Time in Rangoon 
ရွှေမင်းဖုန်း ရွှေတူးဖော်ရေး လုပ်ငန်းခွင် (ဓာတ်ပုံ – မောမြေဦး)
မိုးသည်း ထန်စွာ ရွာသွန်းမှုကြောင့် ရှမ်းပြည်နယ်တောင်ပိုင်း ကလောမြို့အနောက်ဘက် ၁၆ မိုင်ခန့် အကွာရှိ ရွှေမင်းဖုန်း ရွှေတူးဖော်ရေး လုပ်ငန်းမှ ဈေးဆိုင်များ ရေထဲမျောပါပြီး လူ ၁၀ ဦးခန့် အသေ အပျောက် ရှိ နိုင်ကြောင်း ဒေသခံများထံမှ သတင်း ရသည်။
သေဆုံးသူများမှာ ရွှေတွင်းလုပ်သားများနှင့် ရွှေတွင်းကို အမှီပြု၍ ဈေးရောင်းနေသူများ ဖြစ်ကြောင်း၊ ယမန်နေ့ ညက မိုးနှင့်အတူ လေပြင်းများ တိုက်ခတ်ခြင်း၊ သစ်ပင်များပြိုလဲခြင်း၊ တောင်ကျရေများ ကျဆင်း လာခြင်းကြောင့် ဈေးဆိုင်များရေထဲမျောပါ၍ လူသေဆုံးခြင်း ဖြစ်ကြောင်း သိရသည်။
အဆိုပါ ရွှေတွင်း၌ ဈေးရောင်းသူ အမျိုးသမီးတဦးက“ည ၁၁ နာရီလောက်မှာ ဘာမှ မဖြစ်သေးဘူး၊ ပြီးမှ မိုးကြီး လေကြီး ကျပြီး သစ် ပင်တွေ လဲကုန်တာ၊ အိပ်ချိန်ဆိုတော့ ရေကျလာတာ မသိလိုက်ဘူး၊ အကုန် လုံးမျော ကုန်တယ်”ဟု ဧရာဝတီ သို့ ပြောသည်။
ပလောင် တောင်ရှိ ရွှေမင်းဖုန်း ရွှေတွင်း လုပ်ငန်း နေရာသည် လမ်းပန်း ဆက်သွယ် ရေး ခက်ခဲပြီး မိုးရွာ သွန်း ထားသည့် အတွက် သွား လာရန် မလွယ်ကူကြောင်း သိရသည်။
ကယ် ဆယ်ရေး လုပ်ဆောင်ရန်အတွက် ယခုအခါ ကလောမြို့အာဏာပိုင်များ သွားရောက်နေပြီဟု က လော ရဲစခန်း က အတည်ပြု ပြောကြားသည်။
“ကျနော် တို့ မြို့နယ်မှူး နဲ့ အဖွဲ့ ကယ်ဆယ်ရေး သွားနေပြီ၊ နေရာက ဝေးတယ်၊ အသေအပျောက် သတင်း အသေး စိတ်တော့ မသိရသေး ဘူး”ဟု ရဲ စခန်း တာဝန်မှူး ဒု ရဲအုပ် ၀င်းနိုင်က ပြောသည်။
ကလော ပြည်သူ့ ဆေးရုံကြီးကလည်း သေဆုံးသူများ ရှိကြောင်း၊ သို့သော် အရေအတွက် အတိအကျ မသိရ သေးကြောင်း ပြော ဆိုသည်။
ယခုနှစ် အတွင်း ရာသီဥတု ဖောက်ပြန်မှု ဆိုးရွားနေပြီး အပူလွန်ကဲခြင်း၊ မိုးသည်းထန်စွာ ရွာသွန်းခြင်းများ ဖြစ်ပေါ် နေသည်။
ယမန်နေ့က မြန်မာ့ အလင်း သတင်းစာတွင် နေ့အပူချိန်မှာ ကချင်ပြည်နယ်နှင့် ရှမ်းပြည်နယ်(တောင်ပိုင်း)တို့ တွင် ဧပြီလ၏ ဖျမ်းမျှ အပူချိန်ထက် ၃ ဒီဂရီ စင်တီ ဂရိတ် ပိုကြောင်း၊ မြန်မာနိုင်ငံ အရှေ့ပိုင်း ဒေသများ တွင် မိုးဆက်လက် ထစ်ချုံး ရွာနိုင်ကြောင်း ဖော်ပြ ထားသည်။
From: ဧရာဝတီ
0 comments:
Post a Comment