အမှန်က . . .ဤသို့ဖြစ်ပါသည်

THE MYANMAR TIMES ဂျာနယ် October 8-14,2012 Volume 33, No.647 ကို ဖတ်နေရင်း စာမျက်နှာ ၂ ကိုအရောက် ကျွန်တော့်မျက်လုံးများ ရုတ်တရက်ပြာဝေ သွားပါသည်။ သေချာစွာ စူးစိုက်၍ ထပ်မံကြည့် မိပါသည်။ ကာတွန်း ဆရာ တစ်ဦးက အစိုးရ၏ငြိမ်း ချမ်းရေးဆောင် ရွက်မှုတွင် တပ်မတော်မှ ဆန့်ကျင်ဘက် အသွင် ဆောင်ရွက်နေ သယောင် သရုပ်ဖော် ရေးဆွဲထားခြင်း ဖြစ်ပါသည်။ ကျွန်တော့်စိတ်ထဲ အတော်ပင် ထိခိုက် ကြေကွဲစွာ ခံစား ရပါသည်။ တပ်မတော်မှ နိုင်ငံတည်ငြိမ်အေးချမ်းစေ ချင်လွန်းသဖြင့် အစိုးရနှင့် ပူးပေါင်းပြီး ငြိမ်းချမ်းရေး ကို တစိုက်မတ်မတ်ဆောင် ရွက်နေသည့် အချိန်တွင် ယခုကဲ့သို့ တစ်စုံတစ်ယောက်က ဆန့်ကျင် ဘက်သဘော ရေးဆွဲဖော်ပြခဲ့ခြင်း အတွက် အံ့သြတုန် လှုပ်ခြင်းလည်း ဖြစ်ခဲ့ရပါသည်။ ကျွန်တော့်လိုပင် တပ်မတော်သား အားလုံးလည်း စိတ်မကောင်းခြင်းကြီးစွာဖြစ်ရ မည်ဟု နားလည် ခံစားမိပါသည်။ တစ် ဦးတစ်ယောက် ၏ ရည်ရွယ် ချက်မဲ့ (ဟုထင်ပါသည်) ရေးဆွဲ လိုက်သည့် ကာတွန်း တစ်ကွက်သည် ကြည့်ရှု မိသူ အတွက် တပ်မတော်၏ သဘောထား အပေါ် မှားယွင်းစွာ တွေးထင်ကောင်း တွေးထင်နိုင်စေလိမ့်မည်ဖြစ် ပါသည်။ ထို့ကြောင့် တပ်မတော်၏ ငြိမ်းချမ်းရေးအပေါ် သဘောထားရပ်တည်ချက်များ ကို ကျွန်တော်သိ သလောက် ရှင်းပြသင့် သည်ဟု ယူဆလာမိပါသည်။

ကာတွန်းပါ သရုပ်ဖော် ချက်သည် တပ်မတော်၏ မူဝါဒနှင့် လုံးဝဆန့်ကျင် လျက်ရှိနေကြောင်း အများပြည်သူ သိစေ လိုပါသည်။ နိုင်ငံ၏သမိုင်းနှင့်ထပ်တူ ထပ်မျှယှဉ်တွဲ တည်ရှိခဲ့သော တပ်မတော်အနေဖြင့် နိုင်ငံတော်၏ လက်ရှိ ဆောင်ရွက်နေသော ငြိမ်းချမ်းရေးလုပ် ငန်းစဉ် (Peace Process) များတွင် လည်း နိုင်ငံတော်နှင့် တစ်သွေးတည်း တစ်သားတည်း လိုက်ပါဆောင်ရွက် လျက်ရှိနေပါသည်။ တပ်မတော်သမိုင်း တစ်လျှောက် အသက်သွေးချွေးများ စတေး၍ ဆင်နွှဲခဲ့ရသော စစ်ဆင်ရေး များအားလုံးသည် နိုင်ငံတော် တည်ငြိမ် ရေးနှင့်ငြိမ်းချမ်းရေး အတွက် ဆောင်ရွက်ခဲ့ရခြင်းသာ ဖြစ်ကြောင်းကို နိုင်ငံ့သမိုင်းက သက်သေခံလျက်ရှိ ပါသည်။ တပ်မတော်မှ ငြိမ်းချမ်းရေး တည်ဆောက် လာသည်မှာ ယနေ့လို ဒီမိုကရေစီခေတ် မှ မဟုတ်ဘဲ ပြည်တွင်း သောင်းကျန်းမှု စတင်ခဲ့သည့် လွန်ခဲ့သောနှစ်ပေါင်း ၆၄ နှစ် ကတည်းကပင် ဖြစ်ကြောင်း ညွှန်းဆို လိုပါသည်။

