လင်မယားချင်း စကားများရာက လက်ပစ်ဗုံးနဲ့ထပစ်

လင်မယားချင်း စကားများကြတဲ့ နောက်ဆက်တွဲအနေနဲ့ ယောကျာ်းဖြစ်သူက လမ်းထဲမှာရှိနေတဲ့ မိန်းမကို လက်ပစ်ဗုံးနဲ့ ပစ်ခဲ့တယ်ဆိုတဲ့ အမှုတစ်ခုတက်လာပါတယ်။ အဲ့ဒီ့နောက်မှာတော့ မိန်းမဖြစ်သူရဲ့ ၀မ်းဗိုက်က ဗုန်းဆန်တွေကို ဖယ်ရှားဖို့အတွက် ခွဲစိတ်ကုသမှု ခံယူနေရပါတယ်။

Switzerland, Aargau ဒေသမှာ ဖြစ်ပွားခဲ့တဲ့ အမှုနဲ့ပတ်သတ်ပြီး အသက် ၅၅နှစ်ရှိပြီဖြစ်တဲ့ Bosnia နိုင်ငံသားဟာ အစစ်ဆေး အမေးမြန်းခံနေရပါတယ်။

SDA သတင်းအေဂျင်စီရဲ့ သတင်းထုတ်ပြန်ချက် တစ်ရပ်အရ အသက် ၅၉နှစ်ရှိ အမျိုးသမီးဟာ သူ့ယောကျာ်းရဲ့ ခပ်တန်းတန်း ဆက်ဆံမှုကို ခံခဲ့ရပါတယ်။ သူမဟာ အခင်းဖြစ်ပြီး ၁နာရီလောက် ကြာမှ ရဲတွေဆီ အကြောင်းကြားတယ်လို့ သိရပါတယ်။

သူမဟာ အစပိုင်းမှာတော့ လက်ချောင်း တစ်ချောင်းပဲ ဒဏ်ရာရတာပါဆိုပြီး အမှုကို သေးအောင် လုပ်ဖို့ ကြိုးစားခဲ့ပါတယ်။

ဒါပေမဲ့ ဆေးရုံးရဲ့ ဖြောင့်ချက်မှာတော့ သူမရဲ့ ၀မ်းဗိုက်မှာ ဗုံးဆန်များထိထားပြီး ဝေဒနာ ခံစားနေရတယ်လို့ တင်ပြထားပါတယ်။

စုံစမ်းစစ်ဆေးသူတွေဟာ လမ်းပေါ်က လက်ပစ်ဗုံး အစအနတွေကို ရှာဖွေတွေ့ရှိခဲ့ပါတယ်။ အဲ့ဒီ့ လက်ပစ်ဗုံးရဲ့ ပေါက်ကွဲမှုအားပြင်းလွန်းလို့ အနီးအနားက ပြူတင်းပေါက်ကိုပါ ထိမှန်ခဲ့တယ်လို့ သိရပါတယ်။

Ref:dailymail.co.uk
Trend Myanmar

ဆက်ဖတ်ရန်>>>>

မိန်းကလေးများ သတိထားရမည့် နည်းပညာထောင်ချောက်

နည်းပညာခေတ်တွင် ဆိတ်ကွယ်ရာမရှိဟူသော အချက်ကို အမျိုးသမီးတိုင်း အမြဲသတိရနေရန် အရေးကြီးသည်။ (ဓာတ်ပုံ - ဂျေမောင်မောင်(အမရပူရ))

ချစ်သူကို ဆိတ်ကွယ်ရာအရပ်၌ ဘဝတစ်ခုလုံး ပုံအပ်လိုက်သူ မိန်းကလေးအချို့ တိုးတက်လာ သည့် နည်းပညာခေတ်တွင် ဂုဏ် သိက္ခာအရ အသုံးချခံခဲ့ရသော ဖြစ်စဉ်များ ခပ်စိပ်စိပ်ဖြစ်လာပါ သည်။

မိန်းကလေးငယ်အချို့ ချစ်သူအမျိုးသားအပေါ် ယုံကြည် မှုလွန်ကဲမိခြင်းနှင့် နည်းပညာကို တလွဲအသုံးချသော အမျိုးသား အချို့၏ လုပ်ရပ်ကြောင့် သက် ဆိုင်သူနှစ်ဦးသာ သိထားသည့် လျှို့ဝှက်အပ်သော နေထိုင်မှုပုံစံ များသည် Online စာမျက်နှာများ ပေါ်သို့ ဓာတ်ပုံများ၊ ရုပ်သံဖိုင် များအဖြစ် ရောက်လာသည့် ဖြစ် စဉ်များရှိလာသည်။

ထိုဖြစ်စဉ်များ၏နောက်တွင် ပတ်ဝန်းကျင် အသိုင်းအဝိုင်း၏ အထင်သေးရှုတ်ချမှုကို ရင်ဆိုင် ရပြီး သက်ဆိုင်သူမိန်းကလေး ငယ်အချို့ ဘဝတစ်လျှောက်လုံး ဦးတည်ချက်ပျောက်သွားသည့် အပြင် မိသားစုဆွေမျိုး အသိုင်း အဝိုင်းအတွင်း တစ်သက်တာ ခေါင်းမဖော်ဝံ့အောင် လက် မြှောက် အရှုံးပေးလိုက်ရသူများ လည်း ရှိပါသည်။

ရန်ကုန်တိုင်းဒေသကြီးအ တွင်းရှိ မြို့နယ်တစ်ခုတွင် နေထိုင်သော အသက်(၂၁)နှစ်အရွယ် အမျိုးသမီးတစ်ဦးသည် ပြီးခဲ့သည့် ၂၀၁၃ နှစ်ကုန်ပိုင်းက မိဘများ သဘောတူ လက်ထပ်ပေးခဲ့သည့် အမျိုးသားနှင့် အိမ်ထောင်တစ်ခုထူထောင်ခဲ့ပါသည်။ အိမ်ထောင်ကျပြီး သုံးလခန့်အကြာတွင်တော့ ၎င်းနှင့် အခြားအမျိုးသားတစ်ဦး လိင်ဆက်ဆံနေသည့် ဗီဒီယိုဖိုင်တစ်ခု အင်တာနက်စာမျက်နှာပေါ် ပျံ့နှံ့လာခဲ့သည်။ အဆိုပါဖိုင်တွင် ၎င်း၏ နာမည်နှင့် လက်ရှိသုံးနေသည့် ဖုန်းနံပါတ်ပါ ဖော်ပြထားပြီး ပြည့်တန်ဆာအလုပ် လုပ်ကိုင်နေသူဖြစ်ကာ လိုအပ်ပါက ခေါ်ဆိုနိုင်ကြောင်း ရေးသားထားသည်။

နောက်ဆက်တွဲ ရလဒ်က တော့ ကြေကွဲစရာ ကောင်းပါ သည်။ အိမ်ထောင်သည်အမျိုး သားနှင့် ကွာရှင်းပြတ်စဲခဲ့ရသလို ငယ်ငယ်ရွယ်ရွယ်နှင့်ပင် တစ်ခု လပ်ဘဝ ရောက်ခဲ့ရသည်။ ဗီဒီယို ဖိုင်မှာ ၎င်း အသက်(၁၈)နှစ်အ ရွယ် လွန်ခဲ့သည့်လေးနှစ်ခန့်က လက်တွဲခဲ့သည့် ချစ်သူအမျိုးသား က တည်းခိုခန်းတစ်ခုတွင် အတူ နေကြစဉ် အမှတ်တရအဖြစ် သိမ်းဆည်းထားချင်သည်ဆိုသော ကြောင့် ဖုန်းကင်မရာဖြင့် ရိုက်ခွင့်ပြုခဲ့ခြင်းဖြစ်ပြီး ၎င်းအိမ်ထောင် ကျပြီးနောက် အင်တာနက်ပေါ်သို့ အတင်ခံလိုက်ရခြင်းဖြစ်ကြောင်း ကာယကံရှင် အမျိုးသမီးကိုယ် တိုင် ရဲစခန်းသို့ တိုင်ကြားခဲ့သည်။

