ထိုင်းရွေးကောက်ပွဲ အပြီးသတ်

အဓိက အတိုက်အခံ ဒီမိုကရက် ပါတီက သပိတ်မှောက်ထားတဲ့ ထိုင်း ရွေးကောက်ပွဲ အတွင်း ဘန်ကောက် မဲ ဆန္ဒနယ် တချို့နဲ့ ထိုင်းတောင်ပိုင်း မှာ ဟန့်တား နှောင့်ယှက်မှု တွေ ရှိခဲ့ပါတယ်။

နိုင်ငံရဲ့ မဲရုံ ၈၉ ရာနှုန်း ပုံမှန် အတိုင်း လည်ပတ် နိုင်ခဲ့တယ်လို့ အာဏာပိုင် တွေက ဆိုပါတယ်။

ဒါပေမဲ့လည်း အတိုက်အခံ အားအကောင်း ဆုံး ဖြစ်တဲ့ တောင်ပိုင်း ခရိုင် ၉ ခု မှာတော့ လုံးဝ မဲပေးမှု မရှိခဲ့ပါဘူး။

လူထုက ဒီမိုကရေစီကို ဆက်ကျင့်သုံးမှာ ဖြစ်ကြောင်း ဒီရွေးကောက်ပွဲ တွေက ပြနေတယ်လို့လည်း ထိုင်းဝန်ကြီးချုပ် ရင်လတ် ချင်နာဝပ်က ဘီဘီစီကို ပြောကြား ပါတယ်။

မဲရေတွက်မှုတွေ စတင်နေပြီး လက်ရှိ အစိုးရ ဆက်လက် အာဏာ တည်မြဲရေး အတွက် လုံလောက်တဲ့ ကိုယ်စားလှယ် မဲ ရဖို့ ခက်နေတယ်လို့ သိရပါတယ်။

အတိုက်အခံ လိုလားသူ တွေက အစိုးရကို ဖြုတ်ချပြီး အရွေးကောက်မခံတဲ့ ကောင်စီ နဲ့ အစားထိုးဖို့ လတွေနဲ့ ချီပြီး နိုင်ငံရေး တင်းမာမှု တွေ ဖြစ်ပွား နေတဲ့ ကြားက ဒီရွေးကောက်ပွဲကို ကျင်းပ ခဲ့တာ ဖြစ်ပါတယ်။

ရွေးကောက်ပွဲ နှောင့်ယှက်မှု တွေကြောင့် အစိုးရ လုပ်ငန်းတွေ ပုံမှန် အတိုင်း ဆက်သွားဖို့ ခက်ခဲမယ် လို့ တွက်ဆ နေကြပါတယ်။

ဘီဘီစီ (မြန်မာပိုင်း)

အစိုးရ ဆန့်ကျင်သူတွေက တားဆီးခဲ့

ဆက်ဖတ်ရန်>>>>

လိုင်စင်မဲ့ဆိုင်ကယ်များ တရားဝင်လိုင်စင် ပြုလုပ်ပေးဖွယ်ရှိ

တရားမ၀င် တင်သွင်းပြီး စီးနင်းအသုံးပြုနေသည့် ဆိုင်ကယ်များကို အခွန်ပေးဆောင်သော တရားဝင်လိုင်စင်များ ချထားခွင့်ပြုပေးဖွယ်ရှိကြောင်း ကုန်းလမ်းပို့ဆောင်ရေးညွှန်ကြားမှုဦးစီးဌာနမှ သတင်းရရှိသည်။

““လုပ်နိုင်ခြေတော့ရှိတယ်။ ဒါပေမဲ့ ခုချိန်ထိတော့ တရားဝင် ဘာမှတိတိကျကျညွှန်ကြား လာတာမျိုး မရှိသေး ဘူး””ဟု ကုန်းလမ်းပို့ဆောင်ရေးညွှန်ကြားမှုဦးစီးဌာန မန္တလေးတိုင်းဒေသကြီးဦးစီးမှူး ဦးသိန်းဦးက မော်တော် ဆိုင် ကယ်များ လိုင်စင်ချထားနိုင်မှုရှိ၊ မရှိနှင့် ပတ်သက်၍ ပြောသည်။

