ဟောင်ကောင်ဒီမိုကရေစီ တောင်းဆိုပွဲ လူ ၅၀၀ အဖမ်းခံရ

ဟောင်ကောင်စီးတီး၊ ဇူလိုင် ၂

တရုတ်အစိုးရ၏ နယ်နိမိတ်အဖြစ် သတ်မှတ်ထားသော ဟောင်ကောင်ကျွန်းတွင် ဒီမိုကရေစီကို လိုလားသော လူထုဆန္ဒပြ ဖော်ထုတ်ပွဲကြီးတစ်ရပ် ပြုလုပ်ခဲ့ရာ လူတစ်သန်းဝက်ခန့် လမ်းမများပေါ် ထွက်လာခဲ့ကြပြီး ၅၀၀ ခန့် အဖမ်းခံလိုက်ရသည်ဟု AFP သတင်းတစ်ရပ်က ဖော်ပြထားသည်။

ဟောင်ကောင်သည် ယခင်ဗြိတိန် ကိုလိုနီဖြစ်ပြီး ၁၉၉၇ ခုနှစ်တွင် တရုတ်လက်အောက်သို့ လွှဲအပ်ခဲ့ပြီး နောက်ပိုင်းတွင် ပထမဦးဆုံးအကြိမ် ဒီမိုကရေစီရေး တောင်းဆိုသူ အင်အားကောင်းကောင်းဖြင့် လမ်းမပေါ်တက်လာခြင်း ဖြစ်သည်။

ကိုလိုနီခေတ်က ဟောင်ကောင်အလံများကို ဝှေ့ယမ်းကြကာ တရုတ်အစိုးရ ဆန့်ကျင်ရေး ကြွေးကြော်သံများ ဟစ်အော်ခဲ့ကြကာ ဒီမိုကရေစီကို လိုလားကြောင်း၊ တရုတ်ကိုဆန့်ကျင်ကြောင်း စသည့်အချက်များ ပါဝင်သည်။

ကိုယ်ပိုင်အုပ်ချုပ်ခွင့်ရတစ်ပိုင်း ဖြစ်နေသော တရုတ်ပိုင် ဟောင်ကောင်ကျွန်းတွင် ခေါင်းဆောင်ရွေးချယ်ပါက ခေါင်းဆောင်လောင်းကို ပြည်သူ နှစ်သက်သဘောကျသူများက မဲဖြင့် ရွေးကောက်တင်မြှောက်ရေး ဖြစ်စေရန် အဓိက တောင်းဆိုခဲ့ကြခြင်း ဖြစ်သည်။

လက်ရှိစနစ်အရ ဗဟိုအစိုးရက လိုလားသူ ၁၂၀၀ ပါဝင်သည့် ကော်မတီက ဟောင်ကောင်ကျွန်း၏ အမှုဆောင်ချုပ်ကို ရွေးကောက် တင်မြှောက်ကြခြင်းအပေါ် ကျွန်းသားများက မကျေနပ်ကြခြင်း ဖြစ်သည်။

ပြီးခဲ့သည့် အင်္ဂါနေ့ဆန္ဒပြပွဲကြီး အပြီးတွင် ရာပေါင်းများစွာသော ပြည်သူများက ဟောင်ကောင်၏ ဗဟိုဘဏ္ဍာရေး ဧရိယာတွင် ဝင်ရောက်ပြီး ထိုင်သပိတ်မှောက်ခဲ့ကြသည်။

ဟောင်ကောင်သည် ပြည်မကြီးနှင့် မတူဘဲ လွတ်လပ်စွာပြောရေးဆိုခွင့်၊ ဆန္ဒပြခွင့်တို့ ရရှိကြပြီး ယင်းအခွင့်အရေးများ ဆုံးရှုံးသွားမည်ကို တက်ကြွလှုပ်ရှားသူများက စိုးရိမ်ကြခြင်း ဖြစ်သည်။

ယင်းသို့ စိုးရိမ်မှုများသည် ပြီးခဲ့သည့် ဇွန်လက တရုတ်ဗဟိုအစိုးရ၏ ဟောင်ကောင် အနာဂတ်အတွက် ရေးသားထားသော စက္ကူဖြူစာတမ်း အစီအမံ ထွက်လာပြီးနောက် ပိုပြီးစိုးရိမ်မှု မြင့်တက်လာခဲ့သည်။

