ကမ္ဘာ့တန်ဖိုးအကြီးဆုံး အိမ်မွေးခွေးလေးများ

လူသားများ၏ အကောင်းဆုံးသော မိတ်ဆွေများအဖြစ် ခွေးများကို သတ်မှတ် ညွှန်းဆိုလေ့ ရှိကြသည်။ ခွေးများ၏ ပင်ကိုသဘာဝ၊ သစ္စာစောင့်သိမှု၊ ရိုးသားမှုနှင့် လိမ္မာတတ်သိမှုများကြောင့် သမိုင်းတစ်လျှောက် လူသားများအတွက် ခင်မင်စရာ အကောင်းဆုံး အဖော်များအဖြစ် ရပ်တည်လာနိုင်ခဲ့သည်။

ကမ္ဘာပေါ်တွင် နိုင်ငံအလိုက်၊ ဒေသအလိုက် ပေါက်ဖွားမှု ကွဲပြားသည့် ခွေးမျိုးစိတ် အမျိုးမျိုး ရှိနေသလို ၎င်းတို့၏ ဉာဏ်ရည်ဉာဏ်သွေးနှင့် မျိုးရိုးတို့ကိုလိုက်ပြီး တန်ဖိုးသတ်မှတ်ချက်များလည်း ကွာဟလေ့ရှိသည်။

အိမ်မွေးခွေးမျိုးနွယ် အများအပြားအနက် ကမ္ဘာပေါ်တွင် ဈေးနှုန်းအမြင့်ဆုံး၊ တန်ဖိုးအရှိဆုံးအဖြစ် ရပ်တည်နေသည့် (၁၀)မျိုးကို ထုတ်နုတ်ဖော်ပြအပ်ပါသည်။

၁၀။ Chow Chow

အမွေးပွပွနှင့် ခွေးကြီးများသည် တရုတ်နိုင်ငံ ဇာတိဖြစ်ပြီး ရှေးနှစ်ပေါင်း များစွာကတည်းက အဆင့်ဆင့် ပေါက်ဖွားဆင်းသက်လာသည့် မျိုးနွယ်များ ဖြစ်ကြသည်။

ကြီးမားသော ဦးခေါင်းနှင့် အမွေးစုတ်ဖွား အမြီးများ ရှိတတ်သည်။ ၎င်းတို့သည် လူကို သေသည်အထိ ကိုက်နိုင်သည့်အတွက် အန္တရာယ်ရှိသော ခွေးမျိုးစိတ် တစ်ခုအဖြစ်လည်း သတ်မှတ်ခံရသည်။ အိမ်စောင့်ခွေးများအဖြစ် အသုံးပြုရန်မူ အထူးသင့်လျော်သည်။

Chow Chowတို့သည် လူစိမ်းများကို ရန်လိုလေ့ရှိသော်လည်း သခင်ဖြစ်သူ အပေါ်တွင်မူ အလွန်ရင်းနှီး ကျွမ်းဝင်ပြီး သစ္စာစောင့်သိလေ့ ရှိသည်။ ယင်းတို့၏ တန်ဖိုးသည် တစ်ကောင်လျှင် ပျမ်းမျှ ဒေါ်လာ(၃၀၀၀)မျှဖြစ်သည်။

၉။ Pharaoh Hound

ရှေးဟောင်းအီဂျစ် လူ့အဖွဲ့အစည်းများ ကတည်းက အိမ်မွေးခွေး ဖြစ်ခဲ့သည့် မျိုးစိတ်အဖြစ် လူအများက ယူဆထားကြသည်။ အီဂျစ်ဖာရိုး ဘုရင်များ၏ သင်္ချိုင်းဂူများတွင် နံရံ၌ Pharaoh Hound ခွေးများ၏ ပုံကို ရေးဆွဲထားလေ့ရှိသောကြောင့် ဖြစ်သည်။

သို့သော်လည်း Pharaoh Houndတို့၏ မူရင်းဇာတိမြေမှာ မော်လ်တာဘက်မှဖြစ်ပြီး ယုန်လိုက်သည့် ခွေးများအဖြစ် မုဆိုးများက လေ့ကျင့် အသုံးချလေ့ရှိသည်။

Pharaoh Hound ခွေးများအကြောင်း ပြောဆိုသည့်အခါ ယင်းတို့၏ ခွန်အားကောင်းမွန်မှု၊ ဉာဏ်ရည်ထက်မြက်မှု၊ သစ္စာရှိမှု၊ ဇွဲကြီးမှုတို့က အဓိက ဝိသေသများ အနေဖြင့် ပါဝင်မည် ဖြစ်သည်။

သို့သော်လည်း လွတ်လွတ်လပ်လပ် နေတတ်ပြီး ခြေဦးတည့်ရာ သွားလာချင်သည့် ဉာဉ်မျိုးကြောင့် အတူတကွ လမ်းလျှောက်ထွက်သည့်အခါ ယင်းတို့ကို မဖြစ်မနေ သိုင်းကြိုးချည်ထားရန် လိုအပ်မည် ဖြစ်သည်။ Pharaoh Hound ခွေးတစ်ကောင်၏ ပျမ်းမျှတန်ဖိုးသည် ဒေါ်လာ (၃၀၀၀)ကျော်မျှ ကျသင့်သည်။

၈။ Akita

Akita ခွေးများကို မြစ်ဖျားခံရာ ဇာတိဒေသ နှစ်ခုတွင် ကွဲပြားတွေ့မြင်နိုင်သည်။ တစ်နေရာမှာ အမေရိကန်ဖြစ်ပြီး တစ်နေရာကမူ အာရှတိုက်မှ ဂျပန်နိုင်ငံ ဖြစ်သည်။

အနီ၊ အဖြူ၊ အညို အစရှိသဖြင့် အရောင်အမျိုးမျိုး ကွဲပြားလေ့ရှိပြီး တုတ်ခိုင်သန်စွမ်းသော ခန္ဓာကိုယ်မျိုး ရှိသည်။ လူစိမ်းများနှင့် အခြားသော ခွေးများကို ရန်လိုတိုက်ခိုက်လေ့ ရှိသဖြင့် ကိုယ်ပိုင်ဝင်းခြံနှင့် သီးခြားမထားရှိနိုင်ပါက မမွေးသင့်သော ခွေးမျိုးဖြစ်သည်။

Akita ခွေးများကို ငယ်စဉ်ကတည်းက အခြားသော သတ္တဝါများနှင့် လိုက်ဖက်ညီစွာ နေထိုင်တတ်အောင် သင်ကြားပေးထားပါက ပတ်ဝန်းကျင်နှင့် သဟဇာတ ပိုဖြစ်နိုင်သည့် အခြေအနေရှိသည်။

သစ္စာရှိမှု၊ သခင်အပေါ် တွယ်တာရင်းနှီးမှုများကြောင့် နာမည်ကောင်းရသည့် ခွေးမျိုးစိတ်သည် တစ်ကောင်လျှင် ဒေါ်လာ (၃၅၀၀)ဝန်းကျင်မျှ တန်ဖိုးရှိတတ်သည်။

၇။ Chinese Crested Hairless

Hairlessဟူသော အမည်သတ်မှတ်ချက်နှင့် ကိုက်ညီအောင် ခန္ဓာကိုယ်ပေါ်တွင် အမွေးအမှင် မရှိသော ခွေးကလေးများ ဖြစ်ကြသည်။ သို့သော်လည်း တစ်ကိုယ်လုံး အမွေးကင်းမဲ့နေခြင်း မဟုတ်ဘဲ ဦးခေါင်း၊ အမြီးနှင့် ခြေလက်အောက်ပိုင်းတို့တွင် အမွေးများ ထူထူထပ်ထပ် ရှိနေတတ်သည်။

ယင်းတို့နှင့် ဆက်နွှယ်သည့် Powderpuff မျိုးနွယ်များမှာမူ ခန္ဓာကိုယ် တစ်ခုလုံး အမွေးများ ဖုံးအုပ်နေလေ့ ရှိသည်။ အမွေးကင်းမဲ့သော ခွေးလေးများသည် နေလောင်ခြင်း၊ ဝက်ခြံပေါက်ခြင်း၊ အသားအရေ ခန်းခြောက်ခြင်း အစရှိသည့် အရေပြား ပြဿနာများကို ကြုံရလေ့ရှိသည်။ ယင်းတို့၏ တန်ဖိုးသည် ဒေါ်လာ(၅၀၀၀)ဝန်းကျင် ဖြစ်သည်။

၆။ Tibetan Mastiff

အာရှအလယ်ပိုင်းမှ အစပြု ပေါက်ဖွားလာသည့် ခွေးကြီးများသည် ခွန်အားသန်မာပြီး ဉာဏ်ရည် မြင့်မားသည်။ တိဗက်တွင် ယင်းတို့ကို လမ်းပြခွေး အဖြစ်လည်းကောင်း၊ ကျွဲနွားများကို စောင့်ရှောက်ထိန်းကျောင်းပေးသည့် အစောင့်အရှောက်ခွေး အဖြစ်လည်းကောင်း အသုံးပြုလေ့ရှိသည်။

ဦးခေါင်းက အရွယ်အစား ကြီးမားပြီး လည်ဆံမွေးများ ထူပြောစွာ ရှိနေရာ ယင်းတို့၏ အသွင်အပြင်သည် ခြင်္သေ့ကြီးများသဖွယ် ဖြစ်နေတတ်သည်။

သဘာဝအားဖြင့် သူစိမ်းများကို ရန်လိုတတ်သော်လည်း လူအများနှင့် ရင်းနှီးကျွမ်းဝင်အောင် သင်ပြပေးသည့်အခါ အဆင်ပြေသည့် ဉာဏ်ရည်ထက်မြက်သော ခွေးများဖြစ်သည်။ ဒေါ်လာ(၅၀၀၀)ကျော်တန် ခွေးကြီးများသည် နေ့ဘက်တွင် နှစ်နှစ်ခြိုက်ခြိုက် အိပ်ပျော်နေတတ်ပြီး ညပိုင်းတွင် နိုးနိုးကြားကြား ကင်းလှည့်နေတတ်သည့် အစောင့်ခွေးများ အနေဖြင့်လည်း လူသိများသည်။

၅။ Canadian Eskimo Dog

မြောက်အမေရိကတွင် မျိုးရိုးအခြေပြု ဆင်းသက်လာသည့် ခွေးကြီးများသည် ယနေ့တိုင် မျိုးနွယ်ရောစပ်ခြင်း မရှိသည့် အရှားပါးဆုံး မျိုးစိတ်တစ်ခုလည်း ဖြစ်သည်။

ဖြူလွသော အရောင်အဆင်းရှိပြီး အမေရိကန် နှင်းဝံပုလွေများသဖွယ် ခံ့ညားလှပပြီး သန်မာအားကောင်းသည့် ခန္ဓာကိုယ် တည်ဆောက်မှုကိုလည်း ပိုင်ဆိုင်ထားသည်။

ဉာဏ်ရည်ထက်မြက်ခြင်း၊ သစ္စာရှိခြင်း၊ သတ္တိကောင်းခြင်း၊ နိုးကြားခြင်းနှင့် သခင်အပေါ် တွယ်တာခြင်းတို့သည် ဒေါ်လာ (၆၀၀၀)ကျော်တန် ခွေးကြီးများ၏ ထူးခြားသော အရည်အသွေးများ ဖြစ်ကြသည်။

၎။ German Shepherd

ကမ္ဘာပေါ်တွင် တန်ဖိုးအကြီးဆုံး စာရင်းဝင် ခွေးမျိုးစိတ်တစ်ခု ဖြစ်သည့်အပြင် ယင်း၏ ထူးခြားသော အရည်အသွေးကောင်းများကြောင့် ဂျာမန်သိုးထိန်းခွေးများကို ခွေးချစ်သူများက အလွန်လိုလား နှစ်သက်လေ့ရှိသည်။

ဂျာမနီမှ စတင်ပေါက်ဖွားလာသော ခွေးများသည် အစောင့်ခွေးအဖြစ်လည်းကောင်း၊ သိုးအုပ်များကို ဝံပုလွေရန်မှ ကာကွယ်စောင့်ရှောက် ပေးရာတွင်လည်းကောင်း လူအများကို ကူညီပေးလေ့ရှိသည်။

သတ္တိရှိခြင်း၊ နိုးကြားခြင်း၊ ဉာဏ်ရည်ထက်မြက်ခြင်း၊ သခင့်အလိုကို နားလည်ခြင်း၊ ခွန်အားကြီးခြင်းနှင့် ခိုင်းစေမှုကို အလွန်လျင်မြန်စွာ တုံ့ပြန်နိုင်ခြင်း အစရှိသည့် ဝိသေသကောင်းများကို အခြားသော ခွေးမျိုးစိတ်များထက် ပီပြင်ထင်ရှားစွာ ပိုင်ဆိုင်ထားတတ်ကြသည်။

သခင်၏ အမိန့်ကို တစ်သဝေမတိမ်း နာခံတတ်ပြီး လူစိမ်းများကို ယဉ်ပါးမှုမရှိဘဲ သံသယကြီးလွန်းခြင်းက အစောင့်ခွေး ကောင်းကောင်း ပိုင်ဆိုင်လိုသူများအတွက် အကြိုက်တွေ့စေမည့် အရည်အသွေးများ ဖြစ်သည်။

ဂျာမန်သိုးထိန်းခွေးများကို ရဲတပ်ဖွဲ့နှင့် စစ်တပ်များတွင်လည်း အသုံးပြုလေ့ရှိပြီး စစ်ရေးနှင့် မှုခင်းရေးရာ အထောက်အကူပြု ခွေးများအဖြစ် လေ့ကျင့်ပေးနိုင်သည်။ အဆိုပါခွေး တစ်ကောင်၏ ပျမ်းမျှတန်ဖိုးမှာ ဒေါ်လာ(၆၅၀၀)မျှရှိသည်။

၃။ Samoyed

အမွေးနုနုများနှင့် ချစ်စရာ ခွေးကြီးများသည် ဆိုက်ဘေးရီးယား ဒေသမှ စတင်ပျံ့နှံ့ပေါက်ဖွားလာခြင်း ဖြစ်သည်။ ယင်းတို့ကို Bjelkierဟူသော အမည်ဖြင့်လည်း ခေါ်ဝေါ်လေ့ရှိသည်။

ဆိုက်ဘေးရီးယားတွင် စွပ်ဖားဆွဲသော ခွေးများဖြစ်ပြီး အုပ်စုဖွဲ့ နေထိုင်လေ့ ရှိကြသည်။ ပျော်ပျော်နေတတ်ပြီး အဆော့သန်သည့် ခွေးများဖြစ်ရာ ကလေးငယ်များနှင့်ပင် စိတ်ချလက်ချ လွှတ်ထားနိုင်မည် ဖြစ်သည်။

အခြားသော လူနှင့် တိရစ္ဆာန်များကို ရန်လိုလေ့ မရှိသောကြောင့် အစောင့်ခွေး အနေဖြင့်မူ Samoyedများက အသုံးဝင်မည် မဟုတ်ချေ။ ဒေါ်လာ (၆၅၀၀)ကျော်တန် ခွေးကြီးများသည် နေအိမ်သို့ ဧည့်သည်လာပါက ဝမ်းပန်းတသာ ကြိုဆိုတတ်သည့် ဧည့်ကြိုခွေးများဖြစ်သည်။

၂။ Rottweiler

ကမ္ဘာအနှံ့အပြားတွင် ပေါက်ဖွားရှင်သန်နိုင်သည့် ခွေးများဖြစ်ကြသည်။ ယခင်က ကျွဲနွားအုပ်များကို စောင့်ရှောက် ထိန်းကျောင်းရန်အတွက် Rottweilerများကို လူအများက အသုံးပြုခဲ့ကြသည်။

ကြီးမားတုတ်ခိုင်သော ခန္ဓာကိုယ်မျိုး ရှိနေပြီး အလွန်ခွန်အားသန်မာကြသည်။ ဒေါ်လာ(၇၀၀၀)တန် ခွေးကြီးများသည် လူစိမ်းသူစိမ်းများကို ရန်လိုတိုက်ခိုက်တတ်သည့် အစောင့်ခွေး အမျိုးအစားကောင်းများ ဖြစ်ကြသည်။

ယင်းတို့ကို သင်တန်းပေး လေ့ကျင့်စေပြီး စစ်တပ်နှင့် ရဲတပ်ဖွဲ့တို့တွင် အထောက်အကူပြု ခွေးများအဖြစ်လည်း အသုံးပြုလေ့ရှိသည်။

၁။ Lowchen

ကမ္ဘာပေါ်တွင် အရှားပါးဆုံး စာရင်းဝင် ခွေးမျိုးစိတ် တစ်ခုဖြစ်ပြီး တန်ဖိုးလည်း အမြင့်ဆုံးဖြစ်သည်။ Lowchenတို့ကို Little Lion Dogဟုလည်း ခေါ်ဝေါ်လေ့ရှိသည်။

ဥရောပ ဒေသမှ စတင်ဆင်းသက် ပေါက်ဖွားလာသည့် ခွေးလေးများသည် ခြင်္သေ့များနှင့် သဏ္ဌာန်တူပြီး ပြင်သစ်၊ ဂျာမနီ၊ အီတလီနှင့် စပိန်တို့တွင် အိမ်မွေးတိရစ္ဆာန်လေးများအဖြစ် စတင်ရေပန်းစား လူကြိုက်များလာခဲ့သည်။

Lowchenတို့တွင် ကျယ်ပြန့်သော ဦးခွံဖွဲ့စည်းမှု ရှိနေပြီး ခန္ဓာကိုယ်ပေါ်တွင် အမွေးများ ထူထူထပ်ထပ် ဖုံးအုပ်ထားသည်။ ဉာဏ်ရည်ထက်မြက်ပြီး အဆော့သန်ကာ လူအများကို ခင်မင်ရင်းနှီးစွာ နေထိုင်တတ်သည်။

ထို့အပြင် သစ္စာရှိခြင်း၊ နိုးကြားတက်ကြွခြင်း၊ အမိန့်နာခံလွယ်ခြင်း၊ ကလေးများနှင့် အကျွမ်းတဝင် နေထိုင်တတ်ခြင်းတို့ကြောင့် မိသားစု မွေးမြူသင့်သည့် ခွေးလေးများအဖြစ် လူသိများသည်။ ယင်းတို့၏ ဈေးနှုန်းသည် ဒေါ်လာ(၇၀၀၀)ကျော်မျှ ရှိသည်။

Top Teny
7 Day

ဆက်ဖတ်ရန်>>>>

အမျိုးသမီးတစ်ဦးကို အိမ်ပြန်လိုက်ပို့ပေးမည်ဟုဆိုကာ အဓမ္မပြုကျင့်

သီဟလွင်-ပြည်(မြစ်မခ) - ဖလားဝါးနယူးစ်ဂျာနယ် အတွဲ(၁၀)၊ အမှတ် (၂၅)။

ပြည်၊ ဇွန် ၂၇- ပဲခူးတိုင်းဒေသကြီး အ နောက်ပိုင်း ပြည်မြို့တွင် မန္တလေးမှ ပြည်မြို့ နယ်သို့ပြန်လာသော မိန်းကလေးအား ပြည် မြို့သို့အရောက်တွင် ထွန်းမြင့်နိုင်ဆိုသူက မိန်းကလေးနေထိုင်သောကျေးရွာသို့ လိုက် ပို့ပေးမည်ဆိုကာ တစ်ညတာ ခေါ်ဆောင် သွားပြီးနောက် ဇွန် ၂၆ရက်တွင် ပြည်မြို့ ဘူတာကြီးသို့ ပြန်လည်လိုက်ပို့ရာမှ ဒေသခံ များမှ ဝိုင်းဝန်းဖမ်းဆီး၍ ရဲစခန်းသို့ ပို့ ဆောင်ခဲ့ကြောင်းသိရသည်။
အဆိုပါမိန်းကလေးက မန္တလေး မှ ပြည်မြို့သို့ ဇွန်၂၅ရက် နံနက်ပိုင်းတွင် ရောက်ရှိခဲ့ပြီးနောက် ရွှေဆံတော်ဘုရား ပေါ်တွင် ထွန်းမြင့်နိုင်ဆိုသူနှင့် တွေ့ဆုံခဲ့ ပြီး မိန်းကလေးပြန်မည့်ရွာကို သိကြောင်း၊ ထို့ကြောင့် သူကိုယ်တိုင် လိုက်ပို့ပေးမည် ဟုပြောဆိုကာ နဝဒေးတံတားအနီးရှိလူသူ ပြတ်လတ်သော အလောင်းတော်ကဿပတောင်ပေါ်သို့ခေါ်သွားပြီးနောက် လက်သီးဖြင့်ထိုးကာ အဓမ္မပြုကျင့်ခဲ့ခြင်းဖြစ် ကြောင်း မိန်းကလေး၏ ပြောပြချက်အရဖခင်ကထွက်ဆိုခဲ့သည်ဟု ပြည်မြို့မရဲစ ခန်းမှ တာဝန်ကျရဲအရာရှိကပြောသည်။
ဇွန်၂၅ ရက်ညနေပိုင်းတွင် စွပ်စွဲ ခံရသူကမိန်းကလေးအား ပြည်မြို့တစ်ဖက် ကမ်း ကံမမြို့နယ် ဝဲကြီးရွာသို့ ခေါ်ဆောင် သွားပြီး အုပ်ချုပ်ရေးမှူးအား မိန်းမခိုးလာ သည်ဟုပြောဆိုကာ လက်မှတ်ထိုးခိုင်းခဲ့ သော်လည်း မှတ်ပုံတင်မပါရှိ၍ လက်မှတ် မထိုးပေးခဲ့ကြောင်း၊ ဇွန်၂၆ရက်တွင် အဆိုပါ မိန်းကလေးအား ပြည်မြို့ ဘူတာကြီးသို့ ပြန်လည်ပို့ဆောင်ရာတွင် ဖမ်းဆီးရမိခဲ့ ခြင်းဖြစ်ကြောင်း ရဲမှတ်တမ်းများတွင် ဖော် ပြထားသည်။
''အဲဒီကောင်က ကျွန်တော်တို့ ဘူတာကို ကောင်မလေးကို ဆိုင်ကယ်နဲ့ လာပို့ပြီး ပြန်မယ်လုပ်တော့ ကျွန်တော်တို့ ကတားတာ ဒီကောင်ကထွက်ပြေးတယ်။ အဲဒါအနီးအနားက လူတွေက ဝိုင်းဖမ်းပြီး ရဲစခန်းပို့လိုက်တယ်။ ကောင်မလေးရဲ့အမေ ဆို မျက်ရည်နဲ့မျက်ခွက်ပဲ။ စိတ်မကောင်း ဖြစ်မိတယ်''ဟု ပြည်မြို့ ဘူတာကြီးအနီးမှ လိုက်လံဖမ်းဆီးပေးခဲ့သော ဒေသခံတစ်ဦး က ပြောသည်။
အဆိုပါမိန်းကလေးသည် မန္တ လေးမြို့ရှိ အဒေါ်ဖြစ်သူထံသို့ သွားရောက် နေထိုင်စဉ် မိခင်နေမကောင်း၍ ပြန်လာ ရန်မှာကြားခဲ့သောကြာင့် အဒေါ်ဖြစ်သူက မန္တလေး-ပြည်ကားဂိတ်သို့ ပို့ဆောင်ပေးခဲ့ ပြီး ဇွန် ၂၅ရက် နံနက်ပိုင်းတွင် ပြန်ရောက် နိုင်ကြောင်း ဖုန်းဆက်ပြောဆိုခဲ့သော်လည်း ပြန်လည်ရောက်ရှိလာခြင်းမရှိ၍ ပြည်မြို့ပေါ် ထိ လိုက်လံရှာဖွေရာမှ ၂၆ရက်တွင် ပြည် မြို့ဘူတာကြီးတွင် ပြန်လည်တွေ့ရှိခဲ့ခြင်းဖြစ် ကြောင်း မိန်းကလေး၏ ဖခင်ဖြစ်သူက ရဲ စခန်းတွင်ထွက်ဆိုသည်။
အဆိုပါအမှုအား ပြည်မြို့မရဲစ ခန်းတွင် မိန်းကလေး၏ဖခင်က တရားလို ပြုလုပ်တိုင်တန်းခဲ့ပြီး (ပ) ၄၈ဝ/၂ဝ၁၄ ပြစ် မှုဆိုင်ရာဥပဒေ ပုဒ်မ ၃၇၆/၃၂၃ ဖြင့်စစ် ဆေး ဆောင်ရွက်လျက်ရှိကြောင်း သိရ သည်။

Yangon Media Group

ဆက်ဖတ်ရန်>>>>

ဆန်းလ္ဘက်ရည်ဆိုင် ပိုင်ရှင် မူဆလင်ညီအစ်ကို နှစ်ဦးက ဗုဒ္ဓ ဘာသာဝင် ဆိုင်အလုပ်သမ တဦးအား အဓမ္မပြုကျင့်

