Tuesday, November 12, 2013

မြန်မာ

Posted by drmyochit Tuesday, November 12, 2013, under | No comments


(ဆောင်းပါးရှင် - ဒေါက်တာအောင်ကိုကို (စီးပွားရေးပညာ၊ စီးပွားရေးပေါ်လစီ))

"မြန်မာ" လူမျိုးဟူသည် "မြန်" ၍ "မာ" သော လူမျိုးဖြစ်သည်။ သို့သော် "စိတ်မြန်" ၍ "ခေါင်းမာ" သော အမျိုးသားရေး စိတ်ဆတ်သော လူမျိုးအဖြစ် အထင်မှတ် မခံရစေဘဲ "အလုပ်လုပ်ကိုင်ရာတွင် လျင်မြန်သွက်လက်ပြီး"၊ "စိတ်ဓာတ်ခိုင်မာ" သော လူမျိုးကြီး (တိုင်းရင်းသား အားလုံးနှင့် နိုင်ငံသားအားလုံး တစုတစည်းတည်းရှိသော နိုင်ငံသားစိတ်ဓာတ်) စိတ်ဓာတ်သည်လည်း စီးပွားရေး ဖွံ့ဖြိုးတိုးတက်မှုတွင် အခြေခံ အချက်အဖြစ် အရေးကြီးပေသည်ဟု ထင်မြင်သည်။ 

စိတ်မြန်၍ ခေါင်းမာခြင်းထက် (အလုပ်လုပ်ရာတွင်) လျင်မြန်သွက်လက်၍ စိတ်ဓာတ်ခိုင်မာခြင်းသည် ယနေ့ပစ္စုပ္ပန်နှင့် အနာဂတ်ကို ကောင်းစွာပေါင်းကူးပေးသော စိတ်ဓာတ်ပင် ဖြစ်ပေလိမ့်မည်။

ယနေ့ ကမ္ဘာကြီးတွင် စိန်ခေါ်မှုများ (Challenge)များစွာ (စီးပွားရေး၊ နိုင်ငံရေး၊ ယဉ်ကျေးမှု၊ လုံခြုံရေး အစရှိသည့်) ရှိပြီး၊ ယင်းစိန်ခေါ်မှုများ (Challenge)သည် ရံဖန်ရံခါ မထင်မှတ်ဘဲ (သို့မဟုတ် ထင်မြင်ထားသည် ထက်ပိုလွန်၍)ဖြစ်ပေါ်လာသော ခြိမ်းခြောက်မှုများ (Threats) အဖြစ်သို့ လျင်လျင်မြန်မြန် ကူးပြောင်းသွားလေ့ ရှိသည်ဆိုသည်ကိုလည်း လေ့လာတွေ့ရှိနိုင်သည်။ 

ဆိုလိုသည်မှာ ကမ္ဘာ့လူဦးရေ မြင့်မားတိုးပွား လာသည်နှင့်အမျှ စိန်ခေါ်မှုများ (Challenge)နှင့် ခြိမ်းခြောက်မှုများ (Threats)ကို အသွင်သဏ္ဌာန်မျိုးစုံ (Various Kinds)နှင့် ကဏ္ဍမျိုးစုံ (Various Sectors)တို့တွင် တွေ့မြင်လာရ ပေလိမ့်မည်ဖြစ်သည်။ 

စီးပွားရေး၊ နိုင်ငံရေး၊ ယဉ်ကျေးမှု၊ အမျိုးသားလုံခြုံရေး အစရှိသည်တို့သည် တစ်ခုနှင့်တစ်ခု အပြန်အလှန် ချိတ်ဆက် (ဆက်စပ်)နေပြီး၊ ကဏ္ဍတစ်ခု အားကောင်းနေရုံမျှဖြင့် မလုံလောက်ဘဲ အပြန်အလှန် စုစုစည်းစည်း ရှိနေစေသော (ဥမကွဲ သိုက်မပျက် ရှိစေသော) အမျိုးသားရေး အခြေခံ စိတ်ဓာတ်သည် လိုအပ်ချက်တစ်ခု ဖြစ်ပေလိမ့်မည်။ 
ဆွေးနွေးတိုင်ပင်ခြင်းနှင့် စုပေါင်းအဖြေရှာခြင်းဖြင့် မည်ကဲ့သို့သော ပုံသဏ္ဌာန်ရှိသော စိန်ခေါ်မှုများကို အကောင်းဆုံးသော ရလဒ်များကို ရှာဖွေတွေ့ရှိ နိုင်သည်။ 
မွေးဖွားချိန် (Birth) မှ သေဆုံးချိန် (Death)ဟူသော အချိန်ကာလ တစ်ခုကို လူသားတိုင်း (နိုင်ငံသားတိုင်း) ဖြတ်သန်းကြရသည်ဖြစ်ရာ မိမိတို့ သေလွန်သွားသော်လည်း အနာဂတ်တွင် မွေးဖွားလာကြဦးမည့် မြန်မာ့အနာဂတ် မျိုးဆက်များအတွက် လိုအပ်သော (သို့မဟုတ်) လုံလောက်သော အခြေခံ အုတ်မြစ်များကို စနစ်တကျ စဉ်းစားတည်ဆောက် ကြရပေလိမ့်မည်။

သို့မဟုတ်ပါက အခြားသော (တစ်ပါးသော) နိုင်ငံများ၏ တစ်ဖက်သတ် အကျိုးစီးပွားကို ကာကွယ်ပေးရသော (အသုံးချခံ) နိုင်ငံအဖြစ် တည်ရှိနေပေ လိမ့်မည်။

မည်သည့်နိုင်ငံကိုမဆို (၁) စည်းလုံးညီညွတ်မှု (Unity) မရှိလျှင်၊ (၂) တရားမျှတသော ရင်ဆိုင်မှု (Fair Competition) မရှိလျှင်၊ (၃) ယင်းအချက် နှစ်ချက်လုံး မရှိလျှင်၊ ယင်းနိုင်ငံသည် မည်သို့သော ဖွံ့ဖြိုးတိုးတက်မှု မူဝါဒများ (Development Policies) ကို ပြည့်ပြည့်၀၀ အကောင်အထည်ဖော်မည် မဟုတ်ပေ။
ြ်မန်မာလူမျိုး အများစုသည် မိမိနိုင်ငံ မိမိလူမျိုးကို ချစ်ခင်ကြသော်လည်း အဘယ့်ကြောင့် မြန်မာနိုင်ငံသည် မဖွံ့ဖြိုးမတိုးတက် (နောက်ကျကျန်ရစ်) ခဲ့ရသနည်းဟုဆိုလျှင် မြန်မာနိုင်ငံသည် (၁) စည်းလုံးညီညွတ်မှုနှင့် (၂) တရားမျှတသော ပြိုင်ဆိုင်မှုတို့ မရှိခဲ့ (မလုံလောက်ခဲ့) သောကြောင့်ပင် ဖြစ်မည်ဟု ထင်မြင်မိသည်။

