Wednesday, August 07, 2013

ချစ်သူ အဆိပ်သောက်သေဆုံးပြီးနောက် လူငယ်တစ်ဦး ကြိုးဆွဲချသတ်သေ

Posted by drmyochit Wednesday, August 07, 2013, under | No comments


ရန်ကုန်၊ သြဂုတ် ၆

မင်္ဂလာဒုံမြို့နယ်၊ ပေါက်ကုန်းရပ်ကွက်၊ မဉ္ဇူသကလမ်း၊ အပိုင် ( ၆ ) တွင် သြဂုတ်လ ၅ ရက်နေ့ မွန်းလွဲ ၃ နာရီ ခန့်က အသက် ၂၁ နှစ်အရွယ် ကိုဇေယျာထွန်းသည် ၄င်း၏ချစ်သူ ဆိုသူ အဆိပ်သောက် သေဆုံး သွားပြီးနောက် အမြင့် ၁၀ ပေခန့်ရှိ နေအိမ် ထုတ်တန်းတွင် လျှပ်စစ်မီးပူသုံး ဝါယာကြိုးဖြင့် လည်ပင်းကို ကြိုးဆွဲချသေဆုံးခဲ့ကြောင်း မင်္ဂလာဒုံမြို့နယ်မြို့မ ရဲစခန်းထံမှ သိရှိ ရသည်။

ကိုဇေယျာထွန်း၏ ချစ်သူဆိုသူသည် လွန်ခဲ့သည့် ၁၃ ရက်ခန့်က ၄င်းနေထိုင်သည့် တိုက်ကြီးမြို့နယ် နေအိမ်၌ပင် အဆိပ်သောက် သေဆုံးခဲ့ပြီး ကိုဇေယျာထွန်းက သေချင်သည်ဟု မိဘများကို မကြာခဏ ထုတ်ဖော်ပြောလေ့ ရှိသည်ဟု စုံစမ်းသိရှိရပြီး အခင်းဖြစ်ရပ်ကို သေမှုသေခင်း အမှတ်စဉ် ၂၅/၁၃ ဖြင့် အမှုဖွင့်စစ်ဆေး လျက်ရှိကြောင်း မင်္ဂလာဒုံမြို့မ ရဲစခန်းထံမှ စုံစမ်းသိရှိရသည်။

"သူကြိုက်တဲ့သူ (မိန်းမစိတ်ပေါက်သူ) က ပြီးခဲ့တဲ့ တစ်ပတ်က အဆိပ် သောက်သေသွားတာကြောင့် သူလည်း စိတ်မကောင်းဖြစ်ပြီး ကြိုးဆွဲချသေတာ ဖြစ်နိုင်တယ်" ဟု ပေါက်ကုန်းရပ်ကွက် အုပ်ချုပ်ရေးမှူးရုံးမှ တာဝန်ရှိသူတစ်ဦးက ပြောကြားသည်။

အဆိုပါ ကြိုးဆွဲချ သေဆုံးမှုကို သက်ဆိုင်ရာ ရဲစခန်းက သေမှုသေခင်း ဖွင့်လှစ်၍ စစ်ဆေးလျက် ရှိကြောင်း မင်္ဂလာဒုံမြို့မ ရဲစခန်းထံမှ သိရှိရသည်။

ယင်းနေ့မတိုင်မီက ရန်ကုန်တိုင်း ဒေသကြီးအတွင်း အခြား ကြိုးဆွဲချ သေဆုံး မှုတစ်ခုဖြစ်ပွားခဲ့ပြီး ယင်းသည် ကြည့်မြင်တိုင်မြို့နယ်၊ ဘလုတ်ညွန့် ရပ်ကွက်၊ အင်းကြင်းလမ်းရှိ နေအိမ်တွင် သြဂုတ်လ ၅ ရက်နေ့ နံနက် ၆ နာရီ ၃၀ ခန့် က အသက် ၄၅ နှစ်အရွယ် ဦးမြင့်နိုင်က နေအိမ်နံဘေး ထုတ်တန်းတွင် ပုဆိုးဖြင့် လည်ပင်းကိုစွပ်ကာ ဒူးကွေးလျက် သေဆုံး ခဲ့သည့် အမှုဖြစ်ကြောင်း ကြည့်မြင်တိုင် စက်ဆန်းနယ်မြေ ရဲစခန်းထံမှ သိရှိရသည်။

The Voice Weekly

ကေအိုင်အိုအမည်ခံ၍ လူ ၅၀ ဦးနီးပါး သတ်သည်ဟု စွပ်စွဲခံရသူများ ကေအိုင်အိုဖမ်းမိဟုဆို

Posted by drmyochit Wednesday, August 07, 2013, under | No comments



ရွှေကူ၊ သြဂုတ် ၆

ကချင်ပြည်နယ် ရွှေကူမြို့နယ် နန့်ဖားကြိုးဝိုင်းအတွင်းရှိ ကချင်သေ ရွှေမှော်ဒေသတွင် ကေအိုင်အို အဖွဲ့အစည်း အမည်ခံ၍ ခြောက်လအတွင်း ကေအိုင်အေ စစ်သားများ အပါအဝင် ဒေသခံ ၄၈ ဦးကို သတ်ခဲ့သည်ဟု စွပ်စွဲခံရသူများကို ဇွန်လ ၂၄ ရက်က ဖမ်းဆီးရမိခဲ့ကြောင်း ကေအိုင်အို အုပ်ချုပ်ရေးအရာရှိ ဦးနော်ဂျာက The Voice သို့ ပြောကြားသည်။

ပြစ်မှုကျူးလွန်သူများတွင် ပါဝင်သော ဘရန်နန်နှင့် ဘရန်ရှောင်ကို လက်ရှိ ကေအိုင်အေ တပ်ရင်း (၁၂) တွင် ထိန်းသိမ်း ထားကြောင်း၊ ခရိုင်အဆင့်မှ ကေအိုင်အိုဗဟို သို့တင်ပြထားပြီး သိမ်းဆည်းရမိသော ထွက်ပြေးတိမ်းရှောင်သွားသူ လရောင်နော်တောင်၏ ဒိုင်ယာရီစာအုပ်နှင့် တရားခံများ၏ ဝန်ခံချက်များအရ ခြောက်လအတွင်း လူ ၄၈ ဦး အသတ်ခံခဲ့ရသည်မှာ မှန်ကန် ကြောင်း ၄င်းက ရှင်းပြသည်။

ပြစ်မှုကျူးလွန်သူ အဖွဲ့သည် ကေအိုင်အို အဖွဲ့အစည်းနာမည်ကို အလွဲသုံးစားလုပ် ကာ ရွှေကျင်းများတွင် အခွန်ကောက်ခြင်း၊ ကချင်သေဒေသတွင် ဖြတ်သန်းသွားလာ ကြသော ကုန်ကား၊ သစ်ကားများထံမှ ပိုက်ဆံကောက်ခံခြင်း များကိုလည်း ပြုလုပ် ကြောင်း ဒေသခံများ၏ အဆိုအရသိရသည်။

လရောင်နော်တောင်၊ နော်ဆိုင်း၊ ဘရန်ရှောင်၊ ဘရန်နန် တို့ပါဝင်ကြသော အဖွဲ့ဝင် ကိုးဦးခန့်သည် ကချင်သေရွှေမှော် သို့ ၂၀၁၃ ခုနှစ် နှစ်ဆန်းပိုင်းတွင် ရောက်ရှိလာခဲ့ပြီး ကေအိုင်အို ဗဟိုမှ တိုက်ရိုက်ခန့် ထားသည်ဟုဆိုကာ နော်တောင်က အုပ်ချုပ်ရေးမှူးရာထူး ယူပြီး နော်ဆိုင်းက စခန်မှူးအဖြစ် တာဝန်ယူကာ ပြစ်မှုများ ကျူးလွန်ခဲ့ကြောင်း ကချင်သေ ရွှေမှော်တွင် အလုပ်လုပ်ကိုင်နေသူများက ပြောကြားသည်။

"ကေအိုင်အို အုပ်ချုပ်ရေး အရာရှိ ယာဉ်မောင်း နှစ်ယောက်ကို လူမြင်ကွင်းမှာ သတ်လိုက်တာကစပြီး လူတွေသတ်နေတာကို သိရတယ်"ဟု အမှုအမှန် ပေါ်ပေါက်ရေး အတွက် ဆောင်ရွက်နေသူ ကချင်သေ ရွှေမှော်မှ ဦးညီဆိုသူက ဆိုသည်။

ကေအိုင်အေ တပ်ရင်း (၁၂)မှ ဒုတိယတပ်ရင်းမှူး ဗိုလ်မှူးခွန်တန် ဦးစီးသော ကေအိုင်အေ စစ်ကြောင်းက လာရောက် ဖမ်းဆီးရာတွင် ဘရန်ရှောင်နှင့် ဘရန်နန် တို့နှစ်ဦးကိုသာ ဖမ်းဆီးရမိခဲ့ကာ ကျန်လူများမှာ ထွက်ပြေးလွတ်မြောက်သွားပြီး လရောက်နော်တောင် ဆိုသူ ကျန်ခဲ့သော ဒိုင်ယာရီစာအုပ်တွင် သတ်ထားပြီးသည့် လူစာရင်းကို နေ့ရက်နှင့် နေရာအတိ အကျဖြင့် မှတ်တမ်းတင်ထားကြောင်း ထပ်မံသတ်မည့် လူစာရင်းကိုလည်း ပြုစုထားကြောင်း ၄င်းက ပြောကြားသည်။

လမ်းကူးရွာမှ အသတ်ခံခဲ့ရသူတစ်ဦး ၏ ဇနီးဖြစ်သူ အမျိုးသမီး တစ်ဦးကလည်း "ကျွန်မ ယောက်ျား အသတ်ခံရတဲ့အမှုကို ခုနစ်လပိုင်းတုန်းက ရဲစခန်းမှာ အမှုဖွင့် ထားတယ်။ ဒီနေ့ထိ ဘာမှ အကြောင်း မပြန်ဘူး"ဟုဆိုသည်။

သို့သော် ယင်းဖြစ်စဉ်များနှင့် ပတ်သက်ပြီး မည်သူ တစ်ဦးတစ်ယောက်ကမျှ အမှုဖွင့်တိုင်ကြားထားခြင်း မရှိဘဲ ဖြစ်ပွားသွားခဲ့သော ဖြစ်စဉ်များကိုလည်း မည်သည့်အကြောင်းအရာ ကိုမှ နယ်မြေခံ ရဲစခန်းအနေဖြင့် တရားဝင်သိရှိထားခြင်း မရှိကြောင်း ရွှေကူမြို့နယ် ရဲတပ်ဖွဲ့စခန်းမှ စခန်းမှူး ဒုတိယရဲမှူးဝင်းစိန်က ဖြေကြားသည်။

The Voice Weekly

ဗြိတိန် သံတမန် နှင့် နိုင်ငံသားများ မြန်မာပြည်တွင်း သွားလာရေး သတိပေး

Posted by drmyochit Wednesday, August 07, 2013, under | No comments


မြန်မာနိုင်ငံရှိ ဗြိတိန် သံတမန်များကို ရန်ကုန်မြို့ ပြင်ပ မထွက်ရန် အပါအ၀င် ဗြိတိန်နိုင်ငံသားများ အနေဖြင့် လည်း မြန်မာနိုင်ငံ ဒေသ တချို့သို့ သွားရောက် လည်ပတ်ခြင်း မပြုရန် ဗြိတိန်အစိုးရက သတိပေး လိုက်သည်။

အဆိုပါ ယမန်နေ့က သတိပေးချက်တွင် ဗြိတိန် သံတမန် တာဝန်ရှိသူများအနေဖြင့် မြန်မာအစိုးရ၏ ခွင့်ပြုချက် မရလျှင် အရေးပေါ် အခြေအနေမှ အပ ရန်ကုန်မြို့ပြင်ပ မထွက်ခွာရဟု ပါဝင်သော်လည်း မည်သည့် အတွက်ကြောင့် ဆိုသည်ကို ရှင်း လင်းစွာ ဖော်ပြ မထားပါ။

မြန်မာနိုင်ငံရှိ ဗြိတိန် သံတမန်များကို ယခုကဲ့သို့ သတိပေးချက်သည် သမ္မတ ဦးသိန်းစိန် အစိုးရ လက်ထက်တွင် ပထမဆုံး အကြိမ်လည်း ဖြစ်သည်။

ဗြိတိန်အစိုးရ၏ နိုင်ငံခြားရေး ဆိုင်ရာနှင့် ဓနသဟာယ ရုံး၏ အင်္ဂါနေ့က ထုတ်ပြန်သတိပေးချက်တွင် အထူး သဖြင့် ရခိုင် ပြည် နယ်သို့ မဖြစ်မနေ သွားရောက်ခြင်းမှ အပ မသွားရောက်ရန် ပါရှိသည်။

ရခိုင်ပြည်နယ်သည် ဗုဒ္ဓဘာသာဝင်များနှင့် မွတ်စလင်များအကြား အကြမ်းဖက်တိုက်ခိုက်မှုများ ဖြစ်ပွားခဲ့ သည့် အတွက် ဆိုးရွားသည့် အခြေအနေနှင့် ကြုံတွေ့ရနိုင်သည်ဟုလည်း ဆိုသည်။

ယမန်နေ့က ထုတ်ပြန်သည့် သတိပေးချက်၌ မြစ်ကြီးနား၊ ဗန်းမော်၊ ပူတာအိုမြို့များမှ အပ ကချင်ပြည်နယ် တွင်း ဒေသတချို့ကို သွားရောက်လည်ပတ်ရန် တားမြစ်ချက်လည်း ပါဝင်ပြီး ထိုင်း၊ တရုတ်၊ လာအိုနိုင်ငံ များနှင့် မြန်မာ နယ်စပ် တလျှောက်ရှိ မကြာသေးခင်က အစိုးရ စစ်တပ်နှင့် လက်နက်ကိုင်တပ်များအကြား တိုက်ပွဲ များ ပြင်းထန်စွာဖြစ်ပေါ်ခဲ့သော နေရာဒေသများ ပါဝင်သည်။

