အလှအပအတွက် မျက်နှာသစ် ဆေးတောင် မသုံးဖြစ်ဘူးလို့ ဆိုလာတဲ့ ရွှေမှုန်ရတီ

အသက်ငယ်ငယ်ရွယ်ရွယ်နဲ့ အောင်မြင်မှုတွေရရှိနေတဲ့ ရွှေမှုန်ရတီကို သူမရဲ့ အသားအရေထိန်းသိမ်းမှု၊ အလှအပပိုင်းဆိုင်ရာတွေအပြင် ဖက်ရှင်အကြောင်း မေးကြည့်တဲ့အခါ ‘အသားအရေ ထိန်းသိမ်းမှုအပိုင်း နဲ့ပတ်သတ်ပြီး သိပ်မလုပ်ဖြစ်ဘူး။ Body Treatment လောက်ပဲလုပ်ဖြစ်တယ်။ လုပ်ဖြစ်ရင်တော့ Spice Girl ပဲအမြဲသွားဖြစ်တယ်။’လို့ သူမကပြောပါတယ်။ သုံးနေတဲ့ အလှကုန်တွေနဲ့ ပတ်သက်ပြီးတော့ သူမက ‘ ရွှေမှုန်လောလောဆယ် မျက်နှာသစ်ဆေးတောင် မသုံးဘူး။ ဒါပေမဲ့ Dior က ထုတ်တဲ့ မျက်နှာလိမ်းဆေး တစ်မျိုးတော့ လိမ်းဖြစ်တယ်။ လိုးရှင်းကတော့ Victoria Secret သုံးတယ်။ အသားအရေအတွက် အသီး အနှံတွေလဲ စားဖြစ်တယ်’တဲ့။ ဖက်ရှင်ပိုင်းကလည်း အနုပညာရှင်တွေအတွက် အရေးပါတာမို့ မေးကြည့် ဖြစ်တဲ့အခါမှာတော့ ‘Free Style ပေါ့။ ဇာတ်ကားထဲမှာကျတော့ ဇာတ်လမ်းရပြီဆိုရင် ဒါရိုက်တာကိုမေး တယ်။ ကိုယ်လှဖို့မလိုဘူး။ ကာရိုက်တာဝင်ဖို့ပဲလိုပါတယ်။’လို့ သူမက ပြောသွားပါတယ်။

Trend

ခင်ဆွေသက်

ဆက်ဖတ်ရန်>>>>

အစိုးရနှင့်ပြည်သူညီညွတ်ဖို့လိုပြီ

ယခုဆိုလျှင် ပြည်ထောင်စု မြန်မာနိုင်ငံသည် ဒီမိုကရေစီ နိုင်ငံရေးအသွင်သို. ကူးပြောင်းလာခဲ.သည်မှာ ၂နှစ်ခွဲကျော် (အစိုးရ/လွှတ်တော် သက်တမ်းတစ်ဝက်ကျော်)သို. ရောက်ရှိခဲ.ပြီ ဖြစ်သည် ။ ကုန်လွန်ခဲ.သော ကာလကို ပြန်ပြောင်းကြည်.လျှင် ပြည်သူလူထုအားလုံး ဒီမိုကရေစီစနစ်အကြောင်းကို သေသေချာချာ သိသူများ အင်မတန် နည်းပါးကြောင်း လေ.လာတွေ.ရှိရပါသည် ။

ဒီမိုကရေစီ ယဉ်ကျေးမှု. ၊ ဒီမိုကရေစီ သဘောတရားတွေကို နိုင်ငံရေးသမားတွေ ၊ ခေါင်းဆောင်တွေပဲ သိဖို. လိုအပ်တာ မဟုတ်ပါဘူး။ သာမန် သူလိုကိုယ်လို ရပ်သူရွာသားတွေကအစ ပြည်သူတွေအားလုံး သိဖို. လိုအပ် ပါတယ် ။ ဒီမိုကရေစီကို ထူထောင်မယ်ဆိုရင် ပြည်သူလူထုရဲ. အသိအမြင် ၊ အတွေးအမြင်တွေဟာ မြင်.မား နေဖို. လိုအပ်တယ်ဆိုတာ ပြောပြဖို.တောင် လိုအပ်မည် မထင်ပါ ။ အဲဒီလို မြင်.မားနေဖို.ဆိုရင် ပညာရှင် ဆိုတဲ.သူတွေ ပညာတက်တွေဟာ သာမန်ပြည်သူတွေရဲ. ဘ၀ ၊ လိုအပ်ချက်တွေ ဆန္ဒတွေနဲ. ကိုက်ညီတဲ. အတွေးအခေါ် ၊ အယူအဆတွေကိ်ု ပြောဆို ၊ရေးသား၊ ဖြန်.ချီ ၊ ထုတ်ဝေနေဖို.လည်း လိုအပ်ပါတယ်။

မိမိတို.နေထိုင်တဲ. နိုင်ငံကို ပြည်သူတွေကပဲ ပိုင်ပါတယ်။ နို်င်ငံကို ဘယ်အဖွဲ.အစည်း ၊ ဘယ်ပုဂ္ဂိုလ်ကမှ မပိုင် ပါဘူး ။ သူလိုကိုယ်လို သာမန်နိူင်ငံသား ပြည်သူတွေကပဲ ပိုင်ဆိုင်ကြတာပါ ။ သမ္မတဆိုတာကလည်း နိုင်ငံတော်ကို မိမိတို. ကိုယ်စား ခဏတာ အုပ်ချုပ်ဖို. ရွေးချယ်ထားတဲ. ကိုယ်စားလှယ်ပါပဲ ဖြစ်ပါတယ်။ ဒါကြောင်.လည်း သမ္မတ ရွေးချယ်ရာမှာ ဥာဏ်အမြော် အမြင်ရှိသူ ၊ ပြည်သူလူထု အကျိုးကို လိုလားသူကိုသာ ရွေးချယ်ကြရမှာ ဖြစ်ပါတယ် ။

ဒီမိုကရေစီ ၀ါဒဆိုတာ အစိုးရမင်းတွေရဲ. ထင်ရာမြင်ရာ ၊ လုပ်ချင်တာကို လုပ်ဖို. အသိအမှတ်မပြုပါဘူး ။ အစိုးရဆိုတာ ပြည်သူတွေ စေခိုင်းရာကို လုပ်ဖို.အတွက် ဖွဲ.စည်းထားတဲ. အဖွဲ.ပဲလို. သတ်မှတ်ထားတာပါ ။ ယနေ.ခေတ်က လူတစ်ယောက် (သို.) လူတစ်စုက တိုင်းသူပြည်သားတွေကို ထင်သလို လုပ်ပြီး အုပ်ချုပ်တဲ. ခေတ် မဟုတ်တော.ပါဘူး ။

ြ

်သူတွေဟာ ရွေးကောက်ပွဲတွေမှာ သူတို.ရဲ. ကိုယ်စားလှယ်တွေကို ဆန္ဒမဲတွေနဲ. ရွေးချယ်ကြပါတယ် ။ အဲဒီကိုယ်စားလှယ်တွေကမှတဆင်. ပြည်သူအားလုံး လိုက်နာရမယ်. ဥပဒေတွေကို ရေးဆွဲပြဌာန်း ကြပါတယ် ။ ဒါကြောင်. ကိုယ်စားလှယ်တွေ ပြုလုပ်တဲ. ဥပဒေတွေဟာ ပြည်သူလူထုကိုယ်တိုင် ပြုလုပ်တဲ. ဥပဒေတွေ လိုပါပဲ ။ ပြည်သူအားလုံးကလည်း ဒီဥပဒေကို လိုလိုချင်ချင် လိုက်နာရပါမယ် ။ 

