Friday, December 06, 2013

မန်ဒဲလားအတွက် နိုင်ငံခေါင်းဆောင်များ အသီးသီး ဝမ်းနည်းစကားပြောကြား

Posted by drmyochit Friday, December 06, 2013, under | 2 comments


တောင်အာဖရိကတွင် အသားအရောင် ခွဲခြားမှု အရိုးစွဲနေခြင်းကို တိုက်ဖျက်ကာ တစ်ကမ္ဘာလုံး၏ လေးစားကြည်ညိုခြင်း အခံရဆုံး နိုင်ငံရေးသမား တစ်ဦးအဖြစ် ရပ်တည်နိုင်ခဲ့သူ မန်ဒဲလားသည် ဒီဇင်ဘာလ (၅)ရက်နေ့က ကျန်းမာရေး အခြေအနေ ပိုမိုဖောက်ပြန်လာပြီးနောက် အသက်(၉၅)နှစ် အရွယ်တွင် အနိစ္စ ရောက်ခဲ့သည်


နိုဘယ်လ် ငြိမ်းချမ်းရေးဆုရှင် တောင်အာဖရိကနိုင်ငံ သမ္မတဟောင်း နယ်လ်ဆင်မန်ဒဲလား ကွယ်လွန်သွားသည့်နောက် ကမ္ဘာ့နိုင်ငံ ခေါင်းဆောင်များက ဝမ်းနည်းကြေကွဲကြောင်း အလေးအနက် ပြောဆိုခဲ့ကြသည်။ တောင်အာဖရိကတွင် အသားအရောင် ခွဲခြားမှု အရိုးစွဲနေခြင်းကို တိုက်ဖျက်ကာ တစ်ကမ္ဘာလုံး၏ လေးစားကြည်ညိုခြင်း အခံရဆုံး နိုင်ငံရေးသမား တစ်ဦးအဖြစ် ရပ်တည်နိုင်ခဲ့သူ မန်ဒဲလားသည် ဒီဇင်ဘာလ (၅)ရက်နေ့က ကျန်းမာရေး အခြေအနေ ပိုမိုဖောက်ပြန်လာပြီးနောက် အသက်(၉၅)နှစ် အရွယ်တွင် အနိစ္စ ရောက်ခဲ့သည်။ ၎င်းသည် အဆုတ်တွင် ပိုးမွှားဝင်ရောက်မှုကို ကာလရှည်ကြာ ခံစားနေရသူဖြစ်ပြီး မိသားစုဝင် အစုံအလင် ရှိနေသော အချိန်၌ လူ့လောကကြီးကို ကျောခိုင်းသွားခြင်း ဖြစ်သည်။ ငြိမ်းချမ်းရေး ခေါင်းဆောင်ကောင်းတစ်ဦး ဆုံးရှုံးသွားသည့် သတင်းကို တောင်အာဖရိက လက်ရှိသမ္မတ ဂျက်ကော့ဘ်ဇူးမား ကိုယ်တိုင်က ဝမ်းနည်းစွာဖြင့် အတည်ပြု ကြေညာခဲ့သည်။

အမေရိကန် သမ္မတ ဘာရတ်အိုဘားမားက "တစ်ကမ္ဘာလုံးက လူတော်တော်များများလိုပါပဲ။ ကျွန်တော့်ဘဝဟာ မန်ဒဲလားကို အားကျ နမူနာယူခဲ့ရတဲ့ အခြေအနေတွေ မပါဘဲ ဖော်ပြလို့ မပြည့်စုံနိုင်ပါဘူး။ ခုတော့ သူ့ကိုကျွန်တော်တို့ ပိုင်ဆိုင်ခွင့် မရှိတော့ပါဘူး။ ဇရာမရဏက သူ့ကို ပိုင်ဆိုင်သွားပါပြီ"ဟု ပြောကြားခဲ့သည်။ သမ္မတ ဇူးမားက မန်ဒဲလား ကွယ်လွန်ကြောင်း သတင်းကို ကြေညာရာတွင် "ကျွန်တော်တို့ နိုင်ငံဟာ အခမ်းနား အကြီးကျယ်ဆုံး နိုင်ငံ့သားကောင်းကို လက်လွတ်ခံလိုက်ရပါပြီ"ဟု ပြောဆိုသွားသည်။ ၎င်းက ဆက်လက်၍ "တစ်နေ့နေ့မှာ ဒီအခြေအနေ ကြုံလာမယ်ဆိုတာ သိခဲ့ပါတယ်။ ဒါပေမဲ့ လက်တွေ့ဖြစ်လာတဲ့ အချိန်မှာတော့ ဆုံးရှုံးမှုအတွက် နာကျင်ကြေကွဲမှုအတွက် ဖြေနိုင်စရာ မရှိပါဘူး"ဟုလည်း ဖွင့်ဟခဲ့သည်။

မန်ဒဲလား သမ္မတမဖြစ်မီ တောင်အာဖရိက၏ နောက်ဆုံး လူဖြူသမ္မတအဖြစ် တာဝန်ယူခဲ့သည့် အက်ဖ်ဒဗလျူ ဒီကလာ့ခ်က "သူဟာ တောင်အာဖရိကကို ပေါင်းစည်းစေခဲ့သူပါ။ သူ့ကိုကျွန်တော် အမြဲတမ်း လေးစားခဲ့တာ ဖြစ်ပါတယ်"ဟု ဂုဏ်ပြုခဲ့သည်။ အမေရိကန် သမ္မတဟောင်း ဘီလ်ကလင်တန်ကလည်း "ကျွန်တော့် သူငယ်ချင်း မန်ဒဲလားကို ဘယ်တော့မှ မေ့နိုင်မှာ မဟုတ်ပါဘူး"ဟု Twitterတွင် ရေးသားခဲ့သည်။ ဗြိတိသျှ ဝန်ကြီးချုပ် ဒေးဗစ် ကင်မရွန်က ပြောကြားခဲ့သည်။ ထို့အပြင် အားကစားနှင့် အနုပညာ နယ်ပယ်မှ နာမည်ကျော် များစွာတို့ကလည်း မန်ဒဲလားအတွက် ဝမ်းနည်းစကားများ အသီးသီး မျှဝေခဲ့ကြသည်။

ဟဲဗီးဝိတ် လက်ဝှေ့ချန်ပီယံဟောင်း မိုက်ခ်တိုင်ဆန်က "သူဟာ စည်းကမ်းကျနသူ၊ သတ္တိရှိသူ၊ ချစ်ခြင်းမေတ္တာနဲ့ ခွင့်လွှတ်ခြင်းတို့ကို လမ်းပြပေးသူ ဖြစ်ပါတယ်"ဟု ညွှန်းဆိုခဲ့သည်။ ကုလသမဂ္ဂ အထွေထွေ အတွင်းရေးမှူး ဘန်ကီမွန်းကလည်း "မန်ဒဲလားဟာ တရားမျှတမှုကို စောင့်ကြပ်တဲ့ ဘီလူးကြီးပါ။ လူသားတွေရဲ့ အယုံကြည် အလေးစားဆုံး ပုဂ္ဂိုလ်တစ်ယောက်လည်း ဖြစ်ပါတယ်"ဟု ပြောကြားခဲ့သည်။ မန်ဒဲလား၏ ဈာပန အခမ်းအနားအတွက် တောင်အာဖရိက အစိုးရက နိုင်ငံတော်အဆင့် ဂုဏ်ပြုမှုဖြင့် ကျင်းပမည်ဖြစ်သည်။ လက်ရှိတွင် နေ့ရက်အတိအကျ မသတ်မှတ်ရသေးသော်လည်း (၁၀)ရက်အတွင်း မြေချသင်္ဂြိုဟ်မည်ဟုမူ သတင်းများက ဖော်ပြသွားသည်။

From: Planet Myanmar Network

သင့်ဖုန်းကို သင့်ကွန်ပျူတာ ဒါမှမဟုတ် တစ်ခြား Device တစ်ခုခုကနေ ထိန်းချုပ်နည်း

Posted by drmyochit Friday, December 06, 2013, under | No comments


သင့် ဖုန်းဟာ google account ၀င်ထားပြီး google play ၀င်ရတယ်ဆိုရင် သင့်ဖုန်း ကို သင့်ကွန်ပျူတာ ဒါမှမဟုတ် တစ်ခြား device တစ်ခုခုကနေ ထိန်းချုပ်လို့ရပါတယ် browser တစ်ခုခု ကနေ အောက်ပါလင့်ကိုသွားလိုက်ပါ

https://www.google.com/android/devicemanager


သင့်ဖုန်းထဲဝင်ထားတဲ့ google account နဲ့sign in ၀င်လိုက်ပါ ပုံပါအတိုင်းတွေ့ရပါလိမ့်မယ် …
သင့်ဖုန်းတည်နေရာသိချင်ရင် location ပုံလေးနှိပ်ပါ
Ring ကတော့ သင့်ဖုန်းမှာ အသံလာမြည်စေဖို့ပါ
Lock ချလို့ရပါမယ်…
SD ကတ်ဖျက်ပြစ်လို့ ရပါမယ်..
ညဏ်ရှိသလို သုံနိုင်ပါတယ် Google ရဲ့ service တစ်ခုပေါ့ဗျာ…
မသိသေးသူတွေအတွက် ရည်ရွယ်တာပါ.

From: Myanmar Mobile App

မြန်နှုန်းမြင့် အင်တာနက်လိုင်း တည်ဆောက်မှု ပြီးစီးဟုဆို

Posted by drmyochit Friday, December 06, 2013, under | No comments


ဂျပန်အကူအညီဖြင့် Sumitomo Corporation၊ NEC Corporation နှင့် NTT Communications Corporation တို့ ပူးတွဲ တည်ဆောက်နေသော မြန်နှုန်းမြင့် အင်တာနက်လိုင်း တည်ဆောက်မှု ပြီးစီးပြီ ဖြစ်ကြောင်း အဆိုပါ ကုမ္ပဏီများက ထုတ်ပြန် ကြေညာသည်။

အဆိုပါ အင်တာနက် ဆက်ကြောင်းကို ဒီဇင်ဘာလ ၄ ရက်နေ့က ဆက်သွယ်ရေး၊ သတင်း အချက်အလက်နှင့် နည်းပညာ ဝန်ကြီးဌာနထံသို့ နေပြည်တော်တွင် တရားဝင် လွှဲအပ်ခဲ့ပြီး ၂၀၁၄ ခုနှစ် ဇန်နဝါရီ လလယ်အထိ နည်းပညာပိုင်း ဆိုင်ရာများကို ဆက်လက်ကူညီမည် ဖြစ်ကြောင်း ယင်း ကုမ္ပဏီများထံမှ သိရသည်။

အဆိုပါ စီမံကိန်းကို အကောင်အထည်ဖော်ရန် ၂၀၁၃ ခုနှစ် မေလက သဘောတူစာချုပ် ချုပ်ဆိုခဲ့ပြီး ဂျပန်အစိုးရ၏ ODA ချေးငွေမှ အကူအညီဖြင့် JICA (ဂျပန်အပြည်ပြည်ဆိုင်ရာ ပူးပေါင်း ဆောင်ရွက်ရေး အေဂျင်စီ) က တာဝန်ယူ စီမံခန့်ခွဲ၍ တည်ဆောက်ခဲ့ခြင်း ဖြစ်သည်။

ယခုစီမံကိန်းကို (၂၇) ကြိမ်မြောက် အရှေ့တောင်အာရှ အားကစားပြိုင်ပွဲနှင့် ၂၀၁၄ ခုနှစ် အာဆီယံ ဥက္ကဋ္ဌ ရာထူးတို့တွင် အင်တာနက်သုံးစွဲမှု အဆင်ပြေစေရေးအတွက် ရည်ရွယ်၍ ဆောင်ရွက်ခဲ့ခြင်း ဖြစ်ကြောင်း ဆက်သွယ်ရေး၊ သတင်းအချက်အလက်နှင့် နည်းပညာ ဝန်ကြီးဌာနမှ တာဝန် ရှိသူတစ်ဦးက ဆိုသည်။

မြန်မာနိုင်ငံတွင် ကျင်းပနေသော အရှေ့တောင်အာရှ အားကစားပြိုင်ပွဲ နီးချိန်များတွင် အင်တာနက် မြန်လာမည်ဟု ဆိုသော်လည်း ပိုမို နှေးကွေးလာသဖြင့် ဝေဖန်မှုများ ရှိနေသည်။
“SEA Games နားနီးရင် အင်တာနက် မြန်မယ်သာပြောတာ။ ဒီရက်ပိုင်းမှာ အင်တာနက်က ပိုစုတ်ချာလာတယ်။ ဒီအတိုင်းဆို မလွယ်ဘူး” ဟု Web Programmer တစ်ဦးဖြစ်သူ ဦးစိုးမိုးက ဆိုသည်။

အဆိုပါ စီမံကိန်းတွင် ရန်ကုန်-မန္တလေး-နေပြည်တော် 30 Gb အမြန်နှုန်းမြင့် အင်တာနက်လိုင်း တည်ဆောက်ခြင်း၊ အဆိုပါ မြို့များတွင် 4G LTE ကွန်ရက်နှင့် 10 Gb မိုဘိုင်းလ် အင်တာနက်စနစ် တည်ဆောက်ခြင်း၊ LTE Station ၅၀ ကို မြို့ကြီး သုံးမြို့တွင် တည်ဆောက်ခြင်းတို့ ပါဝင်ကြောင်း ဂျပန်ကုမ္ပဏီများက ကြေညာခဲ့သည်။

အဆိုပါ စီမံကိန်းကြောင့် အင်တာနက် အသုံးပြုသူ တစ်သန်း၊ တယ်လီဖုန်းလိုင်း ၁ ဒသမ ၅ သန်းနှင့် LTE စနစ် သုံးစွဲသူ ၄၀,၀၀၀ ထပ်မံတိုးချဲ့နိုင်မည် ဖြစ်ကြောင်း ဆက်သွယ်ရေး၊ သတင်းအချက်အလက်နှင့် နည်းပညာ ဝန်ကြီးဌာနထံမှ သိရသည်။

credit to:The Voice Weekly

ဗာရာဏသီမှ သေမင်းမျှော် ဟိုတယ်များ လူပြည့်နေ

Posted by drmyochit Friday, December 06, 2013, under | No comments


ဒီဇင်ဘာ ၆။

အိန္ဒိယနိုင်ငံ မြောက်ပိုင်း အူတာပရာဒက်ခ်ျပြည်နယ် ဗာယာဏသီမြို့မှ ဟိုတယ်အိုကြီးများတွင် သက်အိုး ရွယ် အိုများသည် သူတို့၏ ခေါင်းခါရာ အရပ်အဖြစ် ရွေးချယ်ကာ သေဆုံးမည့်အချိန်ကို တည်းခိုစောင့်ဆိုင်းနေကြသည်။

ဟိန္ဒူဘာသာဝင် တို့၏ ကိုယ်ကွယ်ယုံကြည်မှုအရ ဗာရာဏသီသည် ဘ၀ကူးချိန်တွင် ကယ်တင်ခြင်းသို့ ၀င်ရောက်ရန် မုခ်ဦးပေါက်
တစ်ခုသဖွယ် ခံယူထားကြသူများစွာရှိသည်။

လွန်ခဲ့သော ရာစုနှစ် များစွာကတည်းက ထွန်းကားခဲ့သော ယင်းယုံကြည့်ချက်အပေါ် မပြောင်းမလဲ ခံယူထားဆဲ ဖြစ်သော သက်ကြီးရွယ်အို အဘိုး၊အဘွားအိုတို့သည် ကာရှီဟုခေါ်သည့် ဗာရာဏသီသို့လာရောက်ကာ ဈေးသက်သာသည့် ဟိုတယ်အိုကြီးများတွင် တည်းခိုးရင်း ဘ၀နောက်ဆုံးအချိန်ကို စောင့်ဆိုင်းလျက် ရှိကြသည်။

သူတို့က ဗာရာဏသီတွင် သေဆုံးခဲ့လျှင် သံသရာစက်ဝန်း
ပြတ်ဆဲသွားမည်။ ယင်းအရပ်တွင် သေဆုံးသူသည် တဖန်ပြန်လည် မမွေးဖွားနိုင်တော့သည့်အတွက် ကယ်တင်ခြင်း ခံရမည်ဟု ယူဆယုံကြည်ထားကြသည်။

၁၉၂၀ခုနှစ်များကတည်းက တည်ဆောက်ထားခဲ့သော ကယ်တင်းခြင်း အိမ်တော် မိုခ်ရှာဘ၀မ်အမည်ရှိ ဟိုတယ်အို တစ်လုံးသည်လည်း
သေမင်းကို မျှော်လင့်နေသူများ နေထိုင်ရာ ဟိုတယ်တစ်လုံး ဖြစ်သည်။

