တူရကီတွင် ဆန္ဒပြသူများနှင့်ရဲတပ်ဖွဲ့ ရုန်းရင်းဆန်ခတ်ဖြစ်

တူရကီနိုင်ငံရဲ့ မြို့တော် အစ္စတန်ဘူလ်နဲ့ အန်ကာရာမြို့တွေမှာ အဂတိလိုက်စားမှု တိုက်ဖျက်ရေးအတွက် ဆန္ဒပြသူတွေနဲ့ ရဲတွေ ဖေဖော်ဝါရီ ၂၅ ရက်နေ့ညက ရုန်းရင်းဆန်ခတ် ဖြစ်ခဲ့ပါတယ်။

တူရကီဝန်ကြီးချုပ် တာရစ် အာဒိုဂန်က သူသားကို ရဲတွေ စစ်ဆေးရေးမ၀င်ခင် ငွေတွေကို သိုဝှက်ထားဖို့ သတိပေးနေတယ်ဆိုတဲ့ အသံဖိုင် ထွက်လာတဲ့နောက်မှာ ဆန္ဒပြကြတာ ဖြစ်ပါတယ်။

ဝန်ကြီးချုပ်ရုံးကတော့ ဒီအသံဖိုင်တွေဟာ လုံးဝ မစစ်မှန်ဘဲ အတုတွေ ဖြစ်တယ်လို့ ဖေဖော်ဝါရီ ၂၄ ရက်နေ့ မွန်းလွဲပိုင်းက ပြောပါတယ်။

မတ်လကုန်မှာ ကျင်းပမယ့် ဒေသတွင်း ရွေးကောက်ပွဲအတွက် မဲဆွယ်မှုတွေကို ၀န်ကြီးချုပ်ရဲ့ ပါတီက တရားဝင် စတင်ခဲ့ပြီးတဲ့နောက် ခုလို အသံဖိုင်တွေ ထွက်ပေါ်လာတာပါ။

အဂတိလိုက်စားမှုဆိုင်ရာ ကျော်မကောင်းကြားမကောင်းဖြစ်မှုတွေဟာ ၀န်ကြီးချုပ် အာဒိုဂန်နဲ့ ပတ်သက်တဲ့ နောက်ဆုံးထုတ်ဖော်မှုလည်း ဖြစ်ပါတယ်။

ဝန်ကြီးချုပ်နဲ့ ၀န်ကြီး ၃ ဦးတို့ရဲ့ သားတွေနဲ့ နီးစပ်တဲ့ စီးပွားရေးသမားတွေ ဖမ်းဆီးခံရမှုနဲ့ အတူ ဒီ ကျော်မကောင်းကြားမကောင်းဖြစ်မှုတွေက ပြီးခဲ့တဲ့နှစ် ဒီဇင်ဘာ ၁၇ ရက်က စတင် ပေါ်ပေါက်ခဲ့တာ ဖြစ်ပါတယ်။

ဒါဟာ ၀န်ကြီးချုပ်ရဲ့ ၁၁နှစ်ကြာ အုပ်ချုပ်မှုအတွင်း အကြီးမားဆုံး စိန်ခေါ်မှုလည်း ဖြစ်ပါတယ်။

From: DVB

ဆက်ဖတ်ရန်>>>>

ရွှေမဟုတ်တဲ့ အမိုက်စား ရွှေရောင်ဆွဲကြိုးဒီဇိုင်းသစ်များ

အရင်တုန်းက ရွှေဆိုရင် ရွာကသူတွေ၊ တောကသူတွေသာ အမြတ်တနိုး ၀တ်ဆင်ကြတယ်လို့ ထင်မိခဲ့ကြ တယ်ဟုတ်။ ခုတော့ အဲ့ဒီအထင်၊ အမြင်တွေကို ထားခဲ့ပြီး ရွှေအစစ်မဟုတ်ရင်တောင် ရွှေရောင်အ ဆင်တန်ဆာ အမိုက်စားတွေ တွေ့ရင်ဝယ်သာဝယ်ထားလိုက်ပါလို့ ပြောရတော့မှာပါ။ ဘာဖြစ်လို့လဲ ဆိုတော့ ဒီဇိုင်းအမိုက်စား ရွှေရောင်ဆွဲကြိုးတွေဟာ ခုချိန်မှာ ခေတ်အစားဆုံးဖြစ်နေလို့ပါပဲ။ ဘယ်လို ဒီဇိုင်းမျိုးလေးတွေ တွေ့ရင်ဝယ်စုထားသင့်တယ်ဆိုတာနဲ့ ပတ်သက်ပြီး ခုလိုဖော်ပြပေးလိုက်ပါတယ်။