ပ
ည်

သို.သော် ယခုလက်ရှိမှာတော. ပြည်သူအများစုဟာ ဒီမိုကရေစီဆိုတာ ဘာမှန်းမသိ ဖြစ်နေပါတယ် ။ သူများ အော်လို လိုက်အော်နေတာ ၊ သူများပြောလို လိုက်ပြောနေတာ များပါတယ် ။ အများစုသော ပြည်သူတွေက ဒီမိုကရေစီ ရရင် ငါတို.ဘာလုပ်လုပ် လုပ်လို.ရပြီလို. ထင်နေကြပါတယ် ။ စစ်အစိုးရဘက်က ပြုပြင်ဖို. လိုနေသေးသလို ပြည်သူတွေ အနေနဲ.လည်း ပြင်ဆင်ရမယ်. အချက်တွေ အများကြီး ရှိနေပါသေးတယ် ။ ယနေ.ခေတ် Social Network တွေ အသုံးပြုနေကြတဲ.အချိ်န်မှာ ဘယ်အရာမဆို ဖုံးကွယ်ထားဖို. မဖြစ်နိုင်တော.ပါဘူး ။ ပွင်.လင်းမြင်သာမှု.နဲ.အတူ လူအများရဲ ဝေဖန် အကြံပြုသံတွေကို ခံစားရမှာပဲ ဖြစ်ပါတယ် ။ သတင်းတွေ အတော်များများ ဖတ်ကြည်.မိရင် ပြည်သူတွေရဲ. စိတ်သဘောထားတွေကို သိနိုင်ပါတယ် ။ ယနေ.မှာတော. တိုင်းပြည်တိုးတက်တာက နည်းနည်း ၊ မှုခင်းတွေ ဖြစ်တာက များများ ဖြစ်နေပါတယ် ။ ဘာကြောင်.လဲဆိုတာ စဉ်းစားကြည်.ပါ ။ အခြေခံ အကျဆုံးလို. ပြောရရင် ပြည်သူတွေရဲ. ဆင်းရဲမွဲတေမှု.ကြောင်.လို. ပြောကြမှာ ဖြစ်ပါတယ် ။ အစိုးရက ပြည်သူတွေကို အခွင်.အရေးတွေ လုပ်ပိုင် ခွင်.တွေ မပေးနိုင်တာလည်း ပါပါတယ် ။ အဓိက အကျဆုံးက လူတွေရဲ. စိတ်ဓါတ်ပဲ ဖြစ်ပါတယ် ။ အဲဒီ စိတ်ဓါတ်တွေကို ပြုပြင်မှသာ ကျွန်တော်တို. နိုင်ငံဟာ မြန်မြန်ဆန်ဆန် တိုးတက်လာမှာ ဖြစ်ပါတယ်။ ဘယ်အရာမဆို သေသေချာချာ ရေရေရာရာ မသိဘဲ စမ်းတ၀ါးဝါးနဲ. လုပ်တက်ကြတာ ကျွန်တော်တို. မြန်မာ လူမျိုးတွေရဲ. အကျင်.ပဲ ဖြစ်ပါတယ် ။ လူအတော်များများမှာ ဒီလို အကျင်.ရှိနေကြပါတယ် ။

အရင်ကဆို အာဏာရှင်တွေကို ဝေဖန်ရင် အဖမ်းခံရပေမယ် အခုဆိုရင် လွတ်လွတ်လပ်လပ် ဝေဖန်လို. ရပါပြီ ။ သို.သော် လည်း မိမိ ဝေဖန်မယ်. အကြောင်းအရာကို သေသေချာချာ သိရှိပြီး ပိုင်ပိုင်နိုင်နိုင် ပြောတက်ဖ်ို.တော. လိုအပ် ပါတယ် ။ သတင်း ဖြန်.ဝေခြင်းဟာ ဒီမိုကရေစီအတွက် အင်မတန် အရေးပါပါတယ် ။သာမန်ပြည်သူတွေ အနေနဲ. သတင်း အမှန်ကို ရအောင်ရှာဖွေဖို.နဲ. ရရှိလာတဲ. သတင်းတွေကို ကောင်းကောင်း အသုံးချ တက်ဖို. ကလည်း လိုအပ်ပါတယ် ။ ကိုယ်ရရှိလာတဲ. သတင်းတွေကို ကို်ယ်ထက်ပိုပြီး တက်သိနားလည်တဲ. မိတ်ဆွေ တွေနဲ. တိုင်ပင် ဆွေးနွေးပြီး သူတစ်ပါးကို ပြန်လည် ဖြန်.ဝေဖို.လည်း လိုအပ်ပါတယ် ။ ကိုယ်နဲ. ပတ်သက်တဲ. ပြဿနာတွေကို စုပေါင်းတိုင်ပင်ပြီး မလုပ်ရင် လက်တစ်ဆုပ်စာ လူစုကလာပြီး အားလုံးကို ချုပ်ချယ် သွားပါလိမ်.မယ် ။ ဒါကြောင်. ပြည်သူလူထူအားလုံး လက်တွဲပြီင်္း မိမိတို.ကိုယ်တိုင်လည်း ပြုပြင်ပြီး တခြား ပြုပြင်သင်.တာကို လက်တွဲညီညီ ပြုပြင်နိုင်မှသာ ဒီမိုကရေစီစနစ် ရှင်သန်ကြီးထွားနိုင်မှာ ဖြစ်ပါတယ် ။

ကောင်းစံ

ဆက်ဖတ်ရန်>>>>

"ဒေါ်စု သမ္မတဖြစ်သွားရင် တိုင်းပြည် ဖယိုဖရဲ ဖြစ်သွားနိုင်တယ်၊ ၅၉ စ ကိုလည်း ပြင်စရာမလိုဘူး" ~ ဦးဝီရသူ (မစိုးရိမ်တိုက်အုပ်ဆရာတော်)

မန္တလေးမြို့ မစိုးရိမ်တိုက်သစ်မှ ဦးဝီရသူသည် ၂၀၁၅ ခုနှစ် ရွေးကောက်ပွဲအပြီး ဖြစ်လာမည့် သမ္မတသစ်ရာထူးကို အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည် မဖြစ်သင့်ကြောင်း တရားဟောနေသည်ဟု သတင်းများပေါ်ထွက်နေသောကြောင့် ဧရာဝတီက တိုက်ရိုက်စုံစမ်းမေးမြန်းခဲ့ပါသည်။ “ဦးဇင်းဟော တာက စောင့်လေမျိုးနွယ်နဲ့ ပက်သက်ပြီးပဲ ဟောတာပါ။ ဒေါ်စုရဲ့ အိမ်ထောင်ဘက်သာ တိုင်းရင်းသားဖြစ်ခဲ့ မယ်ဆိုရင် စစ်အစိုးရလက်ထပ်မှာ နိုင်ငံခြားသားကို ယူခဲ့လို့ တိုက်ခံတာကို ခံရမှာ မဟုတ်ဘူး။ ၅၉ စ ကိုလည်း ပြင်စရာမလိုဘူး” ဟု အရှင်ဝီရသူက ဧရာဝတီသတင်းထောက် စနေလင်းနှင့် တယ်လီဖုန်းဖြင့် ဆက်သွယ်မေးမြန်းမှုတွင် ဖြေကြားခဲ့သည်။

မေး။ ။ ဦးရွှေမန်း၊ ဒေါ်အောင်ဆန်းစုကြည်တို့ကလည်း လာမယ့် ၂၀၁၅ ခုနှစ်ရွေးကောက်ပွဲမှာ သမ္မတလုပ်ဖို့ ပြောဆိုနေကြပြီ။ ဦးသိန်းစိန်ကလည်း သမ္မတ ထပ်လုပ်မလုပ်ဆိုတာ မသိသေးတော့ ဘုန်းဘုန်းအနေနဲ့ အဲဒီအပေါ်မှာ ဘယ်လိုသဘောထားရှိ ပါသလဲဘုရား။

ဖြေ။ ။ ၃ ယောက်စလုံး အရွေးခံမယ်ဆိုရင်တော့ ဦးဇင်းအနေနဲ့က သမ္မတကြီး ဦးသိန်းစိန်ကို ဖြစ်စေချင်တယ်။ သမ္မတကြီးက အရွေးမခံတော့ဘူးဆိုရင်တော့ ဦးရွှေမန်းကို ရွေးချယ်မှာပဲ။ ဒေါ်အောင်ဆန်းစုကြည်ကို မလိုလားလို့တော့မဟုတ်ပါဘူး။ ဒေါ်စု မှာက အားသာချက်လည်းရှိသလို အားနည်းချက်လည်းရှိတယ်။ အားသာချက်ကတော့ ဘ၀တခုလုံးကို လူထုအတွက်စွန့် လွှတ်ပြီးတော့ ပေးဆပ်ထားတာ။ အဲဒီအချက်ကတော့ သမ္မတကြီးရော၊ ဦးရွှေမန်းတို့ပါ သူ့ကို မသာနိုင်ဘူး။ တော်လှန်ရေး ဆင်နွှဲခဲ့တယ်၊ တော်လှန်ရေးစိတ်ဓါတ် အပြည့်အ၀ ရှိတယ်။ တော်လှန်ရေးသမားကောင်း တယောက်ဖြစ်တယ်။ အဲဒီအတွက် ဒေါ်စုကို ဘယ်ခေတ်၊ ဘယ်အခါနဲ့မှ မတူတဲ့ သူရဲကောင်းအဖြစ် သတ်မှတ်ထားတယ်။

