မယ်စကြဝဠာ ပြိုင်ပွဲအတွက် မိုးစက်ဝိုင်ကို ရွေးချယ်

Miss Universe Myanmar 2013 မိုးစက်ဝိုင် (ဓာတ်ပုံ – ဂျေပိုင် / ဧရာဝတီ)

ကမ္ဘာ့အကြီးဆုံး မယ်ပြိုင်ပွဲတခုဖြစ်တဲ့ မယ်စကြဝဠာပြိုင်ပွဲကို ဝင်ရောက်ယှဉ်ပြိုင်ဖို့ မြန်မာနိုင်ငံ ကိုယ်စားပြု အလှမယ်အဖြစ် မိုးစက်ဝိုင်ကို ရွေးချယ်လိုက်ပြီ ဖြစ်ပါတယ်။

ယမန်နေ့ညက အမျိုးသားကဇာတ်ရုံမှာ ညနေ ၅ နာရီ ကနေ ည ၉ နာရီကျော်အထိ ထူးခြားတဲ့ တင်ဆက်မှုတွေနဲ့ ကျင်းပ ပြုလုပ်ခဲ့တဲ့ Miss Myanmar Universe 2013 ပြိုင်ပွဲမှာ ပြီးခဲ့တဲ့ လက ဆန်ခါတင်ရွေးချယ်ထားတဲ့ အလှမယ် အယောက်၂၀ ထဲကနေ ခါးနံပါတ် ၁၆ ဖြစ်တဲ့ မိုးစက်ဝိုင်ကို မယ်စကြဝဠာပြိုင်ပွဲမှာ သွားရောက်ယှဉ်ပြိုင်ရမယ့်မြန်မာနိုင်ငံ ကိုယ်စားပြု အလှဆုံးမယ်အဖြစ် ဒိုင်လူကြီး ၆ ဦးက စိစစ် ရွေးချယ်ခဲ့တာပါ။

Miss Universe Myanmar 2013 ပြိုင်ပွဲရွေးချယ်မှုကို ရန်ကုန်တိုင်းဒေသကြီး ဝန်ကြီးချုပ် ဦးမြင့်ဆွေ အပါအဝင် အစိုးရအဖွဲ့ဝင် တွေလည်း လာရောက်အားပေးကြသလို နာမည်ကြီး ဒီဇိုင်နာတွေ၊ မိတ်ကပ်ပညာရှင်တွေ နဲ့ မော်ဒယ်လ်တွေကလည်း ပွဲကို စိတ်ဝင်တစား လာရောက်ကြတာလည်း တွေ့ရပါတယ်။

ဘယ်ရှိုးပွဲမဆို တွေ့ကြုံနေကြဖြစ်တဲ့ လက်မှတ်မှောင်ခို ရောင်းချတာကလည်း အခုလို ပရိသတ် စိတ်ဝင်စားမှု များပြားတဲ့ပွဲမှာလည်း အများအပြား ရှိနေပါတယ်။ ပွဲလာတဲ့သူ အများစုကတော့ ဖိတ်စာနဲ့ လာရောက်ကြတာ များပေမယ့် စိတ်ဝင်စားတဲ့ ပရိတ်သတ်တွေကတော့ မှောင်ခိုလက်မှတ် ရောင်းသူတွေထံက လက်မှတ်ဝယ်ပြီး ကြည့်ရှုကြတာ တွေ့ရပါတယ်။ လက်မှတ်ဝယ်ယူ ကြည့်ရှုရပေမယ့် ပွဲအတွင်းမှာ ခုံနေရာ မလောက်မငှတာကြောင့် မတ်တပ်ရပ် ကြည့်ရှုခဲ့ရသူတွေလည်း အများအပြားပါပဲ။

ဒါ့အပြင် ဘယ်ပွဲမှာမှ အစီအစဉ် တင်ဆက်သူအဖြစ် ဆောင်ရွက်ခဲ့တာ မရှိတဲ့ နာမည်ကြီး အဆိုတော်လည်းဖြစ်၊ သရုပ်ဆောင်တဦးလည်း ဖြစ်တဲ့ စိုင်းစိုင်းခမ်းလှိုင်က ပွဲစဉ်တလျှောက်လုံးမှာ နာမည်ကြီး အစီအစဉ်တင်ဆက်သူ တင်မိုးလွင်နဲ့ တွဲဖက်ပြီး လိုက်ဖက်ညီစွာ တင်ဆက်ခဲ့ပါတယ်။

