မြန်မာ သံဃာတော်များကို ထိုင်းသာသနာရေးရုံးက တောင်းပန်

ထိုင်းနိုင်ငံ တနိုင်ငံလုံးမှာတော့ မြန်မာနိုင်ငံသား သံဃာတော် စုစုပေါင်း ၅၀၀ ခန့်ရှိပါတယ် (ဓာတ်ပုံ – Reuters)

ထိုင်းနိုင်ငံမှာ သတင်းသုံး ပညာသင်ကြားနေကြတဲ့ မြန်မာသံဃာတော်တွေကို မချေမငံ ပြောဆို မှုတွေပြု လုပ်ခဲ့ တဲ့အတွက် ထိုင်းနိုင်ငံ ဆိုင်ရာ သာသနာရေးရုံး Office Of National Buddhism ရဲ့ အထွေထွေ ညွှန်ကြားရေး မှူး နိုင်နုတ်ဖလက် ဘင်ကျဝပ်ထနာနန် (Mr.Nopparat Benjawatananun) က တရားဝင် တောင်း ပန်လိုက်ပါတယ်။

ထိုင်းနိုင်ငံ မြောက်ပိုင်း လန်ပန်းမြို့ ဝပ်ထာ့မအိုးကျောင်းမှာ သီတင်းသုံး ပညာသင်ကြားနေတဲ့ မြန်မာ၊ လာအိုနဲ့ ကမ္ဘောဒီးယား သံဃာတော်တွေ နေထိုင်ခွင့်ဗီဇာ ရရှိရေးအတွက် ထောက်ခံချက်သွားယူတဲ့ မြန်မာသံဃာတော်တပါးကို ထိုင်းသာသနာရေးရုံးရဲ့ အမျိုးသမီး ဝန်ထမ်းတဦးက မချေမငံ ပြောဆိုမှုတွေ ပြုလုပ်ခဲ့တာကို တောင်းပန်တာဖြစ်တယ်လို့ သိရပါတယ်။

ဒီလိုပြောဆိုခံရမှုနဲ့ ပတ်သက်ပြီး မြန်မာသံဃာတော်တွေဘက်က ထိုင်းသာသနာရေးဌာနကို ဒီနှစ် ဧပြီ လထဲမှာ တိုင်ကြားခဲ့တာ ဖြစ်ပြီး စက်တင်ဘာလ ၁၉ ရက်နေ့က အထွေထွေ ညွှန်ကြားရေးမှူး နိုင်နုတ် ဖလက် ဘင်ကျဝပ်ထနာနန် အပါအဝင် ပြောဆိုခဲ့တဲ့ အမျိုးသမီးဝန်ထမ်းတို့က တရားဝင်အကြောင်းပြန် တောင်းပန် ခဲ့တာဖြစ်တယ်လို့ ဒီအဖြစ်အပျက်ကို တိုင်ကြားရာမှာ သက်သေအဖြစ် တာဝန်ယူခဲ့တဲ့ အရှင် ဇနက္က က မိန့်ကြားပါတယ်။

အရှင် ဇနက္ကက “ဦးဇင်းတို့ ပထမဆုံး tourist visa ကနေ non-imigrant visa ပြောင်းတဲ့အချိန်ကြရင် အဲဒီကို သွား ရတာကိုး။ အဲဒီတုန်းက စာရွက်စာတမ်းတွေ ၁၄ ပါးစာ ပေးလိုက်တော့ များလှချည်လား၊ ဘယ်နိုင်ငံ ကလဲလို့ မေးတယ်။ မြန်မာပြည်ကဆိုတော့ ဟာ အာဆီယံသာ ဖွင့်လိုက်ရင်တော့ ပိုတောင် များလိမ့်ဦး မယ်ပေါ့လေ။ တခြားနိုင်ငံသားတွေက ထိုင်းကျောင်းတွေမှာဆိုရင် ထိုင်း သံဃာတွေထက် မများစေ ရဘူးတဲ့။ ဒီဘန်ကောက် ဝပ်တလုံးကျောင်းမှာဆိုရင်လည်း ကိုယ်တော်တွေက နေတာထိုင်တာ ကြည်ညိုဖွယ်ရာမရှိဘူးဆိုပြီး အဲလိုပြောတယ်။ အဲဒီအပေါ်မှာ ဦးဇင်းတို့ကတိုင်လိုက်တာ၊ အခုတောင်းပန်စာ ပြန်လာတာပေါ့လေ” လို့ ဧရာဝတီကို ရှင်းပြပါတယ်။

ထိုင်းနိုင်ငံထဲမှာရှိတဲ့ ဘုန်းကြီးကျောင်းတွေမှာ နိုင်ငံခြားသား သံဃာတော်တွေဟာ နိုင်ငံသားသံဃာတော်တွေထက် မများရဘူး ဆိုတာ နိုင်ငံတော်က ထုတ်ပြန်ထားတဲ့ ဥပဒေဟုတ်မဟုတ်၊ ဝပ်တလုံးကျောင်းက မြန်မာသံဃာတော်များ အပေါ် အကြည်ညို ပျက်အောင် ပြောဆိုရတဲ့ အကြောင်းရင်းနဲ့ ၂၀၁၅ အာစီယံမှာ ပိုများလာမယ်လို့ ပြောဆိုတဲ့ အဓိပ္ပာယ်ဟာ ဗီဇာ မပေးလိုတဲ့ အတွက် ခြိမ်းခြောက်မှုလား စသဖြင့် အချက်သုံးချက်ထောက်ပြပြီး တိုင်ကြားခဲ့တာလို့ သိပါတယ်။

အဲ့ဒီ့တိုင်ကြားစာကို ဝပ်ထာ့မအိုးကျောင်းက မြန်မာသံဃာတော် အရှင် ဇနက္က က သက်သေအဖြစ်ပြုလုပ်ပြီး ဝပ်ထာ့မအိုး ကျောင်းထိုင် ဆရာတော်က တိုင်ကြားခဲ့တာလို့ သိရပါတယ်။

ဝပ်ထာ့မအိုး ကျောင်းထိုင်ဆရာတော်ဟာ ထိုင်းနိုင်ငံသားဖြစ်ပြီး ဒီကျောင်းကို အရင်ကျောင်းထိုင်ခဲ့တဲ့ မြန်မာနိုင်ငံသား ဘုန်းကြီး တပါးဖြစ်တဲ့ ဒေါက်တာ ဓမ္မာနဒ္ဒ ပျံလွန်တော်မူပြီးတဲ့နောက် ကျောင်းထိုင်ဆရာတော်ဖြစ်လာတာပါ။ သူဟာ ပျံလွန်တော်မူသွားတဲ့ ဆရာတော် ဒေါက်တာ ဓမ္မာနဒ္ဒ ရဲ့ လမ်းညွှန်မှုနဲ့ မြန်မာနိုင်ငံက ဘုန်းကြီးစာသင်ကျောင်းတွေမှာ နှစ်ပေါင်းများစွာ ပညာသင်ယူ ခဲ့တာပါ။

