Time in Rangoon 
အစိုးရအဖွဲ့ရဲ့ လုပ်ဆောင်ချက်တွေကို ဒီမိုကရေစီစနစ်ရဲ့ စတုတ္ထမဏ္ဍိုင်ကြီးဖြစ်တဲ့ သတင်းမီဒီယာတွေ
က တည့်မတ်ပေးဖို့ နိုင်ငံတော်သမ္မတ ဦးသိန်းစိန်က ဒီကနေ့ တိုက်တွန်း ပြောကြားလိုက်ပါတယ်။
နေပြည်တော် လယ်တောခန်းမမှာ သမ္မတဦးသိန်းစိန်နဲ့ မြန်မာနိုင်ငံ စာနယ်ဇင်းကောင်စီ (ယာယီ)တို့
တွေ့ဆုံရာမှာ သမ္မတဦးသိန်းစိန်ကပြည်သူတွေရဲ့ လိုလားချက်တွေနဲ့ ပတ်သက်ပြီးထည့်သွင်းပြောခဲ့
တာဖြစ်တယ်လို့ မြန်မာနိုင်ငံစာနယ်ဇင်း ကောင်စီ(ယာယီ) အတွင်းရေးမှူးဦးကျော်မင်းဆွေက
RFA ကို ပြောပါတယ်။
"ပြည်သူတွေရဲ့ လိုလားချက်ကို သူနားလည်တယ်၊ နံပါတ်(၁)က တိုင်းပြည် တည်ငြိမ်အေးချမ်းတာကို
လိုလားတယ်၊ (၂)ကတော့ပြည်သူလူထုစီးပွား ဖွံ့ဖြိုးတိုးတက်တဲ့ နိုင်ငံဖြစ်စေချင်တယ်၊ဒီလိုလားချက်
နှစ်ရပ်ကိုသူနားလည်တယ်၊ အဲဒါကို ဖြည့်ပေးဖို့ကြိုးစားတယ်ပြောတာပေါ့၊သူသွားနေတဲ့လမ်းကြောင်း၊
သူလုပ်နေတဲ့လမ်းကြောင်းမှာ နှစ်၆ဝလုံးလုံးမပြေမလည်ဖြစ်လာခဲ့တဲ့တိုင်းရင်းသားလက်နက်ကိုင်အဖွဲ့
အစည်းတွေနဲ့ ငြိမ်းချမ်းရေးတည်ဆောက်တယ်၊ ငြိမ်းချမ်းရေးလက်မှတ်တွေလည်းအများကြီးထိုးနိုင်
တယ်ပေါ့၊ နောက်အစိုးရလုပ်နေတဲ့ လုပ်ငန်းတာဝန်ကိုလုပ်နေတဲ့အခါမှာ ဒီစတုတ္ထမဏ္ဍိုင်က အရေး
ကြီးတဲ့အကြောင်း ပြောသွားတယ်"
မြန်မာနိုင်ငံ စာနယ်ဇင်းကောင်စီ (ယာယီ) ကလည်း သူတို့ရဲ့လုပ်ဆောင်ချက်တွေ၊ မီဒီယာဥပဒေကြမ်း
နဲ့ ပတ်သက်ပြီး ပြန်ကြားရေးဝန်ကြီးဌာနနဲ့ ကွဲလွဲနေသေးတဲ့အချက်တချို့အကြောင်းသမ္မတဦးသိန်းစိန်
ကို ရှင်းပြခဲ့တယ်လို့ သိရပါတယ်။ဦးသိန်းစိန်ကလည်း ပြန်ကြားရေးဝန်ကြီးဌာနနဲ့ စာနယ်ဇင်းကောင်စီ
တို့ အကြား ယုံကြည်မှုတည်ဆောက်ဖို့ တိုက်တွန်းခဲ့တယ်လို့ သိရပါတယ်။
ဒီနေ့သမ္မတဦးသိန်းစိန်နဲ့စာနယ်ဇင်းကောင်စီ(ယာယီ)တို့ တွေ့ဆုံရာမှာပြန်ကြားရေးဝန်ကြီး
ပြည်ထောင်စုဝန်ကြီး ဦးအောင်ကြည် ၊ မြန်မာနိုင်ငံ စာနယ်ဇင်းကောင်စီဥက္ကဌ ဦးခင်မောင်အေး၊
အတွင်းရေးမှူး ဦးကျော်မင်းဆွေတို့ ပါဝင်တက်ရောက်ခဲ့ပါတယ်။
RFA
0 comments:
Post a Comment