တင်မိုးလွင်ကတော့ စိုင်းစိုင်းက Miss Universe Myanmar ပြိုင်ပွဲကျမှ အစီအစဉ်တင်ဆက်သူ လုပ်ချင်ခဲ့ပါတယ်လို့ ပရိသတ်တွေကို ဟာသနှောပြီး ပြောပါတယ်။

ပွဲအစီအစဉ်အစမှာ စင်မြင့်ထက်က ပိတ်ကားပေါ်မှာ မြန်မာနိုင်ငံရဲ့ အထင်ကရ ပုဂ္ဂိုလ်ကြီးတွေဖြစ်တဲ့ ဦးသန့်၊ ဦးနုတို့ ပါဝင်တဲ့ ရုပ်သံကို ဖွင့်ပြီး သမ္မတ ဦးသိန်းစိန်၊ ဒေါ်အောင်ဆန်းစုကြည်တို့ရဲ့ ပုံရိပ်အချို့၊ ငြိမ်းချမ်းရေးအတွက် လုပ်နေကြတဲ့ လူထုလှုပ်ရှားမှု ပုံရိပ်တွေကိုလည်း ပြသရင်း အဆိုတော် မိုးမိုးက We Are Burma, Myanmar ဆိုတဲ့ သီချင်းနဲ့ တင်ဆက်ပါတယ်။

သီချင်းအပြီးမှာတော့ မြန်မာနိုင်ငံရဲ့ ထင်ရှားကျော်ကြားပြီး လေးစားစရာကောင်းတဲ့ အမျိုးသမီးကြီးတွေ ဖြစ်တဲ့ ဗိုလ်ကြီး ဒေါ်ခင်အုန်း၊ ဒေါ်နှင်းမြ၊ ဒေါ်ခင်ကြည်၊ လူထုဒေါ်အမာ၊ ငွေတာရီ၊ ဒေါ်ခင်နှင်းယု၊ လေဘာတီမမြရင်၊ ဒေါ်မေလှမြိုင်၊ ဒေါ်မေရှင် စတဲ့ ပုံရိပ်တွေကို ပြသခဲ့ပြီး မြန်မာ့လက်ရွေးစင် အမျိုးသမီး အားကစားသမားတွေကိုရဲ့ စကားသံတချို့နဲ့ ပုံရိပ်တွေ၊ မြန်မာ အမျိုးသမီးတွေရဲ့ ရှေးယခင်က ပုံရိပ်တွေ၊ ခက်ခဲတဲ့ဘဝတွေ၊ ၂၁ ရာစုခေတ်ရဲ့ သင်္ကြန်ပုံရိပ်နဲ့ စတိုင်မျိုးစုံ၊ ယဉ်ကျေးမှု၊ နေထိုင်မှုစရိုက် ပုံစံမျိုးစုံတို့ကို ပြသခဲ့ပါတယ်။

အဲဒီနောက်မှာတော့ အင်းလေးရေပြင်ကျယ်ကြီး နောက်ခံနဲ့ အင်းလေးမှာသာ မြင်တွေ့ရတဲ့ ခြေနဲ့ လှေလှော်ခတ်ဟန် ပါဖောမန့်စ် လုပ်တဲ့ ရှမ်းတိုင်းရင်းသားတွေရယ်၊ ရှမ်းအလှပျိုဖြူတွေရဲ့ အကတွေနဲ့ တွဲဖက်ပြီး အဆိုတော် ပန်းအိဖြူနဲ့ ဘိုဖြူတို့က အင်းလေး သီချင်းတပုဒ်ကို သီဆိုပါတယ်။ သီချင်းတပိုဒ်ဆိုပြီးချိန်မှာတော့ မယ်စကြဝဠာ ပြိုင်ပွဲအတွက် ဆန်ခါတင် ရွေးချယ်ထားတဲ့ အလှမယ် ၂၀ က ပထမဆုံး ဝတ်စုံအဖြစ် မြန်မာဝတ်စုံတွေနဲ့ ယှဉ်ပြိုင်ပါတော့တယ်။ မော်ဒယ်လ်တွေ က အလှပြ လမ်းလျှောက်လိုက် အဆိုတော်တွေက သီချင်းတပိုဒ်ဝင်ပြီး သီဆိုလိုက်နဲ့ ပထမဆုံးမြန်မာဝတ်စုံနဲ့ မှာကတည်းက တင်ဆက်ပုံ ခပ်ဆန်းဆန်းနဲ့ ပွဲကို စတင်ခဲ့ပါတယ်။