ဥပမာ ယနေ့မြန်မာနိုင်ငံတွင် အမေရိကန်ဒေါ်လာ သန်းပေါင်းများစွာ ချမ်းသာလာသော အချို့သော စီးပွားရေး လုပ်ငန်းရှင်ကြီးများ ရှိလာသော်လည်း ပြည်သူအများစုမှာမူ ဆင်းရဲတွင်း နက်နေဆဲ ဖြစ်သည်ကို တွေ့ရသည်။ အချို့က အဆိုပါ လုပ်ငန်းရှင်များ ရှိသောကြောင့် လုပ်သားထောင်ပေါင်းများစွာ အလုပ်အကိုင် ရရှိနေသည်ဟု ပြောဆိုငြားလည်း တစ်ပြေးညီ ပြိုင်ဆိုင်မှု ကင်းမဲ့သော ဈေးကွက်စီးပွားရေး အခင်းအကျင်းကြောင့် မြန်မာလူမျိုး သန်းပေါင်းများစွာ အလုပ်လက်မဲ့ ဖြစ်နေခြင်းနှင့် မြန်မာလူမျိုး သန်းပေါင်းများစွာ ပြည်ပနိုင်ငံများတွင် ရရာအလုပ် (အောက်ခြေသိမ်း အလုပ်များ အပါအ၀င်) လုပ်နေရခြင်း၊ လူကုန်ကူးခြင်းများ ခံနေရခြင်းနှင့် မက်ခရို စီးပွားရေး အင်အားနိမ့်ကျခြင်း ဖြစ်သကဲ့သို့ မြန်မာ့စီးပွားရေးမှာလည်း လူတစ်ဦးချင်း ၀င်ငွေအရ အာဆီယံ အဖွဲ့ဝင်နိုင်ငံ များထဲတွင် အောက်ဆုံးအဆင့်သို့ ရောက်ရှိသွားပြီဖြစ်သည်။

ထို့ကြောင့် နိုင်ငံ၏ အနာဂတ်ကို ကြိုတွေးလျှင် မိမိတို့နိုင်ငံသား အားလုံးသည် မြန်မာနိုင်ငံတည်းဟူသော နိုင်ငံ၏ တစ်လှေတည်းစီး တစ်ခရီးတည်း သွားနေကြသူများ ဖြစ်သည်ဆိုသည်ကို တွေ့မြင်နိုင်သလို တည်ငြိမ်အေးချမ်း ဖွံ့ဖြိုးပြီး အထွေထွေအင်အား တောင့်တင်းခိုင်မာသော နိုင်ငံကြီးအဖြစ်သို့ မြန်မာ့စိတ်ဓာတ်ဖြင့် တည်ဆောက်သွားရ ပေလိမ့်မည်။

မြန်မာစံတော်ချိန်

Posted by drmyochit Tuesday, November 12, 2013, under | No comments


(ဆောင်းပါးရှင် - သူရိန်လှိုင်ဝင်း)

တနင်္ဂနွေနေ့ တစ်ရက်က မြို့ထဲမှာ ဆေးပညာဆိုင်ရာ သင်တန်းတစ်ခုရှိလို့ သွားခဲ့ရတယ်။ သင်တန်းချိန်က ၁၂ နာရီဆိုတော့ လမ်းမှာကားကျပ်မှာနဲ့တွက်ပြီး တစ်နာရီလောက် ကြိုထွက်လာခဲ့မှ သင်တန်းကို ၁၁ နာရီ မိနစ် ၅၀ အချိန်လောက်မှာ ရောက်သွားတယ်။ သင်တန်းမှာတော့ ဘယ်သူမှ မရောက်သေးဘူး။ စောသေးလို့ ထင်ပါတယ်ဆိုပြီး ဆက်စောင့်နေလိုက်တာ ၁၂ နာရီထိုးလောက်မှ သင်တဲ့ဆရာနဲ့အတူ နောက်ထပ်သင်တန်းသား နှစ်ယောက် ရောက်လာတယ်။ စုစုပေါင်း သင်တန်းသူ သင်တန်းသား ၁၂ ယောက်ရှိတဲ့ မွန်းတည့် ၁၂ နာရီစမယ့် သင်တန်းတစ်ခုဟာ ၁၂ နာရီ ၁၅ မိနစ်လောက် အချိန်ထိမှ တစ်ဝက်ပဲ ရှိသေးတယ်။ တကယ်တမ်း သင်တန်းစတဲ့ အချိန်မှာတော့ ၁၂ နာရီ ခွဲနေပါပြီ။ နောက်ကျမှ ရောက်လာတဲ့ သင်တန်းသားတွေက "ဆရာဆောရီးနော်" လို့ ပြောတော့ ဆရာကလည်း ရယ်ရယ်မောမောနဲ့ ပြန်ပြောတယ် "ကိစ္စမရှိပါဘူး မြန်မာစံတော်ချိန်ပေါ့" တဲ့။ အချိန်နောက်ကျတာကို ပြက်လုံးထုတ်လိုက်တဲ့ ဆရာ့စကားကြောင့် သင်တန်းတစ်ခုလုံး ရယ်မောသွားပေမယ့် ကျွန်တော့်စိတ်ထဲမှာတော့ မကောင်းလှဘူး။

တကယ်တော့ အချိန်နောက်ကျတာကို မြန်မာစံတော်ချိန်ပေါ့လို့ ပြက်လုံးတစ်ခုအဖြစ် ရောက်လာတယ် ဆိုကတည်းကိုက မြန်မာတွေ အချိန်နဲ့ပတ်သက်လို့ ဘယ်လောက်တန်ဖိုးထားမှု နည်းနေပြီလဲ ဆိုတာရဲ့ အဓိပ္ပာယ်ကို ဆောင်ပါတယ်။ ဂျပန်မှာ အလုပ်လုပ်နေတဲ့ သူတစ်ယောက်က ပြန်ပြောပြဖူးတယ်။ သူတို့ဆီမှာ အလုပ်ချိန်ကို နာရီနဲ့တောင် မဟုတ်ဘဲ မိနစ်နဲ့တွက်ပြီး ပေးသတဲ့။ မိနစ်နဲ့တွကပြီးပေးလို့ ပိုက်ဆံပိုရပေမယ့်လည်း အလုပ်ရှင်တွေက သူတို့အလုပ်ချိန်ကိုတော့ မိနစ်ကလေးတောင် အစွန်းမခံဘူးတဲ့။ တစ်မိနစ် နှစ်မိနစ်လောက် နောက်ကျပြီးမှ အလုပ်ဝင်ရင်တောင် အတော်နစ်နစ်နာနာ ဆူတယ်ဆိုပဲ။ ရွှေနဲ့ဆက်ဝယ်ရတဲ့ မိနစ်ကလေးများပေါ့။ စင်ကာပူ နိုင်ငံမှာလည်း အလုပ်ကို အချိန်နဲ့ လုလုပ်နေရလို့ တစ်နေရာနဲ့ တစ်နေရာကို အမြဲတမ်း ပြေးပြေးလွှားလွှား သွားလာနေရတယ်လို့ ကြားဖူးပါတယ်။ အချိန်ကို ရွှေနဲ့ဆက်ဝယ်နေတဲ့ စင်ကာပူတွေ၊ ဂျပန်တွေကိုတော့ ဒီကရွှေမြန်မာတွေနဲ့ ပေးတွေ့ချင်လိုက် တော့တာပဲ။ ကိုယ်တွေပဲ အချိန်လေးစား တတ်လာအောင်၊ အလုပ်ကြိုးစား တတ်လာအောင် သူတို့စွမ်းဆောင် နိုင်မလား။ ဒါမှမဟုတ် နောက်ဆုံးသူတို့ပဲ လက်မြှောက်အရှုံးပေး သွားမလား ဆိုတာကို ကြည့်စမ်းချင်သေးတယ်။

