန်း ၂၀၊ ကားလမ်းတဲ့ နည်းနည်းလှမ်းတဲ့ နေရာကို ၁၀ သိန်းနှုန်းနဲ့ လွန်ခဲ့တဲ့လ ၂၈ ရက်နေ့က လျှော်ကြေးပေးသွားတာဗျ"

အဲဒီလို နိုင်ငံတော်သမ္မတဦးသိန်းစိန်က တဧကကို သိန်း ၂ဝ အထိပေးတဲ့လယ်မြေတွေနဲ့ တဆက်တည်း ဖြစ်ပါလျှက်နဲ့ ပြန်ကြားရေးက ၂ သိန်းခွဲနှုန်းပဲ ပေးတယ်ဆိုတာ ဟုတ်ပါသလားလို့ RFA က မေးမြန်းခဲ့ရာမှာ ဒုတိယဝန်ကြီး ဦးရဲထွဋ်က “ သမ္မတကြီးပေးတဲ့လယ်က ရာဇဌာနီလမ်းဘေးက စပါးစိုက်တဲ့လယ်မြေတွေဖြစ်ပြီး အခုမိမိတို့ လျှော်ကြေးပေးတဲ့မြေများက ယာမြေ၊ ကြံစိုက်မြေဖြစ်ပါတယ်၊ ရာဇဌာနီလမ်းနဲ့ ဆယ်မိုင်လောက် ဝေးတဲ့ မိုးကောင်းသောက်မြေများဖြစ်ပါတယ်၊ ဒါ့အပြင် အဲဒီကျေးရွာသားတွေဟာ စာရင်းပေါက်သူများ မဟုတ်ပါဘူး၊ နိုင်ငံပိုင် မြေလွတ်မြေရိုင်းတွေမှာ ကျူးကျော်စိုက်ပျိုးခဲ့ကြတဲ့အတွက် ၁၉၉၅-၉၆ ခုနှစ်မှာ အပူပိုင်းဒေသ စိမ်းလန်းစိုပြေရေးဦးစီးဌာနက သူတို့ကို ဖယ်ရှားပြီး ယူကလစ်ပင်များ စိုက်ခဲ့ရာမှာ အခု ၁၅ ပေကျော်အပင်များရှိနေပါပြီ၊ အစိုးရသစ်လက်ထက်မှာ ၉၆ မတိုင်မှီက ကြံစိုက်ခဲ့တဲ့ အထောက်အထားနဲ့ ထပ်မံ လျှော်ကြေး ပေးခဲ့တာပါ၊ မူလ လျှော်ကြေးပေးစဉ်က လယ်မြေနဲ့ ယာမြေ အထောက်အထားပြနိုင်သူတွေကိုပဲ လျှော်ကြေးပေးခဲ့ပေမယ့် အခုတော့ စာနာမှုအရ အရင်လူတွေရခဲ့တဲ့ နှုန်းအတိုင်းပြန်လည်ပြီး လျှော်ကြေး ပေးခဲ့တာ ဖြစ်ပါတယ်” လို့ ၂၈ ရက်နေ့မှာပဲ RFA ကို အင်တာနက်ကနေ ပြန်လည်ဖြေကြားခဲ့ပါတယ်။

ဒီအတောအတွင်းမှာပဲ ပြီးခဲ့တဲ့ စက်တင်ဘာလ ၁၉ ရက်နေ့ညက ဝဲကြီးရွာမှာ ဒေသခံရွာသားတွေနဲ့ ရဲတပ်ဖွဲ့တွေအကြား ဖြစ်ပွားခဲ့တဲ့ ပဋိပက္ခနဲ့ ပတ်သက်ပြီး တရားစွဲခံထားရတဲ့ ဝဲကြီးရွာသား ၁ဝ ဦးက ရဲစခန်းမှာ မနေ့က သွားရောက် အဖမ်းခံခဲ့ကြတဲ့အတွက် ဥတ္တရသီရိမြို့နယ် ရဲစခန်းမှာ သူတို့ကို အခု ဖမ်းဆီးထားတယ်လို့ သိရပါတယ်။

RFA Burmese

ဆက်ဖတ်ရန်>>>>

ပြိုင်တူပြီးတာဟာ ချစ်တင်းနှောခြင်းရဲ့ အကောင်းဆုံးအရသာလား(+18)

“ဇာတ်သိမ်းခန်း ရာဇ၀င်” တင်လိုက်တဲ့အခါမှာ “ရွှေစွန်”ဆိုတဲ့ နာမည်ဝှက်နဲ့ တစ်ယောက်က အင်္ဂလိပ်လို လှမ်းမေးလာပါတယ်။ အင်္ဂလိပ်စာ အခက်အခဲ ရှိသူများအတွက် နည်းနည်း ခက်မှာမို့လို့ သူနဲ့ ပြောဖြစ်တာလေးကို မြန်မာစကားနဲ့ ပြန်တင်ဆက်လိုက်ပါတယ်။
သူ့စာကိုတော့ ဘာသာပြန်ပြမနေတော့ပါဘူး။ လိုရင်းကိုပဲ ရေးပြပါ့မယ်။ သူက မေးလာတာက သူက သူ့အဖော်နဲ့ ချစ်တင်းနှောတဲ့အခါ သူ့အဖော်က အရင် ဇာတ်သိမ်းသွားလေ့ ရှိတယ်။ သူက နောက်ကျမှ ဇာတ်သိမ်းတယ်။ သူက ဆယ်မိနစ်လောက် ကြာတယ်။ သူငယ်ချင်းတွေကို မေးကြည့်တော့ ပြိုင်တူ ဇာတ်သိမ်းတာကမှ ချစ်တင်းနှောခြင်းရဲ့ အနှစ်သာရ ပြည့်စုံတာလို့ ဆိုကြတယ်။ အဲဒါ ဟုတ်လားလို့ မေးလာတာပါ။

ပြိုင်တူ ဇာတ်သိမ်းခြင်းဟာ အပြာစာအုပ်တွေထဲမှာ တင်စားဖွဲ့နွဲ့ထားတာတွေ သက်သက်ပါ။ တစ်နည်းပြောရရင် ယုံတမ်းစကား ဒဏ္ဍာရီသာဖြစ်ပါတယ်။ ပြိုင်တူ ဇာတ်သိမ်းရလို့လည်း ချစ်အရသာ ပြည့်စုံတယ်ဆိုတာ လုံးဝ မဟုတ်ပါဘူး။
သည်နေရာမှာ အရေးတကြီး သတိထားသင့်တဲ့အချက်က အဲဒီ့အပြာစာအုပ်တွေ ရေးသားနေကြသူ အများစုဟာ “လူပြော မသန်”တွေ ဆိုတာပါပဲ။ သူတို့တွေရဲ့ စိတ်မှာ အုံ့ပုန်း ကျိတ်မြုံနေတာတွေ၊ အာသီသတွေကို စာတွေ ချရေးတဲ့နည်းနဲ့ ဖြေဖျောက်နေကြတာဖြစ်ပါတယ်။ တကယ့်အတွေ့အကြုံကို အခြေပြုတယ် ဆိုရင်တောင်မှ ကြားဖူးနားဝနဲ့ ရမ်းသမ်း ဖြီးဖြန်းတွေကို ဦးစားပေး ဖော်ပြကြတာ များပါတယ်။

သေချာတာကတော့ အဲဒီ့စာအုပ်တွေဟာ ဖျော်ဖြေရေး သက်သက်သာ ဖြစ်ပြီး ဘာအဆီအသား၊ ဘာအနှစ်သာရ၊ ဘာပညာသားမှ မပါဘူးဆိုတာကို အားလုံး သတိချပ်သင့်ပါတယ်။ လူတွေကို ဒုက္ခရောက်စေနိုင်တဲ့ အချက်အလက်တွေတောင် ပါနေပါသေးတယ်။ အလွယ်ဆုံး ဥပမာ ပေးရရင်တော့ ယောက်ျားတွေ အိပ်ဖော် တစ်ယောက်ထက် များအောင် လှုံ့ဆော်စာတွေ ဖြစ်ပေမယ့် ကွန်ဒုံး သုံးတာကို ဘယ်အပြာစာအုပ်မှာမှ ထည့်သွင်းဖော်ပြထားတာမျိုး မရှိတာနဲ့ သက်သေပြရပါလိမ့်မယ်။ တကယ့် လက်တွေ့ဘ၀မှာ ကိုယ့်ဇနီးမယား မဟုတ်ရင်၊ ကိုယ့်ခင်ပွန်း မဟုတ်ရင် ဘယ်သူ့ ဘယ်သူမှ စိတ်မချရတဲ့ ခေတ်ကာလမို့ HIV အပါအ၀င် လိင်မှတစ်ဆင့် ကူးစက်တတ်တဲ့ ရောဂါအထွေထွေရဲ့ အန္တရာယ်ကို ကာကွယ်ဖို့ ကွန်ဒုံးကို မပြတ် သုံးစွဲသင့်တာချည်းပါပဲ။ ဒါကို ခေတ်အဆက်ဆက် ထွက်ခဲ့သမျှ ဘယ်အပြာစာအုပ်ကမှ အသိအမှတ်ပြုမထား၊ ထည့်ရေးမထားပါဘူး။ အဲဒီ့ကတည်းက သည် အပြာစာအုပ်တွေဟာ ဖျော်ဖြေရေး သက်သက်သာဖြစ်ပြီး အဲဒီ့ထဲမှာ ဖော်ပြထားသမျှဟာ လူသားတွေရဲ့ ကောင်းကျိုးကို ရည်သန်ထားတာ မဟုတ်မှန်း လူသားအပေါင်း သူတော်ကောင်းတို့ သတိရှိသင့်နေကြပါပြီ။

အခုလည်း သူ့သူငယ်ချင်းဆိုသူတွေက အပြာစာအုပ်ထဲက ဟာတွေကို အဟုတ်မှတ်ပြီး ပြိုင်တူ ဇာတ်သိမ်းတာ ကောင်းတယ်လို့ အကြံဝိုင်းပြုကြတယ်။ တကယ်က မဟုတ်ပါဘူး။ အမျိုးသမီး အကုန်လုံး မဟုတ်ဘူးဆိုရင်တော အများစုဟာ သူတို့ ဇာတ်သိမ်းပြီးတဲ့နောက် ၃-၄ မိနစ်ကြာတဲ့အထိ အရှိန် မသေသေးပါဘူး။

သူတို့ရဲ့ ဇာတ်သိမ်းချိန်လွန်ကာလဟာ ယောက်ျားတွေဖြစ်နေကျ ဘောလုံး လေလျှော့လိုက်သလို ဟုတ်ခနဲ ငြိမ်းသွားတာမျိုး မဟုတ်ဘဲ ဖွဲမီးငြိမ်းသလို တအိအိ ပြီးဆုံးသွားတာမျိုး ဖြစ်ပါတယ်။ ဒါ့ကြောင့် သူတို့ ဇာတ်သိမ်းပြီးချိန်မှာ အမျိုးသားဘက်က ဆက်လက် ချစ်တင်းနှောနေနိုင်သေးတယ်ဆိုရင် အမျိုးသမီးများအတွက် သာယာမှုကို ပြည့်ပြည့်၀၀ ခံစားရနိုင်ပါတယ်။ အဲဒီ့နောက်ပိုင်းမှာ ကြည်ကြည်နူးနူးနဲ့ ညင်ညင်သာသာ နွေးနွေးထွေးထွေးသာ ရှိမယ်ဆိုရင် သိပ်မကြာခင်အတွင်းမှာ နောက်တစ်ကြိမ်တောင် ချမ်းသာသုခ ရရှိနိုင်ပြန်တယ်။ ဒါပေမယ့် တချို့တွေ (အထူးသဖြင့် ပထမတစ်ကြိမ် ဇာတ်သိမ်းချိန်မှာ တအား ပေါက်ကွဲပြင်းထန်သွားရင်) ဒုတိယတစ်ကြိမ်ကို မလိုလားတတ်တော့ပါဘူး။ ပထမတစ်ကြိမ်နဲ့တင် စိတ်အထာကျသွားတတ်ပါတယ်။

ဒါဖြင့် မေးစရာ ရှိပါတယ်။ အမျိုးသားဘက်က ဘယ်အချိန်မှာ ဇာတ်သိမ်းသင့်သလဲဆိုတဲ့ မေးခွန်းပါ။ အကောင်းဆုံးကတော့ ကိုယ့်အိမ်ထောင်ဖက်နဲ့ အစောကြီးကတည်းက တိုင်ပင် ညှိနှိုင်းထားတာပါပဲ။ သူ့ဘက်က မီးစိမ်းပြတဲ့အချိန်မှာ ယောက်ျားအနေနဲ့ ဇာတ်သိမ်းလိုက်တာဟာ နှစ်ဦးနှစ်ဖက်အတွက် ကျေနပ်မှုကို အပြည့်အ၀ ရစေနိုင်ပါတယ်။ အဲလို မညှိနှိုင်းချင်ဘူးဆိုရင်တော့ အကြမ်းအားဖြင့် အမျိုးသမီးဘက်က ဇာတ်သိမ်းပြီးတဲ့နောက် ၃ မိနစ်လောက် ၀န်းကျင်မှာ အမျိုးသားဘက်က ဇာတ်သိမ်းလိုက်ခြင်းဟာ အဆင်အပြေဆုံး ဖြစ်နိုင်ပါလိမ့်မယ်။သည်နေရာမှာ ဇာတ်သိမ်းမြန်တတ်သူ အမျိုးသားများဘက်က မေးလာမယ့် မေးခွန်းတစ်ခွန်းကလည်း ရှိပါသေးတယ်။ အဲဒါကတော့ ဇာတ်သိမ်းစောနေတာကို ဘယ်လို ထိန်းသိမ်းရမလဲဆိုတာပါ။ လူပျိုလေးတွေက အဲဒီ့မေးခွန်းကို ပိုမေးတတ်ကြတယ်။ ဇာတ်သိမ်း မြန်ခြင်း၊ နှေးခြင်းဟာ မိမိရဲ့ စိတ်နဲ့ ဆိုင်ပါတယ်။ စိတ်ကို ထိန်းနိုင်သူက ထိန်းနိုင်ပြီး မထိန်းနိုင်သူက မထိန်းနိုင်ပါဘူး။ အဲတော့ မိမိစိတ်ကို ထိန်းသိမ်း လေ့ကျင့်သွားမယ်ဆိုရင်၊ တစ်နည်းပြောရရင် အတွေ့အကြုံ ရင့်ကျက်လာတဲ့အခါမှာ ထိန်းနိုင်လာပါလိမ့်မယ်။ ဒါက အတွေ့အကြုံနည်းတဲ့ လူပျိုလေးတွေအတွက် ခက်နေဦးမှာပါ။