ယနေ့နိုင်ငံတော် သမ္မတ ဦးသိန်းစိန် ခေါင်းဆောင်သော အစိုးရအဖွဲ့သည် နိုင်ငံတွင် ဒီမိုကရေစီ ဆက်လက် ရှင်သန် ရေးအတွက် အဓိကလိုအပ်ချက် ၂ ရပ်ဖြစ်သည့် တည်ငြိမ်အေးချမ်းရေးနှင့် စီး ပွားရေးဖွံ့ဖြိုးတိုးတက်မှု လုပ်ငန်းစဉ်ကို ဆောင်ရွက်လျက် ရှိပါသည်။ တိုင်းပြည်တည်ငြိမ် အေးချမ်းရေးအတွက် နိုင်ငံရေး လုပ်ငန်း စဉ်များတွင် All Inclusive Political Process ကိုအကောင်အထည် ဖော်နေပြီး ထာဝရ ငြိမ်းချမ်းရေး ရရှိရန် ဆောင်ရွက်လျက်ရှိရာ အစိုးရမှချမှတ်ထားသော လုပ်ငန်းစဉ်များအပေါ် တပ်မတော်မှ လိုက်ပါဆောင်ရွက်လျက် ရှိပါ သည်။

၂ဝ၁၁ ခုနှစ် ဒီဇင်ဘာလ ၁ဝ ရက် နေ့တွင် နိုင်ငံတော် သမ္မတရုံးမှ တပ်မတော်အား ကချင်ပြည်နယ်အတွင်း ခုခံကာကွယ်ရုံမှအပ ပစ်ခတ်တိုက်ခိုက်ခြင်း၊ တပ်များရွှေ့ပြောင်းခြင်း၊ KIA တပ်စခန်းများအား ချီတက်ထိုး စစ်ဆင်တိုက်ခိုက်ခြင်း များမပြုလုပ်ရန် ညွှန်ကြား ထားရှိမှုအပေါ် တပ်မတော်မှ တိကျစွာ လိုက်နာလျက်ရှိ ပါသည်။ ယခုအချိန် အထိလည်း စိတ်ရှည်သည်းခံစွာဖြင့် လိုက်နာဆောင်ရွက်ဆဲဖြစ်ပါသည်။

တိုင်းရင်းသားလက်နက်ကိုင်အဖွဲ့ အစည်းများနှင့် ငြိမ်းချမ်းရေး ဆွေးနွေးရာ တွင် ဦးဆောင်ဦးရွက်ပြုရန် အတွက် ပြည်ထောင်စု ငြိမ်းချမ်းရေးဖော်ဆောင်ရေး ဗဟိုကော်မတီကို ၃-၅-၂ဝ၁၂ ရက် နေ့တွင် နိုင်ငံတော် သမ္မတရုံး၏ အမိန့် အမှတ် ၁၁/၂ဝ၁၂ ဖြင့် နိုင်ငံတော် သမ္မတ ဥက္ကဋ္ဌအဖြစ် ပါဝင်သည့်အဖွဲ့ဝင် ၁၁ ဦးဖြင့် ဖွဲ့စည်းခဲ့ပါသည်။