အထက်တန်း ကျောင်းသားဘ၀တုန်းကတော့ ဆရာပီမိုးနင်းရေးတဲ့ တန်ဖိုးရှိသော အချိန်လေးများဆိုတဲ့ ဆောင်းပါး သင်ခဲ့ရဖူးတယ်။ အဲဒီတုန်းကတော့ မရင့်ကျက်သေးတဲ့ ကလေးအတွေးနဲ့ ဆရာပီမိုးနင်းရေးတဲ့ တန်ဖိုးရှိတဲ့ အချိန်ဆိုတာကို မခံစားနိုင်ခဲ့ဘူး။ စိတ်ထဲမှာတော့ သူပြောသလောက်လည်း အချိန်က အဖိုးမတန်ပါဘူး။ ငါတို့ဆီမှာ အချိန်တွေ အများကြီးပါလို့ ထင်မိတယ်။ ဟုတ်တော့လည်း ဟုတ်ပါတယ်။ အချိန်ဆိုတာ အသုံးမလိုတဲ့ သူဆီမှာတော့ ပိုလျှံနေပေမယ့် တကယ့်ကို တန်ဖိုးရှိအောင် အသုံးချနေတဲ့ သူတွေအတွက်တော့ ရှားပါးပစ္စည်း ဖြစ်နေတာကိုး။ အိုင်းစတိုင်းလို သိပ္ပံပညာရှင်တွေ၊ ဘီသိုဗင်လို အနုပညာရှင်တွေကစလို့ ဗိုလ်ချုပ်အောင်ဆန်းလို နိုင်ငံရေး သမားတွေအထိ တကယ်ထူးချွန် ပြောင်မြောက်သူတိုင်းဟာ အချိန်ကို လေးလေးစားစားနဲ့ တန်ဖိုးထား အသုံးချသွားသူတွေ ချည်းပါပဲ။ သူတို့အတွက်တော့ အနှစ် ၁၀၀ ဆိုတဲ့ လူ့သက်တမ်းဟာ နည်းလှတယ်လို့ ထင်မှတ်တတ်ကြ သူတွေပေါ့။ လူတွေဟာ နာမည်ကျော်ကြားသူတွေရဲ့ အောင်မြင်မှုတွေကိုသာ မြင်တတ်ကြတယ်။ အဲဒီ အောင်မြင်နေတဲ့ သူတွေဟာ နောက်ကွယ်မှာ အချိန်ကို လေးလေးစားစားနဲ့ ဘယ်လို အကျိုးရှိအောင် အသုံးပြုနေလဲ။ သူတို့ အချိန်တွေကို အလေအလွင့် မရှိအောင် ဘယ်လိုထိန်းသိမ်း နေလဲဆိုတာတွေကိုတော့ မျက်စိလျှမ်းနေ တတ်ကြတယ်။ 

ကမ္ဘာပေါ်မှာ ဖွံ့ဖြိုးတိုးတက်တဲ့ နိုင်ငံတိုင်း၊ ဒီနေ့ ကမ္ဘာပေါ်မှာ ထိပ်တန်းဆိုတဲ့ နိုင်ငံတိုင်းရဲ့ နိုင်ငံသားတွေဟာ သူတို့အချိန်တွေကို အပွန်းပဲ့ မခံကြဘူး။ အလဟဿ အဖြစ်မခံကြဘူး။ အချိန်တိုင်း အချိန်တိုင်းကို ရသလောက်တော့ အကျိုးရှိအောင် အသုံးချနေကြတာပဲ။ ကျွန်တော်တို့ နိုင်ငံမှာရော အဲဒီမေးခွန်းအတွက် ကျွန်တော့်ဆီမှာ အဖြေမရှိဘူး။ တကယ်လို့သာ နိုင်ငံခြားသား တစ်ယောက်က မင်းတို့လက်ဖက်ရည်ဆိုင်၊ ဘီယာဆိုင်တွေမှာ အမြဲတမ်းလိုလို လူငယ်တွေနဲ့ ဘာလို့ပြည့်နေတာလဲလို့များ မေးခဲ့ရင် ကျွန်တော်ဘယ်လို ဖြေရမလဲ။ ကျွန်တော်တို့ဆီက လူငယ်တွေမှာ အချိန်တွေ အများကြီး ပိုနေလို့ လက်ဖက်ရည်ဆိုင်၊ ဘီယာဆိုင်တွေမှာ ထိုင်ဖြုန်းနေရပါတယ်လို့ ဖြေရလောက်အောင်တော့ ကျွန်တော်သတ္တိ မရှိတာ သေချာပါတယ်။ အဲဒီလို အချိန်ဖြုန်းနေတာအပြင် အဆိုးဆုံး အချက်ကတော့ "မြန်မာစံတော်ချိန်" ဆိုတဲ့ ခပ်ပေါ့ပေါ့စကားနဲ့ အချိန်တိကျမှုဆိုတဲ့ အချက်ကို ဥပက္ခော ပြုလာတာပါပဲ။

