KIA နှင့် RSO တို့ ဆွေးနွေးမှုပေါက်ကြားသည့်အတွက် KIA အတွင်း သစ္စာဖောက်များရှိနေပြီဟုဆို

 

 

ဘင်္ဂလားဒေ့ရှ်-မြန်မာနယ်စပ်မှာ အခြေပြုနေတဲ့ ဘင်္ဂါလီ လက်နက်ကိုင်အဖွဲ့ RSO (Rohingya Solidarity Organization) ၊ BRAT (Burmese Ro-hingya Association in Thai-land) အဖွဲ့ဥက္ကဋ္ဌ မောင်ကျော်နု တို့နဲ့ KIO ဗဟိုကော်မတီ ဝင် ဗိုလ်မှူးကြီး ဂျိမ်းစ်လွန်ဒေါင် တို့ KIO ထိန်းချုပ်နယ်မြေအတွင်း

ရိုဟင်ဂျာ တပ်မတော် ထူထောင် အခြေစိုက်ခွင့်ပြုရေး ဆွေးနွေးမှု အွန်လိုင်းပေါ်သို့ ပေါက်ကြား သည့်
အပေါ် KIO/KIA အတွင်း မကျေလည်မှုများ ဖြစ်နေကြကြောင်း သိရသည်။

" RSO ကဒီမှာ အခြေစိုက်ဖို့ နယ်မြေတောင်းတာ မှန်တယ်။ ဒီဆွေးနွေးမှု ပေါက်ကြားတာ ကို ခေါင်းဆောင်ကြီးတွေက အတော်ဒေါသထွက်နေတယ်ကြားတယ်။ သူတို့နဲ့ ဆွေးနွေးတဲ့
ဗိုလ်မှူးကြီး ဂျိမ်းစ်လွန်ဒေါင် ဆိုတာ KIO ဗဟိုကော်မတီ ဝင်တစ်ယောက်။ ပြီးတော့
KIO မှာ နိုင်ငံခြားရေးနဲ့ ပညာရေး တာဝန်ယူထားသူတစ်ယောက်။ ဒီလို ရာထူးကြီးကြီးနဲ့
လူကြီးတစ်ယောက်ရဲ့ ဆွေးနွေးပွဲ အပြင်ကို ပေါက်ကြားတာ KIA အတွင်းမှာ သစ္စာဖောက်ရှိနေပြီလို့
ပြောနေကြတယ်။ " ဟု လိုင်ဇာမှ ဒေသခံတိုင်းရင်းသားတစ်ဦးဖြစ်သူက ပြောသည်။

မကြာသေးမီက မြန်မာ့တပ်မတော် အဆင့် မြင့်အရာရှိအချို့က တိုင်းရင်း သားလက်နက်ကိုင်အဖွဲ
ဒေသအ ချို့တွင် မွတ်စလင်တပ်ဖွဲ့များစစ် ရေးလေ့ကျင့်မှုများပြုလုပ်နေမှုရှိ ကြောင်းနှင့်
ငြိမ်းချမ်းရေးဖြစ်စဉ် မထိခိုက်စေရန် တပ်မတော်အ နေဖြင့် ထိန်းသိမ်းဆောင်ရွက်နေ ခြင်းသာဖြစ်ကြောင်းပြောကြား ထားမှုရှိသည်။
KIA နှင့် RSO တို့ တွေ့ဆုံမှု ဗီဒီယို ဖိုင်ကြောင့် KIA နယ်မြေထဲတွင် မွတ်စလင်တပ်ဖွဲ့များစစ် ရေးလေ့ကျင့်မှု အမှန်တကယ်ပင် ရှိနေပြီလား ဆိုသည့် စိုးရိမ်မှုများ ဒေသခံများကြားတွင် မြင့်တက်လာခဲ့သည်။