“တောင်းပန်စာနဲ့ အတူ တိုင်ထားတဲ့ အချက်တွေကိုလည်း ပြန်ဖြေရှင်းထားပါတယ်။ ဘယ်နိုင်ငံသားမဆို ထိုင်းနိုင်ငံကို ရောက်လာရင် သူတို့သာသနာရေးဌာနက ထုတ်ပြန်ထားတဲ့ စည်းကမ်း ဥပဒေတွေကို လိုက်နာရင် ပေးနေပါတယ်တဲ့။ သူတို့ ဝန်ထမ်း ဒကာမ ပြောဆိုမှုနဲ့ ပတ်သက်ပြီး စိတ်မကောင်းဖြစ်မိတယ်၊ တောင်းပန်ကြောင်းပေါ့။ ညွှန်ကြားရေးမှူးရဲ့ လက်မှတ်ပါတယ်။ နောက်တရွက်က ပြောဆိုခဲ့တဲ့ ဒကာမကိုယ်တိုင် တောင်းပန်စာပါ” လို့ အရှင် ဇနက္က က မိန့်ပါတယ်။

ဝပ်ထာ့မအိုးကျောင်း ဟာ ထိုင်းနိုင်ငံမြောက်ပိုင်း လန်ပန်းမြို့ပေါ်မှာ တည်ရှိပြီး မြန်မာသံဃာတော် ၁၄ ပါး၊ လာအို သံဃာတော် ၉ ပါးနဲ့ ကမ္ဘောဒီးယား သံဃာတော်တစ်ပါးတို့ စာသင်ကြားနေပါတယ်။ ဝပ်ထာ့မအိုးကျောင်းကိုတော့ လွန်ခဲ့တဲ့ နှစ်တစ်ရာကျော် ကတည်းက မြန်မာသံဃာတော်တွေအဆင့်ဆင့် ကျောင်းထိုင်ခဲ့ကြပြီး လန်ပန်းမြို့ပေါ်မှာတော့ ထင်ရှားတဲ့ ကျောင်းတစ်ကျောင်းဖြစ်ပါတယ်။

ထိုင်းသာသနာရေး ဌာနဘက်က တာဝန်ရှိသူတွေအနေနဲ့ ခုလိုတရားဝင်တောင်းပန်လိုက်တာကို ထိုင်းနိုင်ငံ တက္ကသိုလ်တွေမှာ ပညာဆည်းပူးနေတဲ့ မြန်မာသံဃာတော်တွေကလည်း ကြိုဆိုကြပါတယ်။ သူတို့လည်း ထိုင်းလဝကမှာ ဗီဇာသွားလျှောက်တဲ့ အခါ အဲဒီလို ပြောဆိုခံခဲ့ကြရတာမျိုး တွေကြုံခဲ့ရတယ်လို့ ဘန်ကောက်မြို့ပေါ်ရှိ ဝပ်တလုံး ကျောင်းတိုက် က အရှင် တေဇ က မိန့်ပါတယ်။

“ထိုင်းလဝကမှာ ဦးဇင်းတို့ ဗီဇာသွားတိုးတဲ့အခါမှာ ဦးဇင်းတို့ ဒီမှာ ဘာလုပ်တာတုန်း၊ ဘယ်လိုနေတာတုန်းဆိုပြီးတော့မေးတယ်။ သူတို့ထင်တာက ဒီမှာ နေ၊ ဆွမ်းခံထွက်၊ ရတဲ့ပိုက်ဆံစုပြီး မြန်မာပြည်ပြန်ပို့ အဲလိုထင်တာ။ ဦးဇင်းတို့က ပြောပြရတာပေါ့၊ ငါတို့က ဒီမှာ ဆွမ်းမခံဘူး၊ တက္ကသိုလ်တွေမှာကျောင်းတွေမှာ တက်နေကြတာ။ မင်းတို့ဆီမှာ ငါတို့က တောင်းစားတာ မဟုတ်ဘူး။ သေချာရှင်းပြမှ ဗီဇာတွေ ဘာတွေပေးတယ်။ ဒီမှာရောက်လာတဲ့ သံဃာအကုန်လုံးလိုလို ကြုံရပါတယ်” လို့ အရှင်တေဇ က မိန့်ကြားပါတယ်။

ဆက်ပြီး “ဦးဇင်းတို့ဆိုရင် အထောက်အထား အပြည့်အစုံရှိတာကို စိတ်ပျက်အောင် ရစ်တာ၊ တော်တော်နဲ့ လုပ်မပေးဘူး။ ဦးဇင်းတို့ ကျောင်းကို စစ်ဆေးရေးဝင်တယ်ဆိုလို့ရှိရင်လည်း ဘုန်းကြီးတွေကို အောက်မှာအထိုင်ခိုင်း သူတို့က ဖိနပ်တွေနဲ့ အပေါ်ကသွား ဗုဒ္ဓဘာသာ နိုင်ငံလို့ပြောရမှာတောင် ရှက်စရာပါဗျာ။ ဦးဇင်းတို့ကို ဒီမှာ အလကားနေတယ်လို့ ထင်တယ်။ စကားအသုံးအနှုန်းကအစ သူတောင်းစားလို့ သုံးပြောတာမျိုးကြုံဖူးတယ်” လို့ ရှင်းပြပါတယ်။

ဝပ်တလုံးကျောင်းတိုက်မှာတော့ မြန်မာနိုင်ငံသား သံဃာတော် အပါး ၂၀၀ ကျော်ရှိပြီး ထိုင်းနိုင်ငံ တနိုင်ငံလုံးမှာတော့ မြန်မာနိုင်ငံသား သံဃာတော် စုစုပေါင်း ၅၀၀ ခန့်ရှိတယ်လို့ လေ့လာ သိရှိရပြီး အများစုက ထိုင်းနိုင်ငံမှာရှိတဲ့ Mahachulalongrajavidyalaya University၊ Mahamakut Buddhist University နဲ့ Siam University တို့မှာ တက်ရောက်နေကြတယ်လို့ သိရပါတယ်။

