Monday, May 20, 2013

မြောက်ပိုင်း ABSDF တွင် ကိုထွန်းအောင်ကျော် အသတ်ခံခဲ့ရမှု မိခင်ဖြစ်သူက အမှုဖွင့်

Posted by drmyochit Monday, May 20, 2013, under | No comments

လွန်ခဲ့သည့် နှစ် ၂၀ ကျော်က စစ်ထောက်လှမ်းရေးဟု စွပ်စွဲ သတ်ဖြတ် ခံခဲ့ရ သည့် မြန်မာနိုင်ငံ လုံးဆိုင် ရာ ကျောင်း သားများ ဒီမိုကရက်တစ်တပ်ဦး (ABSDF) မြောက်ပိုင်းဒေသ ဥက္ကဋ္ဌ ကိုထွန်းအောင်ကျော်၏ အမှုနှင့် ပတ် သက်ပြီး မိခင်ဖြစ်သူ ဒေါ်တင်မမက မန္တလေးတိုင်း ချမ်းအေးသာဇံမြိုနယ် အမှတ် (၈) ရဲစခန်း တွင် ပြီးခဲ့သည့် သောကြာနေ့က အမှုဖွင့်လိုက်ကြောင်း သိရသည်။

အမှတ် (၈) ရဲစခန်းမှူးက လက်ခံခဲ့ပြီးနောက် မန္တလေးတိုင်း ရဲတပ်ဖွဲ့နှင့် မြန်မာနိုင်ငံ ရဲတပ်ဖွဲ့သို့ တင်ပြပြီး  စုံစမ်း စစ်ဆေး မှုများကို စတင် ဆောင်ရွက်နေပြီဖြစ်ကြောင်း သိရသည်။

အဆိုပါအမှုနှင့် ပတ်သက်၍  ABSDF မြောက်ပိုင်း တပ်ဖွဲ့ဝင်တဦးဖြစ်ခဲ့ပြီး အဖမ်းခံခဲ့ရာမှ လွတ်မြောက် လာ သည် ကို ညီညီကျော် ကိုလည်း သက်သေအဖြစ် ချမ်းအေးသာဇံရဲစခန်မှ ဆင့်ခေါ်ထားသည်ဟု သိရှိရသည်။


“ကျနော်တို့ အနေနဲ့တော့ လက်စားချေဖို့၊ တရားစွဲဖို့ မရည်ရွယ်ပေမယ့် ရဲဘော်ရဲဘက်တွေရဲ့ မိသား စုတွေ က အမှု အတွက် လိုက်ပါဆောင်ရွက်ဖို့ အကူအညီတောင်းရင်တော့ ဆောင်ရွက်ပေးရမှာပါ။ တချို့က မျက်မြင် သက်သေ၊ တချို့က တိုက်ရိုက်ပါဝင် ပတ်သက်သူတွေရှိပါတယ်” ဟု ကိုညီညီကျော်က ဆိုသည်။

ကိုထွန်းအောင်ကျော် အပါအ၀င် ၁၅ ဦးမှာ ၁၉၉၁ ခုနှစ် ဖေဖော်ဝါရီလ  ၁၂ ရက်နေ့ လူအများရှေ့တွင် တပြိုင် နက် တည်း အသတ်ခံရခြင်းဖြစ်ပြီး နိုင်ငံတကာ သတင်းထောက်များ၏ မှတ်တမ်းမှတ်ရာများနှင့် ထိုစဉ် က တာဝန်ယူသူများ၏ ထုတ်ပြန်ချက်များက  အကောင်းဆုံး သက်သေများ ဖြစ်လာနိုင်သည်ဟု ၎င်း က ဆက်ပြောသည်။

ထိုစဉ်က အသတ်ခံခဲ့ရသူများ၏ ကျန်ရစ်သော မိသားစုများအနေဖြင့် စီးပွားရေးနှင့် လူမှုရေး ဆိုးကျိုးများ အပြင် စိတ်ပိုင်းဆိုင်ရာ ထိခိုက်မှုများကို ယနေ့ထက်တိုင် ခံစားနေရဆဲဖြစ်သည်ဟုလည်း ဆိုသည်။

ချမ်းအေးသာဇံမြို့နယ် အမှတ် (၈) ရဲစခန်းမှ စခန်းမှူးက ကိုထွန်းအောင်ကျော် အသတ်ခံရမှုနှင့် ပတ်သက်၍ အမှုဖွင့်ထားခြင်းမှာ မှန်ကန်သော်လည်း အသေးစိတ်ပြောဆိုရန် ငြင်းဆိုသွားသည်။

၁၉၉၁ ခုနှစ်က ကချင်ပြည်နယ် ပါဂျောင်ဒေသ၌ ဖြစ်ပွားခဲ့သည့် အဆိုပါအမှုတွင် လူပေါင်း ၁၀၀ ကျော် စစ်ထောက် လှမ်းရေးဟု စွပ်စွဲဖမ်းဆီးခံခဲ့ရပြီး စခန်းဥက္ကဋ္ဌ ကိုထွန်းအောင်ကျော် အပါအ၀င် လူ ၃၅ ဦး အသက် သေဆုံးခဲ့ရသည်။ ကျန် လူပေါင်း ၇၁ ဦးမှာ တရုတ်ပြည်ဘက်သို့ ထွက်ပြေး လွတ်မြောက် သွားခဲ့သည်။

အခင်းဖြစ်ပွားစဉ်က ABSDF (မြောက်ပိုင်း) တာဝန်ယူထားသူများမှာ ရဲဘော်မျိုးဝင်း (ကျဆုံး)၊ ရဲဘော် သံချောင်း (သာယာဝတီ ထောင်တွင် သေဒဏ်ကျခံထားရသူ)၊ ကိုအောင်နိုင် (ခ) ရော်နယ် အောင်နိုင်၊ ကိုလ ဆိုင်း၊ ကိုအောင်သန်း၊ ကိုကျော်ကျော်၊ ကိုသန်းဇော်၊ ကိုဇော်ဇော်မင်း စသူတို့ ဖြစ်သည်ဟု သိရသည်။

အစိုးရသစ်လက်ထက်တွင် အဆိုပါ မြောက်ပိုင်းလူသတ်မှုနှင့် ပတ်သက်ပြီး သက်ဆိုင်ရာ ကာယကံ ရှင် များနှင့် ဆက်စပ်သူများက ပိုမိုကျယ်လောင်စွာ ပြောဆိုလာခဲ့ကြပြီး စာအုပ်များ ကိုပါ ရေးသား ထုတ်ဝေလာ ခဲ့သည်။ ထို့အပြင် အ မှုဖွင့် တရားစွဲဆိုမှုများပါ ပြုလုပ်လာခဲ့သည်။

ပြီးခဲ့သည်နှစ်ကပင် ကချင်ပြည်နယ် ABSDF (မြောက်ပိုင်း) တွင် အသတ်ခံရသည့် ဦးစိန်၏ သမီးဖြစ်သူ မစန်း စန်းအေးက ABSDF မှ တာဝန်ရှိသူများကို ရန်ကုန်တိုင်း မြောက်ဥက္ကလာပ ရဲစခန်းနှင့် ကချင်ပြည် ၀ိုင်းမော် ရဲစခန်းတို့တွင် အမှုဖွင့်ခဲ့သည်။

သို့သော် ၄ လခန့် စစ်ဆေးပြီးနောက် သက်သေ မခိုင်လုံသည့်အတွက် အမှုပိတ်ခဲ့ရသည်ဟု ဦးစိန် အသတ် ခံရမှုတွင် သက်သေ အမည် တင်သွင်းခြင်းခံရသူများက ဆိုသည်။

အမှုနှင့်ပတ်သက်၍ ၄ ကြိမ်အစစ်ခံရသည့် သာယာဝတီမြို့မှ ကိုကျော်နိုင်ဦး (ခ) ကိုကြောင်က “ဦးစိန်သေ တာက ရေခဲ တဲ့နေရာမှာ စောင်မပေးဘဲထားလို့ သေတာ။ အချုပ်ခန်းမှာ အတူတူနေပေမယ့် ရိုက်တာနှက် တာကို မတွေ့ရတော့ သက်သေထွက်လို့ မရဘူးလေ။ ဒါကြောင့် အမှုပိတ်ရတာပါ” ဆိုသည်။

ABSDF (မြောက်ပိုင်း) ၌ အသတ်ခံရသူပေါင်း ၃၅ ဦးတွင် တရားဥပဒေအရ အမှုဖွင့်ခဲ့သူများတွင် ကိုထွန်းအောင်ကျော် မိသား စုနှင့် ဦးစိန်၏ မိသားစု နှစ်စုသာ ရှိသေးသည်။

ထောက်လှမ်းရေးဟု စွပ်စွဲသတ်ဖြတ်ခံရသည့် အဖြစ်အပျက်နှင့် ပတ်သက်၍ ABSDF တွင် ဥက္ကဋ္ဌအဖြစ် တာဝန် ယူခဲ့ သည့် ကိုမိုးသီးဇွန်၊ ကိုထွန်းအောင်ကျော် (၇၄ မျိုးဆက် ကျောင်းသားဟောင်း)၊ ဒေါက် တာ နိုင်အောင် တို့က လည်း  အဖြစ်မှန် ပေါ်ပေါက်ရေးကို ပူးပေါင်း ဆောင်ရွက်သွားမည်ဟု ပြီးခဲ့ သည့်နှစ် မြန်မာနိုင်ငံသို့ အလည်အပတ် လာရောက်စဉ် ပြောဆို သွားခဲ့သည်။

မြန်မာနိုင်ငံတွင် ဤကဲ့သို့သော အစုလိုက်အပြုံလိုက် သတ်ဖြတ်မှုများ စစ်အစိုးရ အဆက် ဆက်တွင် ဖြစ်ပွား ခဲ့သော် လည်း ပြန်လည် ဖော်ထုတ်နိုင်ခြင်း မရှိသေးပေ။


အသတ်ခံရ သူ ကိုထွန်းအောင်ကျော်

From: ဧရာဝတီ

နိုင်ငံတော်သမ္မတဦးသိန်းစိန် CNN နှင့် Washinton Post သတင်းမီဒီယာများနှင့် တွေ့ဆုံ၍ မြန်မာနိုင်ငံ၏ ပြုပြင်ပြောင်းလဲမှု အခြေအနေများကို ရှင်းလင်းဖြေကြား

Posted by drmyochit Monday, May 20, 2013, under | No comments






နေပြည်တော် မေ ၂၀

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးသိန်းစိန်သည်  မေ(၁၉)ရက် ဒေသစံတော်ချိန် ညနေ (၄) နာရီတွင် အမေရိကန် ပြည်ထောင်စု ဝါရှင်တန်မြို့ရှိ ခေတ္တတည်းခိုသည့်  Four Seasons Hotel ၌ CNN တင်း ဌာနမှ နိုင်ငံတကာရေးရာ သတင်းထောက်ချုပ် Mrs. Chiristiane Amanpour နှင့်     Washinton Post သတင်း စာမှ အယ်ဒီတာ Mr. Fred Hiatt နှင့် နိုင်ငံရေးဆိုင်ရာ သတင်းထောက် Mrs. Anne Gearan တို့အား လက်ခံတွေ့ ဆုံ၍ မြန်မာနိုင်ငံ၏ ပြုပြင်ပြောင်းလဲမှု အခြေအနေများနှင့် ပတ် သက်ပြီး မေးမြန်း သည်များ ကို ပြန် လည် ရှင်းလင်း ဖြေကြားသည်။

ထို့နောက် နိုင်ငံတော်သမ္မတသည် အမေရိကန်အသံ(VOA) အဆောက်အအုံ၌ အမေရိကန် ရောက် မြန်မာ အသိုင်းအဝိုင်းနှင့် တွေ့ဆုံသည်။
       
ထို့နောက် နိုင်ငံတော်သမ္မတသည် ဝါရှင်တန်မြို့ရှိ ဂျက်ဖာဆင်ဟိုတယ်(Jefferson Hotel) ၌ Think-Tank အဖွဲ့ အစည်းဖြစ်သည့် Center for Strategy and International Study (CSIS) အဖွဲ့က တည်ခင်းဧည့်ခံသည့် ဂုဏ်ပြု ညစာ စားပွဲသို့ တက်ရောက်ခဲ့သည်။ 






From : ..သမ္မတရုံး

ပအို့ဝ်တောင်သူတစ်ဦး PNO လက်မှ ထွက်ပြေးလွတ်မြောက်သော်လည်း NLDပါတီမှနှုတ်ထွက်ရန် လက်နက်ဖြင့် ဖိအားပေးလျက်ရှိ

Posted by drmyochit Monday, May 20, 2013, under | No comments

တောင်ကြီး၊ မေလ ၂၀။

မေလ ၁၈ရက်နေ့တွင် ပအို့ဝ်အမျိုးသားအဖွဲ့ချုပ် (PNO)လက်နက်ကိုင်တပ်ဖွဲ့မှ ဖမ်းဆီးခေါ်ဆောင် သွား သည့် တောင်ကြီး ခရိုင် မောက်စံ ကျေးရွာမှ ပအို့ဝ်တိုင်းရင်းသား တောင်သူတစ်ဦးသည် အဆိုပါနေ့ကပင် ထွက်ပြေး လွတ်မြောက် သွားကြောင်း သိရပြီး လက်ရှိအချိန်တွင် အဆိုပါ တိုင်းရင်းသား လက်နက်ကိုင် တပ်ဖွဲ့ သည် ရွာရှိ အမျိုးသားဒီမိုကရေစီအဖွဲ့ချုပ် (NLD)ပါတီဝင်များအား လက်နက်ဖြင့် ဖိအားပေး ခြိမ်း ခြောက် ကာ ပါတီမှနှုတ်ထွက်ခိုင်းမှုများရှိကြောင်း တောင်ကြီးခရိုင် အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဦးတင်မောင် ဦးက မြန်မာ့ခေတ်သို့ ပြောကြားသည်။

“ဒီလ ၁၈ရက်နေ့မှ PNO ကဖမ်းသွားတဲ့ ပအို့ဝ်တိုင်းရင်းသားတောင်သူတယောက်ကတော့ အဲဒီနေ့ကပဲ ထွက်ပြေးပြီး တခြားနေ ရာမှာ သွား ပုန်းနေပါတယ်။ ပြီးတော့ အခုရက်ပိုင်းတွေမှာ PNO လက်နက်ကိုင်တွေ က ရွာထဲ ဝင်ပြီး အတင်း လက်နက် နဲ့ခြိမ်းခြောက်ပြီး ထွက် ခိုင်းပေမယ့် ပါတီဝင်တွေကလည်း မထွက်ပါ ဘူး”ဟု ၎င်းက ပြော ကြားသည်။

အဆိုပါ PNO လက်နက်ကိုင်တပ်ဖွဲ့မှ NLD ပါတီဝင်များအား နှုတ်ထွက်ခိုင်းသည့် မောက်စံကျေးရွာတွင် NLD ပါတီ ဝင် ပေါင်း ၂၀၀နီးပါး ခန့် ရှိကြောင်း သိရပြီး ယခုကဲ့သို့ လက်နက်ဖြင့် ဖိအားပေးကာ ပါတီတွင်း မှ နှုတ်ထွက် ခိုင်းသည့် အတွက် အ သက်အန္တရာယ်စိုးရိမ်ရကာ ကြောက် ရွံ့၍ နှုတ်ထွက် သွားသည့် သူဦးရေ သည် NLD ပါတီဝင် ၁၀၀နီးပါးခန့်ရှိသည့် ဆတ်သေကျေးရွာနှင့် မြေမဲကျေးရွာမှ ပါတီဝင်ပေါင်း ၅၇ဦးခန့် နှုတ်ထွက်သွားခဲ့ကြောင်း သိရသည်။

ယင်းသို့ ပအို့ဝ်အမျိုးသားအဖွဲ့ချုပ် (PNO)မှ အမျိုးသားဒီမိုကရေစီအဖွဲ့ချုပ်(NLD)ပါတီဝင်များအား လက်နက်ဖြင့် ဖိအား ပေးနှုတ်ထွက်ခိုင်း ခြင်းမှာ အစိုးရတပ်ဖွဲ့နှင့် ငြိမ်းချမ်းရေးယူပြီးသည့်ကာလနောက်ပိုင်း လယ်ယာမြေပြဿ နာများ ဖြစ်ပွားခဲ့ ရာ NLDပါတီဝင်များက လယ်မြေ များ ပြန်လည်ရရှိရေးအတွက် လွှတ်တော် တွင်ဖွဲ့စည်းလိုက်သည့် လယ်ယာမြေစုံစမ်းစစ် ဆေးရေးကော်မရှင်သို့ တိုင်ကြား လိုက်ခြင်းကြောင့် ဖြစ်ကြောင်း အထက် ပါပုဂ္ဂိုလ်၏ ထပ်မံပြောကြားချက်အရ သိရသည်။

TMA
@ မြန်မာ့ခေတ် 

ကလောရွှေတွင်းပြိုမှု ၁၇ ဦးသေ၊ ၈ ဦးပျောက်ဆုံးနေဆဲ

Posted by drmyochit Monday, May 20, 2013, under | No comments


လူသေ ဆုံးမှုများဖြစ်ခဲ့သည့် အာရှကမ္ဘာမြေကုမ္ပဏီပိုင် ရွှေလုပ်ကွက်တကွက် (ဓာတ်ပုံ- မေစစ်ပိုင် / ဧရာဝတီ)