ယင်းနေ့တွင်ပင် ပြည်ထောင်စု ငြိမ်းချမ်းရေး ဖော်ဆောင်ရေးလုပ်ငန်း ကော်မတီကို နိုင်ငံတော် သမ္မတရုံး၏ အမိန့်အမှတ် ၁၂/၂ဝ၁၂ ဖြင့် အဖွဲ့ဝင်ပေါင်း ၅၂ ဦး ဖြင့် ဖွဲ့စည်းခဲ့ပါ သည်။ ဗဟိုကော်မတီတွင် တပ်မတော်ကာကွယ်ရေး ဦးစီးချုပ်သည် အဖွဲ့ဝင်အဖြစ် လည်းကောင်း၊ လုပ်ငန်းကော်မတီ တွင် ဒုတိယတပ်မ တော်ကာကွယ်ရေး ဦးစီးချုပ် ကာကွယ်ရေး ဦးစီးချုပ်(ကြည်း)သည် ဒုတိယ ဥက္ကဋ္ဌအဖြစ် လည်းကောင်း ပါဝင်လျက် ရှိပါသည်။ ထို့ကြောင့် တည်ဆောက်ပြီး ခဲ့သည့် ငြိမ်းချမ်းရေး ရလဒ်များတွင် တပ် မတော်ခေါင်းဆောင် များသည် အရေးကြီးသည့် အခန်းကဏ္ဍမှ ပါဝင်ဆောင်ရွက် ခဲ့သည်ကို ရှင်းလင်းပြတ်သား စွာ မြင်တွေ့နိုင်ပြီဟု ယူဆပါသည်။

နိုင်ငံတော်ဖွဲ့စည်းပုံ အခြေခံဥပဒေ ပုဒ်မ(၂ဝ) ပုဒ်မခွဲ(စ)တွင် ''တပ်မတော်သည် နိုင်ငံတော်ဖွဲ့စည်းပုံ အခြေခံ ဥပဒေကို ကာကွယ်စောင့်ရှောက်ရန် အဓိကတာဝန်ရှိသည်'' ဟု အတိအကျဖော်ပြ တာဝန်ပေးအပ်ထားပြီး ဖြစ်ပါသည်။ ၄င်းဖွဲ့စည်းပုံ အခြေခံ ဥပဒေပါအတိုင်း တပ်မတော်အနေဖြင့် လိုက်နာဆောင်ရွက် သွားမည်ပင်ဖြစ် ပါသည်။ လက်ရှိအခြေ အနေများတွင် ပဋိပက္ခများ ဖြစ်ပွားနေသည့် ကချင်ပြည်နယ်နှင့် ရှမ်းပြည်နယ် ရှိနေရာ အချို့အတွင်း လက်နက်ကိုင် အဖွဲ့အစည်းများသည် ဖွဲ့စည်းပုံအခြေ ခံဥပဒေနှင့် ညီညွတ် မှုမရှိခြင်း၊ ငြိမ်းချမ်း ရေးနှင့် ပတ်သက်သော သဘောတူညီ မှုများကို ဖောက်ဖျက်နေခြင်း များကြောင့် တပ်မတော်မှ ဥပဒေနှင့် အညီဆောင်ရွက် နေရခြင်းသာဖြစ် ပါသည်။

တစ်နည်းအားဖြင့် တပ်မတော်၏ လက်ရှိဆောင် ရွက်နေမှုများ သည် အဓိကတာဝန်ဖြစ်သည့် ဖွဲ့စည်းပုံ အခြေခံဥပဒေအား ကာကွယ်စောင့်ရှောက်နေခြင်းပင်ဖြစ်ကြောင်း သိစေလိုပါသည်။

