အမေရိကန် မြန်မာ ကုန်သွယ်ရေး သဘောတူညီမှု လက်မှတ်ထိုး

Trade and Investment Framework Agreement (TIFA) ကုန်သွယ်ရေးနဲ့ ရင်းနှီးမြှုပ်နှံမှုဆိုင်ရာ အခြေခံ မူဘောင် သဘော တူညီ ချက် တစ်ရပ်ကို အမေရိကန် ကုန်သွယ်ရေး အထူးကိုယ်စားလှယ် ဒမီထရတ်စ် မရန်း တတ်စ် (Demetrios Marantis) နဲ့ မြန်မာဘက်က ကုန်သွယ်ရေး ဒုတိယ၀န်ကြီး ဒေါက်တာ ပွင့်စန်း တို့ နှစ်ဦး မနေ့တုန်းက လက်မှတ် ထိုးခဲ့ကြတာပါ။

ဒါဟာ နှစ်နိုင်ငံအကြား ကုန်သွယ်ရေးနဲ့ ရင်းနှီးမြှုပ်နှံမှု ကိစ္စရပ်တွေအတွက် ရှေ့ဆက် ဆွေးနွေး ပူးပေါင်း ဆောင် ရွက်နိုင် ဖို့ အခင်းအကျင်းတစ်ခု ဖန်တီးတာ ဖြစ်တယ်လို့ အမေရိကန် ကုန်သွယ်ရေး အထူး ကိုယ်စား လှယ်ရုံးက ထုတ်ပြန်ပါတယ်။

မြန်မာနိုင်ငံတွင်း ငြိမ်းချမ်းပြီး သာယာဝပြောတဲ့ အနာဂတ်အတွက် ပြုပြင်ပြောင်းလဲမှု လုပ်ငန်းတွေကို အမေရိ ကန် ပြည်ထောင်စုအနေနဲ့ ထောက်ခံ ကူညီ အားပေးဖို့ ဖြစ်တယ်လို့ သံအမတ်ကြီး မရန်းတတ်စ် (Marantis) က ပြောခဲ့ပါတယ်။

စီးပွားရေး ပြုပြင်ပြောင်းလဲမှုတွေနဲ့ ကုန်သွယ်ရေး ကိစ္စတွေဟာ အပြန်အလှန် ဆက်စပ် အားဖြစ်စေသလိုပဲ၊ ကုန်သွယ်ရေးနဲ့ ရင်းနှီးမြှုပ်နှံမှုတွေ အခြေ ခိုင်မာစေဖို့ဆိုရင် နိုင်ငံတော်နဲ့ ပုဂ္ဂလိကလုပ်ငန်း အဖွဲ့အစည်းတွေ အားကောင်း ခိုင်ခံ့ဖို့ ပွင့်လင်းမြင်သာမှု ရှိဖို့နဲ့ တရားဥပဒေ စိုးမိုးမှုတွေ အားကောင်းဖို့ လိုတယ်လို့လည်း သံအမတ်ကြီး မရန်းတတ်စ် (Marantis) က ပြောပါတယ်။

အခု သဘောတူညီချက်ဟာဆိုရင် မြန်မာလူထုကို အကျိုးဖြစ်ထွန်းစေမယ့် ဖွံ့ဖြိုးရေး လုပ်ငန်းတွေအပါအ၀င် ပြုပြင်ပြောင်းလဲရေးတွေကို အထောက်အပံ့ ဖြစ်စေမယ့် လုပ်ငန်း အစီအမံတွေ နှစ်နိုင်ငံအကြား ညှိနှိုင်းဆောင်ရွက်နိုင်ဖို့ အခင်းအကျင်း ဖြစ်တယ်လို့ သိရပါတယ်။

အခုချုပ်ဆိုတဲ့ သဘောတူညီချက်အောက်မှာ အလုပ်သမား အခွင့်အရေး ကိစ္စရပ်တွေကို မြှင့်တင်ပေးဖို့ အမေရိကန် တာဝန်ရှိသူတွေအနေနဲ့ မြန်မာအစိုးရပိုင်းနဲ့ ညှိနှိုင်းဆောင်ရွက်သွားမယ်ဆိုတဲ့ အချက်လည်း ပါဝင်ပါတယ်။

အမေရိကန် ပြည်ထောင်စုအနေနဲ့ မြန်မာနိုင်ငံအပေါ် စီးပွားရေး ပိတ်ဆို့မှုတွေကို လျှော့ပေါ့ပေးလာတဲ့ ၂၀၁၂ ခုနှစ်ကတည်းကဆိုရင် မြန်မာနဲ့ အမေရိကန် ကုန်သွယ်ရေးဟာ အရင်ကထက် ပိုများလာပါတယ်။ ၂၀၁၃ ခုနှစ် ပထမဆုံး သုံးလပတ်အတွင်းမှာပဲ အမေရိကန် မြန်မာ နှစ်ဘက်ကုန်သွယ်ရေးဟာ ဒေါ်လာ သန်း ၉၀ အထိ ရှိတယ်လို့ အမေရိကန် ကုန်သွယ်ရေး အထူးကိုယ်စားလှယ်ရုံး ထုတ်ပြန်ချက်မှာ ပါရှိပါတယ်။

မြန်မာနိုင်ငံအနေနဲ့က ပြီးခဲ့တဲ့ ၂၀၁၂ ခုနှစ်အတွင်းမှာ နိုင်ငံတကာနဲ့ ကုန်သွယ်ရေး ပမာဏဟာ ဒေါ်လာ ဘီလီယံ ၂၀ အကြမ်းဖျင်း ရှိမယ်လို့ အမေရိကန် ကုန်သွယ်ရေး အထူး ကိုယ်စားလှယ်ရုံး ထုတ်ပြန်ချက်မှာ ဖော်ပြပါတယ်။

အခုသဘောတူညီချက်ဟာ သမ္မတ ဦးသိန်းစိန်ရဲ့ အမေရိကန် ပြည်ထောင်စုကို ပထမဆုံး တရားဝင် ခရီးစဉ်အတွင်း ဖြစ်ထွန်းမှု တစ်ခုပါ။ သမ္မတ ဦးသိန်းစိန်ဟာ မနေ့က မနက်ပိုင်းကတော့ အမေရိကန် ကွန်ဂရက် ကိုသွားပြီး၊ အထက်လွှတ်တော်ထဲ ပါတီနှစ်ရပ် ခေါင်းဆောင်တွေ ဖြစ်ကြတဲ့ အထက်လွှတ်တော်အမတ် ဟယ်ရီ ရိ (Harry Reid)၊ အထက်လွှတ်တော်အမတ် မစ်ခ်ျ မက်ကောနဲလ် (Mitch McConnell) တို့အပြင် အထက်လွှတ်တော်အမတ် ဘန် ကာဒင် (Ben Cardin)၊ အထက်လွှတ်တော်အမတ် ကယ်လီ အာယတ် (Kelly Ayotte) နဲ့ အထက်လွှတ်တော်အမတ် ဂျွန် မက်ကိန်း (John McCain) တို့နဲ့အတူ တွေ့ဆုံခဲ့ပါတယ်။ အဲ့ဒီနောက် မနေ့ နေ့လည်ပိုင်းမှာတော့ ၀ါရှင်တန်ဒီစီကနေ ပြန်လည် ထွက်ခွာသွားပြီ ဖြစ်ပါတယ်။

From : ..voa