“အဆိုပါ နယ်မြေများတွင် တိုက်ခိုက်မှုများ မကြာသေးခင်က လျော့ကျသွားခဲ့သော်လည်း လက်နက်ကိုင် ပဋိပက္ခ ဆိုင်ရာ စိုးရိမ်ဖွယ် အခြေအနေ ရှိနေဆဲဖြစ်သည်”ဟု ဗြိတိန် အစိုးရ၏ သတိပေးချက်တွင် ဖော်ပြ ထားသည်။

အထူးသဖြင့် ဗြိတိန်အစိုးရက မြန်မာနိုင်ငံတွင်း မသွားရောက်ရန် အဓိကတားမြစ်သတိပေးထားသည့် ဒေသများ သည် မကြာ သေး ခင် က လူမျိုးရေး၊ ဘာသာရေး အဓိကရုဏ်းများ ဖြစ်ပွားခဲ့ရာ ဒေသများ ဖြစ်သည်။

ထို့အပြင် လူအများ စုဝေးသည့်နေရာများကို ရှောင်ရှားရန်၊ စစ်တပ်၊ ရဲများနှင့် ဆန္ဒပြမှု မြင်ကွင်း များကို လည်း မှတ်တမ်း ဓာတ်ပုံ၊ ဗီဒီယို ရိုက်ကူးမှုများ မပြုလုပ်ရန်လည်း သတိပေးထားသည်။

မြန်မာနိုင်ငံသို့ ဗြိတိန်နိုင်ငံမှ ကမ္ဘာလှည့်ခရီးသွားများ နှစ်စဉ် လာရောက်လေ့ရှိရာ ၂၀၁၀ ပြည့်နှစ်နောက် ပိုင်း တိုးများ လာပြီး ၂၀၁၁ ခုနှစ်တွင် ၇၃၀၀ ခန့် ရှိကြောင်း ဗြိတိန်အစိုးရ အင်တာနက် စာမျက်နှာက ဖော်ပြ သည်။

ဗြိတိန်၏ ထို သတိပေး ကြေညာချက် ထွက်ပေါ်လာခြင်းသည် မြန်မာနိုင်ငံတွင်၂၅ နှစ်မြောက် ဒီမိုကရေစီ လှုပ်ရှား မှု အထိမ်း အမှတ်ပွဲများ ကျင်းပနေချိန်နှင့်လည်း တိုက်ဆိုင်နေသေည်။

ရှစ်လေးလုံး ဒီမိုကရေစီ လူထုလှုပ်ရှားမှုကြီးကို မြန်မာအစိုးရက အကြမ်းဖက် ပစ်ခတ် သတ်ဖြတ် နှိမ်နင်းခဲ့ ရာ တက်ကြွလှုပ် ရှားသူ ၃၀၀၀ ထက်မနည်း သေဆုံးခဲ့သည်ဟု လေ့လာသူများက ပြောဆိုကြသည်။

လူ့အခွင့်အရေး လေ့လာ စောင့်ကြည့်ရေးအဖွဲ့ (Human Rights Watch- HRW) ၏ အာရှ အစီအစဉ် ညွှန်ကြားရေး မှူး ဘရက် အဒမ် (Brad Adams) က မြန်မာအစိုးရအနေဖြင့် ယခု ကျင်းပနေသည့် ဒီမိုကရေ စီ လှုပ်ရှားမှု နှစ်ပတ်လည်ပွဲတွင် တချိန်က အရုပ်ဆိုးအကျည်းတန်မှုများကို မှေးမှိန်စေရန်အတွက် အခွင့် ထူး တခု ရရှိခြင်းဖြစ်သည်ဟု ပြောသည်ကို ယူပီအိုင် အွန်လိုင်း သတင်းတပုဒ်တွင် ဖော်ပြသည်။

ထို့အပြင် လွန်ခဲ့သည့် ၂၅ နှစ်တာ ကာလ စစ်အစိုးရများလက်ထက် လူ့အခွင့်အရေး ချိုးဖောက်မှုများ အတွက် စုံစမ်းစစ်ဆေး မှုများပြုလုပ်၍ အမှန်တရား ဖော်ထုတ်ပေးရန်လည်း HRW က သမ္မတ ဦးသိန်း စိန်ကို တိုက်တွန်းထားသည်။

ဦးသိန်းစိန်သည် ဇူလိုင်လလယ်ပိုင်းက ဗြိတိန် နိုင်ငံသို့ သွားရောက်ခဲ့သေးသည်။

မြန်မာအစိုးရသည် ၂၀၁၀ ရွေးကောက်ပွဲနှင့်အတူ ပြုပြင်ပြောင်းလဲရေးများ စတင်လုပ်ဆောင်ခဲ့ချိန်မှ စတင်ပြီး နိုင်ငံ တကာ အသိုင်းအ၀ိုင်း၏ အသိအမှတ်ပြုခြင်းများ ဆက်တိုက် ရလာခဲ့သည်။ သို့သော် လူ့အခွင့် အရေး မှတ်တမ်းများအရ မြန်မာနိုင်ငံ သည် နိုင်ငံတကာ က စိုးရိမ်နေရဆဲ နိုင်ငံတခုအဖြစ် ဆက်လက် ရှိနေသည်ဟုလည်း အဆိုပါ သတင်းက ဆိုသည်။

လင်းသန့်|ဧရာဝတီ

ရာသီဥတုအပြောင်းအလဲနှင့် အကြမ်းဖက်မှုများမြင့်တက်မှု ဆက်နွယ်မှုရှိ

Posted by drmyochit Wednesday, August 07, 2013, under | No comments


ရာသီဥတု အပြောင်းအလဲများသည် ကမ္ဘာတလွှားတွင် အကြမ်းဖက်မှုများ မြင့်တက်လာခြင်းနှင့် ဆက်နွယ်နေကြောင်း ပညာရှင်များက ပြောကြားလိုက်သည်။ အမေရိကန် သုတေသီများသည် အပူချိန်၊ မိုးရေချိန် စသည်တို့တွင် အတန်ငယ်မျှ အပြောင်းအလဲလေးများ ရှိရုံမျှဖြင့် ဆူပူ အကြမ်းဖက်မှုများ မြင့်တက်လာမှုနှင့် ဆက်နွယ်နေစေနိုင်ကြောင်း ဖော်ထုတ် တွေ့ရှိခဲ့သည်။ အကြမ်းဖက်မှုဆိုသော အသုံးအနှုန်းအတွက် အကြမ်းဖက် တိုက်ခိုက်မှု၊ မုဒိမ်းမှု၊ လူသတ်မှုများမှ အစပြုကာ ပဋိပက္ခများနှင့် စစ်ပွဲများထိ ရည်ညွှန်းကြောင်း ပညာရှင်များက ဆိုသည်။

ရာသီဥတုတွင် အပြောင်းအလဲ သက်ရောက်မှုများသည် ကမ္ဘာ့တိုက်ကြီးများ အားလုံးတွင် အကြမ်းဖက်ခြင်းများကို မြင့်တက်စေသော ဆက်နွယ်မှုမျိုး ရှိနေကြောင်း ၎င်းတို့က Science ဂျာနယ်ပါ ဆောင်းပါးတွင် အခိုင်အမာ ဖော်ပြခဲ့သည်။ အမေရိကန်နိုင်ငံ၊ ဘာကလေရှိ ကယ်လီဖိုးနီးယား တက္ကသိုလ်မှ သုတေသီ တစ်ဦးဖြစ်သူ မာရှယ်လ်ဘာ့ခ်က "ကျွန်တော်တို့ အနေနဲ့ အချိန်ကာလ အကြာကြီး အတွင်းမှာ ကမ္ဘာပေါ်က အထင်ကရ တိုက်ကြီးတွေ အားလုံးက အပြောင်းအလဲတွေကို လေ့လာခဲ့ပါတယ်။ ရာသီဥတု အခြေအနေမှာ ပြောင်းလဲတာတွေ ဖြစ်လာတာနဲ့ အကြမ်းဖက်မှုတွေ မြင့်တက်လာတဲ့ကြားက ဆက်စပ်မှုဟာ အင်မတန် ကြီးမားတယ်လို့ ကျွန်တော်တို့ ကောက်ချက်ချနိုင်ခဲ့တယ်"ဟု ပြောကြားခဲ့သည်။

၎င်းတို့သည် ယခင်သုတေသန လုပ်ငန်း (၆၀)မျှ၏ နှစ်ပေါင်း(၁၀၀)အတွင်း ခြေရာခံထားသော ရလဒ်များကိုလည်း ပြန်လည်စုရုံး လေ့လာခဲ့သည်။ ဘာ့ခ်က အပူချိန် အပြောင်းအလဲများသည် လူမျိုးရေး စစ်ပွဲများ၊ ဥရောပတွင် ဆင်နွှဲသော စစ်ပွဲများနှင့် အာဖရိက နိုင်ငံများမှ ပြည်တွင်းစစ်များ ဖြစ်ပေါ်စေရန် သေးငယ်သော အစိတ်အပိုင်း တစ်ခု အနေဖြင့်မျှ ဖြစ်စေ၊ ကျိုးကြောင်း ဆက်စပ်နေကြောင်း ဆိုသည်။ သို့သော်လည်း ယင်းဆက်စပ်မှု၏ အကြောင်းရင်းကို တိတိကျကျ ဖြေရှင်းပြရန် ခက်ခဲနေဆဲဟု ဘာ့ခ်က ဝန်ခံခဲ့သည်။

"ကျွန်တော်တို့ ဂရုတစိုက် ချဉ်းကပ်ချင်ပါတယ်။ စစ်ပွဲတွေ၊ အကြမ်းဖက်မှုတွေဟာ ရာသီဥတု အပြောင်းအလဲဆိုတဲ့ အကြောင်းအရာ တစ်ခုတည်းကြောင့်တော့ ဖြစ်လာတာ မဟုတ်ပါဘူး။ ဒါပေမဲ့ သုတေသန ရလဒ်တွေကတော့ စိတ်ဝင်စားစရာပါပဲ"ဟု ၎င်းက ဆိုသည်။ ဘာ့ခ်က "ဘာကြောင့် ခုလို သက်ရောက်မှု ရှိသလဲဆိုတာ ကျွန်တော်တို့ အဖြေရှာနေဆဲပဲ။ ဖြစ်နိုင်ခြေ တချို့ကိုတော့ တွေးမိတယ်။ အဓိက အကြောင်းတရား တစ်ခုက စီးပွားရေးအပေါ် သက်ရောက်မှုပါ။ ရာသီဥတု အပြောင်းအလဲဟာ နိုင်ငံတွေရဲ့ စီးပွားရေး အခြေအနေကို သက်ရောက်မှု ရှိတယ်ဆိုတာ ကျွန်တော်တို့အားလုံး သိကြတယ်။ စီးပွားရေး အခြေအနေ အပြောင်းအလဲဟာ လူတွေရဲ့ ဆုံးဖြတ်ချက်ကို ထပ်ဆင့် သက်ရောက်တယ် ဆိုတာ သာဓကတွေ အများကြီးပဲ။ ဥပမာ ပြောရရင် ပုန်ကန်ထကြွတာမျိုး ဆိုပါတော့"ဟုလည်း မှတ်ချက်ပြုခဲ့သည်။

သုတေသီများသည် လက်ရှိ လေ့လာမှု ပရောဂျက်ကို ဆက်လက် လုပ်ဆောင်နေဆဲဖြစ်ပြီး အနာဂတ်ကာလတွင် ရာသီဥတု အပြောင်းအလဲ များပြားလာလေလေ၊ လူသားတို့၏ ခက်ထန်မှုကို ပိုမို ဆိုးရွားလာစေလေလေ ဖြစ်နိုင်ကြောင်း သုံးသပ်ထားသည်။ ၎င်းတို့က ကမ္ဘာ့အပူချိန် (၂)ဒီဂရီ ဆဲလ်ဆီးရပ်စ် မြင့်တက်လာတိုင်း လူတစ်ဦးချင်းစီအတွက် ဒုစရိုက်မှု တစ်ခုခု ကျူးလွန်ရန် ဖြစ်နိုင်ခြေကို (၁၅)ရာခိုင်နှုန်း မြင့်တက်လာစေပြီး အချို့ဒေသများတွင် (၅၀)ရာခိုင်နှုန်းထိ သက်ရောက်စေနိုင်ကြောင်း သတိပေးထားသည်။

From: Planet Myanmar Network

တမလွန်ရောက် ဇနီး၏အမည်ဖြင့် တန်ဖိုးနည်းဖုန်းပေါက်၍ ထုတ်သွားသူ ရာအိမ်မှူးအား အရေးယူပေးရန် တိုင်ကြား

Posted by drmyochit Wednesday, August 07, 2013, under | No comments



ငါးလကျော်က သေဆုံးခဲ့သော ဇနီး၏ အမည်ဖြင့် တန်ဖိုးနည်းဖုန်း ပေါက်၍ ထုတ်သွားခဲ့သော ရာအိမ်မှူး အား အရေးယူပေးရန် ရပ်ကွက်နေသူ တစ်ဦးက အင်းစိန်မြို့နယ် အုပ်ချုပ်ရေး မှူးထံသို့ တိုင်တန်းလိုက်သည်။

ရန်ကုန်တိုင်းဒေသကြီး အင်းစိန် မြို့နယ်၊ ပိန္နဲကုန်းရပ်ကွက်မှ ရပ်ကွက် အုပ်ချုပ်ရေးအဖွဲ့ဝင် ရာအိမ်မှူး တစ်ဦး ဖြစ်သူက ဇူလိုင် ၃ဝ ရက်တွင် ပိန္နဲ ကုန်းရပ်ကွက် တန်ဖိုးနည်းဖုန်း ရောင်း ချရေးကော်မတီမှ ပေါက်မဲအမှတ် ၇၄ ဖြင့် ထုတ်ယူသွားခဲ့ခြင်း ဖြစ်သည်ဟု တိုင်တန်းသူ ဦးဘိုဘိုတင်က ဆိုသည်။

