အရှေ့ တရုတ်ပင်လယ် အတွင်းမှ မြင့် တက်လာသည့် တင်းမာမှုများ (ဘာသာပြန် ဆောင်းပါး)

From : မြဝတီ

(၂၀၁၂ ခုနှစ် စက်တင်ဘာလ ၁၆ ရက်)

အရှေ့တရုတ် ပင်လယ် အတွင်းရှိ ပိုင်နက် အငြင်းပွား နေသည့် ကျွန်းများအနီးသို့ ကင်းလှည့် ရေယာဉ် ခြောက်စင်းကို တရုတ် အစိုးရက စက်တင်ဘာ ၁၄ ရက်က စေလွှတ် ခဲ့ပြီးနောက် ပိုင်းတွင် အာရှ အင်အား ကြီးနိုင်ငံ နှစ်နိုင်ငံ ဖြစ်သည့် တရုတ် နှင့် ဂျပန်တို့ အကြား တင်းမာမှုများ မြင့်တက်လာ ခဲ့သည်ကို တွေ့ရသည်။

အငြင်းပွား လျက်ရှိသည့် အဆို ပါ ကျွန်းစုများကို တရုတ်နိုင်ငံက တျောင်းယု၊ ဂျပန်နိုင်ငံကမူ ဆင်ကာကူ ဟူ၍ အသီးသီး ခေါ်ဆိုကြ ပြီး ၄င်းကျွန်းစု များအနီးသို့ တရုတ် သင်္ဘောများ စေလွှတ်ခဲ့ခြင်း နှင့် စပ်လျဉ်း၍ ဂျပန် အစိုးရက ဝေဖန် ကန့်ကွက် ခဲ့သည်။ သို့ရာတွင် တရုတ် အစိုးရက တျောင်းယု ကျွန်းစုများအနီးသို့ ကင်း လှည့်ရေ ယာဉ်များကို စေလွှတ် ခဲ့ခြင်းသည် အဆိုပါ ကျွန်းစုများ အပေါ် တရုတ် အစိုးရက အချုပ်အခြာ အာဏာ ပိုင်ဆိုင်ကြောင်း ထင်ဟပ် ပြသခြင်း ဖြစ်ပြီး နိုင်ငံ၏ ရေကြောင်း ပိုင်နက် ဆိုင်ရာ အကျိုးစီးပွားကို ကာကွယ်ခြင်း သာဖြစ် ကြောင်း တရုတ် နိုင်ငံ ခြားရေး ဝန်ကြီး ဌာနက ပြောကြား ခဲ့သည်။

အဆိုပါ ကျွန်းငါးကျွန်းအနက် သုံးကျွန်းအား ဂျပန် အစိုးရက လွန်ခဲ့သည့် သီတင်းပတ် အတွင်းက ဒေါ်လာ ၂၆ သန်းဖြင့် ဂျပန်မိသား စု တစ်စုဖြစ် သည့် ကူရီဟာရာ မိသားစုထံမှ ဝယ်ယူ ခဲ့ခြင်း အပေါ် တရုတ် အစိုးရက ဒေါသ အမျက်ထွက် ခဲ့သည့် အပြင် ၄င်းလုပ်ရပ် သည် တရားမဝင်ဘဲ တရုတ် နိုင်ငံ၏ အချုပ်အခြာ အာဏာ ပိုင်ဆိုင်မှုကို ချိုး ဖောက်ခြင်း ဖြစ်သည်ဟု သတ်မှတ် ခဲ့သည်။

တရုတ်ကင်း လှည့်ရေယာဉ်များ သည် ၄င်းကျွန်းစု အနီးရှိ ရေပြင်မှ စက်တင်ဘာ ၁၄ ရက် မွန်းလွဲ ပိုင်းက ပြန်လည် ထွက်ခွာ ခဲ့သော ကြောင့် နှစ်နိုင်ငံအကြား တင်းမာမှု များသည် ခေတ္တ ခဏ လျော့ပါးသွား ခဲ့သော်လည်း ရေရှည် တွင် ပိုင်နက် အငြင်းပွားမှု နှင့် ပတ်သက် ၍ နှစ်နိုင်ငံ အကြားတွင် ထိပ်တိုက်ရင် ဆိုင်နိုင် ဖွယ်ရှိသည့် အလား အလာများ ပေါ်ထွက် လျက်ရှိသည်ဟု စင်ကာပူ နိုင်ငံရှိ အရှေ့တောင် အာရှ လေ့လာရေး ဆိုင်ရာ အဖွဲ့ကြီးမှ အီယန်စတိုရီက ထောက်ပြ ထားသည်ကို တွေ့ရသည်။

တရုတ် နိုင်ငံတွင် ယခု ဆောင်းဦး၌ ကွန်မြူနစ် ပါတီကွန်ဂရက် အစည်းအဝေး ကျင်းပရန် စီစဉ်လျက် ရှိပြီး သမ္မတ ဟူကျင်ထောင်း နှင့် ဝန်ကြီးချုပ် ဝမ်ကြား ပေါင် တို့သည် ၄င်းတို့၏ ရာထူးများကို လွှဲပြောင်း ပေးမည်ဟု မျှော်လင့် ရသည်။

