မိန်းမယူပြီးမှ ချီးစားစုန်း မှန်းသိ၍ ပြန်ကွာရှင်းခဲ့ရသူ

လွန်ခဲ့သော နှစ် ၅၀ ခန့်  (ခန့် မှန်းခြေသာ ) .. မြစ်ဝကျွန်းပေါ်ဒေသ ဧရာဝတီ တိုင်း ၊ (အင်းရဲ ကြီး - အင်းရဲလေး ) ကြားရှိရွာလေး တစ်ခုဖြစ်ပြီး ငါးများပေါများစွာ ထွက်ရှိရာ ရွာလေးဖြစ်ပါသည်…
ထို ရွာတွင် တောင်ယာ စိုက်ပျိုးလုပ်ကိုင်သူများလည်း ရှိပါသည်.. ထိုရွာတွင် ကိုဖိုးမောင်တို့  ဇနီးမောင်နှံ ကို တော့ ၄င်းတို့ ရွာ၏ စံပြဇနီး မောင်နှံဟု ပြောစမှတ်ပြုကြပါသည်…
အဘယ့်ကြောင်းနည်းဟု ဆိုသော် သူတို့ ဇနီးမောင်နှံသည် “မောင်တစ်ထမ်း မယ်တစ်ရွက် ”ဟုသော စကားပုံနှင့်အညီတဦးကိုတစ်ဦးချစ်ခင်ပြီးအလုပ်ကိုကြိုးစားပမ်းစားလုပ်ကိုင်ကြသောကြောင့်ဖြစ်သည်..။
ကိုဖိုးမောင်မှာ တောင်ယာများစိုက်ပျိုးထွန်ယက်ပြီးချိန် တွင် အင်းရဲကြီးသို့ သွားပြီး .. ဖိုးစံမှတ် ဟု နာမည်ကြီးသော အင်းတွင် သွားရောက် အလုပ်လုပ်ကိုင်ပါသည် … (ဖိုးစံမှတ် ( တစ္ဆေများအား ငါးဖမ်းခိုင်းသူ ) အကြောင်းကို အလျင်းသင့်လျင်ဖော်ပြပေးသွားပါမည် .. ။ ) ဆက်ကြရအောင် … ကိုဖိုးမောင်သည် လယ်ယာရိတ်သိမ်းချိန်တွင်ရွာ ကို ပြန်လည်၍ ရောက်ရှိလာပြီး လယ်ရိတ်သိမ်းပါသည် ..။
ထိုသို့ ကိုဖိုးမောင် အင်းရဲကြီးသို့ သွားချိန်တွင် သူ၏ ဇနီးမှာ ဘေးအိမ်ရှိ အပျိုကြီး တို့ ညီအစ်မတို့ အိမ်တွင် ယက်ကန်း ခက်သော အလုပ်ကို လုပ်ကိုင်ပါသည်.. ။
ထိုကဲ့သို့  နေထိုင်လာခဲ့သည်မှာ လက်ထပ်ပြီး ၃ နှစ်ကြာသည် အထိ ရှိပြီဖြစ်သည်…။
ကိုဖိုးမောင်နှင့် ကျနော် ခင်မင်သည်မှာ လည်း ၂ နှစ်ခန့် ရှိပြီ ဖြစ်ပြီး အင်းတွင် အလုပ်လာရောက်လုပ်ကိုင်ရင်း ညီအကို သမျှ ခင်မင်ရင်းနှီးမိခြင်းဖြစ်သည် … ကျနော် က တော့ အင်းရဲလေးဘက်မှာနေထိုင်တာပါ …
လယ်ယာရိတ်သိမ်း ချိန် သို့ ရောက်ရှိလာချိန် တွင် ကို ဖိုးမောင် သည် ရွာပြန်ဖို့ အကြောင်းဖန်လာခဲ့ ပါပြီ… ကျနော် ကတော့ လူပျို လူလွတ်မို့  ရွာ မပြန်ဘဲ ကိုဖိုးမောင်တို့ ရွာကို အလည်လိုက်ခဲ့ပါသည် …
ထိုရွာကလေးသည် အတော်ကို သာယာပါသည် .. ရွာထိပ်တွင် လူငါးယောက်ဖက်စာလောက်ရှိသော ပညောင်ပင်ကြီး တစ်ပင်ရှိပြီး နွယ်ပင်ကဲ့သို့ သော အမျှင်များ ထူထပ်စွာ ကျရောက်နေပါသည် …
ကိုဖိုးမောင်၏ဇနီးနာမည်မှာ မယ်မှုံဖြစ်ပြီး ရုပ်ရည် မှာ ရွက်ကြမ်းရေကျို ရုပ်ရည်မျိုးဖြစ်ပြီး ခန္ဓာကိုယ်တည်ဆောက်ပုံကတော့ အချိုးကျလှပါသည် ..။
ကိုဖိုးမောင်တို့ ရွာကိုရောက်ပြီး ၂ ရက်ခန့် အကြာ ထိုနေ့ ကလပြည့်ည.. အိုက်စပ်စပ်နှင့်ခြင်များ ကလည်း ကိုက်လှသည်… အချိန်ကတော့ သန်းခေါင်ကျော်ကျော် မိုးမလင်း တလင်းလောက်ရှိပြီထင်… အင်း အိမ်ရှေ့ ကွက်ပျစ်လေးတွင် သွားရောက်ထိုင်ပြီး ဆေးလိပ်ဖွာရန် နောက်ဖေး မီးချောင်သို့ မီးခြစ်သွားအယူ… ကိုဖိုးမောင်တို့ အိပ်ခန်းကို အမှတ်တမဲ့ကြည့်လိုက်မိသည် ..
အား……လာ..လားးးးးးးးးးး ကိုဖိုးမောင်သည်.. ခေါင်းမရှိ ခန္ဓာ ကိုယ်ကြီးကို ဖတ်ပြီး အိပ်နေပါလား….. ကျနော့် ခေါင်းရှိ ဆံပင်မွှေးများ ထောင်သွားပြီး ကြက်သီးများဖျဉ်း ခနဲ ထသွားပါသည် ….
ကျနော့ အတွက် တော်တော့်ကိုတုန်လှုပ်နေပါသည် .. ဒီရွာမှ ထွက်ပြေးလျှင်ကောင်းမလား…. အင်း… လမ်းမှာ ခေါင်းပြတ်နေတဲ့ “ ချီးစားစုန်းမ နဲ့ တွေ့ ရင် ” မဖြစ်သေးပါဘူး ကိုဖိုးမောင် ကို နှိုးမှ ဖြစ်မယ် …
“ကိုဖိုးမောင်…ဟေ့လူ ထထ … ခင်ဗျား မိန်းမကို ကြည့်ပါဦး …. ” ကိုဖိုးမောင် လန့် သွာပြီး ထပြေးပါသည် …ပြီးတော့ ကျနေ်ာ့ ကိုဘယ်လိုလုပ်ကြမလဲ ဟုမေးသည် … ထိုမိန်းမ၏ခေါင်းမှာ ပြတ်သွားသလိုမျိုး တုံးတိကြီးဖြစ်ပြီး…သွေးတော့မှမရှိပေ..
ကျနော် စဉ်းစားမိတာ တခုရှိပြီ… ကျနော် မီးဖိုချောင်ထဲသို့ ဝင်သွားပြီး တရော်ကင်ပွန်း ခေါင်းလျှော်ရည် စိမ်ထားသော ဇလုံကြီး ကို ၄င်း မိန်းမ အနားသို့ ယူလာပြီး တရော်ကင်ပွန်းများ သုတ်လိမ်းလိုက်ပါသည် ..
ထိုအချိန်တွင် စူးဝါးစွာအော်သံကို အိမ်အနောက်ဖက် မန်ကျည်းပင်အောက်မှကြားလိုက်ရပြီး .. ကျနေ်ာ ဆင်းကြည့်လိုက်တော့ … မီးလုံးကြီးတစ်လုံး လေပေါ်မှာ ပျံလာတာကိုတွေ့ လိုက်ရတယ် … ကျနေ်ာလည်း ကြောက်ပြီး အိမ်ပေါ်ကိုတက်ပြေးပြီး ကိုဖိုးမောင်ကို ပြောပြပါတယ် … ထိုမီးလုံးကြီးမှာ … အိမ်ထဲသို့ မဝင်ဘဲ အိမ်တံခါးဝမှာ တဝဲလည်လည် လုပ်နေပါတယ်…. ကျနေ်ာနှင့်ကို ဖိုးမောင် အတင်းပြေးဆင်းပြီး အော်ပါတော့သည် …. ထိုအချိန်တွင် ဘေးအိမ်မှလူများ နိုးလားကြပြီးကြည့်ကြပါတော့သည်…
ချီးစားစုန်းမ မှာ ၄င်း၏ ခန္ဓာကိုယ် တွင် တရော်ကင်ပွန်းများ သုတ်လိမ်းထား၍ တပ်မရဘဲဖြစ်နေပါသည်… အိမ်ရှေ့  နှင့် အိမ်ပြင် တွင် ၄င်းမီးဝင်းဝင်းတောက်နေသော ခေါင်းပြတ်ကြီးမှာ ဝင်လိုက်ထွက်လိုက်နှင့်ရှိနေပါသည် ..။
မိုးလည်းလင်းတော့မည် …. ဘေးမှသူများက ဂရုဏာ သက်ဝင်လာပြီး ထိုသုတ်လိမ်းထားသော တရော်ကင်ပွန်း များ ကို သုတ်ပေးရန်ပြောလာကြပါသည် … ထိုရွာသားများထဲမှ သတ္တိ ခပ်ကောင်းကောင်း ယောကျာင်္း ၃ယောက်ခန့်  က ထို စုန်းမ ကို မောင်းထုတ်ပြီးအိမ်ပေါ်သို့  တက်ရောက်ကာသုတ်လိမ်းထားသော တရော်ကင်ပွန်း များကို အဝတ်တခုဖြင့် ဖယ်ရှားပေးလိုက်ပါသည် ..
ထိုအခါ ကျမှ ၄င်းစုန်းမသည် … သူက ခန္ဓာကိုယ်တွင် ပြန်လည်တပ်ဆင်၍ ရသွားပါသည် ..
ကိုဖိုးမောင်လည်း ထိုမိန်းမကို ဆက်မပေါင်းဝံ့တော့ဘဲ…ကျနော်တို့ ရွာကို အပြီးလိုက်လာပါတော့သည် ..
နောက်ပိုင်းကြားရသော သတင်းများအရ ထိုရွာမှ သူများက သူတို့ ၏ ကလေးများကြောက်လန့်မည် စိုးသောကြောင့် ရွာ အပြင်သို့ မောင်းထုတ်လိုက်ကြောင်း ကြားသိရပါသည် …။
ထိုဖြစ်ရပ်သည် အဖွား ၁၆ နှစ်သမီး အရွယ်တွင် အဘိုး(အဖွား၏အဖေ) ပြောပြခဲ့ဖုးသော သူတွေ့ ကြုံခဲ့ ဖူးသော ချီးစားစုန်း မ တစ်ယောက် အကြောင်းဖြစ်ပါသည် ..။ ယခုအဘွားသည်အသက် (၇၀) ဝန်းကျင်ခန့် ရှိနေပါပီ … ။

Zuu

ဆက်ဖတ်ရန်>>>>

၁၃ဝဝ ပြည့်အရေးတော်ပုံ ခေါင်းဆောင် သခင်ဘိုးလှကြီးရဲ့ သမီး

မြန်မာ့သမိုင်းမှာ အထင်ကရ ၁၃ဝဝ ပြည့် ရေနံမြေ အရေးတော်ပုံကြီးရဲ့ သူရဲကောင်း အာဠာဝက သခင်ဘိုးလှကြီး ရဲ့ သမီးရင်းချာ တဦး အခုထိ အသက်ရှိထင်ရှား ရှိနေပါတယ်။

မစုစုနွေး၏ ညာဖက်ကပ်လျှက်က ချိတ်လုံချည်အဝါ စိမ်းပြာရင့်အပေါ်ဝတ်၊ တံဖက်ပတ်ထားသည့် သခင်ဘိုးလှကြီးရဲ့ သမီးဖြစ်သူ ၊ ဓာတ်ပုံ- မစုစုနွေး

 ဒီဇင်ဘာလ ၁၁ ရက်နေ့မှာ ကျရောက်တဲ့ ၁၃ဝဝ ပြည့် အရေးတော်ပုံ စိန်ရတု နှစ်ပတ်လည်နေ့မှာ အလုပ် သမား၊ လယ်သမားအရေး ကူညီဆောင်ရွက်ပေးနေတဲ့ လူ့အခွင့်အရေး တက်ကြွလှုပ်ရှားသူ မစုစုနွေး ရဲ့
ချောက်ရေနံမြေက သမိုင်းဝင်ကျောက်တိုင်ရှေ့မှာ အမှတ်တရ ဓာတ်ပုံမှာ သခင်ဘိုးလှကြီးရဲ့ သမီးဖြစ်သူနဲ့ အတူ မှတ်တမ်း ရိုက်ကူးထားပါတယ်။

အခုလို ကိုလိုနီခေတ် အလုပ်သမား ခေါင်းဆောင် သခင်ဘိုးလှကြီးရဲ့ မျိုးဆက် သမီးဖြစ်သူနဲ့ ယခင် စစ် အာဏာရှင်အစိုးရလက်ထက် အလုပ်သမား၊ လယ်သမားတို့ရဲ့ အားထားရာ ခေတ်သစ် အမျိုးသမီး
ခေါင်းဆောင် မစုစုနွေးတို့ရဲ့ အခု ဓာတ်ပုံထဲက မြင်ကွင်းဟာ သမိုင်းကွင်းဆက်တွေရဲ့ ချိတ်ဆက်မှုကို ဖော်
ပြနေတာလည်း ဖြစ်ပါတယ်။

သခင် ဘိုးလှကြီးမှာ သားသမီး ၆ ဦးထွန်းကားခဲ့ပြီး အသက် ၈၄ နှစ်ရှိပြီဖြစ်တဲ့ ဒုတိယမြောက် သမီးဖြစ် သူ ဒေါ်ကျင်ကျင်ဝေ သာ ကျန်ရစ်ပါတယ်။ ဒေါ်ကျင်ကျင်ဝေကတော့ အခုအခါ မကွေးတိုင်း နတ်မောက်မြို့ မှာ နေထိုင်ပါတယ်။

သမိုင်းရဲ့ အဖိုးတန်သူရဲကောင်း တဦးရဲ့ မျိုးဆက်ဟာ အခုလို သက်ရှိထင်ရှားရှိနေခြင်း အပေါ် မျိုးဆက်သစ်တို့ အတွက် ခွန်အားတခုကို မွေးဖွားစေမှာ ဖြစ်ပါတယ်။



အိမ့်သံစဉ် ~

ဆက်ဖတ်ရန်>>>>

ကလေးငယ်နှစ်ဦးကို မိဘများမရှိခိုက် သတ်သွားသည့် တရားခံဖမ်းမိ

မိဘများအလုပ်သွားနေစဉ် ကလေးငယ်နှစ်ဦး သတ်ဖြတ်ခံရမှုတွင် သံသယရှိသူအဖြစ် ဖမ်းဆီးခံထားရသည့်တရားခံက ၎င်းသတ်ခဲ့ခြင်းဖြစ်ကြောင်း ၀န်ခံခဲ့သည်ဟု အုတ်ဖိုမြို့နယ်ရဲစခန်းမှ သတင်းရရှိသည်။

အဆိုပါတရားခံသည် ကလေးများနှင့်ပတ်သက်၍ စိတ်ရောဂါအခံရှိသူတစ်ဦးဖြစ်ပြီး လွန်ခဲ့သည့်လေးနှစ်ခန့်က အိမ်ထောင်ကွဲခဲ့ရာတွင် ကလေးများက ၎င်းင်း၏ဇနီးနှင့်အတူ ပါသွားခြင်းကြောင့်ဖြစ်ကြောင်း သိရသည်။
ယင်းစိတ်အစွဲအလမ်းကြောင့် ကလေးများကိုမြင်လျှင် ချစ်ခင်ကြင်နာတတ်သော်လည်း ကလေးများကမူ စိတ်ရောဂါရှိသူတစ်ဦးဖြစ်သောကြောင့် ၎င်းကို ကြောက်ရွံ့ကြသည်ဟု ဒေသခံများက ပြောကြားသည်။

အခင်းမဖြစ်ပွားမီတစ်ရက်က အသတ်ခံရသည့်ကလေးများနေအိမ်သို့  အဆိုပါတရားခံက ရောက်ရှိခဲ့ရာ ကလေးများက ပုန်းနေခဲ့ပြီး မိခင်ဖြစ်သူ ပြန်လာသည့်အခါ ကလေးများက ၎င်းကိုကြောက်ရွံ့ကြောင်း ပြောကြားခဲ့သည်။ သို့သော် မိခင်ဖြစ်သူက ဂရုမစိုက်မိခဲ့ဘဲ အခင်းဖြစ်ပွားမည့်နေ့ နံနက်တွင် အလုပ်ထွက်သွားခဲ့ခြင်းဖြစ်သည်ဟု ကလေးများ၏မိခင်ကပြောသည်။