ပြီးခဲ့တဲ့ ဇွန်လ ၂၈ ရက်နေ့ ညက မန္တလေးတိုင်း ဒေသကြီး ချမ်းအေးသာစံ မြို့ နယ် ၂၈ လမ်းနှင့် ၈၂ လမ်းထောင့်ရှိ ဆန်းလ္ဘက်ရည် ဆိုင်မှာ ထမင်းချက် လုပ်ကိုင်နေတဲ့ မစိုးစိုး (ဗုဒ္ဓ ဘာသာဝင်) မိန်းခလေးကို ဆိုင်ပိုင်ရှင် ကိုဆန်းမောင် (မွတ်ဆလင်/အစ္စလာမ်) နှင့် ညီဖြစ်သူ ကိုနေ၀င်း (မွတ်ဆလင်/အစ္စလာမ်) တို့ ညီ အစ်ကို နှစ်ဦးက လိမ်လည် လှည့်ဖျားပြီး အဓမ္မပြုကျင့် ခဲ့ကြောင်း သစ်ထူးလွင် က သတင်းရရှိပါတယ်။

 အဆိုပါ ညက လ္ဘက်ရည်ဆိုင် ပိတ်ချိန်မှာ ၁၈/၁၉ လမ်း၊ ၈၀/၈၁ လမ်းနေ  ဆိုင်ရှင်ကိုဆန်းမောင် နှင့် ကိုနေ၀င်းတို့ ကားအဖြူရောင်နှင့် ရောက်ရှိလာပြီး နေပြည်တော်မှာ လ္ဘက်ရည်ဆိုင် ဖွင့်ရန် လိုက်ခဲ့ဖို့ ပြော ကာ မစိုးစိုး အား ယာဉ်နောက်ခန်းမှာ တင်ဆောင် မောင်းနှင် ခဲ့ကြောင်း သိရပါတယ်။

 ဇွန်လ ၂၉ရက်နေ့ နံနက် ၁ နာရီခန့် မှာတော့ ပျဉ်းမနားမြို့ ယောက်သွားအင်း ရပ်ကွက် တော်ဝင်နန်းတော် ဟိုတယ် အနီး ကားလမ်းဘေးမှာ ကားရပ်နားကာ ဆန်းမောင်မှ ယာဉ်နောက်ခန်းကို ရောက်ရှိလာပြီ မစိုးစိုး အား တောင်းပန်နေသည့် ကြားက အဓမ္မတကြိမ် ပြုကျင့်ခဲ့ပါတယ်။

အဲဒီနောက် ဆန်းမောင် ကားရှေ့ခန်း ပြန်သွားပြီ နေ၀င်း ထပ်မံရောက်လာကာ အဓမ္မ တကြိမ် ထပ်မံပြုကျင့်ခဲ့ပြန်ပါတယ်။

အဲဒီနောက် မြင်းရတနာ မီးပွိုင့်အလွန်မှာ ကားရပ်ပြီး မစိုးစိုးကို ဆင်းခိုင်းကာ ကားမောင်းနှင် ထွက်ပြေးသွားကြောင်း သိရပါတယ်။

အဆိုပါ အမှုကို  ပျဉ်းမနား ရဲစခန်းမှာ အမှုဖွင့်လှစ် ထားပြီ ထွက်ပြေးသွားတဲ့ တရားခံ ညီအစ်ကို ကို ဖမ်းဆီးရမိရေး ဆောင်ရွက်နေကြောင်း သစ်ထူးလွင် က စုံစမ်းသိရှိရပါတယ်။

BY THIT HTOO LWIN

ဆက်ဖတ်ရန်>>>>

Mobile Browser များမှာ ၀က်ဆိုက်များရဲ့ Desktop Version ကို ကြည့်ရှုနိုင်မယ့် နည်းများ

ဝက်ဆိုက်အများစုက မိုဘိုင်းဖုန်းများအတွက် Mobile Version များပြုလုပ်ပေးထားကြပါတယ်။ Mobile Version များက Bandwidth ကို လျှော့ချပေးသလို မျက်နှာပြင်သေးတဲ့ ဖုန်းများမှာ ကြည့်ရှုရအဆင်ပြေစေပါတယ်။ ဒါပေမယ့် ၀က်ဆိုက်တစ်ခုရဲ့ Desktop Version ကို မိုဘိုင်းဖုန်းကနေ အသုံးပြုချင်တဲ့ အခြေအနေများစွာရှိပါတယ်။ သင့်ရဲ့ဖုန်းဟာ မျက်နှာပြင်ကြီးရင် Desktop Version နဲ့ ၀က်ဆိုက်များကြည့်ချင်မှာပါ။ အချို့ဝက်ဆိုက်များက မိုဘိုင်းဗားရှင်းမှာ စွမ်းဆောင်ချက်အချို့ကို ဖယ်ရှားထားတဲ့အတွက် အဲဒီစွမ်းဆောင်ချက်များကို အသုံးပြုချင်ရင် Desktop Version ကို အသုံးပြုချင်မှာပါ။ မိုဘိုင်းဗားရှင်းရဲ့ အားနည်းချက်နောက်တစ်ခုက Navigate ပြုလုပ်ရတာ အခက်အခဲရှိပါတယ်။ ဥပမာ အားဖြင့် IMDB ၀က်ဆိုက်ကိုကြည့်ပါ။
IMDB ၀က်ဆိုက်မှာ ဟာသရုပ်ရှင်မင်းသား Will Ferrell ပါဝင်ပတ်သက်တဲ့ ရုပ်ရှင်ဇာတ်ကားများကို ကြည့်ချင်တယ်ဆိုပါစို့။ ဘရောက်စာကနေ Will Ferrell ရဲ့ IMDB Page ကို သွားပါ။


Full Filmography ကို နှိပ်ပါ။

ဒါဆိုရင် Will Ferrell ပါဝင်ပတ်သက်တဲ့ ကဏ္ဍများကို လင့်များအနေနဲ့ တွေ့မြင်ရမှာဖြစ်ပါတယ်။ လင့်တစ်ခုချင်းစီကို နှိပ်ပြီး ဇာတ်ကားတစ်ခုချင်းစီမှ မင်းသားရဲ့ ပါဝင်တဲ့ အခန်းကဏ္ဍကိုကြည့်ရမှာဖြစ်ပါတယ်။ ဒါဟာ အချိန်တော်တော်ကုန်စေပြီး အဆင်မပြေလှပါဘူး။ Desktop Version မှာဆိုရင်တော့ မင်းသား ပါဝင်ပတ်သက်တဲ့ ရုပ်ရှင်ဇာတ်ကားအားလုံးကို Web Page တစ်ခုထဲကနေမြင်တွေ့ရမှာဖြစ်ပါတယ်။ ကံကောင်းတဲ့အချက်က IMDB ၀က်ဆိုက်က Desktop Version ကို အလွယ်တကူ ပြောင်းကြည့်လို့ရအောင်ပြုလုပ်ပေးထားပါတယ်။ ဒါပေမယ့် ၀က်ဆိုက်အများစုကတော့ Desktop Version ကို ပြောင်းကြည့်ဖို့ ပြုလုပ်ပေးထားခြင်းမရှိပါဘူး။
ဒီလိုအခြေအနေမှာ မိုဘိုင်းဘရောက်စာများရဲ့ Settings ကနေ Desktop Version ကို ပြောင်းလဲကြည့်ရှုဖို့ပြုလုပ်နိုင်တဲ့ နည်းလမ်းများရှိပါတယ်။

iOS Device
---------------
iPhone , iPad များရဲ့ Default Browser ဖြစ်တဲ့ Safari မှာ Desktop Version ကို ပြောင်းလဲကြည့်ရှုဖို့ စွမ်းဆောင်ချက်ကို Apple က ပြုလုပ်ပေးထားခြင်းမရှိပါဘူး။ အဲဒီစွမ်းဆောင်ချက်ပါရှိတဲ့ ဘရောက်စာကတော့ Google Chrome ဖြစ်ပြီး Apple App Store ကနေ အခမဲ့ရယူနိုင်ပါတယ်။ Chrome Browser မှာ ၀က်ဆိုက်တစ်ခုရဲ့ Desktop Version ကို ပြောင်းလဲကြည့်ရှုချင်ရင် ညာဘက်အပေါ်ထောင့်က Menu ကို နှိပ်ပြီး Request Desktop Site ကို နှိပ်ပါ။


Chrome ရဲ့အားနည်းချက်က Desktop Version ကို Default အားဖြင့် Enable ပြုလုပ်လို့မရပါဘူး။ ဆိုလိုတာက ၀က်ဆိုက်တစ်ခုကို ဖွင့်တိုင်း Mobile Version ကနေ Desktop Version ကို အပေါ်ကနည်းအတိုင်း အမြဲပြောင်းလဲပေးရမှာပါ။ Desktop Version ကို Default အားဖြင့် Enable ပြုလုပ်ပေးနိုင်တဲ့ မိုဘိုင်းဘရောက်စာက Puffin Web Browser ဖြစ်ပါတယ်။ Puffiin Web Browser ကို အခမဲ့အသုံးပြုနိုင်ပြီး ၀က်ဆိုက်တစ်ခုရဲ့ မိုဘိုင်းဗားရှင်းကို အလွယ်တကူ Disable လုပ်နိုင်ပါတယ်။ Puffin Web Browser ဟာ အခပေးဗားရှင်းလည်းရှိပေမယ့် အခမဲ့ဗားရှင်းမှာ Desktop Version ကို အသုံးပြုနိုင်ပါတယ်။
Puffin Web Browser ကို အင်စတော လုပ်ပြီးရင် ညာဘက်အပေါ်ထောင့်က Menu ကိုနှိပ်ပါ။ More > Settings > User Agent ထဲသွားပြီး User Agent ကို Desktop ပြောင်းပါ။


ဒါဆိုရင် Puffiin Browser ကနေ ၀က်ဆိုက်တွေကြည့်တိုင်း Desktop Version နဲ့ ပြပေးမှာဖြစ်ပါတယ်။ မိုဘိုင်းဗားရှင်းကို ပြန်အသုံးပြုချင်ရင် အပေါ်ကနည်းအတိုင်း User Agent ထဲသွားပြီး iPhone ကို ရွေးချယ်ပေးပါ။

Android
-----------
Google က Android ရဲ့ Default Browser ဖြစ်တဲ့ Chrome မှာ Desktop Version ကို အလွယ်တကူပြောင်းလဲနိုင်အောင်ပြုလုပ်ပေးထားပါတယ်။ ၀က်ဆိုက်တစ်ခုကိုဖွင့်ပြီး ဖုန်းရဲ့ Menu ခလုတ်ကိုနှိပ်ပါ။ Request desktop site မှာ အမှန်ခြစ်ပေးပါ။

Chrome ရဲ့ အားနည်းချက်က iOS မှာလိုပဲ Desktop Version ကို အမြဲတမ်း Enable လုပ်လို့မရပါဘူး။ ဒီလိုလုပ်ဖို့အတွက် Puffin Web Browser ကိုပဲ အသုံးပြုနိုင်ပါတယ်။ Puffin Web Browser ကို Google Play Store မှာ အခမဲ့ အသုံးပြုနိုင်ပါတယ်။ ဘရောက်စာကို အင်စတော လုပ်ပြီးရင် ညာဘက်အပေါ်ထောင့်က Menu ကိုနှိပ်ပါ။ Settings ထဲသွားပြီး Mobile Browser Mode မှာ အမှန်ခြစ်ဖြုတ်ပေးပါ။


Windows Phone
--------------------
Windows Phone ရဲ့ Default Browser ဖြစ်တဲ့ Internet Explorer မှာ မိုဘိုင်းဗားရှင်းကို အမြဲတမ်း Disable လုပ်နိုင်ပါတယ်။ Internet Explorer ရဲ့ More > Settings > Website preference မှာ မိုဘိုင်းဗားရှင်း ကနေ Desktop Version ကို ပြောင်းလဲနိုင်ပါတယ်။


အရိုးရှင်းဆုံးနည်း
--------------------
မိုဘိုင်းဖုန်းများမှာ ၀က်ဆိုက်တစ်ခုရဲ့ Desktop Version ကို အသုံးပြုဖို့ အရိုးရှင်းဆုံးနည်းက ၀က်ဆိုက်မှာ Desktop Version ကို ပြောင်းနိုင်တဲ့ လင့် ကို နှိပ်တာဖြစ်ပါတယ်။

ဒါပေမယ့် ၀က်ဆိုက်တိုင်းမှာတော့ အဲဒီစွမ်းဆောင်ချက်ကို ထည့်ပေးထားခြင်းမရှိပါဘူး။ အဲဒီလိုအခြေအနေမှာ အပေါ်ကနည်းလမ်းများကို အသုံးပြုနိုင်ပါတယ်။

သူရ
Myanmar Digital Life Journal

ဆက်ဖတ်ရန်>>>>

မှိုစားပြီး အဆိပ်သင့်ကာ သားအဖလေးဦး သေဆုံး

ချင်းပြည်နယ်၊ တီးတိန်မြို့နယ် တွီဗျာလ်ကျေးရွာတွင် မှိုစားပြီး သားအဖလေးဦးစလုံး သေဆုံးသွားကာ သမီးဖြစ်သူမှာမူ ဆေးကုသမှု ဆက်လက်ခံယူနေရကြောင်း ဒေသခံများထံမှ သတင်းရရှိသည်။

တောထဲမှရရှိလာသော ဒေသအခေါ် ဒေါင်းမှိုစားရာမှ သားအဖလေးဦး အစာအဆိပ်သင့်ခဲ့သဖြင့် ကျေးရွာဆရာဝန်နှင့်ပင် ဆေးကုသမှုခံယူခဲ့သည်။

ဇွန်လ ၂၃ ရက်တွင် ဖြစ်ပွားခဲ့ခြင်းဖြစ်ပြီး နောက်သုံးရက်အကြာ ဇွန်လ ၂၇ ရက်တွင် ဖခင်နှင့် အငယ်ဆုံးသားတို့ သေဆုံးသွားပြီး သမီးဖြစ်သူနှင့် သားနှစ်ဦးတို့မှာ မသက်သာ၍ မြို့နယ်ဆေးရုံသို့ ပို့ဆောင်စဉ် သားနှစ်ဦးမှာ လမ်းတွင် သေဆုံးသွားခဲ့သည်။ သမီးဖြစ်သူမှာ ၀ယ်ဇလီဆေးရုံတွင် အတွင်းလူနာအဖြစ် ဆက်လက်ဆေးကုသမှုခံယူနေဆဲဖြစ်သည်ဟု တွီဗျာလ်ကျေးရွာသူတစ်ဦးက ပြောသည်။

7 Day

ဆက်ဖတ်ရန်>>>>

အောင်ဆန်းသူရိယဘွဲ့ ရရှိထားသူများ

(၁) အောင်ဆန်းသူရိယ အေးချို (၁၉၄၈) - ဗိုလ်မှူး (ကျဆုံး) / ပြည်ထောင်စု စစ်ရဲတပ်ရင်း (၂၁)
(၂) အောင်ဆန်းသူရိယ တိုက်ချွန်း (၁၉၅၀) - ဗိုလ် (နောင်တွင်ဗိုလ်ကြီး) / အမှတ်(၁) ချင်းသေနတ်ကိုင်တပ်ရင်း

(၃) အောင်ဆန်းသူရိယ လှသောင်း (၁၉၄၉) - တပ်သား (ကျဆုံး) / အမှတ်(၃) ဗမာ့သေနတ်ကိုင်တပ်ရင်း

(၄) အောင်ဆန်းသူရိယ စောမြင့် (၁၉၅၁) - တပ်သား (ကျဆုံး) / အမှတ်(၁)ကရင်သေနတ်ကိုင်တပ်ရင်း

(၅) အောင်ဆန်းသူရိယ စောဘရီ (၁၉၅၁) - အရပ်သား (ကျဆုံး) / အမှတ်(၂) ခြေမြန်တပ်မဟာဌာနချုပ် (တွဲဖက်)

(၆) အောင်ဆန်းသူရိယ စွပ်ဗဟာဒူးရိုင်း (၁၉၅၀) - တပ်သား (ကျဆုံး) / အမှတ်(၄)ခြေလျင်တပ်ရင်း

(၁) အောင်ဆန်းသူရိယ အေးချို
-----------------------------
ကိုယ်ပိုင်အမှတ် - ကြည်း ၅၁၈၀

ဘွဲ့ရစဉ်အဆင့် - ဗိုလ်မှူး

အမည် - အေးချို(ကျဆုံး)

အမြင့်ဆုံးရရှိသည့်ဘွဲ့/နှစ် - အောင်ဆန်းသူရိယ (၁၉၄၈)

ဘွဲ့ရရှိစဉ်တာဝန်ထမ်းဆောင်သည့်တပ် - ပြည်ထောင်စု စစ်ရဲတပ်ရင်း (၂၁)

ဘွဲ့အပ်နှင်းခံရသောအမိန့်အာဏာ - ၁၀/အထူး/၅၀

ဘွဲ့ရရှိပုံဖြစ်စဉ်အကျဉ်း ။ ၁၉၄၈ သြဂုတ်လအတွင်း ကွန်မြူနစ်တပ်များသည် အင်အားအလုံးအရင်းဖြင့် ရန်ကုန်မြို့ကိုတိုက်ခိုက်သိမ်းပိုက်ရန် ပြည်-ရန်ကုန်ကားလမ်းအတိုင်း ချီတက်လာရာ ၁၉-၄-၄၈ ည ၇ နာရီခန့်အချိန် နတ္တလင်းမြို့အနီးရှိဖိုးသာအောင်ကုန်း တံတားတဘက်သို့အရောက်တွင် နတ္တလင်းတွင်တပ်စွဲထားသော ပြည်ထောင်စုစစ်ရဲတပ်ရင်း (၂၁)၏ တပ်ရင်းမှူးဗိုလ်မှူးအေးချိုသည် အင်အားအဆမတန်မျးပြားသောရန်သူတို့အား မိမိအသက်ကိုပဓာနမထားပဲ ရွပ်ရွပ်ချွံချွံခုခံတိုက်ခိုက်နိုင်ခဲ့သဖြင့် ကွန်မြူနစ်တပ်များ ဆက်လက်ပြီး မချီတက်နိုင်တော့ပဲ ပြန်လည်ဆုတ်ခွာသွားခဲ့ရသည်။

ဗိုလ်မှူးအေးချိုသည် ယင်းကဲ့သို့ထူးကဲမြင့်မားလှသောရဲစွမ်းသတ္တိ၊ ကြံ့ခိုင်သောစိတ်ဓါတ်တို့ဖြင့် ရွပ်ရွပ်ချွံချွံခုခံ တိုက်ခိုက်ရင်း ပြင်းထန်စွာဒဏ်ရာရရှိကာ ၁၉၄၈ သြဂုတ်လ ၂၁ ရက်နေ့တွင် နိုင်ငံတော်အတွက်တာဝန်ကျေပွန်စွာ အသက်ပေးလှူသွားသူဖြစ်သည့်အလျောက် နိုင်ငံတော်၏ရဲစွမ်းသတ္တိဆိုင်ရာအမြင့်ဆုံးဖြစ်သော အောင်ဆန်းသူရိယဘွဲ့ကို ပထမဆုံးချီးမြှုင့်ခြင်းခံရသူဖြစ်သည်။

(၂) အောင်ဆန်းသူရိယ တိုက်ချွန်း
-------------------------
ကိုယ်ပိုင်အမှတ် - ကြည်း ၇၂၈၈

ဘွဲ့ရစဉ်အဆင့် - ဗိုလ် (နောင်တွင်ဗိုလ်ကြီး)

အမည် - တိုက်ချွန်း

အမြင့်ဆုံးရရှိသည့်ဘွဲ့/နှစ် - အောင်ဆန်းသူရိယ (၁၉၅၀)

ဘွဲ့ရရှိစဉ်တာဝန်ထမ်းဆောင်သည့်တပ် - အမှတ်(၁) ချင်းသေနတ်ကိုင်တပ်ရင်း

ဘွဲ့အပ်နှင်းခံရသောအမိန့်အာဏာ - ၁၀/အထူး/၅၀

ဘွဲ့ရရှိပုံဖြစ်စဉ်အကျဉ်း ။ ၁၉၄၉ ခု ဧပြီလတွင် အင်းစိန်မြို့ကိုအခိုင်အမာစိုးမိုးထားသည့် ကေအင်ဒီအိုများအား ဗမာ့တပ်မတော်ကတိုက်ထုတ်ချေမှုန်းရာတွင် ၁၆-၄-၄၉ နေ့ နံနက်ပိုင်းတွင် အမှတ်(၁)ချင်းသေနတ်ကိုင်တပ်ရင်း စစ်မျက်နှာရှိ တပ်ခွဲတခွဲအား ရန်သူတို့၏၀ိုင်းဝန်းပစ်ခတ်ခြင်းကိုခံနေရစဉ် ဗိုလ်တိုက်ချွန်းသည် ရန်သူများအတွင်းဝင်ရောက်ကာ အများအပြားကျဆုံးအောင် သူရသတ္တိပြောင်မြောက်စွာ တိုက်ခိုက်ချေမှုန်းနိုင်ခဲ့သည့် သူရဲကောင်းတစ်ဦးဖြစ်သည်။

ဗိုလ်တိုက်ချွန်းသည် ယင်းသို့စံတင်လောက်သည့် ရဲစွမ်းသတ္တိ၊ ဂုဏ်ပြုလောက်သည့်စွန့်စားခြင်းတို့ဖြင့် ၁၀-၄-၄၉ နေ့ စော်ဘွားကြီးကုန်းတိုက်ပွဲတွင်လည်းကောင်း၊ ၁၆-၄-၄၉ နေ့ ဦးစက္ကိန်ကျောင်းတိုက်ပွဲတွင်လည်းကောင်း၊ ၁၈-၄-၄၉ နေ့ ရန်သူ့ခံကတုတ်ကိုချေမှုန်း တိုက်ခိုက်ရာတွင်လည်းကောင်းအသက်ကိုပဓါနမထားပဲ ရဲဝံ့စွန့်စားစွာ တာဝန်ထမ်းရွက်ခဲ့သည့်အတွက်နိုင်ငံတော်၏အမြင့်ဆုံးစွမ်းရည်သတ္တိဘွဲ့ ဖြစ်သောအောင်ဆန်းသူရိယဘွဲ့ကိုချီးမြှုင့်ခြင်းခံရသည်။

ဗိုလ်တိုက်ချွန်းသည် ယခင်တိုက်ပွဲတွင်လည်း ရဲစွမ်းသတ္တိပြောင်မြောက်မှုအတွက် နိုင်ငံတော်က သူရဘွဲ့ချီးမြှင့်ခြင်း ခံရသူဖြစ်သည်။

(၃) အောင်ဆန်းသူရိယ လှသောင်း
------------------------------
ကိုယ်ပိုင်အမှတ် - ၈၈၈၆၅

ဘွဲ့ရစဉ်အဆင့် - တပ်သား

အမည် - လှသောင်း(ကျဆုံး)

အမြင့်ဆုံးရရှိသည့်ဘွဲ့/နှစ် - အောင်ဆန်းသူရိယ (၁၉၄၉)

ဘွဲ့ရရှိစဉ်တာဝန်ထမ်းဆောင်သည့်တပ် - အမှတ်(၃)ဗမာ့သေနတ်ကိုင်တပ်ရင်း

ဘွဲ့အပ်နှင်းခံရသောအမိန့်အာဏာ - ၁၀/အထူး/၅၀

ဘွဲ့ရရှိပုံဖြစ်စဉ်အကျဉ်း ။ ၁၉၄၉ ခု ဧပြီလ ၂၈ရက်နေ့မနက် ၀၃၀၀ နာရီတွင် ဒိုက်ဦးစစ်မျက်နာတွင် အင်အားအဆမတန် များပြားသောကေအင်(န)ဒီအိုများက အမှတ်(၃)ဗမာ့သေနတ်ကိုင်တပ်ရင်း ကွပ်ကဲမှုဌာနချုပ်ကိုဝိုင်းဝန်းတိုက်ခိုက်ရာ တပ်သားလှသောင်းသည် အသက်ကိုပဓါနမထားပဲ ရဲဝံ့စွန့်စားစွာ ရန်သူအများအပြားကျဆုံးအောင် ရွပ်ရွပ်ချွံချွံတိုက်ခိုက်ခြင်းဖြင့် ရန်သူ၏ထိုးစစ်ကိုဟန့်တားနိုင်ခဲ့သည့်အပြင် မိမိဘက်မှ တပ်ဖွဲ့ဝင်များအထိခိုက်မရှိဆုတ်ခွာပေးနိုင်အောင် နောက်ချန်ကာဘရင်းစက်သေနတ်ဖြင့် ကာပစ်ပစ်ပေးနေစဉ်ရန်သူ့လက်ချက်ဖြင့် နိုင်ငံတော်အတွက်အသက်ပေးလှူသူဖြစ်သည့်အလျောက် နိုင်ငံတော်၏အမြင့်ဆုံးစွမ်းရည်သတ္တိဘွဲ့ ဖြစ်သောအောင်ဆန်းသူရိယဘွဲ့ကိုချီးမြှုင့်ခြင်းခံရသည်။

တပ်သားလှသောင်းသည် ရခိုင်၊မြစ်ဝကျွန်းပေါ်၊ဇီးကုန်း၊၀က်ကော်နှင့် အင်းစိန်တိုက်ပွဲတို့တွင်လည်း အသက်ကိုပဓါနမထားပဲ၊ထူးကဲမြင့်မားသောရဲစွမ်းသတ္တိ၊ကြံခိုင်ထက်မြက်သောစိတ်ဓါတ်တို့ဖြင့် ထူးချွန်စွာတာဝန်ထမ်းရွက်ခဲ့သူ ဖြစ်သည်။

