ဘော်စတွန်မာရသွန်ဗုံးကွဲမှု တရားခွင် စစ်ဆေးရေး စတင်

အမေရိကန်နို်င်ငံက ဘော်စတွန်မာရသွန်ဗုံးကွဲမှု လက်သည်တရားခံလို့ စွပ်စွဲခံထားရတဲ့ ချေချင်းညာလူမျိုး အမေရိကန်နိုင်ငံသား ဂျိုခါ ဇာနေ့ဗ်ကို လက်ရွေးစင်တရားသူကြီးတွေက တရားခွင်မှာ စစ်ဆေးမှုကို ပြီးခဲ့တဲ့ ဇန်န၀ါရီ ၅ ရက်နေ့က စတင်လိုက်ပါတယ်။

၂၀၁၃ ခုနှစ် ဧပြီ ၁၅ ရက်နေ့က မာရသွန်ပြိုင်ပွဲ ပန်းဝင်စည်းအနားမှာ ထောင်နဲ့ ချီတဲ့ လူအုပ်ထဲ အိမ်လုပ် ဗုံးဖောက်ခွဲမှုမှာ  လူ ၃ ဦး သေဆုံးပြီး  အယောက် ၂၆၀ ကျော် ဒဏ်ရာရခဲ့တာပါ။

ဒီအတွက် ပြစ်မှုထင်ရှားရင် အသက် ၂၁ နှစ်အရွယ် ဇာနေ့ဗ်ဟာ သေဒဏ်ကို ရင်ဆိုင်ရ နိုင်ပါတယ်။

ဗုံးခွဲအပြီး ၄ ရက်အကြာမှာ သူကို ဖမ်းမိတာပါ။ ရှေ့နေတွေကတော့ သူနဲ့ အသက် ၂၆ နှစ်အရွယ် သူအကိုတို့ဟာ တက္ကသို်လ်ရဲအရာရှိတယောက်ကိုလဲ ပစ်သတ်ခဲ့သေးတယ်လို့ ပြောပါတယ်။ သူ့အကိုကတော့ ရဲတွေနဲ့ အပြန်အလှန်ပစ်ခတ်မှုအတွင်း သေဆုံးခဲ့တာပါ။

ဇာနေ့ဗ်ကတော့ သူအပေါ် စွဲဆိုထားတဲ့ စုစုပေါင်းစွဲချက် ၃၀ ကို အပြစ်မရှိဘူးလို့ ပြောဆိုခဲ့ပါတယ်။

သူအမှုကို စစ်ဖို့ တရားသူကြီး ရွေးချယ်ရာမှာလဲ ဘာမှ မပြောခဲ့ပါဘူး။ အမေရိကန်ကို ပြောင်းရွှေ့ အခြေချတဲ့ သူတို့ညီအကိုဟာ မွတ်စလင်တွေပါ။ ရှေ့နေတွေရဲ့ အဆိုအရ ဇာနေ့ဗ်ဟာ သူတို့ပုန်းအောင်းနေခဲ့တဲ့ လှေထဲမှာ စာတစောင် ရေးထားခဲ့တယ်လို့ ဆိုပါတယ်။

စာထဲမှာတော့ အမေရိကန်အစိုးရက ကျနော်တို့ရဲ့ အပြစ်မဲ့အရပ်သားတွေကို သတ်နေတယ် ဒီမကောင်းဆိုးဝါးတွေ အပြစ်ပေးမခံရဘဲ ဖြစ်နေတာကို ကြည့်မနေနိုင်ဘူးလို့ ရေးထားတယ်လို့ တရားရုံး စာရွက်စာတမ်းတွေက ဆိုပါတယ်။

DVB

ဆက်ဖတ်ရန်>>>>

ပျက်ကျ AirAsia ၏ လေယာဉ်အမြီးပိုင်းဟု ယူဆရသည့် အစိတ်ပိုင်း တွေ့ရှိ

၂၀၁၄ ဒီဇင်ဘာ ၂၉ ရက်နေ့က အင်ဒိုနီးရှားရေတပ်၏ လေယာဉ်တစီးမှ လေယာဉ်မှူးများ ပျက်ကျ AirAsia ရှာဖွေရေး ပြုလုပ်နေစဉ် (ဓာတ်ပုံ – Reuters / Antara)

ပျောက်ဆုံးနေသည့် AirAsia Flight QZ8501 လေယာဉ်မှ အမြီးပိုင်းဟု ယူဆရသည့် အရာတခုကို အင်ဒိုနီးရှား ရေတပ်ကင်းလှည့် သင်္ဘောတစီးက ဇန်န၀ါရီလ ၅ ရက်နေ့တွင် တွေ့ရှိခဲ့သည်ဟု အဆိုပါ သင်္ဘော၏ ကပ္ပတိန်က ပြောသည်။ လေယာဉ်ပျက်ကျရခြင်း အကြောင်းရင်းကို စုံစမ်းဖော်ထုတ်ရာတွင် အရေးကြီးသည့် Black Box နှင့် ပျံသန်းရေး အချက်အလက်များ မှတ်သားသည့် ကိရိယာတို့ကို လေယာဉ်အမြီးပိုင်းတွင် တပ်ဆင်ထားလေ့ရှိသည်ဟု သိရသည်။