၁။လက်ရှိခေတ်အစားဆုံး ဆွဲကြိုးဒီဇိုင်းပါ။ လော့ကတ်ဒီဇိုင်း အပြောင်းအလဲရှိနိုင်ပေမယ့် အနုပညာရှင်တွေ တော်တော်များများ ဆွဲလေ့ရှိတာမို့ နံပါတ် (၁) နေရာမှာ ရှိနေတဲ့ ဆွဲကြိုးပါ။

၂။ဟိုးအရင်ကတည်း ခေတ်စားခဲ့တဲ့ ဆွဲကြိုးဒီဇိုင်းကို နည်းနည်းပြန်ဆန်းသစ်ထားတာလောက်ပါပဲ။ ဒါပေမယ့် ပွဲတက်အတွက် သိပ်ကိုမိုက်တဲ့ ဆွဲကြိုးပါ။

၃။ဒီဆွဲကြိုးဒီဇိုင်းကတော့ ရှပ်အင်္ကျံကို ကြယ်သီးအပြည့်တပ်ပြီး အပေါ်က ထပ်ဆွဲလို့ သိပ်ကောင်းတဲ့ ဒီဇိုင်းမျိုးပါပဲ။

၎။လည်ပင်းအတိ၊ အကျပ်ပတ်ရတဲ့ ဆွဲကြိုးဒီဇိုင်းပါ။ သူ့ကတော့ လည်ပင်းအ၀ိုက် ၊ အဟိုက်အင်္ကျံတွေနဲ့ ၀တ်လို့လှပါတယ်။ မော်ဒယ်တော်တော်များများရဲ့ vote ပေးခံရတဲ့ ဆွဲကြိုးဒီဇိုင်းပေါ့။

၅။ပေါ့ပေါ့ပါးပါး ထသွားထလာအတွက် သင့်တော်တဲ့ ဆွဲကြိုးဒီဇိုင်းပါ။ တွေ့တာနဲ့ လက်လွတ်မခံဘဲ ၀ယ်သာဝယ်ထားလိုက်နော်။

Ref:luckymag.com

ဆက်ဖတ်ရန်>>>>

ကွန်ဒုံး သုံးရင် လည်း သိပ်စိတ်မ ချရ ဘူး

ရောဂါရှိ သူအမျိုး သားအိပ်ဖော်နဲ့ အတူ နေတဲ့အခါ ကွန်ဒုံး သုံးရင်လည်း စိတ်မချ ရဘူး၊ ရောဂါကူး နိုင်ခြေ ရှိတယ် လို့ ရန်ကုန်အ ခြေစိုက် NOW အပတ်စဉ်ထုတ် ဂျာနယ် ဆောင်းပါး တပုဒ်မှာ ဒီတပတ် သတိပေး ရေးသား ထားပါ တယ်။

"ကွန်ဒုံးသုံး ပေမယ့် သင့်ရဲ့ အမျိုးသမီး အင်္ဂါဟာ ရောဂါရှိတဲ့ အမျိုးသားရဲ့ ကပ္ပာယ်အိတ်အ ရေပြားနဲ့ ပွတ်တိုက်ထိ တွေ့ဖန် များတဲ့အခါ ကွန်ဒုံး သုံးလည်း ရောဂါကူး နိုင်တာကို သတိမူ သင့်ပါတယ်" လို့ ရေးထားပါတယ်။

အမျိုးသမီး တွေနဲ့ လိင်မှုရေးရာ ဆိုတဲ့ မျက်နှာဖုံး ဆောင်းပါးမှာ အဲဒီလို သတိပေး ထားတာပါ။ ကွန်ဒုံး အသုံးပြုခြင်းက ကျန်းမာရေး လူမှုရေးဆိုင်ရာ ကောင်းကျိုးတွေ အများအပြား ရှိပေမယ့် အသုံးပြု သင့်သူတချို့က သုံးရမှာ ဝန်လေး နေကြပါ သေးတယ်။

ကွန်ဒုံး ကုမ္ပဏီတွေ ကလည်း အသုံးပြုသူ များကိုဆွဲဆောင်တဲ့အနေနဲ့ သူတို့ရဲ့ ထုတ်ကုန် တွေကို ပါးသည်ထက် ပါးအောင် ထုတ်နေကြတာပါ။ ပြီးခဲ့တဲ့ ကြာသပတေး နေ့မှာ ထွက်ပေါ်လာတဲ့ ဂင်းနစ် ကမ္ဘာ့စံချိန်အဖွဲ့ရဲ့ ထုတ်ပြန် ချက်အရ တရုတ် ကုမ္ပဏီတခုက ကမ္ဘာ့ အပါးလွှာဆုံး ကွန်ဒွန် ထုတ်လုပ်ထား တယ်လို့ ဆိုပါတယ်။