”သေဆုံးသွားတဲ့သူ အမည်သုံးပြီး မမှန်မကန်လုပ်တဲ့အတွက် တိုင်တာ”ဟု ၄င်းက ပြောသည်။

အဆိုပါ ရာအိမ်မှူး၏ ဇနီးမှာ ၂ဝ၁၃ ခုနှစ် မတ်လ ၇ ရက်နေ့တွင် သေဆုံးပြီးဖြစ်ကြောင်း နာရေးကြော်ငြာ နှင့်တကွ ၄င်းက တိုင်တန်းခြင်းဖြစ် သည်ဟုဆိုသည်။

”ရာအိမ်မှူးက လုပ်ပိုင်ခွင့်ကို ဆန့် ကျင်ပြီး၊ လုပ်ပိုင်ခွင့်အာဏာကိုအလွဲသုံး စားလုပ်တယ်။ ဒါကို အရေးယူပေးဖို့လို တယ်”ဟု ဦးဘိုဘိုတင်က ဆက်ပြော သည်။

ပိန္နဲကုန်းရပ်ကွက် ရာအိမ်မှူးဖြစ် သူ ဦးသန်းဝင်းက ¤င်းအနေဖြင့် ထုတ် ယူခဲ့ကြောင်းဝန်ခံခဲ့ပြီး လုပ်ပိုင်ခွင့်ကို အလွဲသုံးစားလုပ်ခြင်း မဟုတ်ေ ကြာင်း ငြင်းဆိုခဲ့သည်။

”အခုသေဆုံးသွားတဲ့ ကျွန်တော့် ဇနီးက အိမ်ထောင်ဦးစီးဖြစ်တယ်။ သန်းခေါင်စာရင်းထဲမှာ ဖျက်လည်းမ ဖျက်ရသေးဘူး။ ဖုန်းကိုကျွန်တော် မလျှောက်ဘူး။ ကျွန်တော့်အိမ်က မသိ လို့ လျှောက်လိုက်တယ်။ မဲပေါက်တာ ကလည်း လူ ၈ဝဝ ကျော်ထဲမှာမှ မဲနှိုက် လိုက်လို့ ကံထူးပြီးပေါက် သွားတာ”ဟု ရာအိမ်မှူး ဦးသန်းဝင်းက ပြောသည်။

ထိုဖုန်းပေါက်စဉ် ယူသင့်၊ မယူ သင့်ကို ရပ်မိ၊ ရပ်ဖများက ဆုံးဖြတ်ပေး ၍ မိမိယူခြင်းဖြစ်ပြီး၊ မိမိတို့အိမ်ထောင် စုက တန်ဖိုးနည်းဖုန်း မဲပေါက် ခဲ့ခြင်းမှာ ယခုတစ်ခေါက်မှ ပထမဦးဆုံးအကြိမ် ဖြစ်သည်ဟု ၄င်းက ဆက်ပြောသည်။

”ကျွန်တော်တို့ ရပ်ကွက်အုပ်ချုပ် ရေးမှူးနဲ့အဖွဲ့ဝင်တွေကို ဖုန်းမလျှောက် ဖို့မှာထားပါတယ်။ ဒီအတိုင်းပဲ မလျှောက် ပါဘူး။ အခုဖုန်းကိုလည်း ပြန်လိုချင်ရင် ပြန်ယူနိုင်ပါတယ်”ဟု ဦးသန်းဝင်းက ထပ်လောင်းဆိုသည်။

မင်းသုအောင်၊ ရန်နိုင်

Popular Myanmar News Journal

ဂရန်အတုဖြင့် ငွေကျပ်သိန်း ၄၅၀၀ လိမ်လည်

Posted by drmyochit Wednesday, August 07, 2013, under | No comments

ဂရန်အတုဖြင့် ငွေကျပ်သိန်း ၄၅၀၀ လိမ်လည်ခဲ့သည်ဟုဆိုကာ သြဂုတ် ၄ ရက်က သုဝဏ္ဏရဲစခန်းတွင် အမှုတစ်ခု ရာက်တိုင်တန်းထားကြောင်း ရန်ကုန်တိုင်းရဲတပ်ဖွဲ့မှူးရုံးမှ သတင်းထုတ်ပြန်သည်။

ယင်းအမှုသည် လွန်ခဲ့သော နှစ်နှစ်ကျော်ကာလ ၂၀၁၁ ခုနှစ် မတ်လက အိမ်ဝယ်ရောင်းလုပ်ခဲ့သည်နှင့် ပတ်သက်၍ ဖြစ်ပွားခြင်းဟုလည်း ရဲမှတ်တမ်းများတွင် ဖော်ပြထားသည်။

ထိုစဉ်က ဒေါ်စန်းစန်းမြင့်ဆိုသူသည် သင်္ဃန်းကျွန်းမြို့နယ်၊ ၂၉ ရပ်ကွက်၊ စိန်ပန်းပြာလမ်းရှိ အိမ်တစ်လုံးကို ကျပ် သိန်းပေါင်း ၄၅၀၀ ဖြင့်ဝယ်ယူခဲ့ပြီး အိမ်ရှင်ဒေါ်စန်းစန်းနွယ်၊ ကိုဥက္ကာဇော်နိုင်နှင့် ကိုသူရိန်ဇော်ထံမှ နှစ် ၆၀ အိမ်ဂရန်ကို လက်ခံရယူခဲ့သည်ဟု အမှုဖွင့်ရာတွင် စွပ်စွဲတိုင်ကြားထားသည်။

ထို့နောက် ဒေါ်စန်းစန်းမြင့်သည် ၎င်းဝယ်ယူခဲ့သည့် မြေဂရမ်ကို မြို့တော်စည်ပင် မြေယာဌာနတွင် သွားရောက် စစ်ဆေးခဲ့ရာ အစစ်မဟုတ်ကြောင်း သိရှိခဲ့ရသည်ဟုလည်း တရားလိုက ရဲကိုထွက် ဆိုထား သည်။

ထို့ကြောင့် သူက အိမ်ဝယ်ရာတွင် ပေးချေခဲ့သော ငွေကျပ်သိန်း ၄၅၀၀ ကို ပြန်လည် တောင်းခံရာ ငွေ လက် ခံ သူတို့က အကြောင်းအမျိုးမျိုးပြပြီး ရွှေ့ဆိုင်းနေသလို ယခုနှစ် မေလနှောင်းပိုင်းတွင်လည်း ရှေ့နေမှ တစ်ဆင့် တောင်းခံခဲ့သော်လည်း ယခုအထိငွေများကို ပြန်မပေးသေးကြောင်း တရားလိုက ရဲကို ထွက်ဆို ရာတွင် စွပ်စွဲပြောဆိုသည်။

ယခုကိစ္စနှင့် ပတ်သက်၍ အိမ်ကိုဝယ်ယူမိခဲ့သူ ဒေါ်စန်းစန်းမြင့်က ဒေါ်စန်းစန်းနွယ် အပါအ၀င် လူသုံးဦးကို သုဝဏ္ဏ ရဲစခန်းတွင် စွပ်စွဲတိုင်တန်းသဖြင့် ရဲစခန်းကလည်း အမှုအမှတ်(ပ)၂၄၂/၂၀၁၃ဖြင့်အမှုဖွင့်ထားပြီး ၎င်းစွပ် စွဲ ခံရသူများကို ပြစ်မှုဆိုင်ရာ ဥပဒေ ပုဒ်မ ၄၂၀/၄၆၈ လိမ်လည်မှု၊ စာရွက်စာတမ်းအတု ပြုလုပ်မှု တို့ဖြင့် တရားစွဲဆိုမည်ဟု ရဲဌာနက ထုတ်ပြန်သည်။

Source : Mizzima

News Feed ပြောင်းလဲမှုနှင့် ပတ်သက်၍ Facebook ရှင်းလင်းမည်

Posted by drmyochit Wednesday, August 07, 2013, under | No comments


နာမည်ကျော် လူမှုကွန်ရက် ကုမ္ပဏီ Facebook က ၎င်း၏ ဝက်ဘ်ဆိုက်ရှိ News Feed များနှင့် ပတ်သက်သော ပြုပြင် ပြောင်းလဲမှုကို ကယ်လီဖိုးနီးယားတွင် ကျင်းပ ပြုလုပ်မည့် အခမ်းအနား တစ်ခု၌ မိတ်ဆက် ပြောကြားမည် ဖြစ်ကြောင်း သိရသည်။

EdgeRank ဟု ခေါ်ဆိုသည့် အဆိုပါ News Feed ranking စနစ်သည် အသုံးပြုသူများအား ၎င်းတို့နှင့် ရင်းနှီးကျွမ်းဝင်သည့် မိတ်ဆွေ အပေါင်းအသင်းများ၊ ပိုမို လူသိများသည့် post များ၊ Like, Share နှင့် Comment အကြိမ်များစွာ ပြုလုပ် ခံရသည့် post များနှင့် အသုံးပြုသူ တစ်ဦးချင်းအတွက် ပိုမိုအရေးပါ မည်ဟုထင်ရသည့် post များကို ဦးစားပေး ဖော်ပြသွားမည် ဖြစ်သည်။ ထို့အပြင် News Feed မှ post များကို အသုံးပြုသူ စိတ်ကြိုက် manual ဖျောက်ထားနိုင်မည့် option ကိုလည်း ထည့်သွင်းပေးထားကြောင်း သိရသည်။

၎င်းပြောင်းလဲမှုကို အသုံးပြုသူ အနည်းငယ်ဖြင့် စမ်းသပ် အသုံးပြုလျက်ရှိရာ Facebook အသုံးပြုသူများမှာ EdgeRank စနစ်ကြောင့် ယခင်ကထက် ၎င်းတို့ သူငယ်ချင်းများထံမှ post များကို ၅ ရာခိုင်နှုန်း မှ ၈ ရာခိုင်နှုန်း အထိ ပိုမိုထိတွေ့ သိရှိလာကြောင်း Facebook မှ ပြောကြားခဲ့သည်။

Ref: Telegraph
From: Internet Journal

ဘင်္ဂလားဒေ့ရ်ှမှ ရခိုင် မျိုးနွယ်စုဝင်များ ဘင်္ဂါလီ တိုက်ခိုက်မှုကြောင့် အိန္ဒိယနယ်စပ် ထွက်ပြေးဟုဆို

Posted by drmyochit Wednesday, August 07, 2013, under | No comments


မောင်တော၊ သြဂုတ် ၆

ဘင်္ဂလားဒေ့ရ်ှနိုင်ငံ စစ်တကောင်း တောင်တန်းဒေသ ခါ့ရ်ခရဆော်ရီ မြို့နယ်တွင် နေထိုင်သည့် ရခိုင် တိုင်းရင်းသား မျိုးနွယ်စုဝင်များ ဘင်္ဂါလီများ က တိုက်ခိုက်မှုကြောင့် ၁၅၀၀ ဦးခန့် အိန္ဒိယနိုင်ငံ နယ်စပ် ထရိပူရ ဒေသ များသို့ ထွက်ပြေး ခိုလှုံနေရကြောင်း ဘင်္ဂလားဒေ့ရ်ှနိုင်ငံ ဖလောင်းချိတ် မြို့နယ်ရှိ အာတီဗာသိ အဖွဲ့မှ အတွင်းရေးမှူး ဦးဦးထွန်းလှက The Voice သို့ ပြောကြားသည်။

ဘင်္ဂါလီ အမျိုးသား ဆိုင်ကယ် ကယ်ရီသမား တစ်ဦးကို ရခိုင် တိုင်းရင်းသား များက ပြန်ပေးဆွဲထားသည်ဟု ကောလာဟလ သတင်း ထွက်ပေါ်ပြီးနောက် သြဂုတ်လ ၃ ရက်နေ့မှ စတင်ကာ ရခိုင် တိုင်းရင်းသား မျိုးနွယ်စုဝင်များ ဖြစ် သည့် မရာမာ၊ သက်၊ ဒိုင်းနက် မျိုးနွယ်စုဝင် အချို့ သတ်ဖြတ်ခံရပြီး နေအိမ် များ မီးရှို့ခံခဲ့ရကြောင်း ၎င်းက ဆိုသည်။

ယင်းတိုက်ခိုက်မှုတွင် ကျေးရွာ ၃ ရွာခန့် မီးရှို့ ဖျက်ဆီးခံရပြီး အိမ်ခြေ ၆၀ ခန့် ပျက်စီးသွားကာ လူ ၁၅၀၀ ကျော် အိန္ဒိယနယ်စပ် ကျေးရွာများတွင် ထွက်ပြေး ခိုလှုံနေကြာင်း ဦးဦးထွန်းလှက ထပ်မံပြော ကြားသည်။

ခါ့ရ်ခရဆော်ရီ မြို့နယ်အတွင်း ကျန်နေသော ဌာနေ တိုင်းရင်းသား ကျေးရွာ များမှာလည်း ဆက်လက် မနေထိုင်ရဲသဖြင့် အိန္ဒိယနိုင်ငံတွင် ခိုလှုံ နေထိုင်ခွင့် တောင်းခံနေကြကြောင်း အာတီးဗာသိ (မွတ်ဆလင် မဟုတ်သော ဘင်္ဂလားဒေ့ရှ် နိုင်ငံတွင် နေထိုင်သည့် ဌာနေ တိုင်းရင်းသား များ အဖွဲ့) အဖွဲ့ထံမှ သိရှိရသည်။

တိုက်ခိုက်မှုများသည် သြဂုတ်လ ၃ ရက်နေ့မှ ၅ ရက်နေ့အထိ သုံးရက် ကြာ ဖြစ်ပွားခဲ့ကြောင်း ယင်းအဖွဲ့မှ သိရှိရသည်။

ဆိုင်ကယ် ကယ်ရီသမား ပြန်ပေးဆွဲခံရသည် ဆိုသည့်သတင်း မဟုတ်မှန်ဟု ဘင်္ဂလားဒေ့ရ်ှနိုင်ငံ သတင်း မီဒီယာများတွင် ဖော်ပြခဲ့ကြောင်း ဖလောင်းချိတ် မြို့တွင် နေထိုင်သူ ဦးနိုင်နိုင်မှ ဆိုသည်။