ဒါကို ရေးတော့ အင်တာနက်ပေါ်မှာ အဲဒီ့ ဇာတ်သိမ်းမြန်လို့ စိတ်ဆင်းရဲနေတဲ့ လူငယ်တစ်ယောက်နဲ့ ဖြစ်ခဲ့တာ အမှတ်ရမိသေးတယ်။ သူက ဇာတ်သိမ်းမြန်နေတယ်၊ အဲဒီ့အတွက် စိတ်ဆင်းရဲနေတယ်တဲ့။ ဒါ သဘာဝပါ။ အိမ်ထောင်ကျပြီးသွားရင် အဆင်ပြေသွားမှာပါ။ အလေ့အကျင့်နည်းလို့ ဖြစ်တာပါလို့ ကျွန်တော်က အေးအေး ဆေးဆေး အထပ်ထပ် ပြောပေမယ့် သူက အထွန့်တက်လို့ မဆုံးဘူး။ မဟုတ်ဘူး၊ နည်းပေးပါ၊ သည်အတွက် စိတ်ဆင်းရဲနေလို့ပါလို့ပဲ တတွတ်တွတ် ပြောရင်း ဂျီကျနေကြတယ်။ သိတဲ့အတိုင်း ကျွန်တော့်စိတ်ကလည်း ခပ်ရှည်ရှည်။ နှစ်ခါက သုံးချကျတော့ စိတ်က ပေါက်လာတယ်။ သည်လောက် ပြောနေတာမှ စိတ်ဆင်းရဲ နေရသေးတယ်ဆိုရင် ကိုယ့်ကိုယ်ကိုယ်သာ သတ်သေလိုက်တော့လို့ ပြောထည့်လိုက်မိသွားပါတယ်။ ဟား… ဘာပြောကောင်းမလဲ… ကျွန်တော့်ကို ဆဲသွားတာများ မိုးကို မွှန်လို့…။
အမှန်တော့ ဇာတ်သိမ်းမြန်တာက လူပျိုမှ မဟုတ်ပါဘူး။ အိမ်ထောင်သက်အတော်ရနေတဲ့ အိမ်ထောင်သည်ပေမယ့်လည်း သိပ် စိတ်သန်နေတဲ့အခါ၊ ဒါမှမဟုတ် သည်အတွေ့အကြုံနဲ့ ဝေးကွာ ပြတ်လပ်နေတဲ့ ကာလ သိပ်ကြာသွားတဲ့အခါမျိုးတွေမှာ ဇာတ်သိမ်းမြန်တတ်ပါတယ်။

အဲတော့ အဲလို ဇာတ်သိမ်းမြန်တတ်သူများအတွက် အကောင်းဆုံးနည်းက ချစ်တင်းနှောတဲ့ နည်းနဲ့ မဟုတ်ဘဲ တခြားနည်းနဲ့ ကိုယ့်အိမ်ထောင်ဖက်ကို ဇာတ်သိမ်းသွားအောင် အရင်ဆုံး ဖန်တီးဆောင်ရွက်ပေး၊ ကိုယ့်အိမ်ထောင်ဖက် ဇာတ်သိမ်းပြီဆိုမှ ချစ်တင်းနှောတာမျိုးက အဆင်ပြေနိုင်ပါတယ်။ ဒါတောင်မှ ကိုယ်က တက်ထရွန် မဟုတ်ဘဲ “တက်ထွက်”ဖြစ်နေမယ်ဆိုရင်တော့ အမျိုးသမီးမှာ အနေရ အထိုင်ရ ခက်ပြီး ကျန်ရစ်တတ်ပါတယ်။

တချို့ ဇာတ်သိမ်းမြန်တတ်သူများအတွက်က ချစ်တင်းမနှောခင် နာရီဝက် တစ်နာရီ ကြိုပြီး မိမိဘာသာ တစ်ကိုယ်ရေ အာသာဖြေတဲ့ နည်းနဲ့ သုက်လွှတ်ထားမယ်ဆိုရင် နည်းနည်း ပိုထိန်းနိုင်တာကို တွေ့ရပါတယ်။ ဒါလည်း ပုံသေတော့ မဟုတ်ဘူး။ စိတ်က အဓိကပါ။
ဆေးအနေနဲ့တော့ ဘာဆေးကိုမှ မယုံစေချင်ပါဘူး။ သုံးမယ်ဆိုရင် ကြက်ဟင်းခါးသီးနဲ့ ခွေးတောက်ရွက်ကို များများနဲ့ မှန်မှန် စားထားတာကတော့ တော်တော်လေး အထောက်အကူဖြစ်တာ တွေ့ရပါတယ်။ ကြိုက်တာတွေ၊ မကြိုက်တာတွေ၊ စားနိုင်တာတွေ၊ မစားနိုင်တာတွေကတော့ တစ်ဦးစီရဲ့ ပြဿနာပါ။ ဆေးအဖြစ် မှီဝဲချင်သူများအတွက် အဲဒါက ပွဲတွေ့ နည်းကောင်းတစ်ခုဖြစ်သလို ဘာဘေးထွက်ဆိုးကျိုးမှလည်း မရှိနိုင်တဲ့ နည်းမျိုးပါပဲ။

အားလုံးကို ချုပ်လိုက်ရင်တော့ အမျိုးသမီးက အရင်ဇာတ်သိမ်းပြီး အမျိုးသားက နောက်က ၃-၄-၅ မိနစ် ဆိုင်းပြီးမှ ဇာတ်သိမ်းခြင်းမျိုးဟာ နှစ်ဦးနှစ်ဖက်အတွက် သာယာမှု အရနိုင်ဆုံး နည်းလမ်းလို့ ပြောချင်ပါတယ်။ အပြာစာအုပ်တွေထဲကလို ပြိုင်တူဇာတ်သိမ်းခြင်းမျိုးဟာ အမျိုးသမီးတွေအတွက် သိပ် မက်စရာ မကောင်းလှဘဲ အပြာစာအုပ်ရေးသူတွေ စိတ်ကူးယဉ် မက်မောတဲ့ အရာသာ ဖြစ်ကြောင်းပါ။

ရှိသေးတယ်။ အပြာစာအုပ်တွေထဲမှာ အမျိုးသမီးက အဖန်ဖန် ဇာတ်သိမ်းတယ်ဆိုတာမျိုးပါ။ အဲဒါလည်း ရှာမှ ရှားတဲ့ အဖြစ်မျိုးပါ။ သိပ်ကို စိတ်သန်တက်ကြွလွယ်တဲ့ အမျိုးသမီး အနည်းစု၊ ဆယ်ယောက် မှာ တစ်ယောက်လောက်သာ အဲဒါမျိုး ဖြစ်တတ်ပါတယ်။ အများစုကတော့ တစ်ခါလောက် ဇာတ်သိမ်းပြီးရင် ကျေနပ်သွားတတ် စမြဲပါပဲ။ သည့်ထက်ပိုတဲ့ အများစုကတော့ အပြာစာအုပ်ကို ပြဋ္ဌာန်းစာအုပ်လို ကိုးကွယ်တတ်တဲ့ ယောက်ျားသားများကြောင့် သေသာသွားတယ် ဇာတ်သိမ်းခန်းဆိုတာကို မရောက်နိုင်ဘဲ ကလေးတွေ တစ်ဒါဇင်လောက် မွေးထားခဲ့ကြရတာပဲ အဖတ်တင် ကျန်ရစ်တတ်ပါတယ်။

သည်မှာလည်း တစ်လောဆီက ကလေး သုံးယောက် ဖခင်၊ အသက် ၆၀ ကျော် လူကြီးတစ်ယောက်နဲ့ ပြောခဲ့တာ သွားသတိရတယ်။ သူက သူ့ဇနီးကို ဇာတ်သိမ်းတယ်လို့ချည်း ထင်တာတဲ့။ ပြီးလားလို့ မေးရင် သူ့ဇနီးက ပြီးတယ်လို့ ပြောဆိုပဲ။ ကျွန်တော့်မှာ ရယ်လိုက်ရတာ။ အဲလို မေးရင်တော့ အမျိုးသမီးတွေက ပြီးလွယ် စီးလွယ် ခေါင်းညိတ်ပေးတတ်ကြတာချည်းပါပဲ။ တကယ်ကျွမ်းကျင်တဲ့ ယောက်ျားဆိုတာ အဲဒါမျိုး မမေးဘဲနဲ့ သိရတယ်ဗျလို့ ကျွန်တော်က ပြောတော့ အဲဒီ့ အစ်ကိုကြီးက ပါးစပ်အဟောင်းသားနဲ့ ဖြစ်နေရှာတယ်။

အဲဒါဟာ ကျွန်တော်တို့ ယောက်ျားသားတွေ အပြာစာအုပ် ဖတ်ခြင်းနဲ့ အချက်အလက်မှန်တွေကို မသိရခြင်းများရဲ့ အကျိုးကျေးဇူးပါပဲ။ ဘာဆို ဘာမှ အမှန်ကို သိမထားကြလေတော့ အသက်သာ ၆၀ ကျော်လာတယ်၊ ကိုယ့်ဟာကိုယ် အဟုတ်မှတ်နေတဲ့ ယောက်ျားသားတွေ၊ အဲလို ယောက်ျားသားတွေကြောင့် အဖိုနဲ့ အမ ချစ်တင်းနှောတယ်ဆိုတာ အိမ်ထောင်ရှင်တို့ ပြုရမြဲ ၀တ္တရားလို့သာ အောက်မေ့ပြီး စိတ်လျှော့ လိုက်လျောရင်း သာယာမှုကို မခံစားလိုက်ရတဲ့ မိန်းမသားတွေ သည်ဒွန္နယာကြီးမှာ ရိုက်သတ်လို့ မကုန်အောင် ပေါခဲ့၊ ပေါဆဲ၊ ပေါနေဦးတော့မှာပါပဲ။

By lettwebaw

ဆက်ဖတ်ရန်>>>>

ပါကစ္စတန် အားပြင်းငလျင်ထပ်လှုပ်

ပါကစ္စတန်နိုင်ငံ အနောက်တောင်ပိုင်းမှာ စနေနေ့က နောက်ထပ် အားကြီးတဲ့ ငလျင်တခု ထပ်မံလှုပ်ခဲ့တာကြောင့် လူပေါင်း ၁၅ ဦးလောက် သေဆုံးခဲ့ပါတယ်။ အဲဒီဒေသမှာ လွန်ခဲ့တဲ့လေးရက်က လူပေါင်းရာနဲ့ချီ သေဆုံးခဲ့ရတဲ့ ကြီးမားတဲ့ငလျင်ကြီး တခုလှုပ်ခဲ့တာပါ။

မနေ့ကလှုပ်ခဲ့တဲ့ငလျင်ကြောင့် ဒဏ်ရာရတဲ့ဦးရေဟာ နောက်ပိုင်းမှာ ပိုပြီးမြင့်တက်လာနိုင်တယ်လို့ အစိုးရအာဏာပိုင်တွေက ပြောပါတယ်။ ဘလူချီစတန်ပြည်နယ်က Awaran ခရိုင်မှာလှုပ်ခဲ့တဲ့ငလျင်ဟာ အင်္ဂါနေ့ကလှုပ်ခဲ့တဲ့ ငလျင်ရဲ့ နောက်ဆက်တွဲရိုက်ခိုက်မှုဖြစ်တယ်လို့ ဆိုပါတယ်။

အမေရိကန် ပထ၀ီဆိုင်ရာစစ်တမ်းအဖွဲ့ရဲ့ တိုင်းတာချက်အရ စနေနေ့က လှုပ်ခဲ့တဲ့ ငလျင်ရဲ့အရှိန်ဟာ မက်ဂနီကျု ၆.၈ လောက်အထိရှိပါတယ်။ ဒါပေမယ်လို့ ပါကစ္စတန်မိုးလေ၀သဌာနကတော့ ငလျင်ရဲ့ပြင်းအားဟာ ၇.၂ မဂ္ဂနီကျူ ရှိတယ်လို့ ဆိုပါတယ်။

ငလျင်ကြောင့် အဆောက်အဦးတွေပြိုကျပျက်စီးခဲ့ပြီး ကယ်ဆယ်ရေးလုပ်ငန်းတွေ စတင်နေပါပြီ။ ဘလူချီစတန်ပြည်နယ်မှာ အင်္ဂါနေ့က လှုပ်ခဲ့တဲ့ ငလျင်ရဲ့ပြင်းအားဟာ ၇.၇ မဂ္ဂနီကျူရှိခဲ့ပြီး ရွှံ့၊ အုတ်ခဲနဲ့ဆောက်ထားတဲ့ အိမ်၊ အဆောက်အဦးတွေ ပြားပြားဝပ် ပြိုကျခဲ့ပြီး အဲဒီအောက်မှာ ပိသေတဲ့ လူပေါင်းရာနဲ့ချီ ရှိခဲ့ပါတယ်။

ဗွီအိုအေ (မြန်မာဌာန)

ဆက်ဖတ်ရန်>>>>

မျိုးချစ်စိတ် ကလေးကိုဖြင့် အလှမယ်လေး အောက်ဖဲ အသွင်းခံနိုင်ဘူးရယ်

၁၊ ၁၀၊ ၇၀ နေ့က ထုတ်ဝေသော အိုးဝေဂျာနယ်ပါ မောင်လူချော၏ ဆောင်း ပါးမှ ဆရာသန်းထွန်း၏ သရုပ်ဖော် ပုံကို ပြန်လည် အသုံးပြု ထားခြင်း ဖြစ်ပါသည်။

ကဲ … စာဖတ် ပရိသတ် တို့ရေ …တစ်ခါ လာလည်း ပြည်သူ့ ဘက်သား တို့ ဘက်သား၊ တစ်ခါ လာလည်း ပြည်သူ သာလျှင် အာဏာရှင်လို့ ပြောပြော နေရ လွန်းလို့ မောလှပြီ။ မပြောရင် မသိတဲ့ သူတွေ ရှိလို့လည်း ဆက်ပြော နေရတယ် မှတ်ပါဗျာ။ ဒီတော့ အလှည့် အပြောင်း လေးလည်း ဖြစ်အောင်၊ ဆိုတော့ ဘယ်ဘက်ကို လှည့်ကြ မတုန်းဗျို့။

တစ်နေ့ တစ်နေ့ စိတ်မောစရာ၊ စိတ်ပင်ပန်း စရာတွေကြား မောပန်း ဖြေစ ရာများ ဆိုပြီး ဟိုဘက် နည်းနည်း တိုးလိုက် ကြရ အောင်လား။

ပရိသတ်ရေ … ဒီလပိုင်းထဲ တို့ဗမာကွလို့ လက်သီးထောင်၊ အာခေါင်ခြစ်၊ နဖူးကြောတွေ တင်းတင်း လာအောင် ဂုဏ်ယူ ၀င့်ကြွား ချီးကျူး စကား ပြောရမယ့် ကိစ္စတွေ ရှိနေတယ် မဟုတ်လား ကွယ်ရို့။ စုတ်လိုက် တာမှ လွန်ရော၊ ချာလိုက်တာမှ ကမ်းကို ကုန်ရော ဆိုတဲ့ အ၀ိုင်းလေး လည်တယ် လည်တယ်နဲ့ ဖွတ်ကလိ ဒင်္ဂါး (ဆရာ အီကြာ ကွေးရေ …ဆရာ့ စကား ခိုးသုံး တယ်လို့ မထင်ဘဲ မျှဝေတယ်လို့ သဘော ထားပေးပါ) ပါပါ သွားတဲ့ ပုံပျက် ပန်းပျက် အင်တာနက်နဲ့ အားပေး လိုက်ကြ ရတာ တို့မြန်မာတွေ ကမ္ဘာ့ အလယ် ၀င့်ထည် ခဲ့တယ် မလား။ ဘာတဲ့ ဆုကလေးတောင် နှစ်ခု ပိုက် သူက ပိုက်၊ လေးခု ပိုက်သူက ပိုက်နဲ့ ပွဲပြန် ကြော့ကြော့ ဖြစ်ခဲ့ ပုံများ မျက်မြင် မဟုတ် လားဗျ။ ဘယ်သူ တွေများ ပါလိမ့်လို့ ဆိုပြီး တွေးမနေနဲ့၊ အချိန် ကုန်တယ်။ သူတို့ လေးတွေက မြန်မာ့ ဂုဏ်ဆောင် အလှမယ် တွေလေ။

တို့ရွှေမြန်မာ တွေများ အားပေးချက် ကမ္ဘာ ကတောင် ဘေးထွက်ထိုင် သွားစေ တယ်မလား။ ဘာအက်သစ်၊ ညာအက်သစ်၊ ဘာကျင့်ဝတ်၊ ညာကျင့်ဝတ်တွေ လာမပြောနဲ့၊ ရဘူး။ တို့ကတော့ အနိုင် ရဖို့ပဲ ဆိုပြီး ရှိရှိ သမျှ ကွန်ပျူတာတွေကို ရီဖလက်ရ်ှလုပ်၊ အပြန်အလှန် ဘုတ်လိုက် ကြတာ။ မဘုတ်တဲ့ လူတောင် မျိုးချစ်စိတ် မရှိဘူး ဆိုပြီး လှည့်ငေါက် လိုက်သေး တယ်မလား။ …ဒီလောက်တောင် အားကောင်း မောင်းသန် ဖြစ်မှတော့ တို့မြန်မာ နိုင်ပြီ တို့မြန်မာ နိုင်ပြီ ဆိုပြီး ဂုဏ်ယူ လိုက်ရတာ နဲ့တင် တန်တယ်ဟေ့။