သူ့မတိုင်ခင် စံချိန်တင်ခဲ့ တာကတော့ ဂျပန်ကုမ္ပဏီတခုပါ။ လိင်ပိုင်းဆိုင်ရာ ကျန်းမာရေးနဲ့ တနည်းတဖုံ ဆက်စပ်ပတ်သက်ပြီး သတိပေး၊ သတင်းပေး၊ ပညာပေးတာမျိုးက စာနယ်ဇင်းတွေမှာ တခါတရံ တွေ့ရမှာပါ။ ဒီဘလော့မှာလည်း ကွန်ဒွန် မဖြစ်မနေ သုံးရမယ့် အနေအထားကြောင့် အပြာကားရိုက်သူများ LA မှ ထွက်ရန် စဉ်းစား ဆိုပြီး မနှစ်က http://blog.irrawaddy.org/2012/01/la.html မှာ ဖော်ပြခဲ့ပါတယ်။ အဲဒီလို ဥပဒေ ထုတ်လိုက်ခါ မှပဲ ၁၈ နှစ်အထက် ကြည့်ရတဲ့ဗီဒီယို ကားရိုက်သူတွေ အဲဒီဒေသကို စွန့်ကြပါ တယ် လို့ အမေရိကန် အွန်လိုင်း စာမျက်နှာ ဆောင်းပါး တပုဒ်မှာ ရေးထား ပါတယ်။


ဧရာဝတီ

ဆက်ဖတ်ရန်>>>>

အိန္ဒိယမှတင်သွင်းသော မွေးမြူရေးအစာ မုန်ညင်းဖတ်များ၌ အလေးချိန်စီးရန် ထည့်ထားသည့် ဘိလပ်မြေကဲ့သို့ သဲများတွေ့ရှိ

ဒေါက်တာသက်မှူးက မုန်ညင်းဖတ်အတွင်း တွေ့ရှိရသည့် သဲများကို ပြသနေစဉ်

အိန္ဒိယနိုင်ငံမှ တင်သွင်းသော မွေးမြူရေးတိရစ္ဆာန်အစာ မုန်ညင်းဖတ်များအတွင်း အလေးချိန်စီးရန်ထည့် ထား သည့် ဘိလပ်မြေကဲ့သို့ သဲများတွေ့ရှိကြောင်း မြန်မာနိုင်ငံ ငါး၊ ပုစွန်အစာ ထုတ်လုပ်ရောင်းဝယ်သူများ အသင်းဥက္ကဋ္ဌ ဒေါက်တာသက်မှူးက ဇန်န၀ါရီ ၂၅ ရက်က ပြောကြားသည်။

"အိန္ဒိယကနေ မွေးမြူရေးအစာ တင်သွင်းလာတဲ့ ကုမ္ပဏီဆီကနေ မုန်ညင်းဖတ်ဝယ်တယ်။ ကျွန်တော်တို့က အစာသန့်စက်ရုံဖြစ်တော့ မုန်ညင်းဖတ်တွေကို အလေးချိန်နဲ့ရေကို အဆင့်ဆင့်စစ်တဲ့အခါမှာ အလေးချိန် စီးအောင်လုပ်ထားတဲ့ ဘိလပ်မြေလို သဲတွေပါလာတာကို တွေ့ရတယ်။ ပြည်တွင်းအစာနဲ့ယှဉ်ရင် ဈေးနှုန်းနဲ့ အရည်အသွေးပိုင်း ပရိုတင်းရာခိုင်နှုန်းကလည်း ယှဉ်လို့ရလို့ ၀င်လာတာကိုတော့ တားလို့မရဘူး" ဟု ဒေါက်တာသက်မှူးက ပြောကြားသည်။

လက်ရှိ၌ မွေးမြူရေးအစာအဖြစ် အများဆုံးအသုံးပြုသည့် ဖွဲနု၊ ပြောင်း၊ ပဲဖတ်၊ နှမ်းဖတ်များမှာ တရုတ်ပြည်သို့ ဈေးကောင်းရ၍ အ၀င်များသဖြင့် ကုန်ကြမ်းရှားပါး၍ ဈေးနှုန်းမြင့်တက်မှုကြောင့် ဈေးနှုန်းသက်သာသည့် အစာကုန်ကြမ်းများကို ယခုကဲ့သို့ ပြည်ပမှ ပြန်လည်တင်သွင်းခြင်းဖြစ်ကြောင်း သိရသည်။