(၄) အောင်ဆန်းသူရိယ စောမြင့်
----------------------------
ကိုယ်ပိုင်အမှတ် - B/00603

ဘွဲ့ရရှိစဉ်ကအဆင့် - တပ်သား

အမည် - စောမြင့်(ကျဆုံး)

အမြင့်ဆုံးရရှိသည့်ဘွဲ့ - အောင်ဆန်းသူရိယ

ရရှိသည့်နှစ် - ၁၉၅၁

ဘွဲရရှိစဉ် တာဝန်ထမ်းဆောင်သည့်
တပ်ရင်း - အမှတ်(၁)ကရင်သေနတ်ကိုင်တပ်ရင်း၊ အမှတ်(၂) ခြေမြန်တပ်မ ဌာနချုပ်(တွဲဖက်)

ဘွဲ့အပ်နှင်းခံရသော အမိန့်အာဏာ - ၃/အထူး/၅၂

ဘွဲ့ရရှိပုံ ဖြစ်စဉ်အကျဉ်း

တပ်သားစောမြင့်သည် သံတောင်မြို့နယ်၊ ရေသိုးကြီးရွာတွင် ကေအင်ဒီအိုများ၏ ဖမ်းဆီးခြင်း ခံနေရသော ဗိုလ်မှူးကြီးမောင်မောင်နှင့် အဖွဲ့အား ကယ်ထုတ်ရန် အရပ်သားစောဘရီနှင့်အတူ (၈.၆.၅၁)နေ့တွင် သွားရောက်ပြီး ဗိုလ်မှူးကြီးမောင်မောင်နဲ့အဆက်အသွယ်ယူနိုင်ခဲ့ကာ (၂၄.၆.၅၁)တွင် စောဘရီနှင့် အရပ်သား(၄)ဦးပါ အဖွဲ့ငယ်ကို ဦးဆောင်ပြီး ရန်သူ့နယ်မြေအတွင်း ထပ်မံဝင်ရောက်နိုင်ခဲ့သည်။

တပ်သားစောမြင့်နှင့်အဖွဲ့သည် (၂၈.၆.၅၁)ရက်နေ့ညတွင် အခက်အခဲမျိုးစုံတို့အားကျော်ဖြတ်ကာ ဗိုလ်မှူးကြီးမောင်မောင်တို့အား ချုပ်ထားသော အချုပ်ခန်းအား ၀င်ရောက်စီးနင်းလျက် အောင်မြင်စွာကယ်ထုတ်ခဲ့သည်။

ယင်းသို့ ကယ်ထုတ်စဉ် ရန်သူတို့၏ ပြင်းထန်စွာ ၀ိုင်းဝန်းပစ်ခတ်မှုကြောင့် ခြေထောက်တွင် ဒဏ်ရာရရှိလဲကျသွားခဲ့သော်လည်း မိမိဒဏ်ရာကို ဂရုမထားပဲ ဗိုလ်မှူးကြီးမောင်မောင်နှင့်အဖွဲ့ကို ဘေးကင်းရာသို့ ရောက်ရှိသည့်တိုင် ရန်သူများကို ကျည်ကုန်သည်အထိ ပစ်ခတ်ပြီးနောက် မိမိအတွက် ၀န်မလေးစေရန် ကျန်ရှိသည့် လက်ပစ်ဗုံးဖြင့် အသက်ကိုစတေးကာ နိုင်ငံတော်အတွက် အသက်ကိုပေးလှူခဲ့သူဖြစ်သည်။

တပ်သားစောမြင့်သည် ယင်းကဲ့သို့ မိမိရဲဘော်များအတွက် ကိုယ်ကျိုးမဖက်အသက့်စွန့်ဆောင်ရွက်ချက်သည် အလွန်မြင့်မြတ် ဂုဏ်ယူဖွယ်ရာ ဖြစ်သည့်အလျောက် ရဲစွမ်းသတ္တိဆိုင်ရာ အမြင့်ဆုံးဘွဲ့ဖြစ်သော အောင်ဆန်းသူရိယ ဘွဲ့အားချီးမြှင့်ခြင်း ခံရသည်။

ဆရာမန်းသင့်နောင်(ကော့ကရိတ်) ရဲ့စာအုပ်ကပါ။

(၅) အောင်ဆန်းသူရိယ စောဘရီ
----------------------------
ကိုယ်ပိုင်အမှတ် - မရှိ

ဘွဲ့ရရှိစဉ်က အဆင့် - အရပ်သား

အမည် - စောဘရီ (ကျဆုံး)

အမြင့်ဆုံးရရှိသည့်ဘွဲ့ - အောင်ဆန်းသူရိယ

ရရှိသည့်နှစ် - ၁၉၅၁

ဘွဲ့ရရှိစဉ် တာဝန်ထမ်းဆောင်သည့် တပ်ရင်း - အမှတ်(၂) ခြေမြန်တပ်မဟာဌာနချုပ် (တွဲဖက်)

ဘွဲ့ရရှိပုံ ဖြစ်စဉ်အကျဉ်း

စောဘရီသည် သံတောင်မြို့နယ်၊ ရေသိုးကြီးရွာတွင် ကေအင်ဒီအိုများ၏ ဖမ်းဆီးခြင်း ခံနေရသော ဗိုလ်မှူးကြီးမောင်မောင်နှင့် အဖွဲ့အား ကယ်ထုတ်ရန် တပ်သားစောမြင့်နှင့်အတူ (၈.၆.၅၁)နေ့တွင် သွားရောက်ပြီး ဗိုလ်မှူးကြီးမောင်မောင်နဲ့ အဆက်အသွယ်ယူခဲ့ကာ (၂၄.၆.၅၁)တွင် ရန်သူ့နယ်မြေအတွင်း ထပ်မံဝင်ရောက်နိုင်ခဲ့သည်။

စောဘရီဦးဆောင်သော အဖွဲ့သည် (၂၈.၆.၅၁)ရက်နေ့ညတွင် အခက်အခဲမျိုးစုံတို့အားကျော်ဖြတ်ကာ ဗိုလ်မှူးကြီးမောင်မောင်တို့အား ချုပ်ထားသော အချုပ်ခန်းအား ၀င်ရောက်စီးနင်းလျက် အောင်မြင်စွာကယ်ထုတ်ခဲ့သည်။ထိုတိုက်ပွဲတွင် ရန်သူများမှ အပြင်းအထန် ၀ိုင်းဝန်းပစ်ခတ်ခံရပြီး ဒဏ်ရာရရှိကာ အသက်ဆုံးရှုံးခဲ့သည့် သူရဲကောင်းတစ်ဦး ဖြစ်သည်။

စောဘရီသည် မိမိအား ပေးအပ်သည့်တာဝန်ကို ပြီးမြောက်အောင်မြင်သည်အထိ ထူးကဲမြင့်မားသော ရဲစွမ်းသတ္တိဖြင့် တိုက်ခိုက်ရင်း နိုင်ငံတော်အတွက် အသက်ပေးလှူခဲ့သည့်အတွက် ရဲစွမ်းသတ္တိဆိုင်ရာ အမြင့်ဆုံးဘွဲ့ဖြစ်သော အောင်ဆန်းသူရိယ ဘွဲ့ကိုချီးမြှင့်ခဲ့သည်..။

ဆရာမန်းသင့်နောင်(ကော့ကရိတ်) ရဲ့စာအုပ်ကပါ။
(စောဘရီဟာ အရပ်သားဆိုပေမယ့် အလင်းဝင် ကေအင်ဒီအိုဟောင်းဖြစ်သည်)

(၆) အောင်ဆန်းသူရိယ စွပ်ဗဟာဒူးရိုင်း
--------------------------------

ကိုယ်ပိုင်အမှတ် - ၀၁၉၁၄

ဘွဲ့ရစဉ်အဆင့် - တပ်သား

အမည် - စွက်(က်) ဗဟာဒူးရိုင်း (ကျဆုံး)

အမြင့်ဆုံးရရှိသည့်ဘွဲ့/နှစ် - အောင်ဆန်းသူရိယ (၁၉၅၀)

ဘွဲ့ရရှိစဉ်တာဝန်ထမ်းဆောင်သည့်တပ် - အမှတ်(၄)ခြေလျင်တပ်ရင်း

ဘွဲ့အပ်နှင်းခံရသောအမိန့်အာဏာ - ၁၀/အထူး/၅၁

ဘွဲ့ရရှိပုံဖြစ်စဉ်အကျဉ်း ။ ၁၉၅၀ ခု ဇွန် ၁၇၊၁၈ ရက်တို့တွင် အမှတ်(၄)ခြေလျင်တပ်ရင်း၏ (ဃ)တပ်ခွဲသည် ရှမ်းပြည်တောင်ပိုင်း တာလေမှပန်ခီသို့ချီတက်စဉ် အင်အားအဆမတန်များပြားသော ရန်သူတရုတ်ဖြူသောင်းကျန်းသူ များနှင့်တွေ့ဆုံတိုက်ပွဲဖြစ်ပွားရာ တပ်သားစွက်(က်) ဗဟာဒူးရိုင်းသည် မိမိတပ်ခွဲ၏ရိက္ခာတင်ထရပ်ကား(၇)စီးကို ရန်သူဝိုင်းဝန်းပစ်ခတ်မှုမှ ရွပ်ရွပ်ချွံချွံခုခံကာကွယ်နိုင်ခဲ့သည့်အပြင် မိမိတပ်ခွဲအား ရန်သူအင်အားကြီးမားစွာ ၀ိုင်းဝန်းပစ်ခတ်နေသည့်ကြားမှ ဘရင်းစက်သေနတ်ဖြင့် ရန်သူ ၁၀၀ ကျော် ကျဆုံးသည်အထိမိမိအသက်ကို ပဓါနမထားပဲ ရန်သူများအတွင်းသို့ ရဲဝံ့စွန့်စားစွာဝင်ရောက် ပစ်ခတ်ရင်း ရန်သူ၏လက်ပစ်ဗုံးထိမှန်ကာ နိုင်ငံတော်အတွက်အသက်ပေးလှူခဲ့သူဖြစ်သည့်အလျောက် နိုင်ငံတော်၏ အမြင့်ဆုံးစွမ်းရည်သတ္တိဘွဲ့ဖြစ်သောအောင်ဆန်းသူရိယဘွဲ့ကိုချီးမြှုင့်ခြင်းခံရသည်။

စွက်(က်) ဗဟာဒူးရိုင်းသည် ယခင်ကလည်း ရဲစွမ်းသတ္တိပြောင်မြောက်မှုအတွက် စစ်သေနာပတိချုပ်က သူရဲကောင်းမှတ်တမ်းဝင်တံဆိပ် ချီးမြှင့်ခြင်း ခံရသူဖြစ်သည်။

Reference :
-------------
From Tea Shot

ဆက်ဖတ်ရန်>>>>

နိုင်ငံခြားဘဏ်များကို ခွင့်ပြုပေးမည် ဆိုသော်လည်း အကန့်အသတ်ဖြင့် ခွင့်ပြုပေးခြင်းဖြစ်ပြီး ယင်းဘဏ်များအား ပြည်ပနှင့်ချိတ်ဆက်သည့် ဘဏ်လုပ်ငန်း၌သာ လုပ်ကိုင်ခွင့်ပြုမည်

အငယ်ထွေး

ပြည်ပဘဏ်များအား ခွင့်ပြုပေးသည် ဆိုသော်လည်း ယင်းဘဏ်များအား အကန့်အသတ်ဖြင့်သာ ခွင့်ပြုပေးခြင်းဖြစ်ပြီး ပြည်ပနှင့်ချိတ်ဆက်သည့် ဝန်ဆောင်မှုလုပ်ငန်းများသာ လုပ်ကိုင်ခွင့်ပြုမည်ဖြစ်ကြောင်း ဘဏ်များနှင့် ငွေရေးကြေးရေးဆိုင်ရာ ဖွံ့ဖြိုးတိုးတက်ရေးကော်မတီ အတွင်းရေးမှူး ကိုဖြိုးမင်းသိမ်းက ပြောကြားသည်။

မြန်မာနိုင်ငံမှာ အနည်းဆုံး နိုင်ငံခြားဘဏ် ငါးခုကနေ အများဆုံး ၁ဝ ခုလောက်အထိကို စက်တင်ဘာလမှာ ရွေးချယ်လုပ်ကိုင်ခွင့် ပြုသွားမည်ဖြစ်ကြောင်း မြန်မာနိုင်ငံတော်ဗဟိုဘဏ်၊ ဒုတိယဥက္ကဋ္ဌ ဦးဆက်အောင်က ဇွန် ၂၅ ရက်တွင် ကျင်းပသည့် ပြည်ထောင်စုလွှတ်တော် အစည်းအဝေးတွင် ပြောကြားခဲ့ကြောင်း သတင်းရရှိသည်။

ယင်းကဲ့သို့ နိုင်ငံခြားဘဏ်များ ဖွင့်ခွင့်ပြုရာတွင် ယခုမြန်မာနိုင်ငံမှာ ခွင့်ပြုပေးမယ့် စနစ်သည် နိုင်ငံခြားဘဏ်ခွဲ လာရောက်ဖွင့်လှစ်ခြင်းမျိုး မဟုတ်ဘဲ နိုင်ငံခြားဘဏ်တစ်ခုက မြန်မာနိုင်ငံတွင် ကုမ္ပဏီအသစ်တစ်ခု ထူထောင်ပြီး ဘဏ်လုပ်ငန်းများကို လုပ်ကိုင်ခြင်းမျိုးဖြစ်ကြောင်း ဦးဆက်အောင်က ပြောကြားခဲ့သည်ဟု သတင်းရရှိသည်။

ဦးဖြိုးမင်းသိမ်းက “ဗဟိုဘဏ်နဲ့ ကြားနာတဲ့ အနေအထားအရ ဆိုရင်တော့ ဘဏ်များနဲ့ ငွေရေးကြေးရေး အဖွဲ့အစည်းများ ဥပဒေကိုလည်း နိုင်ငံခြားဘဏ်တွေဝင်တဲ့ ကာလမှာပဲ အဆင်ပြေအောင်၊ ထုတ်ပြန်နိုင်အောင် ကြိုးစားမယ်လို့ ပြောပါတယ်။ နောက်တစ်ချက်က နိုင်ငံခြားဘဏ်တွေကို မြန်မာပြည်မှာ လက်ခံတဲ့ ပုံသဏ္ဌာန်က Subsidiary ပုံစံမျိုးပေါ့။ ဥပဒေနဲ့ ထိန်းချုပ်နိုင်အောင် ကန့်သတ်ချက်တွေနဲ့ ခွင့်ပြုပေးမယ်ဆိုတဲ့အကြောင်း ပြောပါတယ်။ နောက်တစ်ချက်က ပြည်တွင်းက ပုဂ္ဂလိကဘဏ်တွေ ရပ်တည်လှုပ်ရှားနိုင်ဖို့ အတွက်ကို အမိန့်ညွန်ကြားချက် ၈၈ ခုပေါ့။ ဒါတွေကိုလည်း အမြန်ဆုံး ထွက်မယ်ပြောတယ်။ ကျွန်တော်တို့ မြန်မာနိုင်ငံမှာရှိတဲ့ အမျိုးသားဘဏ်တွေအားလုံး ရပ်တည်ရတာ လွယ်ကူအောင်ပါ။ ကျွန်တော်တို့ကတော့ လတ်တလောမှာ ငါးဘဏ်လောက်ပဲ ခွင့်ပြုပေးဖို့နဲ့ နောက်ပိုင်းမှသာ တိုးချဲ့ပေးဖို့ အကြုံပြုထားပါတယ်” ဟု ဆိုသည်။ အကယ်၍ အမိန့်ညွန်ကြားချက်များ၊ နည်းဥပဒေများ မြန်မြန်ဆန်ဆန် ထုတ်ပြန်နိုင်မည်ဆိုပါက ပြည်တွင်း၌ရှိသော ဘဏ်များလည်း ပြင်ဆင်ရန် အချိန်ရရှိနိုင်ကြောင်း ၎င်းက သုံးသပ်ပြောကြားသည်။

“အခုဝင်လာတဲ့ ဘဏ်တွေက ပြည်တွင်းမှာ retail လုပ်ခွင့်ရမှာ မဟုတ်ပါဘူး။ ဒီကိစ္စရပ်တွေကိုတော့ ပြည်တွင်းဘဏ်တွေနဲ့ပဲ လာလုပ်ရမယ်လို့ သတ်မှတ်ထားပါတယ်။ အဲဒီအပေါ်မှာလည်း တစ်ဖက်က သဘောတူထားပါတယ်။ မြန်မာနိုင်ငံရဲ့ ပြည်တွင်းမှာ လုပ်ဆောင်နိုင်တဲ့ အနေအထားရဲ့ ၂ဝ ရာခိုင်နှုန်းလောက်ကိုပဲ လုပ်မှာပေါ့။ ပြီးတော့ သူတို့က မြန်မာနိုင်ငံရဲ့ ငွေရေးကြေးရေးမူဝါကို အထောက်အကူ ပြုနိုင်အောင်ပဲ ကြိုးစားမယ်။ ပြီးတော့ ဝန်ထမ်းခန့်ထားရေးမှာလည်း သူတို့ခန့်မယ့် ဝန်ထမ်းကို သူတို့ဘာသာသူတို့ စီစဉ်မယ်။ မြန်မာနိုင်ငံမှာရှိတဲ့ ပုဂ္ဂလိကဝန်ထမ်းကို မထိခိုက်အောင် လုပ်ပါ့မယ်လို့ ကတိပြုထားပါတယ်” ဟု ဦးဖြိုးမင်းသိမ်းက ဆိုသည်။

“အခု ခွင့်ပြုပေးလိုက်ပေမယ့် လက်ကား (wholesale) ပဲ ရပါတယ်၊ လက်လီဘဏ်လုပ်ငန်း (retail) မရဘူးလေ။ ပေးရင် ပြည်တွင်းဘဏ်တွေ အခြေအနေ ဆိုးသွားမှာပါ။ လက်ကားဘဏ်လုပ်ငန်း ဆိုတာက သူ့တို့သက်ဆိုင်ရာ နိုင်ငံရဲ့ ရင်းနှီးမြှုပ်နှံမှုတွေအတွက် ငွေချေးပေးတာတို့ လုပ်လို့ရပါတယ်။ လက်လီဘဏ်လုပ်ငန်းကတော့ hire purchase လုပ်တာတို့၊ တစ်ဦးချင်းဆီက လက်ခံယူတာတို့ပေါ့။ အဲဒါတွေတော့ သူတို့လုပ်လို့ မရပါဘူး။ ပြည်တွင်းဘဏ်တွေပဲ ဆက်လုပ်သွားမှာပါ” ဟု ဘဏ်လုပ်ငန်းဆိုင်ရာ ကျွမ်းကျင်သူ ဦးစံသိန်းက ပြောကြားသည်။    

Eleven Media Group

ဆက်ဖတ်ရန်>>>>

အင်အားကြီး တရုတ်နိုင်ငံ၊ အမျိုးသားရေးပါတီ အာဏာရ အိန္ဒိယနိုင်ငံ၊ စစ်တပ်အာဏာသိမ်း ထိုင်းနိုင်ငံနှင့် ဘာသာရေးအစွန်းရောက် သီရိလင်္ကာနိုင်ငံတို့ ၀န်းရံနေသဖြင့် မြန်မာ့ဒီမိုကရေစီ အသွင်ကူးပြောင်းမှု အောင်မြင်ရန် ခက်ခက်ခဲခဲ ကြိုးစားရမည်ဟု မြန်မာ့အရေး လေ့လာနေသည့် The Educational Initiatives မှ ကျောင်းအုပ်ကြီး Mr. Igor Blazevic ပြောကြား

မြန်မာနိုင်ငံနှင့် အိမ်နီးချင်းနိုင်ငံများပြ မြေပုံ

မြန်မာနိုင်ငံ၏ ဒီမိုကရေစီ အသွင်ကူးပြောင်းမှု အောင်မြင်မှု မရရှိရန် အင်အားကြီး တရုတ်နိုင်ငံ၊ အမျိုးသားရေး ပါတီမှ လက်ရှိ အာဏာရရှိထားသည့် အိန္ဒိယနိုင်ငံနှင့် စစ်တပ်မှ မကြာခဏ အာဏာသိမ်းယူလေ့ရှိသည့် ထိုင်းနိုင်ငံနှင့် ဘာသာရေးအစွန်းရောက် သီရိလင်္ကာနိုင်ငံ စသည့်နိုင်ငံများ ဝန်းရံနေသဖြင့် မြန်မာနိုင်ငံ၏ ဒီမိုကရေစီ အသွင်ကူးပြောင်းမှု အောင်မြင်ရန် ခက်ခက်ခဲခဲ ကြိုးပမ်းရမည်ဖြစ်ကြောင်း မြန်မာနိုင်ငံ အခြေစိုက်၍ လေ့လာနေသည့် The Educational Initiatives မှ ကျောင်းအုပ်ကြီး Mr. Igor Blazevic က ပြောကြားသည်။

အာဏာရှင်နိုင်ငံများမှ ဒီမိုကရေစီ နိုင်ငံအဖြစ်သို့ အသွင်ကူးပြောင်းသည့် နိုင်ငံများ၏ ဒီမိုကရေစီရေးဆိုင်ရာ အသွင်ကူးပြောင်းမှုများအား လေ့လာနေသည့် The Educational Initiatives အဖွဲ့ အနေဖြင့် မြန်မာနိုင်ငံအတွင်း ဖြစ်ပွားနေသည့် ဒီမိုကရေစီရေးဆိုင်ရာ ပြုပြင်ပြောင်းလဲမှုများအား လေ့လာ၍ မြန်မာနိုင်ငံ၏ ပြုပြင်ပြောင်းလဲမှုများမှာ ဒီမိုကရေစီ လမ်းကြောင်းပေါ်တွင် ရှိနေခြင်း ရှိမနေခြင်းများနှင့် စပ်လျဉ်း၍ ဇွန် ၂၆ ရက်က ရန်ကုန်မြို့၊ မင်္ဂလာတောင်ညွန့်မြို့နယ်ရှိ The Educational Initiatives အဖွဲ့ရုံးခန်းတွင် အရပ်ဘက် အဖွဲ့အစည်းများနှင့် ဆွေးနွေးမှုများ ပြုလုပ်ခဲ့ကြောင်း သိရသည်။

အာဏာရှင်စနစ်မှ ဒီမိုကရေစီစနစ်သို့ အသွင်ကူးပြောင်းသည့် နိုင်ငံများအနေနှင့် ဒီမိုကရေစီစနစ် မအောင်မြင်နိုင်သည့် အချက်အလက်များမှာ ပြည်သူလူထုအား ဖိနှိပ်ရန် အဆင်သင့်ဖြစ်နေသည့် နိုင်ငံ၊ တိုင်းရင်းသားလူမျိုးစုကြား ပြဿနာ များနှင့် ဘာသာရေး ပဋိပက္ခများ ကြီးမားသည့်နိုင်ငံ၊ ပြည်တွင်းစစ် ဖြစ်ပွားနေသည့် နိုင်ငံ၊ ရေနံသဘာဝဓာတ်ငွေ့ သယံဇာတများအား ပေါကြွယ်ဝ၍ အကျိုးအမြတ်များအား အာဏာလက်ဝယ်ရှိသူများ ရယူထားသည့် နိုင်ငံနှင့် ဒီမိုကရေစီစနစ် အသွင်ကူးပြောင်းခြင်းအား မလိုလားသည့် နိုင်ငံများ ဝန်းရံနေခြင်း စသည့်အချက်များ ရှိနေပါက ဒီမိုကရေစီ အသွင်ကူးပြောင်းသည့် နိုင်ငံများသည် အောင်မြင်မှုရရှိမှု မရှိကြောင်း Mr. Igor Blazevic က ပြောကြားခဲ့သည်။

