Tuesday, January 28, 2014

ပြင်ဦးလွင်အတက်လမ်းတွင် ပြုတ်ကျခဲ့သည့် စကျင်ဆင်းတုတော်ကြီးကို မန္တလေးတိုင်းအစိုးရ တာဝန်ယူပြုပြင်မည်

Posted by drmyochit Tuesday, January 28, 2014, under | No comments

တောင်တက်လမ်းတွင် ကားပေါ်မှ ပြုတ်ကျခဲ့သည့် စကျင်ဆင်းတုတော်ကြီးကို တွေ့ရစဉ် ဓာတ်ပုံ-ကိုဖြိုး(မန္တလေးသတင်းပုံရိပ်များ)

ပြင်ဦးလွင်အတက်လမ်းပိုင်းနေရာတွင် ဦးခေါင်းတော်ကျိုးပြတ်ပြီး ပြုတ်ကျနေခဲ့သည့် စကျင်ကျောက် ဆင်းတုတော်ကြီး ကို မန္တလေးတိုင်းဒေသကြီး အစိုးရအဖွဲ့က   တာဝန်ယူကာ ပြုပြင်ဆောင်ရွက်ပေးသွားမည်ဖြစ်ကြောင်း သတင်းရရှိသည်။

ဇန်န၀ါရီ ၁၀ ရက်က ဉာဏ်တော် ၁၈ ပေ၊ ပလ္လင်အထိုင် သုံးပေ၊ ပလ္လင်အကျယ် ၁၂ ပေခန့် ရှိသည့် စကျင်ကျောက်ဆင်းတုတော်ကို  မတ္တရာမြို့နယ် စကျင်ကျေးရွာမှ ရွှေလီမြို့သို့ ပို့ဆောင်ရောင်းချရန်    ၂၂   ဘီးကားဖြင့် သယ်ဆောင်လာစဉ် မန္တလေး- ပြင်ဦးလွင် အတက်လမ်း မိုင်တိုင်အမှတ် ၁၉ အကျော်တွင် ဆင်းတုတော်အား ထိန်းထားသည့် သံကြိုးများ ပြတ်ထွက်ကာ လမ်းမပေါ်သို့ ပြုတ်ကျပြီး ဦးခေါင်းတော် ကျိုးပြတ်ခဲ့ခြင်းဖြစ်သည်။

ဆင်းတုတော်မှာ ယနေ့အချိန်ထိ  ယင်းလမ်းပိုင်းတစ်နေရာတွင်ပင် မပြောင်းရွှေ့နိုင်ဘဲ ဖြစ်နေသဖြင့် ပြုတ်ကျခဲ့သည့်နေရာ အနီးတစ်ဝိုက်တွင်ပင် ပြင်ဦးလွင် ပြည်ချစ်ဘုရားကဲ့သို့ပင် တည်ထားကိုးကွယ်နိုင်ရေးအတွက် မန္တလေးတိုင်းဒေသကြီး အစိုးရအဖွဲ့က ရည်မှန်းထားကြောင်း တိုင်းသာသနာရေးဝန်ကြီး ဦးသန်းစိုးမြင့်ကပြောသည်။

““ပြုတ်ကျတဲ့နေရာနားမှာရှိတဲ့ ဘုရားဝင်းအနီးမှာ တည်ထားဖို့တော့ ရည်မှန်းထားတယ်။ ၀န်ကြီးချုပ်ကိုလည်း ဒီကိစ္စတင်ပြတော့ သူကလည်း လုပ်ပေးချင်တဲ့ဆန္ဒရှိပုံပေါ်တယ်”” ဟု ဦးသန်းစိုးမြင့်က ဆိုသည်။

တရုတ်နိုင်ငံသို့ ပို့ဆောင်၍ ရောင်းချရန်စီစဉ်ခဲ့သည့် ဘုရားပိုင်ရှင်ဖြစ်သူကလည်း ယခုအချိန်တွင် လျော်ကြေးငွေရယူရန် ဆန္ဒရှိနေသည်ဟု ၎င်းက ဆက်လက် ပြောသည်။

ဦးခေါင်းတော် ပြတ်နေသည့် ယင်းဆင်းတုတော်ကြီးမှာ မန္တလေး-ပြင်ဦးလွင်အတက် ကားလမ်းတစ်လျှောက် ခရီးသွားသူများအမြင်တွင် မသင့်လျော်၍ ဦးခေါင်းတော်နှင့်  ဆင်းတုတော်ကိုယ်ထည်ပိုင်း တေ့ကာ ယာယီဆက်ပေးထားသည်ဟု ပြင်စာရဲကင်းရဲစခန်းမှ တာဝန်ရှိသူတစ်ဦးက ပြောသည်။

ပြင်ဦးလွင်မြို့ရှိ မူလ ပြည်ချစ်ဘုရားသည်လည်း တရုတ်နိုင်ငံသို့ ရောင်းချရန် မန္တလေး-လားရှိုး ကားလမ်းတစ်လျှောက် ကားဖြင့်သယ်ဆောင်လာစဉ် ပွဲကောက်ရေတံခွန်လမ်းခွဲအနီးတွင် ယာဉ်မတော်တဆမှုဖြစ်ပြီး ဆင်းတုတော်ပြုတ်ကျခဲ့ရာမှ ယင်းနေရာအနီးရှိ ကုန်းမြင့်တွင် မဟာအံ့ထူးကံသာ ဆုတောင်းပြည့်ဘုရားအမည်ဖြင့် တည်ထားကိုးကွယ်ခဲ့ခြင်းဖြစ်သည်။

Author: အေးမွန်ရာပြည့်
7day Daily

ဆရာကို ဓါးနဲ့ထိုးသတ်တဲ့ ကျောင်းသား

Posted by drmyochit Tuesday, January 28, 2014, under | 1 comment



တရုတ်ပြည် Fuzhou Linchuan အထက်တန်းကျောင်းက grade 12th ကျောင်းသား ဖြစ်တဲ့ Lei X ဟာ သူရဲ့ ဆရာကို ဓါးနဲ့ ထိုးသတ်ခဲ့ပါတယ်..။ လွန်ခဲ့တဲ့ နှစ်ရက် လောက်က Lei X ဟာ စာသင်ခန်းထဲမှာ ဖုန်းဆော့ကစားနေတဲ့အတွက် ဆရာက သူရဲ့ဖုန်းကို သိမ်းလိုက်ပြီး အိမ်ကို အကြောင်းကြားမယ်လို့ ပြောခဲ့ပါတယ်..။

Lei X ဟာ အသက် 18 နှစ်တောင် မပြည့်သေးပါဘူး..။ Lei X ဟာ နေ့လည် 11း26 မှာ ဆရာရဲ့ ရုံးခန်းထဲကို သွားရောက်ခဲ့ပြီး ဓါးနဲ့ ထိုးသတ်ခဲ့ပါတယ်..။ အဆိုပါ အချိန်မှာ အခြား ကျောင်းဆရာတစ်ဦး ရှိနေပေမယ့်လည်း ခုံတွေ စာအုပ်တွေနဲ့ ကွယ်နေတာကြောင့် သေချာ မမြင်တွေ့ခဲ့ရပဲ ဆရာရဲ့အော်သံကို ကြားမှသာ အပြေး လာရောက်ခဲ့တာပဲဖြစ်ပြီး ရဲစခန်းကို အကြောင်းကြားခဲ့ပါတယ်..။

တရုတ်မီဒီယာတွေကတော့ ကျောင်းသားနဲ့ ဆရာကြားမှာရှိတဲ့ ဆက်ဆံရေးကို မေးခွန်း ထုတ်ခဲ့ကြပါတယ်..

Yangon Media

သင်ချောင်းရိုက်ခံနေရပြီလား ??

Posted by drmyochit Tuesday, January 28, 2014, under | No comments


အဖြစ်များလာနေတဲ့ ရေချိုးခန်း၊အိမ်သာတွေထဲက မိန်းမသားများ၏
ဝတ်လစ်စလစ်ပုံများကို ခိုးရိုက်ကြကာ အင်တာနက် သို့ တင်နေကြတာ
ကိုစိတ်မကောင်း ဖွယ်တွေ့ရှိနေရပါတယ်။

အဆိုပါကိစ္စများ မဖြစ်ပေါ်စေရန် တာစီးဖို့ မလွယ်ကူပေမဲ့ အတက်
နိုင်ဆုံး ရှောင်ရန် ဆောင်ရန်အချို့တော့ရှိနေပါတယ်။

(၁) မိန်းကလေးများ ရေချိုးတော့မယ် ဆိုရင် ကိုယ့်ရေချိုးခန်းကို
ရေမချိုးခင် လုံခြုံမူ့ရှိ မရှိ စစ်ဆေးပြီးမှသာ ရေချိုးဖို့ အကြံပြုချင်ပါတယ်။

(၂) ဟိုတယ် ( သို့မဟုတ်) အများသုံးရေအိမ် ဖြစ်ပါက ရေဆွဲမောင်းတံများ၊
စက္ကူလိပ်များ၊ မီးလုံးများ ၊ ပန်းအိုးများ ၊ တခါးလော့ချတံများ၊ ပိုစတာများ ၊ ပစ္စည်းချိတ်တံများ စသည်တို့တွင် လျှုီူ့ဝှက်ထားတက် ကြသည်။

(၃) တံခါးဂျက် ကောင်းမကောင်း၊အကာအရံ လုံမလုံ၊ တိုက်ခန်းဖြစ်နေရင်
တောင်မှ အပေါက်ဖေါက် ထားလား၊ အတွင်းက မမြင်အောင် အပြင်ကမှ
မြင်နိုင်အောင် အပေါက်ဖေါက်ထား သလား၊ ခေါင်မိုးရှိတယ် ဆိုရင် တောင်
အမိုးနဲ့ အကာအကြား လက်လျှိူလို့ ရနိုင်လားဆိုတာသေချာ စစ်ဆေးပြီးမှသာ
ရေချိုးကြ တာ အကောင်းဆုံးပါလို့ အသိပေးချင်ပါတယ်။

မကြာသေးမှီ ကဖြစ်ခဲ့ တဲ့အမူအရဆိုရင် ဗဟန်းမြို့နယ်မှာ တိုက်ခန်း
ငါးလွှာအထပ်မှာ နယ်က ကျောင်းသူ လေးငါးယောက်စုပြီး တိုက်ခန်းဌားနေ ကြပါတယ်၊ ဘေးချင်းကပ် တိုက်ခန်း ငါးလွှာမှာလဲ လူငယ် လင်မယား မိသားတစ်စု နေကြတယ်လို့သိရတယ်။

တစ်နေ့မှာ ပြသာနာ အကြီးအကျယ်တက်ပြီး ရပ်ကွက် ရုံးကို တိုင်ကြားတဲ့အထိ ဖြစ်ကြတယ်။

အကြောင်းရင်းက တစ်ဖက် တိုက်ခန်းငါးလွှာက ယောင်္ကျားဖြစ်သူက ဒီဖက်ငါးလွှာ က ကျောင်းသူတွေ နေတဲ့ ရေချိုးခန်းကခေါင်မိုးနဲ့ နံရံ လွတ်နေတဲ့ ကြားမှာဟမ်းဖုန်း နဲ့ ကျောင်းသူလေးတွေ ရေချိုးနေတာကို ဗွီဒီယို ခိုးရိုက်နေတာ ဖမ်းမိသွားတဲ့ အမှု့အခင်း ဖြစ်တယ်လို့ သိရတယ်။