ကလောမြို့နယ် ရွှေမင်းဖုန်ဒေသရှိ အာရှကမ္ဘာမြေ ကုမ္ပဏီပိုင် ရွှေတောတွင် မေ ၁ ရက်နေ့ ညပိုင်းက မိုးသည်းထန်စွာ ရွာသွန်းပြီး ရွှေတွင်းပြိုကျမှု၊ သစ်ပင်များ ပြိုလဲခဲ့မှုကြောင့် သေဆုံးသူ ၁၇ ဦးရှိပြီး ပျောက်ဆုံးသူ ၈ ဦးရှိကြောင်း အဆိုပါ ကုမ္ပဏီ ဥက္ကဋ္ဌ ဦးမြင့်ဦးက မေလ ၁၇ ရက်နေ့ ရန်ကုန်မြို့ ဆာကူရာတာဝါတွင် ကျင်းပသည့် သတင်းစာ ရှင်းလင်းပွဲတွင် ပြောသည်။

အာရှကမ္ဘာမြေပိုင် Gold Star ရွှေတွင်းတွင် မေလ ၁ ရက်နေ့ညပိုင်းက ညဆိုင်း အလုပ်ဆင်းသူ အလုပ်သမား ၃၀ ဦးခန့် ရှိကြောင်း၊ မိုးသည်းထန်စွာ ရွာပြီး တောင်ကျရေများ ရွှေတွင်း အတွင်းသို့ ဝင်ရောက်လာချိန်တွင် ရွှေတွင်း၌ အလုပ်လုပ် နေသူများက နီးစပ်ရာ ထွက်ပေါက်များမှ ထွက်ပြေးခဲ့ကြကြောင်း၊ ရွှေတွင်းထဲတွင် ပိတ်မိနေသူ ၂ ဦးကို ရွှေတွင်း အပြင် ရောက်ရှိနေသူ ၅ ဦးက ကယ်တင်ရန်ကြိုးစားနေချိန် ရေလုံးရိုက်ပြီး ၇ ဦးစလုံး တွင်းထဲသို့ ပြုတ်ကျပြီး အသက် သေဆုံး ခဲ့ရကြောင်း၊ အဆိုပါ ၇ ဦး၏ အလောင်းများကိုလည်း ပေ ၃၀၀ မှ ၅၀၀ အနက်ရှိ ရွှေတွင်းထဲမှ ပြန်လည် ရှင်းလင်း ဆယ်ယူပြီး ဖြစ်ကြောင်း၊ တခြားသေဆုံးခဲ့သူ ၁၀ ဦးမှာ သစ်ပင်ပိခဲ့ခြင်းဖြစ်ပြီး ပျောက်ဆုံးသူ ၈ ဦးရှိကြောင်း သိရှိရသည်။

ဧရာဝတီသတင်းဌာနက ရွှေတွင်းပြိုကျမှုဖြစ်ပွားခဲ့သော အာရှကမ္ဘာမြေပိုင် ရွှေတောဒေသသို့ သွားရောက် သတင်းယူစဉ် ရွှေတွင်း ပြိုကျမှုကြောင့် ၃၆ ဦးသေဆုံးပြီး ပျောက်ဆုံးသူ ၈ ဦးရှိကြောင်း၊ သေဆုံးသူများတွင် တရုတ်နိုင်ငံသားများ ပါဝင်ပြီး တရုတ် နိုင်ငံသား တဦး၏ အလောင်း ရှာဖွေတွေ့ရှိကာ တရုတ်နိုင်ငံသား ၂ ဦးပျောက်ဆုံးနေသဖြင့် အပူတပြင်း ရှာဖွေနေကြောင်း အာရှကမ္ဘာမြေ သတ္တုတူးဖော်ရေး ကုမ္ပဏီမှ ရွှေတူးဖော်ရေး အငှား ကန်ထရိုက်လုပ်ငန်း ဆောင်ရွက်နေသူ ဗိုလ်မှူးဇော်ဝင်းက ဧရာဝတီသို့ အတည်ပြု ပြောဆိုခဲ့သည်။

အာရှကမ္ဘာမြေ ကုမ္ပဏီကမူ သေဆုံးသူများတွင် တရုတ်နိုင်ငံသားများ ပါဝင်ခြင်း ရှိ၊ မရှိကို သတင်းစာရှင်းလင်းပွဲတွင် တရားဝင် ထုတ်ဖော်ပြောဆိုခြင်း မပြုသကဲ့သို့ သေဆုံးနှင့် ပျောက်ဆုံးသူများ၏ အမည်စာရင်း အတိအကျ ထုတ်ပြန်ခြင်း မရှိပေ။

သေဆုံးသူများအနက် အာရှကမ္ဘာမြေ ကုမ္ပဏီမှ အရာရှိတဦး ဖြစ်သူ ဗိုလ်ကြီး သူရပြုံးချိုအတွက် လျော်ကြေး ကျပ်သိန်း ၃၀၊ သာမန် ဝန်ထမ်းများ အတွက် လျော်ကြေး ၁၀ သိန်းနှင့် အကျိုးတူ ပူးပေါင်းဆောင်ရွက် နေသည့်ကုမ္ပဏီများမှ သေဆုံးခဲ့သူများ အတွက် လျော်ကြေး ၅ သိန်းစီ ပေးအပ်ခဲ့ကြောင်း၊ ဒဏ်ရာရသူများကို လျော်ကြေး ၂ သိန်းစီ ပေးခဲ့ပြီး သေဆုံး ဒဏ်ရာရ သူများအားလုံးအတွက် စုစုပေါင်းလျော်ကြေး ကျပ် ၁၀၆ သိန်း ပေးခဲ့ကြောင်း သိရှိရသည်။

“ကျနော်တို့ ပေးတဲ့ လျော်ကြေးတွေက အလုပ်သမား ဝန်ကြီးဌာနက သတ်မှတ်ချက်ထက် အဆများစွာ ပိုပေးထားတယ်။ လုံးဝ မနိမ့်ဘူး၊ အခုလည်း ဝန်ထမ်းတွေ အတွက် အသက် အာမခံထားဖို့ စီစဉ်နေတာတွေ ရှိပါတယ်” ဟု အာရှကမ္ဘာမြေ ကုမ္ပဏီ၏ ဦးမြင့်ဦးက ရှင်းပြသည်။

အာရှကမ္ဘာမြေကုမ္ပဏီ၏ ရွှေတောဒေသတွင် လာရောက် အလုပ် လုပ်ကိုင်နေသူ ကုမ္ပဏီ ဝန်ထမ်း ၆၈၀ ကျော် ရှိခဲ့ သော်လည်း ရွှေတွင်းပြိုကျခဲ့သော ဖြစ်စဉ်ဖြစ်ပွားပြီး နောက်တွင် ဝန်ထမ်း ၁၂၀ ကျော် နုတ်ထွက် သွားကြောင်း ၎င်းက ဆိုသည်။

အာရှကမ္ဘာမြေ သတ္တုတူးဖော်ရေး ကုမ္ပဏီသည် ကလောမြို့နယ် ရွှေမင်းဖုန် ဒေသတွင် သတ္တုတွင်းဝန်ကြီးဌာန၏ ခွင့်ပြုချက်ဖြင့် ရွှေတူးဖော်ရေး လုပ်ငန်းများကို ၂၀၁၁ ခုနှစ် ဒီဇင်ဘာ ၃ ရက်မှ စတင်လုပ်ဆောင်ခဲ့သည်။

ဧရာဝတီ

သမ္မတဦးသိန်းစိန်နဲ့ VOA အမေးအဖြေ

Posted by drmyochit Monday, May 20, 2013, under | No comments


ဦးသန်းလွင်ထွန်း။         ။ မင်္ဂလာပါခင်ဗျ။ အခု ဗွီအိုအေမြန်မာပိုင်း ကနေပြီးတော့ မြန်မာနိုင်ငံကို ရုပ်မြင် သံကြား ကနေ တိုက်ရိုက်ထုတ်လွှင့်မယ့် သမ္မတကြီး ဦးသိန်းစိန်နဲ့ အထူးသဖြင့် ဗွီအိုအေ အပါအ၀င် ဗွီအိုအေ ကနေ အိမ်ရှင် အဖြစ် လက်ခံကျင်းပပေးမယ့် ဒီစီ အနီးတ၀ိုက်မှာ ရှိတဲ့ မြန်မာ အသိုင်း အ၀ိုင်း ကနေပြီးတော့၊ နိုင်ငံရေး၊ စီးပွားရေး၊ ဘာသာရေး၊ လူငယ်ရေးရာ ဘက်ပေါင်းစုံက အသိုင်းအ၀ိုင်းက သမ္မတ ကြီးနဲ့တွေ့ပြီးတော့ မေးချင် တာ၊ နှုတ်ဆက်ချင်တာတွေနဲ့အတူ တွေ့ဆုံပွဲကို စတင်ပါပြီခင်ဗျ။

အထူးသဖြင့် ဒီမိုကရေစီနိုင်ငံတွေမှာပဲ အများအားဖြင့် တွေ့ရလေ့ရှိတဲ့ Town Hall meeting လို့ခေါ်တဲ့ မြို့တော်ခန်း မပုံစံမျိုး၊ ရင်းရင်းနှီးနှီး ပွင့်ပွင့်လင်းလင်း တွေ့ဆုံပွဲကို သမ္မတကြီးအနေနဲ့ လိုလိုလားလားနဲ့ ကျနော်တို့ ဆီကို လာပြီးတော့ အခုလို လာပေးတာ ကျေးဇူးတင်ကြောင်း အရင် ပြောပါရစေ။ အလားတူပဲ တက်လာ တဲ့ပရိသတ်တွေဆိုရင်လည်း သမ္မတနဲ့ တွေ့ဆုံခွင့်ရပြီးတော့ အားလုံးအနေနဲ့ ရိုးရိုးသားသား ပွင့်ပွင့် လင်းလင်း ရှင်းရှင်းလင်းလင်း မေးစရာရှိတာလေးတွေကို မေးပြီးတော့ သမ္မတကြီးဆီကလည်း ပွင့်လင်း ရှင်း လင်းတဲ့ အဖြေတွေကို ရနိုင်လိမ့်မယ်လို့ ကျနော်တို့ ယူဆပါတယ်။ အဲဒီတော့ အကန့် အသတ်လေး နည်းနည်းရှိတဲ့ အတွက်ကြောင့် မေးခွန်းတွေ၊ မှတ်ချက်လေးတွေ ပေးရင်တော့ အချိန် အတိုင်းအတာလေးနဲ့ ဖြစ်စေချင်ပါတယ်။ မေးချင်တဲ့မေးခွန်းတွေကို ပေးပြီးသားဖြစ်တဲ့အတွက်ကြောင့်
မိုလို့ သမ္မ တကြီးပြောတဲ့ အကြောင်းအရာလေးတွေ နဲ့ ကိုက်ညီတဲ့အားလျော်စွာ ကျနော် ခေါ်ပြီးတော့ မေးခွန်းလေးတွေ မေးခွင့်ပေး ပါမယ်။ ဒီထောင့်မှာလာပြီးတော့ မေးခွန်းမေးပေးဖို့ပါပဲ။

ကျနော့်အနေနဲ့ ပထမဦးဆုံးကတော့ မေးချင်တဲ့အကြောင်းကတော့ သမ္မတကြီးအနေနဲ့ နိုင်ငံရဲ့ ၄၇ နှစ်အတွင်း မြန်မာနိုင်ငံရဲ့ ပထမဆုံးသမ္မတအနေနဲ့ အမေရိကန်ပြည်ထောင်စုကို တရားဝင် အလည်အပတ် ရောက်ရှိလာတယ်။ အဲဒီမှာ သမ္မတကြီးအနေနဲ့ အမေရိကန်ပြည်ထောင်စု သမ္မတ ဘရက်အိုဘားမားနဲ့လည်း မနက်ဖြန်ဆိုရင်တွေ့ဆုံဖို့ရှိပါတယ်။ ဒီသမိုင်းဝင်ခရီးစဉ်အတွင်းမှာ သမ္မတကြီးအနေနဲ့ ဘယ်လို မြန်မာနိုင်ငံရဲ့အကျိုးအတွက် ရလဒ်တွေကို မျှော်မှန်းနိုင်ဖို့ ရည်ရွယ်ချက် ရှိထားပါလဲ ဆိုတာလေးကို သမ္မတကြီးအနေနဲ့ အတိုချုပ်လေး ရှင်းပြပေးစေချင်ပါတယ်။ အလားတူပဲ သမ္မတကြီး ဦးဆောင်ပြီးတော့လုပ်နေတဲ့ မြန်မာနိုင်ငံတွင်းမှာ ရှိတဲ့ ပြုပြင်ပြောင်းလဲရေး လုပ်ငန်းစဉ်တွေရဲ့ လက်ရှိအခြေအနေ၊ ရင်ဆိုင်ရတဲ့ အကြောင်းလေးတွေကိုလည်း အတိုချုပ် ရှင်းပြပေးစေချင်ပါတယ်။ အဲဒါပြီးရင်တော့ ပရိသတ်ထဲက မေးစရာရှိတာလေးတွေကို သမ္မတကြီးအနေနဲ့ ဖြေကြားပေးစေချင်ပါတယ်။

သမ္မတဦးသိန်းစိန်။        ။ အားလုံးပဲ တက်ရောက်လာကြတဲ့ အဖွဲ့တွေကို ကျနော့်အနေနဲ့ ကျေးဇူးတင်ကြောင်း ပြောကြားချင်ပါတယ်။ ဒီမှာ အကြောင်းအမျိုးမျိုးနဲ့ ရောက်နေပေမဲ့လည်း မြန်မာနိုင်ငံသားတွေဖြစ်တဲ့အတွက်ကြောင့် စိတ်ထဲမှာတော့ စောစောကပြောသလိုပါပဲ။ ကိုယ့်သွေး ကိုယ့်သားတွေလိုပဲ စိတ်ထဲမှာ သဘောထားပါတယ်။ ခင်ဗျားတို့နဲ့ တွေ့နိုင်အောင် အခုလို စီစဉ်ပေးခဲ့တဲ့ ဗွီအိုအေက တာဝန်ရှိတဲ့ ပုဂ္ဂိုလ်တွေလည်း ကျေးဇူးတင်ကြောင်း ကျနော် ပြောလိုပါတယ်။ စောစောက ကျနော် ပြောသလိုပါပဲ မြန်မာနိုင်ငံနဲ့ အမေရိကန် ဆက်ဆံရေးဟာ ၁၉၄၇ ခုနှစ်ဆိုတော့ လွတ်လပ်ရေးတောင် မရသေးပါဘူး။ လွတ်လပ်ရေး မရခင်ကတည်း ကျနော်တို့က သံတမန်ဆက်သွယ်မှု ရှိခဲ့တယ်။ နောက် ဟိုတုန်းကတော့လည်း သွားလာဆက်ဆံမှုတွေ ရှိပါတယ်။ အဲဒီတော့ ၁၉၅၅ ခုနှစ်ကဆိုလို့ရှိရင်ဝန်ကြီးချုပ်ဦးနု ဒီကိုလာခဲ့ပါတယ်။ ဧည့်သည်အဖြစ်နဲ့။ နောက် တခါ ၂ နှစ်အကြာ ၁၉၅၇ ခုနှစ်မှာ သမ္မတကြီး ဦးမန်းဝင်းမောင် က ဆေးဝါးကုသဖို့ဆိုပြီးတော့ ဒီကိုလာခဲ့ဖူးပါတယ်။ နောက်တော့ ၁၉၆၆ ခုနှစ်မှာ ကျနော်တို့ ဗိုလ်ချုပ်ကြီးနေ၀င်းပေါ့လေ။ တရားဝင်အလည်အပတ်ခရီး လာခဲ့ဖူးပါတယ်။ အဲဒီတော့ ၁၉၆၆ ခုနှစ်ကနောက်ပိုင်းမှာ ကျနော်တို့ အဆက်အသွယ်တွေ ပြတ်သွားကြတယ်။ အသွားအလာတွေ နည်းသွားကြတာ အခု ကျနော်ရောက်တဲ့အချိန်ထိဆိုရင် အားလုံး ကျနော်တို့ ၄၇ နှစ်။ ၄၇ နှစ်အတွင်းမှာ ကျနော်တို့ မြန်မာနိုင်ငံရဲ့ တာဝန်ရှိတဲ့အကြီးအကဲတယောက် အနေနဲ့ အမေရိကန်နိုင်ငံကို၊ မြို့တော်ဝါရှင်တန်ကို ရောက်လာတာဖြစ်ပါတယ်။ အဲဒီတော့ အဓိက ကတော့ ကျနော်တို့ မြန်မာနိုင်ငံနဲ့ အမေရိကန်ဆက်ဆံရေး ဟာ သမ္မတအိုဘားမား လက်ထက်မှာ ပြန်လည်ပြီးတော့ ပွင့်လင်းသွားပြီးတော့ မှ နှစ်နိုင်ငံ ဆက်ဆံရေးဟာ နွေးနွေးထွေးထွေးနဲ့ ကျနော်တို့ ရှိလာတယ်။ နှစ်ပေါင်း ၂၀ လောက် အဆက်အသွယ် အကျိတ်အခဲတွေပေါ့နော်။ အခက်အခဲတွေ ရှိနေရာကနေ အခုတော့ ကျနော်တို့ နှစ်နိုင်ငံရဲ့ ဆက်သွယ်ရေးဟာ သမ္မတအိုးဘားမားရဲ့ ကျင့်သုံးတဲ့ ပေါ်လစီအရ ပြန်လည် ပြီးတော့ ထိတွေ့ဆက်ဆံမှုတွေ၊ ဆက်သွယ်မှုတွေ ကျနော်တို့ရှိလာပါတယ်။ အဲဒီတော့ လာရတဲ့ခရီးစဉ်ရဲ့ အဓိက ကတော့ နှစ်နိုင်ငံ ကျနော်တို့ရဲ့ ခင်မင်ရင်းနှီးမှုကို ဆက်လက်ပြီးတော့ အဓွန့်ရှည်အောင် တည်ဆောက်နိုင်ဖို့ အတွက် ဒါ ကျနော်တို့ လာရောက် လည်ပတ်ခြင်းဖြစ်ပါတယ်။ ဒါကတော့ အဓိက အကြောင်းတစ်ချက်ပေါ့။ အဲဒီတော့ ကျနော်တို့ သမ္မတကြီးနဲ့တွေ့ရင်းနဲ့ ကျနော်တို့နိုင်ငံရဲ့ ဖြစ်ပေါ်တိုးတက်မှုတွေ၊ ကျနော်တို့ တွေ့ကြုံရတဲ့ အခက်အခဲတွေ၊ ကျနော်တို့ရဲ့ ရှေ့အလားအလာတွေ ဒါတွေနဲ့ ပတ်သက်ပြီးတော့ အမေရိကန်နိုင်ငံအနေနဲ့ အဘက်ဘက်ကနေပြီးတော့ ကျနော်တို့နိုင်ငံအပေါ် နားလည်မှု ရှိဖို့၊ တချို့အခက်အခဲတွေ ကို ဖြေရှင်းပေးနိုင်မယ့်ဟာတွေကို ဖြေရှင်းပေးနိုင်ဖို့ ဆိုတဲ့ ဒီလို ရည်ရွယ်ချက်တွေနဲ့ ကျနော်တို့ ဒါ သမ္မတကြီးနဲ့တွေ့ဖို့ဖြစ်ပါတယ်။