 

“လေယာဉ်ရဲ့အမြီးပိုင်း ဖြစ်နိုင်ခြေ အလွန်များတဲ့ အရာတခုကို ကျနော်တို့ တွေ့ခဲ့ပါတယ်” ဟု ကင်းလှည့်သင်္ဘော၏ ကပ္ပတိန် Yayan Sofyan က သတင်းထောက်များကို ပြောကြားခဲ့သည်။ သို့သော်လည်း အင်ဒိုနီးရှား ရှာဖွေရေးနှင့် ကယ်ဆယ်ရေး အေဂျင်စီက ယင်းတွေ့ရှိမှုကို အတည်ပြုပေးခြင်း မရှိသေးပါ။ ဇန်န၀ါရီလ ၅ ရက်နေ့က လှိုင်းလေငြိမ်သက် နေသည့်အချိန်တွင် အင်ဒိုနီးရှားရေတပ်မှ ရေငုပ်သမားများက ပျောက်ဆုံးလေယာဉ်၏ အပျက်အစီးများဟု ယူဆရသည့် အရာဝတ္ထုများကို ခွဲခြားနိုင်ရန် လုပ်ဆောင်ရင်း ထိုသို့ တွေ့ရှိခဲ့ခြင်းဖြစ်သည်။ ပျောက်ဆုံးလေယာဉ်၏ Black Box မှ သင်္ကေတ ထုတ်လွှင့် အချက်ပြမှုကိုမူ ရရှိခဲ့ခြင်း မရှိကြောင်းလည်း သိရသည်။

 

ဇန်န၀ါရီလ ၅ ရက်နေ့ နံနက်ပိုင်းတွင် အလောင်း ၃ လောင်းကို ထပ်မံဆယ်ယူနိုင်ခဲ့သဖြင့် ယခုအချိန်အထိ လေယာဉ်ပေါ်တွင် လိုက်ပါသွားသူ ၁၆၂ ဦးထဲမှ ၃၇ လောင်းကို ပြန်လည်ရရှိခဲ့ပြီး ဖြစ်သည်။ အလောင်းများနှင့် အပျက်အစီးများကို ရှာဖွေနေသည့် လေယာဉ်နှင့် သင်္ဘောများကလည်း ၎င်းတို့၏ ရှာဖွေရေး ဧရိယာကို ပိုမိုတိုးချဲ့ ရှာဖွေခဲ့ကြသည်။

 

အင်ဒိုနီးရှားနိုင်ငံ၏ ဒုတိယ အကြီးဆုံးမြို့ဖြစ်သည့် Surabaya မှ စင်ကာပူသို့ ပျံသန်းထွက်ခွာသွားသည့် AirAsia လေကြောင်းလိုင်းမှ ခရီးစဉ် အမှတ် QZ8501 လေယာဉ်ပျောက်ဆုံးသွားခဲ့သည်မှာ ၁၀ ရက်ခန့် ကြာမြင့်ခဲ့ပြီ ဖြစ်သည့် ယခုအချိန်တွင် ရှာဖွေရေး ဧရိယာကို ပိုမိုတိုးချဲ့လာခဲ့သည်။ ကမ်းရိုးတန်း ဒေသများတွင်လည်း ရဟတ်ယာဉ်များဖြင့် ရှာဖွေနေကြသည်။

 

ဒီဇင်ဘာလ ၂၈ ရက်နေ့က အဆိုပါလေယာဉ် ပျက်ကျခဲ့ရခြင်းသည် ရာသီအလိုက် ဖြစ်ပေါ်နေသည့် အပူပိုင်း မုန်တိုင်းများကြောင့်လည်း ဖြစ်နိုင်သည်ဟု အင်ဒိုနီးရှား မိုးလေ၀သဌာနက ပြောသည်။ ပြင်းထန်သော ရာသီဥတုကြောင့် ခရီးသည်တို့၏ အလောင်းများကို ရှာဖွေဆယ်ယူရန်နှင့် မည်သည့်အတွက်ကြောင့် လေယာဉ်ပင်လယ်ပြင်တွင်းသို့ ပျက်ကျခဲ့ရသည်ကို ဖော်ပြပေးနိုင်မည့် Black Box နှင့် ပျံသန်းရေး မှတ်တမ်းများကို ရှာဖွေရန် အခက်အခဲ ဖြစ်နေသည်ဟု သိရသည်။

 

အဓိက ဦးစားပေး ရှာဖွေသည့်နေရာသည် ဘော်နီယိုကျွန်း ကမ်းရိုးတန်းမှ ရေမိုင် ၉၀ အကွာတွင် ဖြစ်ပြီး အဆိုပါနေရာတွင် လေယာဉ် အပျက်အစီးများဟု ယူဆရသည့် ကြီးမားသော အရာဝတ္ထု ၅ ခုကို တွေ့ရှိခဲ့ရသည်။ အကြီးဆုံး အရာဝတ္ထုမှာ ၅၉ ပေခန့် ရှည်လျားသည်။ 