ကျော်ခ| ဧရာဝတီ

ဆက်ဖတ်ရန်>>>>

လှိုင်သာယာမြို့နယ်၊ လူသတ်မှုမှ တရားခံများအား (၁၂)နာရီအတွင်းဖမ်းဆီးရမိ

ရန်ကုန်၊ အောက်တိုဘာ ၅

၎.၁၀.၂၀၁၃ရက်နေ့ ၀၇၀၀အချိန် လှိုင်သာယာမြို့နယ်၊ (၅)ရပ်ကွက်နေ ဦးတင်သိန်းသည် သားဖြစ်သူ မောင်ဇော်နှင့် သားဖြစ်သူ၏သူငယ်ချင်း ကိုသူ တို့နှစ်ဦးမှာ လှိုင်သာယာမြို့နယ်၊ (၅)ရပ်ကွက်ရှိ Music Box KTV ဆိုင်တွင် အသတ်ခံရကြောင်း ကြားသိရသဖြင့် သွားရောက်ကြည့်ရှုရာ KTV ဆိုင်၏အခန်းအတွင်း၌ သားဖြစ်သူမောင်ဇော်နှင့် ကိုသူ တို့အား ဓါးဒဏ်ရာများဖြင့်သေဆုံးနေကြသည်ကို တွေ့ရှိရသဖြင့် စုံစမ်းအရေးယူပေးပါရန် တိုင်တန်းခဲ့၍ လှိုင်သာယာမြို့မရဲစခန်း (ပ) ၁၁၃၁/၂၀၁၃၊ ပုဒ်မ ၃၀၂ဖြင့် အမှုဖွင့်စစ်ဆေးဆောင်ရွက် ခဲ့ပါသည်။

အမှုမှပြစ်မှုကျူးလွန်သူတရားခံများအား ဖမ်းဆီးရမိရေးအတွက် တိုင်း/ခရိုင်မှတပ်ဖွဲ့ဝင်များ၊ လှိုင်သာယာမြို့မရဲစခန်းမှတပ်ဖွဲ့သည် သတင်းစုံစမ်းခဲ့ရာ ပြစ်မှုကျူးလွန်သူများမှာ ယာဉ်အမှတ် ၇ဃ/---၊ ပရိုဘောက် အဖြူရောင်ယာဉ်ဖြင့် ကရင်ပြည်နယ်၊ ဘားအံမြို့ဘက်သို့ ထွက်ပြေးတိမ်းရှောင်သွားကြောင်း စုံစမ်းသိရှိခဲ့ရသဖြင့် ရန်ကုန်တိုင်းဒေသကြီးရဲတပ်ဖွဲ့မှ မွန်ပြည်နယ်ရဲတပ်ဖွဲ့၊ ကရင်ပြည်နယ်ရဲတပ်ဖွဲ့များသို့ တရားခံများအားကူညီဖမ်းဆီးပေးနိုင်ရေး ဆက်သွယ် အကြောင်းကြားခဲ့ပါသည်။

ထိုသို့အကြောင်းကြားချက်အရ သံလွင်တံတား(ဘားအံ) တာဝန်ကျတပ်ဖွဲ့ဝင်များမှ ယာဉ်များအားစစ်ဆေးဆောင်ရွက်စဉ် ၄.၁၀.၂၀၁၃ရက်နေ့ ၁၁၅၀အချိန်ခန့်တွင် ၇ဃ/----၊ ပရိုဘောက် အဖြူရောင်ယာဉ်မှာ သံလွင်တံတား(ဘားအံ)သို့ ရန်ကုန်ဘက်မှ ၀င်ရောက်လာ၍ တားဆီးစစ်ဆေးစဉ် စစ်ဆေးမှုမခံဘဲ တံတားမောင်းတံအားတိုက်၍ မောင်းနှင်ထွက်ပြေးသွားခဲ့သဖြင့် တံတားတာဝန်ကျတပ်ဖွဲ့ဝင်များ၊ ကရင်ပြည်နယ်ရဲတပ်ဖွဲ့မှူးရုံး၊ မှုခင်းအကူဌာနစုမှ တပ်ဖွဲ့ဝင်များ၊ ဂျိုင်း(ဇာသပြင်)တံတားတာဝန်ကျ တပ်ဖွဲ့ဝင်များနှင့် ပူးပေါင်း၍ ၀ိုင်းဝန်းပိတ်ဆို့လိုက်လံဖမ်းဆီးခဲ့ရာ ဘားအံမြို့နယ်၊ ဇာသပြင်အနောက်ကျေးရွာရှိ လှည်းလမ်း၌ အဆိုပါယာဉ်နှင့် ယာဉ်ပေါ်ပါ Music Box KTV ဆိုင်ပိုင်ရှင် ကံဝင်းဇော်(ခ)ကံကြီး(ခ)မိုက်မိုက်၊ (ဘ)ဦးကြင်သောင်း၊ ဆိုင်မန်နေဂျာ ရဲထွဋ်ကျော်(ခ)ရဲကြီး၊ (ဘ)ဦးအောင်ခင်၊ ဆိုင်ဝိတ်တာများဖြစ်ကြသော စိုးမိုးကျော်(ခ)ကရင်လေး၊ ကိုထိုက်(ခ)နေလင်းထိုက်၊ အောင်သူရ(ခ)အောင်ကျော်သူ၊ ကျော်စွာဝင်း (ခ)ကျော်ကျော်၊ ကိုကိုနိုင်(ခ)ကိုနိုင်၊ မင်းခန့်၊ စစ်နိုင်(ခ)တင့်နိုင်ဦး၊ မျိုးမင်းထိုက်(ခ) ကိုအောင်၊ မနော်ထူးဖွဲ့ဆဲ(ကံဝင်းဇော်၏ဇနီး)၊ မရင်ရင်ထိုက်တို့ (၁၂)ဦးအား ဖမ်းဆီးရမိခဲ့သဖြင့် လှိုင်သာယာမြို့မရဲစခန်းသို့ လွှဲပြောင်းပေးအပ်ပြီး အမှုဖြင့်စစ်ဆေးဆောင်ရွက်လျက်ရှိပါသည်။

အဆိုပါလူသတ်မှုမှ တရားခံများအား ရန်ကုန်တိုင်းဒေသကြီးရဲတပ်ဖွဲ့၊ ကရင်ပြည်နယ်ရဲတပ်ဖွဲ့တို့ ပူးပေါင်း၍ အခင်းဖြစ်ပြီး (၁၂)နာရီအတွင်း စုံစမ်းဖေါ်ထုတ်ဖမ်းဆီးရမိခဲ့ကြောင်း သတင်းရရှိပါသည်။

Yangon Police

ဆက်ဖတ်ရန်>>>>

ရေးကူးဝတ်စုံ ၀တ်ရမှာရှက်တဲ့ Myanmar Miss Universe မိုးစက်ဝိုင်

၁၉၆၁ ခုနှစ်မှစတင်ပြီး ကမ္ဘာ့မယ်စကြ၀ဠာပြိုင်ပွဲသို့ မြန်မာနိုင်ငံက ပါဝင် ယှဉ်ပြိုင်ခြင်းမပြုခဲ့ရာမှ နှစ်ပေါင်း ၅၂ အကြာ ၂၀၁၃ ခုနှစ် ရုရှားနိုင်ငံတွင် ကျင်းပမည့် မယ်စကြ၀ဠာပြိုင်ပွဲတွင် မြန်မာနိုင်ငံကိုယ်စားပြု ယှဉ်ပြိုင်မည့် အလှမယ်ကို အောက်တိုဘာလ ၃ ရက်နေ့ညပိုင်း ရန်ကုန်မြို့ အမျိုးသားကဇတ်ရုံမှာ ရွေးချယ်ခဲ့ပြီး Miss Myanmar Universe 2013 အဖြစ် အသက် ၂၅ နှစ်အရွယ် မိုးစက်ဝိုင်က အရွေးချယ်ခံလိုက်ရသည်။ ကမ္ဘာ့ မယ်စကြ၀ဠာပြိုင်ပွဲတွင် မြန်မာနိုင်ငံ ကိုယ်စားပြု ယှဉ်ပြိုင်မည့် မိုးစက်ဝိုင်ကို ဧရာဝတီသတင်းထောက်မြတ်သူအောင်က တွေ့ဆုံမေးမြန်းထားသည်။