ချစ်သူကို ယုံကြည်မှုလွန်ကဲ မိရာက မှားယွင်းခဲ့သည့် လွန်ခဲ့ သော လေးနှစ်ခန့်က ဖြစ်စဉ်တစ် ခုကြောင့် ကာယကံရှင်အမျိုးသမီးမှာ ဂုဏ်သိက္ခာပိုင်းအရ နေထိုင် ရာ ပတ်ဝန်းကျင်တွင် ရပ်တည်၍ မရတော့အောင် ရင်ဆိုင်ခဲ့ရသော်လည်း ကျူးလွန်သူအမျိုးသားကိုမူ ရဲတပ်ဖွဲ့က ဖမ်းဆီး၍မရခဲ့ပါ။ အဆိုပါအမှုမှာ တည်ဆဲဥပဒေများအရ ရဲအရေးမပိုင်သည့် အမှုဖြစ်နေခြင်းကြောင့် တရားရုံးသို့ သာ ဦးတိုက်လျှောက်ထားခဲ့ရ သည်။ ၎င်းအား ညစ်ညမ်းသောပုံများ ဖြန့်ဝေသည့် ဥပဒေပုဒ်မ ၂၉၂(က)နှင့် အသရေဖျက်မှု ဥပဒေပုဒ်မ ၅၀၀ ဖြင့်သာ တရားစွဲဆိုခဲ့သည်။ အမျိုးသမီးငယ်တစ်ဦး ဂုဏ်သိက္ခာနှင့် ဘဝကစဥ့်ကလျားဖြစ်စေသည်အထိ ကျူးလွန်ခဲ့သူ၏ ပြစ်ဒဏ်မှာ ဤမျှလောက်နှင့် ထိုက်တန်မှုမရှိကြောင်း တရားလွှတ်တော်ရှေ့နေ ဦးမြင့်အေးက ပြောသည်။

‘‘ဒီလိုအမှုတွေက လက်ရှိ ရောက်နေတဲ့ ခေတ်အခြေအနေ နဲ့ ဆိုင်တယ်။ အင်္ဂလိပ်အစိုးရ လက်ထက်ကဆွဲခဲ့တဲ့ တချို့ဥပဒေတွေက ဒီဘက်ခေတ်မှာ သိပ်အံမဝင်တာတွေရှိတယ်။ တချို့နေရာတွေမှာ ပြစ်မှုကျူးလွန်သူကို အကာအကွယ်ပေးထားသလို ဖြစ်နေတယ်’’ဟု ဦးမြင့်အေးက လက်ရှိ တည်ဆဲဥပဒေအချို့အပေါ် ထောက်ပြဝေဖန်သည်။

အဆိုပါမှုခင်းမျိုးကို ဆိုက် ဘာပြစ်မှု (Cyber Crime)အဖြစ် ရဲတပ်ဖွဲ့က သတ်မှတ်ပြီး လက်ရှိ ပြည်တွင်း၌ အဆိုပါမှုခင်းမျိုး အ များအပြား ဖြစ်ပွားနေသည်ကို သိရှိသော်လည်း အကြောင်းအမျိုး မျိုးဖြင့် ရဲတပ်ဖွဲ့သို့ လာရောက် တိုင်ကြားမှု အလွန်နည်းနေ ကြောင်း မြန်မာနိုင်ငံရဲတပ်ဖွဲ့ဌာန ချုပ် ရဲမှူးချုပ်ဝင်းခေါင်က ရန် ကုန်မြို့ရှိ ကုန်သည်ကြီးများနှင့် စက်မှုလက်မှုလုပ်ငန်းရှင်များအ သင်းချုပ် (UMFCCI)တွင် ပြုလုပ် သည့် သတင်းစာရှင်းလင်းပွဲ၌ ပြောခဲ့သည်။

လူတိုင်းသိခဲ့ပြီး သတင်းစာ စာမျက်နှာများပေါ်အထိ ရောက် ခဲ့သည့် အနုပညာရှင်အချို့နှင့် တက္ကသိုလ်ကျောင်းသူ၊ ကျောင်း သားအချို့၏ ဗီဒီယိုဖိုင်များတွင်လည်း ပြစ်မှုကျူးလွန်သူကို ဖော်ထုတ် အရေးယူနိုင်ခြင်း မရှိခဲ့သော ကြောင့် လက်ရဲဇက်ရဲရှိပြီး နည်း ပညာကို တလွဲအသုံးချမည့်သူ များအား တွန်းအားပေးသလိုဖြစ်ခဲ့ သည်။ ကာယကံရှင်မိသားစုများ မှာ နေရပ်ကို စွန့်ခွာတိမ်းရှောင် သွားရသည်အထိ သက်ရောက်မှု ကြီးမားခဲ့သော်လည်း အချို့စီးပွား ရေးသမားများမှာ အင်တာနက်ပေါ် ပျံ့နှံ့ခဲ့သည့် ရုပ်/သံဖိုင်များကို ကူးယူ၍ ဗီဒီယိုခွေအဖြစ် ရောင်းဝယ်ဖြန့်ကားပြီး စီးပွားဖြစ်ခဲ့ကြပါသည်။

‘‘အဓိကကတော့ ကိုယ့်ချစ် သူဖြစ်စေ၊ ကိုယ့်အမျိုးသားပဲဖြစ် စေ အဲဒီလိုကိစ္စတွေမှာ ယုံကြည်မှု မလွန်ကဲဖို့လိုတယ်။ ချစ်သူကို ချစ်တိုင်း အလိုမလိုက်သင့်ဘူး။ တစ်နေ့မှာ ကိုယ့်ရှူးကိုယ်ပတ်ပြီး ဒုက္ခရောက်နိုင်တယ်’’ဟု အမျိုး သမီးအရေး ဆောင်ရွက်သူ ရန်ကုန် နိုင်ငံရေးသင်တန်းကျောင်းမှ ဒေါ်ဇင်မာအောင်က ပြောပါသည်။

ထို့အပြင် နှစ်ဦးတည်းသာ သိသင့်သည့် လျှို့ဝှက်အပ်သော အတွင်းရေးကိစ္စကို အများပြည်သူထံ ဖွင့်ချပြသူကို ထိထိရောက် ရောက် အရေးယူသင့်ပြီး လက်ရှိ အနေအထားများအရလည်း အ မျိုးသမီးများ၏ အခွင့်အရေးအ တွက် အကာအကွယ်ပေးသည့် ဥပဒေမှာ အားနည်းချက်များရှိနေ ကြောင်း ၎င်းကသုံးသပ်သည်။

‘‘မြန်မာ့ဆိုရိုးစကားလည်းရှိ နေပါတယ်။ ကိုယ်ကကျူးရင် ကိုယ့်ဒူးတောင် မယုံရဘူးဆိုတာ မျိုးလေ။ ဒါကြောင့် မိန်းကလေး တွေအနေနဲ့ ထိန်းထိန်းသိမ်းသိမ်း နေတတ်ဖို့လိုတယ်။ မဟုတ်ရင် တော့ တစ်ဘဝစာ နောင်တရ သွားရလိမ့်မယ်’’ဟု ရန်ကုန်တိုင်း ဒေသကြီးလွှတ်တော် ကိုယ်စား လှယ် ဒေါက်တာဒေါ်ညိုညိုသင်း က သတိပေးပါသည်။

အင်တာနက်စာမျက်နှာများ တွင် ပျံ့နှံ့နေသည့် ဗီဒီယိုဖိုင်နှင့် ဓာတ်ပုံအများစုမှာ ဖုန်းကင်မရာ ဖြင့် အများဆုံးရိုက်ကူးထားပြီး ဖုန်းအသုံးပြုသူ သန်းနှင့်ချီ၍ ရှိ နေချိန်တွင် ရဲတပ်ဖွဲ့သို့ တိုင်သည့် Cyber မှုခင်းမှာ ခြောက်မှုသာရှိ ကြောင်း ပြည်ထဲရေးဌာနမှ သ တင်းထုတ်ပြန်ခဲ့သည်။ ထိုသို့ ဖြစ် ခြင်းမှာ ကာယကံရှင်အများစု သည် ရာဇဝတ်မှုမြောက်ကြောင်း နားမလည်သောကြောင့် အမှုမ ဖွင့်ခြင်းဖြစ်ကြောင်း ရဲမှူးချုပ်ဝင်း ခေါင်က ပြောသည်။

