Time in Rangoon 
တရားဥပဒေ စိုးမိုးမှုရှိမှ တည်ငြိမ် အေးချမ်းမှု ရှိမည်။ တည်ငြိမ် အေးချမ်းမှုရှိမှ ဖွံ့ဖြိုး တိုးတက်မည်ဆိုတဲ့ စကားရပ်၏ ဆက်စပ်မှုကို မည်သူမှ ငြင်းဆိုမည် မဟုတ်ပါ။
ထို့ကြောင့် နိုင်ငံသားများ ကိုယ်စိတ်နှစ်ပါး မြင့်မား တက်ကြွတဲ့ ခံစားမှုတွေ ရရှိနိုင်ဖို့ ခေတ်မီဖွံ့ဖြိုး တိုးတက်သည့် နိုင်ငံတော်ကြီး ဖြစ်စေဖို့ရာ နိုင်ငံတိုင်းမှာ တည်ငြိမ် အေးချမ်းပြီး တရားဥပဒေ စိုးမိုးစေရန် မဖြစ်မနေ လိုအပ်ပါတယ်။ မြန်မာ နိုင်ငံတော်ကြီးတွင် တိုင်းရင်းသား မျိုးနွယ်စုပေါင်း ၁ဝဝကျော်ခန့် မှီတင်း နေထိုင်ကြပြီး ထိုအထဲမှာ လူမျိုးနွယ်စု အလိုက် အသားအရောင်၊ ရုပ်ရည်၊ ဟန်ပန်၊ အစားအသောက်၊ ကိုးကွယ်မှု ဘာသာ၊ အယူဝါဒ၊ ယဉ်ကျေးမှု ဓလေ့ထုံးစံ၊ စကားအသုံးအနှုန်း တို့သည်လည်း များစွာ ကွဲပြားနေမှာကို တွေ့ရမည် ဖြစ်ပါတယ်။ ဤကဲ့သို့ အမျိုးမျိုးသော ကွဲပြားမှု များစွာကြောင့် ပေါင်းစည်း၍ မရနိုင်ဟုလည်း မသတ်မှတ်နိုင်ပါ။ ဘယ်လိုပင် ကွဲပြားနေပါစေ ညှိနှိုင်းပူးပေါင်း ဆောင်ရွက်မှုနဲ့ စည်းလုံး ညီညွတ်မှုကို တည်ဆောက် နိုင်ခဲ့သော သာဓကများစွာ ကမ္ဘာမှာ ရှိပြီးသား ဖြစ်ပါတယ်။ မတူညီတာတွေ ရှိကြပေမယ့် အသက်ရှင် ရပ်တည် နေထိုင်ကြတဲ့ ဘဝတွေမှာ တူညီတာတွေကို ကျစ်လျစ်တဲ့ စည်းလုံးမှုနဲ့ စိန်ခေါ်မှုများမှ စွမ်းအားစု တစ်ခုအဖြစ် တည်ဆောက်နိုင်လျှင် အကောင်းဆုံး မဟုတ်ပါလား။
မြန်မာနိုင်ငံ၏ ရေမြေ သယံဇာတနှင့် ရာသီဥတု အခြေအနေတွေဟာ လွန်ကဲ ဆိုးရွားတဲ့ အပျက်ဘက်ကို မခံစား ရသည့်အပြင် ရလဒ်ကောင်း များကို ဖြစ်ပေါ်စေတဲ့ အရင်းအမြစ် များစွာ ရှိနေတာကြောင့် အမှန်တကယ်သာ စည်းလုံးကြမယ် ဆိုရင် အရှေ့တောင် အာရှ၊ အာရှတွေ မဆိုထားနဲ့ ကမ္ဘာမှာ ထိပ်တန်းဆိုတဲ့ အဆင့်ထိ ရနိုင်ဖို့ အခြေအနေတွေ ရှိနေတာပါ။ ဒါပေမဲ့လည်း လူမျိုးရေး၊ ဘာသာရေး၊ နိုင်ငံရေး၊ စီးပွားရေး အခြေအနေများကို အခြေခံပြီး လိုရာဆွဲယူလို့ အတ္တတွေ၊ မာန်မာနတွေနဲ့၊ အချင်းချင်း တိုက်ခိုက်ခဲ့ကြတာ နှစ်ပေါင်း ကြာခဲ့သော်လည်း လမ်းမှန်ကို သိလျက်နဲ့ ပန်းတိုင်ကို မရောက်နိုင်သေး ဖြစ်နေတာ မဟုတ်ပါလား။ မတူတာတွေ ဘေးဖယ်ပြီး တူညီတာတွေ လက်တွဲလုပ်ဖို့ ဆိုတာ အခြေခံအားဖြင့် လူသားတိုင်းရဲ့ လူ့အခွင့်အရေးနှင့် ချိန်ထိုးပြီး ဥပဒေကို လိုက်နာကြဖို့ အဓိက လိုအပ်ပါတယ်။ လူသားအားလုံး၏ မွေးရာပါ ဂုဏ်သိက္ခာနှင့် တန်းတူညီမျှ ရှိပြီး ဖယ်ရှား ထုတ်ပယ်၍ မရသော အခွင့်အရေးများကို အသိအမှတ် ပြုခြင်းသည် ဤကမ္ဘာပေါ်တွင် လွတ်လပ်မှု၊ တရားမျှတမှုနှင့် ငြိမ်းချမ်းမှုတို့ အတွက် အခြေခံ အုတ်မြစ်ပင် ဖြစ်ပါတယ်။
သြစတြီးယား မြောက်ပိုင်းမှာ မွေးဖွားခဲ့တဲ့ သြစတြီးယား- ဂျာမန်လူမျိုး ဟစ်တလာဟာ ငယ်စဉ် ဘဝ ကတည်းက ပန်းချီဆွဲတာကို လွန်စွာ ဝါသနာ ပါခဲ့ရာက ၁၉ဝ၃ ခုနှစ် သူ၏အဖေကွယ်လွန်သွားတဲ့နောက် စက်မှု သင်တန်းကျောင်းကနေ ထွက်ပြီး သူဝါသနာပါရာ ပန်းချီ သင်တန်းကျောင်းကို ပြောင်းဖို့ ကြိုးစားခဲ့ရာမှာ Vienna မြို့က ယဉ်ကျေးမှု တက္ကသိုလ်ဝင်ခွင့် စာမေးပွဲ မအောင်မြင်ခဲ့တဲ့ အတွက် ပန်းချီဆရာ တစ်ယောက်ဖြစ်ဖို့ အရည်အချင်း မရှိဘူး ဆိုပြီး ငြင်းခံခဲ့ရပါတယ်။ သူ့ကို အဲဒီလို ငြင်းလိုက်တဲ့ ကျောင်းအုပ်ချုပ်သူတွေက ဂျူးလူမျိုးတွေ ဖြစ်တဲ့အတွက် ဟစ်တလာရဲ့ ဂျူးလူမျိုး မုန်းတီးရေး စတင် ပေါက်ဖွားလာရာကနေ သူအာဏာ ရရှိချိန်မှစပြီး ကမ္ဘာစစ်ကြီး ကာလအတွင်း ဂျူးလူမျိုးတွေကို နည်းမျိုးစုံနဲ့ သုတ်သင် ရှင်းလင်း ခဲ့ပါတယ်။ ဂျူးလူမျိုးစု တစ်ခုလုံး မျိုးဆက်မကျန်အောင် သုတ်သင် ရှင်းလင်းခဲ့ပုံက ရက်စက်ပြီး အဓိပ္ပာယ် မဲ့နေပေမယ့်လည်း သူ့အတွက်တော့ သူဟာ ဂျာမန်လူမျိုးတွေ တိုးတက်ဖို့၊ ဂျာမန်လူမျိုး သန့်စင်ဖို့ အတွက် လုပ်တယ်လို့ ယုံကြည် ခံယူပြီး သတ်ဖြတ် နေခဲ့တာ ဖြစ်ပါတယ်။