ထို့အပြင် ကလေး၏ဖခင်ဖြစ်သူနှင့် အခင်းမဖြစ်ပွားမီ ဆယ်ရက်ခန့်က စကားများခဲ့ရာ ၎င်းက ““လူကြီးကိုမလုပ်ရလျှင် ကလေးများကို လုပ်မည်””ဟု ကြိမ်းမောင်း စကားဆိုခဲ့ကြောင်း ဒေသခံတစ်ဦးကပြောသည်။
ယင်းဖြစ်စဉ်သည် ဒီဇင်ဘာ ၆ ရက် နံနက်က အသက် (၆)နှစ်အရွယ် မိန်းကလေးတစ်ဦးနှင့် အသက်(၂)နှစ်အရွယ် ယောက်ျားလေးတစ်ဦးသည် မိဘများအလုပ်သွားနေစဉ်အချိန်၌ အသတ်ခံခဲ့ရခြင်းဖြစ်သည်။ တရားခံဖြစ်သူကို ထိုနေ့ညနေကပင် ဖမ်းဆီးရမိ စစ်ဆေးခဲ့ခြင်းဖြစ်သည်။

တရားခံကို အုတ်ဖိုမြို့နယ် ရဲစခန်းက ပုဒ်မ(၃၀၂)ဖြင့် အရေးယူဆောင်ရွက်လျက်ရှိကြောင်း သတင်းရရှိသည်။

7day Daily

ဆက်ဖတ်ရန်>>>>

ခရစ္စမတ်ကာလတွင် ခရစ်ယာန်ဘာသာဝင် များကို မွတ်ဆလင် အကြမ်းဖက်များ တိုက်ခိုက်ရန် စီစဉ်နေဖွယ်ရှိဟု အင်ဒိုနီးရှား သတိပေး

အင်ဒိုနီးရှားနိုင်ငံတွင် ခရစ္စမတ်ကာလနှင့် နှစ်သစ်ကူးကာလ တို့၌ မွတ်ဆလင် အကြမ်းဖက်သမားများက ခရစ်ယာန် ဘာသာရေး ဝတ်ပြုသူများကို ပစ်မှတ်ထား တိုက်ခိုက်ရန် စီစဉ်ကောင်း စီစဉ်နေဖွယ် ရှိသည်ဟု အင်ဒိုနီးရှား ရဲတပ်ဖွဲ့က သတိပေး ပြောကြားလိုက်ကြောင်း CNA သတင်းတွင် ဖော်ပြထားသည်။

အင်ဒိုနီးရှားရှိ အစွန်းရောက် အကြမ်းဖက်သမား များသည် ၄င်းတို့ ပစ်မှတ်ထားသော နေရာများကို ဗုံးထောင်ရန် ဦးတည် လှုပ်ရှားနေသည့် လက္ခဏာများ တွေ့နေရ ကြောင်း အင်ဒိုနီးရှား အမျိုးသားရဲချုပ် ဆူတာမန်က ပြောကြားသည်။
"အကြမ်းဖက်သမား တွေဟာ နေရာတကာမှာ သူတို့ဆဲလ်တွေ ရှိပြီးတော့၊ တကယ်လည်း လှုပ်ရှားနေကြတယ်။ ကျွန်တော်တို့ အနေနဲ့ အဲဒီ အကြမ်းဖက်သမားတွေကို လိုက်လံ ရှာဖွေနေပါတယ်" ဟု ၄င်းက ပြောကြားသည်။

သို့သော် သံသယရှိသော အကြမ်းဖက် အဖွဲ့နှင့် ပတ်သက်၍မူ အသေးစိတ် တစ်စုံတစ်ရာ ပြောကြားခြင်းမရှိပေ။

အင်ဒိုနီးရှားတွင် ရှိသော လူနည်းစု ခရစ်ယာန် ဘာသာဝင်များမှာ လွန်ခဲ့သော နှစ်များအတွင်း အစ္စလာမ္မစ် အစွန်းရောက် များ၏ ဖိအားပေးမှုကို ပိုမိုခံလာရပြီး၊ မွတ်ဆလင် အစွန်းရောက်များက ခရစ်ယာန် ဘုရား ကျောင်းများပိတ်ရန် ဖိအားပေးခြင်း၊ ခရစ်ယာန်များ ဝတ်ပြုဆုတောင်းရာ နေရာ အပြင်ဘက်တွင် ဆန္ဒပြခြင်းများ ပြုလုပ်ခဲ့သည်။

သို့သော် အင်ဒိုနီးရှားရှိ ခရစ်ယာန် လူနည်းစုအပေါ် အကြမ်းဖက် တိုက်ခိုက်ခြင်းများ ပြုလုပ်ခြင်းကိုမူ ၂၀၁၁ ခုနှစ်က အလယ်ပိုင်း ဂျာဗားပြည်နယ်ရှိ ဆိုလို ခရစ်ယာန်ဘုရားကျောင်းကို အသေခံဗုံးခွဲ တိုက်ခိုက်ပြီးနောက် ထပ်မံပြုလုပ်ခြင်း မရှိတော့ကြောင်း အဆိုပါ သတင်းတွင် ဖော်ပြထားသည်။

အင်ဒိုနီးရှားတွင် ၂၀၀၀ ပြည့်နှစ်က ဘုရားရှိခိုးကျောင်း များသို့ ခရစ္စမတ် လက်ဆောင်အဖြစ် ပေးပို့ထားသော လက်ဆောင်ထုပ် များမှ ဗုံးပေါက်ကွဲမှုကြောင့် ခရစ်ယာန်ဘုန်းတော်ကြီးများ အပါအဝင် လူ ၁၉ ဦး သေဆုံးခဲ့ပြီး လူများစွာ ထိခိုက် ဒဏ်ရာရခဲ့သည်။

အင်ဒိုနီးရှား နိုင်ငံတွင် ၂၀၁၂ ခုနှစ်က အနောက်နိုင်ငံသား များကို အဓိက ပစ်မှတ်ထား တိုက်ခိုက်ခဲ့သော ဘာလီကျွန်း ဗုံးခွဲ တိုက်ခိုက်ခံရခြင်းကြောင့် ကမ္ဘာလှည့်ခရီးသည် အများစု ပါဝင်သော လူ ၂၀၂ ဦး သေဆုံးခဲ့ပြီးနောက် အင်ဒိုနီးရှား အစိုးရက နိုင်ငံတွင်းရှိ အစ္စလာမ္မစ် အကြမ်းဖက်ကွန်ရက်ကို ဖြိုခွင်းမှုများ ပြုလုပ်ခဲ့သည်။

The Voice Weekly

ဆက်ဖတ်ရန်>>>>

ချစ်တင်းနှောခြင်းက ကျန်းမာရေးကို ဘယ်လိုအထောက်အကူပြုနိုင်သလဲ

ကာမပိုင် ဇနီးမောင်နှံများအတွက် အိမ်ထောင်ရေး သာယာဖို့ အတွက် အချစ်ကိစ္စတွေဟာလည်း အရေး ပါတဲ့ ကဏ္ဍ တစ်ခု ဖြစ်ပါ တယ်။ ချစ်တင်းနှောခြင်းဟာ ချစ်ကျေနပ်မှု အပြင် စိတ်ဖိစီး မှုလျော့ ပါးခြင်း၊ အိပ်ပျော် ခြင်းနဲ့ ကယ်လိုရီလောင်ကျွမ်းခြင်းစတဲ့ ကျန်း မာရေး အကျိုးပြုမှုတွေလဲရှိနေပါတယ်။ ဒီဆောင်း ပါးမှာတော့ ကျန်းမာရေး ရှုထောင့်အရ ချစ်တင်းနှောခြင်းက ဘယ်လိုအာနိသင်တွေရှိသလဲဆိုတာ တင်ပြ သွားပါမယ်။

နှလုံးကျန်းမာရေးကို မြှင့်တင်ပေးနိုင်ပါတယ်-တစ်ပတ်ကို နှစ်ကြိမ် အထက်ချစ်တင်းနှောခြင်းဟာ အမျိုးသားတွေရဲ့ နှလုံးတိုက်ခိုက်မှုဒဏ်ကို လျော့ပါးစေနိုင်ပါတယ်။

နာကျင်မှုကိုသက်သာစေပါတယ်- ချစ်တင်းနှောချိန်မှာ ငါးဆမြင့်တက်လာတဲ့ oxytocin  ဟော်မုန်းဟာ ကြွက်သားနာကျင်မှု၊ ခေါင်းကိုက်ခြင်းတွေကို လျော့ပါးသက် သာစေတယ်လို့ သိရပါတယ်။
ခုခံအားကို တက်စေပါတယ်- လင်မယားတွေကြားမှာ ပုံမှန်ချစ်တင်းနှောခြင်းဟာ ခုခံအားကိုမြှင်တင်ပေးနိုင်တဲ့ ပဋိဆန့်ကျင် IgA ကိုမြင့်တက်စေ နိုင်ပါတယ်။

အိပ်ပျော်စေနိုင်ပါတယ်- စိတ်ဖိစီးမှုကို လျော့ပါးစေတဲ့ ဟော်မုန်းတွေ ထွက်ရှိပြီးကြွက်သားတွေကိုပြေလျော့စေတဲ့အတွက် ချစ်တင်းနှောအပြီးမှာ ကောင်းမွန်စွာ အိပ်ပျော်စေနိုင်ပါတယ်။

ကျန်းမာစေနိုင်ပါတယ်- ချစ်တင်းနှောနေချိန်မှာ ထွက်တဲ့ ဟော်မုန်း dehydorepiandrosterone ဟာ ခုခံအားစနစ်ကို မြှင့်တင်ပေးပြီး ကိုယ်ခန္ဓာတစ်ရှုးတွေကို ပျက်စီးယိုယွင်းခြင်းကို ထိန်းသိမ်းပေးပါတယ်။ နှလုံးခုန်မြန်စေပြီး အခြားအင်္ဂါအစိတ်အပိုင်းတွေ၊ ဆဲလ်တွေကို သွေးပို့လွှတ်နိုင်မှု မြင့်တက်စေပါတယ်။
နုပျိုစေပါတယ် – တစ်ပတ်မှာ သုံးကြိမ်ခန့် ချစ်တင်းနှောခြင်းဟာ နုပျိုစေတယ်ဆိုတာ ယုံပါသလား။ ချစ်တင်းနှော ချိန်မှာထွက်တဲ့ ရောင်ရမ်းမှုကိုဆန့်ကျင်တဲ့ မော်လီကျူးတွေဖြစ်တဲ့ oxytocin နဲ့ endorphins  ဟာ အရေပြားယိုယွင်းမှုကို ပြုပြင်နိုင်ခြင်း၊ အရေးအကြောင်းတွေကို လျော့ပါးစေခြင်းစတဲ့အာနိသင်တွေ ရှိနေပါတယ်။ ဒါ့အပြင် သွေးလှည့်ပတ်မှု ပိုမိုကောင်းမွန်ခြင်းကလည်း အရေပြားကျန်းမာရေးကို ထိန်းသိမ်းပေးနိုင်ပါတယ်။

သန့်စင်

ref: PTI

Health Updates Journal
No(95)

ဆက်ဖတ်ရန်>>>>

သတ်မှတ်စောင်ရေထက် ပိုမိုရောင်းချသော်လည်း ဘောလုံးပရိသတ်များအတွက် ၀ယ်ယူရန် အခက်အခဲကြုံ

ရန်ကုန်၊ ဒီဇင်ဘာ ၁၃။

ဒီဇင်ဘာလ ၁၄ ရက်နေ့တွင် ကျင်းပပြုလုပ်မည့် မြန်မာနှင့်ထိုင်း အမျိုးသားဘောလုံးပွဲစဉ်အတွက် လက်မှတ် ၀ယ် ယူရာတွင် အခက်အခဲများ ကြုံတွေ့နေကြောင်း သိရှိရသည်။ ပွဲလက်မှတ်များကို အောင်ဆန်း ကွင်း၊ သုဝဏ္ဏကွင်း၊ စလင်းကွင်း၊ ပဒုမ္မာကွင်းတို့တွင် ခွဲ၍ ရောင်းချခဲ့ခြင်းဖြစ်သည်။

ဒီဇင်ဘာလ ၁၃ရက်နေ့ နံနက် (၁၀း၀၀)နာရီတွင် စတင်ရောင်းချမည်ဟု ကြေညာထားသော်လည်း ကွင်းအားလုံးတွင် (၉း၀၀)နာရီခန့်မှ စ၍ ၀ယ်ယူခွင့် မရခဲ့ခြင်းဖြစ်သည်။

“ကျွန်မတို့က တောင်ဥက္ကလာ (၃)ရပ်ကွက်က လာရောက်ဝယ်ရတာပါ။ (၉း၀၀)နာရီအချိန်လောက် ရောက်တော့ လက်မှတ်မရှိတော့ဘူးဟု ပြောပါတယ်။ ကျွန်မတို့ တစ်သက်မှာ ပထမဆုံးကြုံရတဲ့ ပွဲလေးကို ကျွန်မတို့ ကြည့်ချင်ပါတယ်”ဟု လက်မှတ်လာရောက်ဝယ်ယူသူ မကြူကြူသင်းမှ ပြောကြားခဲ့သည်။

မြန်မာနိုင်ငံ ဘောလုံးအဖွဲ့ချုပ် တာဝန်ရှိသူ တစ်ဦးဖြစ်သူ ဦးရဲမျိုးဟိန်းအား ဆက်သွယ်မေးမြန်းခဲ့ရာ ၄င်းက ဒီဇင်ဘာလ ၁၃ ရက်နေ့အတွက် ကွင်းအားလုံး ရောင်းချရမည့် ခွဲတမ်းမှာ တစ်သောင်းဖြစ်ကြောင်း၊ ပရိသတ်များလွန်း၍ စောင်ရေ လေးထောင် ထပ်မံရောင်းချပေးခဲ့ရကြောင်း၊ ပွဲနေ့တွင်လည်း နံနက် (၈း၃၀)မှစ၍ လက်မှတ်စောင်ရေ ခြောက်ထောင် ထပ်မံရောင်းချပေးမည်ဖြစ်ကြောင်း၊ ယနေ့အတွက် ဆက်လက်ရောင်းချပေးမည်မဟုတ်ကြောင်း ပြောကြားခဲ့သည်။

သို့သော် ယခုအချိန်အထိ ပရိသတ်များမှာ လက်မှတ်များထပ်မံ ရောင်းချပေးမည်ဟူသော မျှော်လင့်ချက်ဖြင့် လက်မှတ်ရောင်းချနေသော ကွင်းများအားလုံးတွင် ဆက်လက် စောင့်ဆိုင်းလျက်ရှိသည်။

“မြန်မာနှင့် ထိုင်းပွဲက ဘောလုံးပရိသတ်အားလုံး စိတ်ဝင်စားပြီး ကြည့်ချင်တဲ့ ပွဲကောင်းတစ်ပွဲဖြစ်ပါတယ်။ အကြောင်းအမျိုးမျိုးကြောင့် ကွင်းအတွင်း ၀ယ်ယူကြည့်ရှုခွင့် လက်မှတ် မရသူများအတွက် LED ဘုတ်များနဲ့ ပြသပေးသွားမှာဖြစ်ပါတယ်။ ဒါကြောင့် ကွင်းပြင်ကနေလဲ အားပေးဖို့ တိုက်တွန်းလိုပါတယ်”ဟု ဦးရဲမျိုးဟိန်းမှ ပြောကြားသွားပါတယ်။

မြန်မာနှင့် ထိုင်း ဘောလုံးပွဲသည် ပြိုင်ဆိုင်မှုပြင်းထန်သော ပွဲတစ်ပွဲဖြစ်သည့်အပြင် နှစ်ပေါင်း (၄၄)နှစ်ကြာမှ ပြန်လည် ကျင်းပခွင့်ရသော ဆီးဂိမ်းပြိုင်ပွဲဖြစ်သည့်အတွက်လည်း ပရိသတ်များ၏ အထူးစိတ်ဝင်စားသော ပွဲကောင်းတစ်ပွဲဖြစ်ပါသည်။

အတာလွင်
မြန်မာ့ခေတ်

ဆက်ဖတ်ရန်>>>>

နှစ် ၄ဝ အရွယ် သန္ဓေသားအား ၈၂ နှစ်အရွယ် မိခင်ကြီး၏ ဝမ်းထဲတွင် တွေ့ရှိ

ကိုလံဘီယာနိုင်ငံ၊ ဘိုဂိုတာမြို့နေ အသက် ၈၂ နှစ်အရွယ်ရှိ အမျိုးသမီးကြီး တစ်ဦး၏ ဝမ်းဗိုက်ထဲတွင် အ သက် ၄ဝ အရွယ် သန္ဓေသားအား ထူးထူးဆန်းဆန်း ရှာဖွေတွေ့ရှိခဲ့ကြောင်း huffingtonpost ၏ သတင်း တစ်ရပ် အရ သိရှိရပါတယ်။ ၄ဝ နှစ်အရွယ် သန္ဓေသားဆိုလို့ အထုအထည်နဲ့ သန္ဓေသားကြီးများ ဖြစ်လေရော သလားလို့ အတွေးမရှိပါနဲ့ဦး၊ သန္ဓေမအောင်တဲ့ ၄ဝ နှစ်အရွယ် ကျောက်ရုပ်ကြွင်းသန္ဓေသား သာဖြစ် ပါတယ်။