ထို့အပြင် ဥပဒေအရ အသိ ပညာအားနည်းခြင်းအပြင် ဆိုက် ဘာမှုခင်းများနှင့် ပတ်သက်၍ ရဲ တပ်ဖွဲ့သို့ တိုင်ကြားပါက ဖြေရှင်းရန် ခက်ခဲနိုင်ပြီး နည်းပညာသဘောတရား နားမလည်ခြင်းများက ရဲတပ်ဖွဲ့သို့ မတိုင်ကြားခြင်း၏ အခြေခံအချက်များ ဖြစ်ကြောင်း ၎င်းက သုံးသပ်ပြော ကြားခဲ့သည်။

လူ့အဖွဲ့အစည်းအတွင်း ထို ကဲ့သို့ ဖြစ်စဉ်များပေါ်ပေါက်လာ ပါက ယဉ်ကျေးမှုစံနှုန်းများအရ လူသိမခံချင်ကြသောကြောင့် ကာယကံရှင်များက ရဲတပ်ဖွဲ့သို့ မ တိုင်ကြားခြင်းမှာ လူမိုက်အားပေး သလိုဖြစ်နေကြောင်း အထက် တန်းရှေ့နေ ဦးခင်ဇော် (မရမ်း ကုန်း)က ပြောသည်။ ထို့အပြင် အဆိုပါအမှုမျိုးအား ဥပဒေပညာ ကျွမ်းကျင်သူများနှင့် တိုင်ပင်ကာ ထိထိမိမိတိုင်ကြားသင့်ကြောင်း ၎င်းက အကြံပေးသည်။

‘‘မြန်မာနိုင်ငံမှာ Cyber Crime Law မထွက်သေးပေမယ့် အဲဒီလိုမှုခင်းတွေမှာ ထိထိရောက် ရောက် တိုင်လို့ရတဲ့ အခြေအနေ တွေရှိပါတယ်။ ပြည်ထဲရေးက အရာရှိတွေ ပါဝင်ဖွဲ့စည်းထားတဲ့ အီလက်ထရွန်နစ် ဆက်သွယ် ဆောင်ရွက်ရေး ကြီးကြပ်မှုအဖွဲ့ ဆီမှာ တရားစွဲဆိုခွင့်တောင်းပြီး အမှုဖွင့်လို့ရတယ်။ ဒါကို နားလည်ဖို့လိုတယ်’’ဟု ဦးခင်ဇော်(မရမ်း ကုန်း)က ပြောသည်။

အီလက်ထရွန်နစ် ဆက် သွယ်ဆောင်ရွက်ရေး ကြီးကြပ်မှု အဖွဲ့သည် ဆက်သွယ်ရေး၊ စာ တိုက်နှင့် ကြေးနန်းဝန်ကြီးဌာနမှ ဝန်ကြီးက ဥက္ကဋ္ဌအဖြစ် တာဝန် ယူထားကာ ပြည်ထဲရေးဝန်ကြီး ဌာန အရာရှိများအပါအဝင် နည်းပညာကျွမ်းကျင်သည့် ပညာရပ်ဆိုင်ရာ ကျွမ်းကျင်သူများဖြင့် ဖွဲ့စည်းထားပြီး ၂၀၀၄ ခုနှစ်က ပြဋ္ဌာန်းခဲ့သည့် အ်ီလက်ထရွန်နစ် ဆက်သွယ်ဆောင်ရွက်ရေး ဥပ ဒေဖြင့် အမှုဖွင့်စစ်ဆေးပေးနေ ကြောင်း မြန်မာနိုင်ငံရဲတပ်ဖွဲ့ဌာန ချုပ် မှုခင်းရဲတပ်ဖွဲ့မှ ဒုရဲမှူးကြီး ဝင်းစိန်က ပြောသည်။

သို့သော် အီလက်ထရွန်နစ် ဆက်သွယ်ဆောင်ရွက်ရေး ကြီး ကြပ်မှုအဖွဲ့မှ တရားစွဲဆိုခွင့်ပြုရန် စိစစ်ရာတွင် ခွင့်ပြုချက်ရရန် အ ချိန်ပေးရခြင်းနှင့် ယခုကဲ့သို့ တိုင် ကြား၍ ရသည်ကို လူအများစု မသိကြခြင်းသည် ရဲတပ်ဖွဲ့သို့ Cy-ber မှုခင်းများ မတိုင်ကြားကြခြင်း ၏ အဓိကအကြောင်းရင်း ဖြစ်နေ ပါသည်။ ဥပမာဆိုရလျှင် ရဲတပ် ဖွဲ့သို့ တိုင်ခဲ့သည့် Cyber မှုခင်း အချို့အနက် ၂၀၁၂ ခုနှစ်က ရန်ကင်းမြို့တွင် ဖြစ်ခဲ့သည့်အမှုမှာ အီလက်ထရွန်နစ် ဆက်သွယ် ဆောင်ရွက်ရေး ကြီးကြပ်မှုအဖွဲ့သို့ တရားစွဲဆိုခွင့် တင်ပြထားသော်လည်း ယခုအချိန်ထိ ခွင့်ပြုချက်မကျသေးကြောင်း ယင်းအမှုနှင့် နီးစပ်သည့် ရဲအရာရှိကြီးတစ်ဦးက ပြောပြသည်။

မည်သို့ပင်ဖြစ်စေ နည်း ပညာကို တလွဲအသုံးချသူတို့၏ သားကောင်များဖြစ်ခဲ့ရသည့် မိန်း မသားအများစုကတော့ ဥပဒေ၏ အကာအကွယ်ကိုမရရှိဟု ယုံ ကြည်နေကြပါသည်။ အင်တာ နက်စာမျက်နှာများပေါ်တွင် လက်ရှိ ရှိနေသည့် ညစ်ညမ်းဝက်ဘ် ဆိုက်များတွင်လည်း မသမာသူ တို့က နည်းအမျိုးမျိုးဖြင့် ရိုက်ကူး ထားသည့် မြန်မာအမျိုးသမီးအ ချို့၏ ဗီဒီယိုဖိုင်များ၊ ဓာတ်ပုံများ အလွယ်တကူရှာဖွေကြည့်ရှုနိုင် နေသည်။ နာမည်မျိုးစုံဖြင့် အသုံး ပြုနေသည့် ညစ်ညမ်းဝက်ဘ် ဆိုက်များစွာ ရှိနေသည်။ ညစ် ညမ်းဝက်ဘ်ဆိုက်အချို့ဆိုလျှင် အစိုးရနှင့် ပုဂ္ဂလိကဝန်ထမ်း ဝတ် စုံဝတ်ထားသည့် အမျိုးသမီးဓာတ် ပုံများ တင်ထားပြီး လုပ်ဖော်ကိုင် ဖက်အချင်းချင်း ဖုန်းကင်မရာဖြင့် မသိအောင်ရိုက်၍ အင်တာနက် ပေါ် တင်နေခြင်းဖြစ်ကြောင်း လမ်းမတော်မြို့နယ်တွင် အင်တာနက် ဆိုင်ဖွင့်ထားသူ ကိုလူမော်က ပြောသည်။

အဆိုပါ ညစ်ညမ်းဝက်ဘ် ဆိုက်များတွင် အတင်ခံထားရ သည့် မိန်းကလေးအချို့ဆိုလျှင် ဂုဏ်သိက္ခာရှိသော အသိုင်းအ ဝိုင်းမှ ပါဝင်နေပြီး ၎င်းတို့၏ ဖုန်း နံပါတ်များကိုပါ မသမာသူတို့က တင်ထားသည့်အတွက် ၎င်း၏ ဖုန်းနံပါတ်ကိုခေါ်၍ ၎င်းတို့နှင့် ပျော်ပါးရန် အမျိုးသားအချို့က ခေါ်ခြင်းကို ရင်ဆိုင်ခဲ့ဖူးကြောင်း မြောက်ဒဂုံမြို့နယ်မှ အသက်(၃၃)နှစ်အရွယ် အမျိုးသမီးတစ်ဦးက ပြောသည်။