အသက်ရှစ်ဆယ်အရွယ် မန်ဘူတရီပါသီဆိုသည့် အဘိုးအိုက သူသည် လွန်ခဲ့သော ၁၇နှစ်ကတည်းက မိုခ်ရှာဘ၀မ်တွင် နေထိုင်နေခဲ့ကြောင်း၊ အသစ်တဖန် ပြန်လည်မွေးဖွားခြင်း မရှိနိုင်တော့သော ထွက်ခွာမှုမျိုးဖြင့် ကမ္ဘာလောကကြီးမှ အပြီးတိုင် နှုတ်ဆက်ထွက်ခွာရန် စောင့်ဆိုင်နေခြင်း
ဖြစ်ကြောင်းဆိုသည်။ အဘိုးအို မန်ဘူတရီပါသီကို သူ၏ သားများက လစဉ် ငွေများ ပုံမှန်ပို့ပေးနေပြီး သူတို့ကို မတွေ့ရတော့သည်မှာ ၁၀နှစ်ကျော်ပြီ ဖြစ်သည်ဟု ဆိုသည်။

မန်ဘူတရီပါသီတွင် ဘ၀နေ၀င်ချိန်ကို စောင့်ဆိုင်းနေသူပေါင်း ၃၀၀ကျော်ရှိပြီး အများစုမှာ အသက် ၆၀ကျော်ဖြစ်သည်။ သူတို့၏ဘ၀ကို ဤနေရာတွင် အဆုံးလာသတ်ကြခြင်းဖြစ်ကြောင်း ဟိုတယ်မန်နေဂျာ မန်နစ်ပန်ဒီ အသက် ၄၃နှစ်က ဆိုသည်။ ဟိုတယ်တွင် လူတစ်ဦးသေဆုံးသည့်အခါတိုင်း ပူဆွေးငိုကြွေးခြင်းများ
မပြုကြဘဲ ဆုတောင်းပွဲများဖြင့်သာ ဈာပနလုပ်လေ့ရှိသည်။

မိုခ်ရှာဘ၀မ်တွင် တည်ခိုးခနှင့် လျှပ်စစ်မီးသုံးခများမှာ မဆိုသလောက်သာယူပြီး မည်သူ့ကိုမျှ လာရောက်နေထိုင်ရန် တိုက်တွန်းခြင်းမရှိ၊ ကာယကံရှင်၏ သဘောအတိုင်းသာ
ဖြည့်ဆည်းပေးလျက်ရှိသည်။

Ref: Al jazeera
The Myanma Age

အ၀တ်စားအသစ်များကို ရေမလျှော်ဘဲ လုံးဝ လုံးဝ မ၀တ်နဲ့နော်

Posted by drmyochit Friday, December 06, 2013, under | No comments

ခုဆိုရင် အထည်ချုပ်တွေတော်တော်များများက တရုတ်ပြည် ဘက်မှာ တော်တော်များများ ရပ်တည် လာကြတာပါတယ်။

ရှန်ဟိုင်းက အမျိုးသမီးငယ်တစ်ဦး ဖက်ရှင်ဆိုင်တစ်ခုမှ ဂျင်းဘောင်းဘီ ၀ယ်လာပြီး ရေမလျှော်ဘဲ ၀တ်ဆင်မိတဲ့အတွက် ၄င်းဂျင်းဘောင်းဘီ ဆိုးဆေးကြောင့်ဖြစ်လာတဲ့ ဓါတ်သဘာဝနဲ့ မတည့်တဲ့အတွက် အလာဂျီလ်တွေ ထလာပြီး အ၀တ်မကပ်နိုင်အောင် ဖြစ်ပြီး ဆေးရုံတောင်တက်ယူလိုက်ရပါတယ်။
ဘာပဲပြောပြော သူ့အရေပြားဟာ Sensitive ဖြစ်လို့ လည်း ဖြစ်ကောင်းဖြစ်နိုင်ပေမဲ့ မနုဿ အားလုံးကိုပြောချင်တာက ဘယ်အ၀တ်စားမဆို အထည်ချုပ်ကနေ ထုတ်လိုက်တာနဲ့ တန်းရောင်းလိုက်ရတာမရှိပါဘူး ။ အထည်ချုပ်တော်တော်များများက လည်း ဘောင်းဘီ ၊ အကျီ င်္ ချုပ်ပြီးတာနဲ့ ပြန်လည်ရေလျှော်ကြတာမဟုတ်ပါဘူး။ တန်းပြီး ဈေးကွက်မှာ ချရောင်းလိုက်တာပါပဲ။ ဈေးကွက်ရောက်လာတဲ့ အထည်တွေကလည်း ၀ယ်သူလက်ထဲကို တန်းရောက်တာမဟုတ်ဘဲ အချိန်အတော်ကြာထိ ချိတ်ဆွဲပြသ ထားတာမျိုးလည်းရှိတဲ့အတွက် ဖုန့်မှုန့်တွေ ပိုးမွှားတွေအလွယ်တကူကပ်ညှိနိုင်ပါတယ်။

နောက်ပြီး အ၀တ်ထည်တွေကို မ၀ယ်ဖြစ်ဘဲ စမ်းကြည့်တဲ့သူတွေလည်း ဒီအထည်မထွက်ခင်ချိန်ထိ အမြောက်အမြားရှိနိုင်ပြီး သူ့မှာလည်း အရေပြားရောဂါ မရှိဘူးဆိုတာလည်း ဘယ်သူမှ အသေချာမသိကြပါဘူး။

ဒါကြောင့် မနုဿ အဓိကပေးချင်တဲ့ အသိပညာလေးကတော့ အ၀တ်အစားတွေ ဆိုင်က၀ယ်ပြီးတာနဲ့ တန်းဝတ်တာမျိုး လုံးဝမလုပ်ပါနဲ့ ။အိမ်ရောက်ပြီး လျှော်ဖွတ် မီးပူထိုးပြီးမှ ၀တ်တာ အကောင်းဆုံးပေ့ါ။ အထူးသဖြင့် ကလေးအ၀တ်အစားတွေရော ကျားဝတ် မ၀တ် အတွင်းခံတွေက ပို ဂရုတစိုက်ရှိရပါမယ်။
သိသွားသူတွေလည်း မသိသေးတဲ့သူတွေကို လက်ဆင့်ကမ်းဝေမျှရင်း ကျန်းမာရေး အသိတွေ တိုးပွားလာအောင် လုပ်ပေးလိုက်ကြစို့နော်။

( မှတ်ချက်။ ။ ယခုရေးသားလိုက်သော ပို့စ်သည် ကျန်းမာရေးအသိပညာပေးရန်သက်သက်ဖြစ်ပြီး မည်သည့် စီးပွားရေးလုပ်ငန်းကိုမှ ထိခိုက်စေလိုသော ဆန္ဒ အလျဉ်းမရှိပါ။ )

ချစ်တဲ့ . . . မနုဿ

ဖွဲ့စည်းပုံအခြေခံဥပဒေပြင်မှ တိုင်းပြည်တိုးတက်မှာလား

Posted by drmyochit Friday, December 06, 2013, under | 1 comment

မြန်မာပြည် မတိုးတက်ဘူးဟုပြောသည်၊

အဆင်းရဲဆုံးနိုင်ငံ(LDC)ထဲမှာ ပါနေသည်ဟုပြောသည်။ အရှေ့ တောင်အာရှမှာ ဖွံ့ဖြိုးမှုနောက်အကျဆုံးဟုပြောသည်။ မှန်ပါသည်။ ပြောသာပြောနေကြသည်။ နိုင်ငံအတွက်၊ တိုင်းပြည်အတွက် ကြိုးစားပြီး လုပ်ပေးတဲ့သူက မရှိသလောက်ဖြစ်နေသည်။ တိုင်းပြည် အတွက် အခြေခံ အုတ်မြစ်တွေ ပြင်ဆင်ချမှတ်ပေးပြီး တည်ဆောက်ပြုပြင်မှုတွေ ပြုလုပ်ပေးတဲ့အတွက် လွှတ်တော် အဖွဲ့အစည်းကြီး ပေါ်လာသည်။ ဖွဲ့စည်းပုံအခြေခံဥပဒေ(၂၀၀၈)ကို ပြည်သူကအတည်ပြု ပေးခဲ့ပြီးသဖြင့် နောက်ဆက်တွဲ ဒီမိုကရေစီ မျိုးစေ့စတင် ဖွံ့ဖြိုးလာခြင်းဖြစ်သည်။ constitutions အရ မြန်မာနိုင်ငံတွင် လွှတ်တော် ၃ ရပ်ကို ဖွဲ့စည်းထားခြင်းဖြစ်သည့် ပြည်ထောင်စုဖြစ်ပြီး ပြင်သစ်နိုင်ငံကဲ့သို့ပင် ဗဟိုမှ အရာရာကို ကြီးကြပ်ကွပ်ကဲသည့် Unitary စနစ်ဖြစ်သည်။ ယခင်က ရှမ်းပြည်နယ်တွင် စော်ဘွားများ အုပ်ချုပ်သော်လည်း ဗဟိုအစိုးရမှ ကွပ်ကဲမှုရှိခဲ့မှု အနေအထားဖြစ်ပါသည်။ ၁၉၇၄ ခုနှစ် consitutions သည် programmatic ဖြစ်ပြီး Libral democratic institutions ဖြစ်သည့်အတွက် ဗြိတိန်နိုင်ငံနှင့် မတူညီပေ။ ယခု ၂၀၀၈ constitutions သည် neutral ဖြစ်ပါသည်။

အင်္ဂလန်ရှိ constitutions သည် ရေးသားထားခြင်းမျိုးမဟုတ်ဘဲ tradition အရ သတ်မှတ် ဆောင်ရွက်ခြင်း၊ အလေ့အထအရ ဆောင်ရွက်ခြင်းမျိုးဖြစ်ပြီး ဆွေးနွေးညှိနှိုင်းခြင်းဖြင့် ပြင်ဆင်ခြင်းများ ပြုလုပ်နိုင်ပါသည်။ ဆိုလိုတာက House of Lord သဘောတူညီချက်ဖြင့် ပြင်ဆင်နိုင်၍ flexible ဖြစ်ကြောင်းတွေ့ရသည်။ ၀န်ကြီးချုပ်သည် လွှတ်တော်သို့ လာရောက်ပြီး မေးခွန်းများဖြေကြားရကြောင်း လေ့လာနိုင်သည်။

အမေရိကန်နိုင်ငံသည် ဖွဲ့စည်းပုံအခြေခံဥပဒေကို ၁၇၈၉ ခုနှစ်က ပထမဦးဆုံး ရေးသားခဲ့တဲ့ နိုင်ငံ ဖြစ်သည်။ ပြည်သူတွေမကြိုက်သည့် အချက်ဆိုတာရှိတာ မထူးဆန်းပေ။ သို့သော်ပြင်ဆင်ရန်ခက်ခဲကြောင်း တွေ့ရသည်။ ပြည်နယ်အများစုက သဘောတူရန် လိုအပ်သည်။ တင်းကြပ်ထားခြင်းဖြစ်သည်။ Federal စနစ် ကျင့်သုံးသော်လည်း လက်တွေ့တွင် ပြည်နယ်များအကြား ပိုပြီး တူညီမှုရှိရန်နှင့် စနစ်တကျရှိရန် ဗဟိုချုပ်ကိုင်မှု ပြုလုပ်သည်ကို တွေ့ရသည်။ ဥပမာ-အမြန်လမ်းများ၌ မောင်းနှင်ရမည့် အမြန်နှုန်းကို ပြည်နယ်အားလုံး တစ်ပြေးညီ သတ်မှတ်သည်။ ကုန်ကားအရွယ်အစား သတ်မှတ်မှု တစ်ပြေးညီဖြစ်သည်။ ဗဟိုချုပ်ကိုင်မှု ပို၍ရယူသည်။ သမ္မတသည် တပ်မတော်၏အကြီးအကဲဖြစ်သည်။ လွှတ်တော်သို့ မိန့်ခွန်းများပေးပို့ခြင်းသာရှိပြီး လွှတ်တော်ကို လူကိုယ်တိုင် မလာရောက်ပေ။ constitutions တိုင်းမှာ မရေး ထားတဲ့ သတ်မှတ်ချက်တွေ ရှိပါသည်။ ဥပမာ- Supreme court သည် legistation လုပ်ခွင့်ရှိခြင်းများ ဖြစ်ပါသည်။ နိုင်ငံတကာအကြောင်း ပြောပြရင် ပြီးနိုင်မည်မဟုတ်ပေ။ ကျွန်တော်ပြောချင်တာ မြန်မာနိုင်ငံ constitutions ဖြစ်သည်။

ဖွဲ့စည်းပုံအခြေခံဥပဒေ စတင်ရေးဆွဲစဉ်က ပါတီအားလုံး၊ တိုင်းရင်းသားအားလုံး၊ လူမျိုးအားလုံး၊ လူထုကိုယ်စားလှယ်များအားလုံး၊ အဖွဲ့အစည်းအားလုံး ပါဝင်နိုင်အောင် ဖိတ်ခေါ်ခဲ့သည်။ ဖွဲ့စည်းပုံရေးဆွဲရန် ဘယ်သူတက်သည် မတက်သည်မပြောလို။ ရေးဆွဲချိန် တွင်ပါဝင်ရန် ဖိတ်ခေါ်မှုကိုငြင်းဆိုတာလဲ မပြောလိုပါ။ ဖွဲ့စည်းပုံအခြေခံဥပဒေကို တစ်ပြည်လုံး ဆန္ဒခံယူခဲ့သည့် အချိန်တွင်လည်း ကန့်ကွက်တာ လဲမပြောလိုပါ။ မကြိုက်လို့ ကန့်ကွက်တာရှိသည်။ မဲမပေးတာလည်းရှိသည်။ ကျွန်တော့်အိမ်က ကျွန်တော့် အမေသည်ပင် မဲသွားမပေးပါ။ ဒါလည်းမပြစ်မဟုတ်။ ပြည်သူတွေက တစ်နိုင်ငံလုံး ၉၀% ကျော်မဲပေး အတည်ပြုခဲ့တဲ့ ဖွဲ့စည်းပုံအခြေခံဥပဒေဖြစ်ပါသည်။ ကြောက်လို့ဘဲမဲပေးပေး၊ လိုအပ်လို့ဘဲ မဲပေးပေး သမိုင်းက အဖြေပေးမည်ဖြစ်ပါသည်။ ပြည်သူအတည်ပြုထားသည့် အခြေခံဥပဒေဖြစ်ပါသည်။ အဲဒီတော့ မရွှေချောတို့ အံ့သြပြီး ဘာလုပ်ရမှန်း မသိဖြစ်သည်။ သူများတွေ လွှတ်တော်မှာပါတော့ သူလည်းပါချင် လာသည်။ သူများတွေ ရာထူးရတော့ သူလည်းရချင်လာသည်။ သူများတွေလူရာဝင်တော့ သူလည်း ၀င်လာချင်သည်။ အစိုးရက ဒီမိုကရေစီစနစ်နှင့်အတူ ဖြေလျော့မှုများ လုပ်ပေးခဲ့သည်။ တိုင်းပြည်တိုးတတ် ချင်လို့ ဆောင်ရွက်ပေးခြင်းဖြစ်သည်။

တိုင်းပြည်အတွက် ဘာမှမလုပ်ခဲ့ဘူးတဲ့သူအဖို့ တိုင်းရင်းသားတွေရဲ့ လိုအပ်ချက်ကို မသိနိုင်ပေ။ အပြောတခြား အလုပ်တခြားဖြစ်နေပေသည်။ လွှတ်တော်မှာ ပါဝင်လာတာကို ကြိုဆိုသည်။ နိုင်ငံခြားသား ကို ယောက်ျားတော်ထားပြီး အခြားနိုင်ငံမှာ နှစ်ပေါင်းများစွာ နေထိုင်ခဲ့တဲ့သူ၊ အခြားနိုင်ငံမှာသာ ပညာသင်ခဲ့တဲ့သူအဖို့ အင်္ဂလိပ်လို ပြောတတ်တာမထူးဆန်းပါ။ နံနက်စာကို ဗိုလ်စားဘဲစားတတ်တာ လဲမထူးဆန်းပါ။ နိုင်ငံခြား ရောက်ရှိချိန်မှာ မျက်နှာအရွယ်မကျအောင် အလှပြင်တာ၊ ကိုရီးယားရောက်ချိန် မျက်ခုံးမွှေးပြင်၊ မျက်နှာ အလှပြင်တာတွေလဲ မထူးဆန်းပါ။ ဖွဲ့စည်းပုံအခြေခံဥပဒေကို စတင်အသုံးပြု သည်မှာ သုံးနှစ်ပင်မပြည့်သေးပါ။ မပြည့်စုံဘူး။ သုံးမရဘူးဆိုပြီး ပြင်ဆင်ဖို့လုပ်တာတော့ ထူးဆန်းသည်။