မေး။     ။ Myanmar Miss Universe အဖြစ် အရွေးချယ်ခံရတဲ့အတွက် ဘယ်လိုခံစားနေရလဲ။

ဖြေ။     ။ ဘယ်လိုခံစားရလဲဆိုတော့ အသက်၂၅နှစ် ကျမှ ဖြစ်လာတဲ့အတွက် ဒီအခွင့်အရေးက မိုးစက် အတွက် အချိန်ကောင်းမှာကြုံတယ် လို့ပဲထင်ပါတယ်၊ ငယ်ငယ်တုန်းကသာ ဆိုရင် ဒီလို Experience လည်းရှိမှာ မဟုတ်ဘူး၊ ကိုယ့်ရဲ့အရည်အချင်း ကလည်း အဲ့လောက်ပြည့်ဝမှာ မဟုတ်သေးဘူးလေ။ ကျောင်းမပြီးသေးလို့ကျောင်းနဲ့ တဘက်ဆိုရင် ကျောင်းဘက် ပဲရွေးချယ်မိမှာလေ၊ ဒါကြောင့် အချိန်ကောင်းနဲ့ကြုံရတာပါ။

မေး။     ။ မြန်မာနိုင်ငံကို ကိုယ်စားပြုတဲ့ Miss Universe တဦး အဖြစ် လူတွေရဲ့စိတ်ဝင်စားမှုခံနေရတဲ့ သူတယောက် ဖြစ်သွားပြီ ဆိုတော့ စောင့်စည်း ထိန်းသိမ်းရမှာတွေများသွားပြီ။ မိုးစက်ရဲ့ အနာဂတ်မှာ ဘယ်လိုနေထိုင်သွားမလဲ။

ဖြေ။     ။ တွေးထားပါတယ်၊ ဒီပွဲက တခြားပွဲတွေလို ဆုရရင်ပြီးသွားတာမဟုတ်ပါဘူး၊ တောင်တက်ဖို့အတွက် တောင်တက် ခွင့်ရသွားတဲ့ သဘောပါ၊ ကိုယ်ကတခြားနိုင်ငံတွေနဲ့ယှဉ်ပြိုင်ရတော့မယ်ဆိုတော့ ကိုယ့်ရဲ့ အဟြေအဆို၊ အပြုအမူတွေက မြန်မာနိုင်ငံ ရဲ့ကိုယ်စားပြုဖြစ်တဲ့အတွက် ကိုယ့်လူမျိုးကို ကိုယ်စားပြုတဲ့အတွက် စဉ်းစားရတော့မယ်၊ ကိုယ်လုပ်ချင်တာ လုပ်လို့တော့ မရတော့ဘူးပေါ့။

မေး။     ။ ကိုယ့်အလှကို ကိုယ်ယုံကြည်ပြီးတော့ Miss Universe ၀င်ပြိုင်ခဲ့တာလား။

ဖြေ။     ။ မိုးစက်အမြင်မှာ ဒီ Miss Universe Myanmar က အလှတခုတည်းနဲ့ မပြည့်စုံပါဘူး၊ အဓိက ကတော့ မြန်မာနိုင်ငံရဲ့ ယဉ်ကျေးမှုနဲ့ မြန်မာနိုင်ငံကို ကိုယ်စားပြု နိုင်မယ့်သူကိုရှာတာပါ၊ ညီမကတော့ ကိုယ့်ကိုယ်ကိုယ် ကိုယ်စားပြု နိုင်မယ် လို့တော့ ထင်ပါတယ်၊၊

မေး။     ။ ကမ္ဘာ့မယ်စကြ၀ဠာပြိုင်ပွဲမှာ ဆုရဖို့ မျှော်မှန်းထားလား။

ဖြေ။     ။ မိုးစက်က ဟိုမှာဆုရဖို့ထက် မြန်မာနိုင်ငံကို လူတွေပိုသိစေချင်ပါတယ်၊ ဟိုနိုင်ငံတွေကလာပြိုင်တဲ့ Miss တွေကို လည်း မြန်မာ့ ယဉ်ကျေးမှုလေး တော့ပြချင်ပါတယ်၊ ဘာပဲဖြစ်ဖြစ် မြန်မာလို့သိသွားဖို့က မိုးစက်ရဲ့ရည်ရွယ်ချက်ပါပဲ။

မေး။     ။ မယ်စကြ၀ဠာပြိုင်ပွဲဝင်ဖို့ ဘယ်လိုတွေ ပြင်ဆင်သွားမလဲ။

ဖြေ။     ။ မိုးစက်အဲ့လိုမျိုး အဓိကလေ့လာထားတာမရှိပါဘူး၊ ဟြေပြချင်တာက မြန်မာနိုင်ငံအကြောင်းဟြေပြချင်တယ်၊ ယဉ်ကျေးမှု ကတော့ မိုးစက်က မြန်မာနိုင်ငံမှာ ကြီးလာတဲ့အတွက်မြန်မာ့ယဉ်ကျေးမှုကတော့ ကိုယ့်ရဲ့အတွင်းပိုင်းမှာ ရှိပြီး သားပါ၊ ဒါကဖယ်ထုတ်လို့လည်းမရတဲ့ အရာပါ၊ ဖုံးလို့လည်းမရတဲ့ အရာပါ၊ အဲ့ဒါကိုတော့ တကူးတက လေကျင့်စရာမလိုဘူးလို့ထင်ပါတယ်။

မေး။     ။ ညီမလေးရဲ့ပညာရေး အကြောင်းပြောပြပါဦး။

ဖြေ။     ။ မိုးစက်က အမေရိကန်နိုင်ငံ လော့စ် အိန်ဂျလစ်မှာရှိတဲ့ ကယ်လဖိုးနီးယားလူဗန်တက္ကသိုလ်ကနေ Business Marketing နဲ့ဘွဲ့ရခဲ့တာပါ၊ ဒါပေမယ့် ရန်ကုန်မှာတော့ အဝေးသင် English Major တက်ခဲ့ပါတယ်။ ပြည်ပမှာ ကျောင်းတက်တာက ပြည်ပ အတွေ့အကြုံလိုချင်လို့ပါ၊ အဓိကကတော့ မြန်မာနိုင်ငံမှာ တက်တယ် ဆိုရင် မြန်မာစနစ် ပဲကြုံရမှာလေ၊ ကိုယ်ကပိုပြီးတိုးတက်ချင်တယ်၊ အတွေ့အကြုံလည်းပိုရချင်တယ်၊ ကိုယ့်ကိုယ် ကိုယ် အားကိုးချင် တဲ့စိတ် လည်း ရှိချင်တာကြောင့်လည်းပါပါတယ်၊၊

