သင်္ကြန်မဏ္ဍပ်တွေမှာ တနေ့ ၃ ကြိမ် မိုင်းရှင်းလင်းမည်

သင်္ကြန်ကာလအတွင်း ရေကစားသူတွေ လုံခြုံရေးအတွက် မိုင်းရှင်းတာတွေနဲ့ အမှုအခင်းတွေ အတွက် အထူးတရားရုံးတွေ ဖွင့်လှစ် ဆောင်ရွက်သွားဖို့ ရှိနေပါတယ်။

သင်္ကြန်ကာလအတွင်း အဖျက်အမှောက်လုပ်ရပ်တွေ မဖြစ်စေဖို့အတွက် ရေကစားမဏ္ဍပ် တွေကို အထူးမိုင်းရှင်းအဖွဲ့နဲ့ တနေ့ ၃ ကြိမ် စစ်ဆေးပေးမယ်လို့ ရန်ကုန်တိုင်းဒေသကြီး အရှေ့ပိုင်းခရိုင် ရဲတပ်ဖွဲ့မှူး ဒုတိယရဲမှူးကြီးမြင့်အေးက ပြောပါတယ်။

၂၀၁၃ ခုနှစ် ရန်ကုန်မြို့ရှိ သင်္ကြန်ရေက
စားမဏ္ဍပ်တခုအား မြင်တွေ့ရစဉ်

ဒါ့အပြင် မဏ္ဍပ်ကြီးတွေမှာ လုံခြုံရေးဝန်ထမ်း အနည်းဆုံး ၁၅ ဦးနဲ့ မဏ္ဍပ်လတ်တွေမှာ အနည်းဆုံး ၁၀ ဦးထားရှိမှာ ဖြစ်ပြီး အရေးပေါ်အခြေအနေများနဲ့ ကြုံတွေ့လာပါက အမြန်ဆုံးဖြေရှင်းနိုင်ရန် ရဲတပ်ဖွဲ့ဝင်တွေကိုလည်း အသင့်ထားရှိထားကြောင်း ပြောပါတယ်။

ရေပက်ကစားကြတဲ့ပြည်သူတွေ လုံခြုံရေးအတွက် သင်္ကြန်မဏ္ဍပ်တွေအနေနဲ့လည်း စီစီတီဗွီ ကင်မရာတွေ တပ်ဆင်ရမယ့်အပြင် မဏ္ဍပ်ကြီးတွေမှာ FIX Camera ၁ လုံး၊ Doom Camera ၆ လုံး၊ မဏ္ဍပ်လတ်တွေမှာ FIX Camera ၈ လုံး တပ်ဆင်ရမယ် သင်္ကြန်မှတ်တမ်းခွေ တွေကို နေ့စဉ်ထုတ်ပြီး အနီးဆုံးကွပ်ကဲမှုရုံးကို ည ၈ နာရီ အပ်နှံရမှာ ဖြစ်ပါတယ်။

သင်္ကြန်အတွင်းမှာ မှုခင်းတွေ ကျဆင်းအောင်လဲ တုတ်၊ ဓားနဲ့ လက်နက်ကိုင် ဆောင်ခြင်းတွေ တားဆီးသွားမယ့်အပြင် ကိုင်ဆောင်တာ တွေ့ရှိပါကလဲ လက်နက်မှုနဲ့ အရေးယူသွားဖို့ ရှိနေတယ်လို့ လုံခြုံရေးတာဝန်ရှိသူက ပြောပါတယ်။

ရန်ကုန်တိုင်းဒေသကြီးအစိုးရအဖွဲ့ဝင် လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီး တင်ဝင်းကလည်း သင်္ကြန်အတွင်း ရုံးပိတ်ရက်တွေမှာ အထူးတရားရုံးတွေကို မြို့နယ်အလိုက် ဖွင့်လှစ်ပေးမှာ ဖြစ်ပြီး ချက်ချင်း အရေးယူဆောင်ရွက်သွားမှာလို့ ပြောပါတယ်။