ဦးသန်းလွင်ထွန်း။         ။ နောက်ထပ် အကြောင်းအရာတစ်ခုကို မဆက်ခင်မှာပဲ အခု ပရိသတ်ထဲမှာ မေးချင်တဲ့သူတွေထဲက သမ္မတကြီး အခုရှင်းပြတဲ့ အမေရိကန်ပြည်ထောင်စုကို လာရတဲ့အကြောင်းရင်းတွေ ထဲမှာပဲ ပါတဲ့အချက်လေးတခုကတော့ အမေရိကန် ဒီမိုကရေစီစနစ်မှာ မြန်မာနိုင်ငံ အတွက် အတုယူစရာဘာများ ရှိပါသလဲ။ ကိုအောင်သူငြိမ်းက မေးချင်ပါတယ်။ ကိုအောင်သူငြိမ်းကတော့ မြန်မာနိုင်ငံ နယ်စပ်မှာနေနေတဲ့ သူပါ။ အဲဒီတော့ ကိုအောင်သူငြိမ်းအနေနဲ့ မေးချင်တဲ့မေးခွန်းလေးကို မေးစေချင်ပါတယ်။

ဦးအောင်သူငြိမ်း။          ။ ကျေးဇူးတင်ပါတယ် သမ္မတကြီးခင်ဗျ။ ကျနော် အောင်သူငြိမ်းပါ။ ကျနော် ဗဟုဖွံ့ဖြိုးမှုအဖွဲ့ကပါ။ သမ္မတကြီးတို့ ဖိတ်ခေါ်မှုနောက်ပိုင်းမှာ ကျနော် တိုင်းပြည်ကိုလည်း ပြန်ရောက်ပါတယ်။ တချို့သုတေသနလုပ်ငန်းလည်း ကျနော် လုပ်ပါတယ်။ ကျနော် မေးချင်တဲ့မေးခွန်းကတော့ အခုလို ဒီအမေရိကန်ကို လာပြီးတော့ ဒီသမိုင်းဝင်ခရီးစဉ်မှာ အမေရိကန်ရဲ့ ဒီမိုကရေစီစနစ်ကနေ ကျနော်တို့နိုင်ငံက အတုယူစရာ၊ လေ့လာစရာဘာတွေ ရှိမလဲ။ ဒါနဲ့ပတ်သက်လို့ ကျနော် ပထမမေးချင်ပါတယ်။ ဆိုတော့ ဒုတိယကတော့ ကျနော်တို့နိုင်ငံရဲ့ ပညာရေးစနစ် ပြုပြင်ပြောင်းလဲမှု လုပ်တဲ့နေရာမှာ သမ္မတကြီးရဲ့ခရီးစဉ်အတွင်း ဘယ်လိုအထောက်အပံ့ အကူအညီတွေ ရနိုင်မလဲ။ မျှော်လင့်နိုင်မလဲပေါ့။ ဒါလည်း ကျနော်တို့ သိချင်ပါတယ်ခင်ဗျ။

သမ္မတဦးသိန်းစိန်။        ။ အဲဒီတော့ ပထမမေးခွန်းအနေနဲ့ ကျနော်တို့ အမေရိကန်နိုင်ငံဟာ ဒီမိုကရေစီ ကျင့်သုံးလာတာ နှစ်ပေါင်းရာနဲ့ချီ ကြာခဲ့ပြီဖြစ်ပါတယ်။ နောက် ကျနော်တို့နိုင်ငံအနေနဲ့ ပြန်ကြည့်မယ်ဆိုရင် ဒီမိုကရေစီစနစ်ကို ၁၉၄၈ ခုနှစ်မှာ လွတ်လပ်ရေး ကျနော်တို့ရခဲ့တယ်။ ရခဲ့ပြီးတော့ တက်လာတဲ့အစိုးရဟာ ကျနော်တို့ ဒီမိုကရေစီစနစ်ကို ကျင့်သုံးတဲ့အစိုးရပါ။ သို့သော်လည်း ကျနော်တို့ ၁၄ နှစ်ပေါ့နော်။ သက်တမ်းအားဖြင့် ၁၄ နှစ်ပဲ ကျနော်တို့ ကြာညောင်းခဲ့ပြီးတော့၊ ကျန်တဲ့အချိန်တွေဟာ တိုင်းပြည်ရဲ့ တည်ငြိမ်အေးချမ်းမှု၊ လုံခြုံမှု အခြေအနေတွေအရ တပ်မတော်ကပဲ တလှည့်တပြန်စီ တာဝန်ယူသွားရတာ။ အဲဒီတော့ ဒီမိုကရေစီနဲ့ ကျနော်တို့ ကင်းကွာတာ အတော်လေးလည်း ကြာခဲ့ပါပြီ။ ဒီမိုကရေစီနဲ့ကင်းကွာတာ အတော်လေးကြာခဲ့ပြီ။ နောက်တခါ အခု ကျနော်တို့အစိုးရတက်လာတော့ ဒီမိုကရေစီစနစ်ကို ကျင့်သုံးတယ် ဆိုပေမဲ့လည်း ကျနော်တို့မှာ အချိန်ကာလအားဖြင့်က နှစ် နှစ်ပဲ ကျနော်တို့ရှိပါသေးတယ်။ အဲဒီတော့ ဒီမိုကရေစီနဲ့ပတ်သက်ပြီးတော့ ကျနော်တို့မှာ အတွေ့အကြုံတွေ၊ အလေ့အကျင့်တွေ အများကြီးနည်းပါသေးတယ်။ အဲဒီတော့ ဒီမိုကရေစီဆိုတာကို ကျင့်သုံးနေတဲ့ နိုင်ငံကြီးအတွက်တော့ ပြည်သူတွေပိုင်းကလည်း ဒီိမိုကရေစီကို အပြည့်အ၀ခံစားခွင့် ရသလို၊ ဒီမိုကရေစီနဲ့ပတ်သက်ပြီးတော့ တာဝန်ယူမှု၊ တာဝန်ရှိမှုတွေကလည်း အပြည့်အ၀ ပြည်သူတွေက ခံယူထားတယ်လို့ ကျနော်နားလည်ပါတယ်။ ဒါကြောင့် ဒီမိုကရေစီနဲ့ပတ်သက်ပြီးတော့ တဘက်ကလည်း ဒီအခွင့်အရေးတွေ၊ လွတ်လပ်ခွင့်တွေ အပြည့်ဝ ယူချင်သလို၊ တဘက်ကလည်း အမေရိကန်ပြည်သူတွေလို ဒီမိုကရေစီနဲ့ပတ်သက်တဲ့ တာဝန်ရှိမှုတွေ၊ တာဝန်သိမှုတွေ ဒါတွေဟာ ကျနော်တို့နိုင်ငံအတွက် အတုယူဖွယ်ရာဖြစ်တယ်လို့ ကျနော့်အနေနဲ့ပြောချင်ပါတယ်။ ဒါက မေးခွန်းတခုပေါ့။

ဒုတိယမေးခွန်းက ပညာရေးနဲ့ပတ်သက်ပြီးတော့ တိုင်းပြည်တွေ ဖွံ့ဖြိုးတိုးတက်ဖို့အတွက် ပညာရေးဟာ အင်မတန်မှ အဓိကကျပါတယ်။ ပညာရေးဟာ အဓိကကျပါတယ်။ အဲဒီတော့ ကျနော်တို့ရဲ့ ပညာရေးဟာ ကျနော်တို့လေ့လာကြည့်တဲ့အခါမှာ ဒီ လွတ်လပ်ရေးစရပြီးတဲ့ ကာလတွေအပိုင်းမှာ အရှေ့တောင်အာရှမှာဆိုရင် ကျနော်တို့ပညာရေးဟာ အတော်လေးကို ရှေ့တန်းကျကျနဲ့ ရှိနေတဲ့အနေအထားဖြစ်ပါတယ်။ ဟိုတုန်းကလည်း ကျနော်တို့ နိုင်ငံခြား တက္ကသိုလ်ကြီးတွေမှာ နံမည်ကြီးတက္ကသိုလ်ကြီးတွေမှာ ဘွဲ့ရခဲ့တဲ့ ဆရာကြီး၊ ဆရာမကြီးတွေ။ သူတို့ကနေတဆင့် တက္ကသိုလ်တွေမှာ ပြန်လည်သင်ကြားပေးတဲ့ အတွက်ကြောင့် ကျနော်တို့ရဲ့ပညာရေးဟာ ပြောရမယ်ဆိုရင် အရှေ့တောင်အာရှတင် မဟုတ်ပါဘူး။ အာရှမှာပါ ရှေ့ကနေပြီးတော့ ပြေးနေတဲ့ အနေအထား ရှိပါတယ်။ သို့သော်လည်းနောက်ပိုင်းမှာတော့ တိုင်းပြည်ရဲ့အခြေအနေတွေအရ တဖြည်းဖြည်းနဲ့ ပညာရေးနဲ့ပတ်သက်ပြီးတော့ အနောက်နိုင်ငံ တက္ကသိုလ်တွေကနေ၊ နံမည်ကြီးတက္ကသိုလ်တွေကနေ ဘွဲ့ရတဲ့ဆရာကြီးတွေ၊ ဆရာမတွေက တဖြည်းဖြည်းနဲ့ အသက်အရွယ်တွေကြီးလာတာ။ တချို့လည်း ပင်စင်သွားကြတယ်ဆိုတော့ အဆက်အသွယ်တွေ ပြတ်သွားတဲ့အနေအထားမျိုး ဖြစ်ပါတယ်။ အဆက်ပြတ်သွားတဲ့အနေအထားမျိုးဖြစ်တယ်။ ဖြစ်တော့ ပညာရေးဟာ တကယ်တော့ တိုင်းပြည်တပြည် ထူထောင်ဖို့အတွက် အရေးကြီးဆုံး အရာဖြစ်ပါတယ်။ ပညာရေးကိုလည်း ကျနော်တို့ အလေးထားပြီးတော့မှ ရင်းနှီးမြှုပ်နှံဖို့ ကျနော်တို့လိုပါတယ်။

အဲဒီတော့ ကျနော်တို့ ပညာရေးကို မြှင့်တင်ဖို့အတွက် ဒီကနေ့ ကျနော်တို့ ဘက်ပေါင်းစုံ နည်းလမ်းပေါင်းစုံနဲ့ ကျနော်တို့ ကြိုးစားနေပါတယ်။ အဲဒီတော့ ကျနော်တို့ ပညာရေးဟာ ပြောင်းလဲနေတဲ့ ကျနော်တို့နိုင်ငံရဲ့ အခြေအနေအရဆိုရင်တော့ လက်တွေ့လုပ်ငန်းခွင်ကို ထိထိရောက်ရောက် ၀င်နိုင်တဲ့ ပညာရေးမျိုးဖြစ်ဖို့ လိုပါတယ်။ ဥပမာဆိုကြပါစို့။ ကျနော်တို့ စီးပွားရေး ဖွံ့ဖြိုးတိုးတက်ဖို့အတွက် နိုင်ငံခြားရင်းနှီးမြှုပ်နှံမှုတွေ ဖိတ်ခေါ်နေတယ်။ စက်ရုံတွေဆောက်မယ်။ အလုပ်ရုံတွေဆောက်မယ်။ ပြီးရင် ဒီ စက်ရုံတွေ အလုပ်ရုံတွေ ပြီးသွားတဲ့အခါမှာ skill labor တွေ လိုလာတယ်။ ကျနော်တို့ဆီမှာ ဘွဲ့ရတဲ့ကလေးတွေ အများကြီးရှိပါတယ်။ ကွန်ပျူတာနဲ့ဘွဲ့ရတဲ့ ကလေးတွေ၊ အင်ဂျင်နီယာနဲ့ဘွဲ့ရတဲ့ကလေးတွေ၊ သိပ္ပံဘာသာရပ်၊ ၀ိဇ္ဇာဘာသာရပ်နဲ့ ဘွဲ့ရတဲ့ကလေးတွေ။ ဒီကလေးတွေက အလုပ်ရုံ စက်ရုံထဲကို ဘွဲ့ရပြီးတော့ တိုက်ရိုက်ကူးဝင်လို့ ရမလားဆိုတော့ ကျနော်တို့မှာ မရနိုင်သေးပါဘူး။ ဘာဖြစ်လို့လဲဆိုတော့ လုပ်ငန်းခွင်ကို ကျနော်တို့ လုပ်နိုင်တဲ့ ပညာရေးစနစ်မျိုး မဟုတ်သေးဘူး။ မဟုတ်သေးတဲ့အတွက်ကြောင့် အနည်းဆုံးတော့ vocation training ခြောက်လတန်သည်။ တစ်နှစ်တန်သည် ကျနော်တို့ ပြန်ပြီးတော့ ပေး ရမှာဖြစ်ပါတယ်။ အဲဒီတော့ တိုင်းပြည်ဖွံ့ဖြိုးတိုးတက်ဖို့အတွက် ကျနော်တို့မှာ ဘာတွေလိုအပ်သလဲ။ အင်ဂျင်နီယာတွေ အများကြီးလိုအပ်နေလား။ ဆရာဝန်တွေ အများကြီးလိုနေလား။ အဲဒီတော့ တက္ကသိုလ်ကနေ မွေးထုတ်ပြီးတော့ ဘွဲ့ရတဲ့ကလေးတွေဟာ တိုက်ရိုက်လုပ်ငန်းခွင့်မှာဝင်ပြီးတော့ အကျိုးပြုနိုင်တဲ့ ပညာရေးမျိုး ဖြစ်သင့်တယ်။ ဒီပညာရေးမျိုးဖြစ်အောင် ကျနော်တို့ ဒီကနေ့ ကြိုးပမ်းဆောင်ရွက်နေတယ်လို့ ပြောရမှာပါဖြစ်ပါတယ်။

ဦးသန်းလွင်ထွန်း။         ။ ပညာရေးနဲ့ တဆက်ထဲပဲ အခု ဒီမှာရောက်နေတဲ့ ပညာတော်သင်ထဲကပဲပေါ့နော်၊ Humphrey Fellow ပေါ့၊ သူက ဒေါ်မာမာသွင်ပါ။ သူကလည်း အလားတူ မေးခွန်းလေးပဲ မေးထားတော့ သူ့ရဲ့မေးခွန်းကို ဖတ်ပြလိုက်ပါ့မယ်။ လောလောဆယ် နိုင်ငံရပ်ခြားမှာ ပညာတော်သင် ကိစ္စတွေနဲ့ ပတ်သက်ပြီး Exchange Program တွေကို သမ္မတကြီး ဒီမှာရှိနေတဲ့ အချိန်မှာ ဘာတွေမှာ ထူးထူးခြားခြား လုပ်ဆောင်ဖို့ ရှိပါသလဲ ခင်ဗျ။ အထူးသဖြင့် မနက်ဖြန်ဆိုလို့ရှိရင်လည်း ၀ါရှင်တန်မှာရှိတဲ့ Johns Hopkins မှာ သွားရောက်ပြီးတော့ စကားပြောမယ်၊ တွေ့ဆုံဖို့တွေ ရှိတယ်ဆိုတော့ အထူး အစီအစဉ်လေးတွေများ မြန်မာနိုင်ငံကနေပြီးတော့ အဆင့်မြင့် ပညာတွေကို လာပြီးတော့ သင်ဖို့ကိစ္စလေးတွေများ အစီအစဉ် ရှိပါသလား။