ဖြစ်ပုံက ဒီလိုပါ။ အဆိုပါ အမျိုးသမီးကြီးသည် ဝမ်းဗိုက်နာကျင်မှုဝေဒနာ ခံစားနေရသဖြင့် ဆေးရုံတွင် တက်ရောက်၍ ဆေးကုသမှုခံယူရာ ဆရာဝန်များက အူရောင်ငန်းဖျား ဝေဒနာ ခံစားနေရသည်ဟု ကနဦး ထင်မြင်ယူဆခဲ့ကြပါတယ်။ X-rays ရိုက်ယူအပြီး နောက်ပိုင်းတွင်မူ ယင်းတို့၏ ထင်မြင်ယူဆချက်များ တက်တက်စင်အောင် လွဲသွားခဲ့ရပါတယ်။ အကြောင်းကတော့ သူခံစားနေရသော ဝေဒနာသည် အူရောင်ငန်းဖျားရောဂါကြောင့် မဟုတ်ဘဲ၊ သူ၏ဝမ်းဗိုက်ထဲရှိ ကျောက်ရုပ်ကြွင်းအဖြစ် ကျန်ရှိနေခဲ့သော သန္ဓေသား ကြောင့်ဖြစ်တဲ့ ဝေဒနာကြောင့် ဖြစ်ပါတယ်။

အနှစ် ၄ဝ ကျော်အထိ ကိုယ့်ဗိုက်တွင်းက ကျောက်ရုပ်ကြွင်းသန္ဓေသား အကြောင်း မသိရကောင်းလားရယ်လို့ အပြစ်တင် မစောပါနဲ့ဦး။ အချို့အချို့သော အမျိုးသမီးများမှာ ကိုယ်ဝန်ဆောင်စဉ် မအီမသာဖြစ်မှုများ (Morning Sickness) ဖြစ်ပေါ်ပြီး မကြာမီ ယင်းလက္ခဏာများ ပျောက်ကွယ်သွား တတ်ပါတယ်။ ဒါကို ကိုယ်ဝန် အဖတ်မတင်ဘူး အထင်နဲ့ အချို့ အမျိုးသမီးများ ကဲ့သို့ မေ့မေ့ပျောက်ပျောက်ထားလေ့ ရှိခဲ့၍ပဲလား။ ငွေရေးကြေးရေး အကြပ်အတည်းကြောင့် ငွေကုန်ကြေးကျ များမည်စိုး၍ မဖယ်ရှားခဲ့ခြင်းပဲလား။ ဤအချက်နှစ်ခုထဲက တစ်ခုခုတော့ ဖြစ်ကောင်းဖြစ်နိုင်ပါတယ်။

ကျောက်ရုပ်ကြွင်း သန္ဓေသား ဆိုတာ ဘာလဲ

သာမန်အားဖြင့် ကိုယ်ဝန်ဆောင်ခြင်း အမှုကိစ္စတွင် မိခင်၏ သားအိမ်တွင်း ကိုယ်ဝန်ဆောင်ခြင်းနှင့် သားအိမ်ပြင်ပ ကိုယ်ဝန်ဆောင်ခြင်းဟူ၍ နှစ်မျိုးရှိပါတယ်။ ကိုယ်ဝန်သည် မိခင်လောင်း ကိုယ်ဝန်ဆောင်နေစဉ် သန္ဓေသားလောင်း မိခင်၏ သားအိမ်တွင်းသို့ ချောချောမွေ့မွေ့ ရာက်ရှိသွားသည့်အခါ သားအိမ်တွင်း ကိုယ်ဝန်ဆောင်ခြင်းဖြစ်ပြီး၊ သားအိမ်အတွင်းသို့ မရောက်ဘဲ ဝမ်းဗိုက်ထဲတွင် ကျန်ရစ်နေသောအခါ သားအိမ်ပြင်ပ ကိုယ်ဝန်ဆောင်ခြင်း ဖြစ်ပါတယ်။

သားအိမ်ပြင်ပသို့ ရောက်ရှိသွားသည့် သန္ဓေသားလောင်းမှာ အများအားဖြင့် သေဆုံးကြလေ့ရှိပြီး၊ ယင်းသည် မိခင်၏ကိုယ်တွင်းရှိ သန္ဓေသားအား ကာကွယ်ပေးသည့် အရည်ကြည် (Amniotic Fluid) နှင့် ဓာတ်ပြုမှုကြောင့် ပျက်ပြယ်သွားလေ့ရှိပါတယ်။ သန္ဓေသားလောင်း အများစုမှာ ဤသို့ သေဆုံး ပျက်ပြယ်သော်လည်း၊ လအနည်းငယ် အထိ အသက်ရှင်သည် သန္ဓေသားလောင်းလည်း ရှိပါတယ်။ ဒါပေမယ့် အလွန်တရာ ရှားပါးပါတယ်။

ယခုကဲ့သို့ အလွန်တရာ ရှားပါးသော လအနည်းငယ်သာ အသက်ရှင်သည့် သန္ဓေသားသည် အခြား သားအိမ်ပြင်ပရှိ သန္ဓေသားလောင်းများ ကဲ့သို့ နောက်ဆုံးတွင် သေဆုံးကြရပါတယ်။ ဒါပေမယ့် လအနည်းငယ် အသက်ရှင်ခဲ့တဲ့ သန္ဓေသား၏ ရုပ်လုံးအကောင်အထည်မှာ ဖွံ့ဖြိုးနေတာကြောင့် မိခင်လောင်း၏ ဝမ်းဗိုက်အတွင်းရှိ Amniotic Fluid သည် ယင်းနှင့် ဓာတ်ပြုနိုင်ခြင်းမရှိဘဲ၊ ကယ်လစီယမ်နှင့်သာ ဓာတ်ပြု၍ ‘ထုံး’ ကျောက်ရုပ်ကြွင်းအဖြစ် ဝမ်းဗိုက်တွင်း ကျန်ရစ်နေခဲ့ရပါတယ်။ ဤ ဖြစ်စဉ်မျိုးကို ဆေးပညာအရ ‘Lithopedion (သို့) Stone Baby’ ဟု ခေါ်ကြောင်း သိရပါတယ်။

ဤကဲ့သို့သော သားအိမ်ပြင်ပ ကိုယ်ဝန်ဆောင်ခြင်း ဖြစ်စဉ်တွင် ကိုယ်ဝန်သည် မိခင်လောင်း အယောက်ပေါင်း ၁၁ဝဝဝ ထဲတွင်မှ တစ်ဦးတလေ ဖြစ်တတ်ပြီး၊ သားအိမ်ပြင်ပတွင် သေဆုံးသည့် သန္ဓေလောင်း၏ ကျောက်ရုပ်ကြွင်းသန္ဓေသား အဖြစ် (Lithopedion (သို့) Stone Baby) ပြောင်းလဲမှုဖြစ်စဉ်သည် ရာခိုင်နှုန်းအားဖြင့် ၁.၅ နှင့် ၁.၈ သာ ရှိကြောင်း သိရပါတယ်။

(မှတ်ချက် – ဤဆောင်းပါးပါ ဆေးပညာဆိုင်ရာ ဝေါဟာရများကို မှားယွင်းသုံးနှုန်းမိပါက စာရေးသူ၏ လိုအပ် ချက် သာဖြစ်ပါကြောင်း။ ဆေးပညာ ဆိုင်ရာ ဝေါဟာရများကို ကျွမ်းကျင်ပိုင်နိုင်သည့် ပညာရှင်များကိုလည်း အမှားပြင်ဆင်ပေးပါရန် ဖိတ်ခေါ်ပါတယ်။)


By မောင်သြ
Myanmar Consumer Guide

ဆက်ဖတ်ရန်>>>>

ပခုက္ကူမြို့တွင် ဖုန်းအားသွင်းရာမှ မီးအားမြှင့်စက်အပူလွန်ကဲ၍ မီးလောင်မှုဖြစ်ပွားရာ လူတစ်ဦးသေဆုံးပြီး နေအိမ်ခုနစ်လုံး မီးလောင်ဆုံးရှုံး

ဒီဇင်ဘာ ၁၁ ရက် ည ၁၁နာရီ ၄၅ မိနစ်ခန့်အချိန်က အမှတ် ၁၃ ရပ်ကွက် မြဧရာလမ်းအတွင်း မီလောင်မှုဖြစ်စဉ်အားတွေ့ရစဉ်

ဒီဇင်ဘာ ၁၁ ရက် ည ၁၁ နာရီ ၄၅ မိနစ်ခန့်က ပခုက္ကူမြို့၊ အမှတ်(၁၃)ရပ်ကွက် မြဧရာလမ်းတွင် ဖုန်းအား သွင်းရာ မှ မီးအားမြှင့်စက် အပူလွန်ကဲပြီး မီးလောင်မှုဖြစ်ပွားခဲ့ရာ နေအိမ်ခုနစ်လုံး မီးလောင်ဆုံးရှုံးခဲ့ပြီး အသက် (၆၀)အရွယ် စိတ်ဝေဒနာခံစားနေရသည့် အမျိုးသမီးတစ်ဦး မီးလောင်သေဆုံးခဲ့ကြောင်း သိရ သည်။

ဖြစ်စဉ်မှာ ၂၀၁၃ ခုနှစ်၊ ဒီဇင်ဘာ ၁၁ ရက် ည ၁၁ နာရီ ၄၅ မိနစ်ခန့်တွင် ပခုက္ကူ မြို့၊ အမှတ်(၁၃) ရပ် ကွက်၊ မြဧရာလမ်းတွင် နေထိုင်သည့် ကိုမြင့်ကျော် ၃၈နှစ်၊ (ဘ)ဦးမြသန်းသည် နေအိမ်အောက်ထပ်ရှိ မီးအားမြှင့် စက်မှ တစ်ဆင့် ဖုန်းအားသွင်းပြီး အိပ်ပျော်သွားခဲ့ရာ ဖုန်းနှင့်မီးအားမြှင့်စက်တို့ အပူလွန်ကဲရာမှ မီးလောင် မှုဖြစ် ပွားခဲ့ခြင်းဖြစ်သည်။

မီးလောင်မှုကြောင့် ဦးမြင့်ကျော်၏ နေအိမ်နှင့်အလုပ်ရုံအပါအ၀င် ကပ်လျက်ရှိ ဦးစိန်အောင်၏ (၄x၃)ပင် သွပ်မိုးထရံကာ ပျဉ်ခင်းအိမ်တစ်လုံး၊ ဒေါ်မြအေး၏ (၃x၃)ပင် သွပ်မိုးထရံကာ ၀ါးကြမ်းခင်းအိမ်တစ်လုံး၊ ဦးညွန့်မောင်၏ (၃x၃)ပင် သွပ်မိုးထရံကာ ပျဉ်ခင်းအိမ်နှစ်လုံး၊ ဦးမောင်မြင့် ၏ (၃x၃) ပင် သွပ်မိုးထရံကာ ၀ါးကြမ်းခင်းအိမ်တစ်လုံး၊ ဦးကျော်မြင့်၏ (၃x၃) ပင် သွပ်မိုးထရံကာ ပျဉ်ခင်းအိမ်တစ်လုံးတို့ မီးလောင်ဆုံး ရှုံးခဲ့ပြီး ဦးစိန်အောင်၏ ညီမ ဒေါ်ဌေး အသက် ၆၀ (စိတ်ဝေဒနာခံစားနေရသူ)မှာ မီးလောင်သေ ဆုံးခဲ့ကြောင်းသိရသည်။ " မီးလောင်တဲ့နေရာကို ချက်ချင်း ရောက်သွားတယ်။ အိမ်တွေအားလုံးက ဖိနပ်လုပ် တဲ့သူတွေ ဆိုတော့ အိမ်တိုင်းမှာ လောင်စာဆီရှိတယ်။ မီးကူးတာတအားမြန်တယ်။ အနောက် ဘက်ဆုံး အိမ်က အစွန်ဖြစ်နေတဲ့အတွက် ဘေးကိုဆက်မကူးတာ။ ရာသီဥတုကလည်း အအေးဓာတ် ၀င်နေ တာကြောင့် ဒီလောက်နဲ့တော်သွားတာ " ဟု အမှတ်(၁၃) ရပ်ကွက်မှ ကိုယ်တိုင်မီးငြှိမ်းသတ်ခဲ့သူ ကိုကျော်မြင့်အေး က ဆိုသည်။

မီးလောင်မှုဖြစ်ပွားရာသို့ မီးသတ်ယာဉ် ၁၄ စီး၊ သန္ဓေမီးသတ် ၁၅ ဦး၊ အရန်မီးသတ် ၅၅ ဦးနှင့် ရပ်ကွက်နေပြည် သူများ၊ သံဃာတော်များ ၀ိုင်းဝန်းငြှိမ်းသတ်မှုကြောင့် ည ၁၂ နာရီ မိနစ် ၂၀ တွင် မီးညွန့်ကျိုး သွားခဲ့ပြီး၁၂ နာရီ ၄၅ မိနစ်ခန့်တွင် လုံးဝငြှိမ်းသတ်နိုင်ခဲ့ကာ ပျက်စီးဆုံးရှုံးမှု တန်ဖိုးကျပ် ၁၅ သိန်းခန့် ရှိကြောင်းသိရသည်။ မီးစတင်လောင်ကျွမ်းရာနေအိမ်မှ ကိုမြင့်ကျော်အား ပခုက္ကူမြို့နယ် ရဲစခန်းမှ (ပ) ၃၀၄/၂၀၁၃၊ ပြစ်မှုပုဒ်မ ၂၈၅/၃၀၄-က ဖြင့် အမှုဖွင့်အရေးယူ ဆောင်ရွက်လျက်ရှိကြောင်းသိရသည်။



Eleven Media Group

ဆက်ဖတ်ရန်>>>>

MTV၏ တစ်နှစ်တာ အထင်ပေါ်ဆုံး အနုပညာရှင်အဖြစ် မိုင်လီ ရွေးချယ်ခံရ

MTV၏ ဗီဒီယိုဂီတ ဆုပေးပွဲတွင် ခပ်ကြမ်းကြမ်းနှင့် ပွင့်လင်းလွန်းသည့် ဖျော်ဖြေမှုများကြောင့် လူပြောများခဲ့သည့် မိုင်လီသည် တစ်နှစ်တာအတွင်း အမှန်တကယ် လူအများ၏ ဝေဖန်ခြင်း၊ ထောက်ခံခြင်းများကို အခံရဆုံး အဆိုတော်တစ်ဦးလည်း ဖြစ်လာခဲ့

MTVက ယခုနှစ်၏ တနှစ်တာလုံး အထင်ပေါ်ဆုံး အနုပညာရှင်အဖြစ် မိုင်လီဆိုင်းရပ်စ်ကို ရွေးချယ်လိုက်ကြောင်း သိရှိရသည်။ ထို့ကြောင့် မိုင်လီသည် ကေတီပယ်ရီ၊ One Direction အစရှိသည့် နာမည်ကျော်များ၏ ခြေရာကို နင်းနိုင်ခဲ့ပြီ ဖြစ်သည်။ MTV၏ ဗီဒီယိုဂီတ ဆုပေးပွဲတွင် ခပ်ကြမ်းကြမ်းနှင့် ပွင့်လင်းလွန်းသည့် ဖျော်ဖြေမှုများကြောင့် လူပြောများခဲ့သည့် မိုင်လီသည် တစ်နှစ်တာအတွင်း အမှန်တကယ် လူအများ၏ ဝေဖန်ခြင်း၊ ထောက်ခံခြင်းများကို အခံရဆုံး အဆိုတော်တစ်ဦးလည်း ဖြစ်လာခဲ့သည်။ ရော်ဘင်သစ်ကီနှင့်အတူ Blurred Linesကို ပူးပေါင်းဖျော်ဖြေသွားရာ၌ လူငယ်ထု အတုယူ မှားနိုင်လောက်သော ဝတ်စားဆင်ယင် ပြုမူပုံများ ရှိခဲ့ကြောင်း အဓိက ဝေဖန်ပြစ်တင် ခံခဲ့ရသည်။

အသက်(၂၁)နှစ်ရှိ မိုင်လီသည် ယခုဆုအတွက် ထိုက်တန်ကြောင်း MTV၏ ဂီတနှင့် ကိုယ်ရည်ကိုယ်သွေး အစီအစဉ်မှ အေမီဒွိုင်းလ်က မှတ်ချက်ပြုခဲ့သည်။ "မိုင်လီဟာ လူကြိုက်အများဆုံး သီချင်းတွေ စာရင်းမှာလည်း လွှမ်းမိုးရပ်တည်ခဲ့တယ်။ ပြီးတော့ ဒီနှစ်အတွင်းမှာ အမှတ်ရစရာ အခိုက်အတန့်တွေကို အဓိက ဖန်တီးခဲ့သူ တစ်ယောက်လည်း ဖြစ်နေတယ် မဟုတ်လား"ဟု အေမီက ဆိုသည်။ MTVသည် တစ်နှစ်တာအတွင်း သတင်းကြီးခဲ့သည့် အဆိုတော်များနှင့် ပတ်သက်ပြီး ယခုဆုကို ပေးအပ်လေ့ရှိရာ (၂၀၁၁)က ကေတီဆုရရှိခဲ့ပြီး ယမန်နှစ်ကမူ နာမည်ကြီး အမျိုးသား အဆိုတော်အဖွဲ့ One Directionက အဆိုပါဆုကို ဆွတ်ခူးနိုင်ခဲ့သည်။

