Time in Rangoon 
ထိုင်းနိုင်ငံ တာ့ခ်ခရိုင်၊ မဲဆောက်မြို့ မယ်တော်တာ့ ရပ်ကွက် အတွင်းရှိ အရပ်ခေါ် နဂါးနှစ်ကောင် အထည် ချုပ် စက်ရုံတွင် မြန်မာ အလုပ် သမား ၁၈ ဦးကို အလုပ်ရှင်က ခြိမ်းခြောက်ပြီး မတ်လ ၁၀ ရက်နေ့ ညနေပိုင်း တွင် အလုပ်မှ ထုတ်ပယ် လိုက် သည်ဟု သိရသည်။
အလုပ် ရှင်သည် အလုပ် သမား များအား သတ်မှတ် ထားသည့် လစာပေး ရက်တွင် အကြောင်း အမျိုးမျိုးပြ ကာ လုပ် အားခပေး ရန် ပျက်ကွက်ခဲ့ သဖြင့် အလုပ်
မဆင်းသည့် အလုပ်သမား တို့ကို ရဲတိုင် ဖမ်းဆီး မည်ဟု ခြိမ်းခြောက် ပြီး အလုပ်မှ ထုတ်ပယ် လိုက်ခြင်းဖြစ်ကြောင်း အလုပ်ဖြုတ် ခံရမှုတွင် ပါဝင်ခဲ့သူ အမျိုး သမီး တစ်ဦး က ကေအိုင်စီ သို့ ပြောသည်။“စက်ရုံမှာက လစဉ် ၁၀ ရက် နေ့တိုင်း လုပ်အားခပေးဖို့ သတ်မှတ်ထားတယ်။ ကျမတို့ ဒီမတ်လအတွက် လုပ်အား ခပေးဖို့ အလုပ် ရှင်က မပေးသေးဘူး။ အဲဒါနဲ့ မတ်လ၁၀ ရက်နေ့က အလုပ်နား ရက်ဖြစ်တဲ့ အတွက် အလုပ်မဆင်းတော့ ခေါ်တွေ့ပြီး လုပ်အားခ တ၀က်ပဲ ပေးမယ်။ မယူရင် ရဲနဲ့ဖမ်းဆီးမယ်ပြောပြီး ကျမတို့ ကို အလုပ်ကနေ ထုတ် လိုက်တယ်”ဟု သူမက ပြောသည်။
နဂါးနှစ်ကောင် အထည်ချုပ် စက်ရုံတွင် အလုပ်သမား ၄၂ဦး ရှိပြီး ၎င်းတို့အားလုံးသည် တရားဝင် အလု ပ်လုပ်ခွင့် လက်မှတ် မရှိကြသကဲ့သို့ အလုပ်ရှင်မှ လက်မှတ်ပြုလုပ်ပေးရန် တောင်းဆိုခဲ့သော်လည်း ယခုချိန် ထိ မလုပ်ပေး သေးကြောင်းလည်း အလုပ်သမားများက ပြောဆိုနေကြသည်။
လက်ရှိ အလုပ်မှ ထုတ်ပယ်ခံရသူများမှာ မိန်းကလေး ၁၃ ဦးနှင့် ယောက်ကျားလေး ၅ ဦး ဖြစ်ပြီး ၎င်းတို့ အလုပ် ထုတ်ပယ်ခံရပြီးနောက် အလုပ်ရှင်နှင့်ဝေးရာနေရာများသို့ ပြောင်းရွှေ့ကာ တိမ်းရှောင်နေ ထိုင်နေ ကြကြောင်း လည်း အလုပ်သမားအရေးကို လိုက်လံဆောင်ရွက်ပေးနေသည့် မြန်မာပြည်သားများအရေး ပူးတွဲ လှုပ်ရှားမှု ကော်မတီ-JACBA မှ တာဝန်ခံ ဦးမိုးကြိုးက ပြောသည်။
ဦးမိုးကြိုးက “အလုပ်သမားတွေ အနေနဲ့ သတ်မှတ် ထားတဲ့ အခွင့် အရေးတော့ ရသင့် တယ်။ ခြိမ်းခြောက် ပြီး အလုပ် ထုတ်ပစ် တာမျိုးတော့ အလုပ်သမားတွေရဲ့ အခွင့်အရေးကို ချိုးဖောက်ရာရောက် တယ်”ဟု ကေ အိုင်စီ သို့ ပြောဆိုသည်။
၎င်းအထည် ချုပ် စက်ရုံ ရှိ အလုပ် သမား များသည် တစ်နေ့ လုပ်အားခ ထိုင်း ဘတ်ငွေ ၂၀၀ နှင့် အချိန် ပိုကြေး တစ်နာရီ လျှင် ၁၅ ဘတ် နှုန်းဖြင့် အလုပ်ရှင်က သတ်မှတ်ထားသည့်အတွက် စားဝတ်နေရေးနှင့် ပတ် သက် ၍ အပြည့်အ၀ ဖူလုံမှု မရရှိသလို ယခုလို အလုပ်မှ ထုတ်ပယ်ခံရသော်လည်း ရရှိရမည့် လုပ်အား ခ ကို ယနေ့ညနေ ၄နာရီခွဲတွင် တ၀က်သာ အလုပ်ရှင်က ပေးချေသေးသည်ဟုလည်း ဦးမိုးကြိုးက ဆက်ပြော သည်။
အလုပ်မှ ထုတ်ပယ်ခံရသည့် အလုပ်သမားများအား ပေးဆပ်ရန် ကျန်လစာဝက်ကို မတ်လ ၂၁ ရက်နေ့ နောက် ဆုံး ထား၍ ပေးသွားမည်ဟု အလုပ်ရှင်ဘက်က ယနေ့ညနေတွင် JACBA အပါအ၀င် တာ့ခ်ခ ရိုင် အလုပ်သမား ကာကွယ်ရေးရုံးမှ တာဝန်ရှိသူများ၊ အလုပ်ထုတ်ခံရသည့် အလုပ်သမား များတို့နှင့် တွေ့ ဆုံ ညှိနှိုင်းသည့်အခါ သဘောတူညီခဲ့ကြသည်။
နဂါးနှစ်ကောင် အထည် စက် ရုံ သည် သက်တမ်း လေးလ သာ ရှိသေး သလို အလုပ် သမား များကို အလုပ် မှ ထုတ်ပယ် လိုက် သည်မှာ ပထမဆုံး အကြိမ်ဖြစ်ကြောင်း သိရသည်။
စဖန်းရှောင်း (ကေအိုင်စီ)
0 comments:
Post a Comment