အချိန်ဖြုန်းတဲ့သူ၊ အချိန်မလေးစားတဲ့သူဟာ သူ့တစ်ယောက်တည်းကိုပဲ ထိခိုက်စေတယ်လို့ ထင်မြင်ယူဆစရာ ရှိတယ်။ ဒါပေမဲ့ လူအများနဲ့ အဖွဲ့အစည်းနဲ့ အလုပ်လုပ်တဲ့ အခါမှာ အချိန်မလေးစား တတ်တဲ့သူတွေ ပါလာခဲ့ရင် သူတို့ဟာ အဖွဲ့အစည်းကိုပါ သူတို့နဲ့ တန်းတူဖြစ်အောင် ဆွဲချတဲ့ အတွက်ကြောင့် အဖွဲ့အစည်း တစ်ခုလုံးပါ နောက်ကျကျန်ရစ် ခဲ့တတ်ပါတယ်။ အချိန်နောက်ကျ တတ်သူကြောင့် အဖွဲ့အစည်းနဲ့ လုပ်ရတဲ့ လုပ်ငန်းတွေ ကသိကအောက် ဖြစ်ခဲ့ရတာ၊ စိတ်ပျက်လက်ပျက် ဖြစ်ခဲ့ရတာတွေဟာ မြန်မာနိုင်ငံမှာတော့ ဘယ်တော့မှ မရိုးနိုင်တဲ့ အရာတစ်ခုပါ။ နိုင်ငံတစ်ခုကိုလည်း အဖွဲ့အစည်း အနေနဲ့ မြင်ကြည့်မယ်ဆိုရင် အချိန်ကို တန်ဖိုးထား လေးစားတတ်တဲ့သူတွေများတဲ့ ဂျပန်၊ စင်ကာပူ အစရှိတဲ့ နိုင်ငံတွေဟာ နိုင်ငံငယ်ပေမဲ့လည်း တိုးတက်ဖွံ့ဖြိုးတယ်။ ဒါပေမဲ့ အချိန်ကို မလေးစားတတ်တဲ့သူ အများစုဖြစ်နေတဲ့ ကျွန်တော်တို့ နိုင်ငံကျတော့ ဒီနေ့ထိ ဆင်းရဲတွင်းကနေ မထွက်နိုင်ဘူး။ တိုင်းပြည်ဖွံ့ဖြိုးရေး တစ်ခုကိုပဲ ထိခိုက်စေတာ မဟုတ်ပါဘူး။ နိုင်ငံရဲ့ ဂုဏ်သိက္ခာကိုလည်း ကျဆင်းစေပါတယ်။ အနောက်တိုင်းသား ဆရာသင်တဲ့ သင်တန်းတစ်ခုမှာ ဆရာက သင်တန်းချိန်ကို ပြင်းပြင်းထန်ထန် ကိုင်တွယ်ပါတယ်။ သင်တန်းချိန် အတိအကျ ရောက်ပြီဆိုတာနဲ့ ဘယ်သူ့ကိုမှ မစောင့်ဘဲ သင်လေ့ရှိတယ်။ ဒါပေမဲ့လည်း ဟောရင်းသာ ပျံတော်မူမယ်၊ ဆန်ဖြူဖြူ တစ်ခွက်လောက်မှ ရနိုင်မှာ မဟုတ်ဘူးဆိုတဲ့ အတိုင်းပဲ သင်တန်းသားတွေကတော့ နောက်ကျမြဲ။ ဆရာ စာသင်နေရင်း Excuse me ဆိုတဲ့ စကားနဲ့ အနှောင့်အယှက် ပေးမြဲပါပဲ။ နောက်တော့ ဆရာက ဘာပြောလဲဆိုတော့ "စိတ်မပူပါနဲ့ ငါမြန်မာနိုင်ငံကို ရောက်တာကြာပြီမို့ ဒါမျိုးတွေ ရိုးနေပါပြီ" တဲ့။ သူ့စိတ်ထဲမှာတော့ မြန်မာလူမျိုးတွေ အားလုံးဟာ အချိန်ကို မလေးစားတတ်တဲ့ သူတွေလို့များ မှတ်ချက်ပေးသွားမလား မသိဘူး။ နိုင်ငံခြားသား တစ်ယောက်က ကိုယ့်နိုင်ငံကို အချိန်မလေးစားကြောင်း ပြောတဲ့စကားကိုပဲ ချီးမွမ်းတဲ့ စကားလိုမျိုး ရယ်မောနေကြသူတွေက ရယ်မောနေလေရဲ့။ ဂုဏ်ယူစရာလို့များသာ ထင်နေရင်တော့ ကျွန်တော်တို့နိုင်ငံ ရေတိမ်နစ်ရချည်ရဲ့။

ဒီနိုင်ငံမှာ အချိန်မလေးစားမှုဟာ စိုးရိမ်ရေမှတ်တစ်ခုရောက်အောင် ဖြစ်နေပြီလို့ ကျွန်တော်ပြောရင် လွန်မယ်မထင်ဘူး။ သူငယ်ချင်း အချင်းချင်း ချိန်းဆိုကြတာက အစပြုလို့ နိုင်ငံတော် အခမ်းအနားတွေ အထိတောင် အချိန်နောက်ကျတာ အထူးအဆန်းတစ်ခု၊ ရှက်စရာ တစ်ခုအဖြစ် မသတ်မှတ်တော့ဘူး။ မနက် ၈ နာရီ စမယ်ဆိုတဲ့ အခမ်းအနား တစ်ခုဟာ ၉ နာရီထိ လူမစုံသေးလို့ အစမပျိုးနိုင်ဘူး။ တကယ်တမ်း အချိန်အတိအကျ စမယ်ဆိုတော့လည်း အချိန်တိတိကျကျ လာတတ်တဲ့ လူနှစ်ယောက် တစ်ပိုင်းလောက်နဲ့ စရတယ်။ ဤကိုကျွဲဖတ်နေကြတဲ့ သူတွေကြားမှာ အချိန်တိကျမှုဆိုတာ ပျောက်ကွယ်လာတဲ့အခါ အချိန်တိကျတဲ့ သူတွေဘက်ကလည်း စိတ်ပျက်လာကြတယ်။ နောက်ဆုံး သူတို့ကိုယ်တိုင်ပါ မိုးခါးရေသောက်ရတဲ့ အဖြစ်ကို ရောက်သွားတယ်။ ဒီလိုနဲ့ပဲ မြန်မာစံတော်ချိန်ဆိုတဲ့စကား တွင်တွင်ကျယ်ကျယ် ဟာသဖြစ်လာပါလေရော။ အချိန် မလေးစားတတ်သူဟာ တာဝန်ယူမှုဆိုတဲ့ အချက်ကိုပါ နားမလည်သူပါပဲ။ အပေါင်းအသင်း လုပ်ဖော်ကိုင်ဖက်တွေထဲမှာ နောက်ကျတတ်တဲ့ အချိန်မလေးစား တတ်တဲ့သူတွေရှိရင် သူ့ကိုစောင့်ရတဲ့ သူတွေအတွက် အလကားနေရင်း အချိန်တွေကုန် အလုပ်တွေပျက် ဖြစ်ရတယ်။

ဒီမြန်မာစံတော်ချိန်ဆိုတဲ့ အပြောင်အပြက် စကားဟာ ကိုယ့်နိုင်ငံ သိက္ခာကို ကိုယ့်ဘာသာ ချနေတာပါ။ မြန်မာစံတော်ချိန်ပေါ့လို့ ခပ်ပေါ့ပေါ့ ပြောလိုက်တဲ့ စကားနောက်မှာ အချိန်မလေးစားမှုဆိုတဲ့ အင်မတန် ရှက်စရာကောင်းတဲ့ အပြုအမူတစ်ခု ရှိတယ်ဆိုတဲ့ အချက်ကို မေ့မထားကြပါနဲ့။ အချိန်လေးစားမှုဆိုတာ ငွေကြေးနဲ့ အောင်မြင်ကျော်ကြားမှုတွေ အားလုံးရဲ့ လျှို့ဝှက်ချက် တစ်ခုပါ။ လူတိုင်းဟာ ကိုယ့်ကံကြမ္မာ ကိုယ်ဖန်တီး ကြရတာပါပဲ။ အချိန်ကို အကျိုးမဲ့ ဖြုန်းတီးတယ်ဆိုတာ ကိုယ့်ဘ၀ကို ကိုယ့်လက်နဲ့ ဖျက်ဆီးနေတာနဲ့ တူတယ်။ အချိန်လွန်မှရတဲ့ နောင်တဟာ ၀မ်းနည်းပူဆွေးရတာထက် မပိုပါဘူး။ အချိန် မလေးစားတတ်တဲ့သူဟာ အပေါင်းအသင်းတွေ ကြားမှာလည်း နာမည်ပျက်ရမယ်၊ အလုပ်အကိုင်လည်း အဆင်ပြေနိုင်မှာ မဟုတ်ဘူး။ နောက်ဆုံး မြန်မာဆိုတဲ့ အမျိုးကိုက အချိန်မလေးစားတတ်တဲ့ မတိကျတဲ့ အမျိုးလားဆိုပြီး လူမျိုးခြားတွေကပါ အထင်သေးပါလိမ့်မယ်။ 