ဟောင်ကောင် တက်ကြွလှုပ်ရှားသူများက လူထုဆန္ဒခံယူပွဲတစ်ခုကို အစိုးရ အသိအမှတ်မပြုဘဲ ပြုလုပ်ခဲ့ကြပြီး လူပေါင်းရှစ်သိန်းနီးပါး ဒီမိုကရေစီစနစ်သို့ ကူးပြောင်းရေး ပါဝင်ထောက်ခံခဲ့ကြသည်။ တရုတ်အစိုးရက ထုတ်ဝေသည့် China Daily သတင်းစာက ဟောင်ကောင်ကျွန်းကို ဗြိတိန်လက်မှ လွှဲပြောင်းယူပြီး နောက်ပိုင်းတွင်လည်း လွတ်လပ်ခွင့်များကို ခံစားနေကြရဆဲ ဖြစ်သည်ဟု တန်ပြန်ပြောကြားထားသည်။

The Voice Weekly

ဆက်ဖတ်ရန်>>>>

စင်ကာပူတွင် အိမ်အကူအဖြစ် သွားရောက်လုပ်ကိုင်သူ မထက်ထက်အောင်နှင့် တွေ့ဆုံခြင်း

စင်ကာပူနိုင်ငံတွင် အိမ်အကူအဖြစ် သွားရောက်လုပ်ကိုင်ခဲ့ပြီး အဆင်မပြေမှုများ ကြုံတွေ့ခဲ့မှုကြောင့် ငါးလွှာအမြင့်မှ ခုန်ချကာ မိမိကိုယ်ကိုယ် သေကြောင်းကြံစည်ခဲ့ပြီး စင်ကာပူနိုင်ငံရှိ Teng Tong Seng Hospital တွင် ဆေးဝါးကုသမှု ခံယူနေသည့် အသက် ၂၁ နှစ်အရွယ်ရှိ မထက်ထက်အောင်ကို The Voice က ဆေးရုံတွင် သွားရောက် တွေ့ဆုံမေးမြန်းခဲ့သည်များအား ဖော်ပြလိုက်ပါသည်။

Voice : ဒီနိုင်ငံကို ရောက်တာ ဘယ်လောက်ကြာပြီလဲ။

HHA : မတ်လက ရောက်တာပါ။

Voice : မြန်မာနိုင်ငံ ဘယ်နယ်ကလဲ။ ဘယ်သူ့အဆက်အသွယ်နဲ့ ဘယ်လို ရောက်လာတာလဲ။

HHA : ရန်ကုန်တိုင်းဒေသကြီး၊ တိုက်ကြီးမြို့နယ်၊ လိမ္မော်ခြံကျေးရွာကပါ။ ရွာက အမျိုးသမီးတစ်ဦးက စင်ကာပူမှာ အလုပ်ရမယ်ဆိုပြီး မြန်မာပြည်ဘက်က အေးဂျင့်တစ်ခုနဲ့ချိတ်ပြီး ဒီနိုင်ငံက အေးဂျင့်တွေနဲ့ ဆက်သွယ်ပြီး ပို့လိုက်လို့ ရောက်လာတာပါ။

Voice : အဲလိုပို့တဲ့အတွက် အေးဂျင့်တွေကို ဘယ်လောက်ပေးရလဲ။ ရရှိတဲ့ လစာလည်း ဖြေကြားပေးပါ။ ဒီနိုင်ငံမှာ အသက် ၂၃ ပြည့်မှ အိမ်အကူလုပ်ရတာလို့ ဥပဒေရှိတဲ့အတွက် အသက်ကိုလည်း လိမ်ညာထားတာလား။

HHA : အသက်ကတော့ အေးဂျင့်တွေက ၂၃ နှစ်လို့ပြောလို့ မှာထားလို့ ၂၃ လို့ပြောတာပါ၊ အသက်က ၂၁ ပါ။ လစာကတော့ စင်ကာပူငွေ ၄၆၀ ရပါတယ်။ အေးဂျင့်ခကတော့ သမီးလစာရဲ့ ခုနစ်လစာ ပေးရပါတယ်။ ခုနစ်လပြည့်မှ သမီးက လစာရမှာပါ။ အခုလုပ်ပြီးခဲ့တဲ့ နှစ်လအတွက် လစာတွေကို အေးဂျင့်က သူ့ဘာသာသူ ယူသွားပါတယ်။ သမီးမမြင်ရပါဘူး။

Voice : တိုက်ပေါ်က ခုန်ချခဲ့ရတဲ့ အဖြစ်လေးကို အကျဉ်းလောက် ပြောပြပါဦး။

HHA : မေလ ၁၆ ရက်နေ့က သမီးခေါင်းတွေကလည်း တအားမူးပြီး စိတ်ကဘာလုပ်လို့ လုပ်မိမှန်း မသိလောက်အောင်ကို ဖြစ်နေပါတယ်။ သမီးသတိရလို့ ကြည့်လိုက်တဲ့အခါ အိမ်အောက်က သမံတလင်းပေါ် ရောက်နေပြီ။ အရေးပေါ် လူနာတင်ကားနဲ့ ရဲသားတွေ ရောက်နေတာကိုပဲ သိပါတော့တယ်။