ဒါပေမယ့် ဒေါ်စုမှာက အုပ်ချုပ်ရေး အားနည်းတယ်။ ပြီးတော့ ဒေါ်စုက မြန်မာပြည်ရဲ့အထာနဲ့ မြန်မာပြည်ရဲ့အကြောင်းကို သိပ်မသိဘူး။ သူသိတာက တော် လှန်ရေးလုပ်ဖို့လောက်၊ အစိုးရကို တိုက်ခိုက်ဖို့လောက်ပဲသိတာလေ။ အဲဒါကြောင့် ဒေါ်စုသာ သမ္မတဖြစ်သွားမယ်ဆိုလို့ရှိ ရင် တိုင်းပြည်အုပ်ချုပ်ရေးက ဒီ့ထက်ပိုပြီး ဖယိုဖရဲ ဖြစ်သွားနိုင်တယ်။ ပြီးတော့ လူမျိုးရေး၊ ဘာသာရေး အဓိကရုဏ်းတွေ ဒီ့ထက်ပိုပြီး ကြီးထွားလာနိုင်တယ်။ ဒေါ်စုအပေါ် မကျေနပ်ချက်တွေနဲ့ ပြည်သူလူထုတွေက အုံကြွဆူပူမှုတွေ ပြန်ဖြစ်နိုင်တယ်။ ဒေါ်စုသာ ပြည်သူလူထုအပေါ်မှာ အထာသိတယ်၊ မြန်မာပြည်အကြောင်းကို သိတယ်ဆိုလို့ရှိရင် သူတို့ ၃ ယောက် ထဲမှာ ဒေါ်စုကိုပဲ ရွေးချယ်မှာပေါ့။

မေး။ ။ ဒေါ်အောင်ဆန်းစုကြည်ရဲ့ နိုင်ငံခြားသားကို အိမ်ထောင်ပြုခဲ့ပြီး သူ့သား ၂ ယောက်ဟာ နိုင်ငံခြား သားတွေတွေဖြစ်တဲ့အတွက် တိုင်းပြည်ခေါင်းဆောင်ဖြစ်ခွင့်မရှိဘူးဆိုတဲ့အပေါ် ဘယ်လိုယူဆလဲ။

ဖြေ။ ။ ဦးဇင်းတို့ကတော့ သူ ဖွဲ့စည်းပုံကို ပြင်မယ်ဆိုတဲ့သတင်းကို နားစွင့်လိုက်တော့ သူ့ရဲ့မျိုးဆက်တွေအထိ မပါဘူး၊ သူတယောက်ထဲ သမ္မတဖြစ်ခွင့်ရတာလိုပေါ့။ သူ့အိမ်ထောင်က ပျက်ဆီးသွားတဲ့အတွက်ကြောင့်ပေါ့။ အဲဒါဆိုရင်တော့ သူ့ကို လိုလားပါတယ်။ သူ့နောက်ကနေ ပါလာတဲ့လူတွေ အကုန်လုံးကို ဥပမာဆိုရရင် တိုင်းရင်းသားမဟုတ်၊ နိုင်ငံသားဖြစ်ခွင့်ရှိသူ အကုန်လုံးကို သမ္မတ ထလုပ်မယ်ဆိုရင်တော့ မကောင်းဘူးလေ။ တိုင်းရင်းသားမဟုတ်တဲ့သူတွေကို ၀င်လို့မရအောင် ကာကွယ်ထားနိုင်ပြီးတော့ တိုင်းရင်းသားဖြစ်သူတွေ မည်သူမဆို သမ္မတ ဖြစ်ခွင့်ပေးတဲ့ ပုံစံဆိုရင်တော့ ဒေါ်စုကိုလည်း လိုလားပါတယ်။

မေး။ ။ အခု သတင်းတခုထွက်နေတာက ဦးဇင်းက ဒေါ်စု သမ္မတ မဖြစ်ရေးအတွက် ဦးဇင်းရဲ့ တရားပွဲတွေမှာ ထည့်သွင်းဟော ကြားနေတယ်လို့ ကြားရတယ်။ အဲဒီအပေါ်မှာရော ဘာများပြောချင်ပါသလဲ။

ဖြေ။ ။ ဦးဇင်းက ဒေါ်စု သမ္မတ မဖြစ်ရေးကို မဟောပါဘူး။ ဦးဇင်းဟောတာက စောင့်လေမျိုးနွယ်နဲ့ ပက် သက်ပြီးပဲ ဟောတာပါ။ ဒေါ်စုရဲ့ အိမ်ထောင်ဘက်သာ တိုင်းရင်းသားဖြစ်ခဲ့မယ်ဆိုရင် စစ်အစိုးရ လက်ထပ်မှာ နိုင်ငံခြားသားကို ယူခဲ့လို့ တိုက်ခံတာကို ခံရမှာ မဟုတ်ဘူး။ ၅၉ စ ကိုလည်း ပြင်စရာမလိုဘူး။ သမ္မတ လုပ်ဖို့ အလွယ်တကူပဲ။ အခုတော့ စောင့်လေမျိုးနွယ် တာဝန်ကို ပျက်ကွက်ခဲ့တဲ့အတွက် အမျိုးသမီးတွေရဲ့ အပုပ်ချတာလဲခံရတယ်၊ ကြံ့ခိုင်ရေးတွေရဲ့ လုပ်ကြံတာလည်း ခံရတယ်။ စစ်အစိုးရရဲ့ ထိုးနှက်တာလဲ ခံရတယ်။ လွှတ်တော်ထဲမှာလည်း ဒီဖွဲ့စည်းပုံ အခြေခံ ဥပဒေကို ပြင်ဖို့ ကျားကုတ် ကျားခဲ ကြိုးစားနေရတယ်။ အဲဒီလောက်ပဲ ဟောပြောတာပါ။

ဦးဇင်းကတော့ အမျိုးဘာသာ သာသနာကို အကျိုးရှိရာရှိကြောင်း၊ တကယ် အားကိုးရမယ့် သမ္မတ ဆိုလို့ရှိရင် ဒေါ်စုကို လို လားတယ်။ ဦးသိန်းစိန်နဲ့ ဦးရွှေမန်းကိုလည်း လိုလားတယ်။ တကယ်လို့ အမျိုး ဘာသာ သာသနာအတွက် အဆိပ်အတောက် ဖြစ်နိုင်တယ်၊ အားကိုးလို့ မရဘူးဆိုရင်တော့ ဦးဇင်းတို့က ဘယ်သူမှ လက်မခံဘူးလေ။ အခု ပြည်သူတွေ လိုအပ်နေတာ ဒီအမျိုးစောင့် ဥပဒေကိုပေါ့။ အခုဆို ပြည်သူ ၄ သန်းကျော်က လက်မှတ်ထိုးထားတယ်။ တချို့ လက်မှတ်ထိုးချင်သူတွေက ရှိသေးတယ်။ ဦးဇင်းတို့က အပူတပြင်း လုပ်လိုက်ရလို့။ ဒီလို ပြည်သူလူထုကို ဥပက္ခာပြုပြီးတော့ လွှတ်တော်အမတ်တွေဟာ မျိုးစောင့်ဥပဒေကို အကောင်အထည်ဖော်မပေးနိုင်ဘူး။ တကယ်လို့ ဒေါ်စုကသာ မျိုးစောင့်ဥပဒေကို အကောင်အထည်ဖော်ပေးနိုင်လို့ရှိရင် ဒေါ်စု သမ္မတ ဖြစ်ရေးကိုလည်း ကြိုးစားလို့ရတယ်၊ ဒေါ်စုကို ရုပ်ထုလုပ်ပြီး ကိုးကွယ်မယ်ဆိုရင်လည်း ကိုးကွယ်ရဲတယ်။

မေး။ ။ အခုလို ဒေါ်အောင်ဆန်းစုကြည်ကို အမျိုးဘာသာ သာသနာ စောင့်ရှောက်မှုနဲ့ ပက်သက်ပြီး ဥပ မာပေးဟောတော့ တရားနာ လာတဲ့ လူထုကရော ဘယ်လိုတုံ့ပြန်တာမျိုးတွေ၊ ဘယ်လိုပြောဆိုတာမျိုးတွေ ရှိပါသလဲ။

ဖြေ။ ။ ပါရာဒိုင်းက ရွေ့သွားပြီဗျ။ ရခိုင်အရေး ဖြစ်ပြီးသွားတဲ့နောက်ပိုင်းမှာ ဒေါ်စုကို ပြည်သူလူထုက သိပ်ပြီးတော့ ကြည်ညိုလေးစားမှု အားနည်းသွားပြီ။ သိပ်ယုံကြည်မှု မရှိတော့ဘူး။ ဦးဇင်းပြောတာတွေကို အပြည့် အ၀ ထောက်ခံတယ်။