ပြည်သူတွေ အတည်ပြုထားတဲ့ ဖွဲ့စည်းပုံကို သုံးမရဘူးဟုပြောတာ၊ ဝေဖန်တာ ပြည်သူကို စော်ကာခြင်း ဖြစ်သည်။ လူကြီးမဆန်တာတွေ့ရသည်။ သူ့မှာ မြန်မာဓလေ့တွေ၊ မြန်မာလူမျိုးတို့ရဲ့ ရိုးရာ အစဉ်အလာတွေ ဆိုတာမရှိတော့။ မကြားဘူးတော့။ ဖွဲ့စည်းပုံအခြေခံဥပဒေ(၂၀၀၈)က သူ့ကို လွှတ်တော် ကိုယ်စားလှယ်ဖြစ်အောင် လုပ်ပေးထားသည်ကို မေ့နေသည်။ မြန်မာစကားပုံရှိသည်။ “ယုန်သား“ မရခင်က သံပုရာသီးရှာနေသည်။ သူ့ကိုယ်သူ အထင်ကြီးလွန်းသည်။ သူဘာတတ်လဲ မေးချင်သည်။ အမှန်တော့ သူပညာတတ်သူဖြစ်သည်။ သူတတ်သည့်ပညာမှာ အနောက်နိုင်ငံကြီးတွေက ပြောတာကို ခေါင်းငြိမ့် ဖောက်သည်ချသည့် အတတ်ပညာ တစ်ခုသာရှိသည်။ အနောက်နိုင်ငံကြီးတွေက ပြောတဲ့ လူ့အခွင့်အရေးကို မြန်မာပြည်မှာ အင်္ဂလိပ်လိုပြောပြီး ဂုဏ်ယူနေသည်။ သူ့အဖေက အမျိုးသား ခေါင်းဆောင်၊ တပ်မတော်ကို ထူထောင်ခဲ့သည်။ သူက မြန်မာပြည်ကို ကျွန်ပြုသည့် အင်္ဂလိပ်ကို လင်တော် သည်။ ပြည်ပတောက်ပမှုတွေ ရယူပြီး သူတို့အလိုကျလုပ်နေသည်။ အန္တရာယ်ကို မမြင်တော့ပေ။ တစ်ခု သတိပေးချင်သည်။ မြန်မာလူမျိုးများမှာ သိက္ခာရှိသည်။ ကြီးကြီးကျယ်ကျယ် ပြောရရင် အမျိုးသား ဂုဏ်သိက္ခာဆိုတာ ရှိပါသည်။

ကိုယ်လုပ်ရမဲ့ အလုပ်ကို ကိုယ်လုပ်ပါ။ ကျွန်တော်မေးပါမည်။ အစ်မကြီး တိုင်းပြည်အတွက် ဘယ်လောက်တာဝန် ကျေပြီးပြီလဲ။ နိုင်ငံသားတစ်ဦးလို့ ခံယူတယ်ဆိုရင် နိုင်ငံသားတစ်ယောက်အနေနဲ့ ဘယ်လောက်တာဝန် ကျေပြီးပြီလဲ။ တာဝန်ကျေပြီးတာတွေကို ကျွန်တော့်ကို ပြောပါအုန်း။ အစ်မကြီး တာဝန်ကျေသလောက်တော့ ကျွန်တော်ရယ်ချင်သည်။ အစိုးရကို ဆန့်ကျင်လို့ ထောင်ထဲဝင်ရခြင်းသည် ဒီမိုကရေစီမဟုတ်ပါ။ ကျွန်တော်သည် ဘယ်သူ့ကိုမှ အထင်မကြီးပါ။ ဘယ်ပါတီမှလည်း မဲမပေးပါ။ ဘယ်ပါတီမှလည်း မယုံပါ။ ဒါပေမဲ့ မြန်မာနိုင်ငံသား ဖြစ်ရတာကိုတော့ ဂုဏ်ယူသည်။ တိုင်းပြည်အတွက် အသက်ပေါင်း မြောက်များစွာ ပေးဆပ်ခဲ့တဲ့စစ်သည်တွေကို လေးစားသည်။ ပြည်သူချစ်တဲ့ ၀န်ထမ်းတွေက တိုင်းပြည်ကို ထည်ထည်ဝါ၀ါ ရပ်တည်နိုင်အောင် ကြိုးစားတည်ဆောက် ခဲ့တာလေးစားသည်။ ကျရာတာဝန် ကျေပွန်ခြင်းသည် သိက္ခာရှိသော ၀န်ထမ်းဖြစ်ပါသည်။ ကျွန်တော် ၀န်ထမ်းဖြစ်ရတာ ဂုဏ်ယူသည်။ လွှတ်တော် ကိုယ်စားလှယ်လဲ မဖြစ်လိုပါ။ နိုင်ငံခေါင်းဆောင်လဲ မဖြစ်လိုပါ။ ကျွန်တော့်ရဲ့အသိပညာက အဲ့ဒီလောက် မမြင့်မားပါ။ ကိုယ့်အဆင့်က သာမန်ဝန်ထမ်းအဆင့်သာ ရှိတာမို့ ကိုယ်နဲ့တန်တဲ့ အဆင့်မှာ ရပ်တည်ခွင့်ရတာကို ကျေနပ်ပါသည်။

ပင်စင်ခံစားရတဲ့ အချိန်မှာလည်း နိုင်ငံတော်က ချီးမြှင့်တဲ့ ပင်စင်သည် ကျွန်တော် တစ်ဦးစားဖို့အတွက်တော့ လုံလောက်ပါသည်။ ဘုရားရိပ်၊ တရားရိပ်မှာ နေပျော်ပါသည်။ နေထိုင် တတ်ရင် ပင်စင်မှရသည့်ငွေဖြင့် ဘ၀ကူးကောင်းအောင် လှူလို့ရသေးသည်။ အစ်မကြီးရဲ့ စိတ်ထဲမှာတော့ ဗုဒ္ဓဆိုတာလည်း ရှိမယ်မထင်ပါ။ ကုသိုလ်ဆိုတာလဲ လုပ်ရကောင်းမှန်း သိမယ်မထင်ပါ။ အသက်ကြီးလာပြီ ဆိုတာလဲ သိမယ်မထင်ပါ။ ဖွဲ့စည်းပုံအခြေခံဥပဒေဆိုတာ ပြင်ချင်တိုင်း ပြင်လို့မရဘူးဆိုတာလဲ သိပုံမပေါ်ပါ။ ကိုယ်သေရင် ကိုယ့်နောက်မှာ ဘာမှ မပါဘူးဆိုတာလဲ သိပုံမပေါ်ပါ။ ဖွဲ့စည်းပုံအခြေခံဥပဒေ ပြင်ဆင်ဖို့ထက် ဗုဒ္ဓဘုရားအောက်မှာ တရားဘာဝနာပွားများနိုင်ဖို့ ဆောင်ရွက်စေချင်ပါသည်။ လုပ်ဖော်ကိုင်ဖက် မဟုတ်သော်လည်း ကောင်းတဲ့အကြံပေးချင်ပါသည်။

ဖွဲ့စည်းပုံအခြေခံဥပဒေပြင်မှ တိုင်းပြည်တိုးတက် မှာလားလို့ အစ်မကြီးကို မေးလိုပါသည်။ ဖွဲ့စည်းပုံအခြေခံဥပဒေဟာ ပြည်သူတွေ ပြဋ္ဌာန်းထားတဲ့ ဥပဒေ ဖြစ်သည်။ ပါတီကောင်းစားရေး၊ လူတစ်ဦး ကောင်းစားရေးအတွက် လုပ်ပေးထားတာမဟုတ်ပါ။ ကျွန်တော်သည် ပြည်သူတစ်ယောက်အနေနှင့် ဝေဖန်ခြင်းဖြစ်သည်။ ကိုယ်ကဘယ်လိုလူမျိုးလဲ… မြန်မာနိုင်ငံမှာမွေးတဲ့ မြန်မာနိုင်ငံသား ဟုတ်ရဲ့လား… မြန်မာပြည်ကို တကယ်ချစ်ရဲ့လား မေးလိုပါတယ်… အစ်မကြီး တိုင်းပြည်ချစ်တယ်ဆိုရင် လက်တွေ့ပြပါ။ အချိန်မရှိတော့ဘူးဆိုတာ သတိရပါ။ နိုင်ငံရဲ့ ကောင်းရာကောင်းကျိုး လုပ်ငန်းများဆောင်ရွက်ရန် အချိန်မီပါသေးသည်။ ဖခင်ရဲ့မျက်နှာကို မထောက်ဘဲ လုပ်ချင်တာလုပ်ခဲ့ပြီးပြီ မဟုတ်လား။ ဒါပေမဲ့ ပြည်သူရဲ့မျက်နှာ၊ လူမျိုးရဲ့မျက်နှာကို ထောက်ဖို့ အကြံပြု လိုသည်။ အသိတရားရဖို့ အချိန်တန်ပါပြီ… နိုင်ငံခေါင်းဆောင်ဆိုတာ ဘယ်လိုလူမျိုးကိုခေါ်ရမှာလဲ…မေးရင် အဖြေရှိပါသည်။ တိုင်းပြည်အတွက် ကျွန်တော်အကြံပြုခြင်းဖြစ်ပါသည်။

From: ( မောင်ငြိမ်းချမ်း)

မင်းသမီးတွေ လူရွှင်တော်လုပ်မယ့် မသန်စွမ်း ရန်ပုံငွေပွဲ ဝင်ကြေးအခမဲ့ ကပြမည်

Posted by drmyochit Friday, December 06, 2013, under | No comments

မင်းသမီးများ လူရွှင်တော်အဖြစ် ကပြရန် အစမ်းလေ့ကျင့်နေစဉ် (ဓာတ်ပုံ – ဇာဂနာ facebook မှ)

သရုပ်ဆောင် အဆိုတော် မင်းသားက ဇာတ်မင်းသားလိုက၊ သရုပ်ဆောင် မင်းသမီးတွေက လူရွှင်တော်လိုလုပ်ပြီး လူရွှင်တော်တွေက မင်းသမီးလိုကပြမယ့် ဖျော်ဖြေပွဲတခုကို လာမယ့် ဒီဇင်ဘာလ ၇ ရက်နေ့ ညနေ ၇ နာရီအချိန် ရန်ကုန်မြို့ Junction Square ရှေ့  မျက်နှာစာ ကွင်းပြင်မှာ ကျင်းပပြုလုပ်မှာပါ။

ဒီဖျော်ဖြေပွဲကတော့ မြန်မာနိုင်ငံမှာရှိတဲ့ မသန်စွမ်း ကလေးငယ်တွေအတွက် ရန်ပုံငွေဖျော်ဖြေပွဲ တခု ဖြစ်ပါတယ်။

“အခုလောလောဆယ်မှာ လိုအပ်နေတဲ့အရာက မသန်စွမ်း ကလေးငယ်တွေအတွက် ရန်ပုံငွေက အများဆုံး လိုအပ်နေတယ်။ အဲဒီအထဲမှာ အထူးသဖြင့် လိုအပ်တာက အကြားအာရုံ ချိုတဲ့သူနဲ့ အမြင်အာရုံချို့တဲ့တဲ့သူတွေအတွက် ငွေကြေးက တော်တော်လေး လိုအပ်တယ်။ အဲဒီအတွက်ကြောင့် ဘယ်လိုလုပ်ရင် ကောင်းမလဲလို့ တိုင်ပင်ကြတဲ့အခါ ဘယ်လိုပဲဖြစ်ဖြစ် ဒါကို အလှူပွဲလုပ်မယ်။ ရသမျှ အကုန်လှူမယ်ဆိုတဲ့ အဖြေကိုရတယ်” လို့ ဒီပွဲကို စတင်စီစဉ်ဖြစ်ပုံနဲ့ ပတ်သက်ပြီး ပွဲစီစဉ်သူ လူရွှင်တော် သရုပ်ဆောင် ဇာဂနာက ဧရာဝတီကို ပြောပါတယ်။

“လက်မှတ်တွေ ရောင်းတဲ့ပွဲမျိုးတွေက အမျိုးသား ဇာတ်ရုံမှာလည်း ရှေ့မှာလုပ်ခဲ့ဖူးပြီးပြီလေ။ အဲဒီတော့ အရင်ဟာမျိုးနဲ့ မတူအောင် လုပ်ရအောင်ဆိုပြီး Junction Square ရှေ့က ကွက်လပ်အကျယ်ကြီးမှာ ဆိုရင် လူတိုင်းလည်း လာလို့ရတယ်။ လွယ်လွယ်လည်း ကြည့်လို့ရတယ်ဆိုပြီးတော့ လုပ်ဖြစ်တာ။ အဲဒီမှာ Free show လုပ်ပြီး ဘယ်သူ့ကိုမှ ပိုက်ဆံမကောက်ဘူး။ လက်မှတ်မရောင်းဘူး။ လာချင်တဲ့သူလာပဲ။ ဒါပေမယ့် မေတ္တာရပ်ခံထားတယ်။ ကြိုက်သလောက် လှူပါ။ ဘယ်လောက်လှူပါလို့ မသတ်မှတ်ထားဘူး။ ရှေ့မှာ အလှူခံပုံးလေး ချထားမယ်။ ကွင်းထဲကို ဝင်လာတဲ့သူမှန်သမျှ အဲဒီ အလှူခံပုံးထဲကို ကြိုက်သလောက် ထည့်ပေတော့။ အလှူခံပုံးထဲက ပိုက်ဆံမှန်သမျှကို ရန်ပုံငွေစီမံခန့်ခွဲရေးကို အကုန်အပ်လိုက်မှာပဲ” လို့ ရန်ပုံငွေအလှူခံ ကောက်ခံရေးနဲ့ ပတ်သတ်ပြီး စီစဉ်သူ ဇာဂနာက ဧရာဝတီကိုပြောပါတယ်။

အခု လက်ရှိအချိန်အထိ အဆိုပါ မသန်စွမ်း ကလေးငယ်များရန်ပုံငွေအဖြစ် လှူဒါန်းဖို့ရန် စာရင်းပေးသွင်းထားတာ ကျပ်သိန်းတထောင်ကျော် ရရှိထားပြီးဖြစ်ကြောင်းနဲ့ အဲဒီဖျော်ဖြေပွဲနေ့မှာ လာရောက်လှူဒါန်းတာတွေ ကိုလည်း ငွေပဒေသာပင် အဖြစ် အဲဒီရက်ညမှာပဲ လှူဒါန်းမယ်လို့ သိရပါတယ်။

ပွဲပြီးဆုံးပြီး နောက်ပိုင်းအချိန်တွေမှာ လှူဒါန်းချင်တယ်ဆိုရင်လည်း အဆိုပါ ပဒေသာပင်ထဲကို ထည့်ဝင်နိုင်ဖို့ ဘဏ်ငွေ အကောင့်နံပါတ် ဘယ်လောက်ဆိုတာကို ရုပ်မြင်သံကြားမှာ ကြော်ညာနေပြီဖြစ်ကြောင်းလည်း ဦးဇာဂနာက ဆက်ပြော ပါတယ်။

မသန်စွမ်း ကလေးငယ်တွေအတွက် ရန်ပုံငွေဖျော်ဖြေပွဲ အစီအစဉ်ကို နှစ်ပိုင်း သတ်မှတ်ထားပြီး ပထမပိုင်းမှာတော့ မသန်စွမ်းသူတွေကို သာမန်လူတွေနဲ့ ခွဲခြားဆက်ဆံတာမျိုးမဟုတ်ဘဲ၊ တွဲလျက် အတူတူပါပဲဆိုတဲ့ အဓိပ္ပာယ်ကို ဖော်ဆောင်တဲ့ အနေနဲ့ မသန်စွမ်းသူများနဲ့အတူ အဆိုတော်တွေ ဖြစ်ကြတဲ့ ကျားပေါက်၊ အိမ့်ချစ်၊ နီနီခင်ဇော်၊ ဘန်နီဖြိုးစတဲ့ အနုပညာရှင်တွေက စုံတွဲတေးသီချင်းတွေနဲ့ တွဲဖက် ဖျော်ဖြေတင်ဆက် ကြမှာပါ။

ဒုတိယပိုင်း အစီအစဉ်အနေနဲ့ နှစ်ပါးခွင်နဲ့ ကပြဖြေဖျော် ကြမှာဖြစ်ပြီး နှစ်ပါးခွင်မင်းသားအဖြစ် သရုပ်ဆောင် အဆိုတော် ထွန်းထွန်း (Examplez) နဲ့အတူ တွဲဖက်ကပြမယ့် မင်းသမီးတွေအဖြစ် မြန်မာပြည်စတား လူရွှင်တော်အဖွဲ့ဝင်တွေ ဖြစ်ကြတဲ့ ချက်ကြီး၊ ဖိုးသဲ၊ စံလင်း၊ ယုန်လေး၊ ချစ်စု တို့အပါအဝင် သီးလေးသီး အဖွဲ့ဝင်တွေ ဖြစ်ကြတဲ့ စိန်သီး၊ ကြယ်သီး၊ ဆီးသီးတို့က မင်းသမီးတွေလို ၀တ်ဆင် ကပြဖျော်ဖြေကြမှာပါ။ နှစ်ပါးခွင်ရဲ့ လူရွှင်တော်တွေ အဖြစ်ကတော့ သရုပ်ဆောင် မင်းသမီးတွေ ဖြစ်ကြတဲ့ လင်းဇာနည်ဇော်၊ ခိုင်သင်းကြည်၊ သက်မွန်မြင့်၊ အေးမြတ်သူ၊ ရွှေမှုန်ရတီ၊ အိချောပိုတို့က လူရွှင်တော်တွေ အနေနဲ့ ဟာသပြက်လုံးတွေကို ထူးထူးခြားခြား တင်ဆက်သွားမယ် လို့လည်း သိရပါတယ်။