ဘယ်အချိန်ကထဲက ရိုက်နေလဲ ဘယ်လောက်ကြာနေ ပြီလဲဆိုတာ ကတော့ ကာယကံ
ရှင်ကိုယ်တိုင် သာသိနေမယ်လို့ ယူဆရတယ်။

မိန်းကလေးတွေ ရေချိုးတာမှာ လုံချီမပါဘဲ ၀တ်လစ်စလစ်ရေချိုးနေတာကို
ဘယ်ပွန်းဆိုက်တွေမှာ တင်လိုက်ပြီလဲ ဆိုတာတော့ ဘယ်သူမှ မသိနိုင်ကြပါဘူး။

မိန်းကလေးတယောက် အဖို့ လူသိကြတော့လဲ တစ်ရှက်က နှစ်ရှက်ဖြစ်တော့မှာ ဆိုတာတော့ သေချာနေပြီဖြစ်တယ်။

ရပ်ကွက်ရုံးကို တိုင်ကြားတော့လဲ နယ်က မိဝေးဖဝေး လာနေကြတဲ့
မိန်းကလေးတွေခင်မျာ ဖိဖိစီးစီး ပြောနိုင် အောင်နိုင်အောင် မလုပ်နိုင်ကြတော့
အမှု့က နောက်ဆုံးတော့ ဝေလေလေ ဖြစ်တာနဲ့ ပဲ အဆုံးသတ်ရ တယ်လို့
လဲ ကြားသိခဲ့ရတယ်။

အိမ်ထောင်သည် ယောကျာင်္းမှ မဟုတ်၊ ကြီးကြီးငယ်ငယ် အခုလို
ကျင့်ဝတ်နဲ့ မညီ၊ စာရိတ္တပိုင်း မကောင်းတဲ့ယောင်္ကျား၊ မောင်နှမသားချင်း
စာနာမှု့မရှိတဲ့ ယောင်္ကျားတစ်ချို့တွေကြောင့် မနစ်နာသင့်ပဲ နစ်နာနေကြ
သူတွေ ဘယ်လောက်တောင် ရှိနေပါပြီလဲဆိုတဲ့ ကိစ္စကတော့ယနေ့ခေတ်မှာ
မေးခွန်းထုတ်စရာ တခုဖြစ်လို့ လာနေပါပြီ။

ဒီလိုအဖြစ်မျိူးကို နိုင်ငံတကာမှာလည်း တွေ့ကြုံနေရတာဖြစ်ပေမဲ့ မြန်မာ့
ယဉ်ကျေးမူတွေ ကိုဥပခါပြုနေတဲ့ လုပ်ရပ်တွေက နိုင်ငံနှင့်လူမျိူးအတွက် များ
စွာ ထိခိုက်စေတယ် ဆိုတာ အထင်အရှားတွေ့ရှိရမှဖြစ်တယ်။

ယခုလို ပြုလုပ်သူမျးကို ထိထိရောက်ရောက် ပြစ်မူ ၊ ပြစ်ဒဏ်များပေးဖို့လိုအပ်
သလို ဆောင်ရွက်ပေးဖို့ လူမူအသိုက်အ၀န်း ကလိုလားမူ တိုးတက်လာပြီဆို
တာ မငြင်းနိုင်မယ့် အချက်ဖြစ်ပါတယ်။

အချူပ်ဆိုရသော် မိန်းမပျိုလေးတွေနေတဲ့ အိပ်ခန်း၊ ရေချိုးခန်း၊ အိမ်သာတွေကို လဲ
လုံလုံခြုံခြုံ ရှိနေဖို့ ကြိုတင်ပြီး ဆောင်ရွက်ကြပါလို့ တင်ဆက်ပေးလိုက်ပါတယ်။

ကချင်

အချစ်(လိင်)ဟာ ဆေးဝါး တစ်မျိုးပါ အသက် (၁၈) ပြည့်မှ ဖတ်ပါ

Posted by drmyochit Tuesday, January 28, 2014, under | 2 comments

အိပ်ခန်းထဲမှ အချစ်ဟာ သင့်အတွက် ကင်ဆာရောဂါကို အောင်နိုင်ပြီး နှလုံးရောဂါကို ကာကွယ်နိုင်တဲ့ အပြင် အရွယ်တင် နုပျိုစေပါတယ်။ လိင် ဆက်ဆံမှု ပြုလုပ်တာကြောင့် ဘယ်လို အကျိုးကျေးဇူးတွေ ပိုကောင်းမွန်အောင် ဘယ်လိုလုပ်ရမယ် ဆိုတာ ဖော်ပြ လိုက်ပါတယ်။

၁။ အရွယ်တင်နုပျိုစေပါတယ် တစ်ပတ်ကို အနည်းဆုံး လေးကြိမ် လိင်ဆက်ဆံမှု ပြုလုပ်တဲ့ လင်မယားတွေဟာ ပုံမှန် လူကြီးတွေထက် ၁၀ နှစ်ကျော်ခန့် ပိုပြီး အရွယ်တင်နုပျို စေနိုင်တယ်လို့ Royal Edinburhg ဆေးရုံမှ သုတေ သန ပြုလုပ်ချက်အရ သိရပါတယ်။ “လိင်ဆက်ဆံ မှုကြောင့် ရရှိတဲ့ ပျော်ရွှင် ကျေနပ်မှုဟာ အရွယ်တင် နုပျိုဖို့အတွက် အရေးကြီး အချက် ဖြစ်တဲ့ adrenaline, dopamine နဲ့ noradrenalin တွေ ထုတ်လုပ်နိုင် ပါတယ်” လို့ အာရုံကြောနဲ့ စိတ်ပိုင်းဆိုင်ရာ အထူးကု Dr.Dowid က ပြောပါတယ်။

 “ဒါ့အပြင် လိင်ဆက်ဆံမှုကြောင့် Growth ဟော်မုန်းတွေ ထွက်လာပြီး လေထု ညစ်ညမ်း မှုကြောင့် ရရှိလာတဲ့ ဓာတ်တိုးပစ္စည်းတွေကို တိုက်ခိုက်နိုင်ပါတယ်။ ဒါကြောင့် အရေပြား Cell နံရံတွေ မပျက်စီးအောင် ထိန်းနိုင်ပြီး ကြွက်သားတွေ Relax ရစေကာ အရေးအကြောင်းတွေ မပေါ်အောင် ကူညီနိုင်ပါတယ်” လို့ ဆက်ပြောပါတယ်။ ပိုမိုကောင်းမွန်အောင် ကာမဂုဏ် လိုက်စားတာ မဟုတ်ဘဲ သင်ရဲ့ ဇနီးမယားနဲ့ ပုံမှန် လိင်ဆက်ဆံမှု လုပ်တာကြောင့် စိုးရိမ် ကြောင့်ကြမှု များတာနဲ့ မိမိကိုယ်ကို လုံခြုံမှုမရှိတာလိုမျိုး အချက်တွေ မရှိတော့ဘဲ ငယ်ရွယ် နုပျိုအောင် နေနိုင်ပါတယ်။ အိမ်ထောင်သည် အသက်ရှည်ရတဲ့ သော့ချက်တွေ အနေနဲ့ ဓာတုပစ္စည်း Response တွေရအောင် လှုံ့ဆော်မှု အနေနဲ့ လင်မယားချင်း ပွေ့ဖက်တာနဲ့ ထိတွေ့ကိုင်တွယ်မှု လုပ်တာတွေကို ၁၅ မိနစ်ခန့် လိင်ဆက်ဆံမှု မပြုလုပ်ခင်နဲ့ ပြုလုပ် အပြီးမှာ ပြုလုပ်ပေးပါ။

၂။ အအေးမိရောဂါကို ကာကွယ်နိုင်ပါတယ် တစ်ပတ်ကို အနည်းဆုံးနှစ်ကြိမ် လိင်ဆက်ဆံမှုကြောင့် အအေးမိရောဂါနဲ့ တခြား ဗိုင်းရပ်စ် ရောဂါတွေကို ကာကွယ်နိုင်တဲ့ Antibody ဖြစ်တဲ့ Immunoglobulin ရာခိုင်နှုန်း မြင့်တက် လာနိုင်တယ်လို့ wikes တက္ကသိုလ်မှ လေ့လာသူတွေက တွေ့ရှိခဲ့ပါတယ်။ ပိုမိုကောင်းမွန်အောင် ဒီလို သဘာဝအလျောက်ထွက်လာတဲ့ Antibodies တွေ ပိုရရှိအောင် Sex ကို အချိန် ကြာကြာ လုပ်ပေးရပါမယ်။ ဒါကြောင့် လိင်ဆက်ဆံမှုကို Position မျိုးစုံလုပ်ပေးပါ။

၃။ ကင်ဆာကို ကာကွယ်နိုင်ပါတယ် အသက် ၂၀ အရွယ်မှာ တစ်ပတ်ကို အနည်းဆုံး ခုနှစ်ကြိမ် သုက်လွှတ်တဲ့ အမျိုးသားတွေဟာ တစ်ပတ်ကို သုံးကြိမ်လောက်သာ သုက်လွှတ်တဲ့ အမျိုးသားတွေထက် အသက်ကြီးလာရင် ဆီးကျိတ်ကင်ဆာ ဖြစ်နိုင်ခြေသုံးဆ နည်းတယ်လို့ သြစတြေးလျ ကင်ဆာ အဖွဲ့မှ လေ့လာမှုအရ သိရပါတယ်။ မကြာခဏ သုက်လွှတ်တာကြောင့် ဆီးကျိတ်ပြွန်ထဲမှ ကင်ဆာ ဖြစ်စေနိုင်တဲ့ Carcinogens စုဆောင်းမှု မဖြစ်အောင် ကာကွယ်နိုင်ပါတယ်လို့ သုတေသန ခေါင်းဆောင် ပါမောက္ခ Graham Giles က ပြောပါတယ်။ ပိုမိုကောင်းမွန်အောင် တစ်နေ့တည်းကို ခဏခဏ သုက်လွှတ်မည့်အစား နေ့စဉ်တစ်ကြိမ်စီ သုက်လွှတ် ပေးတာဟာ အကျိုးရှိဆုံးပါ။

 ၄။ နာကျင်မှု ပျောက်စေပါတယ် လိင်ဆက်ဆံပြီးနောက် စိတ်ကျေနပ်မှု ရနေတာဟာ နာကျင်မှုကို သက်သာစေတယ်လို့ Biology and Medicine ဂျာနယ်မှ သုတေသနပြုချက်အရ သိရပါတယ်။ လိင်ဆက်ဆံမှု ကြောင့် ခန္ဓာကိုယ်ရဲ့ သဘာဝ အကိုက်အခဲ ပျောက်ဆေး Endorphins တွေဟာ တစ်မိနစ် အတွက် သုံးဆလောက် မြင့်တက် လာပါတယ်လို့ အင်္ဂလန်နိုင်ငံ Paisley တက္ကသိုလ်မှ Sexual Psychologisl ကပြောပါတယ်။ လိင်ဆက်ဆံမှုကြောင့် ခါးနောက်ကျော နာတာနဲ့ ခေါင်းတစ်ခြမ်းကိုက် ဝေဒနာတွေ သက်သာသွားတဲ့ အထောက် အထားတွေ ရှိတယ်လို့ ဆိုပါတယ်။ပိုမိုကောင်းမွန်အောင် သင့်မှာ နာကျင်မှုရှိနေရင် ကြမ်းတမ်းတဲ့ လိင်ဆက်ဆံမှုကို ရှောင်ပါ။ ညင်ညင်သာသာ နှေးနှေး ကွေးကွေးနဲ့ အချိန်ကြာတဲ့ ဆက်ဆံနည်းကို အသုံးပြုပါ။ လိင်ဆက်ဆံမှုပုံစံအမျိုးမျိုးကိုပြောင်းပေးပါ။ နာကျင်မှု ပိုမို သက်သာအောင် ပိုတက်စီယမ် ပါဝင်မှုများတဲ့ စပျစ်သီးတွေ စားပေးပါ။