မေး။     ။ နိုင်ငံခြားမှာနေတော့ အဲ့ဒီမှာလိုလွတ်လွတ်လပ်လပ်နေချင်တဲ့စရိုက်တွေ ကူးစက်လာတာမျိုးရှိလား။

ဖြေ။     ။ မိုးစက်က ကိုယ်ကောင်းတယ်လို့ထင်တဲ့ဟာကိုပဲ ကိုယ်လက်ခံပါတယ်၊ ဥပမာ လူဆိုတာ အရှက်အကြောက် အရမ်းကြီးနေရင် ဘာပဲဖြစ်ဖြစ် မအောင်မြင်ဘူးပေါ့နော်၊ ဒါမျိုးတွေတော့ ဟိုရောက်တဲ့အခါမှာ ကိုယ်က ဟြေင်းရမှာပေါ့၊ သူများဟြေရင် ကိုယ် ဟြေရဲရမယ်၊ ဒါမျိုးလေးတွေကတော့ ဟြေင်းသင့်လို့ဟြေင်းတာပါ၊ ဟြေင်းနိုင်အောင်လည်း ကြိုးစား ထားပါတယ်၊၊

မေး။     ။ အနုပညာအလုပ်ကို ၀ါသနာပါလား။

ဖြေ။     ။ ၀ါသနာပါလားဆိုတော့ မင်းသမီးလုပ်ချင်တာတော့ မဟုတ်ပါဘူး၊ ဒီဟာကျတော့ ဘ၀မှာတခါကြုံတဲ့ အခွင့် အရေး၊ ပြီးတော့ ကိုယ့်နိုင်ငံ ကိုယ်စားပြု၊ ကိုယ့်လူမျိုး ကိုယ်စားပြုလို့ရမယ်၊ နိုင့်ငံ့ဝန်တခုကို ထမ်းဆောင်တဲ့ အခွင့်အရေး တခု အနေနဲ့ ကြုံတဲ့အတွက် လုပ်ဖြစ်သွားတာပါ။

မေး။     ။ နိုင်ငံတကာနဲ့ ယှဉ်ပြိုင်ဖို့   ကိုယ့်ကိုယ်ကိုယ် ယုံကြည်မှုရှိရဲ့လား။

ဖြေ။     ။ မိုးစက်က နိုင်ငံတကာနဲ့ Compare လုပ်တယ်လို့မမြင်ပါဘူး၊ မြန်မာနိုင်ငံကို ကိုယ်စားပြုတဲ့အတွက် မြန်မာ့ ယဉ်ကျေးမှု ကိုပဲ သိစေချင်ပါတယ်၊ ကမ္ဘာကကြည့်နေတဲ့အတွက် မြန်မာ့ယဉ်ကျေးမှု၊ မြန်မာလူမျိုး၊ မြန်မာ့ ထုံးတမ်း ဓလေ့တွေ ကိုပဲ မြင်စေချင်ပါတယ်။

မေး။     ။ ဘယ်နိုင်ငံက Miss Universe တွေကိုသဘောကျလဲ။

ဖြေ။     ။ မိုးစက် အမြဲသဘောကျတာကတော့ ဗင်နီဇွဲလားက Miss တွေကို သဘောကျပါတယ်၊ သူတို့ကအရမ်း ချော တယ်၊ သူတို့ရဲ့ Body ကလည်း သေသေချာချာအချိုးကျကျကိုလှပတယ်၊ သူတို့ Work က တကယ့် Professional  ပဲ။

မေး။     ။  မယ်စကြ၀ဠာပြိုင်ပွဲ သွားပြိုင်ပြီး ပြန်လာရင်ရော ဘာတွေလုပ်မယ် စဉ်းစားထားလဲ။

ဖြေ။     ။ အဓိကကတော့ ညီမလူမှုရေးလုပ်ငန်းတွေပဲ လုပ်ချင်ပါတယ်၊ Miss ရထားတဲ့အချိန်မှာ လူမှုရေး လုပ်ရင် ပိုလွယ်တယ် လို့ထင်ပါတယ်၊ လူတွေကိုပိုစည်းရုံးနိုင်မယ်၊ ကိုယ်ဟြေတာကိုလက်ခံလာမယ်လို့ထင်ပါတယ်၊ မင်းသမီး လုပ်ချင်ရင် ရုပ်ရှိရင်လုပ်လို့ရပါတယ်၊၊

မေး။    ။ ရုရှား မယ်စကြ၀ဠာပြိုင်ပွဲမှာ ဘယ်လို Talent တွေလုပ်မယ်လို့စဉ်းစားထားလဲ။

ဖြေ။     ။ မိုးစက်ကြည့်ဖူးတဲ့ Miss Universe ကတော့ Talent မပါဘူး၊ တကယ်လို့ Talent ပါရင်တော့ ညီမ မြန်မာ အကနဲ့ ဖျော်ဖြေ တင်ဆက်ကပြမှာပါ။ ကျွမ်းကျွမ်းကျင်ကျင်တော့ မကတတ်ပါဘူး၊ ဒါပေမယ့် ငယ်ငယ်တုန်းက သင်္ကြန်ယိမ်းအက ကိုတော့ အထက်တန်းကျောင်းမှာတုန်းကပါဝင် ကပြဖူးပါတယ်။

မေး။     ။ မိုးစက်မှာ ဘယ်လို အားနည်းချက်တွေရှိလဲ။

ဖြေ။     ။ အားနည်းချက်က မိုးစက်ရှက်တတ်ပါတယ်၊ နောက်တခုက မိုးစက်ရဲ့ Walking Skill သိပ်မကောင်းသေးပါဘူး၊၊

မေး။     ။ ရှက်တတ်တယ်ဆိုတော့ ရေကူးဝတ်စုံ ၀တ်တော့ ဘယ်လိုခံစားရလဲ။

ဖြေ။     ။ အဲ့ဒါကတော့စိတ်ထဲမှာ Mood တခုသွင်းရပါတယ်၊ ရေကူးဝတ်စုံဝတ်တာ အစကတော့ ရှက်တယ်၊ နောက်ပြန် စဉ်းစားကြည့်တော့ ဒါအားကစား တခု၊ ရေကူးတယ်လို့ကိုယ့်ကိုယ်ကိုယ်သတ်မှတ်ထားပါတယ်၊ လူတိုင်းရေကူးရင် ရေကူး ၀တ်စုံပဲဝတ်တယ်၊ ဒါကြောင့် အဲ့လိုရေကူးတယ်လို့ စိတ်သွင်းလိုက်တဲ့ အတွက်မိုးစက်အဆင်ပြေသွားပါတယ်ရှင့်။