မင်းသားအဖြစ် ကပြဖျော်ဖြေမယ့် ထွန်းထွန်း (Examplez) က တေးသီချင်းတွေကို ကိုယ်တိုင်သီဆိုပြီး ကပြဖျော်ဖြေမှာဖြစ်ပြီး တေးသီချင်းပေါင်း ၇ ပုဒ် ပါဝင်မှာဖြစ်ပါတယ်။ အကတွေကို မင်းသမီး ချောစုမျိုးက သင်ကြားပေးထားပြီး ပြက်လုံးခွင်တွေနဲ့ တေးသီချင်းတွေကိုတော့ ဇာဂနာနဲ့ အရိုင်းတို့က ဖန်တီးပေးထားတယ်လို့ သိရပါတယ်။ လူရွှင်တော် အစစ်တွေ မဟုတ်ကြတဲ့ မင်းသမီး သရုပ်ဆောင်တွေရဲ့ ပြက်လုံးခွင်နဲ့ ပတ်သက်လို့ ပြက်လုံး အသစ်တွေကိုသာ ဖန်တီးထားပြီး ညစ်ညမ်းတဲ့ ပြက်လုံးမျိုး မပါဝင်ဘဲ သရုပ်ဆောင် မင်းသမီးတွေရဲ့ ကြိုးစား အားထုတ်မှုကြောင့် ပရိသတ်ကြိုက်မယ်လို့ ယုံကြည်ကြောင်း ဦးဇာဂနာက ပြောပါတယ်။

အခုလို သရုပ်ဆောင် မင်းသားက ဇာတ်မင်းသားအဖြစ် ကပြ၊ လူရွှင်တော်အစစ်တွေက မင်းသမီးအဖြစ် တင်ဆက်ပြီး မင်းသမီး သရုပ်ဆောင်တွေက လူရွှင်တော်လို ဖျော်ဖြေကြမယ့် အပေါ် ဇာဂနာက “ဒါကို တချို့ကတော့ ပြောမှာပဲ။ သူတို့က ကတတ်လို့လားတို့၊ ဆိုတတ်လို့လားတို့ လူရွှင်တော် လုပ်တတ်လို့လားတို့ ပြောမှာပဲလေ။ တကယ်တမ်းတော့ အဲဒီလို မဟုတ်ပါဘူး။ နောက် ဒီမင်းသမီးတွေ မင်းသားတွေကလည်း နောက်နောင် ဒီလိုကပါ ဆိုလည်း လိုက်ကချင်မှ ကနိုင်မှာလေ။ သူတို့က သူတို့ အလုပ်နဲ့သူတို့ ရှုပ်နေကြတဲ့သူတွေ၊ အဲဒီတော့ တခါတလေလောက် ကရတဲ့အခါမျိုးမှာ နည်းနည်းလေး ဆန်းလိုက်တဲ့ သဘောပေ့ါ။ ဒါက ပရိသတ်ကို ဖျော်ဖြေရေး ပုံစံတခုပြချင်လို့။ နောက်ပြီး ဒါမျိုးက အမြဲတစေ လုပ်မှာမဟုတ်ဘဲ တခါတလေ လုပ်တာလေ။ တခါတလေ ဆိုတာကလည်း ဒီလိုမျိုး အလှူခံပွဲမျိုးမှပဲ ကောင်းမှာပေ့ါ။ ဒါကြီးကို ကမ္ဘာပတ်ပြီး ဖျော်ဖြေဖို့လည်း အစီအစဉ်မရှိဘူးလေ။  နောက် ဒီလိုမျိုး စမ်းသပ်မှုတခု လုပ်လိုက်ရင် ကြည့်ရတဲ့ ပရိသတ်လည်း တန်တာပေ့ါ။ မြင်နေကျအတိုင်းလို မကြည့်ရတော့ဘူးပေ့ါ” လို့  ပွဲရဲ့ အိုင်ဒီယာအပေါ် သူ့သဘောထားကို ဆိုပါတယ်။

လူရွှင်တော်အဖြစ် ကပြဖျော်ဖြေမယ့် သရုပ်ဆောင် လင်းဇာနည်ဇော်က ဒါဟာ သူရဲ့ ဒုတိယအကြိမ်မြောက် လူရွှင်တော်လို ဖျော်ဖြေ တင်ဆက်ရခြင်းဖြစ်ကာ အခုလို အထူးအဆန်းမျိုးတွေ လုပ်ရတဲ့အပေါ် ကျေနပ်အားရတယ်လို့လည်း ဆိုပါတယ်။

“ကောင်းပါတယ်။ အခုဆိုရင် ရန်ပုံငွေပွဲတွေဆိုပြီးတော့ ပရဟိတပွဲတွေ တော်တော်များများ လုပ်လာကြတယ်ပေ့ါ။ အဲဒီအတွက်လည်း အရမ်းကောင်းပါတယ်။ ကျမလည်း တတ်နိုင်သလောက် ကိုယ့်အနုပညာ လုပ်အားနဲ့ ဒီလို ပရဟိတ ပွဲလေးတွေမှာ ပါဖြစ်ပါတယ်။ ကျမတို့က မင်းသမီးတွေလည်း ဖြစ်နေတော့ လူရွှင်တော်ပြက်လုံးနဲ့က သပ်သပ်စီပါပဲ။ ဒါပေမယ့် ကျမအစ်မ မချစ် (ချစ်ချစ်ဇော်) က ငယ်ငယ်ကတည်းက အငြိမ့်ကတယ်လေ။ အဲဒီတော့ သူအငြိမ့်ကရင် လူရွှင်တော်တွေ ပြက်တဲ့ပြက်လုံးကို လိုက်လိုက်မှတ်နေတော့ ပြက်လုံးတွေနဲ့ မစိမ်းဘူးဆိုပေမယ့် အလုပ်နဲ့ကျတော့ စိမ်းပါတယ်။ အဲဒါကြောင့် တော်တော်တော့ ကြိုးစားယူရပါတယ်။ ပြီးတော့ ကျမက မင်းသမီးသာ လုပ်နေတာ နဂိုကတည်းက ရှက်တတ်တာလေ။ လူရွှင်တော် လုပ်ရတော့ ပိုဆိုးတယ်။ လူရွှင်တော်ဆိုတာ မရှက်တတ်မှ ဖြစ်မှာ” လို့ လင်းဇာနည်ဇော်က ပြောပါတယ်။


မစပ်စု| ဧရာဝတီ

ကယန်းလူမျိုး များအား 'အောင်းပဒင်၊ အင်ပဒေါင်း' ဗီဒီယို ဇာတ်ကား အတွက် နေတိုး တောင်းပန်

Posted by drmyochit Friday, December 06, 2013, under | 1 comment

ကယန်းလူမျိုး များအား 'အောင်းပဒင်၊ အင်ပဒေါင်း' ဗီဒီယို ဇာတ်ကား အတွက် နေတိုး တောင်းပန်'အောင်းပဒင်၊ အင်ပဒေါင်း' ဇာတ်ကား သည် ကယန်း လူမျိုးများ၏ ယဉ်ကျေးမှု ကို လှောင်ပြောင်သည့် ပုံစံမျိုး ဖြစ်ခဲ့ပါက အနူး အညွတ် တောင်း ပန် ပါကြောင်း ပါဝင် သရုပ် ဆောင်ခဲ့သော မင်းသား နေတိုး က ပြောဆို လိုက်သည်။

''ဒီဇာတ်ကား အပေါ် ကယန်း လူမျိုး တွေအနေနဲ့ ပြန်ကြည့်တော့ စိတ် အနှောင့် အယှက် ဖြစ်စရာ၊ ယဉ်ကျေးမှုကို လှောင်ပြောင် တဲ့ပုံစံမျိုး ဖြစ်ခဲ့ရင် ဇာတ်ကားမှာ ပါဝင် တဲ့ မင်းသား တစ်ယောက် အနေနဲ့ အနူး အညွတ် တောင်းပန်ပါတယ်'' ဟု နေတိုးက ပြောခဲ့ခြင်း ဖြစ်သည်။

ယင်း ဇာတ်ကားသည် လွန်ခဲ့သော နှစ်နှစ်ခွဲခန့် က ထုတ်လုပ်ဖြန့်ချိ ခဲ့ခြင်းဖြစ် ပြီး အဆိုပါ ဇာတ်ကားနှင့် ပတ်သက်၍ Lavender ထုတ်လုပ်ရေးမှ ကယန်း လူမျိုး များအား တောင်းပန်ရန် ရုပ်ရှင် အစည်းအရုံး သို့ ကယန်း အမျိုးသား ပါတီမှ စာပို့ တောင်းဆို ထားခဲ့ခြင်း ဖြစ်သည်။

''ထုတ်လုပ်သူ၊ ဒါရိုက်တာ ဇာတ်ညွှန်း ဆရာတွေကလည်း တောင်းပန်ချင် ပါတယ်။ ကယန်း အမျိုးသားပါတီက ဒီကိစ္စနဲ့ ပတ်သက် ပြီး စာထုတ်ပြန် ထားတယ် ဆိုတော့ အစည်း အရုံးမှာ တွေ့ရမယ် ထင်တာ။ ဒါရိုက်တာ၊ ထုတ်လုပ် သူနဲ့ ကျွန်တော် တို့သွားတော့ လူ ကိုယ်တိုင် တွေ့ရမယ် ထင်တာ။ ဒါပေမဲ့ မတွေ့ခဲ့ရပါ ဘူး။ တောင်းပန် ဖို့လည်း လိုအပ် တယ်လို့ထင်တဲ့ အတွက် တောင်းပန်ချင် ပါတယ်။ ဒီလို ဖြစ်စေချင်တဲ့ စိတ်နဲ့ ဖန်တီးခဲ့တာလည်း မဟုတ်ပါဘူး''ဟု နေတိုး က ထပ်လောင်းဆိုခဲ့ သည်။

၎င်းတို့ အနေဖြင့် ထိုအချိန်က ဟာသ ကားများ ခေတ်စားနေချိန် ဖြစ်၍ အကောင်းဆုံး ဖြစ်အောင် သာ လုပ်ခဲ့ကြပြီး ယင်းဇာတ်ကားမှာ ဝတ္ထု အနေဖြင့် ထွက်ရှိပြီး သားဖြစ် သည့်အပြင် စာပေ စိစစ်ရေးမှ ခွင့်ပြုခဲ့၍ ယင်းခေါင်းစဉ် အ တိုင်း သာဖြစ်ကြောင်း နေတိုး က ရိုက်ကူးဖြစ်ခဲ့ ပုံကို ရှင်းပြသည်။
''ဒီကားနဲ့ ပတ်သက်ပြီး ကယန်း အမျိုးသား ပါတီက ယဉ်ကျေးမှု အမွေ အနှစ်ကို ထိခိုက် ပျက်ပြားစေတဲ့ အပြောအဆိုတွေ ပါတဲ့ အတွက် တောင်း ပန်စေချင် တယ်။ လှောင်ပြောင် ထား တာတွေအပေါ် စိတ်မကောင်းဖြစ် တယ် ဆိုတာကို ဖတ်ရတယ်။ ကျွန်တော်တို့ ရိုက်ခဲ့တုန်းက ဒါရိုက်တာရော၊ ကျွန်တော်တို့ သရုပ်ဆောင်တွေ ပါ ထိခိုက်စေချင်တဲ့ စိတ် တစ်ခုမှ မရှိခဲ့ကြဘူး'' ဟု နေတိုးက ပြောသည်။
အဆိုပါ ဇာတ်ကားကို Lavender ထုတ်လုပ်ရေး မှဖြန့်ချိခဲ့ပြီး ဒါရိုက်တာ ဝင်းထွန်းထွန်း ရိုက်ကူးကာ သရုပ်ဆောင် နေတိုး၊ သက်မွန်မြင့် တို့က ပါဝင်သရုပ်ဆောင် ခဲ့ခြင်းဖြစ်သည်။


မေမွန်မောင်
POPULAR NEWS

ရန်ကုန်တက္ကသိုလ်ရှိ ရွှေဘိုနှင့် ဒဂုံအမျိုးသားအဆောင်များတွင် ကျောင်းသူများထားရှိမည်ဆိုခြင်းကို အဆောင်ကျောင်းသားဟောင်းများ ကန့်ကွက်

Posted by drmyochit Friday, December 06, 2013, under | No comments


ရန်ကုန် တက္ကသိုလ်အတွင်းမှ ရွှေဘိုနှင့် ဒဂုံအဆောင်ကို ကျောင်းသူများ အားထားရှိခြင်းသည် လုံးဝလက် မခံနိုင်လောက်သည့် ကိစ္စဖြစ်ပြီး ဆုံးဖြတ်ချက် ပြင်ဆင်ပေးခြင်း မရှိပါက ဆန္ဒပြသည်အထိ လုပ် ဆောင်သွားမည်ဖြစ်ကြောင်း အဆောင်ကျောင်းသားဟောင်း များက ပြောကြားလိုက်သည်။

ရန်ကုန်တက္ကသိုလ်တွင် အ ဆောင်နေကျောင်းသား၊ ကျောင်း သူများကို ထားရှိတော့မည်ဖြစ် ရာ သမိုင်းအစဉ်အလာကြီးခဲ့သည့် ရွှေဘိုယောက်ျားလေးအဆောင် နှင့် ဒဂုံယောက်ျားလေးအဆောင် ကို မိန်းကလေးများအား ထားရှိ တော့မည်ဖြစ်သည့်အတွက် ယင်း ကဲ့သို့ထားရှိမှုကို လက်ရှိတာဝန် ထမ်းဆောင်ဆဲဆရာများနှင့် ယ ခင်အဆိုပါအဆောင်နေကျောင်း သားဟောင်းများက လက်မခံနိုင် ကြောင်း၊ ထားရှိမှုကို ပယ်ဖျက် ခြင်းမပြုလုပ်ပါက ဆန္ဒထုတ်ဖော် သွားမည်ဖြစ်ကြောင်း သိရသည်။

''ဒီအဆောင်တွေက သမိုင်း ဝင်အဆောင်တွေပါ။ မိန်းကလေး တွေထားဖို့ အဲဒီလောက်တောင် နေရာရှားသလား။ သူတို့မိန်းက လေးအဆောင်တွေမှာလဲ သူတို့ သမိုင်းနဲ့သူတို့ရှိတယ်။ ကျွန်တော် တို့သမိုင်းတွေကို အသတ်မခံနိုင် ဘူး။ အာစီတူးဘက်မှာ အဆောင် တွေ အများကြီးရှိတယ်။ ဒီအ ဆောင်တွေကို ကျွန်တော်တို့သတိ ရတိုင်းလာကြည့်တယ်။ ထင်ရှား ခဲ့တဲ့ပုဂ္ဂိုလ်တွေရဲ့ ဝိညာဉ်တွေရှိ တဲ့နေရာပါ။ အခုလိုပြောရတာလဲ မဖြစ်သင့်တာတွေကို အစိုးရကို သိစေချင်လို့ပြောနေတာ။ ဒီဆုံး ဖြတ်ချက်ကို မနေဖူးတဲ့သူတွေက အလွယ်တကူချနိုင်ပေမယ့် နေ ဖူးတဲ့သူတွေအတွက်က လုံးဝကို လက်မခံနိုင်ဘူး။ နာမည်ပြောင်း မှာလဲလက်မခံနိုင်ဘူး။ ပြောလို့ မရရင်တော့ အဆောင်နေကျောင်း သားဟောင်းတွေစုပြီး ဆန္ဒပြမှာ'' ဟု လက်ရှိအစိုးရဌာနတစ်ခုတွင် တာဝန်ထမ်းဆောင်နေသော အ ရာရှိတစ်ဦးက ပြောသည်။

ရွှေဘိုအဆောင်နှင့် ဒဂုံအ ဆောင်၏ တည်ဆောက်ထားရှိ မှုမှာ မိန်းကလေးများထားရှိရန် အတွက် သင့်တော် လုံခြုံမှုမရှိ ကြောင်း၊ ယခင်ယောက်ျားလေး များနေခဲ့စဉ်က အဆောင်အတွင်း သူခိုးဝင်ရောက်ခဲ့မှုများ ရှိခဲ့ပြီး ယင်းအဆောင်များမှာ လမ်းမနှင့် နီးကပ်နေသည့်အတွက် မိန်းက လေးများအတွက် သင့်တော်မှု မရှိကြောင်း ရွှေဘိုအဆောင် အ ဆောင်မှူးဟောင်း ပါမောက္ခ ဦးဆောင်က ပြောသည်။