တရုတ်နှင့် ထိုင်းနိုင်ငံတို့တွင် တပ်ဆင်ထုတ်လုပ်ပြီး တရားဝင်အခွန်ငွေပေးဆောင်ခြင်းမရှိဘဲ ပြည်တွင်း တွင် စီးနင်းအသုံးပြုနေသော ဆိုင်ကယ်များကို လာမည့် ဖေဖော်ဝါရီ တတိယပတ်အတွင်း တရားဝင် လိုင်စင် များ ချထားပေးမည်ဟု လူထုအတွင်း ကျယ်ကျယ်ပြန့်ပြန့်သတင်းများ ထွက်ပေါ်နေသော်လည်း ယင်းစီမံချက်နှင့်ပတ်သက်၍ တစ်စုံတစ်ရာ ကြားသိရခြင်းမရှိသေးကြောင်း မန္တလေးတိုင်းဒေသကြီး အစိုးရအဖွဲ့ လမ်းပန်းဆက်သွယ်ရေးဝန်ကြီး ဦးကျော်ဆန်းက ပြောသည်။

ဆိုင်ကယ်များကို အခွန်ငွေ ပေးဆောင်စေကာ တရားဝင် လိုင်စင်ချထားပေးခြင်းဖြင့် သက် ဆိုင်ရာတိုင်းဒေ သကြီးနှင့် ပြည် နယ်များ အတွက် ဘဏ္ဍာငွေရရှိ စေမည်ဖြစ်သည်။ ထို့အပြင် တရားဝင် မှတ်ပုံတင်ချပေး သည့်အတွက် ယာဉ်တိုက်မှုဖြစ်ပွားခြင်းနှင့် အရေးယူရန်လိုအပ်သည့်ကိစ္စရပ်များတွင် စနစ်တကျဖြစ်လာနိုင် မည်ဟု ဦးသိန်းဦးက ပြောသည်။

လက်ရှိအချိန်တွင် မန္တလေးတိုင်းဒေသကြီးအတွင်း လိုင်စင်မဲ့ဆိုင်ကယ်အရေအတွက် နှစ်သောင်းကျော်ခန့် ကျန်ရှိနေသေးကြောင်း မန္တလေးတိုင်းဒေသကြီး ကုန်းလမ်းပို့ဆောင်ရေးညွှန်ကြားမှုဦးစီးဌာနရှိ မှတ်တမ်းများ တွင် ဖော်ပြထားသည်။ လိုင်စင်မဲ့ ဆိုင်ကယ်များ တရားဝင်လိုင်စင်ချထားပေးခြင်းကို ၁၉၉၉ ခုနှစ်မှ ၂၀၁၂ ခုနှစ်အ တွင်း (၇)ကြိမ် ပြုလုပ်ပေးခဲ့သည်။ လိုင်စင်များ ချထားပေးမည်ဟူသော သ တင်းကြောင့် မန္တလေးမြို့ဈေးကွက်တွင် ထိုင်းနိုင်ငံလုပ် မော်ဒယ်မြင့်ဆိုင်ကယ်အချို့ အရောင်း အ၀ယ်အေး သွားပြီး တရုတ်နိုင်ငံထုတ် လိုင်စင်မဲ့ဆိုင်ကယ်များမှာမူ ရက်ပိုင်းအတွင်း သိသာစွာခေါ်ဈေးမြင့်ကာ အရောင်း အ၀ယ်ဖြစ်လာကြောင်း မန္တလေးမြို့ ဆိုင်ကယ်ဈေးကွက်မှ သတင်းရရှိသည်။

ဆိုင်ကယ်များ တရားဝင်လိုင်စင်ချထားပေးလျှင် ဆိုင်ကယ်ဈေးနှုန်းကျဆင်းခြင်းနှင့် ပြည်သူလူထု အဆင်ပြေစေနိုင်သော် လည်း တရားဝင်အခွန်ဆောင်ကာ ပြခန်းဖွင့်လှစ်ရောင်းချနေသည့် ကုမ္ပဏီများမှာ အနည်း ငယ် ဆုံးရှုံးမှုရှိနိုင်ကြောင်း ဆိုင်ကယ်ဝယ်ရောင်းလုပ်ကိုင်သူများက ပြောသည်။