လူတိုင်းလူတိုင်းဟာ အထင်ကြီး ခံချင်ကြတယ်။ သူများ အထင်သေးမှာကို ကြောက်တတ်ကြတယ်။ ဒါပေမဲ့ အဲလို သူများအထင်သေးအောင် လုပ်နေတာလည်း ကိုယ်ပါလားဆိုတဲ့ အချက်ကိုတော့ မေ့ထားတတ်ကြတယ်။ ဒီလိုသာ အချိန်မလေးစားဘဲ မြန်မာစံတော်ချိန်ဆိုတဲ့ စကားနဲ့ပဲ အပြောင်အပြက် ရှေ့ဆက်နေကြဦးမယ် ဆိုရင်တော့ ကမ္ဘာမှာ မြန်မာဟေ့လို့ လက်မထောင်နိုင်မယ့် အချိန်ဆိုတာ အဝေးကြီး ဝေးနေရဦးမှာပါပဲ။

မန္တလေးမရမ်းခြံဆိပ်ကမ်းတွင် ကုန်တင်မော်တော်တစ်စီး ယနေ့ မီးလောင်မှုဖြစ်ပွား

Posted by drmyochit Tuesday, November 12, 2013, under | No comments






မန္တလေး၊ နိုဝင်ဘာ ၁၂ 
မန္တလေး၂၆လမ်း၊ ကမ်းနားလမ်းထောင့်ရှိ မရမ်းခြံဆိပ်ကမ်းတွင် နိုဝင်ဘာ ၁၂ ရက်နေ့လယ် ၁၂နာရီခန့်က မော်တော်တစ်စီး မီးလောင်မှုဖြစ်ပွားခဲ့ကြောင်းမြို့ခံတစ်ဦးကပြောသည်။ 

စန္ဒာမင်းအမည်ဖြင့် သစ်သားမော်တော်အမျိုးအစားဖြစ်ပြီး ကနဦးသတင်းများအရ အထက်သို့ဆန်တက်ရန် ဆီဖြည့်စဉ် စက်နှိုးရာမှ မီးလောင်သည်ဟု သတင်းများထွက်ပေါ်လျှက်ရှိပြီး အတိကျ မသိ ရှိရသေးပေ။ 
၁၂နာရီလောက်ကဖြစ်တာ ၀ုန်းဆိုတဲ့အသံကြီးကြားလို့ ထကြည့်တာ။ ဗုန်းပေါက်တယ်မှတ်တာ။ မြေကြီးကို တုန်သွားတာပဲ။ ပြီးမှ မော်တော်ပေါ်ကဖြစ်မှန်းသိတာ။ လူတွေကယ်မလို့ပြေးသွားတာ အနားရောက် တော့တစ်လုံးထပ်ပေါက်တယ်။ အဲ့ဒါနဲ့ကြောက်ပြီး အပေါ်မတက်ရဲတော့ဘူးဟု ကယ်ဆယ်ရန်သွားရောက်ခဲ့သူ ကမ်းနားလမ်းတွင်နေထိုင်သူ ဦးမြင့်ကိုက ပြောသည်။ ကျား ၆ဦး မ ၁ဦး ထိခိုက်ဒဏ်ရာရရှိသည်ဟု သတင်းများထွက်ပေါ်နေသော်လည်း သက်ဆိုင်ရာမှာ တရားဝင်မထုတ်ပြန်သေးပေ။ ၁၂နာရီ ၁၅မီးနစ်တွင် စတင်လောင်ကြွမ်းပြီး ၁နာရီတွင်မီးငြိမ်း သွားသည်ဟု တာဝန်ရှိသူများက ပြောကြားသော်လည်း ယခုအချိန်ထိ မီးငြိမ်းသက်လျှက်ရှိနေသည်။ မော်တော်က ဒီဇယ်မော်တော်ပါ။ ဒါပေမယ့် ပေပါဆယ်လုံးမှာ တစ်လုံးနှစ်လုံးလောက် ဓာတ်ဆီပါတယ်ထင်တယ်။ အဲ့ဒါကြောင့် လောင်ကြွမ်းမှုဖြစ်သွားတာ။ မော်တော်က အထက်ကိုဆန်တော့မလို့ စက်ဆရာကို စက်တွေဘာတွေခေါ်စစ်နေတာ။ စစ်နေတုန်းဖြစ်သွားတာဟု မော်တော်ပိုင်ရှင်၏မိတ်ဆွေ ဦးစိန်လင်းက ပြောသည်။ဖိုးလပြည့်
popular journal 

"စူပါတိုင်ဖွန်းဒဏ်ခံရသည့် ဖိလစ်ပိုင်တွင် ယနေ့ ငလျင်လှုပ်ခတ်"

Posted by drmyochit Tuesday, November 12, 2013, under | 2 comments


ဖိလစ်ပိုင်နိုင်ငံ ဘိုဟိုလ်ကျွန်းတွင် ပြင်းအား ရစ်ခ်ျတာစကေး ၄.၈ အဆင့်ရှိ မြေငလျင်တစ်ခု ယနေ့ လှုပ်ခတ်သည်။ ဖိလစ်ပိုင်တွင် စူပါတိုင်ဖွန်းမုန်တိုင်း Haiyan ဝင်ရောက်တိုက်ခတ်မှုအပြီး ရက်ပိုင်းအကြာ၌ ယခု ငလျင်လှုပ်ခတ်မှု ဖြစ်ပွားခဲ့ခြင်းဖြစ်သည်။

ငလျင်သည် စန်အစ်ဒရိုဒေသတွင် ဗဟိုပြုလှုပ်ခတ်ခဲ့ခြင်းဖြစ်ကြောင်း USGS က ဖော်ပြသည်။ ယခု ငလျင်သည် ပြီးခဲသည့် အောက်တိုဘာ ၁၅ ရက်က အဆိုပါဒေသတွင် ရစ်ခ်ျတာစကေး ၇.၂ ရှိ အင်းအားပြင်း ငလျင်လှုပ်ခတ်မှုအပြီး ဒုတိယမြောက် ငလျင်လှုပ်ခတ်မှုလည်းဖြစ်သည်။
အောက်တိုဘာ ၁၅ ရက်က လှုပ်ခတ်ခဲ့သည့် ငလျင်ကြောင့် လူ ၂၂ ဦး သေဆုံးခဲ့ပြီး အခြား ဒေသခံ အများအပြား အိုးအိမ်မဲ့ဖြစ်ခဲ့ရသည်။ ဖိလစ်ပိုင်တွင် ယခုရက်ပိုင်းအတွင်း အားအလွန်ကောင်းလှသည့် စူပါတိုင်ဖွန်းမုန်တိုင်း Haiyan ဝင်ရောက်တိုက်ခတ်မှုကြောင့် လူပေါင်း တစ်သောင်းကျော် သေဆုံးဖွယ်ရှိပြီး ပျက်စီးဆုံးရှုံးမှု ဆိုးရွားစွာ ကြုံတွေ့ခဲ့ရသည်။ ဖိလစ်ပိုင်သည် သဘာဝဘေးအန္တာရာယ် အများဆုံး ကြုံတွေ့ခံစားရသော နိုင်ငံတစ်နိုင်ငံအဖြစ် တည်ရှိနေသည်။