Planet Myanmar Network

ဆက်ဖတ်ရန်>>>>

Financial Times ၏ မြန်မာနိုင်ငံမှ ဘဏ်လုပ်ငန်း ဆိုင်ရာ စွမ်းဆောင်မှု အကောင်းဆုံးဆု ကမ္ဘောဇဘဏ် ရရှိ

လန်ဒန် အခြေစိုက် Financial Times မှ ပေးအပ်သည့် ၂ဝ၁၃ ခုနှစ် မြန်မာနိုင်ငံမှ ဘဏ် လုပ်ငန်း ဆိုင်ရာ စွမ်းဆောင်မှု အကောင်းဆုံးဆု (Bank of the Year in Myanmar) ကိုကမ္ဘောဇ ဘဏ် လီမိတက်မှ ရရှိခဲ့ကြောင်း သိရ သည်။

Financial Times မှ ပေးအပ်သည့် ၂ဝ၁၃ ခုနှစ် နိုင်ငံအလိုက် အ ကောင်းဆုံး ဘဏ်ဆု ‘The Banker Awards 2013′ ဆုချီးမြှင့်ပွဲ အခမ်းအနားကို ၂ဝ၁၃ ခုနှစ် နိုဝင် ဘာလ ၂၈ ရက်နေ့ ဒေသ စံတော်ချိန် ညနေ ၆ နာရီ ခွဲတွင် အင်္ဂလန်နိုင်ငံ၊ လန်ဒန်မြို့ရှိ Intercontinental Hotel, Ballroom ခန်းမ၌ ကျင်းပသည်။

ယင်းကဲ့သို့ ၂ဝ၁၃ ခုနှစ် အတွက် နိုင်ငံအလိုက် ဘဏ်လုပ်ငန်း ဆိုင်ရာ စွမ်းဆောင်မှု အကောင်းဆုံး ဆုများကို အမေရိကန်နိုင်ငံ မှ Citi Bank၊ အင်္ဂလန်နိုင်ငံမှ Lloyd Banking Group၊ နယ်သာလန်နိုင်ငံမှ ING Bank၊ သြစတြေးလျနိုင်ငံမှ ANZ Bank၊ တရုတ်ပြည်သူ့ သမ္မတနိုင်ငံမှ ICBC Bank၊ တောင်ကိုရီးယားနိုင်ငံ မှ Shin Han Bank၊ စင်ကာပူနိုင်ငံ မှ UOB Bank၊ မလေးရှားနိုင်ငံမှ AM Bank၊ ထိုင်းနိုင်ငံမှ Kasikorn Bank၊ အိန္ဒိယနိုင်ငံမှ ICIC Bank တို့အပါအဝင် နိုင်ငံပေါင်း ၁၄၈ နိုင်ငံ၏ သက်ဆိုင်ရာ ဘဏ်အဖွဲ့အစည်း များမှလည်း ယင်းဆုကို အသီးသီး ရရှိခဲ့ကြသည်။

၎င်းဆု ချီးမြှင့်ပွဲ အခမ်းအနားသို့ ကမ္ဘာ တစ်ဝန်းရှိ နိုင်ငံပေါင်း ၁၄၈ နိုင်ငံမှ ဘဏ်ဥက္ကဋ္ဌများ၊ CEO များ၊ အုပ်ချုပ်မှု ဒါရိုက်တာ များနှင့် အဆင့်မြင့် အရာရှိ ကြီးများ တက်ရောက် ခဲ့ကြရာ မြန်မာနိုင်ငံမှ ကမ္ဘောဇဘဏ် လီမိတက် ဥက္ကဋ္ဌ ဦးအောင်ကိုဝင်း၊ ဒုတိယ ဥက္ကဋ္ဌ ဒေါ် နန်းသန်းထွေး၊ ဒုတိယ ဥက္ကဋ္ဌ (၂) ဦးသန်းလွင်၊ ဒါရိုက်တာ ဒေါ်နန်းလိုင်းခမ်း၊ ဒါရိုက်တာ ဒေါ်နန်းခမ်းနောင့်၊ အကြီးတန်း အုပ်ချုပ်မှု ဒါရိုက်တာ ဦးညိုမြင့်၊ အုပ်ချုပ်မှု ဒါရိုက်တာ ဦးအောင်ကျော်မျိုးနှင့် ကမ္ဘောဇ ဘဏ် လီမိတက် မှ အဆင့်မြင့် အရာရှိကြီးများ တက်ရောက်ခဲ့ ကြပြီး၊ မြန်မာနိုင်ငံ အတွက် Bank of the year in Myanmar 2013 ဆုကို ကမ္ဘောဇဘဏ် လီမိတက် ဥက္ကဋ္ဌ ဦးအောင် ကိုဝင်းက တက်ရောက် လက်ခံရယူခဲ့ ကြောင်း သိရသည်။

Popular Myanmar News Journal

ဆက်ဖတ်ရန်>>>>

ဆီးဂိမ်းဖွင့်ပွဲ အခမ်းအနားအပေါ် ဒေသတွင်း နိုင်ငံများမှ ခေါင်းဆောင်များက ချီးကျူး

ဆီးဂိမ်းအားကစားပွဲတစ်ခုသို့ လာရောက်အားပေးနေသည့် ကလေးငယ်တစ်ဦးကို တွေ့ရစဉ်။ ဓာတ်ပုံ - ရဲနောင်(ဖယ်ခုံ)/ရန်ကုန်တိုင်းမ်

ရန်ကုန် ၊ ဒီဇင်ဘာ ၁၂

(၂၇) ကြိမ်မြောက် အရှေ့တောင် အာ ရှပြိုင်ပွဲ ဖွင့်ပွဲအခမ်းအနားသို့ တက်ရောက်လာကြသည့် ပြိုင် ပွဲဝင်ဒေ သတွင်း နိုင်ငံများမှအ ဆင့်မြင့်အရာရှိကြီးများက မြန်မာ နိုင်ငံဖွင့်ပွဲအခမ်းအနား၏ ကြီး ကျယ် ခမ်းနား မှုအပေါ်ထုတ်ဖော် ချီးကျူးမှုများပြုလုပ်ခဲ့ကြကြောင်း ယဉ်ကျေးမှုဝန်ကြီးဌာနမှ အဆင့် မြင့်  အရာ ရှိကြီး တစ်ဦးက ပြောသည်။ ''ဒီပွဲကို အင်ဒိုနီးရှားက သူ တို့ဆီးဂိမ်းဖွင့်ပွဲထက် ပိုကောင်း တယ်လို့ ချီးကျူး သွား တယ်။ စင် ကာပူ ကတော့ တော်တော်လေး သဘောကျသွားတယ်။ လာမယ့် သူတို့ ဆီးဂိမ်း အလှည့် ဖွင့် ပွဲမှာ ပို ကောင်းအောင် ဘယ်လိုစီမံရမလဲ ဆိုတာ စဉ်းစားရတော့မယ်လို့ ပြော သွားတယ်''ဟု အဆိုပါ အဆင့်မြင့် အရာရှိကြီးက ရန်ကုန်တိုင်းမ်နေ့ စဉ်သတင်းစာ သို့ ပြောသည်။

အဆိုပါအခမ်းအနားသို့ နိုင်ငံတော်သမ္မတ ဦးသိန်းစိန်နှင့် ဇနီး၊ လာအိုနိုင်ငံ သမ္မတမစ္စတာ ကျူမာလီ ဆိုင်ည ဆွန်နှင့် ဇနီး၊ ဒုတိယသမ္မတ ဦးဉာဏ်ထွန်းနှင့် ဇနီး၊ ပြည်ထောင်စုလွှတ်တော် နာ ယက ပြည်သူ့ လွှတ်တော် ဥက္ကဋ္ဌသူရ ဦးရွှေမန်း နှင့် ဇနီး၊ အမျိုးသားလွှတ် တော်ဥက္ကဋ္ဌ ဦးခင်အောင်မြင့်နှင့် ဇနီး၊ တရုတ်နိုင်ငံမှ ဒုတိယဝန်ကြီး ချုပ်၊ ထိုင်းနိုင်ငံမှ ဒုတိယဝန်ကြီး ချုပ်၊ ဘရူနိုင်းနိုင်ငံမှ အိမ်ရှေ့မင်း သား၊ တရုတ်နှင့် အာဆီယံနိုင်ငံများ မှ အစိုးရအဖွဲ့ဝင်ဝန်ကြီးများ၊  မြန်မာ နိုင်ငံ အစိုး ရ အဖွဲ့ဝင်ဝန်ကြီးများ နှင့် တာဝန်ရှိသူများ တက်ရောက် ခဲ့ကြောင်း သိရသည်။

ယဉ်ကျေးမှုဝန်ကြီးဌာန၊ ပြည်ထောင်စုဝန်ကြီး ဦးအေးမြင့် ကြူက ''နိုင်ငံတော်သမ္မတကြီး ပြောသလို We can Do  ကို မိမိ တို့လဲလုပ်နိုင်တယ်ဆိုတာ ပြသ ထားတယ်''ဟု ဖြေကြားထားပြီး ဖွင့်ပွဲအခမ်းအနားကျင်းပနေစဉ် တွင် မြန်မာနိုင်ငံ က လုပ်ပြ ထား သည်ကို နိုင်ငံတကာမှ တအံ့တဩ ဖြစ်ခဲ့ရသည်။

(၂၇) ကြိမ်မြောက် အရှေ့တောင် အာ ရှပြိုင်ပွဲ ဆီးဂိမ်းဖွင့်ပွဲ အခမ်းအနားပြုလုပ်စဉ်။  

Photo by: Ye` Naung(Phe`Khon)/Yangon Times

ဖွင့်ပွဲအခမ်းအနားတွင် လူ အင်အား ၈ဝဝဝကျော်ကို နည်း ပညာဖန်တီးမှုများစွာဖြင့် တခမ်း တနားစီစဉ်နိုင်ခဲ့သဖြင့် တက်ရောက် လာကြသည့်  ဒေသတွင်းနိုင်ငံများ မှ အဆင့်မြင့်အရာရှိများ၊ နိုင်ငံ အတွင်းမှ သံတမန်များ၊ ဖွင့်ပွဲအ ခမ်း အနား ကြည့်ရန် နိုင်ငံတစ်ဝန်းမှ လာရောက်ကြသည့် ပြည်သူများ၊ ရုပ်သံမှ တိုက်ရိုက်ထုတ်လွှင့်ပေး နေသည်ကို ကြည့်ရှုအားပေးနေ သည့်ပြည်သူများ၊ ပြည်ပရောက် မြန်မာများက အွန်လိုင်းမှတစ်ဆင့် စောင့်ကြည့်အားပေးကာ ချီးကျူး မဆုံး ဖြစ်ခဲ့ ကြောင်း သိရသည်။

ပြည်သူ့လွှတ်တော်ကိုယ် စားလှယ်ဒေါ်စန္ဒာမင်းက သူ၏ ဖေ့စ်ဘွတ်ခ်တွင် ''အဲဒါ မြန်မာ ပါ။ ကျွန်မဂုဏ်ယူတယ်။ ဘယ်သူ အုပ်ချုပ်နေတဲ့အချိန်ဖြစ်ဖြစ် လုပ် ပြနိုင်ရမယ်။ ငါတို့တိုင်းပြည် မညံ့ ဘူးဆိုတာ''ဟု ရေးသားထားသည်။ ''ကျွန်တော် က လမ်းဘေး LED ဘေဘုတ်ကနေကြည့်နေ တာ။ အဲဒီမှာ အံ့ဩသွားတာက တိုင်းရင်းသားပေါင်းစုံနဲ့ မြန်မာ နိုင်ငံပုံကိုကြည့်လိုက်တာနဲ့ အံ့ဩ မှင်တက်သွားတယ်။ အဲဒီလောက် အထိ ခမ်းခမ်းနားနားလုပ်နိုင်မယ် လို့မထင်ခဲ့ ဘူး'' ဟု  ရန်ကုန်မြို့ နေ ဦးကျော်ဇေက ပြောသည်။

ထို့အပြင် မြန်မာနိုင်ငံဆီး ဂိမ်းဖွင့်ပွဲအခမ်းအနားကို ပြည်ပရုပ် သံများက တိုက်ရိုက်ထုတ်လွှင့်မှုပြ သခဲ့ရာ နိုင်ငံတကာမှပြည်သူများ မြင်တွေ့ခဲ့ကြပြီး တအံ့တဩဖြစ် ခဲ့ရကာ ဒေသတွင်းနိုင်ငံများမှမီဒီ ယာများစာမျက်နှာတွင် ဖွင့်ပွဲအ ခမ်းအနားနှင့်ပတ်သက်၍ ချီးကျုး ရေးသားမှုများပြုလုပ်ခဲ့ကြသည်။ အဆိုပါဆီးဂိမ်းဖွင့်ပွဲအတွက် ငွေကျပ်သန်းပေါင်းများစွာ အသုံး ပြုခဲ့မှုအား ဝေဖန်မှုများလည်းရှိ နေကြောင်း သိရသည်။

မင်းသန့်
Yangon Media Group

ဆက်ဖတ်ရန်>>>>

13.12.2013 to 19.12.2013 အထိ ၇ရက်သားသမီးဟောစာတမ်း

တနင်္ဂနွေ

ရည်ရွယ်ချက်များနေမည်။ တစ်ခုပြီးမှ တစ်ခုလုပ်ပါ။ အတိုက်အခံများနေသည်။ မလိုသူများရှိသော်လည်း ကျော်လွှားအောင်မြင်နေမည်။ စကားပြောဆင်ခြင်ပါ။မူးဝေမှု၊ ဖျားနာမှု ၊ နာကျင်မှုတို့ဖြစ်ကိန်းရှိသည်။ သူများ အရှုပ်ကိုယ့်အရှုပ် ဖြစ်ကိန်းရှိသည်။ စီးပွားရေးလုပ်ငန်းများ ပြောင်းလဲလုပ်ကိုင်ရမည်။ ဝန်ထမ်းအလုပ်ရမည်။ အလုပ်ရာထူးတက်မည်။ ချစ်သူ နှင့် စိတ်ဆိုးပြီး ပြန်ပြေလည်မည်။ ခရီးယာယီသွားဖြစ်မည်။ ခြေ ၊ လက်ခိုက်မိတတ်သည်။

အကျိုးပေးဂဏန်း   ၁၊၅၊၇

အထူးဟော     အဆင်ပြေမည်။

ယတြာ           တနင်္ဂနွေနံနက်မှာ ဘုရားကို အုန်းဆွမ်းကပ်လှူပါ။

 တနင်္လာ

သူများ အရှုပ် ကိုယ့်အရှုပ် ဖြစ်တတ်သည်။ လူခင်ခြင်း အထင်လွဲ တတ်သည်။ ထီ ၊ မဲ တို့ ပေါက်ကိန်းရှိသည်။ အလုပ်နှင့် ခရီးသွားခြင်း ခေတ္တပြောင်းရွှေ့ရခြင်း တို့ဖြစ်မည်။ သူတစ်ပါးအတွက် ကူညီမှု ပြုရတတ်သည်။ ချစ်သူ၏ အထင်လွဲ ခြင်းခံရမည်။ ဆွေမျိုးသားခြင်းအတွက် စိတ်ရှုပ်ရတတ်သည်။ စက် ၊ မြေ ၀င်ထွက် ဖြစ်မည်။ မိတ်ဆွေ သစ်တွေ့မည်။ စကားပြောဆင်ခြင်ပါ။ စာမေးပွဲအောင်မြင်မည်။ ဝင်ငွေကောင်းမည်။

အကျိုးပေးဂဏန်း ၂၊၄၊၈

အထူးဟော   အောင်မြင်မည်။

ယတြာ   တနင်္လာနေ့နံနက်တွင် ငါးအရှင် (၁၅) ကောင်လွှတ်ပါ။

အင်္ဂါ

လူခင်ခြင်း စိတ်ဝမ်းကွဲ ပြီး ပြန်ခေါ်မည်။ အကြီးအကဲ အကူအညီရမည်။ ငါသိငါတတ် ငါဆရာလုပ်စိတ်ရှိသည်။ အချစ်ရေး အဆင်ပြေမည်။ မမျှော်လင့်သော ခရီးများသွားရမည်။ ရုတ်တရက်ခိုက်မိတတ်သည်။ စာမေးပွဲ အောင်မြင်မည်။ ပြည်တွင်း ၊ ပြည်ပခရီးသွားရမည်။ အလုပ်ရာထူး တက်မည်။ မိသားစု အတွက် စိတ်ရှုပ်ရမည်။ မြေအရောင်းအဝယ် မြင်သည်။ အိမ် ပြောင်း ၊ အိမ်ပြင် ၊ အိမ်ဆောက် ဖြစ်မည်။

အကျိုးပေးဂဏန်း ၃၊၆၊၉

အထူးဟော   အားလုံးကောင်းသည်။

ယတြာ   အင်္ဂါနေ့တွင် အောင်သပြေ (၁၉) ညွှန့် ကို ဘုရားလှူပါ။

ဗုဒ္ဓဟူး

လူယုံမထားရ။ လူပေါင်းမှားမည်။ အပေါင်းအသင်း နှင့် ချစ်သူတို့၏ အပြစ်တင်ခြင်းခံရမည်။ ကျန်းမာရေး ကောင်းသည်။ စီးပွားရေး ကောင်းမည်။ ပညာရေးကောင်းမည်။ ခရီးသွားရန် ရည်ရွယ်ပြီးမှ မသွားဖြစ်ပဲနေလိမ့်မည်။ အလုပ်အကိုင် အဆင်ပြေမည်။ အလုပ်ရာထူးတက်မည်။ အိမ်ထောင်ကျကိန်း မြင်သည်။ စက် ၊ မြေ ၊ ကား အရောင်းအဝယ် ဖြစ်မည်။