"ပဲနှမ်းဖတ်၊ နေကြာ၊ ပဲပုပ်ဖတ်က အိန္ဒိယကနေ၀င်ပါတယ်။ ဒီလိုအလေးချိန်စီးအောင်လုပ်ထားတာက အိန္ဒိယမှာကတည်းက ပွဲစားတွေက လုပ်လာဖို့များတယ်။ တင်သွင်းတဲ့ အစာကုန်ကြမ်းကို သေချာစစ်ဆေးဖို့လိုပါတယ်။ ရန်ကုန်ထဲကို ဒီလိုမျိုးတွေက ကွန်တိန်နာအလုံးပေါင်းများစွာနဲ့ ၀င်ပါတယ်။ ရောင်းချမယ့်သူတွေနဲ့ မွေးမြူရေးသမားတွေကိုလည်း သုံးလို့ရောင်းလို့ရတဲ့အထိ သန့်စင်ပြီးမှ သုံးပါလို့ ပြောချင်ပါတယ်"ဟု ဒေါက်တာသက်မှူးက ဆက်လက်ပြောကြားသည်။

ယခုကဲ့သို့ မွေးမြူရေးအစာများအတွင်း အန္တရာယ်ဖြစ်စေနိုင်သည့် ပစ္စည်းများတွေ့ရှိခြင်းမှာ ဒုတိယအကြိမ်ဖြစ်၍ ပြီးခဲ့သည့်အကြိမ်များ၌ တရုတ်မှဝင်လာသည့် ပဲပုပ်ဖတ်များအတွင်း တိရစ္ဆာန်များစားသုံးပါက အန္တရာယ်ဖြစ်စေသည့် မယ်လမင်များတွေ့ရှိရပြီး သေချာစစ်ဆေးသည့်အခါ၌ Protein တက်အောင်လုပ်သည့် Calcium Carbonate နှင့် Non-Nitrogen ဓာတ်များပါတွေ့ရှိကြောင်း ဒေါက်တာသက်မှူးက ဆိုသည်။

အဆိုပါ သဲနှင့်ဓာတုဗေဒပစ္စည်းများပါဝင် မွေးမြူရေးအစာများကို စားသုံးမိသော တိရစ္ဆာန်များအနေဖြင့် အစာစားသုံးမှု လျော့နည်း၍ ကြီးထွားမှုနှုန်းလျော့နည်းကာ ထုတ်လုပ်မှုကျဆင်းခြင်းများ ဖြစ်လာနိုင်မည်ဖြစ်ကြောင်း သိရသည်။

"ကွန်တိန်နာလိုက်ကို သွင်းလာကြလို့ စစ်ဆေးမှုအပိုင်းကလည်း တစ်စိတ်တစ်ပိုင်းပဲ လုပ်နိုင်မှာပါ။ ထွက်ကုန်နိုင်ငံတွေဆီကတောင် ထိန်းချုပ်မှုမရှိဘဲ ၀င်လာတဲ့အစာတွေ ဖြစ်ပါတယ်။ ကျွန်တော်တို့ဗိုက်ထဲကို မ၀င်ပေမယ့် မွေးမြူရေးငါး စသဖြင့် သူတို့တွေရဲ့ဝမ်းထဲကိုရောက်တာဆိုတော့ ဒါကျွန်တော်တို့အတွက်လည်း တစ်စိတ်တစ်ပိုင်းအနေနဲ့ အန္တရာယ်အများကြီးရှိတယ်ဆိုတဲ့ အနေအထားဖြစ်ပါတယ်" ဟု မြန်မာနိုင်ငံမွေးမြူရေး အဖွဲ့ချုပ် ဒုဥက္ကဋ္ဌဦးဝင်းစိန်က ပြောကြားသည်။

ဆက်ဖတ်ရန်>>>>

စကားလုံးမဲ့ နားလည်ကြစေဖို့ရာ

သူ့ရဲ့စိတ်ဝင်စားမှုကိုရယူချင်နေပါသလား။ ဘာစကားမှဖွင့်ဟ ပြောစရာမလိုဘဲ နားလည်မှုရယူနိုင်တဲ့ ဒီနည်းလေးတွေကို စမ်းကြည့်ပါ။

(၁) ခပ်မိုက်မိုက်ကောင်လေးတစ်ယောက်ရဲ့ အကြည့်တစ်ချက် စွမ်းအားကို လျှော့မတွက်နဲ့နော်။ တကယ်လို့သင်ကလဲ စိတ်ဝင်စားတယ်ဆိုရင်တော့ သူ့ရဲ့အကြည့်ကို မလွှဲဖယ်ပစ်ဘဲ (၃)စက္ကန့်စာလောက်ပြန်စိုက်ကြည့်လိုက်ပါ။ ပြီးရင်တော့ အကြည့်ကိုပြန်လွှဲလိုက်ပါ။ ဒါဆိုရင် သင်ကလဲစိတ်ဝင်စားနေကြောင်း သူရိပ်မိပါလိမ့်မယ်။ ဒီ့ထက်ပိုပြီး လေးလေးနက်နက်ခံစားမိနေတယ်ဆိုရင်တော့ အကြည့်လွှဲပြီးပြီးချင်း နောက်ထပ် (၁)စက္ကန့်စာလောက်ဖြစ်ဖြစ်ပြန်စိုက်ကြည့်လိုက်ပေါ့။