တပ်မတော်၏ ငြိမ်းချမ်းရေးအပေါ် သဘောထားနှင့် ပတ်သက်ပြီး သံသယ ဖြစ်နေသူများ အတွက် ၂၈-၃-၂ဝ၁၂ ရက်နေ့ထုတ် သတင်းစာများကို ညွှန်း ဆိုလိုပါသည်။ ၂ဝ၁၂ ခုနှစ် (၆၇)နှစ် မြောက် တပ်မတော်နေ့တွင် တပ်မတော်ကာကွယ်ရေး ဦးစီးချုပ်ပြောကြားခဲ့သော မိန့်ခွန်းအား လေ့လာကြည့်ပါက တပ်မတော်၏ ငြိမ်းချမ်း ရေးအပေါ် သဘောထားအား မီးမောင်းထိုးပြထားသလို ထင်ရှားစွာမြင်တွေ့ နိုင်မည်ဖြစ်ပါသည်။ အချို့ကို ကောက်နုတ်ဖော်ပြရပါသော် ''အသက်ခန္ဓာကို စွန့်လွှတ်ပြီး နိုင်ငံတော် ကာကွယ်ရေး တာဝန်ကို ထမ်းဆောင် ကြရသော တပ်မတော်သည် ထာဝရငြိမ်းချမ်းရေးနှင့် ဖွံ့ဖြိုးတိုးတက်ရေးကို ပိုပြီးလိုလားပါသည်။ ဖြစ်နိုင်သမျှ ထာဝရ ငြိမ်းချမ်းရေးရရှိအောင် စစ်မှန်သည့် ပြည်ထောင်စု စိတ်ဓာတ်ဖြင့် နိုင်ငံတော်နှင့် အတူ လက်တွဲ ဆောင်ရွက် သွားမည်ဖြစ်ပြီး ထိုမှတစ်ဆင့် နိုင်ငံတော် ဖွံ့ဖြိုးတိုး တက်ရေးကို အလေးထားဆောင်ရွက် သွားမည်'' ဟု အခိုင်အမာ ပြောကြားခဲ့ပါသည်။ ယင်းမိန့်ခွန်းတွင်ပင် ''တိုင်းရင်းသားများ စုပေါင်းနေထိုင်ကြ သော မိမိတို့နိုင်ငံ၌ နိုင်ငံရေးစွမ်း အားမြင့်မားရေး အခြေခံလိုအပ်ချက်သည် တိုင်းရင်းသား စည်းလုံးညီညွတ် ရေးနှင့် နိုင်ငံအေးချမ်းတည်ငြိမ်မှုရှိ ရေးပင်ဖြစ်သည်'' ဟုလည်း ထည့်သွင်းပြောကြား ခဲ့ပါသည်။ တိုင်းရင်း သားစည်း လုံးညီညွတ်ရေး အရေးပါပုံနှင့် အစိုးရ၏နိုင်ငံရေး ဆောင်ရွက်ချက်များ အောင်မြင်ရန် တည်ငြိမ် အေးချမ်းမှု ရှိရေး အဓိကကျပုံ တို့ကို ထုတ်ဖော်ပြော ကြားခဲ့ခြင်း ဖြစ်ပါသည်။

THE MYANMAR TIMES ဂျာနယ်ပါ ကာတွန်းပုံသည် ငြိမ်းချမ်းရေးကို လိုလားသူ လူသားတိုင်းအတွက် မလိုလားဖွယ် မြင်ကွင်းဖြစ်ပါသည်။ နိုင်ငံတော်သမ္မတ၊ အစိုးရနှင့် တပ်မတော်တို့ ပူးပေါင်းဖွဲ့စည်းထားသည့် ပြည်ထောင်စု ငြိမ်းချမ်းရေး ဖော်ဆောင်ရေး ဗဟိုကော်မတီ၊ လုပ်ငန်း ကော်မတီတို့၏ ထာဝရ ငြိမ်းချမ်းရေး လုပ်ငန်းစဉ်များကို သိလျက်နှင့် တမင်ထိခိုက်စေလိုသည့် ရည်ရွယ်ချက်၊ ပျက်စီးစေလိုသည့် ကြံရွယ်ချက် များနှင့် ရေးသားသည်ဟု ယူဆဖွယ်ရှိ နေပါသည်။