‘‘ကျွန်မမှာ အမျိုးသားလည်း ရှိတယ်။ ကလေးနှစ်ယောက် လည်းရှိတယ်။ ဆရာဝန်အသိုင်း အဝိုင်း မိသားစုဝင်တစ်ယောက် ပါ။ ကျွန်မဖုန်းကို မကြာခဏခေါ် ပြီး မကြားဝံ့မနာသာတွေ ပြော တော့ ဖုန်းကို ပိတ်ထားရတယ်။ နောက်ပိုင်းတော့ ပြောနေကျ မိတ်ဆွေတွေကလွဲလို့ ဖုန်းနံပါတ်အ သစ်ဆိုရင် ကိုင်ကိုမကိုင်တော့ တာ။ ဒီလိုဖြစ်စဉ်ကျတော့ ရဲကို ဘယ်လိုတိုင်လို့ သူတို့က ဘယ်လို အရေးယူပေးမှာလဲ’’ဟု ၎င်းက သူ၏အတွေ့အကြုံကို ပြောသည်။

များမကြာမီအချိန်တွင် အ မျိုးသားနှင့် အမျိုးသမီးလူငယ်ထု အကြား စိတ်ရှိတိုင်းပျော်ကြမည့် သင်္ကြန်ပွဲတော် လာပါတော့မည်။ မြန်မာ့ရိုးရာရေသင်္ကြန်ပွဲတော်ဟု ညွှန်းဆိုရန် မရနိုင်တော့အောင် ဝတ်စားဆင်ယင်မှု ပုံရိပ်များ ကြမ်းတမ်းနေသည့် ယင်းပွဲတော်တွင် နည်းပညာကို အသုံးချကာ ညစ် ညမ်းရုပ်ပုံများ အင်တာနက်စာ မျက်နှာပေါ် တင်မည့်သူများ သား ကောင်ကို ရှာဖွေနေမည်မှာ သေ ချာနေပါသည်။ လာမည့်နှစ်သစ် ၏ အင်တာနက်စာမျက်နှာပေါ် တွင် အမျိုးကောင်းသမီးတစ်ဦး ညစ်ညမ်းဝက်ဘ်ဆိုက်များ၏ သားကောင်မဖြစ်စေရန် ကာယ ကံရှင်နှင့် လူ့အဖွဲ့အစည်းကပါ ထိန်းကျောင်းပေးရန် တာဝန်ရှိနေ ပါသည်။။

Author: အောင်သစ်လွင်
7Day Daily

ဆက်ဖတ်ရန်>>>>

မင်းလှခံတပ်က ၀ိညာဉ်များ နားခိုရာ

မင်းလှခံတပ်အား ဖေဖော်ဝါရီလအတွင်းက တွေ့ရစဉ်။ အောင်ဌေးလှိုင်/မြန်မာတိုင်း(မ်)

အချိန်ကား ခရစ်သက္ကရစ် ၁၈၈၅ ခုနှစ်၊ နိုဝင်ဘာလ ၁၇ ရက်နေ့။ နေရာကား ဧရာဝတီမြစ်
ဖြတ် သန်း စီးဆင်းနေသည့် မြန်မာနိုင်ငံအလယ်ပိုင်း မင်းလှအရပ်။ မြန်မာဘုရင်၏ ဒေါင်းအလံ
တလူလူလွင့်နေသည့် မင်းလှခံတပ်ကြီးကား တိတ်ဆိတ်စွာ။ စစ်သည်ရဲမက်တို့ ရဲစိတ်ရဲမာန်
တက်ကြွလျက်၊ တိုင်းတစ်ပါးနယ်ချဲ့ရန်ကို လက်တုံ့မနှေး ခုံခံတိုက်ခိုက်ရန် ခွန်အားဖြည့်တင်းလျက်
ရှိကြသည်။

မကြာမီအချိန်တွင် မင်းလှခံတပ်တစ်ဝိုက် အမြောက်သံ၊ မီးပေါက်သေနတ်သံ၊ ဓား၊ လှံ တို့ဖြင့်
ထိုးခုတ်တိုက်ခိုက်နေသံတို့ ဘ၀ဂ်ညံလျက်ရှိတော့သည်။ တတိယ အင်္ဂလိပ်ျွမြန်မာစစ်ပွဲအတွင်း
အပြင်းထန်ဆုံးတိုက်ပွဲဖြစ်ပွားခဲ့ရာ မင်းလှခံတပ်ကို စိတ်ကူးဖြင့် ပုံဖော်ကြည့်မိခြင်းဖြစ်သည်။
ညနေခင်း အလင်းရောင်အောက်တွင် ငြိမ်သက် အေးချမ်းနေသည့် မင်းလှခံတပ်နှင့်
ဧရာဝတီမြစ်ပြင်သည် အတိတ်သမိုင်းကြောင်းကို မေ့ဖျောက်ထားအံ့ မထင်။
မင်းလှခံတပ်တိုက်ပွဲတွင် ကျဆုံးခဲ့ကြသည့် သူရဲကောင်း စစ်သည်ရဲမက်တို့၏ ၀ိညာဉ်သည်
အနီးအနားတစ်ဝိုက် ခိုနားလျက်ရှိမည်။

မင်းလှခံတပ်အုတ်ရိုးပေါ်က သွေးစက်များ ခြောက်သွေ့သွားလင့်ကစား စစ်သည်ရဲမက်တို့၏
အားမာန်အပြည့် တိုက်ပွဲ ခေါ်သံများသည် ခံတပ်နံရံများတွင် စွဲဝင်လျက် ရှိပေမည်။
အင်္ဂလိပ် - မြန်မာ တတိယစစ်ပွဲအကြောင်း ပြန်ပြောင်းသတိရစေမည့် မင်းလှခံတပ်သည်ကား
ဧရာဝတီမြစ် အနောက်ဘက်ကမ်း မင်းလှမြို့၌ တည်ရှိလေသည်။
အင်္ဂလိပ်တို့အား ရွပ်ရွပ်ချွံချွံ ခုခံတိုက်ခိုက်ခဲ့သည့် သမိုင်းပြယုဂ် တစ်ခုလည်းဖြစ်သည့် မင်းလှခံတပ်
သည် မူလ အရွယ်အစားအတိုင်း မပျက်မယွင်းရှိနေသည်တော့ မဟုတ်ပေ။ ယနေ့အချိန်တွင်
တိုက်ပွဲ၏ ဒဏ်ရာဒဏ်ချက်များကြောင့် မဟုတ်ပါဘဲ မင်းလှခံတပ်ကြီးက တစ်ပိုင်းတစ်စပြိုပျက်
နေခဲ့ပြီဖြစ်သည်။

ခံတပ်၏ အတွင်းဘက်နံရံများနှင့် အခြား မျက်နှာစာများသည် ကောင်းမွန်သည့်အနေအထား
ရှိသော်လည်း မြစ်ဘက်ခြမ်းရှိ ခံတပ် မျက်နှာစာမူကား ယိုယွင်းလျက်ရှိပြီဖြစ်သည်။
အပိုင်းပိုင်း အစစပြိုကျထားသော အုတ်ရိုးများသည် မြစ်ကမ်းပါးတစ်လျှောက် တွဲလောင်းကျလျက်၊
အချို့အုတ်ရိုး အပိုင်းအစများသည် မြစ်တွင်းသို့ ထိုးကျလျက်ရှိသည်။
ဧရာဝတီမြစ်ကို မျက်နှာမူလျက်ရှိသည့် ခံတပ်မျက်နှာစာသည် အုတ်ရိုးပုံဟောင်း တစ်ခုနှယ်
ရုပ်ဆင်းအင်္ဂါ ပျက်စီးနေပြီဖြစ်သည်။

