ဘူးသီးတောင်မြို့နယ် ပညာရေးမှူးရုံးမှ ဝန်ထမ်း လစာငွေနှင့် ရုံးအသုံး စရိတ်ငွေများ ဖြတ်တောက်ခံရမှု မကျေမနပ်မှုများ တိုးပွား

ရခိုင်ပြည်နယ်၊ ဘူးသီးတောင်မြို့နယ် ပညာရေးဌာနမှ ဧပြီလအတွက် ဝန်ထမ်း လစာငွေများနှင့် အသေး သုံး ခွင့်ပြု စရိတ်များ ထုတ်ပေးရာတွင် ဖြတ်တောက် ခံရမှုများ ရှိနေသဖြင့် ပညာရေး ဝန်ထမ်း များ အကြား တွင် မကျေမနပ်မှုများ ဖြစ်ပေါ်နေပြီး တိုင်ကြားရန် စီစဉ် ဆောင်ရွက်နေကြောင်း သိရှိရသည်။

ပညာရေးဌာနတွင် လိုအပ်သော ကိစ္စများတွင် သုံးစွဲရန် လုံလောက်သော ရံပုံငွေများကို ခွဲဝေ ချမှတ်ပေး ထားပြီး ဖြစ်သဖြင့် ဝန်ထမ်းများ၏ လစာငွေများ၊ အသေးသုံးငွေများကို မည်သည့် အကြောင်းပြချက်နှင့် မဆို ဖြတ်တောက်ခြင်း၊ တောင်းခံခြင်းမပြုရန် ပညာရေး ၀န်ကြီးဌာနမှ ညွှန်ကြားထားခဲ့သော်လည်း ဘူး သီးတောင် မြို့နယ် ပညာရေးမှူးရုံးမှ  အကြောင်းအမျိုးမျိုးပြ၍ ဖြတ်တောက် တောင်းခံနေသည်ဟု ဆရာ ဆရာ မများက ပြောသည်။

ဧပြီလ အတွက် ဆရာ ဆရာမများ လစာငွေမှ အငြိမ်းစား ၀န်ထမ်းများအား ထောက်ပံ့ရန် အတွက် ၂၀၀၀ ကျပ် နှင့် တံဆိပ်ခေါင်းဖိုး  ၅၀၀ ကျပ် ဟု ဆိုကာ စုစုပေါင်း ၂၅၀၀ ကျပ်ကို မြို့နယ် ပညာရေးမှူးရုံးမှ ဖြတ်တောက် ခဲ့သည်ဟု သိရသည်။

အမှန်တကယ် အငြိမ်းစားယူသူ ၀န်ထမ်းများအား ထောက်ပံ့စရိတ် အတွက် ကျခံသည့် ကုန်ကျစရိတ်မှာ ဝန်ထမ်း တစ်ဦးလျှင် ကျပ်တစ်ထောင် (၁၀၀၀)သာ ကျခံသင့်ကြောင့် ယူဆပြီး ယခုကဲ့သို့ ကျပ် ၂၀၀၀ ထိ ဖြတ်တောက်ခြင်း အပေါ် မကျေနပ်မှုများ ဖြစ်ပေါ်လျှက် ရှိနေကြောင်း ဆရာ တစ်ဦးက ပြောသည်။

ယမန်နှစ် ၂၀၁၂-၂၀၁၃ ဘဏ္ဍာရေးနှစ် ကုန်ဆုံးသွားခဲ့ပြီဖြစ်သော်လည်း အခြေခံ ပညာကျောင်းများသို့ ချပေးသော ရံပုံငွေများမှ နောက်ဆုံး အကြိမ်ထုတ်ပေးရမည့် ငွေများမှာ ယခုအထိ မရရှိသေးကြောင်း၊ ယခင်နှစ် ကလည်း ပထမအကြိမ် အသေးသုံးငွေကို ထုတ်ပေးခြင်း မရှိခဲ့ပဲ ငွေပမာဏ ဖေါ်ပြထားခြင်း မရှိသောပြေ စာတွင် လက်ခံရရှိကြောင်း လက်မှတ် ရေးထိုးစေခဲ့ကြောင်းနှင့် ၎င်းငွေများကို ဘုရားတည် သည် ဟု အကြောင်းပြကြောင်း၊ ဒုတိယလေးလပါတ် ခွင့်ပြုငွေ ထုတ်ပေး ရာတွင်လည်း ကျောင်းအလိုက် ရရှိသော ရံပုံငွေမှ (၁၀%)စီကို ဖြတ်တောက် ရယူထားကြောင်း၊  မူလတန်း ကျောင်းအုပ် ဆရာကြီး တစ်ဦး ကပြော ပါသည်။