ယနေ့ တပ်မတော်သည် ငြိမ်းချမ်းရေး ရရှိပြီးသော ဒေသများရှိ ပြည်သူများ ၏ ပညာရေး၊ ကျန်းမာရေးစသည့် ကိစ္စအရပ်ရပ်တွင် ကိုယ်ရောစိတ်ပါနှစ်၍ လူအင်အား၊ ပစ္စည်းအင်အားများဖြင့် ဆောင်ရွက်ပေးလျက်ရှိနေ ပါသည်။ လူသူအရောက်အပေါက် ဝေးကွာသည့် ဆက်သွယ်မှုခက်ခဲသော နေရာများအထိပါ တာဝန်သိသိ၊ အသိစိတ်ရှိရှိဖြင့် ဒေသဖွံ့ဖြိုးရေး လုပ်ငန်းများကို သက်ဆိုင်ရာ အစိုးရများနှင့် ပူးပေါင်းလုပ် ဆောင်ပေးလျက် ရှိပါသည်။ သာဓကအားဖြင့် ကရင်ပြည်နယ်၊ ကယားပြည် နယ်လို ဒေသမျိုးတွင်ဖြစ် ပါသည်။

ပြည်သူများ၏ အသက်အိုးအိမ်စည်း စိမ်လုံခြုံမှုအတွက် တရားဥပဒေ စိုးမိုး ရေးသည် အဓိကအခြေခံအကြောင်း အချက်ကြီး ဖြစ်ပါသည်။ တရားဥပဒေ စိုးမိုးရေးအတွက် တည်ငြိမ်အေးချမ်းမှုရှိ ရန်လိုအပ်ပါသည်။ နိုင်ငံအဝန်း တည်ငြိမ်အေးချမ်းရေးကို တပ်မတော်မှ အကောင်အထည်ဖော်နေခြင်းသာ ဖြစ်ပါသည်။

THE MYANMAR TIMES ကဲ့သို့ ဂုဏ်သိက္ခာရှိ ဂျာနယ်ကြီးတစ်စောင်မှ နိုင်ငံတော် အစိုးရ၏ ငြိမ်းချမ်းရေးလုပ် ငန်းစဉ်များအပေါ် တပ်မတော်မှ လိုက်ပါဆောင်ရွက်မှု မရှိသယောင် ပုံဖော်ရေး ဆွဲထားသည့်ကာတွန်းအား ဖော်ပြခဲ့ခြင်းသည် ထိလွယ်ရှလွယ် သဘောတရား Sensitivity ဖြစ်ပေါ်လာနိုင် သည်ကို နားလည် သင့်ပါသည်။ ထိုကဲ့သို့ဖော်ပြ ခြင်းက တပ်မတော်အပေါ်နှင့် တပ်မတော်၏ ငြိမ်းချမ်းရေး တည်ဆောက်မှုလုပ် ငန်းများအပေါ် အနည်းနှင့် အများဆိုသလို ထိခိုက်စေနိုင်ပါသည်။

ဤနေရာတွင် အပိုင်း(၂)ပိုင်း ယူဆနိုင်ပါသည်။ ပထမပိုင်းမှာ ကာတွန်း ရေးဆွဲသူ အနေဖြင့် တပ်မတော်အား ထိခိုက်စေလိုသော သဘောဖြင့် ရေးဆွဲခဲ့ခြင်း ဖြစ်သည်ဟု ယူဆနိုင် သကဲ့သို့ ဒုတိယ တစ်ပိုင်းမှာ မည်သည့် ရည်ရွယ် ချက်မှမရှိဘဲ တိုက်ဆိုင်မှု တစ်ခုသာဖြစ်သည်ဟုလည်း ယူဆနိုင်ပါသည်။ တပ်မတော်အနေဖြင့် ရေးဆွဲသူသည် မည်သည့် ရည်ရွယ်ချက်မှ မရှိဘဲ ပျော်စေပျက်စေ သဘောဖြင့်သာ ရေးဆွဲခဲ့သည် ဟု သဘောထားကြီးစွာ ယူဆပါသည်။ ရေးဆွဲသူနှင့် တည်းဖြတ်သူများ၊ အယ်ဒီတာချုပ်၊ ဂျာနယ်တိုက် ပိုင်ရှင်များ နောင်ဤကဲ့သို့ ထပ်မံမမှားယွင်းစေရေး သတိပြုဆောင်ရွက်သွားရန် လိုအပ်ကြောင်း ရှင်းလင်းရေးသား ရခြင်းဖြစ်ပါသည်။ အများပြည်သူ အထင်အမြင်လွဲမှားစေမည့် ရေးဆွဲမှုမျိုးကို နောင်တွင်ဆင်ခြင် သွားရန် လိုအပ် သကဲ့သို့ ဂျာနယ်မှ တာဝန်ရှိသူများ အနေဖြင့်လည်း သိရှိ ထိန်းသိမ်းသွားရန် လိုအပ်မည်ဖြစ်ပါသည်။ တပ်မတော်၏ သဘော ထား ခံယူ ချက်များ၊ လုပ်ဆောင်နေသည့် ငြိမ်းချမ်း ရေးဆိုင်ရာ လုပ်ငန်းစဉ်များ အပါအဝင် ပကတိအမှန်တရားများကို သိရှိလိုပါက ကာကွယ်ရေးဝန်ကြီးဌာန ရုံးအဖွဲ့မှူးနှင့် Myawady Web Portal တို့တွင် စုံစမ်း မေးမြန်းကြည့်ရှု နိုင်ပါသည်။