ယင်းတိုက်ခိုက်မှုများကို တားဆီးပေးရန် သြဂုတ်လ ၅ ရက်နေ့က ပျက်စီး ဆုံးရှုံးသွားသည့် နေအိမ်များ နှင့် ပျက်စီး ဆုံးရှုံးမှုများကို အစိုးရ က ဖြေရှင်းပေးရန်၊ ယခင် ဆုံးရှုံးထားသည့် လယ်ယာမြေများကို ပြန်ပေးရန် ဖလောင်းချိတ်မြို့တွင် ရခိုင် တိုင်းရင်းသားများ ဆန္ဒပြခဲ့ကြကြောင်း ဖလောင်းချိတ် ဒေသခံများက ပြောကြားသည်။

ခင်မောင်အေး
The Voice Weekly

မိန်းကလေး ဘ၀ကို ကူးပြောင်းခြင်း( ဖြတ်၊ ဖောက်၊ ချုပ်)

Posted by drmyochit Wednesday, August 07, 2013, under | No comments

သူ့နာမည်က PAT ပါ။ သူဟာ မကြာသေးခင်ကမှ မိန်းကလေး ဘ၀ကို ပြောင်းလဲခံယူခဲ့သူ လည်းဖြစ်ပါ တယ်။ မြန်မာပြည်မှာ အများ ခေါ်ကြတာတော့ ဖြတ်၊ ဖောက်၊ ချုပ် ပေါ့လေ။

 အလှဖန်တီးတဲ့ သူ့ရဲ့ ဆိုင်တွင်းမှာ သာမန်အချိန်တွေ့ရတဲ့ PAT၊ ဓာတ်ပုံ- အိမ့်သံစဉ်

ထိုင်းနိုင်ငံ၊ ချင်းမိုင်မြို့မှာ အလှဖန်တီးရှင်တဦးအနေနဲ့ ဆယ်နှစ်ကျော်ကြာ ဘ၀ကို ဖြတ်သန်းရင်း သူ့ ကိုယ်သူ မိန်းကလေး ဖြစ်ချင်လွန်းလို့ ငွေကြေး အကုန်အကျခံကာ လိင်အင်္ဂါ ခွဲစိပ် အသွင်ပြောင်းလိုက်တာ ပါတဲ့။

အသက် ၃၀ အရွယ် ထိုင်းလူမျိုး PAT က သူ့ရဲ့ လိင်အင်္ဂါ ခွဲစိပ်မှုကို ချင်းမိုင်မြို့မှာပဲ ထိုင်း ဘတ်ငွေ ၃ သိန်းကျော်၊ ၄ သိန်း နီးပါး ကုန်ကျခံခွဲစိပ်ခဲ့တာ မကြာသေးဘူးလို့ ဧရာဝတီကို ပြောပါတယ်။

“ဆရာဝန် ညွှန်ကြားချက်အရ လိင်ဆက်ဆံမှု ၆ လ ကြာ စောင့်ရမယ်လေ” လို့ PAT က ဆိုတယ်။

ခွဲစိပ်မှု လုပ်ပြီး ဆေးဝါးတွေ ဆက်လက်မှီဝဲနေရသေတယ်လို့ သူက ဆက်ပြောတယ်။ ခွဲစိပ်မှုအပြီး မိန်းကလေး ဘ၀ ဖြစ်သွားတဲ့ PAT က နေရ ထိုင်ရတာလည်း အဆင်ပြေပါတယ်တဲ့။ သူ့ ကျန်းမာရေး ကလည်း ကောင်းပါတယ်တဲ့။ အထူးသဖြင့် ကိုယ်ဖြစ်ချင်တာကို ဖြစ်လိုက်ရလို့ ဘ၀မှာ ယုံကြည်မှုကို ပိုရှိလာပြီး ကျေနပ်တယ်လို့ သူ က ပြောပါတယ်။


ထိုင်းနိုင်ငံရဲ့ ဆေးရုံတွေ က ၀န်ဆောင်မှု ကောင်းတာလည်း ယုံကြည်မှုကို အားကောင်းစေနိုင်ပါတယ်။

ထိုင်းနိုင်ငံက လိင်တူချစ်သူဆိုတာတွေက တကယ့် မိန်းကလေး အလား ထင်မှတ်မှားနိုင်ပါတယ်။ တချို့ လည်း ယောင်္ကျား ရင့်မာကြီးပုံစံတွေလည်း တွေ့ရပါတယ်။ သူတို့ဟာ မိန်းကလေးတွေထက် သူတို့ရဲ့ အသားအရေကို ပိုဂရုစိုက်ပါတယ်။

ထိုင်းနိုင်ငံက လိင်တူ ချစ်သူဆိုတာတွေဟာ ထူးထူးခြားခြား ခွဲခြား ဆက်ဆံတာမျိုး မခံရဘဲ သူတို့ ရုပ်ရှင် ကားတိုင်းလိုလိုမှာ အမြဲ လိုလို ပါဝင် တတ်တာလည်း တခု အပါအ၀င်ပါဘဲ။ အများသူငါကလည်း သာမန်လိုပဲ သူတို့ ကို ဆက်ဆံကြတာ သတိထားမိပါတယ်။ အလုပ်ခွင်တွေမှာလည်း တန်းတူ အခွင့်အရေး ရကြပါ တယ်။

ပြောရရင် ထိုင်းနိုင်ငံဟာ လိင်တူချစ်သူ အများဆုံး နိုင်ငံတွေထဲက တခုလို့ ပြောရမလားပါဘဲ။ အမျိုးသား ချင်း၊ အမျိုးသမီး ချင်း လိင်တူချစ်သူ အလွန်များတယ်လို့ ဆိုရပါမယ်။

ကျမရဲ့ ထိုင်းမိတ်ဆွေ အမျိုးသမီး တယောက်က ပြောတာက စိတ်ဝင် စားစရာပါ။ ထိုင်းနိုင်ငံမှာ မိန်းမလျှာ
ဖြစ်သွားသူတွေလည်း များ၊ ယောင်္ကျားလျှာဖြစ်သွားသူတွေလည်း များလာတာတွေ ကြောင့် ထိုင်း အမျိုးသမီးတွေမှာ ခင်ပွန်း ရှားလာတယ်လို့ သူက ပြောတယ်။

ဒီကြားထဲ အမျိုးသမီးတွေ လုပ်ကြတဲ့ လေယာဉ်မယ်၊ ကား မယ်စတဲ့ နေရာတွေမှာ လည်း မိန်းမလျှာတွေ က နေရာဝင်ယူသွားတော့ အမျိုးသမီးတွေ အတွက် အလုပ်ခွင် နေရာ လျော့ ပါတယ်တဲ့။

မနှစ်ကဆို ဒေါ်လာဘီလျံနဲ့ချီပြီး ချမ်းသာတဲ့ သူဌေးကြီးတဦးက ထိုင်းနိုင်ငံက မိန်းမလျှာ တဦးကို ဒေါ်လာ သန်းချီ တင် တောင်းပြီး ခမ်းနားတဲ့ မင်္ဂလာပွဲတောင် ကျင်းပခဲ့တာမျိုးတောင် ရှိခဲ့တယ်။

မြန်မာနိုင်ငံက လိင်တူချစ်သူတွေထဲက တချို့လည်း ဖြတ်၊ ဖောက်၊ ချုပ် လုပ်ထားကြတဲ့ သတင်းတွေ ကြားနေရပါတယ်။ တချို့လည်း နိုင်ငံခြားထွက်ပြီး လုပ်ကြသလို တချို့လည်း ပြည်တွင်းမှာပဲ လက်တည့် စမ်းလိုက်လို့ မလိုလား အပ်တဲ့ ဖြစ်စဉ် တွေ ဖြစ်ပြီး အသက်ဆုံးပါး သွားရတာမျိုးတောင် ရှိတယ်လို့ ဆိုကြတယ်။

ဖြတ်၊ ဖောက်၊ ချုပ် လုပ်လိုက်တဲ့သူတွေအတွက် မှတ်ပုံတင်မှာ ဘယ်လို ပြောင်းလဲ ဖြည့်စွက်ရမလဲ ဆို တာတော့ မြန်မာ ပြည်မှာ သေချာ မရှင်းလင်းသေးပါဘူး။

ဒီအပြင် မြန်မာပြည်က လိင်တူ ချစ်သူ ဆို တာတွေမှာ ခွဲခြား ဆက်ဆံခံရတာတွေ ရှိနေသေးပြီး တလောက မန္တလေးဘက် မှာ လိင်တူချစ်သူတချို့ ကျုံးဘေးနားမှာ သောင်းကျန်းတယ်ဆိုတဲ့ စွပ်စွဲ ချက်နဲ့ ဖမ်းဆီး နှိမ် ချ အပြစ်ပေးတာခံကြရတယ်လို့ သတင်းပေါ်ထွက်ခဲ့ပါတယ်။


အိမ့်သံစဉ် ~
ဧရာဝတီ

အဓမ္မပြုကျင့်မီးရှို့သတ်ခံရတဲ့ ၁၁နှစ်အရွယ် ကလေးသေဆုံး

Posted by drmyochit Wednesday, August 07, 2013, under | No comments

အိန္ဒိယနိုင်ငံက ​အဓမ္မကျင့်ခံရပြီး ​မီးရှို့သတ်ခံရတဲ့ ​အသက် ​၁၁နှစ်အရွယ် ​ကလေးမလေးဟာ ​တနင်္ဂနွေနေ့ က ​ဆေးရုံမှာ ​ဆုံးသွားခဲ့တယ်လို့ ​သိရပါတယ်။
အသက် ​၁၁နှစ်အရွယ်ကလေးမလေးကို ​အဓမ္မပြုကျင့်ခဲ့တဲ့အမျိုးသားဟာ ​ကလေးမလေးက ​ဖော်ထုတ် မှာကို ​စိုးရိမ်တဲ့အတွက် ​ကလေးမလေးကို ​မီးနဲ့ရှို့ခဲ့တာဖြစ်ပါတယ်။ ​မီးရှို့ခံရတဲ့ ​ကလေးမလေးဟာ ​အစိုး ရဆေးရုံကို ​ပို့ခဲ့ပေမယ့် ​ဆေးရုံမှာပဲ ​သေဆုံးခဲ့ပါတယ်။

ရဲတွေက ​ဒေသခံ ​အမျိုးသားတဦးကို ​ဖမ်းဆီးခဲ့ပြီး ​စစ်ဆေးမှုတွေပြုလုပ်နေပါတယ်။ ​ကလေးမလေးရဲ့ ​မိဘတွေ ကတော့ ​သူတို့ရဲ့ ​သမီးကို ​အဓမ္မကျင့် ​သတ်ပစ်တဲ့သူ ​ဘယ်သူမဆို ​သေဒဏ်အပစ်ပေးပို့ ​တောင်းဆိုနေ ပါတယ်။

From: ABC Radio Australia

အင်းစိန်တွင် အမျိုးသမီးတစ်ဦး အဆိပ်သောက်ပြီး နှစ်ရက် အကြာတွင် သေဆုံး

Posted by drmyochit Wednesday, August 07, 2013, under | No comments


ရန်ကုန်တိုင်းဒေသကြီး အင်းစိန်မြို့နယ်တွင် သြဂုတ်လ ၂ ရက်နေ့က အဆိပ်သောက်ခဲ့သူ အသက် ၄၃ နှစ်အရွယ် အမျိုးသမီး တစ်ဦးသည် အင်းစိန် ဆေးရုံတွင် ဆေးကုသမှု ခံယူနေစဉ် သြဂုတ်လ ၄ ရက်နေ့ နံနက် ၅ နာရီ မိနစ် ၄၀ တွင် သေဆုံးခဲ့ကြောင်း ရန်ကုန်တိုင်းဒေသကြီး ရဲတပ်ဖွဲ့မှူး ရုံးထံမှ စုံစမ်း သိရှိရသည်။

အင်းစိန်မြို့နယ် နံ့သာကုန်းရပ်ကွက် ဓမ္မာရုံလမ်းတွင် နေထိုင်သူ ဒေါ်နန်းခင်မာချိုသည် သြဂုတ်လ ၂ ရက်နေ့ ညနေ ၄ နာရီခန့်က ၎င်း၏ နေအိမ်တွင် Gram-Pxone တံဆိပ် ပေါင်းသတ် ဆေးရည်ကို သောက်ခဲ့သဖြင့် အင်းစိန် ပြည်သူ့ဆေးရုံတွင် အတွင်းလူနာအဖြစ် နှစ်ရက်ကြာ ကုသနေစဉ် သေဆုံးခဲ့ကြောင်း ရပ်ကွက် အုပ်ချုပ်ရေး အဖွဲ့ဝင် တစ်ဦးက ပြောကြားသည်။
“အမျိုးသမီးကို ပထမ ဆေးမှားသောက်တယ်လို့ စသိတာ။ ဒီနေ့မှ အဆိပ်သောက်တယ်လို့ သိရတာ” ဟု ၎င်းက ထပ်မံ ပြောကြားသည်။

အဆိပ်သောက် သေဆုံးသူ အမျိုးသမီးသည် ရပ်ကွက်တွင်းရှိ ဈေးတွင် ကွမ်းရွက်များ ရောင်းချပြီး ၎င်းတွင် သားသမီး သုံးဦး ကျန်ရှိကြောင်း ဓမ္မာရုံလမ်းတွင် နေထိုင်သူ တစ်ဦးထံမှ စုံစမ်း သိရှိရသည်။

၎င်းးမှာ စီးပွားရေး အဆင်မပြေသဖြင့် အဆိပ်သောက် သေဆုံးခဲ့ကြောင်း သေဆုံးသူ၏ မိသားစုဝင် များ၏ ပြောကြားချက်ကို ကိုးကား၍ အင်းစိန်မြို့နယ် ရဲစခန်းမှ တာဝန်ကျ ရဲအရာရှိက ပြောကြားသည်။