Voice : ဒီလောက်အထိ ခုန်ချရလောက်အောင် ဖြစ်တယ်ဆိုတော့ အိမ်ရှင်တွေနဲ့ အဆင်မပြေလို့လား ဘယ်လိုအကြောင်းကြောင့်လဲ။

HHA : အေးဂျင့်တွေပြောတော့ တစ်နေ့ကို ထမင်း သုံးနှပ်စားရမယ်၊ တနင်္ဂနွေနေ့တိုင်း အားလပ်ရက်ရမယ်၊ တစ်နေ့ ၂ နာရီ နားခွင့်ရှိတယ် ဆိုပြီးတော့ ပြောပေမယ့် သမီးအိမ်ရှင်တွေက သမီးကို တစ်ပတ်လောက်ပဲ ထမင်းချက်ခွင့် ပေးတယ်။ သူတို့လည်း ထမင်းချက် မစားဘူး။ အပြင်မှာစားတယ်။ သမီးကို တစ်နေ့ကို ခေါက်ဆွဲခြောက် နှစ်ထုပ်ပဲပေးတယ်၊ အဝတ်လျှော်စက် ရှိရဲ့သားနဲ့ အဝတ်တွေကို လက်နဲ့လျှော်ခိုင်းတယ်၊ အလုပ်တွေကလည်း တစ်ခုမပြီးသေးဘူး တစ်ခုဆက်လုပ်နေရတယ်။ နောက်တော့ အဝတ်တွေ မပြောင်ဘူးဆိုပြီး ထပ်ထပ်လျှော်ခိုင်းတယ်၊ အစားအသောက်က ဝဝလင်လင် မစားရတာရယ်။ ညအိပ်ချိန်တွေမှာလည်း ခိုင်းတာတွေရှိလည်း ရှိတယ်။

Voice : ခုန်ချပြီးနောက်ပိုင်း လက်ရှိ အနေအထားကို ပြောပြပေးပါ။

HHA : ခါးကတော့ ဆေးရုံတက်တဲ့ နေ့ကနေစပြီး ခါးပတ်နဲ့ နေရတယ်။ အခုတော့ ခါးပတ်စရာ မလိုတော့ဘူး။ ဒူးနှစ်ဖက်က တစ်ဖက်က အရိုးတွေ ကြေကုန်လို့ စတီးရိုးအစားထိုးပြီး မူလီတွေနဲ့ ကြပ်ထားရတယ်၊ ခြေဖနောင့်နဲ့ ခြေသလုံးက အသားတွေကတော့ ပေါင်ကအသားကို လှီးပြီး အစားထိုးထားတယ်။ ဇွန်လ ၁၆ နေ့က ညာဘက်ခြေဖနောင့်နဲ့ ခြေသလုံးကို ခွဲစိတ်ဖို့ ပေါင်ကအသားကိုယူပြီး ခွဲစိတ်ခဲ့တယ်။ ဆရာဝန်တွေ ပြောတာကတော့ ညာဘက်ခြေထောက် မသိမသာ နိမ့်သွားမယ်လို့ ပြောပါတယ်။

Voice : အခုလို ဆေးရုံတက်နေတော့ ဒီမှာမိသားစုဝင် မရှိတော့ ဘယ်သူတွေက အကုန်အကျခံပြီး ကူညီစောင့်ရှောက် ပေးနေလဲ။ အိမ်ရှင်က လာမကြည့်ဘူးလား။

HHA : သမီးတို့ အိမ်အကူတွေကို အိမ်ရှင်တွေက အသက်အာမခံ လုပ်ပေးထားတာ ရှိတယ်။ ကုန်ကျစရိတ်ကို လောလောဆယ် အိမ်ရှင်က အကုန်ခံထားတယ်နဲ့ တူတယ်။ အ်ိမ်ရှင်က သုံးခါလာကြည့်တယ်၊ ကျန်တဲ့ရက်တွေမှာ စင်ကာပူကို ရောက်နေတဲ့ မြန်မာအစ်ကို အစ်မတွေက အန်တီ မအေးမာမာရဲ့ Facebook ကနေတစ်ဆင့် သိကြလို့ မုန့်လာပေးတာတို့၊ တရားစာအုပ်တို့၊ မုန့်ဖိုးတို့ လာပေးတယ်။ အဓိကတော့ အန်တီအေးမာမာက ခဏခဏ လာကြည့်တယ်။ သမီးမှမဟုတ်ဘူး၊ သမီးလို ဒုက္ခရောက်နေတဲ့ အိမ်အကူအားလုံးကို အန်တီအေးမာမာက အဖွဲ့လေးတစ်ဖွဲ့ ဖွဲ့ပြီး ကူညီဆောင်ရွက် ပေးနေတယ်။

