Time in Rangoon 
မြန်မာ့အာမခံလုပ်ငန်းမှ ပုဂ္ဂလိက အာမခံလုပ်ငန်း လုပ်ကိုင်ခွင့်ပြုရန် လျှောက်ထားစေခဲ့ရာ လျှောက်လွှာ ပိတ်ချိန်တွင် လျှောက်လွှာ ၁၈၀ အနက် ပုဂ္ဂလိကလုပ်ငန်း လုပ်ကိုင်ရန် လျှောက်ထားသူ ၂၀ ဦးသာရှိကြောင်း သိရသည်။ အဆိုပါ ပုဂ္ဂလိက အာမခံလုပ်ငန်း လုပ်ကိုင်ရန် လျှောက်ထားလာသော လုပ်ငန်းများအနက် ချမှတ်ထားသည့် စည်းမျဉ်းစည်းကမ်းများနှင့် ကိုက်ညီသည့် လုပ်ငန်းများကို ဘဏ္ဍာရေးနှင့် အခွန်ဝန်ကြီးဌာနသို့ တင်ပြပြီး သြဂုတ်လကုန်ပိုင်းတွင် စတင်လုပ်ကိုင်ခွင့်ပြုသွားမည်ဖြစ်ကြောင်း မြန်မာ့အာမခံလုပ်ငန်းမှ အထွေထွေမန်နေဂျာ ဒေါက်တာမောင်မောင်သိမ်းက ပြောကြားသည်။ လာရောက် လျှာက်ထားသည့် ပုဂ္ဂလိက လုပ်ငန်းရှင်များအနက် ပြည်တွင်းရှိ ပုဂ္ဂလိက လုပ်ငန်းရှင်များကိုသာ လုပ်ကိုင်ခွင့်ပြုသွားမည်ဖြစ်ရာ အာမခံလုပ်ငန်း ခြောက်မျိုးကို ပုဂ္ဂလိကဘဏ်များ အပါအဝင် ထိပ်သီးစီးပွားရေး လုပ်ငန်းရှင်များအား စတင်လုပ်ကိုင်ခွင့် ပေးသွားမည်ဟု သိရသည်။ လုပ်ကိုင်လိုသော ကုမ္ပဏီများ၏ ကျွမ်းကျင်မှုနှင့် ထပ်မံရင်းနှီးမြှုပ်နှံမည့် ပမာဏပေါ် မှုတည်ကာ အာမခံအမျိုးအစားများကို ထပ်မံတိုးမြှင့် လုပ်ကိုင်ခွင့်ပြုမည်ဖြစ်ကြောင်း၊ ပုဂ္ဂလိက အာမခံလုပ်ငန်း လုပ်ကိုင်ရန်အတွက် ကုမ္ပဏီတစ်ခုလျှင် ငွေကျပ် သန်း ၄၆၀၀၀ ကို အစိုးရ ဘဏ်တစ်ခုခုတွင် တင်ထားရန်လိုကြောင်း၊ ပုဂ္ဂလိက အာမခံလုပ်ငန်းများအတွက် ချမှတ်ထားသော စည်းမျဉ်းစည်းကမ်း (၉) ချက်ရှိကြောင်း၊ ယင်း (၉) ချက်နှင့် ကိုက်ညီမှသာ လုပ်ကိုင်ခွင့်ပြုသွားမည်ဖြစ်ကြောင်း မြန်မာအာမခံလုပ်ငန်းမှ သိရသည်ဟု ၂၀၁၂ ခုနှစ် ဇူလိုင် ၁၄ ရက်နေ့ထုတ် မြဝတီ သတင်းစာတွင် ဖော်ပြထားပါသည်။
From : ခေတ်လူငယ်
0 comments:
Post a Comment