အဆိုပါ သေဆုံးမှုကို သေမှုသေခင်း အမှတ် ၄၉/၂၀၁၃ ဖြင့် အမှုဖွင့် စစ်ဆေးလျက်ရှိကြောင်း အင်းစိန်မြို့နယ် ရဲစခန်းထံမှ စုံစမ်း သိရှိရသည်။

From : ..the voice

ပုသိမ် ကန်သာယာဥယျာဉ် အနီး ပြည့်တန်ဆာများ ဖမ်း

Posted by drmyochit Wednesday, August 07, 2013, under | No comments


ဧရာဝတီတိုင်းဒေသကြီး ပုသိမ်မြို့၏ အထင်ကရ နေရာ တစ်ခုဖြစ်သော ကန်သာယာ ပန်းဥယျာဉ် (ကန် သုံး ဆင့်) အနီး လှည့်လည် သွားလာနေသည့် ပြည့်တန်ဆာများကို သြဂုတ်လ ၁ ရက်နေ့က ဖမ်းဆီး ခဲ့ကြောင်း အမှတ် (၂) ရဲတပ်ဖွဲ့ စခန်းထံမှ သိရသည်။

အဆိုပါ ဥယျာဉ်အနီး သွားလာနေသည့် ပြည့်တန်ဆာများကို ယင်းနေ့ မွန်းလွဲ ၃ နာရီခန့်က မိတ္တူကူး ယူထား သည့် ငွေစက္ကူကို အသုံးပြုစေသည့် အသွင်ယူ သက်သေနှစ်ဦး စေလွှတ်၍ ဖမ်းဆီးခဲ့ရာ ယင်း လုပ်ငန်း လုပ်ကိုင်သူ အမျိုးသမီး နှစ်ဦးကို ဖမ်းဆီး ရမိသည့်အတွက် (ပ) ၁၁၄/၂၀၁၃ နှင့် (ပ) ၁၁၅/၂၀၁၃ ပြည့် တန်ဆာ နှိပ်ကွပ်ရေး အက်ဥပဒေ ပုဒ်မ ၃ (က) (ခ) ဖြင့် အမှုဖွင့်ထားကြောင်း ယင်းရဲတပ်ဖွဲ့ စခန်းမှူး ရဲအုပ် စိန်လင်းက ပြောဆိုသည်။

ပြည့်တန်ဆာ ဖမ်းဆီးမှုများမှာ တစ်နိုင်ငံလုံး စာရင်းများအရ ၂၀၁၁ ခုနှစ်က ၁၉၅၆ မှု၊ ၂၀၁၂ ခုနှစ် တွင် ၃၂၂၆ မှုနှင့် ၂၀၁၃ ခုနှစ် မေလအထိ ၆၄၀ မှု ရှိကြောင်း မြန်မာနိုင်ငံ ရဲတပ်ဖွဲ့ထံမှ သိရသည်။

From : ..the voice

ဒီလအတွက် ၇ ရက်သားသမီး ကံကြမ္မာဟောစာတမ်း

Posted by drmyochit Wednesday, August 07, 2013, under | No comments



တနင်္ဂနွေသားသမီးများအတွက်

ဤလအတွင်း စိန်ထည်ပစ္စည်းများ စက်ပစ္စည်းများ ၀င်လိမ့်မည်။ လုပ်ငန်းသစ်လုပ်ရန် အကြံ အစည် ကောင်း များ အဆက် အဆက်သွယ် ကောင်းများ ပေါ်လာလိမ့်မည်။ သို့သော် ဤကာလအတွင်း ပစ္စည်များ ကို ထုခွဲရောင်းချ၍ လုပ်ငန်းအသစ် ကြီးကြီးမားမား စရန် မကောင်းသေးပါ။

ဤကာလအတွင်း ထီမထိုးသင့်ပါ။ ထီပေါက်လျှင် မိသားစုအတွင်း ကျန်းမာရေး ဆိုးဆိုးဝါးဝါး ညံ့သွား တတ် သည်။ မသွားချင်သော ခရီးများ စိတ်ညစ်စရာခရီးများ သွားရတတ်သည်။ အထက်လူကြီး ဆွေမျိုး အကြီး အကဲ တို့က မိမိအပေါ် အထင်လွဲတတ်သည်။ သားသမီးများ ကျန်းမာရေး ညံ့တတ်သည်။ ရွှေထွက် မည်။ ခြေ၊ လက်၊ မျက်ခြင်း၊ ခါးနားခြင်းများ ဖြစ်တတ်သည်။ စပ်တူရှယ်ယာလုပ်ငန်းများ ပေါ်လာလိမ့်မည်။ လုပ်လျှင် အောင်မြင်မည်။

အထူးသတိပြုရန် ငွေလူလိမ်ခံရမည်။ ခင်မင်သူ ချစ်သူကြောင့် ဒုက္ခတွေ့ တတ်သည်။ မိတ်ဆွေ အပေါင်း အသင်း များနှင့် မမျှော်လင့်ဘဲ လမ်းခွဲရ တတ်သည်။ သားသမီးရှိက အိမ်မှ ထွက်သွားလိမ့်မည်။ ဒီကာလမှာ ကိုယ်ဝန် ဆောင် မိန်းမတွေ အထူးသတိပြုပါ။ မွေးလျှင် အခက်အခဲတွေ့နိုင်သည်။ သူ့သဘော သူဆောင် ရလာသောငွေနှင့် လိုက်လျောညီထွေဖြစ်အောင် နေပါ။ ဘာမှလုပ်စရာ မရှိပါက ထိုင်နေပါ။ ဥာဏ်ကို ဥာဏ်သုံး လုပ်မှ ဒုက္ခတွေ့ တတ်သည်။ အမှု မဖြေရှင်းရပါ။ တတ်နိုင်သလောက် အချိန်ဆွဲပါ။ မဖြစ်မနေ ပြဿနာ မှုတွေ ရှင်းရမယ်ဆိုလျှင် အရှုံးပေးလိုက်ပါ။ ငွေဝင်လာလျှင် မြေ၀ယ် ထားပါ။ အိမ်ကြီးကြီး ကျယ်ကျယ် မဆောက်ပါနှင့်။

ဤကာအတွင်း ကောင်းကျိုးချမ်းသားများ ပိုမိုရရှိလာစေရန်နှင့် အညံ့ အခိုက် များ သက်သာပြေ ပျောက်စေ ရန် အောက်ပါ ယတြာများကို ဂရုစိုက်ပြု လုပ်ပါလေ။

အိမ်ကဘုရားတွင် ကောဖီ (၁)ခွက်နှင့် ကိတ်မုန့်(၁) ချပ် ကပ်လှူလိုက်ပါ။

~~~~~~~~~~~~~~~~~~~~~~~~~~~~~~~~~~~~~~~~

တနင်္လာသား သမီးများအတွက်

ဤလအတွင်း၌ သင်သည် အဘက်ဘက်မှာ စိတ်ချမ်းသာစရာများ ကြုံတွေ့လာရလိမ့်မည်။ ယခုကာ လတွင် အိမ်ထောင်ပြုပါက တည်မြဲသော အိမ်ထောင်မဖြစ်နိုင်၊ အိမ်ထောင်ပြုလျှင် သားသမီး ပါလာ တတ်သည်။

လုပ်ငန်းသစ်များ စတင်ရတတ်သည်။ ထိုလုပ်ငန်းများသည်လည်း လွန်စွာကျိုးပေး အောင်မြင်မည်။ အလှူ အတန်းပြု ရခြင်း၊ မင်္ဂလာပွဲများ စီစဉ်ပေးရခြင်းများ ပြုလုပ်ရတတ်သည်။ အလုပ်နေရာ အိမ်နေရာ ပြောင်းရွှေ့ ရတတ်သည်။ ရွှေဝင်မည်။ ရတနာပစ္စည်းများ ၀င်မည်။ ဘုရားဆင်းတုတော်၊ ပုံတော်များ ကြွလာ မည်။ သင့်အတွက် အလွန်ကောင်းသောနိမိတ် ဖြစ်ပါသည် ဤကာလအတွင်း၌ စီးပွား အလွန်ကောင်း သကဲ့သို့ ကိုယ်ကျင့်တရား အထူးအရေးကြီးသော အချိန်ဖြစ်ပါသည်။

အမှုအခင်း ဖြစ်နေသူကို ငွေမချေးပါနှင့်၊ အာမခံ မလိုက်ပါနှင့်၊ သတိပြု၍ ရှောင်ကြဉ်ပါ။ ပတ္တမြား မြ ထွက် တတ် သည်။ အထူးသတိပြုရန် အိမ်ထောင်ရှိသူဆိုလျှင် အိမ်ထောင်ဘက်နှင့် အဆင်မပြေ ကြီးစွာဖြစ် တတ် သည်။ သွပ်၊ သံ၊ သစ်တစ်ပတ်ရစ် ပစ္စည်းလက်မခံပါနှင့်၊ အောက်လက်ငယ်သား ဒုက္ခပေးတတ်သည်။ နာရေး ကိစ္စကို အကြောင်းပြ၍ ခရီးသွားရတတ်သည်။ ဆရာသမားကဲသို့သော ပုဂ္ဂိုလ်များနှင့် အဆင်မပြေ ဖြစ် မည်။ လုပ်ဖော်ကိုင်လက်များ မိတ်ဆွေများနှင့် အဆင်မပြေ လမ်းခွဲ ရတတ်သည်။ ယခုကာလတွင် အိမ်ဆောက် လျှင် မကောင်းပါ။ အစားမှား ဆေးမှားဖြစ်ခြင်း သွားဒုက္ခပေး ခြင်းများ ကြုံရမည်။ မြေကိစ္စ အမွေနှစ် ကိစ္စများကြုံရတတ်သည်။

ငွေရှာရ လွယ်ကူပေမယ့် စုဆောင်း၍ မရ၊။ ငွေဝင်လျှင် ကိုင်မထားရ၊ ရွှေဝယ်ထားပါ။ ဤကာလတွင် ကိုယ်စိတ်နှုတ်သုံးပါးကို မဖောက်မပြန် တည်တည် ကြည်ကြည် ထ်ိန်းသိမ်းနိုင်သူတွေ တန်ဖိုးကြီးမားသော ဘ၀သို့ ရောက်နိုင်သည်။ မထိန်းသိမ်းနိုင်သူ အဖို့ ရေနှင့်ထိသော ရွှံ့နွံဘ၀ ရောက်နိုင်သည်။

ဤကာလအတွင်း ကောင်းကျိုးချမ်းသာများ ပိုမိုရရှိလာစေရန်နှင့် အညံ့အခိုက်များ၊ သက်သာပြေပျောက် စေ ရန် အောက်ပါယတြာ များကို ဂရုစိုက်ပြုလုပ်ပါလေ။

ယပ်ဖြူ သက်စေ့လှူပါ။ ဘုရားရင်ဘတ်တော် ရွှေချပါ၊ ရေသက်စေ့ကပ်လှူပါ။

~~~~~~~~~~~~~~~~~~~~~~~~~~~~~~~~~~~~~~~~

အင်္ဂါသားသမီးများအတွက်
ယခုလသည် မိဘကို ကောင်းစွာပြုစုစောင့်ရှောက်နိုင်မည့်အချိန် ဖြစ်သည်။ စီးပွားသိသိသာသာ တက်မည်။ သိကြားမ လိုက်သကဲ့သို့ လက်ရှိအခြေအနေထက် များစွာမြင့်တက်သွားလိမ့်မည်။ လုပ်ငန်းများ သိသိသာသာ အောင်မြင်မူရမည်။ လုပ်ငန်သစ်များ စတင်ပြု လုပ်နိုင်သော ကာလ၊ လုပ်ငန်းဟောင်းများ ပြန်ပေါ်တတ်သည်။

ဘုရားဖူးခရီးများ စိတ်ချမ်းသာစရာခရီးများ ပြည်တွင်းပြည်ပခရီးများ သွားတတ်သည်။ ၀န်ထမ်းဖြစ်လျှင် ရာထူးတက်ခြင်း အခြေအနေ အဆင့်အတန်း မြင့်တက်ခြင်းများကြုံမည်။ သင်တန်းတစ်ခု တက်ရခြင်း ပညာကောင်း ရခြင်းများ ကြုံမည်။ မိတ်ဆွေကောင်း ဆရာကောင်များ တွေ့မည်။ အဖိုးတန်စက်ပစ္စည်များဝင်မည်။ မြေကိစ္စ၊ အမွေကိစ္စများ အဆင်ပြေမည်။ ငွေရှာရလွယ်ခြင်း ငွေအ၀င်အထွက် ကြမ်းခြင်းများ ကြုံလိမ့်မည်။ ရပ်ဝေးမှစာများ အဆက်အသွယ်များ ရလာမည်။ ရန်များခြင်း စကားများဖြေရှင်းရခြင်း ရင်နှီးသူများ လုပ်ဖော်ကိုင်ဘက်များနှင့် အဆင်မပြေလမ်းခွဲရခြင်းများ ကြုံမည်။

အထူးသတိပြုရန် - အလုပ်တွင် အတိုက်အခံ အနည်းငယ်ကြုံရတတ်သည်။ အမှုအခင်း ရုံပြင်ကန္နားနှင့် ပတ်သက်ရတတ်သည်။ စိုးရိမ်စရာ မရှိပါ။ အကြီးအကဲ ကောင်းရနိုင်၏။ အိမ်ထောင်ရှိသူဆိုလျှင် အိမ်ထောင်ဖက် စိတ်ညစ်ရတတ်သည်။ ဆွေမျိုးသားချင်းများ ကျန်းမာရေး အသည်းအသန် ဖြစ်တတ်သည်။ လာမည့် မွေးလ မွေးရက်အထိ အသုဘပို့ခြင်း မပြုပါနှင့် အထူးသတိပြုပါ။ နှလုံးနှင့် ပတ်သက်၍ ကျန်းမာရေးညံ့ခြင်း။ လေနှင့် ပတ်သက်၍ ကျန်းမာရေးညံ့ခြင်း ဒူး နား ဒုက္ခပေးခြင်းများ ကြုံရတတ်သည်။