Voice : ဆေးရုံဘယ်တော့ ဆင်းရမယ်လို့ ဆရာဝန်တွေက ပြောလဲ။ ရောဂါ အခြေအနေကရော ဘယ်လိုလဲ။ HHA : ဇူလိုင်လကုန်လောက် ဆင်းလို့ရမယ်လို့ ပြောပါတယ်။ အစားထိုး ကုသထားတဲ့ နေရာတွေက အရင်ကကိုင်ရင် ကိုင်မှန်းမသိဘူး။ အခုတော့ ထိရင်သိတယ်၊ နာကျင်တာတွေလည်း အတော်လေးကို သက်သာနေပါပြီ။

Voice : အခုကိစ္စကို မြန်မာသံရုံးနဲ့ အေးဂျင့်တွေက ဘာတွေကူညီဆောင်ရွက် ပေးတာရှိလဲ။

HHA : အခုထိတော့ သမီးကို သံရုံးရော အေးဂျင့်တွေရော ဘာမှလာကူညီ ဆောင်ရွက်ပေးတာတော့ မရှိဘူး။

Voice : မြန်မာပြည်က အေးဂျင့်နဲ့ မိသားစုဝင်တွေရော သိသွားပြီလား။

HHA : အခုတော့ သိသွားပြီ။ ဒီကအေးဂျင့်က မြန်မာပြည်က အေးဂျင့်ကို လှမ်းအကြောင်းကြားလိုက်လို့ သမီး ဒီလို ဖြစ်တာကို သိသွားပါပြီ။ ဘာမှမပူဖို့ အိမ်ကို မှာထားတယ်။ အန်တီအေးမာမာရဲ့ အကူအညီနဲ့ အိမ်က မိသားစုဝင်တွေကိုလည်း စကားပြောပြီးပါပြီ။ မြန်မာပြည်ဘက်က အေးဂျင့်ကတော့ အေးဂျင့်ခ ခုနစ်လစာ တောင်းနေတယ်။

Voice : နေကောင်းရင် မြန်မာပြည်ကို ပြန်မှာလား၊ ဒီမှာဆက်နေမလား၊ မြန်မာပြည်က ဒီကို အိမ်အကူလာလုပ်မယ့် သူငယ်ချင်းတွေကိုရော ဘာမှာချင်သေးလဲ။

HHA : သမီး နေကောင်းရင် မြန်မာပြည်ကို ပြန်မှာပါ။ သူငယ်ချင်းတွေကို ဒီအလုပ် လုပ်ရမယ်ဆိုရင် မလာပါနဲ့လို့၊ မဖြစ်မနေ လာရမယ် ဆိုရင်လည်း ဒီက အိမ်ရှင်တွေအကြောင်း၊ အင်္ဂလိပ် စကားပြောနဲ့ ဒုက္ခရောက်တဲ့အခါ ဘယ်ကို အကူအညီ တောင်းရမယ် ဆိုတာတွေကိုပါ သိအောင်လုပ်ပြီး အိမ်အကူ လုပ်ငန်းတွေ ကျွမ်းကျင်မှ လာပါလို့ မှာချင်ပါတယ်။ ငွေက မြန်မာပြည်မှာလည်း ရှာလို့ရပါတယ်၊ သမီးတောင်မသိလို့ လာခဲ့မိတာပါ။ အေးဂျင့်တွေ ပြောတိုင်းမယုံပါနဲ့။

Voice : မိသားစုတွေကို ဘာမှာချင်သေးလဲ။

HHA : သမီး အားလုံးအဆင်ပြေတယ်။ အမေဘာမှမပူပါနဲ့။ နေကောင်းရင် ပြန်လာမယ်။ မြန်မာ အစ်ကို၊ အစ်မတွေ ကူညီထားတဲ့ ငွေတွေကိုလည်း အမေ အကြွေးဆပ်နိုင်အောင် ပို့ပေးမယ်။ သမီးအားလုံး အဆင်ပြေပါတယ်လို့ ပြောချင်ပါတယ်။

Voice : ဘာပြောချင်သေးလဲ။

HHA : သမီး ဆေးရုံတက်နေချိန်ကို ဝိုင်းဝန်း စောင့်ရှောက်ပေးကြတဲ့ အန်တီ အေးမာမာနဲ့ မြန်မာ အစ်ကို အစ်မတွေ အားလုံးကို ကျေးဇူးတင်ပါတယ်။ နောင်ရောက်လာမယ့် မြန်မာအိမ်အကူအားလုံး သမီးလို မဖြစ်ပါစေနဲ့လို့ ဆုတောင်းလိုက်ပါတယ်။

မိုးကြိုး
The Voice Weekly

ဆက်ဖတ်ရန်>>>>

နယ်ပြောင်းရမည့် တက္ကသိုလ်ဆရာ၊ ဆရာမအချို့ ချက်ချင်းပြောင်းရွှေ့ရန် ညွှန်ကြားချက်ကြောင့် အခက်တွေ့