သမ္မတဦးသိန်းစိန်။          ။ ဒီတော့ ဒီကိစ္စက အမေရိကန်နိုင်ငံတင် မဟုတ်ပါဘူး။ ကျနော်တို့ရောက်ခဲ့တဲ့ နိုင်ငံတိုင်းမှာ ပညာရေးနဲ့ ပတ်သက်ပြီးတော့ ကျနော်တို့ ခုနကလို ထိုက်သင့်တဲ့ ပူးပေါင်း ဆောင်ရွက်မှုတွေ ပြုပေးဖို့။ အထူးသဖြင့်တော့ ကျနော်တို့ဆီက ပညာတော်သင်တွေကို လက်ခံဖို့။ နောက်တခုကလည်း ပညာတော်သင်တွေကို လက်ခံပေးတယ်ဆိုရင်လည်း သူတို့က သင်ပေးပေမယ့် စရိတ် စကတို့ ဘာတို့ နေရေးအတွက်၊ စားရေးအတွက် ဒါကတွေကလည်း ရှိနေတော့ ၀န်ထုပ် ၀န်ပိုး ဖြစ်ပါတယ်။ ဖြစ်နိုင်လို့ရှိရင်တော့ နိုင်ငံခြားမှာရှိနေတဲ့ တက္ကသိုလ်မျိုး ကျနော်တို့ ပညာတော်သင်တွေကို လက်ခံပြီးတော့ သင်ပေးမယ့် တက္ကသိုလ်ခွဲတွေပေါ့၊ ဥပမာ ဆိုကြပါစို့ အခု Johns Hopkins တက္ကသိုလ်တို့ ဘာတို့ဆို ကျနော်တို့တွေ့ပါတယ်။ ဥက္ကဌတို့ ဘာတို့နဲ့လည်း တွေ့တယ်။ ခင်ဗျားတို့ဗျာ ကျနော်တို့ ဒီမှာလာပြီးတော့ တက်ဖို့ ပညာတော်သင်ကို လက်ခံပေးမယ်ဆိုရင်လည်း ကျနော်တို့မှာ ခုနကလို စားစရိတ်ကြီးတာတွေ၊ နေရေးထိုင်ရေးအတွက် စရိတ်ကြီးတာတွေ ဒါတွေက ရှိနေတယ်။ ကျနော်တို့ မလုပ်နိုင်ဘူး။ ဥပမာ လူဦးရေ သန်း ၆၀ ရှိတဲ့အနက်က ၂ ယောက်လောက် လွှတ်ပြီးတော့ သင်ယုံနဲ့က ဘာမှ ကျနော်တို့က အကျိုး မရှိနိုင်ဘူး။ ဖြစ်နိုင်လို့ရှိရင် ခင်ဗျားတို့ တက္ကသိုလ်ခွဲတွေ လာပြီးတော့ ထူထောင်ပေးပါ။ ကျနော်တို့မှာ ရှိပါတယ် နေရာတွေက အစ။ ဒါကို ကျနော်တို့ အဓိက အလေးအနက်ထားပြီးတော့ ပထမတော့ ကျနော်တို့ ပညာတော်သင်တွေကို။ များများ သင်ပေးနိုင်ဖို့အတွက်က ကိုယ့်ပြည်တွင်းမှာ လာပြီးတော့ ဌာနခွဲတွေကို လာရောက် ဖွင့်ပေးဖို့ဆိုပြီးတော့ ကျနော်တို့ ပြောဖို့ ရှိပါတယ်။ ကျနော်တို့ မနက်ဖြန်တွေ့တဲ့ ပြုတဲ့အခါမှာလည်း ပညာရေးနဲ့ ပတ်သက်လို့ တိုက်ဆိုင်လာရင် ဒီကိစ္စကို ပြောမယ်လို့ ကျနော်တို့ စိတ်ကူးထားပါတယ်။

ဦးသန်းလွင်ထွန်း။      ။    သမ္မတကြီးရဲ့ ခရီးစဉ်အတွင်းမှာ အားလုံး သေသေချာချာ အလေးအနက်ထားပြီးတော့ လေ့လာ ကြည့်ရှုနေကြတဲ့ အချက်ကတော့ အမေရိကန် - မြန်မာ ဆက်ဆံရေးပေါ့။ အမေရိကန် မြန်မာ ဆက်ဆံရေးမှာလည်း လောလောဆယ်အားဖြင့် အမေရိကန် မြန်မာ ဆက်ဆံရေးဟာ ပြန်ပြီး နွေးထွေးလာတယ်ဆိုတာ သမ္မတကြီးလည်း အစောပိုင်းက ပြောပြခဲ့ဘူးပါတယ်။ ဒါပေမယ့်လည်း အမေရိကန်နိုင်ငံ အနေနဲ့က လောလောဆယ် ပိတ်ဆို့ ကန့်သတ်ထားမှုတွေကို ချန်ထားတာလေးတွေ ရှိနေသေးတယ်ခင်ဗျ။ အကုန် မရုပ်သေးပဲနဲ့။ အဲဒီတော့ ဒီကန့်သတ်ချက်တွေကို သမ္မတကြီးရဲ့ ခရီးစဉ်အတွင်းမှာ လွှတ်တော်ပိုင်းကရော၊ ဥပဒေကြောင်းပိုင်းကရော ကြေကြေလည်လည် ရုပ်သိမ်းသွားရေး အောင်မြင်အောင် ဆောင်ရွက်သွားနိုင်မယ်လို့ ယူဆပါသလား။

သမ္မတဦးသိန်းစိန်။      ။ ကျနော်တို့ Sanction ကိစ္စနဲ့ ပတ်သက်လို့ကတော့ ခင်ဗျားတို့လည်း အားလုံး ကြားထားကြပြီးသား ဖြစ်မှာပါ။ အဲဒီတော့ ဒီကနေ့ ကျနော်တို့ရဲ့ ပြည်သူ အများစုကတော့ ၊ ပြည်သူအများအနေနဲ့ တူညီတဲ့ သဘောဆန္ဒ နှစ်ခုရှိပါတယ်။ တခုကတော့ ကျနော်တို့တိုင်းပြည် တည်တည်ငြိမ်ငြိမ် အေးအေးချမ်းချမ်းနဲ့ တရားဥပဒေ စိုးမိုးတဲ့ နိုင်ငံဖြစ်ဖို့ ဒါဟာ လူတိုင်းရဲ့ ဆန္ဒ သဘောထားပဲ ဖြစ်ပါတယ်။ ဒီဟာက ခုနကလို နိုင်ငံရေးနဲ့ သက်ဆိုင်တဲ့ ကိစ္စပေါ့။

အဲဒီတော့ နိုင်ငံရေးအရ ပြုပြင် ပြောင်းလဲမှုတွေလည်း ပြည်သူလူထုရဲ့ ဒီဆန္ဒတွေအပေါ် မူတည်ပြီးတော့ နိုင်ငံရေး တည်ငြိမ်အောင်၊ ကျနော်တို့ရဲ့ နိုင်ငံရေးလုပ်ငန်းစဉ်မှာ အားလုံး ပါဝင်နိုင်အောင်၊ ဒါတွေ ကျနော်တို့ လုပ်ပေးမှာပါ။ နိုင်ငံရေးအကျဉ်းသားတွေ လွတ်ပေးတာ ပြုပေးတာက အစပေါ့။ နောက်တခုကလည်း ကျနော်တို့ နှစ်ပေါင်း ၆၀ ကျော်လောက် ရှိကြခဲ့တဲ့ လက်နက်ကိုင် ပဋိပက္ခ။ လက်နက်ကိုင် ပဋိပက္ခနဲ့ ပတ်သက်ပြီးတော့ ပြည်သူတွေဟာ အင်မတန်မှကို ညည်းငွေ့နေကြပါတယ်။ တချို့ အတွင်းပိုင်းကျတဲ့ မြို့ကြီးတွေမှာ မသိသာပေမယ့်လည်း နယ်စပ်ဒေသတွေမှာ ဒါတွေကို ခါးစည်းပြီးတော့ ခံနေရတာပေါ့။ ဒါကြောင့် ငြိမ်းချမ်းရေးကို ကျနော်တို့ လိုချင်နေကြပါတယ်။ ဒီလက်နက်ကိုင် ပဋိပက္ခတွေ ချုပ်ငြိမ်းဖို့အတွက် ငြိမ်းချမ်းရေး တည်ဆောက်ဖို့အတွက် ကျနော်တို့ ကြိုးပမ်းနေတာ ခင်ဗျားတို့လည်း ကြားပါတယ်။ ခင်ဗျားတို့လည်း သိပါတယ်။
နောက်တခုကတော့ ခုနကလို ဒီမိုကရေစီရှင်သန်ဖို့အတွက် တိုင်းပြည်တည်ငြိမ်အေးချမ်းဖို့၊ လုံခြုံဖို့၊ တရားဥပဒေစိုးမိုးဖို့ လိုအပ်သလိုပဲ တဘက်ကလည်း လူမှုစီးပွားရေးတွေ ဖွံ့ဖြိုးတိုးတက်ဖို့ လိုအပ်ပါတယ်။ အဲဒီတော့ စီးပွားရေး ဖွံ့ဖြိုးရေး တိုးတက်ရင်ပဲ လူမှုရေးကလည်း ထပ်ချပ်မကွာ လိုက်လာတာဖြစ်ပါတယ်။ အဲဒီတော့ စီးပွားရေးဖွံ့ဖြိုးတိုးတက်တယ်၊ အလုပ်အကိုင်တွေ ရတယ်။ အလုပ်အကိုင်တွေရတဲ့အတွက်ကြောင့် ၀င်ငွေတွေ ရလာတယ်။ ၀င်ငွေတွေ ရတဲ့အတွက်ကြောင့် နေနိုင်တယ်၊ စားနိုင်တယ်။ ကလေးတွေကို ကျနော်တို့ ကျောင်းထားနိုင်တယ်။ နေထိုင်မကောင်းဖြစ်ရင် ကျနော်တို့ ဆေးဝါးကုသနိုင်တယ်။ အဲဒီတော့ စီးပွားရေးနဲ့ လူမှုရေးဟာ ဒွံတွဲပြီးတော့ ပါလာတယ်။ အဲဒီတော့ တိုင်းပြည်မှာ ကျနော်တို့ စီးပွားရေးကို ထိထိရောက်ရောက် ဖြစ်ဖြစ်မြောက်မြောက်ဖြစ်အောင် ထူထောင်ဖို့ကြတော့ ကျနော်တို့မှာ လိုအပ်ချက်တွေ ရှိတယ်။

လိုအပ်ချက်က တစ်အချက်ကဘာလဲဆိုရင် ကျနော်တို့မှာ ရင်းနှီးမြှုပ်နှံဖို့ အရင်းအနှီး ကျနော်တို့မှာ လုံလုံလောက်လောက်မရှိဘူး။ ပြည့်ပြည့်စုံစုံ မရှိဘူး။ နောက်တစ်ခုကတော့ နည်းပညာပိုင်းပေါ့။ နည်းပညာပိုင်းနဲ့ ပတ်သက်ပြီးတော့လည်း ကျနော်တို့က နောက်ကျနေတယ်။ တတိယ အချက်ကတော့ လူ့စွမ်းအားအရင်းအမြစ်တွေ။ လူ့စွမ်းအားအရင်းအမြစ်တွေ ကတော့ ခင်ဗျားတို့သိတဲ့အတိုင်းပဲ။ အခုပဲ နေရာအနှံ့မှာ တက္ကသိုလ်တွေ ထောင်ပြီးတော့ အခုမှ မွေးမြူနေရတဲ့ အနေအထားရှိတယ်။ အဲဒီတော့ အရေအတွက်တွေကတော့ အထိုက်အလျောက် ကျနော်တို့ရတယ်။ သို့သော်လည်း ဒီအရေအတွက်တွေကို အရည်အချင်းအဖြစ် ပြောင်းလဲဖို့ မှာ ကျောင်းကပြီးတာနဲ့ ကျနော်တို့ လုပ်ငန်းခွင်မှာဝင်ပြီးတော့ အလုပ်လုပ်နိုင်တဲ့ အရည်အချင်းတွေ ပြောင်းလဲဖို့အတွက် ဒါတွေလည်း ကျနော်တို့ ဆောင်ရွက်နေပါတယ်။ အဲဒီတော့ ကျနော်တို့မှာ အရင်းအနှီးမရှိဘူး။ နောက် နည်းပညာ နောက်ကျနေတယ်။ ဒီအတွက်ကြောင့် ကျနော်တို့က နိုင်ငံခြားရင်းနှီးမြှုပ်နှံမှုတွေကို ကျနော်တို့က ဖိတ်ခေါ်ရတာ။ နိုင်ငံခြားရင်းနှီးမြှုပ်နှံမှုတွေကို ဖိတ်ခေါ်ရတာ။

အဲဒီတော့ နိုင်ငံခြား ရင်းနှီးမြှုပ်နှံဖို့ဆိုတာ ကျနော်တို့နိုင်ငံကို လာပြီးတော့ ရင်းနှီးမြှုပ်နှံချင်ကြပါတယ်။ ဘာဖြစ်လို့လဲဆိုတော့ ကျနော်တို့မှာ သဘာဝရဲ့ အခြေခံအရင်းအမြစ်တွေက ကျနော်တို့ အများကြီးရှိပါတယ်။ gas တွေ၊ oil တွေ၊ သစ်တောတွေ၊ သားငါးတွေရှိတယ်။ ရာဘာတွေရှိတယ်။ နောက်တခါ စားသုံးကုန်ပစ္စည်းတွေနဲ့ပတ်သက်ပြီးတော့လည်း အစားအသောက်မျိုးစုံ ထုတ်လုပ်နိုင်တဲ့ လယ်ယာကဏ္ဍ ဒါတွေ ကျနော်တို့မှာရှိနေတယ်။ ရင်းနှီးချင်တဲ့နိုင်ငံတွေက အများကြီးပါ။ အခုလည်းပဲ ခုနကလို တစ်ရက်ခြားနီးပါးလောက်က အမြဲတမ်း စီးပွားရေးလုပ်ငန်းရှင်တွေနဲ့ ထိတွေ့နေရတဲ့အနေအထား ရှိပါတယ်။ အဲဒီတော့ နိုင်ငံခြားသားက လာရောက်ပြီးတော့ ရင်းနှီးမြှုပ်နှံဖို့ ငွေထုပ်ကြီးကိုပိုက်ပြီးတော့ ကျနော်တို့နိုင်ငံကိုလာ ရင်းနှီးမြှုပ်နှံဖို့ဆိုတာ တကယ်တော့ ကျနော်တို့နိုင်ငံကို ချစ်လွန်းအားကြီးလို့၊ ကျနော်တို့ကို ဖွံ့ဖြိုးတိုးတက်စေချင်လို့ လာပြီးတော့ ရင်းနှီးမြှုပ်နှံတာမဟုတ်ပါဘူး။ ဒီရည်ရွယ်ချက်က နည်းပါတယ်။ အဓိက ကတော့ သူတို့အတွက် ဘာအကျိုးရှိမလဲ၊ အကျိုးအမြတ် ဘယ်လောက်ရနိုင် မလဲ။ နောက်တစ်ခု သူတို့ကို ဘယ်လိုအကာအကွယ်ပေးမလဲ။ နောက်တစ်ခုက သူတို့ရဲ့ မျှော်မှန်းချက်၊ ရည်မှန်းချက်တွေက ဘာတွေရှိလဲ ဒါတွေကို သူတို့ကြည့်မယ်။ ဒါတွေကို ကြည့်တဲ့အခါမှာ ဘာတောင်းလဲဆိုတော့ ပထမဆုံး Foreign Investment Law ကိုတောင်းတယ်။ အဲဒီတော့ Foreign Investment Law နဲ့ပတ်သက်ပြီးတော့ ကျနော်တို့မှာ ဥပဒေဟာ ပတ်ဝန်းကျင်မှာရှိနေတဲ့ ရင်းနှီးမြှုပ်နှံချင်သူတွေရဲ့ နိုင်ငံတွေနဲ့ လိုက်လျောညီထွေ မဖြစ်ဘူး။ မဖြစ်တဲ့အတွက်ကြောင့် ဒီ Foreign Investment Law ကို ပြီးခဲ့တဲ့နှစ်က ပြန်ပြီးတော့ ရေးဆွဲတယ်။ နိုင်ငံ လေး ငါး ခြောက်နိုင်ငံလောက်ကို စံနမူနာယူပြီးတော့မှ ဒီ law ကို ကျနော်တို့ ပြန်ရေးဆွဲတယ်။ ရေးဆွဲပြီးတော့မှ လွှတ်တော်ထဲမှာလည်း တော်တော်လေး အခြေအတင် ဆွေးနွေးကြ၊ ပြုကြနဲ့ ဒီလိုတွေ ကျနော်တို့ လုပ်ရပါတယ်။ အခုတော့ ခုနကလို နိုင်ငံခြားရင်းနှီးမြှုပ်နှံမှု ဥပဒေဟာ ကျနော်တို့ ပြဌာန်းပြီးဖြစ်ပါတယ်။ လာရောက်ပြီးတော့ ရင်းနှီးမြှုပ်နှံမယ့်နိုင်ငံတွေကလည်း ဘာပဲဖြစ်ဖြစ် ဒီဥပဒေကို သဘောကျပါတယ်။ ဒီအခက်အခဲတခုကတော့ ကျနော်တို့ ကျော်လွှားနိုင်တယ်။

နောက်ပြီးတော့ နောက်တစ်ခု ရင်းနှီးမြှုပ်နှံတာ။ စက်ရုံတွေဆောက်တယ်။ အလုပ်ရုံတွေဆောက်တယ်။ ကုန်ပစ္စည်းတွေထုတ်တယ်။ ထွက်လာတဲ့ ကုန်ပစ္စည်းတွေကို မ၀ယ်ဘူး၊ မပြုဘူး ပိတ်ပင်ထားတယ်ဆိုရင် ဘယ်သူမှလာပြီးတော့ ရင်းနှီးမြှုပ်နှံမှာ မဟုတ်ပါဘူး။ အဲဒီတော့ ဒုတိယအခက်အခဲကတော့ ဒီဟာက sanctions နဲ့သွားပြီးတော့ ဆိုင်ပါတယ်။ အဲဒီတော့ ကျနော်တို့ ဒီမိုကရေစီကိုလိုလားတယ်။ ခုနကလို ဒီမိုကရေစီစနစ် ရှေ့ကိုဆက်ပြီးတော့ ရှင်သန်ဖွံ့ဖြိုးစေချင်တယ်ဆိုရင် ဒါ ဒီမိုကရေစီနဲ့ နိုင်ငံရေး၊ ဒီမိုကရေစီနဲ့စီးပွားရေးဟာလည်း တခုနဲ့တခုဟာ ကွင်းဆက်လို ဖြစ်နေတဲ့အတွက်ကြောင့် မြန်မာနိုင်ငံမှာ စီးပွားရေးဖွံ့ဖြိုးတိုးတက်ဖို့အတွက် ဒါကို စာနာထောက်ထားသင့်တယ်။ ဒါတွေ အခက်အခဲအတားအဆီးတွေကို ဖယ်ရှားပေးသင့်တယ် ဆိုတဲ့ ဒါလေးကိုတော့ ကျနော် ပြောမယ်ပြောပါတယ်။

