Sunday, March 02, 2014

ကျန်သက်တမ်းကာလ ကျေးလက်ဖွံ့ဖြိုးရေး ဆောင်ရွက်မည်

Posted by drmyochit Sunday, March 02, 2014, under | No comments


Sunday, March 2, 2014

အစိုးရရဲ့ ကျန်ရှိနေသေးတဲ့ သက်တမ်းကာလအတွင်းမှာ တောင်သူလယ်သ မားတွေနဲ့ နိုင်ငံသားအားလုံးအတွက် ကျေးလက်ဒေသ ဖံွ့ဖြိုးရေးလုပ်ငန်းတွေနဲ့ အခြေခံလိုအပ်ချက်တွေကို ဖြည့်ဆည်းပေးနိုင်ဖို့ ကြိုးစားဆောင်ရွက်သွားမယ်လို့ ဒီနေ့ကျရောက်တဲ့ တောင်သူလယ်သမားနေ့ အထိမ်းအမှတ် နိုင်ငံတော်သမ္မတ ဦးသိန်းစိန်ရဲ့ သ၀ဏ်လွှာမှာ ဖော်ပြထားပါတယ်။

အစိုးရအနေနဲ့ ကျေးလက်ဒေသ ဖံွ့ဖြိုးတိုးတက်ရေးနဲ့ ဆင်းရဲနွမ်းပါးမှု လျှော့ချနိုင်ဖို့ လုပ်ငန်းတာဝန်တွေကို အကောင်အထည်ဖော်ဆောင်ရွက်ရာမှာ နိုင်ငံလူဦးရေရဲ့ ၇၀ ရာခိုင်နှုန်း တောင်သူလယ်သမားတွေအတွက် လယ်ယာကဏ္ဍ ဖံွ့ဖြိုးတိုးတက်ရေးလုပ်ငန်းတွေကို အဓိကလုပ်ငန်းအဖြစ် ဆောင်ရွက်နေဆဲဖြစ်ကြောင်း၊ ဒါ့အပြင် ရာသီအလိုက် စိုက်ပျိုးထုတ်လုပ်တဲ့ သီးနှံတွေအပေါ် ပြည်တွင်းပြည်ပမှာ ခိုင်မာတဲ့ ဈေးကွက်ရရှိရေးအတွက် ဈေးပြိုင်စနစ်နဲ့ ရောင်းချတဲ့ နိုင်ငံတကာအဆင့်မီ လက်ကားဈေးကွက်တွေ ပေါ်ပေါက်လာဖို့ကိုလည်း စနစ်တကျ စီစဉ်ဆောင်ရွက်နေကြောင်းလည်း ဖော်ပြထားပါတယ်။

နေပြည်တော် လယ်ယာစိုက်ပျိုးရေးနဲ့ ဆည်မြောင်းဝန်ကြီးဌာန စုပေါင်းရုံးခန်းမမှာ ဒီနေ့ကျင်းပတဲ့ တောင်သူလယ်သမားနေ့ အခမ်းအနားကို နိုင်ငံတော် သမ္မတ ဦးသိန်းစိန် တက်ရောက်ခဲ့ပါတယ်။

RFA

တရုတ်-ကူမင်း ဘူတာရုံ ဓားနဲ့အကြမ်းဖက်မှု ၃၃ ဦးသေဆုံး

Posted by drmyochit Sunday, March 02, 2014, under | No comments

တရုတ်နိုင်ငံ တောင်ပိုင်း Kunming မြို့တော်က မီးရထားဘူတာရုံတစ်ခုမှာ အနက်ရောင်ဝတ်စုံတွေ ဝတ်ထားတဲ့ အမည်မသိ လူ ၁၀ ယောက် ဝင်ရောက် တိုက်ခိုက်ခဲ့တဲ့အတွက် လူ ၃၃ ယောက်ထက်မနည်း သေဆုံးပြီး ၁၃၀ ကျော် ဒဏ်ရာရခဲ့ပါတယ်။