အခြားကျောင်းအုပ်ဆရာကြီး တစ်ဦးကလည်း “ဖြတ်တာတွေကတော့ အများကြီးပါ။ အသေးသုံးငွေကို ကျောင်း အလိုက် ၆၀၀၀၀ကျပ်ကနေ ၃၀၀၀၀ကျပ်ထိ ခွင့်ပြုငွေရတယ်။ အဲဒီထဲက ကျောင်းတိုင်းကနေ ၁၀%ဖြတ် ယူတယ်။ ဘယ်နေရာကမှ မလွတ်ပါဘူး။ စာနယ်ဇင်း ခွင့်ပြုငွေ အဖြစ် တစ်ကျောင်းကို ၄၅၀၀ ခွင့်ပြု တာကို၊ ၅၀၀ ဖြတ်ယူ ထားတယ်။ တစ်ခါ ခရီးစရိတ်ငွေ ခွင့်ပြုရံပုံငွေကနေ ၂၅% ဖြတ်တယ်။ စာရင်း ဇယားတွေ ဆွဲဖို့ စာရင်းစစ်ကိုပေးရတာက ၂၀% နှင့် စာရင်းစစ် ဦးစီးအတွက် ၅% ပေးရမယ်လို့ အကြောင်း ပြပါတယ်”ဟု ရှင်းပြပါသည်။

ကျောင်းအုပ်ဆရာကြီး တစ်ဦးကလည်း “လစာဖြတ်တာ၊ အသေးသုံး ငွေဖြတ်တာတင် မကပါဘူး အခုလည်း ကျောင်းတွေမှာ စီမံချက်နဲ့ အိမ်သာ ဆောက်လုပ်ဖို့ ရံပုံငွေ ခွင့်ပြုထားတာတွေ ရှိပါသေးတယ်။ အဲဒီရံပုံငွေ ထုတ်ယူ ဖို့ဆိုလည်း ပညာအမျိုးမျိုး ပြတာပဲ။ ချက်လက်မှတ်ရဖို့ အကြိမ်ကြိမ်သွားရတယ်။ ချက် လက် မှတ်ရေး ခ တစ်ထောင် (၁၀၀၀)ကနေ ငါးထောင် (၅၀၀၀)ကျပ်အထိ တောင်းတယ်။ မပေးနိုင်ရင် ထပ်ချိန်း တယ်။ ဌာနက ညွှန်ကြားထားတာက မတ်လ (၃၁)ရက်နေ့မှာအပြီး ထုတ်ပေး ထားရမယ် ပြောတာ အခုဧပြီ လ (၂၅)ရက်နေ့အထိ ထုတ်မရ သေးဘူး။ နောက်ပြီး ဆောက်လုပ်ခွင့်ရတဲ့ တချို့ကျောင်းတွေက အိမ် သာတွေ ကို တခြားလိုအပ်တဲ့ ကျောင်းတွေကိုလည်း မျှဝေ လွှဲပြောင်းပေးမယ်ဆိုပြီး တကယ်တန်းကျတော့ သူတို့ ကန်ထရိုက်လုပ်လို့ အဆင်ပြေတဲ့ ကျောင်းတွေကိုပဲ ခွဲပေးလိုက်တာ တွေ့ရတယ်” ဟု ပြောပါသည်။

ကျောင်းအိမ်သာဆောက်လုပ်ခြင်း လုပ်ငန်းများနှင့်ပတ်သက်ပြီး ကျောင်းအုပ်တစ်ဦးထံ စုံစမ်းကြည့်ရာ “ဘူးသီးတောင် မြို့နယ်၊ ပညာရေးရဲ့ ကျောင်းအိမ်သာတွေကတော့ မဆောက်ခင်ကပင် အနံ့ထွက်နေပြီ။ တစ်မြို့ နယ်လုံးမှာ အိမ်သာလုံးရေ (၃၈၀) ကျော်အတွက် ခွင့်ပြုငွေ သိန်းပေါင်းများစွာ ပေးထားတာ။  အဲဒီ ထဲက (၇၅)လုံး ဆီကနေ တစ်လုံးကို တစ်သိန်းခွဲ (၁၅၀၀၀၀/ကျပ်) ကို ရုံးအတွက်ဆိုပြီး ဖြတ်ထားတာ ရှိသေး တယ်။ ဆောက်လုပ်ရေးကို ပညာရေးမှူးက သူနဲ့အဆင်ပြေတဲ့လူကို ကန်ထရိုက် ပေးခိုင်းတယ်။ ကျောင်း အုပ်ကြီးတွေက ကန်ထရိုက်ကို မကြိုက်လို့ ကိုယ်တိုင်ကြီးကြပ်ပြီး ဆောက်မယ်ဆိုရင် အိမ်သာ တစ်ခန်းကို သုံးသောင်းကျနဲ့ ပညာရေးမှူးကို ပေးရပါတယ်” ဟု ရှင်းပြပါသည်။