ဦးသန်းလွင်ထွန်း။         ။  သမ္မတကြီးဆိုလိုချင်တဲ့သဘောကတော့ အနောက်နိုင်ငံတွေရဲ့ ပိတ်ဆို့ထားမှုကို ရုတ်သိမ်းဖို့ အထူးလိုအပ်နေပြီ။ လိုအပ်နေတဲ့အချိန်မှာ လက်ရှိမှာ တဖက်မှာလည်း အလုံးစုံ မဖြေဖျောက်နိုင်သေးတဲ့ကိစ္စက မြန်မာနိုင်ငံရဲ့ ပြုပြင်ပြောင်းလဲတဲ့အပေါ်မှာ သူတို့ကြည့်ပြီးတော့ ဆုံးဖြတ်နေတယ်ဆိုတဲ့ သဘောပေါ့။ အဲလိုဆိုရင် မြန်မာပြည်ရဲ့ ပြုပြင်ပြောင်းလဲ့မှုလုပ်ငန်းတွေမှာ  ကြုံတွေ့နေရတဲ့ အတားအဆီးလေးတွေ၊ အခက်အခဲလေးတွေ၊ မပြေပျောက်နိုင်သေးတဲ့ အချက်လေးတွေရှိပါတယ်။ အဲဒါလေးတွေကို တချက်လောက်ပြန်ပြောပြပေး ပါလား။

သမ္မတ ဦးသိန်းစိန်။       ။ ကျနော်စောစောကပြောသလိုပေါ့။ ကျနော်တို့မှာသက်တမ်းအားဖြင့် ၂နှစ်ပဲရှိသေးတယ်။ ဒါအစိုးရဲ့ သက်တမ်း လွှတ်တော်ရဲ့ သက်တမ်းပေ့ါ။ နောက်ပြည်သူလူထုကလည်း ဒီမိုကရေစီနဲ့ ကင်းကွာနေတာ ကြာခဲ့ပြီ။ အတွေ့အကြုံနည်းတယ်။ အလေ့အကျင့်က နည်းတယ်ဆိုတဲ့အတွက်ကြောင့်၊ တစ်အချက်က လွတ်လပ်မှုအခွင့်အရေး ပိုင်းက ပေးသင့်သလောက် ကျနော်တို့ကပေးပြီးသွားပြီ။ တချို့ကိစ္စတွေ ကျတော့လည်း ကန့်သတ်မှုတွေ ကျနော်တို့ရှိခဲ့တယ်။ ပြည်သူအပိုင်းကလည်း တာဝန်ယူမှု၊ တာဝန်ရှိမှု၊ တာဝန်သိမှုက နည်းပါးသေးတယ်။ နည်းပါးသေးတဲ့အတွက်ကြောင့် တချို့ကိစ္စတွေမှာလည်း ကျနော်တို့ အရေးယူ ရတာတွေ ဆောင်ရွက်ရတာတွေ၊ ဒါတွေကျနော်တို့ရှိပါတယ်။ ဒါတွေကို အကြောင်းပြပြီး ဒီအပေါ်မှာ စောင့်ကြည့်နေတဲ့ စောင့်ကြည့်နေတဲ့ သဘောထားတွေရှိပါတယ်။ အဲတော့ ကျန်တာတွေကတော့ ကျနော်တို့ တက်နိုင်သလောက်တော့ ကျင့်သုံးတဲ့ စနစ်နဲ့ လိုက်လျောညီထွေဖြစ်အောင်လို့ ကျနော်တို့ များစွာပြောင်းလဲပြီး ပေးနေတယ်။ သို့သော်လည်းပဲ တချို့ကိစ္စတွေက ဥပမာ ကျနော်တို့ ဆိုကြပါစို့ ယုံမှားသံသယဖြစ်တဲ့ ကိစ္စတွေလည်း ကျနော်တို့ ရှိခဲ့ပါတယ်။ ဥပမာ မြောက်ကိုရီးယားနဲ့ လက်နက်ခဲယမ်းကိစ္စတွေနဲ့ ပတ်သက်ပြီးကျနော်တို့ ဆက်သွယ်တယ်တို့၊ သံသယတွေနဲ့ ကျနော်တို့ကို စောင့်ကြည့်နေတဲ့ သဘောပါပဲ။ မြန်မာနိုင်ငံမှာ အဏုမြူလုပ်နိုင်တဲ့အနေအထားလဲမရှိပါဘူး။ ပိုက်ဆံလည်းမရှိပါဘူး။ အတတ်ပညာလည်းမရှိပါဘူး။ သူများကလည်း ဘယ်သူမှ ကျနော်တို့ကို လာပြီးလုပ်ပေးမှာမဟုတ်ပါဘူး။  လုပ်ရင်လည်းကျနော်တို့ အကုန်လုံးဝိုင်းပြီးတော့ ကန့်ကွက်ကြမှာဖြစ်ပါတယ်။ သို့သော်လည်း မြောက်ကိုရီးယားကို ကျနော်တို့ ဆက်ဆံရတာတွေရှိပါတယ်။ ဟိုတုန်းက  ကျနော်တို့ အကုန်ပိတ်ဆို့ထားတဲ့အခါမှာ  ကျနော်တို့လည်း ကိုယ့်နိုင်ငံကို ကာကွယ်ဖို့အတွက်၊ ကိုယ့်ကို ကူညီနိုင်မယ့် နိုင်ငံကို ရှာရတာပါ။ သံတမန် ဆက်သွယ်မှုတော့ရှိခဲ့တယ်။ ဒီဘက်ပိုင်းမှာတော့ ကျနော်တို့ အစိုးရတက်လာတဲ့အခါမှာ စစ်ရေးအားဖြင့်ဆက်သွယ်မှုတွေလုံးဝမရှိပါဘူး။  သံတမန်ပဲရှိပါတယ်။ သို့သော်လည်း ဒီအပေါ်မှာ ကျနော်တို့ အနည်းလေး မယုံသင်ကာမှုတွေနဲ့ရှိတဲ့ သဘောမျိုးဖြစ်မယ်လို့ ကျနော်တို့ထင်ပါတယ်။ ခုနကလို ကျနော်တို့ကို sanction တွေရုတ်ပေးပါ၊ ရုပ်ပေးပါလို့ ပြောပေမဲ့လည်း၊ သူတို့ရဲ့ အခြေအနေက ဒီလိုကြည့်နေရတဲ့ အခြေအနေရှိနေတယ်လို့ ကျနော်ထင်ပါတယ်။ ဒါကြောင့်မို့ ကျနော်အတင်းအကြပ်တော့ မတောင်းဆိုပါဘူး။ သို့သော်လည်း ကျနော်တို့ ဒီမိုကရေစီစနစ် ရှင်သန်ဖွံ့ဖြို့ဖို့ဆိုရင် စီးပွားရေးဖွံ့ဖြိုးတိုးတက်ဖို့လိုတယ်။ အဲတော့ စီးပွားရေးဖွံ့ဖြိုးတိုးတက်ဖို့ဆိုရင် ဒီလို ပိတ်ဆို့တားဆီးမှုတွေက အဟန့်အတားတွေဖြစ်စေတယ်။ အဟန့်အတားတွေကို ကျနော်တို့က တတ်နိုင်သလောက်ဖယ်ရှားပေးဖို့ ဆိုတဲ့ ဒီသဘောလောက်ပါပဲ။

ဦးသန်းလွင်ထွန်း။         ။ ဟုတ်ကဲ့ သံသယတွေဖြေဖျောက်သွားပြီဆိုရင်တော့ မကြာခင်မှာရုတ်သိမ်းမှုတွေ လုပ်လာမှာပေါ့။ သမ္မတကြီးပြောသွားတဲ့ အထဲမှာ မြန်မာပြည်သူလူထုအနေနဲ့ လွတ်လပ်မှုတွေ အခုပိုပြီးရလာတဲ့ အချိန်မှာ တချို့လည်း ကျင့်သားမရသေးဘူးလို့ ပြောသွားပါတယ်။ ဒါနဲ့ပတ်သက်ပြီးတော့ ဒေါ်အတာ မေးထားတဲ့ မေးခွန်းလေးတခုကို ကျနော်တွေ့ပါတယ်။ ဒေါ်အတာကတော့ ဒီက ၀ါရှင်တန်ဒီစီမှာ လူငယ်ပိုင်းမှာ တော်တော်လေးကို တက်တက်ကြွကြွလုပ်ဆောင်တဲ့ အမျိုးသမီးတဦးပါ။ သူက မြန်မာနိုင်ငံရဲ့ တရားဥပဒေနဲ့ပတ်သက်ပြီးတော့ သမ္မတကြီးတို့အစိုးရအနေနဲ့ လုပ်ကိုင်နေတာလေးတွေနဲ့ ပတ်သက်ပြီးမေးချင်ပါတယ်လို့ပြောပါတယ်။

ဒေါ်အတာ။       ။ မင်္ဂလာပါရှင်။  သမ္မတကြီးကို ကျမအနေနဲ့ မေးချင်တာက လက်ရှိအခြေအနေက ရရှိထားတဲ့ ပါဝါအနေနဲ့ ကျမတို့ ဒီ ၂၀၀၈ဥပဒေဆိုတဲ့  လူတစု အတွက် ဖွဲ့စည်းထားတဲ့ အခြေခံ ဥပဒေဘယ်တော့ ပြင်မှာလဲဆိုတာကို ကျမအနေနဲ့ သိချင်ပါတယ်။ နောက်တခုက ကျမတို့ အခု လက်ရှိဖြစ်ပေါ်နေတဲ့ လက်ပံတောင်းတောင်မှာ တရုတ်ကိုလိုနီတွေအနေနဲ့ သိမ်းပိုက်နေတဲ့ လယ်ယာ ဘယ်တော့ ရပ်တန့်မှာလဲ။ အဲဒိရပ်တန့်မှုတွေအပေါ်မှာ လူထုအနေနဲ့ နှိုးကြွလာမှုတွေနဲ့ ပတ်သက်ပြီး ဆန္ဒပြမှုတွေ ဖြစ်လာတဲ့အခါမှာ ဆန္ဒပြမှုတွေကို မျက်လှည့်ပြတဲ့အနေနဲ့ ကျမတို့ ဒီနေ့ပဲ၊ နောက်အပတ်လောက် ဆိုရင်တော့ ဒီပဲရင်း ဆယ်နှစ်ပြည့်ပါတော့မယ်။ ဒီပဲရင်းကို လုပ်ကြံခဲ့တဲ့ လူတစုအနေနဲ့ ကျမတို့ ဗမာ ပြည်သူလူထုတွေကနေပြီးတော့ ကုလားနဲ့တိုက်ပြီးတော့ ဘာသာရေး အဓိကရုဏ်းလုပ်နေတဲ့ဟာကို သမ္မတကြီးအနေနဲ့ ဘယ်လိုများ ဖြေရှင်းနိုင်မလဲ၊ အရေးယူပေးနိုင်မလဲဆိုတာ သိချင်ပါတယ်။

သမ္မတဦးသိန်းစိန်။        ။ ဒီမေးခွန်းနဲ့ပတ်သက်ပြီးတော့ တချို့ ကိစ္စတွေကလည်း တဖက်ကအမြင်ပဲဖြစ်ပါတယ်။ တဖက်ကအမြင်ဆိုတော့ အလုံးစုံတော့ မှန်ချင်မှ မှန်မယ်ပေါ့။ တဖက်ထဲက ကြည့်ရင်တော့ ၀ါးခြမ်းပဲ မြင်နေမှာပါ။ ဒီဘက်ကကြည့်ရင်လည်း ၀ါးခြမ်းပဲ မြင်နေမှာပဲ။ နှစ်ဘက်လုံးက လှည့်ပတ်ကြည့်မသာ ၀ါးလုံးပါလားဆိုပြီး သိရမှာမြင်ရမှာဖြစ်ပါတယ်။ အဲဒီတော့ ဖွဲ့စည်းပုံအခြေခံဥပဒေဟာ လူတစုအတွက် မဟုတပါဘူး။ လူအများထောက်ခံ အတည်ပြုထားတဲ့ ဖွဲ့စည်းပုံအခြေခံဥပဒေဖြစ်ပါတယ်။ နောက်ဖွဲ့စည်းပုံအခြေခံဥပဒေဆိုတာ သော့ခတ်ထားတဲ့ သံမဏိမျိုးဟုတ်ပါဘူး။ သူ့မှာ ပြင်ဆင်နိုင်တဲ့ amendment ပါပြီးသားဖြစ်ပါတယ်။ အဲတော့ ဖွဲ့စည်းပုံအခြေခံဥပဒေကို ပြင်ဆင်မယ်ဆိုရင် ဒီ amendment  သူ့မှာ လုပ်ထုံးလုပ်နည်းတွေရှိပါတယ်။ ဒီလုပ်ထုံးလုပ်နည်းတွေအတိုင်း ကျနော်တို့ ပြင်ဆင်လို့ရပါတယ်။
ဒီဟာက တချက်ပေါ့နော်၊ နောက် လက်ပံတောင်းတောင် ကိစ္စနဲ့ ပတ်သက်ပြီးတော့ ဆန္ဒပြနိုင်တဲ့ အခွင့်အရေးတွေ နိုင်ငံတော်ကနေပြီးတော့ တရားဝင်ဥပဒေနဲ့ ပြဌာန်း ပေးထားတာဖြစ်ပါတယ်။ တဖက်က ဒီဥပဒေနဲ့ အညီ ပြဖို့ ပြုဖို့လိုပါတယ်။ ဒီကိစ္စတွေဟာ ကျနော်တို့ အစိုးရဖြစ်လာတော့မှ ပေါ်ပေါက်လာတဲ့ ကိစ္စတွေမဟုတ်ပါဘူး။ အရင်တုန်းက စာချုပ်စာတမ်းအရ လုပ်ခဲ့ ပြုခဲ့ကြတဲ့ ကိစ္စ ကျနော်တို့က ၀င်ပြီး ဖြေရှင်းပေးတဲ့သဘောပဲဖြစ်ပါတယ်။ ဒီမှာ ကျနော်တို့ ရက်ရက်စက်စက် သတ်တယ်ဖြတ်တယ်ဆိုတာလဲ intentionally  လုပ်တာပြုတာမဟုတ်ပါဘူး။ ရဲကတော့ တရားဥပဒေထိန်းသိမ်းရေးအရ တကမ္ဘာလုံးမှာ လုပ်ရိုးလုပ်စဉ်ထိန်းသိမ်းနည်းတွေနဲ့ ထိန်းသိမ်းရတာဖြစ်ပါတယ်။ သို့သော်လည်းပဲ ဘုန်းကြီးရဟန်းတွေ ကျနော်တို့လည်း ဗုဒဘာသာ တဦးပါ။  ဘုန်းကြီးရဟန်းကို ရှိခိုးဦးခိုက်နေရပါတယ်။ ဒီဘုန်းကြီးရဟန်းတွေလည်း ကျနော်တို့ ဒီလို ဖြစ်ချင်တဲ့ ဆန္ဒတွေမရှိပါဘူး။ သို့သော်လဲ ကျနော်တို့ မမျှော်လင့်ပဲနဲ့ အခန့်မသင့်ပဲနဲ့ ဖြစ်သွားတဲ့ ကိစ္စတွေပါပဲ။  ဖွဲ့စည်းပုံအခြေခံဥပဒေနဲ့ပတ်သက်ပြီး ပြန်ပြောရမယ်ဆိုရင် ကျနော်တို့ ပြင်နိုင်ပါတယ်။ Amendment ကျနော်တို့ရှိတယ်။ လူတစုအတွက်ဆိုတာကတော့ စွပ်စွဲတာပဲဖြစ်တယ်။ ဘာကြောင့်လဲဆိုရင် ကျနော်တို့ ရာခိုင်နှုံးအားဖြင့် ပြောလို့ရတယ်။ ပြည်သူလူထု ဘယ်လောက်ထောက်ခံလဲ ဆိုတာ ဖွဲ့စည်းပုံအခြေခံဥပဒေရဲ့ ပထမ၊ ဒုတိယစာမျက်နှာတွေမှာ ကျနော်တို့ ပါပြီး ဖြစ်ပါတယ်။ သို့သော်လည်း ကျနော်တို့ဒါ သံမဏိစည်းမျဉ်းဟုတ်ဘူး။ သော့ခတ်ထားတာမဟုတ်ဘူး။ amendment ကျနော်တို့ ပေးထားတယ်။ လွှတ်တော်က ပြင်နိုင် တယ်။ ပြည်သူက ပြင်နိုင်တဲ့အနေအထားကျနော်တို့ရှိပါတယ်။

ဦးသန်းလွင်ထွန်း။         ။ ကျနော် ဖြည့်စွက်မေးချင်တာလေးတစ်ခုကတော့ အုပ်ချုပ်ပုံအခြေခံဥပဒေ ပြုပြင်ရေးနဲ့ ပတ်သက်လို့ပေါ့။ လာမယ့် ၂၀၁၅ ခုနှစ်မှာဆိုလည်း နောက်ထပ်ရွေးကောက်ပွဲတစ်ခု စပါမယ်။ ဒီနေရာမှာ မြန်မာနိုင်ငံရဲ့ ၂၀၀၈ ခုနှစ်၊ ဖွဲ့စည်းပုံအခြေခံဥပဒေနဲ့ ပတ်သက်လို့ ထောက်ပြနေကြတဲ့ ကိစ္စတစ်ခုကတော့ လွှတ်တော်ထဲမှာ စစ်တပ်က ၂၅ % ပါနေတဲ့ ကိစ္စပေါ့နော်။ အဲဒီကိစ္စကို ပြန်ပြီးတော့ သုံးသပ်ဖို့၊ ပြင်ဆင်ဖို့လည်း လွှတ်တော်ထဲမှာ ဆွေးနွေးနေကြတာတွေ၊ တင်ပြလာတာတွေလည်း ကျနော်တို့ ကြားရပါတယ်။ အဲဒါနဲ့ပတ်သက်လို့ သမ္မတကြီးတို့ အစိုးရပိုင်းရဲ့ သဘောထားကရော ဘယ်လိုရှိပါသလဲ၊ သိချင်ပါတယ်။