မေး။ ။ ဦးဇင်းက သံဃာတော် တပါးဖြစ်နေပြီးတော့မှ နိုင်ငံရေးနဲ့ ပက်သက်ပြီးတော့ အခုလို ဒေါ်အောင်ဆန်း စုကြည်ကို ဥပမာပေး ဟောကြားနေတာ တွေကို တချို့က ဝေဖန်ကြတယ်။ အဲဒီအပေါ်မှာရော ဦးဇင်း ဘာများပြောချင်ပါသလဲ။

ဖြေ။ ။ ဦးဇင်းတို့ကတော့ ဗုဒ္ဓတရားတော်နဲ့အညီ ဟောတာပဲလေ။ စောင့်လေမျိုးနွယ်ဆိုတာ ဘုရားဟော ခဲ့တယ်၊ ဘုရားဟော တယ်ဆိုတာကို ခေတ်မှာဖြစ်ပျက်နေတဲ့ အဖြစ်အပျက်တွေနဲ့ နမူနာ ပြပြီး ဟောသွား တာပဲလေ။ တရားတော်နဲ့အညီ ဟော တာဖြစ်တဲ့အတွက်ကြောင့် သူတို့ဝေဖန် ပုပ်ခတ်တယ်ဆိုတာ သူတို့ရဲ့ ပုဂ္ဂလိကဆန္ဒအရ ဦးဇင်းတို့က ခွင့်လွှတ်လို့ရပါ တယ်။ ဦးဇင်းက အစိုးရကို လိုလားသူလည်း မဟုတ်ဘူး။ အစိုးရကို ဆန့်ကျင်သူလည်း မဟုတ်ဘူး။ အန်အယ်ဒီကို လိုလား သူလည်းမဟုတ်၊ ဆန့်ကျင်သူလည်းမဟုတ်ဘူး။ အမျိုးဘာသာ သာသနာအတွက် အကျိုးရှိမယ်ဆိုလို့ရှိရင် နောက်ဆုံးဗျာ အစ္စလမ်တွေနဲ့ ပူးပေါင်းဖို့တောင် ရည်ရွယ်ထားတဲ့သူပါ။ ဦးဇင်းကို တစုံတယောက်က ချုပ်ကိုင်ပြီးတော့ ၂၀၁၅ ခုနှစ်ရွေး ကောက်ပွဲမှာ ဒေါ်စုကို အလဲထိုးဖို့ဆိုပြီး ဦးဇင်းကို ဘယ်သူမှ ချုပ်ကိုင်တာလည်း မရှိပါဘူး။ စေခိုင်းတာလဲ မရှိဘူး။ ဦးဇင်း ခံယူချက်၊ ယုံကြည်ချက်နဲ့ ရပ်တည်ချက်တွေအရပဲလေ။

မေး။ ။ တိုင်းပြည်က ဒီမိုကရေစီအပြောင်းအလဲ နုနယ်နေသေးတဲ့ ကာလမှာ လူမျိုးရေး၊ ဘာသာရေး တဖက်နဲ့ တဖက် အပြန်အ လှန် ပြောနေကြလို့ရှိရင် တိုင်းပြည်ရဲ့အရွေ့က ပြောင်းသွားနိုင်တယ်လို့ တချို့က ပြောနေကြတယ်။

ဖြေ။ ။ စိတ်ချပါ။ ဦးဇင်းတို့လမ်းကြောင်းနဲ့ ဦးဇင်းတို့ သွားနေကြတာက ဒီမိုကရေစီကိုလည်း မထိခိုက်စေရဘူး၊ လူ့အခွင့်အရေးကို လည်း မဆုံးရှုံးစေရဘူး၊ တရားဥပဒေ စိုးမိုးရေးကိုလည်း မထိခိုက်စေရပါဘူး။ ဦးဇင်းတို့က ပြည်သူလူထုနဲ့ အမြဲတမ်း ထိတွေ့နေရတာလေ။ ဘယ်နေရာပဲ သွားသွား၊ ဘာတွေပဲ လုပ်လုပ် အမျိုးသားရေး အမြင်နဲ့ပဲ ကြည့်တယ်။ အဲဒီဘောင်ထဲကနေပဲ သွားနေတာပါ။

Myanmar Express

 

ဆက်ဖတ်ရန်>>>>

အင်တာနက်ပေါ်တွင် ပျံ့နှံ့ နေသည့် အသံဖိုင်ကြောင့် ထိခိုက်နစ်နာသူများကို တောင်းပန်ကြောင်း ထောက်လှမ်းရေး ညွန်ကြားရေးမှူးဟောင်း ဦးခင်ညွန့် ပြောကြား

(ကရ၀ိတ်ဟိုတယ်တွင် ကျင်းပခဲ့သည့် စာအုပ်မိတ်ဆက်ပွဲတွင် တပ်မတော်ထောက်လှမ်းရေး ညွှန်ကြားရေးမှူးဟောင်း နိုင်ငံတော်ဝန်ကြီးချုပ်ဟောင်း ဦးခင်ညွန့် ရှင်းလင်းပြောကြားစဉ်)

အင်တာနက်စာမျက်နှာတွင် ပျံ့နှံ့ လျက်ရှိသည့် အသံဖိုင်သည် ၁၉၉၃ ခုနှစ်က နိုင်ငံတော် ကာကွယ်ရေးတက္ကသိုလ်အရာရှိကြီးများ အုပ်ချုပ်မှုမွမ်းမံသင်တန်း ၃/၉၃ ကဟောပြောပို့ ချချက်များ ဖြစ်ပြီး သင်တန်းပို့ ချချက်များဖြစ်သဖြင့် မာကျော၊ ကြမ်းတမ်း၊ မသိမ်မွေ့ခြင်းများ ပါရှိနေခဲ့ပြီး အချို့သောပုဂ္ဂိုလ်များအား ထိခိုက်နစ်နာမှုများ ရှိနေသည့်အပေါ် ထိခိုက်နစ်နာစေရန် တမင်ရည်ရွယ်ခဲ့ခြင်း မဟုတ်ဘဲ နိုင်ငံတော်၏ လမ်းစဉ်အား အစိုးရကိုယ်စား ရှင်းလင်းခဲ့ခြင်း ဖြစ်သဖြင့် ထိခိုက်ခံစားခဲ့ရသည့် ပုဂ္ဂိုလ်များအား နားလည်ခွင့်လွှတ် ပေးစေလိုကြောင်းကို ကရ၀ိက်ဟိုတယ်၌ နိုဝင်ဘာလ ၂၈ ရက် မွန်းလွဲ ၁ နာရီတွင် ကျင်းပပြုလုပ်သည့် တပ်မတော် ထောက်လှမ်းရေး ညွှန်ကြားရေးမှူးဟောင်း၊ နိုင်ငံတော် ၀န်ကြီးချုပ်ဟောင်း ဦးခင်ညွန် နှင့် လျှပ်တပြက်ဂျာနယ် အယ်ဒီတာချုပ် ဦးမြတ်ခိုင်တို့  ပြုလုပ်ခဲ့သည့် အင်တာဗျူးများအား စုပေါင်းပုံနှိပ် ထုတ်ဝေသည့် စာအုပ်မိတ်ဆက်ပွဲတွင် ဗိုလ်ချုပ်ကြီးဟောင်းဦး ခင်ညွန့် က ပြောကြားလိုက်သည်။