 

၎င်းတို့ကို ရေယာဉ်များက ရေတိမ်ပိုင်းတွင် ဆိုနာကိရိယာကို အသုံးပြု၍ ဖော်ထုတ်နိုင်ခဲ့ခြင်း ဖြစ်သည်။

အဆိုပါ အရာဝတ္ထုများထဲမှ တခုသည် နစ်မြုပ်နေသော သင်္ဘောတစီး ဖြစ်သည်ဟုလည်း ဇန်န၀ါရီလ ၅ ရက်နေ့တွင် သတင်းများ ထွက်ပေါ်ခဲ့သည်။ ပျံသန်းရေးမှတ်တမ်းတင် ကိရိယာများအားလုံးသည် Airbus အမျိုးအစား လေယာဉ်၏ အမြီးပိုင်းတွင် ရှိနေသော်လည်း ရေ ရေအောက်ကြမ်းပြင်တွင် တွေ့ရှိရသော အပျက်အစီးများထဲတွင် အမြီးပိုင်း ပါဝင်နေခြင်းရှိ မရှိကလည်း မသေချာသေးကြောင်း သိရသည်။  ရှာဖွေရေးတွင် နိုင်ငံအများအပြားမှ ပူးပေါင်းပါဝင်ခဲ့ရာတွင် အမေရိကန်နှင့် ရုရှားနိုင်ငံတို့လည်း အပါအ၀င်ဖြစ်သည်။

 

အင်ဒိုနီးရှား မိုးလေ၀သဌာန၏ ၀က်ဘ်ဆိုက်ဖြစ်သည့် BMKG ၌ ကနဦးဖော်ပြခဲ့သည့် အစီရင်ခံစာတခုတွင် လေယာဉ်က မုန်တိုင်းတိမ်တိုက်များ အတွင်းသို့ တိုးဝင်ပျံသန်းခဲ့ပြီးနောက် ရာသီဥတု အခြေအနေကြောင့် အောက်သို့ ပြုတ်ကျခဲ့ခြင်း ဖြစ်နိုင်သည်ဟု ဖော်ပြခဲ့သည်။

 

“လေယာဉ်နဲ့ နောက်ဆုံး အဆက်အသွယ် ရရှိခဲ့တဲ့ နေရာနဲ့ပတ်သက်လို့ ရရှိနိုင်သမျှ အချက်အလက်တွေကို အခြေခံပြီး ပြောရမယ်ဆိုရင် ပျက်ကျရခြင်း အကြောင်းတခု ဖြစ်ပါတယ်။ ရာသီဥတုအရ အဖြစ်နိုင်ဆုံး သဘာဝဖြစ်စဉ် အရဆိုရင် လေယာဉ်ရဲ့ ကိုယ်ထည်ပေါ်မှာ စိုထိုင်းအေးခဲမှုကြောင့် အင်ဂျင်ကို ထိခိုက်ပျက်စီးစေနိုင်ပါတယ်။ ဒါက ရရှိထားတဲ့ မိုးလေ၀သ သတင်းအချက်အလက်တွေကို အခြေခံပြီးတော့ ဆန်းစစ်ထားတဲ့ ဖြစ်နိုင်ချေတွေထဲက တခုပဲဖြစ်ပါတယ်” ဟု အဆိုပါ အစီရင်ခံစာက ဆိုသည်။

ရှာဖွေရေးနှင့် ကယ်ဆယ်ရေး အေဂျင်စီ အကြီးအကဲ Bambang Soelistyo က ရေငုပ်အဖွဲ့ကို စေလွှတ်ရန်စီစဉ်ထား သော်လည်း ရေအောက်ကြမ်းပြင်တွင် လုံးဝ မှောင်မဲနေသည်ဟု ဇန်န၀ါရီလ ၄ ရက်နေ့တွင် ပြောကြားခဲ့သည်။ ရေစီးကြောင်းကြောင့် အပျက်အစီးများ မျောပါသွားနိုင်သည့်အတွက် ဘော်နီယိုကျွန်းပေါ်မှ မြို့တမြို့ဖြစ်သည့် Pangkalan Bun ၏ အနောက်တောင်ဘက် ပင်လယ်ပြင်တွင် အဓိကထား၍ ရှာဖွေနေခြင်းကို အရှေ့ဘက်သို့ တိုးချဲ့ခဲ့ကြောင်းလည်း သူက ပြောသည်။

 