အကြွင်းမဲ့ အာဏာရှင် စနစ်နဲ့ လူမျိုးသုဉ်း သတ်ဖြတ်မှုကြီးဟာ များစွာသောလူများ အတိဒုက္ခ ခံစားခဲ့ရပြီး ဂျူးလူမျိုး ခြောက်သန်းကျော် သေဆုံး ခဲ့ကြပါတယ်။ မည်သို့ဆိုစေ ဥရောပတိုက်ကြီး တစ်ခုလုံးနီးပါး စိုးမိုးသိမ်းပိုက် နိုင်ခဲ့ ပေမယ့်လည်း ဟစ်တလာ သေဆုံးသွား
ပြီးနောက် ချည့်နဲ့ပြိုကွဲ သွားခဲ့တဲ့ တိုင်းပြည်ဘဝကနေ ယနေ့ ဂျာမနီနိုင်ငံ အခြေအနေဟာ လူမျိုးသုဉ်း သတ်ဖြတ်မှုကို လက်မခံသော လူသားတို့၏ လူ့အခွင့်အရေးနှင့် အညီ နေထိုင်နိုင်ရေးအတွက် ထိရောက်သော ကြိုးပမ်း ဆောင်ရွက်မှုများနှင့် ရပ်တည်ပြီး အင်အား တောင့်တင်းသော ဖွံ့ဖြိုးပြီး နိုင်ငံတစ်ခု ဖြစ်နေပြီ ဆိုတာဟာ လူမျိုးရေး အခြေခံတဲ့ ဟစ်တလာ ဝါဒ မှန်တယ်၊ မှားတယ်ဆိုတာ သက်သေပြနေတာ ဖြစ်ပါတယ်။
လွန်ခဲ့သော အနှစ် ၁ဝဝ ခန့်မှစပြီး အမေရိကန် နိုင်ငံမှာ လူဖြူ၊ လူမည်းပြဿနာ၊ လူမျိုးရေး ပြဿနာများ အကြီး အကျယ် ရှိခဲ့ဖူးပါတယ်။ အာဖရိကတိုက်မှ ကျွန်အဖြစ် ဖမ်းဆီးခံရသောလူမည်းများဟာ လွတ်လပ်ရေး ရသော်ငြားလည်း ကဲ့ရဲ့၊ ညှဉ်းပန်းနှိပ်စက် ခွဲခြား ဆက်ဆံမှုတွေကြောင့် အသားမည်းတချို့ လက်နက် ဆွဲကိုင်ပြီး တော်လှန်ရန် ကြိုးစားနေချိန်မှာ ဒေါက်တာ မာတင်လူသာကင်းဟာ နူးညံ့ သိမ်မွေ့သော နည်းလမ်းကို အခြေခံပြီး လူထုကို ဦးဆောင်ခဲ့ပါတယ်။ ၁၉၅၅-၁၉၅၆ ခုနှစ်များ၌ Alabama ပြည်နယ် Montgomery မြို့တွင် လူမည်းများ ဘတ်စကား မစီး၊ ခြေကျင်ပဲ လျှောက် သွား ခဲ့ကြပါတယ်။ ဤကဲ့သို့ ပြုမူခြင်းအားဖြင့် မျက်နှာဖြူများကို စိတ်ထိခိုက် စေခဲ့တယ်။ မာတင်လူသာကင်း၏အဆိုမှာ '' ငါတို့ မျက်နှာဖြူများကို မမုန်းပါ၊ ရန်မူရန် မဟုတ်၊ ငါတို့၏ ရန်သူသည် မျက်နှာဖြူများ မဟုတ်၊ သူတို့အထဲ၌ ရှိသော စိတ်နေ သဘောထားသာလျှင် ဖြစ်သည်။ မကောင်းမှုကို မကောင်းမှုနှင့်ပင် အနိုင်မယူနိုင်ပါ''ဟူ၍ ဖြစ်ပါသည်။ မည်သို့ဆိုစေ လူဖြူ၊ လူမည်း ပဋိပက္ခ ဆိုးရွားစွာ ဖြစ်ပွားခဲ့သည့် အမေရိကန် နိုင်ငံကြီး၏ ယနေ့အချိန်ကား ရေးသား ဖော်ပြရန်ပင် လိုမည်မထင်ပေ။