“အိမ်နီးချင်းနိုင်ငံ မကောင်းလို့ ဒီမိုကရေစီစနစ် မအောင်မြင်တာတွေ ရှိတယ်။ ဥပမာ ရုရှားနိုင်ငံ ရှိနေလို့ ဂျော်ဂျီယာ၊ ယူကရိန်း၊ ဘီလာရုဇ် စတဲ့နိုင်ငံတွေရဲ့ အသွင်ကူးပြောင်းမှု မအောင်မမြင် အခက်တွေ့နေသလို ဆော်ဒီအာရေးဗီးယားနိုင်ငံကြောင့် ဘာရိန်း၊ အီရန်၊ ဆီးရီးယား စတဲ့နိုင်ငံတွေရဲ့ အသွင်ကူးပြောင်းမှု မအောင်မမြင် ဖြစ်တယ်။ မြန်မာနိုင်ငံမှာလည်း ဒီမိုကရေစီစနစ် မအောင်မမြင်ဖြစ်ဖို့အတွက် တရုတ်နိုင်ငံတင် မကဘူး။ အမျိုးသားရေးကို ဦးစားပေးတဲ့ပါတီ အာဏာရသွားတဲ့ အိန္ဒိယနိုင်ငံနဲ့ ဒီမိုကရေစီနိုင်ငံ ဆိုပေမယ့် စစ်တပ်က မကြာခဏ အာဏာသိမ်းတဲ့ ထိုင်းနိုင်ငံတို့၊ ဘာသာရေး အစွန်းရောက်မှုကြောင့် ဘာသာရေးပြဿနာတွေ ဖြစ်ပွားတတ်တဲ့ သီရိလင်္ကာနိုင်ငံတို့က ဝန်းရံထားတယ်။ မြန်မာနိုင်ငံရဲ့ အိမ်နီးချင်းနိုင်ငံတွေက ဒီမိုကရေစီလိုလားတဲ့နိုင်ငံ မရှိဖြစ်နေတယ်။ ဒီမိုကရေစီ ပြိုပျက်နိုင်တဲ့ အချက်အလက်တွေ မြန်မာနိုင်ငံမှာ အကုန်ရှိနေတယ်။ မြန်မာနိုင်ငံမှာ ဒီမိုကရေစီ စိန်ခေါ်မှု အရမ်းကြီးနေတယ်။ ခက်ခက်ခဲခဲ ကြိုးစားရမယ်” ဟု Mr. Igor Blazevic က ပြောကြားသည်။

လက်ရှိ အာဏာရရှိထားသူများ အနေနှင့် ၂ဝ၁၅ ခုနှစ် ရွေးကောက်ပွဲတွင် အနိုင်ရရှိ၍ အာဏာဆက်လက် ချုပ်ကိုင်နိုင်ရန် ကြိုးပမ်းမည်ဖြစ်ကြောင်း Mr. Igor Blazevic က သုံးသပ်သည်။ ၂ဝ၁၅ ခုနှစ် ရွေးကောက်ပွဲအတွက် ပဋိပက္ခများ ဖြစ်ပေါ်စေရန် လုပ်ဆောင်နိုင်သည့် အနေအထားများလည်း ရှိနေပြီး အကြမ်းဖက်မှုများ ဖြစ်ပေါ်လာနိုင်သည့် အနေအထားများလည်း ရှိနေကြောင်း Mr. Igor Blazevic က ဆက်လက်ပြောကြားသည်။

၂ဝ၁၅ ခုနှစ် ရွေးကောက်ပွဲတွင် အကြမ်းဖက်မှုများ ပဋိပက္ခများ မဖြစ်ပွားစေရန် အတိုက်အခံများနှင့် အာဏာရပါတီ အစိုးရအကြား လုပ်ဆောင်သင့်သည့် အချက်များအဖြစ် တပ်မတော်သား ၂၅ ရာခိုင်နှုန်းအား လက်ရှိ ၂၅ ရာခိုင်နှုန်းအတိုင်း ၂ဝ၁၅ ခုနှစ်တွင် ပါဝင်ခွင့်ပြုခြင်း၊ ပုဒ်မ ၄၃၆ ပါ ကန့်သတ်ချက်များအား ဖြေလျှော့ပေးခြင်း၊ ၅၉ (စ) အား ဖျက်သိမ်းပေးခြင်း၊ အချိုးကျ ကိုယ်စားပြုစနစ်အစား လက်ရှိကျင့်သုံးသည့် နိုင်သူအကုန်ယူ စနစ်ကိုသာ ကျင့်သုံးသင့်ခြင်း၊ အင်ဒိုနီးရှားနိုင်ငံအား ဒီမိုကရေစီနိုင်ငံအဖြစ် ရပ်တည်စေနိုင်ခဲ့သည့် ဗဟိုချုပ်ကိုင်မှု လျှော့ချခြင်းနှင့် သက်ဆိုင်သည့် ဥပဒေပြဌာန်းခြင်း၊ နိုင်ငံရေး တင်းမာမှု လျော့ကျရန် တိုင်းရင်းသားဘာသာစကား ယဉ်ကျေးမှုများ လွတ်လပ်ခွင့်ပေးခြင်း၊ စစ်တပ်၏ ထိုးစစ်ဆင်မှုများ ရပ်တန့်၍ တိုင်းရင်းသားဒေသများတွင် တိုးချဲ့နေရာယူနေမှုအား ရပ်တန့်ပေးရန် လိုအပ်ခြင်း စသည့်လုပ်ငန်းစဉ်များ လုပ်ဆောင်ပေးရန် လိုအပ်နေပြီး ထိုသို့ လုပ်ဆောင်နိုင်မှသာ ၂ဝ၁၅ ရွေးကောက်ပွဲ တရားမျှတနိုင်ပြီး အကြမ်းဖက်မှုများအား တားဆီးနိုင်မည်ဖြစ်ကြောင်း Mr. Igor Blazevic က ထပ်ဆင့်သုံးသပ်သည်။

ဖြိုးဝေ
Eleven Media Group

ဆက်ဖတ်ရန်>>>>

Water poisoning ရေအဆိပ်သင့်ခြင်း

ရေဆိပ်သင့်ခြင်းလို့ ခေါင်းစဉ်တပ်ပေမဲ့ သောက်တဲ့-သုံးတဲ့ရေထဲမှာ အဆိပ်ပါတာ မဟုတ်ပါ။ ရေသန့်ဗူးထဲကရေတွေ တအားကြီး သောက်ရင်လဲ အဆိပ်သင့်နိုင်တာကို ပြောတာဖြစ်ပါတယ်။ ဆေးစာနဲ့ဆို Water intoxication လို့ ခေါ်တယ်။ သေကောင်း သေနိုင်တယ်။ ဦးနှောက် လုပ်ငန်းတွေ ထိခိုက်စေမယ်။ Electrolytes ဓါတ်ဆား အချိုးအစား မမျှရာကနေ Hyponatremia ခေါ်တဲ့ (ဆိုဒီယမ်) နည်းတာဖြစ်စေတယ်။
အမှတ်တမဲ့တော့ ရေတွေ တအားသောက်တယ် ဆိုတာတော့ ရှားပါတယ်။ Water drinking contests ရေသောက် ပြိုင်ကြရင် ဖြစ်နိုင်တယ်။ ၁၂-၁-၂ဝဝ၇ တုံးက Hold Your Wee for a Wii ရေသောက်ပြီး သေးမပေါက်နဲ့ ဆိုတဲ့ ပြိုင်ပွဲဝင်သူ ၂၈ နှစ်အရွယ်၊ ကလေး ၂ ယောက်အမေ Jennifer Strange ဟာ သေသွားလို့ ပြိုင်ပွဲစီစဉ်တဲ့ The End ရေဒီယိုက ဒေါ်လာ ၁၆့၅ သန်း လျှော်လိုက်ရတယ်။

ဆေးရုံတွေမှာ လူနာကို လိုတာထက် ရေပါတဲ့ Drips တွေ အများကြီး သွင်းရင်လဲ ဒုက္ခပေးမယ်။ ရေကောင်းရေသန့်ကနေ အဆိပ်လို့ ခေါ်တော့မယ်။ တန်ဆေး၊ လွန်ဘေး အစစ်ဖြစ်တယ်။

လူ့ကိုယ်ခန္ဓာမှာ ပါးစပ်နှုတ်ခမ်းကနေ စအိုအထိရှိတဲ့ အစာလမ်းကနေ ရေကို စုပ်ယူနိုင်စွမ်းရှိတယ်။ အစာအိမ်နဲ့ အူတွေကနေ အများဆုံး စုပ်ယူပေးတယ်။ ရေ နဲ့ Sodium (ဆိုဒီယမ်) ဓါတ်ဆားက တွဲနေတယ်။ တသမတ်ထဲ မျှနေရတယ်။ (ဆဲလ်) တခုရဲ့ အပြင်ဝန်းကျင်နဲ့ (ဆဲလ်) အတွင်ကလဲ မျှနေရတယ်။ ရေက များသွားချိန်မှာ (ဆိုဒီယမ်) က နည်းသွားမယ်။ Hyponatremia ခေါ်တယ်။ တနေရာရာမှာ ဓါတ်ဆားအချိုးအဆ ကဲမယ်-နည်းမယ်ဆိုရင် (ဆဲလ်) နံရံကနေ Osmosis (အော့စ်မောဆစ်) အပြန်အလှန် စုပ်ယူ-စုပ်ထုတ်ခြင်း ဖြစ်စဉ်အရ ညီစေအာင် ကြိုးစားလိမ့်မယ်။ (ဆဲလ်) တွေ ဖေါင်းကားလာလိမ့်မယ်။ Intracranial pressure ဦးနှောက်ထဲမှာ ဖိအားတွေ တက်လာလိမ့်မယ်။

Water intoxication ရေအဆိပ်သင့်ခြင်း လက္ခဏာတွေစတော့မယ်။
• Headache ခေါင်းကိုက်မယ်၊
• Personality changes (ပါဇင်နယ်လ်တီ) ပြောင်းမယ်၊
• Changes in behavior အမူအယာပြောင်းမယ်၊
• Confusion စိတ်ရှုတ်ထွေးလာမယ်၊
• Irritability ဂနာမငြိမ်ဖြစ်လာမယ်၊
• Drowsiness အိပ်ချင်လာမယ်။
ဆက်ပြီးတော့
• Difficulty breathing during exertion ကြိုးစားမှုရှိချိန်မှာ အသက်ရှူလို့ခက်လာမယ်၊
• Muscle weakness ကြွက်သားတွေ အားနည်းလာမယ်၊ Twitching အလိုလိုလှုတ်မယ်၊ Cramping နာမယ်၊
• Nausea ပျို့မယ်၊ Vomiting အန်မယ်၊
• Thirst ရေသန်သလိုဖြစ်မယ်၊
• Sensory information နာတာ-ထိတာ-ဖိတာကိုသိမှုတွေ အားယုတ်လာမယ်။
ဆက်ဆိုးလာမယ်ဆိုရင်
• Papillary သူငယ်အိမ်တုံ့ပြန်မှုလျှော့လာမယ်၊
• Vital signs အရေးအကြီးဆုံး လက္ခဏာတွေ ထိခိုက်လာမယ်။ ဥပမာ Bradycardia နှလုံးခုန်နှေးမယ်၊ Widened pulse pressure သွေးဖိအားပြောင်းလာမယ်။
• Cerebral edema ဦးနှောက်ရောင်လာမယ်။ Brain stem ဦးနှောက်အခြေနေရာကိုဖိအားသက်ရောက်လို့ ဆက်ဖြစ်စရာတွေ ဖြစ်လာမယ်။ Central nervous system dysfunction ဗဟိုဦးနှောက်-အာရုံကြောစနစ် ထိခိုက်လာမယ်။
• Seizures တက်မယ်၊ Coma သတိလစ်မယ်၊ Death သေမယ်။

Risk factors ဘယ်လိုလူတွေမှာ ပိုဆိုးသလဲ။
• ကလေး ငယ်လေ ဆိုးလေ။ ၉-၆-၂ဝဝ၂ မှာ ၄ နှစ်သမီးလေး Cassandra Killpack ကို မအေဖြစ်သူက ရေတဂါလံ ကုန်အောင် အသောက်ခိုင်းရာကနေ သေသွားလို့ သူ့အမေ Jennette Killpack ထောင်ကျတယ်။
• Marathon runners မာရသွန်အပြေးသမား အဖြစ်များတယ်။ ရေသောက်များရာကနေ Sodium levels 135 mmol/L ထက်ကျလာချိန်မှာ ရောဂါလက္ခဏာတွေ ဖြစ်လာမယ်။
• Overexertion ခွန်အား အသုံးများတာကနေလဲဖြစ်စေနိုင်တယ်။ မောလွန်းလို့ ရေတွေ တအား သောက်ရင် ဖြစ်မယ်။ ၁၂-၉-၁၉၉၉ မှာ စစ်သင်တန်းဆရာ Michael J. Schindler သေဆုံးရတယ်။
• MDMA (Ecstasy) ဆေးမျိုးသောက်ပြီး လုပ်သင့်တာတဲ့ပိုပြီး ခွန်အားစိုက်ရာကနေလဲဖြစ်မယ်။
• Heat stress သိပ်ပူချိန်မျိုးမှာ နားနေရင်နဲ့ ရေတွေ အသောက်များရင်လဲ ဖြစ်မယ်။
• Psychogenic polydipsia စိတ်ရောဂါရှိသူတွေက ရေပိုသောက်တယ်။
• Oxcarbazepine ဆေးကြောင့်လဲ ဖြစ်နိုင်တယ်။
• Diabetes insipidus ဆီးချိုကြောင့်လဲ ဖြစ်နိုင်တယ်။

Treatment ဘယ်လိုကုသမလဲ
• Mild intoxication တော်တော်တန်တန်က ရောဂါလက္ခဏာမပြသေးပါ။ ဖြစ်လာပြီဆိုရင်
• Diuretics ဆီးသွားစေတဲ့ဆေး ပေးရမယ်။
• Vasopressin receptor antagonists ဆေးကိုလဲ သုံးတယ်။

Dr. တင့်ဆွေ

ဆက်ဖတ်ရန်>>>>

ဂါဇာမှာ အစ္စရေးလေကြောင်းက ထိုးစစ်ဆင်

ရဲဘက်အဆို အစ္စရေးဒုံးကျည်တိုက်ခိုက်ခံရတဲ့ နေရာကို ပါလက်စတိုင်းစစ်သွေးကြွတစ်ဦးက စစ်ဆေးကြည့်ရှုနေစဉ်။ (ဂျွန် ၂၉၊ ၂၀၁၄)

အစ္စရေးတပ်ဖွဲ့တွေက တနင်္ဂနွေနေ့မှာ ဂါဇာကမ်းမြောင်ဒေသကို လေကြောင်းကနေတိုက်ခိုက်ခဲ့တယ်လို့ အစ္စရေး တာဝန်ရှိသူတွေကပြောပါတယ်။ ပါလက်စ္စတိုင်းတွေက အစ္စရေးနယ်မြေအတွင်း နယ်စပ်ကို ကျော်ဖြတ်ပြီး ရော့ကက် ဒုံးကျည်တွေနဲ့ ပစ်ခတ်ခဲ့ပြီးတဲ့နောက် ပြန်လည်ပြုလုပ်တဲ့ အခု တိုက်ခိုက်မှုအတွင်း ဟားမတ်စ် စစ်သွေးကြွ တဦးသေဆုံးပြီး ၂ ဦး ဒဏ်ရာရရှိခဲ့တယ်လို့ ဆိုပါတယ်။

အစ္စရေးပိုင်နယ်မြေအတွင်းကို ရော့ကက်ဒုံးပျံနဲ့တိုက်ခိုက်ဖို့ ပြင်ဆင်နေတဲ့ စစ်သွေးကြွတွေက ချိန်ရွယ် တိုက်ခိုက်ခဲ့တာ ဖြစ်တယ်လို့ အစ္စရေးကြည်းတပ်ဖွဲ့ ပြောခွင့်ရသူက ပြောပါတယ်။

ပါလက်စတိုင်းစစ်သွေးကြွတွေဟာ အစ္စရေးနိုင်ငံတောင်ပိုင်းကို သောကြာနေ့နဲ့ စနေနေ့တွေမှာ ရော့ကက်တွေနဲ့ ပစ်ခတ် တိုက်ခိုက်ခဲ့ပါတယ်။ ရော့ကက်ဒုံးကျည်တခုဟာ Sderot (ဆဒါရော့) မြို့မှာရှိတဲ့ စက်ရုံတခုကို ထိမှန်ခဲ့ပြီး စက်ရုံ မီးလောင်ကြွမ်း သွားခဲ့တယ်လို့ ဆိုပါတယ်။ ဇွန်လဆန်းပိုင်းကစပြီး ဂါဇာ ကမ်းမြောင်ဒေသမှာနေထိုင်တဲ့ ပါလက်စတိုင်း စစ်သွေးကြွတွေဟာ အစ္စရေးနိုင်ငံအတွင်းကို ရော့ကက်ဒုံးကျည် အလုံးပေါင်း ၆၀ ကျော် ပစ်ခတ်ခဲ့တယ်လို့ အစ္စရေးစစ်တပ်ကပြောပါတယ်။

ဇွန်လ ၁၂ ရက်နေ့က ဂါဇာမြစ် အနောက်ဖက်ခြမ်းမှာ အစ္စရေးနိုင်ငံသား ဆယ်ကျော်သက် လူငယ်တချို့ ပျောက်ဆုံး ခဲ့ပြီးနောက် အစ္စရေးနဲ့ ပါလက်စတိုင်းကြားမှာ အခြေနေတွေ တင်းမာလာခဲ့တာပါ။ အဲဒီလူငယ်တွေကို ဟားမတ်စ်အဖွဲ့က ပြန်ပေးဆွဲသွားတာ ဖြစ်တယ်လို့ အစ္စရေးကစွပ်စွဲထားပါတယ်။


ဗွီအိုအေ (မြန်မာဌာန)

ဆက်ဖတ်ရန်>>>>

ထိုင်းစစ်တပ်က လူပွဲစားတွေ စနှိမ်နင်းမည်

ထိုင်းနိုင်ငံ အနောက်ပိုင်း စမွတ်စခုံအရပ်က ရေလုပ်ငန်းမှာ အလုပ်လုပ်နေကြတဲ့ မြန်မာရွှေ့ပြောင်း အလုပ်သမားတွေ

ထိုင်းအစိုးရအနေနဲ့ နိုင်ငံတွင်းမှာ တရားမဝင်ရောက်နေထိုင်လုပ်ကိုင်နေကြတဲ့ အိမ်နီးချင်း နိုင်ငံတွေက အလုပ်သမားတွေအပေါ် ပြင်းထန်တဲ့ အရေးယူမှုတွေ လုပ်မှာမဟုတ်ဘဲ နောက်ကွယ်ကနေ လူကုန်ကူးနေတဲ့ပွဲစားတွေကို အဓိက အရေးယူနှိမ်နင်းသွားမှာဖြစ်ကြောင်း ထိုင်းစစ်တပ်အကြီးအကဲက မနေ့က နိုင်ငံတော်မိန့်ခွန်းထဲမှာ ထည့်သွင်းပြောကြားလိုက်ပါတယ်။ ဒါကြောင့် လူကုန်ကူးမှု အများဆုံးဖြစ်နေတဲ့ နေရာတွေ ဖြစ်တဲ့ ငါးဖမ်းလှေတွေမှာ ရောင်းစားခံနေရသူတွေကို အရင်ဆုံး ကယ်ဆယ်ရေးလုပ်ငန်းတွေ လုပ်သင့်တယ်လို့ လူကုန်ကူးမှု တိုက်ဖျက်ရေးဆောင်ရွက်နေသူတွေက ပြောပါတယ်။ အပြည့်အစုံကိုတော့ ဆက်သွယ်စုံစမ်းထားတဲ့ ထိုင်းအခြေစိုက် ဗွီအိုအေသတင်းထောက် မအေးအေးမာက သတင်းပေးပို့ထားပါတယ်။

အမေရိကန်နိုင်ငံခြားရေးဝန်ကြီးဌာနက နှစ်စဉ်ထုတ်ပြန်ခဲ့တဲ့ နိုင်ငံတကာ လူကုန်ကူးမှု တိုက်ဖျက်ရေးအစီရင်ခံစာထဲမှာ မြန်မာနိုင်ငံကို Tier-2 စောင့်ကြည့်စာရင်းမှာထည့်ထားပေမယ့် မြန်မာနိုင်ငံသား ရွှေ့ပြောင်း အလုပ်သမားတွေနဲ့ ဆက်စပ်နေတဲ့ ထိုင်းနဲ့ မလေးရှားနိုင်ငံတွေကတော့ Tier-3 အဆိုးဆုံးအဆင့်ကို သတ်မှတ်ခံထားရပါတယ်။ ဒါကြောင့် ထိုင်းနိုင်ငံရဲ့ အာဏာသိမ်းစစ်အစိုးရဟာ ထိုင်းနိုင်ငံအတွင်းမှာ နိုင်ငံတကာအစိုးရတွေနဲ့ ဌာနဆိုင်ရာတွေနဲ့တွေ့ဆုံပြီး လူကုန်ကူးမှု ပပျောက်အောင် ဆောင်ရွက်သွားမယ့်အကြောင်း ပြောခဲ့တာပါ။ လူကုန်ကူးမှုနှိမ်နင်းရေကို ဆောင်ရွက်သွားမှာဖြစ်တဲ့အကြောင်း ထိုင်းအစိုးရစစ်ခေါင်းဆောင်က နိုင်ငံတော်ကိုပြောတဲ့ မိန့်ခွန်းမှာ အခုလို ပြောသွားခဲ့ပါတယ်။

ထိုင်းစစ်အစိုးရခေါင်းဆောင်က နိုင်ငံတော်ကိုပြောကြားတဲ့အထဲမှာ ရွှေ့ပြောင်းအလုပ်သမားတွေနဲ့ လုပ်ငန်းရှင်တွေကြား လူကုန်ကူးမှုမရှိအောင်၊ မာဖီးယားဂိုဏ်းလို ရာဇဝတ်ဂိုဏ်းတွေနဲပ သူတို့နဲ့ဆက်စပ်နေတဲ့ ပွဲစားတွေ ပါဝင်ပတ်သက်မှုမရှိအောင် နှိမ်နင်းသွားမှာဖြစ်ကြောင်း ပြောဆိုခဲ့တာပါ။

ဇွန်လ ၂၅ ရက်နေ့ကပဲ နိုင်ငံခြားသား အလုပ်သမားတွေနဲ့ လူကုန်ကူးမှု ပြဿနာ ဖြေရှင်းရေး ယာယီစီမံချက်အဖြစ် အမိန့်အမှတ် ၇၀/၂၅၅၇ ကို လည်း ထုတ်ပြန်ခဲ့ပါတယ်။ ဒီအထဲမှာလည်း လူကုန်ကူးမှု၊ လုပ်အား ခေါင်းပုံဖြတ်မှုတွေ၊ အလုပ်သမားတွေကို အနိုင်ကျင့်စော်ကားမှု မရှိစေရေးတွေ ပါဝင်ပါတယ်။

ထိုင်းလူကုန်ကူးမှုတိုက်ဖျက်ရေး ရဲတွေနဲ့ လူကုန်ကူးသူတွေကို ကယ်ဆယ်နေတဲ့ ထိုင်းနိုင်ငံရောက် မြန်မာနိုင်ငံသားများအဖွဲ့က ဒါရိုက်တာ ဦးကျော်သောင်း ကတော့ ထိုင်းနိုင်ငံအတွင်းမှာ လူကုန်ကူးမှုတွေ တိုက်ဖျက်တဲ့အခါမှာ ရေထွက်လုပ်ငန်းလုပ်တဲ့နေရာတွေက ငါးဖမ်းလုပ်ငန်းတွေမှာ ရောင်းစားခံရသူတွေကို အရင် ကယ်ဆယ်သင့်တယ်လို့ ဆိုပါတယ်။

“လုံးဝ ထိန်းချုပ်မှုကင်းစင်တဲ့ ပျော်ရင်လုပ်၊ မပျော်ရင်ပြန်ဆိုတဲ့ လွတ်လွတ်လပ်လပ် ဆုံးဖြတ်ခွင့်ပေးပြီးတော့မှ သန့်စင်ပစ်လိုက်ရမယ်။ နောက်ပြီးတော့ အဲဒီငါးလုပ်ငန်းမှာ နာရီပေါင်း ကြာကြာခိုင်းစေဖို့အတွက် အခကြေးငွေ များစွာပေးနိုင်တဲ့ စနစ်မျိုးကို လုပ်ရမယ်။ ဂျပန်တို့၊ ကိုရီးယားတို့ကို မြန်မာအလုပ်သမားတွေသွားချင်တယ်၊ ဘာကြောင့်လဲ။ ပင်ပန်းသလောက်ကို အကျိုးရှိတယ်၊ ပိုက်ဆံရတယ်။ ထိုင်းနိုင်ငံက ငါးဖမ်းလုပ်ငန်းမှာ အလုပ်သမားရှားပါးနေတာက လုပ်ရသလောက်ကို ပိုက်ဆံမပေးချင်ဘဲ အလကားခိုင်းချင်တာကြောင့် ဖြစ်တယ်။ အဲဒီလို မတရားခိုင်းစေတဲ့နေရာကို အရင်သန့်စင်ဖို့ လိုတယ်။ နောက်ပြီး နယ်ခြားဒေသတွေမှာ မယ်ဆိုင်၊ ကော့သောင်း၊ ရနောင်း အဲဒီ နယ်ခြားတွေမှာ မြန်မာအလုပ်သမားတွေလာပြီးတော့ လွယ်လင့်တကူ နယ်စပ်မှာ One Stop Service ထားပေး။ ထိုင်းနိုင်ငံအတွင်းမှာ တရားဝင် အလုပ်လုပ်ကိုင်ခွင့် ရှိဖို့လိုတယ်။ အဲလိုမှ မဟုတ်လို့ရှိရင် ဗမာပြည်ကထွက်လာတဲ့သူတွေ အလုပ်ရုံကိုလာဖို့အတွက် ဘယ်လုပ်ငန်းရှင်ကမှ သွားမခေါ်ဘူး။ အလုပ်လုပ်ချင်တဲ့ အလုပ်သမားကလည်း ဘယ်အလုပ်ရှင်ကိုမှ ဆက်သွယ်လို့မရဘူး။ အဲဒီလို မလုပ်ရင် မာဖီးယားဂိုဏ်းတို့၊ ပွဲစားဂိုဏ်းတို့ဆိုတာ ရှိနေအုံးမှာပဲ။ ဒါကြောင့်မို့လို့ တကယ်လုပ်ဖို့တော့ လိုလိမ့်မယ်။”