"မြန်မာစစ်တပ်ကလည်း ပြောထားတယ်ပေါ့။ လက်နက်ကိုင်အဖွဲ့ အချို့မှာ အစွန်းရောက်
မွတ်စလင်တွေ
စစ်ရေး လေ့ကျင့်မှုတွေ လုပ်တာတွေ ရှိတယ်ပေါ့။ ခု KIA က RSO နဲ့ ဆွေးနွေးမှု
ပေါက်ကြားလာတော့ တကယ်ပဲ ပြည်ပက အစွန်းရောက် မွတ်စလင်တွေ စိမ့်ဝင်နေပြီလားလို့ ထင်မိတယ်။ ကျနော်က ကချင်တစ်ယောက်ဆိုတော့ KIA ကို ထောက်ခံတယ်။
ဒါပေမဲ့ မနောမြေမှာ အစွန်းရောက်တွေရောက်လာမှာတော့ လက်မခံဘူး။" ဟု ကိုစောဘောက်က ပြောသည်။

ဆွေးနွေးမှု ပေါက်ကြားလာခြင်းသည်အဖွဲ့တွင်း သစ္စာဖောက်သူရှိခြင်းကြောင့်ဟု
KIA အဖွဲ့အတွင်း ယူဆမှုများရှိနေသော်လည်း ထိုသတင်းပေါက်ကြားမှုသည် သစ္စာဖောက်ခြင်း
မဟုတ်ဘဲ သစ္စာရှိခြင်းသာ ဖြစ်ကြောင်း မြစ်ကြီးနားဒေသခံ တစ်ဦးက ဆိုသည်။

"လူမသိစေချင်တဲ့ ကိစ္စကို ခိုးလုပ်တာ အပြင်ထွက်လာတော့ သစ္စာဖောက်လို့ သူတို့က
ယူဆချင် ယူဆမှာပေါ့။ တကယ်တော့ ဒါ သစ္စာဖောက်တာ မဟုတ်ဘူး။ သစ္စာရှိတာ။ ကချင်လူမျိုးတွေနဲ့
ပြည်ထောင်စု အပေါ် သစ္စာရှိတာလို့ ပြောရမှာပါ။ KIA ထဲမှာ အစွန်းရောက် အကြမ်းဖက်တွေရှိကြည့်
နောင်တစ်ချိန် ဒီနယ်မြေ ဘာဖြစ်သွားမလဲ တွေးတောင်မတွေးရဲဘူး။ KIA က အစိုးရကို ဆန့်ကျင်သူမှန်သမျှ အကုန်လက်ခံတယ်။ ဘာလို့လဲဆိုတော့ သူတို့လည်း အင်အားရတယ်လေ။ သူတို့ အာဏာတည်ဖို့ဆို ဘင်္ဂါလီတွေက အစ အကုန်လက်ခံတယ် လို့ ပြောရမယ်။ ဒါ ကောင်းတဲ့ လက္ခဏာတော့ မဟုတ်ဘူး" ဟု ၎င်းက ဆိုသည်။

RSO အဖွဲ့နှင့် တွေ့ဆုံမှုအပေါ် KIO ဗဟိုကော်မတီ ဝင် ဗိုလ်မှူးကြီး ဂျိမ်းစ်လွန်ဒေါင်အနေနှင့်
ပုဂ္ဂိုလ်ရေးရင်းနှီးမှု အရ တွေ့ဆုံခဲ့ခြင်းဖြစ်ပြီး တရား ၀င်ဆွေးနွေးခြင်းမဟုတ်ဟု ထိုင်းနိုင်ငံ ချင်းမိုင်မြို့သို့ ရောက်ရှိနေသော KIA ဒုတိယစစ်ဦးစီးချုပ် ဗိုလ်ချုပ်ဂွန် မော်က ငြင်းဆိုခဲ့
သည်။ သို့သော် အစိုးရနှင့် တိုင်းရင်းသားလက်နက်ကိုင်များ၏ ငြိမ်းချမ်းရေး ဆွေးနွေးမှုများကြောင့် ပြည်သူများ၏ ရင်ထဲတွင်
ငြိမ်းချမ်းရေးမျှော်လင့်ချက်များ ကြီးထွားလာစဉ် KIA နှင့် RSO ကြားဆက်သွယ်မှုများကြောင့်
ငြိမ်းချမ်းရေး ထိခိုက်လာမည်ကို စိုးရိမ်နေကြကြောင်း သိရှိရသည်။