အကျိုးပေးဂဏန်း ၄၊၉၊၆

အထူးဟော အောင်မြင်မည်။

ယတြာ   ဘုရားကို ရေသက်စေ့ရေအေးကပ်လှူပါ။

ကြာသပတေး

လူခင်ခြင်း မုန်းရတတ်သည်။ ခရီးသွားများမည်။ ကျန်းမာရေးချူချာမည်။ စီးပွားရေးလုပ်ငန်း သစ်လုပ်ရမည်။ အချစ်ရေးစိတ်ရှုပ်ရမည်။ ပြန်အဆင်ပြေမည်။ အလုပ်အကိုင်အတွက် စိတ်ရှုပ်ရမည်။ ပြောင်းရွှေ့မှု့ဖြစ်မည်။ ငွေဝင် ၊ ထွက် ကြမ်းမည်။ ငယ်ရွယ်သူ သားချင်း သွေးသားအတွက် စိတ်ရှုပ်ရတတ်သည်။ မရောက်ဘူးသော ခရီးတွေ ရောက်မည်။ ဝမ်းဗိုက်ရောဂါရတတ်သည်။ စာမေးပွဲ အောင်မည်။ အလုပ်အကိုင်သစ်လုပ်ရမည်။ အောင်မြင်မည်။

အကျိုးပေးဂဏန်း   ၅၊၇၊၉

အထူးဟော   အဆင်ပြေမည်။

ယတြာ   ကြာသပတေးနံဘုရားကို ကြာသပတေးနံနက်တွင် ပေါင်မုန့် (၅) ချပ်ကို ကပ်လှူပါ။

သောကြာ

စိတ် ဓာတ်တွေ နောင်တရနေသော ကာလဖြစ်သည်။ စိတ်ရှုပ်စိတ်ဆင်းရဲ နေရတတ်သည်။ ခရီးဝေးယာယီ တွေရောက်နေမည်။ မရောက်ဘူးသော ခရီးတွေရောက်နေမည်။ ကုန်ကျငွေ များနေမယ်။ ငွေကြေးကိစ္စ ရှုပ်မည်။ အကြီးအကဲ၏ အထင်လွဲခြင်းခံရတတ်သည်။ စကားပြော ဆင်ခြင်ပါ။ အပေါင်းအသင်း တို့၏ အထင်လွဲခြင်း ခံရမည်။ အချစ်ရေးမှာ ကျော်တော့ လှေသူကြီး ညားတော့ လှေထိုးသား ဖြစ်မည်။ စကားပြောဆင်ခြင်ပါ။ အလုပ်ကိစ္စ ခေတ္တရပ် နားမည်။ ပြီးမှ ပြန်ဆက်လုပ်ရမည်။

အကျိုးပေးဂဏန်း   ၁၊၉၊၆

အထူးဟော   အဆင်ပြေသွားမည်။

ယတြာ   သစ်သီး (၉)မျိုးဘုရားလှူပါ။

စနေ

အလုပ်တွေများနေမည်။ အရာရာ ကိုယ်ပါမှ ဖြစ်သလို ကြုံနေမည်။ အလုပ်ကိစ္စတွေ အဆင်ပြေမည်။ ခရီးဝေးယာယီ များမည်။ အလုပ်အကိုင် များမည်။ တစ်ချို့အောင်မြင်ပြီး တစ်ချို့နှောင့်နှေးနေမည်။ အချစ်ရေး ၊ အိမ်ထောင်ရေး ထက် ပညာရေး နှင့်အလုပ်အကိုင် ကို ဦးစားပေးနေရတတ်သည်။ အချစ်ရေးမှာတော့ မိဘပေးစားသူကိုယူဖြစ်လိမ့်မည်။ စက် ၊ မြေ တို့ ဝင်ထွက်မည်။ ကံဇာတာ ကောင်းလာမည်။

အကျိုးပေးဂဏန်း   ၇၊၉၊၂

အထူးဟော   အဆင်ပြေမည်။

ယတြာ   စနေနေ့ တွင် တောင်အရပ်ရှိ လမ်းကို သန့်ရှင်းရေး လုပ်ပါ။

BY ဒေါက်တာထွန်းလင်း - ဘုတလင်( GOLD MEDALIST)

ဆက်ဖတ်ရန်>>>>

ပေါက်တော ဒုက္ခသည် စခန်းမီး၊ ကလေးတဦးသေဆုံး

ရခိုင်ပြည်နယ် ပေါက်တောမြို့နယ် ငှက်ချောင်း ဒုက္ခသည် စခန်းမှာ မီးလောင်တဲ့အတွက် စခန်းထဲက အိမ်တွေ အားလုံး မီးထဲပါသွားခဲ့ပြီး ကလေးတစ်ယောက်လည်း သေဆုံးခဲ့ပါတယ်။

ဒုက္ခသည်ပေါင်း တစ်ထောင့်သုံးရာကျော် နေထိုင်တဲ့ ပေါက်တောမြို့နယ် ငှက်ချောင်း မွတ်ဆလင် ဒုက္ခသည် စခန်းမှာ ဒီကနေ့ နေ့လယ်က မီးလောင်တဲ့အတွက် စခန်းထဲမှာ ဆောက်ထားတဲ့ အဆောင်တွေ အကုန်လုံး မီးထဲကို ပါသွားခဲ့ပါတယ်။

မီးလောင်ပျက်စီးသွားတဲ့ အခြေအနေကို စခန်းထဲမှာနေထိုင်တဲ့ ဦး အဒူကော်ရိမ်က ပြောရာမှာ ရှစ်ခန်းတွဲ အဆောင် ၃၄ လုံး မီးထဲ ပါသွားပြီး ထမင်းချက်ရာက ကူးစက်လောင်ကျွမ်းတာ ဖြစ်တယ်လို့ ပြောပါတယ်။

မီးဟာ နေ့လည် ၂ နာရီ ၅ မိနစ်ကနေ စတင်ပြီး သုံးနာရီကြာအောင် လောင်သွားခဲ့တယ်လို့ ပြောပါတယ်။ မီးလောင်သွားတဲ့ အတွက် ဒုက္ခသည်တွေအတွက် ဘာမှ မကျန်လိုက်ဘူးလို့ ဆိုပါတယ်။

အခု မီးလောင်မှုဟာ မတော်တဆ ဖြစ်ရာကနေ လောင်ကျွမ်းတယ်လို့ ဆိုပေမယ့်လည်း အခုအခါ ပေါက်တောမြို့ ရဲတပ်ဖွဲ့က တာဝန်ရှိသူတွေဟာ အဲဒီ ဒုက္ခသည်စခန်းကို ရောက်ရှိနေပြီး မီးလောင်မူ ဖြစ်စဉ်နဲ့ ပတ်သက်ပြီး စုံစမ်း စစ်ဆေးမူတွေ ပြုလုပ်နေတယ်လို့ သိရပါတယ်။

ဘီဘီစီ (မြန်မာပိုင်း)

ဆက်ဖတ်ရန်>>>>

“ဒီဇိုင်နာတွေက သူဌေးတွေ မဟုတ်ဘူး”

ဒီဇိုင်နာ ဆန်းဘောက်ရာ (ဓာတ်ပုံ – ဆန်းဘောက်ရာ facebook မှ)

ကချင်တိုင်းရင်းသူ ဒီဇိုင်နာ ဆန်းဘောက်ရာဟာ ၂၀၀၅ ခုနှစ်ကတည်းက စတင်ပြီး Shayi အမည်နဲ့ လက်ဖြစ် အမျိုး သမီး အဝတ်အထည် တွေကို ဖန်တီး ရောင်းချနေသူ ဖြစ်ပါတယ်။ Shayi ဆိုတာ ကချင် ဘာသာ စကားအရ “မိန်းကလေး” လို့ အဓိပ္ပာယ် ရတဲ့အတွက် အဲဒီတံဆိပ်နဲ့ အမျိုးသမီး ဝတ်စုံတွေကိုသာ ထုတ်လုပ် ရောင်းချ တယ်လို့ သိရပါတယ်။ သူ ဒီဇိုင်း ထုတ်လုပ် ရောင်းချတဲ့ဝတ်စုံတွေဟာ ရိုးရာ ဒီဇိုင်းကို အခြေ ခံပြီး ဆန်းသစ် ထုတ်လုပ်ထားတာဖြစ်လို့ လူကြိုက်များကြပြီး သုံးစွဲထားတဲ့ ပိတ်စနဲ့ Accessories တွေအပေါ် လိုက်လို့ တန်ဖိုးအားဖြင့် ကျပ်သောင်းဂဏန်းကနေ သိန်းဂဏန်း အထိ ရှိတယ်လို့လည်း သိရပါတယ်။ ပြည်တွင်းဈေးကွက်မှာ နေရာတနေရာ ခိုင်မာနေပြီဖြစ်တဲ့ Shayi ရဲ့ ဦးဆောင်သူ ဒီဇိုင်နာ မဆန်းဘောက်ရာကို လတ်တလော ခေတ်စားနေတဲ့ ကချင်ရိုးရာအထည် ဖက်ရှင်ရေစီး အကြောင်းနဲ့ မြန်မာနိုင်ငံကနေ နိုင်ငံတကာမှာ သွားရောက်ယှဉ်ပြိုင်ခဲ့တဲ့ Miss ပြိုင်ပွဲတွေမှာ ပရိသတ် ဝေဖန်မှုရှိခဲ့တဲ့ နိုင်ငံ ကိုယ်စားပြု အမျိုးသားဝတ်စုံ ဒီဇိုင်းတွေအကြောင်း၊ ကချင်တိုင်းရင်းသူတဦး ဖြစ်တဲ့အတွက် စစ်ဘေးဒဏ်သင့် ဒေသတွေက သူတို့ ကချင် တိုင်းရင်းသား တွေနဲ့ပတ်သက်လို့ ဧရာဝတီက မေးမြန်းထားပါတယ်။

မေး။ ။ လတ်တလောမှာ အနုပညာရှင် တော်တော်များများကို ကြည့်လိုက်ရင် ပြန်လည်ဆန်းသစ်ထားတဲ့ ကချင် ၀တ်စုံလေးတွေကို တော်တော်များများ ၀တ်လာကြတာတွေ့နေရတယ်။ ဒါဟာ အနုပညာရှင်တွေ အနေနဲ့ ကချင်ဝတ်စုံတွေအပေါ် စိတ်ဝင်စားမှု ပိုလာတယ်လို့ ပြောလို့ရမလား။

ဖြေ။ ။ ရပါတယ်။ အခု ၀တ်နေကြတာပဲလေ။ အနုပညာသမား Customer တွေ ကျမဆိုင်မှာ ရှိနေကြတာပဲ။ အခု Miss ပြိုင်ပွဲတွေမှာ ဆိုလည်း ကချင်ထည်တွေ ၀တ်ဖို့ဆိုပြီး ဂုဏ်ရည်အေးကျော် ဆိုလည်း သူ Miss International သွားပြိုင်ဖို့ အတွက် လုပ်ပေးရဖို့ ရှိတယ်ပေ့ါ။ နောက် ပြီးခဲ့တဲ့ နန်းခင်ဇေယျာတို့ ပွဲလုပ်တုန်းက၊ တခြား Miss တွေ မြန်မာပြည်ကို လာတုန်းက သူလည်း ကချင်ဝတ်စုံ ၀တ်တာပဲပေ့ါ။ ကချင်ဝတ်စုံက တခြားတိုင်းရင်းသား ၀တ်စုံတွေနဲ့ တန်းစီလိုက်ရင်တောင် ထင်းကနဲလင်းကနဲ ဖြစ်စေတာပေ့ါ။ အရမ်း အရောင်စုံ ဖြစ်တာတခုရယ်၊ နောက်ပြီး အရမ်းတန်ဖိုးရှိတယ်။ ကြည့်လိုက်ရင် ငွေထည်တွေ ပါမယ်၊ ဟန်းမိတ်တွေ အများကြီးပါမယ်၊ ပြီးရင် ပိတ်စတွေကအစ ဂျပ်ခုပ်ထည်တွေ ဖြစ်တယ်ဆိုတော့ ဒါက ဒီဇိုင်းတွေ ထူးပြီး မထွင်ထားဘူး ဆိုရင်တောင်မှ ဒီပစ္စည်းတွေနဲ့တင် ဈေးကြီးတဲ့ အရည်အသွေးက သူ့ဘာသာသူ ထွက်နေတာပဲ။ အဲဒါကြောင့်လည်း လူတွေစိတ်ဝင်စားမှု ပိုများလာတယ်လို့ မြင်တယ်။

မေး။ ။ သာမန်လူတန်းစားတွေအနေနဲ့ ကချင်ဝတ်စုံတွေအပေါ် စိတ်ဝင်စားမှု အနေအထားကရော။

ဖြေ။ ။ ကျမရဲ့ Customer က အယောက် ၁၀၀ ရှိရင် ၉၉ ယောက်က သာမန်လူတွေပဲလေ။ တယောက်လောက်သာ အနုပညာရှင် ဖြစ်မယ်။ ၉၉ ယောက်တောင် ပြောလို့မရပါဘူး၊ ၁ ထောင်မှာ ၉၉၉ ယောက်က သာမန်လူတွေ ချည်းပါပဲ။ ကျမရဲ့ Shayi တံဆိပ်ကို စိတ်ဝင်တစားနဲ့ အားပေးပြီး ၀ယ်ယူနေကြတဲ့သူ အကုန်လုံးကတော့ ဒီကချင်ရိုးရာရဲ့အရသာကို ကြိုက်ကြလို့သာ အားပေးနေကြတယ် ဆိုတော့ တလကို ကျမ အင်္ကျီ တသောင်း ရောင်းရတယ်ဆိုရင်၊ ဒါက လူအယောက်တသောင်းက ဒါကို စိတ်ဝင်စားလို့ပေ့ါ။ ကျမ ဆိုင်ကလည်း ရောင်းနေရတာပဲ ၀တ်နေကြတာပဲ ဆိုတော့ သာမန်လူတွေ စိတ်ဝင်စား လို့သာ ဒီဈေးကွက်ကြီးက ရှိနေတာပါ။ နောက် ကျမအထင်ကတော့ ဒီ ကချင်ထည်တွေကို တခြားတိုင်းရင်းသားလူမျိုးတွေရဲ့ အထည်တွေထက် ပိုပြီး ၀တ်လာကြတာ၊ လူတွေအမြင်မှာ ဒီဇိုင်းလှတယ်လို့ မြင်ပြီး ပိုဝတ်ချင်လာတာဟာ ဒီဇိုင်နာတွေကြောင့် ဖြစ်လိမ့်မယ်လို့ ထင်ပါတယ်။ ကျမတို့ တိုင်းရင်းသား မျိုးနွယ်စုတွေထဲမှာ ဒီဇိုင်နာတွေ ရယ်လို့ ထွက်လာတာ မရှိဘူး။ ကျမတို့ ကချင်မှာဆိုရင် ကျမ အပါအ၀င် တခြားကလေးတွေလည်း ရှိသေးတယ်ဆိုတော့ ကျမတို့က မီဒီယာတွေမှာပဲ ဖြစ်ဖြစ်၊ မဂ္ဂဇင်းတွေမှာပဲဖြစ်ဖြစ် ကချင်ထည်တွေကို များများ ဒီဇိုင်းထွင်ပြီး များများချုပ်ပြလေလေ၊ လှတယ်လို့ မြင်လာပြီး လူတွေက လိုက်ဝတ်ချင် လေလေ ဖြစ်မှာပဲ။ အဲဒီအတွက် ဒီဇိုင်နာတွေက တော်တော်ကို တာဝန် ရှိတယ်လို့ ထင်ပါတယ်။ ဒီဈေးကွက်ကြီး ဖြစ်လာဖို့၊ မဖြစ်လာဖို့ဆိုတာပေ့ါ။ ဥပမာ – ချင်း ထည်တွေဆိုလည်း တော်တော် လှတာတွေ ရှိပါတယ်။ ဟန်းမိတ်တွေမှာဆိုလည်း လှတာတွေ ရှိတာပဲ။ ဒါပေမယ့် အဲဒီ ချင်းထည်အတွက်ကို သီးသန့် ဒီဇိုင်နာရယ်လို့ မရှိပါဘူး။ ကျမဆိုရင် နိုင်ငံတကာ ပွဲတွေမှာ ဒီ ကချင်ထည်ကို အဓိကထား ပြပေးတယ်ဆိုတော့ ဈေးကွက် ကနေ ကျမဆီကို Customer တွေ မလာခဲ့ရင်တောင်မှ နီးစပ်ရာတိုင်းမှာ ဒီကချင်ထည်တွေ ချုပ်ဝတ်ကြတယ်။ ဥပမာ – ဈေးထဲမှာဆို ကချင်ထည်တွေ၊ ပိတ်စတွေ ပိုပြီး ရောင်းကောင်း လာတယ် ဆိုတာမျိုးပေ့ါ။ ကျမ ချုပ်ပေးလိုက်ရတာမျိုး မဟုတ်ဘဲ ကျမလုပ်ထားတဲ့ ဒီဇိုင်းကို လူတွေမြင်ပြီး ၀တ်ချင်လာတယ်။ ကျမကတော့ အဲဒီလိုမျိုး မြင်မိတယ်။