ထိုင်းစစ်တပ်က တာဝန်ရှိသူတွေနဲ့ ထိုင်းနိုင်ငံရောက် မြန်မာနိုင်ငံသားများ အဖွဲ့တို့ဟာ မကြာသေးခင်ကပဲ တွေ့ဆုံခဲ့ပြီး လူကုန်ကူးမှုဂိုဏ်းတွေကို ဖမ်းဆီးနိုင်ရေး အချက်အလက်တွေပေးနိုင်ခဲ့ကြောင်းနဲ့ ပူးပေါင်းဆောင်ရွက်ရေး အတွက်လည်း ဆွေးနွေးခဲ့ကြတယ်လို့ ဆိုပါတယ်။ ထိုင်းနိုင်ငံဟာ လူကုန်ကူးမှုနဲ့ပတ်သက်လို့ အဆိုးဆုံးအဆင့်ကနေ ကျော်လွှားဖို့ ကြိုးစားနေပေမယ့် အိမ်နီးချင်းနိုင်ငံတွေက အလုပ်ရှာဖွေသူတွေ များနေတာကြောင့် လူကုန်ကူးမှုတွေ ဖြစ်နေရကြောင်း ပြောဆိုနေကြတာပါ။ စစ်အစိုးရတက်လာပြီးတဲ့နောက် မြန်မာပြည်ကနေ ထိုင်းနိုင်ငံကို သွားရောက်ပြီး တရားမဝင် အလုပ်လုပ်နေကြသူတွေကို တရားဝင်အလုပ်လုပ်နိုင်အောင်၊ တရားဝင်နေထိုင်ခွင့်ရအောင်၊ ကျန်းမာရေးစောင့်ရှောက်မှုရအောင် အလုပ်လုပ်ခွင့်လက်မှတ်တွေကို စနစ်တကျဖြစ်အောင် စီစဉ်ပေးမယ်လို့ ပြောခဲ့ပါတယ်။

အဲဒီလို တရားဝင်အထောက်အထားတွေ ရရှိဖို့ ဇွန်လ ၃၀ ရက်နေ့ကစပြီး မဟာချိုင်ဒေသမှာ One Stop Service (နေ့ချင်းပြီးအစီအစဉ်) ဖွင့်ပြီး အလုပ်သမားလက်မှတ်တွေ စတင်ထုတ်ပေးတော့မှာဖြစ်တယ်လို့ ကြေညာထားပါတယ်။

‪‎VOA‬ Burmese Fan Page

ဆက်ဖတ်ရန်>>>>

JORDAN နိုင်ငံတွင်အလုပ်လုပ်ကိုင်နေသောမြန်မာအမျိုးသမီး တစ်ဦးအဓမ္မပြုကျင့်ခံရပြီး မြန်မာနိုင်ငံသို့ ပြန်ပို့ ခံရ

မြန်မာနိုင်ငံမှာ အလုပ်အကိုင်တွေ ရှားပါးတော့ မြန်မာ အမျိုးကောင်းသမီးလေးတွေအများစုဟာ ပြည်ပ နိုင်ငံတွေမှာ အလုပ်အ ကိုင်တွေ ထွက်၍ လုပ်ကိုင်နေကြရပါတယ်
 ။ ဒီလို ပြည်ပ ထွက်ပြီ အလုပ်လုပ်နေကြတဲ့မြန်မာ့ အမျိုးသမီး တချို့ဟာ ရင်နာစရာအဖြစ်တွေနဲ့ ကြုံကြိုက်ခဲ့တာတွေကိုလဲ အားလုံးသိပါတယ်။

အခု ဖြစ်ရပ်ကလဲ ပြည်ပနိုင်ငံမှာ အလုပ်သွားလုပ်တဲ့ မြန်မာ အမျိုးသမီးတစ်ဦးရဲ့ ရင်နာစရာဖြစ်ရပ်ပါ ဒီသတင်းကို အများသိဖို့ လိုအပ်လို့ ဒီနေရာ ထပ်ပြီတောင်းဆိုပါရစေ ..အများသိအောင် SHARE ပေးကြပါ။
ဂျော်ဒန်နိုင်ငံဆိုတာ မွတ်စလင်နိုင်ငံဖြစ်ပါတယ်။

အခု ဖြစ်ရပ်က ၁၈ ...၆ နေ့က ဖြစ်တာပါ ။ဖြစ်ပုံက အဲ့နေမှာ အရေးတကြီး ပိုက်ဆံလိုအပ်မှုကြောင့် အလုပ်မှ အဆောင်ကို အဌားကားစီးပြီပြန်သွားပါတယ်။ အဲ့လို အဌားကားစီးပြီ ပြန်အသွားမှာ အဌားကား သမားက ရောက်အောင်လိုက်မပို့ပဲ နောက်ထပ် လူတစ်ယောက်ဆီကို လွဲခဲ့တယ်လို သိပါတယ်။
မလည်မ၀ယ် ရိုးအ တဲ့ မြန်မာအမျိုးသမီးကို jordan နိုင်ငံသား အလွဲခံခဲ့ရတဲ့ လူယုတ်မာမှ ဆိုင်ကယ်ဖြင့် တက်ဆောင်သွားပြီ အဓမ္မအကြိမ်ကြိမ် ပြုကျင့်ခဲ့ပါတယ်။

ပြုကျင့်ပြီ လူယုတ်မာက မြန်မာအမျိုးသမီးကို ထားပစ်ခဲ့ပြီထွက်သွားပါတယ်။မြန်မာအမျိုးသမီးဟာ စုတ်ပြတ်ပေရေပြီ အလုပ်ရှိရာ အားယူလာခဲ့ပါတယ်။

အဲ့ဒီ အလုပ်မှာ ရှိတဲ့ မြန်မာတွေ ချက်ချင်း မသိကြပါဘူးနောက် တစ်ယောက်စ ပြောရင် အကုန်သိကုန်ပါတယ်။ဘယ်လို လုပ်ကြမယ်ဆိုတာကို မြန်မာ အများစုက မသိပါဘူး အဲ့ဒီ နိုင်ငံမှာ မြန်မာတွေ အတွက်ကာကွယ်ပေးမယ့် ဘာအဖွဲ့ အစည်းမှ မရှိပါဘူး။

မြန်မာ အလုပ်သမားတွေအုပ်ချုပ်တဲ့သူက မြန်မာနိုင်ငံသူရှမ်းတရုတ်မ တစ်ယောက်ဖြစ်ပါတယ်။
မြန်မာနိုင်ငံ တောမြို့တွေက အလုပ်သမားတွေကို ခေါ်ယူပေးပြီ စီးပွားရှာနေတဲ့ သူပါ။

အဓမ္မအပြုကျင့်ခံရတော့ မြန်မာအလုပ်သမားအရေးကိုဆောင်ရွှက်ပေးနေတဲ့ စေတနာရှင်ဂျော်ဒန်နိုင်ငံသူ ရှေ့နေမ တစ်ယောက်မှ အမှုဖွင့်ဖို့ပြောပါတယ်။ အဲ့ဒါကို ဘာအကြောင်းမှ မပြန်သေးပဲ မြန်မာတွေအုပ်ချုပ်တဲ့ ရှမ်းတရုတ်မ နဲ့ အဓမ္မပြုကျင့်ခံရတဲ့ အမျိုးသမီး နှစ်ယောက်ထဲတွေ့ဆုံစကားပြောပါတယ် ။

 ပြောပြီတော့ဂျော်ဒန်နိုင်ငံသူရှေ့နေကို အကြောင်းပြန်ပါတယ် ဘာအမှုမှ မဖွင့်တော့ဘူးဆိုပြီ ပြောလိုက်ကြပါတယ် ..နိုင်ငံသူရှေ့နေမက အရမ်းစိတ်ဆိုးပြီ နင့်တို့ မြန်မာတွေ လူလိမ်တွေ နောက်ကို နင့်တို့ကို ဘာမှကူညီမပေးဘူးဆိုပြောသွားတယ်လို့ ပြောပါတယ်။

နောက်မှ သိရတာက ရှမ်းတရုတ်မက အပြုကျင့်ခံရတဲ့အမျိုးသမီးကို ...နင့် ဒီမှာဆက်လုပ်ချင်ရင် ငါ့စကား နားထောင် နားမထောင်ရင် နင့်ကို ပြန်ပို့မယ်ဆိုပြီ ခြိမ်းခြောက်ခဲ့တယ်လို့ သိရပါတယ်။


အဲ့လို သိရတော့ မြန်မာ တွေက မခံနိုင်တော့ပဲ ဆန္ဒပြပြီအရေးဆိုဖို့ လုပ်ကြပါတယ်။ အဲ့ဒါကို သိသွားတဲ့ ရှမ်းတရုတ်မက အပြုကျင့်ခံရတဲ့ အမျိုးသမီးဆီထပ်သွားပြီဘာတွေပြောလိုက်တယ်မသိဘူး အပြုကျင့်ခံရတဲ့ အမျိုးသမီးဟာ ချက်ချင်းပြန်မယ်ဆိုပြီဖြစ်သွားပါတယ်။

ဘာတွေ ခြိမ်းခြောက်ပြောဆိုလိုက်တယ်ဆိုတာကို အားလုံး ၀ိုင်မေးသော်လည် အမျိုးသမီးက လုံးဝ မပြောပြပါဘူး။

အဲ့ဒါကြောင့် ယခုလ (၁၈) ရက်နေ့မှာ ဖြစ်ပြီ ၁၉ ရက်နေ့ည ၉ နာရီမှာ အမျိုးသမီးကို ချက်ချင်းပြန်ပို့လိုက်ပါတယ်။

ဘာအရေးယူမှုမှ မလုပ်ပေး ဘာကာကွယ်မှုမှမရပဲ မြန်မာပြည်ကို ပြန်သွားရပါတယ်။
အရမ်းရင်နာစရာကောင်းပါတယ်။

အလာတူ ဖြစ်ရပ်မျိုးကို မကြာသေခင်ကလဲ ဖြစ်ခဲ့ပါတယ်ဘာအရေးယူမှုမှ မလုပ် ပဲ ပြန်ပို့ခဲ့ပါတယ်။
အဲ့ဒီလို ဘာအရေးယူမှုမှ မလုပ်ပေးတဲ့ အတွက် လူယုတ်မာတွေဟာ မြန်မာအမျိုးသမီးတွေကို ရဲရဲတင်းတင်း စော်ကားမှုတွေပြု လာနိုင်ပါတယ်။


ဖြစ်တဲ့ စက်ရုံရဲ့ လိပ်စာနဲ့ အတူ မြန်မာတွေပေါ့ ရက်စက်တဲ့ ရှမ်းတရုတ်မပုံရော အပြုကျင့်ခံရတဲ့ အမျိုးသမီးပုံပါ တင်ပေးလိုက်ပါတယ်...။

ဒီအကြောင်းကို သက်ဆိုင်ရာကိုရော မြန်မာနိုင်ငံသားတွေကိုပါ သိစေချင်ပါတယ်
ဒါကြောင့် ရှယ်ပေးကြပါ ခင်ဗျ။။

မိုးသက်အောင် မေးဖြင့် ပို့  ပေးပါသည်။


CENTURY MIRACLE LTD
JORDAN. P.O HOX 5
RAMTHA 21468
AL-HASSAN INDUSTRIAL
ESTATE
RANTHA - JORDAN.. .......

စိုးပြည့်မှူး

 ရွှေမြန်မာမီဒီယာ

ဆက်ဖတ်ရန်>>>>

အလွန်အမင်း ရုပ်ချောတာကြောင့် အနိုင်ကျင့်ခံရတဲ့ ရုရှားကျောင်းသူ

ရုပ်ရည် ချောမောလှပလွန်းသူတိုင်း လူချစ်လူခင် ပေါလိမ့်မယ်လို့ မထင်လိုက်ပါနဲ့။ အဲဒီ ရုပ်ရည်ကြောင့်ပဲ မုဒိတာ မပွားနိုင်ဘဲ မနာလိုသူတွေ ရှိနိုင်ပါတယ်။ အခုဖြစ်ပျက်ခဲ့တဲ့ အကြောင်းအရာကတော့ ရုရှားနိုင်ငံမှာ ရုပ်ချောလွန်းသူ ဆယ်ကျော်သက် အရွယ် မိန်းကလေး တစ်ဦးကို သူမရဲ့ အတန်းဖော်တွေက ရိုက်နှက်ပြီး ရွှံရည်သောက်ခိုင်းခဲ့ပါတယ်။

ရုရှား အနောက်ပိုင်း Ural တောင်တန်းတွေမှာ ရှိတဲ့ Korkino က စာသင်ကျောင်းမှာ တက်ရောက်နေသူ Viada Kholod အမည်ရ အသက် ၁၃ နှစ်ရှိ ကျောင်းသူတစ်ဦးကို ကျောင်းတူ  အမျိုးသမီး ၄ ဦး အဖွဲ့က တိုက်ခိုက်နှိပ်စက်ထားသမျှကို ရုပ်သံရိုက်ကူးထားပါတယ်။

ရုပ်သံထဲမှာတော့ သူမကို ရိုက်နှက်ပြီး ရွှံဗွက်တွေနဲ့ ညစ်ပတ်နေတဲ့ လမ်းပေါ်မှာ လဲခိုင်ပြီးနောက် အဲဒီ ညီနံ့ဟောင်နေတဲ့  ရေဆိုးတွေကို သောက်ခိုင်းတာကို တွေ့ရပါလိမ့်မယ်။

အဲဒီ အဖြစ်အပျက်ကို ရိုက်ကူးခဲ့သူတွေက ကျောင်းသားနှစ်ဦး ဖြစ်ပြီး အဆိုပါ ရုပ်သံကို ရုရှား လူမှုကွန်ယက်တစ်ခု ဖြစ်တဲ့  VKontakte မှာ တင်ထားခဲ့ပါတယ်။ အဆိုပါ ရုပ်သံကို သူမတို့ကျောင်းက ဆရာတွေ မြင်ပြီးနောက်မှာတော့ သူမကို အုပ်စုဖွဲ့ နှိပ်စက် ခဲ့သူတွေကို အပြစ်မပေးခဲ့ပေမယ့် သူမထံ တောင်းပန်ဖို့ ဖိအားတော့ ပေးခဲ့တယ်လို့ သိရပါတယ်။

အဲဒီလို နှိပ်စက်ခဲ့တဲ့ သူတွေကတော့ Viada ရဲ့ အတန်းဖော်တွေ ဖြစ်ကြတဲ့ Olga Guseva ( ၁၆ နှစ်) ၊Lyubov Goloborodko (၁၄ နှစ်)၊ Sasha Rattsova (၁၅ နှစ်) နဲ့ Ekatirina Streltsova (၁၅နှစ်) တို့ ဖြစ်ကြပါတယ်။ သူမတို့ ပြောဆိုချက်အရ Viada ဟာ သူမတို့ ထဲက တစ်ယောက်သော သူရဲ့ မိဘတွေနဲ့ ပတ်သက်ပြီး ဝေဖန်ပြောဆိုတာကြောင့် ဘယ်သူမှ အခြား တစ်စုံတစ်ဦးရဲ့ မိဘနဲ့ ပတ်သက်ပြီး ဝေဖန် ပြောဆိုပိုင်ခွင့် မရှိကြောင်းကို နမူနာ ပညာပေး ဆုံးမရခြင်း ဖြစ်တယ်လို့ သိရပါတယ်။

ဒါပေမယ့် Viada ကတော့ အဲဒါ မှန်ကန်ခြင်း မရှိဘဲ VKontakete ဟာ သူမရဲ့ ဆွေမျိုးတစ်ယောက်နဲ့ ပတ်သက်ပြီး လိပ်ပြာမလုံတာကြောင့် ဖြစ်တယ်လို့ ပြန်လည် ချေပထားပါတယ်။ ဒါ့အပြင် Olga ဟာ သူမရဲ့ ရုပ်ရည်နဲ့ ပတ်သက်ပြီး အလွန် မနာလို ဖြစ်ခဲ့တယ်လို့ ပြောပါတယ်။ အကြောင်းကတော့ Olga ရဲ့ ချစ်သူဟာ သူမကို ငေးမော ကြည့်ရှုလေ့ ရှိတဲ့ အတွက်လို့ ပြောပါတယ်။

အနိုင်ကျင့်ခဲ့တဲ့ ကျောင်းသူများထဲက တစ်ဦးဖြစ်သူ Olga 

Viada ကို တိုက်ခိုက်ခဲ့သူတွေရဲ့ တောင်းပန်ပြီး နောက်မှာတော့ Viada  ဟာ တစ်ကျောင်းလုံးရှေ့မှာ သူမကို အနိုင်ကျင် နှိပ်စက်မှုတွေကို ပါးစပ်ကနေ ထုတ်ဖော် ပြောဆိုခဲ့တယ်လို့ သိရပါတယ်။ သူမရဲ့ သူငယ်ချင်းတစ်ယောက်ကတော့ သူမက အရမ်း သတ္တိရှိတယ်။ သူမကို အနိုင်ကျင့် နှိပ်စက်သူတွေကို ရင်ဆိုင်ရဲသူ ဖြစ်တယ်လို့ ပြောပါတယ်။

World Myanmar News
ref: dailymail.co.uk

ဆက်ဖတ်ရန်>>>>

အစွန်းရောက် သူပုန်အုပ်စု ISIS က လိင်ကိစ္စအတွက် သမီးဆက်သရန် ပြည်သူများထံ တောင်းဆို

အီရတ်နှင့် ဆီးရီးယားတို့တွင် လတ်တလော အပြင်းအထန် သူပုန်ထနေသော စွန်နီဘာသာရေး အစွန်းရောက်အုပ်စု ISIS က မိသားစုများအား သမီးဆက်သရန် တောင်းဆိုကြောင်း The Daily Mirror မှ ဖော်ပြသည်။ ၎င်းတို့ဆင်နွှဲနေသော ဘာသာရေး စစ်ပွဲတွင် အမျိုးသမီးများလည်း မဖြစ်မနေ ပါဝင်ရ မည်ဖြစ်ပြီး စစ်သွေးကြွတို့နှင့် လိင်ဆက် ဆံခြင်းဖြင့် ၀ိညာဉ်အား သန့်စင်ကြရန် တောင်းဆို ထားသည်။

အစွန်းရောက်တို့ သိမ်းပိုက်ထားသည့် မိုစူးလ်နှင့် တိကရစ်မြို့များတွင် တွေ့ရသော လက်ကမ်းစာစောင်များ၌ ဘုရာသခင်၏အလိုတော်ကို ချိုးဖောက်သူများ ရိုတ်နှက်နှိပ်စက်ခြင်း၊ သတ်ပစ်ခြင်း ခံရမည်ဖြစ်ကြောင်းလည်း ရေးသားထားသည်။

ဆော်ဒီနိုင်ငံမှ ဘာသာရေးခေါင်းဆောင်တဦး ပေးထားသော အစ္စလာမ်ဘာသာရေးဆိုင်ရာ စည်းမျည်းစီရင်ထုံး(fatwa) တခုအရ ISIS စစ်သွေးကြွများအား ဆီးရီးယားအမျိုးသမီးများအပေါ် အဓမပြုကျင့်ခွင့်ပေးထားသည်။

“ဒါဟာ အစ္စလာမ်ဘာသာရဲ့အဆုံးအမတွေအားလုံးနဲ့ ဆန့်ကျင်ဖီလာဖြစ်ပါတယ်၊ သူတို့(စစ်သွေးကြွများ)က မိန်းမတွေအပေါ် ဒီလိုမဒိန်းပြုကျင့်တာကို လိင်ဂျီဟတ်တမျိုးလို့ ထင်နေတယ်၊ မဟုတ်ပါဘူး။ ဒါဟာ စစ်ရာဇ၀တ်မှုပါ” လို့ ဘဂ္ဂဒက်တက္ကသိုလ်မှ လက်ချာဆရာ နာဆာကတ်တောက ပြောသည်။

Ref ; TNP
News Watch(စောင့်ကြည့်သတင်းဂျာနယ်)

ဆက်ဖတ်ရန်>>>>

နိုင်ဂျီးရီးယား နာမည်ကြီး ပေါ့အဆိုတော်မှ သူမ၏ အပျိုစင်ဘဝ နှင့် ဘိုကိုဟာရာမ်များ ပြန်ပေးဆွဲထားသော မိန်းကလေးများ အလဲအလှယ်လုပ်ရန် ကမ်းလှမ်း

ဇွန်လ ၂၃ ရက် ၂၀၁၄ ခုနှစ်

ထင်ရှားလှသော နိုင်ဂျီးရီးယား ပေါ့အဆိုတော် နှင့် အီမိုပြည်နယ် ငြိမ်းချမ်းရေးသံအမတ် အေဒိုကီယီ မှ အံ့သြဖွယ် ကမ်းလှမ်းမှုတစ်ခုကို ပြုလုပ်လိုက်သည်။

အသက် ၂၃ နှစ် အရွယ် အေဒိုကီယီသည် သူမ၏ လွတ်လပ်သော ဝတ်စားဆင်ယင်ပုံများကြောင့် "ဟော့" သည်ဟု နာမည်ကြီးလှသော်လည်း သူမသည် အပျိုစင်သာ ရှိသေးသည်ဟု ဖွင့်ဟထားသူဖြစ်သည်။ သူမ၏ အပျိုစင်ဘဝကို လိုချင်သော မည်သူမဆိုသည် သူမ၏ မိခင်အား ဂျက်လေယာဉ်တစ်စီး ဝယ်ပေးလျှင် ရယူနိုင်သည်ဟု ကြေငြာထားသည်။ အေဒိုကီယီမှ သူမ၏ မိခင်အား ဂျက်လေယာဉ်တစ်စီး ဝယ်ပေးရန် ကတိပေးထားဖူးသည်။

ယခုအခါ အေဒိုကီယီမှ သူမ၏ အပျိုစင်ဘဝနှင့် ပတ်သက်၍ အံ့သြဖွယ်ရာ ကမ်းလှမ်းမှုတစ်ခုကို ဘိုကိုဟာရာမ် အစ္စလမ္မစ် စစ်သွေးကြွများထံ ပြုလုပ်လိုက်သည်။

အများသူငှာ လိုချင်တပ်မက်နေကြသော သူမ၏ အပျိုစင်ဘဝအား ဘိုကိုဟာရာမ်အဖွဲ့သားများက ခြွေနင်းရယူနိုင်သည်။ သို့သော် အလဲအလှယ်အနေဖြင့် ဘိုကိုဟာရာမ်တို့မှ ၎င်းတို့ပြန်ပေးဆွဲထားသော ချီဘော့မြို့မှ မိန်းကလေးများကို ပြန်လွှတ်ပေးရမည် ဟူ၍ ဖြစ်သည်။

"ည ၁၁ နာရီလောက်ပေါ့။ အဲ့အချိန်က ကျမ စဉ်းစားမိတယ်။ ဒီကလေးမလေးတွေ ဘယ်ရောက်နေလဲ၊ သူတို့တွေ ဘယ်လိုဖြစ်နေပြီလဲ။ မတရားတဲ့ ကိစ္စကြီးပါရှင်။ ကလေးမလေးတွေက ငယ်ငယ်လေးပဲ ရှိသေးတယ်။ ကျမ ကိုယ့်ကိုယ်ကို ရင်းပြီး သူတို့လေးတွေကို ကယ်ချင်မိတယ်" ဟု အေဒိုကီယီမှ ဖွင့်ဟခဲ့သည်။

သူမအနေဖြင့် ဤသို့ကမ်းလှမ်းလျှင် အကြမ်းဖက်သမားများ၏ လိင်ကျွန်ဘဝ ရောက်သွားနိုင်သည်ဟု သတိပေးသောအခါ ဤသို့ တုံ့ပြန်ခဲ့သည်။

"သခင်ယေရှု ကျေးဇူးတော်ကို ပြန်ဆပ်ခွင့် ကြုံတယ်လို့ သဘောထားပါတယ်။ သူတို့လေးတွေက ၁၂ နှစ်ကနေ ၁၅ နှစ်ပဲ ရှိသေးပါတယ်။ ကျမကတော့ သူတို့နှင့်စာရင် အသက်ကြီးနေပါပြီ။ ကျမကို ညစဉ်ညတိုင်း လူ ၁၀ ယောက်က စော်ကားတယ် ဆိုဦးတော့ ကျမ ထည့်မတွက်ပါဘူး။ သူတို့လေးတွေကို လွှတ်ပေးပြီး သူတို့လေးတွေ သူတို့မိဘတွေနှင့် တွေ့ခွင့်ရတယ်ဆို ကျမကျေနပ်ပါတယ်။"

http://www.osundefender.org/?p=173294

မျိုးမင်းသန့်

ဆက်ဖတ်ရန်>>>>

အင်္ဂါဂြိုလ်ပေါ် ၁၇ နှစ်ကြာနေခဲ့သူ ပြောတဲ့ ကမ္ဘာမြေကာကွယ်ရေး ကိစ္စ

ကနေ့ The Mirror မှာ တကယ့်ကို ခပ်ကြောင်ကြောင်သတင်းတပုဒ် တွေ့တယ်။ ဘာပဲပြောပြော စိတ်ဝင် စားစရာမို့ ကြိုးစားပြီး ဘာသာပြန်လိုက်ပါတယ်။ ပြီးခဲ့တဲ့ ဇန်နဝါရီလတုန်းက အင်္ဂါဂြိုလ်ပေါ် လူသားများ နယ်ချဲ့မည် လို့ ဧရာဝတီက သတင်းတပုဒ်တင်ခဲ့ဖူးပါတယ်။
အခု သတင်းကလည်း အင်္ဂါဂြိုလ် ကိစ္စဖြစ်ပေမယ့် ထူးခြားနေပါတယ်။

ကမ္ဘာ့လူသားတွေ သွားနယ်ချဲ့ကြမယ့် အင်္ဂါဂြိုလ်၊ ဓာတ်ပုံ- ၀ီကီပီဒီးယား

သတင်းက   ….