ဒီအခြေအနေ အရပ်ရပ်များသည် အားလုံး မြင်လွယ်သည့် နိုင်ငံကြီးများမှ ဖြစ်ရပ်များသာ ဖြစ်ပြီး အမျိုးမျိုး ကွဲပြားမှုများ၏ နောက်ဆုံး အခြေအနေတွေ စုစည်းမှု အင်အားရပ်များ အဖြစ် ပြောင်းလဲ သွားခဲ့ကြသော အခြားနိုင်ငံများ၏ ဖြစ်စဉ် သာဓကများစွာ သမိုင်းတွင် မှတ်တမ်းတင်လျက် ရှိနေပါတယ်။
ရှေးမြန်မာ ဘုရင်များ လက်ထက်တွင်လည်း လူ့အခွင့်အရေး ဆိုင်ရာတန်ဖိုး အဖြစ် ဘာသာရေးကို လွတ်လပ်ခွင့် ပေးခဲ့သည်။ လူမျိုးဘာသာ ခွဲခြားခြင်း မပြုဘဲ ချီးမြှင့်မြှောက်စား ထိုက်သူများကို နေရာပေး အသိအမှတ် ပြုခြင်းများ ဆောင်ရွက်ခဲ့သည့် သာဓကများစွာရှိခဲ့သည်။ အနောက်ဘက် လွန်မင်းကလည်း ပေါ်တူဂီနယ်ချဲ့ ငဇင်ကာကို ကွပ်မျက်ပြီး သံလျင်ကို သိမ်းယူခဲ့ရာတွင် သုံ့ပန်းများကို ကွပ်မျက်ခြင်း မပြုဘဲ ချင်းတွင်းမြစ်ကမ်း အမြင့်မြို့သို့ နေရာ ချပေးခဲ့သေးသည်။ ဘာသာရေးကိုရော လူမျိုးရေးပါ နှိပ်ကွပ်ခြင်း မပြုခဲ့ပေ။
ကုန်းဘောင်မင်း များသည်လည်း အိန္ဒိယ အရှေ့ဖျား ပြည်နယ်များကို သိမ်းပိုက်ခဲ့သည့်တိုင် သုံ့ပန်းများကို မန္တလေး တစ်ဝိုက်တွင် နေရာ ချပေးရုံမျှမက သင့်လျော်ရာ တာဝန်ပေး၍ မင်းမှုထမ်း စေခဲ့သည်မှာလည်း တန်းတူညီမျှသော လူသား တန်ဖိုးဆိုင်ရာ ပြယုဂ်များပင် ဖြစ်သည်။ ရည်မှန်းချက် တစ်ခုအောက်တွင် ဘာသာလူမျိုး မခွဲဘဲ ညီညွတ်သည့် အင်အားကြောင့် မြန်မာပြည်ကြီး လွတ်လပ်ရေး ရခဲ့သည်မှာလည်း မည်သူမျှ မငြင်းနိုင်သည့် ကိစ္စဖြစ်သည်။ ဤသို့ဆိုလျှင် မြန်မာ နိုင်ငံသားတို့သည် ဘာသာလူမျိုး မခွဲဘဲ တန်းတူညီမျှသော အခြေခံစိတ်ထား ရှိသူများဖြစ်ကြောင်း ထင်ရှားပါသည်။ မည်သည့် ဘာသာတွင် မဆို လူသား တစ်ဦးနှင့်တစ်ဦး