''အဆောင်ရဲ့ဖွဲ့စည်းပုံက လဲ ယောက်ျားလေးတွေအတွက် သီးသန့်ဖွဲ့စည်းထားတာ။ မိန်း ကလေးထားရင်တော့ ဘယ်လိုမှ မကိုက်ဘူး။ မိန်းကလေးဆောင် လိုချင်ရင် တခြားအဖြေရှာပေါ့ ဗျာ။ သီရိဆောင်နဲ့မာလာဆောင် က မိန်းကလေးဆောင်ပါ။ ဒါတွေ က နဂိုကျောင်းတွေပိတ်ထားလို့ နိုင်ငံအတွက် အကျိုးရှိအောင် ဘာသာစကားဌာနတွေ ဘာတွေ ဖွင့်တယ်ပေါ့။ ကောင်းပါတယ်။အခုကျောင်းတွေပြန်ဖွင့်ပြီ။ အဲ ဒါဆိုရင် ကိုယ့်နေရာကိုပြန်ပေါ့။ မိန်းကလေးတွေကလဲ မိန်းကလေး ဆောင်နေမှာပေါ့။ ဖွင့်ထားတာ တွေကို တခြားနေရာမှာဖွင့်ပေါ့။ ရန်ကုန်တက္ကသိုလ်ဆိုတာ ပညာ ရှင်တွေ၊ နိုင်ငံရေးခေါင်းဆောင် တွေ အမျိုးမျိုးမွေးထုတ်ပေးတယ်။ ကမ္ဘာကလဲ အသိအမှတ်ပြုတယ်။ စောင့်လဲ စောင့်ကြည့်နေကြတယ်။



အဲဒီလိုစောင့်ကြည့်နေတဲ့တက္က သိုလ်ကြီးကို တစ်ခုခုပြောင်းလဲ မယ်ဆိုရင် ညှိနှိုင်းဆွေးနွေးသင့် တယ်။ အခုဟာက ဖြစ်ကတတ် ဆန်း ဆေးမီးတိုနဲ့ကုတဲ့ solution မျိုးဟာ Reasonable Solution  မဟုတ်ဘူးလို့ မြင်တယ်''ဟု ယင်း က ဆက်လက်ပြောသည်။ယင်းကဲ့သို့ မိန်းကလေးများ ထားရှိမည်ဆိုခြင်းသည် ရှိခဲ့သည့် သမိုင်းကို တံခါးပိတ်လိုက်ခြင်း ဖြစ်ကြောင်း၊ အစဉ်အလာကောင်း များကို ထပ်ဆင့်အမွေဆက်ခံခဲ့ရ သည့် ကျောင်းသားများရှိသလို ရွှေဘိုအဆောင်၊ ဒဂုံအဆောင် များသည် ခေတ်အဆက်ဆက် ပုဂ္ဂိုလ်များက စိန်ရတုတိုင်ထိန်း သိမ်းထားနိုင်ခဲ့ပြီး ယခုခေတ်မှ လက်လွှတ်လိုက်ရပါက လက်ရှိ လုပ်ဆောင်နေသူများ အသုံးမကျ သည့်အနေအထားတွင် ရှိလိမ့် မည်ဖြစ်ကြောင်း ကျောင်းသား ဟောင်းအသိုင်းအဝိုင်းက ဝေဖန် ပြောကြားသည်။

ရန်ကုန်တက္ကသိုလ်မှ ဆရာ တစ်ဦးက ''သတင်းစာထဲမှာဖတ် လိုက်ရတယ်။ ရွှေဘို၊ ဒဂုံကို မိန်း ကလေးဆောင် လုပ်မယ်လို့ပါ။ နောက်တစ်ခုက လက်ရှိအင်းလျား ဆောင်မှာနေတဲ့ ဆရာမတွေကို ရွှေဘိုဆောင်ကို ပြောင်းထားမယ် လို့ ကြားပါတယ်။ မိန်းကလေး ဆောင်ရဲ့သဘာဝက ပရဝဏ်ရှိ မှရမယ်။ ဘေးလမ်းကဖြတ်သွား ဖြတ်လာတဲ့လမ်းရှိလို့မရဘူး။ ဒီ အဆောင်တွေက မိန်းကလေးတွေ အတွက် မလုံခြုံနိုင်တဲ့နေရာတွေ ပါ။ မနေဖူးတဲ့သူကတော့ ဒီအ ဆောင်တွေရဲ့အရသာကို မသိဘူး လေ။ နေဖူးတဲ့သူတွေကတော့ ဒါ ငါတို့အဆောင်ကြီးလို့ ပြောရင် သွားကြည့်လိုက်တော့ မိန်းကလေး တွေနေနေတာကိုတွေ့ရင် ဘယ် လိုမှမခံစားနိုင်ဘူးလေ။ သတင်း ကြားပြီး မျက်ရည်တွေတောင်ကျ တဲ့သူတွေရှိတယ်။ သူတို့ လုံးဝ မခံနိုင်ကြဘူး။ အဆောင်မှာနေ ခဲ့တဲ့သူတိုင်း လက်မခံနိုင်ဘူးဖြစ် နေတယ်''ဟု ပြောသည်။

အဆင့်မြင့်ပညာဦးစီးဌာန (အောက်မြန်မာပြည်)မှ တာဝန် ရှိသူတစ်ဦးက ယင်းအဆောင်များ တွင် မိန်းကလေးများထားရှိခြင်း  မှာ ဒဂုံတက္ကသိုလ်၊ နိုင်ငံခြားဘာ သာတက္ကသိုလ်တို့တွင် အဆောင် မရှိခြင်း၊ မိန်းကလေးဆောင်များ တွင် အင်္ဂလိပ်စာဌာနများ၊ မဟာ ဌာနများ ထားရှိခြင်းတို့ကြောင့် အဆောင်များမလောက်ဘဲ ယာ ယီသာ ထားခြင်းဖြစ်ကြောင်း၊ အဆောင်များဆောက်လုပ်ရန် ဘတ်ဂျက်ကျသည့်အချိန်တွင် ပြန် လည် ပြောင်းရွှေ့ပေးသွားမည် ဖြစ်ကြောင်း ပြောသည်။ ရန်ကုန်တက္ကသိုလ်တွင် ယောက်ျားလေးအဆောင် ခုနစ် ဆောင်ရှိပြီး သထုံ၊ ပဲခူး၊ ပင်းယ၊ အင်းဝ၊ စစ်ကိုင်း၊ ရွှေဘို၊ ဒဂုံအ ဆောင်တို့ဖြစ်ကြောင်း သိရသည်

Yangon Media Group

ပုဇွန်တောင်မြို့ နယ် တွင် လည်လှီးမှု ဖြစ်ပွား

Posted by drmyochit Friday, December 06, 2013, under | No comments

ဒီဇင်ဘာ ၆ ရက် ၂၀၁၃ ရန်ကုန်မြို့  ပုဇွန်တောင်မြို့ နယ် အမှတ် (၉)ရပ်ကွက် ရွှေဘုန်းပွင့်ဘုရားအနီး သဇင် လမ်းတွင် မူးယစ်ဆေးစွဲ သူတစ်ဦးက မူးယစ်ဆေးဖြတ်ရန် ဆေးကုသနေစဉ်အတွင်း မူးယစ်ဆေး မဖြတ်ပဲ အိမ်သို့ ရောက်ရှိနေသည့် ဧည့်သည် ကို လည်ပင်းလှီးဖြတ်ခဲ့ခြင်းကြောင့် ပုဇွန်တောင်မြို့ နယ် ရေကျော်ရပ်နေ ပြည်သူများအတွင်း ရပ်ကွက်နာသည်ဟု ပြောဆိုဝေဖန်မှုများဖြစ်ပေါ်လျှက်ရှိကြောင်း သိရသည် ။ ဖြစ်စဉ်မှာ ၂၀၁၃ ခုနှစ်၊ဒီဇင်ဘာလ၊(၄)ရက်နေ့ ည ၂၀၁၅ နာရီအချိန်တွင် ပုဇွန်တောင်မြို့ နယ် ၊ (၉)ရပ်ကွက် ၊ ရေကျော်ရပ်၊ သဇင်လမ်း ၊ အိမ်အမှတ်(၉) ၊ (၅)လွှာ တွင် နှစ်ချုပ်ငှားရမ်းနေထိုင်သည့် ရှမ်းတိုင်းရင်းသား လူငယ် များနေထိုင်သည့်အခန်းမှ ပစ္စည်းပေါက်ကွဲသံများနှင့် ဆူညံအော်ဟစ်သံများ ဖြစ်ပွားခဲ့သည် ။ ယင်းအတွက် သဇင်လမ်းနေထိုင်သည့် ပြည်သူများက ဆူညံသံများဖြစ်ပွားနေသည့် အခန်း ပေါ်သို့ မော့ကြည့် သည့်အခါ လူနှစ်ဦး ၀ရန်တာတွင် ခိုက်ရန်ဖြစ်ပွားနေသည် ကို တွေ့ ရကြောင်း သိရသည်။ ယင်းနောက် လမ်းမပေါ် သို့ ဓားနှင့် အခြား ပစ္စည်းများ ကို ပစ်ချခဲ့သည့်အတွက် သဇင်လမ်း နေပြည်သူများက ရပ်ကွက် အုပ်ချုပ်ရေးမှူး ဦးအောင်နိုင်နှင့် ပုဇွန်တောင်မြို့ နယ် ရဲ တပ်ဖွဲ့ ထံသို့ ဆက်သွယ် အကြောင်းကြားခဲ့ကြသည် ။ သဇင်လမ်းအတွင်း နေထိုင်သူများမှ ၀ိုင်းဝန်းကြည့်ရှုအော် ဟစ်မှု ကြောင့် ရန်ပွဲမှာ ခေတ္တရပ်နားခဲ့ရပြီး ရန်ဖြစ်သူ နှစ် ဦးအနက်မှ တစ်ဦးမှာပြေးဆင်းလာခဲ့ပြီး အိမ်ပေါ် မှာ စိတ်မမှန်သူ ဦးလေး က ဓါးနဲ့ ခုတ်နေတယ် ကျွန်တော့် သူငယ်ချင်း သေသွားပြီလား မသိဟု ဆိုကာ ဦးခေါင်းတွင် သွေးသံရဲရဲဖြင့် သဇင်လမ်းနေပြည်သူများကို အကူ အညီ တောင်းခံခဲ့သည် ။ သဇင်လမ်းသူ လမ်းသားများက အခင်းဖြစ်တိုက် ၏ ၀င်ထွက်ပေါက်ကို အပြင်မှ ပိတ်ထားလိုက်ပြီး သက်ဆိုင်ရာ တာဝန်ရှိ သူများအလာကို စောင့်ဆိုင်းခဲ့ကြပြီး ဒဏ်ရာများနှင့် ဆင်းပြေးလာသူ ကို စိုင်း အား ရန်ကုန် ဆေးရုံကြီးသို့ ပို့ ဆောင်ပေးခဲ့ကြသည်။ အမှတ်(၉)ရပ်ကွက် အုပ်ချုပ်ရေးမှူး ဦးအောင်နိုင် နှင့် ပုဇွန်တောင်မြို့ နယ် ရဲတပ်ဖွဲ့  အမှတ် (၂၉) ရဲစခန်း မှ စခန်းမှူး ရဲအုပ် ဦးစံသောင်း၊ နယ်ထိန်းအဖွဲ့ ခေါင်းဆောင် ဒုရဲအုပ် ဦးသိန်းဝင်း တို့ အဖွဲ့ ရောက်ရှိခဲ့ပြီးနောက် အမှတ် (၉) ၊ (၆)လွှာအတက် လှေကားတွင် ခိုအောင်းနေသည့် တရားခံ စိုင်းရီအား လက်ထိတ်ခတ် ဖမ်းဆီး ပြီး လိုအပ်သည်များကို စစ်ဆေးမေးမြန်းမှုများ ပြုလုပ်ခဲ့ ကြောင်း ယင်းအိမ်နေထိုင်သူတစ်ဦးမှ ပြောကြားသည်။ တရားခံ စိုင်းရီ မှာ တာချီလိတ်မြို့ နယ်၊ မကာဟို ခမ်းရပ်ကွက်၊ ဂေါ်သဇင်လမ်း၊ အမှတ် (၆/၇၃) တွင် နေထိုင် သူ တစ်ဦးဖြစ်ကြောင်း၊ ဦးလုံးရှိန် + ဒေါ်ကျင်ပိုင် တို့ ၏ သားတစ်ဦးဖြစ်ကာ ၂၀၁၁ ခုနှစ်ခန့် မှ ရန်ကုန်မြို့ သို့  မူးယစ်ဆေးဖြတ် ကုသရန် ရောက်ရှိနေခြင်းဖြစ်ကြောင်း၊ အခင်းဖြစ်နေ့ က တူတော်စပ်သူ ကိုစိုင်း၏ သူငယ် ချင်း ၀င်းသန့် (၄၀) နှစ် (တာချီလိတ်မှ ရန်ကုန်သို့  မော်တော်ကားဝယ်ယူရန် ရောက်ရှိနေသူ) အား အသားလှီး သစ်သားရိုးတပ် စတီးဓါးပြား အရိုး အသွားအရှည် ၁၁ လက်မခန့် ရှိ ဓါးဖြင့် မျက်နှာ၊ဦးခေါင်း၊လည်ပင်းတို့  အား ခုတ်ထစ်သတ်ဖြတ်ခဲ့ခြင်းဖြစ်ကြောင်း သိရသည်။ သေဆုံးသူ ၀င်းသန့် မှာ တာချီလိတ်မြို့ နယ်၊ မကာဟိုခမ်း ရပ်ကွက် ဂေါ်သဇင်လမ်း၊ ၈/၁ တွင် နေထိုင်သူတစ်ဦးဖြစ်ကာ ဈေးရောင်း လုပ်ငန်းဖြင့် အသက် မွေး သူတစ်ဦးဖြစ်ကြောင်း၊ ယင်းသေဆုံးသည့်နေရာသို့  မော်တော်ကားဝယ်ယူရန် အကြောင်းဖြင့် ခေတ္တ တည်းခို နေထိုင်ရောက်ရှိခဲ့ခြင်းဖြစ်ကြောင်း သိရသည် ။ ပုဇွန်တောင်မြို့ နယ် ရဲစခန်းမှ နယ်ထိန်းခေါင်း ဆောင် ဒုရဲအုပ် ဦးသိန်းဝင်း မှ တရားလိုပြုလုပ်ကာ ပုဒ်မ ၃၀၂ ၊ ပြစ်မှု အမှတ် ၂၆၉/၂၀၁၃ ဖြင့် အမှုဖွင့် အရေးယူလျှက် ရှိကြောင်း သိရသည်။

ရန်ကုန်ကြေးမုံ
Kachin Daily News ·

ရင်သား ထွားချင်သူ ပျိုမေများ ဖတ်ဖို့ ဗဟုသုတ (ကျန်းမာရေး)

Posted by drmyochit Friday, December 06, 2013, under | No comments

အချိုးအစားလှအောင် ဆေးသောက်လို့ရတယ်လို့ ကြားဖူးပါတယ်။ အကျိုး-အပြစ်တွေကို သိချင်ပါတယ်ရှင်။ လေ့ကျင့်ခန်းလုပ်ဖို့ အဆင်မပြေလို့ပါရှင်။ အမေ မွေးပေးထားတဲ့ ရုပ်အင်္ဂါကို ပြင်ချင်တာဟာ အခက်ဆုံး တွေထဲမှာ ပါတယ်။
ဒါကို ဆရာဝန်က ပြောတာပါ။ ဆရာဝန်က ဆေးပေးမယ်၊ နည်းလမ်းပေးမယ်၊ ခွဲစိတ်ပေးမယ်။ ခွဲစိတ်တာကို တော့ ဆရာဝန်ဘက်က ပိုင်ပိုင်နိုင်နိုင် လုပ်နိုင်တာပေါ့။ ကျန်တာကို လိုက်နာရမှာက ကာယကံရှင် ဖြစ် တယ်။ ညွှန်းတဲ့ဆေး သောက်တာ၊ လေ့ကျင့်ခန်း လုပ်တာ၊ ရှောင်စရာ-ဆောင်စရာတွေကို လိုက်နာဘို့ ကတော့ ကောင်းချင်၊ ပျောက်ချင်သူတွေက လုပ်ကြရတယ်။ ဆရာဝန်တွေမှာလဲ လုပ်ပေးနိုင်တာထက် မလုပ်နိုင်တာတွေက ပိုများမလားဘဲ။