“ဒါကတော့ ပညာရေးမှူးတင် မကပါဘူး အောက်က စာရေးဝန်ထမ်းတွေလည်း မတရားလုပ်တယ်။ နှစ်တိုး အချိန်စေ့ လို့ လစာဘီလ်မှာ ထည့်ဆွဲဖို့ တစ်ထောင် ပေးရတယ်။ မပေးရင် နှစ်တိုး မပါတော့ဘူး။ အပြောင်း အရွှေ့ ကိစ္စအတွက်လည်း Service book ရေးခ၊ LPC ရေးခဆိုပြီး ၅၀၀၀ ကနေ ၈၀၀၀အထိ တောင်း တယ်။ ဆရာမ အသစ်တွေလာရင်လဲ ဒီအတိုင်းပဲတောင်းတာပဲ။ ဒီအလုပ်တွေ လုပ်ရမှာက စာရေးတွေရဲ့ တာဝန် မဟုတ် ဘူးလား။ ကိုယ့်တာဝန် ကိုယ်လုပ်ရတာကိုပဲ ပိုက်ဆံရမှ လုပ်ပေးတယ်။ မရရင် အကြောင်း အမျိုး မျိုးပြပြီး ကြန့်ကြာအောင်လုပ်တော့တာပါပဲ”ဟု လက်ထောက် ဆရာမတစ်ဦးက ရှင်းပြပါသည်။

ဘူးသီးတောင်မြို့နယ် ပညာရေးဌာနတွင် သင်ကြား၊ စီမံ ဝန်ထမ်းဦးရေစုစုပေါင်း ၁၁၂၅ ဦးရှိပြီး ဝန်ထမ်း အင်အား အများဆုံးဌာန ဖြစ်သည်။ ဘူးသီးတောင်မြို့နယ် ပညာရေးမှူးရုံးသည် ဆက်ဆံမှု မချေငံခြင်း၊ ငွေကြေး အလွဲ သုံးစားမှု များခြင်း၊ လစာငွေ၊ ခွင့်ပြု ရံပုံငွေများကို ဖြတ်တောက်ရယူမှုများခြင်း၊ လာဘ်ငွေ တောင်းခံ မှုများခြင်း တို့ကြောင့် နာမည်ဆိုး ထွက်နေသော ဌာနတစ်ခုဖြစ်သည်။

ပြီးခဲ့သည့်ဇန်နဝါရီ၊ ဖေဖေါ်ဝါရီနှင့် မတ်လများအတွင်း လစာငွေ ဖြတ်တောက် မှုများကြောင့် မြို့နယ် ပညာရေး မှူး အား ပြည်နယ် ပညာရေး ညွှန်ကြားရေးမှူးက သတိပေး ဝန်ခံကတိ လက်မှတ်ရေး ထိုးခိုင်း ခဲ့သော်လည်း ယခု ဧပြီလတွင်လည်း ဖြတ်မြဲ ဖြတ်နေဆဲ ဖြစ်သဖြင့် ထိရောက်စွာ အရေးယူပေးရန် အခြေခံ ပညာ ဦးစီး ဌာန၊ ညွှန်ကြားရေးမှူးချုပ်ထံ တိုင်ကြားရန် စီစဉ် ဆောင်ရွက် နေကြကြောင်း သိရှိရပါသည်။

ယခုကဲ့သို့ လစဉ်လတိုင်း လစာငွေ၊ အသေးသုံးငွေမှ ဖြတ်တောက်ရယူခြင်း၊ လာဘ်ငွေ တောင်းယူခြင်း တို့ဖြင့် အုပ်ချုပ်ရေးဝန်ထမ်းများ စီးပွါးဖြစ်နေကြပြီး ဆရာ/ ဆရာမ များနှင့် အောက်ခြေဝန်ထမ်းများ၏ မကျေ နပ်မှု များပြားနေလျှက်ရှိပြီး တိုင်ကြား မှုများ မကြာခဏရှိသော်လည်း ထိရောက်စွာ အရေး ယူမှု မရှိ သဖြင့် အဂတိ လိုက်စားမှု၊ ခြစားမှုများရှိနေဆဲဖြစ်ပါသည်။

( နိရဉ္စရာ- ၁၃ မေ ၂၀၁၃) / ဗေဒါပျံ ( ဘူးသီးတောင်)