တက္ကသိုလ်အသီးသီးရှိ ဆရာ၊ ဆရာမများကို ပြောင်းရွှေ့တာဝန်ချထားခြင်း အမိန့်စာထုတ်ပြန်ပြီးနောက် ချက်ချင်းပြောင်းရွှေ့တာဝန်ထမ်းဆောင်ရန် ညွှန်ကြားမှုများရှိနေ၍ ဆရာ၊ ဆရာမများ အခက်အခဲကြုံတွေ့နေကြောင်း သတင်းရရှိသည်။

တက္ကသိုလ်အသီးသီးမှ ပြောင်းရွှေ့တာဝန်ချထားခံရသော ဆရာ၊ ဆရာမများသည် ၎င်းတို့၏ လုပ်ငန်းတာဝန်များကို လွှဲပြောင်းပေးရန်လိုအပ်ခြင်း၊ မိမိတို့၏ရင်သွေးများ ကျောင်းပြောင်းရွှေ့ရေးအတွက် ကျောင်းထွက်လက်မှတ်စီစဉ်ရခြင်း၊ မိသားစုကိစ္စစီမံရခြင်းနှင့် ခရီးစရိတ်၊ မိသားစုစရိတ်အတွက် ငွေကြေးအခက်အခဲရှိနေခြင်းတို့ ကြုံတွေ့ကြကြောင်း ပြောင်းရွှေ့မိန့်ကျသူများက ပြောသည်။

‘‘အော်ဒါ(အမိန့်စာ)မှာ ရေးထားတာ ချက်ချင်းသွားရမယ့်အနေအထား ဖြစ်နေတယ်။ ကျောင်းဖွင့်ရက်ကြီး အမြန်သွားဆိုတဲ့ပုံပဲ။ ကျောင်းပိတ်ရက်တော့ ထွက်မပေးပဲနဲ့။ ဟိုကဆရာ ဒီလာ၊ ဒီကဆရာ ဟိုသွားနဲ့ ကြားက ကျောင်းသားတွေ နစ်နာတယ်။ အခု သူတို့နောက်ကျတဲ့အတွက် နောက်ဆက်တွဲပြဿနာတွေ ပေါ်တာပါ’’ဟု ပြောင်းရွှေ့မိန့်ကျထားသော ဆရာတစ်ဦးက ပြောသည်။

တက္ကသိုလ်ဆရာ၊ ဆရာမများအနေဖြင့် တာဝန်ကျရာ တက္ကသိုလ်အသီးသီးသို့ ပြောင်းရွှေ့တာဝန်ထမ်းဆောင်ရာတွင် လိုအပ်သော ပြင်ဆင်မှုများပြုလုပ်ရန်နှင့် ငွေကြေးအခက်အခဲပြေလည်စေရန် လုံလောက်သော အချိန်ပေးရန် ရန်ကုန်အရှေ့ပိုင်းတက္ကသိုလ် ဆရာ၊ ဆရာမများအသင်းက တောင်းဆိုထားသည်။

‘‘အခုတော့ အဆင်ပြေသွားပါပြီ။ တချို့ အဝေးကြီးသွားရမယ့်သူတွေရှိတယ်။ မိသားစုနဲ့ သွားရမယ့်သူတွေရှိတယ်’’ဟု တက္ကသိုလ် ဆရာ၊ ဆရာမများ အပြောင်းအရွှေ့ကာလ တိုးမြှင့်ပေးရန် တောင်းဆိုခဲ့သည့် ရန်ကုန်အရှေ့ပိုင်းတက္ကသိုလ် ဆရာ၊ ဆရာမများ အသင်းတာဝန်ရှိသူကပြောသည်။

ရန်ကုန်အဝေးသင်တက္ကသိုလ်မှ ဆရာမတစ်ဦးက နေရာရွှေ့ပြောင်းမှုအတွက် ချက်ချင်းဆောင်ရွက်ရန် ညွှန်ကြားခြင်းမရှိကြောင်း၊ ရန်ကုန်တက္ကသိုလ်တွင် အခက်အခဲဖြစ်ပေါ်သော သတင်းကြားရကြောင်း ဆိုသည်။

ယခင်က တက္ကသိုလ် ဆရာ၊ ဆရာမများ နေရာရွှေ့ပြောင်းရာတွင် နီးစပ်ရာတက္ကသိုလ်ဖြစ်ပါက ပြောင်းရွှေ့ချိန် တစ်ပတ်နှင့် အလှမ်းဝေးပါက ပြောင်းရွှေ့ချိန်နှစ်ပတ် သတ်မှတ်ပေးကြောင်း သိရသည်။