သမ္မတဦးသိန်းစိန်။        ။ ပွင့်ပွင့်လင်းလင်းပေါ့ဗျာ။ ကျနော်တို့ တပ်မတော်နဲ့ပတ်သက်ပြီးတော့ - ခင်ဗျားတို့လည်း သိပါတယ်။ လွတ်လပ်ရေးစပြီးတော့ ကြိုးပမ်းကတည်းက ဗိုလ်ချုပ်အောင်ဆန်းက တပ်မတော်ရဲ့ ခေါင်းဆောင်တစ်ဦးပါ။ ဗိုလ်ချုပ်အောင်ဆန်းက တပ်မတော်ကို ဖွဲ့ပေးလိုက်ပြီးတော့မှ ဒီ တပ်မတော်နဲ့ ပြည်သူလူထု ပူးပေါင်းပြီး လွတ်လပ်ရေးရအောင် ကြိုးပမ်းဆောင်ရွက်ခဲ့တာ ဖြစ်ပါတယ်။ ကျနော်တို့ရဲ့သမိုင်းကြောင်းမှာ တပ်မတော်ဟာ --- (၁း၀၁) အဖွဲ့အစည်းတစ်ခု ဖြစ်ပါတယ်။ ဒီဘက်ပိုင်းမှာလည်း လွတ်လပ်ရေးနဲ့ အတူ ပေါက်ဖွားလာတဲ့ လူမျိုးစု လက်နက်ကိုင် ပဋိပက္ခတွေနဲ့ တိုင်းပြည်ဟာ ဆူဆူပူပူဖြစ်ပြီးတော့ အစိုးရတောင်မှာ ရန်ကုန်အစိုးရ ဆိုပြီးတော့တောင်မှ ပြောတာ ဆိုတာ ခံရတာ ရှိပါတယ်။ အဲဒီတော့ တိုင်းပြည်က အခုနကလို သောင်းကြမ်းမှု အန္တရာယ်တွေနဲ့ ဒုက္ခသုက္ခတွေ ရောက်နေတဲ့အချိန်မှာ ကျနော်တို့ တပ်မတော်ကပဲ ဝင်ပြီးတော့မှ ဒီအခက်အခဲတွေ၊ အကျပ်အတည်းတွေ- ဒါတွေကို ဝင်ပြီး ဖြေရှင်း ဆောင်ရွက်ပေးတဲ့ အနေလည်း ရှိပါတယ်။ အဲဒီတော့ ကျနော် ပြောချင်တာက ကျနော်တို့ တပ်မတော်ဟာ ကျနော်တို့ သမိုင်းကြောင်း အခြေခံတွေက တခြား နိုင်ငံက တပ်မတော်တွေနဲ့ တူချင်မှ တူမယ်ပေါ့လေ။
လွတ်လပ်ရေး ကြိုးပမ်းမှု သမိုင်းမှာလည်း ပြည်သူနဲ့ပူးပေါင်းပြီးတော့ မှ ဆောင်ရွက်ခဲ့တာတွေ ရှိတယ်။ တိုင်းပြည်မှာ အခက်အခဲ အကြပ်အတည်းတွေ ဖြစ်ပေါ်လာတဲ့အခါမှာလည်း အခုနကလို တပ်မတော်ဟာ ကျရာ အခန်းကဏ္ဍကနေပြီး ပါဝင်ဆောင်ရွက်ပေးခဲ့တာ ရှိပါတယ်။  ဒါကြောင့်မို့လို့ မြန်မာ့နိုင်ငံရေးမှာ တပ်မတော်ကို ပစ်ပယ်ထားဖို့ မသင့်ဘူးလို့ကျနော် ဒီလို ထင်ပါတယ်။ တပ်မတော်ကို ပစ်ပယ်ထားလို့ မရပါဘူး။ ပြည်သူနဲ့ပေါင်းပြီးတော့ ဘာပဲဖြစ်ဖြစ် တပ်မတော် အခန်းကဏ္ဍတစ်ရပ်အနေနဲ့ ဆောင်ရွက်နေရမှာပါ။

အဲဒီတော့ လွှတ်တော်ထဲမှာ ပါနေတယ်ဆိုတဲ့ဟာက အမှန်ဖြစ်ပါတယ်။ အဲဒီတော့ နိုင်ငံရေးလုပ်ငန်းစဉ်မှာ တပ်မတော်က ပါဝင်ခွင့် မရှိဘူးလို့ ဒီလိုပြောလို့ ဒါတော့ မမှန်ဘူးလို့ ကျနော် ထင်ပါတယ်။ တဖြည်းဖြည်းနဲ့ ဒီမိုကရေစီ ရင့်ကျက်လာတဲ့အမျှ လွှတ်တော်ထဲက တပ်မတော်ရဲ့ကိုယ်စားလှယ်တွေဟာ လျော့ပါးသွားမှာ ဖြစ်ပါတယ်။ အင်ဒိုနီးရှားတို့ ဘာတို့ ပြောင်းသွားတာလည်း ဒီအတိုင်းပါပဲ။ တပ်မတော်က နိုင်ငံရေးနဲ့ ကင်းကွာလို့တော့ မရပါဘူး။ အစဉ်အလာ ရှိခဲ့ပါတယ်။  သမိုင်းကြောင်း ရှိခဲ့ပါတယ်။ တိုင်းပြည်မှာ အခက်အခဲတွေ အကြပ်အတည်းတွေ တွေ့တိုင်း၊ တွေ့တိုင်း တပ်မတော်ကနေ ဝင်ရောက်ပြီး ဆောင်ရွက်ခဲ့တာတွေ ရှိပါတယ်။ ၂၅ % ဆိုတာက လွှတ်တော်ထဲမှာ လောလောဆယ်မှာတော့ ရှိသင့်ရှိထိုက်တယ်၊ သို့သော်လည်းပဲ တဖြည်းဖြည်း ဒါတွေဟာ ကျနော်တို့ လျော့ပါးလာမယ်၊ နည်းပါးလာမယ်- ဒီလိုပဲ မြင်မိပါတယ်။

ဦးသန်းလွင်ထွန်း။         ။  မြန်မာနိုင်ငံမှာ လုပ်ဆောင်နေတဲ့  ကိစ္စတွေဟာ အင်မတန် အပြုသဘောဆောင်တဲ့ အကြောင်းအရာတွေအပေါ်ကို တစ်ခါ တစ်ခါ --- တဲ့ အမည်းစက်တွေ ရှိပါတယ်။ ရုပ်ဆိုးအကျည်းတန်တဲ့ ကိစ္စရပ်တွေပေါ့နော်။ အထူးသဖြင့် ရခိုင်ပြည်မှာ ဖြစ်ခဲ့တဲ့ ကိစ္စလိုမျိုး၊ ဘာသာရေးနဲ့ ပတ်သက်တဲ့ အဓိကရုဏ်းတွေပေါ့နော်။ ဒီကိစ္စတွေနဲ့ ပတ်သက်လို့ကတော့ တိုင်းပြည်တစ်ပြည်ရဲ့ အပြုသဘောဆောင်နေတဲ့ အခြေအနေတွေ ကြားထဲမှာ လက်ညှိုးထိုးပြစရာ အမြင်မျိုး ဖြစ်နေတယ်ဆိုတော့- ဒီကိစ္စနဲ့ ပတ်သက်ပြီးတော့ ဘာသာရေးအကြောင်းအရာနဲ့ ပတ်သက်ပြီးတော့ မေးမြန်းဖို့ ဆိုပြီးတော့ ဦးဝင်းအောင်ရှိနေပါတယ်။ ဦးဝင်းအောင်အနေနဲ့ ထပြီးတော့ မေးနိုင်ပါတယ်။ ဦးဝင်းအောင်ကတော့ အစောပိုင်းက ကျနော်တို့ ဗွီအိုအေရဲ့ ဌာန ဝန်ထမ်းဟောင်းပါပဲ။

ဦးဝင်းအောင်။    ။ ကျနော် ဝင်းအောင်ပါ။ ကျနော်တို့ ညီအကိုမောင်နှမ ၁၂ ယောက်ရှိတယ်။ မြန်မာပြည်က ထွက်လာပြီးတဲ့နောက် အနှစ် ၂၀ ကြာတဲ့အခါမှာ တော်တော်များများ ကွယ်လွန်သွားတာ - အခု ပြုပြင်ပြောင်းလဲမှုအရ ကျနော် မြန်မာပြည်ကို ပြန်ရောက်ပြီးတော့ လည်ပတ်ခွင့်ရတဲ့အခါမှာ  အသက်မသေ ရှင်ကျန်နေတဲ့ ညီအကို မောင်နှမတွေကို မသေခင်မှာ တွေ့ရတဲ့အတွက် သမ္မတကြီးကို ကျေးဇူးတင်ကြောင်း အရင် ပြောလိုပါတယ်။ ကျနော် ဗွီအိုအေမှာ ၁၅ နှစ်မလုပ်ခင် မြန်မာ့အသံမှာ အနှစ် ၂၀ လုပ်ခဲ့ပါတယ်။ ကျနော်ဟာ အင်္ဂလိပ် ကျွန်ခေတ်မှာ မွေးပါတယ်။ ဂျပန်ခေတ်ကိုလည်း ကြုံပါတယ်။ နောက် ပြည်တွင်းစစ် ဖြစ်တော့လည်းပဲ ကျနော်တို့ ကွန်မြူနစ် အုပ်စိုးတာတို့-ဘာတို့ ဖြစ်လာတော့ နောက် ကျနော် မြန်မာ့အသံမှာ အနှစ် ၂၀ လုပ်တဲ့အခါမှာ အိမ်စောင့်အစိုးရ- စသဖြင့် ခေတ်အဆက် ဆက် နောက်ဆုံး ခေတ်အဆက်ဆက်ကို ကျနော် ကြုံခဲ့ပါတယ်။ ကျနော်သတင်းစာဆရာပါ။ နှစ်ပေါင်း ၅၀ ကျော် ကလောင်ကိုင်ခဲ့တဲ့သူပါ။ အဲဒီတော့ကာ ဒီလို မြန်မာပြည်မှာပေါ့လေ- ပြုပြင်ပြောင်းလဲရေး ဖြစ်လာတဲ့ အတွက် အင်မတန်ကို ဝမ်းသာစရာ ဖြစ်ပါတယ်။ နောက် ကျနော်တို့ မြန်မာပြည်ကို ပြန်ကြည့်တဲ့အခါမှာ မြန်မာပြည်ကို ပြန်သွားချင်တဲ့ အခါမျိုးမှာ၊ အခုနက သမ္မတကြီး အမိန့်ရှိသလို ကျနော်တို့က အမြတ်ထုတ်ဖို့၊ Invest လုပ်ဖို့ မဟုတ်ပါဘူး။ ကျနော် အခုနက ပြောသလို ကျနော့် ညီအကို မောင်နှမအရင်းတွေ အဲဒီမှာ ရှိနေပါမယ်။ အဲဒီတော့ကာ မကြာသေးခင်က ဖြစ်နေတဲ့ ကိစ္စတွေ၊ အင်မတန် အကျည်းတန် အရုပ်ဆိုးတဲ့ ကိစ္စတွေ ဖြစ်နေတာက မြန်မာပြည်အတွင်းမှာ ဘယ်လောက်ထိ သိကြတယ်၊ မြင်ကြတယ်ဆိုတာကို မသိရပေမဲ့လို့ ပြည်ပမှာကတော့ သမ္မတကြီးလည်း သိတဲ့အတိုင်းပါပဲ။ ဒီကနေ့ ခေတ်ပေါ် တိုးတက်တဲ့ နည်းပညာတွေအရ သမ္မတကြီးအိမ်မှာ နေ့လည်စာ ဘာတို့စရာနဲ့၊ ဘာဟင်းနဲ့ စားလဲဆိုတာကိုတောင်မှ သိလို့ မြင်လို့ရတဲ့ အခြေအနေမျိုး ဖြစ်သွားပါပြီ။

ဦးသန်းလွင်ထွန်း။         ။ ဦးဝင်းအောင်ခင်ဗျာ။ ဘာသာရေးနဲ့ ပတ်သက်တဲ့ ဦးဝင်းအောင် မေးစရာရှိတာကို မေးပေးပါ။

ဦးဝင်းအောင်။    ။ ဒီလို ဘာသာရေး အကျည်းတန်၊ အရုပ်ဆိုးတဲ့ ဖြစ်ရပ်တွေကို ပြင်ပမှာ မြင်နေရတဲ့အတွက်က သမ္မတကြီး ဦးဆောင်တဲ့ ပြုပြင်ပြောင်းလဲရေး လုပ်ငန်းစဉ်ကို အင်မတန် အကျည်းတန် အရုပ်ဆိုးစေပါတယ်။ အထူးသဖြင့် ဒီ မုန်းတီးရေးကို ဖန်တီးနေတဲ့- ပြောင်ပြောင်တင်းတင်း လုပ်နေတာကို တရားဥပဒေစိုးမိုးရေးအရ ဘယ်လိုမှ ဘာကြောင့် အရေးမယူလဲဆိုတာ - ကျနော်ဟာ အစ္စလာမ်ဘာသာဝင် မူဆလင်တစ်ယောက်ပါ။ မွတ်ဆလင်တစ်ယောက် အနေနဲ့လည်း ကျနော် တော်တော် စိတ်မကောင်းဖြစ်ပါတယ်။ မြန်မာပြည် မှာ မွေးတဲ့ လူတစ်ယောက်အနေနဲ့လည်း ဝမ်းနည်းပါတယ်။ နောက် အနှစ် ၅၀ သတင်းသမားတစ်ယောက် အနေနဲ့လည်း ကျနော် အံ့သြမိပါတယ်။

ဦးသန်းလွင်ထွန်း။         ။ ဟုတ်ကဲ့၊ ကျေးဇူးတင်ပါတယ်၊ ဦးဝင်းအောင် ခင်ဗျ။ မေးချင်တဲ့သဘောတော့ ကျနော်နားလည်ပါတယ်။ ကျနော်နားလည်တာက လက်ရှိ မုန်းတီးရေးတွေ လှုံဆော်နေတာတွေကို ဘာကြောင့် အရေးမယူသလဲ၊ အရေးယူမှု ရှိသလားဆိုတာကို သိချင်တယ်။

သမ္မတဦးသိန်းစိန်။      ။ ကျနော် ပြောရမယ်ဆိုရင်တော့ ကျနော်တို့ နိုင်ငံရေးအရ ပြုပြင်ပြောင်းလဲမှုတွေလုပ်တယ်။ တခါ စီးပွားရေးအရ ပြုပြင်ပြောင်းလဲမှုတွေ လုပ်တယ်။ အဲတော့ အောင်မြင်မှုတွေလည်း ကျနော်တို့ အထိုက်အလျောက် ရပါတယ်။ အခက်အခဲတွေ စိန်ခေါ်မှုတွေ ဒါတွေလည်း ကျနော်တို့ တွေ့ရပါတယ်။ အဲတော့ ရခိုင်မှာဖြစ်တဲ့ ကိစ္စတွေက ဖြစ်ရိုးဖြစ်စဉ် ထပြီးတော့ ဖြစ်ကြတဲ့ ပုံစံမျိုးတော့ မဟုတ်ပါဘူး။ ရာဇ၀တ်ပြစ်မှုအပေါ်မှာ မူတည်ပြီးတော့ လူအုပ်စုတစုနဲ့ တစု မီးရှိုကြ အကြမ်းဖက်ကြနဲ့မှ ကြီးထွားလာတဲ့ ကိစ္စဖြစ်ပါတယ်။ ဒါနဲ့ပတ်သက်ပြီးတော့ စုံစမ်းစစ်ဆေးရေးကော်မရှင်ဖွဲ့ပါတယ်။ စုံစမ်းစစ်ဆေးရေးကော်မရှင်မှာ ဟိုဖက်က ဒေါက်တာ ပါပါတယ်။ ဒီကိစ္စနဲ့ပတ်သက်ပြီးတော့ ဒေါက်တာ နဲနဲလေး ဖြေပေးလိုက်ပါ။