ပြိုင်ပွဲမှာတော့ ဆန်ခါတင် အလှမယ် အယောက်၂၀ က မြန်မာဝတ်စုံ၊ ရေကူးဝတ်စုံနဲ့ ညနေခင်းဝတ်စုံတို့ကို ဝတ်ဆင် ယှဉ်ပြိုင်ခဲ့ကြတာ ဖြစ်ပါတယ်။ ရွေးချယ်ပေးခဲ့တဲ့ ဒိုင်လူကြီးတွေကတော့ ထွန်းအိန္ဒြာဗိုလ်၊ ဒေါ်အယ်လ်ခွန်းရီ၊ ထူးဂရု (ပ်) က ဒေါ်အိမွန်ထွေး၊ တေးရေး စောခူဆဲ၊ ပြည့်ဝေလျှံ ရတနာရွှေဆိုင်က ဒေါ်ကလျာပြည့်ဝေလျှံနဲ့ မိတ်ကပ်ပညာရှင် တိုးတိုးတို့က အကဲဖြတ် ရွေးချယ်ခဲ့ကြတာပါ။

ဒုတိယအဆင့် ရေကူးဝတ်စုံနဲ့ ယှဉ်ပြိုင်ရမယ့် အခါမှာတော့ ပြိုင်ပွဲဝင်တွေကလည်း အခုမှ စင်ပေါ်တက်ဖူးတဲ့ စင်အတွေ့အကြုံမရှိတဲ့ သူတွေဖြစ်တဲ့အပြင် မြန်မာနိုင်ငံမှာကလည်း ရေကူးဝတ်စုံနဲ့ ယှဉ်ပြိုင်ရတာက ဆန်းသစ်နေသေးတာကြောင့် ဘီကီနီနဲ့ မဟုတ်ဘဲ သာမန် ရေကူးဝတ်စုံနဲ့ပဲ ယှဉ်ပြိုင်မှာဖြစ်ပြီး မြန်မာ့ယှဉ်ကျေးမှုနဲ့ မညီပေမယ့် အမြင်ရိုင်းတယ်လို့ မမြင်ဘဲ ကောင်းတဲ့အမြင်နဲ့ ကြည့်ပေးဖို့ အစီအစဉ် တင်ဆက်သူတွေက ပရိသတ်တွေကို မေတ္တာရပ်ခံခဲ့ပါသေးတယ်။

“ပရိသတ်တွေရှေ့၊ မီဒီယာတွေရှေ့မှာ ရေကူးဝတ်စုံနဲ့ ယှဉ်ပြိုင်ဖို့က အတွေ့အကြုံ လုံးဝမရှိပါဘူး။ ဒါပေမယ့် အလှမယ်တွေရဲ့ ပြစ်မျိုးမှဲ့မထင် အလှကို ယှဉ်ပြိုင်ပြသဖို့ လိုအပ်တာကြောင့် အကောင်းမြင်တဲ့စိတ်နဲ့ ရွေးချယ်ပေးကြပါလို့ မေတ္တာရပ်ခံပါတယ်” ဆိုပြီး အစီအစဉ်တင်ဆက်သူ စိုင်းစိုင်းခမ်းလှိုင်က ပြောပါတယ်။

ရေကူးဝတ်စုံဆိုပေမယ့် ဘီကီနီ မဟုတ်ဘဲ သာမန်ရေကူးဝတ်စုံနဲ့ပဲ ယှဉ်ပြိုင်ကြမယ်လို့ အစီအစဉ် တင်ဆက်သူတွေက ပြောတော့ စင်အောက်က ပရိသတ်ကြီးထံက ဝေဖန်သံတချို့ ထွက်လာပါသေးတယ်။ ပရိသတ်ကြီးက တကယ့်ကို ဘီကီနီနဲ့ ဝတ်ဆင် ယှဉ်ပြိုင်ပြသမှာလို့ ခန့်မှန်းထားကြပုံ ရပါတယ်။

ပြိုင်ပွဲဝင် အယောက် ၂၀ လုံးက ခရမ်းရောင် ရေကူးဝတ်စုံနဲ့ အလှပဆုံး၊ အကောင်းဆုံးဖြစ်အောင် ယှဉ်ပြိုင်သွားပြီးတဲ့ နောက်မှာတော့ အယောက်၂၀ ထဲက ဆန်ခါတင် ၁၀ ယောက် ထပ်မံပြီး ရွေးထုတ်လိုက်ပါတယ်။