"အရင်တုန်းကတော့ ခံတပ်က မြစ်ကမ်းကနေ သုံးလေးငါးဖာလုံလောက် ဝေးတယ်။ တဖြည်းဖြည်း
ကမ်းပါးပြိုပြီး ခုမြင်ရတဲ့အတိုင်း ခံတပ်ခြေအထိ မြစ်ကမ်းပါးရောက်လာတာပဲ။ ခံတပ်ရဲ့ သုံးပုံ
တစ်ပုံလောက်က ပြိုကျထားပြီ"ဟု မင်းလှမြို့ခံတစ်ဦးဖြစ်သူ စာရေးဆရာ တောသားကြီး
လူနိုင်တစ်ဖြစ်လဲ အဘဦးချစ်လွင်က ဆိုသည်။
မင်းလှခံတပ်ကို ၁၈၆၀ - ၆၁ ခုနှစ်တွင် ပြင်သစ်နှင့် အီတာလျံအင်ဂျင်နီယာများ အကူအညီဖြင့်
နိုင်ငံခြားပညာတော်သင် မြန်မာအင်ဂျင်နီယာလူငယ်များ ပူးပေါင်းတည်ဆောက်ခဲ့ခြင်းဖြစ်သည်။
ခံတပ်တည်ဆောက်သည့်နှစ်အား မြန်မာသက္ကရာဇ်အားဖြင့် 'အချောင်ကြံစည် ခံတည်တည်' ဟု
အလွယ်မှတ်သားခဲ့ကြသည်။

ခံတပ်အလျားမှာ အရှေ့အနောက် ၁၈၄ ပေ၊ တောင်မြောက် ၁၇၁ ပေနှင့် အမြင့် ၂၆ ပေရှိပြီး၊
မြေသားနှင့် အုတ်ရိုးထုထည်ဖြင့် တည်ဆောက်ထားသည်။
ခံတပ်အောက်ပိုင်းတွင် စစ်သည်များနေထိုင်ရန်နှင့် ရိက္ခာများသိုလှောင်ရန် အခန်းပေါင်း ၂၁ ခန်း
ပါရှိသည်။
၁၈၈၅ ခုနှစ်တွင် ဖြစ်ပွားခဲ့သည့် မင်းလှခံတပ်တိုက်ပွဲတွင် မြန်မာဘက်မှ မင်းထင်မင်းလှ
ရဲခေါင်သူရိန်နှင့် တပ်သား ၅၀၀ ကျော်တို့က အမြောက်ကြီး ၃၅ လက်၊ ဓား၊ သေနတ်၊ မီးပေါက်
တို့ဖြင့် ခုခံတိုက်ခိုက်ခဲ့သည်ဟု မင်းလှခံတပ်မှတ်တမ်း ကျောက်စာတိုင်တွင် ဖော်ပြထားသည်။

မင်းလှခံတပ်တိုက်ပွဲ မှတ်တမ်းတင် ဓာတ်ပုံ။

စတုရန်းပုံ တည်ဆောက်ထားသည့် မင်းလှခံ တပ်အတွင်းပိုင်းတွင် မြေကွက်လပ်ကျယ်ရှိသည်။
မြေကွက်လပ် တစ်ဖက်တစ်ချက်စီတွင် ခံတပ်ပေါ်တက်ရောက်ရန် အုတ်လှေကားတစ်ခုစီ
ရှိလေသည်။

အုတ်ရိုးလှေကားသည် အနည်းငယ်ခြေလှမ်းစိပ်သယောင်ရှိသည်။ လွန်ခဲ့သောနှစ်ပေါင်း ၁၀၀ ကျော်အချိန်က အင်္ဂလိပ် အမြောက်ဆန်များ အဆက်မပြတ်ကျရောက်ေ ပါက်ကွဲနေချိန်တွင် မြန်မာစစ်သည်ရဲမက်တို့ ဤလှေကားထစ်များအတိုင်း တက်ကာ ဆင်းကာရှိကြပေလိမ့်မည်။

မြန်မာစစ်သည် ရဲမက်တို့ ပြေးလွှားခြေချခဲ့ရာ ခံတပ်အုတ်ရိုးများပေါ် ခပ်ဖွဖွလမ်းလျှောက်ရင်း
ဧရာဝတီမြစ်ပြင်ကို လှမ်းမျှော်ကြည့်မိသည်။

တပို့တွဲလဆန်းမို့ ဆောင်းလည်းမပီ နွေလည်းမမည်သော ရာသီဥတုရပ်ဝန်းနှင့်အတူ ဧရာဝတီမြစ်
ရေသည် ကြည်လင်အေးမြစွာ။ ရေလယ်တွင် ကျောက်ချ ရပ်နားထားသည့် သင်္ဘောသည်
ငြိမ်သက်လျက်၊ မြစ်ကမ်းနှင့် မနီးမဝေး ရေပြင်ထက်တွင် တံငါလှေ အချို့မျောလျက်၊ ငါးဖမ်းပိုက်
ချပြီးသောအချိန် ကိုတံငါတို့အေးဆေးစွာ စကားဖောင်ဖွဲ့ နေကြသည်။

မြစ်တစ်ဖက်ကမ်းတွင် သောင်ပြင်ဖြူနှင့် စိမ်းမြမြ ကိုင်းတောစပ်ကိုလှမ်းမြင် နိုင်သည်။
မြူမှုန်မှုန်နေ့ခင်း အလင်းရောင်အောက်တွင် မြစ်တစ်ဖက်ကမ်း တောင်ကုန်းပေါ်က ဂွေးချောင်း
ခံတပ်ဆိုင်းဘုတ်ကို မသဲမကွဲ လှမ်းမြင်ရသည်။

မင်းလှခံတပ်နှင့် ဓားလွယ်ခုတ်အနေအထားတွင် ဂွေးချောင်းခံတပ်ကို တည်ဆောက်ထားခြင်း
ဖြစ်သည်။

ဧရာဝတီမြစ်ကြောင်းအတိုင်း ဆန်တက်လာမည့် အင်္ဂလိပ်စစ်သင်္ဘောများကို အပေါ်စီးမှ
ခုခံတိုက်ခိုက်ရန်အလို့ငှာ မင်းလှခံတပ်နှင့် ဂွေးချောင်းခံတပ်တို့ကို တစ်ချိန်တည်း တည်ဆောက်ခဲ့
ခြင်းဖြစ်သည်။

မြစ်တစ်ဖက်တစ်ချက်ရှိ ခံတပ်များမှနေ၍ နယ်ချဲ့အင်္ဂလိပ်များကို ခုခံတိုက်ခိုက်ရန် မြန်မာဘက်မှ
ရည်ရွယ်ခဲ့သော်လည်း အင်္ဂလိပ်စစ်တပ်များသည် စစ်သင်္ဘောများနှင့်သာမက ကမ်းတက်တပ်ဖွဲ့
များနှင့်ပါ စစ်မျက်နှာဖွင့်၍ ၀ိုင်းဝန်းတိုက် ခိုက်ခဲ့ကြလေသည်။
အင်္ဂလိပ်တို့သည် ဂွေးချောင်းခံတပ်ကို အလွယ်တကူ ရရှိခဲ့သော်လည်း မင်းလှခံတပ်ကိုကား
ခက်ခဲပင်ပန်းစွာ တိုက်ခဲ့ရသည်ဟု သမိုင်းမှတ်တမ်းများက ဆိုသည်။
မြန်မာဘက်မှ အပြင်းအထန် ခုခံတိုက်ခိုက်ခဲ့သည့်အတွက် မင်းလှခံတပ်တိုက်ပွဲသည် တတိယ
အင်္ဂလိပ် - မြန်မာစစ်ပွဲတွင် အပြင်းထန်ဆုံးတိုက်ပွဲဖြစ်သည်ဟု အိန္ဒိယအခြေစိုက် အင်္ဂလိပ်
စစ်ဌာနချုပ်ကပြုစုခဲ့သော 'နယ်စပ်နှင့် ပင်လယ်ရပ်ခြား စစ်ဆင်းရေးများ' ဆိုသည့် စစ်သမိုင်း
မှတ်တမ်းစာအုပ်တွင် ဖော်ပြထားသည်။