7 Day News Journal

ဆက်ဖတ်ရန်>>>>

ယခုနှစ် တက္ကသိုလ်ဝင်ခွင့် လမ်းညွှန်စာအုပ်များ စက်တင်ဘာတွင် ထုတ်ဝေဖွယ်ရှိ

ယခုနှစ် တက္ကသိုလ်ဝင်တန်း အောင်မြင်ခဲ့သည့် ကျောင်းသူ၊ ကျောင်းသားများ တက္ကသိုလ်ဝင်ခွင့် လမ်းညွှန်စာအုပ်များကို စက်တင်ဘာအတွင်း ထုတ်ဝေနိုင်ဖွယ်ရှိကြောင်း အဆင့်မြင့်ပညာဦးစီးဌာန (အောက်မြန်မာပြည်)မှ သတင်းရရှိသည်။

‘‘စက်တင်ဘာလထဲလောက်မှာ ထုတ်ဝေပေးနိုင်မယ်။ အခုက ၀င်ခွင့်လမ်းညွှန်အတွက် အမှတ်စာရင်းတွေကို ပြုစုနေတုန်းပဲရှိသေးတယ်’’ဟု အဆင့်မြင့်ပညာဦးစီးဌာန(အောက်မြန်မာပြည်)မှ အဆင့်မြင့်အရာရှိတစ်ဦးက ပြောသည်။

ယခုနှစ်တွင် တက္ကသိုလ်ဝင်တန်းစာမေးပွဲအောင်မြင်သူများ၏ အမှတ်စာရင်းများကို ဇွန်လ ၁၁ ရက်မှ စတင်၍ နေပြည်တော်ရှိ စာစစ်ဦးစီးဌာနရုံးနှင့် လှိုင်တက္ကသိုလ်အတွင်းရှိ မေခနှင့် ဇွဲကပင်အဆောင်များတွင် ထုတ်ယူနိုင်ပြီး တက္ကသိုလ်ဝင်တန်းကျရှုံးသူများ၏ အမှတ်စာရင်းများကိုလည်း ယမန်နှစ်များထက်စော၍ ထုတ်ယူနိုင်ပြီဖြစ်သည်။

၂၀၁၃-၁၄ တက္ကသိုလ်ဝင်တန်းစာမေးပွဲကို ၂၀၁၄ ခုနှစ် မတ် ၁၂ ရက်မှ ၂၂ ရက်အထိ ကျင်းပပြုလုပ်ခဲ့ကာ ငါးသိန်းလေးသောင်းကျော် ၀င်ရောက်ဖြေဆိုခဲ့ရာတွင် တစ်သိန်းခုနစ်သောင်းကျော် အောင်မြင်ခဲ့ပြီး အောင်ချက်ရာခိုင်နှုန်း ၃၁ ဒသမ ၆၇ ရာခိုင်နှုန်း ရှိခဲ့သည်။

ယမန်နှစ် တက္ကသိုလ်ဝင်ခွင့်များတွင် ရန်ကုန်တက္ကသိုလ်၊ ရန်ကုန်နှင့် မန္တလေးနည်းပညာတက္ကသိုလ်များ၊ နိုင်ငံခြားဘာသာသင်တက္ကသိုလ်များသို့ ၀င်ခွင့်အမှတ်များ များပြားခဲ့ပြီး ယခုနှစ်တွင် နည်းပညာတက္ကသိုလ်များ၌ လူဦးရေ လျှော့ချခေါ်ယူသွားမည်ဖြစ်ကြောင်း သတင်းရရှိသည်။

‘‘ကလေးတွေက အလွတ်ကျက်ဖြေရတဲ့ ပညာရေးစနစ်က လာတယ်။ တက္ကသိုလ်ကို ရောက်လာတော့ တစ်ခါ အမှတ်နဲ့ဖြတ်ပြီးတော့ ရွေးချယ်လိုက်တာ။ ကလေးတွေ တကယ်ဝါသနာပါတဲ့ ဘာသာရပ်ကို မတက်ရသလို၊ ဥပမာ ဆေးကျောင်းပေါ့။ ဆေးကျောင်းကို တကယ်ဝါသနာပါတဲ့ကလေးက အမှတ်မမီရင် မတက်ရသလို၊ ဆေးကို ၀ါသနာမပါဘဲ မိဘက ဖိအားပေးလို့ တက်နေရတဲ့ ကလေးတွေ အများကြီးရှိနေတယ်။ ဒါမျိုးတွေဟာ ကလေးတွေအတွက် ရေရှည်မှာ ကောင်းမလာနိုင်ဘူး’’ဟု တက္ကသိုလ်ဆရာ၊ ဆရာမများအသင်းမှ ဆရာတစ်ဦးကပြောသည်။