မေး။ ။ အခုလို ကချင်ဝတ်စုံတွေကို စိတ်ဝင်တစားနဲ့ အလေးထား ၀တ်ဆင်လာမှုအပေါ် ကချင်တိုင်းရင်းသူ တယောက် အနေနဲ့ ဘယ်လိုခံစားရလဲ။

ဖြေ။ ။ ကျမကတော့ နိုင်ငံခြားက ပစ္စည်းတွေကို အားပေးနေမယ့်အစား၊ ကိုယ့်ပြည်တွင်းဖြစ်ကို အားပေးမယ်ဆိုရင် နိုင်ငံ တခုလုံးရဲ့ စီးပွားရေးနဲ့ ယှဉ်ကြည့်လိုက်ရင် ဒါက အကျိုးရှိပါတယ်။ နောက် လူမျိုးအနေနဲ့ ကြည့်မယ်ဆိုရင်လည်း ကျမတို့ ကချင် ၀တ်စုံကို လူတိုင်းလူတိုင်းက ၀တ်ကြတယ်ဆိုရင် ကချင်ဆိုတာကို မကြားဘူး၊ မသိဖူးတဲ့သူတောင် ဒါကိုတွေ့ရင် ဒါကဘာဝတ်စုံလဲ၊ လှတယ်ဆိုပြီး သိသွားတာပေ့ါ။ အဲဒီအတွက် ကချင်လူမျိုးတယောက်အနေနဲ့လည်း ဂုဏ်ယူတယ်။ တနိုင်ငံလုံးရဲ့ စီးပွားရေးအမြင်နဲ့ကြည့်မယ်ဆိုရင်လည်း သူများနိုင်ငံကို ပိုက်ဆံရောက်သွားမယ့်အစား ကိုယ့်နိုင်ငံမှာပဲ ပြည် တွင်းဈေးကွက်ကြီး ကြီးလာတယ်ဆိုတာက နိုင်ငံရဲ့ စီးပွားရေးအနေနဲ့လည်း ကောင်းတယ်။ ပြည်တွင်းမှာ ဈေးကွက် ကြီးလာလေ၊ ပြည်တွင်းကလူတွေ၊ ၀န်ထမ်းတွေ အလုပ်ရလေပေ့ါ။ အဲဒီလိုမျိုး ဆိုတော့ အကုန်လုံးအတွက် အကျိုးရှိတဲ့ အရာတွေ အများကြီးပါပဲ။ နိုင်ငံတခုလုံး အတွက်လည်း အကျိုးရှိတယ်၊ လူမျိုးတခုလုံး အတွက်လည်း အကျိုးရှိပါတယ်။ ကျမက ကချင် တိုင်းရင်းသူလည်း ဖြစ်တဲ့အတွက်ကြောင့် ကချင်ဝတ်စုံကို လူတွေဝတ်လေ ကျမကတော့ ကြည့်ပြီး ဂုဏ်ယူလေပါပဲ။ အဲဒီအတွက်ကြောင့် ကျမ နိုင်ငံခြားပွဲတွေမှာပဲ ဖြစ်ဖြစ် ပြည်တွင်း ရှိုးမှာပဲဖြစ်ဖြစ်၊ ဒီ ကချင်ထည်ကို ထည့်ဖြစ်အောင် ထည့်ဖို့ ကြိုးစား ပါတယ်။ ဒါကို တန်ဖိုးတက်သထက် တက်အောင်၊ လှသထက်လှအောင် အမြဲကြိုးစားပြီး လုပ်လေ့ရှိပါတယ်။

မေး။ ။ ဧရာဝတီအတွက် သီးသန့် ဓာတ်ပုံရိုက်ထားတဲ့ မော်ဒယ်လ် ဆောင်းဝတ်ရည်မေရဲ့ ၀တ်စုံကိုကော ဘယ်လိုစိတ်ကူးနဲ့ လုပ်ဖြစ်တာပါလဲ။

ဖြေ။ ။ ကျမ အမြဲတမ်း လုပ်နေကျပုံစံ၊ ကြည့်လိုက်ရင် ရိုးရာရဲ့ Taste လည်း မပျက်ဘူး။ ပြီးတော့ ဒါသည် ပွဲလည်း တိုးလို့ရတယ်။ ကြည့်လိုက်ရင် ဒါဟာ Handmade မို့လို့ ဈေးကြီးမှန်းလည်းသိတယ်။ ကျမတို့ရဲ့ ရိုးရာပစ္စည်းတွေက တန်ဖိုး အရမ်းရှိပြီးတော့ လူတွေအမြင်မှာ ၀တ်လို့မရတဲ့ ၀တ်စုံမျိုး မဖြစ်ချင်ဘူး။ ရိုးရာပုံစံလည်း မပျောက်ရဘူး။ သူသည် ထသွားထလာပဲ ၀တ်မလား၊ အဲဒီလိုပုံစံမျိုးလည်း လုပ်ပေးလို့ရတယ်။ ပွဲနေပွဲထိုင် သွားမလား။ ပွဲနေပွဲထိုင်ဆိုတဲ့ နေရာ မှာလည်း Dinner သွားမလား၊ မင်္ဂလာဆောင်ပွဲပဲ သွားမလား။ နိုင်ငံတော်ပွဲပဲ သွားမလား၊ Miss ပြိုင်ပွဲကြီးပဲ ပြိုင်မလား။ ဒီရိုးရာ ပုံစံလေးလည်း မပျက်အောင်၊ သူဝတ်ချင်တဲ့ နေရာအနေအထားနဲ့ အကုန်လိုက်ဖက်အောင်၊ တန်ဖိုး နည်းတာပဲဖြစ်ဖြစ် တန်ဖိုး ကြီးတာပဲ ဖြစ်ဖြစ် နေရာတိုင်းမှာ ရိုးရာပုံစံလေးတွေကို ၀တ်လို့ရအောင် ကျမလုပ်တဲ့ Shayi Brand က အမြဲတမ်း အဲဒီလို ပုံစံမျိုးပဲ သွားလေ့ရှိတယ်။ အခု သူဝတ်ထားတဲ့ ဂါဝန် အတိုလေးဆိုရင် ဟိုတယ်ပွဲဆိုလည်း တက်လို့ရပြီး နိုင်ငံတော်ပွဲရဲ့ Dinner ပွဲ တခုခုမှာဆိုလည်း သူသွားလို့ရပြီ။ ကြည့်လိုက်ရင် ရိုးရာပုံစံလည်း မပျက်ဘူး၊ ခေတ်လည်းမီတယ်။ တန်ဖိုးရှိရှိ လည်း ၀တ်လို့ရတယ်။

မေး။ ။ ပြီးခဲ့တဲ့ Miss ပြိုင်ပွဲတွေမှာ ဒီဇိုင်နာတွေရဲ့ အားနည်းမှုတွေ ရှိတယ်။ နိုင်ငံတကာနဲ့ ယှဉ်ရတဲ့ Miss တွေကို ဘယ်လို ဒီဇိုင်းမျိုးတွေ ချုပ်ပေးလိုက်တာလဲ ဆိုတဲ့ ပြည်သူတွေရဲ့ ဝေဖန်သံတွေ ညံသွားခဲ့တာ အားလုံးလည်း အသိပါပဲ။ အထူးသဖြင့် နိုင်ငံတနိုင်ငံရဲ့ ရိုးရာကို ချပြရတဲ့ တကယ့် အမျိုးသားဝတ်စုံကို ဖန်တီးပေးမှုတွေအပေါ် အားရကျေနပ်မှုမရှိကြဘူးပေါ့။ ဆိုတော့ … ဒါတွေက ဒီဇိုင်နာတွေရဲ့ ဖန်တီးမှုအပိုင်း အားနည်းချက်တွေလား။ ဒါမှမဟုတ် ဘယ်လို အကြောင်းအရာတွေက နိုင်ငံရဲ့ ရိုးရာဝတ်စုံကို နိုင်ငံတကာက လူတွေအမြင်မှာ “ဟာ” ကနဲ ဖြစ်သွားအောင် မချပြနိုင်ရလဲဆိုတာ ဒီဇိုင်နာ တယောက် အနေနဲ့ ဘယ်လို သုံးသပ်ချင်ပါလဲ။

ဖြေ။ ။ မြန်မာလူမျိုးတွေမှာ နည်းနည်း ရှေးရိုးစွဲတာတွေ၊ ရှေးရိုးဆန်တာတွေ ရှိတယ်ပေါ့။ ဆီးဂိမ်းနဲ့ ပတ်သက်တာပဲ ဖြစ်ဖြစ်၊ ကျမတို့ တိုင်းရင်းသား ၀တ်စုံတွေကို လုပ်ရတယ်။ အဲဒီမှာ ၀တ်စုံတစုံ ဖန်တီးဖို့ဆိုရင် ကျမတို့မှာ အဆင့်ဆင့် ၀န်ကြီးကို အကြိမ်ကြိမ် ပြရတယ်။ ပြီးတော့ ကချင်ဆိုရင်လည်း ကချင်တိုင်းရင်းသား စာပေ ယဉ်ကျေးမှုတွေရှိတယ်။ တိုင်းရင်းသား စာပေယဉ်ကျေးမှု ဘက်ကအစ အဆင့်ဆင့်စစ်ပြီးတော့ ဒါဆိုရင် ဘယ်လိုလုပ်ရမယ်၊ ဒါဆိုရင် ဘယ်လိုဆိုတာမျိုးတွေ ရှိတယ်။ ကျမတို့ဆီမှာ အဲဒီလိုမျိုး ရှေးရိုးစွဲနေတဲ့ လူကြီးတွေက ရှိနေတယ်ဆိုတော့ မြန်မာ ၀တ်စုံတွေဆိုရင် အဲဒီလိုမျိုး မထွင်တာ ဖြစ်လိမ့်မယ်။ ဒါက ကျမတို့ ဆီးဂိမ်းမှာ ဒီဇိုင်နာတွေ အကုန် ၀ိုင်းလုပ်ရတဲ့ပွဲမှာ အဲဒါမျိုးကြီးက အရမ်းကြုံရပြီးတော့ ရှေ့ကို မရောက်တော့ဘဲနဲ့ တက်လိုက်ရတဲ့ အဆင့်ဆင့်တွေ။ ဒီဝတ်စုံ တခု ထွက်လာရဖို့ အရေး အတွက်ကိုလေ။

ကျမ ပြောချင်တာက ကျမတို့ ကချင်ဝတ်စုံကို ဆန်းသစ် ပေးပါဆိုရင် ဒါက ဆန်းသစ်ထားတဲ့ ၀တ်စုံလေ။ ရိုးရာအတိုင်း ချွတ်စွပ်လိုချင်ရင် ကျမတို့ ဒီဇိုင်နာတွေ မလိုဘူးလေ။ အင်္ကျီချုပ်တဲ့ သူတွေကို အပ်လိုက်လို့ရတယ်။ သူတို့က ဒီဇိုင်နာရဲ့ ဒီဇိုင်းလည်းပဲ လိုချင်သေးတယ်။ ရိုးရာအတိုင်း ခေါင်းပေါင်းဆိုရင် ဘယ်ဘက်ကို သွားရမယ်၊ အမြိတ်ဆိုရင် ဘယ်လိုချရတယ် ဆိုတာကအစ လိုက်ပြီး ပြောနေတဲ့ဟာတွေက အများကြီးရှိပြီး ကျမတို့ အရမ်းကို ရင်ဆိုင်ပြီး လုပ်ရတဲ့ အပိုင်းတွေ များပါတယ်။ အဲလိုမျိုးတွေ ရှိနေသေးတဲ့ အတွက်ကြောင့်မို့လို့၊ အဲဒီလို နိုင်ငံတော်ပွဲတွေမှာ ကျမတို့ ၀တ်စုံလုပ်ရရင် အခက်အခဲတွေ တော်တော်များများ ရှိပါတယ်။

ကျမဆိုရင် ကချင်ဝတ်စုံကို တော်တော် ကွဲကွဲပြားပြား လုပ်လေ့ရှိတယ်။ ဘာကြောင့်လဲ ဆိုတော့ ကျမတို့ ကချင်ဝတ်စုံက ကျမတို့ဆီမှာ မျိုးနွယ်စုက အများကြီး ရှိတဲ့အတွက်ကြောင့်မို့၊ နိုင်ငံတော် လူကြီးတွေက အဲဒီလောက် အများကြီး ဘယ်သူမှ မသိနိုင်တဲ့ အတွက်ကြောင့်မို့ ကျမကို ဘယ်သူမှ လက်ညှိုးမထိုးနိုင်ဘူး။ မြန်မာဝတ်စုံဆိုရင် Point ၀ိုင်းလုပ်မယ့်သူတွေ အများကြီးပဲ။ ဒီဇိုင်နာတွေက အဲဒီပေါ်မှာလည်း အများကြီး မူတည်ပါတယ်။ လုပ်ရကိုင်ရတာ အရမ်းခက်ပါတယ်။

အခု ဆီးဂိမ်းဆိုရင် ကွင်းထဲမှာ ကတဲ့သူတွေ အကုန်လုံးရဲ့ ၀တ်စုံတွေကို ကျမတို့ ဒီဇိုင်နာတွေ အကုန်လုံးက ၀ိုင်းလုပ် ပေးရတယ်။ အစကတည်းက ဒီဇိုင်နာတွေခေါ်ပြီး လုပ်ခိုင်းတယ် ဆိုကတည်းက သူတို့က ဆန်းသစ်ချင်လို့၊ ဒီဇိုင်း ဆန်းဆန်းလေး လိုချင်လို့ လို့ထင်တယ်။ ဒါပေမယ့် ကျမတို့က ဒီဇိုင်းဆန်းလိုက်ရင် လူကြီးတွေက အကုန် ပြန်ဝေဖန်ပြီး အကုန်ပြန်ပြောင်းခိုင်းတယ်။ ၀တ်စုံတစုံဖြစ်ဖို့ကို ကချင်ဆို ကချင်က လူကြီးတွေ ဆင်းလာတယ်။ ချင်းဆို ချင်းလူကြီးတွေ အကုန်လုံး ရန်ကုန်မှာ အစည်းအဝေး အကြိမ်ကြိမ်ထိုင် ဆုံးဖြတ်ပြီး နောက်ဆုံး သူတို့ရိုးရာ ဘောင်ထဲပဲ ပြန်ဝင်သွားတာပဲ။ အဲဒီလိုမျိုးတွေ အများကြီးရှိတဲ့အခါမှာ ဒီဇိုင်နာတွေ လုပ်ရတဲ့အပိုင်းတွေမှာ အခက်အခဲ အများကြီးရှိပါတယ်။

နောက်တခုက Miss ပြိုင်ပွဲပဲဖြစ်ဖြစ်၊ နိုင်ငံတော်ပွဲ ဆီးဂိမ်းလိုဟာမျိုးပဲ ဖြစ်ဖြစ်၊ အဲဒီအချိန်မှာ ကျမတို့က ဘတ်ဂျက် ကန့်သတ်ချက် အရမ်းရှိတယ်။ ဥပမာ – ကချင်ဝတ်စုံဆိုရင် ငွေမောင်းလည်း ပါရသေးတယ်၊ ကချင်ထမီလည်း ဖြစ်ရ သေးတယ်၊ အင်္ကျီ၊ ခေါင်းပေါင်း ခြေစွပ်လည်း ပါရတယ်။ အဲဒါကို ကျမတို့ကို ဘတ်ဂျက်ချပေးတာ အရမ်းနည်းတယ်။ လုံးဝ မဖြစ်နိုင်တဲ့ ဈေးမျိုး ချပေးတာဆိုတော့ ကျမတို့ ဒီဇိုင်နာတွေက သူဌေးတွေ မဟုတ်ဘူးလေ။ နောက် နိုင်ငံတော်ပွဲ သွားပြိုင်ရတဲ့ Miss တွေဆိုရင် အကုန်လုံး စပွန်ဆာပေးရတာ။ သူများနိုင်ငံမှာ အဲဒီလို စပွန်ဆာပေးရတယ်ဆိုတာ ရှိမယ်မထင်ဘူး။ သူတို့ နိုင်ငံတော်က ပံ့ပိုး ပေးတာလေ။

ကျမတို့ဆိုရင် နိုင်ငံတကာကို ရှိုးသွားပြတာပဲ ဖြစ်ဖြစ်၊ ဘာဖြစ်ဖြစ် နိုင်ငံတော်က ထောက်ပံ့ ပေးတယ်ဆိုတာ ဘယ်တော့မှ မရှိဘူး။ ပိုက်ဆံဆို တပြားမှ ရတယ်ဆိုတာမရှိခဲ့ဘူး။ ၀တ်စုံတခု ကောင်းဖို့ဆိုတာ Creation ကောင်းရုံ၊ Idea ကောင်းရုံနဲ့ မရပါဘူး။ ထောက်ပံ့ပေးရတဲ့ အရာတွေ အများကြီးရှိတယ်ဆိုတော့ ကျမတို့ဆီမှာ ဘောင်က အရမ်း ကျဉ်းလွန်းတဲ့ အခါကျတော့ လုပ်ရကိုင်ရတာ အရမ်းခက်တယ်။ အဲဒီအထဲကမှ ကျမတို့က ရအောင် ထိုးဖောက်ရပါတယ်။