စိုင်းဇော်ထက်
ဂျိမ်းဖောမြေ

ဆက်ဖတ်ရန်>>>>

တောင်းဆိုမှုနှင့် လိုက်လျောမှုကြား လွန်ဆွဲအမြတ်ထုတ်နေဆဲ UNFC

  ပြည်တွင်းငြိမ်းချမ်းရေးနှင့်ပက်သက်ပြီး ကျွန်တော်တို့ပြည်သူတွေ စိတ်ကုန်ရ မလိုဖြစ်နေပါပြီ။ အားလုံး မျှော်လင့်ထားတဲ့ အတိုင်း အကောင်အထည် မဖော်နိုင်သေးဘဲ တောင်းဆိုမှုနဲ့ လိုက်လျောမှုတွေကြားထဲမှာ ပြည် တွင်းငြိမ်းချမ်းရေးဟာ အေးစက်စက်ဖြစ်နေပြန်ပါတယ်။ တောင်းတဲ့သူတွေကလည်း ဖြစ်နိုင်လား၊ မဖြစ်နိုင်လား မစဉ်းစားဘူး၊ လိုချင်တာ မှန်သမျှ အကုန်တောင်းတယ်၊ ပေးတဲ့သူဘက်ကလည်း ပြည်သူကိုထောက်ထားငဲ့ညှာ ပြီး တောင်းသမျှအကုန်လုံး မဟုတ် ရင်တောင် ရာခိုင်နှုန်းနီးပါး လိုက်လျောမှုတွေပြန်ပေးနေတာတွေ့ရပါတယ်။
သို့ပေမယ့်လည်း သြဂုတ်လ ၂၉/၃၀ ရက်နေ့က ထိုင်းနိုင်ငံ၊ ချင်းမိုင်မြို့မှာ ကျင်းပခဲ့တဲ့ ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ United Nationalities Federal Council (UNFC)ရဲ့ အစည်းအဝေး နောက်ဆုံးနေ့မှာပဲ ကရင် တိုင်းရင်းသားတွေနဲ့ ဖွဲ့စည်းထားတဲ့ KNU က UNFC အဖွဲ့ထဲက နှုတ်ထွက် လိုက်ပြီဆို ပြီး သတင်းတွေမှာ တွေ့ရပါတော့တယ်။


အဓိက နှုတ်ထွက်ရတဲ့အကြောင်းအရင်းများစွာထဲက တစ်ခုကတော့ UNFC ရဲ့ငြိမ်းချမ်းရေး သဘော ထား၊ တိုင်းရင်းသား လက်နက်ကိုင် အဖွဲ့အစည်းတွေ ထဲကနေ အလှည့်ကျ တပ်မတော်ကာကွယ်ရေးဦးစီးချုပ် လုပ်ဖို့တောင်း ဆို မှုနဲ့ UNFC အဖွဲ့ဝင်လက်နက်ကိုင်တပ်များ အင်အားမညီမျှမှုကို ဖက်ဒရယ် တပ်မတော်ဆိုတဲ့ ခေါင်းစဉ်အောက်မှာ သွတ်သွင်းပြီး UNFC အဖွဲ့ဝင်တိုင်း သဘောတူညီသယောင် ဆောင်ရွက်နေမှုကိုသည်းမခံနိုင်တဲ့ နောက်ဆုံး နှုတ် ထွက်ခြင်းဖြစ် တယ်လို့ ယူဆမိပါတယ်။