ပိန်ချင်၊ ဝချင်၊ လှချင်၊ ရှည်ချင်၊ ဖြူချင်၊ ညိုတိုတို ဖြစ်ချင်၊ သေးတာကိုကြီးချင်၊ ကြီးတာကိုသေးချင် လိုအင် ဆန္ဒတွေ လူမျိုးတိုင်းမှာရှိတယ်။ ကျား-မ မရွေးလဲရှိတယ်။ အရွယ် မရွေးလဲ ရှိသေးတာဘဲ။ ဖြစ်ချင်သူကို အပြစ်မြင်စရာ မရှိသင့်ကြပါ။ ဆရာဝန် ညွှန်တာကို ရချင်တာလဲ ကောင်းတာဘဲ။ အကျိုး-အပြစ် သိချင်တာ လဲ ပညာရှိရာကျတယ်။

ကြွက်သားကိုတော့ ဖွံ့ထွားစေဘို့ မခက်လှပါ။ အလေးမသူတွေသာ ကြည့်ပါ။ ကြွက်သား မဟုတ်တဲ့ အရိုး၊ အဆီ နဲ့ တခြား (တစ်ရှူး) တွေကို ဖွံ့ထွား၊ များပြားလာဘို့ လေ့ကျင့်ခန်းနဲ့တော့ မရပါ။ ရင်သားက ကြွက်သား မဟုတ်ဘူး။ အထောက်အကူ ပြုနိုင်တာတွေတော့ ရှိပါတယ်။ ဒါကြောင့် ရင်သား၊ တင်ပါးအတွက် နည်းတွေ ရေးထားပါတယ်။ မေးတဲ့သူက အခြေအနေ မပေးလို့ လေ့ကျင့်ခန်း လုပ်မရတော့ ခက်ပြန်ပေါ့။ ခက်တာကို ရအောင်ယူနိုင်ရင် လူတော်လို့ ဆိုကြတာမို့ တော်ချင်လိုက်စမ်းပါ။ တခုလေးတော့ သတိပေးပါရစေ။ ဖြစ်သင့်တာကိုသာ ရချင်သင့်တယ်။
မရနိုင်တာ၊ မရသေးတာအတွက် စိတ်ပျက်မနေပါနဲ့။ ကံတရား အားကိုးနိုင်သေးတာဘဲ။ ကံကောင်းချင်ရင် စိတ်ကောင်း အရင်မွေးလို့ ဆရာတော်များက ဆုံးမလေ့ရှိတယ်။ ဆေးပဲ သောက်ချင်သူကမေးလို့ ဆေးကိုသာ အဓိကထား ရေးပါရစေ။ ဆေးတွေလဲ ရှိပါတယ်။ (အေလိုပက်သစ်) ဆေး၊ (ဟိုမီယိုပက်သစ်) ဆေး၊ (အာယုဗေဒ) ဆေး၊ တိုင်းရင်းဆေး၊ (ဟာဗယ်) ဆေး၊ တရုပ်ဆေး၊ အိန္ဒိယဆေး၊ အစုံပါဘဲ။ ကြော်ညာတွေက အများကြီး။ တခြားဆေးနည်းတွေကို သင်မထားရလို့ မပြောနိုင်ပါ။ ကိုယ့်ဆေးပညာနဲ့ ဆိုင်တာဘဲ ရေးပါမယ်။ Anabolic steroids (အင်နာဘောလစ်-စတီရွိုက်) တွေရှိတယ်။ ၁၉၃ဝ ကျော်ကတည်းက သုံးလာတယ်။ Medical uses ဆေးကုရာမှာ အသုံးပြုနိုင်တာတွေက - Bone marrow stimulation ရိုးတွင်းခြင်ဆီ စေ့ဆော်ပေးခြင်း၊ - Growth stimulation ကြီးထွားစေအောင် စေ့ဆော် ပေးခြင်း၊ - Stimulation of appetite and preservation and increase of muscle mass စားချင်စိတ်ကဲ စေပြီး၊ ကြွက်သား ထုထည် ကြီးစေခြင်း၊ - Induction of male puberty ယောက်ျားလေး စောစော လူပျိုဖြစ်စေခြင်း၊ - Male contraception (Testosterone enanthate) ယောက်ျားသုံး သားသမီးမရဆေး၊ - Stimulation of lean body mass and prevention of bone loss in elderly men ကိုယ်ခန္ဓာသေး နေသူတွေကို စေ့ဆော်ပေးခြင်း နဲ့ အသက်ကြီးသူတွေမှာ အရိုးပျက်စီးတာ သက်သာစေခြင်း၊ - Hormone replacement for men ယောက်ျား-ဟော်မုန်း အစားထိုးကုသခြင်း၊ - Gender Identity Disorder ယောက်ျား-မိန်းမ ပီသစေခြင်း၊ Ergogenic use and abuse တလွဲ အသုံးပြုနေတာလဲရှိတယ်။ အမေရိ ကားမှာ လူဦးရေရဲ့ ၁% ဟာ ဒီဆေးမျိုးကို တလွဲသုံးနေကြတယ်။ လူလတ်တန်းစားတွေကနေ အားကစား ပြိုင်ပွဲဝင်ဘို့ မဟုတ်ဘဲ Cosmetic purposes ကိုယ်ခန္ဓာလှချင်လို့ လုပ်ကြတာဖြစ်တယ်။ ဒီဆေးမျိုးသုံး သူတွေဟာ မီဒီယာမှာ ဖေါ်ပြတာတွေကို ကြည့်-ဖတ်ပြီး စိတ်ထဲ တလွဲထင်မှတ်နေကြတယ်။ အားကစား နယ်ပယ်မှာတော့ ယောက်ျားတွေရော မိန်းမတွေပါ ကိုယ်ကာယ၊ အလေးမ၊ သံလုံးပြစ်၊ ပြေး-ခုန်-ပြစ်၊ စက်ဘီးစီး၊ (ဘေ့စ်-ဘောလ်)၊ နဘမ်းသတ်၊ သိုင်း၊ လက်ဝှေ့၊ ဘောလုံး၊ ခရစ်ကက်၊ အားကစား နည်းတွေမှာ သုံးကြတယ်။ ဒီလို လူမျိုးတွေထဲက ၅၆% ဟာ ဆရာဝန်တွေ ပြောတာကို မယုံကြဘူး။ ဆေးတွေကို လူသာမက တိရစ္ဆာန်တွေကိုပါ သုံးတာရှိတယ်။ ဆိုင်ကကြက်သား ဝယ်မစားရဲအောင် တချို့နေရာတွေမှာ ဖြစ်နေပြီ။ မြန်မာတွေကတော့ အကောင်အတွက်ဆေး လူသုံးလို့ အကောင်နဲ့ တူသူတွေ မျက်စေ့အောက် မှာတင် ရှိတယ်။
သဘာဝ ဟော်မုန်း (၃) မျိုး (Estradiol, Testosterone, and Progesterone) နဲ့ တည်ဆောက် ဟော်မုန်း ၃ မျိုး (Estrogen compound zeranol, Androgen trenbolone acetate, and Progestin melengestrol acetate) တွေကို တိရစ္ဆာန်တွေကို အသားတိုးအောင် ထိုးပေးတယ်။ Bodybuilding drug ကိုယ်ခန္ဓာ သန်မာကြံ့ခိုင်အောင် သုံးကြတဲ့ဆေးတွေကို ဆရာဝန်တွေတောင်မှ အံ့သြရတယ်။ ဆေး နမူနာ (၃) ခုရေးပြပါမယ်။
(၁) Lasix ဆီးဆေးလို့ အလွယ်ခေါ်တဲ့ ကိုယ်ရောင်နေသူ၊ သွေးတိုးရှိသူ၊ နှလုံး အလုပ် မလုပ်နိုင်သူတွေကို ပေးတဲ့ဆေး။
(၂) Cytomel ဆိုတာ Thyroid drugs လည်ပင်းကြီးဆေး ဖြစ်တယ်။
(၃) Human chorionic gondotropin (HCG) အလွယ်ပြောရင် အချင်းဟော်မုန်း။
အများ နားလည်အောင် ပြောရရင် ကိုယ်ဝန်ရှိ-မရှိစစ်တယ်ဆိုတာ ဆီးထဲ-သွေးထဲမှာ ဒီဟာ ပါနေ-မနေ စစ်တာဖြစ်တယ်။ Breast augmentation ရင်သားကို ခွဲစိတ်ပြုပြင်နည်းတွေလဲ ရှိတယ်။ Breast implant ရင်သားအတုထည့်တာ နဲ့ Fat-graft mammoplasty procedures အဆီကို နေရာပြောင်း ထည့်ပေး တာတွေဟာ ရင်သား မလှတာကို လှစေဘို့၊ ပိုပြီး အရွယ်အစားကြီးစေဘို့ နဲ့ ထိတွေ့မှုမှာ သာစေ ဘို့ အတွက်လုပ်တယ်။ ရင်သားခွဲစိတ်ပြုပြင် နည်းတွေမှာ Saline-filled (စေလိုင်း) သုံး နည်း နဲ့ Silicone-filled prosthetic breast (စီလီကွန်) သုံးနည်း လုပ်နိုင်တယ်။ Post–mastectomy ရင်သား ခွဲစိတ်ထုတ် ထားရသူတွေကို Breast reconstruction ရင်သား အသစ်တပ်ပေးတာ လုပ်နိုင်တယ်။ ရင်သား ဝိုင်းစက်-ဖေါင်းကြွနေတာ ဓါတ်ပုံမှာ အသားပေးထားရင် အဲဒါ သာမှတ်။
အပြင်ပမ်း ကြည့်ပြီး ရုပ်လှ-မလှ စသဖြင့် အကဲဖြတ်လေ့ရှိတယ်။ အမြင်မှာ သာစေဘို့ အခုအခံလဲ လုပ်ကြပါတယ်။ Camouflage ခေါ်တယ်။ ပုံဖျက်ထားတာပေါ့။ အမှန်က သူများအမြင်ကို အာရုံပြောင်းစေနည်းတွေ ဖြစ်ပါတယ်။
ဒီအရေးမှာ (စပါယ်ရှယ်လစ်) တွေ ပြောတာက ရင်သားကို ပိုကြီးချင်သူအရေအတွက်နဲ့ ကြီးနေတာကို သေးချင်သူ အရေအတွက် မကွာဘူးတဲ့။ ရင်သား ကြီးနေတာကို ဆေးမပါ၊ ဆရာဝန်မပါဘဲ လှည့်စားနည်း တွေ ရှိပါတယ်။
• Baggy and wavy blouses ချောင်ကျပြီး လှိုင်းထနေတဲ့ အဝတ်အစား ရွေးဝတ်ပါ။
• Classic dark, black or navy blue အနက်ရောင်၊ အရောင်ရင့်၊ (နေဗီ-ဘလူး) ဝတ်ဆင်ပါ။
• Avoid exposing it ကိုယ့်ဟာကို သူများကို မမြင်သာပါစေနဲ့။
• Tops with higher collar and neckline ကော်လာပါတာ ဝတ်ပါ။ လည်မဟိုက်စေပါနဲ့။ ဆွဲကြိုးဝတ်ပါ။ ပုလဲပုတီးဆွဲပါ။
• Stripes and different patterns အစဉ်းကြောင်းပါတဲ့ (ပက်တန်) မတူတဲ့ အဆင်ရွေးဝတ်ပါ။
• Seamless bra (ဘရာစီယာ) အခွက်ဝိုင်းမှာ ဘာအစဉ်း၊ ဒီဇိုင်းမှမပါတဲ့ ပြောင်ချောနေတာ ဝတ်ပါ။
• လူကပိန်ပြီး ရင်သားကထွားနေသူဆိုရင် အောက်က Skinny jeans ဂျင်းဘောင်းဘီ ကြပ်တာဝတ်ပါ။

ကြည့်တဲ့သူ မျက်စိကို တနေရာလွှဲစေပါ။ ဒီတော့ ရင်သားသေးနေသူတွေက ပြောင်းပြန်ယူက ရမလားဘဲ။ ကိုယ်ခန္ဓာ အချိုးအစားကျဘို့ရာ တကယ်လိုပါတယ်။ မိန်းမတွေအလှကို "ခါးသေး-ရင်ချီ" လို့ သတ်မှတ် သေးရင် ရင်နဲ့ တင်ကို ပြင်ဘို့ လိုမယ်။ ရင်သားဟာ ရင်ခေါင်းပိုင်း အရိုးစုအပေါ်မှာ ရှိတယ်။ တင်ဆိုတာ ဘေးကားတာနဲ့ နောက်ကော့နေတာဟာ အရိုးပုံပန်းအပေါ် မူတည်တယ်။ လူကိုယ်ခန္ဓာဟာ အရိုးပေါ်မှာ တည်ဆောက်ထားတယ်။ အရိုးကို အလှအပအတွက် ပြင်ပေးဘို့ရာ မရသလောက် ခက်ပါတယ်။ ခေမာမိ ဖုရားကြီး တရားချွတ်ခန်း ပန်းချီ တွေ့ဘူးသူ များမှာပါ။ အရိုးပဒေသာပေါ်ကနေ ကြွက်သားတွေ၊ အရွတ် တွေ၊ အဆီတွေ နဲ့ အပေါ်ကနေ အရေပြား ဖုံးထားတယ်။ အတွင်းထဲမှာ အင်္ဂါအစိတ်အပိုင်းတွေရှိတယ်။ လှချင်သူတွေက အလှဗေဒ နားလည်ကြမယ် ထင်ပါတယ်။ (ဗီးနပ်စ်) ဂရိလက်ရာ ရုပ်ထုဟာ သမိုင်းမှာ အချစ်နဲ့ အလှကို ကိုယ်စားပြုတယ်။ လက်တွေ ပြတ်နေတာတောင် ခုထိ တန်ဘိုးထားတုံးဘဲ။ သတိပြုဘို့က ခါးမသေးပါ။ ရင်ကလဲ သူလိုကိုယ်လိုပါ။ သက်ရှိလူတွေကို လှတယ်လို့ သတ်မှတ်တာတော့ ရုပ်တုတွေနဲ့ မတူနိုင်ပါ။ ကိုယ်နေဟန်ထား၊ အဝတ်အစား၊ မျက်နှာပေး၊ မူယာ--မာယာ၊ စတာစတာတွေနဲ့ အလှကို အသက်ဝင်စေနိုင်တယ်။ ဖက်ရှင် ဘန်းစကားတခု ဖြစ်တဲ့ Catwalk လျှောက်လမ်းမှာ လမ်းလျှောက်ပြရတဲ့ ဖက်ရှင်မယ်တွေဟာ အသစ်ပေါ် အဝတ်အစား၊ အသုံးအဆောင်တွေဝတ်ပြီး၊ အင်မတန် ပိန်ပါးပြီး တအားအရပ်ရှည်ကြရတာကို စံလို့ သတ်မှတ်ထားတယ်။ ရင်မထွားတာလဲ တန်ဘိုးတရပ် မဟုတ်ပါလား။ ပုဗ္ဗစေတနာ ပျက်စီးမှုကြောင့် အရုပ်ဆိုးရသူ (ပဉ္စပါပီ) ဟာ ဖောဋ္ဌာဗ္ဗာရုံမှာတော့ နာမည်ကြီးတယ်လို့ ဖတ်ရတယ်။ အာရုံခံစားမှု အရည်အချင်း အလွန့်အလွန်ကို ကောင်းလှသတဲ့။ အာရုံကြောတွေ ကောင်းဘို့ ရာ ကျန်းမာဘို့ မလိုပါလား။ ဗီတာမင် (ဘီ) တွေက အာရုံကြောအတွက် ကောင်းတယ်။ ဆီးချိုရှိနေသူတွေ ခြေလက် ထုံတာဟာ B6 နဲ့ B12 နည်းလို့ ဖြစ်တယ်။ B1 ဟာ စိုးရိမ်စိတ်ကို သက်သာစေတာက အာရုံ ကြောတွေအပေါ် သက်ရောက်လို့ ဖြစ်တယ်။ E လဲနည်းရင် Neuron degeneration အာရုံကြောရောဂါ ရစေနိုင်တယ်။ ဗီတာမင် (စီ) ကလဲ စိုးရိမ်စိတ်ကို သက်သောစေတဲ့အပြင် ဦးနှောက်-ဓါတုအလုပ် နဲ့ (အဒြီနယ်-ဂလင်း) တွေကို ကူညီတယ်။ ဓါတ်ဆားတွေထဲက (ကယ်လ်စီယမ်) နဲ့ (မဂ္ဂနီဆီယမ်) တွေလဲ အာရုံကြောတွေအတွက် လိုတယ်။ ကြွက်သားတွေအတွက်လဲ ဗီတာမင်တွေက အရေးပါတယ်။ A ကနေ ကြွက်သားတွေ တင်းအားနည်းတာကို ကူညီမယ်။ B နည်းရင် အားယုတ်ပြီး ကြွက်သာတွေနာနေမယ်။ B-1 နည်းရင်၊ B-6 နည်းရင်၊ B-12 နည်းရင် ကြွက်သားတွေ အားယုတ်နေတယ်။