ဒေါက်တာကျော်ရင်လှိုင်။        ။ အချိန်အရဆိုတော့ အများကြီးတော့ ကျနော် မပြောတော့ပါဘူး။ သို့သော် ခြုံပြီးပြောမယ်ဆိုရင် တဖက်နဲ့တဖက် ယုံကြည်မှုတွေ လျှော့ပါးနေတာတွေ၊ နောက်ပြီး မုန်းတီးမှုတွေ ရှိနေတာက မြန်မာပြည်မမှာရော ရခိုင်ပြည်နယ်မှာပါ အတော်ကြာကြာ ရှိနေပြီးသားပါ။ ပြုပြင်ပြောင်းလဲမှုတွေလုပ်လာတဲ့အခါ ပွင့်လာတဲ့အခါ မကျေနပ်မှုတွေကို ပိုပြီး ပြလာတဲ့ အခြေအနေမှာရှိတော့ ဖြစ်သွားတဲ့ ရာဇ၀တ်မှုပေါ် မူတည်ပြီးတဲ့အခါမှာ ရခိုင်ပြည်နယ်မှာ Community Level မှာပဲ အဓိက ဖြစ်ခဲ့တာပါ။ ဒါနဲ့ပတ်သက်လို့ Report ကိုလည်း လူပေါင်း နှစ်ထောင်ကျော်လောက်ကို အင်တာဗျူးပြီး ရေးခဲ့တာပါ။ ဒါနဲ့ ပတ်သက်လို့လည်း Online မှာ အင်္ဂလိပ်လိုရော မြန်မာလိုရော ရပါမယ်။ အဓိက ပြောချင်တာက မကျေနပ်မှုတွေ မုန်းတီးမှုတွေက အရမ်းများလာတဲ့အခါမှာ အခွင့်အရေးယူပြီး မြောက်ထိုးပင့်ကော်မှုတွေကလည်း အများကြီး  ပါလာတယ်။ အဲဒီ ပါလာတဲ့ အပိုင်းတွေက အခြေအနေတွေကို ပိုပြီး ဆိုးသွားစေတာပါ။ နောက် အစိုးရအနေနဲ့ အရေးယူမှုမပြုဘူးဆိုတာ အဲဒါတော့ မဟုတ်ပါဘူးဗျ။ မိတ္တီလာမှာ ပြီးပြီးတဲ့အချိန်မှာလည်း အရေးယူမှုတွေ အများကြီးလုပ်ပါတယ်။ ရခိုင်မှာလည်း ကျနော်တို့က အရေးယူမှုတွေ အများကြီးလုပ်ပါတယ်။ ရခိုင်မှာလည်း အရေးယူမှုတွေနဲ့ပတ်သက်ပြီး ကျနော်တို့ ကော်မရှင်အနေနဲ့က အားလုံးကို ကြည့်ခွင့်ရတဲ့အတွက် အရေးယူမှုတွေက အများကြီးလုပ်ထားပါတယ်။ နောက်ဆုံး တခု ပြောချင်တာက ဒီအစိုးရအနေနဲ့ ဘာမှ လုပ်မထားဘူးဆိုတာနဲ့ပတ်သက်လို့ Interfaith Dialogue တွေကို တနိုင်ငံလုံးအတိုင်းအတာနဲ့ လုပ်ဖို့ လုပ်နေပါတယ်။ ရခိုင်ပြည်နယ်နဲ့ပတ်သက်ပြီးတော့ ရခိုင်ပြည်နယ်တည်ငြိမ်ရေးနဲ့ ဖွံဖြိုးတိုးတက်ရေးတွေကနေ ဒါတွေကို လုပ်နေပါတယ်။ ရခိုင်ကော်မရှင်ကိစ္စ ပြီးသွားတော့ ဒီကိစ္စမှာ ပါဝင်ခဲ့တဲ့လူတွေနဲ့ ဆက်ပြီးလုပ်နေ ကျနော်တို့ အကြံပြုနေတယ် ၀င်ပြီး ကူညီနေတဲ့အချိန်မှာ ဒီ Interfaith Dialogue တွေကို ရန်ကုန်မှာလည်း လုပ်နေပါတယ်။ ရခိုင်မှာလည်း အဖွဲ့တွေက အစ္စလာမ်ဘာသာဝင်တွေ ဗုဒ္ဒဘာသာဝင်တွေ အတူတွဲသွားပြီးတော့ ကျယ်ကျယ်ပြန့်ပြန့်လုပ်ဖို့ ၀ိုင်းပြီးလုပ်နေကြပါပြီ။ အားလုံးကို ကျေးဇူးတင်ပါတယ်။

သမ္မတဦးသိန်းစိန်။      ။ ကိုသန်းလွင်ထွန်းရေ ကျနော်ကို ခွင့်ပြုပါ။ ကျနော် အစီအစဉ်လေးတခုရှိနေလို့ ။ ကျန်တဲ့မေးခွန်းတွေကို ဖြေမယ့် ပုဂ္ဂိုလ်တွေ ရှိပါတယ်။ အားလုံးပဲ ကျနော့်ကို ခွင့်လွှတ်ပါ။

ဦးသန်းလွင်ထွန်း။       ။ ဟုတ်ကဲ့ သမ္မတကြီး။ ကျေးဇူးတင်ပါတယ်ခင်ဗျ။

(မူရင်း ဗီအိုအေ မြန်မာဌာန http://burmese.voanews.com/content/thein-sein-voa-05-19-13/1664169.html မှ ကူးယူဖော်ပြသည်)

SSA (ရွက်ဆစ်) အဖွဲ့မှ အပြစ်မဲ့ ပြည်သူများအား ဖမ်းဆီး

Posted by drmyochit Monday, May 20, 2013, under | No comments

နေပြည်တော် မေ ၁၉

SSA (ရွက်ဆစ်) အဖွဲ့မှ အင်အားသုံးဦးခန့် ပါဝင်သော အဖွဲ့တစ်ဖွဲ့သည် လက်နက် ငယ် ကိုယ်စီ ကိုင်ဆောင် လျက် ကျောက် ဂူမြို့နယ် နောင် ဂိုးကျေး ရွာသို့ မေ ၁၁ ရက် ညပိုင်းက ဝင်ရောက် လာကာ အပြစ်မဲ့ ရွာသား အမျိုးသား ခုနစ်ဦးနှင့် အမျိုးသမီး ခုနစ်ဦးအား ဖမ်းဆီး ခေါ်ဆောင်သွားပြီး မေ ၁၅ ရက်တွင် အမျိုးသမီး ခုနစ် ဦးအား ပြန်လွှတ်ပေးခဲ့သည်။

ဖမ်းဆီး ခေါ်ဆောင်သွားခြင်း ခံရသူ များတွင် အမျိုးသား ခုနစ်ဦးသည် ၂၀၀၉ ခုနှစ် ခန့်က SSA (ရွက်ဆစ်)အဖွဲ့မှ အဓမ္မ လူသစ် စုဆောင်း ခံရ၍ ပြန်လည် ထွက်ပြေး လာကြ သူများ ဖြစ်ကြောင်းနှင့် အမျိုးသမီး ခုနစ်ဦးမှာ ၎င်းတို့၏ သား၊ ခင်ပွန်းများသည် ယခင် SSA (ရွက်ဆစ်)အဖွဲ့ဝင်ဟောင်းများဖြစ်ပြီး ယခုအခါ ထွက်ပြေး တိမ်းရှောင် နေသဖြင့် ဖမ်းဆီး သွားခြင်းဖြစ်ကြောင်း သိရသည်။

ဖမ်းဆီး ခံရသော ရွာသားများ လွတ်မြောက်ရေး အတွက် တပ်မတော် စစ်ကြောင်းများမှ လိုက်လံ ရှင်းလင်း ဆောင် ရွက်လျက် ရှိကြောင်း သတင်းရရှိသည်။

(သတင်းစဉ်)
From: ပြန်ကြားရေးဝန်ကြီးဌာန Website

မောက်စံရှိ NLD ပါတီရုံးအား ဒုတိယအကြိမ် PNA ဝိုင်းထားပြီးနောက် NLD ပါတီဝင်များ နှုတ်ထွက်ကြမည်

Posted by drmyochit Monday, May 20, 2013, under | No comments


မေလ ၁၈ရက်နေ့ နေ့လည် ၂နာရီခန့်တွင် ပအို့ဝ်အမျိုးသားတပ်မတော်(PNA)မှ လက်နက်ကိုင်ဦးရေ ၃၀ ခန့် သည် ဒုတိယ အကြိမ် အဖြစ် တောင်ကြီးမြို့နယ် မောက်စံကျေးရွာရှိ အမျိုးသား ဒီမိုကရေစီ အဖွဲ့ချုပ် ရုံးအား ဝိုင်းထား ၍ ပအို့ဝ် လူမျိုးတောင်သူ ၁ဦးအား ထပ်မံဖမ်းဆီး သွား ကြောင်း တောင်ကြီးခရိုင် NLD ဥက္ကဋ္ဌ ဦးတင်မောင် တိုး၏ ပြောကြားချက်အရ သိရသည်။

“PNO အဖွဲ့အနေနဲ့ လက်နက်ကိုင် အနိုင်ကျင့်တာထက် ဂုဏ်သိက္ခာရှိရှိ နိုင်ငံရေးလုပ်တာကိုပဲ လိုချင် တာ ပါ။ ပြီးတော့ မောက်စံ၊ ထီဗွာနဲ့ ဆတ်သေကျေးရွာက NLD ပါတီဝင် ၅၀ခန့်က အသက် အန္တရာယ် စိုးရိမ် ရတဲ့အ တွက် ဒီကနေ့ ညနေပိုင်းမှာဘဲ နှုတ်ထွက်ခွင့်စာတင်မှာ ဖြစ်ပါ တယ်”ဟု ၎င်းက ပြောကြားသည်။
ယင်း သို့ NLD ပါတီဝင်များနှုတ်ထွက်ရခြင်းသည် ပအို့ဝ်အမျိုးသားတပ်မတော် (PNA)မှ ပါတီဝင်များအား ဖိ အား ပေးခြင်းများရှိကြောင်း သိရပြီး မေလ ၁၅ရက်နေ့ ပထမအကြိမ်တွင် PNAမှ ဝိုင်းထားသော် လည်း မေလ ၁၆ရက်နေ့ တွင် ဖမ်းဆီးထားသည့် ရွာသား ၅ဦး အား ပြန်လွှတ်ပေး ခဲ့ပြီး ယခုတွင် ဒုတိယ အကြိမ်ဖြစ် ဝိုင်း ထားခြင်းဖြစ်ကြောင်း သိရသည်။

ထို့နောက် ယခုလက်ရှိအခြေအနေတွင် အဆိုပါမောက်စံကျေးရွာသည် ပအို့ဝ် အပိုင်ဖြစ်ပြီး ချောင်း တ ဖက်ကြား တွင် ရှမ်းပြည်နယ် တပ်မတော် (SSA)ဘက်အခြမ်းနှင့် နီးစပ်လျက်ရှိရာ ယခုကဲ့ သို့ ပြဿ နာ များ ဖြစ်ပွားနေသည့်အတွက် SSA ဘက်အခြမ်းမှ တပ်အင်အား ၁၅၀နီးပါး ခန့်သည် နယ်စည်း မကျော် ရန်အတွက် စောင့်ကြပ် လျက်ရှိ ကြောင်း သတင်းရရှိသည်။

From : ..The Myanma Age

ဧရာဝတီတိုင်းဒေသကြီး၌ မိမိ၏ မွေးကင်းစ ကလေးအား အိမ်သာကျင်းထဲ စွန့်ပစ်သူ ဖမ်းမိ

Posted by drmyochit Monday, May 20, 2013, under | No comments

ဧရာဝတီတိုင်း ဒေသကြီး ကန်ကြီးထောင့် မြို့နယ် ဘုရားကုန်း (၁)ရပ်ကွက်၌ မေ ၁၇ ရက် နံနက် ပိုင်းက ကလေး ကို ကိုယ်တိုင် မွေးပြီး အိမ်သာ ကျင်း ထဲ စွန့်ပစ်သူအား ဖမ်းဆီး ရမိကြောင်း သိရသည်။

ဖြစ်စဉ်မှာ မေ ၁၇ ရက် နံနက် ၁၁ နာရီက ကန်ကြီးထောင့်မြို့ ဘုရားကုန်း (၁)ရပ်ကွက်နေ ကို ထွန်း သန်း သည် ၎င်းနေအိမ်ရှိ အိမ်သာသို့ သွား စဉ် မွေးကင်းစ ကလေးငယ် တစ်ဦး ငိုသံကြား ရသဖြင့် အိမ် သာပေါ်မှ ဆင်း ၍ အိမ်သာကျင်း အတွင်း ကြည့်ရာ မွေးကင်းစ ကလေးငယ် (ယောက်ျားလေး)အား တွေ့ရသဖြင့် အနီး ရှိ ရာအိမ်မှူး ဦးရဲထွန်း၊ ဆယ်အိမ်မှူး ဦးမြင့်သန်းတို့နှင့် အတူ ကလေးငယ်အား ဆယ်ယူပြီး အမှတ် (၁) ရပ်ကွက် အုပ်ချုပ်ရေးမှူး ဦးလှခိုင်ထံ အကြောင်းကြားပြီး ကန်ကြီးထောင့် ဆေးရုံသို့ ပို့ဆောင် ကုသမှု ခံ ယူနေ စဉ် ထိုည ၈ နာရီချိန်တွင် သေဆုံး သွားသဖြင့် စစ်ဆေးနိုင်ရန် ကန်ကြီးထောင့် ရဲစခန်းမှ သေ မှုသေခင်း အမှတ်စဉ် ၆/၁၃ ဖြင့် အမှုဖွင့် စစ်ဆေးခဲ့သည်။

ထို့နောက် သက်သေများ၏ ထွက်ဆိုချက် အရ သဇင်ဦး ၁၉ နှစ် (ဘ)ဦးထွန်းသန်း ဘုရားကုန်း(၁)ရပ်ကွက် ကန်ကြီးေ ထာင့် မြို့နေသူမှ ကလေးအား ကိုယ်တိုင် မွေးပြီး စွန့်ပစ် ခဲ့ကြောင်း စစ်ဆေး ပေါ်ပေါက် ခဲ့သဖြင့် ကန်ကြီးေ ထာင့် ရဲစခန်းမှ သေမှုသေခင်း အမှတ်စဉ် ၆/၁၃ အားပိတ်၍ မေ ၁၇ ရက် ညနေ ၃ နာရီ ၃၅ မိနစ် က သဇင်ဦးအား ကန်ကြီးထောင့် ရဲစခန်းမှ (ပ)၅ဝ/၁၃၊ ပုဒ်မ ၃၁၇ ဖြင့် အမှုဖွင့်ပြီး ဖမ်းဆီး စစ်ဆေး လျက် ရှိကြောင်း သတင်း ရရှိသည်။

မြ၀တီ
ဓာတ် ပုံ- မတ်လအတွင်းက တောင်ကြီးမြို. ရူ့ခင်းသာပန်းခြံအတွင်းမှ မွေးကင်းစ အချင်းပါ မိန်းကလေး ငယ်

KNDO လေယာဉ်ပြန်ပေးဆွဲမှုဖြစ်ရပ် ရုပ်ရှင်ရိုက်မယ်

Posted by drmyochit Monday, May 20, 2013, under | No comments


ကမ္ဘာ ပေါ်မှာ ပထမဆုံး လေ ယာဉ် ပြန်ပေး ဆွဲမှု ဖြစ် တယ်လို့ ယူဆ ရကြောင်း စာရေး ဆရာ လှသောင်း က ပြောပါတယ်

လွန်ခဲ့တဲ့ နှစ် ၆၀ နီးပါးက ဖြစ်ပျက် ခဲ့တဲ့ KNDO ကရင် သူပုန်တွေ ရဲ့ လေယာဉ် ပြန်ပေး ဆွဲမှု ဖြစ်ရပ် ဇာတ် လမ်းကို ရုပ်ရှင် ရိုက်ကူး တော့မှာ ဖြစ်ပါတယ်။

ဖြစ်ရပ်မှန် ဖြစ်တဲ့ ဒီ အကြောင်းကို စာရေးဆရာ လှသောင်း ကလည်း မကြာခင်ကမှ ''မြန်မာ နိုင်ငံ၏ ကမ္ဘာ့ ပထမဆုံး လေယာဉ် ပြန်ပေးဆွဲ မှုကြီး'' နာမည်နဲ့ စာအုပ် ထုတ်ဝေ ခဲ့ ပါတယ်။

အဲဒီ ပြန်ပေး ဆွဲတဲ့ ကရင် သုံးဦးထဲက ခေါင်းဆောင် ဖြစ်သူ စောကျော်အေးဟာ အခု ဆိုရင် အသက် ၈၇ နှစ် ရှိပြီ ဖြစ်ပြီး သက်ရှိ ထင်ရှား ရှိပါတယ်။

ဒီဖြစ်ရပ်မှန် ဇာတ်လမ်းဟာ ၁၉၅၄ ဇွန်လ ပိုင်းက ရန်ကုန် ကနေ စစ်တွေကို သွားတဲ့ လေယာဉ်ကို KNDO ကရင် သူပုန် တွေက ပြန်ပေး ဆွဲပြီး သူတို့ ဒေသကို ခေါ်သွားဖို့ ဖြစ်ပါ တယ်။

ဒါပေမယ့် လေယာဉ်ဟာ ဂွနဲ့ ချောင်းသာ ကြားမှာ ဆင်းဖို့ နေရာ ရှာရင်း ဆီကုန်သွား တာကြောင့် မြေပြင် မှာပဲ ဆင်းသက် လိုက်ရပြီး၊ လေယာဉ်မှူးရဲ့ အကြံပြုချက်နဲ့ ပြန်ပေး သမားတွေက လေယာဉ် ပေါ်ပါ ငွေတွေ ကိုပဲ ယူသွား ခဲ့တာ ဖြစ်ပါတယ်။

ဒီဖြစ်ရပ်ဟာ ကမ္ဘာ ပေါ်မှာ ပထမဆုံး လေယာဉ် ပြန်ပေး ဆွဲမှု ဖြစ်တယ်လို့ ယူဆ ရကြောင်း ကိုလည်း စာရေးဆရာ လှသောင်းက ပြောပါ တယ်။

ဒါကို ရုပ်ရှင် ရိုက်ဖို့ စီစဉ် နေတဲ့ ဒါရိုက်တာ အန်ထောနီ ကလည်း မြေအောက် အဖွဲ့ အစည်း ကနေ လျှို့ဝှက်ပြီး လေယာဉ်ကို ရအောင် ပြန်ပေး ဆွဲခဲ့ တာရယ်၊ နောက်ပြီး လေယာဉ်မှူး ကလည်း ကွင်း မဟုတ်တဲ့ နေရာမှာ ရအောင် ဆင်းပြီး၊ လူတွေရဲ့ အသက်ကို ရအောင် ကာကွယ် နိုင်ခဲ့တဲ့ ဖြစ်ရပ်ဟာ တကယ့် သည်းထိတ် ရင်ဖို ဖြစ်တယ်လို့ ပြောပါတယ်။

ကျပ်ငွေ သိန်းပေါင်း သုံး လေး ထောင်လောက် ကုန်ကျမှာ ဖြစ်ပေမယ့် နိုင်ငံ တကာ ဈေးကွက် ဝင်အောင် ရိုက်ကူးဖို့ စီစဉ် နေတယ်လို့ ဒါရိုက်တာ အန်ထော်နီက ပြောပါတယ်။