ယခုနှစ် ရန်ကုန်သင်္ကြန်အတွက် ကမ္ဘာအေးစေတီလမ်းမှာ ပေ ၁၀၀ အထက် မဏ္ဍပ်အကြီး ၁၀ ခု၊ ကန်တော်ကြီး ကန်ပတ်လမ်းမှာ မဏ္ဍပ်အကြီး ၂၀နဲ့ ပြည်လမ်းမှာ မဏ္ဍပ်အကြီး ၄ ခု ခွင့်ပြုထားပြီး ရန်ကုန်တမြို့လုံးမှာ မဏ္ဍပ်အကြီးအသေး စုစုပေါင်း ၁၀၀ နီးပါးမှာ ရေကစားကြမှာလည်း ဖြစ်ပါတယ်။

လွန်ခဲ့တဲ့ ၅ နှစ်လောက်က ရန်ကုန်သင်္ကြန် X2O မဏ္ဍပ်မှာ ဗုံးကွဲမှု ဖြစ်ပွားခဲ့ဖူးပေမယ့် မနှစ်က သင်္ကြန်ကာလမှာတော့ ခိုက်ရန်ဖြစ်ပွားမှု၊ ခိုးမှု၊ ယစ်မျိုးမှုတွေနဲ့ ပြစ်မှုပေါင်း ၁၇၀ နီးပါး ဖြစ်ပွားခဲ့ပါတယ်။

From: DVB

ဆက်ဖတ်ရန်>>>>

ဟန်သာဖြစ်၍ အဆံမရှိသည့် သင်္ကြန်အမြောက်များ

ဘင်္ဂလားဒေ့်ရေတပ်သည် ဒေသတွင်းနိုင်ငံများ အထူးသဖြင့် မြန်မာ့ရေတပ်၏ အင်အားတိုးချဲ့မှုများအား အထူးအလေးထား စောင့်ကြည့်ကာ ဘင်္ဂလားရေတပ်အား တိုးချဲု့ခြင်းနှင့် အဆင့်မြှင့်တင်ခြင်းများ အကြီးအကျယ်ပြုလုပ်ခဲ့ပါသည်။ ယခုပိုစ့်တွင် ဘင်္ဂလားရေတပ်၏ တရုပ်ရေတပ်မှ ဝယ်ယူထားသည့် ဖရီဂိတ်များအကြောင်းအား ဖော်ပြပေးပါမည်။

ဘင်္ဂလားရေတပ်ရှိ စစ်ရေယာဉ်များသည် သက်တမ်းလွန်ရေယာဉ်အများစုဖြစ်ပြီး ပြည်တွင်းထုတ် တိုက်ရေယာဉ်ဟူ၍ မရှိပဲ ပြည်ပနိုင်ငံများမှ အသုံးပြုလိုခြင်းမရှိသည့် ရေယာဉ်များအား ဝယ်ယူစုဆောင်းခြင်းနှင့် မွမ်းမံခြင်းများပြုလုပ်ကာ ရေတပ်အား တိုးချဲ့နေကြသည်ကို တွေ့ရမည်ဖြစ်ပါသည်။ ဘင်္ဂလားရေတပ်၏ ဖရီဂိတ် လက်ရှိပိုင်ဆိုင်မှုများအနက် F22 (တောင်ကိုးရီးယားထုတ်) နှင့် F18 Type-053H1 (တရုပ်ထုတ်) ဖရီဂိတ်စစ်ရေယာဉ် (၂)စင်းမှအပကျန် ဖရီဂိတ်စစ်ရေယာဉ်များမှ အဆင့်မြှင့်တင်ထားမှုမရှိသည့် F15, F16 နှင့် F17 ဖရီဂိတ်အဟောင်းများဖြစ်သည်။အဆိုပါ ရေယာဉ်အဟောင်းများဖြင့် အနာဂါတ်တွင် ဆက်လက်ရပ်တည်၍မရသည်ကို လက်ခံလာကြပြီး မကြာသေးမှီကမှ တရုပ်ရေတပ်သုံး Type-053H2 ဖရီဂိတ်စစ်ရေယာဉ်(၂)စင်းအား ဝယ်ယူခဲ့ပါသည်။ နောက်ဆုံးရရှိသော သတင်းများအရ မူလတပ်ဆင်ထားသည့် HY-2 သင်္ဘောဖျက်ဒုံးများအစား စီ-၈၀၂ သင်္ဘောဖျက်ဒုံး (၈)စင်း တပ်ဆင်ထားကာ စစ်ဆင်ရေးစွမ်းရည်အား မြှင့်တင်ခဲ့ပါသည်။