မင်းလှခံတပ်တိုက်ပွဲတွင် အင်္ဂလိပ်ဘက်မှ ကျဆုံး ရှစ်ယောက်၊ ဒဏ်ရာရ ၂၃ ယောက်နှင့်
မြန်မာဘက်မှ ၁၇၀ ကျဆုံးပြီး ၂၇၆ ယောက်ကို စစ်သုံးပန်းအဖြစ် ဖမ်းဆီးနိုင်ခဲ့သည့်အပြင်
အင်္ဂလိပ်တပ်များရောက်ရှိ မလာမီ မြန်မာဘက်မှ ကျဆုံးစစ်သားအလောင်းများကို ဖျောက်ဖျက်ခဲ့
ကြသည်ဟုလည်း ၎င်းသမိုင်းမှတ်တမ်းတွင် ဖော်ပြထားသည်။

မြန်မာ့စွယ်စုံကျမ်းအတွဲ (၉) တွင်လည်း မင်းလှခံတပ်တိုက်ပွဲအတွင်း ရတနာပုံနေပြည်တော်ရှိ
မြန်မာဘုရင့်လွှတ်တော်၏ "အင်္ဂလိပ်ကို ခုခံလျှင် သူပုန်" ဟူသော အမိန့်တော်ကိုပင်
အလေးမမူဘဲ အောက်မြစ်စဉ်ဝန်ကြီးဖြစ်သော ဗိုလ်ချုပ်မင်းကြီး မဟာသမိန်ဘရမ်း
(မင်းလက်ဝါးကြီး)နှင့် မင်းလှခံတပ်ဦးစီး လက်ရွေးကြီး လှေသင်းဗိုလ် မင်းထင်မင်းလှရဲခေါင်တို့က
မြန်မာတပ်များအား အသက်ကို ပဓာနမထားဘဲ ရွပ်ရွပ်ချွံချွံခုံခံတိုက်ခိုက်ရန် အမိန့်ပေးခဲ့သည်ဟု
ဖော်ပြထားလေသည်။

မင်းလှခံတပ်ကို သိမ်းပိုက်နိုင်ရန် အင်္ဂလိပ်စစ်တပ်များသည် မင်းလှအောက်ဘက် မလွန်အရပ်မှ
စတင်ချီ တက်တိုက်ခိုက်ခဲ့ကြသည်။

၁၈၈၅ ခုနှစ်၊ နိုဝင်ဘာလလ ၁၇ ရက်နေ့ နံနက် ၁၀ နာရီအချိန်မှစ၍ တိုက်ပွဲများ အပြင်းအထန်
ဖြစ်ပွားခဲ့ရာ ညနေ ၃ နာရီအချိန်တွင် မင်းလှခံတပ် ကျဆုံးခဲ့သည်ဟု စာရေးဆရာ နတ်မောက်
ဘုန်းကျော်၏ အင်္ဂလိပ် မြန်မာစစ်ပွဲနှင့် မင်းလှခံ တပ်စာအုပ်တွင်လည်း ဖော်ပြထားလေသည်။
မင်းလှခံတပ်တိုက်ပွဲအတွင်း ကျဆုံးခဲ့သည့် အင်္ဂလိပ်စစ်ဗိုလ် ရောဘတ်အက်ရ်ှတန်သီရိုဒေါဂျူရီအား
မင်းလှမြို့တွင် မြှုပ်နှံခဲ့သည်။

မင်းလှမြို့ သမ၀ါယမဌာန၀င်းအတွင်းရှိ သံဆူးကြိုးယိုင်နဲ့နဲ့ဖြင့် ကာရံထားသော အင်္ဂလိပ်စစ်ဗိုလ်၏
အုတ်ဂူအား ယနေ့တိုင်တွေ့မြင်နိုင်သည်။

မင်းလှခံတပ်တိုက်ပွဲ၌ ကျဆုံးခဲ့သည့် အင်္ဂလိပ်စစ်ဗိုလ်၏ အုတ်ဂူအား တွေ့ရစဉ်။ အောင်ဌေးလှိုင်/မြန်မာတိုင်း(မ်)

အုတ်ဂူအား ဖုံးအုပ်ထားသည့် စကျင်ကျောက်ဖြူပြားပေါ်တွင် နှင်းဆီပန်းပွင့်ဖောင်း ကြွများ ထုလုပ်
ထားသည့်အပြင် 'အမှတ် (၁၁) ဘင်္ဂေါတပ်ခြေလျင်တပ်ရင်းတွင် ပါဝင်တိုက်ခိုက်ခဲ့သည့် ဒုဗိုလ်
ဂျူရီအား အောက်မေ့သောအားဖြင့် ၎င်း၏ ရောင်းရင်းအရာရှိများမှ တည်သည်'ဟုလည်း
မှတ်တမ်းရေးထိုးထားလေသည်။
"ဂျူရီအုတ်ဂူဘေးမှာ ရှိတာကတော့ ခရစ်ယာန်ဘာသာဝင်ချင်း စစ်သားတစ်ယောက်ရဲ့ အုတ်ဂူပါ။
နာမည်ဘယ်သူဘယ်ဝါ မသိရဘူး။ ၁၉၆၀ ပြည့်နှစ်လောက်က မြှုပ်ခဲ့တာလို့ သိရတယ်" ဟု
အသက် ၈၆ နှစ်ရှိပြီဖြစ်သည့် အဘဦးချစ်လွင်က ဆိုလေသည်။
အင်္ဂလိပ်စစ် ဗိုလ်၏ အုတ်ဂူအကြောင်း၊ မင်းလှခံတပ်နှင့် အင်္ဂလိပ် - မြန်မာတိုက်ပွဲအကြောင်း
ကြုံဖူးသမျှ၊ မှတ်သားထားသမျှတို့ကို ပြောပြနေသည့် အဘ ဦးချစ်လွင်၏ "ဟိုတလောတုန်းက
ခံတပ်မှာ ကျဆုံးခဲ့တဲ့လူတွေ ကျွတ်လွတ်အောင်ဆိုပြီး သပိတ်သွတ်ပွဲ လုပ်ခဲ့သေးတယ်" ဟူသော
စကားသံနားထောင်ရင်း ဧရာဝတီမြစ်ကမ်းပါးယံ အထက်က မင်းလှခံတပ်ကို မြင်ယောင်မိလေ
သည်။

ဒူးမထောက် လက်မမြှောက်စတမ်း တိုက်ပွဲဝင်ခဲ့ကြသည့် သူရဲကောင်းဝိညာဉ်တို့ ဧရာဝတီမြစ်
ကမ်းပါးတွင် ရှိနေကြလိမ့်မည်။
နှစ်ပေါင်း ၁၀၀ ကျော်သည့်တိုင် မင်းလှခံတပ်က နယ်ချဲ့စစ်ပွဲအကြောင်း ပြောပြခဲ့ပြီးဖြစ်သည်။
နီရဲရဲ အုတ်ရိုးပုံဟောင်းတစ်ခုသာ မဟုတ်သည့် မင်းလှခံတပ်က ၀ိညာဉ်များ နားခိုရာသည်ကား...။

မြန်မာတိုင်း(မ်)

ဆက်ဖတ်ရန်>>>>

အမေရိကန်နိုင်ငံမှာ အထက်တန်းကျောင်းသားတဦး ဓားဖြင့်ရမ်းကားမှုကြောင့် ၂၂ ဦး ဒဏ်ရာရ

အမေရိကန်နိုင်ငံ ပင်ဆေးဗေးနီးယားပြည်နယ်က အထက်တန်းကျောင်းတကျောင်းမှာ ဧပြီ ၉ ရက်နေ့မနက် က အထက်တန်းကျောင်းသားတဦး ဓား ၂ ချောင်းနဲ့ ရမ်းကားခဲ့လို့ ကျောင်းသား အနည်းဆုံး ၂၂ ဦး ထိခိုက်ဒဏ်ရ ရရှိခဲ့ကြပါတယ်။