မေး။ ။ ဒီလို နိုင်ငံတနိုင်ငံရဲ့ ရိုးရာတွေကို နိုင်ငံတကာသိဖို့ ချပြရတဲ့ နိုင်ငံတကာပွဲတွေ အတွက်ကိုတောင် ကျမတို့ နိုင်ငံတော် အနေနဲ့ ပံ့ပိုးမှု မရှိတဲ့အပေါ် ဘာပြောချင်ပါသေးလဲ။

ဖြေ။ ။ ကျမတို့က ရိုးနေပြီမို့လို့ ဘာမှ မပြောချင်တော့ပါဘူး။ ကျမဆိုရင် နိုင်ငံတော် ပွဲတွေကို ၂၀၀၉ ကတည်းက သွားရပါတယ်။ ၂၀၀၉ မှာ ပထမဆုံး အာဆီယံပွဲကို မြန်မာ ဒီဇိုင်နာတွေ စလွှတ်ကတည်းက အခု အချိန်အထိ တောက်လျှောက် ပါရတာပေ့ါ။ ပါရတာ၊ သွားရတာ မှန်တယ်၊ ဒါပေမယ့် ဘယ်တုန်းကမှ ဘာမှမရဖူးဘူး။ အခုနောက်ဆုံး ဂျပန်က အာဆီယံဖက်ရှင်ရှိုးပွဲဆိုရင် ကျမတို့သွားရတယ်။ ဘာမှကို မရဘူး။ ထိုင်းကိုသွားရင် ထိုင်းကလူတွေက ဟိုတယ်တွေ ဘာတွေ ပေးတယ်ပေ့ါ။ ဂျပန်သွားရင် ဂျပန်က လူတွေက စီစဉ်ပေးတယ်။ တခါမှ မြန်မာပြည်က ဘာဆိုဘာမှ ထောက်ပံ့ပေးတယ် ဆိုတာ မရှိဘူးလို့ ကျမတို့က ရိုးတောင် ရိုးနေပြီဆိုတော့ ဘာဆို ဘာမှကို မပြောချင်ပါဘူး။ ကျမတို့ တတွေက ကိုယ့်ကချင် ၀တ်စုံကို နိုင်ငံတကာက သိစေချင်လို့ သွားတယ်။ ဒါမျိုးတွေ လုပ်ရတာပေ့ါ။ အဲဒီမှာ ဘာပြန်ရလဲ ဆိုတော့ ကိုယ်ဖြစ်စေချင်တဲ့ ဒီဈေးကွက်ကြီး ကြီးလာတယ်။ ဒါကတော့ ပီတိကိုစား အားရှိ၏ပေ့ါ။ ကျန်တာကတော့ ကျမတို့အတွက် အကျိုးအမြတ်ဆိုတာ ဘယ်တုန်းကမှ ဘာမှကို မရခဲ့ပါဘူး။

မေး။ ။ ကချင်ရိုးရာတွေကို ပြန်ပြီး ဆန်းသစ်တဲ့ နေရာမှာရော မဆန်းဘောက်ရာ အနေနဲ့ တာဝန်ကြီးတယ်လို့ ခံစားမိလား။

ဖြေ။ ။ ကျမကတော့ ဒီကချင်ဝတ်စုံကိုပဲ စိတ်ဝင်စားပြီး ဒီဇိုင်းလုပ်မယ် ဆိုတဲ့အခါမှာ ဒီ ကချင်ဝတ်စုံအကြောင်းကို သေချာ သိတဲ့သူ ဖြစ်တယ်ပေ့ါ။ ပြီးတော့ ကျမ ငယ်ငယ်ကတည်းက ထိတွေ့လာတဲ့အရာ ဖြစ်တယ်ဆိုတော့ ဒါသည် ပွဲတက်ရင် ၀တ်ရတယ်၊ ဒါမျိုးသည် မင်္ဂလာဆောင်မှာ ၀တ်ရတာဖြစ်တယ်၊ ဒါသည် ခေါင်းမှာထားရတယ်၊ ဒါသည် ခြေထောက်မှာထားရတယ်ဆိုတာကို ကျမကို သင်ပေးစရာမလိုဘဲ သိပြီးသား ဖြစ်တဲ့အတွက်ကြောင့်မို့လို့ ကျမအတွက်က ထူးပြီး သတိထားစရာ မဟုတ်ဘူးပေ့ါ။ ကျမအတွက်ကတော့ တာဝန်မကြီးပါဘူး။

ဒီလို ၀တ်စုံဒီဇိုင်းတွေကို လုပ်ရတာကိုပျော်တယ်။ ပြီးတော့ ခုနကပြောခဲ့သလိုပဲ ရိုးရာပုံစံ အစစ်ကိုလိုချင်ရင် ရိုးရာပုံစံပဲယူလေ။ ဒါက ဒီဇိုင်နာရဲ့ ဆန်းသစ်ထားတဲ့ အ၀တ်အစားဖြစ်လို့ ခေါင်းမှာ ထားတဲ့အရာကို ကျမက ခြေထောက်မှာ သွားမတပ်လိုက်ရင် ပြီးရောပေ့ါ။ ကျမအတွက်က ဘယ်တော့မှ ဒီဟာသည် တာဝန်ကြီးတယ်လို့ မခံစားရဘူး။ ဒီဇိုင်းလုပ်သမျှထဲမှာ ကချင်ဒီဇိုင်းလုပ်ရတာ အပျော်ဆုံးပါပဲ။

မေး။ ။ ကချင်ဒီဇိုင်းတွေ ဆန်းသစ်တီထွင်မှုနဲ့ ပတ်သက်လို့ ရိုးရာကို ဖျက်ဆီးပြီး ဆန်းသစ်တယ်လို့ အထင်ခံရတာမျိုး၊ အပြောခံရတာမျိုး ကြုံခဲ့ရတာမျိုးတွေ ရှိခဲ့ဖူးလား။

ဖြေ။ ။ အဲဒီလိုမျိုး မရှိခဲ့ဖူးဘူး။ ကျမတို့ ကချင်လူမျိုးတွေက အချင်းချင်း ချစ်ကြတယ်။ တယောက်က အောင်မြင်လာရင် နောက် တယောက်က လိုက်ပြီး အပုပ်ချတယ်ဆိုတာ မရှိသလောက် ရှားတဲ့အတွက်ကြောင့်ပါ။ မြန်မာနိုင်ငံမှာ ကချင်လူမျိုးက လူနည်းစုလည်း ဖြစ်တဲ့အတွက်ကြောင့် တယောက်က ထွန်းပေါက်လာပြီ ဆိုရင် တယောက်က လိုက်ပြီး Appreciate လုပ်ပေးဖို့ပဲ ၀ိုင်းပြီး စဉ်းစားကြတာ။ အပြင်က လူတွေကျတော့ ကချင်ဒီဇိုင်းကို ဒါက ရိုးရာနဲ့ မကိုက်ညီဘူးလို့ ပြောရအောင် သူတို့က ဒီရိုးရာအကြောင်း သိတာ မဟုတ်ဘူးလေ။ ကချင်လူမျိုးတွေပဲ ရိုးရာအကြောင်းသိတယ်။ ခုနက ကျမပြောသလိုပဲ ခေါင်းမှာ တပ်ရမယ့်ကိစ္စကို ခြေထောက်မှာ မတပ်ဘူးလေ။ ဆိုတော့ … ပြောစရာကြီးလည်း အဲဒီလောက်အထိ ရှိမနေပါဘူး။ ကျမအထင်တော့ ကျမကိုယ်တိုင် မကြားခဲ့ရဖူးသလို၊ သူများပြောတာလည်း မရှိဘူးလို့တော့ ထင်တာပဲ။ ကျမ နောက်ကွယ်မှာ ပြောကြရင်တော့ မသိဘူးပေ့ါ။

မေး။ ။ လက်ရှိ မြန်မာနိုင်ငံမှာလည်း ကချင်ပြည်နယ်က မပြီးသေးတဲ့ စစ်မီးတွေနဲ့ ပတ်သက်လို့ မဆန်းဘောက်ရာရဲ့ အမြင်ကို သိချင်ပါတယ်။

ဖြေ။ ။ ကျမဆိုရင် အခုလောလောလတ်လတ် တင်ပဲ အဲဒီ ဒေသကနေ ပြန်ရောက် ထားတာလေ။ စစ်ဖြစ်တဲ့ နေရာတို့ စစ်ဘေး ဒုက္ခသည်စခန်းတို့ကို တော်တော်များများကို ကျမ အကုန်ရောက်ခဲ့တယ်။ ပြီးခဲ့တဲ့ ၁၀ ရက်နေ့က ဆိုရင် ရှိုးပွဲ သွားလုပ်တယ်ပေ့ါ။ ကချင်ရှိုးပွဲ သွားလုပ်ပြီးတော့ ဒုက္ခသည်စခန်းက ကလေးတွေအတွက် ရံပုံငွေ ရှာပေးခဲ့ပါတယ်။ ပြီးရင် ကျမ ရန်ကုန်မှာလည်း ရံပုံငွေရှာတဲ့ပွဲလေး ထပ်လုပ်ဖို့ရှိတယ်ဆိုတော့ ကျမတို့က စစ်ဖြစ်တာနဲ့ပတ်သက်လို့ နိုင်ငံရေးကတော့ သိပ်နားမလည်ပေမယ့် ကိုယ့်လူမျိုးကို ထိရင်တော့ ဘယ်သူမှ မကြိုက်ဘူး။ ဘယ်သူမှတော့ မခံချင်ဘူး။ စိတ်ဆင်းရဲရတာ မျိုးတော့ ရှိတာပေ့ါ။ ကျမကတော့ ကျမတို့ လူမျိုးတွေ ဒုက္ခရောက်နေတာကို ထိုင်ပြီး လက်ပိုက် ကြည့်နေမှာတော့ မဟုတ်ဘူး။ တတ်နိုင်သလောက် ကတော့ ကိုယ်က ရန်ပုံငွေ ရှာပေးတာပဲ ဖြစ်ဖြစ်၊ ကျမတို့ ကိုယ်တိုင် ကိုယ်ကျ သွားပြီးတော့ စိတ်ဓာတ် ရေးရာ အားပေးခဲ့တာပဲ ဖြစ်ဖြစ်၊ ကျမကတော့ စစ် စဖြစ်ကတည်းက ကျမတို့ စပြီးလုပ်ခဲ့တယ်။ အခုချိန်ထိလည်းလုပ်တယ်။ နောက်လည်း လုပ်မှာပါပဲ။ သေနတ် မကိုင်ရုံတမယ်ပဲ။ ကျန်တာတော့ ကျမတို့ အကုန်လုံး လုပ်မှာပါပဲ။

မေး။ ။ ကချင် တိုင်းရင်းသူ တယောက်အနေနဲ့ ဒုက္ခသည်စခန်းက ကချင်တိုင်းရင်းသားတွေ ကိုယ်စား ဘာပြောချင်ပါ သလဲ။

ဖြေ။ ။ ကျမတို့ ကချင်တိုင်းရင်းသားတွေက ဘုရားသခင်ကို ယုံကြည်တဲ့ ခရစ်ယာန် ဘာသာဝင်တွေ ဖြစ်တဲ့အတွက်ကြောင့် မို့လို့ ဒီအချိန်မှာတော့ အားလုံးကို သည်းခံ၊ ကြိတ်မှိတ် သည်းခံဆိုပြီး ကျမတို့က အချင်းချင်း အားပေးနေကြတယ်။ ဒီအချိန် မှာတော့ အားတင်း ထားဖို့ပေ့ါ။ စစ်ဘေး ဒုက္ခသည်စခန်းမှာ စစ်ဘေး ဒုက္ခရောက်နေတဲ့ သူတွေ၊ သူတို့တွေပဲ ဒုက္ခ ရောက်နေတာ မဟုတ်ဘူး။ သူတုို့ ခံစားရသလိုပဲ ကျမတို့ ကမ္ဘာအနှံ့မှာ ရှိနေတဲ့ ကချင်လူမျိုးတွေ အကုန်လုံးရဲ့ ခံစားချက်ကလည်း အတူတူပါပဲ။ သူတို့ကို နှိပ်စက်ရင် ကျမတို့ကို နှိပ်စက်သလိုပဲ ခံစားရတယ်။ အဲဒီအတွက်ကြောင့်မို့လို့ ကျမတို့က ဘယ်တော့မှ ငြိမ်နေမှာ မဟုတ်ဘူး။ တကမ္ဘာလုံးမှာ ရှိနေတဲ့ ကချင်တွေလည်း ငြိမ်နေကြမှာမဟုတ်ဘူး။ အကုန်လုံး ၀ိုင်းပြီးတော့ အကောင်းဆုံးဖြစ်အောင် လုပ်နေကြတယ်ဆိုတော့ ဒုက္ခသည်စခန်းက လူတွေကို ဘာမှ အားငယ်စရာမလိုဘူးလို့ ကျမက ပြောချင်ပါတယ်။ တချိန်ချိန်မှာတော့ ကျမတို့ အလှည့်ရောက်မှာပေ့ါ။

From: ဧရာဝတီ

ဆက်ဖတ်ရန်>>>>

ကမ္ဘာကျော် ဦးပိန်တံတားကြီး၏ ကြံ့ခိုင်မှုမှာ နောင်သုံးနှစ်ကျော်လျှင် အန္တရာယ် ရှိသည့် အနေအထားသို့ ရောက်ရှိလာနိုင်

မန္တလေးမြို့ အထင်ကရ နေရာတစ်ခု နှင့် ပြည်ပ ခရီးသွားများ လာရောက်မှု များသော ကမ္ဘာကျော် ဦးပိန်တံတား ကြီး၏ ကြံ့ခိုင်မှုမှာ နောင်သုံးနှစ်ကျော် လျှင် အန္တရာယ် ရှိလာနိုင်သည့် အနေအထားသို့ ရောက်ရှိလာနိုင်သည်ဟု ရှေးဟောင်း သုတေသနနှင့် စာကြည့်တိုက်များ ဦးစီးဌာန မန္တလေးတိုင်း ဒေသကြီး ညွှန်ကြားရေးမှူး ဦးဇော်ဟန်ဦး ထံမှ သိရသည်။
" ကြံ့ခိုင်မှု အတွက် အကြီးစား ပြင်ဆင်မှုတွေကို ပြုလုပ်ခြင်းတော့ တစ်ချိန် တစ်ခါမျှ မရှိခဲ့ပါဘူး ၊ အဲဒီ အတွက် ပြင်ဆင်ဖို့ လိုအပ်ပါတယ် ၊ လတ်တလော အခြေအနေ ကတော့ အန္တရာယ်အဆင့် မရောက်သေးပါဘူး ၊ နောင်သုံးနှစ် လောက်ကြာရင် တော့ အန္တရာယ် ရှိလာနိုင်ပါတယ် .... " ဟု ၄င်းက ပြောပြသည်။

ပြင်ဆင်မှု လိုအပ်ချက် အပေါ် မူတည်ကာ လိုက်လံ ပြုပြင်ခြင်း မပြုလုပ်နိုင် သော်လည်း အသေးစား ပြင်ဆင်မှုများ ပြုလုပ်ရန်အတွက် ၀န်ထမ်း တစ်ဦးကို ခန့်ထားကြောင်း ၊ လိုအပ်သော အသေးစား ပြင်ဆင်မှုများကို ပြင်ဆင်ဆောင် ရွက်လျက် ရှိကြောင်းနှင့် လာရောက် လေ့လာသူများ၊ ပတ်ဝန်းကျင် လူထု ကြောင့် ပျက်စီးမှု မဖြစ်စေရန် အတွက်လည်း ပိုစတာများ၊သတိပေးတားမြစ် သည့် ဆိုင်းဘုတ်များ ကို လူမြင်သာသော နေရာများတွင် ထားရှိကြောင်း သိရသည်။

အကြီးစား ပြင်ဆင်မှု ပြုလုပ်ရန် အတွက် ငွေကြေး ကုန်ကျမှု များမည် ဖြစ်သောကြောင့် သက်ဆိုင်ရာ တာဝန်ရှိ သူများကို တင်ပြထားကြောင်း ၊ လေ့လာရန် လာရောက်သော သူများထံမှ ရရှိသော ငွေဖြင့် ပြင်ဆင်မှု ပြုလုပ် သွားနိုင်ရန်လည်း တင်ပြ ထားကြောင်း သိရသည်။
ပြည်ပ ခရီးသွားများကို မန္တလေး ၊ အင်းဝ ၊ အမရပူရ သုံးမြို့နယ် သို့ လှည့်လည် ကြည့်ရှုခွင့် နိုင်ငံခြားသား တစ်ဦးလျှင် ငွေကျပ် တစ်သောင်းနှုန်း ကောက်ခံ ဆောင်ရွက်လျက် ရှိကြောင်း ၊ တစ်နေ့လျှင် နိုင်ငံခြားသား ဦးရေ ၇၀၀ ၀န်းကျင် ၀င်ရောက်မှု ရှိကြောင်း သိရသည်။