မိန်းကလေး တစ်ယောက် အနေနဲ့ ကိုယ်ခန္ဓာ အလှကို ဂရုစိုက် သင့်တယ်

Posted by drmyochit Tuesday, January 28, 2014, under | No comments

ကမ္ဘာပေါ်မှာ ရှိကြတဲ့ လူသားတိုင်း ကျန်းမာခြင်းနဲ့ အတူ လှပခြင်း ကိုလည်း ပိုင်ဆိုင် ချင်ကြမှာ အမှန်ပဲ ဖြစ်ပါတယ်။ အသားအရေလှလိုက်တာ၊ ဆံပင် ကောင်းလိုက်တာ၊ သွား လေးတွေက

ပုလဲလေးတွေ စီထားတဲ့ အတိုင်း ညီညာလိုက်တာ စသည် ဖြင့် ပိုင်ဆိုင်ချင်ကြမှာပါပဲ။ ဒီလို အလှတရားတွေ ပိုင်ဆိုင်ဖို့ အတွက် ဘယ်လို ထိန်းသိမ်းလေ့ ရှိလဲဆိုတာ လေ့လာကြည့် လိုက်ရအောင် .....

လုပ်ဖြစ်တဲ့လေ့ကျင့်ခန်း

အားကစားအနေနဲ့ဆို ခါးလှည့်တဲ့ လေ့ကျင့်ခန်းကို လုပ်ဖြစ်နေတယ်။ ခါးလှည့်တဲ့ လေ့ကျင့်ခန်းက ချက်ချင်းတော့ သူ့အကျိုးကျေးဇူးက မသိသာဘူး။ နှစ်ချီပြီးတော့လုပ်ရတာ။ ခါးလှည့်တော့ ကျောက အဆီ ကျတယ်။ ခါးအဆီလည်း မတက်ဘူး။ ခါးကိုလည်း သေးစေတယ်။ အချိန်ကုန် ငွေကုန်မရှိဘူး ဒီလေ့ကျင့် ခန်းက အချိန်လည်း မကုန်ဘူး။ စက်တွေနဲ့လည်း လုပ်စရာ မလိုဘူး။ အိမ်မှာ ဝါးလုံး လေးတစ်ချောင်းရှိရင် အဆင်ပြေ ရွေးပြီးတော့ လုပ်ဖြစ်တယ်။ ခါးလှည့်တဲ့အပြင် ကြက်တောင် ရိုက်တာတို့ စက်ဘီး စီးရတာကို လည်း သဘောကျတယ်။

ဓာတုဆေးဝါးမသုံးပါနဲ့

အသီးအရွက်များများစားပါ။ နွားနို့သောက်ပါ။ အသားတွေ သိပ်မစားပါနဲ့။ ဓာတုဆေးဝါးက ချက်ချင်းတော့ သိသာပါတယ်။ ဒါပေမဲ့ ကြာရင်တော့ အဆင်မပြေဘူး။ အားကစား လေ့ကျင့်ခန်း လုပ်တာက အဆင် ပြေတယ်။ ဓါတုဆေးဝါးကိုမသုံးတာကောင်းပါတယ်။

အသီးအရွက်များများစားပါ

ကျန်းမာရေးက အရေး ပါပါတယ်။ လူတစ်ယောက်ရဲ့ခန္ဓာကိုယ် ထဲမှာအောင်းနေတဲ့ ချွေးပုပ် တွေကို ထွက်စေတဲ့ အတွက်လည်း ကောင်းတယ်။ အမောလည်း ခံနိုင်တယ်။ ခါးလှည့်တဲ့ လေ့ကျင့်ခန်းလည်း လုပ်ပါ။ အသီးအရွက် စားပါ။ မိန်းကလေး တစ်ယောက် အနေနဲ့ ခန္ဓာကိုယ် အလှကို ဂရုစိုက်သင့်တယ်လို့ ထင်ပါတယ်။


Credit to မြ၀တီ

သူငယ်ချင်းလေးကို ချစ်သူလေးလို ရင်ခုန်မိတာကြောင့်

Posted by drmyochit Tuesday, January 28, 2014, under | No comments


သင့်မှာ အစစအရာရာ ဖြည့်ဆည်းပေးတတ်ပြီး အနွံတာလည်းခံတတ်တဲ့ ငယ်သူငယ်ချင်း ကောင်မလေးတစ်ယောက် ရှိခဲ့မယ်ဆိုပါစို့။ အချိန်တွေကြာလာတဲ့အခါ သူ့ကို လိုက်ပိုးပန်းတတ်တဲ့ ကောင်လေးတွေကို ကြည့်မရ ဖြစ်လာမယ် ၊ သူက တခြားကောင်လေးတွေကို အရောဝင်တဲ့အခါ ပြောမပြတတ်တဲ့ ခံစားမှုတွေနဲ့ ဒေါသထွက်လာမယ်။ ဒါဆိုရင်တော့ သင့်အနေနဲ့ သူမကိုချစ်မိနေပါပြီ။

state ကျောင်းမှာကတည်းက ပေါင်းသင်းခဲ့တဲ့ သူငယ်ချင်းလေးကို တက္ကသိုလ်ကျောင်းတော်ရာကြီး အရောက်မှာ တစ်နည်းတစ်ဖုံ ပြောင်းလဲခင်တွယ်မိတယ်ဆိုပါတော့။ ဒီအခါ သင်တို့နှစ်ဦးကြားက အဖြူရောင် သံယောဇဉ်လေးကို ဘယ်လိုများ ပြောင်းလဲပစ်မလဲ။ ပြောရတာ ထင်သလောက်တော့ မလွယ်ကူပါဘူး။ ဒီလိုဆို အခုဖော်ပြမယ့် အချက်လေးတချို့ကို လိုက်နာကြည့်ကြပါစို့။

(၁)     လက်ရှိအခြေအနေကို သုံးသပ်ပါ။

နံပါတ်တစ်ကတော့ နံပါတ်တစ်ပါပဲ။ သင့်အနေနဲ့ ဘာပြောင်းလဲမှုမှ မကြိုးစားခင်လက်ရှိအခြေအနေကို ကောင်းစွာနားလည်ထားရပါမယ်။ ရှိထားတဲ့ ခင်မင်မှုလေးပါ ပြောက်ပျက်မသွားစေဖို့ ရုတ်တရက် ဖွင့်ပြောမှုမျိုး မလုပ်မိအောင် သတိထားရပါမယ်။ တကယ်လို့များ သူမအနေနဲ့ သင့်ကို သူငယ်ချင်းအနေနဲ့ပဲ မြင်ထားတယ်ဆိုရင် ရုတ်တရက်ကြီး ဖွင့်မပြောသင့်ပါဘူး။ အခြေအနေတွေကို လိမ္မာပါးနပ်စွာနဲ့ တဖြည်းဖြည်းချင်းပြောင်းလဲယူရမှာ ဖြစ်ပါတယ်။ ဒါကြောင့် ဖြတ်လမ်းနည်းမသုံးပါနဲ့လို့ သေသေချာချာ မှာပါရစေ။

(၂)     မိမိကိုယ်ကိုယ် အရင်ပြုပြင်ပါ။
သူမကတော့ သင့်ကိုသူငယ်ချင်း တစ်ယောက်အနေနဲ့ကလွဲပြီး တခြားအမြင်နဲ့ ပြောင်းလဲ သုံးသပ်ဖူးမှာ မဟုတ်ပါဘူး။ ဘာကြောင့်လဲဆိုတော့ သင့်ကို သူငယ်ချင်းတစ်ယောက်လို့ပဲ စိတ်ထဲ မှတ်ထားတာကိုး။ သင့်ရဲ့ အတွင်းစိတ်က သူမအတွက် အစကတည်းက လှပပြီးသားပါ။ ဒီတော့ သင့်ရဲ့ ပြင်ပအသွင်အပြင်ကို အရင်ပြုပြင်ရပါမယ်။ လူပျိုတစ်ယောက်အဖြစ် ခံ့ခံ့ညားညား ထည်ထည်ဝါ၀ါ ဖြစ်လာပြီး ဖွံ့ဖြိုးလာတဲ့ ခန္ဓာကိုယ်အသွင်အပြင်နဲ့ အမျိုးသမီးအများစု လည်ပြန်ကြည့်ရလောက်အောင် သင့်ကိုယ်သင် ပြောင်းလဲယူရပါမယ်။ ဒါမှသာ သူမအနေနဲ့ သင့်ကို တခြားအမျိုးသားတစ်ဦးအဖြစ် ပြောင်းလဲ သတိထားမိနိုင်မှာပါ။

(၃)     လူကြားထဲ တွဲဖက် ပွဲတက်မှုတွေလုပ်ပါ။

တခြားသူငယ်ချင်း စုံတွဲတွေနဲ့ တွေ့ဆုံပြီး ညစာစားတာမျိုး၊ ပျော်ပွဲစားခရီးထွက်တာမျိုး စတဲ့ အစီ အစဉ်တွေ ပြုလုပ်ပါ။ သင်တို့နှစ်ဦးက သူငယ်ချင်းဖြစ်တာကြောင့် သူငယ်ချင်းအနေနဲ့ပဲ သွားပါ။ ဒါပေမယ့် အတွဲတွေကြား ကို ရောက်သွားတဲ့အခါ သူမအနေနဲ့ သင့်ကိုလည်း သူမရဲ့ ချစ်သူရည်းစားနေရာမှာထားပြီး စိတ်ကူးကြည့် မိမှာ ကျိန်းသေပါတယ်။ တခြားအတွဲတွေကိုကြည့်ပြီး သင်ဟာ သူမရဲ့ဘေးမှာ အချိန် အကြာကြီး ရပ်တည်ပေးခဲ့ပြီး သူမရဲ့ဘ၀အတွက် ဘယ်လောက်အရေးပါတယ်ဆိုတာကို သတိပြုမိ သွားပါ လိမ့်မယ်။


(၄)     ကြိုတင်မတောင်းဆိုပဲ တွေ့ဆုံမှုတွေ ပြုလုပ်ပါ။

          သင်တို့နှစ်ဦးဟာ သူငယ်ချင်းအနေအထားက တစ်ဆင့်တက်မှာဖြစ်တဲ့အတွက် အခြား အတွဲတွေလို date လုပ်ဖို့ ကြိုတင်ချိန်းဆိုတာမျိုး မလုပ်သင့်ပါဘူး။ ဒီလို တခမ်းတနား ခွင့်တောင်းလိုက်ရင် သူမအနေနဲ့လည်း လက်ခံရခက်သလို သင့်အနေနဲ့လည်း မရိုးသားမှုကို တမင်ဖော်ပြရာ ရောက်ပါတယ်။ ဒါကြောင့် သူမတစ်ဦးတည်း ရှိတတ်မယ့်နေရာ ၊ ရှိတတ်မယ့်အချိန်ကို မှန်းပြီး တွေ့ဆုံနိုင်အောင် ကြိုးစားပါ။

