Sunday, September 07, 2014

တောင်အာရှ ရေလွှမ်းမိုးမှုဘေးဒုက္ခ

မုတ်သုန်မိုးနဲ့ နောက်ဆက်တွဲ ရေကျော်၊ ရေလွှမ်းမိုးမှုတွေက ပါကစ္စတန်မြောက်ပိုင်းနဲ့ အိန္ဒိယနိုင်ငံအတွင်း ဒေသအတော်များများမှာ ရင်ဆိုင်နေရပြီး လတ်တလောအချိန်အထိ ဒီ ရေဘေးဒုက္ခအတွင်း လူပေါင်း ၃၀၀ ကျော် သေဆုံးပြီးဖြစ်သလို ရာနဲ့ချီပြီးတော့ ဒဏ်ရာအနာတရဖြစ်မှုတွေနဲ့ ထောင်ချီပြီး အိုးအိမ်မဲ့သူတွေ လည်းရှိလာနေပါတယ်။














VOA Burmese

အနုပညာကြေးနဲ့ ပတ်သက်ပြီး ဘယ်တုန်းကမှ ဘယ်လောက်ဆိုပြီး ဈေးမခေါ်ဖူးဘူးလို့ ဖွင့်လိုက်တဲ့ ဖူးပွင့်သခင်

Posted by drmyochit Sunday, September 07, 2014, under | 1 comment

အကယ်ဒမီ ဗန်းကိုင်မှတစ်ဆင့် အနုပညာလောကထဲ ဆင့်ကာဆင့်ကာ ၀င်ရောက်ခဲ့ပြီး ဇာတ်ကားတွေ တော်တော်များများမှာ ခေါင်းဆောင်မင်းသမီးနေရာကနေ ရိုက်လာရတဲ့ ဖူးပွင့်သခင် က အနုပညာပျိုးခင်းမှာလဲ ၀င်ပြိုင်ထားတယ်လို့ သိရပါတယ်။ အဲ့ဒါနဲ့ ပတ်သက်ပြီး သူမကတော့ “အနုပညာပျိုးခင်း ကဖောင်တော့တင်ထားပါတယ်။ သူများတွေက သွားတင်လို့ ပြောတာနဲ့တင်တော့ တင်ထားကြည့်တယ်။ ကံပေါ့နော်”တဲ့။
ကာရိုက်တာရွေးချယ်တဲ့အပိုင်း၊ ဇာတ်ကားလက်ခံရိုက်ကူးရေးပိုင်းကိုတော့ “ကိုယ်လဲအသစ်ကနေ လာရတာပဲဆိုတော့ တတ်နိုင်သမျှ ဇာတ်ကောင်းပြီးကိုယ်လဲလုပ်ကွက်ရမယ်ဆိုရင်တော့ ညီမ ရိုက်ပါတယ်။ ခုခေတ်က မင်းသားစွဲလဲ မရှိတော့ဘူး။ အသစ်လဲ အားပေးကြတော့ ကိုယ့်အတွက် လုပ်ကွက်ရမယ်ဆို ဘယ်မင်းသားနဲ့မဆို ညီမ ရိုက်မှာပါ။ ကိုယ်ကိုယ်တိုင်ကတော့ ကားတိုင်းမှာ အကောင်းဆုံးနဲ့ အမှားအနည်းဆုံးဖြစ်အောင် ကြိုးစားထားပါတယ်။ သရုပ်ဆောင်ဆိုတာ အပြင်မှာ ဖြစ်နေတဲ့ဟာတွေ အားလုံးကို လေ့လာထားရတယ်။ ကိုယ်ကျရာ ဇာတ်ရုပ်ကို အရုပ်ရယ် အ၀တ်အစား ဆင်ယင်မှု အိုက်တင်ပိုင်းရောအကုန်လုံးကို perfect ဖြစ်အောင်လုပ်ရတာပေါ့နော်။ အဓိက အ၀တ်အစားက၂၅ ရာခိုင်နှုန်းပါတယ်။ အိုက်တင်ပိုင်းကတော့ ၇၅ ရာခိုင်နှုန်း ပါမယ်လို့ ညီမကတော့ထင်တယ်။”လို့ သူမက ပြောပါတယ်။
တက်သစ်စ မင်းသမီးတစ်ယောက်ရဲ့အနုပညာကြေးနဲ့ပတ်သတ်ပြီးတော့လဲ သူမက “ညီမ စရိုက်ကတည်းက ဘယ်ရွေ့ ဘယ်မျှ မသတ်မှတ်ထားဘူး။ ကိုယ့်လုပ်ရည်ကိုင်ရည်ကို ပရိသတ်ကပဲ ဝေဖန်ပေးမယ်။ ပရိသတ်ကပဲ ဒီကောင်မလေးက ဘယ်လောက်ထိ ပေးဆပ်ထားလဲ ဘယ်လောက်ထိ တန်လဲဆိုတာ အမှတ်ပေးပါလိမ့်မယ်။ ကိုယ့်ကိုကိုယ် ငါကတော့ ဘယ်လောက်တန်တယ် ဆိုပြီး ဈေးခေါ်ရအောင် ညီမတို့ကကုန်ပစ္စည်းလဲ မဟုတ်ဘူး။ ဈေးသည်တွေလဲ မဟုတ်ဘူး။ ကိုယ့်ရဲ့ကြိုးစားမှု အပေါ်ပဲ ဆုံးဖြတ်တယ်။ ညီမစရိုက်ကတည်းက ကုမ္ပဏီကပဲ စညှိပေးတာ။ သူတို့ပြောတဲ့အတိုင်းပဲ ညီမယူတယ်။ ခင်တဲ့သူကျတော့လဲ ခင်တဲ့သူအလျောက်ပေါ့။ အတတ်နိုင်ဆုံးတော့ ညီမ ဈေးဘယ်တော့မှ စမခေါ်ပါဘူး။ ကိုယ့်ရဲ့ကြိုးစားမှုကိုပဲ အဓိကထားတယ်။ ပိုက်ဆံကတော့ လူတိုင်း လိုချင်တာပေါ့နော်။ များများလိုချင်ရင် ကိုယ့်ရဲ့ကြိုးစားမှုကို များများ ထားရမယ်။ ငါကတော့ ဒီဈေးတန်တယ်ပြောပြီးမှ ကိုယ့်ဖက်က ဘာမှမလုပ်ပေးနိုင်ရင် ကိုယ်က အလကားသက်သက် ပိုက်ဆံယူနေသလိုဖြစ်မှာစိုးလို့ ညီမကိုယ်ညီမ ဈေးကို မသတ်မှတ်ထားပါဘူး”တဲ့။