စပ်တူရှယ်ယာလုပ်ငန်းများ ပေါ်လိမ့်မည်။ လုပ်လျှင်အောင်မြင်မည်။ ကိုယ်ပိုင်လုပ်ငန်းဖြစ်စေ၊ ၀န်ထမ်းဖြစ်စေ ကြီးပွားတိုးတက်အောင်မြင်မည့်ကလာ ဖြစ်ပါသည်။

ဤကာလအတွင်း ကောင်းကျိုးချမ်းသာများ ပိုမိုရရှိလာစေရန်နှင့် အညံ့အခိုက်များ သက်သာပြေပျောက်စေရန် အောက်ပါ ယတြာများ ကို ဂရုစိုက်ပြုလုပ်ပါလေ။

ဘုရားဖူးခရီးသွားပါ၊ ခရီးစရိတ်ပြတ်နေသူကို ငွေလှူပါ၊ မွေးနေ့တိုင်း အိပ်ရာရွှေ့ ပြောင်း၍အိပ်ပါ။

~~~~~~~~~~~~~~~~~~~~~~~~~~~~~~~~~~~~~~~~

ဗုဒ္ဓဟူးသားသမီးများအတွက်

အလုပ်နေရာ၊ အိမ်နေရာ ပြင်ဆင်မွမ်းမံရခြင်း ပြောင်းရွှေ့ရခြင်း လုပ်ရတတ်သည်။ အိမ်သစ်ဆောက်လျှင် ကောင်းအချိန် ဖြစ်သည်။ လုပ်ငန်းအသစ်ပေါ်ခြင်း (သို့မဟုတ်) လက်ရှိအလုပ်နှင့် ပတ်သက်၍ အဆက်အသွယ်သစ်များ။ ပေါ်လာလိမ့်မည်။ လုပ်ငန်းနှင့် ပတ်သက်၍ နာမည်ကောင်းရခြင်း နေရာကောင်းရခြင်း၊ လုပ်ငန်းတိုးချဲ့ရခြင်းများ လုပ်ရတတ်သည်။

အိမ်ထောင်မရှိသူများ အိမ်ထောင်ကျတတ်သော ကာလဖြစ်သည်။ ဇာတာရှင်သည် ယောက်ျားဖြစ်ပါက အိမ်ထောက်ကျလျှင် ကောင်းပါသည်။ မင်္ဂလာဆောင်လျှင် စည်ကားသော မင်္ဂလာဆောင်ဖြစ်မည်။ အိမ်ထောင် ပရိဘောဂ အိမ်သုံးပစ္စည်း ၀င်တတ်သည်။ သူခိုး၊ မျက်စေ့ အကျခံရတတ်သော ကာလဖြစ်၍ သူခိုး အခိုးခံရတတ်ကြောင်း သတိပြုပါလေ။

ခရီးအကျိုးပေးသော ကာလဖြစ်ပါသည်။ ဘုရားဖူးခရီး သွားရတတ်သည်။ ကွဲကွာနေသော ဆွေမျိုးသားချင်းများနှင့် ပြန်ဆုံမည်။ ရပ်ဝေးမှ ဆွေမျိုးသားချင်းများ ရောက်လာတတ်သည်။ အိမ်သို့ အတောင်ပါသော သတ္တ၀ါများ ၀င်လာတတ်သည်။ ၀င်လျှင် နိမိတ်ကောင်းသည်။ သွပ် သံ သစ် စသော သောကြာနံပစ္စည်းများ ၀င်လာတတ်သည်။

အထူးသတိပြုရန် - မိတ်ဆွေရင်း လုပ်ဖော်ကိုင်ဘက်တို့က ဒုက္ခပေးတတ်သည်။ မြေကို အကြောင်းပြု၍ စိတ်ညစ်ရတတ်သည်။ မြေအ ၀င်မခံရပါ။ မြေ၀င်လျှင် ကြာသပတေးနံ ထုတ်ပစ်ပါ။ ပညာရေးနှင့် ပတ်သက်သောပစ္စည်း လှူဒါန်းပါ။ ရွှေနှင့် အဖိုးတန် ရတနာပစ္စည်းများ ၀င်လာမည် ဘုရားဆင်းတုတော် စွယ်တော် ရဟန္တာပုံတော်များ ကြွလာတတ်သည်။

လက်ဝတ်ရတနာများ ကျောက်ပြုတ်ထွက်ခြင်း ပျောက်ခြင်း၊ ဖြစ်တတ်သည်။ အလုပ်တွင် အတိုက်အခံ အပြိုင်အဆိုင် ကြီးစွာကြုံမည်။ အတိုက်အခံမှန်သမျှ အနိုင်ရမည်။ မိသားစု အကြီးအကဲ လုပ်ငန်းအကြီး အကဲ တို့ကြောင့် စိတ်ညစ်ရတတ်သည်။ အထူးသဖြင့် ဖခင် ကျန်းမာရေး ညံ့တတ်သည်။ ထီပေါက်သကဲ့သို့ ငွေများ ၀င်တတ်သည်။

ဤကာလအတွင်း ကောင်းကျိုးချမ်းသာများ ပိုမိုရရှိလာစေရန်နှင့် အညံ့အခိုက်များ သက်သာပြေပျောက်စေရန် အောက် ပါယတြာများကို ဂရုစိုက်ပြုလုပ်ပါလေ။

အုန်းထမင်း၊ အုန်းနို့နှင့်ချက်ထား သော ဘဲသားဟင်းကို ဘုန်းကြီးလှူပါ၊ တံခွန်းကုက္ကား မလေးပွား ဂြိုလ်တိုင်သက်စေ့လှူပါ။

~~~~~~~~~~~~~~~~~~~~~~~~~~~~~~~~~~~~~~~~
ကြာသပတေးသားသမီးများအတွက်

အလှူအတန်းကိစ္စများ မုချလုပ်ရမည်။ ငွေအစုလိုက် အပုံလိုက် ၀င်လာလိမ့်မည်။ မိမိ၏ အလုပ်မှ လည်း ကောင်း၊ ထီပေါက်၍လည်းကောင်း ၀င်လာတတ်သည်။ ဤကာလမျိုး၌ သာမန်အခြေအနေမျိုးမှနေ၍ စီးပွား အရှိန်အဟုန် နှင့်တက်ကာ လက်ရှိအခြေအနေထက် အဆပေါင်းများ စီးပွားတက်လိမ့်မည်။ မိမိလုပ် ငန်းများကို အင်နှင့် အားနှင့် တိုးချဲ့လုပ်ကိုင်သင့်သော်လည်း ဖြတ်လမ်းမလိုက်ရန် သတိပေးလိုပါသည်။

မိမိအား ပြဿနာလုပ်နေသူများ ရှိလျှင် အဆင်ပြေသွားမည်။ မသင့်မြတ်သူများနှင့် ပြန်လည် သင့်မြတ် သွား မည်။ အဖိုးတန်ကျောက် မျက်ရတနာများ ၀င်မည်။

အိမ်ထောင်ရှင်များ အိမ်ထောင်ရေးအတွက် သောကရောက်ရသော ကာလဖြစ်သည်။ အထက်လူကြီး၊ မိသားစု ကြီးကဲသူများကြောင့် စိတ်ညစ်ရမည်။ အတူနေမိသားစုထဲမှ အကြီးအကဲ အဘိုး အဘွားများ အရေးဖြစ် တတ်သည်။ လူမျိုးခြား၊ နိုင်ငံခြားနှင့် ပတ်သက်သော ကိစ္စများ အကျိုးပေး အောင်မြင်မည်။ ခရီးများ မကြာ ခဏ ထွက်ရတတ်သည်။ ထိုခရီးများသည်လည်း အကျိုးပေး အောင်မြင်လိမ့်မည်။ ၀န်ထမ်း ဆိုလျှင် ရာထူးတက်ခြင်းအခြေအနေ မြင့်တတ်ခြင်း ကြုံရလိမ့်မည်။

ပညာရေးကိစ္စများ သင်တန်းကိစ္စများကို အကြောင်းပြု၍ စိတ်ညစ်ရတတ်သည်။ ရွှေထွက်ခြင်း၊ ရွှေအတွက် ပြောဆိုဖြေရှင်းရခြင်းများ ကြုံရတတ်သည်။ အင်္ဂါနံ စိန်၊ စက်ပစ္စည်း ထွက်တတ်သည်။ ရွှေထည်ဝယ်လျှင် အသစ်များသာ ၀ယ်သင့်သည် အပျက် အဟောင်း မ၀ယ်သင့်ပါ။

အထူးသတိပြုရန် - အောက်လက်ငယ်သား သားသမီး ထွက်သွားခြင်း၊ ၎င်းတို့အတွက် သောကရောက်ရခြင်းများ ကြုံ ရတတ်သည်။ ဆီးရောဂါ၊ မျက်စိရောဂါများ ဒုက္ခပေးခြင်း၊ အစားမှားခြင်း၊ ဆေးမှားခြင်းများ ကြုံရတတ်သည်။ စာရွက်စာတမ်း စာချုပ်ကိစ္စ များအတွက်စိတ်ညစ်ရခြင်း၊ ပစ်စာ တိုင်စာ ရောက်ခြင်းများ ကြုံရတတ်သည်။ ဆွေမျိုးသားချင်းများကို ကောင်းစွာ အကူအညီ ပေးနိုင်လိမ့် မည်။ လက်ရှိအလုပ်အကိုင်ကို စိတ်မ၀င်စားခြင်း၊ အလုပ်ပြောင်းလိုစိတ်များ ကြုံလာတတ်သည်။ အိမ်ဝယ်နိုင်သော် လည်း အိမ်အနားအဆာ မလွတ်၊ အိမ်ဧည့်သည်မပြတ်၊ အိမ်ဆောက်လျှင် တန်းလန်းဖြစ်တတ်သည်။

ခိုင်မာသော စီးပွားရေးလုပ်ငန်းများ တည်ဆောက်ထားပါ။ ရရှိသော အကြွေးများကို ယခုကာလတွင် ကြိုတင်စုဆောင်းထားပါ။ သို့မဟုတ်ပါက ဆုံးတတ်သည်။

ဤကာလအတွင်း ကောင်းကျိုးချမ်းသာများ ပိုမိုရရှိလာစေရန်နှင့် အညံ့အခိုက်များ သက်သာပြေပျောက်စေရန် အောက်ပါယတြာများကို ဂရုစိုက်ပြုလုပ်ပါလေ။

ထီးဖြူအသေးသက်စေံနှင့် ထီးဖြူအကြီး တစ်လက်ကို မွေးနေ့နက်တွင် ဘုရားလှူပါ။ အမွှေးနဲ့သာနှင့် ဘုရားအားရေသပ္ပာယ်ပါ။

~~~~~~~~~~~~~~~~~~~~~~~~~~~~~~~~~~~~~~~~

သောကြာသားသမီးများအတွက်

ဘုရားဆင်းတုတော်၊ ပုံတော်၊ ရဟန္တာပုံတော်များ ကြွလာတတ်သည်။ မထင်မှတ်သော ခရီးများ မရည်ရွယ်သော ခရီးများသွားရတတ်သည်။ သူတစ်ပါးကိစ္စအတွက် ခရီးသွားရတတ်သည်။

လူမျိုးခြားက ကူညီခြင်း၊ နိုင်ငံရပ်ခြားနှင့် ပတ်သက်သောကိစ္စများ အောင်မြင်ခြင်းများကြုံမည်။ နာမည်ဂုဏ်သတင်း တိုးတက်ခြင်း ဘုန်းတန်ခိုး တိုးတက်ခြင်းများ ကြုံရမည်။ မနာလိုသူလည်း ပေါ်လိမ့်မည်။ မိမိထက်မြင့်သူနိမ့်သူ နှစ်ဦးလုံးက ဒုက္ခပေးလာတတ် သောအချိန် ဖြစ်ပါသည်။

လုပ်ဖော်ကိုင်ဘက်များ အောင်မြင်တော့မလိုလိုနှင့် အခက် အခဲကြီးစွာ ကြုံတတ်သည်။ အလုပ်တွင် အပျက်စီးအဆုံးရှုံး အလေအလွင့်များနေလိမ့်မည်။ ငွေပျောက်ခြင်း ကြွေးတင်ခြင်း ငွေအတွက် ပြောဆိုဖြေရှင်းရခြင်းများ ကြုံရတတ်သည်။ ကြီးကဲသူ အထက်လူကြီးများကြောင့် စိတ်ညစ်ရတတ်သည်။

အလှူပွဲ မင်္ဂလာပွဲ အစီစဉ်များ အထစ်အငေါ့ကြုံခြင်း ရက်ရွှေ့ခြင်းများ ကြုံရတတ်သည်။ အိမ်ထောင်ရှိသူဆိုလျှင် အိမ်ထောင်ရေးအဆင်မပြေ ဖြစ်နေမည်။ လက်ရှိအလုပ်အကိုင် ပြောင်းချင်စိတ်ပေါ်လာမည်။ ပြောင်းလျှင် ပိုဆိုးသွားတတ်သည်။ အထူးသတိပြုရန် ။ အစာအဆိပ်ဖြစ်ခြင်း၊ ခြေထောက် ခါး၊ သွား ဒုက္ခပေးခြင်းများ ကြုံရတတ်သည်။ ဤလအတွင်း အမှုအခင်း မဖြစ်စေရန် အထူးဂရုစိုက်ပါ။ ဖြစ်လျှင် မပြီးနိုင်ဘဲ ဖြစ်နေတတ်သည်။ ငွေနှင့်လိုက်လျှင် ရှုံးသွားတတ်ပါသည်။

ပစ္စည်း မငှားရမ်းပါနှင့် ဆုံးလိမ့်မည်။ ဤကာလအတွင်း မည်သည့်အခက်အခဲနှင့် ကြုံသည် ဖြစ်စေ အားကိုး မရှာနှင့်။ ဒုက္ခပေးမည့်သူများသာ ပေါ်လာတတ်သည်။ အောက်လက်ငယ်သား ထွက်သွားခြင်း၊ ကျန်းမာရေးညံ့ခြင်း ကြုံရ တတ်သည်။

ထီကံကောင်းသော ကာလဖြစ်ပါသည်။ ပညာအသစ်တစ်ခု ရတတ်သည်။ အိမ်ထောင်ဘက် ကျန်းမာရေး ညံ့လိမ့်မည်။ ခါး အောက်ပိုင်း ဒုက္ခပေးတတ်သည်။ ဆေးရုံ၊ ဆေးခန်းသို့သွားရတတ်သည်။ ကျောဒုက္ခပြေးခြင်း၊ ကျော၌ရောဂါရခြင်း ဖြစ်မည်။
အိမ်ပြင်၊ အိမ် ဆောက်၊ အိမ်ပြောင်း မပြုပါနှင့်။ အာမခံမလုပ်ပါနှင့်။ စပ်တူအရောင်းဝယ် အကြီးအကျယ် မလုပ်ပါနှင့်။

ဤကာလအတွင်းကောင်းကျိုးချမ်း သာများ ပိုမိုရရှိလာစေရန်နှင့် အညံ့အခိုက်များ သက်သာပြေ ပျောက်စေရန် အောက်ပါယတြာများကို ဂရုစိုက်ပြုလုပ်လေ။

နေ့စဉ်ခန္ဓာကိုယ် သန့်ရှင်းရေး၊ အိမ်သန့်ရှင်းရေး လုပ်ပါ။ သောက်ရေအိုး ကိုယ်တိုင် ရေထည့်ပါ။ တစ်ပတ်တစ်ကြိမ်အဓိဋ္ဌာန်ဝင်ပါ။