လူသားချင်း စာနာထောက်ထားစွာ ဆက်ဆံရန်နှင့် လူသားသည် အမြင့်မြတ်ဆုံး ဖြစ်သည့်အတွက် လူသားတို့၏ တန်ဖိုး၊ ဂုဏ်သိက္ခာကို လေးစား တန်ဖိုးထားသင့်ကြောင်း တို့ကို သွန်သင် ဆုံးမထားသည်။ ကွဲပြားသော ဘာသာ အသီးသီးတိုင်းတွင် ထိုကဲ့သို့သော တူညီသည့် သဘောတရားမျိုး ရှိနေခြင်းကြောင့် လူ့အခွင့်အရေး ဆိုသည်မှာ လူသားတိုင်း အတွက် ဖြစ်သည်ဟူသော အခြေခံ အချက်များသည် ဘာသာ တရားတိုင်းတွင် မူလအစကတည်းက အမြစ်တွယ် ကိန်းအောင်း နေသည်ဟု ဆိုနိုင်ပေသည်။ ထိုအချက်များ ကြောင့်ပင်လျှင် ၁၉၄၆ ခုနှစ်တွင် ကုလသမဂ္ဂက ဖွဲ့စည်းခဲ့သော လူ့အခွင့်အရေး ကော်မရှင်က နေ၍ ကုလသမဂ္ဂ ပဋိညာဉ် စာတမ်းတွင် ပါဝင်သော လူ့အခွင့်အရေးနှင့် လွတ်လပ်ခွင့် ဟူသော အဓိပ္ပာယ်များကို ဖွင့်ဆို ရှင်းပြနိုင်မည့် အပြည်ပြည်ဆိုင်ရာ လူ့အခွင့်အရေး ကြေညာစာတမ်းကို ပြင်ဆင် ရေးဆွဲခဲ့သည်။ ၁၉၄၈ ခုနှစ် ဇွန်လတွင် ထိုကြေညာ စာတမ်းကို အပြီးသတ် နိုင်ခဲ့ပြီး ဒီဇင်ဘာ ၁ဝ ရက်တွင် ပြင်သစ်နိုင်ငံပဲရစ်မြို့တွင် ကျင်းပခဲ့သော ကမ္ဘာ့ ကုလသမဂ္ဂ အထွေထွေ ညီလာခံက နေ၍ ထိုကြေညာစာတမ်းကို အတည်ပြု ပြဋ္ဌာန်းနိုင်ခဲ့သည်။ ထိုစာတမ်းကို မြန်မာနိုင်ငံ ကလည်း လက်မှတ် ရေးထိုးပြီး တလေးတစား လိုက်နာလျက် ရှိသည်။
မြန်မာ နိုင်ငံသူ၊ နိုင်ငံသားများနှင့် ဒီမိုကရေစီ အရေး လှုပ်ရှား တောင်းဆိုနေသူများ အကြားတွင် လူ့အခွင့်အရေး အကြောင်းကို နားလည် လက်ခံလာမှု ရေချိန် ပိုမိုမြင့်မားလာလျက် ရှိသည်။
ဂုဏ်သိက္ခာနှင့် တန်းတူညီမျှမှုကို အခြေခံ နားလည်လာ၍ မတူ ကွဲပြားမှုများ အပေါ် လက်ခံမှု ပိုမိုလာလျက် ရှိသည်။ တစ်ဦးချင်း၏ ဂုဏ်သိက္ခာ အပေါ် ပိုမို လေးစားလာလျက် ရှိသည်။