ထိုအသံဖိုင်တွင် ၁၉၈၈ အရေးအခင်း ကာလအဖြစ်အပျက်များအား သေချာမသိရှိ သေးသည့်အရာရှိများအား ရှင်းလင်းထားခြင်းဖြစ်ပြီး ၈၈အရေးအခင်းတွင် တပ်မတော်၏ခိုင်မာမှု၊ စည်းလုံးညီညွတ်မှုတို့ ကြောင့် တိုင်းပြည်ချောက်ထဲကျခါနီး အချိန်တွင် တပ်မတော်မှ ကယ်တင်နိုင်ခဲ့ခြင်းဖြစ်ပြီး ၈၈ အရေးအခင်းအတွင်း ဗကပ(ဗမာပြည်ကွန်မြူနစ်ပါတီ)မှ မွေးမြူထားသည့် Cell များက ၀င်ရောက်ပြီး တိုင်းပြည်ဆူပူမှု ဖြစ်ပေါ်အောင်လုပ်ဆောင်ခဲ့ခြင်း ဖြစ်ကြောင်းနှင့် ထိုအရေးအခင်းအတွင်း လူသတ်ခေါင်းဖြတ်မှုများ ဖြစ်ပေါ်လာသဖြင့် တပ်မတော်မှဝင်ရောက် ထိန်းသိမ်းခဲ့ရခြင်းဖြစ်ကြောင်း ပြောကြားထားသည်။ ထို့ နောက် ရွေးကောက်ပွဲတွင် NLD ပါတီမှ အများစုအနိုင်ရခဲ့ခြင်းမှာ မယုံနိုင် စရာဖြစ်ခဲ့ပြီး ရွေးကောက်ပွဲပြီးလျင်ပြီးချင်း နိုင်ငံရေးသမားများက ညစ်ပတ်စွာဖြင့် အာဏာလွှဲပြောင်းပေးရန် တောင်းဆိုခဲ့ကြောင်း ပြောကြားထားသည်။ ထိုတောင်းဆိုချက်မှာ လိုက်လျောရန် မဖြစ်နိုင်ကြောင်းနှင့် တိုင်းပြည်၏ အခြေအနေအရ ၁၉၄၇ အခြေခံဥပဒေကိုလည်းကောင်း၊ ၁၉၇၄ အခြေခံဥပဒေကို လည်းကောင်းအသုံးပြု၍ မရနိုင်ဘဲ ၁၉၄၇ အခြေခံဥပဒေတွင် ၁၀ နှစ်ကြာလျှင် ခွဲထွက်ခွင့်ပြုထားသည့် အချက်ပါဝင်နေသဖြင့် ထိုဥပဒေကို ကျင့်သုံးပါက တိုင်းပြည်ပြိုကွဲသွားမှာဖြစ်ကြောင်း ပြောကြားလိုက်ပြီး အခြေခံဥပဒေသစ်တစ်ခုကို ရေးဆွဲရမှာဖြစ်ကြောင်းကို ရှင်းလင်းခဲ့သည်။

ထို့ အပြင် NLD ပါတီမှ ခေါင်းဆောင်များမှာ တပ်မတော်အတွင်း မည်သည့် ပြစ်ဒဏ်များ ကျူးလွန်ခဲ့သည်ကို တက်ရောက်လာသည့် တပ်မှူးများသိကြောင်း ပြောကြားလိုက်ပြီးနှင့် တပ်အတွင်းပြစ်ဒဏ်များ၊ ထောင်ဒဏ်များကျခံရပြီးမှသာ NLD ပါတီတွင် အမတ်အဖြစ် ၀င်ရောက်လုပ်ကိုင်နေကြောင်း ပြောကြားခဲ့သည်။ ဒေါ်အောင်ဆန်းစုကြည်အား ‘အမျိုးသမီး'ဟု ခေါ်ဝေါ်ထားပြီး ဒေါ်အောင်ဆန်းစုကြည်မှာ မြန်မာပြည်သို့  တစ်နှစ်လျှင်တစ်ခါသာ လာရောက်ခဲ့ပြီး မိခင် မကျန်းမာချိန်တွင် လာရောက်ပြုစုရန်အတွက် ယခင်အစိုးရ၀န်ကြီးများက ခေါ်ခိုင်းလိုက်သဖြင့်သာ ရောက်ရှိခဲ့ခြင်းဖြစ်ပြီး အရေးအခင်းကာလနှင့်ကြုံကြိုက်စဉ် သခင်တင်မြကဲ့သို့ သော ကွန်မြူနစ်များမှ အကြံပေးသဖြင့် ပါဝင်ခဲ့ခြင်းဖြစ်ကြောင်းနှင့် မဆလ၀န်ကြီးများက ဒေါ်အောင်ဆန်းစုကြည်အပေါ် စေတနာဖြင့် နိုင်ငံရေးထဲဝင်မပါရန် တားမြစ်ခဲ့သော်လည်း လက်မခံကြောင်း ပြောကြားထားသည့် အချက်အလက်များ ပါဝင်နေသည်။ ထို့ နောက် ဒေါ်အောင်ဆန်းစုကြည်က တပ်မတော်အား ဆန့် ကျင်ခဲ့သည့်အပြင် သောင်းကျန်းသူများအား လက်ခံထားသဖြင့် ၁၀(ခ) ဖြင့် ဖမ်းဆီးအရေးယူခဲ့ပါကြောင်းနှင့် ဒေါ်အောင်ဆန်းစုကြည်အား နိုင်ငံခေါင်းဆောင်အဖြစ် လက်မခံနိုင်ပါကြောင်းလည်း ထည့်သွင်း ပြောကြားခဲ့သည်။ ထုတ်ဝေခဲ့သော စာအုပ်တွင် ဦးခင်ညွန့် က ''ပြောခဲ့တယ်ဆိုရင်လည်း ခိုင်းလို့  ပြောတာဖြစ်မယ်''ဟု ပြောကြားချက်အား ထည့်သွင်းရေးသား ခဲ့သော်လည်း မည်သူက၊ မည်ကဲ့သို့  ခိုင်းစေခဲ့ကြောင်းကိုတော့ ထုတ်ဖော်ပြောကြား ခဲ့ခြင်း မရှိပေ။

ထိုစာအုပ်တွင် ပါဝင်သောချက်များသည် သမိုင်းကြောင်း အမှန်များကို အခြေခံကာ ဖြေကြားခဲ့ခြင်းဖြစ်ပြီး အနာဂတ်တွင် သမိုင်းမှတ်တမ်းအဖြစ် အသုံးဝင်မည့်စာအုပ် ဖြစ်ကြောင်းလည်း ပြောကြားခဲ့သည်။ ထို့ အပြင် သမိုင်းကြောင်းနှင့်နွှယ်ပြီး ဖြေဆိုရသဖြင့် ပုဂ္ဂိုလ်ရေးထိခိုက်မှုများလည်း ပါခဲ့ကြောင်း နှင့် ပုဂ္ဂိုလ်ရေးအရ ထိခိုက်ခဲ့ပါက တောင်းပန်ပါကြောင်း လည်းပြောကြားလိုက်သည်။

ထို့ အပြင် ၎င်းတို့ တာဝန်ယူခဲ့သည့် တပ်မတော်အစိုးရလက်ထက်တွင် သာမက မည်သည့် အစိုးရအဖွဲ့တွင်မဆို တစ်ဦးကောင်း တစ်ယောက်ကောင်း လုပ်၍မရခဲ့ကြောင်းနှင့် ၎င်းတို့ လက်ထက်တွင် လုပ်ကိုင်ခဲ့သည့်အရာများတွင် ကောင်းခြင်း၊ ဆိုးခြင်းများ ရောနှောနေသော်လည်း အားလုံးဝိုင်းဝန်း လုပ်ဆောင် ခဲ့ခြင်းသာဖြစ်ကြောင်းနှင့် အစိုးရအဖြစ်တာဝန်ရှိခဲ့ကြသူများ ၀ိုင်းဝန်းဆန္ဒပြုကာ လုပ်ဆောင် ခဲ့ခြင်းဖြစ်သည်ဟု ပြောကြားခဲ့သည်။

အစိုးရသစ်လက်ထက်တွင် လုပ်ကိုင်နေမှု များမှာလည်း အစိုးရအဖွဲ့အနေနှင့်သာ ကြိုးစား လုပ်ကိုင်နေကြောင်းနှင့် အားနည်းချက်များလည်း ရှိနိုင်ကြောင်းနှင့် အပြုသဘောနှင့် ဝေဖန်မှုများ ရှိပါက ကောင်းမွန်သော်လည်း အဟန့် အတားဖြစ်စေရန် ထိုးနှက်မှုများရှိနေပါက လျော့ချပေးရန်လည်း တောင်းဆိုလိုက်ပြီး ယခုအချိန်သည် မြန်မာနိုင်ငံအတွက် အခြေအနေကောင်းတစ်ခုဖြစ်သောကြောင့် အားလုံးဝိုင်းဝန်းဆောင်ရွက်ပါက နိုင်ငံတော်တိုးတက်အောင်မြင်မည်ဟု ယုံကြည်ကြောင်းလည်း ပြောကြားလိုက်သည်။

နောက်ဆုံးအနေနှင့် ဦးခင်ညွန့် က ၎င်းအားသတင်းဌာနအချို့ ကနိုင်ငံရေးလုပ်မည် ဟုထင်မြင်မေးမြန်း နေကြကြောင်း သို့ သော်လည်း သူ့ အနေနှင့် နိုင်ငံရေးကို လုပ်တော့မှာမဟုတ်ကြောင်း တရားဝင် ပြောကြားလိုက်သည်။

