ဒုံးကျည်စမ်းသပ်မှုများအတွက် မြောက်ကိုရီးယားအစိုးရ အကြောင်းပြချက်ပေး

မြောက်ကိုရီးယား နိုင်ငံ၏ ဒုံးကျည်ပစ်လွှတ် စမ်းသပ်မှုများသည် အမေရိကန်နှင့် တောင်ကိုရီးယားတို့၏ ခြိမ်းခြောက်မှုများကို ကာကွယ်ရန်သာ ရည်ရွယ်ကြောင်း နိုင်ငံ၏ ထိပ်တန်းစစ်ဘက် အာဏာပိုင် အဖွဲ့အစည်းက ပြောကြားခဲ့သည်။

မြောက်ကိုရီးယား အမျိုးသား ကာကွယ်ရေး ကော်မရှင် (NDC)က တောင်ကိုရီးယားနှင့် အမေရိကန်တို့ ပူးပေါင်းပြီး ကြီးမားသည့် စစ်ရေးလေ့ကျင့်မှု အစီအစဉ်များ ပြုလုပ်ခဲ့ခြင်းကို ရှုတ်ချခဲ့သလို မြောက်ကိုရီးယား၏ ဒုံးကျည်စမ်းသပ်မှုများသည် ကာကွယ်ရေး ကဏ္ဍအတွက်သာ ရည်ရွယ်ကြောင်း ဆိုသည်။ မြောက်ကိုရီးယားသည် ဇူလိုင်လအတွင်း ပင်လယ်ဘက်သို့ ဦးတည်၍ အကြိမ်အတော်များများ ဒုံးကျည်စမ်းသပ်မှုများ ပြုလုပ်ခဲ့သည်။

အမေရိကန်နှင့် တောင်ကိုရီးယားသည် ပြီးခဲ့သည့်လက ရေတပ် ပူးပေါင်းစစ်ရေးလေ့ကျင့်မှုတစ်ရပ် ပြုလုပ်ခဲ့သလို ဇူလိုင်(၂၁)ရက်နေ့တွင် ဂျပန်ပါ ပါဝင်သည့် ကယ်ဆယ်ရေး လေ့ကျင့်မှုများ စတင်ခဲ့သည်။ အဆိုပါ လေ့ကျင့်မှုမှာ (၂)ရက် ကြာမြင့်မည် ဖြစ်သည်။

NDC၏ ပြောရေးဆိုခွင့်ရ အရာရှိ တစ်ဦးက “မြောက်ကိုရီးယားရဲ့ ဒုံးကျည်စမ်းသပ်မှုတွေအပေါ် ဝါရှင်တန်နဲ့ ဆိုးလ်တို့ရဲ့ တုံ့ပြန်ပုံက ဓားပြတွေဟာ သူတို့ဝင်တိုက်မယ့် အိမ်ပိုင်ရှင်ကို မိုက်မိုက်ရိုင်းရိုင်း ဝေဖန်ပြစ်တင်နေတဲ့ ပုံစံမျိုးပါ”ဟု KCNA သတင်းဌာနသို့ ပြောကြားခဲ့သည်။

၎င်းက “ကိုရီးယား ကျွန်းဆွယ်ဒေသမှာ စစ်ရေးအရဖြစ်စေ၊ နိုင်ငံရေးအရဖြစ်စေ တကယ့် ခြိမ်းခြောက် ရန်စမှုတွေကို အစပြုနေတာက အမေရိကန်သာ ဖြစ်ပါတယ်”ဟုလည်း ဆိုသည်။ အဆိုပါ ပြောရေးဆိုခွင့်ရ အရာရှိက “တောင်ကိုရီးယားနဲ့ အမေရိကန် အာဏာပိုင်တွေဟာ လူဆိုးဂိုဏ်း ခေါင်းဆောင်တွေလို ရန်လိုတဲ့ အပြုအမူတွေ လုပ်ဆောင်နေပါတယ်။ အဲဒီလို လုပ်လေလေ၊ ပိုပြီး ပြင်းထန်တဲ့ လက်စားချေမှုကို သူတို့ မျက်ဝါးထင်ထင် ကြုံရဖို့ နီးစပ်လေလေပါပဲ”ဟုလည်း ခြိမ်းခြောက်ခဲ့သည်။ ၎င်းက မြောက်ကိုးရီးယား၏ တုံ့ပြန်မှုသည် ကောင်းကင်ပြာမှ ထွက်ပေါ်လာသည့် မိုးကြိုးတစ်စင်းနှယ် ပြင်းထန်လိမ့်မည်ဟုလည်း နိုင်ငံရေးပြိုင်ဘက် နိုင်ငံများကို သတိပေးခဲ့သည်။

လက်ရှိတွင် တောင်နှင့်မြောက် ကိုရီးယား နှစ်နိုင်ငံတို့သည် အာရှ အားကစား ပြိုင်ပွဲသို့ မြောက်ကိုရီးယား အားကစားအဖွဲ့များ စေလွှတ်ရေးအတွက် ညှိနှိုင်းနေသော်လည်း မအောင်မြင်သေးချေ။ အဆိုပါ အားကစား ပြိုင်ပွဲကို တောင်ကိုရီးယားနိုင်ငံ၊ အင်ချီယွန်မြို့တွင် စက်တင်ဘာလ၌ စတင်ကျင်းပမည် ဖြစ်သည်။

_Ref:Channelnewsasia

7 Day