(၂) နောက်တစ်နည်းကတော့ ဆံပင်ကိုလက်နဲ့ ဆတ်ကနဲပင့်သပ်ရင်း ကြည့်လိုက်တာပါပဲ။ ပုခုံးအနောက်ရောက်သွားတဲ့ ဆံနွယ်တွေက လည်တိုင်အလှကို မြင်သာအောင်လှစ်ဟပြလိုက်သလိုပါပဲ။ ဆံပင်နည်းနည်းလေးရှည်ဖို့တော့ လိုတာ ပေါ့နော်။ ဒါဟာ သူ့စိတ်ထဲမှာသင့်ရဲ့ပုံရိပ်ကို မှတ်မှတ်ထင်ထင် စွဲမြဲသွား စေမှာဖြစ်ပါတယ်။

(၃) မိတ်ဆွေတွေဖြစ်နေပြီလား ။ ဒါဆိုရင်တော့ စကားစမြည်ပြောဆိုရာမှာဖြစ်စေ၊ သူ့ခံစားချက်တချို့ကို ရင်ဖွင့်ရာမှာဖြစ်စေ စိတ်ဝင်စားတဲ့အမူအရာမျိုးနဲ့ နားထောင်ပေးပါ။ သင်ဟာ သူပြောတဲ့အကြောင်းအရာအပေါ်မှာ စိတ်ဝင်စားမှုအပြည့် ရှိနေတယ်ဆိုတာ သူသိပါစေ။ ကြားဖြတ်ပြောခြင်းမပြုဘဲ သူစိတ်ဝင်စားတဲ့ အကြောင်းအရာ (သို့) ၀ါသနာဟာ မိမိယခင်ကတည်းက စိတ်ဝင်စားတဲ့ အကြောင်းအရာဖြစ်ကြောင်းဖော်ပြပါ။ တကယ်လို့ ကြပ်ညပ်နေတဲ့လူစုလူဝေးထဲ နှစ်ဦးသားပိတ်မိနေရင်တော့ သင့်ရဲ့ ဟန်ချက်ကိုမထိန်းနိုင်ပုံမျိုး သူ့အပေါ် အနည်းငယ် ယိုင်လိုက်ပါ။ ပြီးရင်တော့ “ဆောရီး”လို့ တစ်ခွန်းလောက်ပြန်ပြောဖို့ မမေ့ပါနဲ့။

(၄) ပြုံးပါ။ သင့်ရဲ့ဖြူစင်တဲ့ သွားလေးတွေပေါ်အောင်ပြုံးပြပါ။ သာမန်အပြုအမူ ဖြစ်ပေမယ့် ဒါဟာ သူ့အပေါ် သင့်ရဲ့နွေးထွေးတဲ့သဘောထားနဲ့ ချဉ်းကပ်ဖို့ ခွင့်ပြုပေး နိုင်ကြောင်း ဖော်ပြနည်းတစ်မျိုးပါးပဲ ။ သင့်ရဲ့အပြုံးတစ်ချက်နဲ့ သူ့ကို အချိန်အတန် ကြာအောင် ငေးကြည့်စေနိုင်ရင် ဒါဟာသူ့ကို သင်ဖမ်းစားလိုက်နိုင်ပြီပဲ ဖြစ်ပါတယ်။ ပြီးရင်တော့ သင့်ကို စကားစမြည်စပြီးပြောလာပါလိမ့်မယ်။

(၅) ဟာသနှောတဲ့ရယ်စရာ အကြောင်းအရာမျိုးပြောနေတဲ့အခါမျိုးမှာ သဘောကျတဲ့ အမူအရာမျိုးနဲ့ သူ့လက်မောင်းကိုပုတ်လိုက်ပါ။ အနည်းငယ်ထိတွေ့လိုက်ခြင်းအားဖြင့် ယောက်ျားလေးများရဲ့ စိတ်ကိုနှိုးဆွလိုက်နိုင်ပါတယ်။ ကြမ်းကြမ်းတမ်းတမ်း ရိုက်ပုတ် စနောက်ခြင်းမျိုး မဟုတ်ဘဲ ညင်ညင်သာသာ ထိတွေ့လိုက်ခြင်းက ရိုးရိုးသူငယ်ချင်း နယ်ပယ်ထဲမှ သွေဖယ်သွားစေနိုင်ပါတယ်။

ဒီအဆင့်လေးတွေကို အောင်မြင်စွာ ကျော်ဖြတ်လိုက်နိုင်ပြီဆိုရင်တော့ ပိုပြီးရင်းနှီးတဲ့ ဆက်ဆံမှုကို ဖွင့်ပြောစရာမလိုဘဲ တည်ဆောက်နိုင်မှာပါ။