ဗိုလ်ချုပ်ကြီးဟောင်းဦးခင်ညွန့် သည် ၁၉၈၈ ခုနှစ်က စစ်တပ်မှ အာဏာလွှဲပြောင်းခဲ့စဉ် ဒုတိယစစ်ခေါင်းဆောင်တစ်ဦး ဖြစ်ပြီး သတင်းစာရှင်းလင်းပွဲများအား မကြာခဏပြုလုပ်ကာ အာဏာလွှဲပြောင်း ယူခဲ့သည့် န၀တအစိုးရ၏ လမ်းစဉ်များကို တာဝန်ယူဖြေရှင်းခဲ့ရသည့် အတွင်းရေးမှူး (၁) အဖြစ် ဆောင်ရွက်ခဲ့သည်။ န၀တအစိုးရလက်ထက်မှ စတင်ကာ ရန်ကုန်တက္ကသိုလ်၊ မန္တလေးတက္ကသိုလ် အစရှိသည့် အထင်ကရတက္ကသိုလ်များအား ပိတ်ပင်ခဲ့ပြီးလယ်ကွင်းများအတွင်း တက္ကသိုလ်ကျောင်းများကို ဖွင့်လှစ်ခဲ့ပြီးနောက် ကျောင်းဆောင်များအားလည်း ပိတ်ခဲ့သည်။ ၎င်းထောက်လှမ်းရေး တာဝန်ယူထားစဉ် စစ်ကြောရေးနှင့် အကျဉ်းထောင်များအတွင်း သေဆုံးသူများ၊ နိုင်ငံရေးအကျဉ်းသားများ အရေအတွက်မြင့်တက်ခဲ့ပြီး ဒေါ်အောင်ဆန်းစုကြည်အား နှစ်ပေါင်းများစွာ နေအိမ်အကျယ်ချုပ်အဖြစ် ချုပ်နှောင်ထားခဲ့သည်။ ၂၀၀၃ ခုနှစ်၌ ဒေါ်အောင်ဆန်းစုကြည်အား ဒီပဲယင်းမြို့နယ်၊ ကျီရွာအနီးတွင် လုပ်ကြံရန် ကြံစည်ခဲ့သော်လည်း အောင်မြင်မှုမရှိခဲ့ဘဲ ယနေ့ အထိလည်း မည်သူများက ကြံစည်ခဲ့သည်ကို ဖော်ထုတ်နိုင်ခဲ့ခြင်းလည်း မရှိခဲ့ပေ။ ၂၀၀၀ ပြည့်နှစ်လောက်မှ စတင်ကာ မြန်မာပြည်အတွင်း ထောက်လှမ်းရေးတပ်များ၏ နေရာရယူမှုများ အလွန်အကျွံ ဖြစ်လာခဲ့ပြီး တပ်အတွင်း ထောက်လှမ်းရေးများအား ကြောက်ရွံ့နေခဲ့ရသည့် အခြေအနေမှ ၂၀၀၄ ခုနှစ်တွင် ထောက်လှမ်းရေး တပ်အား ဖမ်းဆီးအရေးယူခဲ့ပြီး ဦးခင်ညွန့် မိသားစုအားလုံးကို ဖမ်းဆီးထိန်းသိမ်းခဲ့သည်။ ၂၀၁၂ ခုနှစ် မတ်လတွင် လွတ်မြောက်လာခဲ့ပြီး ယခုအချိန်အထိ ထောက်လှမ်းရေးတပ်ဖွဲ့ဝင် ၂၁ ဦး အကျဉ်းထောင်များ အတွင်းတွင် ကျန်ရှိနေပြီး နိုင်ငံရေးအကျဉ်းသားဟောင်းများအဖွဲ့ က ၎င်းတို့ အား နိုင်ငံရေး အကျဉ်းသားအဖြစ် လက်မခံသော်လည်း လူသားချင်း ထောက်ထားညှာတာမှုဖြင့် အခြားခေါင်း စဉ်အောက်မှ လွတ်မြောက်ခွင့်ရရှိရန် သမ္မတထံ တင်ပြမည်ဟု ဦးရဲအောင်က ပြောကြားခဲ့သည်။

ဦးခင်ညွန့် ၏ ပြောကြားချက်အပေါ် နိုင်ငံရေး အကျဉ်းသား ဟောင်းများအဖွဲ့ မှ ဦးမြင့်အောင်က ''တောင်းပန်တယ်လို့ ပဲ ပြောနေရုံ နဲ့ တော့ မရပါဘူး။ သူဆောင်ရွက်ခဲ့တဲ့ တစ်လျှောက်လုံးကို ပြန်ဆန်း စစ်ရင် သူ့ရဲ့ရာထူးရယ်၊ အာဏာရယ်၊ စည်းစိမ်ရယ် တည်မြဲဖို့ ပဲ လုပ်ဆောင်ခဲ့တယ်၊ ဒီမိုကရေစီနဲ့ လူအခွင့်အရေး အတွက် ကြိုးပမ်းခဲ့တဲ့ လူထုဟာ အကြောက်တရားနဲ့  ရက်စက်စွာဖိနှိပ်မှုကို ခံခဲ့ရတာပါ။ သူ့ရဲ့ရာထူးအတွက် သူနှိမ်နှင်းခဲ့လို့  ထောင်ပေါင်းများစွာသော မိသားစုတွေ ထိခိုက်နစ်နာခဲ့ရပါတယ်။ သွေးတွေ၊ မျက်ရည်တွေနဲ့  ငိုကြွေးခဲ့ကြရတာတွေက အများကြီးပဲလေ။ ဒီလိုလေးပြောယုံနဲ့ တော့ နိုင်ငံရေးအကျဉ်းသားဟောင်းတွေက သူ့ ကိုလက်မခံနိုင်ပါဘူး။ နိုင်ငံရေး အကျဉ်းသားအဖြစ် အသိအမှတ် မပြုနိုင်ပါဘူး။ အငြိုးနဲ့ အမုန်းပေါ် အခြေခံပြီးပြောတာ မဟုတ်ဘူး။ ဒါပေမဲ့ သမိုင်းအနေနဲ့ကတော့ မှတ်တမ်းတင်ရမှာပဲ ဖြစ်ပါတယ်'' ဟု ပြောကြားခဲ့သည်။

ထိုစာအုပ်မိတ်ဆက်ပွဲသို့ ထောက်လှမ်းရေးမှ တာဝန်ယူခဲ့သူ အများအပြား တက်ရောက်ခဲ့ပြီး ဗိုလ်ချုပ်ဟောင်း အချို့လည်း တက်ရောက်ခဲ့သည်။ အာဏာရှင်ဟောင်း ဦးနေ၀င်း၏ မြေးဖြစ်သူ အေးနေ၀င်းလည်း တက်ရောက်ခဲ့ကြောင်း တွေ့ရသည်။

Eleven Media Group

ဆက်ဖတ်ရန်>>>>

ဖွဲ့စည်းပုံ အခြေခံဥပဒေ ပြင်ဆင်ရေး လေးပွင့်ဆိုင် တွေ့ဆုံဆွေးနွေးရန် မေတ္တာရပ်ခံချက်အပေါ် သမ္မတသဘောထား တုံ့ပြန်မှုနှင့် ပတ်သက်၍ အမြင်အမျိုးမျိုးရှိနေ

(နိုဝင်ဘာ ၁၈ ရက်က နေပြည်တော်တွင် ပြုလုပ်သည့် အင်န်အယ်လ်ဒီပါတီ၏ ဖွဲ့စည်းပုံ အခြေခံဥပဒေဆိုင်ရာ ပြည်သူ့သဘောထား ရယူပွဲ၌ တက်ရောက် လာသူများက ဖွဲ့စည်းပုံ ပြင်ဆင်ရေး လက်ထောင် ဆန္ဒပြုနေစဉ် (ဓာတ်ပုံ-ငြိမ်းဇော်လင်း))

ဖွဲ့စည်းပုံ အခြေခံဥပဒေ ပြင်ဆင်ရေး နိုင်ငံတော်သမ္မတ၊ လွှတ်တော်၊ တပ်မတော်နှင့် ဒေါ်အောင်ဆန်းစုကြည်တို့ လေးပွင့်ဆိုင် တွေ့ဆုံရန် မေတ္တာရပ်ခံချက်အပေါ် သမ္မတ၏ သဘောထား တုံ့ပြန်မှုနှင့် ပတ်သက်၍ အမြင်အမျိုးမျိုး ရှိနေကြောင်း သိရသည်။