(၅)     ဆောင်းပါးရိပ်ခြည် စကားသန်းပါ။

          ဒီအဆင့်အတွက်တော့ သင့်မှာအနည်းငယ် ကျွမ်းကျင်မှုရှိဖို့လိုပါတယ်။ ဖော်ပြခဲ့သလို နှစ်ဦးတည်း ရှိနေမယ့် အခြေအနေတစ်ခု ရောက်တဲ့အခါ သင့်ရဲ့ သဘောထားကို ဆောင်းပါးရိပ်ခြည် ဖော်ပြဖို့လိုပါတယ်။ ဥပမာ- “ငါသာ မင်းရဲ့ ကောင်လေးဆို မင်းကို ဒီလိုမျိုး တစ်နေကုန်လွှတ်မထားဘူး” စသဖြင့် သင့်ရဲ့ စိတ်ဝင်စားမှုကို သူမရိပ်မိနိုင်အောင် လိမ္မာပါးနပ်စွာ ဖော်ပြတတ်ရပါမယ်။ ဒီအဆင့်မှာ သူမဆီက လက်ခံနိုင်တဲ့ အခြေအနေ ၊ နှစ်သက်တဲ့ အမူအရာတွေ တွေ့ရပြီဆိုရင်တော့ နောက်တဆင့်ကို ရဲရဲသာတက်လိုက်ပါ။

(၆)     ဖိုမ သဘာဝ အဆင့်ကို ရောက်ပါပြီ။

          စောစောကအဆင့်မှာ စကားလုံးတွေနဲ့ ဖော်ပြခဲ့တာအောင်မြင်သွားပြီဆိုပါစို့။ ဒီအဆင့်ကတော့ ရုပ်ပိုင်းဆိုင်ရာ ထိတွေ့မှုတွေနဲ့ သူမကို ဆွဲဆောင်ရမှာပါ။ ဒါမျိုးကတော့ အမျိုးသားအများစု သိထားပြီးသား ဖြစ်လို့ အထူးတလည်ဖော်ပြမနေတော့ပါဘူး။ မသိသေးဘူးဆိုရင်လည်း ဆရာ့ ဆရာ စီနီယာအစ်ကိုကြီးတွေ ဆီက နည်းနာယူပါ။ ဥပမာ - သူမရဲ့ နောက်ကျော ၊ လည်ပင်း စတဲ့နေရာမျိုးတွေကတဆင့် ရင်ခုန်မှုကို လှုပ်နိုးပါ။

(၇)     အောင်ပန်းကို ဆွတ်ခူးလိုက်ပါ။

          အပေါ်ကပြောခဲ့တဲ့ အဆင့်(၆)ဆင့်လုံးကို ကျေကျေနပ်နပ်ကြီး ဖြတ်သန်းနိုင်ခဲ့ပြီဆိုတာ သေချာရင်တော့ သင့်ရဲ့ သဘောထားကို အတိအလင်းဖော်ပြပြီး သူငယ်ချင်းသံယောဇဉ်ကနေ ရုန်းထွက်လိုက်ပါတော့။ သူမကို သင်ဘယ်လောက်ချစ်ခဲ့ရကြောင်း၊ ဘယ်လောက်မျှော်လင့်ခဲ့ရကြောင်း စသဖြင့် ပြောပြပါ။

ဒါပေမယ့် ဒီအဆင့်ပြီးလို့ အနိုင်ရပြီလို့တော့ မထင်လိုက်ပါနဲ့။ တကယ် ရှုပ်ထွေးတဲ့ အချစ်ရေး ဇာတ်လမ်းက အခုမှစတာပါ။ သင့်အနေနဲ့ သူငယ်ချင်းထက်ပိုပြီး ခက်ခဲလေးနက်တဲ့ သမီးရည်းစား သံယောဇဉ်ကို အောင်မြင်အောင် ဆက်လက်ထိန်းသိမ်းဖို့ လေ့လာရဦးမယ့် အရာတွေ အများကြီးရှိသေး တာကြောင့် တကယ့်အချစ်စစ်မှာ ကံကောင်းပါစေလို့ ဆုတောင်းပေးလိုက်ပါတယ်။

Ref:mensxp

အလိုမတူဘဲ ကားတင်ပြေး၍ ပေါင်းသင်းခံရသည်ဟုဆိုကာ အမှုဖွင့်

Posted by drmyochit Tuesday, January 28, 2014, under | No comments

အသက် ၁၆ နှစ်အရွယ် သမီးဖြစ်သူကို ချစ်သူ ရည်းစားမဟုတ်သည့် အလုပ်အတူ လုပ်သူက ကားတင် ခေါ်ဆောင်ပြေးပြီး ၀ါးခယ်မမြို့တွင် သားမယား အဖြစ် ပေါင်းသင်း ခဲ့သည်ဟုဆိုကာ တိုင်တန်းမှုကို လှိုင် သာယာရဲ စခန်းက ဇန်န၀ါရီ ၂၆ ရက်တွင် အမှုဖွင့်စစ်ဆေးနေသည်ဟု ရန်ကုန်တိုင်းရဲ တပ်ဖွဲ့စခန်းက ထုတ်ပြန်ထားသည်။

အမှုတွင် ဇန်န၀ါရီ ၂၁ ရက် ည ၈ နာရီ ခွဲက (၇)ရပ်ကွက်နေ အသက် ၅၄ နှစ်ရှိ တရားလို အမျိုးသမီး ကြီးသည် ၁၆ နှစ် သမီးအပါအ၀င် ၎င်းအလုပ်သမားတစ်ဦးတို့နှင့်အတူ တံတားဖြူလမ်းမကြီးဘေးရှိ လက်ဖက်ရည်ဆိုင်တစ်ခုတွင် လက်ဖက်ရည်သောက်ခဲ့သည်ဟု ဆိုထားသည်။

ထို့နောက် သမီးဖြစ်သူကို ကြာဆံကြော်ဝယ်ခိုင်းရာမှ ည ၉ နာရီခွဲအချိန်ထိ ပြန်လည်ရောက်ရှိလာခြင်း မရှိသဖြင့် လိုက်လံရှာဖွေရာ အမျိုးသားတစ်ဦးက လက်ဆွဲ၍ တက္ကစီဖြင့် ခေါ်ဆောင်သွားကြောင်း သိရှိခဲ့ရသည်ဟု တရားလိုက ရဲထံတွင် ဆိုထားသည်။

ထို့နောက် ဇန်န၀ါရီ ၂၃ ရက်တွင် ကြက်ဒိုင်တစ်ခုတည်းတွင် အလုပ်လုပ်သည့် သန့်ဇင် (၂၃)နှစ်၏ ၀ါးခယ်မမြို့ရှိ နေအိမ်သို့ သွားရောက် စုံးစမ်းရှာဖွေရာ သမီးဖြစ်သူကို ပြန်လည်တွေ့ရှိခဲ့သည်ဟု ဆို သည်။

ထို့ပြင် သန့်ဇင်သည် သမီးဖြစ်သူကို အအေးနှင့် ဘီယာရောတိုက်ပြီး ၀ါးခယ်မမြို့သို့ ခေါ်ဆောင်သွား ကာ ချစ်ကြိုက်ခြင်းမရှိဘဲ သားမယားအဖြစ် ပေါင်းသင်းထားကြောင်း သမီးဖြစ်သူက ပြောပြခဲ့သဖြင့် မိခင်ဖြစ်သူက ၀ါးခယ်မရဲစခန်းတွင် အမှုဖွင့်တိုင်တန်းခဲ့ခြင်းလည်း ဖြစ်သည်။

ထို့ကြောင့် ၀ါးခယ်မရဲစခန်းက (ပ)၁၁ /၂၀၁၄ဖြင့် ပုဒ်မ ၃၆၃/၃၆၆တို့ဖြင့် အမှုဖွင့်စစ်ဆေးပြီး ပေါ်ပေါက် ချက်များအရ လှိုင်သာယာရဲစခန်းက (ပ)၁၀၃/၂၀၁၄ ဖြင့် အမှုဖွင့်ပြီး ပြစ်မှုပုဒ်မ ၃၆၃/၃၆၆ တို့ဖြင့် ဆက် လက်အရေးယူရန် တိုင်တန်းခံထားရသူကို ဖမ်းဆီးစစ်ဆေးနေသည်။

အဂတိလိုက်စားတဲ့တရားသူကြီးတွေကို ပြည်သူတွေဖမ်းမယ်

Posted by drmyochit Tuesday, January 28, 2014, under | No comments

နန်းထိုက်တော်ဝင်စားသောက် ဆိုင်ပိုင်ရှင် ဦးအိုက်လင်းကMD CF အဖွဲ့ခေါင်းဆောင် ကိုထင်ကျော် ကိုတရားစွဲဆိုထားသည့်ပုဒ်မ ၅၀၀ အသရေဖျက်မှုတွင်မမှန် သက်သေတင် သွင်းမှုနှင့် တရားရုံး ကျမ်းကျိန်လွှာလိမ်ညာထွက်ဆိုမှု တို့ကြောင့် ပုဒ်မ ၁၉၁ အရ ရန်ကုန် အရှေ့ပိုင်း ခရိုင် တရားရုံးမှ ကိုထင်ကျော် ထံရုံးချိန်း ဆင့်ခေါ်ရာတွင်ဆင့်ခေါ် စာကို လိပ်စာလွှဲပြောင်း ပို့နေသည့် အတွက်အဂတိလိုက်စားမှုရှိနေပြီ ဟုဆိုကာဇန်န၀ါရီလ ၂၇ ရက်နေ့ ကအရှေ့ပိုင်းခရိုင်တရားရုံးရှေ့၌ ကိုထင်ကျော်က တစ်ကိုယ်တော် ဆန္ဒပြခဲ့ကြောင်းသိရသည်။

တရားဥပဒေစိုးမိုးရေးနှင့် ပတ်သက်၍ကိုထင်ကျော်ကပြော ကြားရာတွင် မရမ်းကုန်း ၆ရပ်ကွက် မြေကို ဦးအိုက်လင်းကသိမ်းယူခဲ့ ကြောင်း၊ ချက်ကိုစလိုဗက်ကီးယား သံရုံးမြေကိုလည်းသိမ်းယူခဲ့ကြောင်း ယင်းကိစ္စကို၎င်းမှအမှုဖွင့်ရာအမှု ဖွင့်ခွင့်မပေးဘဲအသရေဖျက်မှုဖြင့် ဦးအိုက်လင်းကတရားစွဲ၍ ကိုထင်ကျော်နှင့်မြေသိမ်းခံပြည်သူ များကိုချက်ချင်းအရေးယူဖမ်းဆီး ကြောင်းဆိုပါသည်။