KNU ဘက်ကကြည့်မယ်ဆိုရင်လည်း UNFC မှာ ခေါင်းဆောင်လုပ်နေတဲ့ သူတွေဟာ နိုင်ငံရေး လုပ်စားတဲ့ လူတွေများပါတယ်။ နိုင်ငံရေး သမားဆိုတာက လည်း သူတို့ဖြတ်သန်းရတဲ့ ဘ၀တစ်လျှောက် ဘာအ ခက်အခဲမှမရှိဘဲ ကမ္ဘာပတ်ပြီးရန်ပုံငွေရှာနေတဲ့ ပညာတတ်အသိုင်းအ၀ိုင်းတွေများတယ်။ ၄င်းတို့လက်နက်ကိုင်တိုင်းရင်းသားတွေအနေနဲ့ တောထဲမှာတစ်ကယ် သေသေကြေကြေလုပ်ခဲ့ကြရပြီး မသေလို့ရာထူးရလာတဲ့ အခါ ကျတော့ ၄င်းတို့ တိုင်းရင်းသားလက်နက်ကိုင်ခေါင်းဆောင်တွေကို နေရာမပေးဘဲ နိုင်ငံရေးလုပ်စားနေတဲ့ သူတွေကသာ အဲ့ဒီ့နေရာကို ချုပ်ကိုင်ထားကြတယ်လို့ ထင်ပါလိမ့်မယ် ။ မြန်မာနိုင်ငံမှာ အင်အားအများဆုံး လက်နက်ကိုင်အဖွဲ့တွေဖြစ်တဲ့ UWSA အဖွဲ့၊ မိုင်းလားအဖွဲ့နဲ့ SSA တောင်ပိုင်းအဖွဲ့တွေလည်း UNFC မှာအရင်က တည်းက မပါဝင်ကြပါဘူး။ ဘာလို့မပါဝင်သလဲဆိုတော့ UNFC ရဲ့ ရှေ့ဆက်လျှောက် မယ့် ခြေလှမ်းတွေနဲ့ ဗိုလ်ကျစိုးမိုးခြယ်လှယ် လာနိုင်တာတွေကို ကြိုတင်ရိပ်မိနေလို့လည်းဖြစ်ပါလိမ့်မယ်။


KNU အဖွဲ့ကို ပြန်ကြည့်လိုက်ရင် KNU ဥက္ကဌကြီး မူတူးဆေးဖိုး က ဆွေးနွေး တဲ့ နှစ်ဦးနှစ်ဖက်မှာ ကောက်ကျစ်စဉ်းလဲတဲ့ စိတ်မရှိဖို့ လိုတဲ့အကြောင်း၊ လက်နက်ကိုင်တပ်ဖွဲ့တွေဘက်ကလည်း စိတ်ရင်းသဘောထား မှန်ကန်စွာ နဲ့ ဆွေးနွေးဖို့ လိုတဲ့ အကြောင်း ပြောခဲ့ပါတယ်။ KNU အနေနဲ့ နိုင်ငံတော်သမ္မတနဲ့ (၃)ကြိမ်၊ ကာကွယ်ရေးဦးစီးချုပ်နဲ့ (၃)ကြိမ် တွေ့ပြီးပြီ ဆိုတော့ နိုင်ငံတော် အစိုးရရဲ့ သဘောထားနဲ့ စစ်တပ်ရဲ့သဘောထား တွေကို သိထားပြီးပြီလို့ ယူဆရပါတယ်။ အဖွဲ့ဝင်အဖြစ် နေလာတဲ့ကာလအတွင်းမှာ UNFC ဘယ်လိုခြေလှမ်း တွေကို လှမ်းနေလဲဆိုတာသိလောက်ပြီမို့ စောစောစီးစီး အဖွဲ့က ရုန်းထွက်ခဲ့တယ်လို့ထင်မြင်မိပါတယ်။


ဒီလိုအခြေအနေဆိုရင်တော့ UNFC အနေနဲ့ အဖွဲ့အတွင်းမှာ အင်အားကြီးမားတဲ့ အဖွဲ့အစည်းတွေ မရှိ တော့တဲ့အတွက် ၄င်းတို့ရဲ့ ဦးတည်ချက်ဖြစ်တဲ့ ဖက်ဒရယ် တပ်မတော်ဆိုတာကိုလည်း မှန်းလို့မရသလို အလှည့် ကျ တပ်မတော် ကာကွယ်ရေးဦးစီးချုပ်ဆိုတဲ့ အိပ်မက်ကလည်း ပျက်ပြယ်သလိုဖြစ်သွားပါပြီ။ ကျန်တဲ့လက်နက် ကိုင်အဖွဲ့ဆိုတာလည်း လူနည်းစုပဲဖြစ်ပါတယ်။ လူမျိုးစုတွေ အလိုက် လက်နက်ကိုင်ဆောင်နေကြပေမယ့် လက် နက်ကိုင်ဆောင်တဲ့အဖွဲ့ အားလုံးဟာ သူတို့လူမျိုးအားလုံးကို ကိုယ်စားမပြုပါဘူး။ UNFC အဖွဲ့ဝင်အဖြစ် ကျန်ခဲ့တဲ့ အဖွဲ့(၁၁)ဖွဲ့ထဲမှာတောင် အချို့အဖွဲ့တွေထဲမှာ လူ(၄/၅)ယောက်ေ လာက်ပဲရှိပါတယ်။