အမျိုးသား ဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က ဖွဲ့စည်းပုံ အခြေခံဥပဒေ ပြင်ဆင်ရာတွင် အဆင်ပြေ ချောမွေ့စေရန်အတွက် နိုင်ငံတော်သမ္မတ ဦးသိန်းစိန်၊ ပြည်ထောင်စု လွှတ်တော်နာယက သူရဦးရွှေမန်းနှင့် တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့နှင့် တွေ့ဆုံရန် အတွက် မေတ္တာရပ်ခံကြောင်း စာပေးပို့ခဲ့ရာ နိုင်ငံတော်သမ္မတက ပြည်ထောင်စုလွှတ်တော် ဖွဲ့စည်းပုံ အခြေခံဥပဒေဆိုင်ရာ လေ့လာသုံးသပ်ရေး ပူးပေါင်းကော်မတီ၏ အစီရင်ခံစာ ထွက်ရှိပြီးမှသာ လေးပွင့်ဆိုင် တွေ့ဆုံမှုကို စဉ်းစားသင့်ကြောင်း သဘောထား တုံ့ပြန်ခဲ့သည်။

အမျိုးသား ဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က ဖွဲ့စည်းပုံ အခြေခံဥပဒေ ပြင်ဆင်ရာတွင် အဆင်ပြေ ချောမွေ့စေရန် နိုင်ငံတော်သမ္မတ ဦးသိန်းစိန်၊ ပြည်ထောင်စု လွှတ်တော်နာယက သူရဦးရွှေမန်းနှင့် တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့ လေးပွင့်ဆိုင် တွေ့ဆုံဆွေးနွေးရန် မေတ္တာရပ်ခံသောစာကို လက်ခံရရှိကြောင်း၊ ၀ိုင်းဝန်းညှိနှိုင်းဖြေရှင်း ပူးပေါင်းဆောင်ရွက်သည့် အစီအစဉ်သည် ကောင်းမွန်သင့်မြတ်ပါကြောင်း၊ ဒေါ်အောင်ဆန်းစုကြည်က အမျိုးသား ဒီမိုကရေစီ အဖွဲ့ချုပ်ဥက္ကဋ္ဌ အနေဖြင့် တင်ပြလာသည့် အတွက် မှတ်ပုံတင်ထားသော နိုင်ငံရေး ပါတီပေါင်း ၅၈ ပါတီရှိရာ ကျန်ရှိနေသော နိုင်ငံရေး ပါတီများ၏ သဘောထားနှင့် အကြံပြုချက် များကိုလည်း အလေးထားသင့်ကြောင်း၊ ဖွဲ့စည်းပုံ အခြေခံဥပဒေ ပြင်ဆင်ရေးနှင့် စပ်လျဉ်းပြီး အခြေခံဥပဒေအရ အခွင့်အာဏာ အပ်နှင်းထားသော ပြည်ထောင်စု လွှတ်တော်သည် လက်ရှိအချိန်တွင် အခြေခံဥပဒေ ပြင်ဆင်ရေး လေ့လာသုံးသပ်ရေး ကော်မတီတစ်ရပ် ဖွဲ့စည်းဆောင်ရွက်လျက် ရှိကြောင်း၊ အဆိုပါ ကော်မတီက ဖွဲ့စည်းပုံ အခြေခံဥပဒေ ပြင်ဆင်နိုင်ရေး ဆောင်ရွက်နေရာ ဖွဲ့စည်းပုံ အခြေခံဥပဒေအရ အပ်နှင်းထားသော ပြည်ထောင်စု လွှတ်တော်၏ လုပ်ပိုင်ခွင့်ကို လေးစားရမည်ဖြစ်ပြီး ကျော်လွန်ရာ မရောက်ရှိစေရန်လည်း သတိပြုသင့်ပါကြောင်း၊ ထို့ကြောင့် ကော်မတီ၏ အစီရင်ခံစာ ထွက်ပေါ်လာသည့် အချိန်အထိ စောင့်ဆိုင်းပြီးမှသာ လေးပွင့်ဆိုင် ဆွေးနွေးရေးကိစ္စကို စဉ်းစားဆောင်ရွက် သင့်သည်ဟု နိုင်ငံတော်သမ္မတက သဘောထားကြောင်း နိုင်ငံတော်သမ္မတရုံးမှ အကြီးတန်းအရာရှိ တစ်ဦးက ပြောကြားသည်။

နိုင်ငံတော်သမ္မတ၏ သဘောထား တုံ့ပြန်ချက်နှင့် ပတ်သက်၍ အမျိုးသား ဒီမိုကရေစီအဖွဲ့ချုပ် အတွင်းရေးမှူး ဦးဉာဏ်ဝင်းက ယင်းကိစ္စရပ်သည် နိုင်ငံရေးအရ အရေးကြီးသည့်ကိစ္စ ဖြစ်သည့်အတွက် ဆက်လက် ဆောင်ရွက်သွားမည် ဖြစ်ကြောင်း ပြောကြားသည်။

''ငြင်းဆိုတယ်ဆိုတဲ့ သဘောတော့ ပါချင်ပါမယ်။ ငြင်းဆိုတယ်ဆိုတဲ့ စကားလုံးတော့ မပါဘူး။ သို့သော် သူတို့က ဥပဒေသဘောအရ ပြောတာပါ။ ကျွန်တော်တို့က ဒီကိစ္စဟာ ဥပဒေသဘောတင် မကဘူး။ နိုင်ငံရေးအရ အရေးကြီးတဲ့ ကိစ္စလို့ သတ်မှတ်တယ်။ ကျွန်တော်တို့ လုပ်စရာရှိတာတွေ ဆက်လုပ်မှာပါ။ နောက်ဆုံးလုံးဝ ငြင်းဆိုတယ် ဆိုလည်း ဆက်လုပ်မှာပဲ။ NLD သက်တမ်း တစ်လျှောက် ဒီလိုပဲလုပ်လာရတာပဲ'' ဟု အမျိုးသား ဒီမိုကရေစီ အဖွဲ့ချုပ် အတွင်းရေးမှူး ဦးဉာဏ်ဝင်းက ပြောကြားသည်။

အမျိုးသားလွှတ်တော် ကိုယ်စားလှယ် ဒေါက်တာအေးမောင်က ''မြန်မာပြည်သူ အားလုံးက ဒေါ်အောင်ဆန်းစုကြည်အပေါ် ဘယ်လို သဘောထားလဲဆိုတာ ပထမသတိမူဖို့ လိုတယ်။ နောက် ၂၀၁၅ မတိုင်ခင်မှာ ဒေါ်အောင်ဆန်းစုကြည်နဲ့ NLD ကို ချဉ်းကပ်တဲ့ အခါမှာ အမတ် ၄၄ ဦးသာရှိသော လွှတ်တော်ထဲက ပါတီငယ်လေး တစ်ခုအနေနဲ့ မြင်ရင်မှားမယ်။ ၂၀၁၅ အလွန်မှာ ဖြစ်လာမယ့် နိုင်ငံရေး ချိန်ခွင်လျှာကို ထိန်းညှိနိုင်မယ့် ပုဂ္ဂိုလ်နဲ့ ပါတီဖြစ်တယ် ဆိုတာကို ကြိုသုံးသပ်မယ်ဆိုရင် သမ္မတဟာ မငြင်းပယ်သင့်ဘူး။ နောက်တစ်ခုက ပြည်ထောင်စု လွှတ်တော်ရဲ့ ကော်မတီ ၁၀၉ ဦးမှာ မပါလို့ ကျုပ်တော့ မတွေ့နိုင်ဘူးလို့ တုံးတိုက်တိုက် ပြောခဲ့မယ်ဆိုရင်၊ ဆွေးနွေးညှိနှိုင်းခြင်းကို မလိုလားရင် အနာဂတ်ကို ကြိုတင်စီမံချက် ဆွဲမထားတဲ့ ပုဂ္ဂိုလ်တစ်ဦးလို့ လူထုက သုံးသပ်ကြမှာ။ ကျွန်တော်တို့ မြင်တာက တွေ့ဆုံဆွေးနွေးခြင်း လမ်းကြောင်းကို မျက်ကွယ်မပြုသင့်ဘူး။ ဒေါ်အောင်ဆန်းစုကြည်နဲ့ ဆွေးနွေးတာဟာ ၁၀၉ ဦးပါ ကော်မတီကို မျက်ကွယ်ပြုတယ် ဆိုရင်လည်းပဲ ဒါကို ကျွန်တော်တို့ လက်မခံဘူး။ ဘာလို့လဲဆို ၁၀၉ ဦးမှာ ဒေါ်အောင်ဆန်းစုကြည် မပါဘူး။ ၁၀၉ ဦးမှာပါတဲ့ ပါတီတစ်ခုရဲ့ ခုနစ်ဦးကို ကိုယ်စားပြုနိုင်တဲ့ ပုဂ္ဂိုလ်တစ်ဦးပဲ။ ဒေါ်အောင်ဆန်းစုကြည် ချဉ်းကပ်တာ ကနဦးတင်ပြနိုင်တဲ့ ခုနစ်ဦးတင်ပြနိုင်တဲ့ စာတမ်းမာခြင်း၊ ပျော့ခြင်း၊ ဒီမိုကရက်တစ် ဆန်ခြင်းမဆန်ခြင်းနဲ့ ပတ်သက်လို့ ကြိုတင်ညှိနှိုင်းပြီးခါမှ သူ့ရဲ့ဦးတည်ချက်ကို ပြောင်းချင်လို့ သို့မဟုတ် သူ့ပါတီ ဦးတည်ချက်ဟာ အများနည်းတူ သို့မဟုတ် သမ္မတကြီးရဲ့ သက်သေခံရှေ့မှာ ကာကွယ်ရေး ဦးစီးချုပ်နဲ့ တစ်ခုခု အတွင်းစည်းထဲမှာ ညှိနှိုင်းတိုင်ပင်ချင်လို့။ ပွင့်ပွင့်လင်းလင်း ပြောရရင် ၂၅ ရာခိုင်နှုန်းကို ဘယ်လိုညှိနှိုင်းကြရင် ကောင်းမလဲဆိုတဲ့ ဆုံးဖြတ်ချက် တစ်ခုကို မချခင်လေးမှာ ညှိနှိုင်းတိုင်ပင်ပြီးခါမှ ပြည်ထောင်စုအတွက် ကောင်းရာကောင်းကြောင်းတွေကို တာဝန်အတူတူ ထမ်းဆောင်ချင်တယ်ဆိုတဲ့ သူ့ရဲ့ရည်မှန်းချက်ပါတယ်။ အဲဒါကို အသိအမှတ်ပြုဖို့ ကောင်းတယ်လို့ ပြောချင်ပါတယ်'' ဟု သုံးသပ် ပြောကြားသည်။