From: 7 Day

ဆက်ဖတ်ရန်>>>>

အနောက်အာဖရိကတွင် အီဘိုလာရောဂါ ကူးစက်မှု မကြုံစဖူး အခြေအနေ ပြင်းထန်လာ

အာဖရိကတွင် လက်ရှိဖြစ်ပွားနေသည့် အီဘိုလာ ရောဂါပိုး ကူးစက်ပျံ့နှံ့မှုသည် မကြုံစဖူး အခြေအနေမျိုးထိ ဆိုးရွားလာကြောင်း အီဘိုလာ ရောဂါပိုးကို စတင်ဖော်ထုတ် တွေ့ရှိခဲ့သည့် သိပ္ပံပညာရှင်က ဝန်ခံ ပြောကြားခဲ့သည်။

ဒေါက်တာပီတာပီယော့သည် ကမ္ဘာပေါ်တွင် အပြင်းထန်ဆုံး ဝမ်းရောဂါ တစ်မျိုးအဖြစ် သတ်မှတ်နိုင်သည့် အီဘိုလာကို စတင်ဖော်ထုတ် တွေ့ရှိခဲ့သူ ဖြစ်သည်။ ယခုအခါ အာဖရိက အနောက်ပိုင်းဒေသ နိုင်ငံသုံးခုတွင် အီဘိုလာ ကူးစက်နေပြီး လူပေါင်း(၄၆၇)ဦးထက်မနည်း သေဆုံးခဲ့သည်။

ဒေါက်တာပီယော့က “အချက်သုံးချက် ပြောချင်တယ်။ တစ်အချက်က အနောက်အာဖရိကမှာ ဒီလောက်ဆိုးရွားတဲ့ အီဘိုလာ ကူးစက်မှုမျိုး တစ်ခါမှ မကြုံဖူးဘူး။ ဒုတိယအချက်က အီဘိုလာ ကူးစက်မှုက နိုင်ငံသုံးခုစာ နယ်နိမိတ် ကျယ်ပြန့်သွားတာ ဒါပထမဆုံးပဲ၊ တတိယအချက်က နိုင်ငံတစ်ခုရဲ့ မြို့တော်၊ ဒါမှမဟုတ် အထင်ကရ မြို့ကြီးတွေထိ ရောဂါကူးစက်လာတာလည်း ဒီတစ်ကြိမ် မတိုင်ခင်က မရှိခဲ့ဖူးဘူး”ဟု CNNသို့ ပြောကြားခဲ့သည်။

နယ်စည်းမခြား ဆရာဝန်များ အဖွဲ့က ဂီနီရာ၊ ဆီရာလီယွန်နီနှင့် လိုင်ဘေးရီးယားတို့တွင် ဖြစ်ပွားနေသည့် ရောဂါကူးစက်မှုများသည် ထိန်းချုပ်ရန် လက်လှမ်းမမီသည့် အခြေအနေထိ ကျယ်ပြန့်လာနေကြောင်း သတိပေးထားသည်။ “အီဘိုလာ ကူးစက်ပြီဆိုရင် သေဖို့က (၉၀)ရာခိုင်နှုန်းလောက် သေချာသွားပြီ။ ဘယ်လိုစံနှုန်းနဲ့ တိုင်းတိုင်း ဒီလောက် သေဆုံးနိုင်ခြေဆိုတာ အရမ်းပြင်းထန်နေတယ်။ ကမ္ဘာပေါ်မှာ ပေါ်ပေါက်လာဖူးသမျှ အသေအပျောက် အများနိုင်ဆုံး ဗိုင်းရပ်စ်တစ်မျိုးလို့တောင် ဆိုရလိမ့်မယ်”ဟုလည်း ဒေါက်တာ ပီယော့က ဆိုသည်။

အီဘိုလာ ဗိုင်းရပ်စ် ကူးစက်ခံရပါက ကုသနိုင်မည့် နည်းလမ်းမျိုး ရှာမတွေ့သေးချေ။ သို့သော်လည်း ရောဂါရှိသူနှင့် နီးနီးစပ်စပ် နေရုံမျှဖြင့် ကူးစက်ရန် ခဲယဉ်းကြောင်း ဒေါက်တာပီယော့က ရှင်းပြခဲ့သည်။ “အရမ်း နီးစပ်လွန်းတဲ့ အခြေအနေ မဟုတ်ရင် မကူးနိုင်ပါဘူး။ ဒါကြောင့် ဘတ်စ်ကားပေါ်မှာ အီဘိုလာ ရောဂါသည်တစ်ယောက် ပါလာရုံနဲ့ ဘတ်စ်ကားတစ်စီးလုံး ရောဂါကူးမှာ မဟုတ်ဘူး”ဟု ၎င်းက ပြောကြားခဲ့သည်။

