မြန်မာနုိုင်ငံအပေါ် ဒဏ်ခတ်ပိတ်ဆုို့မှု အားလုံးနီးပါး EU ရုပ်သိမ်း

 ဥရောပသမဂ္ဂ နိုင်ငံခြားရေးရာ အကြီိးအကဲ Catherine Ashton

လွန်ခဲ့တဲ့ တနှစ်က မြန်မာ နိုင်ငံ အပေါ် ဆိုင်းငံ့ ထားခဲ့တဲ့ ဥရောပ သမဂ္ဂ (EU) ရဲ့ နိုင်ငံရေးနဲ့ စီးပွားရေး ဒဏ်ခတ် ပိတ်ဆို့ အရေး ယူမှု တွေကို EU က အခုအခါ အပြီးအပိုင် ဖယ်ရှားပေးလိုက်ပြီ ဖြစ်ပါတယ်။ မြန်မာ နိုင်ငံတွင်း တိုးတက်မှု ရှိတဲ့ နိုင်ငံရေး ပြုပြင် ပြောင်းလဲမှုတွေကို တုံ့ပြန်တဲ့အနေနဲ့ရော၊ မြန်မာအစိုးရ အနေနဲ့ ရှေ့လျှောက် ပြုပြင် ပြောင်းလဲမှုတွေ လုပ်ဆောင်သွား လိမ့်မယ်လို့ မျှော်လင့် တဲ့အတွက်ပါ လက်နက် ကုန်သွယ်မှု ပိတ်ပင်တာကလွဲလို့ မြန်မာအပေါ် ချမှတ်ထားတဲ့ ဒဏ်ခတ် အရေးယူမှုတွေကို အပြီး အပိုင် ရုပ်သိမ်းကြောင်းကို တနင်္လာနေ့က EU နိုင်ငံခြားရေး ၀န်ကြီးတွေရဲ့ ဆုံးဖြတ်ချက်မှာ ဖော်ပြ ထားပါ တယ်။ ဒါနဲ့ပတ်သက်လို့ လူ့အခွင့်အရေး အဖွဲ့တွေဘက်က ဝေဖန်မှုတွေလည်း ရှိပါတယ်။ အကြောင်းစုံကို ဆက်သွယ် မေးမြန်းထားတဲ့ မခင်ဖြူထွေး က တင်ပြထားပါတယ်။

တနင်္လာနေ့ကပဲ Luxembourg မြို့မှာ ပြုလုပ်တဲ့ ဥရောပသမဂ္ဂ (EU) ၂၇ နိုင်ငံက နိုင်ငံခြားရေး ၀န်ကြီး တွေရဲ့ အစည်း အဝေးမှာ မြန်မာအပေါ် EU ရဲ့ ဒဏ်ခတ် ပိတ်ဆို့မှုတွေ အားလုံးနီးပါးကို ရုပ်သိမ်း ပေးလိုက် တာ ဖြစ်ပါတယ်။

ကောင်စီ အစည်း အဝေး အပြီး ပြုလုပ်တဲ့ သတင်းစာ ရှင်းလင်း ပွဲမှာတော့ ဥရောပသမဂ္ဂ နိုင်ငံခြားရေးရာ အကြီိး အကဲ ကက်သရင်း အက်ရှတွန် (Catherine Ashton) က အခုလို ပြောသွားပါတယ်။

“ဒီကနေ့ မြန်မာ နိုင်ငံနဲ့ EU ဆက်ဆံ ရေးမှာ နှစ်ပေါင်းများစွာ မြန်မာ အပေါ် ချမှတ်လာခဲ့တဲ့ EU ရဲ့  စီးပွား ရေးနဲ့ နိုင်ငံရေး အရ ဒဏ်ခတ် ပိတ်ဆို့ အရေး ယူမှု တွေကို ဖယ်ရှား ပေးလိုက် ပါပြီ။ လက်နက် ကုန်သွယ်မှု ပိတ်ပင်ချက် တခုပဲ ဆက်လက် ထားရှိမှာ ဖြစ်ပါတယ်။ ရှေ့ဆက် ပြုပြင်ပြောင်းလဲစရာတွေ အများကြီး ကျန်နေ သေးတယ် ဆိုတာကို ကျမတို့ သိပါတယ်။ လူ့အခွင့်အရေး၊ ဒီမိုကရေစီရေး၊ ဆင်းရဲမွဲတေမှု တိုက်ဖျက် ရေးနဲ့ ငြိမ်းချမ်းရေးကိစ္စတွေ ရှေ့ဆက် ဆောင်ရွက်ရမယ့် စိန်ခေါ်မှုတွေ ရှိနေသေးတယ် ဆိုတာ ကိုလည်း ကျမတို့ လျှော့တွက်မထားပါဘူး။ ဒါပေမဲ့ ခုအချိန်ဟာ မြန်မာအစိုးရနဲ့ ပိုမိုထိတွေ့ပြီး ပြုပြင် ပြောင်းလဲ ရေးလုပ် ငန်းတွေ ရှေ့ဆက်နိုင်အောင် ကူညီရမယ့်အချိန်လို့ ကျမတို့ ယုံကြည်ပါတယ်။ အခက် အခဲ စိန်ခေါ်မှုတွေကို ပွင့်လင်း လွတ်လပ်တဲ့ ဒီမိုကရေစီ စနစ်အောက်မှာ ထိထိရောက်ရောက် ဖြေရှင်း ကိုင် တွယ် နိုင်ပါတယ်။ မြန်မာအစိုးရနဲ့အတူ တခြားနိုင်ငံတွင်းက အရေးပါတဲ့ လူပုဂ္ဂိုလ် အဖွဲ့အစည်းတွေနဲ့ ကျမ တို့ အနီးကပ် ပူးပေါင်း ဆောင်ရွက်သွားနိုင်ဖို့လည်း မျှော်လင့်ပါတယ်။”