B-12 က ကြွက်သား ပြန်အသစ်ဖြစ်တာ ကူညီမယ်။ E ထဲမှာ Antioxidant and Anti-inflammatory သတ္တိတွေ ရှိလို့ ကြွက်သားပျက်စီးတာပြင်ဘို့ အသုံးကျတယ်။ C ကလဲ ကြွက်သား ထိခိုက်တာအတွက် ကောင်းတယ်။ နည်းရင် တင်းအားနည်းမယ်။ D က ကြွက်သား အကွေး-အဆန့် အတွက်လိုတယ်။ D အလွန်နည်းရင် ကလေးတွေမှာ Rickets အရိုးပျော့ရောဂါ ဖြစ်မယ်။ လူကြီးတွေမှာ Osteomalacia အရိုး မသန်တာ ဖြစ်မယ်။ အရေကြီးဆုံးတခုနဲ့ နိဂုံးချုပ်ပါမယ်။ ကိုယ်ခန္ဓာ အချိုးအစား၊ အဝတ်အစား၊ တန်ဆာ ပလာ၊ လူနေဟန်၊ စတာတွေရဲ့ အတွင်းဘက်မှာ မမြင်ရတဲ့ အလှဆိုတာ သိကြတဲ့အတိုင်း စိတ်အလှဖြစ် ပါတယ်။ ဆရာဝန် မတတ်နိုင်ပါ။ ကိုယ်တိုင်တော့ ကောင်းကောင်း မွေးမြူ၊ သင်ယူ-ကျင့်ဆောင်နိုင် ကြပါ တယ်။ မမြင်ရတဲ့ အလှဆိုတာ မကြည့်ဘဲလဲ သိနိုင်ကြတယ်။ အရာတိုင်းမှာ လှကြပါစေ။

By Healths

PAUL WALKER ယာဉ်တိုက်မှုကြောင့် သေဆုံးခြင်း မဟုတ်

Posted by drmyochit Friday, December 06, 2013, under | 1 comment




ဝါရှင်တန် ၊ ၆-၁၂-၂၀၁၃

နိုဝင်ဘာ ၃ဝ ရက်နေ့တွင် အမေရိကန် ပြည်ထောင်စု ကယ်လီဖိုးနီးယား ပြည်နယ် လော့စ်အိန်ဂျလိစ် တွင် ဖြစ်ပွားခဲ့သော ယာဉ် မတော်တဆ မှုတွင် မီးလောင် သေဆုံး ခဲ့ရသော Fast and Furious သရုပ်ဆောင် တစ်ဦး ဖြစ်သည့် Paul Walker သေဆုံး ရခြင်းမှာ သွေးရိုး သားရိုး ဟုတ်၊ မဟုတ် ကို လော့စ်အိန်ဂျလိစ် သေမှု သေခင်းဌာန က ရင်ခွဲ စစ်ဆေးခဲ့ပြီး ဒီဇင်ဘာ ၄ရက် နေ့တွင် Paul Walker သေဆုံး ခဲ့ရသည့် အကြောင်းရင်း ကို ထုတ်ပြန် ကြေညာ ခဲ့ကြောင်း သိရသည်။

သေမှု သေခင်းဌာန ၏ ထုတ်ပြန်ချက် တွင် ထိုစဉ်က ယာဉ်မောင်းနှင် ခဲ့သော Paul Walker ၏ မိတ်ဆွေ Rodas သည် ယာဉ် မတော်တဆ ဖြစ်စဉ် ရရှိသော ဒဏ်ရာဖြင့် ပွဲချင်းပြီး သေဆုံး ခဲ့ခြင်းဖြစ်ပြီး Paul Walker မှာမူ မီးလောင်ကျွမ်း ခံရပြီး သေဆုံးခြင်း ဖြစ်ကြောင်း ဖော်ပြ ထားသည်။

Paul Walker နှင့် Rodas တို့သည် နိုဝင်ဘာ ၃ဝရက်က Reach Out World Wide အလှူပွဲ အခမ်းအနား တစ်ခုမှ အပြန် Rodas ၏ အင်ဂျင်အား ၆ဝ၅ HP ရှိသော ပေါ်ရှေးကားနီ ကို မောင်းစမ်း ကြည့်ရန် ထွက်ခွာ သွားခြင်း ဖြစ်သည်။ အဆိုပါ အခမ်းအနား နှင့် ကိုက် ၅ဝဝ အကွာ အရောက် တွင် ကားကို အရှိန်ထိန်း မရတော့ဘဲ လမ်းဘေးရှိ ဓာတ်တိုင် တစ်တိုင်အား ဝင်တိုက်မိပြီး သစ်ပင် နှစ်ပင်ကို ဆက်တိုက်ကာ ကားတစ်စီးလုံး မီးလောင်ကျွမ်း ပျက်စီး ခဲ့ခြင်းဖြစ်သည်။

ဒီဇင်ဘာ ၂ရက်နေ့တွင် Fast and Furious အဓိက သရုပ်ဆောင် Vin Diesel ကလည်း ရိုက်ကွင်းထဲ တွင်ရော ၊ အပြင်လောက တွင်ပါ ညီငယ် တစ်ဦးကဲ့သို့ ချစ်ရသော Paul Walker အား အမြဲ အောက်မေ့ သတိရ သွားမည် ဖြစ်ကြောင်း ၊ မတော်တဆ သေဆုံး ခဲ့ပြီ ဖြစ်သော်လည်း သူ၏ နှလုံးသား ထဲတွင် အမြဲရှင်သန် ကျန်ရစ် နေမည် ဖြစ်ကြောင်းကို ရဲ အသံချဲ့စက် ကို အသုံးပြုကာ ပြောကြား ခဲ့ကြောင်း Fox News သတင်း တစ်ရပ်တွင် ဖော်ပြ ထားသည်။

MPT Net Setting v1.0 for Android

Posted by drmyochit Friday, December 06, 2013, under | No comments


မြန်မာ့ဆက်သွယ်ရေးရဲ့ ဖုန်းတွေဖြစ်တဲ့ GSM/WCDMA ဖုန်းတွေရဲ့ Internet Setting များကို ခလုတ်တစ်ချက်နှိပ်ရုံနဲ့ အင်တာနက် setting များကို auto ဖြည့်ပေးမယ့် MPT Net Setting ဆော့ဝဲလေးကိုရေးသားလိုက်ပါတယ်။ Android ဖုန်းတွေအတွက်ပါ။ အရင်က APN Insert ဆိုတဲ့နာမည်နဲ့ရေးခဲ့ပြီး အခုတော့ MPT Net Setting ဆိုတဲ့နာမည်နဲ့ ဒီဆော့ဝဲလေးကိုပြန်လည်ပြင်ဆင်ရေးသားထားပါတယ် ။ GSM/WCDMA ဖုန်းတွေရဲ့ internet setting တွေကို ခလုတ်တစ်ချက်နှိပ်ရုံနဲ့ setting ထည့်ပြီးဖြစ်စေမှာပါ။ MPT Net Setting ဆော့ဝဲလေးကိုရေးသားသူကတော့ ကိုသက်နိုင်စိုး (http://www.facebook.com/thetnaing.mmas ) ဖြစ်ပါတယ်။ MPT Net Setting v1.0 for Android ကို အောက်က link များမှာရယူနိုင်ပါပြီ။


MPT Net Setting v1.0 for Android (zippyshare link)
MPT Net Setting v1.0 for Android (d-h.st link)

https://play.google.com/store/apps/details?id=com.mmas.apninsert&hl=en (Google Play Link)


Myanmar Mobile App Store

ခန္ဓာဝန်ချသည်မှာ ခြောက်နှစ်ကြာသော်လည်း ဆားတောင်ဆရာတော်ကြီး ရုပ်ကလာပ် မပုတ်မသိုးရှိနေ

Posted by drmyochit Friday, December 06, 2013, under | No comments


ဆားတောင်ဆရာတော်ကြီး၏ မပုပ်မသိုးရှိနေသည့် ရုပ်ကလာပ်တော်အားဖူးတွေ့ရစဉ်။ ဓာတ်ပုံ-ခွန်စိုင်းအောင်

မန္တလေး ၊ ဒီဇင်ဘာ ၅ ။           ။ မန္တလေး တိုင်းဒေသကြီး စဉ့်ကိုင်မြို့အ နောက်ဘက် ငါးမိုင်ခန့်အကွာ ကသဲကုန်းကျေးရွာရှိ ဆားတောင် ပဋိပတ္တိရိပ်သာဝင်းအတွင်း ထာ ဝရဗိမာန်တော်ဖြင့် အပူဇော်ခံ ထားရှိသည့် ဆားတောင်ဆရာ တော်ကြီး ဦးပညာဏိက ၏ ဥတုဇ ရုပ်ကလာပ်တော်အား ယခုရက် ပိုင်းအတွင်း လာရောက်ဖူးမြော် လေ့လာသူများ များပြားလျက်ရှိ ကြောင်း သိရသည်။ ဆရာတော်ကြီးသည် ခန္ဓာ ဝန်ချသွားသည်မှာ ခြောက်နှစ် ကျော်ရှိပြီဖြစ်သော်လည်း ဥတုဇ ရုပ်ကလာပ် တော် သည် ယနေ့အ ချိန်အထိ မပုပ်မသိုးဘဲ တည်ရှိ နေရာ အသားအရည်မှာလည်း ဝင်းအိနေဆဲဖြစ်ကာ အကြော စိမ်းများကိုပင် မြင်တွေ့ရသဖြင့် ထူးခြားမှုများ ဖြစ်ပေါ်နေသည့် ဆရာတော်ကြီးအကြောင်းကို တပည့် ဒါယကာ များက အများ ပြည်သူသိရှိနိုင်ရန် အင်တာနက် ပေါ်သို့တင်ပြီးနောက် လာရောက် ဖူးမြော်ကြသည့် အရေအတွက် မှာ ယခင်ကာလများကထက် သိ သာစွာ များပြားနေခြင်းဖြစ် ကြောင်း ထာဝရဗိမာန်တော်ထိန်း သိမ်းစောင့်ရှောက်ရေးကော်မတီ မှ ဦးထွန်းရွှေ က ရန်ကုန်တိုင်းမ် နေ့စဉ်သတင်းစာသို့ ပြောသည်။

''ရဟန္တာမို့လို့သာ ဒီလိုမျိုး ရုပ်ကလာပ်တော် မပုပ်မသိုးဘဲ ကျန်ရစ်တာလို့ ဒီဘက်ကဒေသခံ တွေက ယုံကြည်တယ်။  ခြောက်နှစ်အတွင်းမှာလဲ ညာဘက် လက်မောင်းတော် တံတောင်ကွေး နေရာမှာ ဓာတ်တော်ကျခဲ့ပါတယ်။ မြတ်စွာဘုရားရဲ့ တရား တော် ကို ကျင့်ကြံရင် လက်တွေ့အကျိုးထူး ရတယ်ဆိုတာကို ဆရာတော်ကြီး က နောင်လာနောက်သားတွေ သိရှိအားထုတ်နိုင်အောင် ဒီရုပ် ကလာပ်တော်ကို ထားရှိခဲ့ပုံပါပဲ။ ဟိုးအရင်ကတည်းကတော့ ဆရာ တော်ကြီးရဲ့ ရုပ်ကလာပ် တော် ကို လာရောက်ဖူးမြော်တဲ့သူတွေ ပုံ မှန်ရှိပေမယ့် အခုရက်ပိုင်းအတွင်း မှာ ဆရာတော်ကြီးတပည့်တွေ က အင်တာနက်ပေါ်မှာတင်ထား တဲ့ ဆရာတော်ကြီးရဲ့အကြောင်း နဲ့ ဓာတ်ပုံတွေကို ဖူးလိုက်ရပြီး တော့မှ နေရာကိုစုံစမ်းပြီး မျက် မြင် ကိုယ်တွေ့ လာဖူးကြတာပါ။ လာဖူးတဲ့သူအရေအတွက်က ပုံ မှန်မရှိဘဲ ရုံးပိတ်ရက်တွေနဲ့ လ ပြည့်နေ့တွေမှာဆိုရင် ပိုပြီးတော့ များသလို တချို့ဆိုရင်း ဝေးလံ တဲ့နယ်ဒေသတွေကနေ လာကြ တာမျိုးလဲရှိပါတယ်''ဟု ယင်းက ထပ်မံ ပြော သည်။

ဗိမာန်တော်အတွင်း ဆရာ တော်ကြီး၏အကြောင်းနှင့်အတူ မှတ်တမ်းဓာတ်ပုံများ၊ ဟောကြား ခဲ့သည့် တရားစာများနှင့် ဓာတ် တော်များကို လာရောက်သူများ ကြည့်ရှုလေ့လာဖူးမြော်နိုင်ရန် ဖော်ပြပေးထားရာ အဆိုပါရိပ် သာအတွင်းတွင် ကြွင်းကျန် ရစ် သောဓာတ်တော်များဖြင့် ရွှေစေ တီတစ်ဆူကို တည်ထားကြောင်း သိရသည်။

ဆားတောင်ဆရာတော် ကြီး၏မွေးရပ်ဇာတိမှာ စစ်ကိုင်း တိုင်းဒေသကြီး ဆားတောင်ကျေး ရွာအုပ်စု သင်းတွဲရွာဖြစ်ပြီး ခမည်း တော် ဦးငွေဒင်နှင့် မယ်တော် ဒေါ်ပြောင်းမယ်တို့မှ ၂၉.၁၀. ၁၉၂၅တွင် ဖွားမြင်ခဲ့ခြင်းဖြစ် သည်။ ၁၃.၁၁.၂ဝဝရခုနှစ်တွင် ခန္ဓာတော်ဝန်ချခဲ့ရာ မပုပ်မသိုး ဘဲ ကြွင်းကျန်ရစ်သည့်ရုပ်ကလာပ် တော်ကို ၁၀.၂.၂၀၀၈တွင် ထာ ဝရဗိမာန်တော်သို့ ပင့်ဆောင်အ ပူဇော်ခံခဲ့ခြင်းဖြစ်ကြောင်း သိရ သည်။

ခွန်စိုင်းအောင်
Yangon Media Group

မော်ကွန်းဝင် ပထမအဆင့်၏ ဇနီးဟု ဆိုသူကို ပုဒ်မ ၁၈ ဖြင့် တရားစွဲ

Posted by drmyochit Friday, December 06, 2013, under | No comments


ရန်ကုန်၊ ဒီဇင်ဘာ ၅

လွတ်လပ်ရေး မော်ကွန်းဝင် ပထမအဆင့်ရှိ တပ်ကြပ်ကလေး မောင်တင် (တပ်မတော် မှတ်ပုံတင်အမှတ်- ၀၉၀၃၇) ၏ ဇနီးဟုဆိုကာ ရန်ကုန်မြို့ မြို့တော်ခန်းမရှေ့တွင် တစ်ကိုယ်တော် ဆန္ဒထုတ်ဖော်ခဲ့သူ ဒေါ်တင်ရီ ကို ခွင့်ပြုချက်မရှိဘဲ ဆန္ဒထုတ်ဖော်မှု ပုဒ်မ (၁၈) ဖြင့် ကျောက်တံတား ရဲစခန်းက တရားစွဲဆို ထားကြောင်း အဆိုပါ ရဲစခန်းထံမှ သိရှိရသည်။

အသက် ၇၂ နှစ် ရှိပြီဖြစ်သော လွတ်လပ်ရေး မော်ကွန်းဝင် ပထမအဆင့် တပ်ကြပ် မောင်တင်၏ ဇနီးဖြစ်သူ ဒေါ်တင်ရီသည် နေထိုင်စရာ အိမ်ရာမရှိသဖြင့် အစိုးရထံ အကူအညီ တောင်းလိုသောကြောင့် တစ်ကိုယ်တော် ဆန္ဒထုတ်ဖော်ရခြင်း ဖြစ်ကြောင်း ကာယကံရှင် ဒေါ်တင်ရီက ပြောဆိုသည်။

ဒေါ်တင်ရီသည် တပ်ကြပ်မောင်တင် ဆုံးပါးသွားသည့် နောက်ပိုင်း နေစရာအိမ် မရှိသဖြင့် တောင်ဥက္ကလာပ မြို့နယ်ရှိ ဓမ္မာရုံ တစ်ခုတွင် နေထိုင်နေရကြောင်း၊ ယခုလပိုင်း အတွင်းတွင် အဆိုပါ ဓမ္မာရုံက လက်ခံခြင်း မရှိတော့သောကြောင့် ယင်းသို့ တောင်းဆိုရခြင်း ဖြစ်ကြောင်း ဒေါ်တင်ရီက ဆိုသည်။
“စည်ပင်ကို လေးငါးခါ အကူအညီ တောင်းဖူးတယ်။ တစ်ခါမှ မရဘူး” ဟု ဒေါ်တင်ရီက ဆိုသည်။