အငြိမ်းစား အမေရိကန် ရေတပ် ကပ္ပတိန် ကေးက သူဟာ နိုင်ငံပေါင်းစုံပါဝင်တဲ့ ကမ္ဘာမြေကာကွယ်ရေးရဲ့ လျှို့ဝှက် အာကာသ ယာဉ်တခုမှာ တာဝန်ထမ်းဆောင်ခဲ့တယ်လို့ ထုတ်ပြောလိုက်ပြီး သူ့ဘဝမှာ ဂြိုလ်နီကြီး လို့ ခေါ် တဲ့ အင်္ဂါဂြိုလ်ပေါ်မှာ ၁၇ နှစ်ကြာခဲ့တယ်လို့လည်းဆိုပါတယ်။

အငြိမ်းစား ရေတပ် ကပ္ပတိန် ကေး ( အမည်လွှဲ)က သူ့ကို လူသားတွေ နယ်ချဲ့ ထားတဲ့ ကိုလိုနီ နေရာ ၅ ခု ကို ကာကွယ် ဖို့ အတွက် အင်္ဂါဂြိုလ်ပေါ်မှာ တာဝန်ပေးအပ်ခံရတယ်လို့ ဆိုပါတယ်။

သူပြောတာက အမေရိကန်၊ ရုရှားနဲ့ တရုတ်အပါအဝင် နိုင်ငံပေါင်းစုံက စစ်သားတွေနဲ့ ဖွဲ့စည်းထားတဲ့ ကမ္ဘာမြေ ကာ ကွယ် ရေး Earth Defense Force –EDF အဖွဲ့အစည်းတခုမှာ ၃ နှစ်နီးပါး လျှို့ဝှက် ယာဉ်တစီးမှာ တာဝန်ထမ်းဆောင်ခဲ့တာလို့ ဆိုပါတယ်။

အစမ်းလေ့ကျင့်တဲ့ကိစ္စမှာ ကပ္ပတိန်ကေးကို အာကာသ တိုက်လေယာဉ် ၃ မျိုးနဲ့ ဗုံးကျဲ လေယာဉ် ၃ စီးတို့ ကို ပျံသန်းဖို့ လေ့ကျင့်ခိုင်းခဲ့တယ်တဲ့။

ပြီးတော့ လကမ္ဘာအခြေစိုက် စစ်ဌာနချုပ် Lunar Operations Command လို့ ခေါ်တဲ့ လျှို့ဝှက် လကမ္ဘာ အခြေစိုက် စခန်း တခု၊ စနေဂြိုလ်ရဲ့ အရံဂြိုလ် တိုက်တန်နဲ့ တကယ့် အာကာသ ကြီးထဲမှာ သူ့ကို လေ့ကျင့် ဖို့ ခေါ်သွားခဲ့တယ်လို့ သူက ထပ် ပြောပါတယ်။

ကပ္ပတိန်ကေးက တာဝန်တွေကို နှစ်ပေါင်း ၂ဝ ထမ်းဆောင်ပြီး အငြိမ်းစားယူခဲ့ပါတယ်လို့ ပြောပါတယ်။ အငြိမ်းစားယူတဲ့ အခမ်းအနားကို လကမ္ဘာပေါ်မှာ ကျင်းပခဲ့တာလို့ သူက ပြောပြီး အမေရိကန် ကာကွယ်ရေး ဝန်ကြီးဟောင်း ဒေါ်နယ်ရမ်းစဖီးလ်အပါအဝင် အရေးကြီး ပုဂ္ဂိုလ်တွေလည်း တက်ရောက် မိန့်ခွန်းတွေ
ပြောခဲ့ကြတယ်တဲ့။

စိတ်ဝင်စားစရာ ဒီလို သတင်းမျိုးက သူတို့ဆီမှာ ရေးသားဖော်ပြလေ့ ရှိတတ်ပါတယ်။

အိမ့်သံစဉ်
ဧရာဝတီ

ဆက်ဖတ်ရန်>>>>

လိုင်စင်မဲ့ နှင့် လိုင်စင်အတု များ၏ လက်ထဲမှ လူ့အသက် စစ်စစ်များ

မြန်မာနိုင်ငံတွင် လူဦးရေ သိပ် သည်းမှု မြင့်မားလာခြင်းနှင့် အတူ မော်တော်ယာဉ် သုံးစွဲမှုများလည်း တိုး ပွားလာသည်။ အကောင်း အဆိုး ဒွန်တွဲ နေတတ်သည့် သဘာဝ အတိုင်း မော်တော် ယာဉ်များ တိုးပွားမှုနှင့် အတူ ယာဉ်တိုက် မှုများ မှာလည်း နှစ်စဉ်မြင့်တက်လျက် ရှိသည်။

ယာဉ်တိုက်မှု များ၏ ရာခိုင်နှုန်း ထက်ဝက်ခန့် သည် လိုင်စင်မဲ့ ယာဉ်မောင်း များ၏ မဆင်မခြင် မောင်းနှင်မှုများ ကြောင့်ဖြစ်ကြောင်း ကုန်းလမ်း ပို့ဆောင် ရေးညွှန်ကြားမှု ဦးစီး ဌာနစစ်တမ်းများမှ သိနိုင်သည်။

ထိုထက်ပို၍ အာရုံ စိုက်စေသည့် အချက်တစ်ခု ကတော့ လိုင်စင်မဲ့ ယာဉ် မောင်းများနည်းတူ လိုင်စင် အတုဖြင့် မောင်းနှင်နေကြသော ယာဉ်မောင်းများ လည်း အများ အပြား ရှိနေခြင်းကိုပင် ဖြစ်သည်။

”လိုင်စင် အတုတွေနဲ့ မောင်းနေကြ တာတော့ အများကြီး ရှိတာပေါ့။ ဒါကျ တော့ ပွဲစားတွေ ရှိတယ်။ များသောအား ဖြင့် ကားကြီးဝင်းတွေ၊ ဘတ်စ်ကားဂိတ် တွေမှာ ပွဲစားတွေ ရှိတာ များတယ်” ဟု ကားဝယ်ရောင်း ဦးလှမြင့်က ပြောသည်။

အဆိုပါ နေရာများတွင် ယာဉ်မောင်း များ ပေါများခြင်းကြောင့် ဖြစ်ပြီး လိုင်စင် အတုလုပ်ခြင်းမှာ အချိန်ကုန် သက်သာ ခြင်းကြောင့် ဖြစ်ကြောင်း ဦးလှမြင့် က ပြောသည်။

”ကားမောင်း ကျွမ်းတော့ အန္တရာယ် မရှိဘူး၊ လိုင်စင်အတု ကိုင်ပြီး ကားမောင်း ကျွမ်းကျင် ရင်တော့ ဘာမှ မဖြစ်ဘူး။ မဟုတ်ရင်တော့ အန္တရာယ် ရှိနိုင်တယ်”ဟု ၄င်းက ထပ်လောင်း ပြောသည်။

လိုင်စင်အတု လုပ်ရန် ခက်ခဲမှု မရှိ ကြောင်း အလွယ်တကူ လုပ်နိုင်ကြောင်း ငွေကြေး ကုန်ကျမှုလည်း သက်သာ ကြောင်း စသည် တို့ကြောင့် ယင်း လိုင်စင် အတု များကို ကိုင်ဆောင်နေ ကြခြင်းဖြစ် ကြောင်း ကားကြီး စက်ပြင်ဆရာဖြစ်သည့် ကိုသက်မင်း (အမည်လွှဲ)က ပြောသည်။

”ကျွန်တော့် ပတ်ဝန်းကျင်မှာလည်း အများကြီး တွေ့ရတယ်။ ဒါက ကွန်ပျူ တာလေး နဲ့ လုပ်လိုက်တာ ဆိုတော့ အချိန် ကုန်လည်း သက်သာတယ်။ အနီလိုချင် လား၊ အနက် လိုချင်လား၊ ကြိုက်တာပြော လုပ်လို့ရတယ်”ဟု ၄င်းတွေ့ဖူးသည်ကို ပြောသည်။

ယာဉ်မောင်း လိုင်စင် တစ်ခုရရန် အတွက် အချိန်ကုန် မခံဘဲ လိုင်စင်အတု များဖြင့်သာ လုပ်လာကြကြောင်း ကို အထက်ပါ ပုဂ္ဂိုလ်က ဆိုသည်။

”ဟိုမှာကျတော့ ရေးဖြေတို့၊ အစမ်း မောင်းတို့၊ ကွန်ပျူတာနဲ့ ဖြေရတယ်၊ ဖြေရင်လည်း လိုင်စင်မဲ့ နှစ်ခေါက် သုံးခေါက် လောက် ပြန်ဖြေနေရတယ် ဆိုတော့ သိပ်ပြီး သွား မဖြေချင်ကြတော့ဘူး၊ သွား ဖြေရတဲ့နေရာ က လည်း ဝေးတယ်လေ” ဟု ကုန် ကားမောင်းသူ ကိုအေးလွင် (အမည်လွှဲ) က ပြောသည်။

လိုင်စင် အတု တစ်ခု ပြုလုပ်ရန် အတွက် ငွေကြေး အားဖြင့် နှစ်သောင်း မှ ငါးသောင်း ထိ ရှိကြောင်း၊ ယင်းဈေး နှုန်းသည် လည်း ပွဲစား များ၏ ပါးစပ်ထဲ တွင်သာ ရှိကြောင်း တက္ကစီ ယာဉ်မောင်း ကိုအေးချမ်း (အမည်လွှဲ)က ပြောသည်။

”ပိုက်ဆံပေး လိုက်ရင် သွားဖြေစရာ မလိုဘူး။ သင်တန်းဆင်း လက်မှတ် မလိုဘူး၊ အချိန် မကုန် ဘူး၊ လူ မပင်ပန်းဘူးပေါ့။ အဲ့ဒီတော့ အစစ်သာ မဟုတ်တာ။ အားလုံး တော့ ပိုလွယ်တယ်” ဟု ကိုအေးချမ်း က ဆိုသည်။

ယခု အချိန်တွင် လိုင်စင် အတုများ ကို အထူး တပ်ဖွဲ့ များဖြင့်သာ ဖမ်းဆီး လျက် ရှိပြီး ပြစ်မှု ဆိုင်ရာ ဥပဒေ ပုဒ်မ (၄၂ဝ) လိမ်လည်မှု၊ ပုဒ်မ (၄၆၈) စာ တန်း အမှတ် အသား တုပြုလုပ်မှု၊ ပုဒ်မ (၄၇၁) အတုမှန်း သိလျက်နှင့် ဆက် လက်အသုံးပြုမှု စသည့် အမှုများဖြင့် အရေးယူလျက် ရှိကြောင်း အမှတ် (၂) ယာဉ်ထိန်း ရဲတပ်ဖွဲ့ခွဲမှူး ရုံး (ရန်ကုန်) မှ တာဝန်ရှိသူ တစ်ဦး၏ ပြောကြား ချက် အရ သိရသည်။

”သူတို့ရဲ့ ထောင်ဒဏ်တွေ ကတော့ ၇ နှစ်စီ ကျနိုင်တယ်။ အာမခံတော့ ရှိတယ်။ အာမခံ ဆိုတာလည်း ပေးလို့ရတဲ့ လူတွေ ကိုပဲ ပေးတာပါ”ဟု ယာဉ်ထိန်း ရဲတပ်ဖွဲ့ ခွဲမှူး ရုံး (ရန်ကုန်)မှ တာဝန်ရှိသူ တစ်ဦးက ပြောသည်။

လက်ရှိတွင် ဘတ်စ်ကားများ၊ ကုန် ကားများ အပြင် မြို့တွင်းမှ တက္ကစီသမား များပါ သတ်မှတ် လိုင်စင်မပါဘဲ မောင်း နှင်ခြင်းများကို မြင်နေ ရကြောင်း အထက် ပါပုဂ္ဂိုလ် က ထပ်လောင်း ပြောသည်။

ယာဉ်မောင်း လိုင်စင်ကိုင်ဆောင် သူနှင့် ယာဉ်စီးရေ အချိုးအား စိစစ်ရာ တွင် ၂ဝ၁၁ ခုနှစ် တွင် ၁၁ ဒသမ ၇ ရာခိုင်နှုန်း ရှိရာမှ ၂ဝ၁၃ ခုနှစ်တွင် ၁ဝ ဒသမ ၇၃ ရာခိုင်နှုန်း ထိ ကျဆင်းခဲ့ ကြောင်း ကုန်းလမ်း ပို့ဆောင်ရေးညွှန် ကြားမှုဦးစီး ဌာန၏ စိစစ်ချက်များမှ သိရသည်။

ယခင်နှစ် ဇွန်လလယ်ခန့် တွင် လားရှိုးမြို့တော် ခန်းမအနီး အဝိုင်းနှင့် ယာဉ်ထိန်းရုံး အကြား မူဆယ်ဘက် မှ မန္တလေးဘက် သို့ မောင်းနှင် လာသော ယာဉ်အား လှည့်ကင်း တပ်ဖွဲ့မှ စစ်ဆေး စဉ် ယာဉ်မောင်း ကိုင်ဆောင်သော လိုင်စင်နှင့် ယာဉ်၏ သက်သေခံ လိုင်စင် အဝိုင်းတို့မှာ အတုများ ဖြစ်ပြီး ယင်း လိုင်စင် အတုများဖြင့် မန္တလေး၊ မူဆယ် အသွားအပြန် ကုန်ပစ္စည်းများ တင်ဆောင် ပြေးဆွဲနေခြင်း ဖြစ်ကြောင်း သိရသဖြင့် အမှတ် (၁) ရဲစခန်း မှ (ပ) ၂၉၈/၂ဝ၁၃ ပြစ်မှု ပုဒ်မ ၄၂ဝ/၄၆၈ ဖြင့် အရေး ယူခဲ့ဖူး ကြောင်း သိရသည်။

ယင်းဖြစ်စဉ် ကဲ့သို့ပင် ၂ဝ၁၃ ခုနှစ်၊ ဇွန် ၁၆ ရက်နေ့ တွင် ထပ်မံ ဖမ်းဆီးနိုင် ခဲ့သဖြင့် ပြစ်မှုပုဒ်မ (ပ)၂၉၉/၂ဝ၁၃၊ ပြစ်မှု ပုဒ်မ ၄၂ဝ/၄၆၈ ဖြင့် အရေးယူ ခဲ့ ကြောင်း သိရ သည်။

”အရင်က လိုင်စင်အတု ကိုင်ဖူးတယ်။ အစစ်က မရသေးဘူး။ အလုပ်ကလည်း အရေးတကြီး လိုတော့၊ လိုင်စင် အတု လုပ်လို့ ရတယ်ပေါ့။ တစ်သိန်းလောက် ကုန်မယ် ဆိုတော့ လုပ်လိုက်တယ်။ အဲဒီ တုန်းက လိုင်စင် အတုနဲ့ မောင်းနေတာ ဆိုတော့ စိတ်ထဲတော့ ကြောက်တာပေါ့။ ငါ့ကို ဖမ်းရင်များ ဘယ်လို လုပ်မလဲ ဆိုပြီး ပေါ့” ဟု လိုင်စင် အတု ကိုင်ဆောင်ခဲ့ဖူးသူ ကိုဝေဠု (အမည်လွှဲ) က ပြောသည်။

လိုင်စင် အတုဖြင့် အဖမ်းခံ ရခြင်းထက် လိုင်စင် မရှိခြင်းက ကောင်းဦးမည်ဟု စဉ်း စားမိသော်လည်း အလုပ်ရရန် အတွက် အတုလုပ်ခဲ့ မိကြောင်း ကိုဝေဠုက သူ၏ အတွေ့ အကြုံကို ပြောသည်။

”အခုက လိုင်စင်ကို ဘယ်လိုဖြေ ရမယ် မစဉ်းစားတော့ဘူး။ စတီယာရင် လေးကိုင်တတ်တယ် ဆိုတာနဲ့ လိုင်စင်က လုပ်ချင်နေတော့ တာလေ”ဟု ကုန်တင် ယာဉ်မောင်း လုပ်သက် ၁ဝ နှစ်ကျော်ရှိ ဦးလှအောင်က ဆိုသည်။

အဆိုပါ ကိစ္စများကို ယာဉ်ထိန်းရဲ များ အနေဖြင့် ကြပ်ကြပ် မတ်မတ်လုပ်စေ ချင်ကြောင်း ၄င်းက ဆက်ပြောသည်။

”အခုက အစ်ကို ကုန်ကားမောင်း သမားတွေ မြင်နေရတာက မောင်းတဲ့ လူတွေက ငယ်ငယ်လေးတွေ၊ လိုင်စင် အနီတော့ မဟုတ်လောက်ဘူး။ စပယ် ယာတွေ က ဘေးမှာ လိုက်ပြီး ကားကြီးရဲ့ အယူအဆလောက် တတ်ပြီး ကိုယ်တိုင် တက်မောင်းနေ ကြတာ။ အရေးရယ်၊ အကြောင်းရယ် ဆိုရင်တော့ သူတို့ ကား မောင်းတဲ့ ဝါလောက် နဲ့ ဒီလို ကားကြီးကို ထိန်းဖို့ မလွယ်နိုင်ဘူး။ လူငယ် ဆိုတော့ ပိုက်ဆံ လိုချင်တာပဲ သိမှာပေါ့” ဟု သူ့ ပတ်ဝန်းကျင် အခြေအနေကို ရှင်းပြသည်။

ကုန်းလမ်း ပို့ဆောင်ရေး ညွှန်ကြား မှုဦးစီးဌာနမှ တာဝန်ရှိသူ တစ်ဦးက အရေးယူမှုများက ဥပဒေက ပြဋ္ဌာန်း ထားပြီးသားဖြစ်ကြောင်း၊ အတုလုပ် ဆောင်မှုများကိုလည်း ဥပဒေ အရ အရေး ယူမှုများရှိကြောင်း၊ သက်ဆိုင်ရာဌာန များကလည်း စစ်ဆေးမှုများ ရှိကြောင်း ယင်းကဲ့သို့ လိုင်စင် အတုများ ထပ်မံ မလုပ်ရန် အတွက် ပညာပေးမှု များလည်း ရှိကြောင်း ပြောကြားသည်။

”လိုင်စင်ရဖို့ ဦးတို့ဆီမှာ ရေးဖြေ တွေဖြေနေ ရတယ်။ အနည်းဆုံး ၄၊ ၅ ကြိမ်လောက်တော့ ဖြေရတယ်။ အဲ့ဒါ ဖြေပြီးရင် ကားနဲ့ဖြေ ရတယ်။ အဆင့် ဆင့်ဖြေပြီး အောင်မှ လိုင်စင် ထုတ်ပေး တာ၊ ကားကြီးမောင်းတဲ့ သူတွေဆိုလည်း TE ကားကြီးတွေ၊ ဘတ်စ်ကားတွေနဲ့ ဖြေရတယ်။ အဲ့ဒီလို စစ်ဆေးမှုတွေ ကို လုပ်တယ်” ဟု ကုန်းလမ်း ပို့ဆောင်ရေး မှ ညွှန်ကြားရေးမှူး ဦးသောင်းလွင်က ပြော သည်။

ယင်းကဲ့သို့ လိုင်စင် အတုများ လုပ် ဆောင်သူ များသည် ရုံးအနီးရှိ လက်ဖက် ရည်ဆိုင်များ၊ ဘတ်စ် ကား ဂိတ်များ၊ ကားကြီးဂိတ် များ စသည့် နေရာ များတွင် စောင့်၍ အလုပ် လုပ်ကြ သည် ဟု သိရှိရ ကြောင်း ၄င်းက ပြောသည်။

”အတု လုပ်တာက ဒီလို စစ်ဆေးမှု တွေ မလုပ်ဘဲနဲ့ အလွယ် လုပ် ကြတာ၊ အဲ့ဒီ အခွင့် အလမ်းက ကားမောင်းခွင့် ရပြီး ပိုက်ဆံရမယ်၊ အဲ့ဒါကြောင့် ဘယ် လောက်ပဲပေး ရပေး ရ အတု လုပ်ကြ တယ်” ဟု ၄င်းက ထပ်ပြောသည်။

အဆိုပါ ကိစ္စများအား အရေးပေါ် စစ်ဆေးမှု များ ပြုလုပ် ကြကြောင်း၊ ကညနမှ ထုတ်ပေးသော လိုင်စင် မှာ ကညန တံဆိပ်များ၊ ဘားကုတ် များကို ထည့်ထားကြောင်း၊ မူလ အတိုင်း ကြည့် လျှင် မမြင်ရကြောင်း၊ ခရမ်းလွန်ရောင် ခြည် လေဆာနှင့် ကြည့်မှသာ မြင်ရ ကြောင်း အတုတွင် ထိုသို့ မပါဝင် ကြောင်း ၄င်းက ပြောသည်။

”လိုင်စင် အတု နဲ့အစစ်ကို လေဆာ နဲ့ ခွဲခြားပြီး ဖမ်းလို့ ရတယ်။ ဒါ့အပြင် စမတ်ကတ် အတွင်းက လိုင်စင် ပိုင်ရှင် ရဲ့ ဓာတ်ပုံ၊ ကညန ၏ ရောင်ပြန် အမှတ် တံဆိပ်၊ သက်တမ်း ကုန်ဆုံးမည့်ရက်၊ လိုင်စင်နံပါတ် စသည်တို့ကို ကြည့်ပြီး ဖမ်းရတာပါ” ဟု အမှတ် (၂) ယာဉ် ထိန်း ရဲတပ်ဖွဲ့မှူးရုံး ရန်ကုန်မှ တာဝန် ရှိသူ တစ်ဦးက ပြောသည်။

”လိုင်စင် အတုတွေ ဆိုတာကို ကျွန်တော် ကြားသလောက် အစစ် လုပ်တဲ့ နေရာကပဲ ထွက်တယ်လို့ ကြားတယ်။ ဟုတ် မဟုတ်တော့ မသိဘူးပေါ့” ဟု ကိုဝေဠုဆိုသူ က ပြောသည်။

အဆိုပါ ကိစ္စများနှင့် ပတ်သက်၍ လည်း ကုန်းလမ်း ပို့ဆောင်ရေးမှ ညွှန် ကြားရေးမှူး ဦးသောင်းလွင်က ”ဒီလို နာမည်တွေ ထွက်နေတော့ မကောင်းဘူး ပေါ့။ ဦးတို့ ဌာန ရဲ့ ဂုဏ်သိက္ခာ လည်း ထိခိုက်တယ်။ ဒီလိုမျိုး လုပ်နေတာတွေ လည်း ဦးတို့ အနေနဲ့ ဥပဒေအရ အရေး ယူမှုတွေ လုပ်နေပါတယ်” ဟု ပြောသည်။

လူငယ်များ အနေဖြင့် မိမိတို့ နေအိမ်တွင် ကားတစ်စီးမက ဝယ်ထား သောကြောင့် ဟိုဒီ သွားချင်လျှင် ကိုယ် ပိုင်ကား များဖြင့် သွားလာမှုများ ပြုလုပ် ခြင်း တို့ဖြင့်လည်း ယာဉ် မတော်တဆမှု ဖြစ်ပွားခြင်း ဖြစ်ကြောင်း အငှားကား ယာဉ်မောင်း ဦးအေး (အမည်လွှဲ)က ပြောသည်။

ထို့ပြင် ယာဉ်ထိန်းရဲ များအနေဖြင့် လည်း ယခုမှသာ ယာဉ်မောင်း လိုင်စင် အား အတင်းအကျပ် ဖမ်းဆီးနေပြီး ယခင်က ယာဉ်မောင်း လိုင်စင် များအား လျစ်လျူရှု ခဲ့ခြင်း တို့ကြောင့် မြန်မာနိုင်ငံ ရှိ ယာဉ်မောင်း များမှာ စည်းကမ်းမဲ့များ ဖြစ်နေကြောင်း ၄င်းက ထပ်ပြောသည်။