Planet Myanmar Network

OIC မြန်မာပြည်သို့လာရောက်လေ့လာမည့် အစီအစဉ်အားကန့်ကွက်ဆန္ဒထုတ်ဖေါ်

Posted by drmyochit Tuesday, November 12, 2013, under | No comments








OIC မြန်မာပြည်သို့ လာရောက်လေ့လာမည့် အစီအစဉ်နှင့် ပတ်သက်၍ နိုဝင်ဘာလ ၁၂ ရက်နေ့ နေ့လည် ၂နာရီအချိန်မှ စတင်ပြီး ရန်ကုန်မြို့ ရွှေတိဂုံဘုရား အရှေ့ဘက်မုဒ်ရှိ ကြေးသွန်းဘုရားကြီးရှေ့မှ ဆူးလေစေတီ၊မြို့တော်ခန်းမရှေ့သို့ လမ်းလျောက်ချီတက်ပြီး ဆန္ဒထုတ်ဖော်နေကြောင်း သိရသည်။ အဆိုပါဆန္ဒထုတ်ဖော်မှုတွင် သံဃာနှင့် ပြည်သူများ ပါဝင်ဆန္ဒထုတ်ဖော်မည်ဖြစ်ပြီး ဗဟန်းမြို့နယ်နှင့် ကျောက်တံတားမြို့နယ်ရဲစခန်းတို့မှ ခွင့်ပြုချက် ရရှိပြီးဖြစ်ကြောင်း မကွေးပရိယတ္တိ စာသင်တိုက်မှ ဆရာတော်ဦးပါမောက္ခက မိန့်ကြားခဲ့သည်။

Eleven Media Group

လုပ်ကြံခံရသော သေနတ်ပစ် အားကစားသမားဟောင်းအမှုတွင် သတ်ခိုင်းကြောင်း ယောက္ခမဝန်ခံ

Posted by drmyochit Tuesday, November 12, 2013, under | No comments


နိုင်ငံ့လက်ရွေးစင် သေနတ် ပစ်အားကစားသမားဟောင်း ဂျက်ခရစ်သည် လွန်ခဲ့သောလ က ၎င်း၏ကိုယ်ပိုင်ကားအတွင်း သေနတ်ဒဏ်ရာဖြင့် သေဆုံးခဲ့ ခြင်းဖြစ်သည်။ မစ္စဆူရန်က ၎င်း ၏သမီးဖြစ်သူ ဒေါက်တာနစ်တီ ဝက်ဒီကို သမက်ဖြစ်သူက နှိပ်စက် ညှဉ်းပန်းခြင်းကြောင့် ယခုကဲ့သို့ ပြုလုပ်ခဲ့ခြင်းဖြစ် သည်ဟု ဝန်ခံခဲ့ သည်။

အသက်၇၂နှစ် ရှိပြီဖြစ်သော မစ္စဆူရန်က ၎င်း၏ တစ်ဦးတည်း သော သမီးလေးသည် ယောက်ျား အား လွန်စွာ ချစ်မြတ်နိုးကြောင်း နှင့် သမက်ဖြစ်သူက သားအမိ နှစ်ဦးစလုံးအပေါ်တွင် အနိုင်ကျင့် ညှဉ်းပန်းနှိပ်စက်မှုများ ပြုလုပ်ခဲ့ပြီး သားအမိနှစ်ဦးမှာ တစ်ဦးကို တစ်ဦး ဖြေသိမ့်နေခဲ့ရသည်ဟု ရင်ဖွင့်ခဲ့သည်။

ထို့နောက် သမက်ဖြစ်သူမှာ ထောင်ကျခဲ့ပြီး ထောင်မှ လွတ် မြောက်လာသောအခါ ယခင်အတိုင်းပင် ဇနီးဖြစ်သူကို ရိုက်နှက် ခြင်းများပြုလုပ်ခဲ့ပြီး မိမိအနေ ဖြင့် ဝင်ရောက်ပြောဆိုနိုင်စွမ်းမ ရှိခဲ့ကြောင်း ပြန်လည်ပြောပြခဲ့ သည်။ သမီးဖြစ်သူမှာလည်း လင် ယောက်ျားကိုအပြစ်မမြင်ဘဲ ဆက် လက်ပေါင်းသင်းခဲ့ပြီး တတိယ မြောက်ကိုယ်ဝန်မှာ ယောက်ျား ၏ရိုက်နှက်ညှဉ်းပန်းမှုကြောင့် ပျက်ကျခဲ့ရသည်ဟု ဆိုသည်။

ထို့ကြောင့် မိမိသည် သမက် အား သတ်ရန်အတွက် သေနတ် သမားကို ငှားရမ်း စီစဉ်ခဲ့ခြင်းဖြစ် သည်ဟု အကြောင်းစုံကို ဝန်ခံခဲ့ သည်။ မစ္စဆူရန်သည် လူသတ်မှု ၏ နောက်ကွယ်မှ တရားခံမှန်း သမီးဖြစ်သူ သိရှိသောအခါ မိခင် ဖြစ်သူ၏ သူမအပေါ်ချစ်ခင်သော စိတ်ကိုသိရှိနားလည်၍ မိခင် အစားထောင်ကျခံရန် ကြိုးပမ်းခဲ့ သည်ဟု သိရသည်။ ထိုင်းရဲ အာဏာပိုင်များ သည် အဆိုပါ လူသတ်မှုနှင့် ပတ်သက်၍ စုံစမ်းစစ်ဆေးနေဆဲ အချိန်တွင် မစ္စဆူရန်က ယခုကဲ့သို့ ဝန်ခံလိုက်ခြင်းဖြစ်သည်ဟု သိရ သည်။

Yangon Media Group

နယ်သာလန် ဘုရင်ကို ရုရှား အတိုက်အခံများ ခရမ်းချဉ်သီးဖြင့် ပေါက်ပြီး ဆန္ဒပြ

Posted by drmyochit Tuesday, November 12, 2013, under | No comments


ရုရှားဖယ်ဒရေးရှင်း နိုင်ငံသို့ လာရောက် လည်ပတ်သော နယ်သာလန် ဘုရင်ကို ရုရှား အတိုက်အခံများက ခရမ်းချဉ်သီးများဖြင့် ပစ်ပေါက်ကာ ရုရှား အတိုက်အခံ ခေါင်းဆောင် တစ်ဦးက ခိုလှုံခွင့် ပယ်ချခဲ့ခြင်းအား ကန့်ကွက် ဆန္ဒပြခဲ့ကြကြောင်း AFP သတင်းတစ်ရပ်က ဖော်ပြ ထားသည်။ 