မြန်မာနိုင်ငံရဲ့ နိုင်ငံရေး ပြုပြင်ပြောင်းလဲမှုတွေကို အသိအမှတ်ပြုတဲ့အနေနဲ့ မြန်မာအပေါ် ချမှတ်ထားတဲ့ အရေး ယူမှု အတော်များများကို EU က ပြီးခဲ့တဲ့နှစ် ဧပြီလက စတင် ဆိုင်းငံ့ပေးခဲ့တာဖြစ်ပြီး အခု တကြိမ် မှာတော့ အပြီးအပိုင် ဖယ်ရှားပေးလိုက်တာ ဖြစ်ပါတယ်။

အခုလို မြန်မာအပေါ် EU ရဲ့ ဒဏ်ခတ် ပိတ်ဆို့မှုတွေ ရုပ်သိမ်းဖို့ကိစ္စကို ဗြိတိန်နိုင်ငံကလည်း လိုလား ခဲ့ပါတယ်။ ဒါပေမဲ့ မြန်မာအစိုးရအနေနဲ့ လူ့အခွင့်အရေး အခြေအနေတွေကို အခုထက် ပိုမို ကောင်း မွန်အောင် ဆက်ပြီး လုပ်သွားဖို့ လိုအပ်နေသေးတဲ့အပေါ်မှာ ရှေ့ဆက် ပြုပြင်ပြောင်းလဲသွားရမှာ ဖြစ်တဲ့ အကြောင်း ဗြိတိန် နိုင်ငံခြားရေးဝန်ကြီး ၀ီလျံ ဟိတ် (William Hague) ကလည်း မနေ့က ဥရောပကောင်စီ အစည်း အဝေး မတိုင်ခင်မှာ ပြောဆိုသွားခဲ့ပါတယ်။ 

“မြန်မာပြည်တွင်းမှာ ဖိနှိပ်ဖို့အတွက် အသုံးပြုနိုင်တဲ့ စစ်သုံးပစ္စည်းတွေနဲ့ လက်နက် တင်ပို့မှုကို ပိတ်ပင် တာက လွဲလို့ ကျန်နေတဲ့ အရေးယူ ပိတ်ဆို့မှုတွေကို ဖယ်ရှားဖို့အတွက် ကျနော်တို့ ဗြိတိန်နိုင်ငံက လိုလား ပါ တယ်။ ဒါပေမဲ့လည်း မြန်မာနိုင်ငံနဲ့ ပတ်သက်ပြီး ဥရောပသမဂ္ဂ အဖွဲ့ဝင်နိုင်ငံတွေ လုပ်ဆောင်ရမယ့် တာ ၀န် ၀တ္တရားတွေကတော့ လုံးလုံးလျားလျား အပြီးမသတ်သေးပါဘူး။ လူ့အခွင့်အရေး အခြေအနေ တိုးတက် လာဖို့၊ အထူးသဖြင့် ရခိုင်ပြည်နယ်အတွင်းက လူသားချင်း စာနာထောက်ထားမှု အခြေအနေ ပိုပြီး ကောင်း မွန် လာဖို့၊ တိုင်းရင်းသား လူမျိုးစုတွေနဲ့ အကြမ်းဖက်မှုတွေ၊ အထူးသဖြင့် မူဆလင် လူ့အဖွဲ့အစည်းကို တိုက်ခိုက် နေတဲ့ ကိစ္စတွေနဲ့ ပတ်သက်ပြီး ဆောင်ရွက်ရမှာတွေ ရှိနေပါသေးတယ်။”

မြန်မာအကျဉ်းထောင်တွေထဲမှာ ကျန်နေတဲ့ နိုင်ငံရေး အကျဉ်းသားတွေကို ချွင်းချက်မရှိ ပြန်လွှတ်ပေးဖို့ လိုအပ် သလို မြန်မာနိုင်ငံမှာ ဘာသာရေး၊ လူမျိုးရေး မတူကွဲပြားကြတဲ့ လူမှုအသိုင်းအ၀ိုင်းတွေကြား ဆက် ဆံရေး ပိုမို ကောင်းမွန်လာအောင် ဆောင်ရွက်ဖို့လည်း လိုအပ်တယ်လို့ ဗြိတိန် နိုင်ငံခြားရေးဝန်ကြီးက ပြောဆို သွားပါတယ်။