ထိုကဲ့သို့ ပြင်ဆင်မှု များကို ဌာနဆိုင်ရာ မှ ပြင်ဆင်မှု မလုပ်ဆောင် နိုင်သဖြင့် လူမှု ကူညီရေး အဖွဲ့အစည်းများ ၊ သက်ဆိုင်ရာ နယ်မြေများရှိ ပြည်သူများ၊ ရှေးဟောင်း အမွေအနှစ် မြတ်နိုးသူများ စုပေါင်းကာ ပြင်ဆင်မှုများကို ပြုလုပ် ပါက လျင်မြန်စွာ ပြင်ဆင်မှု များကို ပြုလုပ်နိုင်မည် ဖြစ်ကြောင်း၊ ထိုကဲ့သို့ သော လုပ်ဆောင်ချက် လုပ်ဆောင်သူများကို ဌာနအနေဖြင့် ကူညီမှုများ ပေးသွားမည် ဖြစ်ကြောင်း သိရှိရသည်။

ဆက်ဖတ်ရန်>>>>

ဆူမားတြားအနီး လှိုဏ်ဂူတစ်ခုတွင် ဆူနာမီအထောက်အထားများ တွေ့ရှိ

အဆိုပါ ထုံးကျောက်လှိုဏ်ဂူသည် လွန်ခဲ့သော နှစ်ထောင်ပေါင်း များစွာကတည်းက ဖြစ်ပေါ်သော ငလျင်ကြီးများကြောင့် နောက်ဆက်တွဲ ရိုက်ခတ်ခဲ့သည့် ဧရာမ လှိုင်းလုံးကြီးများ၏ မှတ်တမ်းများကို ထိန်းသိမ်းထားသည့် သဘာဝ ဗဟုသုတသိုက်ကြီးသဖွယ် ဖြစ်နေ

ဆူမားတြား အနီးရှိ ကမ်းနီး လှိုဏ်ဂူတစ်ခုတွင် ဆူနာမီ ရေလှိုင်းများ ရိုက်ခတ်မှုနှင့် စပ်လျဉ်းသည့် ထင်ရှားခိုင်မာသည့် မှတ်တမ်းများကို အံ့ဩဖွယ်ရာ ရှာဖွေ တွေ့ရှိခဲ့ကြောင်း သိရှိရသည်။ ဆူမားတြား အနောက်မြောက် ပိုင်းတွင် တည်ရှိပြီး ဘန်ဒါအာချေးနှင့် နီးကပ်သည့် ဒေသအနီးမှ ထုံးကျောက် လှိုဏ်ဂူ သည် လွန်ခဲ့သော နှစ်ထောင်ပေါင်း များစွာကတည်းက ဖြစ်ပေါ်သော ငလျင်ကြီးများကြောင့် နောက်ဆက် တွဲ ရိုက်ခတ်ခဲ့သည့် ဧရာမ လှိုင်းလုံးကြီးများ၏ မှတ်တမ်းများကို ထိန်းသိမ်းထားသည့် သဘာဝ ဗဟုသုတ သိုက်ကြီးသဖွယ် ဖြစ်နေသည်။ လှိုင်းများ ရိုက်ခတ်စဉ်က တင်ကျန်ခဲ့သည့် သဲလွှာများကို လှိုဏ်ဂူအတွင်း တွေ့ရှိခဲ့ သည့်နောက် အိန္ဒိယ သမုဒ္ဒရာအတွင်း ဖြစ်ပွားခဲ့သည့် ငလျင်ကြီးများအကြောင်း ပြန်လည် ဖော်ထုတ်နိုင် ရန် သုတေသီများက မျှော်လင့်လျှက် ရှိသည်။

(၂၀၀၄)ခုနှစ်၊ ဒီဇင်ဘာလက လှုပ်ခတ်ခဲ့သည့် ကမ္ဘာကျော် ငလျင်ကြီးကဲ့သို့ ဖြစ်ရပ်များအတွက် တိုင်းတာလေ့ လာရန် ယခုသဲလွန်စများကို ပညာရှင်များက အသုံးပြု ခြေရာခံမည် ဖြစ်သည်။ လှိုင်း လုံးကြီးများ ရိုက်ခတ်သဖြင့် တင်ကျန်ခဲ့သည့် သဲလွှာ တစ်ခုစီကြားတွင် လင်းနို့ချေးများ ကြားခံနေသဖြင့် နှစ်အပိုင်းအခြားအလိုက် တင်ကျန်နေသည့် သဲလွှာများကို အလွယ်တကူ ခွဲထုတ်နိုင်ကြောင်း ပညာရှင် တစ်ဦးဖြစ်သည့် ဒေါက်တာ ဂျက်ဆီကာ ပီလာဇက်ခ်က ရှင်းပြခဲ့သည်။ "လူတွေက သူတို့ပိုင်နက်ထဲ ဝင်လာတော့ လင်းနို့တွေ တရုန်းရုန်း ဖြစ်ကုန်တယ်။ သဘာဝ ပတ်ဝန်းကျင် ထိန်းသိမ်းရေး ရှုထောင့်က ဆိုရင်တော့ သိပ်မကောင်းလှဘူးပေါ့။ ဒါပေမဲ့ ဘူမိဗေဒ ဘာသာရပ်အရတော့ ဒီဂူကြီးဟာ အံ့ဩစရာ အကောင်းဆုံး သဲလွှာတွေကို သိုမှီးထားတာပဲလေ"ဟု ဒေါက်တာဂျက်ဆီကာက မှတ်ချက်ပြုခဲ့သည်။

အဆိုပါ လှိုဏ်ဂူထဲတွင် ဆူနာမီလှိုင်းလုံးကြီးများနှင့်အတူ မျောပါလာသည့် အပျက်အစီး အကြွင်းအကျန်များ သောင်တင်နေသည်ကိုလည်း တွေ့ရသည်။ ပင်လယ်ကြမ်းပြင်အောက်တွင် ငြိမ်သက်နစ်မြုပ်နေသည့် အမှိုက်သရိုက် ပစ္စည်းများကို ဂူထဲထိ ရိုက်တင်နိုင်သည်မှာ အလွန်စွမ်းအားကြီးမားသည့် လှိုင်းလုံးကြီးများသာ စွမ်းဆောင်နိုင်မှုဟုလည်း ပညာရှင်များက ပြောကြားထားသည်။

Planet Myanmar Network

ဆက်ဖတ်ရန်>>>>

ထိုင်း - မြန်မာနယ်စပ် ကလေးလူကုန်ကူးမှု ပိုများလာ

ထိုင်းမြန်မာနယ်စပ်မြို့ ဖြစ်တဲ့ မဲဆောက်မြို့အပါအ၀င် တာ့ခ်ခရိုင်တွင်းမှာ ကလေး ကူးသန်း ရောင်းဝယ်မူ  တွေဟာ နှစ်စဉ်လိုလို များပြားလာနေတာပါ။ အခုဆိုရင် ကလေးတွေ အပေါ် ခေါင်းပုံဖြတ်ခံရမှုတွေ နဲ့ လူကုန်ကူးခံရတဲ့ ကလေးတွေ အပါအ၀င် နယ်စပ်မှာ ကလေးငယ်တွေကို ကာကွယ် စောင့်ရှောက်နေတဲ့ အဖွဲ့တွေက ကယ်ဆယ်နိုင်တဲ့ အရေအတွက် ဟာ ၃နှစ်တွင်းမှာ မြန်မာကလေးငယ် (၇၀၀) ကျော် ရှိနေပြီလို့ ထိုင်းမြန်မာနယ်စပ် အခြေစိုက် ကလေးအခွင့်အရေး လုပ်ဆောင်နေတဲ့ အဖွဲ့တွေ စုစည်းထားတဲ့ ကလေးအခွင့်အရေး ကာကွယ်စောင့်ရှောက်ရေး ကော်မတီက ဒီဇင်ဘာလ ၁၂ ရက်နေ့မှာ ကျရောက်တဲ့ ကလေးကူးသန်းရောင်းဝယ်မူ ပပျောက်ရေးနေ့ မှာ ပြောဆိုလိုက်ပါတယ်။ ထိုင်းအခြေစိုက် ဗွီအိုအေ သတင်းထောက် မအေးအေးမာက သတင်းပေးပို့ထားပါတယ် ။

ထိုင်းမြန်မာနယ်စပ် တာ့ခ်ခရိုင် မဲဆောက်မြို့ဟာ နယ်စပ်ကို အလုပ်အကိုင် ရှာဖွေသူတွေရဲ့ ဝင်ပေါက်ကြီးတခုဖြစ်ပြီး အလုပ်အကိုင် ရှာဖွေကြသူတွေထဲမှာ အသက်မပြည့်သေးတဲ့ ကလေးငယ်တွေပါဝင်သလို ကလေးအလုပ်သမားတွေ အများအပြားရှိတဲ့ ခရိုင်တခုလည်းဖြစ်ပါတယ်။ နယ်စပ်တလျှောက် မွေးကင်းစ ကလေးကစပြီး အသက်မပြည့်သေးတဲ့ကလေးတွေ ရောင်းစားခံရမူတွေ က လစဉ်လတိုင်းဖြစ်ပျက်နေတာပါ။ ကလေးသူငယ်တွေဟာ ပြည့်တန်ဆာ လုပ်ငန်းတွေနဲ့ တောင်းရမ်းစားသောက်တဲ့ လုပ်ငန်းတွေနဲ့ ကလေး အလုပ်သမားတွေ အဖြစ် ရောင်းစားခံနေရတာတွေ အပါအ၀င် ကလေးတွေခေါင်းပုံဖြတ် အမြတ်ထုတ်ခံရမူတွေ စတဲ့ အမှုအခင်းတွေဟာ ၃နှစ်အတွင်းမှာ ကလေးပေါင်း ၇၀၀ ကျော် ရှိတယ်လို့ ကလေးအခွင့်ရေး ကာကွယ် စောင်ရှောက်ရေးကော်မတီ CPPCR ရဲ့ အထွေထွေအတွင်းရေးမှူး ကိုနိုင်မင်းက ဆိုပါတယ်။

" ကလေးကုန်ကူးခံရမှုက ခေါင်းပုံဖြတ်အမြတ်ထုတ်ခံရမှုထဲမှာ ပါနေတယ်။ သုံးနှစ်အတွင်း ဒီနှစ် စက်တင်ဘာလအထိပေါ့နော်။ အမှု ၇၁၅ မှုရှိတယ်။ ဒါပေမဲ့ ဒီနှစ်မှာတော့ ပုံမှန်အားဖြင့် ကျနော်တို့ ပြန်ကြည့်ကြမယ်ဆိုရင် သူတို့အစိုးရဘက်ကရော၊ ကျနော်တို့ CPRS ရောပေါ့။ တိုင်တဲ့အမှုတွေ ပြန်ကြည့်မယ်ဆိုရင် ဒီနှစ်မှာ ပိုတက်လာတယ်ပေါ့နော်။ တချို့က သူတို့ကိုယ် သူတို့ လူကုန်ကူးခံရတယ်ဆိုတာ မသိကြဘူးဖြစ်နေကြတယ်။ အလိမ်ခံရတယ်။ အလိမ်ခံရတယ်ပဲ သုံးတယ်။ အဖွဲ့အစည်းတွေနဲ့တွေ့မှ လူကုန်ကူးခံရတယ်ဆိုတာ သိတယ်။"

ထိုင်းနိုင်ငံ မဲဆောက်နဲ့ဖုတ်ဖရ ဆိုတဲ့ မြို့နယ်တွေဘက်မှာတော့ အရွယ်မရောက်သေးတဲ့ ကလေးသူငယ်တွေကို လူကုန်ကူးပြီး ပြည့်တန်ဆာ လုပ်ငန်းတွေရောင်းစားတဲ့ လူကုန်ကူးမှုတွေဖြစ်ပွားနေတာပါ ။ ပြီးခဲ့တဲ့ နိုဝင်ဘာလ နောက်ဆုံးပတ်ထဲမှာ အသက် မပြည့်သေးတဲ့ မြန်မာ မိန်းကလေးတွေကို ပြည်တန်ဆာတွေအဖြစ် ရောင်းစားသူတွေကို ထိုင်းလူဝင်မူကြီးကြပ်ရေးရဲတွေနဲ့ လူကုန်ကူးမှု တိုက်ဖျက်ရေးလုပ်ဆောင်နေတဲ့ အစိုးရမဟုတ်တဲ့ အဖွဲအစည်းတွေ ပူးပေါင်းပြီးဖမ်းဆီးရာမှာ အသက်မပြည့်သေးတဲ့ မြန်မာကလေးငယ်တွေကို ကယ်တင်နိုင်ခဲ့ပါတယ်။

မဲဆောက်မြို့က လူဝင်မူကြီးကြပ်ရေး အရာရှိကတော့ အလားတူ လူကုန်ကူးမှုတွေကို ၂၀၁၃ ခုနှစ်ထဲမှာ အမူပေါင်း ၇ မှု ဖမ်းဆီးနိုင်ခဲ့တယ်လို့ ဆိုပါတယ်။ အသက်မပြည့်သေးတဲ့ ကလေးသူငယ်တွေကို လူကုန်ကူးမှုတွေ အဖြစ်များနေတဲ့ မဲဆောက်မြို့မှာတော့ နှစ်စဉ် ဒီဇင်ဘာလ ၁၂ရက်နေ့ ကလေးကူးသန်းရောင်းဝယ်မှု ပပျောက်ရေးနေ့တိုင်း ရွှေ့ပြောင်း ကလေးစာသင်ကျောင်းတွေမှာ ပညာပေးမှု စီတန်းလမ်းလျောက်မူတွေ လုပ်ခဲ့တာပါ။

ဒီနှစ်မှာတော့ ကလေးကူသန်းရောင်းဝယ်မှု တားဆီးနှိမ်နင်းရေးအဖွဲ့တွေ စုစည်းထားတဲ့ ဘားမားအက် ဆိုတဲ့အဖွဲ့က ပညာပေးဟောပြောပွဲတွေ လုပ်နိုင်ခဲ့ပါတယ်၊ ဒီပွဲကိုမဲဆောက်မြို့က မြို့ပိုင်လည်း တက်ရောက်ပြီး စကားပြောဆိုခဲ့ပါတယ်။

ထိုင်းဘာသာစကားနဲ့ သူပြောသွားတာကတော့ ကလေး ကူးသန်းရောင်းဝယ်မူတွေ ထဲက ကလေး အလုပ်သမားတွေ အဖြစ်ရောင်းစားတာ ကလေးပြည့်တန်ဆာတွေ အဖြစ်ရောင်းစားတဲ့ ပုံသဏ္ဍာန် အမျိုးမျိုးရှိတဲ့အကြောင်းနဲ့ ဒီလိုကလေးတွေကို ရောင်းစားနေတာတွေကို ထိုင်းနိုင်ငံအစိုးရအနေနဲ့ ပြဿနာကို ကြိုးစားဖြေရှင်းနေတဲ့ အကြောင်းကို ပြောဆိုသွားတာပါ။

ထိုင်းနိုင်ငံတွင်းမှာတော့ စက်ရုံအလုပ်ရုံတွေနဲ့ စိုက်ပျိုးရေးခြံတွေထဲမှာ ကလေးအလုပ်သမား အများအပြားရှိပြီး နယ်စပ်မှာတော့ တောင်းရမ်း စားသောက်တဲ့ လုပ်ငန်းတွေထဲမှာ ရောင်းစားခံထားရတဲ့ ကလေးတွေ အများအပြားရှိနေတာပါ ။

ဒီဇင်ဘာလ ၁၂ ရက်နေ့ကို ကလေးကူးသန်းရောင်းဝယ်မှု ပပျောက်ရေးနေ့ အဖြစ် ၂၀၀၀ခုနှစ်က စတင်သတ်မှတ်ခဲ့ပါတယ်။ အီတလီနိုင်ငံ ပါလာမိုမြို့မှာ လူကုန်ကူးမှု တိုက်ဖျက်ရေး အပါအ၀င် နိုင်ငံများပါဝင်တဲ့ ရာဇ၀တ်မှု တားဆီးရေး သဘောတူစာချုပ် အတည်ပြုပြဋ္ဌာန်းနိုင်ခဲ့တဲ့ နေ့ကို အရှေ့တောင်အာရှနိုင်ငံတွေ က ကလေးကူးသန်းရောင်းဝယ်မှု ပပျောက်ရေးနေ့အဖြစ် သတ်မှတ်ပြီး ကလေး ကူးသန်းရောင်းဝယ်မူကို ဆန့်ကျင် ကန့်ကွက်သူတွေ နှစ်စဉ် ကျင်းပခဲ့တာဖြစ်ပါတယ်။

ထိုင်းမြန်မာနယ်စပ်မှာတော့ ၂၀၀၉ ခုနှစ်လောက်က စတင်ကျင်းပခဲ့ပြီး ဒီနှစ်မှာတော့ မဲဆောက်မြို့က ကလေးဖွံဖြိုးတိုးတက်မှု စင်တာ (စီဒီစီ) ကျောင်းမှာ ကလေးပေါင်း တစ်ထောင်ကျော်နဲ့အတူ ပညာ ပေးဆွေးနွေးပွဲနဲ့ ပြဇာတ်သရုပ်ဖော်ပွဲတွေကို လုပ်ဆောင်ခဲ့ပါတယ်။

မအေးအေးမာ (ဗွီအိုအေ)

ဆက်ဖတ်ရန်>>>>