သမိုင်းအစဉ်အလာကောင်းသော တပ်မတော်သည် ပြည်သူကြားမှ ပေါက်ဖွားလာသော တပ်မတော်ဖြစ် သည်နှင့်အညီ နိုင်ငံတော်နှင့် နိုင်ငံသားအားလုံး၏ အသက်အိုးအိမ် စည်းစိမ်များကို အစဉ်ကာကွယ် စောင့်ရှောက်ရန် အမြဲဦးထိပ်ပန်ဆင် ဆောင်ရွက်လျက် ရှိပါသည်။ နိုင်ငံအား ဒုက္ခရောက်စေမည့်၊ တိုင်းရင်းသား ချစ်ကြည် စည်းလုံးမှုပြိုကွဲ ပျက်စီးစေမည့်၊ နိုင်ငံတော်၏ အချုပ်အခြာအာဏာကို ထိပါးမည့် ပြည်တွင်း ပြည်ပအန္တရာယ် မှန်သမျှနှင့် အဖျက် လုပ်ရပ်မှန်သမျှကို အစဉ်အလာအားဖြင့် ကာကွယ်စောင့်ရှောက် ခဲ့ သလို အနာဂတ်တွင်လည်း သမိုင်းအစဉ်လာ ကောင်းများကို ဆက်လက်ထိန်းသိမ်းကာ ကာကွယ်စောင့်ရှောက် သွားမည် ဖြစ်ပါသည်။

တပ်မတော်၏ သမိုင်းကြောင်းသည် နိုင်ငံ၏ သမိုင်းကြောင်းနှင့် ခွဲခြား၍မရ ဆိုသည်ကို အားလုံးက လက်ခံ ထားပြီးဖြစ်ပါသည်။ မိမိတို့နိုင်ငံ၏ ပထဝီအနေအထား သမိုင်းကြောင်း များ အရ နိုင်ငံတော်နှင့် နိုင်ငံသား အားလုံး၏ အမျိုးသား အကျိုးစီးပွားကို ထိန်းသိမ်း စောင့်ရှောက် အကောင်အထည် ဖော်ရန် အတွက် ပြည်ထောင်စု မပြိုကွဲရေး၊ တိုင်းရင်းသား စည်းလုံးညီညွတ်မှု မပြိုကွဲရေး၊ အချုပ်အခြာအာဏာ တည်တံ့ ခိုင်မြဲရေး ဆိုသည့် ဒို့တာဝန်အရေး (၃)ပါးကို အမျိုးသားရေး မူဝါဒအဖြစ် ချမှတ်ထားပါသည်။ တပ်မတော် သည် ဒို့တာဝန်အရေး (၃)ပါးကို ဦးထိပ်ထားပြီး နိုင်ငံတော်၏ အကျိုးစီးပွား၊ ပြည်သူလူထု၏ အကျိုးစီးပွား များနှင့် အသက်အိုးအိမ် စည်းစိမ်များကို ကာကွယ်စောင့် ရှောက်နေခြင်း ဖြစ်သ ကဲ့သို့ နိုင်ငံတော် ဖွံ့ဖြိုး တိုးတက်ရေး၊ ဒေသအလိုက် ဖွံ့ဖြိုးတိုးတက်ရေး များကို ပြည်သူလူထု နှင့် ပူးပေါင်းဆောင်ရွက်လျက် ရှိပါသည်။ ယင်းသို့ ဆောင်ရွက်ရာတွင် ပါတီနိုင်ငံရေး ကင်းရှင်းစွာဖြင့် လူမျိုးစွဲ၊ ဒေသစွဲ များမပါရှိဘဲ တစ်နိုင်ငံလုံး၊ တစ်မျိုးသားလုံး၏ အကျိုးစီးပွားကို ဖော်ဆောင်နိုင်မည့် အမျိုးသားနိုင်ငံရေး သက်သက်ကိုသာ ဆောင်ရွက် နေခြင်းဖြစ် ပါသည်။ နိုင်ငံတော်၏ အမျိုးသား နိုင်ငံရေး ဦးဆောင်မှု အခန်းကဏ္ဍတွင် စစ်မှန်သော မျိုးချစ်စိတ် ဖြစ်သည့် ပြည်ထောင်စု စိတ်ဓာတ်ဖြင့် တပ်မတော်ကပါဝင် ထမ်းဆောင်နေခြင်းသာ ဖြစ်ပါသည်။