မြန်မာနိုင်ငံတွင် လွတ်လပ်ရေး မော်ကွန်းဝင် ပထမ၊ ဒုတိယ၊ တတိယအဆင့် စုစုပေါင်း ၁၈,၈၂၆ ဦး ရှိပြီး ဆင်းဆင်းရဲရဲဖြင့် နေထိုင်နေရသူများ ရှိသောကြောင့် အစိုးရအနေနှင့် လွတ်လပ်ရေး မော်ကွန်းဝင် ပုဂ္ဂိုလ်များကို တစ်လုံးတစ်ခဲတည်း ချီးမြှင့်ငွေ ချီးမြှင့်ရန် အစီအစဉ်ရှိ မရှိ ဇူလိုင်လ အတွင်း ကျင်းပသော လွှတ်တော် အစည်းအဝေးသို့ ပြည်သူ့လွှတ်တော် ကိုယ်စားလှယ် ဦးတင်မောင်ဦးက မေးမြန်းခဲ့သော်လည်း ပြည်ထဲရေး ဝန်ကြီးဌာန ဒုတိယဝန်ကြီး ဗိုလ်မှူးချုပ် ကျော်ဇံမြင့်က ချီးမြှင့်ရန် အစီအစဉ် မရှိသေးကြောင်း ပြန်လည် ဖြေကြားခဲ့သည်။

The Voice Weekly

စိတ်ကောက်ပြီး အဆိပ်သောက်သေ

Posted by drmyochit Friday, December 06, 2013, under | No comments



ဧရာဝတီတိုင်းဒေသကြီး မြောင်းမြခရိုင်အိမ်မဲမြို့နယ် သရက်ကုန်း နယ်မြေ ရဲစခန်းပိုင်တွင် လင်ယောက်ျား နှင့် ရန်ဖြစ်စိတ်ကောက်ပြီး အမျိုးသမီးတစ်ဦး အဆိပ်သောက်သေဆုံးမှုတစ်ခုဖြစ်ပွားခဲ့ကြောင်း သိရှိရသည်။

ဖြစ်စဉ်မှာ ယခုလ ၁ ရက်က အိမ်မဲမြို့နယ် သရက်ကုန်းနယ်မြေရဲစခန်းပိုင် သပေါင်းကျေးရွာအုပ်စု ကွင်းကြီးကွင်း၌ လယ်လုပ်နေထိုင်သူ မထက်ထက်နွယ် အသက်(၁၈နှစ်)သည် နေအိမ်၌ အဆိပ်သောက် သေဆုံးကြောင်း သတင်းကြားသိရ၍ ကျေးရွာအုပ်ချုပ်ရေးမှူးက သရက်ကုန်း ရဲစခန်းသို့ သတင်းပို့ တိုင်ကြားခဲ့သည်။ ထို့ကြောင့် ရဲစခန်းမှတာဝန်ရှိသူများ သွားရောက်ကြည့်ရှုစစ်ဆေးခဲ့ရာ ပြင်ပဒဏ်ရာ မရှိကြောင်း တွေ့ရသည်။

အဆိုပါ အဆိပ်သောက်သူမှာ လင်ယောက်ျားဖြစ်သူနှင့် စိတ်ကောက်စကား များပြီး အိမ်ပေါ်တက်အဆိပ်သောက်၍သေဆုံးကြောင်း မေးမြန်းစုံစမ်း လေ့လာတွေ့ရှိရသဖြင့် ဓမ္မတာအတိုင်း သေဆုံးခြင်း ဟုတ်/မဟုတ် ရဲဆေးစာ ဖြင့် လူသေအလောင်းအား သရက်ကုန်းတိုက်နယ်ဆေးရုံသို့ ပို့ဆောင်ခဲ့သည်။ သေမှုသေခင်းအမှတ်စဉ် ၄/၂ဝ၁၃ ရေးဖွင့်၍ သရက်ကုန်း ရဲစခန်းမှူး ရဲအုပ် မြင့်စိုးက စစ်ဆေးဆောင်ရွက်လျက်ရှိကြောင်း ရဲမှတ်တမ်းအရ သိရသည်။

The Union Daily

ယာဉ်မတော်တဆမှုဖြင့် အသက်ဆုံးရှုံးခဲ့ရသော Fast and Furious မင်းသား စီးနင်းခဲ့သည့် ပေါ်ရှေးကားမှာ ကျွမ်းကျင်သူများပင် မောင်းနှင်ရန်ခက်သည့်ကားဟုဆို

Posted by drmyochit Friday, December 06, 2013, under | No comments



ပြိုင်ကားမောင်းနှင်မှုများဖြင့် ရုပ်ရှင်ကြည့် ပရိသတ်အကြား ရေပန်းစားခဲ့သော Fast and Furious ဇာတ်ကား များမှ အဓိက သရုပ်ဆောင်မင်းသားတစ်လက်ဖြစ်သည့် အသက်လေးဆယ်အရွယ် မင်းသား Paul Walker မှာ နိုဝင်ဘာ ၃၀ ရက်က ကယ်လီဖိုးနီးယား ပြည်နယ်၌ ယာဉ်မတော်တဆမှုဖြင့် ကား မီးလောင် ပေါက်ကွဲကာ အသက် ဆုံးပါးသွားခဲ့ရပြီး သူလိုက်ပါ စီးနင်းခဲ့သည့် ၂၀၀၅ ခုနှစ်မိုဒယ် Porsche Carerra GT ပြိုင်ကားမှာ ပရော်ဖက်ရှင်နယ် ကားမောင်းသမားများပင် ထိန်းချုပ်မောင်းနှင်ရ ခက်ခဲသော ကားဖြစ်သည်ဟု နိုင်ငံတကာ ကားသတင်း ၀က်ဘ်ဆိုက်တစ်ခုဖြစ်သည့် 'Autoweek' က ဖော်ပြခဲ့သည်။
အနီရောင် ကိုယ်ထည်၊ အနက်ရောင်ဘီးများဖြင့် မှတ်မိလွယ်သည့် ၂၀၀၅ ခုနှစ်မိုဒယ် Carerra GT ကားအသစ် ၏ ဈေးနှုန်းမှာ အမေရိကန်ဒေါ်လာ လေးသိန်းခွဲ ရှိသည်ဟု ဆိုပြီး Paul Walker စီးနင်းလာသည့် ကားမှာ ပိုင်ရှင် ခြောက်ဆက် ပြောင်းခဲ့သည့် ကား ဖြစ်သည်ဟု သိရသည်။ ယာဉ် တိုက်မှုဖြစ်ပွားချိန်တွင် အဆိုပါ ကားကို မင်းသား၏ သူငယ်ချင်း၊ ပြိုင်ကားမောင်းသမား၊ စီးပွားဖက် နှင့် ဘဏ္ဍာရေး အတိုင်ပင်ခံဖြစ်သူ Roger Rodas က မောင်းနှင်ခဲ့ခြင်း ဖြစ်ပြီး အရှိန်မထိန်းနိုင်ဖြစ်ကာ သစ်ပင်ကို ၀င်တိုက်မှုကြောင့် နှစ်ဦးစလုံး အသက် ဆုံးရှုံးခဲ့ကြရသည်။

ယာဉ်တိုက်မှုဖြစ်ပြီး မီးလောင် ပေါက်ကွဲခဲ့သည့် ကားမှာ မိုင်ပေါင်း သုံးထောင်ကျော် မောင်းနှင်ထားပြီး ဖြစ်ကာ Rodas ပိုင် Always Evolvoing ကားလုပ်ငန်းမှ ရောင်းချရန် ဈေးခေါ်ထားသည့် ကား ၃၈ စီးအနက်မှ တစ်စီးဖြစ်သည်။ အဆိုပါကားကို ၂၀၀၅ ခုနှစ်တွင် ပထမဆုံးပိုင်ရှင်ဖြစ်သူက ၀ယ်ယူခဲ့ပြီး ၂၀၀၇ ခုနှစ်တွင် ဒုတိယ ပိုင်ရှင်ဖြစ်သူက ၀ယ်ယူခဲ့ကာ ပိုင်ရှင်နှစ်ဦးစလုံးမှာ ကယ်လီဖိုးနီးယား ပြည်နယ်မှ ဖြစ်သည်။ တတိယပိုင်ရှင်မှာမူ တက္ကဆက်ပြည်နယ်မှ ဖြစ်ပြီး ၂၀၀၉ ခုနှစ်တွင် ၀ယ်ယူခဲ့ ခြင်းဖြစ်ကာ ပဉ္စမမြောက် ပိုင်ရှင်မှာ IndyCar ပြိုင်ပွဲဝင် ယာဉ်မောင်း Graham Rahal ဆိုသူ ဖြစ်၍ ၎င်းကိုယ်တိုင်ကလည်း မောင်းနှင်ရန်ခက်သည့်ကားဟု မှတ်ချက်ပြုခဲ့သည်။ Carerra GT ကားမှာ မြင်းကောင်ရေ ၆၁၀ အား V10 အင်ဂျင်ကို တပ်ဆင်ထားသည်။

ကားချစ်မြတ်နိုးသူ Paul Walker မှာ သူတည်ထောင်ထားသည့် Reach Out Worldwide ပရဟိတအဖွဲ့အစည်း၏ ရန်ပုံငွေ ပွဲအခမ်းအနား တက်ရောက်ရန် လာရောက်စဉ် ယာဉ်မတော်တဆမှု ဖြစ်ပွားကာ အသက်ဆုံးရှုံးခဲ့ရခြင်း ဖြစ်ပြီး သူ၏ အနုပညာမောင်နှမများက သူတို့၏ လူမှုကွန်ရက် စာမျက်နှာများပေါ်၌ ၀မ်းနည်းစကားများ ဖော်ပြခဲ့ကြသည်။

Automobile Journal

ရည်းစားဟောင်းမှ ဓားဖြင့်ထိုး၍ အမျိုးသမီးတစ်ဦး ဒဏ်ရာရရှိ

Posted by drmyochit Friday, December 06, 2013, under | No comments

နေပြည်တော် ကောင်စီနယ်မြေ ဇေယျာသီရိမြို့နယ် ပြည်စံအောင်ရပ်ကွက် အမျိုးသား ကွန်ပျူတာ စာစီစာရိုက် ဆိုင်တွင် ဓားထိုးမှု ဖြစ်ပွားခဲ့ကြောင်း သိရသည်။

ဖြစ်စဉ်မှာ ဒီဇင်ဘာ ၂ ရက် ည ၇ နာရီခန့်က အမျိုးသား ကွန်ပျူတာ စာစီစာရိုက်ဆိုင်တွင် အလုပ်လုပ်နေ သူ နီလာဝင်း ၂၇ နှစ် (ဘ) ဦးကြည်ဝင်း ပြည်စံအောင် ရပ်ကွက်နေသူနှင့် မြို့မဈေး အမျိုးသား ကွန်ပျူတာ ဆိုင်တွင် အလုပ်လုပ်ကိုင်နေသော ဇော်ဝင်းနိုင် ၂၆နှစ် (ဘ) ဦးခင်မောင်ရင် ဇမ္ဗူသီရိ မြို့နယ်နေသူ နှစ်ဦးတို့ သည် လွန်ခဲ့သော တစ်လခန့်က သမီးရည်းစား ဖြစ်ခဲ့သည်ဟု သိရသည်။ ဇော်ဝင်းနိုင်သည် နီလာ ဝင်း အလုပ် လုပ်ကိုင်နေသော ဆိုင်အတွင်းသို့ ဝင်ရောက်လာပြီး နီလာဝင်းအား အသင့်ပါလာသော ဓားဖြင့် ထိုးခဲ့ရာ နီလာဝင်း၏ ဝဲဘက်ရင်ခေါင်းအောက် ထိုးသွင်းဒဏ်ရာ တစ်ချက်၊နောက်ကျော ဝဲဘက်ခြမ်း တွင် ထိုး သွင်းဒဏ်ရာ နှစ်ချက် ရရှိသဖြင့် နီလာဝင်းအား ခုတင် ၁ဝဝဝ ဆေးရုံသို့ ရဲဆေး စာဖြင့် ပို့အပ်ခဲ့ပြီး ရပ်ကွက် အုပ်ချုပ်ရေးမှူး ဦးဆောင်းဦးက တရားလိုပြုလုပ်၍ ဇော်ဝင်းနိုင်အား တိုင်တန်း ခဲ့သည်။ ယင်းဖြစ်စဉ်အား ရွှေတွင်းကုန်း မြို့မရဲစခန်းမှ (ပ)၁၂၃/၂ဝ၁၃ ပြစ်မှုပုဒ်မ ၃၂၆ ဖြင့် အမှုဖွင့်ပြီး တရားခံ အား ဖမ်းဆီးစစ်ဆေးလျက် ရှိကြောင်း သိရသည။်

SuperBeam WiFi Direct Share Pro v.3.0.2 Apk 2MB

Posted by drmyochit Friday, December 06, 2013, under | No comments


ဝိုင်ဖိုင်ကွန်ယက်အတွင်းမှာ ဖုန်းအချင်းချင်းဝိုင်ဖိုင်နဲ့ချိတ်ဆက်ပြီး ဖိုင်တွေ အလွယ်တကူ
မျှဝေနိုင်တဲ့ ဆောစ်ဝဲလ်လေးဖြစ်ပါတယ်

မိမိဖုန်းမှာ ထည့်သွင်း အသုံးပြုချင်တယ်ဆိုရင် အောက်ကလိပ်စာမှာရယူနိုင်ပါတယ်

ဆော့ဝဲလ်အားရယူရန်



Myanmar Mobile App Store

Battery HD Pro v1.3.1 for android

Posted by drmyochit Friday, December 06, 2013, under | No comments


Android phone/Table ကိုင်ဆောင်သူတွေ အတွက် Battery အခြေအနေတွေကို ပြသပေးမယ် ဆောစ့်ဝဲလ်လေး ပါ..

ဘယ်ဆောစ့်ဝဲလ်တွေကို ဘယ်လောက် အားကို အသုံးပြုလည်း စသည်ဖြင့်
လုပ်ဆောင်ချက်တော်တော်စုံတဲ့ ဆောစ့်ဝဲလ်လေးဖြစ်ပြီးPlay store မှာ 114ဘတ်ပေးရတဲ့ ဆောစ့်ဝဲလ်လေးပါအသုံးပြုမယ်ဆို အောက်မှာရယူနိုင်ပါတယ်


mirrorcreator (or) Zippyshare(or) junocloud





From: Myanmar Mobile App Store

ကားမော်ဒယ်ဆိုတဲ့အတိုင်းပဲ ဖလန်းဖလန်းကိုထနေတာပဲဟေ့...

Posted by drmyochit Friday, December 06, 2013, under | No comments


မြောက်ကိုရီးယား အကျဉ်းစခန်း ပုံတွေ ထုတ်ဖော်

Posted by drmyochit Friday, December 06, 2013, under | No comments

နိုင်ငံရေးအကျဉ်းသားတွေကို ထားတဲ့ Kwanliso
sixteen အကျဉ်းစခန်း
မြောက်ကိုရီးယား နိုင်ငံမှာ နိုင်ငံရေး အကျဉ်း သားတွေ ကို ထားတဲ့ အကျဉ်းစခန်းကြီး တွေရဲ့ ဂြိုဟ်တု ကနေ မြင်ရတဲ့ ရုပ်ပုံတွေကို Amnesty International နိုင်ငံတကာ လူ့အခွင့်အရေး အဖွဲ့က ထုတ်ပြန် လိုက်ပါတယ်။

Kwanliso sixteen ဆိုတဲ့ စခန်း တစ်ခုတည်းတင် ၅၀၀ စတုရန်း ကီလိုမီတာလောက် ရှိလို့ အမေရိကန် က မြို့ကြီး တစ်ခုစာလောက် ရှိတယ်လို့ AI အဖွဲ့က ခန့်မှန်းပါတယ်။

စခန်း တာဝန်ခံ အရာရှိဟောင်း တစ်ယောက်ကတော့ တချို့ အကျဉ်းသားတွေဟာ သူတို့ အသတ်မခံရခင် ကိုယ့်ကို မြှုပ်မယ့် တွင်းကို ကိုယ်တိုင် တူးခိုင်းတာ ခံခဲ့ကြရတယ်လို့ ပြောတာကိုလည်း Amnesty International က ကိုးကား ပြောဆိုပါတယ်။

အဲဒီ အကျဉ်းစခန်းတွေမှာ နိုင်ငံရေး အကျဉ်းသား နှစ်သိန်းလောက်အထိ ထားရှိတယ်လို့ လူ့အခွင့်အရေး အဖွဲ့က ပြောပါတယ်။

မြောက်ကိုရီးယား ဘက်ကတော့ အဲဒီလို စခန်းမျိုး သူတို့ဆီမှာ မရှိဘူးလို့ ငြင်းဆိုပါတယ်။

From: BBC

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်