~~~~~~~~~~~~~~~~~~~~~~~~~~~~~~~~~~~~~~~~

စနေသားသမီးများအတွက်

ခရီးတိုး ခရီးရှည်များ သွားနေရလိမ့်မည်။ ထိုခရီးသည်များသည်လည်း သင့်အတွက် ကျိုးထူးစေပါလိမ့်မည်။ မထင်မှတ်ဘဲ ပညာတစ်ခု သင်ကြားရခြင်း သင်တန်းတစ်ခု တက်ရခြင်းများ ပြုလုပ်ရတတ်ပါသည်။ မရည်ရွယ်ဘဲ မြေ၀င်တတ်သည်။

ဤလအတွင်း အစစအရာရာသတိကြီးစွာထားရန် လိုပါသည်။ မိမိအပေါ် မကောင်းကြံခြင်း မကောင်း ပြောခြင်း များ ခံရတတ်သည်။ အလုပ်အကိုင်၌ ထိုခိုက်တတ်သည်။ ပြဿနာကြီးစွာ ဖြေရှင်းရတတ်သည်။ ရုံးပြင် ကန္နား၊ အမှုအခင်းများနှင့် ပတ်သက်ရတတ်သည်။ မိမိနှင့်တကွ မိသားစုပါ ကျန်းမာ ရေး ညံ့တတ် သည်။ ဆေးရုံ၊ ဆေးခန်းအထိ ရောက်ရတတ်သည်။ မီး၊ လျှပ်စစ် ဒုက္ခပေးတတ်သည်။ အထူးသတိပြုပါ။ လူမျိုးခြား ဒုက္ခပေးတတ် သည်။

သားသမီး လက်အောက်ငယ်သားအတွက် စိတ်ညစ်စရာကြုံမည်။ စက်ပစ္စည်း ဒုက္ခပေးတတ် သည်။ ရွှေနှင့် ရတနာ ပစ္စည်းများ ထွက်ခြင်း၊ ပေါင်နှံရခြင်းများ ကြုံရတတ်သည်။ ငွေဒလဟောထွက်ခြင်း၊ ငွေအတွက် ပြောဆိုဖြေ ရှင်း ရခြင်းများ ကြုံရတတ်သည်။ မထင်မှတ်သော ဆွေမျိုးသားချင်းက အကူအညီ ကောင်း ပေးလိမ့် မည်။

ဌာနဆိုင်ရာ အကြီးအကဲ၊ ဆွေမျိုးအကြီးအကဲတို့က အကူအညီအကောင်း ပေးလာလိမ့်မည်။ အထူး သတိပြုရန် ကျန်းမာရေးညံ့သော သက်ကြီး ရွယ်အိုများ အိမ်သို့ လာရောက်တည်းခိုလျှင် ဆုံးပါး သွားတတ် သည်။ ခြေထောက် တွင်အန္တရာယ်ဖြစ်တတ်သည်။ လုပ်ငန်းအသစ်၊ အစီအစဉ် သစ်များ ပေါ်ပေါက် လာ တတ် သည်။ ယခင်နှစ်များက ကျန်ခဲ့သော ရွှေ၊ငွေ၊ ရတနာများ ယခုနှစ်ထဲတွင် ကုန်ဆုံး သွားတတ် သည်။ လော ကဓံ တရား၏ မတရားညှဉ်းပမ်းမှုကို ခံရပြီး မမျှော်လင့်ဘဲ သံဝေဂတရား ရလိမ့်မည်။ အစစ်အဆေး အမေး အမြန်း ခံရ တတ်သည်။ ကိုယ်ခန္ဒာ အစိတ်အပိုင်း တစ်ခုခု ထိခိုက်တတ်သည်။

ဤကာလအတွင်း ကောင်းကျိုးချမ်းသာများ ပိုမိုရရှိလာစေရန်နှင့် အညံ့အခိုက် များ သက်သာပြေပျောက်စေ ရန် အောက်ပါယတြာများကို ဂရုစိုက်ပြု လုပ်ပါလေ။

ထီးနီသက်စေ့ လှူပါ။ ဆေးဝါးဓာတ်စာလှူပါ။



အားလုံး၏အကျိုးကိုထာဝစဉ်လိုလားသော
ဆရာဟိန်းတင့်ဇော် (ထိုင်းနိုင်ငံ၊ မဟာချိုင်မြို့)
www.heintinzaw.com
Irrawaddy blog

“ မူဆလင် အနိုင်ကျင့်ခံရသူ ဗုဒ္ဓဘာသာသမီးပျို မဝါဝါမြင့်နှင့်နိုင်ငံခြား သတင်းဌာနများ တွေ့ဆုံ"

Posted by drmyochit Wednesday, August 07, 2013, under | No comments


စစ်ကိုင်းတိုင်း၊ ကလေးမြို့မှ ဗုဒ္ဓဘာသာသမီးပျို မဝါဝါမြင့်သည် ဆရာတော် ဦးဝီရသူကျောင်းသို့ရောက် ရှိနေ စဉ် Freedon From Hate အဖွဲ့မှ လာရောက် အင်တာဗျူးခဲ့သည်။

ဗုဒ္ဓဘာသာသမီးပျို မဝါဝါမြင့်သည်-မူဆလင် ဦးကျော်ဝင်း(ခ) ရန်မဇန်း၏ ဗမာ/ဗုဒ္ဓ ယောင်ဆောင်ကာ လက်ထပ် ထိမ်းမြှားမှုကို ခံယူခဲ့ပြီး- ကိုယ်ဝန် ၃လပြည့်သည်မှစ၍ အစ္စလာမ် ဘာသာထဲ အနိုင် ကျင့် သိမ်းသွင်း ခံခဲ့ရကာ ဥပုသ်ခိုးစောင့်သဖြင့် ကိုယ်ဝန်ပျက်ကျသည်အထိ အနှိပ်စက်ခံခဲ့ရသည်။


သူမဘဝ-သူမအကြောင်း ကျောင်းသူ/သားလေးများအား လူသိရှင်ကြား ဖွင့်ဟ ဝန်ခံ ထားသည့် "မူဆလင် ကျားခံတွင်းမှ လွတ်ကင်းလာသူတစ်ယောက်၏ ရင်ဖွင့်သံ" စီဒီသည် သန်းပေါင်းများစွာသော ဗုဒ္ဓဘာသာ မြန်မာ့သမီးပျိုလေးများကို အသိပညာရရှိစေသည့်အပြင် သူမကိုလည်းဗုဒ္ဓဘာသာ ပြည်သူလူထုက
ကြင်နာသနားမှုများစွာဖြင့် စာနာခဲ့ကြသည်။

5.8.2013 ညနေ-5:00 နာရီမှာ တွေ့ဆုံခဲ့ကြပြီး၊ သူမကို ကယ်တင်ခဲ့သော ကလေးမြို့၊ မြို့ဦးစံကျောင်း တိုက် ဆရာတော် ဦးဓမ္မာနန္ဒက သူမရွာသို့- ကားတစ်တန်၊ ရေတစ်တန်၊ ကုန်းကြောင်းတစ်တန် ကယ်တင်ခဲ့စဉ်ကေ တွ့ကြုံရသော အခက်အခဲများကို ဦးစွာပထမ ရှင်းပြခဲ့ကြောင်း သိရသည်။

ဆရာတော်ဦးဝီရသူ

စိတ်ဝေဒနာရှင်နှင့် ကလေးတစ်ဦးကို မွေးစားဖခင်က အဓမ္မကျင့်ရန် ကြံစည်သည်ဟုဆို

Posted by drmyochit Wednesday, August 07, 2013, under | No comments



စိတ်ဝေဒနာရှင် အမျိုးသမီးတစ်ဦးနှင့် ကလေးတစ်ဦးတို့ကို ၎င်းတို့၏ မွေးစားဖခင်ဖြစ်သူက အဓမ္မကျင့်ရန် ကြံသည် ဟု ဆိုကာ တိုင်တန်းမှုတစ်ခု သန်လျင်ရဲစခန်းတွင် သြဂုတ် ၄ ရက်ကအမှုဖွင့်ထားကြောင်း ရန်ကုန် တိုင်း ရဲတပ်ဖွဲ့မှူးရုံးက သတင်းထုတ်ပြန်သည်။

စိတ်ပိုင်းဆိုင်ရာ ဝေဒနာခံစားနေရသည့် အသက် ၂၄ နှစ်အရွယ် အမျိုးသမီးတစ်ဦးနှင့် သူ့ညီမများဖြစ်သည့် အသက် ၁၂ နှစ်နှင့် အသက် ၉ နှစ်အရွယ် ကလေးနှစ်ဦး စုစုပေါင်းသုံးဦးကို သန်လျင်မြို့နယ်ရှိ ကျေးရွာ တစ်ခုမှ အသက် ၄၅ နှစ်အရွယ် အမျိုးသားကြီးတစ်ဦးက မွေးစားထားခဲ့ရာမှ ယခုအခါ ထိုကဲ့သို့ အဓမ္မကြံ စည်မှုဖြစ် ပွားခြင်းဖြစ်သည်ဟု ရဲမှတ်တမ်းတွင် တွေ့ရသည်။

အဆိုပါ အမျိုးသားကြီးသည် သြဂုတ် ၂ ရက် ညက စိတ်ဝေဒနာရှင် အမျိုးသမီးကို အဓမ္မပြုရန် ကြံစည် ခဲ့သ လို၊ လွန်ခဲ့သော ၁၀ ရက်ကျော်ကာလကလည်း ၎င်းမွေးစားထားသည့် အသက် ၁၂ အရွယ် ကလေးငယ်ကို အဓမ္မကျင့်ရန် ကြံစည်ခဲ့သေးသည်ဟု ယင်းအမှုကို တိုင်တန်းသည့် တရားလိုက ရဲစခန်းတွင် ထွက်ဆိုသည်။

သို့သော် ယခုအမှုကို တိုင်တန်းသည့် တရားလိုကို ရဲစခန်း၏ ထုတ်ပြန်ချက်တွင် ဖော်ပြမထားပေ။ ယခုကိစ္စ ကို သန်လျင်ရဲစခန်းက အမှုအမှတ် (ပ) ၇၂၁/၂၀၁၃ဖြင့် အမှုဖွင့်ထားပြီး ပြစ်မှုဆိုင်ရာပုဒ်မ ၃၇၆/၅၁၁ ဖြင့် တရား စွဲ ဆိုရန် ကနဦးလျာထားပြီး စွပ်စွဲခံရသူ အမျိုးသားကြီးကိုလည်း ဖမ်းဆီးစစ်ဆေးနေပြီ ဖြစ်သည်ဟု ရဲဌာ နက ထုတ်ပြန်သည်။

ဇော်ဇော်ထွေး |မဇ္ဈိမ

ခင်ပွန်းကို အိပ်ဆေးတိုက်၊ ဓါးနှင့်ခုတ်သတ်သည့်ဇနီး

Posted by drmyochit Wednesday, August 07, 2013, under | No comments



မြိုင်   သြဂုတ်   ၅

မကွေးတိုင်းဒေသကြီး ပခုက္ကူခရိုင် မြိုင်မြို့နယ် ဗဟင်းရဲစခန်းပိုင် တောင်စုံ အုပ်စု ဘောင့်ဘင်ကျေး ရွာတော ၌ ဇူလိုင် ၂၇ ရက် ညက လူသတ်မှု ဖြစ်ပွား သည်။

 ဖြစ်စဉ်မှာ သေဆုံးသူ (သန်းထွန်း) (၄၂နှစ်)ကိုဇနီးဖြစ်သူ မနှင်းရွှေ (၄၃နှစ်) က ခင်ပွန်းဖြစ်သူကို အိပ်ဆေး တိုက်ပြီး အိပ်ပျော်နေစဉ် လည်ပင်း ကို ဓားနှင့်လှီး ပြီး ဓားမဖြင့် ရှစ်ချက် ဆက်တိုက် ခုတ်သတ်ကြောင်း။