မေး။     ။ ဘာကိုဝါသနာပါတာလဲ။

ဖြေ။     ။ မိုးစက်သီချင်းဆိုတာ ၀ါသနာပါပါတယ်။

 မေး။     ။ မြန်မာနိုင်ငံက မီဒီယာတွေအပေါ်ရော ဘယ်လိုမြင်လဲ။

ဖြေ။     ။ အခုမီဒီယာတွေဝိုင်းနေတယ်ဆိုတော့ အကောင်းဖြေရမယ် ထင်တယ်နော်(ရယ်လျှက်)၊ အကောင်း မဖြေရင်အကုန်လုံးဝိုင်းပြီးတော့ ပြဿနာရှာမှာလေ၊ မီဒီယာတွေက အကုန်လုံးအရမ်းကောင်းပါတယ်။

မေး။    ။ ပရိသတ်ကို ဘာပြောချင်လဲ။

ဖြေ။     ။ ညီမပရိသတ်အားလုံးကို ကျေးဇူးတင်ပါတယ်၊ Vote ပေးတာလည်းကျေးဇူးတင်ပါတယ်၊ နိုင်ငံ ကိုယ်စားပြု ဖြစ် အောင် ကြိုးစားပါ့မယ်လို့ကတိပေးပါတယ်။

ဧရာဝတီ|  မိုးစက်ဝိုင်

ဆက်ဖတ်ရန်>>>>

ကျည်ကာအင်္ကျီ ဝတ်သွားဖို့လိုမယ့် အာဖန်ဂန်နစ္စတန်မှ တရားမဝင် Apple အရောင်းဆိုင် အတု

ကမ္ဘာပေါ်မှာ Apple ကုမ္ပဏီက ထုတ်လုပ်တဲ့ အဆင့်မြင့် အီလက်ထရောနစ် ပစ္စည်းများကို ဘယ်လောက် လူကြိုက်များ သလဲ သိပါသလား။ မေးကြည့်တာထက် ပြေးကြည့်တာက ပိုမြန်ပါလိမ့်မယ်။ ဘယ် ကိုပြေးကြည့် ရမလဲဆိုတော့ အာဖဂန်နစ္စတန်နိုင်ငံပါ။

မပူပါနဲ့။ ကိုယ်တိုင် သွားကြည့်စရာ မလိုအောင် ဒီသတင်းကို ဖော်ပြပေးထားတာပေါ့။ ကဲ ဒီ Apple အရောင်း ဆိုင် အတုအကြောင်း လေ့လာကြည့်ရအောင်။

Apple Store Afghanistan ကို မြို့တော် ကဘူးလ်ရှိ နိုင်ငံရဲ့ အကြီးဆုံး ရှော့ပင်းစင်တာကြီးမှာ ဖွင့်လှစ် ထားတာ ဖြစ်ပါတယ်။ အဲဒီနေရာကလည်း ခေတဲ့နေရာတော့မဟုတ်ပါဘူး။ ၂၀၁၀ ခုနှစ်နောက်ပိုင်း အသေ ခံဗုံးခွဲ တိုက်ခိုက်ခြင်း ခံရတာ ၂ ကြိမ် ရှိပါပြီတဲ့။ အဲဒီ ရှော့ပင်းစင်တာကြီးမှာ ဈေးဝယ်သူများကလည်း သူဌေးတွေ နဲ့ နိုင်ငံခြားသားတွေသာ ဖြစ်ပါတယ်တဲ့။

အာဖဂန်မှရရှိတဲ့ သတင်းများအရတော့ အဆိုပါ အရောင်းဆိုင်ရဲ့ ရောင်းအားကတော့ မကောင်းလှပဲ ပြီးခဲ့သည့်အပတ် စတင်ဖွင့်လှစ်ချိန်မှ ယခုအထိ iPhone ၆ လုံးနှင့် MacBook အချို့သာ ရောင်းချရသေးကြောင်း သိရှိရသည်။

အရောင်းဆိုင်မှာ တရားဝင်မဟုတ်သော်လည်း ရောင်းချသည့် ပစ္စည်းများမှာမူ Apple ပစ္စည်း အစစ်များဖြစ်သည်။ သို့သော်လည်း ဈေးနှုန်းအား မူရင်းထက် ၁၀ ဒေါ်လာမှ ဒေါ်လာ ၅၀ အထ်ိတင်ထားကာ အမြတ်ရယူနေသည်ဟု သိရှိရသည်။ ကုန်ပစ္စည်းများကို ဒူဘိုင်းမှာ မှာယူတင်သွင်းပြီး 16GB iPhone 5 ၏ ဈေးနှုန်းမှာ ဒေါ်လာ ၇၀၀ ခန့် ကျသင့်သည်ဟု သိရှိရသည်။

ယခုကဲ့သို့ တရားမဝင် Apple အရောင်းဆိုင်များ ပေါ်ပေါက်လာခြင်းမှာ ယခုမှတင် မဟုတ်ပေ။ ၂၀၁၁ ခုနှစ် အတွင်းကလည်း တရုတ်နိုင်ငံ၌ တရားမဝင် Apple အရောင်းဆိုင် အတု စုစုပေါင်း ၂၂ ခုအား ရှာဖွေတွေ့ရှိခဲ့ပြီး ပိတ်သိမ်းခဲ့သည်။

Myanmar Consumer Guide

ဆက်ဖတ်ရန်>>>>

သံတွဲတွင် လက်လုပ်ဗုံးများ ဖမ်းဆီးရမိ

3.10.2013 ရက်နေ့တုန်းက သံတွဲမြို့နယ်၊ ရွှေလှေရွာမှာ လက်လုပ်ဗုံးများ ဖမ်းဆီးရမိခဲ့ကြောင်း သိရပါတယ်။

ရွှေလှေရွာ (စာသင်ကျောင်းရှေ့) မှ ကိုတင်နောင် (ဘ) ဦးရာကွတ်+မနီ(ခ)မခင်မေသန်း(ဘ) ဦးဟူစိန်ထွန်း တို့၏ နေအိမ်မှာ ရှာဖွေတွေ့ရှိခဲ့ခြင်းဖြစ်ပြီး Sprite ပုလင်းထဲတွင်-ဆန်နှင့် တစ်လက်မသံများ ပုလင်းဝက်ထိ ထည့်ထားပြီး ဓာတ်ဆီများဖြည့်ထားကာ စနက်တံတပ်ထားကြောင်း အားလုံး ဂျပ်ဖာနှစ်ဖာ အပြည့်ဖြစ်ကြောင်း သိရပါတယ်။