ဟော … နောက်ထပ် ဂုဏ်ယူ စရာလေး လာပြန် ပြီဟေ့…။ ရှေ့က မယ်မလေး တွေကို အားကျလို့ နောက်ထပ် ထပ်လာပြန် ပြီဗျာ။ ကဲ… ၀ိုင်းအုပ် မလား … အဲ လေ … မှားလို့ … ၀ိုင်းဘုတ် ကြဦး မလားပဲ။ ကလေးတွေ ဆိုဆို နေသလို ဘူလေးလဲ … ဘူလေးလဲ။ ဒါနဲ့ ဘယ်နိုင်ငံက ဘယ်ပွဲမှာ ပြိုင်မှာ တုန်း။ နိုင်ငံတွေ၊ လူတွေ ဘေးချိတ်။ တို့မြန်မာတွေ ကျန်တဲ့ နေရာ အောက်တန်း ကျချင်ကျ၊ ဒီနေရာတော့ မနိုင် နိုင်အောင် ဘုတ်ပြ လိုက်ဦးမယ်။ ကဲ…ပြော …ဘူလေးလဲ … ဘယ်မှာ ပြိုင်မှာလဲ။

ဘာ.. Xinning  မှာ…။ ဒါဆိုရင် ဆွေမျိုး ပေါက်ဖော် တရုတ် တော်တို့ နိုင်ငံပေါ့ …၊ တို့များ ရွှေလူမျိုး တွေက ပေါက်ဖော် တရုတ် ရယ်လို့ ဆိုလိုက် တာနဲ့ တီကောင်ကို ဆားတို့ သလို တွန့်ခနဲ တွန့်ခနဲ ဖြစ်ဖြစ် တတ်တာ (သင်း) ဒင်းလေး မသိ လေရော့ သလား။ ထားချေဦး။ မတော် တရော် စိတ်တွေ ထားနေရင်ဖြင့် တို့ရွှေ မြန်မာလေး အားငယ် လေမယ်ဟဲ့ မျိုးချစ် စိတ်ကလေး ပြန်သွင်း လိုက်ဦးမှ…။ တို့ များ မျိုးချစ်စိတ် ပျောက်အောင်တော့ လုပ်နဲ့။ ချစ်လွန်းလို့ (ညည်းကို ပြောတာ မဟုတ်၊ တို့ပြည်ကြီးကို ချစ်တာနော်) ဘုတ်မလား စဉ်းစားပြီး မေးမြန်း မိပါတယ်။ ငါးပါးတင် မက သံဃာ စင်ပါ မှောက်မယ့် ကိန်း။ သတင်းစာ ရှင်းလင်းပွဲမှာ ပြောပုံ ဆိုပုံလေးက သင်းပါ့၊ ဒါတင်လား မဟုတ်ပြန် ဘူးနော့် …။

ခရီးသွား မယ်လေး လုပ်မယ် ဆိုတော့ မြန်မာ ဟန်ပန် မြန်မာ ဆန်ဆန်နဲ့ ၀ါဝါ တောက်လေး ၀တ်တုန်းက တို့များက မရှိမဲ့ ရှိမဲ့ အားနဲ့ တို့မြန်မာဟေ့ ဆိုပြီး ဘုတ်လိုက် မဟဲ့ … (စိတ်ထဲ တွေးမိတာ လေးနော်၊ အတည် မယူ နဲ့ဦး)။ သြော် …နောက်တစ်ဖန် ထွက်လာ ပြန်တော့လည်း တစ်မျိုးလေး ရင်သပ် ရှုမော ရပြန် ကောငဲ့။

““ပုလဲပေါက် ၀တ်စုံတိုပေါ် စကပ်ဟန် ပ၀ါ ပတ်ပါလို့ မြူးလှတဲ့ ဟန် ”” လို့ပဲ မြှောက်ပေး ရမလား မသိ။ တစ်မျိုး ကြည့်ကောင်း ပြန်ကောဗျာ။ ဘုတ်ဦးမှာ …ဘုတ်ဦးမှာ (၆၀ ရာခိုင် နှုန်းတော့ သေချာ ပြီဟေ့ …ကျန်တဲ့ ၄၀ ရာခိုင်နှုန်းက အင်တာနက်ပေါ် မူတည် တယ်နော်။)

ဇာတ်လမ်းက ကောင်းဆို အရေးက ဒိန်းဒေါင်း ဖျက်ပြီ …(မီးပြတ်တာ မဟုတ် ဘူးနော်၊ တို့မြန်မာပြည်က အရေး ဆိုရင် မီးက ပြတ်တတ် လွန်းလို့ အထင်တော် မှားနေ ဦးမယ်)။ ဖြုန်းခနဲ ဒိုင်းခနဲ လက်ပန်းတောင်း ရောက်သွား သလို လင်းခနဲ ရှင်းခနဲ ဖြင်းခ နဲပဲ။ လင်းခနဲ ရှင်းခနဲက စက္ခူ အာရုံမှာ ဖြစ်တာနော် …၊ ဖြင်းခနဲ ဆိုတာက တို့များရဲ့ ရွှေမျက်နှာ တော်ကို ပြောတာဗျ။

၁၉၇၀ တုန်းက အိုးဝေ ဂျာနယ် ဖတ်လိုက် ရသလို ပါပဲလား။ မောင်လူချော ရဲ့““ ဓာတ်ပုံ သတင်းထောက်၏ ရှာပုံတော် ””  ဆောင်းပါးထဲ ကလို ““ ထူးထူး ဆန်းဆန်း အလှမယ်၏ ထဘီ လဲခန်းတွင် ””၊ ““ မယ်ဗမာ ၏ နောက်ကြည့် အလှ””၊ ““ တင်တင်မူကို နောက်က ကြည့်တော့ ””၊ ““ ခုတင် ပေါ်မှ ပုဇွန် ထုပ်ကြီး”” စတဲ့ စတဲ့ စာတန်းထိုး တွေနဲ့ ဓာတ်ပုံ တွေက ကွင်းခနဲ ကွက်ခနဲ ပါခဲ့ ဖူးတာ မဟုတ်လား ပရိသတ်ရဲ့  …။

မရှိမဲ့ ရှိမဲ့ မျိုးချစ် စိတ်လေး ကြက်ပျောက် ငှက်ပျောက်နဲ့ ဒုက္ခသည် စခန်းများ ရောက်သွား လေသလား မသိ။ မြင်သမျှ ရင်ဝကို အင့်ခနဲ အင့်ခနဲ ဆောင့်ဆောင့် ထိုးလိုက် သလို ပါပဲ ကွယ်ရို့။ ဘယ်နှယ့်ဗျာ …(သင်း) ဒင်းလေး တော့မသိ၊ ကိုယ်ရွှေ သတင်းထောက် တွေရဲ့ ကင်မရာ ကတော့ ဖြောင်းခနဲ ဖြောင်းခနဲပဲ။ (ဖြောင်းခနဲ ဆိုလို့ တစ်မျိုးတော့ မထင် လိုက်ပါနဲ့။ မီးအား ကောင်းကောင်းသုံး ရိုက်ကြ လေတော့ ဒီ အသံ ထွက်လာ တာဗျ)

ဘုရားလည်း စူးရ စေရဲ့ …မြေကြီး လည်း မျိုရ စေရဲ့ …တစ်သက်နဲ့ တစ်ကိုယ် ဒီမောင် မမြင် ဖူးတာ တွေချည်း မြင်လိုက် ရတယ်။ အဟီး…။ သတင်းစာ ရှင်းလင်းပွဲ ကြီးကို ရေကူးကန် အလား အောက်မေ့ပြီး ခရီးသွား မယ်လေး ထွက်လာ ပုံများ ဟာခနဲ ဟင်ခနဲ၊ ရဲခနဲ ဗြဲခနဲကို ဖြစ်သွားတယ် မလား။ ဘယ်နှယ့်ဗျာ … ငယ်ငယ်က အစ်ကို ကြီးများ လူကြီး မသိအောင် ခိုးခိုး ဖတ်ကြတဲ့ နိုင်ငံခြားထုတ် မဂ္ဂဇင်း ထဲက လိုပဲ။

တော်ပြီ …တော်ပြီ …။ နဂိုကမှ တို့ရွှေမြန်မာတွေ မျိုးချစ်စိတ် ပြင်းတယ်ဟဲ့ ဆိုပြီး အင်တာနက် ကနေ ဖွတ်ကလိ ဒင်္ဂါး ကုန်ချင် သလောက်ကုန် ဘုတ်လိုက် မဟဲ့ ဆိုတဲ့ စိတ်လေး တင်းပုတ်နဲ့ ထုခံ ရပါ လေကော။ တင်းပုတ် ဆိုလို့ တို့များ အိမ်က အိမ်သူကို မြင်ယောင် နေသလား၊ ဒီလောက်တောင် ကြောက်ရ လားလို့ မယိုး စွပ်လိုက်နဲ့။ အမျိုးချစ်တဲ့ စိတ်ကို တင်းပုတ်နဲ့ ညွှန်းလိုက် တာပါဗျ …။

ပြိုင်ပွဲ စတိတ်စင် ပေါ်ကျမှ ရှိသမျှ အကုန် ထုတ်ပြရမယ့် ဟာကြီး သတင်းစာ ရှင်းလင်းပွဲမှာ ထုတ်ပြ လိုက်တော့ အရပ် စကားနဲ့ ပြောရရင် အောက်ဖဲများ ထုတ်ရှိုးလေး သလားပဲ။ ရဘူး …ရဘူး …(နှုတ်ခမ်းကို ရှေ့ တစ်လံလောက် ထော်ပြီး ပြောတဲ့ အသံနဲ့)။ ဒါမျိုး ကတော့ ရဘူးပဲ။ မရိုး မသားနဲ့ မြန်မာဟေ့ ဆိုရင် ဘုတ်ကလေးများ ခိုးခိုး ပေးတဲ့ စိတ်က ဒါကျတော့ လက်ခံ ဘူးနော်။ မြန်မာ ဆိုတဲ့ မျိုးချစ် စိတ်ခံ လေးကို ဟီရိနဲ့ သြတ္တပ္ပ ဆိုတဲ့ မန်းကွင်း လေးက ချည်ထား တာဗျ … ဒါလေးက နင် မှားမယ်ဟဲ့ ဆိုပြီး သတိပေးတဲ့ ဟန်နဲ့ တင်းတင်း လာတော့ ပေးဘူးဗျာ။

ဘယ်နှယ့် … ပေါက်ဖော်ကြီးတို့ နိုင်ငံ ရောက်မှ ပြိုင်ပွဲ နည်းလမ်းလေး အတိုင်း လုပ်ချင်ရာ လုပ်ပေါ့လေ။ ခုများ တော့ဗျာ … ““ လုပ်ချက်က နာ”” လို့ပဲ ပြောရ မလို။ တို့ရွှေမြန်မာ တွေများ မျိုးချစ်စိတ် အပြည့်နဲ့ မြန်မာပြည်က ဘယ်သူ ပြိုင်ပြိုင် တောင်ဘက်က ပိတ် မြောက်ဘက်က ဘုတ်၊ ရှေ့ဘက်က ပိတ် နောက်ဘက်က လှည့်အုပ် … အဲလေ …လှည့်ဘုတ်မယ့် သူတွေပါ။ ဒါပေသိ အဘယ် ကြောင့်ရယ် မသိ … မရှိမဲ့ ရှိမဲ့ သဒ္ဓါ စိတ်လေး ပျောက်သွားလေ သတည့်လေ။

လုပ်ချင် ရင်လည်း လုပ်ပေါ့ ညီမငဲ့ … သို့ပေသိ ရှေ့ရှေ့က မယ်လေးများ ဖြစ်တဲ့ ““ခင်”” မမ များ လုပ်သွား ပုံလေး နမူနာ ယူလိုက် ရင်ဖြင့် ဘုတ်ဖြစ် ဦးမှာ၊ ဘုတ်ဦး မှာပါပဲ။ ဒါနဲ့များ စကားမစပ် ညီမငယ်ရဲ့ နည်းကိုများ နောက်ထပ် နောက်ထပ် မယ်လေးများ နမူနာ ယူကြ ရင်ဖြင့် အိုးဝေ မဂ္ဂဇင်း ဆောင်းပါးထဲက အယ်ဒီတာ မင်းက သတင်းထောက်ကို ငေါက်ငမ်းဟန် လေးနဲ့ …။

““မင်းဟာ တော်တော် အသုံး မကျတဲ့ အကောင်ပဲ၊ တင်တင်မူလို မျက်နှာ လှတဲ့ အမျိုးသမီး တစ်ယောက်ကို နောက်ကရိုက် လာတာ အံ့သြ ပါရဲ့ကွာ၊ ခါးသေး ရင်ချီ တင်ပါးဆုံ ကြီးကြီးနဲ့ ကိုယ်လုံး ပေါ်တာမျိုး ကျမှ နောက်က ရိုက်ရ တာကွ””

အောင်ထွန်းလင်း(မြန်မာသံတော်ဆင့်)

ဆက်ဖတ်ရန်>>>>

တရုတ်ပွဲတော်တစ်ခုအတွက် သူတောင်းစားတို့ကို လှောင်အိမ်သွင်းထားရ

တရုတ်ပြည်တောင်ပိုင်း Jiangxi ပြည်နယ်၊ Nanchang မြို့ မှာ ကျင်းပတဲ့ ရိုးရာ ယဉ်ကျေးမှု ပွဲတော် တစ်ခု မှာ ဖြစ်ပါတယ်။

အခြားဖွံ့ဖြိုးဆဲနိုင်ငံတွေမှာ ဖြစ်နေကြလိုပေါ့။ ပွဲတစ်ခုရှိလာပြီဆိုရင် ယင်းပွဲ ပတ်လည်မှာ သူတောင်းစားနဲ့ အိမ်ခြေရာမဲ့များ လာရောက် တောင်းစား ပါတယ်။ ယခုလည်း နန်းချန်းမြို့ ငယ်လေးမှာ ပွဲကျင်းပတော့ နှစ်စဉ်တိုင်း သူတောင်းစား အများအပြား လာရောက်ကြပါတယ်။ ယင်းကဲ့သို့ လာရောက် မှု အတွက် ယခုနှစ်မှာ အထူးခြားဆုံး လုပ်ဆောင်ချက် က လောင်အိမ်သွင်းခြင်း ဖြစ်ပါတယ်။

ကမ္ဘာလှည့်ခရီးသွားများ စိတ်အနှောက်အယှက်မဖြစ်စေရန်နဲ့ မလိုအပ်တဲ့ လုံခြုံရေး ပြဿနာများ ဖြစ်မလာ ဖို့အတွက် အိုးအိမ်မဲ့နဲ့ သူတောင်းစား တို့ကို လမ်းနဘေးက လှောင်အိမ်တန်းများမှာ ထည့်သွင်းထားလိုက် ပါတယ်။ သူတို့ တောင်းစားဖို့အတွက်လည်း ခွက်ကို အပြင်သို့ ပုံမှာ တွေ့ရတဲ့အတိုင်း ထုတ်ထားကြပါတယ်။ .
ခရီးသွားများအတွက် ရည်ရွယ်ပြီး ဖန်တီးပေးလိုကတာ ဖြစ်ပေမယ့် ကြည့်ရဆိုးဆဲ့ အရာတစ်ခုလည်း ဖြစ် လာပါတယ်။ လူချင်းအတူတူ အိမ်မရှိလို့ လှောင်အိမ်အသွင်းခံရသလားလို့တောင် မေးခွန်း ထုတ် လာကြပြီး ဒေသခံ အာဏာပိုင်များကို complaint တက်လာကြ ပါတယ်။