“အခုသူစွဲထားတဲ့ပုဒ်မ ၅၀၀ မှာ မမှန်သက်သေတင်သွင်းမှု၊ တရားရုံးကျမ်းကျိန်လွှာကိုလိမ်ညာ ထွက်ဆိုမှုကိုကျွန်တော်ကပုဒ်မ ၁၉၁ အရဦးတိုက်လျှောက်လိုက် တော့ပြစ်မှုမြောက်သွားတယ်၊၊ ခရိုင်ရုံးကိုပြင်ဆင်ချက်လျှောက်တယ်၊ မြို့နယ်တရားသူကြီးကနိုင်ငံတော် သက်သေအဖြစ်ဦးဆောင်ပြီး ကျွန်တော်ပါဝင်ထွက်ဆိုရမယ်။ အဲဒါကို ၁၂ လပိုင်း ၃၀ ရက်နေ့ ပထမရုံးချိန်းခေါ်တယ်။ အဲဒီအချိန် မှာကျွန်တော်ကထောင်ထဲမှာ ကျွန်တော့်ကိုသက်သေအဖြစ်ခေါ် ဖို့အတွက် အရှေ့ပိုင်းခရိုင်တရား သူကြီးကထောင်ထုတ်ဝရမ်းနဲ့လာ မထုတ်ဘူး၊ နောက်တစ်ခါ ၁၄ ရက်နေ့ ၁ လပိုင်း ၂၀၁၄ ရုံးချိန်း ကိုလည်းကျွန်တော်မသိရဘူး၊ အခုတတိယမြောက်ရုံးချိန်းမှာ မြောက်ဥက္ကလာတရားရုံးကိုဘယ်လို လူမျိုးကမီးရှို့လိုက်သလဲမသိဘူး၊ သက်သေခံပစ်္စည်းအခန်းနဲ့ကျွန်တော် တရားရုံးတက်နေရတဲ့အခန်းကို မီးလောင်တယ်၊ ဒီဖြစ်စဉ်မှာတရား ရုံးကိုနတ်စောင့်တယ်၊ လျို့ဝှက် ခေါ်ထားတဲ့ရုံးဆင့်စာကမီးမလောင် ဘဲနဲ့ရေထဲမှာမျောနေတယ်၊ အဲဒီ ရေထဲမျောနေတဲ့စာရွက်လေးကို တရားသူကြီးဦးခင်မောင်စီကသူ့ နာမည်မပြောပါနဲ့တဲ့၊ လက်သိပ် ထိုးပြီးကျွန်တော့်ကိုပေးရတဲ့ဘ၀ ရောက်တယ်၊ ဒီရုံးချိန်းမှမလာရင် ကျွန်တော်တို့စွဲတဲ့နိုင်ငံတော်အမှု ကြီးကပြောင်းပြန်ဖြစ်ပြီးတရားသူကြီး ဦးခင်မောင်စီနဲ့ ကျွန်တော်လက် ချင်းချိတ်ထောင်ထဲကိုနှစ်နှစ်ဝင်ရ မှာ၊ အဲဒါအရှေ့ပိုင်းခရိုင်တရားသူကြီး အချို့ရဲ့ယုတ်မာရက်စက်မှုဖြစ် တယ်”ဟုကိုထင်ကျော်ကပြော ကြားသည်။

ဆက်လက်ပြီးကိုထင်ကျော် ကတရားသူကြီးအားလုံးကိုမဆိုလို ကြောင်း၊ လူ့ကျင့်ဝတ်နှင့်ညီသော တရားရေးနှင့်တရားသူကြီးများ လည်းရှိကြောင်း၊ ယနေ့လူထုက စနစ်နှင့်အတူလိုက်ပါပြောင်းလဲ နေချိန်တွင်လူထုကိုစာနာမှုထားပြီး မလိုတမျိုးလိုတစ်မျိုးစိတ်ဓာတ်များ ပြင်စေလိုကြောင်း၊ ၎င်း၏လိပ်စာ အမှန်ကိုသိရက်နှင့် တောင်ဒဂုံကို အလုံဟုရေးထားသည့်ဆင့်ခေါ် စာမှာလုံးဝမရိုးသားကြောင်းပြော ကြားလိုက်သည်။

“ဒီလိုတရားသူကြီးတွေကြောင့် ပြည်သူတွေပြည်သူ့ဝန်ထမ်းတွေ မလုံခြုံဘူး။ အဲဒီတော့အဂတိ လိုက်စားတဲ့တရားသူကြီးတွေကို ဘယ်သူဖမ်းမလဲ”ဟုကိုထင်ကျော် ကပြောကြားရာလာရောက်နားထောင် သူ ပြည်သူများကပြည်သူဖမ်းမယ် ဟုဟစ်အော်ခဲ့ကြသည်။

ဇော်မြင့်
The Hot News Weekly.

နိုင်ငံတော်သမ္မတဦးသိန်းစိန်ပြောကြားသည့် ဖိုရမ်အဖွင့် မိန့်ခွန်းမှကောက်နုတ်ချက်

Posted by drmyochit Tuesday, January 28, 2014, under | No comments


ဒုတိယအကြိမ် မြန်မာနိုင်ငံဖွံ့ဖြိုးတိုးတက်မှုပူးပေါင်းဆောင်ရွက်ရေးဖိုရမ် (2nd Myanmar Development Cooperation Forum-MDCF) ကို နေပြည်တော်ရှိ မြန်မာအပြည်ပြည်ဆိုင်ရာကွန်ဗင်းရှင်းဗဟိုဌာန(၂)၌ ယနေ့နံနက်ပိုင်းက ကျင်းပရာ အဆိုပါဖိုရမ်၌ နိုင်ငံတော်သမ္မတဦးသိန်း
စိန်ပြောကြားသည့်အဖွင့်မိန့်ခွန်းမှ ကောက်နုတ်ချက်တချို့ကို ဖော်ပြလိုက်ပါသည်။

နိုင်ငံတော်အနေနဲ့ ပြီးခဲ့တဲ့လ ၃ဝ အတွင်း ပြုပြင်ပြောင်းလဲရေး လုပ်ငန်းစဉ်လေးရပ်ဖြစ်တဲ့နိုင်ငံရေး၊ စီးပွားရေး၊ ပြည်သူ့ရေးရာ စီမံခန့်ခွဲ မှုနဲ့ ပုဂ္ဂလိကဖွံ့ဖြိုးတိုးတက်ရေး လုပ်ငန်းများကို အရှိန်အဟုန်ဖြင့်
ဆောင်ရွက်လျက်ရှိပါတယ်။

ပထမအဆင့် နိုင်ငံရေးပြုပြင် ပြောင်းလဲမှု ဆောင်ရွက်ခဲ့သည့် အတွက် တိုင်းရင်းသားလူမျိုးစုများ အကြား အပြန်အလှန်နားလည်မှု နှင့်အမျိုးသားပြန်လည်သင့်မြတ်ရေး အတွက် အခြေအနေကောင်းများ ဖြစ်ထွန်းခဲ့ပါတယ်။

ဒုတိယအဆင့် စီးပွားရေးနှင့် လူမှုရေး ပြုပြင်ပြောင်းလဲမှုကို ပြည်သူဗဟိုပြုဖွံ့ဖြိုးမှု နည်းလမ်း ဖြင့် အကောင် အထည် ဖော်ဆောင် ရွက်လျက်ရှိပြီး တိုးတက်ဖွံ့ဖြိုးမှု ရလဒ်ကောင်းများ ရရှိနေသလို ၂ဝ၁၂-၂ဝ၁၃ခုနှစ်အတွက် စီးပွား ရေးတိုးတက်နှုန်း ၇ဒသမ ၃ရာခိုင် နှုန်းရရှိခဲ့တဲ့အတွက် မူလခန့်မှန်း တဲ့ ၆ ဒသမ ၇ ရာခိုင်နှုန်းကို ကျော်လွန်စွာ ဆောင်ရွက်နိုင်ခဲ့ပါ တယ်။ ဤအောင်မြင်ဖြစ်ထွန်းရရှိ ခဲ့တဲ့ စီးပွားရေးတိုးတက်မှုရလဒ် များဟာ နိုင်ငံတော်၊ ပြည်သူနှင့် ဖွံ့ဖြိုးမှုမိတ်ဖက်များပူးပေါင်းဆောင် ရွက်ခြင်းရဲ့ ရလဒ်တစ်ခုအနေနဲ့ တွေ့မြင်နိုင်ပါတယ်။

တတိယအဆင့် ပြည်သူ့ရေး ရာစီမံခန့်ခွဲရေးစနစ် ပြုပြင်ပြောင်း လဲမှုကို ဗဟိုထိန်းချုပ်မှု လျှော့ချ ခြင်းနှင့်ဒေသဆိုင်ရာ အစိုးရတွေရဲ့ အုပ်ချုပ်မှုစွမ်းရည် တိုးတက်ရေး၊ ပြည်သူ့ရေးရာစီမံခန့်ခွဲမှု လုပ်ငန်း များတိုးတက်ရေးအတွက် ဒေသခံ ပြည်သူများကိုယ်တိုင်ပါဝင်ဆုံးဖြတ် အကောင်အထည်ဖော်နိုင်ရန် စီမံ ဆောင်ရွက်ပေးလျက်ရှိပါတယ်။

စတုတ္ထအဆင့်ပုဂ္ဂလိကကဏ္ဍ ဖွံ့ဖြိုးတိုးတက်ရေးပြုပြင်ပြောင်းလဲ မှုကို စီးပွားရေး၊ ကုန်သွယ်ရေး၊ ရင်းနှီးမြှုပ်နှံမှုနှင့်ထောက်ပံ့ပို့ဆောင် ရေးဆိုင်ရာကိစ္စရပ်များကို အဟန့် အတားဖြစ်စေသည့်ဥပဒေ၊စည်းမျဉ်း စည်းကမ်းများကိုဖြေလျှော့ပေး လျက်ရှိပါတယ်။ ပြုပြင်ပြောင်းလဲ မှုတိုင်းမှာ အားလုံး ပါဝင်သော အရေး ပါသည့် ပူးပေါင်းဆောင်ရွက်မှု၊ ပွင့်လင်းထင်သာမြင်သာရှိမှု၊တာဝန် ယူမှုများကို တိုးတက်အောင် ဆောင်ရွက် လျက်ရှိပါတယ်။

လက်ရှိကာလ မြန်မာနိုင်ငံ ဟာ ဖွံ့ဖြိုးတိုးတက်မှုများ စတင် ရရှိနေပြီဖြစ်သော်လည်း အပြည် ပြည်ဆိုင်ရာအဆင့်သို့ တက်စေရန် များစွာ ဆောင်ရွက်ရဦးမှာ ဖြစ်ပါ တယ်။ ကျန်ရှိတဲ့ ၂၆ လအတွင်းမှာ ပြည်သူကို တိုက်ရိုက်အကျိုးပြုမည့် ဦးစားပေးကဏ္ဍ (၇)ရပ်ဖြစ်တဲ့ လျှပ်စစ်မီး၊သောက်သုံးရေ၊စိုက်ပျိုး ရေးကဏ္ဍ တိုးတက်ရေး၊ အလုပ် အကိုင်ရရှိရေး၊ ခရီးသွားလုပ်ငန်း တိုးတက်ရေး၊ ငွေကြေးလုပ်ငန်း၊ ကုန်သွယ်ရေးနှင့် ရင်းနှီးမြှုပ်နှံမှု တိုးတက်ရေးလုပ်ငန်းများကိုဦးစား ပေးအစီအစဉ်နဲ့ အကောင်အထည် ဖော်ဆောင်ရွက်သွားရန် စီစဉ် ဆောင်ရွက်လျက်ရှိပါတယ်။