Author: မောင်တာ
7day Daily

ဆက်ဖတ်ရန်>>>>

ဆီးရီးယား ပြည်တွင်းစစ် အင်ဒိုနီးရှား အစွန်းရောက်ဝါဒီများ ဝင်ရောက် တိုက်ခိုက်

ဂျကာတာ၊ ဖေဖော်ဝါရီ ၁

ဆီးရီးယား ပြည်တွင်းစစ်အတွင်း အင်ဒိုနီးရှား အစွန်းရောက် ဝါဒီများ ဝင်ရောက် တိုက်ခိုက်လျက် ရှိကြောင်း ပဋိပက္ခများအပေါ် နိုင်ငံရေးအရ လေ့လာသုံးသပ်ရေး အင်စတီကျု (IPAC) ၏ အစီရင်ခံစာကို ကိုးကားပြီး The Diplomat သတင်းတွင် ဖော်ပြထားသည်။

ဆီးရီးယား နိုင်ငံတွင်းရှိ နိုင်ငံခြား တိုက်ခိုက်ရေးသမား ၁၁,၀၀၀ အနက် ၅၀ ဦးမှာ အင်ဒိုနီးရှားနိုင်ငံမှ ဖြစ်မည်ဟု ယူဆထားကြောင်း အင်ဒိုနီးရှားနှင့် ဆီးရီးယား ပဋိပက္ခဟု အမည်ပေးထားသော အစီရင် ခံစာတွင် ဖော်ပြထားသည်။

ယင်းပမာဏမှာ အင်ဒိုနီးရှား နိုင်ငံခြားရေးဝန်ကြီးက ၂၀၁၃ ခုနှစ် ဒီဇင်ဘာလမှ စတင်ပြီး ခန့်မှန်းခဲ့သည့် ပမဏဖြစ်ကာ တိကျသေချာမှု မရှိသေးပေ။

ထို့ပြင် အင်ဒိုနီးရှား ဂျီဟတ်ခေါင်းဆောင် ဘာရှားကလည်း ဆီးရီးယားနိုင်ငံကို ဂျီဟတ် ပညာရေး တက္ကသိုလ်အဖြစ် မှတ်ယူကြရန် ထုတ်ဖော် ပြောကြားခဲ့သည်။

ဆီးရီးယားသမ္မတ အာဆတ်က ဆွန်နီ မွတ်ဆလင်များကို အကြမ်းဖက် ဖိနှိပ်နေသည်ဟု အင်ဒိုနီးရှားအများစု ရှုမြင်လာအောင် ပုံဖော်ပေးနေမှုများလည်း ရှိကြောင်း IPAC အဖွဲ့၏ အစီရင်ခံစာတွင် ဖော်ပြထားသည်။

ယင်းကဲ့သို့ ဖြစ်ရခြင်းမှာ ဆွန်နီ အင်အားကြီး ဆော်ဒီအာရေးဗီးယား နိုင်ငံက ထောက်ပံ့ ပေးထားသည့် အင်ဒိုနီးရှား ပြည်တွင်း အဖွဲ့အစည်းများ၏ ပုံဖော်ပေးနေမှုကြောင့် ဖြစ်ကြောင်း IPAC ပညာရှင်တစ်ဦး ဖြစ်သူ ဆွစ်ဒနီဂျုံးက ပြောကြားသည်။

ဆီးရီးယား နိုင်ငံတွင်းသို့ အစွန်းရောက်သမားများ အဓိက တင်ပို့နေသည့်အဖွဲ့မှာ ၂၀၀၂ ခုနှစ် ဘာလီဗုံးခွဲမှု လုပ်ဆောင်ခဲ့သည့် သြဇာလွှမ်းမိုးမှု ကြီးမားသည့် အင်ဒိုနီးရှား ဂျီဟတ်အဖွဲ့ဖြစ်သော ဂျမား အစ္စလာမီးယားအဖွဲ့ ဖြစ်ကြောင်း IPAC အဖွဲ့၏ အစီရင်ခံစာတွင် ဖော်ပြထားသည်။