Wikipedia တွင် ဖော်ပြထားချက်များအရ လက်နက်စနစ်များမှာ-
စီ-၈၀၂ သင်္ဘောဖျက်ဒုံးအပါဝင်
2 x Type 79A dual-100 mm gun
4 x Type 76 dual-37 mm AA guns
2 x 5-tube Type 81 ASW rocket launcher (30 rounds)
4 x Type 64 DC projectors
2 x DC racks
2 x Mk-36RBOC 6-barrel decoy rocket launchers ဟုဖော်ပြထားပြီး HQ-7 တာတိုပစ် လေကာဒုံးအား ဆက်လက်တပ်ဆင်သွားမည်ဟု သိရသော်လည်း ယခုအချိန်ထိ ထူးခြားမှုမရှိသေးပါ။ ထို့အပြင် တရုပ်ရေတပ်သုံး ပုံစံ-၇၃၀ မြန်နှုန်းမြင့် စက်အမြောက်ကြီးများအား တပ်ဆင်မည်ဟု ဖော်ပြထားစေကာမှု အမှန်တကယ်တပ်ဆင်မှု ပြုလုပ်ထားခြင်း မရှိသေးပါ။ လက်ရှိအသုံးပြုနေသည့် F18 ဖရီဂိတ်တွင်ပင် တပ်ဆင်ထားနိုင်ခြင်း မရှိသေးကြောင်းတွေ့ရပါသည်။

ရေဒါစနစ်များနှင့် ဆိုနာခေါ် ရေအောက်ရှာဖွေရေး (ရေငုပ်သင်္ဘောအစရှိသည့်) စနစ်များမှာလည်း ထူးထူးခြားခြား ပြောင်းလဲထားခြင်းမရှိဟု သိရကာ ဘင်္ဂလားဒေ့်၏ ရေတပ်အဖို့ အနာဂါတ်တွင် ခေါင်းရှုပ်ဖွယ်ရာ ရေယာဉ်များဖြစ်လာနိုင်ပါသည်။ ရေငုပ်သင်္ဘောရှာဖွေချေမှုန်းရေး ရဟတ်ယာဉ်များကို သယ်ဆောင်နိုင်စွမ်းမရှိပဲ ဘင်္ဂလားသတင်းများတွင် ဖော်ပြထားသကဲ့သို့ ရဟတ်ယာဉ် ဆင်းသက်ကွင်းများ တည်ဆောက်သွားမည်ဆိုပါက ရေယာဉ်၏ အနောက်ဘက်တွင် အားဖြည့်ထားသော ၁၀၀မမ ရေတပ်သုံးအမြောက်ကြီးများအား ဖြုတ်ချရမည်ဖြစ်ပြီး ရေယာဉ်၏ ပစ်ခတ်မှုစွမ်းဆောင်ရည်ကို လျော့ချလိုက်သကဲ့သို ဖြစ်စေပါမည်။

ယနေ့ခေတ် ရေတပ်သင်္ဘောများသည် ရေယာဉ်ခြင်း ထိပ်တိုက်ထိတွေ့မှုများအပြင် ပင်လယ်ပြင် ကင်းထောက်လေယာဉ်များ၊ ရေတပ်သုံး သင်္ဘောဖျက်ဒုံးတပ် တိုက်လေယာဉ်များ၏ ရန်ကိုထည့်သွင်း တွက်ချက်လာကြကာ လက်ရှိ ဝယ်ယူထားသည့် အဆိုပါဖရီဂိတ် (၂)စင်း၏ ဝေဟင်ကင်းထောက်စနစ်သည် ထိုအချက်ကို လုံးဝနီးပါးထည့်သွင်း တွက်ချက်မထားခြင်းလောဟု သုံးသပ်မိပါသည်။ ထို့အပြင် ရရှိထားသော အချက်လက်များအရ အဆိုပါ ရေယာဉ်များအနက် F15 ရေယာဉ်သည် တရုပ်ရေတပ်တွင် တာဝန်ထမ်းဆောင်စဉ်က ဆိုးရွှားသော ထိခိုက်မှုများရှိခဲ့သည်ဟု သိရပါသည်။