ဆန်ခါတင် ၁၀ ယောက်ကတော့ ညနေခင်း ဝတ်စုံတွေနဲ့ ဆက်လက် ယှဉ်ပြိုင်ရပါတယ်။ ညနေခင်းဝတ်စုံနဲ့ ယှဉ်ပြိုင်မှု အပြီးမှာတော့ နောက်ထပ် ဆန်ခါတင် ၅ ယောက်ကို ရွေးထုတ်ပါတယ်။ အဲဒီဆန်ခါတင် ၅ ယောက်ကတော့ ဉာဏ်စမ်းမေးခွန်း တခုစီ ဖြေကြရပါတယ်။ ဉာဏ်စမ်းမေးခွန်းတွေကတော့ ရုရှားမှာ သွားရောက်ယှဉ်ပြိုင်မယ့် မယ်စကြဝဠာ ပြိုင်ပွဲကနေ
မြန်မာနိုင်ငံအတွက် ဘာတွေ သယ်ဆောင်လာနိုင်မလဲ၊ အကယ်၍သာ ဆုရခဲ့မယ်ဆိုရင် ဆုကြေးငွေကို ဘယ်လိုလုပ်ဖို့ စဉ်းစားထားလဲ၊ ကိုယ့်ဘဝရဲ့ အလေးစားဆုံးပုဂ္ဂိုလ်က ဘယ်သူလဲစတဲ့ မေးခွန်းတွေကို ဆန်ခါတင် ၅ ယောက်က ကြိုးစားဖြေသွားခဲ့ပါတယ်။

နောက်ဆုံးမှာတော့ မြန်မာနိုင်ငံ ကိုယ်စားပြု Miss Universe Myanmar 2013ကို ရွေးချယ်ခဲ့ပါတယ်၊ ဆန်ခါတင် ၅ယောက်ထဲက 4th Runner Up ကိုတော့ ခါးနံပါတ် ၁၀ ဖြစ်တဲ့မေချစ်ပုံ၊ 3rd Runner Up ကို ခါးနံပါတ် ၁၉ နှင်းယမုံဦး၊ 2nd Runner Up ကို ခါးနံပါတ် ၁၅ ဖြစ်တဲ့ မြတ်နှင်းဖြူ၊ 1st Runner Upကိုတော့ ခါးနံပါတ် ၄ ဖြစ်တဲ့ အေးချမ်းမိုးတို့က အသီးသီးရရှိခဲ့ပြီး Miss Universe Myanmar 2013ကိုတော့ ခါးနံပါတ် ၁၆ ဖြစ်တဲ့ မိုးစက်ဝိုင်က ရရှိခဲ့ပါတယ်။

ဒါ့အပြင် ပြိုင်ပွဲကြီး ဖြစ်မြောက်အောင် ကူညီပေးတဲ့ ကုမ္ပဏီတွေက ပေးအပ်တဲ့ ဆုတွေဖြစ်တဲ့ Miss Environmental ဆုကို ခါးနံပါတ် ၅ မီရှယ်လ်၊ Miss Healthy Body & Beautiful Skin ဆုနဲ့ Body Perfect ဆုကို ခါးနံပါတ် ၁၅ မြတ်နှင်းဖြူ၊ Healthy Skin ဆုနဲ့ ပရိတ်သတ် ရွေးချယ်မှု အများဆုံးဆုကိုတော့ ခါးနံပါတ် ၁၆ မိုးစက်ဝိုင်၊ Miss Photogenic ဆုကို ခါးနံပါတ် ၄ အေးချမ်းမိုးနဲ့ Miss Beautiful Smile ဆုကိုတော့ ခါးနံပါတ် ၁၀ မေချစ်ပုံတို့က ရရှိခဲ့ပါတယ်။

၂၀၁၃ ခုနှစ်ရဲ့ မြန်မာနိုင်ငံ ကိုယ်စားပြုအဖြစ် ရုရှားနိုင်ငံမှာ သွားရောက် ယှဉ်ပြိုင်မယ့် Miss Universe Myanmar 2013 ဆုရှင် မိုးစက်ဝိုင် ကတော့ ဆုကြေးငွေ သိန်း ၁၀၀၊ ဟွန်ဒါဖစ် ကားတစီး၊ စိန်သရဖူတခု အပါအဝင် Miss Universe Myanmar အဖွဲ့အစည်းနဲ့ ၂ နှစ်တာ အနုပညာနဲ့ လူမှုရေးလှုပ်ရှားမှုများ ဆောင်ရွက်ခွင့်၊ ၁ နှစ်စာ မိတ်ကပ်၊ ဆံပင် အခမဲ့ပြင်ဆင်ခွင့်နဲ့ ၁ နှစ်စာ ပွဲတက်ဝတ်စုံများ ရရှိခဲ့ပါတယ်။