နယ်သာလန်ဘုရင် ဝီလန်အလက်ဇန္ဒားက မြို့တော်မော်စကိုသို့ အလည်အပတ် ရောက်လျက်ရှိစဉ် နယ်သာလန်သို့ ခိုလှုံခွင့် တောင်းခံစဉ် လက်မခံခဲ့သဖြင့် မိမိကိုယ်ကိုယ် သတ်သေသွားခဲ့သော အတိုက်အခံ တစ်ဦးအတွက် မကျေနပ်သူများက ခရမ်းချဉ်သီးဖြင့် ပေါက်ကြခြင်း ဖြစ်သည်။
သို့သော် ဘုရင်ကို ခရမ်းချဉ်သီးများ မထိခဲ့ကြောင်း Ria Novosti သတင်း အေဂျင်စီက ရေးသား ဖော်ပြထားသည်။ 

The Other Russia ဟု အမည်ရသည့် အတိုက်အခံပါတီ၏ ခေါင်းဆောင် တစ်ဦးဖြစ်သူ ဆာဂျီအက်က်ဆန်နော့ဗ်က ခရမ်းချဉ်သီးဖြင့် ပေါက်သည့် ဆန္ဒပြပွဲကြောင့် အတိုက်အခံနှစ်ဦး အဖမ်းခံရကြောင်း ၎င်း၏ twitter စာမျက်နှာတွင် ရေးသား ဖော်ပြထားသည်။ 

ပူတင် ဆန့်ကျင်ရေး ဆန္ဒပြပွဲများတွင် ပါဝင်ခဲ့ကာ အဖမ်းခံခဲ့ရပြီးနောက် နောက်ထပ် စွပ်စွဲချက်များဖြင့် ထပ်မံ အဖမ်းခံရမည်ကို စိုးရိမ်သောကြောင့် နယ်သာလန်သို့ ထွက်ပြေးခဲ့သော အဆိုပါ ပါတီဝင် ဒိုမာတော့ဗ် ဆိုသူကို ခိုလှုံခွင့် ငြင်းပယ်ခဲ့ သဖြင့် နောက်ပိုင်းတွင် သူလည်း မိမိကိုယ်ကိုယ် သတ်သေ သွားခဲ့သည်။ 

ဒတ်ခ်ျဘုရင်သည် မော်စကိုသို့ နိုင်ငံတော် ခရီးစဉ် အလည်အပတ် လာရောက်ခဲ့ပြီး ရုရှားသမ္မတ ပူတင်နှင့် တွေ့ဆုံခဲ့ကာ နှစ်နိုင်ငံ ဆက်ဆံရေး ဆိုင်ရာများ ပြောဆို နှီးနှောခဲ့သည်။ 

မကြာသေးခင်က ရုရှား-နယ်သာလန် ဆက်ဆံရေးသည် အေးစက် တင်းမာခဲ့ပြီး နယ်သာလန်အလံ လွှင့်ထူထားသော သဘာဝ ပတ်ဝန်းကျင်အရေး လှုပ်ရှားသည့် Greenpeace သင်္ဘောက ရုရှား Gazprom အာတိတ်သမုဒ္ဒရာ ရေနံတူးစင်ကို သွားရောက် ဆန္ဒပြခဲ့ခြင်းအား ရုရှား ရေတပ်က လာရောက် ဖမ်းဆီးခြင်းကြောင့် ဖြစ်သည်။ 

နယ်သာလန်နိုင်ငံ အခြေစိုက် ရုရှားသံရုံးမှ ကောင်စစ်ဝန်ကိုလည်း ၎င်း၏ သားသမီးများကို ဆက်ဆံပြုမူပုံအား အိမ်နီးချင်းမှ တိုင်သဖြင့် ဒတ်ခ်ျရဲများက လာရောက် ဖမ်းဆီးခဲ့သည့် အတွက်လည်း နှစ်နိုင်ငံ သံခင်းတမန်ခင်း ထိခိုက်မှုများ ရှိခဲ့ဖူးသည်။ 

ယခု နယ်သာလန် ဘုရင်ကိုယ်တိုင် ရုရှားသို့ ရောက်ရှိလာခဲ့ပြီး ရုရှားသမ္မတ ဗလာတီမာပူတင်က ကရင်မလင် နန်းတော် မှနေ၍ ဧည့်ခံ ကြိုဆိုခဲ့သည်။
ဘုရင်အလက်ဇန္ဒား ခရမ်းချဉ်သီးဖြင့် ပေါက်ခံရခြင်းနှင့် ပတ်သက်၍ နယ်သာလန် အစိုးရဘက်က တစ်စုံတစ်ရာ မှတ်ချက်ပြု ပြောဆိုခြင်း မရှိသေးပေ။

AFP

ဟယ်လန်ကို မျက်နှာဖုံးတင်ရန် Playboy ပိုင်ရှင်ကိုယ်တိုင် ဆွေးနွေးရန်စီစဉ်

Posted by drmyochit Tuesday, November 12, 2013, under | No comments








Playboy၏ အယ်ဒီတာချုပ် အဖြစ်လည်း တာဝန်ယူထားသည့် ဟုဂ်ျဟက်ဖ်နာသည် လာမည့်နှစ် အစောပိုင်းတွင် ထုတ်ဝေမည့် မဂ္ဂဇင်း၏ မျက်နှာဖုံးရှင် နေရာအတွက် အသက်(၂၃)နှစ်ရှိ မော်ဒယ်လ်ကို အထူးတလည် လိုလား တောင့်တနေကြောင်း သတင်းများက ဖော်ပြခဲ့သည်။
နာမည်ကျော် ကာလသားကြိုက် မဂ္ဂဇင်းကြီး Playboy၏ မျက်နှာဖုံးရှင်အဖြစ် ဟယ်လန် ဖလာနာဂန်ကို ရွေးချယ်ရန် မဂ္ဂဇင်းပိုင်ရှင်ကိုယ်တိုင် ဆွေးနွေးမည်ဟု သိရသည်။ Playboy၏ အယ်ဒီတာချုပ် အဖြစ်လည်း တာဝန်ယူထားသည့် ဟုဂ်ျဟက်ဖ်နာသည် လာမည့်နှစ် အစောပိုင်းတွင် ထုတ်ဝေမည့် မဂ္ဂဇင်း၏ မျက်နှာဖုံးရှင် နေရာအတွက် အသက်(၂၃)နှစ်ရှိ မော်ဒယ်လ်ကို အထူးတလည် လိုလား တောင့်တနေကြောင်း သတင်းများက ဖော်ပြခဲ့သည်။ ဟုဂ်ျသည် ယင်းအခြေအနေအတွက် လော့စ်အန်ဂျလိစ်ထိ သွားရောက်ပြီး ဟယ်လန်နှင့် ဆွေးနွေးဖွယ် ရှိနေသည်။ ပြီးခဲ့သည့်လက ဟုဂ်ျနှင့် ဟယ်လန်တို့ တွေ့ဆုံဖြစ်ခဲ့ရာ ဟုဂ်ျက ဟယ်လန်တွင် Playboy မဂ္ဂဇင်း မျက်နှာဖုံးရှင် ဖြစ်ထိုက်သည့် ကိုယ်ရည်ကိုယ်သွေးအားလုံး ပြည့်စုံနေသည်ဟု ယုံကြည်ခဲ့ကြောင်း နီးစပ်သူများက မှတ်ချက်ပြုခဲ့သည်။