ထို့အပြင် ဂျမားအစ္စလာမီးယား အဖွဲ့၏ လူသားချင်း စာနာထောက်ထားမှု ကူညီရေး အဖွဲ့ဖြစ်သော ဟီလာအမာ အင်ဒိုနီးရှား အဖွဲ့အစည်း (HASI) က ၂၀၁၂ ခုနှစ်မှ ၂၀၁၄ ခုနှစ်အတွင်း ဆီးရီးယား အစ္စလာမ္မစ် ခုခံရေးသမားများထံသို့ ကိုယ်စားလှယ် အဖွဲ့ပေါင်း ၁၀ ဖွဲ့ထိ စေလွှတ်ခဲ့ပြီး ငွေကြေးနှင့် ဆေးဝါး ထောက်ပံ့မှုများ ပေးအပ်ခဲ့ကာ အနာဂတ်ကာလ စစ်ရေးအရ ပါဝင် ပတ်သက်နိုင်ရေး ကြိုတင်ဒီဇိုင်းလုပ် ဆောင်ရွက်ခဲ့သည်။

ဆီးရီးယားနိုင်ငံသို့ ရောက်ရှိနေသော အင်ဒိုနီးရှား ဂျီဟတ် ဝါဒီများမှာ နှစ်ပိုင်းကွဲနေပြီး အချို့မှာ ဆီးရီးယား အယ်နျူစရာတပ်ဦး (အယ်လ်ကေဒါအဖွဲ့နှင့် ဆက်သွယ်မှု ရှိသည့်အဖွဲ့) ကို ထောက်ခံပြီး ကျန်အဖွဲ့မှာ အီရတ်နှင့် လီဗတ် အစ္စလာမ္မစ် နိုင်ငံတော် (ISIS) ကို ထောက်ခံနေကြောင်း သတင်းတွင် ဖော်ပြထား သည်။

လီဗတ်ဒေသမှာ ဆီးရီးယား၊ လက်ဘနွန်၊ ဂျော်ဒန်၊ ပါလက်စတိုင်းနှင့် အစ္စရေးနိုင်ငံများ ပါဝင်နေသည့် နယ်မြေ ဖြစ်ပြီး အချိန်၏ အဆုံးသတ်ကာလတွင် နောက်ဆုံးတိုက်ပွဲမှာ ယင်းဒေသတွင် ဖြစ်ပွားလိမ့်မည်ဟု ဂျီဟတ်ဝါဒီများက ယုံကြည်ထားသည်။

ဆီးရီးယား ပြည်တွင်းစစ်တွင် အင်ဒိုနီးရှား အစွန်းရောက်များ ဝင်ရောက် တိုက်ခိုက်နေသော်လည်း နိုင်ငံရေးစနစ်၏ တည်ငြိမ်မှု၊ စီးပွားရေးရာအရ ခံနိုင်ရည်ရှိမှု၊ ဒေသဆိုင်ရာ တည်ငြိမ်အေးချမ်းမှု စသည့် အချက်များကြောင့် ဂျီဟတ်ဝါဒီများ မိခင်နိုင်ငံသို့ ပြန်လည် ရောက်ရှိလာပါကလည်း အကြမ်းဖက်ဝါဒ ပြန့်ပွားရေးအတွက် အခက်အခဲတွေ့မည် ဖြစ်ကြောင်း IPAC က သုံးသပ်ထားသည်။

The Voice Weekly

ဆက်ဖတ်ရန်>>>>

မောင်တောမြို့နယ် ဒူချီးရားတန်းကျေးရွာ၌ ရဲတပ်ကြပ်ကြီးအား သတ်ဖြတ်မှုတွင် ပါဝင်ခဲ့သူ ၂၇ ဦးအား ဘင်္ဂလားဒေ့ရ်ှနိုင်ငံ နယ်ခြားစောင့်တပ်ဖွဲ့နှင့် ဆက်သွယ်ကာ ဖမ်းဆီးနိုင်ရန် ကြိုးပမ်းနေ