တပ်မတော်သားကောင်းတို့၏ အရည်အချင်းမှာ စစ်စည်းကမ်းကောင်း မွန်ခြင်းနှင့် အမိန့်နာခံခြင်းပင် ဖြစ်ပါသည်။ တပ်မတော်သားတိုင်းသည် စစ်စည်းကမ်း၊ စစ်မြေပြင် စည်းကမ်းများအပြင် နိုင်ငံတော်က ထုတ်ပြန်ထားသည့် ဥပဒေစည်းကမ်းများကို နိုင်ငံသားများနည်းတူ လေးစားလိုက်နာ ကြရပါသည်။ တပ်မတော်၏ အား(၁ဝ)ပါးတွင် တစ်ပါးအပါ အဝင်ဖြစ်သည့် အမိန့်နာခံ တတ်မှုသည် တပ်မတော်၏ ဂုဏ်ဒြပ် တစ်ခုဖြစ်ပါသည်။ အမိန့်နာခံမှုကောင်းသော တပ်မတော်အဖြစ် သမိုင်းစဉ် တစ်လျှောက် ဂုဏ်သတင်း မွှေးပျံ့ခဲ့သည်မှာ ထူး၍မပြောလိုတော့ပါပြီ။ မျက်မှောက်ခေတ်တွင်လည်း နိုင်ငံတော်အပေါ် သစ္စာစောင့်သိရင်း အမိန့်နာခံမှု ကောင်းသည့် တပ်မတော်ပီသစွာ နိုင်ငံတော်အစိုးရ၏ ငြိမ်းချမ်းရေးလုပ် ငန်းစဉ်များအပေါ် မမှိတ်မသုန် စိတ်ရောကိုယ်ပါ လိုက်ပါဆောင်ရွက်လျက် ရှိနေပါသည်။ တပ်မတော်၏ အစဉ်အလာ (၁၂)ရပ်တွင် ပါဝင်သော မျိုးချစ် တပ်မတော်ဖြစ်သည် ဆိုသည်နှင့် အညီ မိမိတိုင်းရင်းသား လူမျိုးများအပေါ် ချစ်မြတ်နိုးစွာ တစ်အူထုံ့ဆင်း ညီရင်းအစ်ကို စိတ်ဓာတ်ဖြင့် ယမ်းခိုးယမ်းငွေ့များ ကင်းစင်သည့် ထာဝရ ငြိမ်းချမ်းရေး ပန်းတိုင်သို့ နိုင်ငံတော်အစိုးရ၊ ပြည်သူများနှင့် ပူးပေါင်း၍ ဆက်လက် အရောက်လှမ်းသွားမည် ဖြစ်ကြောင်း ရှင်းလင်းရေးသားရပါသည်။

From: မြ၀တီ