ခင်ဆွေသက်

Trend Myanmar





















တာချီလိတ် စစ်ဗျူဟာမှူး ဦးဆောင်သည့် တပ်မတော်သားများမှ ရေဘေး ကူညီ

Posted by drmyochit Sunday, September 07, 2014, under | No comments

၂၀၁၄ခုနှစ် စက်တင်ဘာလ(၆)ရက်နေ့ နံနက်ပိုင်းက မိုးကြီးစွာ ရွာသွန်းမှုနှင့်အတူ တောင်ကျရေများကြောင့် သော်လည်းကောင်း၊ နေအိမ်များ တိုးချဲ့ဆောက်လုပ်မှုတို့တွင် ရေစီးလမ်းကြောင်းများဖြစ်သည့် ချောင်းများ၊ မြောင်းများအား  မြေခိုးကာရံပိတ်ဆို့သည့် လောဘဇောများကြောင့် သော်လည်းကောင်း ရေကြီးရေလျှံမှုဖြစ်ပေါ်ခဲ့ရာ ယခုအကြိမ်သည် တာချီလိတ်မြို့၏ အဆိုးရွားဆုံး ရေကြီးမှုအဖြစ် ဖြစ်ပေါ်ခဲ့ပြီး မြို့ပေါ်(၉)ရပ်ကွက်တို့ရှိ ပြည်သူလူထုမှာ ရေကြီးရေလျှံမှု ဒဏ်ကို ခံစားခဲ့ရသည်။

ရေကြီးရေလျှံမှုကြောင့် အဆိုးရွားဆုံးအဖြစ် ပုန်းထွန်ရပ်ကွက် နှင့် တာလော့ရပ်ကွက်တို့တွင် ရွံ့နွံများ၊ နုန်းများ နှင့် အမှိုက်များ တင်ကျန်နေခဲ့သည့်အတွက် ယနေ့ စက်တင်ဘာလ(၇)ရက်နေ့ နံနက်ပိုင်းတွင်  စစ်ဗျူဟာအဖွဲ့(အခြေချ)တာချီလိတ် စစ်ဗျူဟာမှူး ဗိုလ်မှူးကြီးဇော်နိုင်ဦး ဦးဆောင်သည့် တာချီလိတ်တပ်နယ်မှ တပ်မတော်သားများသည် ထိုင်း - မြန်မာ နှစ်နိုင်ငံ မယ်ဆိုင်ချောင်းဘေးရှိ ရွှေနန်းတော်ကုန်တိုက်၏ နယ်နိမိတ် နှင့် ခရိုင်လ၀ကရုံးအတွင်းတို့တွင် တင်ကျန်နေသော  ရွံ့နွံများ၊ နုန်းများ နှင့် အမှိုက်များကို ရှင်းလင်းဖယ်ရှားပေးခြင်း၊ ရေများဖြင့် ဆေးကြောခြင်းတို့ကို တက်ကြွစွာ ဆောင်ရွက်ခဲ့ကြသည်။