နောက်ဆုံးလိုရင်းကို ပြောရရင် ထိုင်းနိုင်ငံ၊ ချင်းမိုင်မြို့မှာ ပြုလုပ်ခဲ့တဲ့  ပြည်တွင်းငြိမ်းချမ်းရေးအတွက် တိုင်းရင်သား လက်နက်ကိုင် အဖွဲ့အစည်း များ တွေ့ဆုံဆွေးနွေးပွဲကနေ မြန်မာနိုင်ငံအတွက် အကျိုးရှိမယ့် ရလာဒ် တစ်ခု ထွက်ပေါ်လာမလားဟု ရင်တစ်ထိတ်ထိတ်နဲ့ မျှော်လင့် ခဲ့ရတဲ့ ပြည်သူလူထုရဲ့ ငြိမ်းချမ်းရေးမျှော်လင့်ချက် တွေဟာ UNFC ရဲ့ဖွဲ့စည်းပုံမှာပါဝင်တဲ့ ဗဟိုချုပ်ကိုင်မှုသဘောထားအမြင်၊ နိုင်ငံရေးနဲ့ စစ်ရေး အခြေခံ ယူဆချက်၊ ကွဲလွဲချက် တွေကြား မှာ ပျက်ပြယ်သွားတော့မလား ဆိုတာ စောင့်ကြည့်ရတော့မှာပဲဖြစ်ပါတယ်။


credit :နတ်မျက်စိ

ဆက်ဖတ်ရန်>>>>

နရဲစွမ် ဇတ်ကား အတွက် ထိုင်း ဒါရိုက်တာ တောင်ငူကို လာရောက်လေ့လာ

တောင်ငူမြို့ အနောက်ဘက်ကျုံးပတ်လမ်းမှ မြို့ရိုးနှင့်ကျုံးကိုကြည့်ရှုနေသော ဒါရိုက်တာ ချတ်ထရီ ချလွန် ယူကွန်နှင့်အဖွဲ့(ဓာတ်ပုံ ဒေါက်တာမြသောင်း)


မြန်မာတို့ကို တော်လှန်ခဲ့တဲ့ ထိုင်းဘုရင် နရဲစွမ်ရဲ့ အကြောင်း “The Legend of King Naresuan” အပိုင်း ၆ ရိုက်ကူးဖို့ ထိုင်းရုပ်ရှင် ဒါရိုက်တာ ချတ်ထရီ ချလွမ်ယူကွန် နဲ့အဖွဲ့ ပြီးခဲ့တဲ့ စနေနေ့က တောင်ငူမြို့ကို ရောက်ရှိလာပြီး နှစ်ရက်ကြာ လေ့လာမှုများ ပြုလုပ်ခဲ့ တယ်လို့ သိရပါတယ်။

အခုရိုက်ကူးမယ့် ရုပ်ရှင်ဟာ နရဲစွမ်ဘုရင်ရဲ့ အကြောင်း နောက်ဆုံးအပိုင်းဖြစ်ပြီး နရဲစွမ်ဘုရင် တောင်ငူကို လာရောက် တိုက်ခိုက် တဲ့ ဇတ်ဝင်ခန်း ပါဝင်မှာဖြစ်တဲ့အတွက် တောင်ငူမြို့မှာရှိတဲ့ သမိုင်းဝင်နေရာတွေကို လေ့လာတာဖြစ်တယ်လို့ အဆိုပါအဖွဲ့ကို လိုက်ပါ ပို့ဆောင်ပေးခဲ့တဲ့ သမိုင်းသုတေသီ ဒေါက်တာမြသောင်း က ဧရာဝတီကို ပြောပါတယ်။