အမျိုးသမီး များနှင့် အခြားအထူး ကာကွယ်ပေးရန် လိုအပ်သော အုပ်စုဝင်များ၏ အခွင့်အရေး များအကြောင်းကို နက်နက်ရှိုင်းရှိုင်း ဆွေးနွေးလာ၍ ယခင် ကထက် ပိုမိုတန်ဖိုးထား လာသည်ကို တွေ့နေရသည်။ အဖွဲ့အစည်း အသီးသီးက လူ့အခွင့်အရေး အကြောင်း သင်တန်းများ ပို့ချ ပြန့်ပွားစေလျက် ရှိကြောင်း တွေ့နေရသည်။ သို့သော်လည်း တစ်ယူသန်စိတ်၊ အတ္တစိတ် လွန်ကဲသူများစွာ ကျန်ရှိနေခြင်းကြောင့် ပြည်တွင်း လက်နက်ကိုင် သောင်းကျန်းမှု များနှင့် ဘာသာရေး အကြောင်းပြ အဖျက်လုပ်ရပ်များ ဖြစ်ပေါ်နေခြင်း ကိုလည်း တွေ့နေရသည်။
ငြိမ်းချမ်းစွာ အတူယှဉ်တွဲ နေထိုင်ပြီး ပူးပေါင်း ဆောင်ရွက်မှုများ ရှိမှသာလျှင် နိုင်ငံအတွက်၊ ပြည်သူပြည်သားများ အတွက် ရေရှည်အကျိုး ဖြစ်ထွန်းနိုင် မည်ကို သိလျက်နဲ့ မျက်စိ စုံမှိတ်ထားသူများ ရှိသေးသည်။ ထိုသူများကြောင့်ပင်လျှင် အပြန်အလှန် ရန်ကိုရန်ချင်း တုံ့ပြန်မှု များကြောင့် နိုင်ငံတော်၏ အကျိုးစီးပွားများ များစွာ ထိခိုက် နစ်နာလျက်ရှိသည့် အခြေအနေ များသည် နိုင်ငံတကာ၏ အားပေး ထောက်ခံမှုဖြင့် ရှေ့သို့ ချီတက်ဆဲ နှစ်နှစ်ခွဲသား ဒီမိုကရေစီ မြန်မာနိုင်ငံ၏ အခြေအနေ အပေါ် နိုင်ငံတကာ၏ ယုံကြည်မှုများ၊ ရင်းနှီး မြှုပ်နှံလိုမှုများ ထိခိုက်စေနိုင်ပါသည်။
နှစ်ပေါင်း ၆ဝ ကျော် တစ်ဖက်နှင့် တစ်ဖက် လက်နက်ကိုင် တိုက်ခိုက်ကြခြင်း အားဖြင့် မည်သူမျှ အနိုင်မရဘဲ နိုင်ငံတော်နှင့် ပြည်သူပြည်သားများသာ နစ်နာ ဆုံးရှုံး ခဲ့ရသည်ကို အားလုံး သိရှိကြပြီး ဖြစ်ပါတယ်။ ဒါ့ကြောင့် စေ့စပ်ဆွေးနွေးပြီး နိုင်ငံရေး နည်းဖြင့် အဖြေရှာရန် အားလုံး ကြိုးပမ်းနေမှု၏ ရလဒ်ကို ပြည်သူများမှ အားကိုးတကြီး စောင့်စားလျက် ရှိနေပါတယ်။ ကချင်ပြည်နယ်တွင် ဖြစ်ပွားခဲ့သော စစ်ပွဲများကြောင့် စစ်ဘေးရှောင် ဒုက္ခသည်များ အတွက် ပြန်လည် ထူထောင်ရေးများစွာ လုပ်ဆောင် ပေးရဦးမည့် အပြင် သာမန် အငြင်းပွားမှု၊ ရာဇဝတ်မှုကို အကြောင်းပြုပြီး လူမျိုးရေး၊ ဘာသာရေး ပဋိပက္ခ