“အသက်၂၅ နှစ်မှ ရလာတဲ့ အခွင့်အရေးကောင်း တခုပါ။ မင်းသမီးဖြစ်ချင်တာ မဟုတ်ဘူး။ ဘဝမှာ တခါတည်း ကြုံတဲ့ အခွင့်အရေးမို့လို့ ကိုယ့်နိုင်ငံအတွက်လည်းဖြစ်လို့ ဝင်ပြိုင်ဖြစ်ခဲ့တာပါ” လို့ Miss Universe Myanmar 2013 ဆုရှင် မိုးစက်ဝိုင်က ဧရာဝတီကို ပြောပါတယ်။

မိုးစက်ဝိုင်ဟာ အသက်၂၅ နှစ်ကျော်ရှိပြီး တရုတ်၊ အင်္ဂလိပ် ဘာသာစကားတွေကို တတ်ကျွမ်းတဲ့အပြင် နိုင်ငံခြားမှာ ပညာသင်ကြားခဲ့ပြီး မြန်မာနိုင်ငံကို ပြန်လာကာ အလုပ် လုပ်ကိုင်နေသူလည်း ဖြစ်ပါတယ်။

၂၀၁၃ ခုနှစ်မှာ ကျင်းပမယ့် ကမ္ဘာ့အကြီးဆုံး မယ်ပြိုင်ပွဲ တခုဖြစ်တဲ့ မယ်စကြဝဠာ ပြိုင်ပွဲကိုတော့ ရုရှားနိုင်ငံ မော်စကိုမြို့ရဲ့ Crocus City Hallမှာ နိုဝင်ဘာ ၅ ရက်နေ့ ဆန်ခါတင် လူရွေးပွဲ ကျင်းပပြုလုပ်မှာ ဖြစ်ပြီး နိုဝင်ဘာ ၉ ရက်နေ့မှာ ပြိုင်ပွဲကြီး ကျင်းပပြုလုပ်မှာ ဖြစ်ကြောင်း Miss Universeရဲ့ ဝက်ဘ်ဆိုက်မှာ သတင်းထုတ်ပြန်ထားပါတယ်။

မယ်စကြဝဠာ ပြိုင်ပွဲကို လွန်ခဲ့တဲ့ ၁၉၅၃ ခုနှစ်က ကယ်လီဖိုးနီးယား ပြည်နယ်မှာ စတင်ခဲ့တာ ဖြစ်ပြီး မယ်စကြဝဠာ ပြိုင်ပွဲတွေမှာတော့ အာရှ ဒေသက ဂျပန်၊ ထိုင်း၊ ဖိလစ်ပိုင်နဲ့ အိန္ဒိယနိုင်ငံတွေက မယ်စကြဝဠာ ဆုတွေကို ရရှိခဲ့ဖူးကြောင်း သိရပါတယ်။

မြန်မာနိုင်ငံကနေ မယ်စကြဝဠာ ပြိုင်ပွဲကို လွန်ခဲ့တဲ့ ၁၉၅၉ ခုနှစ်တုန်းက ဒေါ်သန်းသန်းအေး၊ ၁၉၆၀ ခုနှစ်က ဒေါ်မြင့်မြင့်မေနဲ့ ၁၉၆၁ ခုနှစ်မှာ ဒေါ်မြင့်မြင့်ခင်တို့က ဝင်ရောက်ယှဉ်ပြိုင်ခဲ့ပြီး ဒေါ်မြင့်မြင့်မေ ကတော့ Miss Congeniality ဆုရရှိခဲ့ ဖူးပါတယ်။ ယမန်နေ့ညက ပွဲမှာလည်း ၁၉၆၀ ခုနှစ်က ကျင်းပခဲ့တဲ့ မယ်စကြဝဠာပြိုင်ပွဲတုန်းက ဒေါ်မြင့်မြင့်မေ ဆုရရှိခဲတဲ့ ဗီဒီယိုဖိုင်ကို ပြန်လည်ပြသခဲ့ပါတယ်။

မေစစ်ပိုင်| ဧရာဝတီ