သို့ပေမယ့် ယနေ့တိုင်အထိ ပွဲတော်ရောက်ရင် သူတောင်းစား ဖြစ်ကြောင်း သက်သေအထောက်အထား ပြပြီး လှောင်အိမ်ထဲ ဝင်နိုင်ပါတယ်။ စားသောက်ရန်လည်း ထောပ်ပံ့ပြီး၊ နေရန်၊ အိပ်ရန်ကို အဆင်ပြေသလို စီစဉ် ပေးကြောင်း သိရပါတယ်။
--
Ref;amizaisa

ဆက်ဖတ်ရန်>>>>

လိုင်စင်ရ အသံတိတ် လူသတ်သမားများ

“အသားမှုန့်တွေက အချိုမှုန့်ထက် ပိုဆိုးတယ်”

တစ်ဆင့်စကား တစ်ဆင့်နားဖြင့် ကြားရသော စကားကြောင့် အိမ်ထောင်ရှင်မ ဒေါ်တင်တင်ဌေး ကြောက်လန့် စိတ် အတော်ကြီးမားသွားသည်။

ယင်းကြောင့် လက်ရှိသုံးစွဲနေသော အသားမှုန့်များ၊ အချိုမှုန့်များ နေရာတွင် မည်သည့် ဟင်းခတ်ပစ္စည်း အစားထိုး ရမည်ကို ဒေါ်တင်တင်ဌေး တစ်ယောက် စဉ်းစားကြည့်သော်လည်း အဖြေမထွက်ခဲ့ချေ။

အစားအစာများ ချက်ပြုတ် ကြော်လှော်ရာတွင် သုံးစွဲနေသော အသားမှုန့်များတွင် အချိုမှုန့်များ၏ ပါဝင်ပစ္စည်းအတိုင်းသာ ပါဝင်ကြောင်း၊ အထူးသဖြင့် အချိုမှုန့်၊ အသားမှုန့်များသည် အချိုအရသာ ရရှိရန် အသုံးပြုသော်လည်း ယင်းတို့၏ ပါဝင်ပစ္စည်းများသည် အငန်ဓာတ်သာ ဖြစ်သောကြောင့် ရေရှည်စားသုံးမည် ဆိုပါက ကျန်းမာရေးကို ထိခိုက်နိုင်ကြောင်း မြန်မာနိုင်ငံရှိ စားသုံးသူ ကာကွယ်ရေး တာဝန်ရှိသူများနှင့် ဆေးပညာရှင် အသိုင်းအဝိုင်းက ပြောကြားထားသည်။

နေ့စဉ် အစားအစာများတွင် မပါမဖြစ် သုံးစွဲနေသော အချိုမှုန့်များကို ၁၉၀၈ ခုနှစ်တွင် ဂျပန်လူမျိုး Mr.KikunaeIkeda က စတင်တီထွင်ခဲ့ရာ ပထမဆုံး အချိုမှုန့်ကို ပင်လယ်ကျောက်ပွင့်များ၏ အစွမ်းသတ္တိကို အခြေခံကာ ထုတ်လုပ်ခဲ့သည်။

ယင်းနောက် အာဂျီနိုမိုတို အမည်ဖြင့် ကမ္ဘာကျော် ဟင်းခတ်ပစ္စည်း အချိုမှုန့် တစ်မျိုးကို အောင်မြင်အောင် ထုတ်လုပ်လာနိုင်ခဲ့သည်။ အချိုမှုန့်၏ အောင်မြင်မှုသည် ၁၉၅၉ ခုနှစ်တွင် အမေရိကန် အစားအသောက်နှင့် ဆေးဝါးကွပ်ကဲရေး အဖွဲ့ကြီး၏ အသိအမှတ်ပြုမှုကို ရရှိလာသည်။

သို့သော် ၂၀၀၀ ပြည့်လွန်နှစ်များတွင်မူ အချိုမှုန့်၏ ဆိုးကျိုးများ သိသိသာသာ ပေါ်ပေါက်လာခဲ့သဖြင့် ကမ္ဘာ့နိုင်ငံကြီး အများစုကလည်း အချိုမှုန့် ရောင်းချ တင်သွင်းခွင့်များကို တရားဝင် ပိတ်ပင်လာပြီး အချိုမှုန့် သုံးစွဲမည့်နေရာတွင် အသားမှုန့်များ ဝင်ရောက်လာသည်။

အချိန်ကာလ အတန်ကြာကတည်းက အချိုမှုန့် သုံးစွဲနေခဲ့ရာမှ မြန်မာနိုင်ငံတွင် ပြည်ထဲရေးဝန်ကြီးဌာနက ၂၀၀၀ ပြည့်နှစ် ဝန်းကျင်တွင် ယင်းအချို့မှုန့်များ တင်သွင်းခွင့် စတင်ပိတ်ပင်ခဲ့ပြီး ယခုနှစ်ပိုင်းတွင်မှ တရားဝင် တင်သွင်းခွင့် ပြုခဲ့ရာ လက်ရှိအချိန်တွင် ပြည်ပမှ အထူးသဖြင့် ထိုင်းနိုင်ငံမှ အချိုမှုန့်၊ အသားမှုန့်များသာမက ပြည်တွင်းထုတ် အသားမှုန့်များလည်း အိမ်ရှင်မတိုင်း၏ မီးဖိုခန်းတွင် နေရာယူလျက် ရှိသည်။

အချိုမှုန့်အန္တရာယ်ကို သိရှိပြီးနောက် အစားထိုးသုံးနိုင်သည့် အသားမှုန့်များကြောင့် လက်ရှိအချိန်တွင် အသားမှုန့် သုံးစွဲသူ ရာခိုင်နှုန်းသည် အချိုမှုန့် သုံးစွဲသူများထက် ပိုများနေလိမ့်မည် ဖြစ်သည်။ အသားမှုန့်၏ ကျန်းမာရေး ဆိုးကျိုးများသည် အချိုမှုန့်၏ ဆိုးကျိုးအတိုင်း ဖြစ်လာမည်ကိုမူ စားသုံးသူများ ကျယ်ကျယ်ပြန့်ပြန့် မသိကြသေးချေ။

လူ့ကျန်းမာရေးအတွက် တိတ်တဆိတ် အန္တရာယ်ပေးနေသော အချိုမှုန့်၊ အသားမှုန့်များသည် မြန်မာနိုင်ငံ အတွင်းသို့ နေ့စဉ် ဝင်ရောက်နေပြီး နေ့စဉ် စားသုံးနေသည့် အစားအစာတိုင်းတွင် နေရာယူကြီးစိုးလျက် ရှိသည်။

ရေရှည် သုံးစွဲလာသော အချိုမှုန့် ပြဿနာကို အသားမှုန့် အန္တရာယ်ထက် ပိုမိုရင်ဆိုင်နေရသည်မှာ အသားမှုန့်ထက် ဈေးနှုန်းသက်သာသော အချိုမှုန့်များကို စားသောက်ဆိုင် အများစုတွင် အသုံးပြု နေခြင်းဖြစ်ပြီး ပြည်သူ့ကျန်းမာရေး ကဏ္ဍအတွက် စိန်ခေါ်မှုကြီး တစ်ရပ်လည်း ဖြစ်နေသည်။

အစားအသောက်နှင့် ဆေးဝါး ကွပ်ကဲရေးဌာန၏ တရားဝင် ခွင့်ပြုချက် လိုင်စင်နှင့် ရောင်းချနေသော အချိုမှုန့်များ ရှိသော်လည်း တရားမဝင် သွင်းယူလာသော အချိုမှုန့် အန္တရာယ်က ရှိနေသေးသည်။
တရားမဝင် အချိုမှုန့်များတွင် တရုတ်နိုင်ငံရှိ အသေးစား တစ်နိုင်တစ်ပိုင် လုပ်ငန်းတို့မှ အချိုမှုန့် တံဆိပ် အတုများ ပြုလုပ်ကာ တင်သွင်းမှုများ ရှိသည့်အပြင် တံဆိပ်မပါသော အချိုမှုန့် အိတ်ကြီးများ ဖြင့်လည်း ဝင်ရောက်လျက် ရှိကြောင်း ရန်ကုန်မြို့ရှိ ဈေးဆိုင်များထံမှ စုံစမ်းသိရှိရသည်။

၂၀၁၂ ခုနှစ် နိုဝင်ဘာလ ၂၀ ရက်မှ ၂၀၁၃ ခုနှစ် ဇန်နဝါရီလ ၁၆ ရက်နေ့အထိ ကာလအတွင်း ထိုင်း-မြန်မာနယ်စပ်မှ အချိုမှုန့် တန်ချိန် ၄၀ နီးပါး တရားဝင် တင်သွင်းခဲ့ဖူးကြောင်း၊ တစ်ဖက်တွင်လည်း အဆိုပါ နှစ်လအတွင်း တရားမဝင် သွင်းလာသော အချိုမှုန့် တန်ချိန် ၁၀ ခန့် ဖမ်းဆီးထားပြီ ဖြစ်ကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန နယ်စပ်ကုန်သွယ်ရေး ဦးစီးဌာနထံမှ စုံစမ်းသိရှိရသည်။

ယင်းပမာဏသည် အချိုမှုန့် ပမာဏသာဖြစ်ပြီး တရားဝင် ဖြန့်ဖြူး ရောင်းချနေသည့် အသားမှုန့်၏ ပမာဏကို ထည့်သွင်းထားခြင်း မရှိသေးချေ။ မြန်မာနိုင်ငံရှိ လူဦးရေသန်း ၆၀ ကျော်တွင် လွယ်လင့်တကူ ဝယ်ယူရရှိနိုင်သော အချိုမှုန့်၊ အသားမှုန့်များ၏ အန္တရာယ်ကို သိလျက်နှင့် တိုးဝင်နေကြရသူ အများအပြား ရှိနေသည်။
“အခုအချိုမှုန့်၊ အသားမှုန့် အစားထိုး ရွှန်းတိုးတိုးကို သကြားနဲ့ တွဲသုံးတယ်။ ကျန်တာတွေလည်း မသုံးရဲဘူး” ဟု အသက် ၄၀ ကျော်အရွယ် အိမ်ရှင်မတစ်ဦးက ပြောကြားသည်။ ယင်းမှာ ပြည်တွင်းထုတ် အသားမှုန့်တစ်မျိုး ဖြစ်သည်။

အသားမှုန့် ထုတ်လုပ်ရာတွင် နိုင်ငံနှင့် လုပ်ငန်းရှင်အပေါ် မူတည်၍ ကွဲပြား ခြားနားသလို အသားမှုန့် အရောင်အဆင်းလည်း ကွဲပြားခြားနားကြောင်း၊ ယင်းကြောင့် ပြည်တွင်းထုတ် အသားမှုန့် အများစုသည် အဖြူရောင် အဆင်းရှိပြီး ထိုင်းနိုင်ငံဘက်မှ ဝင်ရောက်လာသော အသားမှုန့်များနှင့် ကွဲပြားကြောင်း အစားအသောက်နှင့် ဆေးဝါးကွပ်ကဲရေးဌာနမှ ဒုတိယညွှန်ကြားရေးမှူးက ရှင်းပြသည်။

အစားအစာများတွင် အချို့မှုန့်နှင့် အသားမှုန့်များအစား ပုစွန်ခြောက်၊ ငံပြာရည်အချို၊ သကြားနှင့် ဆန်မှထုတ်သော ဟင်းခတ်အရည် တစ်မျိုးတို့ကို အသုံးပြုခြင်းဖြင့် ယင်းဟင်းခတ်မှုန့်များ သုံးစွဲမှုကို လျှော့ချသွားနိုင်ကြောင်း အထွေထွေရောဂါကု ဆရာဝန် ဒေါက်တာသီဟသစ်က အကြံပြု ပြောကြားသည်။
“အညာဘက်မှာဆို ဘာဟင်းချက်ချက် မျှင်ငါးပိ ထည့်သုံးကြတယ်။ အဲဒါ ထည့်သုံးရင် အချိုလည်းရတယ်၊ အငန်လည်း ရတယ်၊ အနံ့လည်း ကောင်းတယ်” ဟု ရန်ကုန်မြို့နေ အသက် ၅၀ ကျော် အိမ်ရှင်မတစ်ဦးဖြစ်သူ ဒေါ်ခင်အေးက ပြောဆိုသည်။

သို့သော် လတ်တလော ရေကျိုငါးပိတွင် ဓာတ်မြေသြဇာ ထည့်သွင်းထားသော သတင်းများ ပေါ်ထွက်ပြီး နောက်ပိုင်း ငါးပိ ရောင်းအားများလည်း ကျဆင်းသွားခဲ့ပြီး ငါးပိကို ယုံကြည်စွာ သုံးစွဲခဲ့သူများ ဟင်းပွဲတိုင်းတွင် ထည့်သွင်းရန် ကြောက်လန့်သွားခဲ့သည်။

ယင်းထက် ဆိုးရွားသည်မှာ အချိုမှုန့်၊ အသားမှုန့်များ ပိုသုံးစွဲလာသည့်အတွက် ကလေးသူငယ်များတွင် ငယ်ရွယ်စဉ် ကတည်းက နှလုံးရောဂါ ၊ ဆီးချိုရောဂါနှင့် သွေးတိုး လက္ခဏာများ ဖြစ်နိုင်ကြောင်း၊ ယင်းအပြင် အချိုမှုန့်ကို ရေရှည်စားသုံးပါက မှတ်ဉာဏ် အားနည်းလာကာ ပါကင်ဆန် ရောဂါနှင့် အယ်ဇိုင်းမားရောဂါတို့ ဖြစ်လာနိုင်ကြောင်း ပြည်တွင်း အထွေထွေရောဂါကု ဆရာဝန်များထံမှ သိရသည်။

ယင်းအပြင် အချိုမှုန့်ကို နေ့စဉ် စားသုံးခြင်းကြောင့် အဝလွန်ခြင်း၊ မျက်လုံး ထိခိုက်ခြင်း၊ ခေါင်းကိုက်ခြင်း၊ ပင်ပန်း နွမ်းနယ်ခြင်း၊ စိတ်ဓာတ်ကျခြင်းတို့ ဖြစ်စေနိုင်သည့်အပြင် အခြားဘေးထွက် ဆိုးကျိုးများအဖြစ် ခြေဖျားလက်ဖျား ထုံကျင်ခြင်း၊ ပူနေခြင်း၊ မျက်နှာ တင်းနေခြင်း၊ ရင်ဘတ် အောင့်ခြင်းနှင့် အသက်ရှူရ ခက်ခဲခြင်း၊ ခေါင်းကိုက်ခြင်း၊ ရင်တုန်ခြင်း၊ ပျို့အန်ခြင်းတို့ ဖြစ်စေနိုင်ကြောင်း ရန်ကုန်မြို့ရှိ အထွေထွေရောဂါကု ဆရာဝန်တစ်ဦးက The Voice သို့ ပြောကြားသည်။

အချိုမှုန့်နှင့် ဓာတ်မတည့်သူများ အတွက်မူ ယင်းလက္ခဏာများထက် ဆိုးရွားသော ဘေးထွက် ဆိုးကျိုးများ ဖြစ်စေနိုင်ကြောင်း ၎င်းက ဆက်လက်ပြောကြားသည်။

ရောဂါဖြစ်မှန်း သိလျက်နှင့် အချိုမှုန့်၊ အသားမှုန့်များ သုံးစွဲနေသူတို့အတွက် မည်သည့် ဟင်းခတ် ပစ္စည်းမျိုးကို အသုံးပြုလျှင် အဆင်ပြေမည်ဟူသည့် တိကျသော အဖြေတစ်ခု လိုအပ်နေသည် ဖြစ်ရာ ဦးစွာ သဘာဝ အတိုင်း ပြုလုပ်ထားသော ဟင်းခတ် အစားအစာများကို ရိုးရာ ဟင်းချက်နည်းအတိုင်း နေ့စဉ်ဟင်းလျာများတွင် ထည့်သွင်း ချက်ပြုတ်မည် ဆိုပါက အသံတိတ် လူသတ်သမား အန္တရာယ်မှ ရှောင်ရှားနိုင်မည်။