ဒဏ်ရာရသူကျောင်းသားတွေကို နီးစပ်ရာဆေးရုံမှာ ကုသထားပြီး ကျောင်းသား တ၀က်လောက်ဟာ ဒဏ်ရာပြင်းထန်တယ်လို့ ဆိုပါတယ်။

Police tape is seen outside Franklin Regional High School after a series of knife attacks in Murrysvilleဓားနဲ့ ရမ်းခဲ့သူဟာ ၁၆ နှစ်အရွယ်ရှိ အထက်တန်းကျောင်းသာ အဲလက်စ် ဟာရီဘယ်လ်ဖြစ်ပြီး ရမ်းကားမှုအပြီးမှာပဲ ပင်ဆေးဗေးနီးယားရဲက ဖမ်းဆီးခဲ့ပါတယ်။

အဲလက်စ် ဟာ အသက် ၁၆ နှစ်ပဲရှိပေမယ့် လူကြီးတဦးလိုပဲ သူ့ကို စွဲချက်တင်မှာဖြစ်ပြီး လူသတ်ဖို့ ကြံစည်ကြိုးစားမှု ၄ မှုနဲ့ တိုက်ခိုက်ရမ်းကားမှု ၂၁ မှုအတွက် စွဲချက်တင်ခံရမယ်လို့ ဆိုပါတယ်။

ဧပြီ ၉ ရက်နေ့ မနက်မှာ အဲလက်စ်ကျောင်းထဲကို ၀င်လာပြီး မနက် ၇ ကျော်မှာ ကျောင်းဟောခန်းထဲမှာ တွေ့တဲ့ကျောင်းသားတွေကို ဓားနဲ့ ထိုး၊ ဓားနဲ့ခုတ်ခဲ့တာလို့ မျက်မြင်ကျောင်းသားတွေက ပြောပါတယ်။

ဒုကျောင်းအုပ်က ဆန်ကင်း က ရမ်းကားသူ အဲလက်စ်ကို ဟန့်တားချုပ်နှောင်နိုင်ခဲ့ပြီး ချီးကျူးလေး စားဖွယ် လုပ်ရပ် ဖြစ်တယ်လို့ ပင်ဆေးဗေးနီးယားပြည်နယ်ရဲအရာရှိ တွန်ဆီးဖီးလ်က ပြောဆိုခဲ့ပြီး အမှုကို ၁ ပတ်နဲ့ ၁၀ ရက်အတွင်းမှာ စတင်ကြားနာမယ်လို့ ဆိုပါတယ်။

By ဒီဗွီဘီ

ဆက်ဖတ်ရန်>>>>

ကေအိုင်အေမှ စစ်သားစုဆောင်းသည်ဆိုပြီး အမျိုးသမီး တစ်ဦးကို လိမ်ခေါ်မုဒိမ်းကျင့်သူ လေးဦးအနက် နှစ်ဦးဖမ်းမိ

ကေအိုင်အေမှ စစ်သားစုဆောင်းသည် ဟုဆိုကာ ၀ိုင်းမော်မြို့နယ် အောင်မြေ(၁) ကျေးရွာရှိ အိမ်တွင် အိပ်နေသော အမျိုးသမီးကို လယ်ကွင်ထဲသို့ ခေါ်ဆောင်သွားပြီး သားမယားပြုကျင့်ခဲ့သည့် လူငယ်လေး ဦးထဲမှ နှစ်ဦးကို ဖမ်းဆီးရမိပြီဖြစ်ပြီး၊ ကျန်နှစ်ဦးကို ဖမ်းဆီးရမိရန် ဆက်လက်ကြိုးစားနေဆဲဖြစ်ကြောင်း ၀ိုင်းမော်မြို့နယ် ရဲစခန်းမှ သတင်းရရှိသည်။

‘‘တရားခံတွေက ကေအိုင်အေမဟုတ်ပါဘူး’’ဟု ၀ိုင်းမော် မြို့နယ်ရဲစခန်းမှ တာဝန်ရှိသူတစ်ဦးကဆိုသည်။

မတ်လ ၁၉ ရက် ည ၈ နာရီခွဲခန့်တွင် အမျိုးသမီးတစ်ဦးသည် ၎င်း၏ ညီမ၊ ဖခင်နှင့်အတူ အိပ်နေစဉ် အမျိုး သားလေးဦး ရောက်လာကာကချင်ဘာသာစကားဖြင့် အဘွားဟုခေါ်သဖြင့် ဖခင်မှာအိမ် မှ ထွက်ပြီးစ ကားပြောခဲ့ကြောင်း ဖခင်ဖြစ်သူက ဆိုသည်။

ထိုသို့ ဖခင်အိမ်မှ ထွက်လာ စဉ် ထိုလေးဦးက ၎င်းတို့သည် ကေအိုင်အေဖြစ်ကြောင်းနှင့် သမီးနှစ်ဦးရှိ သည့်အနက် တစ်ဦး ထည့်ပေးရန် ပြောဆိုခဲ့ပြီး ဖခင်ကလည်း သမီးကို ထည့်ပေးလိုက်သည်ဟု ဆိုသည်။

ထိုသို့ ထည့်ပေးလိုက်ပြီး နောက် အမျိုးသမီးကို လယ် ကွင်းသို့ ခေါ်ဆောင်သွားပြီး သားမယားအဖြစ် ပြု ကျင့်ပြီးနောက် နံနက် ၂ နာရီခန့်တွင် အိမ်သို့ ပြန်လိုက်ပို့ခဲ့ကြောင်း သတင်းရရှိသည်။

၎င်းတို့ လေးဦးကို ဖမ်းဆီး အရေးယူပေးရန် ဖခင်ဖြစ်သူကမတ်လ ၃၁ ရက်တွင် ရဲစခန်းတွင် မုဒိမ်းမှုဖြင့် အမှုဖွင့်ခဲ့သည်။

ထိုအောင်မြေသစ်ကျေးရွာ တွင် ၂၀၁၂ ခုနှစ်တွင်လည်း စိတ်မနှံ့သူ အမျိုးသမီးတစ်ဦးအား သားမယားအဖြစ် ပြုကျင့်ပြီး သတ်ထားသည့်အမှု ဖြစ်ခဲ့ဖူးသည်။

တရားခံဟု သံသယရှိသူ အသက်(၂၀)အရွယ်အမျိုးသားများကိုဧပြီလ ၆ ရက်တွင် ၀ိုင်းမော်မြို့နယ်ရပ်ကွက် ၃ ရှိ နေအိမ်မှ ဖမ်းဆီးနိုင်ခဲ့ခြင်းဖြစ်ကြောင်း ၀ိုင်း မော်မြို့နယ်ရဲစခန်းမှ စစ်ချက် အရ သတင်းရရှိသည်။

တရားခံဟု သံသယရှိသော ကျန်နှစ်ဦးသည် ထွက်ပြေးတိမ်း ရှောင်နေဆဲဖြစ်ပြီး ၎င်းတို့နှစ်ဦး ဖမ်းဆီးရမိရေးဆောင်ရွက်လျက်ရှိကြောင်း သတင်းရရှိသည်။

Author: မရန်
7Day Daily

ဆက်ဖတ်ရန်>>>>

တက္ကဆီ မောင်းသူကို လိင်ဆက်ဆံခိုင်းပြီး အလိုမပြည့်လို့ ဓါးနဲ့ထိုးခဲ့တဲ့ အမျိုးသမီး

အိန်ဂျလီနာ ဂျိုလီနဲ့ ရုပ်ချင်းဆင်တူပြီး အသက် ၃၁နှစ်ရှိပြီဖြစ်တဲ့ Luminita Perijoc ဆိုသူ ရိုမေးနီးယန်း အမျိုးသမီးကို တက္ကဆီမောင်း သူအား ရန်ပြုတိုက်ခိုက်ခဲ့တဲ့အတွက် ထိန်းသိမ်း ထားခဲ့တဲ့  ဖြစ်ရပ် တစ်ခု  ဖြစ်ပွားခဲ့ပါတယ်။