Ref:Seventeen

ဆက်ဖတ်ရန်>>>>

၁၇နှစ်အရွယ် ကောင်မလေးရဲ့ အလောင်းနဲ့ လိင်ဆက်ဆံဖို့ကြိုးစားသူ၊ အခေါင်းထဲ အိပ်ပျော်သွားလို့ ဖမ်းမိခဲ့

Wedesday, February 26, 2014

အုတ်ဂူ ကိုဝင်တူးပြီး ၁၇နှစ်အရွယ်ကောင်မလေး အလောင်းနဲ့ လိင်ဆက်ဆံဖို့ကြိုးစားခဲ့သူဟာ အခေါင်းထဲမှာ အိပ်ပျော်သွားပြီး ဖမ်းမိခဲ့တယ်လို့ ကမ္ဘောဒီးယား ရဲတပ်ဖွဲ့က အတည်ပြုခဲ့ပါတယ်။

Chin Chean အမည်ရှိ ၄၇နှစ်အရွယ် အမျိုးသားရဲ့ ခြေထောက်ကို အခေါင်းထဲမှာ ရွာသားတွေက စတွေ့ခဲ့ပါတယ်။ ဒါ့ကြောင့် သေဆုံးသူ ဆယ်ကျော်သက်ကောင်မလေးရဲ့ မိသားစုကို အကြောင်းကြားခဲ့ကြပါတယ်။ Chin Chean ဟာ ၁၇နှစ်အရွယ်ကောင်မလေးရဲ့ ဈာပနကို တက်ရောက်ခဲ့ပြီး နောက်တစ်နေ့မှာ အုတ်ဂူကို ည(၁၀)နာရီလောက်ကစပြီး တူးခဲ့ကြောင်း ရဲတွေကို ပြောပြခဲ့ပါတယ်။

တူးပြီးတဲ့နောက်မှာ အခေါင်းကို ဖွင့်ဖို့ကြိုးစားခဲ့တယ်လို့ ကမ္ဘောဒီးယား နေ့စဉ်သတင်းစာက သတင်းထုတ်ပြန်ပါတယ်။ Chin Cheanဟာ အလောင်းနဲ့ လိင်ဆက်ဆံဖို့ ကြိုးစားခဲ့ပေမဲ့ အခေါင်းက အရမ်းသေးနေတာကြောင့် အထမမြောက်ခဲ့ဘူး။ အဲဒီ့နောက် အလောင်းပေါ်မှာပဲ အိပ်ပျော်သွားတယ်လို့ သူက၀န်ခံပါတယ်။

“Chin Cheanက ဆေးကြောင်ပြီး ပုံမှန်မဟုတ်တာတွေ လုပ်လေ့ရှိတာ လူတိုင်းသိတယ်။ ရွာဘုရား မှာလည်း အ၀တ်မပါဘဲ ပတ်ပြေးနေဖူးတယ်။ Mr Chean ကို တရားရုံးမပို့ခင် ခရိုင်ရဲဋ္ဌာနကို ပို့ပြီးတော့ စစ်ဆေးမေးမြန်းမှာပါ။” လို့ ပြောရေးဆိုခွင့်ရှိသူ ရဲတစ်ယောက်က ပြောပါတယ်။

Ref:dailymail.co.uk
သီဟနိုင်
Trend Myanmar

ဆက်ဖတ်ရန်>>>>

သတင်းကြီးနေတဲ့ ကျောက်စိမ်းတုံးကြီး အစိတ်စိတ် အမွှာမွှာကွဲ

ကချင်ပြည်နယ် ဖားကန့်မြို့နယ်မှာ တွေ့ရှိထားတဲ့ တန်ချိန် ၃၇ တန် ရှိတယ်လို့ သတင်းဖြစ်ပေါ်နေတဲ့ ကျောက်စိမ်းတုံးကြီးကို သယ်ယူဖို့ မလိုက်တဲ့အချိန်မှာ ကွဲအက်သွားပြီး တန်ဖိုးမရှိတဲ့ ကျောက်တုံးကြီးဖြစ်နေကြောင်း တူးဖော်ရေးနဲ့ သယ်ယူပို့ဆောင်ရေး ကော်မတီအဖွဲ့ဝင်တဦးက ပြောပါတယ်။

လောလောဆယ်မှာတော့ ကွဲအက်သွားတဲ့ ကျောက်တုံးအပိုင်းအစတွေကို လုံးခင်းမြို့က ကျောက်စိမ်းရုံးမှာ ပြသထားတယ်လို့ ပြောပါတယ်။ အသေးစိတ်ကိုတော့ ဗွီအိုအေသတင်းထောက် ကိုမိုးဇော် က သတင်းပေးပို့ခဲ့ပါတယ်။