လူငယ်တွေ ဆိုပေမယ့် သူတို့လိုင် စင် ရဖို့ လာဖြေကြတယ်။ သူတို့ဖြေနိုင် ရင်တော့ လိုင်စင်ရမှာပဲ။ အသက်ပြည့် တဲ့ လူတိုင်းက လိုင်စင်ဖြေလို့ ရတယ်လေ။ ကားမောင်း မကြမ်းဖို့ ကတော့ လူတို့ အမူအကျင့်နဲ့ မိဘ အုပ်ထိန်းမှုနဲ့ ဆိုင် တယ်။ ဥပဒေကို ဘယ်လောက်ထိ လိုက် နာနိုင်လဲ ဆိုတာသာ မူတည်ပါတယ်။ အကုန်လုံး က ဥပဒေအရ ထိန်းချုပ်ပြီး သားပါဟု ကုန်းလမ်း ပို့ဆောင်ရေးမှ တာဝန်ရှိသူ က ပြောသည်။

ထို့ပြင် လိုင်စင် ပြုလုပ်ရာ၌ ရန်ကုန် လိုင်စင်တွင် အခက်အခဲ ရှိခြင်းကြောင့် နယ် လိုင်စင် များ လည်း ပြုလုပ်နေ ကြသည်။ အထူးသဖြင့် ပဲခူး တွင် ပြုလုပ်ကြသည် ဟု တက္ကစီ ယာဉ်မောင်း ဦးအေး လွင် က ပြော သည်။

”အခုက တကယ် မောင်းတတ်တဲ့ လူတွေမှာ လိုင်စင် မရှိဘဲ တကယ် မမောင်းတတ်ဘဲ စတီယာ ရင် တောင် မကိုင်ဖူးတဲ့ လူတွေက ပိုင်ရာ ဆိုင်ရာတွေ နဲ့ လိုင်စင် လုပ်ထား တာတွေ မြင်ရတယ်” ဟု ၄င်းက ပြောသည်။

ကုန်းလမ်း ပို့ဆောင်ရေးတွင် လိုင်စင် ဖြေရာ၌ စာမေးပွဲ ဖြေဆိုအောင် မြင်ပြီး သူများကို ကွန်ပျူ တာ စနစ်ဖြင့် စနစ်တကျ သိမ်းဆည်း ထားပြီး မည်သူ မည်ဝါ ဟူ၍ စာရင်း ထည့်သွင်းမှု မ ရှိကြောင်း၊ စနစ်တကျ စစ်ဆေးထား ကြောင်း ကညနမှ တာဝန် ရှိသူ တစ်ဦးက ပြော သည်။

”ဦးတို့ အနေနဲ့ အခက်အခဲ ဆိုရင် တော့ ဒီလို အတု လုပ်နေတဲ့လူတွေ ထဲကို ထဲထဲဝင်ဝင် မလုပ်ဆောင်နိုင်ဘူး။ လုပ် နိုင်ဖို့တော့ လိုတယ်။ အားလုံးက တာဝန် တွေ နဲ့ ဆိုတော့ အဲ့ဒီလောက် ထိ မလုပ် နိုင်ဘူး ဖြစ်နေတယ်” ဟု ၄င်းက ထပ် ပြောသည်။

တက္ကစီယာဉ်မောင်း တစ်ဦးဖြစ်သူ အသက် ၃ဝ ကျော် ဝန်းကျင်ရှိ ကိုကျော် လတ် (အမည်လွှဲ)ကတော့ ”VIP လိုင် စင်ဆိုပြီးတော့ ကြားဖူးတယ်။ ဝန်ကြီး တွေ ကိုင်တဲ့ လိုင်စင် ဆိုပြီးတော့။ မြင်တော့ မမြင်ဖူးဘူး။ ဒီလိုတွေ ဖြစ်နေမှတော့ ယာဉ်အန္တရာယ် ဆိုတာ တော်တော် ကြောက်စရာ ကောင်းနေပြီ။ သူတို့ နောက်က လိုက်တဲ့ ခရီး သည် ဖြစ်ဖြစ် ၊ သူငယ်ချင်းဖြစ်ဖြစ် အန္တရာယ် ရှိနေပြီ။ ကညနက လိုင်စင် ထုတ်ပေးတာကို သေ သေချာချာလေး ဖြစ်စေချင်တယ်” ဟု သုံးသပ်သည်။

မြို့ပြဟူသည် ကတော့ တစ်စတစ် စနှင့် ပို၍ ဖွံ့ဖြိုးလာစမြဲ။ လူဦးရေသိပ် သည်းလာမှုနှင့် အတူ လိုအပ်ချက်အရ တိုးပွား လာနေသော မော်တော်ယာဉ် များကလည်း လမ်းတိုင်း တွင် အပြည့်။ ထိုအရေ အတွက်နှင့် စည်းကမ်းထိန်း သိမ်း အရေး ယူနေသော ဝန်ထမ်းအင် အား အရေအတွက် တို့ကလည်း အချိုး အစား မမျှတ။ ထို့ပြင် စနစ် ဆိုးအောက် အမြစ်တွယ် ကျန်ခဲ့သော အဂတိ တရား များကလည်း အရှိန် အဟုန်ဖြင့် သွားနေဆဲ ဖြစ်ရာ လစ်ဟာမှု များစွာ တို့ကို လည်း လက်ညှိုးထိုး မလွဲ မြင်တွေ့နေရဆဲ ဖြစ် သည်။

မည်သို့ပင် ဆိုစေ သက်ဆိုင်ရာ နယ်ပယ် အလိုက် တာဝန်ယူ ဆောင်ရွက် ကြရာတွင် အမှန်တကယ် ကျွမ်းကျင် မှုအရ တာဝန်ခံဖို့ လိုအပ် သကဲ့သို့ ရပ် တည်မှု အတွက် အသိ အမှတ်ပြု ခံရရန် ဆောင်ရွက်ဖွယ်ရာ တို့ကိုလည်း မလစ် ဟင်းသင့် သည်ကတော့ အမှန်ဖြစ်သည်။

လိုင်စင်အတွက် ငွေကြေးနှင့် အချိန် ကာလကို လက်ညှိုး ထိုးသည်။ ဝမ်းရေးနှင့် ရွေးချယ်ခွင့် နည်းသော ဘဝ များကို ချပြကြသည်။ လုပ်ထုံး လုပ်နည်း နှင့် ဥပဒေ တို့ကို လည်း ထောက်ပြသည်။ အခက်အခဲနှင့် တာဝန်ယူမှု အဆင့်ဆင့် တို့ကိုလည်း ဆွဲခေါ်သည်။ ပေါက်ပင် ဘာကြောင့် ကိုင်းရသည့် ဥပမာကို မကြာခဏ ထည့် သုံးစွဲနေ ရခြင်း သည်ပင် အဓိပ္ပာယ်အားဖြင့် ပလိုင်းပေါက်နှင့် ဖားကောက်နေသည့် သဘောက ပိုထင် ရှားလေ ဖြစ်ပါလိမ့်မည်။ အဆိုပါ အခြေအနေ များထဲ လိုင်စင်မဲ့၊ လိုင်စင် အတု များ၏ လက်ထဲတွင် လူ့ အသက်စစ် စစ်များက တည်ရှိနေပြီး ထိုအချက် သည် ပင် ပလိုင်းပေါက်နှင့် ဖားကောက်နေ ခြင်း၏ ရလဒ်ဟု ဆိုပါက ……။

ရန်နိုင်၊ ဇေဝေယံ ရေးဖွဲ့သည်။
ဓါတ်ပုံ – အောင်နိုင်စိုး ( ကစ္ဆပ )
Popular Myanmar News Journal

ဆက်ဖတ်ရန်>>>>

မြန်မာကလေးများကို လူကုန်ကူးသူတစ်ဦး ထိုင်းတွင် ဖမ်းမိ

အသက် ၁၅ နှစ်အောက် မြန်မာကလေးငယ် သုံးယောက်ကို ထိုင်းနိုင်ငံတွင် နှင်းဆီပန်းရောင်းရန် စေခိုင်း သည့် လူကုန်ကူးခဲ့သူ အသက် ၂၂ နှစ်အရွယ် မြန်မာအမျိုးသားတစ်ဦးကို ထိုင်းလူကုန်ကူးမှု တိုက်ဖျက်ရေး အဖွဲ့များက ဘန်ကောက်မြို့တွင် ဖမ်းဆီးရမိခဲ့ကြောင်း Bangkok Post သတင်းစာတွင် ဖော်ပြထားသည်။

အဆိုပါ အမျိုးသားသည် မြန်မာကလေးငယ်များကို ဘန်ကောက်မြို့လမ်းများ တစ်လျှောက်တွင် ကမ္ဘာလှည့် ခရီးသွားများထံ နှင်းဆီပန်းရောင်းရန် စေခိုင်းခြင်းဖြစ်ကြောင်း ယင်းသတင်းက ဆိုသည်။

ထိုင်းနိုင်ငံ ဘန်ကောက်မြို့ ခအိုဆန် (Khao San) လမ်းတစ်လျှောက် နံနက် ၈ နာရီမှ မွန်းလွဲ၂ နာရီအတွင်း မြန်မာကလေးများကို အုပ်စုလိုက် တွေ့ရှိရလေ့ ရှိကြောင်း ထိုင်းနိုင်ငံ လူကုန်ကူးမှု တိုက်ဖျက်ရေးအဖွဲ့၏ စစ်တမ်းအရ သိရသည်။

ကလေးငယ်များသည် တစ်ရက်လျှင် နှင်းဆီပန်း ၂၅ ပွင့် ရောင်းရပြီး သတ်မှတ်ချက် မပြည့်ပါက ရိုက်နှက်ခံရကြောင်း ထိုင်းလူကုန်ကူးမှု တိုက်ဖျက်ရေးအဖွဲ့များက ဆိုသည်။

ကလေးငယ်တစ်ဦးလျှင် ထိုင်းဘတ်ငွေ ၁၈၀၀ (ကျပ် ၅၀,၀၀၀ ကျော်) နှုန်းဖြင့် ကလေးများ၏ မိခင်ထံသို့ လစဉ် ပေးရကြောင်း လူကုန်ကူးသူ အမျိုးသား၏ ထွက်ဆိုချက်ကို Bangkok Post တွင် ဖော်ပြထားသည်။

ဇွန်လ ၂၀ ရက်နေ့က အမေရိကန် ပြည်ထောင်စု နိုင်ငံခြားရေး ဝန်ကြီးဌာနက ထိုင်းနိုင်ငံသည် လူကုန်ကူးမှု တားဆီးတိုက်ဖျက်ရေး လုပ်ငန်းများတွင် အနိမ့်ဆုံးအဆင့် သတ်မှတ်ချက် ပြည့်မီခြင်း မရှိကြောင်း ကမ္ဘာ့လူကုန်ကူးမှု တိုက်ဖျက်ရေး အစီရင်ခံစာတွင် ဖော်ပြခဲ့ပြီးနောက် ထိုင်းမီဒီယာများက ယခုသတင်းကို ဖော်ပြခဲ့ခြင်း ဖြစ်သည်။

‪‎The‬ Voice Weekly

ဆက်ဖတ်ရန်>>>>

ဆီးရီးယားစစ်ဌာနချုပ်ကို အစ္စရေးလေကြောင်းတိုက်ခိုက်

စစ်အခြေစိုက်စခန်းရှိတဲ့ပင်လယ်နီအပမ်းဖြေရိပ်သာမှာ ပြသထားတဲ့ အစ္စရေး ဒုံးကျည်များ။

ဆီးရီးယားစစ်ဌာနချုပ်နဲ့ တခြား ပစ်အတော်များများကို အစ္စရေးက ဗုံးကြဲတိုက်ခိုက်လိုက်ပါတယ်။ ဒါဟာ လွန်ခဲ့တဲ့ ရက်ပိုင်းအတွင်း အစ္စရေး ဆယ်ကျော်သက်အရွယ် တဦးကို ဆီးရီးယားက ပစ်ခတ် သတ်ဖြတ်လိုက်တာကို လက်စားချေတဲ့အနေနဲ့ အခုလို တိုက်ခိုက်တာ ဖြစ်ပါတယ်။

 တနင်္လာနေ့မှာ ပြုလုပ်ခဲ့တဲ့ တိုက်ခိုက်မှုအတွင်း ပစ်မှတ်တွေကို တိုက်ရိုက် ထိမှန်ကြောင်း အစ္စရေးဖက်က အတည်ပြု ပြောဆိုပါတယ်။

 အစ္စရေးတို ထိန်းချုပ်ထားတဲ့ ဂိုလန်ကုန်းမြင့်ဒေသကို မောင်းသွားတဲ့ အစ္စရေး ထရပ်ကားတစ်ဆီးကို ဆီးရီးယားက တနင်္ဂနွေနေ့မှာ ပစ်ခတ်တိုက်ခိုက်ခဲ့အတွက် ဆယ်ကျော်သက်အရွယ် လူငယ်တဦး သေဆုံးသွားခဲ့ပြီး တခြား ၂ ဦးလည်း ထိခိုက် ဒဏ်ရာ ရသွားခဲ့ပါတယ်။

 အဲဒီ တိုက်ခိုက်မှုဟာ အစ္စရေးကို ရန်စတဲ့ တိုက်ခိုက်မှုအဖြစ် သတ်မှတ်တဲ့အတွက် အစ္စရေးက အခုလို လက်စားချေ တိုက်ခိုက်တာလည်း ဖြစ်ပါတယ်။

ဗွီအိုအေ (မြန်မာဌာန)

ဆက်ဖတ်ရန်>>>>

၆ လ ကြာ ခွဲခဲ့ရတဲ့ သခင်ပြန်အလာ အလွမ်းသည်တဲ့ ခွေးကလေး

လောကမှာ ချစ်ခင်နှစ်သက်မြတ်နိုးကြသူတွေဟာ ကွဲကွာသွားကြပြီး ပြန်လည် ဆုံဆည်းတဲ့အခါ ကွဲကွာ ချိန်က အလွမ်းတွေကို သည်ဆောင်လာပြီး တနင့်တပိုး အားပါတရ အလွမ်းဖြေကြလေ့ ရှိပါတယ်။

ဒီလို ကိစ္စမျိုးဟာ လူသား တင်မက တိရိစ္ဆာန်တွေမှာလည်း ရှိပါတယ်။ အထူးသဖြင့် ခွေးတွေဟာ သူတို့ရဲ့ သခင်နဲ့ ကွဲကွာသွားပြီး ပြန်ဆုံဆည်းတဲ့အခါ အလွမ်းသည်တတ်လေ့ ရှိပါတယ်။

အခု ယူကျုပေါ်က ဗွီဒီယိုမှတ်တမ်းတခုမှာ ခွေးကလေး တကောင်က သူ့ သခင်နဲ့ ၆ လလောက် ခွဲခွာနေ ခဲ့ရပြီး တနေ့ သခင်ဖြစ်သူ အိမ်ပြန်လာစဉ် အလွမ်းသည်ပုံက တကယ့်ကို ချစ်စရာလေးပါ။

သူ့မှာ ပြောစရာ စကားတွေလည်း တပုံကြီး ရှိတယ် ထင်ပါရဲ့၊ သူ့အသံက ကွဲကွာခဲ့တဲ့ ၆ လ ကာလအတွင်း သူ ဘယ်လောက် လွမ်းကြောင်း သူ့ သခင်ကို ပြောနေတယ် ထင်ပါရဲ့။

အိမ့်သံစဉ်
ဧရာဝတီ

ဆက်ဖတ်ရန်>>>>

အမျိုးသမီးအလုပ်သမားနှစ်ဦးရှေ့တွင် ဝတ်လစ်စားလစ် ကပြခဲ့သည့် အဝတ်အစားကုမ္ပဏီ အမှုဆောင်အရာရှိချုပ် အလုပ်ထုတ်ပယ်ခံရ

Vidd.me ဗီဒီယိုမှ ရယူထားသောပုံ

အမျိုးသမီးအလုပ် သမားနှစ်ဦးရှေ့တွင် ကခုန်စဉ် အဝတ်အစား ဝတ်ဆင်ထားခြင်းမရှိခဲ့သည့်အတွက် အမေရိကန် အဝတ်အစားကုမ္ပဏီ တည်ထောင်သူ အမှုဆောင်အရာရှိချုပ် ဒို့ဗ်ချာနေကို ဘုတ်အဖွဲ့ဝင် ဒါရိုက်တာများက အလုပ်ဖြုတ်လိုက် သည်။

ဗီဒီယိုဖိုင်များ ဝေမျှနိုင်သည့် Vidd.me ဝက်ဘ်ဆိုက်တွင် ဝတ်လစ်စားလစ် ကခုန်နေပုံကို တင်ခဲ့သည့် အသက်(၄၅)နှစ်အရွယ် ကနေဒါနိုင်ငံသား အမှုဆောင် အရာရှိချုပ်အတွက် အခြေအနေ များ ပိုမိုဆိုးရွားစေခြင်းမှာ ယင်း ဗီဒီယိုဖိုင်ကို တစ်စုံတစ်ဦးက တွေ့ရှိသွားပြီး အတင်းအဖျင်း သတင်း များကို အွန်လိုင်းမှ ဖော်ပြသည့် နယူးယောက်မြို့ အခြေစိုက် Gawker ဝက်ဘ်ဆိုက်သို့ ပေးပို့ခဲ့ ပြီး ယင်းဝက်ဘ်ဆိုက်က ၁ မိနစ် ၁၅ စက္ကန့်ကြာ ဗီဒီယိုဖိုင် ပြသ ခဲ့၍ ဖြစ်သည်။

ဒို့ဗ်ချာနေမှာ ယင်းသို့ ဝိုင်း ပတ်ကခုန်နေစဉ် လက်ကိုင်ဖုန်း ဖြင့်လည်း စကားပြောနေသေး သည်။

ယင်းဗီဒီယိုဖိုင်တွင် မွေးနေ့ ဝတ်စုံနှင့် အမျိုးသားမှာ ချာနေ ဖြစ်ကြောင်း အမေရိကန်အပယ် ရယ်ကုမ္ပဏီ၏ မော်ဒယ်ဟောင်း တစ်ဦးကို ကိုးကား၍ အဆိုပါ သတင်းဌာနက ဖော်ပြပြီး ၎င်းနှင့် အတူ ယင်းဗီဒီယိုဖိုင်၌ ပါဝင်သော အမျိုးသမီးနှစ်ဦးမှာ အပယ်ရယ်ကုမ္ပဏီနှင့် ဆက်နွှယ်မှုရှိကြောင်း  အလုပ်သမားဟောင်းတစ်ဦးက အတည်ပြုပြောကြားသည်။

လိင်ပိုင်းဆိုင်ရာ မလျော်မ ကန် ပြုလုပ်သည်ဟု ယခင်က အမျိုးသမီးအလုပ်သမားများစွာ ၏ တိုင်ကြားခြင်းခံထားရသော ချာနေကို ယင်းကဲ့သို့ ဝတ်လစ် စားလစ် ကခုန်ခြင်းအတွက် အလုပ် မှ ထုတ်ပယ်လိုက်သည်ဟု အမေ ရိကန် အပယ်ရယ်ကုမ္ပဏီဘုတ် အဖွဲ့၏ ကြေညာချက်တွင် ဖော် ပြထားသည်။

ယခင် တိုင်ကြားမှုများနှင့် ပတ်သက်၍ ဘုတ်အဖွဲ့က ၎င်း အပေါ် တိုင်ကြားမှုများကို ဖြေ ရှင်းခြင်း (သို့မဟုတ်) ပယ်ချခြင်း ဖြင့် ချာနေဘက်က ရပ်တည်ခဲ့ သည်။

ယင်းကုမ္ပဏီက ဘဏ္ဍာရေး အရာရှိ ဂျွန်လူသရယ်အား ယာယီ အမှုဆောင်အရာရှိချုပ်အဖြစ် ရွေးချယ်ခန့်အပ်ထားသည်။

—Ref: Reuters
7day

ဆက်ဖတ်ရန်>>>>

အွန်လိုင်းမှ ဆေးလိပ်သောက်သည့်ဓာတ်ပုံကိစ္စ ရွှေမှုံရတီ မိခင်ရှင်း

အွန်လိုင်းတွင်ပျံ့နှံ့နေ သော ဆေးလိပ်သောက်နေသည့် ပုံသည် ရှေးခေတ်အမျိုးသမီး ဆေးပြင်း လိပ်သောက် သည့် ပုံစံ အတွက် ဓာတ်ပုံအထူးပြုလုပ် ချက်ဖြင့် ပြုပြင်ရန် ရိုက်ကူးခဲ့ခြင်း ဖြစ်ကာ ယင်းပုံကို တရားဝင်အ သုံးပြုခဲ့ခြင်းမရှိကြောင်း ရွှေမှုံ ရတီ၏ မိခင်က ပြောသည်။

‘‘အဲဒီပုံမှာ ၀တ်စားဆင်ယင် ပုံကိုကြည့်ရင်လည်း အရင်ခေတ် က ပုံဆိုတာ သိနိုင်ပါတယ်။ ရုတ် တရက် ဆေးပြင်းလိပ်ရှာမတွေ့ တဲ့အခါ လက်ထဲမှာ စီးကရက်ကို ညှပ်ပြီးရိုက်ထားတာ။ နောက်မှ ဖိုတိုရှော့လုပ်မယ်ဆိုပြီး ရိုက်ခဲ့ တာ။ ဒါပေမဲ့လည်း သူတို့လုပ်လို့ အဆင်မပြေလို့လား၊ အမြင်မ တော်လို့လားမသိဘူး အဲဒီပုံကို လည်း မထုတ်ဖြစ်ခဲ့ပါဘူး’’ ဟု ရွှေမှုံရတီ၏ မိခင်က ပြောသည်။

ထို့အပြင် အဆိုပါ ဓာတ်ပုံ ကို လွန်ခဲ့သည့် ခြောက်လခန့်က တည်းက ရိုက်ကူးခဲ့ခြင်းဖြစ်၍ ယခုကိစ္စသည် ၎င်း၏ သမီးကို တိုက်ခိုက်ချင်သောကြောင့် တင်ခဲ့ခြင်းဖြစ်နိုင်သည်ဟု ၎င်းက သုံး သပ်သည်။

‘‘အန်တီ ညံ့သွားလို့၊ အ တွေးတွေ နည်းနည်းမှားသွားလို့ ဒါက မဖြစ်လောက်ဘူးဆိုပြီး ထင် လို့ လုပ်ခဲ့တာဆိုတော့ နောက် နောင်ကို ဒါမျိုးဘယ်သောအခါမှ အဖြစ်ခံမှာမဟုတ်ဘူး’’ ဟု ရွှေ မှုံရတီ၏ မိခင်က ပြောသည်။

7 Day

ဆက်ဖတ်ရန်>>>>

ယောကျာင်္းယူရန် အသက်အပိုင်းအခြား

မိန်းကလေးတွေအတွက်က ဈေးဝယ်တာနဲ့ ဥပမာပေးပြီးတဲ့နောက် အခုယောကျာ်းလေးတွေအတွက် ဟင်းချက်တာလေးနဲ့ နမူနာပြပါ့မယ်။

အသက် ၂၀ ဝန်းကျင်
ဒီအသက်အရွယ်ကတော့ ဈေးကဝယ်လာတဲ့ အသားလိုပါပဲ။ အတုံးလိုက်အတစ်လိုက်ပဲ ရှိပါသေးတယ်။ ချက်စားဖို့အတွက် ခုတ်ထစ် ရပါအုန်းမယ်။

အသက် ၂၅ ဝန်းကျင်
ဒီအသက်အရွယ်ကတော့ ဟင်းချက်ဖို့ အသင့်ပြင်ဆင်ထားသလိုပါပဲ။ တစ်လုတ်စာအရွယ်ကလေးတွေကို ဟင်းခတ်အမွှေးအကြိုင်တွေနဲ့ အသင့်နှပ်ထားတဲ့ အဆင့်ရောက်နေပါပြီ။

အသက် ၃၀ ဝန်းကျင်
ဒီအသက်မှာဆိုရင်တော့ ဟင်းစချက်နေပါပြီ။ နူးအောင်လို့ ထည့်ထားတဲ့ရေဟာခန်းလို့ နောက်တရေကို ထပ်ထည့်ရတော့မယ့် အနေအထားပါ။

အသက် ၃၅ ဝန်းကျင်
ခုချိန်ကတော့ ထည့်ထားတဲ့အသားက နူးစပြုနေပါပြီ။ စသုံးဆောင်မယ်ဆိုရင် သုံးဆောင်လို့ရပါပြီ။

အသက် ၄၀ ဝန်းကျင်
ဟင်းကျက်ပါပြီ။ ဒီအချိန်စားမယ်ဆို အရသာရှိတဲ့ ဟင်းကောင်းတစ်ခွက်ကို သုံးဆောင်နိုင်ပါပြီ။ လေးဆယ်ကျော်အချစ်ရဲ့ အစပေါ့။

အသက် ၄၅ ဝန်းကျင် ဒီအချိန်မှာတော့ အသားတွေက နူးအိနေပါပြီ။ ခုချိန်မှာ ချက်ထားတဲ့ဟင်းအိုးကို မီးဖိုပေါ်ကချဖို့လိုနေပါပြီ။ တော်ကြာ ဆီမကျန် ရေမကျန်ဖြစ်တော့မှာပါ။