သို့သော် စီးပွားရေး လုပ်ငန်းရှင်များ၏ အလွယ်လမ်း လိုက်တတ်သည့် အကျင့်ကြောင့် မြန်မာ့ဓလေ့ ထုံးစံအတိုင်း အသုံးပြုသော ဟင်းခတ်ပစ္စည်းများ၏ အာမခံချက် လျော့ကျလာခြင်းကြောင့် စားသုံးသူများ လွန်စွာစိုးရိမ်နေရသည်။

ယင်းသို့သော အခြေအနေများကို မဖြေရှင်းနိုင်သေးသရွေ့ မြန်မာနိုင်ငံ သားများသည် ဆေးလိပ်၊ အရက်၊ မူးယစ်ဆေးဝါး တို့ထက် အစွမ်းထက်သော လိုင်စင်ရ အသံတိတ် လူသတ်သမားများကို မီးဖို ချောင်ထဲတွင် ငြိုငြင်သော်လည်း ဧည့်ခံထား နေရဦးမည် ဖြစ်သည်။
“အချိုမှုန့်ထက် အသားမှုန့် ပိုဆိုးတာ သိပေမယ့် ဒါမှမစားရင် ရွေးစရာမှမရှိတာ သုံးနေရတာပေါ့။ ကြောက်တော့ နည်းနည်းတော့ လျှော့သုံးဖြစ်တယ်” ဟု အချိုမှုန့်နှင့် အသားမှုန့် နှစ်မျိုးစလုံး သုံးစွဲ နေသူ ဒေါ်တင်တင်ဌေးက ပြောကြားသည်။


(လဲ့ရည်မြင့်၊ သင်းရတနာဆု)
The Voice Weekly

ဆက်ဖတ်ရန်>>>>

သာသနာ့အလံကို ဖျက်ဆီးသည်ဟုဆိုကာ သံတွဲတွင် ရုန်းရင်းဆန်ခတ်ဖြစ်

ရန်ကုန်၊ စက်တင်ဘာ ၂၈

ရခိုင်ပြည်နယ် သံတွဲမြို့တွင် စက်တင်ဘာလ ၂၈ ရက် မွန်းတည့် ၁၂ နာရီခန့်၌ ဘာသာခြားတစ်ဦးက သာသနာ့ အလံကို ဖျက်ဆီးသည်ဟုဆိုကာ ရုန်းရင်းဆန်ခတ်မှုတစ်ခု ဖြစ်ပွားခဲ့ကြောင်း သံတွဲမြို့ ဒေသခံ များက ပြောကြားသည်။

သံတွဲမြို့ မြို့တော်ခန်းမ အနီးရှိ ငပလီ အထွေထွေ ရောင်းဝယ်ရေး ဆိုင်ရှေ့တွင် လာရပ်သော သုံးဘီးယာဉ်၏ ယာဉ်မောင်းကို ဆိုင်ပိုင်ရှင်က ဆဲဆိုပြီး ယာဉ်တွင် တပ်ဆင်ထားသော သာသနာ့အလံကို ဖျက်ဆီးသည်ဟုဆိုကာ အနီးပတ်ဝန်းကျင်မှ လူအယောက် ၂၀၀ ခန့်က ဝိုင်းအုံမှု ဖြစ်ပွားခဲ့ကြောင်း ဒေသခံများထံမှ သိရသည်။

အဆိုပါ နေရာသို့ သံတွဲမြို့ သိမ်ကုန်း ဆရာတော် ကြွရောက်၍ လူစုခွဲရန် မိန့်ကြား ပြီးနောက် ပြန်လည် ငြိမ်သက်သွားကာ အဆိုပါ ဆိုင်ပိုင်ရှင်ကို သံတွဲရဲစခန်းတွင် ဖမ်းဆီးထားကြောင်း ဒေသခံများက ပြောကြားသည်။

အဆိုပါ ကိစ္စနှင့် ပတ်သက်၍ သံတွဲမြို့နယ် ရဲစခန်းကို ဖုန်းဖြင့် ဆက်သွယ် မေးမြန်းရာ ညနေ ၄ နာရီခန့်တွင် အခြေအနေ ပြန်လည် ငြိမ်သက်သွားပြီး တရားခံကို ဖမ်းဆီးထားကြောင်း ပြန်လည် ဖြေကြားသည်။

သံတွဲမြို့တွင် တောင်ကုတ်မြို့သူတစ်ဦး ဇွန်လ ၃၀ ရက်နေ့က အဓမ္မကျင့်ခံရသည့် သတင်းအပေါ် မူတည်ပြီး ပဋိပက္ခများ ဖြစ်ပွားခဲ့ရာ နေအိမ်အချို့ မီးရှို့ခံခဲ့ရကာ ပဋိပက္ခ အရှိန်မြင့်လာသဖြင့် ညမထွက်ရ အမိန့် ပြစ်မှုဆိုင်ရာ ကျင့်ထုံးဥပဒေ ပုဒ်မ ၁၄၄ ကို ရခိုင်ပြည်နယ် အစိုးရအဖွဲ့က ထုတ်ပြန်ခဲ့ရသည်။

အလားတူ သြဂုတ်လ ၂၇ ရက်နေ့က သံတွဲမြို့တွင် နံတော်တောင် တောင်ခြေရင်းရှိ ဘုန်းတော်ကြီး တစ်ပါးကို အစ္စလာမ် ဘာသာဝင်တစ်ဦးက ဆဲဆိုသည်ဟု ဆိုသည့် သတင်းများ ထွက်ပေါ်ခဲ့ပြီး နောက်တွင် ယင်းနေရာသို့ လူ ၆၀ ခန့် စုဝေးလာသဖြင့် ရဲတပ်ဖွဲ့များက တားဆီးခဲ့ရသည်။

The Voice Weekly

ဆက်ဖတ်ရန်>>>>

ဝဲကြီးကျေးရွာမှ ကိုဇော်လတ် အပါအ၀င် အမှုဖွင့် ခံထားရသည့် ရွာသား ၁၀ ဦး တရားဥပဒေနှင့်အညီ ရင်ဆိုင်ရန် ကျည်တောင်ကန် ရဲစခန်းသို့ လာရောက်အဖမ်းခံ

ဝဲကြီးကျေးရွာမှ ကိုဇော်လတ် အပါအ၀င် အမှုဖွင့်ခံထားရသည့် ရွာသား ၁၀ ဦး တရားဥပဒေနှင့်အညီ ရင်ဆိုင်ရန်အတွက် စက်တင်ဘာ ၂၈ ရက်တွင် ကျည်တောင်ကန် မြို့မရဲစခန်းသို့ လာရောက် အဖမ်း ခံခဲ့ကြောင်း သိရသည်။

ယခုလာရောက် အဖမ်းခံသည့် ၁၀ ဦးသည် ဇေယျာသီရိမြို့နယ် ရဲတပ်ဖွဲ့မှူး ဦးသန်းဝင်းက တရားလိုပြု လုပ်၍ တိုင်တန်းထားသည့် ပြစ်မှုများဖြစ်သည့် (ပ)အမှတ် ၆၆/၂၀၁၃ ပြစ်မှုဆိုင်ရာ ဥပဒေပုဒ်မ ၃၃၃၊ ၂၉၄၊ ၁၁၄ တို့အတွက် ဥပဒေနှင့်အညီ ရင်ဆိုင်ရန် လာရောက်အဖမ်း ခံခြင်းဖြစ်ကြောင်း သိရသည်။

"ကျွန်တော်တို့ ၁၀ ယောက်လုံး ဒီအမှုကို ရင်ဆိုင်ဖို့အတွက် လာရောက်အဖမ်း ခံတာပါ။ နောက်တစ်ခါ သူတို့ဘက်က အချိန်မတော် လာရောက်ကျူးလွန် ထားတာကိုလည်း ဥပဒေ ပညာရှင်တွေနဲ့ တိုင်ပင်ပြီး အမှုပြန်ဖွင့်ဖို့ ဆုံးဖြတ်ထားပါတယ်။ အခုအချိန်မှာ အဲလောက်ပဲ ကျွန်တော်ပြောချင်ပါတယ်။ အခုအချိန်မှာ ထင်ယောင်ထင်မှားပြီး စွပ်စွဲထားတဲ့ အခြေအနေမှာ ရှိပါတယ်။ ကျွန်တော်တို့ဘက်က အပြစ် ကျူးလွန်တာ မှန်ရင် ရဲရဲကြီး ခံသွားမှာပါ။ သူတို့ဘက်က အပြစ်ကျူးလွန်ရင် ကျောသားရင်သား မခွဲခြားဘဲ လုပ်ဆောင်ပေး ပါလို့ ပြောချင်ပါတယ်" ဟု ကိုဇော်လတ်က ပြောကြားခဲ့သည်။

ဥတ္တရသီရီခရိုင် ရဲတပ်ဖွဲ့မှူး ဒုတိယရဲမှူး ကြီးဦးသူရက "သူတို့တွေ အမှုပြန်ဖွင့်မယ် ဆိုရင်လည်း ကျွန်တော်တို့ အနေနဲ့ လက်ခံပြီး ပြန်ဖွင့်ပေးမယ်။ ကျွန်တော်တို့ အနေနဲ့ အမှုမှန် ပေါ်ပေါက်အောင် တရားဥပဒေနဲ့အညီ ပြန်လည်ဆောင်ရွက် ပေးမှာပါ။ ဒီအမှုကို ပွင့်လင်းမြင်သာစွာနဲ့ စစ်ဆေးသွားမှာပါ။ အမှုစစ်မယ့် နေ့မှာလည်း ဘယ်သူမဆို လာရောက်နားထောင် နိုင်ပါတယ်။ ကိုဇော်လတ်ကို စစ်ဆေးတဲ့ အခါမှာလည်း ကိုဇော်လတ် အနေနဲ့ လွတ်လွတ်လပ်လပ် ပြောပိုင်ခွင့် ရှိပါတယ်။ အခုဟာက ရဲကိုရိုက်လို့၊ ရဲဒဏ်ရာရလို့ အမှုဖွင့်တာ မဟုတ်ပါဘူး။ ပြည်သူ့ဝန်ထမ်း တာဝန်ထမ်းဆောင်တာကို နှောင့်ယှက်လို့ ဒီပုဒ်မနဲ့ စွဲတာပါ။ ဥပဒေ လမ်းကြောင်းအရ ကျွန်တော်တို့က ဘယ်သူ့ကိုမှ ခွင့်ပြုလို့ မရပါဘူး" ဟု ပြောကြားခဲ့သည်။

ယခုကဲ့သို့ လာရောက်အဖမ်းခဲ့သည့် ရွာသား ၁၀ ဦးသည် စက်တင်ဘာ ၁၂ ရက်တွင် အစိုးရ သတင်းစာတိုက်အတွက် သိမ်းယူထားသည့် ၀ဲကြီးကျေးရွာသားများ ယခင်က လုပ်ကိုင်ခဲ့သည့် လယ်ယာမြေများကို ၀င်ရောက်ထွန်ယက်ခဲ့ကြောင်း၊ ယင်းသို့ ထွန်ယက်ပြီးနောက်ပိုင်း စက်တင်ဘာ ၁၉ ရက်တွင် ရဲတပ်ဖွဲ့ဝင်အင်အား ၆၀ ခန့်ဖြင့် ည ၂ နာရီ ၁၅ မိနစ်ခန့်တွင် ၀င်ရောက်ဖမ်းဆီးခဲ့ကြောင်း သိရသည်။

စက်တင်ဘာ ၂၇ ရက်တွင် ပြည်ထဲရေး ၀န်ကြီးဌာန ဒုတိယ၀န်ကြီး ဗိုလ်မှူးချုပ် ကျော်ဇံမြင့်က ညပိုင်းအချိန်မတော် ဖမ်းဆီးခြင်းမှာ တစ်ခါတစ်ရံမှာ လိုအပ်ချက် အရဖြစ်ကြောင်း၊ တရားခံရှိတဲ့အချိန် ၀င်ရောက်ဖမ်းရခြင်း ဖြစ်ကြောင်း၊ ဒါပေမဲ့လည်း တတ်နိုင်သလောက်တော့ ဒီလိုမျိုး မဆောင်ရွက်အောင် တာဝန်ရှိသူတွေကို မှာကြားထားကြောင်း သတင်းထောက်များနှင့် တွေ့ဆုံရာတွင် ပြောကြားခဲ့သည်။

လာရောက်အဖမ်းခံခဲ့သည့် ၀ဲကြီးကျေးရွာသား ၁၀ ဦးမှာ ကိုဇော်လတ်၊ ကိုဝင်းရွှေ၊ ကိုထွန်းထွန်း၊ ကိုဝင်းလှိုင်၊ ဒေါ်မာသင်း၊ ကိုအောင်ကျော်မိုး၊ ကိုဆန်းလွင်၊ ကိုသက်နိုင်၊ ကိုထွန်းလတ်၊ ဦးစိုးမြင့်တို့ဖြစ်ကြောင်း သိရသည်။

အဆိုပါ လယ်မြေများ အတွင်းရှိ ယူကလစ်ပင်များကို ခုတ်သည့်အတွက် ဇေယျာသီရိမြို့ ရွှေတွင်းကုန်းရဲစခန်းမှ ၀ဲကြီးကျေးရွာသားများဖြစ်သည့် ဒေါ်ဝင်းကြည်၊ ဒေါ်ခင်အေး၊ ကိုဇော်ခင်၊ ကိုဝင်းရွှေ၊ ကိုထွန်းထွန်း၊ ကိုဝင်းလှိုင်တို့အား ပုဒ်မ ၆(၁) ဖြင့် အမှုဖွင့်ထားကြောင်း သိရသည်။

ကိုဇော်လတ်နှင့်ဇနီး မမာသင်း အဖမ်းခံသည့်အတွက် ငါးနှစ်သမီးတစ်ဦး ကျန်ရှိခဲ့ကြောင်း သိရသည်။

တရားလွှတ်တော်ရှေ့နေ ဦးခင်မောင်ဇော်က "ဥပဒေမှာကတော့ လူတစ်ယောက်ရဲ့အိမ်ဟာ သူ့ရဲ့ခံတပ်ပဲ။ သူ့ရဲ့ပိုင်နက်ကို ကျူးကျော်လာရင် အကြောင်းမရှိဘဲနဲ့ ဥပဒေနဲ့အညီ ဆိုတစ်မျိုး၊ ၀ရမ်းမပါဘဲနဲ့ ကျူးကျော်လာရင် ဒါဟာသူ့ကို တိုက်ခိုက်တာဘဲ။ သူ့မှာတုံ့ပြန်နိုင်တဲ့ အခွင့်အရေး ရှိတယ်။ ညအချိန် ကျွန်တော်တို့ ပိုင်နက်ကို ကျူးကျော်လာရင် သေသည်အထိ ပစ္စည်းကို ခုခံနိုင်တာ ပြစ်မှုဆိုင်ရာ ဥပဒေမှာ ရှိပြီးသားပါ။ ဒါပေမဲ့ အခုဟာက လုပ်ထုံးလုပ်နည်းနဲ့ မညီတဲ့၊ တစ်နည်းဆိုရင် ရဲလက်စွဲနဲ့ အညီပေါ့ဗျာ။ ပြစ်မှုဆိုင်ရာ ကျင့်ထုံးဥပဒေတို့၊ အဲဒါတွေနဲ့အညီ ၀င်တာဆိုရင် တစ်မျိုးပေါ့။ ရွာမပြောနဲ့။ အိမ်တစ်အိမ် ၀င်ရင်တောင် ၀ရမ်းပါရတယ်ဗျာ။ ရှာဖွေဝရမ်းဆိုတာ ပါရတယ်။ ထောက်ပြရမယ် ဆိုရင်တော့ ပထမတစ်ချက်က ညအချိန်မတော် ၀င်တယ်။ ဒုတိယတစ်ချက်က ရပ်ရွာလူကြီး မပါဘူး။ တတိယ တစ်ချက်က ဖမ်းတဲ့ဝရမ်း မပါဘူး" ဟု သုံးသပ်ပြောကြားခဲ့သည်။