ဒီရက်ပိုင်းအတွင်း သတင်းကြီးနေတဲ့ ကျောက်စိမ်းတုံးကြီးကို ဒီလ ၉ ရက်နေ့က မိုးညှင်းခရိုင် ဖားကန့်မြို့နယ် ဆိပ်မူကျေးရွာအုပ်စု ဝေခါရွာအနီးမှာ တွေ့ရှိခဲ့တာဖြစ်ပါတယ်။ စတင်တွေ့ရှိခဲ့ချိန်မှာ ၁၅ တန်လောက်ရှိမယ်လို့ ခန့်မှန်းခဲ့ပြီး  နယ်မြေခံစစ်တပ်၊ ဖားကန့်မြို့နယ် ကျောက်စိမ်းရုံးနဲ့ ရဲက လုံခြုံရေးတာဝန်ယူ ထိန်းသိမ်းစောင့်ရှောက်ခဲ့ပါတယ်။

တနင်္လာနေ့က တူးဖော်ချိန်မှာ တန် ၃၇ တန်ရှိပြီး တန်ဖိုးမရှိတဲ့ ကျောက်သာဖြစ်တယ်လို့  တူးဖော်ရေးနဲ့ သယ်ယူပို့ဆောင်ရေး ကော်မတီအဖွဲ့ဝင် တဦးက ပြောပါတယ်။

“ကျောက်စိမ်းမဟုတ်တော့ဘူး။ ကျောက်စိမ်းမဟုတ်တော့ဘူး ဒီဟာက။ သွားကြည့်ပြီးပြီ။ အဲ့ဒါကို မ တင်ဖို့ လုပ်လိုက်တဲ့အခါကျတော့ ထက်ခြမ်း ၇ ခြမ်း ကွဲသွားတယ်။ နောက်ပိုင်းမှာ ပြန် ပြန် မ တင်တော့ ထက်ခြမ်း အများကြီး ကွဲသွားတာ။ ကျောက်အမျိုးကိုက မဟုတ်တာ။ ကျောက် အဲ့ဒီမှာ သယ်ယူပို့ဆောင်ရေး ကြီးကြပ်ရေးမှာ ထည့်ထားတယ်လေ အဲ့ဒါကြောင့်။ ဆရာကိုယ်တိုင်ပါတယ်။”

အစိတ်စိတ်အမွှာမွှာ ကွဲအက်သွားတဲ့ ကျောက်တုံးကြီးကိုတော့ လုံးခင်းကျောက်စိမ်းရုံးကို သယ်ယူသွားတယ်လို့ ပြောပါတယ်။

“သယ်သွားတယ်ဆိုတဲ့ဟာက ဟိုဟာပေါ့ အရမ်း နာမည်ကြီးသွားပြီပေါ့။ ဘာဖြစ်တယ်၊ ညာဖြစ်တယ်၊ အရေကျောက် ဆိုတာတွေပေါ့ အဲ့ဒါတွေ ဘာမှမဟုတ်ဘူး။ အဲ့ဒါကြောင့် အခု ကျောက်စိမ်းရုံးမှာ တည် ထားတယ်ပေါ့။ ဘယ်သူကြည့်ချင်လည်း သိရအောင်ပေါ့။ လုံးခင်းကျောက်စိမ်းရုံးမှာ တည်ထားတယ်ပေါ့။”

ဒီသတင်းနဲ့ပတ်သက်ပြီး ဖားကန့်မြို့နယ် ရဲတပ်ဖွဲ့မှူးရုံးနဲ့ မြို့နယ်အုပ်ချုပ်ရေးမှူးရုံးကို ဆက်သွယ်မေးမြန်းခဲ့ပေမဲ့ ရဲတပ်ဖွဲ့ရုံးက သူတို့ မသိရှိကြောင်း ပြောဆိုခဲ့သလို မြို့နယ်အုပ်ချုပ်ရေးမှူးရုံးကတော့ တာဝန်ရှိသူတွေ ခရီးလွန်နေကြောင်းသာ ဖြေကြားခဲ့ပါတယ်။

ဒီကျောက်ကြီးကို တွေ့ရှိပြီးနောက်မှာတော့ ဖားကန့်ဒေသမှာ တပိုင်တနိုင်တူးဖော်တာတွေ၊ ရေမဆေးကျောက် ရှာတာတွေကို အာဏာပိုင်တွေက ပိတ်ပင်ထားတယ်ဆိုတဲ့ သတင်းတွေလည်း ထွက်ပေါ်ခဲ့ပါတယ်။ ဒီရက်ပိုင်းတွေ အတွင်းမှာတော့ ဒီလို ပိတ်ပင်တာတွေ မရှိဘူးလို့ ဖားကန့်ဒေသခံတဦးက ပြောပါတယ်။