အသက် ၅၀ ဝန်းကျင်
ဒီအချိန်ကတော့ တူးနံ့စထွက်နေပါပြီ။ ဆီလည်းကုန်ခါနီး ရေလည်းမရှိတော့ပါဘူး။ ကြိတ်မှိတ်ပြီး စားချင်တဲ့လူ အနည်းငယ်သာ ရှိပါတော့တယ်။

အသက် ၆၀ ဝန်းကျင် ခုအနေအထားကိုသာ ပန်းကန်ထဲထည့်ထားလို့ကတော့ ဟင်းခွက်ကိုနှိက်ချင်တဲ့လူ တော်တော်ရှားသွားပါပြီ။

Credit>> Bush-Man JD

ဆက်ဖတ်ရန်>>>>

အသားဖြူခရင်မ်သုံးရင်း အရေပြားတွင် အမဲစက်များ ထင်ကျန်ရစ်သူများကို ကာနီဘို နစ်နာကြေးပေး

ဂျပန်အလှကုန် ကာနီဘိုမှ ထုတ်လုပ်သည့် အသားဖြူခရင်မ်များ သုံးစွဲပြီး မျက်နှာတွင် အမဲစက်များ ထွက်ခဲ့သူ လေးထောင်ကျော်ကို ကာနီဘိုသည် နစ်နာကြေးများ စတင်ပေးအပ်နေပြီ ဖြစ်ကြောင်း သိရသည်။

မျက်နှာ အမဲစက်များထွက်ကြောင်း အကြောင်းကြားစာ ပေးပို့သူ ဂျပန်နိုင်ငံသား (၁၅၀၀၀) အနက် (၄၀၀၀) ကျော်ကို နစ်နာကြေးများ စတင်ပေးအပ်ခြင်း ဖြစ်သည်။ ရိုဒိုဒီနိုဟု ခေါ်တွင်သည့် ဓာတုပစ္စည်းပါဝင်သော ကာနီဘိုအလှကုန် (၅၄) မျိုးကြောင့် အရေပြားတွင် အမဲစက်များထွက်ကြောင်း သိရအပြီးတွင် ကာနီဘိုသည် သက်ဆိုင်ရာ အလှကုန် အများအပြားကို ပြန်သိမ်းယူခဲ့ရသည်။

အသားဖြူခရင်မ် လိမ်းအပြီးတွင် အရေပြားတွင်အမဲစက်များ ထွက်လာခြင်း၊ အရေပြားအရောင် ပျက်ပြယ်ခြင်းများ ဖြစ်ပွားခဲ့သည်။ ကာနီဘိုသည် ထိခိုက် ခံစားခဲ့ရသူများကို ကျန်းမာရေး စရိတ်များလည်း ထုတ်ပေးခဲ့ပြီးဖြစ်ကာ ယခုအခါတွင်မှ နစ်နာကြေးကို ထပ်မံပေးအပ်ခြင်း ဖြစ်သည်။

မတဲ့သော ဓာတ်ပစ္စည်းပါသည့် ကာနီဘို အလှကုန်ကို အသုံးရပ်ပြီး တစ်နှစ်ကျော်လာသည့်တိုင် အရေပြားတွင် အမဲစက်များ၊ အရောင် မမှန်ကွက်များ ထင်ကျန်နေဆဲသူ (၄၀၀၀) ကျော်ကို နစ်နာကြေးများ ပေးအပ်ခြင်း ဖြစ်ကြောင်း ကာနီဘိုပြောရေး ဆိုခွင့်ရှိသူ အမျိုးသမီးက ပြောသည်။

နစ်နာကြေးသည် တစ်ဦးနှင့်တစ်ဦး ကွာခြားနိုင်ကြောင်း ပြောခွင့်ရ အမျိုးသမီးက ပြောသည်။ စုစုပေါင်းမည်မျှ ပေးအပ်ကြောင်း ကိုကား ကာနီဘိုက ထုတ်ပြန် ပြောကြားခြင်းမရှိ။ ဂျပန်နိုင်ငံ ဂျီဂျီသတင်းဌာန၏ ခန့်မှန်းချက်အရ ဒေါ်လာသန်း ဆယ်ဂဏန်း ၀န်းကျင်ရှိနိုင်ကြောင်း သိရသည်။

Source: AFP
Messenger

ဆက်ဖတ်ရန်>>>>

အသက် (၁၂) နှစ်အရွယ် ကောင်မလေးရဲ့ သားအိမ်မှာ ဖရဲသီး အရွယ်လောက်ရှိ အသားပို တွယ်ကပ်နေ

အေသင်အောင်

တရုတ်နိုင်ငံ၊ အရှေ့မြောက်ပိုင်း Heilongaijang အရပ်ဒေသမှာ နေထိုင်တဲ့ အသက် (၁၂) နှစ် အရွယ် ကောင်မလေးတစ်ဦး ရဲက သားအိမ် မှာ ဖရဲသီး အရွယ်အစားလောက်ရှိ အသားပို တွယ်ကပ်နေတာမို့ ခွဲစိတ် ကုသမှု ပြုလုပ်သွားမည်ဖြစ်ကြောင်း သိရပါတယ်။ ဟန်ဘင်းဘင်း အမည်ရ ကောင်မလေးဟာ ၂၀၀၉ ကတည်းက ဒီရောဂါ ဝေဒနာ ရရှိခဲ့ခြင်း ဖြစ်ပါတယ်။ ဟန်ဘင်းဘင်းကို မိဘတွေက ဆေးကုသမှု ပေးခဲ့ပေမယ့်  ရောဂါဝေဒနာ က သက်သာ ပျောက်ကင်းခြင်းမရှိဘဲ အကြွေးတင်တဲ့ အခြေအနေကို ရောက်သွားခဲ့ပါတယ်။ ဆေးကုသစရိတ် ကြီးမြင့်တဲ့အပြင် ပြီးခဲ့တဲ့ ငါးနှစ်တာ ကာလအတွင်း ရောဂါဝေဒနာ သက်သာပျောက်ကင်းအောင် ကုသနိုင်တဲ့ ဆရာဝန်လည်း မရှိခဲ့ပါဘူး။ ဆရာဝန် အများစုက ဟန်ဘင်းဘင်းရဲ့ဝေဒနာကို ကုသဖို့ ငြင်းဆန်ခဲ့တာကြမို့ ကုသမှုပြုလုပ်ရာမှာများစွာ အခက်တွေ့ ခဲ့ရပါတယ်။ ဆေးရုံ၊ ဆေးခန်းတွေ လိုက်ရှာရင်း နောက်ဆုံးမှာ ခွဲစိတ်ကုသပေးမယ့် ဆေးရုံကို တွေ့ရှိခဲ့ပါတယ်။ ဒီဆေးရုံက တရုတ်နိုင်ငံတောင်ပိုင်း Gyang Zhou ဒေသမှာရှိပြီး၊ ဟန်ဘင်းဘင်းတို့ နေထိုင်ရာ အရပ်နဲ့ မိုင်ပေါင်း (၂၅၀၀) ကျော် ဝေးကွာပါတယ်။ ဟန်ဘင်းဘင်းဟာ ကုသဖို့နေရာ သွားပေမယ့် ဆေးကု သစရိတ်အတွက် ရှာဖွေနေရဆဲဖြစ်ပါတယ်။ ခွဲစိတ်မှုပြီးမြောက်စေဖို့ လိုအပ်တဲ့ ဆေးကုသ စရိတ်ကို ဒေသဆိုင်ရာ လူမှုအဖွဲ့ အစည်းတွေ နဲ့အတူ ရှာဖွေနေတယ်လို့ သိရပါတယ်။

messenger

ဆက်ဖတ်ရန်>>>>

လူကြီး၊ လူငယ်ကြား အမြင်ကွာခြားချက်များနှင့် မြန်မာ e-Sports

လူငယ် ၁၀ ဦး ၎င်းတို့၏ ကွန်ပျူတာ မျက်နှာပြင်များပေါ်သို့ အာရုံစူးစိုက်နေကြသည်။ မျက်လုံးများ အငြိမ်မနေသလို လက်ချောင်းများသည်လည်း ကွန်ပျူတာ ကီးဘုတ်များပေါ်တွင် ပြေးလွားနေသည်။ အသွင်အပြင်များကား တိုက်ပွဲတစ်ခုတွင် ရန်သူအား အမြစ်ပြတ် ချေမှုန်းတော့မည့် စစ်သည်များသဏ္ဌာန်။ တည်နေရာကား စမ်းချောင်းရပ်ကွက် အတွင်းရှိ ကွန်ပျူတာ ဂိမ်းဆိုင်လေး တစ်ခုအတွင်းတွင် ဖြစ်သည်။ ဆိုင်အတွင်း မောက်စ်သံ တစ်ချက်ချက်၊ ကီးဘုတ်သံ တတောက်တောက်မှအပ တိတ်ဆိတ်နေသည်။ မကြာမီတွင် သူတို့၏ ငါးယောက်တစ်ဖက် စစ်ပွဲပြီးဆုံးသွားပုံရသည်။ အနိုင်ရသွားဟန်တူသော အဖွဲ့မှ အသက် ၁၈ နှစ်အရွယ် ကောင်လေးတစ်ယောက်က ရှုံးနိမ့်သွားသော အသင်းမှ လောင်းကြေးငွေ သုံးသောင်းကို ထယူလိုက်သည်။

“မင်းတို့ဆိုင်မှာမို့ပါကွာ... ကီးဘုတ်တွေ၊ မောက်စ်တွေ ငါတို့ မကိုင်တတ်ဘူး။ နောက်တစ်ခေါက် ငါတို့ဆိုင်မှာ ဆော့မယ်။ ဂိမ်းဖိုးရှင်းကြေး၊ သုံးသောင်းကြေးပေါ့” ဟုပြောကာ ရှုံးနိမ့်သွားသော လူငယ်များ ထွက်သွားသည်။

“ခုချိန်ထိ ဒီကောင်တွေ ကိုယ့် Skill ကို မသိသေးဘူး နောက်တစ်ခါ ထပ်ရိုက်ခံချင်လို့”

အနိုင်ရသောအသင်းမှ ခေါင်းဆောင်ဖြစ်ဟန်တူသော လူငယ်က ရယ်မောပြောဆိုသည်။ သို့သော် သူ၏ အပျော်များမှာ မကြာလိုက်။

“ဟဲ့ လင်းသိန်း၊ နင် ဒီ Game ကိုပဲ တစ်သက်လုံး ဆော့နေမှာလား။ နင့်ဘဝ တက်လမ်း ဘာရှိလို့လဲ။ နင့်အသက်က မငယ်တော့ဘူး။ ထမင်းလည်း ပြန်မစား၊ အိမ်ကိုလည်း လှည့်မကြည့်နဲ့ နင့်ဘဝ ဒီလိုနဲ့ ပြီးတော့မှာလား” သူ၏မိခင် ဖြစ်ဟန်တူသော အသက် ၃၀ ကျော်အရွယ် အမျိုးသမီးက သူတို့၏ အောင်ပွဲခံ အခမ်းအနားအတွင်းသို့ ဝင်လာသည်။

“အမေတို့လူကြီးတွေ သိပ်ခက်တယ်ဗျာ။ ဒါအပျော်တမ်းဂိမ်း မဟုတ်ဘူး ...။ အမေတို့ကို ရှင်းပြလည်း နားမလည်ပါဘူး” ဟုဆိုကာ ခေါင်းဆောင်ဖြစ်ဟန်တူသူ လူငယ်က စိတ်ပျက်သည့် ပုံစံဖြင့် မိခင်နောက်သို့ လိုက်ပါသွားသည်။

မြန်မာနိုင်ငံတွင် လွန်ခဲ့သော ငါးနှစ်ခန့်က စတင်ကာ Defense of the Ancients အများရင်းနှီးတဲ့ အသုံးအနှုန်း ဒိုတာ (Dota) ဂိမ်းကစားနည်းတစ်မျိုး လူငယ်များအကြား ရေပန်းစားလာခဲ့ပြီးနောက် နည်းပညာ ဗဟုသုတ အားနည်းသော မိဘများနှင့် အဆိုပါဂိမ်းကို ပရော်ဖက်ရှင်နယ် အဆင့်ထိ ကစားရန် ကြိုးပမ်းနေသော လူငယ်များအကြား ပြဿနာအချို့ ရှိလာသည်။

အဆိုပါ Dota ဂိမ်းကို ဥရောပနှင့် အိမ်နီးချင်းနိုင်ငံများတွင် အားကစားနည်း တစ်ခုကဲ့သို့ ဆော့ကစားနေကြပြီး အဆိုပါဂိမ်းတွင် လက်ရည်ကောင်းမွန်သူများကို နည်းပညာကုမ္ပဏီများက ပံ့ပိုးမှုပေးခြင်း၊ လူငယ်များကြား အောင်မြင်ကျော်ကြားသော အားကစားသမား တစ်ဦးကဲ့သို့ အလေးထား ဆက်ဆံခြင်းတို့ကို ကြည့်ကာ မြန်မာနိုင်ငံရှိ လူငယ်အများစု ထိုဂိမ်းကို ပညာရပ်တစ်ခုကဲ့သို့ အလေးထား ဆော့ကစားလာကြသည်။

“ပြည်တွင်း ပွဲတွေမှာတောင် နိုင်ရင် သိန်းဂဏန်းလောက်ကို ရတယ်။ နိုင်ငံတကာမှာဆိုရင် Gamer တွေကို နာမည်ကြီး ဘောလုံးသမားတွေလိုမျိုး ဆက်ဆံကြတာ။ ကျွန်တော်တို့က အဲ့လိုဖြစ်ချင်တာ” ဟု လှိုင်မြို့နယ်နေ အသက် ၁၈ နှစ်အရွယ် GTC ကျောင်းသား ဂိမ်းဝါသနာရှင်တစ်ဦးက ဆိုသည်။

မြန်မာနိုင်ငံရှိ မိဘများအနေနှင့်လည်း မိမိတို့၏ မျိုးဆက်များကို မိရိုးဖလာ စီးပွားရေးလုပ်ငန်းများကို လုပ်ကိုင်စေလိုပြီး ဘွဲ့မရခင်အထိ တက္ကသိုလ်ပညာရေးကို ကြိုးစားသင်ယူစေလိုသော အစဉ်အလာများနှင့် မြန်မာနိုင်ငံ အခြေအနေအရ မသေချာသော လမ်းကြောင်းတစ်ခုကို တိုးဝင်ခြင်းထက် အောင်မြင်ပြီးသူတို့၏ နောက်သို့ လိုက်ရန်သာ ညွှန်ကြားတတ်ကြသည်။

“သူတို့ပြောနေတဲ့ ဂိမ်းအားကစားကို ဦးတို့အနေနဲ့ အဆင်ပြေမယ် မထင်ဘူး။ ဦးတို့မိဘတွေက ဆယ်တန်းအမှတ်နဲ့ ကိုက်တဲ့ ဘွဲ့တစ်ခုကိုယူ၊ နောက်အလုပ်အကိုင် အခွင့်အလမ်းပေါတဲ့ လုပ်ငန်းခွင်ဝင်၊ အဲလောက်ပဲ ဖြစ်စေချင်တာ။ ဒါပေမဲ့ သူတို့က လမ်းသစ်တစ်ခုကို ဖောက်ဖို့အတွက် အားသန်နေကြတယ်။ နေ့ည ဂိမ်းဆိုင်မှာချည်းပဲ။ လတ်တလော အိမ်က သားကတော့ အချင်းချင်း ပိုက်ဆံကြေး ဆော့နေကြတာပဲ။ ပြိုင်ပွဲတွေ ဘာတွေ ဆော့တာတော့ မတွေ့ဖူးသေးဘူး” ဟု ဂိမ်းဝါသနာရှင် သားတစ်ဦး၏ ဖခင်ဖြစ်သူ ဦးအေးကိုက ပြောကြားသည်။

ဥရောပနိုင်ငံများနှင့် အာရှတိုက်အချို့ နိုင်ငံများတွင် e-Sports ပြိုင်ပွဲပေါင်း များစွာကို လစဉ် ကျင်းပနေပြီး ဆုကြေးများမှာလည်း မက်လောက်စရာပင် ဖြစ်သည်။ ဥပမာအားဖြင့် ဂျာမနီနိုင်ငံ ဖရန့်ဖတ်မြို့တွင် လာမည့် ဇူလိုင်လ ၂၈ ရက်၊ ၂၉ ရက်နေ့များတွင် ကျင်းပမည့် ESL One Dota 2 ပြိုင်ပွဲကို ဥရောပတိုက်မှ အင်အားကြီး ဂိမ်းကလပ် သုံးခု၊ အမေရိကတိုက်မှ တစ်သင်း၊ အာရှမှ တစ်သင်းနှင့် တရုတ်နိုင်ငံမှ အသင်းတစ်သင်းတို့အပြင် ဖိတ်ကြားခံ အသင်းနှစ်သင်းတို့ ယှဉ်ပြိုင်ကြမည် ဖြစ်ပြီး အနိုင်ရရှိသော အသင်းမှာ အမေရိကန်ဒေါ်လာ ရှစ်သောင်းကျော်ခန့် အနည်းဆုံး ရရှိမည် ဖြစ်သည့်အပြင် ကျန်အသင်းများလည်း အမေရိကန်ဒေါ်လာ လေးသောင်း၊ နှစ်သောင်း၊ တစ်သောင်းကျော် ဆုကြေးများကို ရရှိမည် ဖြစ်သည်။

နိုင်ငံတကာ e-Sports လောကကို မျှော်ကြည့်နေသော လူငယ်များအတွက် မျှော်လင့်ချက် များစွာ ရှိနိုင်သလို တစ်လလျှင် ပြိုင်ပွဲတစ်ပွဲမျှ မကျင်းပသော မြန်မာ e-Sports လောကကို မှီခိုမည့် လူငယ်များအတွက် မိဘများ ရင်လေးကျသည်မှာလည်း မိဘများအလွန် မဟုတ်ချေ။ မြန်မာနိုင်ငံတွင် အာရှအဆင့်အထိ အောင်မြင်သော G-Seven ကဲ့သို့ အသင်းကြီးများ ရှိသော်လည်း လက်ချိုးရေတွက်လျှင် ဆယ်ချောင်းပြည့်မည် မဟုတ်ပေ။

“ကျွန်တော်တို့ စဆော့တုန်းက ပြည်တွင်းပွဲလေးတွေပဲ ဆော့ရတာ။ နောက်မှ Online ကနေ SEA ပွဲလေးတွေ ဆော့တယ်။ အဲဒီကမှတစ်ဆင့် ဖိတ်တဲ့ပြိုင်ပွဲတွေကို ဆော့တယ်။ နိုင်ငံခြားမှာ ဆော့ဖို့ဆိုတာက စပွန်ဆာ လိုတယ်။ ပြည်တွင်းမှာ e-Sports နဲ့ ပတ်သက်ပြီး လှုပ်ရှားတဲ့ အဖွဲ့အစည်း နည်းသေးတယ်။ နောက်ပြိုင်ပွဲတွေ အရမ်းနည်းပါတယ်” ဟု G-Seven အသင်းခေါင်းဆောင် Kenji က ဆိုသည်။

ယခင်က ဘောလုံးအားကစားသမားများကို ဝင်ငွေပုံမှန် ရရှိနေသော အခြားသူများကဲ့သို့ လေးစားခဲ့ခြင်း မရှိခဲ့ဘဲ မြန်မာနိုင်ငံ ဘောလုံးလောကကို ပရော်ဖက်ရှင်နယ် အဆင့်သို့ ၂၀၀၉ ခုနှစ်မှ စတင်ကာ တိုးမြှင့်ခဲ့ပြီးနောက်တွင်မူ ပုံမှန်ဝင်ငွေ ရှိလာခဲ့ခြင်း၊ ပြိုင်ပွဲများ ဆက်တိုက်ဆိုသလို ရှိနေခြင်းကြောင့် မိဘများအနေနှင့် မိမိတို့၏ သားသမီးများ ဘောလုံးအားကစားနည်းကို အသက်မွေးဝမ်းကျောင်း ပညာရပ်တစ်ခုအဖြစ် လေ့လာနေခြင်းကို လက်ခံလာကြသည်။ “e-Sports က အားကစားပါပဲ။ ဘောလုံးကောင်းကောင်း ကစားနိုင်ရင် လစာကောင်းကောင်း ရနိုင်သလို ဂိမ်းကောင်းကောင်း ဆော့နိုင်ရင်လည်း လခ ကောင်းကောင်း ရနိုင်ပါတယ်။ ဒါပေမဲ့ e-Sports မဖွံ့ဖြိုးသေးတဲ့ နိုင်ငံတွေ အတွက်တော့ ဂိမ်းကို တစ်သမတ်တည်း လိုက်ဖို့ဆိုတာက တော်တော်ခက်ခဲမယ်။ မိဘတွေ နားလည်လာဖို့အတွက် ကျွန်တော်တို့ ကြိုးစားမှာပါ။ အားကစားပွဲတိုင်းမှာတော့ ထောက်ပံ့တဲ့ စပွန်ဆာလိုတယ် သူတို့ကလည်း e-Sports ဖွံ့ဖြိုးရေးအတွက် အရေးကြီးတဲ့အပိုင်းမှာ ပါပါတယ်” ဟု Kenji က ဆိုသည်။

e-Sports ဖွံ့ဖြိုးပြီးဖြစ်သော နိုင်ငံများတွင် ပညာရှင်များက e-Sports ၏ လူငယ်များအပေါ် လွှမ်းမိုးမှုကို လေ့လာမှုများ ပြုခဲ့ကြပြီး ဘေးထွက်ဆိုးကျိုးများကို စာတမ်းပြုစုခဲ့ကြသည်။ ဂိမ်းကစားချင်းကို စွဲမက်သွားသော လူငယ်များအနေနှင့် လူမူရေးဆက်ဆံမှုဆိုင်ရာ ကိစ္စရပ်များတွင် များစွာ ကျဆင်းသွားခြင်း၊ မိမိနေထိုင်ရာ ပတ်ဝန်းကျင်နှင့် အံမဝင်ခြင်းများအပြင် ကျောင်းစာများကို စိတ်ပါဝင်စားမှု အားနည်းလာခြင်း၊ စိတ်ဖိစီးမှု များပြားခြင်းများ ဖြစ်ပွားတတ်ပြီး ကောင်းကျိုးများ အနေနှင့် အရက်သေစာ၊ မူးယစ်ဆေးများ၊ မိန်းမကိစ္စ အရှုပ်အရှင်းများကို စိတ်ပါဝင်စားခြင်း မရှိတတ်ကြောင်း စာတမ်းတွင် ဖော်ပြထားသည်။

“အိမ်ကသား ဂိမ်းဆော့လို့ စာမေးပွဲကျတာ ၂ နှစ် ဖြစ်သွားပြီ။ သူတို့ နေ့ရော ညပါ ဂိမ်းဆော့နေတတ်ကြတယ်။ ကောင်းတာတစ်ခုဆိုလို့ ခိုက်ရန်ဖြစ်ပွားတာ၊ အရက်သောက်တာ၊ မူးယစ်ဆေးသုံးတာ၊ နောက်ဆုံး ရည်းစားကအစ သူမထားဘူး။ အဲဒီဂိမ်းကိုပဲ စွဲလမ်းနေတယ် ထင်ရတယ်” ဟု GTC ပထမနှစ် ကျောင်းသားတစ်ဦး၏ မိခင်ဖြစ်သူ ဒေါ်ရည်မွန်သန့်က ဆိုသည်။

၂၀၁၄ ခုနှစ် ဇူလိုင်လ ၁၈ ရက်နေ့မှ ၂၁ ရက်နေ့အထိ အမေရိကန်ပြည်ထောင်စု၊ ဝါရှင်တန်ဒီစီတွင် Dota 2 Championship The International 2014 ကျင်းပမည်ဖြစ်ပြီး ဆုကြေးအဖြစ် အမေရိကန်ဒေါ်လာ ၂ သန်းကျော်ကို ချီးမြှင့်မည် ဖြစ်ကာ အဆိုပါပြိုင်ပွဲ တိုက်ရိုက်ကြည့်ရှုခွင့် လက်မှတ်ကို အမေရိကန်ဒေါ်လာ ၉၉၊ ၁၉၉ နှင့် ၄၉၉ ဒေါ်လာအထိ သတ်မှတ်ထားပြီး ထိုင်ခုံအလုံး တစ်သောင်းစာ လက်မှတ် အားလုံး ၁ နာရီအတွင်း ရောင်းကုန်သွားကြောင်း သိရှိရသည်။

အသက်မွေးဝမ်းကျောင်း အားကစားတစ်ခုအဖြစ် ရပ်တည်နိုင်သော e-Sports အပေါ် လုံးဝလက်မခံနိုင်သော လူကြီးများနှင့် အခွင့်အလမ်း နည်းပါးနေသေးသော e-Sports လမ်းကြောင်းကို ပညာရေး အထိခိုက်ခံကာ တစ်ဖက်တည်း မျက်စိမှိတ် တိုးဝင်နေသော လူငယ်အချို့ကြား ညှိနှိုင်းပြင်ဆင်ရန် လိုအပ်ချက်များ ရှိနေသည်။

အောင်သော်ဖြိုး
The Voice Weekly

ဆက်ဖတ်ရန်>>>>