ရှာဖွေရေးလုပ်ငန်းသည် လေယာဉ်ပေါ်တွင် လိုက်ပါသွားသူများ၏ အလောင်းများကို ပြန်လည် တွေ့ရှိနိုင်ရေးကို ဦးစားပေး ဆောင်ရွက်ခဲ့သည်။ လေယာဉ်ပေါ်တွင် အင်ဒိုနီးရှားနိုင်ငံသား ၁၅၅ ဦး၊ တောင်ကိုရီးယားနိုင်ငံသား ၃ ဦး၊ စင်ကာပူ နိုင်ငံသား ၁ ဦး၊ ဗြိတိန် နိုင်ငံသား ၁ ဦးနှင့် တွဲဖက်လေယာဉ်မှူး ပြင်သစ်နိုင်ငံသား Remi Plesel တို့ လိုက်ပါသွားကြသည်။

လေကြောင်းမှ ရှာဖွေရေးတွင် ပါဝင်ဆောင်ရွက်နေသည့် အင်ဒိုနီးရှား လေယာဉ်မှူး Setiawan က ပင်လယ်တွင်းတွင် မျောပါနေသည့် အလောင်း ၃ လောင်းကို ဇန်န၀ါရီလ ၄ ရက်နေ့ မနက်ပိုင်းက လေယာဉ်ပေါ်မှ မြင်တွေ့ခဲ့ရသည်ဟု အင်ဒိုနီးရှား ရုပ်သံလိုင်းသို့ ပြောဆိုသည်။

 

အင်ဒိုနီးရှား အစိုးရက AirAsia လေကြောင်းလိုင်း၏ ပျံသန်းရေး စည်းကမ်းချိုးဖောက်မှုများကို စုံစမ်းစစ်ဆေးရန် ကတိပြုခဲ့သည်။ ခရီးစဉ် အမှတ် QZ8501 သည် ပျက်ကျခဲ့သည့်အချိန်တွင် ခွင့်ပြုချက်မရှိသည့် အစီအစဉ်ဖြင့် ပျံသန်းနေခြင်း ဖြစ်သည်ဟုလည်း ဆိုသည်။ ယခုအချိန်တွင် Surabaya-Singapore ခရီးစဉ်ကို ပျံသန်းခြင်းမပြုရန် လေကြောင်းလိုင်းကို တားမြစ်ထားပြီး ဖြစ်သည်ဟု သိရသည်။

သို့သော်လည်း စင်ကာပူ အရပ်ဘက်လေကြောင်း အုပ်ချုပ်ရေး အဖွဲ့ကမူ လေကြောင်းလိုင်း၏ ဇန်န၀ါရီလ ၄ ရက်နေ့ ခရီးစဉ်ကို ၎င်းတို့ဘက်မှ ခွင့်ပြုချက်ပေးခဲ့ပြီးဖြစ်သည်ဟု ဆိုသည်။ မလေးရှား အခြေစိုက် AirAsia လေကြောင်းလိုင်း အနေဖြင့် စတင်ပျံသန်းရမည့်နေရာမှ ခွင့်ပြုချက်မရှိဘဲ မည်ကဲ့သို့ ပျံသန်းလိမ့်မည် ဆိုသည်မှာ ရှင်းလင်းခြင်း မရှိသေးပါ။

 

ပျံသန်းထွက်ခွာခြင်း မပြုမီ QZ8501 ၏ လေယာဉ်မှူးက မုန်တိုင်းကို ရှောင်ရှားနိုင်ရေးအတွက် သတ်မှတ်အမြင့်ပေ၏ အထက်တွင် ပျံသန်းခွင့်ပြုရန် ခွင့်ပြုချက် တောင်းခံခဲ့သော်လည်း ၎င်း၏ အထက်တွင် တခြားလေယာဉ်များ ရှိနေသဖြင့် ပျံသန်းရန် ခွင့်ပြုချက် မရရှိခဲ့ဟု အင်ဒိုနီးရှား လေကြောင်းထိန်းသိမ်းရေး ဌာန (AirNav) ၏ အဆိုအရသိရသည်။

 

အဆက်အသွယ် ပြတ်တောက်မသွားမီ လေယာဉ်မှူး Iriyanto က မုန်တိုင်း အန္တရယ်ကို ရှောင်နိုင်ရန် လမ်းကြောင်းပြောင်းလဲ ပျံသန်းလိုသည်ဟု ထိန်းချုပ်ရေး မျှော်စင်သို့ ပြောကြားခဲ့သည်။ ထို့နောက် ကွင်းမှ ထွက်ခွာသွားပြီး မိနစ် ၄၀ ကြာသည့် အချိန်တွင် အဆက်အသွယ်အားလုံး ပြတ်တောက်သွားခဲ့သည်။ လေယာဉ်မှူး Iriyanto သည် အတွေ့အကြုံ ရင့်ကျက်သော စစ်ဘက်လေယာဉ်မှူးဟောင်းတယောက် ဖြစ်ကြောင်းလည်း သိရသည်။

 

ကိုးကား – Reuters, Guardian, Daily Telegraph

ဧရာဝတီ

ဆက်ဖတ်ရန်>>>>

အ၀တ်ဗလာ နဲ့ အပန်းဖြေရတဲ့ ကမ်းခြေမှာ အမျိုးသမီးတွေကို တိတ်တခိုး ဗီဒီယို ရိုက်ယူနေတဲ့ အမျိုးသား