အသွင်ဖြစ်အောင် အကြမ်းဖက်မှုများ ဆောင်ရွက်ခဲ့သည့် ပြီးခဲ့သည့် နှစ်က စတင် ဖြစ်ပွားခဲ့သည့် ရခိုင်ပြည်နယ် အတွင်း ပဋိပက္ခများကြောင့် လက်ရှိအချိန်တွင် ဒုက္ခသည် တစ်သိန်းကျော်အား စားဝတ်နေရေး ထောက်ပံ့ ပေးထားရပြီး နေအိမ် တန်းလျားများပါ ဆောက်လုပ်ပေးကာ ပြန်လည် ထူထောင်ရေး လုပ်ငန်းများ အတွက် နိုင်ငံတော် အထူးရန်ပုံငွေမှ ငွေကျပ် ၅ ဒသမ ၅ ဘီလီယံကျော် အပါအဝင် ၈ ဘီလီယံကျော် ကျခံ သုံးစွဲရပြီး ပြည်နယ်အတွင်း ဖွံ့ဖြိုး တိုးတက်မှုများ ထိခိုက်ရသည့်အပြင် ဒေသတွင်းနှင့် နိုင်ငံတကာ နယ်ပယ်တွင်ပါ နိုင်ငံ၏ ပုံရိပ်ကို ထိခိုက်စေခဲ့တယ်လို့ အခု အောက်တိုဘာ ၂ ရက်နေ့က စစ်တွေမြို့သို့ ရောက်ရှိစဉ် နိုင်ငံတော် သမ္မတက ထုတ်ဖော် ပြောကြားထားချက်သည်လည်း အလေးထား ဂရုပြုသင့်စရာပင် ဖြစ်ပါတယ်။ ပဋိပက္ခ ဖြစ်စဉ်များကြောင့် နိုင်ငံတော်မှ ပြန်လည် ထူထောင်ရေးအတွက် ငွေကြေးများ သုံးစွဲမှုသည်အနုတ် လက္ခဏာ တစ်ရပ်ဖြစ်သလို ထိုနေရာများတွင် အသက်မွေး ဝမ်းကျောင်းမှသည် စီးပွားဖြစ် အဆင့်ထိ ဆောင်ရွက်လျက် ရှိသော စိုက်ပျိုးရေး၊ မွေးမြူရေး၊ သား/ငါး၊ ကုန်ထုတ်လုပ်ငန်းများ ဆောင်ရွက်နိုင်မှု မရှိ၍ လူတစ်ဦးချင်းစီ၏ လုပ်အားများ ဆုံးရှုံးခဲ့ရခြင်းကြောင့် ထိုသူတို့အတွက် သာမက နိုင်ငံတော် အတွက်ပါ ထပ်မံ အနုတ်လက္ခဏာ ဖြစ်ရပြန်သည်။
နိုင်ငံတော်၏ ရှေ့ဆက်သွားမည့် လုပ်ငန်းစဉ်များ အတွက် အနှောင့်အယှက် ဖြစ်ရုံမက လုပ်ငန်းရပ်များက နောက်ပြန်လှည့်နေသည့် အခြေအနေမျိုး ကျရောက်နေသည်။ အချိန်မရွေးဝင်ရောက် လာနိုင်သည့် ပြည်ပမှ အကြမ်းဖက်မှု အန္တရာယ်များကို လမ်းကြောင်းပြ ဖိတ်ခေါ်နေသကဲ့သို့ စိုးရိမ်ဖွယ်ရာ အလားအလာများ မဖြစ်သင့်တော့ပါ။ ရှေ့ဆက်ကြရမည့် အခြေအနေများ အတွက် ဒေသဖွံ့ဖြိုး တိုးတက်ရေးကို ဝိုင်းဝန်း ဆောင်ရွက်သကဲ့သို့ တည်ငြိမ် အေးချမ်းရေး အတွက်လည်း ပူးပေါင်း ဆောင်ရွက်ရန်နှင့် သွေးထိုး မြှောက်ပင့်မှုများကို ဉာဏ်အမြော်အမြင်ဖြင့် စဉ်းစားဆင်ခြင် သုံးသပ်ကာ ပြဿနာများကို မှန်ကန်သော နည်းလမ်းဖြင့် ဖြေရှင်းကြဖို့ နိုင်ငံသား အားလုံးမှာ တာဝန်ရှိပါတယ်။