လင်မယားနှစ်ယောက်လုံးကို ဖမ်းဆီးထားပြီလို့ သိရပါတယ်။ ၄င်းတို့ဟာ ကမန်/အစ္စလာမ်များဖြစ်ကြောင်း သိရပါတယ်။ သံတွဲမြို့တွင် မှတ်ပုံတင်ပွဲစားများ ကျေးဇူးကြောင့် ၁၉၉၀ ခုနှစ်တွင် ကမန်လူဦးရေ ၂၅၀ ရှိခဲ့ရာမှ ယခုနှစ်တွင် ၁၀၀၀၀၀(တစ်သိန်း) အထိ တိုးပွားလာခဲ့ကြောင်း၊ ဘင်္ဂလီများကို ခိုးသွင်းပြီး ကမန်လုပ်ပေးရာမှ မူလကမန်တိုင်းရင်းသားများပါ ထိခိုက်နစ်နာခဲ့ရကြောင်း သိရှိရပါတယ်။

Wira Thu

ဆက်ဖတ်ရန်>>>>

အာဖရိကလှေစီးပြေး အလောင်းတွေ အီတလီကမ်းခြေမှာ ထပ်မံတွေ့ရှိ

ဘဝသစ်ရှာဖွေဖို့ လှေစီးထွက်လာသူ အာဖရိကန်တွေ တင်ဆောင်လာတဲ့ လှေတစ်စင်း မီးလောင်တိမ်းမှောက်ခဲ့ရာ အီတလီနိုင်ငံ၊ Lampedusa ကျွန်း မြင်ကွင်း။(အောက်တိုဘာ ၄၊ ၂၀၁၃)

အီတလီနိုင်ငံ Lampedusa ကျွန်း ကမ်းလွန်ပင်လယ်ပြင်မှာ ကြာသပတေးနေ့က မီးလောင် နစ်မြုပ်သွားတဲ့ လှေပေါ်ပါ အာဖရိက တိုက်သား ရွှေ့ပြောင်း အခြေစိုက်သူတွေထဲက ပျောက်ဆုံးနေပြီး သေဆုံးသွားပြီလို့ ယူဆထားသူ ဒါဇင်ပေါင်းများစွာကို ရှာဖွေနေတာမှာ ရေပြင်က မတည်ငြိမ်ဘဲ အပြောင်းအလဲများနေတာကြောင့် အခက်အခဲတွေ့နေရပါတယ်။

အခုချိန်ထိဆိုရင် သေဆုံးသူ ၁၁၁ ဦးရဲ့အလောင်းတွေကို ရှာတွေ့ထားပြီး ရေအောက် ပေ ၁၃၀ ကျော်မှာ နစ်မြုပ်နေတဲ့ လှေပျက် ထဲကနေ နောက်ထပ် အလောင်းတွေကို ရှာတွေ့ဦးမယ်လို့ ခန့်မှန်းထားကြပါတယ်။ ခန့်မှန်းခြေ လူပေါင်း ၅၀၀ ပါလာတဲ့ထဲက ၁၅၅ ယောက်ကို ကယ်ဆယ်ရေးအဖွဲ့တွေက ကယ်တင်ထားပြီးပါပြီ။ အသက်မသေ ကျန်ရစ်သူတွေထဲက တစ်ယောက်က လွဲပြီး အားလုံးဟာ အီရီထရီးယားနိုင်ငံသားတွေဖြစ်ပြီး ကျန်တဲ့လူတွေက တူနီးရှားနိုင်ငံသား တွေဖြစ်တယ်လို့ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးက ပြောပါတယ်။

သေဆုံးသွားသူတွေအတွက် ဝမ်းနည်းကြေကွဲခြင်းအထိမ်းအမှတ်အဖြစ် ဒီကနေ့ကို တရားဝင် သတ်မှတ်ထားပါတယ်။ အီတလီနိုင်ငံ၊ Assisi မြို့မှာရောက်နေတဲ့ ပုပ်ရဟန်းမင်းကြီး ဖရန့်စစ်စ်က ဒီကနေ့ သောကြာနေ့ကို “မျက်ရည်များ၏ တစ်နေ့တာ” ဆိုပြီးတော့ သတ်မှတ် ကြေညာပါတယ်။


ဗွီအိုအေ (မြန်မာဌာန)

ဆက်ဖတ်ရန်>>>>

အိုဘားမား အာရှခရီးစဉ် အကုန်ဖျက်သိမ်း

အင်ဒိုနီးရှားနိုင်ငံ ဘာလီကျွန်းမှာ ကျင်းပမယ့် အဓိက စီးပွားရေး ထိပ်သီး အစည်းအဝေးဖြစ်တဲ့ အာရှ ပစိဖိတ် စီးပွားရေး ပူပေါင်းဆောင်ရွက်မှု ညီလာခံ APEC အေပက် အစည်းအဝေးကို သမ္မတ အိုဘားမား မတက်ရောက်တော့ တဲ့အတွက် အလွန်တရာ စိတ်ပျက်မိကြောင်း အင်ဒိုနီးရှားအ စိုးရက ထုတ်ဖော် ပြောကြား လိုက်ပါ တယ်။

သမ္မတ အိုဘားမားဟာ သူ့အစိုးရအတွက် ဘတ်ဂျက် ဥပဒေ မူကြမ်းကို ကွန်ဂရက်က အတည် မပြုပေးခဲ့တဲ့ အတွက် အာရှသွားမယ့် ခရီးစဉ် အကုန်လုံးကို ဖျက်သိမ်းလိုက်တာ ဖြစ်ပါတယ်။

ဒီအတွက် အိုဘားမားဟာ အေပက် အစည်းအဝေး အပါအဝင် ထိပ်သီး အစည်းအဝေး ၂ ခုကို မတက်ရောက်နိုင်တော့တာ ဖြစ်ပါတယ်။

အင်ဒိုနီးရှား ပြန်ကြားရေးဝန်ကြီး တီဆက်တူလ် ဆမ်ဘီရင်းခ်က သမ္မတ အိုဘားမား အေပက်အစည်းအဝေးကို မတက်ရောက်ဘူး ဆိုတာကို သူ့နိုင်ငံအနေနဲ့ ယုံနိုင်ဖို့ ခက်နေတယ်လို့ ပြောကြားပါတယ်။

အေပက်အစည်းအဝေးကို လာမယ့် တနင်္ဂနွေနေ့မှာ ကျင်းပမှာ ဖြစ်ပါတယ်။

From : ..bbc

ဆက်ဖတ်ရန်>>>>

ယခုလကုန်တွင် အင်တာနက် ပိုမို မြန်လာမည်ဟု ဆို

ရန်ကုန်မြို့မှ အင်တာနက်ကဖေး တခုတွင် အင်တာနက် သုံးစွဲနေသူများ (ဓာတ်ပုံ – Reuters)