“ဒီလို နားလည်မှုနဲ့ လုပ်ကိုင်စားသောက်နေ တာတော့ ပုံမှန် အနေအထား ရှိပါတယ်။ အားလုံးကတော့ အခု ဒီရက်ပိုင်းမှာ စစ်တပ် အပြောင်းအလဲရှိတယ်။ စစ်တပ် အပြောင်းအ လဲဆိုတဲ့ အချိန်မှာ ဖားကန့်မှာ နဂိုက ပခုက္ကူအခြေစိုက် တပ်မ ၁၀၁ ထိုင်တယ်။ အခုက ပီ အခြေစိုက် တပ်မ ၆၆ ကနေမှ ဒီဘက် တပ်မ ၁၀၁ နဲ့ ဒီရက်ပိုင်း အတောအတွင်းမှာ သူတို့ ချိန်းကြတယ်။ အခုအခြေအနေမှာကတော့ ဒီ တပ်ပိုင်းဆိုင်ရာ အနေအထားကလည်း ပုံမှန်အနေအထား သူတို့ အရွှေ့အပြောင်းလောက်ပဲ ရှိပြီးသားပေါ့နော်။ ပြည်သူတွေကလည်း တပိုင်တနိုင် နားလည်မှုနဲ့ သူတို့ လုပ်ကိုင်စားသောက်နေတဲ့ အနေအထားကတော့ လုပ်ကိုင်ခွင့်ကတော့ ရှိပါတယ်။”

ဖားကန့်ဒေသအတွင်းမှာ ကျောက်မျက်တူးဖော်ရေး လုပ်ငန်းကုမ္ပဏီတွေကို ကချင်လွတ်မြောက်ရေးတပ်မတော် KIA နဲ့ အစိုးရအကြား တိုက်ပွဲတွေ ပြန်လည်ဖြစ်ပွားခဲ့တဲ့ ၂၀၁၁ ခုနှစ်တည်းက စတင်ပြီး လုပ်ကိုင်ခွင့်တွေ ပိတ်ပင်ထားခဲ့တာ ဖြစ်ပါတယ်။ ၃၇ တန်ရှိ ကျောက်ကြီးကိုတော့ တပိုင်တနိုင် တူးဖော်သူတွေက စတင်တွေ့ရှိခဲ့တာ ဖြစ်ပါတယ်။

ဖားကန့်ဒေသဟာ မြန်မာနိုင်ငံမှာ ကျောက်စိမ်းအများဆုံး ထွက်ရှိရာဒေသဖြစ်ပြီး လွန်ခဲ့တဲ့ ၂၀၀၀ ပြည့်နှစ်အတွင်းကလည်း မြန်မာပြည်မှာ တန်ချိန် ၃၀၀၀ ရှိ ကမ္ဘာ့အကြီးဆုံး ကျောက်စိမ်းတုံးကြီးကို တူးဖော်ရရှိခဲ့ဖူးသလို ၂၀၀၉ ခုနှစ် နှစ်ကုန်ပိုင်းမှာတော့ တန်ချိန် ၁၁၅ တန်ရှိတဲ့ ကျောက်စိမ်းတုံးကြီးကို တူးဖော်ရခဲ့ဖူးပါတယ်။


လွန်ခဲ့တဲ့ ၂၀၁၂-၂၀၁၃ ဘဏ္ဍာရေးနှစ်အတွင်းက မြန်မာနိုင်ငံရဲ့ကျောက်စိမ်း တင်ပို့မှုဟာ အမေရိကန်ဒေါ် လာ သန်း ၃၁၀ ကျော်တင်ပို့ခဲ့ပြီး ၂၀၁၃-၂၀၁၄ ဘဏ္ဍာရေးနှစ်ဖြစ်တဲ့  ဧပြီ ၁ ရက်ကနေ ဒီဇင်ဘာလအ တွင်းမှာတော့ အမေရိကန်ဒေါ်လာ သန်း ၁၂၇၈ သန်းဖိုး တင်ပို့ထားကြောင်း စီးပွားရေးနဲ့ ကူးသန်းရောင်းဝယ်ရေး ၀န်ကြီးဌာနက သတင်းထုတ်ပြန်ထားပါတယ်။

မြန်မာပြည်ထွက် ကျောက်စိမ်းတွေကို တရားမ၀င် နယ်စပ်ဖြတ်ကျော် ရောင်းချတာတွေ ရှိနေတာကြောင့် နိုင်ငံတော်အတွက် အခွန်ဘဏ္ဍာငွေ အများအပြားဆုံးရှုံးကြောင်း ဝေဖန်သုံးသပ်တာတွေလည်း ရှိနေပါတယ်။

From: VOA

ဆက်ဖတ်ရန်>>>>