အဆင့်မြှင့်တင်ထားပြီးဖြစ်သည့် တပ်မတော်(ရေ)မှ ဖရီဂိတ်စစ်ရေယာဉ်

(တပ်မတော်(ရေ)၏ တရုပ်ရေတပ်မှ လက်ခံရရှိခဲ့သော Type-053H1 ဖရီဂိတ် F21 နှင့် F23 ဖရီဂိတ်များအပေါ်တွင်မှု Type-517 ဝေဟင် လေကြောင်းကင်းထောက် အဆင့်မြှင့်ရေဒါများ တပ်ဆင်ထားပြီး ရေတပ်၏ အခြားရေယာဉ်များနှင့်အတူ ဆက်သွယ်သတိပေးခြင်းများ ဆောင်ရွှက်နိုင်ကာ ရေတပ်၏ လေကြောင်းကင်းထောက်ဖရီဂိတ်များအဖြစ် လူသိများပါသည်။)

စီ-၈၀၂ သင်္ဘောဖျက်ဒုံးများ

ဘင်္ဂလားရေတပ်မှ ဖရီဂိတ် စစ်ရေယာဉ်များ

အထက်ပါဖော်ပြထားချက်များအား လေ့လာကြည့်ပါက ဘင်္ဂလားဒေ့်ရေတပ်သည် အရေအသွေးမှ အရေအတွက်ကိုသာ အဓိကထားကာ တက်လှမ်းနေသည်ဟု သုံးသပ်နိုင်ပြီး အနာဂါတ်တွင် အဆင့်မြှင့်တင်မှုများ ပြုလုပ်လာနိုင်သော်လည်း အဆိုပါရေယာဉ်များ၏ သက်တမ်းနှင့် ထိန်းသိမ်းမှုအားနည်းချက်များအကြောင့် ဟန်သာဖြစ်၍ အဆံမရှိသည့် သင်္ကြန်အမြောက်များဟု လူပြောများနေရခြင်းဖြစ်ပါသည်။ အဘယ်သို့ဆိုစေ စီ-၈၀၂ ကဲ့သို့သော် ရေပြင်မှရေပြင်ပစ်ဒုံးများ တပ်ဆင်ထားခြင်း၊ အခြားဖရီဂိတ်များ ဝယ်ယူရန် ကြိုးပမ်းနေခြင်းသည် မိမိတို့နိုင်ငံအတွက် အထူးသတိထားစောင့်ကြည့်ရမည် ရေတပ်တစ်ခုဖြစ်လာစေပြီး မကြာမှီတွင် မြန်မာ့ပင်လယ်အား ခြိမ်းခြောက်လာနိုင်မည့် မည်သည့် ရေတပ်ကိုမဆို ချေမှုန်းနိုင်သည့် အင်အားကြီး ရေတပ်ကြီးတစ်ခုကို မိမိတို့အနေဖြင့် တည်ဆောက်ထားရမည်ဖြစ်ပါတော့သည်...။

တပ်မတော်(ရေ)၏ အနာဂါတ် ရေတပ်အင်အားတိုးချဲ့မှု စီမံကိန်းများနှင့် တည်ဆောက်ဆဲ ရေယာဉ်များအကြောင်း ဆက်လက်ဖော်ပြပေးပါဦးမည်။