သာမန်ဆပ်ပြာနှင့် ရေတို့ကို အသုံးပြု၍ ခြေလက်တို့ကို ဆေးကြောခြင်း၊ အီဘိုလာဖြင့် သေဆုံးထားသည့် အလောင်းများကို လက်ဖြင့် တိုက်ရိုက်ကိုင်တွယ်မှု မပြုလုပ်ခြင်းတို့ဖြင့် ရောဂါကူးစက်မှုမှ ရှောင်လွှဲနိုင်ကြောင်းလည်း သိရသည်။

_Ref: Amanpourblog.cnn

7 Day

ဆက်ဖတ်ရန်>>>>

ဆီးရီးယား ဓာတုလက်နက်များ အမေရိကန်စစ်သင်္ဘော လွှဲပြောင်းယူ

ဆီးရီးယား နိုင်ငံမှ သယ်ယူလာသည့် ဓာတုလက်နက်များကို အရပ်ဘက် ကုန်တင်သင်္ဘောပေါ်မှ အမေရိကန် စစ်ဘက်သင်္ဘော တစ်စီးပေါ်သို့ အပြီးသတ် လွှဲပြောင်းနိုင်ခဲ့ကြောင်း ပင်တဂွန် စစ်ဌာနချုပ်က အတည်ပြု ကြေညာခဲ့သည်။

ဒိန်းမတ်ကုန်တင်သင်္ဘော Ark Futuraသည် အီတလီဆိပ်ကမ်း တစ်ခုတွင် အမေရိကန်ရေတပ်မှ Cape Ray သင်္ဘောပေါ်သို့ ဓာတုလက်နက်များ ပြောင်းလဲတင်ဆောင်ပေးခဲ့ခြင်း ဖြစ်သည်။ ပြီးခဲ့သည့်နှစ်၊ ဩဂုတ်(၂၃)ရက်က ဒမတ်စကက်မြို့တွင် ဓာတုလက်နက်ဖြင့် တိုက်ခိုက်မှုတစ်ခုအတွင်း အရပ်သား (၁၄၀၀)ကျော် သေဆုံးသည့် ဖြစ်ရပ်နောက်ပိုင်း နိုင်ငံတကာ ဖိအားပေးမှုများကြောင့် ဆီးရီးယား သမ္မတ ဘာရှာအယ်လ် အာဆတ်က နိုင်ငံအတွင်းရှိ ဓာတုလက်နက်များကို ကုလသမဂ္ဂထံ လွှဲပေးရန် သဘောတူညီခဲ့ရသည်။

အဆိုပါ ဓာတုလက်နက်များကို အရပ်ဘက် သင်္ဘောများဖြင့် သယ်ဆောင်ပြီး အမေရိကန် စစ်တပ်က တာဝန်ယူ ဖျက်ဆီးသွားရန် စီစဉ်ထားသည်။ “ဒိန်းမတ် ကုန်တင်သင်္ဘော Ark Futuraက ဓာတုလက်နက်တွေကို အမေရိကန် သင်္ဘော Cape Rayပေါ် ပြောင်းရွှေ့မှုအားလုံး အပြီးသတ်ခဲ့ပါပြီ။ Cape Rayဟာ ဂျီအွိုင်ရာတော်ရို ဆိပ်ကမ်းကနေ ခွာထွက်ပြီး မြေထဲပင်လယ်ထဲက နိုင်ငံတကာ ရေပိုင်နက် တစ်နေရာကို ခုတ်မောင်းပါမယ်။ အဲဒီနေရာမှာ လက်နက်ဖျက်သိမ်းမှု လုပ်ငန်းစဉ်တွေကို မကြာမီ စတင်ပါမယ်”ဟု ပင်တဂွန်၏ သတင်းဖြန့်ချိရေး တာဝန်ခံ ရေတပ် နောက်တန်းကွပ်ကဲရေး သေနာပတိ ဂျွန်ကာဘီက ပြောကြားခဲ့သည်။

ထိုကဲ့သို့ လက်နက်ဖျက်သိမ်းမည့် လုပ်ငန်းစဉ်သည် သီတင်းပတ် အနည်းငယ်မျှ ကြာမြင့်နိုင်ကြောင်းလည်း ကာဘီက ဆိုသည်။ ဆာရင်းအဆိပ်ဓာတ်ငွေ့များ အပါအဝင် ဓာတုလက်နက် ပါဝင်ပစ္စည်း အများအပြားကို အီတလီတောင်ပိုင်း၌ အမေရိကန် ရေတပ်က လက်လွှဲယူနေစဉ် ဆိပ်ကမ်းပတ်ဝန်းကျင်ကို လုံခြုံရေး တင်းကျပ်စွာ စောင့်ကြပ်ထားခဲ့ကြောင်းလည်း သိရသည်။

From: 7 Day

ဆက်ဖတ်ရန်>>>>