မလေးရှားလေယာဉ်ကို ပစ်ချရာတွင်အသုံးပြုခဲ့ဖွယ်ရှိသော ဒုံးကျဉ်အကြောင်း တစေ့တစောင်း။

 ဆောင်းပါး၊ ဇူလိုင် (၂၀) သမန်းကျား

ဇူလိုင်လ (၁၇) ရက်နေ့ က ယူကရိန်းနိုင်ငံအရှေ့ ဖက်၊ ရုရှားနယ်စပ်အနီး၊ သူပုန်များထိန်းချုပ်ရာနယ်တွင် လူပေါင်း ၂၉၈ ဦးကိုတင်ဆောင်ကာ အမြင့်ပေ ၃၃၀၀၀ မှပျံသန်းနေသော မလေးရှားလေကြောင်းပိုင် Boeing 777 MH 17 ပျက်ကျခဲ့ရာ ဒုံးကျဉ်ဖြင့်ပစ်ချခံခဲ့ရခြင်းဖြစ်သည်ဟု ယူကရိန်းသမ္မတက ချက်ခြင်းလိုလိုပြောကြားလိုက်ပြီး နောက် တစ်နေ့ တွင် အမေရိကန်သမ္မတအိုဘားမားကလည်း မလေးရှားလေယာဉ်သည် ဒုံးကျဉ်ဖြင့်ပစ်ချခံရခြင်းဖြစ် ကြောင်း၊ ယင်းဒုံးကျဉ်သည် သူပုန်နယ်မြေမှပစ်ခတ်ခြင်းဖြစ်ကြောင်း ထုတ်ပြန်ကြေငြာခဲ့သည်။

အမြင့်ပေ ၃၃၀၀၀ တွင် တစ်နာရီမိုင် ၆၀၀ နှူန်းဖြင့် ညအမှောင်တွင်ပျံသန်းနေသော Boeing 777 ဂျက်လေယာဉ် ကြီးကို မြေပြင်မှမည်ကဲ့သို့ ထိမှန်အောင် ပစ်လိုက်ပါသနည်း။ MH 17 ကို မြေပြင်မှဝေဟင်ပစ်ဒုံးကျဉ်ဖြင့် ပစ်ချ ခဲ့ခြင်းဖြစ်သည်ဟု ယုံကြည်ရကြောင်း အိုဘားမားကပြောကြားခဲ့သည်ဖြစ်လေရာ မြေပြင်မှဝေဟင်ပစ်ဒုံးကျဉ် အလုပ် လုပ်ပုံကို လေ့လာကြည့်ကြပါစို့ ။

မြေပြင်မှဝေဟင်ပစ်ဒုံးကျဉ်ကို လေကြောင်းအန္တရယ်ကာကွယ်ရန်၊ ရန်သူ့ ဒုံးကျဉ်များကို ပစ်ခတ်ဖျက်စီးရန် အသုံးပြု လေ့ရှိသည်။ ရုရှားလိုလားသူ သူပုန်များက မကြာသေးမှီကပင် ယူကရိန်းကုန်တင်လေယာဉ်တစ်စီးနှင့် ဂျက်တိုက် လေယာဉ်တစ်စီးကို အလားတူဒုံးကျဉ်ဖြင့်ပင် ပစ်ချခဲ့သေးသည်။
မြေပြင်မှဝေဟင်ပစ်ဒုံးကျဉ် ၃-မျိုးရှိသည်။ တာဝေး၊တာလတ်၊တာတိုဖြစ်ပြီး တာဝေးပစ်ဒုံးကျဉ်များမှာ ကြီးမားလေးလံ ကာ သတ်မှတ်ထားသောနေရာတွင် အသေတပ်ဆင်ထားလေ့ရှိသည်။ တာလတ်ပစ်ဒုံးကျဉ်များကို မော်တော်ယာဉ် များပေါ်တွင် တပ်ဆင်ထားလေ့ရှိပြီး တာတိုပစ်ဒုံးကျဉ်များကိုမူ ပခုံးပေါ်ထမ်းကာပစ်ရသည်။