Myanmar Defence Weapons
မြန်မာ့ တပ်မတော်မှ

ဆက်ဖတ်ရန်>>>>

MH370 ပျောက်ဆုံးမှုကို ရာဇဝတ်မှုအနေဖြင့် မလေးရှားရဲတပ်ဖွဲ့ ကိုင်တွယ်နေ

မတ်လ(၈)ရက်နေ့ ကတည်းက ထူးဆန်းစွာ ပျောက်ကွယ်သွားသည့် လေယာဉ်ကို ဩစတြေးလျ ကမ်းလွန်တွင် ရှာဖွေနေပြီး လတ်တလောတွင် မလေးရှား ဝန်ကြီးချုပ်ကိုယ်တိုင် ဩစတြေးလျသို့ သွားရောက်လျှက် ရှိသည်။

ပျောက်ဆုံးနေသည့် MH370 ခရီးသည်တင် လေယာဉ်၏ အမှုကို ရာဇဝတ်မှု တစ်ခုအနေဖြင့် ကိုင်တွယ်စစ်ဆေးမည်ဟု မလေးရှား ရဲတပ်ဖွဲ့က အတည်ပြုခဲ့သည်။ မတ်လ(၈)ရက်နေ့ ကတည်းက ထူးဆန်းစွာ ပျောက်ကွယ်သွားသည့် လေယာဉ်ကို ဩစတြေးလျ ကမ်းလွန်တွင် ရှာဖွေနေပြီး လတ်တလောတွင် မလေးရှား ဝန်ကြီးချုပ်ကိုယ်တိုင် ဩစတြေးလျသို့ သွားရောက်လျှက် ရှိသည်။ မလေးရှား လေကြောင်းလိုင်းပိုင် လေယာဉ်နှင့် ပတ်သက်ပြီး မလေးရှား အစိုးရက ပွင့်လင်းသော သတင်းအချက်အလက်များ ထုတ်ပြန်မှု မရှိကြောင်း ဝေဖန်မှုများ ထွက်ပေါ်ခဲ့ရာ ရဲတပ်ဖွဲ့က ရာဇဝတ်မှု တစ်ခုအနေဖြင့် စုံစမ်းနေသော ကိစ္စတွင် အရာရာတိုင်းကို လူသိရှင်ကြား ချမပြနိုင်ကြောင်း တုံ့ပြန်ခဲ့သည်။

“ကျွန်တော်တို့က လောလောဆယ်မှာ အာရုံစိုက်ရမယ့် နယ်ပယ်(၄)ခုကို အခြေခံ စုံစမ်းနေပါတယ်။ တစ်ဦးချင်း လုပ်ဆောင်မှု၊ စိတ်ပိုင်းဆိုင်ရာ ပြဿနာတွေ၊ ဖောက်ခွဲဖျက်ဆီးတာ၊ ဒါမှမဟုတ် အနုကြမ်းစီးတာတွေပေါ့”ဟု တော်ဝင် မလေးရှား ရဲတပ်ဖွဲ့ အရည်အသွေးနှင့် ထိုးထွင်းတီထွင်မှု ဆွေးနွေးပွဲတွင် မလေးရှား ထောက်လှမ်းရေးဌာန အကြီးအကဲ ခါလစ်အဘူဘေကာက ပြောကြားခဲ့သည်။ ၎င်းက “ခုချိန်ထိ လေယာဉ်ပေါ် လိုက်ပါသွားတဲ့ ခရီးသည်တွေရဲ့ မိသားစုတွေဆီက မှတ်တမ်းပေါင်း (၁၇၀)လောက်ကို ရယူထားပြီးပါပြီ။ ဒါပေမဲ့ ဒါတွေကို အကုန်အစင် ထုတ်ပြနေလို့တော့ မရဘူးလေ”ဟုလည်း မှတ်ချက်ပြုခဲ့သည်။ ခါလစ်က လေယာဉ်ပေါ်တွင် မည်သည့်အရာများ ဖြစ်ပွားခဲ့သည်ကို စုံထောက်များက သဲလွန်စအချို့ ရရှိနေပြီ ဖြစ်သော်လည်း စုံစမ်းမှုများ ဆက်လက် ဆောင်ရွက်နေဆဲဟုလည်း ပြောဆိုသွားသည်။

From: Planet Myanmar Network

ဆက်ဖတ်ရန်>>>>