အ၀တ်ဗလာ နဲ့ အပန်းဖြေရတဲ့ ကမ်းခြေမှာ စုံတွဲတွေနဲ့ အမျိုးသမီးတွေကို တိတ်တခိုး ဗီဒီယို ရိုက်ယူနေတဲ့ အမျိုးသားတစ်ဦးကို လူတစ်စုက သတိထားမိခဲ့ပြီး ရဲကို အကြောင်းကြား ဖမ်းဆီးစေခဲ့ပါတယ်။

သြစတြေးလျ နိုင်ငံ ၊ Adelaide’s Maslin ကမ်းခြေမှာ မျက်မြင်သက်သေတွေရဲ့ ပြောကြားချက်အရ မီးခိုးရောင် ဆံပင်ရှိပြီး တက်တူးတွေရှိတဲ့ အမျိုးသားတစ်ဦးဟာ သူကိုယ်တိုင်လည်း အ၀တ်ဗလာနဲ့ လာရောက် အပန်းဖြေနေပြီး ရေခဲပုံးတစ်ပုံးကို ကိုင်ဆောင်ထားပါတယ်။

ထိုရေခဲပုံးထဲမှာတော့ ကင်မရာတစ်လုံးကို လျှို့ဝှက်စွာ ထည့်ထားပြီး စုံတွဲတွေနဲ့ အမျိုးသမီးတွေကို ဗီဒီယို ခိုးရိုက်နေခဲ့ရာ ဒါကို ဖြတ်သန်းသွားတဲ့ အမျိုးသမီးတစ်ယောက်က တွေ့ရှိသွားပြီး သူမရဲ့ သူငယ်ချင်းတွေကို သတင်းပေးခဲ့တာဖြစ်ပါတယ်။

ထို သြစတြေးလျနိုင်ငံ Adeleaide’s Maslin ကမ်းခြေဟာ ၁၉၇၅ ခုနှစ်ကတည်းက သြစတြေးလျ ရဲ့ ပထမဆုံး အ၀တ်ဗလာနဲ့ အပန်းဖြေရတဲ့ ကမ်းခြေ အဖြစ် သတ်မှတ်ခဲ့တာဖြစ်ပါတယ်။

Ref:mirror.co.uk
Trend Myanmar

ဆက်ဖတ်ရန်>>>>

နာမည်ကြီး Cadbury ချောကလက်ထဲ၌ ပိုးဖလံ တွေ့ရှိ

(လန်ဒန်၊ ဒီဇင်ဘာ ၂၉)

 

 အင်္ဂလန်နိုင်ငံ မြောက်ပိုင်း ယောက်ခ်ရှိုင်းယားနေ ခရေ့(ခ်ျ) ဘရောင်း ဆိုသူသည် စတိုးဆိုင်မှ Cadbury ချောကလက်နှစ်တောင့် ဝယ်ယူခဲ့ရာ ချောကလက်ထဲ၌ ပိုး ဖလံအသေကောင် ပါဝင်လာသည် ကို အံ့အားသင့်စွာ တွေ့ရှိခဲ့ရသည်။

 

 အသက် ၂၁ နှစ်အရွယ် ဘ ရောင်းသည် ၄င်းချစ်သူ၏ကလေး နှစ်ယောက်အတွက် ချောကလက် ဝယ်ယူခဲ့ခြင်းဖြစ်ပြီး Cadbury ကုမ္ပဏီသို့ ဆက်သွယ်အကြောင်း မကြာခင် ဓာတ်ပုံရိုက်ယူထားခဲ့ သည်။

”ကျွန်တော် ဒီချောကလက် ကို စတိုးဆိုင်က ဝယ်လာတာပါ။ ကံကောင်းစွာပဲ ကလေးတွေကို မကျွေးခင် ကျွန်တော် ဖောက်လိုက် တော့ အထဲမှာ ပိုးဖလံ အသေ ကောင် ပါနေတာကို တွေ့ရတယ်။ အစက ချောကလက် ထဲက အဆာ ထင်နေ တာ။ သေချာကြည့် မှ ပိုးဖလံကောင်ဖြစ် နေတယ်”ဟု ၄င်းက ဆိုသည်။

 

ယင်းကိစ္စနှင့်ပတ်သက် ၍ Cadbury ကုမ္ပဏီမှ တာဝန်ရှိသူ က ”မစ္စတာဘရောင်း တော်တော် စိတ်ပျက် သွားမှာပဲ။ ဒီအထုပ်ကို ကျွန်တော် တို့ဆီ ပြန်ပို့ပေး လို့ ရပါ တယ်။ ဒါမှ ဘာ့ ကြောင့်ဖြစ်ရတယ် ဆိုတာ စုံစမ်းနိုင်မှာပါဟု ပြောကြား ခဲ့သည်။

 