ယခုအချိန်အခါမှာ မြန်မာ နိုင်ငံအနေနဲ့ ဖွံ့ဖြိုးရေးလုပ်ငန်းများ ကို ဆောင်ရွက်တဲ့နေရာမှာ နိုင်ငံ တော်ဘဏ္ဍာငွေ တစ်ခုတည်းပေါ် မှာသာ မှီခိုအားထားလုပ်ဆောင်တဲ့ အစဉ်အလာကနေ အခြားသော ငွေကြေး ဇာစ်မြစ်များဖြစ်သည့် နိုင်ငံတကာအကူအညီ အထောက် အပံ့၊ ချေးငွေနှင့် ပြည်တွင်းပြည်ပ ရင်းနှီးမြှုပ်နှံမှုတွေကို ရယူအသုံး ပြုပြီးကဏ္ဍအလိုက်၊ ဒေသအလိုက် ဖွံ့ဖြိုးရေးလုပ်ငန်း စီမံကိန်းများကို ထိရောက်စွာအကောင်အထည်ဖော် ဆောင်ရွက်လျက်ရှိပါတယ်။
ဒါကြောင့် နေပြည်တော် သဘောတူညီချက်တွင် ပါရှိသည့် ဖွံ့ဖြိုးရေးမိတ်ဖက်များက ဆောင် ရွက်ရန် ကတိကဝတ်ပြုထားသည့် အချက်များနှင့်အညီ မြန်မာနိုင်ငံ၏ စီးပွားရေး၊ လူမှုရေးအခြေအနေများ ကို တိုးတက်အောင် ပိုမိုပူးပေါင်း ပါဝင်ဆောင်ရွက်ကြဖို့ဖိတ်ခေါ်ပါ ကြောင်း ပြောကြားလိုပါတယ်။
၂ဝ၁၃ ခုနှစ်ဟာ မြန်မာရဲ့ နိုင်ငံ တည်ဆောက်မှုနှင့်ဖွံ့ဖြိုးမှု သမိုင်းမှာအားတက်စရာကောင်းတဲ့ နှစ်တစ်နှစ်ဖြစ်ပါတယ်။ တိုးတက် မှု ရလဒ်များဟာလည်း နိုင်ငံတော် အစိုးရ ပြည်သူများနှင့်နိုင်ငံတကာ ဖွံ့ဖြိုးမှုမိတ်ဖက်များ၏ ပူးပေါင်း ဆောင်ရွက်နိုင်မှုများရဲ့ ရလဒ်များ ဖြစ်ပါတယ်။
မြန်မာနိုင်ငံအနေဖြင့် ဘက်စုံ ပြုပြင်ပြောင်းလဲရေး လုပ်ငန်းများ နှင့်အတူ နိုင်ငံတကာ အသိုင်း အဝိုင်းနှင့် ပိုမိုပေါင်းစည်းလာပြီ ဖြစ်ပါတယ်။ စီးပွားရေးပေါင်းစပ် ဆောင်ရွက်ချက် သာဓကအားဖြင့်၂ဝ၁၃ခုနှစ်တွင် မြန်မာနိုင်ငံ အနေ ဖြင့် မြန်မာနိုင်ငံဖွံ့ဖြိုးတိုးတက်မှု ပူးပေါင်းဆောင်ရွက်ရေးဖိုရမ် (၂၂) ကြိမ်မြောက် ကမ္ဘာ့စီးပွားရေးဖိုရမ် (အရှေ့အာရှ)၊ ပထမအကြိမ် မြန်မာ-အီးယူဖိုရမ်၊ မြန်မာဂလို ဘယ်ရင်းနှီးမြှုပ်နှံမှုဖိုရမ်တို့ကို အိမ်ရှင်အဖြစ် လက်ခံကျင်းပခဲ့ ပါတယ်။

နိုင်ငံရေးပူးပေါင်းဆောင်ရွက် မှု အောင်မြင်မှုများကိုကြည့်ရင်
ပြည်တွင်းငြိမ်းချမ်းရေး အရှိန်အဟုန် ဖြင့် ဆောင်ရွက်နိုင်ခြင်း၊ နိုင်ငံရေး အကျဉ်းသားများအားလုံးကို လွတ် ငြိမ်းခွင့်ပေးနိုင်ခြင်း၊ ပဋိပက္ခများ တည်ငြိမ်အေးချမ်းလာခြင်းများစတဲ့ တိုးတက်မှုများဖြစ်ပေါ်ခဲ့ပြီး နိုင်ငံ
ရေးတည်ငြိမ်မှုနှင့် ပေါင်းစည်း ဆောင်ရွက်မှုကို တည်ဆောက် လာနိုင်ပြီဖြစ်ပါတယ်။ ဒါတွေဟာ ပြည်သူများပါဝင်သော 'ပြည်သူ ဗဟိုပြုဖွံ့ဖြိုးမှု'နှင့် နိုင်ငံတကာ အသိုင်းအဝိုင်းက ပါဝင်ဆောင် ရွက်မှုများ ပြုလာလို့ဖြစ်ပါတယ်။ ဒါ့အပြင် လူမှုရေးနှင့်ဒေသဆိုင်ရာ ပူးပေါင်းဆောင်ရွက်ရေးအဖြစ် (၂၇)ကြိမ်မြောက် အရှေ့တောင် အာရှအားကစားပြိုင်ပွဲကိုနှစ်ပေါင်း ၄ဝ ကျော်အတွင်း အောင်မြင်စွာ ကျင်းပနိုင်ခဲ့ပါတယ်။ ဤသို့ ခမ်း နားသိုက်မြိုက်စွာ ကျင်းပနိုင်ရေး အတွက်လဲ နိုင်ငံတကာဖွံ့ဖြိုးရေး မိတ်ဖက်နိုင်ငံများရဲ့ နည်းပညာ အကူအညီ၊ ဖွံ့ဖြိုးမှုအကူအညီများ က များစွာပါဝင်ပံ့ပိုးနိုင်ခဲ့တာ
ကြောင့်ဖြစ်ပါတယ်။

ထုိ့ပြင် နိုင်ငံတကာအသိုင်း အဝိုင်းနှင့်ပူးပေါင်းဆောင်ရွက်မှု နယ်ပယ်မှာ အားရစရာတိုးတက် ဖြစ်ပေါ်မှုများအနေနဲ့ မြန်မာနိုင်ငံ အား အီးယူ၊ ဥရောပ၊ သြစတြေးလျ နိုင်ငံများက ပိတ်ဆို့မှုများ ရုပ်သိမ်း ခြင်း၊ ပို့ကုန်များအပေါ် ကုန်သွယ် ရေးအထူးခံစားခွင့်ပေးခြင်း(GSP) တို့ကိုလဲ ရရှိခဲ့ပါတယ်။

နယူး ယော့က်ခ်ကွန်ဗင်းရှင်းသို့ မြန်မာ နိုင်ငံဝင်ရောက်ခွင့်ရရှိခဲ့ပြီး ကမ္ဘာ့ နိုင်ငံများနှင့်ပိုမိုပူးပေါင်းဆောင်ရွက် လာနိုင်ပါတယ်။
ဒီလိုဖြစ်ပေါ်တိုးတက်လာတဲ့ ဖြစ်စဉ်များကို ပိုမိုအရှိန်အဟုန် မြှင့်တင်နိုင်ရန် ယခုနှစ် ဖိုရမ်ရဲ့ ခေါင်းစဉ်ကို'တိုးတက်မှုအရှိန်မြှင့် ရေး-အားလုံးပါဝင်
ပူးပေါင်းမြှင့်တင်ပေး
(Accelerating Actions for Progress Through Enhancing Inclusive Coordination) ' ဆိုတဲ့အနှစ်သာရ(Theme) ကို ရွေး ချယ်ထားပါတယ်။ ဒီဖိုရမ်ကနေ ထိရောက်စွာ အားလုံးပူးပေါင်း ထိတွေ့ခံစားနိုင်တဲ့ လုပ်ဆောင်ချက် ရလဒ်ကောင်းတွေ အလျင်အမြန် ဖော်ထုတ်ဆောင်ရွက်နိုင်ကြဖို့ ဖိတ်ခေါ်လိုပါတယ်။

အဲဒီလို ပူးပေါင်းဆောင်ရွက် နိုင်ခြင်းဖြင့် ၂ဝ၁၃ ခုနှစ်တွင်ရရှိ ခဲ့သည့်အောင်မြင်မှုများကို အရှိန် မြှင့်တင်နိုင်မှာဖြစ်ပါတယ်။၂ဝ၁၄-၂ဝ၁၅ ဘဏ္ဍာနှစ်မှာ နိုင်ငံ၏ဂျီဒီပီ ကို ၉ ဒသမ ၁ရာခိုင်နှုန်းတိုးတက် အောင်ဆောင်ရွက်ဖို့ရည်မှန်းထား ပါတယ်။

ထိုသို့ရည်မှန်းထားရာ တွင် တိုင်းဒေသကြီး/ပြည်နယ်များ တွင် နိုင်ငံဖွံ့ဖြိုးမှု အတွက် အဓိက ကျသည့် အကူအညီ၊ အထောက် အပံ့များ၊ အတိုးမဲ့ချေးငွေ၊ အတိုး နှုန်းသက် သာသည့်ချေးငွေ၊နိုင်ငံခြား တိုက်ရိုက်ရင်းနှီးမြှုပ်နှံမှု၊ နည်း ပညာအကူအညီများကို စနစ်တကျ စီမံခန့်ခွဲခြင်းဖြင့် မျှော်မှန်းသည့် ဂျီဒီပီတိုးတက်မှုနှုန်းရရှိရန် စီမံထား ခြင်းဖြစ်ပါတယ်။ နိုင်ငံတော်၏ အမျိုးသားဖွံ့ဖြိုးတိုးတက်မှု ပထမ ငါးနှစ်စီမံကိန်းနှင့် အမျိုးသား ဘက်စုံဖွံ့ဖြိုးတိုးတက်မှုစီမံကိန်း များကိုရေးဆွဲပြီးဖြစ်သည့်အတွက်
နိုင်ငံတကာဖွံ့ဖြိုးမှုမိတ်ဖက်များ အနေဖြင့် မြန်မာနိုင်ငံ၏ ပြုပြင်ပြောင်း လဲရေး လုပ်ငန်းစဉ်များတွင် ဆက်လက်ပူးပေါင်းပါဝင်စေဖို့၊ ထိရောက်သည့်ဖွံ့ဖြိုးရေးအကူအညီ များပေးအပ် ဖို့အတွက်ဆောင်ရွက် ရာမှာ ပိုမိုရှင်းလင်းလွယ်ကူစေမှာ ဖြစ်ပါတယ်။

The Union Daily

ကမ္ဘာအေးဘုရားလမ်း ၁၀၆ မှတ်တိုင်အနီးတွင် ယာဉ်သုံးစီး ဆင့်တိုက်ရာမှ တစ်စီးမီးလောင်

Posted by drmyochit Tuesday, January 28, 2014, under | No comments



ရန်ကုန်မြို့ ကမ္ဘာအေးဘုရားလမ်း (၁၀၆) မှတ်တိုင်အနီးတွင် ဇန်နဝါရီလ ၂၆ ရက် ည ၁၂ နာရီကျော်က ယာဉ်သုံးစီး ဆင့်တိုက်ရာမှ ယာဉ်တစ်စီး မီးလောင်မှု ဖြစ်ပွားခဲ့ရာ ကိုရီးယားနိုင်ငံသား နှစ်ဦး အပါအဝင် ငါးဦး ဒဏ်ရာများ ရရှိခဲ့ကြောင်း ရန်ကင်း မြို့မရဲစခန်းထံမှ သိရှိရသည်။