လူ့အခွင့် အရေး အဖွဲ့တွေ ကတော့ မြန်မာနိုင်ငံတွင်း လူ့အခွင့်အရေး အခြေအနေတွေဟာ ထင်သလောက် မတိုးတက် သေးတဲ့အတွက် EU အနေနဲ့ အရေးယူမှုတွေကို အပြီးပိုင် ရုပ်သိမ်းလိုက်တာဟာ အချိန် စောလွန်း နေသေးတယ်လို့ ဝေဖန် ပြောဆိုနေကြပါတယ်။

ပိတ်ဆို့ဒဏ်ခတ်မှုတွေ ဖယ်ရှားဖို့အတွက်မှာ EU ဘက်က မြန်မာအစိုးရအပေါ် သတ်မှတ်ထားတဲ့ လူ့အခွင့် အရေး ဆိုင်ရာ လိုက်နာဆောင်ရွက်ရမယ့် ကိစ္စတွေ အကောင်အထည် ပေါ်လာခြင်း မရှိသေးခင်မှာ အခုလို အရေး ယူမှု တွေကို ဖယ်ရှား မပေးသင့်ဘူးလို့ လန်ဒန်အခြေစိုက် မြန်မာ့အရေး လှုပ်ရှားမှုအဖွဲ့ဖြစ်တဲ့ Burma Campaign UK က လှုပ်ရှားမှု တာဝန်ခံ မဇိုရာဖန်း က ပြောပါတယ်။

“ကျမတို့ဘက်က အချိန် မတော်သေးဘူးလို့ မြင်နေပါတယ်။ ဘာဖြစ်လို့လဲဆိုတော့ EU ဘက်က သတ်မှတ် ချက်တွေ ထားတဲ့ ၄ ချက်အပေါ်မှာ မူတည်ပြီးတော့ ဒါ လူ့အခွင့်အရေးနဲ့ဆိုင်တဲ့ သတ်မှတ် ချက်တွေ ပေါ့နော်။ အခုထက်ထိ သူတို့ဘက်က မပြည့်စုံသေးဘူးဆိုတာကို ကျမတို့ မြင်ရတယ်။ မြန်မာ ပြည်မှာ ရှိနေတဲ့ နိုင်ငံရေး အကျဉ်းသားတွေအားလုံးကို လွှတ်ပေးဖို့၊ တိုင်းရင်းသားနယ်မြေမှာ ဖြစ်နေတဲ့ လက်နက် ပဋိ ပက္ခတွေ ရပ်ဆိုင်းဖို့၊ တပြည်လုံးဆိုင်ရာ လူသားချင်းစာနာထောက်ပံ့မှုတွေကို သမ္မတ ဦးသိန်းစိန် ဘက်က ခွင့်ပြုဖို့ပေါ့နော် အဓိက တိုင်းရင်းသားနယ်မြေတွေမှာ၊ ပြီးတော့ နောက်ဆုံးတခုဖြစ်နေတဲ့ ရခိုင်ပြည် နယ်မှာ ရှိနေတဲ့ ရိုဟင်ဂျာ တွေရဲ့ အခြေ အနေ တွေကို မြှင့်တင် ပေးဖို့ ပေ့ါနော် ဒီအချက် အလက် တွေကို ပြန်ကြည့် ရမယ် ဆိုရင် အခုထက်ထိ တခုမှ မပြည့်စုံသေးဘူးပေ့ါနော်။ အဲ့ဒါကြောင့် EU ဘက်က မြန်မာအပေါ်မှာ ထားနေတဲ့ ပိတ်ဆို့မှုတွေကို ရုပ်သိမ်းလိုက်တာကို ကျမတို့ဘက်က အချိန် မတော် သေးဘူး လို့ မြင်ပါတယ်။”

မြန်မာအပေါ် EU ရဲ့ အရေး ယူ မှုတွေ အားလုံးနီးပါး ရုပ်သိမ်းလိုက်တဲ့အတွက် မြန်မာနိုင်ငံတွင်း ရင်းနှီး မြှုပ်နှံ လိုကြ တဲ့ ဥရောပ လုပ်ငန်းရှင်တွေအတွက်တော့ မြန်မာနိုင်ငံနဲ့ စီးပွားရေးလုပ်ငန်းတွေကို ပိုပြီး ယုံ ကြည် မှု ရှိရှိနဲ့ လုပ်ကိုင်နိုင်တော့မှာ ဖြစ်ပါတယ်။

လူ့အခွင့် အရေးအဖွဲ့တွေကတော့ EU အနေနဲ့ ကုန်သွယ် ရေးနဲ့ စီးပွားရေး ကို ဦးစားပေးပြီး လူ့အခွင့်အရေး အခြေ အနေ တွေကို လျစ်လျူရှု ပစ်လိုက် တာမျိုး မဖြစ် စေဖို့ ဝေဖန် ထောက်ပြ ပြောဆို နေကြ ပါတယ်။

မခင်ဖြူထွေး 

From: VOA