TW

Ref: mirror.co.uk

Popular Myanmar

ဆက်ဖတ်ရန်>>>>

ရုရှားစစ်တပ်တွင် အမှုထမ်းရန် နိုင်ငံခြားသားများကို ငှားရမ်းသွားမည်

စစ်သားများအဖြစ် ရုရှားစစ်တပ်တွင် အနည်းဆုံးငါးနှစ် တာဝန်ထမ်းဆောင်ရန် ရုရှားစကားပြော တတ် သည့် နိုင်ငံခြားသားများအား ငှားရမ်းခေါ်ယူနိုင်သည့် အမိန့်ဒီကရီတစ်ရပ်ကို ရုရှားသမ္မတ ဗလာဒီမာပူတင် က ဇန်နဝါရီလ ၅ ရက်တွင် ထုတ်ပြန်လိုက် သည်။ နိုင်ငံခြားသား စစ်သားသစ်များမှာ ဆိုဗီယက် အုပ်စုဝင်ဟောင်း ဗဟိုအာရှသမ္မတနိုင်ငံများမှ ဖြစ်မည်ဟု မျှော်လင့်ရသည်။

ရုရှား အပါအဝင် နိုင်ငံခြားတပ်ဖွဲ့ များသည် ယူကရိန်းတွင် တိုက်ပွဲဝင်နေကြသည်ဟု သတင်းများ ထွက်ပေါ်နေသော် လည်း ရုရှားနိုင်ငံက ၎င်း၏ တပ်ဖွဲ့ဝင်များကို ယူကရိန်းသို့ ပို့ဆောင်ခြင်းမရှိဟု ငြင်းဆိုထားသည်။

ရုရှားနိုင်ငံက အရှေ့ ယူကရိန်းဒေသ ခွဲထွက်ရေးသူပုန်များ သို့ လက်နက်ကြီး များနှင့် ကောင်းစွာ လေ့ကျင့် ထားသည့် တပ်ဖွဲ့ဝင် များ ပေးပို့နေသည်ဟု ယူကရိန်းနှင့် အနောက်အုပ်စုတို့ က စွပ်စွဲထားသည်။

ပူတင်၏ ယခုအမိန့် ထုတ်ပြန်ချက်သည် ရုရှားစစ်တပ် စွမ်းရည်မြှင့်တင်ရေးအတွက် လုပ်ဆောင်ချက် တစ်ရပ် ဖြစ်သော်လည်း ဆိုဗီယက်အုပ်စုဝင် နိုင်ငံဟောင်းများနှင့် ရုရှားတို့ ၏ ဆက်ဆံရေးမှာ သံတမန်အရှုပ်အထွေးများ ရှိနေကြောင်း ဘီဘီစီ စစ်ရေးလေ့လာသူ ဂျွန်နသန်မားကတ်စ်က ပြောသည်။

ယင်းအမိန့် ထုတ်လိုက်ခြင်းဖြင့် ရုရှားနယ်စပ်များတွင် တပ်ဖြန့် ချထားသည့် တပ်မများအတွက် တပ်သား သစ်စုဆောင်းရေးကို တရားဝင် လွယ်ကူစွာ လုပ်ဆောင်နိုင်မည်ဖြစ်ကြောင်း ရုရှားစစ်ရေးပညာရှင်ပါဗေးနှင့် အလက်ဇန္ဒြားဂေါ့ဖ်တို့ နှစ်ဦးစလုံးက ဘီဘီစီသို့ ပြောသည်။

"အရင်က စစ်မှုထမ်းချင်ကြတယ်ဆိုရင် ရုရှားနိုင်ငံသားဖြစ်ရမယ်။ ဒါမှမဟုတ် နိုင်ငံသားဖြစ်ကြောင်း စာရွက်စာတမ်းတွေရှိမှ စစ်မှုထမ်းခွင့် ရမယ်။ အခုအမိန့် အရတော့ နိုင်ငံသားမဖြစ်လည်း စစ်တပ်တွင်းမှာ တရားဝင် စစ်မှုထမ်းခွင့်ရပါပြီ။"ဟု ပါဗေးကပြောခဲ့သည်။

စီးပွားရေးကျပ်တည်းနေသည့် ယခုကာလအချိန်အတွင်း နိုင်ငံခြားသား စစ်သားများအနေဖြင့် ရုရှား တပ်မတော် အတွင်း ဝင်ရောက် စစ်မှုထမ်းပါက လစာ ရူပီး ၃၀၀၀၀(အမေရိကန်ဒေါ်လာ ၅၀၀) ရရှိမည်ဖြစ်ပြီး နိုင်ငံသားဖြစ်ခွင့်လည်း မျှော်လင့်၍ ရကြောင်း အလက်ဇန္ဒြားဂေါ့ဗ်က ဖြည့်စွက်ပြောခဲ့သည်။

