ရခိုင်ပြည်နယ်အတွင်း ဖြန့်ကျက်ချထားသော လုံခြုံရေးတပ်ဖွဲ့ဝင် အင်အားစာရင်းထုတ်ပြန်

From : Hmuu Zaw

 ရခိုင်ပြည်နယ်တွင် လက်ရှိ လုံခြုံရေးအင်အား ရယူဆောင်ရွက်ထားသော အင်အားမှာ-

(၁) မြန်မာနိုင်ငံရဲတပ်ဖွဲ့ လူအင်အား ၅၀၀၀ ကျော်

(၂) နစက တပ်ဖွဲ့ဝင် လူအင်အား ၁၀၀၀ ကျော်
(၃) တပ်မတော် တပ်ရင်း ၅၁ ရင်းဖြစ်ပြီး 

 ဆူပူအကြမ်းဖက်မှုများကို ဖြိုခွဲနှိမ်နင်းရာတွင် မျက်ရည်ယိုဗုံးများ အပါအဝင် အဓိကရုဏ်းနှိမ်နင်းရေး လက်နက်ကိရိယာများ လုံလောက်စွာ ဖြန့်ဖြူးပေးထားပြီး ဖြစ်ကြောင်းသိရသည်။ ရခိုင်ပြည်နယ်အတွင်း ဆူပူအကြမ်းဖက်မှုများ တစ်ကျော့ပြန် ဖြစ်ပွားလာသည့် အခြေအနေတွင် လုံခြုံရေးတပ်ဖွဲ့ဝင် အင်အား မလုံလောက်မှုကို အဓိက ထောက်ပြ ဝေဖန်ပြောကြားလျက် ရှိပါသည်။ လတ်တလော အရေးတကြီးလိုအပ်ချက် ဖြစ်သော "စိုးမိုး-တည်ငြိမ်" ဟု အတို ကောက်ခေါ်တွင်လျက် ရှိသည့် တရားဥပဒေစိုးမိုးရေးနှင့် တည်ငြိမ် အေးချမ်းရေးကို အမြန်ဆုံး ရရှိအောင် ဆောင်ရွက်ရာတွင် လိုအပ်သမျှ အင်အားကို ရယူသုံးစွဲရန်၊ လုံခြုံရေးဆောင်ရွက်မှု ဦးစားပေးအဆင့် မြှင့်တင်ရန် နိုင်ငံတော်သမ္မတကြီးက ညွှန်ကြားခဲ့ပါသည်။ မူလကလည်း လုံခြုံရေးအင်အား လုံလောက်စွာ ချထားခဲ့ပြီး ဖြစ်သော်လည်း ဆူပူအကြမ်းဖက်မှု ဖြစ်ပွားနိုင်ဖွယ်ရာ ရှိသော Flash Point နေရာများ အဓိက ထား၍ ဆောင်ရွက်ခဲ့ခြင်း ဖြစ်ပြီး ရဲကင်းများ ထားရှိမှု၊ လုံခြုံရေး တာဝန်ဖြင့် ကင်းလှည့်မှု စသည်တို့ကို အလေးပေးနေရာများအလိုက် ဆောင်ရွက်ခဲ့ခြင်း ဖြစ်ပါသည်။ လုံခြုံရေးအင်အား လုံလုံလောက်လောက်ဖြင့် တည်ငြိမ်အေးချမ်းမှုကို အမြန်ဆုံး ရရှိအောင် မြန်မာနိုင်ငံရဲတပ်ဖွဲ့၊ တပ်မတော်၊ တာဝန်သိပြည်သူ များ ပူးပေါင်းဆောင်ရွက်ခဲ့ရာ အောက်တိုဘာ ၂၇ ရက်နေ့နှင့် ၂၈ ရက်နေ့ များတွင် တည်ငြိမ်အေးချမ်းသည့် အနေအထားသို့ ပြန်လည်ရောက်ရှိလာခဲ့ပါသည်။ လက်ရှိအခြေအနေတွင် တည်ငြိမ်အေးချမ်းမှုများ ပြန်လည်ရရှိခဲ့ပြီးနောက် ဖြစ်ပွားခဲ့သည့် Crisis တွင် အတိဒုက္ခရောက်ခဲ့ကြရသည့် Victim များအတွက် စားနပ်ရိက္ခာ ဖြည့်တင်းပေးရေး၊ အမိုးအကာအောက် ရောက်ရှိရေး၊ ကျန်းမာရေးစောင့်ရှောက်မှု ပေးနိုင်ရေး စသည်တို့ကို ဆက်လက် ဆောင်ရွက်လျက် ရှိကြောင်းသိရှိရသည်။