“သူတို့မှာ ရုပ်ရှင်အတွက် ဆက်တင်တွေက ဆောက်ပြီးပြီ၊ ဒါပေမယ့် နရဲစွမ်ဘုရင် စစ်ချီတဲ့ အဓိကနေရာတွေရဲ့ မြေပြင် အနေ အထား ကို မသိရသေးတဲ့အတွက် လာပြီးလေ့လာတာပါ၊ သူတို့က ဟိုမှာ ပြန်ပြီး ဖန်တီးဖို့ ဓာတ်ပုံရိုက်ယူတယ်၊ ပုံကြမ်းဆွဲယူပါတယ်”လို့ သူက ပြောပြပါတယ်။

ဒါကြောင့် နရဲစွမ်ဘုရင် တောင်ငူမြို့ပြကို လာရောက်တိုက်ခိုက်စဉ်က စခန်းချခဲ့တဲ့ ကျွဲမကူးချောင်း၊ ရဲနွယ်ချောင်း၊ ရေကြောင်းချီခဲ့တဲ့ စစ်တောင်းမြစ်၊ ဒါ့အပြင် သမိုင်းဝင်နေရာတွေဖြစ်တဲ့ ကေတုမတီမြို့ဟောင်း၊ ကျုံး၊ ရေထွက်ပေါက် တခုဖြစ်တဲ့ မြစ်ကြီးပေါက် (ယိုးဒယားပေါက်) တို့ကို လိုက်လံကြည့်ရှုလေ့လာခဲ့တယ်လို့ ဒေါက်တာမြသောင်း က ပြောပါတယ်။

ဒါ့အပြင် တောင်ငူခေတ်က မြို့ရန်တွေဖြစ်ခဲ့ဖူးတဲ့ ဇေယျဝတီ၊ ကျောက်စရစ်၊ ကောလိယ၊ အာသာဝတီ(မြို့ဆိုး)စတဲ့ ရှေးဟောင်းမြို့တွေကိုလည်း သွားရောက်ခဲ့ပါသေးတယ်လို့ သိရပါတယ်။

The Legend of King Naresuan ရုပ်ရှင်ကား ဒါရိုက်တာ ချတ်ထရီ ချလွမ်ယူကွန်ဟာ ထိုင်းတော်ဝင် မိသားစုဝင် တဦးဖြစ်ပြီး အခု ခရီးစဉ်မှာ သူနဲ့အတူ ချူလာလောင်ကွန်းတက္ကသိုလ်က သမိုင်းပညာရှင် ဒေါက်တာ ဆူနိတ်လည်း လိုက်ပါလာတယ်လို့သိရပါတယ်။

ဒါရိုက်တာဖြစ်တဲ့ မင်းသားကြီး ချတ်ထရီ ချလွမ်ယူကွန်ဟာ The Legend of King Naresuan ကို ရိုက်ကူးတဲ့နေရာမှာ တခြား သော ရုပ်ရှင်ဒါရိုက်တာတွေလို ထိုင်း အမျိုးသားရေး စိတ်ဓာတ်အခံနဲ့မချဉ်းကပ်ဘဲ အင်မတန် အင်အားကြီးမား၊ ဘုန်းတန်ခိုးကြီးတဲ့ မြန်မာဘုရင် ဘုရင့်နောင်ဟာ မြို့ပြနိုင်ငံတော်(City-state) များကို အောင်နိုင်ခဲ့သူ တဦးအနေနဲ့ ပုံဖော်ရိုက်ကူးခဲ့တာလို့သိရပါတယ်။

နရဲစွမ် ဇာတ်ကားရဲ့ အဓိက ကျောရိုးကတော့ ၁၅ ရာစု ခေတ်လယ်ခန့်က ဒေသတွင်း အင်အားကြီးနိုင်ငံဖြစ်တဲ့ မြန်မာ ဘုရင် ဘုရင့်နောင် မင်းတရားကြီး အယုဒ္ဓယကို သိမ်းပိုက်အောင်မြင်စဉ်က အသက် ၉ နှစ်အရွယ် မင်းသား နရဲစွမ်ကို ဟံသာဝတီ ရွှေနန်းတော် ကို ခေါ်ဆောင်ခဲ့ပြီး အဋ္ဌာရသ ၁၈ ရပ်ကို သင်ကြားပေးခဲ့ပါတယ်။