ထိုကဲ့ သို့သော အရေးကြီးသည့် အချိန် ကာလ၌ တရုတ် အစိုးရ အနေဖြင့် ဂျပန် နိုင်ငံနှင့် ထိပ်တိုက် ရင်ဆိုင် မည်ဆိုပါက အသွင် ကူးပြောင်းရေး ကာလအတွင်းက ချမှတ် ကျင့်သုံး ခဲ့သည့် နိုင်ငံ၏ ''သင့်မြတ် ပြီး သဟဇာတဖြစ်သည့် လူ့အဖွဲ့အစည်း'' ဟူသည့် မူဝါဒကို ထိခိုက် လျော့ပါးစေ မည်ဖြစ်သည်။ သို့သော် တရုတ် အစိုးရ သည် နိုင်ငံ၏ အချုပ်အခြာ အာဏာ ပိုင်ဆိုင်မှု နှင့် စပ်လျဉ်း၍ လုံးဝအပေး အယူ လုပ်မည် မဟုတ်ပေ။ ထို့အပြင် နိုင်ငံ့ ခေါင်းဆောင် အပြောင်းအလဲ အကြိုကာလ အတွင်း၌ တရုတ် အစိုးရ အား အင်အား တောင့်တင်းမှု မရှိသည့် အစိုးရ အဖွဲ့အဖြစ် ရှုမြင် ထင်မှတ်ခြင်းကို လည်း ခံမည် မဟုတ်ပေ။ တျောင်းယုကျွန်းစု အရေး ကိစ္စသည် အခြား အရှေ့တောင် အာရှနိုင်ငံ များနှင့် တရုတ်နိုင်ငံ အကြားဖြစ် ပွားလျက်ရှိသည့် ပိုင်နက် အငြင်းပွားမှု များနှင့် တူညီမှုမရှိ သည်ကို တွေ့ရ သည်။ တျောင်းယု ကျွန်း စု အရေးသည် တရုတ် နိုင်ငံအပေါ် ဂျပန် က ကျူးကျော် သိမ်းပိုက်သည့် အတိတ် သမိုင်း ကြောင်းကို ဖော်ပြလျက် ရှိသည်။

ဂျပန်နိုင်ငံ သည် အဆိုပါ ကျွန်းစုများကို ပထမ တရုတ်- ဂျပန်စစ်ပွဲ အပြီး ၁၈၉၅ ခုနှစ်တွင် သိမ်းယူ ခဲ့သည်။ ဒုတိယ ကမ္ဘာ စစ်ဖြစ်ပွားပြီး ချိန်တွင် အမေရိကန်ပြည် ထောင်စု က ၄င်းကျွန်းစု များအား ထိန်း ချုပ် ထားခဲ့ပြီး ဂျပန် အစိုးရထံသို့ ၁၉၇ဝ ပြည့်နှစ်များ အတွင်းက လွှဲပြောင်းပေးခဲ့ သည်။ ထိုနောက် ပိုင်းတွင် အဆိုပါကျွန်း စုများအား လွှဲပြောင်းပေးရန် တရုတ် နိုင်ငံက ဂျပန် အစိုးရကို တောင်းဆိုခဲ့ သော်လည်း ၄င်းကျွန်း များသည် ၁၈၉၅ ခုနှစ် မတိုင်မီက မည်သည့် နိုင်ငံကမျှ ပိုင်ဆိုင်ခဲ့ခြင်း မရှိသော ကြောင့် အိုကီနာဝါ ကျွန်း၏ တစ်စိတ်တစ်ပိုင်း အဖြစ် သတ်မှတ်သင့် ကြောင်း ဂျပန် အစိုးရက ပြန်လည်ချေ ပပြောကြား ခဲ့သည်။ အဆိုပါ ကျွန်းစု အငြင်းပွားမှု နှင့် စပ်လျဉ်း၍ အမေရိကန် အစိုးရက မည်သည့် နိုင်ငံဘက်မှ လိုက်ပါခြင်း မရှိသော်လည်း အမေရိကန် နှင့် ဂျပန် တို့အကြား ချုပ်ဆို ထားသည့် ကာကွယ်ရေး ဆိုင်ရာ သဘော တူညီချက် အရ ၄င်းကျွန်းစု များကို ဂျပန် အစိုးရက ထိန်းချုပ်ထား သောကြောင့် ဂျပန်နိုင်ငံ အနေဖြင့် တိုက်ခိုက်ခံ ရပါက အကူအညီ ပေးအပ်ရန် တာဝန် ရှိကြောင်း အမေရိကန် အစိုးရက ပြောကြား ထားသည်။

ထို့ကြောင့် ပိုင်နက် အငြင်းပွားနေ သည့် ကျွန်းစု များအနီး တရုတ် ကင်းလှည့် သင်္ဘောများ ရှိနေခြင်းသည် နှစ် နိုင်ငံ အကြား တင်းမာမှု များကို ပိုမိုမြင့် တက်လာ စေနိုင်ပြီး အကယ်၍ ထိပ်တိုက်ရင် ဆိုင်မှုများ ဖြစ်ပေါ်လာ ပါက နှစ် နိုင်ငံ ဆက်ဆံရေးကို ထိခိုက် နစ်နာစေ မည်ဖြစ်သော ကြောင့် အငြင်းပွားမှုကို သံတမန် နည်းလမ်း အရ ဖြေရှင်း နိုင်ရေး အတွက် နိုင်ငံတကာမှ လေ့လာသူများ က မျှော်လင့် လျက်ရှိပေသည်။