Ref: BBC
Mizzima

ဆက်ဖတ်ရန်>>>>

Sony က ၁၂ ဒသမ ၉ လက်မ အရွယ်အစားရှိ Tablet ထုတ်မည်

၂၀၁၅ နှစ်ဆန်းပိုင်းတွင် Sony က ၁၂ ဒသမ ၉ လက်မ မျက်နှာပြင်အရွယ်အစားရှိ Xperia Ultra တက်ဘလတ်များ ထုတ်လုပ်ရောင်းချမည် ဟု သတင်းများ ထွက်ပေါ်လာခဲ့သည်။ Sony က စွမ်းဆောင်ရည်မြင့် စမတ်ဖုန်းတစ်လုံး ထုတ်လုပ်ရောင်းချမည်ဟု ဒီဇင်ဘာလအတွင်း ထုတ်ပြန်ကြေညာခဲ့သော်လည်း အခက်အခဲများကြောင့် ထုတ်လုပ်ရောင်းချနိုင်ခြင်း မရှိခဲ့ပေ။

လက်ရှိအချိန်တွင် Sony က Tablet Ultra ကို ရောင်းချမည်ဟု သတင်းများထွက်ပေါ်လာပြီး ယင်း Tablet သည် ယခင်ထုတ်လုပ်ခဲ့သည့် အမျိုးအစားများထက် ပိုမိုပါးလွှာပြီး စွမ်းဆောင်ရည် ပိုမိုကောင်းမွန်မည်ဟု နည်းပညာသတင်းများ ဖော်ပြနေသည့် T3 သတင်းဌာနက ဆိုသည်။

Sony Xperia Ultra Tablet ကို ၂၀၁၅ ခုနှစ် အစောပိုင်းကာလများတွင် ထုတ်လုပ်ရောင်းချနိုင်ဖွယ်ရှိပြီး အရွယ်အစားကြီးမားသည့် အလျှောက် တန်ဖိုးကြီးမားနိုင်သည်ဟု T3 က ခန့်မှန်းဖော်ပြထားသည်။

မျက်နှာပြင် ပုံရိပ်အရည်အသွေး 3840x2400 pixels ရှိမည်ဖြစ်ပြီး ကြီးမားသည့် မျက်နှာပြင်ပေါ်တွင် အံဝင်အောင် ဖန်တီးထားသည်ဟု T3 က ဆိုသည်။

ကင်မရာအရည်အသွေး 8MP ရှိမည်ဖြစ်ပြီး 64 bit Qualcomm Chipset ကို ထည့်သွင်းထားခြင်းကြောင့် Android ၏ နောက်ဆုံးဗားရှင်းများ ထည့်သွင်းအသုံးပြုနိုင်မည့် Tablet တစ်လုံးဖြစ်သည်ဟု T3 က သုံးသပ်သည်။ Tablet သည် အထူ ၈ ဒသမ ၆ မီလီမီတာ ရှိမည် ဖြစ်သည်ဟု T3 က ဖော်ပြထားသည်။

Sony က Sony Xperia Ultra Tablet ကို  Pegatron Technology ကုမ္ပဏီနှင့် ပူးပေါင်း ထုတ်လုပ်မည်ဖြစ်ပြီး ယင်းကုမ္ပဏီသည် Microsoft နှင့် Apple တို့၏ Tablet များကို လည်း ပူးပေါင်းထုတ်လုပ်ခဲ့သည့် ကုမ္ပဏီ ဖြစ်သည်။

လက်ရှိအချိန်တွင် Samsung နဲ့ Apple တို့က ဈေးကွက်အတွင်း အပြိုင်ထိုးဖောက်နေသော်လည်း Sony ၏ Tablet သစ်သည်  ဈေးကွက်ကို စိန်ခေါ်နိုင်လိမ့်မည်ဟု Sony ၏ တာဝန်ရှိသူတစ်ဦးကဆိုသည်။ Apple အနေဖြင့်လည်း  ဧပြီ နှင့် ဇွန်လ အတွင်း  iPad Pro ကိုထုတ်လုပ်မည်ဟု သတင်းများ ထွက်ပေါ်နေသည်။ Sony က ၎င်းတို့၏ Tablet သစ်ကို လာမည့် ရက်သတ္တပတ် အတွင်းကျင်းပမည့် CES 2015 နည်းပညာ ပြပွဲတွင် ထုတ်ဖော် ကြေငြာမည်ဟု ခန့်မှန်းချက်များရှိနေသည်။

Sony Tablet သစ်၏ တန်ဖိုးကို အမေရိကန် ဒေါ်လာ ၁၀၀၀ ဝန်းကျင်ခန့် ရှိမည်ဟု T3 က ခန့်မှန်းထားသည်။

Ref: T3
Mizzima

ဆက်ဖတ်ရန်>>>>

ဦးခေါင်းခွံ အရင်းပိုင်း အကျိတ်ကြောင့် မျက်လုံးပြူး ထွက်လာသည့် အမျိုးသမီးငယ် ရန်ကုန်ဆေးရုံကြီးတွင် အခမဲ့ ခွဲစိတ်ကုသမှု ရတော့မည်

လွန်ခဲ့သည့် (၄) နှစ်ခန့်ကပင် ဦးခေါင်းခွံ အရင်းပိုင်း အကျိတ်ကြောင့် မျက်လုံးပြူးထွက်လာသည့် အမျိုးသမီးငယ်မှာ ရန်ကုန်ဆေးရုံကြီးတွင် အခမဲ့ ခွဲစိတ်ကုသမှု ရတော့မည် ဖြစ်ကြောင်း သိရသည်။