မြန်မာ့ ဆက်သွယ်ရေး လုပ်ငန်းက နိုင်ငံတကာနှင့် ဆက်သွယ်ထားသော ဖိုင်ဘာဆက်ကြောင်းတခု၏ Bandwidth ကို နှစ်ဆ တိုးလိုက်သည့်အတွက် ယခုလကုန်ပိုင်းမှစ၍ မြန်မာနိုင်ငံမှ အင်တာနက်သုံးစွဲသူများသည် သတင်း အချက်အလက်များကို ပိုမိုလျှင်မြန်စွာ ပေးပို့ ရယူနိုင်တော့မည် ဖြစ်ကြောင်း သိရသည်။

Bandwidth ဆိုသည်မှာ အင်တာနက်ဆက်ကြောင်း တလျှောက်တွက် သယ်ယူပို့ဆောင်ပေးနိုင်သည့် အချက်အလက် ပမာဏကို ဆိုလိုခြင်းဖြစ်သည်။ ၎င်းကို တစက္ကန့် အချိန်အပိုင်းအခြားအတွင်း စီးဆင်းနိုင်သည့် သတင်းအချက်အလက် ပမာဏကို မူတည်၍ တိုင်းတာဖော်ပြပြီး ကွန်ရက်၏ စွမ်းဆောင်ရည်ကို ကိုယ်စားပြုသည်။

မြန်မာနိုင်ငံမှ အင်တာနက်သုံးစွဲသူများ လိုင်းကြပ်ခြင်း၊ နှေးကွေးခြင်း စသည့် ပြဿနာများ ကြုံတွေ့နေရခြင်းသည် လက်ရှိ Bandwidth ကျဉ်းမြောင်းနေသည့်အတွက် ဖြစ်သည်။ လူသုံးများသည့် နေ့ခင်း အချိန်များတွင် အင်တာနက် ပို၍နှေးသည်။

အစိုးရပိုင် မြန်မာ့ဆက်သွယ်ရေး လုပ်ငန်း၏ အဆိုအရ မြန်မာနိုင်ငံမှ တရုတ်နိုင်ငံသို့ နယ်စပ်ဖြတ်ကျော်၍ သွယ်တန်းထားသော အင်တာနက် ဆက်ကြောင်းသည် Bandwidth 2.5 Gbps (gigabytes per second)၊ SEAMEWE-3 ဟု သိကြသော ပင်လယ် ရေအောက် ဆက်ကြောင်းက Bandwidth 6.2 Gbps နှင့် ထိုင်းနိုင်ငံသို့ နယ်စပ်ဖြတ်ကျော် ဆက်သွယ်ထားသော ဆက်ကြောင်းက Bandwidth 8.5 Gbps ရှိသည်။

မြန်မာ့ဆက်သွယ်ရေးလုပ်ငန်း သတင်းအချက်အလက် နည်းပညာ ဌာနမှ အင်ဂျင်နီယာချုပ် ဦးမျိုးဆွေက ထိုင်းနိုင်ငံဖက်သို့ ဆက်သွယ်ထားသော ဆက်ကြောင်းကို ယခုလအတွင်းတွင် Bandwitdh 20 Gbps အထိ တိုးမြှင့်မည်ဖြစ်သည်ဟု ဧရာဝတီသို့ ပြောသည်။ စမ်းသပ်ခြင်းလုပ်ငန်းများ မည်သည့်နေ့တွင် ပြီးဆုံးမည်ကို တိကျစွာ မပြောနိုင်သေးသော်လည်း “အရှေ့တောင် အာရှ အားကစားပွဲ မတိုင်မီ ဖြစ်ပါလိမ့်မယ်” ဟု သူကဆိုသည်။ ဒေသတွင်း အားကစားပြိုင်ပွဲဖြစ်သည့် အဆိုပါ အားကစားပွဲကို ယခုနှစ် ဒီဇင်ဘာလတွင် မြန်မာနိုင်ငံ၌ ကျင်းပတော့မည် ဖြစ်သည်။

ထိုင်းနိုင်ငံ နှင့်ဆက်သွယ်ထားသည့် ဆက်ကြောင်းကို အဆင့်မြှင့်နိုင်ခြင်းမှာ အရှေ့တောင် အာရှ အားကစားပွဲ မတိုင်မီ မြန်မာနိုင်ငံ၏ အကြီးဆုံး မြို့ကြီး ၃ မြို့ဖြစ်သော နေပြည်တော်၊ ရန်ကုန် နှင့် မန္တလေးမြို့များတွင် အင်တာနက်အမြန်နှုန်းကို 20 Gbps အထိရှိအောင် လုပ်ဆောင်ပေးမည့် ဂျပန်အစိုးရမှ ကူညီသော စီမံကိန်းအရ ပြုလုပ်နိုင်ခြင်းဖြစ်သည်။ ဂျပန်နိုင်ငံ၏ အဆင့်မြှင့်တင်ရေး အကူညီဖြင့် ဆီးဂိမ်း အားကစားပွဲ ကာလအတွင်းတွင် 4G မိုဘိုင်းကွန်ရက်ကို ယာယီ အသုံးပြုနိုင်ရန်လည်း နောက်တဆင့်အဖြစ် မျှော်မှန်းထားကြောင်း သိရသည်။

Bandwidth ကို တိုးမြှင့်လိုက်ခြင်းအားဖြင့် ကွန်ရက်တခုလုံး၏ စွမ်းဆောင်ရည် တိုးတက်လာမည်ဟု သာမန်အားဖြင့် ဆိုနိုင်သော်လည်း ကွန်ရက်အတွင်း အချက်အလက်များ စီးဆင်းရန် ကြာမြင့်ချိန် (မြန်နှုန်း) နှင့် သုံးစွဲသူ ပမာဏ စသည့် အချက်များသည်လည်း စွမ်းဆောင်ရည်အပေါ်တွင် သက်ရောက်မှုရှိနိုင်ကြောင်း ထည့်သွင်းစဉ်းစားရန်လိုအပ်သည်။

မည်သည့်အချိန်တွင် စတင် အသုံးပြုနိုင်မည်ကို တိကျစွာ မသိသေးသော်လည်း အဆင့်မြှင့်မှုများ မည်သည့် အခြေအနေသို့ ရောက်ရှိနေပြီ ဆိုသည်ကို အင်တာနက် အသုံးပြုသူများအား အသိပေးထားသင့်ကြောင်း၊ သို့မှာသာလျှင် သူတို့ နောက်တကြိမ် အင်တာနက် ဖွင့်လိုက်တိုင်း ထူးခြားမှုကို ခံစားသိနိုင်ကြမည် ဖြစ်ကြောင်း အင်တာနက် သုံးစွဲသူများက ဆိုသည်။

နာအိုမီ ဂင်ဂိုးလ်ဒ်|ဧရာဝတီ

ဆက်ဖတ်ရန်>>>>