သေဆုံးသူ  ကိုသန်းထွန်းနှင့် သတ်သူ မနှင်းရွှေတို့မှာ သားသမီးသုံးဦးရှိပြီး စီးပွားရေးချုပ်ကိုင်လွန်းသည်ဟု ဆိုကာ သတ်ရခြင်းဖြစ်ကြောင်း ၄င်းအမှုကို  မြိုင်မြို့နယ် ဗဟင်းရဲစခန်း စခန်းမှူး ရဲအုပ်ဇော်လင်းနိုင်နှင့်  နယ်ထိန်း ရဲတပ် ဖွဲ့တို့က   နာရီပိုင်းအတွင်း ဖမ်းဆီးပြီး အမှုကို ဆက်လက်စစ်ဆေးဆောင်ရွက်နေကြောင်း သိရ သည်။    

စိန်မြိုင် - သတင်းနှင့် စာနယ်ဇင်း လုပ်ငန်း
From: Thith Htoo Lwin

ကနေဒါတွင် ကလေးနှစ်ဦးအား စပါအုံးမြွေက ရစ်ပတ်ညှစ်သတ်ခဲ့ဖွယ်ရှိ

Posted by drmyochit Wednesday, August 07, 2013, under | No comments


မြွေသည် ခွန်အားသန်မာသော စပါးအုံးမြွေကြီး တစ်ကောင်ဖြစ်ပြီး လူငယ်နှစ်ဦးကို ရစ်ပတ် ညှစ်သတ် ခဲ့ သည် ဟု ရဲများက သံသယရှိ

ကနေဒါ နိုင်ငံတွင် ကလေးနှစ်ဦး သေဆုံးမှု၌ စပါးအုံး မြွေတစ်ကောင် ပါဝင် ပတ်သက်မှု ရှိမရှိ ဆိုသည်ကို ရဲများ က အလေးအနက် စစ်ဆေးနေကြောင်း သိရှိရသည်။ အသက်(၅)နှစ်နှင့် (၇)နှစ်သာ ရှိသေးသည့် ယောက်ျားလေး နှစ်ဦးသည် နယူးဘရန်းစ်ဝစ်ခ်ရှိ ကမ့်ပ်ဘဲလ်တန်မှ ၎င်းတို့၏ တိုက်ခန်းအနီးတွင် သေဆုံးနေ သည်ကို တွေ့ရှိခဲ့ရသည်။ ၎င်းတို့ နှစ်ဦးသည် သူငယ်ချင်း တစ်ဦး၏ နေအိမ် တိုက်ခန်းတွင် အလည် အပတ် သွားအိပ်ခဲ့ပြီး အဆိုပါ တိုက်ခန်းသည် တွားသွားသတ္တဝါ အရောင်းဆိုင် တစ်ခု၏ အပေါ်ထပ် တွင် ရှိနေသည်။



အစောပိုင်း စစ်ဆေးမှုများအရ ယင်းဆိုင်ခန်းမှ မြွေတစ်ကောင်သည် လှောင်အိမ်ထဲမှ လွတ်မြောက်နေ သည်ကို ရဲများက ခြေရာခံ တွေ့ရှိခဲ့သည်။ အဆိုပါ မြွေသည် ခွန်အားသန်မာသော စပါးအုံးမြွေကြီး တစ်ကောင်ဖြစ်ပြီး လူငယ်နှစ်ဦးကို ရစ်ပတ် ညှစ်သတ်ခဲ့သည်ဟု ရဲများက သံသယရှိနေကြောင်း သိရသည်။ ရဲတပ် ဖွဲ့မှ ဆာဂျင် အေလိန်းထရမ်ဘလီက မြွေအမျိုးအစားသည် စပါးအုံးဖြစ်ကြောင်း အတည်ပြုခဲ့ပြီး မိမိတို့ ဖမ်းဆီး ရမိထားကြောင်း ပြောကြားထားသည်။ ကနေဒါ ရုပ်မြင်သံကြားဌာန CBCက ယခုမြွေသည် အရှည် (၁၁)ပေနှင့် (၁၅)ပေကြားမျှ ရှိနေပြီး (၉၉)ပေါင်ထက်မက အလေးချိန် ရှိနိုင်ကြောင်း ခန့်မှန်း ဖော်ပြ ခဲ့သည်။

ဖြစ်ရပ်တွင် လွတ်မြောက်နေသော မြွေနှင့် ဆက်စပ်မှု ရှိမရှိ စစ်ဆေးနေဆဲဖြစ်ပြီး အင်္ဂါနေ့တွင် ကလေးနှစ်ဦး၏ အလောင်းများကို ရင်ခွဲ စစ်ဆေးမည်ဟု ဆိုသည်။ အဆိုပါ နေရာအနီးတွင် နေထိုင်သူ ဒိုင်နီဖော်နီရာက "ကလေးနှစ်ယောက်ကို ကျွန်မ ကောင်းကောင်းသိတယ်။ သူတို့က ညီအစ်ကိုတွေပါ။ တစ်ခါတစ်လေ ကျွန်မခြံဝင်းထဲမှာ လာဆော့တယ်။ ကျွန်မရဲ့ ခွေးတွေနဲ့လည်း ရင်းနှီးတယ်"ဟု ဆိုသည်။ မြွေပိုင်ရှင်ဖြစ်သော Reptile Oceanစတိုးသည် ယခုဖြစ်စဉ် ပေါ်ပေါက်လာပြီးနောက် ၎င်း၏ Facebook စာမျက်နှာကို ယာယီ ပိတ်သိမ်းထားလိုက်သည်။ အမေရိကန်နှင့် ကနေဒါတို့တွင် စပါးအုံးကဲ့သို့ မြွေများကို အိမ်မွေး တိရစ္ဆာန် အနေဖြင့် ထားရှိ မွေးမြူသော အလေ့အထများ ရှိတတ်ရာ ၎င်းတို့ကို ရောင်းချသည့် စတိုးဆိုင်များလည်း ဖွင့်လှစ်ထားခြင်း ဖြစ်သည်။

From: Planet

ဗုဒ္ဓဘာသာအပေါ် အကြမ်းဖက်မှုအား ကန့်ကွက်သည့်အနေဖြင့် မန္တလေးတွင် လူ ၆၀၀ ခန့် ဆန္ဒပြ

Posted by drmyochit Wednesday, August 07, 2013, under | No comments


ဗုဒ္ဓဘာသာ၏ အထင်ကရနေရာများကို အကြမ်းဖက် တိုက်ခိုက်ခံရမှုနှင့် နိုင်ငံတကာ မီဒီယာများတွင် ဗုဒ္ဓဘာသာနှင့်ပတ်သက်၍ အမြင်လွဲစေသည့် ရေးသားဖော်ပြချက်များကို ကန့်ကွက်သည့်အနေဖြင့် သြဂုတ် ၆ ရက် က မန္တလေးတွင် သံဃာတော်များနှင့် ပြည်သူစုစုပေါင်း ၆၀၀ ခန့် စုဝေးဆန္ဒပြခဲ့ကြသည်။

ထိုဆန္ဒပြပွဲနှင့်ပတ်သက်၍ ယခုလ ၁ ရက်က အာဏာပိုင်များထံ ခွင့်ပြုမိန့်တင်ခဲ့ရာ ခွင့်ပြုချက် မရ ခဲ့သော် လည်း ယခုဆန္ဒပြပွဲကို ဆက်လက် ဆောင်ရွက်ခြင်းဖြစ်သည်ဟု ထိုလှုပ်ရှားမှုတွင် ပါဝင်သူများက ပြော သည်။

“မြန်မာနိုင်ငံဟာ မေတ္တာတရားကြီးမားတဲ့ ဗုဒ္ဓရဲ့အရိပ်မှာ ခိုလှုံနေကြတာ၊ ခုဆို အကြမ်းဖက်မှုတွေ မြင်နေ ကြားနေ ရတယ်။ ဒါတွေကို ဘုန်းကြီးတို့ စိတ်မကောင်းဘူး။ ဒါကြောင့် ပြည်သူတွေသိအောင်၊ ကမ္ဘာသူ ကမ္ဘာ သားတွေ သိအောင် ထွက်တာပဲ”ဟု ဆန္ဒပြပွဲတွင် ပါဝင်သည့် ဆရာတော် ဦးသုစိတ္တက မဇ္ဈိမကို မိန့်သည်။

ထိုဆန္ဒပြပွဲတွင် “ဗုဒ္ဓဘာသာ၏ အကြမ်းဖက်မျက်နှာစာ”ဟူသည့် ဆောင်းပါးဖော်ပြခဲ့သည့် တိုင်းမ်မဂ္ဂဇင်း ကို လည်း ကန့်ကွက်ခဲ့သည်ကို တွေ့ရသည်။

ဆန္ဒပြပွဲကို ရဲနှင့်မီးသတ်ဦးရေ ၆၀ ခန့် လုံခြုံရေး ယူပေးထားခဲ့သည်ကိုလည်း တွေ့ရှိရပြီး ထိုသို့ လုံခြုံရေး အများ အပြား ရှိနေခြင်းကို ဆန္ဒပြသံဃာနှင့် ပြည်သူအချို့က မကျေလည်ခဲ့ပေ။

ဆန္ဒပြပွဲ ဦးဆောင်သူတစ်ဦးဖြစ်သည့် ဒေါ်ချိုလေးက “သမ္မတကြီးက တရားဝင် ဆန္ဒဖော်ထုတ်ချင်ရင် ခွင့်ပြုမိန့် တင်ပြီး ပြလို့ရတယ် ပြောတယ်။ ဒါကို အာဏာပိုင်တွေက ခွင့်ပြုမပေးဘူး၊ ကျွန်မတို့ သမ္မတကြီး စကား ကို နားထောင်ရမလား။ အခုရောက်နေတဲ့ အာဏာပိုင်တွေရဲ့စကားကို နားထောင်ရမှာလား။ ကျွန်မတို့ကတော့ ဆရာတော်တွေရှေ့ကထွက်ရင် နောက်ကလိုက်မှာပဲ”ဟု မဇ္ဈိမကို ပြောသည်။

ဆန္ဒပြပွဲကို ခွင့်ပြုမပေးခဲ့သည့်အပေါ် ခရိုင်အထွေထွေအုပ်ချုပ်ရေးမှူး ဦးဇော်တင်မိုးက “ကျွန်တော်တို့ ခွင့်ပြုမိန့် မပေးတာကတော့ နိုင်ငံတော်ကကို ဒီတိုင်းမ်မဂ္ဂဇင်းကို တရားဝင် ကန့်ကွက်ထားတယ်။ ဒါအားလုံး သိတယ်။ အခုလိုလုပ်တာမလိုအပ်ပါဘူး။ မလိုအပ်တဲ့ အကြမ်းဖက်မှုတွေ ဖြစ်သွားမှာမို့ ခွင့်မပြုတာပါ”ဟု တုံ့ပြန်ပြောကြားသည်။

ဆန္ဒပြပွဲတွင် ပါဝင်သည့် သံဃာတော်များနှင့် ပြည်သူများသည် တိုင်းမ်မဂ္ဂဇင်း၊ အကြမ်းဖက်ဗုံးခွဲသူများနှင့် သံဃာတော်များ၏ တရားပွဲများကို လိုက်လံနှောင့်ယှက်သူများကို အလိုမရှိကြောင်း ရတနာပုံသာဘုရားဝိုင်းမှ စတင်ကြွေးကြော် ချီတက်ကြခြင်းဖြစ်ပြီး မန္တလေးမဟာမြတ်မုနိဘုရားကြီး အရောက်တွင် ဆန္ဒပြမှုကို အဆုံးသတ်ခဲ့ကြသည်။  

အောင်ကိုဦး | မဇ္ဈိမ

ကွန်ပျူတာစနစ်ချို့ယွင်းမှုကြောင့် ကမ္ဘာတစ်ဝန်း လေကြောင်းခရီးစဉ်များ နှောင့်နှေးခဲ့

Posted by drmyochit Wednesday, August 07, 2013, under | No comments

ကမ္ဘာတစ်ဝန်း လေကြောင်းလိုင်းများတွင် ချိတ်ဆက်အသုံးပြုလျက်ရှိသည့် Sabre လေကြောင်းလိုင်း လုပ်ငန်း သုံး ကွန်ပျူတာစနစ် ချို့ယွင်းမှုဖြစ်ပေါ်ခဲ့သဖြင့် ကမ္ဘာတစ်ဝန်း လေကြောင်းခရီးစဉ် နှောင့်နှေး ကြန့်ကြာ မှုများ ကြုံတွေ့ခဲ့ရသည်။ Sabre လေကြောင်းလိုင်းစနစ်မှာ အင်္ဂါနေ့ နံနက်ပိုင်းက ရပ်ဆိုင်း သွား ခဲ့ခြင်းဖြစ် သည်။ Sabre က ကွန်ပျူတာစနစ် ချို့ယွင်းမှုဖြစ်ကြောင်း အတည်ပြုခဲ့ပြီး ၎င်းတို့၏ ပညာရှင် များက အခြေအနေကို ပုံမှန်ပြန်ဖြစ်ရန် ဆောင်ရွက်နေကြောင်း သတင်းထုတ်ပြန် ပြောကြား ခဲ့သည်။


၂ နာရီကြာ ချို့ယွင်းမှုဖြစ်ပေါ်ခဲ့ပြီးနောက် Sabre လေကြောင်းလိုင်းသုံး ကွန်ပျူတာစနစ်ကို ပြန်လည် ချိတ်ဆက် အသုံးပြုနိုင်ပြီ ဟု ကုမ္ပဏီက ကြေညာသည်။ Sabre ၏ လေကြောင်းလိုင်းလုပ်ငန်းသုံး ကွန်ပျူတာ စနစ်ကို ကမ္ဘာတစ်ဝန်း လေကြောင်းလိုင်း အများအပြားက သုံးစွဲလျက်ရှိသည်။ ယခုဖြစ်ပေါ် ခဲ့သော ကွန်ပျူတာစနစ် ချို့ယွင်းမှုကြောင့် Alaska Airlines, American, Cathay Pacific, Frontier, Jet Blue, LAN, Quantas, United, Virgin America နှင့် Virgin Australia လေကြောင်းလိုင်းတို့၏ ခရီးစဉ် များ နှောင့်နှေးကြန့်ကြာမှု ကြုံခဲ့ရသည်။

From: Planet Myanmar Network

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်