(ပျောက်ဆုံးသွားသော ရဲတပ်ကြီး၏ကျန်ရှိသော ယူနီဖောင်းအသုံးအဆောင်များအား လုံခြုံရေးတာဝန်ရှိသူများမှ စစ်ဆေးနေစဉ်)

Sunday, Frbruary 2, 2014

မောင်တောမြို့နယ် ဒူချီးရားတန်းကျေးရွာတွင် ရဲတပ်ကြပ်ကြီးအား လုပ်ကြံသတ်ဖြတ်မှုနှင့် ၎င်းရဲတပ်ကြီးတွင် ပါရှိခဲ့သည့်လက်နက် ပျောက်ဆုံးခဲ့မှုတွင်ပါဝင်ခဲ့သူ ၂၇ ဦးအား ဘင်္ဂလားဒေ့ရ်ှနိုင်ငံ နယ်ခြားစောင့်တပ်ဖွဲ့နှင့် ဆက်သွယ်ကာ ဖမ်းဆီးနိုင်ရန် ကြိုးပမ်းနေကြောင်း ရခိုင်ပြည်နယ် အမှတ် (၄) ရဲတပ်ရင်းများ ကွပ်ကဲရေးမှူး ရဲမှူးချုပ် တင်ကိုကိုက ဇန်န၀ါရီ ၃၁ ရက်က ပြောကြားခဲ့သည်။

လက်ရှိတွင် မြန်မာနိုင်ငံဘက်ရှိ မောင်တောမြို့နယ်အပါအ၀င် အခြားဒေသများတွင်လည်း အဆိုပါပါဝင်သူ ၂၇ ဦးကို ဖမ်းဆီးနိုင်ရန်အတွက် ဘက်ပေါင်းစုံလုံခြုံရေးများ ချထားသည့်အပြင် ဓာတ်ပုံများကိုလည်း ဖြန့်ဝေထားပြီး ဖြစ်ကြောင်း သိရသည်။

ယင်းကဲ့သို့ ရဲတပ်ကြပ်ကြီးအား သတ်ဖြတ်ခဲ့သူ ၂၇ ဦးကို ဖော်ထုတ်နိုင်ရန်အတွက် အခင်းဖြစ်ပွားအပြီး တစ်ရက်အကြာတွင် ဖြစ်စဉ်ဒေသအား ပိုက်စိပ်တိုက်ရှာဖွေခဲ့ကာ ဗလီအစောင့်အား ဦးဆုံးတွေ့ရှိခဲ့ပြီး နောက်တွင်စစ်ဆေးခဲ့ကာ ရဲတပ်ကြပ်ကြီး၏ အသုံးအဆောင်ပစ္စည်းအချို့နှင့် သွေးကွက်များအားတွေ့ရှိခဲ့ပြီး ထပ်မံရှာဖွေခဲ့ရာ ရွာသူရွာသား ၁၅ ဦးကို ထပ်မံတွေ့ရှိခဲ့သဖြင့် စစ်ဆေးမေးမြန်းရာမှ ယင်းကဲ့သို့ပါဝင်သူများကို ကောက်ချက်ချနိုင်ခဲ့ခြင်း ဖြစ်ကြောင်း ရခိုင်ပြည်နယ် ရဲတပ်ရင်းများ ကွပ်ကဲရေးမှူး ရဲမှူးချုပ် တင်ကိုကိုက ပြောကြားခဲ့သည်။

