Time in Rangoon 
ရန်ကုန်-အောက်တိုဘာ၉
ကုတင် (၅၅၀)ဆံ့ ရန်ကင်း ကလေးဆေးရုံကြီးတွင် တက်ရောက် ဆေးကုသမှု ခံယူလျှက် ရှိသည့် လူနာများအား အောက်တိုဘာ ၇ရက်နေ့မှ စတင်ကာ နေ့စဉ် အခမဲ့ ထမင်းကျွေး လျက်ရှိကြောင်းဧရာဝတီ ဖောင်ဒေးရှင်းမှသိရသည်။
ဧရာဝတီ ဖောင်ဒေးရှင်း၏ ပံ့ပိုးကူညီမှုဖြင့် လူနာများကို တစ်ရက်လျှင် နံနက်တစ်ကြိမ်၊ နေ့လည်တစ်ကြိမ် အခမဲ့ ထမင်းကျွေးသွားမည် ဖြစ်ကြောင်းသိရသည်။
ဧရာဝတီ ဖောင်ဒေးရှင်း အနေဖြင့် ရန်ကင်း ကလေးဆေးရုံကြီးအား တည်ဆောက် လှူဒါန်းခဲ့ပြီး နောက်တွင် ဆေးရုံကြီးတွင် တက်ရောက် ဆေးကုသမှု ခံယူကြသည့် လူနာများ အဆင်ပြေရန် အတွက် အစဉ်အမြဲ ပံ့ပိုးပေးလျှက် ရှိသကဲ့သို့ အနယ်နယ် အရပ်ရပ်မှ လာရောက် ဆေးကုသမှု ခံယူကြသည့် လူနာများအား နေ့စဉ် ထမင်းကျွေးနိုင်ရန် အတွက်လည်း ရည်မှန်း ဆောင်ရွက်ခဲ့ခြင်း ဖြစ်ကြောင်း သိရသည်။
ထိုကဲ့သို့ ထမင်းကျွေးနိုင်ရန် အတွက် စားဖိုဆောင် တစ်ဆောင်အား သီးခြား ဆောက်လုပ် လှူဒါန်းခဲ့ကာ နေ့စဉ် ကျွေးမွေး စရိတ်များကိုလည်း ဧရာဝတီ ဖောင်ဒေးရှင်းကပင် ပံ့ပိုးပေးသွားမည် ဖြစ်ပြီး
ဆေးရုံအတွက် လိုအပ်သည့် နားနေဆောင် တစ်ခုကိုလည်း တည်ဆောက် လှူဒါန်းခဲ့ကြောင်းသိရသည်။
By Popular Myanmar News
0 comments:
Post a Comment