မျက်မှောက် ပဋိပက္ခတို့သည် စည်းလုံးမှု အင်အားကို ပြိုကွဲစေသော လူတစ်စု၏ ပယောဂကြောင့်သာ ဖြစ်နိုင်ပါသည်။ အမျိုးသားရေးသည် အချုပ်အခြာ အာဏာ၏ ကိုယ်စောင့်နတ် ဖြစ်သော်လည်း ဒီမိုကရေစီ အရေးသည် လူ့အခွင့်အရေး၏ တမန်တော်ဖြစ်ပါသည်။ စစ်မှန်သော ဒီမိုကရေစီ နိုင်ငံတော် တစ်ခုတွင် တန်းတူ ညီမျှမှုက အခရာကျပြီး လူ့တန်ဖိုးက အဓိက ကျလှပါသည်။ ထို့ကြောင့် အမျိုးသား ခေါင်းဆောင်ကြီး ဗိုလ်ချုပ်အောင်ဆန်းက ဒီမိုကရေစီရေး အတွက် မျက်ကန်းမျိုးချစ်များ မလိုအပ်ကြောင်း မိန့်ခွန်းများတွင် မကြာခဏပြောခဲ့ဖူးသည်။ ဗိုလ်ချုပ် လိုချင်သည်မှာ တိုင်းပြည် တိုးတက်ရေး အတွက် စည်းလုံးမှုပင် ဖြစ်သည်။ စည်းလုံးဖို့အတွက် စည်းရုံးကြရမည်။ ရန်ဖြစ်နေ၍မရ ရန်ကိုရန်ချင်း တုံ့နှင်းသမျှ အကောင်းဖြစ်မလာ နိုင်ဘဲ အဆိုးကိုသာ ဖိတ်ခေါ် နေသလိုရှိသည်။ ရန်လိုသော တိုင်းသူပြည်သားတို့၏ တိုင်းပြည်သည် စစ်မက်ထူပြောပြီး တိုင်းပြည်ချွတ်ခြုံ ကျနေမည်သာဖြစ်သည်။
ထို့ကြောင့် မြန်မာတွေ ဆင်ခြင်ကြရပါမည်။ လူမျိုးရေး စိတ်ဓာတ်၊ အမျိုးသားရေး စိတ်ဓာတ်များ ထားရှိ၍ အမျိုးဂုဏ်၊ ဇာတိဂုဏ် ထိန်းသိမ်းကြ ရမှာ နိုင်ငံသားတိုင်း၏ တာဝန်ဖြစ်သည် မှန်သော်လည်း လူ့အခွင့်အရေးနှင့် နိုင်ငံတော်၏ ရေရှည်ဖွံ့ဖြိုး တိုးတက်မှုအတွက် ထိရောက်သော ပေါင်းစပ် ညှိနှိုင်းမှုများ ဆောင်ရွက်ကာ မူဝါဒများ၊ကန့်သတ်ချက်များ၊ ရည်မှန်းချက်များ ခွဲခြားပြီး အတူယှဉ်တွဲကာ ကြိုးပမ်း အကောင်အထည် ဖော်ခြင်းသည်သာ တိုင်းပြည် တိုးတက်ရာ တိုးတက်ကြောင်း အတွက် တစ်ခုတည်းသော နည်းလမ်း ဖြစ်ပါကြောင်း နှိုးဆော်ရေးသား လိုက်ရပေသည်။ ။
By မြ၀တီ