ရဲတပ်ကြပ်ကြီးအား သတ်ဖြတ်မှုတွင် ပါဝင်ခဲ့သူအချို့မှာ ပြစ်မှုကျူးလွန်ခဲ့ဖူးသူများဖြစ်ပြီး ဘင်္ဂလားဒေ့ရ်ှနိုင်ငံသို့ ထွက်ပြေးသွားသူ (ဘီဒီပြေး) အဖြစ် သတ်မှတ်ခံရသူများအပြင် ဘင်္ဂလားဒေ့ရ်ှနိုင်ငံအတွင်းရှိ RSO သင်တန်းအဖွဲ့တွင် သင်တန်းတက်ရောက်ခဲ့သူလည်း ပါဝင်ခဲ့ကြောင်း မှုခင်းစစ်တမ်းများတွင် ဖော်ပြခဲ့သည်။ ယင်းအတွက် ၎င်းတို့မှာ ဘင်္ဂလားဒေ့ရ်ှနိုင်ငံသို့သာ သွားရောက်ခိုလှုံနိုင်ဖွယ်ရှိနေသည့်အတွက် ပူးပေါင်းလုပ်ဆောင်ပေးရန် ဘင်္ဂလာဒေ့ရ်ှနိုင်ငံ နယ်ခြားစောင့်တပ်ဖွဲ့အား အကူအညီတောင်းခံထားကြောင်း ရဲမှူးချုပ် တင်ကိုကိုက သုံးသပ်ပြောကြားသည်။

“အခုအခင်းဖြစ်တဲ့ရွာက အရင်ကတည်းက တော်တော်ဆိုးတာ။ ၂၀၀၈ ခုနှစ်က ရဲတပ်ကြပ်ကြီးတစ်ယောက်လည်း အရိုက်ခံရတယ်။ အခုထိလည်း တော်တော်ဆိုးနေတဲ့အတွက် ကျွန်တော် ရဲတပ်ရင်းနဲ့အတူ ဒီရွာရဲ့အနီးမှာ လာစောင့်နေရတာပါ” ရဲမှူးချုပ် တင်ကိုကိုက ပြောကြားသည်။

ဘင်္ဂါလီလူမျိုးများသာ အများစုနေထိုင်သော ဒူချီရားတန်းအလယ်ရွာအတွင်း ကျန်ရစ်ခဲ့သော ရဲတပ်ကြပ်ကြီးအောင်ကျော်သိန်း နှင့် ၎င်း၏လက်နက်တို့ကို လက်ရှိအချိန်ထိ မရှာဖွေနိုင်သေးသော်လည်း သွေးစွန်းနေသော ၎င်း၏အသုံးအဆောင်ပစ္စည်းများဖြစ်သည့် ယူနီဖောင်းအပိုင်းအစများ၊ ခါးပတ်၊ ခရာ၊ ချပ်ဝတ်တန်ဆာ အပိုင်းအပြတ်များ လည်တိုတောစီးဖိနပ်တစ်ရန် အခင်းဖြစ်ရွာအတွင်းနှင့် ယင်းရွာရှိ ဗလီအနောက်ဘက်တွင် တွေ့ရှိထားသည့်အပြင် ကျည်အိမ်အလွတ်တစ်ခုကိုမှု တွေ့ရှိထားပြီးဖြစ်ကြောင်း သိရသည်။

ရဲမှူးချုပ်တင်ကိုကိုက ရဲတပ်ကြပ်ကြီးက သေဆုံးသွားပြီလို့ ကောက်ချက်ချနိုင်ပါတယ်။ ဗလီအစောင့်ကို စစ်ဆေးခဲ့တဲ့အခါမှာ ရဲတပ်ကြပ်ကြီးကို တရွတ်တိုက် ဆွဲခေါ်သွားကြတယ်။ သွေးတွေလည်း ထွက်နေပါတယ်တဲ့။ ကျွန်တော်တို့ကတော့ ဒါဟာ အကြမ်းဖက်မှု တစ်ခုအဖြစ် မြင်ပါတယ်။ အဖြစ်မှန်ပေါ်ပေါက်အောင် အချိန်အမြန်ဆုံးနဲ့ လုပ်ဆောင်သွားပါမယ်” ဟု ပြောကြားခဲ့သည်။