Eleven Media Group

ဆက်ဖတ်ရန်>>>>

မိမိကလေးကို အိပ်ယာထဲဆီးမသွားအောင် လုပ်နည်း

အိပ်ရာထဲ ဆီးသွားတာက ရောဂါ မဟုတ်ပါဘူး။ ဆီးအိတ်ပြည့်တဲ့ အခါ ကလေးတွေရဲ့ ဦးနှောက်ဆီကို အိပ်ရာကထဖို့ နှိုးဆော်တဲ့ သင်္ကေတ မရောက်ရှိလို့ ဖြစ်ရတာပါ။ ဒါက ကလေးရဲ့ အပြစ်မဟုတ်ပါဘူး ။ လေ့လာမှုတွေအရ ကလေးတွေကို ဆူပှုကြိမ်မောင်းတာ၊ ဝမ်းနည်းအောင် အော်ဟစ်ရိုက်နှက်တာ စတဲ့ အပြုအမှုတွေ လုပ်တဲ့အခါ ညဘက်မှာ အိပ်ရာထ ဆီး သွားတာမျိုး ဖြစ်တယ်လို့ သိရပါတယ်။ ဒါကြောင့် ကလေးတွေ အိပ်ရာထဲ ဆီးမသွားအောင် အောက်ပါတို့ကို ဆောင်ရွက်သင့်ပါတယ်။

အပြစ်မပြောပါနှင့်
ကလေးက အိပ်ရာထဲ ဆီးသွားတဲ့ အခါ ဆူပူကြိမ်းမောင်းတာကို မလုပ်ပါနဲ့။ ကလေးကို ခြောက်သွေ့တဲ့ အဝတ်အ စား လဲပေးပြီး ပျော်ပျော်ရွှင်ရွှင် နေခိုင်း ပါ။

ညအိပ်ရာဝင်ခါနီး အရည်လျှော့သောက် ခိုင်းပါ
ညအိပ်ရာဝင်ခါနီးမှာ ကဖင်းဓာတ် ပါတဲ့ ကော်ဖီ၊ လက်ဖက်ရည်၊ ကိုလာ၊ ချောကလက် စတာတွေကို လုံးဝ မကျွေး ပါနဲ့။ ရေနဲ့ တခြားအရည်တွေကိုလည်း လျှော့သောက်ခိုင်းပါ။

ဆီးသွားပြီးမှ အိပ်ရာဝင်သော အလေ့အထ ထားရှိပါ
ကလေးကို အိပ်ရာဝင်ခါနီးတိုင်း ဆီးသွားပြီးမှ အိပ်ရာဝင်တဲ့ အကျင့် ကျင့် ပေးပါ။ တကယ်လို့ ဆီးမသွားဘဲ အိပ် ပျော်သွားရင် ကလေးကို နှိုးပြီး ဆီးသွား ခိုင်းပါ။

ဝမ်းမှန်မှန် သွားပါစေ
ကလေးတွေက ဝမ်းချုပ်တဲ့အခါ ဆီးမကြာခဏ သွားတတ်ပါတယ်။ ဒါ ကြောင့် ဝမ်းမှန်မှန် သွားတတ်တဲ့ အကျင့် ကို ကျင့်ပေးပါ။

မလှောင်ပြောင်ပါနှင့်
တချို့လူကြီးမိဘတွေက ကလေး တွေ အိပ်ရာထဲ ဆီးသွားတဲ့အခါ နာမည် ပြောင်တွေ ပေးပြီး လှောင်ပြောင်တတ် ကြပါတယ်။ အဲဒီလိုလုပ်တာကြောင့် က လေးရဲ့ ကိုယ့်ကိုယ်ကိုယ် ယုံကြည်မှုကို ထိခိုက်ရတတ်ပါတယ်။ ကလေးက အ သက် ငါးနှစ်ကျော်တဲ့အချိန်မှာ ညစဉ်လို လို အိပ်ရာထဲ ဆီးသွားနေရင် ဆီးချို ရောဂါ၊ ဆီးလမ်းကြောင်း ပိုးဝင်တာ စ တဲ့ ရောဂါဝေဒနာရှိ၊ မရှိ စစ်ဆေးကြည့် သင့်ပါတယ်။

ကြယ်စင်
By Good Health

ဆက်ဖတ်ရန်>>>>

နှိပ်နယ်ခြင်း၏ အကျိုးကျေးဇူးများ

ခေါင်းကိုက်သက်သာစေသည် အနှိပ်ကုထုံး ( massage therapy) ကို ရက်သတ္တပတ်များစွာ ခံယူပြီးသည့် အခါ ခေါင်းကိုက်ရော ဂါ သက်သာစေပြီး နှစ်ခြိုက်စွာအိပ်ပျော် စေသည်။

လေ့ကျင့်ခန်းပြုလုပ်ပြီးနောက်ကိုယ်လက်ကိုက်ခဲမှုကိုသက်သာစေသည် လေ့ကျင့်ခန်း ပြုလုပ်အပြီး
 ကြွက်သားရောင်ရမ်းမှုကို
နှိပ်နယ် ခြင်းဖြင့် သက်သာစေသည်။နာမည် ကျော် အားကစားသမားများတွင် ကိုယ်ပိုင်အနှိပ်ကုထုံးခံယူရာ ဆေး ခန်းနှင့် အနှိပ်ဆရာတို့ ရှိကြသည်။

နုပျိုစေသည်

နှိပ်နယ်ခြင်းသည် သွေးစီးဆင်း မှုကောင်းစေသည်။ မျက်နှာကြွက်သား များပြေလျော့စေပြီး သငန်ရည် စီးဆင်းမှုကို အားပေးသောကြောင့် အဆိပ်အတောက်များ ရှင်းလင်းကာ အသားအရေကို နုပျိုစေသည်။ ရာသီမလာခင် နာကျင်ကိုက်ခဲမှုကို သက်သာစေသည်

စိတ်လှုပ်ရှားခြင်း၊ လေအောင့် ခြင်း၊ ခေါင်းကိုက်ခြင်း၊ ဗိုက်အောင့် ခြင်းစသည့်ရာသီမလာခင်ခံစား ရသော ဝေဒနာများကို အနှိပ်ကုထုံး ဖြင့် သက်သာစေနိုင်သည်။

ကင်ဆာရောဂါ လက္ခဏာများ သက် သာစေသည် ကင်ဆာကျိတ်ပျံ့နှံ့ခြင်းကြောင့် မခံမရပ်နိုင်အောင် ကိုက်ခဲခြင်း၊ အိပ် မပျော်ခြင်း စသည့်ဝေဒနာများကို အနှိပ်ကုထုံးဖြင့် သက်သာစေနိုင်ပြီး ရောဂါဖြစ်ပွားမှုကြောင့် ဘ၀အရည် အသွေး  (Quality of life) မကျ ဆင်းစေရန် ကူညီပေးသည်။

                                                                                                     ဇော်ကို
                                                                                                     Source:RD
                                                                              Health Updates Journal Vol.2, No.37

ဆက်ဖတ်ရန်>>>>

ထိုင်း-မြန်မာနယ်စပ် ဆင်ဖြူသိမ်ကုန်းကျွန်းနှင့် မယ့်ကွန်ကစ်ကျွန်းတွင် စခန်းချထားသော နှစ်ဖက်တပ်များ ဆုတ်ခွာရန် သဘောတူ

မြ၀တီတံတားအနီး မြန်မာ-ထိုင်း နှစ်နိုင်ငံနယ်စပ် သောင်းရင်းမြစ်လယ်မှ ရေလယ်ကျွန်းကို တွေ့ရစဉ် 

ထိုင်း-မြန်မာ နယ်စပ်ရှိ ဆင်ဖြူသိမ်ကုန်းကျွန်းနှင့် မယ့်ကွန်ကစ်ကျွန်းများတွင် တပ်စွဲထားသော နှစ်ဖက် တပ်များ နေရာပြောင်း ဆုတ်ခွာရန် စက်တင်ဘာ ၂၇ ရက်က မြ၀တီမြို့၊ အေးချမ်းဖြိုး ရိပ်သာတွင် ပြုလုပ် ခဲ့သော TBC(Town Border Committee) ၏ အကြိမ် (၃၀)မြောက် ဆွေးနွေးပွဲတွင် သဘော တူညီ ခဲ့ကြောင်း သိရသည်။

"အဓိက ဆွေးနွေးတာကတော့ ပြဿနာဖြစ်နေတဲ့ ဆင်ဖြူသိမ်ကုန်းနဲ့ မယ့်ကွန်ကစ်ဘက်မှာ သူ့ဘက် ကိုယ့် ဘက် နှစ်ဖက်တပ်တွေ ချထားတယ်။ ဒါကို ရွှေ့ဆိုင်းဖို့ ဆွေးနွေးကြတယ်။ ဒေသဆိုင်ရာ နယ်ခြားကော် မတီမှာ ဆွေးနွေးခဲ့ပြီးပြီ။ ဒီနေ့ထပ် ဆွေးနွေးပြီး ဆုတ်ခွာဖို့ သဘောတူလိုက်ပါတယ်" ဟု ထိုင်းနိုင်ငံ၊ တာ့ခ်ခရိုင်၊ အမှတ် (၄) ဒေသကွပ်ကဲရေးတပ် တပ်ရင်းမှူး ဥုကရစ်နိုကဖန်က ဆွေးနွေးပွဲ အပြီးတွင် သတင်းထောက်များကို ပြောကြားခဲ့သည်။

မြ၀တီမြို့၏ မြောက်ဘက်တစ်မိုင်ခန့် အကွာတွင် ရှိနေသော ဆင်ဖြူသိမ်ကုန်းကျွန်းသည် မြန်မာပိုင်မြေ ဖြစ်သော်လည်း သောင်ရင်းမြစ်လမ်းကြောင်း ပြောင်းလဲမှုကြောင့် ထိုင်းနိုင်ငံဘက် တာ့ခ်ခရိုင်ဘက်သို့ ရောက်သွားရာမှ ထိုကျွန်းတွင် မြန်မာတပ်စိတ် တစ်ခုကို နေရာချထား ခဲ့ခြင်းဖြစ်ကြောင်း သိရသည်။ မက်ကွန်ကစ်ကျွန်းမှာ မြ၀တီမြို့၏ တောင်ဘက် ၁၅ မိုင်ခန့် အကွာတွင် ရှိနေသည်။

စက်တင်ဘာ ၂၇ ရက်က ပြုလုပ်ခဲ့သော ဆွေးနွေးပွဲသည် TBC အဆင့်ဖြစ်ပြီး ဆက်လက်ဆွေးနွေးရန် အခြားအဆင့်များ ကျန်ရှိနေသေးကြောင်း၊ ဆွေးနွေးပွဲ သဘောတူညီခဲ့သည် ဆိုခြင်းထက် ထိုအချက်အလက်များကို ဆွေးနွေးခဲ့ကြသည် ဆိုခြင်းက ပိုမှန်နိုင်ကြောင်း ကရင်ပြည်နယ် အစိုးရ နယ်စပ်ရေးရာနှင့် လုံခြုံရေး ၀န်ကြီးဌာနမှ အဆင့်မြင့် အရာရှိတစ်ဦးက စက်တင်ဘာ ၂၈ ရက်တွင် The Daily Eleven သို့ ပြောကြားသည်။

"ဟိုဘက်က တောင်းဆိုတာကို ဒီဘက်က လိုက်လျောမယ်။ ဒီဘက်က တောင်းဆိုတာကို ဟိုဘက်က လိုက်လျောမယ်ဆိုပြီး သဘောတူညီ ခဲ့ကြတာပါ" ဟု ဆွေးနွေးပွဲသို့ တက်ရောက်ခဲ့သည့် မြန်မာတာဝန်ရှိသူ တစ်ဦးက ပြောကြားသည်။

ဆွေးနွေးပွဲသည် TBC အဆင့်ဖြစ်ပြီး ဆက်လက်ဆွေးနွေးရန် အခြားအဆင့်များ ကျန်ရှိနေသေးကြောင်း၊ ဆွေးနွေးပွဲ သဘောတူညီခဲ့သည် ဆိုခြင်းထက် . . . . .


ထိုကဲ့သို့ စခန်းချထားသော နှစ်ဖက်တပ်များ နေရာပြောင်း ဆုတ်ခွာရန်အတွက် အစည်းအဝေးပေါင်း အကြိမ် (၃၀)ကျော် ပြုလုပ်ခဲ့ပြီးနောက် ယခုကဲ့သို့ သဘောတူညီ ခဲ့ကြခြင်းဖြစ်ကြောင်း ထိုင်းစစ်ဘက်ဆိုင်ရာ အရာရှိများက ဆိုသည်။

ထို့အပြင် ဆွေးနွေးပွဲတွင် မြ၀တီတံတား အနီးတွင် ရှိနေသော ရေလယ်ကျွန်းနှင့် ပတ်သက်ပြီး ဆွေးနွေးမှုများလည်း ပြုလုပ်ခဲ့ကြောင်း သိရသည်။ ရေလယ်ကျွန်းကို သာယာလှပအောင် နှစ်ဖက်ပူးပေါင်း ဆောင်ရွက်ရန်နှင့် ကျွန်းပေါ်တွင် ဖြစ်ပွားနေသော မူးယစ်ဆေးဝါး ကိစ္စနှင့် ရာဇ၀တ်မှု ဖြစ်ပွားခြင်းများကို နှစ်ဖက်ညှိနှိုင်း ဖြေရှင်းသွားရန် ဆွေးနွေးခဲ့ကြခြင်း ဖြစ်ပါသည်။

သောင်ရင်းမြစ် အတွင်းရှိ မြန်မာပိုင် ရေလယ်ကျွန်းသည် မူးယစ်ဆေးဝါးနှင့် ရာဇ၀တ်မှု အများအပြား ဖြစ်ပေါ်နေသော နေရာတစ်ခုဖြစ်ပြီး ပြီးခဲ့သည့် မတ်လအတွင်းက ကရင်အမျိုးသား အစည်းအရုံး (KNU) လက်အောက်ခံ ကော့မူးရာ ကရင်လူငယ် အစည်းအရုံး (KYO) က လူငယ်လက်နက်ကိုင် အင်အား ၂၅ ဦးနှင့်အတူ ကျွန်းကိုဝင်ရောက် ထိန်းချုပ်ခဲ့ပါသည်။ ထိုသို့ ထိန်းချုပ်လိုက်ခြင်းမှာ ရေလယ်ကျွန်း၌ မူးယစ်ဆေးဝါး ရောင်းချမှုများကို ကျယ်ပြန့်စွာ လုပ်ဆောင်ခဲ့ခြင်းကြောင့် ဖြစ်သည်ဟု ဆိုပါသည်။ သို့သော် ကျွန်းပေါ်တွင် မူးယစ်ဆေးဝါး ဖြန့်ချိရေး လုပ်ကိုင်နေသူများကို သက်ဆိုင်ရာ တာဝန်ရှိသူများထံသို့ အပ်နှံခဲ့ပြီးနောက် KYO များ ပြန်လည်ဆုတ်ခွာ သွားခဲ့ကြောင်း သိရှိရပါသည်။

စက်တင်ဘာ ၂၇ ရက်က ပြုလုပ်သော ဆွေးနွေးပွဲသို့ ထိုင်းနိုင်ငံဘက်မှ တာ့ခ်ခရိုင် အမှတ် (၄)ဒေသ ကွပ်ကဲရေးတပ်၊ တပ်ရင်းမှူး ဥုကရစ်နိုကဖန်နှင့် တာဝန်ရှိသူများ၊ မြန်မာနိုင်ငံဘက်မှ TBC ယာယီဥက္ကဋ္ဌ ခေတ္တတပ်ရင်းမှူး ဗိုလ်မှူးရန်နိုင်မျိုးနှင့် တာဝန်ရှိသူများ တက်ရောက်ခဲ့ပါသည်။