မလေးရှားလေယာဉ်ကို ပစ်ချခဲ့သောဒုံးကျဉ်မှာ Buk အမျိုးအစားဖြစ်ပြီး ရုရှားလုပ်လက်ဟောင်းအမျိုးအစား၊ ကိုယ် တိုင်တွန်းကန်အားပေးနိုင်၊ တာလတ်ပစ် မြေပြင်မှဝေဟင်ပစ် ဒုံးကျဉ်အမျိုးအစားဖြစ်သည်။ Buk ဒုံးကျဉ်များကို ၁၉၇၉ ခုနှစ်တွင် စတင်အသုံးပြုခဲ့ပြီး ခရုစ်ဒုံးကျဉ်များ၊ လေယာဉ်များ၊ စမတ်ဗုံးများကိုဖျက်ဆီးရန် ရည်ရွယ် ထုတ်လုပ်ခဲ့ခြင်းဖြစ်သည်။

တာလတ်ပစ်ဒုံးကျဉ်များကို ပြင်ဆင်ချိန်အနည်းဆုံးအတွင်း ပစ်ခတ်နိုင်ရန် စီစဉ်ပြုလုပ် ထားသည်။

မလေးရှားလေယာဉ်သည် ဘိုးအင်းဂျက်လေယာဉ်ကြီးများ ပုံမှန်ပျံသန်းလေ့ရှိသော အမြင့်ပေ ၃၃၀၀၀ တွင်ပျံသန်း နေရာမှ ရေဒါပေါ်မှ ရုတ်တရက်ပျောက်သွားကြောင်း အင်တာဖက်ယူကရိန်းသတင်းဌာနက တင်ပြသည်။ Buk ဒုံး ကျဉ်ပစ်စင်သည် ဒုံးကျဉ်များကို အမြင့်ပေ ၇၂၀၀၀ အထိပစ်ခတ်ပေးနိုင်ရာ မလေးရှားလေယာဉ်ကို အလွယ်တကူ ပစ်ချနိုင်ခဲ့ခြင်း ဖြစ်သည်။

Buk ဒုံးကျဉ်များသည် ပစ်မှတ်ကို semi-active radar homing စနစ်ဖြင့်ခြေရာခံသည်။ ရေဒါက ပစ်မှတ်ရှိသော ဖက်သို့  ဒုံးကျဉ်ကိုလွတ်လိုက်သည်။ ဒုံးကျဉ်က ပစ်မှတ်ရှိရာဖက်သို့  ဦးတည်ပျံသန်းရင်း ပစ်မှတ်မှထုတ်လွတ်သော signal ကိုဖမ်းယူကာ ဒုံးကျဉ်ကိုယ်ထည်တွင်တပ်ဆင်ထားသော ထရန်စမီတာက ပစ်မှတ်တည်နေရာကို ရေဒါထံ သို့  ပြန်ပို့ ပေးသည်။ ထိုအခါ ရေဒါက ဒုံးကျဉ်လမ်းကြောင်းကို ပစ်မှတ်ထံ ဆင့်ကဲဆင့်ကဲတည့်ပေးသော စနစ်ဖြစ် သည်။

သို့ သော် အမြင့်ပေ ၃၃၀၀၀ တွင်ပျံသန်းနေသော ဘိုးအင်း ၇၇၇ လေယာဉ်ကြီးကို စစ်လေယာဉ်တစ်စီးနှင့်မူ မမှား တန်ကောင်းရာ။ MH-17 က ကုဒ်အလွဲများပေးပို့ နေခြင်းသော်လည်းကောင်း၊ အပူကိုခြေရာခံပြီး ပစ်မှတ်ကိုဖျက်ဆီး လေ့ရှိသော ဒုံးကျဉ်က လေယာဉ်မှထုတ်လွတ်သောအပူကို ခြေရာခံမိပြီး လေယာဉ်အမျိုးအစားမခွဲခြားနိုင်တော့ပဲ ပစ်ချမိခြင်းသော်လည်းကောင်း ဖြစ်နိုင်ကြောင်း အမေရိကန်ပြည်ထောင်စု၊ သယ်ယူပို့ ဆောင်ရေးဌာနမှ လေကြောင်းပျံသန်းမှုဆိုင်ရာကျွမ်းကျင်သူ မေရီရှီယာဗို ကသုံးသပ်သည်။

မြေပြင်မှဝေဟင်ပစ်ဒုံးကျဉ်များတွင် ရန်သူ၊မိတ်ဆွေ ခွဲခြားသောစနစ် Identification friend-or-foe (IFF) ပါဝင်ပြီး ဒုံးကျဉ်မပစ်လွတ်မှီ အသေးစိပ်အချက်အလက်များကို ရှေးဦးစွာခွဲခြမ်းစိပ်ဖြာလေ့ရှိသည်။