အဆိုပါအမျိုးသမီးဟာ အသက် ၃၅နှစ်ရှိ တက္ကဆီမောင်းသူ Nicolae Stan နဲ့၂၀၁၂ ခုနှစ်မှာ စတင်တွေ့ရှိခဲ့ခြင်း ဖြစ်ပါတယ်။ သူမဈေးဝယ်ပြန်လာရာကနေ သူမအိမ်ရှိရာ Tulcea မြို့ကို ပြန်ဖို့အတွက် Nicolae ရဲ့ ကားကို ငှားခဲ့ခြင်း ဖြစ်ပါတယ်။ သူမအိမ်ရောက်တဲ့အခါမှာ သူ့ရဲ့ဖုန်းနံပါတ်ကို တောင်းခဲ့ပါတယ်တဲ့။ ဒါကလည်း နောက်တစ်ကြိမ် သူမကားငှားဖို့အတွက်လို့ အကြောင်းပြခဲ့ပါတယ်။

သူ့ဖုန်းနံပါတ်ပေးပြီးနောက် အချိန်အတော်ကြာပြီး သူမက ၀ိုင်ပုလင်းများစွာ သွားယူပြီး သူမထံလာပို့ပေးနိုင်မလားလို့ မေးမြန်းခဲ့ပါတယ်။ ဒါနဲ့ သူသဘောတူပြီး သူမအိမ်ကို သွားပို့ပေးခဲ့ပါတယ်။ အိမ်ရောက်တဲ့အခါမှာတော့ သူ့ကို သူမက ပွေ့ဖက်ပြီး အိမ်ထဲခေါ်ဆောင်ကာ သူမနဲ့ လိင်ဆက်ဆံဖို့ အတင်းအကျပ် စေခိုင်းခဲ့ပါတယ်။

သူငြင်းဆန်တဲ့အခါမှာတော့ သူမက ၁၀ စင်တီမီတာ ပမာဏရှည်တဲ့ ဓါးကို ထုတ်ပြီး အ၀တ်အစားများ ချွှတ်စေခဲ့ပါတယ် လို့ သူက တရားရုံးမှာ ထွက်ဆိုပါတယ်။ သူဟာ အိပ်ခန်းထဲကို အတင်းပြေးဝင်ပြီး ရဲကို အကြောင်းကြားနိုင်ခဲ့လို့သာ လွတ်မြောက်ခဲ့ခြင်း  ဖြစ်တယ်လို့ ပြောပါတယ်။

ရဲတွေ ရောက်ရှိလာတဲ့အချိန်မှာတော့ ကိုယ်တစ်ပိုင်းချွတ်အမျိုးသမီးတစ်ဦးနဲ့ ဒါဇင်ဝက် အရေအတွက်ရှိတဲ့ ဓါးထိုးရာတွေနဲ့ Mr Stan ကိုတွေ့ခဲ့ရပါတယ်။

သူမဟာ တရားခံဖြစ်ကြောင်း သိသာထင်ရှားတဲ့အတွက် တရားရုံးက ထောင်ဒဏ်ငါးနှစ်ကျခံဖို့ အမိန့်ချမှတ်ခဲ့ပါတယ်။ သို့သော်လည်း သူမရဲ့ လက်ရှိကျန်းမာရေး အခြေအနေဲ့ စိတ်ဝေဒနာကြောင့်  လေးနှစ် စောင့်ကြည့်ခံရဖို့  ပြင်ဆင်ချမှတ်ခဲ့ပါတယ်။

အဆိုပါ ပြင်ဆင်ချမှတ်လိုက်တဲ့ အမိန့်ကိုတော့ တရားလို Mr Stan က ယခုလို ပြောဆိုခဲ့ပါတယ်။ သူမကို ယခုလို အမိန့်ချမှတ်လိုက်တာဟာ ကျွန်တော့်ကိုတော့ အသိတွေ သူငယ်ချင်းတွေရဲ့ လှောင်ပြောင်ခြင်း ခံရဖို့ တစ်သက်လုံးစာ အမိန့်ချလိုက်သလိုပါပဲတဲ့။ အခုဆိုရင် ကျွန်တော်ဟာ ဖျော်ဖြေရေး သမားတစ်ယောက် ဖြစ်မှန်းမသိ ဖြစ်နေပါပြီ။ ကျွန်တော့်အကြောင်းကို လူတိုင်းက ပြောနေကြပြီလို့ ဆိုပါတယ်။

သူတို့တွေ ကျွန်တော်ဘာလို့ ဒီမိန်းမကို ငြင်းဆန်ခဲ့တယ်ဆိုတာ နားလည်မှာ မဟုတ်ဘူး။ ဓါးထောက်  အော်ဟစ်ပြီး  လိင်ဆက်ဆံခိုင်းနေတဲ့ အရူးမတစ်ယောက်နဲ့ ဘယ်သူက ဆက်ဆံချင်မှာလဲ။ ဒါတွေ သူတို့မသိကြဘူးလို့ ပြောပါသေးတယ်။

သူတို့က အဲဒီမိန်းမကို ကြည့်လိုက် ကျွန်တော့်ကိုကြည့်လိုက်နဲ့ ရယ်ကြတယ်ဗျာ။ အဲဒီမိန်းမကလည်း ရူးသာရူးတာ။ နာမည်ကျော် မင်းသမီး အိန်ဂျလီနာ ဂျိုလီနဲ့ တူတာကိုးဗျ။ မသိတဲ့သူကဆိုရင် Miss Romania က လည်ပင်းကို ဓါးထောက်ပြီး လိင်ဆက်ဆံခိုင်းတယ် ဆိုတာ မဖြစ်နိုင်တဲ့ ကိစ္စလို့တောင် ပြောကြမယ့် သဘောရှိတယ်လို့ သူက ဆိုပါသေးတယ်။

ကလေးသုံးယောက် ဖခင် ကားသမားဖြစ်သူက ထပ်ပြောပါသေးတယ်။ ကျွန်တော်ထင်တယ် ဒီအမျိုးသမီး တစ်ခါမှ အငြင်းမခံရဖူးနဲ့ တူတယ်။ ဘာလို့လဲဆိုတော့ ကျွန်တော်ငြင်းလိုက်တဲ့အခါ သူမ အရမ်းကို ဒေါသထွက်သွားတယ်။ ဒါနဲ့ ဓါးနဲ့ထောက်ပြီး ကျွန်တော့်ကို အ၀တ်တွေ ချွှတ်ခိုင်းပြီး သူမနဲ့ ဆက်ဆံခိုင်းတယ်။ ကျွန်တော်လည်း ကြောက်ကြောက်နဲ့ နှစ်ကြိမ်တိုင်တိုင် ဆက်ဆံပေးခဲ့ပါတယ်။

 ဒါပေမယ့် သုံးကြိမ်မြောက် မှာတော့ ကျွန်တော်လည်း ဘယ်လိုမှ မတတ်နိုင်တော့ဘူး။ ဒါနဲ့ သူမလည်း အလိုမပြည့်ဘဲ ကျွန်တော့်ကို ဓါးနဲ့ထိုးတော့တာဘဲ။ ကျွန်တော် သူစိတ်ကျေနပ်အောင် oral sex လုပ်ပေးပေမယ့် ကျွန်တော့်ကို ဓါးနဲ့ ဆက်ထိုးနေခဲ့တယ်လို့ ပြောပါတယ်။

သူမဟာဆိုရင် ဂျိုလီရဲ့ ပရိသတ်တစ်ဦး ဖြစ်ပြီး Tomb Raider star မှာ သူမကိုယ်သူမ မော်ဒယ်တစ်ဦး ကဲ့သို့ သတ်မှတ်ထားကြောင်း သိရပါတယ်။

World Myanmar

ဆက်ဖတ်ရန်>>>>