ကိုရီးယားနိုင်ငံသား နှစ်ဦး စီးနင်းလိုက်ပါလာသော Mark-X အမျိုးအစား အငှားယာဉ်သည် ယင်းညက အင်းလျားလိတ် ဟိုတယ်လမ်းမှ ကမ္ဘာအေးဘုရားလမ်းဘက်သို့ ချိုးကွေ့စဉ် ကမ္ဘာအေးဘုရားလမ်း အတိုင်း မြောက်ဥက္ကလာပမြို့နယ် ဘက်သို့ မောင်းနှင်လာသော Kluger အမျိုးအစား ကိုယ်ပိုင်ယာဉ်ကို ကန်လန့်ဖြတ် ဝင်တိုက်မိကြောင်း၊ ယင်းနောက် Kluger ယာဉ်၏ နောက်မှပါလာသော Caldina အမျိုးအစား ကိုယ်ပိုင်ယာဉ်တစ်စီး ကိုပါ အရှိန် မထိန်းဘဲ ထပ်မံတိုက်မိခဲ့ရာ Kluger ယာဉ် မီးလောင်ကျွမ်းခဲ့ကြောင်း ရန်ကင်းမြို့နယ် ယာဉ်ထိန်းတပ်ဖွဲ့စုမှ ရဲအရာရှိတစ်ဦးက ပြောကြားသည်။

"Kluger ကားရဲ့ခေါင်းပိုင်းကို ကန့်လန့်ဖြတ် တိုက်မိတာကြောင့် စက်ခန်းထဲမှာ ဆီယိုပြီး ကားခေါင်းပိုင်း မီးလောင်ခဲ့တာ။ ဝင်တိုက်တဲ့ကားက လေအိတ် ပွင့်တာတောင် လူတွေကို မနည်း ဆွဲထုတ်ရတယ်၊ ကားတစ်စီးလုံး လောင်ပြီးမှ မီးသတ်ကားသုံးစီး ရောက်လာတာ" ဟု မျက်မြင်တွေ့ရှိသူ ဓာတ်ပုံသတင်းထောက် တစ်ဦးက ပြောကြားသည်။

ယာဉ်မီးလောင်မှုကြောင့် အင်ဂျင်ကိုယ်ထည်၊ ယာဉ်ရှေ့ပိုင်းရှိ လေကာမှန်နှင့် ကူရှင်များ ပျက်စီးဆုံးရှုံးခဲ့ပြီး Mark-X အငှားယာဉ်မောင်းဖြစ်သော အသက် ၃၄ နှစ်အရွယ်ရှိ ကိုထက်ခိုင်ကြည်လင်း အပါအဝင် အဆိုပါယာဉ်ပေါ် ပါလာသော ကိုရီးယားနိုင်ငံသား Mr.Kim Kwij Hyun နှင့် Mr.Cho Woung Eiun တို့ နှစ်ဦးနှင့် Kluger ယာဉ်နှင့် Caldina ယာဉ်တို့မှ အမျိုးသားနှစ်ဦးတွင် ဒဏ်ရာများ ရရှိခဲ့သဖြင့် ရန်ကုန်ပြည်သူ့ဆေးရုံကြီးသို့ တင်ပို့ ကုသခဲ့ပြီး အသက်အန္တရာယ် မစိုးရိမ်ရကြောင်း ရန်ကင်းမြို့မ ရဲစခန်းထံမှ သိရှိရသည်။

ယာဉ်သုံးစီး ဆင့်တိုက်မှုကြောင့် Mark-X အမျိုးအစား အငှားယာဉ်မောင်း ကိုထက်ခိုင်ကြည်လင်းကို ယာဉ်(ပ)၃/ ၁၄၊ ပုဒ်မ ၂၇၉/ ၃၃၇/ ၃၃၈ ဖြင့် အမှုဖွင့်ကာ စစ်ဆေးလျက်ရှိကြောင်း ရန်ကင်းမြို့မ ရဲစခန်းမှ ရဲအရာရှိတစ်ဦးက ပြောကြားသည်။

The Voice Weekly

၂၀၀၈ ဖွဲ့စည်းပုံပါ ၅၉ (စ) ပြင်ဆင်မည်ဆိုပါက တစညမှ ကန့်ကွက်မည်

Posted by drmyochit Tuesday, January 28, 2014, under | No comments

အောင်ကိုဦး|ဇန်န၀ါရီ ၂၈၊ အင်္ဂါနေ့၊ ၂၀၁၄ ခုနှစ်

၂၀၀၈ ဖွဲ့စည်းပုံပါ ပုဒ်မ ၅၉ (စ)ကို ပြင်ဆင်မည်ဆိုပါက တစည ပါတီအနေဖြင့် ကန့်ကွက်သွားမည်ဟု မန္တလေး တိုင်းဒေသကြီး တစညပါတီဥက္ကဋ္ဌ ဦးထွန်းကြည်က ဇန်န၀ါရီ ၂၇ ရက်တွင် မဇ္ဈိမကို ပြောသည်။

အခြေခံဥပဒေဆိုသည်မှာ ပြီးပြည့်စုံသည်မရှိကြောင်းနှင့် အခြေအနေအချိန်ခါအရ ပြင်သင့်သည့်အချိန်
ရောက်မှသာလျှင် ပြင်ဆင်သင့်ပြီး လက်ရှိအခြေအနေတွင် လုံးဝမပြင်သင့်ကြောင်းနှင့် ပြင်ဆင်ပေးလိုက် လျှင်လည်း နိုင်ငံတကာတွင် ရိုသေလေးစားသည့် ဖွဲ့စည်းပုံအခြေခံဥပဒေ ဖြစ်လာမည်မဟုတ်ဟု ၎င်းက ဆိုသည်။

“အမျိုးသားခေါင်းဆောင် ဗိုလ်ချုပ်ကိုယ်တိုင် သဘောထားပေးခဲ့တဲ့ ပုဒ်မ ၅၉ (စ)ဟာ မပြင်သင့်ဘူး။ ပြင် မယ်ဆိုရင်လည်း ကန့်ကွက်သွားမယ်။ ပြင်သင့်ပြင်ထိုက်တဲ့ အချိန်ရောက်ရင် ပြင်ဆင်ဖို့ ပါဝင်တောင်းဆို မယ်။ တကယ်လိုအပ်တဲ့ ပြင်ဆင်မှုက တိုင်းရင်းသားတွေကို အပြည့်အ၀ လုပ်ကိုင် ရပ်တည်ခွင့်ပေးဖို့ပဲ။ အခြေခံဥပဒေ နောက်ဆက်တွဲမှာပါတဲ့ အာဏာခွဲဝေမှုတွေ လုပ်ပိုင်ခွင့်တွေကို ပိုပြီးလုပ်ပိုင်ခွင့်ပေးသင့် တယ်။ အသေချာမသိဘဲ ပြင်ဖို့အော်နေတာကိုတော့ လက်မခံဘူး”ဟု ဦးထွန်းကြည်က ပြောသည်။

၂၀၀၈ ဖွဲ့စည်းပုံအခြေခံဥပဒေကို အလုံးစုံ အသစ်ပြန်လည်ရေးဆွဲရန် အခြေခံမှစ၍ ပြင်ဆင်ရေးဆွဲရန် လုံးဝမလုပ်သင့်ကြောင်းနှင့် တိုင်းရင်းသားလူမျိုးများအားလုံး တစ်မျိုးသားလုံးနှင့် အကျုံးဝင်သည့် မဟာ ဗျူဟာမြောက် ရည်မှန်းချက်များကို ဦးတည်သုံးသပ်ပြီး အကျိုးသက်ရောက်မှု ပိုမိုဖြစ်ပေါ်စေနိုင်သည့် ဆောင်ရွက်မှုများသာ အခြေခံစဉ်းစား လုပ်ဆောင်ကြရမည်ဖြစ်သည်ဟု ဆိုသည်။

တစညပါတီက ၂၀၁၃ စက်တင်ဘာ ၂၄ ရက်တွင် ကျင်းပသော ပါတီငွေရတုအခမ်းအနားတွင်လည်း ၂၀၀၈ ဖွဲ့စည်းပုံအခြေခံပြင်ဆင်ရေးနှင့်ပတ်သက်ပြီး ကန့်ကွက်သည်ဟု တရားဝင်ကြေညာထားကြောင်း သိရသည်။

Mizzima - News in Burmese

ပိုစ့်ပေးကောင်းတဲ့ မော်ဒယ် ပိုးအိဖြူစင်နဲ့ ဆုမြတ်နိုးကျော်ရဲ့ အပြိုင်လန်းနေတဲ့ ဓာတ်ပုံများ

Posted by drmyochit Tuesday, January 28, 2014, under | No comments






တစ်ဦးကိုတစ်ဦး ပွေ့ဖက်ခြင်းသည် စိတ်ချမ်းသာ ကိုယ်ချမ်းသာ ဖြစ်စေကာ လူကိုပါ ပိုကျန်းမာစေနိုင်

Posted by drmyochit Tuesday, January 28, 2014, under | No comments

တစ်ဦးကိုတစ်ဦး ပွေ့ဖက်ခြင်း၊ နှစ် သိမ့်ခြင်းနှင့် အားပေးခြင်းများ သည် စိတ်အား ကိုဖြစ်စေကာ အကျိုး ဆက် အဖြစ် စိတ်ဖိစီးမှုများ၊ စိတ်အား ငယ်မှုများ လျော့နည်းပြီး ကိုယ်ခံ စွမ်းအား ပိုကောင်းလာ၍ ကူးစက် ရောဂါ များမှအစ နာတာရှည် ရောဂါ များဖြစ်သော နှလုံးရောဂါ၊ ကင်ဆာ ရောဂါများ အထိ အကာအကွယ် ပေး နိုင်ကြောင်း လေ့လာမှုစစ်တမ်း တစ်ရပ် အရ သိရသည်။

တစ်နေ့ကို ဆယ်စက္ကန့်လောက် ဖြစ်စေ ပွေ့ဖက်ရုံဖြင့် သွေးဖိအားကို ကျဆင်းစေပြီး၊ ထိုသို့ ပွေ့ဖက်ပြီး နောက်တွင် လူကို သက်သောင့်သက် သာကြည်မြချမ်း မြေ့နေစေသော အောက်စီ တိုစင် ဟော်မုန်းများဦး နှောက်မှ ထွက်ရှိနှုန်းများ လာပြီး လူက ကိုယ်စိတ် ပေါ့ပါးချမ်းမြနေမည် ဖြစ်သည်။ တစ်ချိန်တည်း မှာပင်လူ ကိုစိတ်ဖိစီး မှုဖြစ်စေသော ကော်တီ ဇုန်းဓာတ်များကား သွေးထဲ တွင် နည်းပါး သွားမည်ဖြစ်သည်။

“တစ်ဦးနဲ့တစ်ဦး ပွေ့ဖက်ခြင်း ဟာလူရဲ့ဇီဝဓာတု လုပ်ငန်းတွေ ပိုအားကောင်းလာ အောင်အားပေးနိုင် စွမ်းရှိတာကို လေ့လာတွေ့ရှိရပါ တယ်” ဟု လေ့လာမှု စစ်တမ်းကို ဦးဆောင်ပြုလုပ် ခဲ့သော ဒေါက်တာ ဂျန်အက် စတွန်ကပြောသည်။ လေ့လာ မှုစစ်တမ်းကို Comprehensive Psychology ဂျာနယ်တွင် ထည့်သွင်း ဖော်ပြထားခြင်းဖြစ်သည်။