ဘုရင့်နောင် နတ်ရွာစံပြီးနောက် ၁၅၈၄ ခုနှစ် သားတော် နန္ဒဘုရင် လက်ထက်မှာ အယုဒ္ဓယ ဘုရင် နရဲစွမ်က သစ္စာမခံတော့ဘဲ ထိုင်းလူမျိုးများကို စုစည်းကာ ပြန်လည်တော်လှန်ခဲ့တဲ့ အကြောင်းအရာပါ။

အဲဒီကာလမှာ နန္ဒဘုရင်ဟာ ၅ကြိမ်တိုင် အယုဒ္ဓယ ကို စစ်ချီတက်တိုက်ခိုက်ခဲ့သလို၊ ဘုရင်နရဲစွမ်ကလည်း ၄ကြိမ်တိုင် ဟံသာဝတီ၊ တောင်ငူ၊ မုတ္တမ စတဲ့ဒေသတွေကို ချီတက်တိုက်ခိုက်ခဲ့ပါတယ်။

တောင်ငူမြို့ကို ဘုရင်နရဲစွမ်တပ်တွေ တိုက်ခိုက်ရာမှာတော့ ကျွဲမကူးကျွန်းချောင်းအရပ်မှာ စခန်းချပြီး ကေတုမတီ ကျုံးရေကို ယိုးဒယားပေါက်မှတဆင့် စစ်တောင်းမြစ်ထဲ ဖောက်ချ၊ အပြင်းအထန် ၀န်းရံပြီးတိုက်ခိုက်ပေမယ့် ရိက္ခာပို့ ယိုဒယား လှေများကို ရခိုင်ဘုရင်တပ်တွေက တိုက်ခိုက်ခဲ့တဲ့အတွက် အစာရေစာပြတ်လပ်ပြီး တောင်ငူက ခွာခဲ့ရတယ်လို့ မြန်မာ့သမိုင်း မှတ်တမ်းတွေမှာ ဖော်ပြပါတယ်။

၁၆၀၅ ခု မြန်မာဘုရင် အနောက်ဘက်လွန်မင်း လက်ထက်မှာ အယုဒ္ဓဘုရင် နရဲစွမ်ဟာ ဇင်းမယ်(ချင်းမိုင်)ကတဆင့် ရှမ်း ပြည်နယ် ကို စစ်ချီအသွား မိုင်းဟင် အရောက်မှာတော့ ကျည်မေနာကြောင့် ရုတ်တရက် နတ်ရွာစံခဲ့ပါတယ်လို့ မှန်နန်း မဟာ ရာဇ၀င်တော်ကြီး က ဆိုပါတယ်။

ဒီရောဂါ ကျည်မေနာကို မြန်မာ့ဆေးပညာရှင်တချို့က ကိမိန(ပိုးမွှားရောဂါ)လို့ အဓိပ္ပာယ်ဖွင့်ဆို ထားပေမယ့် သူ့အကြောင်း ရေး ထားတဲ့ ၀ီကီပီးဒီးယားမှာ Smallpox(ရေကျောက်ရောဂါ) လို့ ဖော်ပြပါတယ်။

အခုရိုက်မယ့် The Legend of King Naresuan အပိုင်း ၆ မှာတော့ ဒီအကြောင်းတွေ ပါဝင်မှာဖြစ်တယ်လို့ သိရပါတယ်။

ပြီးခဲ့တဲ့ ဇွန်လမှာတော့ The Legend of King Naresuan အပိုင်း ၅ ကို ထိုင်းအစိုးရက မျိုးချစ်စိတ်ဓာတ် မြှင့်တင်ရေး ရည်ရွယ်ချက် နဲ့ နိုင်ငံတ၀န်းက ရုပ်ရှင်ရုံတွေမှာ အခမဲ့ပြသခဲ့ပါတယ်။