EMG

ဆက်ဖတ်ရန်>>>>

စပါးစိုက်ပျိုး ချေးငွေနှင့် ဖုန်းဆင်းကတ်များ ချထားပေးမှုအပေါ် အမြတ်ထုတ်သော က၀မြို့နယ်၊ ကသစ်ပင်ကျေးရွာ အုပ်ချုပ်ရေးမှူးကို အရေးယူပေးရန် ဒေသခံများ တောင်းဆို

ကလေးဝမြို့နယ်၊ ကသစ်ပင်ကျေးရွာမှ လယ်သမားများ သတင်းစာ ရှင်းလင်းပွဲ ပြုလုပ်နေစဉ် (ဓာတ်ပုံ-ကြည်နိုင်) 

စပါးစိုက်ပျိုးငွေနှင့် ဖုန်းဆင်းကတ်များ ချထားပေးမှုအပေါ် အမြတ်ထုတ် ကိုယ်ကျိုးအတွက် အသုံးပြု သည်ဟု ဆိုကာ ပဲခူးတိုင်းဒေသကြီး၊ က၀မြို့နယ်၊ ကသစ်ပင်ကျေးရွာ အုပ်ချုပ်ရေးမှူးကို သက်ဆိုင်ရာ တာဝန်ရှိ သူများမှ အရေးယူပေးစေလိုကြောင်း အဆိုပါ ကသစ်ပင်ကျေးရွာမှ ရွာသူရွာသားများက မြန်မာ ဂျာနယ် လစ် ကွန်ရက်တွင် စက်တင်ဘာ ၂၈ ရက်က ပြုလုပ်သော သတင်းစာ ရှင်းလင်းပွဲတွင် ပြောကြား ခဲ့သည်။

"၂၀၁၃ ဇူလိုင်မှာ ရွာအတွက်ဆိုပြီး မြို့နယ်က ၁၅၀၀ တန် ဖုန်းဆင်းကတ် ငါးကတ်ချပေးပါတယ်။ ဒါကို ရွာသားတွေ မသိရဘဲ ကိုယ့်အကျိုးအတွက်ပဲ အသုံးပြုသွားပါတယ်။ ဒါ့အပြင် လယ်ယာမြေ ဥပဒေသစ်အရ လယ်ယာမြေ ပိုင်ဆိုင်ခွင့် လျှောက်ထားတဲ့အခါ အုပ်ချုပ်ရေးမှူးကို ငွေအဆမတန် ပေးရပါတယ်။ စိုက်ပျိုးစရိတ် ချေးငွေရဖို့ အတွက်လည်း စိုက်ပျိုးရေးဘဏ် စာအုပ်လုပ်တဲ့ အခါမှာလည်း ၃၀၀၀ ကျသင့်တာကို ၅၀၀၀ အထိ တောင်းပါတယ်။ ကျွန်တော်တို့ လယ်သမားအချို့ဟာ နိုင်ငံတော်က ချထားပေးတဲ့ စိုက်ပျိုးစရိတ်တွေကို မရတာ ဘာကြောင့်လဲမေးတော့ နိုင်ငံတော်က ချေးငွေချပေးတာ မလုံလောက်လို့လည်း ပြောတယ်။ ဒါပေမဲ့ သူနဲ့သိတဲ့ လူတွေကျတော့ ကိုးဧကပိုင်တဲ့သူက ၁၀ ဧကလောက် စပါးစိုက်ချေးငွေတွေ ရကြတယ်။ ကိုယ့်ရွာသား မဟုတ်ဘဲနဲ့ သူများရွာတွေက စပါးစိုက်ချေးငွေ ရသွားကြတဲ့ အဖြစ်အပျက်တွေလည်း ရှိပါတယ်" ဟု ကသစ်ပင်ကျေးရွာမှ ယခင်အုပ်ချုပ်ရေးမှူး ဦးမြင့်လှိုင်က ရွာသူရွာသားများကိုယ်စား ရှင်းလင်းပြောကြားခဲ့သည်။

အဆိုပါ ကျေးရွာတွင် အိမ်ခြေ ၃၅၀၊ လူဦးရေ ၁၀၀၀၀ ကျော် နေထိုင်ကာ လယ်ဧက စုစုပေါင်း ၂၂၀၀ ခန့်ရှိပြီး စပါးစိုက်ပျိုး ချေးငွေအဖြစ် မြို့နယ်စိုက်ပျိုးရေးဘဏ်မှ တစ်ဧကလျှင် ငွေကျပ်တစ်သိန်းနှုန်းဖြင့် ချေးငွေချပေးမည် ဖြစ်ကြောင်းနှင့် ထိုသို့ချေးငွေ ရရန်အတွက် လယ်ကွက်များကို မိမိနာမည် ပြောင်းထားရန် လိုအပ်ကြောင်း ဒေသခံ လယ်သမားများက ဆက်လက်ပြောကြားသည်။

ထိုသို့ လက်ရှိလုပ်ကိုင် ပိုင်ဆိုင်သော လယ်ကွက်များကို အမည်ပေါက်စာရင်း တင်သွင်းရန်အတွက် ကသစ်ပင်ကျေးရွာ အုပ်ချုပ်ရေးမှူးသည် ငွေကျပ်ငါးသောင်းအထိ တောင်းဆိုခဲ့ကြောင်း သိရသည်။

အဆိုပါက သစ်ပင်ကျေးရွာ အုပ်ချုပ်ရေးမှူး ဦးသက်နိုင်၏ ဖုန်းသို့ဆက်သွယ် မေးမြန်းခဲ့ရာ အမျိုးသမီးတစ်ဦးက ဦးသက်နိုင် အပြင်သို့ ရောက်ရှိနေကြောင်း ဖြေကြားခဲ့သည်။

EMG

ဆက်ဖတ်ရန်>>>>

SSA(ဝမ်ဟိုင်း)အဖွဲ့ နှင့် ဒေါ်နန်းခမ်းအေးတို့  ကိုယ့်နေရာကိုယ် သိဖို့ လိုပါသည်

နိုင်ငံတော်အစိုးရနဲ့ တပ်မတော်က ငြိမ်းချမ်းရေးအတွက် ယုံကြည်မှုတည်ဆောက်ဖို့ ကြိုးစား နေချိန်နဲ့ ရှမ်းပြည်နယ်၊ တောင်ကြီးမြို့မှာ ငြိမ်းချမ်းရေးအတွက် ယုံကြည်မှု တည်ဆောက်ခြင်းဆွေးနွေးပွဲ ကျင်း ပနေချိန်တွေ မှာ ပွဲကျင်းပရေးကော်မတီ အဖွဲ့ဝင်တစ်ဖွဲ့ဖြစ်တဲ့ ရှမ်းပြည်တိုးတက်ရေးပါတီ SSA (၀မ်ဟိုင်း) တပ်ဖွဲ့များ နဲ့ တပ်မတော်တို့ ရှမ်းပြည်နယ် နမ္မတူမြို့နယ်ရှိ မိုင်းရင်ကျေးရွာမှာ တိုက်ပွဲများ ဖြစ်ပွား ခဲ့ပါတယ်။တိုက်ပွဲများမှာ စက်တင်ဘာလ ၁၇ ရက်က စတင်ဖြစ်ပွားခဲ့ပါတယ်။ ငြိမ်းချမ်းရေး အ တွက် ယုံကြည်မှု တည်ဆောက်ပွဲ နောက်ဆုံးနေ့ဖြစ်တဲ့ စက်တင်ဘာလ ၂၃ ရက် နံနက်ပိုင်းမှာလည်း ထပ်မံဖြစ်ပွားခဲ့ပါတယ်။

SSA(၀မ်ဟိုင်း)အဖွဲ့ဟာ အစိုးရနဲ့ အပစ်ရပ်သဘောတူညီထားသော်လည်း သဘောတူညီချက်ပါ သတ်မှတ် နယ်မြေများမှာ မနေဘဲ ဆက်ကြေးကောက်ခြင်း၊ လူသစ်စုခြင်းများကို ကျူးလွန်လျှက် ရှိတဲ့ အပြင် နယ်မြေ စိုးမိုးရေးဆောင်ရွက်နေတဲ့ တပ်မတော်စစ်ကြောင်းများကိုလည်း ချောင်းမြောင်းပစ်ခတ် တာတွေကို အမြဲ လုပ်ဆောင်လျှက်ရှိပါတယ်။

စက်တင်ဘာလ ၁၆ ရက်နေ့က တပ်မတော်စစ်ကြောင်းတစ်ခုဟာ နယ်မြေရှင်းလင်းရေး ဆောင်ရွက်ဖို့ နမ္မတူမြို့နယ် မိုင်းရင်ကျေးရွာအနီး ရောက်ရှိခဲ့ပါတယ်။ ဒီအချိန်မှာ ရှမ်းတိုင်းရင်သားများ ဒီမိုကရက် တစ်ပါတီ SNDP (ကျားဖြူပါတီ)က ပြည်သူ့လွှတ်တော်ကိုယ်စားလှယ် ဒေါ်နန်းခမ်းအေးဟာ တပ်မတော် စစ်ကြောင်းများ မိုင်းရင်ရွာသို့ ၀င်ရောက်မှု မရှိစေရေး တားမြစ်ပေးရန်နဲ့ တိုက်ပွဲများဖြစ်ပွား လာခဲ့ ရင် ဒေသခံ/ ရွာသူရွာသားများ ထိခိုက်မှုများ မဖြစ်အောင် ဆောင်ရွက်ဖို့ လားရှိုးရှိ စစ်ဘက် တာဝန်ရှိသူ များထံ ဖုန်းနဲ့ဆက်သွယ် တားမြစ်ခဲ့တယ်လို့ သိရပါတယ်။

နောက်တစ်ရက် စက်တင်ဘာ ၁၇ ရက်နေ့မှာ SSA(၀မ်ဟိုင်း)အဖွဲ့က တပ်ဖွဲ့ဝင်များဟာ မိုင်းရင်ရွာကို ဆက်ကြေးကောက်၊ လူသစ်စုဖို့ ရောက်လာပြီး အဲဒီနေ့ညနေပိုင်းမှာ တပ်မတော်ကို စတင်ပစ်ခတ် တိုက် ခိုက်ခဲ့ပါတယ်။ SSA(၀မ်ဟိုင်း)အဖွဲ့ဘက်က တစ်ဦးသေပြီး နှစ်ဦးဒဏ်ရာရသွားခဲ့တယ်လို့ သိရပါတယ်။ ဒါကြောင့် စက်တင်ဘာလ ၂၃ ရက်နေ့မှာ SSA(၀မ်ဟိုင်း) အဖွဲ့က အဲ့ဒီ စစ်ကြောင်းကို ထပ်မံတိုက်ခိုက် မှုတွေ ပြုလုပ်ခဲ့ပါတယ်။

လွှတ်တော်ကိုယ်စားလှယ် ဒေါ်နန်းခမ်းအေးဟာ မိုင်းရင်ရွာကို စက်တင်ဘာလ ၁၆ ရက်နေ့ ကတည်း က ရောက်ရှိနေတာ ဖြစ်ပါတယ်။ ကျေးရွာစိုက်ပျိုးရေးကိစ္စများ စစ်ဆေးရန် အကြောင်း ပြချက်နဲ့ ယခုအထိ ရှိနေဆဲ ဖြစ်ပါတယ်။ ဒေါ်နန်းခမ်းအေးရဲ့ ပြုမူပြောဆို လုပ်ဆောင်ချက်များကို ကြည့်ရင် ကိုယ်နဲ့မဆိုင် တဲ့ကိစ္စတွေမှာ ၀င်ရောက်စွက်ဖက်နေတာ ထင်ရှားပါတယ်။ လွှတ်တော် ကိုယ်စားလှယ်ဆိုတဲ့ အရှိန်အ၀ါ ကို အသုံးချပြီး ကိုယ်နဲ့လည်းမဆိုင် ကျွမ်းကျင်မှုလည်းမရှိတဲ့ စစ်ရေး စစ်ရာ ကိစ္စတွေမှာ ပါဝင်ပတ်သက် စွက်ဖက်လာတာကို တွေ့ရပါတယ်။

လွှတ်တော်ကိုယ်စားလှယ် ဆိုသော်လည်း အစိုးရနဲ့ အပစ်အခတ်ရပ်စဲရေး ငြိမ်းချမ်းရေး ဆွေးနွေးဆဲ တိုင်းရင်းသားလက်နက်ကိုင်အဖွဲ့နဲ့ ပုလင်းတူဗူးဆို့ပူးပေါင်းပြီး ငြိမ်းချမ်းရေးလုပ်ငန်းစဉ်များနှောင့်နှေးေ အာင် လုပ်ဆောင်နေတာကို တွေ့ရမှာဖြစ်ပါတယ်။ SSA (၀မ်ဟိုင်း) အဖွဲ့ဟာ လွှတ်တော် ကိုယ်စား လှယ်တွေကတစ်ဆင့် တပ်မတော်စစ်ကြောင်းတွေကို နယ်မြေရှင်းလင်းရေးတွေ မလုပ်ဖို့ ဒီနယ်မြေတွေထဲ မလာဘို့ပြောနေတဲ့ သဘောဖြစ်ပါတယ်။ SSA (၀မ်ဟိုင်း) အဖွဲ့ဟာ ငြိမ်းချမ်းရေးကို ခုတုံးလုပ်၊ လွှတ်တော် ကိုယ်စားလှယ်ကို အသုံးချပြီး နယ်မြေတိုးချဲ့လာတာဖြစ်ပါတယ်။

ဒေါ်နန်းခမ်းအေးဟာ ၄င်းတို့ပါတီ အာဏာခိုင်မြဲရေးအတွက် ပြည်သူလူထုကို တစ်ပတ်ရိုက်ပြီး အပေါ စားခေါင်းဆောင်မှု ရယူလာတာဖြစ်ပါတယ်။ လွှတ်တော်ကိုယ်စားလှယ်တွေနဲ့ SSA (၀မ်ဟိုင်း) နှစ်ဖွဲ့ပေါင်း ပြီး အပေးအယူလုပ်ကာ လွှတ်တော် အတွင်းအပြင်ကနေ နိုင်ငံရေး စစ်ရေး အမြတ်ထုတ် လာတာ ဖြစ် ပါတယ်။ လွှတ်တော်ကိုယ်စားလှယ်ရဲ့ အရှိန်အ၀ါကိုသုံးပြီး စစ်ရေးစစ်ရာကိစ္စတွေ တစ်နည်းပြောရရင် အစိုးရရဲ့ စီမံခန့်ခွဲမှုတွေကို ၀င်ရောက်စွက်ဖက်လာတာ ဖြစ်ပါတယ်။ SNDP (ကျားဖြူ)ပါတီ က ဒေါ်နန်း ခမ်းအေး အပါအ၀င် လွှတ်တော်ကိုယ်စားလှယ်အချို့ဟာ နိုင်ငံရေးမှာ သာမက စစ်ရေးလှုပ်ရှားမှုများမှာပါ ၀င်ရောက်စွက်ဖက်ရန် ကြိုးစားလျှက်ရှိနေပါတယ်။ သူတို့ဟာ သက်ဆိုင်ရာ နယ်မြေအလိုက် SSA (၀မ်ဟိုင်း) အဖွဲ့များနဲ့ ထိတွေ့ဆက်ဆံပြီး ဒေသခံရွာသူရွာသား များအပေါ် ၄င်းတို့ရဲ့ သြဇာညောင်းစေ ရန် နဲ့ ၄င်းတို့ပါတီ အာဏာလွှမ်းမိုးစေရန် လုပ်ဆောင်လျှက် ရှိပါတယ်။