ဦးစွာ စစ်ဗျူဟာမှူးဦးဆောင်သည့် တပ်မတော်သားများသည်  ရွှေနန်းတော်ကုန်တိုက်အတွင်း၌ တင်ကျန်နေသော မယ်ဆိုင်ချောင်းမှတဆင့် မျှောပါလာသည့် အမှိုက်များ၊ သစ်တုံးများ၊ အသုံးပြု၍ မရတော့သည့် လူသုံးကုန်ပစ္စည်းများအား အားကြိုးမာန်တက် ရှင်းလင်းဖယ်ရှားခြင်း၊ ကုန်တိုက်အတွင်း ၀င်ရောက်နေသော ရွံ့နွံများ ဖယ်ရှားပေးခြင်းများကို ဆောင်ရွက်ခဲ့ကြသည်။

"ဗျူဟာမှူးကြီး ဦးဆောင်တဲ့ တပ်မတော်သားတွေ အခုလို လာကူညီတာ တကယ်ကျေးဇူးတင်တယ်၊ သူတို့သာ လာကူညီပြီး ရွံ့နွံတွေ မဖယ်ရှားပေးရင် ကျွန်မတို့တော့ တကယ်ကို မသက်သာဘူး၊ အခု ရေကြီးရေလျှံတာက အရင်ကလိုမဟုတ်ဘူး၊ တော်တော်ရှင်းလိုက်ရတယ်၊ အခုလို ပြည်သူကြားထဲ ထဲထဲဝင်ဝင် အခုလို ကူညီတာ မြင်ရတော့ တကယ်ကို ၀မ်းသာပီတိဖြစ်မိတယ်"ဟု ရွှေနန်းတော်ကုန်တိုက်မှ အရောင်းတာဝန်ခံ အမျိုးသမီးတစ်ဦးက တာချီလိတ်အွန်လိုင်းသို့ ပြောသည်။

တဆက်တည်းမှာပင် အဆိုပါအဖွဲ့သည် တာချီလိတ်ခရိုင်လ၀ကရုံးအတွင်း၌ တင်ကျန်နေသော ရွံ့နွံများ၊ နုန်းများ နှင့် အမှိုက်များအား ရှင်းလင်းဖယ်ရှားပေးခြင်း၊ လူသုံးကုန်ပစ္စည်းများအား ရွှေ့ပြောင်းပေးခြင်းတို့ကို တက်ကြွစွာ ဆောင်ရွက်ခဲ့ကြသည်။


မယ်ဆိုင်ချောင်းတလျှောက် ချောင်းရေမြှင့်တက်မှုကြောင့် အမှတ်(၁)ချစ်ကြည်ရေးတံတား၏ တံတား ယက်မကျော်အထိ ရေမြင့်တက်လာခဲ့သလို ရေကြီးမှုအရှိန်အဟုန်ကြောင့် သစ်လုံးကြီးများမှာ အဆိုပါ တံတားအား အားပြင်းစွာ ဆောင့်မှုများကြောင့် တံတားကျိုးမည်ကို စိုးရိမ်၍ မြန်မာဘက်မှ  စစ်ဗျူဟာမှူး ဗိုလ်မှူးကြီးဇော်နိုင်ဦး နှင့် ခရိုင်/မြို့နယ် အုပ်ချုပ်ရေးမှူးတို့အပါအ၀င် သက်ဆိုင်ရာ ဌာနဆိုင်ရာများ နှင့် ထိုင်းနိုင်ငံဘက်မှ ရေတပ်၊ ထိုင်း TBC အဖွဲ့ဝင်များနှင့် ဌာနဆိုင်ရာများမှ ညှိနှိုင်း၍  တံတားအား အချိန်(၃)နာရီကျော် ခေတ္တပိတ်ထားကာ ထိုင်းနိုင်ငံမှ ဘက်ဟိုးဖြင့် တံတား၌ခံနေသော သစ်လုံးများ၊ သစ်ကိုင်းများ စသည်တို့ကို ရှင်းလင်းဖယ်ရှားခဲ့ရကြောင်း သိရသည်။

သတင်း။   ။ ကိုဇောင်း
Tachileik Online News


































































Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်