Eleven Media Group

ဆက်ဖတ်ရန်>>>>

ကောင်းကင်ကျွမ်းဘား ပြုလုပ်ရာမှာ လေထီးမပွင့်ဘဲ အမြင့်ပေ ၃၀၀၀ ကျော်က ပြုတ်ကျခဲ့သူ မိန်းကလေး

ကောင်းကင်ကျွမ်းဘားဝါသနာပါသူ အသက် ၁၆ နှစ်အရွယ် မိန်းကလေးဟာ အုတ်ကလာဟိုးမားပြည်နယ် မှာ Skydiving (လေယာဉ်ပေါ်ကခုန်ချ၍လေထီးမပွင့်ခင် လေထဲတွင် ကျွမ်းဘားအတတ်ပြသမှု ) ပြုလုပ် ရာမှာ မတော်တဆမှုဖြစ်ပွားပြီး အမြင့်ပေ ၃၀၀၀ ကျော်ကပြုတ်ကျခဲ့ပါတယ်။

Makenzie Wethington ဟာ အသက်အန္တရာယ်စိုးရိမ်စရာမရှိတော့ပေမယ့် များပြားလှတဲ့ ဒဏ်ရာဒဏ် ချက်တွေ ၊ အသည်းထိခိုက်မှု အပြင် နံရိုးတွေ၊တင်ပဆုံရိုး၊ ပခုံးရိုးတွေ ကျိုးသွားခဲ့တယ်လို့  ခွဲစိတ်ဆရာဝန် Jeffery Bender က ပြောကြားခဲ့ပါတယ်။

“ကျွန်တော်လည်း အဲ့ဒီနေရာမှာ ရှိမနေတဲ့အတွက် ဒီမတော်တဆမှု ဘယ်လိုဖြစ်သွားတယ်ဆိုတဲ့ အသေးစိတ် ကို ကျွန်တော်မသိရပါဘူး။ ဒါပေမယ့် သူမသာ ဒီလောက်မြင့်တဲ့ ပေ ၃၀၀၀ ကျော်က ပြုတ်ကျခဲ့ တာ မှန်ရင် သူမဘယ်လို အသက်ရှင်ခဲ့လဲ ဆိုတာ ကျွန်တော် မစဉ်းစား
တတ်သလောက် ပါပဲ” လို့  ခွဲစိတ်ဆရာဝန်က ပြောကြားသွားပါတယ်။

သူမ ဒီလို ကောင်းကင်ကျွမ်းဘားအတတ် ပြုလုပ်ဖို့ သူမမိဘတွေ
ကိုယ်တိုင်က ခွင့်ပြုခဲ့ပေမယ့် အခုအခါမှာတော့ ကောင်းကင်ကျွမ်းဘားပြု
လုပ်ပေးတဲ့ ကုမ္ပဏီဟာ ခွင့်မပြုသင့်ခဲ့ဘူးလို့ ပြောကြားလာပါတယ်။

အသက် ၁၈ နှစ်မပြည့်သေးတဲ့ ကလေးတစ်ယောက်ကို ကောင်းကင်
ကျွမ်းဘားပြုလုပ်ဖို့ ခွင့်ပြုခဲ့တဲ့ ကုမ္ပဏီ အနေနဲ့ တရားရင်ဆိုင်သွားရဖို့ ရှိပြီး ကုမ္ပဏီဒါရိုက်တာ Robert Swainson ကတော့ သူမခုန်ဆင်းပြီးခဲ့တဲ့ အချိန်မှာ လေထီးပွင့်ခဲ့ပါတယ်လို့  ထွက်ဆိုထားပါတယ်။

ဒီလို ကောင်းကင်ကျွမ်းဘားအတတ် စမ်းချင်တဲ့လူတွေဟာ ဒီလိုလေယာဉ်ပေါ်ကခုန်ချပြီး အမှန်တကယ် မပြုလုပ်ရခင် အစမ်းလေ့ကျင့်သင်ကြားမှုတွေကို ခြောက်နာရီ ကနေ ခုနှစ်နာရီ လောက်ထိ သင်ကြားရတယ်လို့ သိရပါတယ်။

Ref: express.co.uk

ဆက်ဖတ်ရန်>>>>