သေဆုံးသူတွေထဲမှာ ဓားစာခံ  ပြည်သူ ၂၉ ယောက်နဲ့အတူ တိုက်ခိုက်သူ ၄ ယောက်လည်း ပါခဲ့ပါတယ်။ တိုက်ခိုက်သူတွေထဲက ၁ ယောက်ကို လက်ရဖမ်းဆီးနိင်ခဲ့ပြီး ၄ ယောက်ကတော့ ပစ်ခတ်မှုကြောင့်သေဆုံးသွားတယ်လို့ ရဲတပ်ဖွဲ့ဝင်တွေက ပြောပါတယ်။ ကျန်တဲ့တိုက်ခိုက်သူတွေကို ဖမ်းဆီးနိုင်ဖို့ ဆက်လက်ရှာဖွေနေဆဲဖြစ်ပါတယ်။

တိုက်ခိုက်မှု ဖြစ်ပွားတဲ့နေရာက ဓာတ်ပုံတွေအရ သွေးအလူးလူးဖြစ်နေတဲ့ သေဆုံးသူတွေ ဘူတာကြမ်းပြင်ပေါ် ပြန့်ကျဲနေတာ တွေ့ကြရပါတယ်။ ဝတ်စုံမည်း ဝတ်ထားတဲ့တိုက်ခိုက်သူတွေဟာ ဘူတာရုံထဲ ရုတ်တရက် ပြေးဝင်လာပြီး ခရီးသည်တွေကို ဓားနဲ့ထိုးသွားခဲ့တယ်လို့ မျက်မြင်သက်သေတွေက ပြောပါတယ်။

ခုထက်ထိတော့ ဒီတိုက်ခိုက်မှုက ဘယ်သူ့လက်ချက်ဖြစ်တယ်လို့ ထုတ်ဖော်ပြောဆိုတာမျိုး မရှိသေးပါဘူး။ ဒါပေမယ့် ဒီတိုက်ခိုက်မှုအတွက် Xinjiang ခရိုင် အနောက်ဖျားက သူတို့အခေါ် အစ္စလာမ် အစွန်းရောက် ခွဲထွက်ရေးသမားတွေဖြစ်မယ်လို့ တာဝန်ရှိသူတွေက ပြောကြပါတယ်။

ဗွီအိုအေ (မြန်မာဌာန)

ကူမင်းဘူတာရုံအတွင်း အကြမ်းဖက်တိုက်ခိုက်မှုကြောင့် သေဆုံးခဲ့သူ ခရီးသွားတွေအတွက် ဝတ်ပြုဆုတောင်းပေးကြစဉ်။ (မတ်လ ၂၊ ၂၀၁၄)

အမျိုးသား အယောက် ၃၀၀နဲ့ အိပ်ခဲ့ပြီး တစ်နေ့ကို အနည်းဆုံး လိင်ဆက်ဆံမှု ၅ကြိမ်ပြီးမြောက်မှ ကျေနပ်တဲ့ အမျိုးသမီး

Posted by drmyochit Sunday, March 02, 2014, under | No comments


Sunday, March 2, 2014

အသက် ၂၄နှစ်အရွယ် ဗြိတိန်နိုင်ငံသူ Nessa Jayဟာ ရာဂလွန်ကဲရောဂါ ခံစားနေရပါတယ်။ သူမဟာ နော်ဖလော့ခ်ပြည်နယ်၊ ခရိုမာကမ်းခြေ ဒေသမှာ နေထိုင်ပါတယ်။ သူမအတွက် ပထမဦးဆုံး အကြိမ်ကတော့ အသက် ၁၆နှစ်မှာ ဖြစ်ပျက်ခဲ့တာဖြစ်ပြီး အဲ့ဒီ့ကတည်းကစပြီး လူ ၃၀၀နဲ့ အိပ်ခဲ့ပြီးပါပြီ။
စူပါမားကစ်တွေမှာ လူစိမ်းတွေနဲ့ဆိုရင်တော့ ပရောပရည်လုပ်ပြီး အိမ်ခေါ် လိင်ဆက်ဆံတာပေါ့။ အာသာပြင်းပြနေတာတွေ ပြေလျော့ဖို့ အစားထိုးအတုတွေ သုံးတာလည်းရှိပါတယ်။ ဒါပေမဲ့ သူမဟာ ကျန်းမာနေတဲ့ လူကောင်းတစ်ယောက်ပါလို့ လူတွေကို နားလည်စေတယ်လို့ သိရပါတယ်။

Ref:dailymail.co.uk
Trend Myanmar

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်