ဆက်ဖတ်ရန်>>>>

Sexy မော်ဒယ်လ်တွေ ကပြမယ့် ပါတီ ကျင်းပမယ့်နေရာ အပြောင်းအလဲရှိ

Dance For Life ကျင်းပမည်ဆိုသည့် မူလ ကြော်ငြာ

Sexy မော်ဒယ်လ်တွေ ပါဝင်ကပြမယ့် Dance For Life ပါတီ ပွဲကို မူလကြော်ငြာထားတဲ့ GTR2 ကလပ်မှာ ကျင်းပဖြစ်တော့မှာ မဟုတ်ဘူးလို့ သိရပါတယ်။

ပါတီပွဲကျင်းပဖို့ ကြော်ငြာခဲ့စဉ်က GTR 2 ကလပ်မှာ လုပ်မယ်ဆိုပြီး ဖော်ပြခဲ့ပေမယ့် ကလပ်ဘက်က ပါတီပွဲပြုလုပ်ခွင့် မပေးတော့တာကြောင့် နေရာကို ပြောင်းလဲလိုက်ရတယ်လို့ ပွဲစီစဉ်သူဖြစ်တဲ့ DJ Japan က ဧရာဝတီကို ပြောပါတယ်။

အဲဒီပါတီကို ကျင်းပမယ့် နေရာအတိအကျကို မသိရသေးဘဲ၊ လာမယ့်အောက်တိုဘာ ၃ ရက်နေ့ ညနေ ၆ နာရီကနေ ည ၁၁ နာရီအထိ ရန်ကုန်မြို့မှာရှိတဲ့ ကလပ်တခုမှာ ကျင်းပမယ်လို့ စီစဉ်သူတွေက ဆိုပါတယ်။

“ကျနော်တို့တတွေလည်း ဒီပွဲ မှာ အလှူခံဖို့ အစီအစဉ်ရှိမယ်၊ အဲဒီက ရလာတဲ့ငွေတွေကို HIV/ AIDS ဝေဒနာရှင်တွေကို ထောက်ပံ့မယ်၊ ဒီပွဲအပေါ်မှာ အမြင်တွေ အမျိုးမျိုးရှိနေတယ်၊ ကြော်ငြာကိုကြည့်ပြီးလည်း ထင်ကောင်းထင်နိုင်ပါတယ်၊ ဒါပေမယ့် ဘယ်လိုပွဲလဲဆိုတာ လာကြည့်ပြီးမှ ဆုံးဖြတ်ဖို့ ပြောချင်တယ်” လို့ ပွဲစီစဉ်သူ DJ Japan က ပြောပါတယ်။

အဲဒီပါတီပွဲလိုမျိုး ပွဲတွေ အများအပြား ကလပ်တွေမှာ ကျင်းပဖူးခဲ့ပေမယ့် ဒီတခေါက်ပွဲ ကျင်းပမယ့်အကြောင်းကို Sexy Post မော်ဒယ်လ်တွေဖြစ်တဲ့ ဇွန်သဉ္ဇာ၊ ဇာဇာထက်နဲ့ ကဗျာကို တို့က သူတို့ရဲ့ facebook စာမျက်နှာတွေမှာ တရားဝင် တင်လိုက်တာကြောင့် ပါတီပွဲအပေါ် အမြင်တွေ အမျိုးမျိုးဖြစ်ကုန်ပြီး ဝေဖန်မှုတွေ ဖြစ်လာပုံရတယ်လို့ သူက သုံးသပ် ပါတယ်။

“ဘယ်မှာလုပ်မယ်ဆိုတာကို လောလောဆယ် မပြောသေးဘူး၊ ကျနော်တို့က GTR 2 ကို နှုတ်ကတိနဲ့ပဲ နေရာ ငှားထားခဲ့တာကိုး၊ နောက်ထပ် အဲဒီလို အဖြစ်မခံချင်တော့ ဘယ်မှာ လုပ်မယ်ဆိုတာကို လောလောဆယ်မပြောသေးဘူး၊ ဒီပွဲကို ဖြစ်အောင်ကို လုပ်မှာပါ” လို့ DJ Japan က ဆိုပါတယ်။

ဆက်ဖတ်ရန်>>>>