Time in Rangoon 
၂၀၁၂ ခုနှစ် ဇူလိုင်လ ၁၉ ရက်နေ့တွင် ကျရောက်မည့် (၆၅) နှစ်မြောက် အာဇာနည်နေ့ အခမ်းအနား ကျင်းပမည့် အာဇာနည်ဗိမာန်သို့ တက်ရောက်ရန် ရန်ကုန်တိုင်းဒေသ ကြီး ရွေးကောက် ပွဲကော်မရှင်မှ နိုင်ငံရေးပါတီများသို့ ဖိတ်ကြားထားကြောင်း နိုင်ငံရေးပါတီများထံမှ သိရှိရသည်။ ယင်းသို့ ဖိတ်ကြားရာ၌ တစ်ပါတီလျှင် ငါးဦးနှုန်း တက်ရောက်နိုင်ကြောင်း သိရသည်။ “အာဇာနည်နေ့မှာ ကျွန်တော်တို့ နိုင်ငံရေး ပါတီတွေကို အာဇာနည်ဗိမာန် တက်ရောက်ဖို့ ရန်ကုန်တိုင်းဒေ သကြီး ရွေးေ ကာက်ပွဲ ကော်မရှင်က ဖိတ်ကြားထားပါတယ်။ ၂၀၁၀ တုန်းကတော့ ပါတီတစ်ပါတီကို ခုနစ်ယောက် တက်ခွင့်ရခဲ့တယ်။ ၂၀၁၁ မှာ ဖိတ်ကြားခဲ့ခြင်း မရှိပါဘူး။ တကယ်လို့ အဲဒီနေ့မှာ ဂုဏ်ပြုပန်းခွေ၊ ပန်းခြင်းတွေ ပြုလုပ်မယ်ဆိုရင် ပခုက္ကူ ဓမ္မာရုံကို ဇူလိုင်လ ၁၈ ရက်နေ့ ညနေ ၄ နာရီ အရောက် ပို့ပေးရမယ်လို့ ပြောပါတယ်။ အခုထိတော့ ဖိတ်စာ မရောက်သေးဘူး။ ဒါကို ဖုန်းနဲ့ လှမ်း အကြောင်းကြားလို့ သိထားတာပါ” ဟု ဒီမိုကရက်တစ်ပါတီ (မြန်မာ)မှ ပြန်ကြားရေးတာဝန်ခံ ဦးလှမြင့်က ဇူလိုင်လ ၁၃ ရက်နေ့တွင် ပြောပါသည်။ ၁၉၄၇ ခုနှစ် ဇူလိုင်လ ၁၉ ရက်တွင် ကျဆုံးခဲ့သော အာဇာ နည်များဖြစ်သည့် ဗိုလ်ချုပ်အောင်ဆန်း၊ သခင်မြ၊ ဒီးဒုတ်ဦးဘချို၊ ဦးရာဇတ်၊ မန်းဘခိုင်၊ မိုင်းပွန်စော် ဘွားကြီး စ၀်စံထွန်း၊ ဦးဘ၀င်း၊ ဦးအုန်းမောင်၊ ရဲဘော်ကိုထွေးတို့အား အောက်မေ့သတိရ ဂုဏ်ပြုသော အားဖြင့် အာဇာနည်နေ့ဟူ၍ သတ်မှတ်ခဲ့သည်။ ယခုအခါ (၆၅) နှစ်မြောက် အာဇာနည်နေ့ အခမ်းအနား ကျင်းပရန်အတွက် အာဇာနည်ဗိမာန်အား ပြင်ဆင်မှုများ ပြုလုပ်လျက် ရှိနေကြောင်း သိရှိရသည်။
From : ခေတ်လူငယ်
0 comments:
Post a Comment