ဒေါ်နန်းခမ်းအေးဟာ ကျေးရွာဖွံ့ဖြိုးရေးကို အကြောင်းပြပြီး မိုင်းရင်ရွာမှာ ဆက်လက်နေထိုင် နေတာဟာ ရိုးဖြောင့်မှုမရှိလှကြောင်း ပေါ်လွင်နေပါတယ်။ အစိုးရတပ်များရဲ့ အားနည်းချက်များကို အပြစ်ရှာ အထောက်အထားရယူဖို့ လွှတ်တော်ကို တိုင်ကြားဖို့ အားထုတ်နေတာလည်း ဖြစ်နိုင်ပါတယ်။ Internet media များနဲ့ ၀ါဒဖြန့်တာတွေကိုလည်း ဆောင်ရွက်လာပါတယ်။ တိုင်းရင်းသား လက်နက် ကိုင်များနဲ့ SNDP (ကျားဖြူ)ပါတီတို့ဟာ တိုက်ရိုက်ပတ်သက် ဆက်နွယ်နေကြပါတယ်။ ဒီလို နှစ်ဖက် တပ်ဖွဲ့များ အပစ်အခတ်ဖြစ်နေတဲ့ ဒေသမှာ အနေအထိုင်မတတ်တဲ့ ကိုယ်စားလှယ် တစ်ယောက်မတော်တဆ ထိ ခိုက်သေဆုံးခဲ့ရင်လည်း တပ်မတော်အပေါ်ကိုသာ အပြစ်ပုံချကြဦးမှာ ဖြစ်ပါတယ်။

တကယ်တော့ တိုင်းရင်းသားလက်နက်ကိုင်အဖွဲ့အစည်း SSA (၀မ်ဟိုင်း) အဖွဲ့ကို သတ် မှတ် နေရာတွေမှာသာ နေထိုင်ဖို့ ငြိမ်းချမ်းရေး ဆွေးနွေးပွဲတွေမှာ သဘောတူထားပြီးဖြစ်ပါတယ်။ တိုင်းရင်းသား လက်နက်ကိုင်များအနေနဲ့ သတ်မှတ်ပေးထားတဲ့ နေရာမှာနေရင် တိုက်ပွဲတွေ ဖြစ်လာ စရာ အကြောင်းမရှိပါဘူး။ သတ်မှတ်နေရာမှာမနေဘဲ နယ်မြေတွေကျော်ပြီး ရွာတွေမှာ ဆက်ကြေး လိုက်ကောက် လူသစ်စု စတဲ့ ပြည်သူလူထုကို ၀န်ထုပ်ဝန်ပိုး ဖြစ်စေတဲ့ လုပ်ရပ်တွေကို ကျူးလွန်နေ လို့သာ ဒီလိုတိုက်ပွဲတွေဖြစ်နေရတာပါ။

အောက်တိုဘာလမှာ တစ်နိုင်ငံလုံး အပစ်အခတ် ရပ်စဲရေး လုပ်ဖို့ ကြိုးစားနေချိန်မှာ ယခုလို တိုက်ခိုက် လာတာဟာ SSA (၀မ်ဟိုင်း) အဖွဲ့ဖက်က ကတိမတည်တဲ့သဘော ဖြစ်နေပါတယ်။ ရှမ်းပြည်နယ်အတွင်း ငြိမ်းချမ်းရေးယုံကြည်မှု တည်ဆောက်နေတဲ့ပွဲ ကျင်းပနေချိန်အတွင်း ယခုကဲ့ သို့ ဖြစ်ပွားနေသည့်အပေါ် အခမ်းအနားသို့ တက်ရောက်လာသူ အချို့ကရှုတ်ချခဲ့ကြပါတယ်။

တိုင်းရင်းသားလက်နက်ကိုင်တွေအနေနဲ့ ငြိမ်းချမ်းရေးကို တကယ်လိုလားပါသလား။
“ ငြိမ်းချမ်းရေးကို အမှန်တကယ်လိုလားမယ်”၊ “ရိုးသားပြီး ကတိတည်မယ်”၊ “ငြိမ်းချမ်းရေး အကြောင်းပြပြီးအမြတ်မထုတ်ဘူး”၊ “တိုင်းရင်းသားပြည်သူလူထုအပေါ် ဒုက္ခမပေးဘူး ” ဆိုရင် တိုက် ပွဲတွေဖြစ်စရာ အကြောင်းမရှိပါဘူး။ ဒီလိုမှမဟုတ်ဘဲ စေတနာမမှန်မကန်နဲ့ တိုင်းရင်းသား ပြည်သူလူထု အပေါ်ဒုက္ခပေးနေရင်တော့ တပ်မတော်က နယ်မြေရှင်းလင်းရေး၊ နယ်မြေစိုးမိုးရေးတွေ လုပ်ပြီး ပြည်သူ လူထုကို ဆက် လက်အကာအကွယ်ပေးနေရမှာဘဲ ဖြစ်ပါတယ်။

SSA (၀မ်ဟိုင်း) အဖွဲ့ဟာ ၂၀၁၂ ခုနှစ် ဇန်န၀ါရီ ၂၈ ရက်နေ့မှာ အစိုးရနဲ့အပစ်အခတ် ရပ် စဲရေးပြည်နယ်အဆင့်၊ ပြည်ထောင်စုအဆင့်ပါ လက်မှတ်ရေးထိုးထားတဲ့ အဖွဲ့အစည်းဖြစ်ပါတယ်။ ယခုနောက်ပိုင်းမှာလည်း လူသစ်စု၊ ဆက်ကြေးကောက်ခံမှုများ ရှိနေဆဲဖြစ်ပြီး တပ်မတော်နဲ့ လက်ရှိအချိန် အထိ တိုက်ပွဲပေါင်း ၁၀၀ ကျော်အထိ ဖြစ်ပွားခဲ့ပြီး ဖြစ်ပါတယ်။ SSA (၀မ်ဟိုင်း) အဖွဲ့အနေနဲ့ စစ်မှန်တဲ့ ငြိမ်းချမ်းရေးကို လိုလားတယ်ဆိုရင် ကိုယ့်နေရာကိုယ်သိဖို့၊ ကိုယ်နေရာကိုယ်နေဖို့ လိုအပ် ပါတယ်။


အလားတူ ဒေါ်နန်းခမ်းအေး ကဲ့သို့သော ကိုယ်စားလှယ်များသည်လည်း ကိုယ့်အလုပ် ကိုယ်လုပ်ကြဖို့၊ ကိုယ့်နေရာ ကိုယ်နေတတ်ကြဖို့ လိုပါတယ်။ ငြိမ်းချမ်းရေးနှင့် ပြည်သူလူထုကို ဗန်းပြပြီး မိမိနဲ့မသက် ဆိုင်တဲ့နေရာများမှာ မိမိနဲ့မသက်ဆိုင်သောကိစ္စများကို ၀င်ရောက်စွက်ဖက်ရန် မသင့်ပါဘူး။ “ ဥပဒေ အထက်တွင် မည်သူမျှမရှိစေရ” ဟူသောပြည်သူ့လွှတ်တော်ဥက္ကဌကြီးရဲ့ တစ်ချိန်ကစကား ကိုပြည်သူ့ လွှတ်တော်ကိုယ်စားလှယ် တစ်ဦးကိုယ်တိုင်က မျက်ကွယ်ပြုပြီး ဥပဒေအထက်တက်ကာ မလည်ရှုပ် လုပ်နေလျှင် ကြီးစွာဘေးဒုက္ခရောက်နိုင်ကြောင်း သတိပေးလိုက်ရပါတယ်။

ပြည်ချစ်သား

ဆက်ဖတ်ရန်>>>>

Google တို့ စတင်ရာ ဂိုဒေါင်

ပြီးခဲ့တဲ့ သောကြာ နေ့ က Google တို့ ကုမ္မဏီ ၁၅ နှစ် ပြည့် အခမ်းအနား ကို ဂိုဒေါင်လေး တစ်ခု မှာ ကျင်းပ ခဲ့ ပါတယ်။ နယ်နယ် ရရ ဂိုဒေါင် တော့ မဟုတ် ပါဘူး။ လက်ရှိ ကမ္ဘာ့ အကြီးဆုံး အိုင်တီ ကုမ္မဏီ ကြီး တစ်ခု ဖြစ်လာ ဖို့ အတွက် လယ်ရီပေ့ နဲ့ ဆာဂျီဘင်း တို့ အစပြု ခဲ့တဲ့ ဂိုဒေါင်လေး ဖြစ် ပါတယ်။ ကယ်လီဖိုးနီးယား ပြည်နယ် Menlo Park နားက သူငယ်ချင်း တစ်ယောက် ရဲ့  အိမ်မှာ ပါ။ Search Engine အတွက် Server ကို လည်း အဲ့ ဂိုဒေါင်မှာ ပဲ တစ်ခါတည်း တည်ထား ခဲ့ခြင်း ဖြစ် ပါတယ်။

ယနေ့ ချိန် မှာတော့ ဂိုဒေါင် မှာ ဘာမှ မလုပ်ပါဘူး။ Google ကတော့ အမှတ် တရ လေး ဖြစ်ေ အာ င်၊ အိမ် ကိုရော၊ ဂိုဒေါင် ကိုရော ဝယ်သိမ်း ထား ပါတယ်။ ၁၅ နှစ်ပြည့် အထိမ်း အမှတ် ပွဲငယ်လေး ကိုလည်း အဲ့ဒီ ဂိုဒေါင် မှာပဲ ကျင်းပ ခဲ့ ပါတယ်။ ပွဲမှာ Google ရဲ့  သမိုင်း ကြောင်းများ ပြောဆို ပြီး ကိတ်မုန့် ခွဲခြင်း၊ စားသောက် ခြင်း တို့ ပြုလုပ် ခဲ့ကြောင်း သိရ ပါတယ်။

Aung Kham (TSJ Team)

ဆက်ဖတ်ရန်>>>>

ဓာတ်ပုံမော်ဒယ်အဖြစ်က အနားယူတော့မယ့် မြနှင်းရည်လွင်

၂၀၁၁ ခုနှစ် အကယ်ဒမီဗန်းကိုင်အဖြစ် ပရိသတ်သတိထားမိခဲ့သော မြနှင်းရည်လွင်က ၂၀၁၄ ခုနှစ် ဇန်န၀ါရီလမှ စတင်ပြီး ဓာတ်ပုံမော်ဒယ် အလုပ် ကို ရပ်နားမည်ဖြစ်ကြောင်း ပြောကြားသည်။ “အစ်မ နောင်နှစ် အစပိုင်း က စပြီး မလုပ်တော့ဘူး။ အသက်လည်းကြီးလာပြီ။ အစ်မ တခြား စီးပွားရေးပဲ လုပ်တော့မယ်။ အနှောင့်အယှက်ကတော့ ရှိ တာပေါ့။ အစ်မမှမဟုတ်ပါဘူး။ ဒီလောကမှာ ကိုယ့်ထက် အနှောင့် အယှက် များတဲ့ သူတွေလည်း အများကြီးရှိတယ်”ဟု မြနှင်းရည်လွင် ကပြော သည်။

ယခုနှစ်မကုန်မီအထိသာ အနုပညာအလုပ်များကို လက်ခံရိုက်ကူးသွားမည်ဖြစ်ပြီး လတ်တလောတွင် ကြော်ငြာ၊ အမ်တီဗီ၊ မဂ္ဂဇင်းကာဗာဓာတ်ပုံများကို ရိုက်ကူးရန်ရှိကြောင်း သိရသည်။ စိုင်းစိုင်းခမ်းလှိုင်နှင့် ရင်းနှီးသဖြင့် အတူရိုက်ကူးထားသော ဇာတ်ကားနှစ်ကားရှိပြီး ဇာတ်ကားများကို ထပ်မံရိုက်ကူးရန် အစီအစဉ်မရှိနိုင်တော့ကြောင်း မြနှင်းရည်လွင်က ပြောသည်။ မြနှင်းရည်လွင်က ရင်းနှီးခင်မင်သူအချို့ အကူအညီတောင်းမှသာ ရိုက်ကူးဖြစ်တော့မည်ဖြစ်ကြောင်း ပရော်ဖက်ရှင်နယ်အဖြစ် အနုပညာအလုပ် လုပ်ကိုင်မည်မဟုတ်ကြောင်း ပြောသည်။

လတ်တလောထွက်ရှိထားသည့် အနုပညာဂျာနယ်တစ်စောင်တွင် မျက်နှာဖုံးရိုက်ကူးပေးခဲ့သောအင်္ကျီမှာ ရင်ဘတ်ဖော်ထားသလိုဖြစ်နေသောကြောင့် ဝေဖန်မှုများ ပေါ်ထွက်ခဲ့သည်။ “အစ်မ လက်ဝတ်ရတနာ ကြော်ငြာတွေ ရိုက်ရင်တော့ ရင်ဘတ်အဟိုက်တွေဝတ်တယ်။ အခုက အစ်မ သက်သက်ကြီးဖော်ထားတာ မဟုတ်ပါဘူး။ ဒါပေမဲ့ တချို့လူတွေက အစ်မကို မြန်မာအင်္ကျီရိုးရိုးနဲ့ တွဲတွေ့တဲ့သူတွေက အဲဒီလို ရုတ်တရက်မြင်လိုက်တော့ ရိုင်းသလိုဖြစ်သွားတယ်။ ပရိသတ်တွေကိုလည်း ဒါကို နားလည်ပေးကြပါ။ အင်္ကျီက အနေအထားလွဲသွားတော့ ဒီလိုဟပြဲကြီးဖြစ်သွားတာပါလုိ့ ပြောချင်ပါတယ်” ဟု မြနှင်းရည်လွင်ကပြောသည်။

Credit: 7Day Daily Newspaper

ဆက်ဖတ်ရန်>>>>

တရုတ်လူကုန်ကူးသူတွေ လက်က ကလေး ၉၂ ဦး ကယ်နိုင်

တရုတ်နိင်ငံမှာ လူမှောင်ခိုဂိုဏ်းတခုက ဖမ်းဆီးထားတဲ့ ကလေးငယ် ၉၂ ယောက်နဲ့ အမျိုးသမီး ၂ ယောက်ကို ရဲတွေက ကယ်တင်နိုင်ခဲ့ပါတယ်။ ဒီအမှုနဲ့ဆက်နွယ်ပြီး မသင်္ကာသူ ၃၀၁ ယောက်ကို ဖမ်းဆီးထားတယ်လို့ အစိုးရပိုင် ရှင်ဟွာသတင်းက ပြောပါတယ်။

မြန်မာနိုင်ငံနဲ့ကပ်နေတဲ့ ယူနန်ပြည်နယ်နဲ့ ဆီချွမ်ပြည်နယ်တွေကနေ ကလေးတွေကိုဝယ်ပြီး တခြား ဒေသတွေမှာ ပြန်ရောင်းနေတဲ့ လူမှောင်ခိုကွန်ယက်ကြီးကို ဖြိုခွင်းနိုင်ဖို့ ပြည်နယ် ၁၁ ခုမှာ ရဲတပ်ဖွဲ့တွေ စီမံချက်ချဆောင်ရွက်ခဲ့တယ်လို့ တာဝန်ရှိသူတွေကပြောပါတယ်။
တရုတ်နိုင်ငံမှာ ကလေးခိုးမှုဟာ အဓိကပြဿနာကြီးတခုဖြစ်ပါတယ်။

တအိမ်ထောင် ကလေး ၁ ယောက်ပဲ ယူရမယ့် မူဝါဒကြောင့်ရော သားယောင်္ကျားလေးတွေကိုသာ အဓိကလိုချင်ကြတဲ့ အစဉ်အလာကြောင့်ပါ အခုနှစ်ပိုင်းတွေအတွင်း ကလေးတွေနဲ့ အမျိုးသမီးတွေကို ခိုးယူမှုတွေ ပိုပြီးများလာနေပါတယ်ရှင်။

Child trafficking and sexual exploitation of women and minors are severe forms of abuse.

VOA

ဆက်ဖတ်ရန်>>>>