အဆိုပါ အမျိုးသမီးငယ်မှာ ၂၁ နှစ် အရွယ် မခိုင်ယဉ်မွန်ဖြစ်ပြီး ဟင်္သာတမြို့နယ်၊ ကံကြီးတောင်ကျေးရွာကဖြစ်ကြောင်း၊ ၂၀၁၁ ခုနှစ်ကပင် မျက်လုံးပြူးလာသည့်အတွက် ကျန်းမာရေးစစ်ဆေးရာ ဦးနှောက်အစပ်နှင့် မျက်လုံးအပေါ် ကြားတွင် အကျိတ်ဖြစ်နေကြောင်း သိရကြောင်း၊ သို့သော်လည်း ငွေကြေးမတတ်နိုင်သည့်အတွက် မကုသခဲ့ကြောင်း သိရသည်။

လွန်ခဲ့တဲ့ ရက်ပိုင်းက ဟင်္သာတမြို့နယ်အတွင်း နယ်လှည့်ဆေးကုသပေးသည့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ နယ်လှည့်ဆေးကုသအဖွဲ့က တွေ့ရှိရာမှ ရန်ကုန်ဆေးရုံကြီး အရေးပေါ်ကိုရောက်ရှိကြောင်း၊ ယင်းမှတစ်ဆင့် ပြင်ပလူနာဌာနကိုရောက်ရှိရာ စမ်းသပ်စစ်ဆေးပြီး လာမည့် တပတ်အတွင်း ဦးနှောက်နှင့်အာရုံကြော အထူးခွဲစိတ်ကုသဆောင်တွင် ခွဲစိတ်ကုသပေးသွားမည်ဖြစ်ကြောင်း သိရသည်။

"သမီးမျိုးရိုးမှာလည်း ဒီလိုဖြစ်တာမရှိဘူး။ဖြစ်ဖြစ်ချင်း ဘယ်လိုမှမခံစားရဘူး။နောက်ပိုင်းတော့ မျက်စိမှုန်လာတယ်။ ၀ါးလာတယ်။ အခုဆိုရင် သိပ်မမြင်တော့ဘူး။ အခုလို ကုသပေးမယ့်သူပေါ်လာတယ်။ကုသဖို့အခွင့်အရေးရတယ်ဆိုတော့ပျော်ပါတယ်"ဟု မခိုင်ယဉ်မွန်က ပြောသည်။

ရန်ကုန်ဆေးရုံကြီးတွင် အဆင့်မြင့်စက်ကိရိယာများ တပ်ဆင်ပေးထားကာ မြန်မာနိုင်ငံ၏ တခုတည်းသော စီတီစကင် (CT Scan) ဖြင့် ဦးခေါင်းအတွင်းပိုင်းကဲ့သို့နေရာများကို တိတိကျကျ ပြတ်ပြတ်သားသား ရိုက်ကူး၍ ရောဂါရှာဖွေပေးလျက်ရှိကြောင်း၊ မခိုင်ယဉ်မွန်ကိုလည်း စီတီစကင် (CT Scan) ထပ်မံရိုက်ကူးကာ စစ်ဆေးခဲ့ခြင်းဖြစ်ကြောင်း သိရသည်။

"အရိုးခွံပေါ်မှာ ဖြစ်တဲ့အကျိတ်ပါ။ မျက်လုံးရဲ့အပေါ်အရိုးပေါ်မှာ ဖြစ်တာပါ။ဦးခေါင်းခွံရဲ့ အရင်း မျက်လုံးရဲ့ အပေါ်မှာ ကင်ဆာမဟုတ်ဘဲ ရိုးရိုးအကျိတ်ဖြစ်ဖို့ များပါတယ်။ တကယ်က ၂၀၁၁ ကပဲ တွေ့ထားတာပါ။ ချို့တဲ့တော့ မခွဲဖြစ်ဘူး။ကွန်ပျူတာလည်း ထပ်ရိုက်ထားတယ်။ နေဖို့ထိုင်ဖို့၊ စားဖို့သောက်ဖို့ ကူညီသူရှိတော့ ကောင်းသွားတာပေါ့၊ ခွဲပစ်ရင်တော့ကောင်းသွားမှာပါ။အောင်မြင်ဖို့ များပါတယ်။ ဦးနှောက်ခွဲစိတ်အဖွဲ့၊မျက်စိနားနှာခေါင်းအဖွဲ့တွေနဲ့ပူးပေါင်းဆောင်ရွက်သွားမှာပါ"ဟု ဦးနှောက်နှင့်အာရုံကြောခွဲစိတ်ဌာန၊ ပါမောက္ခ ဌာနမှုး ဒေါက်တာမြတ်သူက ပြောသည်။

News Watch(စောင့်ကြည့်သတင်းဂျာနယ်)

ဆက်ဖတ်ရန်>>>>