မတ်လတွင် MH 370, ယခု MH 17 ဆုံးရှုံးလိုက်ရပြီဖြစ်သော မလေးရှားလေကြောင်းသည် MH 17 နှင့် အဆက် အသွယ်ပြတ်တောက်သွားပြီဖြစ်ကြောင်း၊ နောက်ဆုံးအဆက်အသွယ်ရရှိခဲ့သောနေရာမှာ ယူကရိန်းလေပိုင်နက်တွင် ဖြစ်ကြောင်း တွစ်တာတွင်ဖော်ပြခဲ့သည်။

ဘိုးအင်းကုမ္ပဏီကလည်း ယူကရိန်းလေပိုင်နက်ထဲမှာပျောက်ဆုံးသွားခဲ့တဲ့ မလေးရှားလေကြောင်းပေါ် လိုက်ပါသွား ခဲ့တဲ့ ခရီးသည်နဲ့ လေယာဉ်အမှုထမ်းများအတွက် ကျွန်တော်တို့  အလေးအနက်ဆုတောင်းပေးပါတယ်။ အာဏာပိုင် များက အကူအညီလိုလာခဲ့ရင် ဖြစ်တဲ့နည်းနဲ့  ကူညီသွားဖို့  ဘိုးအင်းကုမ္ပဏီက အသင့်ရှိပါတယ်ဟု ထုတ်ပြန် ကြေငြာခဲ့သည်။

လေယာဉ်ပျက်ကျလျင်ကျခြင်းလိုလို ယူကရိန်းသမ္မတက အဆိုပါလေယာဉ်သည် ပစ်ချခံရခြင်းဖြစ်ကြောင်း စွပ်စွဲ ပြောဆိုလိုက်ပြီး အမေရိကန်သမ္မတအိုဘားမားကလည်း မြေပြင်မှဝေဟင်ပစ်ဒုံးကျဉ်ကို သူပုန်နယ်မြေမှ ပစ်လွတ် လိုက်သည့် အထောက်အထားများကိုတွေ့ ရကြောင်း နောက်တစ်နေ့ တွင် ထုတ်ပြန်ကြေငြာခဲ့သည်။

သမ္မတအိုဘားမားကလည်း ရုရှားလိုလားသူ သူပုန်များသည် ရုရှားအကူအညီမပါဘဲ မြေပြင်မှဝေဟင်ပစ်ဒုံးကျဉ်ကို ပစ်ခတ်နိုင်စွမ်းမရှိဟု ပြောကြားထားပြီး ရုရှားကလည်း လေယာဉ်သည် ယူကရိန်းလေပိုင်နက်ထဲတွင် ပစ်ချခံရခြင်း ဖြစ်သဖြင့် ယူကရိန်းတွင်သာ တာဝန်အပြည့်ရှိသည်ဟု တုန့် ပြန်ထားသည်။

ဇူလိုင်လ (၂၀) ရက်နေ့ အထိတွင် လူ (၁၉၆) ဦး၏ အလောင်းများကို ရှာဖွေတွေ့ ရှိခဲ့သည်။ သက်ဆိုင်ရာက ယင်း အလောင်းများကို အိတ်များတွင်ထည့်ကာ အအေးခန်းရထားပေါ်တွင် တင်ဆောင်ထွက်ခွာသွားသော်လည်း မည် သည့်နေရာသို့  ပို့ ဆောင်မည်ကိုမူ မသိရသေးချေ။

ရုရှားလိုလားသူ သူပုန်များကလည်း အနောက်အင်အားစုကို လေယာဉ်ပျက်ကျရာသို့  ၀င်ထွက်သွားလာခွင့်ပြုရာ တွင် ကန့် သတ်မှုများရှိနေပြီး လေယာဉ်ပျံသန်းမှုမှတ်တမ်းပါဝင်သော သေတ္တာနက်ကိုလည်း နိုင်ငံတကာ အရပ်ဖက် လေကြောင်း အဖွဲ့ အစည်းကိုသာ လွဲပြောင်းပေးအပ်နိုင်မည်ဆိုကာ လက်ဝယ်ထားရှိကြောင်း လေ့လာရေးသား တင်ပြအပ်ပါသည်။

Lashio News Diary