ထို့အတူ နိုင်ငံရေး လေ့လာသုံးသပ်သူ ဒေါက်တာရန်မျိုးသိမ်းက ''၂၀၁၅ ခုနှစ် ရွေးကောက်ပွဲ မတိုင်ခင် သမ္မတ၊ လွှတ်တော် အကြီးအကဲတွေနဲ့ ကာကွယ်ရေး ဦးစီးချုပ်သာမက တိုင်းရင်းသား ခေါင်းဆောင်တွေ၊ နိုင်ငံရေး ခေါင်းဆောင်တွေ အားလုံးပါဝင်တဲ့ နိုင်ငံရေး တွေ့ဆုံဆွေးနွေးပွဲကြီးမျိုးကို မဖြစ်မနေ လုပ်ရမှာပါ။ ၂၀၁၅ ခုနှစ် ရွေးကောက်ပွဲ မတိုင်ခင်တော့ ကြီးလေးကြီး ဆွေးနွေးပွဲ ဖြစ်ကောင်း ဖြစ်လာနိုင်ပါတယ်။ နိုင်ငံရေးအရ ငြင်းတာဆိုရင်တော့ မကောင်းဘူး။ အနိမ့်ဆုံး တွေ့နိုင်မယ့် လူအချို့နဲ့တွေ့ပြီး ဒေါ်စုဆီက ပေးချင်တဲ့ စကားကို နားထောင်ဖို့လိုမယ်။ ပြန်ဆွေးနွေးဖို့ လိုမယ်လို့ ထင်တယ်'' ဟု ပြောကြားသည်။

''အခုဖွဲ့စည်းပုံ အခြေခံဥပဒေ ပြင်ဆင်ရေးဟာ ၂၀၁၅ အလွန် မြန်မာ့နိုင်ငံရေးအတွက် ပြင်ဆင်ခြင်းဖြစ်တယ်။ အဲဒါကြောင့်မို့ သမ္မတရဲ့ အခန်းကဏ္ဍ ၂၀၁၅ အလွန်မှာ ရှိတော့မှာ မဟုတ်တဲ့ အတွက်ကြောင့် ဒေါ်အောင်ဆန်းစုကြည် အနေနဲ့ ဖွဲ့စည်းပုံ အခြေခံဥပဒေ ပြင်ဆင်ရေးအတွက် သမ္မတနဲ့ ဆွေးနွေးစရာ မလိုဘူးဆိုတာ ကျွန်တော်နားလည်တယ်။ ဒါပေမဲ့ အာဏာရ ပြည်ခိုင်ဖြိုးပါတီရဲ့ တာဝန်ရှိသူတွေဖြစ်တဲ့ လွှတ်တော်ဥက္ကဋ္ဌ နှစ်ယောက်နဲ့တော့ သူမအနေနဲ့ လွှတ်တော်ထဲမှာ မကြာခင်တွေ့ဆုံ ဆွေးနွေးတော့မှာ ဖြစ်တယ်။ အရေးကြီးဆုံး အချက်ကတော့ လွှတ်တော်မှာ ၂၅ ရာခိုင်နှုန်း ပိုင်ဆိုင်ထားပြီးတော့ ဖွဲ့စည်းပုံ အခြေခံဥပဒေအရ မိမိတပ်ပိုင်းဆိုင်ရာကို လွတ်လပ်စွာ စီမံခန့်ခွဲပိုင်ခွင့်ရှိတဲ့ တပ်မတော် ကာကွယ်ရေး ဦးစီးချုပ်နဲ့တော့ မဖြစ်မနေ တွေ့ဆုံဆွေးနွေးရမှာ ဖြစ်တယ်။ ဒီတွေ့ဆုံဆွေးနွေးပွဲဟာ တရားဝင် ဖြစ်ချင်မှလည်း ဖြစ်မယ်။ အလွတ်သဘော ဖြစ်ချင်လည်းဖြစ်မယ်။ ဘာလို့လဲဆိုတော့ ဖွဲ့စည်းပုံ အခြေခံဥပဒေကို တရားဝင် ပြင်ဆင်ရမယ့် နေရာဟာ ပြည်ထောင်စု လွှတ်တော်ပဲ ဖြစ်တယ်။ ဒီအလွတ်သဘော ဆွေးနွေးမှုဟာ ၂၀၁၅ အလွန် မြန်မာနိုင်ငံ တည်ငြိမ်တိုးတက်ရေးနဲ့ မြန်မာနိုင်ငံရဲ့ အပြောင်းအလဲတွေ အပေါ်မှာ နိုင်ငံတကာက ယုံကြည်စိတ်ချ စေဖို့အတွက် အထောက်အကူ ဖြစ်စေမယ်လို့ ထင်တယ်'' ဟု Eleven Media Group ၏ CEO ဒေါက်တာ သန်းထွဋ်အောင်က ပြောကြားသည်။

''ဒါ့ကြောင့်မို့ ကျွန်တော့်အမြင် ပြောရရင်တော့ ဒေါ်အောင်ဆန်းစုကြည် အနေနဲ့ သမ္မတနဲ့ တွေ့ဆုံစရာ မလိုပါဘူး။ လေးပွင့်ဆိုင်လည်း တွေ့စရာ မလိုပါဘူး။ ဒေါ်အောင်ဆန်းစုကြည် အနေနဲ့ လွှတ်တော်ဥက္ကဋ္ဌ နှစ်ယောက်နဲ့ ပြည်ခိုင်ဖြိုး ကိုယ်စားလှယ်တွေနဲ့လည်း လွှတ်တော်ထဲမှာ သီးသန့်တွေ့ဆုံ ဆွေးနွေးပါလိမ့်မယ်။ လွှတ်တော်ပြင်ပမှာလည်း ကာကွယ်ရေး ဦးစီးချုပ်နဲ့ အလွတ်သဘော တွေ့ဆုံဆွေးနွေးဖို့ လိုပါလိမ့်မယ်။ ကာကွယ်ရေး ဦးစီးချုပ် အနေနဲ့လည်း အခြေခံဥပဒေ ပြင်ဆင်ရေးနဲ့ တိုင်းပြည် အပြောင်းအလဲအတွက် အမှန်တကယ် ဆန္ဒရှိတယ်ဆိုရင် လူထုခေါင်းဆောင် တစ်ဦးဖြစ်တဲ့ ဒေါ်အောင်ဆန်းစုကြည်ကို သာမန်ပါတီ ခေါင်းဆောင်တစ်ဦးအဖြစ် မယူဆဘဲ အမြန်ဆုံး မဖြစ်မနေ အလွတ်သဘော တွေ့ဆုံဆွေးနွေးတာ ပိုသင့်တော်ပါတယ်'' ဟု CEO ဒေါက်တာသန်းထွဋ်အောင်က ဆက်လက် ပြောကြားသည်။

Eleven Media Group

ဆက်ဖတ်ရန်>>>>