လူ၏ခန္ဓာကိုယ် အရေပြား တွင်ထိတွေ့မှုကို အာရုံခံသော ပါဆီနီယန် ကော်ပါဆယ်လ် ဟုခေါ်သည့် အလွန် သေးငယ်သော ဥပုံသဏ္ဍာန် ဖောင်းကြွအိတ်လေး များပါဝင်သည်။ ထိုအိတ်လေး များသည် အာရုံကြော စနစ်မှတစ်ဆင့် ဦးနှောက်နှင့်ချိတ် ဆက်ထားသည်။ ဦးနှောက်အတွင်း အောက်စီတိုစင် ဟော်မုန်း ထုတ်ပေးရာ နေရာနှင့်လည်း ဗေးဂတ်စ်နာ့ဗ် ကြောများမှတစ်ဆင့် ထိုဖောင်းကြွ အိတ်လေးများသည် ဆက်သွယ်မှုရှိ နေကြောင်း တွေ့ထားသည်။ ထိုဖောင်း ကြွအိတ် လေးများသည် ကျောရိုး ဗဟိုအာရုံကြောမမှ တစ်ဆင့်လည်း နှလုံးနှင့် ဆက်သွယ်မှုရှိ နေပြန် ကြောင်း တွေ့ရသည်။

သို့ဖြစ်ရာ တစ်ဦးနှင့်တစ်ဦး ပွေ့ဖက်လိုက်သည့်အခါ အရေပြားရှိ ပါဆီနီယန် ကော်ပါဆယ်လ် ဖောင်းကြွ အိတ်လေးများက အထိအတွေ့ကို အာရုံခံမိပြီး လှုပ်ရှား တက်ကြွ လာကာ ဦးနှောက်အတွင်းရှိ အောက် စီတိုစင် ဟော်မုန်းထုတ်ပေးရာ နေရာကို လှုံ့ဆော်မှုပြုသည်။ ထိုအခါ လူကို ကြည်မြချမ်း မြေ့နေစေသော အောက်စီတိုစင် ဟော်မုန်းများ ပိုမို ထွက်လာပြီး လူကသက်သောင့် သက်သာဖြစ်လာသလို၊ နှလုံးနှင့် လည်း ဆက်သွယ်မှု ရှိသဖြင့် နှလုံးကိုလည်းအား ဖြစ်စေမည်ဖြစ်သည်။ စိတ်ချမ်းမြေ့လာခြင်း အကျိုးဆက် အဖြစ် လူသည် ကိုယ်ခံအားပို ကောင်းလာကာ ကျန်းမာသော ခန္ဓာကိုယ်ကို ပိုင်ဆိုင်လာမည်ဖြစ်သည်။

မြ၀တီ

နောက်ထပ်ငလျင်တွေ လှုပ်ဖို့ ရှိသလား

Posted by drmyochit Tuesday, January 28, 2014, under | No comments

မြန်မာနိုင်ငံ အထက်ပိုင်း ရွှေဘိုနဲ့ သပိတ်ကျင်း မြို့ နယ်တွေမှာ ပြီးခဲ့တဲ့ ဇန္နဝါရီလ အတွင်း ငလျင်ငယ် လေးတွေ လှုပ်ခဲ့ပြီး မြန်မာနိုင်ငံ ငလျင်ကော်မတီက အဲဒီဒေသတွေမှာ နောက်ထပ် ငလျင် လှုပ်နိုင်မယ့် အလားအလာ တွေ ရှိမရှိ လေ့လာမှုတွေ လုပ်နေတယ်လို့ သိရပါတယ်။

မြေငလျင် လှုပ်ခတ်မှု သဘာဝတွေအရ ငလျင်ကြီး တွေ မလှုပ်ခင်မှာ ရှေ့ပြေး ငလျင်ငယ်လေးတွေ လှုပ်တတ်တဲ့ သဘာဝ ရှိ ပါတယ်။

လွန်ခဲ့တဲ့ ၂၀၁၂ ခုနှစ်တုန်းက အဲဒီဒေသတွေမှာ ပြင်းအား ရစ်ခ်စတာ စကေး ၆ဒဿမ၈ အထိ လှုပ်ခဲ့ပြီး လူ၆ယောက် လောက် အထိ သေဆုံးမှုတွေလည်း ရှိခဲ့တာ ဆိုတော့ ဒီရက်ပိုင်း ရွှေဘို သပိတ်ကျင်း ဘက်မှာ ၂ရက် အတွင်း လှုပ်တဲ့ ဒီဖြစ်ရပ်ဟာ ငလျင်ကြီးတွေ မလှုပ်ခင်မှာ ရှေ့ပြေးလား ဆိုတာ စဉ်းစားစရာ ဖြစ်နေတယ်လို့ ဆိုပါတယ်။

မြန်မာနိုင်ငံ ငလျင်ကော်မတီကတော့ အဲဒီဒေသတွေမှာ လေ့လာမှုတွေ လုပ်နေတာ ရှိပြီး အရင်က ၆လ တစ်ခါလောက်သာ လေ့လာခဲ့ပေမယ့် အခုတော့ ၂လ တစ်ခါ လောက် လေ့လာမှုတွေ လုပ်နေတယ်လို့ ငလျင် ကော်မတီ အတွင်းရေးမှူး ဦးစိုးသူရထွန်း က ပြော ပါတယ်။

ရွှေဘိုနဲ့ သပိတ်ကျင်းတွေဟာ မြန်မာနိုင်ငံရဲ့ အကြီးဆုံး ငလျင်ကြော တစ်ခုနားမှာ တည်ရှိနေပြီး စစ်ကိုင်း ပြတ်ရွေ့ကြောနဲ့ ဆက်စပ်နေတယ်လို့ ပညာရှင်တွေက ပြောပါတယ်။

ငလျင်တွေရဲ့ သဘာဝအရ ဘယ်တော့ လှုပ်မယ် ဆိုတာကို ကြိုပြောလို့ မရနိုင် ပေမယ့် ငလျင်ကြောတွေ ရှိနေတဲ့ ဒေသတွေပေါ်က အဆောက်အဦးတွေ၊ စီမံကိန်းကြီးတွေကို ငလျင်ဒဏ် ကနေ ကာကွယ်ဖို့ ကိုတော့ ကြိုပြီး ပြင်ထားကြဖို့ လိုမယ်လို့ ဆိုပါတယ်။

ဘီဘီစီ (မြန်မာပိုင်း)
၂၀၁၂ခုနှစ်တုန်းက လှုပ်ခဲ့တဲ့ ငလျင်ဒဏ်ကြောင့် လူ သေဆုံးမှုတွေ ရှိခဲ့

မွတ်စလင်ရိုဟင်ဂျာ ၅၀၀ ကျော် ထိုင်းအာဏာပိုင် တွေ့ရှိ ထိန်းသိမ်း

ထိုင်းနိုင်ငံအတွင်း ​တရားမ၀င် ​၀င်ရောက်လာတဲ့ ​မွတ်စလင် ​ရိုဟင်ဂျာ ​ဒုက္ခသည်အယောက်ပေါင်း ​ငါးရာကျော်ကို ​ထိုင်းအာဏာပိုင်တွေက ​တွေ့ရှိထိန်းသိမ်းလိုက်ပါတယ်။

ပြီးခဲ့တဲ့ ​တနင်္ဂနွေနေ့ကပဲ ​ထိုင်းနိုင်ငံတောင်ပိုင်းနဲ့ ​မလေးရှားနိုင်ငံ ​နယ်စပ်က ​ရာဘာစိုက်ခင်းခြံတခုအတွင်းမှာ ​ထိုင်းအာဏာကာပိုင်တွေက ​၀င်ရောက်စီးနှင်းပြီး ​အသက် ​ငါးနှစ်အရွယ်ကလေးငယ် ​တစ်ဦးအပါအ၀င် ​လူပေါင်း ​၅၃၀ ​နီးပါး ​ပါဝင်တဲ့ ​မွတ်စလင် ​ရိုဟင်ဂျာတွေကို ​တွေ့ရှိခဲ့တာဖြစ်ပါတယ်။

မြန်မာနိုင်ငံမှာ ​လူမျိုးရေး ​ဘာသာရေး ​ပဋိပက္ခဖြစ်ပြီးနောက်ပိုင်း ​ကစပြီးတော့ ​ထောင်နဲ့ချီတဲ့ ​မွတ်စလင် ​ရိုဟင်ဂျာတွေဟာ ​မြန်မာနိုင်ငံနဲ့ ​အိမ်နီချင်းဖြစ်တဲ့ ​နိုင်ငံတွေဆီကို ​ထွက်ပြေးထိမ်းရှောင်ခဲ့ကြပြီး ​အများစုကတော့ ​မလေးရှားနိုင်ငံမှာ ​ပုန်းအောင်းနေကြတယ်လို့ ​ကုလသမဂ္ဂက ​ပြောပါတယ်။

အခုလို ​ထွက်ပြေးကြရာကနေ ​တချို့က ​လူကုန်ကူးသူတွေရဲ့ ​လက်ထဲကိုရောက်သွားတာဖြစ်တယ်လို့ ​လူ့အခွင့်အရေး ​အဖွဲ့တွေက ​ဆိုပါတယ်။

မွတ်စလင် ​ရိုဟင်ဂျာတွေ ​လူကုန်ကူးသူတွေလက်ထဲ ​ရောက်သွားတဲ့ကိစ္စနဲ့ပတ်သက်ပြီး ​ထိုင်းစစ်တပ်က ​တာဝန်ရှိသူတွေလည်း ​ပါဝင်ပတ်သက်မှုရှိတယ်လို့ ​စွပ်စွဲချက်တွေထွက်ပေါ်လာတဲ့အတွက် ​ထိုင်းနိုင်ငံကလည်း ​စုံစမ်းစစ် ​ဆေးမှုတွေလုပ်နေတာဖြစ်ပါတယ်။

ABC Radio Australia


အရင်က ထိုင်းနိုင်ငံထဲမှာ ဖမ်းဆီးထိန်းသိမ်းခံထားရတဲ့ မွတ်စလင် ရိုဟင်ဂျာတွေ (Credit: AFP)

အမေရိကန် ထောက်လှမ်းရေးရဲ့ ကမ္ဘာကြီးအပေါ် ဂယက်

Posted by drmyochit Tuesday, January 28, 2014, under | No comments

အမေရိကန် အမျိုးသား လုံခြုံရေးဌာနရဲ့ လုပ်ကိုင်ပုံတွေနဲ့ ပတ်သက်လို့ ထောက်လှမ်းရေး ဝန်ထမ်းဟောင်း အက်ဒွပ်စနိုဒန်က ထပ်မံ ဖွင့်ချလိုက်ပါတယ်။

မနေ့က ဂျာမန် တီဗီတခုနဲ့ တွေ့ဆုံရာမှာ သူက NSA ဟာ အမေရိကန် ကုမ္ပဏီ အဖွဲ့တွေနဲ့အပြိုင် ကုမ္ပ ဏီကြီးတွေ ကို ပစ်မှတ်ထား ထောက်လှမ်းခဲ့ကြောင်း ပြောပါတယ်။

အဲဒါကြောင့် လူတွေ နေ့စဉ် အသုံးပြုနေရတဲ့ နည်းပညာတွေ အပေါ်မှာ ယုံကြည် စိတ်ချမှုတွေကိုပါ ထိခိုက်လာနိုင် ပါတယ်။

သတင်းဗီဒီယိုကို ကြည့်ရှုနိုင်ပါတယ်။


BBC Burmese

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်