From: BBC

ဖက်ဒရယ်ကို လိုချင်လျှင် အမျိုးသားရင်ကြားစေ့ရေးကို မေ့မထားသင့်

Posted by drmyochit Monday, May 20, 2013, under | No comments

ရန်ကုန်၊ မေ ၁၉။

ဖက်ဒရယ်ကို လိုချင်လျှင် အမျိုးသားရင်ကြားစေ့ရေး၊ အမျိုးသား ပြန်လည်သင့်မြတ်ရေးကို မေ့မထားသင့်ဟု ရန်ကုန်မြို့ ရွှေဂုံတိုင်ရှိ တော်ဝင် နှင်းဆီတွင် ယနေ့ကျင်းပပြုလုပ်သော ဖက်ဒရယ်မူနှင့် တိုင်းရင်း သားတို့၏ အမြင် ဆွေးနွေး ပွဲတွင် ဦးဆောင်ဆွေးနွေးသူ ရှမ်းတိုင်း ရင်းသားများ ဒီမိုကရေစီအဖွဲ့ချုပ်မှ အထွေထွေ အတွင်းရေး မှူး ဦးစိုင်းညွှန့်လွင်က ပြောကြားသည်။

“အခုချိန်မှာ တိုင်းပြည်ဟာ အရေးကြီးတဲ့ အချိန်ကို ရောက်နေပြီ။ ဒီအချိန်မှာ အမျိုး သား ပြန်လည် သင့်မြတ်ရေး၊ ရင်ကြားစေ့ရေး ကို မေ့ထား လို့ မရဘူး”ဟု ယင်းက ပြောကြားသည်။
၁၉၆၁ ခုနှစ် ပြည်နယ်ပေါင်း စုံညီလာခံကို အခြေခံပြီး ချမှတ်ခဲ့သည့် အချက် ၃ ချက်အရ ပင်လုံ စိတ်ဓါတ် ရှိရန်မှာ အရေးကြီးကြောင်း၊ ယင်း နောက် တိုင်းရင်းသားများအားလုံး တန်းတူညီမျှရေးနှင့် ကိုယ်ပိုင်ပြ ဌာန်းခွင့် ရှိရေး စသည်တို့ကို ဦးစိုင်းညွှန့်လွင်က ဦးဆောင်ဆွေးနွေးခဲ့ ကြောင်း သိရသည်။

“ကိုယ်ပိုင်အုပ်ချုပ်ခွင့်ရ ဒေသတွေကို ကိုယ်ပိုင်ပြဌာန်းခွင့် ပေးထားတယ်ဆိုပေမယ့် လက်တွေ့မှာ လုပ်ကိုင်ဖို့က တော်တော်ခက်တယ်။ ဒီနေရာမှာ ပင်လုံစိတ်ဓါတ်ဆိုတာလည်း လူမျိုးအပေါ်မှာ အခြေခံတာ မဟုတ်ဘူး။ သူက ဒေသကိုပဲ အခြေခံတာ ဖြစ်တယ်” ဟု ယင်းက ရှင်းလင်း ပြောကြားသည်။

၂၀၀၈ အခြေခံ ဥပဒေတွင် ပါသည့် ပြည်နယ်များအား ပေးထားသည့် အာဏာမှာ သတ်မှတ်ပြီး သားများ သာဖြစ်ပြီး ကျန်သည့်အချက် မှန်သမျှ ကို ပြည်ထောင်စုက ယူထားကြောင်း၊ ယင်းတွင် ကျန်းမာရေး၊ ပညာရေး မပါဘဲ ယင်းတို့နှင့် ပတ်သတ်သည့် ဝန်ထမ်းများကိုလည်း ဖြုတ်၍မရ၊ ရွှေ့၍မရ ဖြစ်နေသည်မှာ မဖြစ် သင့်ကြောင်း ဆွေးနွေးပွဲတက်ရောက်သူတစ်ဦးက ပြောကြားသည်။

ဆွေးနွေးပွဲ ဖြစ်မြောက်ရန် စီစဉ်ပေးခဲ့သော နိုင်ငံရေး အကျဉ်သားဟောင်းများ အဖွဲ့မှ လုပ်ငန်းကော်မတီဝင် ဦးလှဌေး က “၂၀၀၈ ဖွဲ့စည်းပုံ အခြေခံ ဥပဒေဟာ ပြည်သူကို ကိုယ်စားမပြုတဲ့၊ ပြည်သူတွေ ပါဝင်ရေး ဆွဲ ထားခြင်း မရှိတဲ့ အခြေခံဥပဒေပဲ ဖြစ်ပါတယ်။ အခြေခံ ဥပဒေဆိုတာ အစိုးရနဲ့ ပြည်သူကြားမှာ ချုပ်ဆိုထားတဲ့ စာချုပ်ဖြစ်တယ်” ဟု ပြောကြားသည်။

ယင်းဖွဲ့စည်းပုံတွင် အလုပ်သများများ၊ တောင်သူများနှင့် ပတ်သတ်သည့် လုပ်ပိုင်ခွင့်များကို ပြဌာန်းထားခြင်း မရှိသည့် အပြင် တိုင်းရင်းသား အခွင့်အရေးများနှင့် ပတ်သတ်၍လည်း တိတိကျကျ တစ်စုံ တစ်ရာ ပြဌာန်းထားခြင်း ကြောင်း၊ ၂၀၀၈ ဖွဲ့စည်းပုံ အခြေခံ ဥပဒေသည် ပြည်သူလူ ထု တစ်ရပ်လုံးကို အကျိုးပြုသည့် ဥပဒေတစ်ရပ် ဖြစ်ပေါ်လာစေရန် ဖြည့်စွက်ခြင်း၊ ပြင်ဆင်ရေးဆွဲခြင်းများ ပြုလုပ်ရန်အတွက် ယနေ့ဆွေးနွေး ပွဲကို ကျင်းပပြုလုပ်ရခြင်းဖြစ်ကြောင်း လုပ်ငန်းကော်မတီဝင် ဦးလှဌေးက ပြောကြားသည်။

ယင်းပွဲသို့ စာရေးဆရာများ၊ ရှေ့နေများ၊ အမျိုးသားဒီမိုကရေစီအဖွဲ့ချုပ်မှ ပါတီဝင်များ၊ ဒီမိုကရေစီ အင်အား စုမှ ပါတီဝင်များ၊ ၂၀၀၈ အခြေခံ ဥပဒေ ပြင်ဆင်ရေးကို စိတ်ဝင်စားသူများမှ ပါဝင်ဆွေးနွေးခဲ့ကြကြောင်း သိရ သည်။

ရည်မွန်
@ မြန်မာ့ခေတ် 

အရက်မူးသမားကဆင်ရိုင်းထံသို့တဟုန်ထိုးပြေးသွား

Posted by drmyochit Monday, May 20, 2013, under | No comments

တောင်အာဖရိက၏နာမည် ကျော်ကရူဂါအမျိုးသားဥယျာဉ် တွင် အရက်မူး သမား တစ်ဦးက တော ဆင်ရိုင်း တစ်ကောင် ထံသို့ တစ်ဟုန် ထိုးပြေး လွှားသွား ခဲ့သည့် ဗွီဒီယိုပုံအား အင်တာနက်တွင် လွှင့်တင်ပေးခဲ့သဖြင့် အုတ်အော် သောင်းနင်းဖြစ်ခဲ့ရသည်။

ကနဦးတွင်ထိုသူအား ကမ္ဘာလှည့်ခရီးသည်တစ်ဦးဟု ထင်မှတ် ခဲ့သော် လည်းထို သူသည် နားရက် ရရှိ ထား သည့် လမ်းပြ ၀န်ထမ်း တစ်ဦးသာဖြစ်ကြောင်း၊ ၎င်း၏လုပ်ရပ်ကြောင့်ထိုသူအား သဘာ ၀ဘေးမဲ့ ဥယျာဉ် တွင် အလုပ် ဆက်လက်ခန့်ထားခြင်းမပြုတော့ ဘဲအလုပ်မှထုတ်ပယ်ခဲ့ကြောင်း အခြား ပါဝင် ပတ်သက်နေ သူများ အားလည်း စည်းကမ်းပိုင်းဆိုင် ရာများအတိုင်းဆက်လက်ဆောင် ရွက်လျှက်ရှိကြောင်း အမျိုးသား ဥယျာဉ် မှပြောကြား လိုက်သည်။

လွှင့်တင်ထားသောဗွီဒီယိုပိုင်း တွင် သိသိသာသာအရက်မူးနေ သူကကားတွင်းမှထွက်၍တောဆင် ရိုင်း ထံသို့ တစ်ဟုန်ထိုးပြေးလွှား သွားသည်ကိုအပေါင်းအသင်းများ က အားပေးနေကြပြီး၊ထိုသူ သည် ပြေး လွှား ရင်း လဲကျသွားသော်လည်း ပြန်ထ၍ဆင်ရှိရာသို့ထပ်မံပြေး သွားသည်ကိုတွေ့ရှိရသည်။

“ဆင်ဆီ ကိုတည့် တည့်ပြေး” ဟုအော်ဟစ်လိုက်သောအသံတစ် သံကိုလည်းကြားရပြီး ထိုသူမှာ ဗီဒီယို ရိုက်ကူးနေ သူဖြစ်ဟန် တူ သည်။ ဆင်ရိုင်းသည် ပထမတွင် နှာမောင်း အားရှေ့သို့ ရမ်းလိုက် သော်လည်း ချက်ချင်းပင်လွှတ်ရာသို့ ရှောင်တိမ်းသွားခဲ့သည်။ ထိုအချိန် ကျမှအရက်မူးသမားသည်သူ့အား အားပေးနေ သည့် အပေါင်း အသင်း များထံသို့လေထဲတွင်လက်သီး လက်မောင်းတန်း၍ ပြန်လာခဲ့ သည်။
ထိုဗွီဒီယို ပိုင်း ကလေးသည် ဘေးမဲ့ဥယျာဉ်၏ လမ်းညွှန်မှုများ နှင့်လုံးဝဆန့်ကျင်နေသဖြင့်များစွာ စိတ်ပျက် မိကြောင်း၊ ဟက်တာ နှစ်သန်းကျယ်ဝန်းသော သဘာဝ ဘေးမဲ့ဥယျာဉ်အတွင်း တိရစ္ဆာန် ရိုင်းများ သည် တစ်ခါ တစ်ရံလာ ရောက်လည်ပတ်သူများအား တိုက်ခိုက်တတ်ကြောင်း၊ဆင်များ မှာ လာရောက်ကြည့် ရှုသူများ ၏ မော်တော်ယာဉ်များ အားမှောက်ပစ် တတ်သည်ကို သိရှိ ထားကြကြောင်း ဘေးမဲ့ ဥယျာဉ် မှပြေကြား လိုက်သည်။



Source: Yahoo! News
ဥက္ကာအောင်
From: The Hot News

သမ္မတကြီးဦးသိန်းစိန် ဝါရှင်တန် မိန့်ခွန်း (အပြည့်အစုံ - အသံဖိုင်)

Posted by drmyochit Monday, May 20, 2013, under | No comments


အမေရယ် ၊ အဖွားရယ် ရလို့မှ မတင်းတိမ် မြေးကိုပါ ကြံပြီး သတ်တဲ့သူ

Posted by drmyochit Monday, May 20, 2013, under | No comments





နဝဒေးတံတားအောက်မှ လူသတ်မှုအား တရားလို ရပ်ကွက်သားများအား စစ်ဆေး

Posted by drmyochit Monday, May 20, 2013, under | No comments

ပြည်၊ မေ ၁၉။

မေလ(၁၈)ရက်နေ့ ညနေ၅နာရီတွင် ပြည်မြို့ နဝင်းနယ်မြေ ရွှေလက်လှရပ်ကွက်တွင် နေထိုင်သူ ငါးဦးအား ခလရ(၇၅) စစ် တပ်မှ တပ်နယ် မြေကျူးကျော်မှုအား မေးမြန်းရန် အကြောင်းပြ ခေါ်ဆောင်ခဲ့ပြီး စရဖတောင်ပေါ် တွင် နဝဒေး တံတားအောက်မှ ဧရာဝတီမြစ်ကမ်းနား သောင်ပြင် လူသတ် မှုအား ခေါ် ယူမေးမြန်း ခဲ့ကြောင်း ရွှေလက်လှရပ်ကွက်မှ သိရသည်။
“တပ်နယ်မြေ ကျူးကျော်မှုနဲ့ ပတ်သတ်ပြီး မေးမြန်းချင်တယ်ဆိုပြီး ခေါ်သွားတယ်။ နယ်မြေခံရပ်ကွက်အုပ်ချုပ်ရေး အဖွဲ့က ကိုအေးကိုနဲ့ ကျော် ဆန်းဦးကော ပါတယ်။ ကောင်းကောင်းမွန်မွန်ပါဘဲ။ ဟိုကျတော့ တံတားအောက်က လူသတ်မှုကို စစ်တယ်။ နောက်နေ့ တစ်နာရီကို ပြန်ခေါ် ထားသေးတယ်”ဟု ခေါ်ယူစစ်မေးခံရသူ ကိုအသေးလေး မိသားစုက ပြောကြားသည်။
ကိုချမ်းမြေ့၊ ကိုစန်းလှိုင်၊ ကိုစိုးမင်းထွေး၊ ကိုထိပ်ကြီး၊ ကိုအသေးလေးတို့ ငါးဦးကို ခေါ်ယူစစ်မေးခဲ့ပြီး ည(၈)နာရီခွဲအချိန်တွင် ပြန်လွှတ်ခဲ့ ကြောင်း လွန်ခဲ့သော သုံးရက်ခန့်က ခေါ်ယူစစ်ဆေးခံရသူ ကိုတင်မိုးဇော်ဆိုသူမှာ ယခုအချိန်အထိ ပြန်လွှတ်ပေးခြင်း မရှိသေးကြောင်း ၎င်း၏ ဇနီးမနီလာထံမှ သိ ရသည်။

“လက်ရှိ ဖမ်းထားတဲ့ တင်မိုးဇော်ဆိုတဲ့လူနဲ့ အခင်းဖြစ်တဲ့ညက ခင်ဗျားတို့နဲ့ အတူရှိလား။ စက်ဘီးပေါင်တာ သိလား။ အဲဒီညက သူနဲ့မင်းတို့ အရက် အတူသောက်တာ ဟုတ်လား။ တံတားအောက်က အမှုနဲ့ ပတ်သတ်ပြီး မေးတာပါ။ တံတားအောက်က ကောင်မလေးဖြစ်တဲ့ သတင်း ကြားလား။ အဲဒါလောက်ပါဘဲ”ဟု ခေါ်ယူစစ်ဆေးမေးမြန်းခံရသူ ကိုချမ်းမြေ့က ပြောကြားသည်။

၎င်းတို့အား စစ်တပ်မှ ဟိုင်းလတ်ကား အဖြူရောင်ဖြင့် လာရောက်ခေါ်ဆောင်ခဲ့ပြီး အရာရှိတစ်ဦးနှင့် အခြားလေးဦးမှ စစ်ဆေးခဲ့ကြောင်း၊ တစ်ဦးကို တစ်နာရီကြာ စစ်မေးခဲ့ကြောင်း၊ အဆိုပါ တင်မိုးဇော်မှာ ရွှေလက်လှရပ်ကွက်နေသူဖြစ်ပြီး အခင်းဖြစ်နေရာအနီး southernstar စားသောက်ဆိုင်မှ ဝန်ထမ်းတစ်ဦးဖြစ်ကြောင်း ၎င်းကဆက်လက်ပြောကြားသည်။

မေလ (၁၉)ရက် မွန်းလွဲ(၁)နာရီခန့်တွင် ကိုတင်မိုးဇော်၏ ဇနီးမြင့်ဉ္ဇူ၊ ကိုသက်ဆွေ၊ ကိုဖိုးပါသုံးဦးအား ရပ်ကွက်အုပ်ချုပ်ရေးအဖွဲ့ဝင် ဦးအေး ကို နေအိမ်တွင် ခေါ်ယူမေးမြန်းခဲ့ကြောင်း၊ ကိုတင်မိုးဇော်ဆိုသူအား ကျောက်ပန်းတောင်းရဲစခန်းမှ ဖမ်းဆီးရမိခြင်းဖြစ်ကြောင်း နဝင်းနယ်မြေ ရပ်ကွက်အုပ်ချုပ်ရေးဦးနေလင်းက ပြောကြားသည်။

“သေချာတော့ မသိဘူး။ ကိုယ့်ရပ်ကွက်က လူဆိုတော့ ကျွန်တော်က ခေါ်ပေးရတယ်။ မေးပြီးပြန်လာမှ ပထမရက်က မေးတယ်ဆိုတာ သိရ တယ်။ တံတားအောက်က အမှုကိုစစ်တာပါ။ စစ်တပ်က သုံးယောက်လာမေးတာ။ စစ်တာ မဟုတ်ပါဘူး။ မေးမြန်းစုံစမ်းတာပါ”ဟု ၎င်းက ဆက်လက်ပြောကြားသည်။
နဝဒေးတံတားအောက် လူသတ်မှုအား အတူပါ မိန်းကလေးဖခင်မှ တရားလိုပြုလုပ် တိုင်တန်းခဲ့ပြီး ၎င်းနေထိုင်သော ရပ်ကွက်အတွင်းမှ ကိုတင်မိုးဇော်အား (၄)ရက်တိုင် ထိန်းသိမ်း ထားပြီး ရွှေ လက်လှ ရပ်ကွက်မှ (၈)ဦးအား ခေါ်ယူစစ်မေးပြီးဖြစ်ကြောင်း ရွှေလက်လှရပ်ကွက်မှ သိရသည်။

မောင်ရေခဲ(ပြည်)
@ မြန်မာ့ခေတ် 

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်