အသက်(၈၇)နှစ်ရှိ ဟုဂ်ျ၏ မိတ်ဆွေတစ်ဦးက "Playboy မဂ္ဂဇင်း တာဝန်ရှိသူတွေ အားလုံးက ဟယ်လန်ဟာ မျက်နှာဖုံးရှင် ဖြစ်လာမယ်လို့ မျှော်လင့်ထားကြပါတယ်။ နှစ်တိုင်းနှစ်တိုင်း မိန်းကလေးတွေ အများကြီးကို မျက်နှာဖုံးရှင် နေရာအတွက် သူတို့စဉ်းစားကြတာပါ။ ဒါပေမဲ့ ဟယ်လန်ကိုတော့ ဟုဂ်ျကိုယ်တိုင်က အထင်ကြီးနေပြီး သူ့အတွက် အခွင့်အရေးက အများကြီး ပိုမြင့်မားနေပါတယ်။ ဟုဂ်ျက ဗြိတိသျှ အမျိုးသမီးတွေကို သဘောကျပါတယ်။ ပြီးတော့ ဟယ်လန်ဟာ အံ့ဩစရာ ထူးခြားတဲ့ အမျိုးသမီး တစ်ယောက်လို့လည်း သူက ယူဆထားတယ်။ ပြီးတော့ Playboyရဲ့ မျက်နှာဖုံးရှင်အဖြစ် လုံးဝ ထိုက်တန်ကြောင်း သူကိုယ်တိုင် အကြွင်းမရှိ ယုံကြည်ထားတာပါ"ဟု ပြောကြားသွားခဲ့သည်။ ဟုဂ်ျသည် ဒီဇင်ဘာလ အစောပိုင်းခန့်တွင် ဟယ်လန်နှင့် ညှိနှိုင်းမှုများ ပြုလုပ်ဖွယ် ရှိနေပြီး အကယ်၍ အဆင်ပြေ ချောမွေ့ပါက ဇန်နဝါရီလထုတ် မဂ္ဂဇင်းတွင် ဟယ်လန်က မျက်နှာဖုံးရှင် ဖြစ်လာနိုင်ကြောင်းလည်း သိရှိရသည်။
Planet Myanmar Network

ဖြစ်သင့်တဲ့ လျှပ်စစ် မီတာခ ဆိုရင် လွှတ်တော်က ထောက်ခံမယ်

Posted by drmyochit Tuesday, November 12, 2013, under | No comments


တိုးမြှင့် ကောက်ခံတဲ့ မီတာခ နှုန်းဟာ ဖြစ်သင့် ဖြစ်ထိုက်တယ်လို့ လွှတ်တော် ကိုယ်စားလှယ်တွေ လက်ခံအောင် ပြနိုင်ရင် အားလုံး ဝိုင်းဝန်း ထောက်ခံဖို့ လွှတ်တော် ကိုယ်စားလှယ် တိုင်းမှာ ဆန္ဒရှိတယ်လို့ ပြည်သူ့ လွှတ်တော် ရင်းနှီး မြှုပ်နှံမှုနဲ့ စက်မှု လက်မှု ဖွံ့ဖြိုးတိုးတက်ရေး ကော်မီတီ အတွင်း ရေးမှူး ဖြစ်သူ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး ပါတီ ပြည်သူ့ လွှတ်တော် ကိုယ်စားလှယ် ဦးကြည်သာက ပြောပါတယ်။

မီတာခတွေ တက်မယ်လို့ ကြေညာ ပြီးတဲ့နောက် ပြည်သူတွေရဲ့ မကျေမနပ် ကန့်ကွက်သံတွေ ကြားလာ ရတဲ့ အတွက် လွှတ်တော်ရဲ့ ဆုံးဖြတ်ချက်၊ ပြည်သူ့ ဆန္ဒတို့ အရသာ ဆက်လုပ် ပါ့မယ်လို့ လျှပ်စစ် စွမ်းအား ဝန်ကြီး ဦးခင်မောင်စိုးက ပြောဆိုလာ တာ ဖြစ်ပါတယ်။
လောလောဆယ် တစ်နိုင်ငံလုံး အတိုင်း အတာ အရ ၃၀ ရာခိုင်နှုန်းကိုပဲ ဓါတ်အား ပေးနိုင် သေးတယ်၊ လာမယ့် နှစ်တွေ အတွင်း ၅၀ ရာခိုင်နှုန်း လျှပ်စစ်မီး ရနိုင်ဖို့ ဒေါ်လာသန်း ပေါင်း ၁၅၀၀ ကုန်ကျမယ်လို့ တနင်္ဂနွေ နေ့က မြန်မာ ငြိမ်းချမ်းရေး စင်တာမှာ အစိုးရ ဝန်ကြီးတွေက နိုင်ငံရေး ပါတီတွေနဲ့ တွေ့ဆုံပွဲမှာ ပြောခဲ့ ပါတယ်။

ဦးကြည်သာ ကတော့ ဘဏ္ဍာငွေ မရှိလို့ ပြည်သူတွေ လျှပ်စစ်မီး မရနိုင်ဘူးဆိုတာ မဖြစ်သင့်တဲ့ အပြင် ဒီငွေ ပမာဏ လိုတယ် ဆိုတာ ကိုလည်း ရာနှုန်းပြည့် လက်မခံ နိုင်ဘူးလို့ ပြောပါတယ်။

ရှုံးတယ် ဆိုရင်လည်း ဘာကြောင့် ရှုံးတယ် ဆိုတာ တိတိ ကျကျ ရှင်းပြဖို့ လိုအပ်တယ်၊ တကယ် ရှုံးသင့်လို့ ရှုံးတယ် ဆိုရင် လွှတ်တော်ကို ဘတ်ဂျက်ငွေ တင်ပြလာတဲ့ အခါ တိုင်းပြည်နဲ့ ပြည်သူ့ အကျိုး အတွက် ခွင့်မပြု နိုင်စရာ မရှိဘူးလို့ သူက ပြောပါတယ်။

အခုနှစ် ဘတ်ဂျက်ကို ကြည့်ရင် စွမ်းအင် ကဏ္ဍ အတွက် သုံးစွဲငွေက နံပတ် ၁ နေရာမှာ ရှိနေပြီး ကာကွယ်ရေး အသုံး စရိတ်က နံပတ် ၃ နေရာမှာ ရှိတယ်၊ လျှပ်စစ်မီး ရရှိရေး အတွက် ဘဏ္ဍာငွေ တစ်ခုတည်းက အဓိက မဟုတ်ဘဲ ကျန်တဲ့ အခက် အခဲတွေလည်း အများကြီး ရှိနေတဲ့ အတွက် အချိန် တော့ ယူရလိမ့်မယ် လို့ ဦးကြည်သာက ပြောပါတယ်။

BBC

နိုင်ငံရေးအကျဉ်းသားတွေ ထိုက်သင့်တဲ့ ထောက်ပံ့မှု မရလို့ AAPP ကို တရားစွဲမယ်

Posted by drmyochit Tuesday, November 12, 2013, under | No comments


ြ်မန်မာနိုင်ငံ အနှံ့အပြားမှာရှိတဲ့ နိုင်ငံရေးအကျဉ်းသားပေါင်း ၇၀၀ ကျော်ဟာ အေအေပီပီက နိုင်ငံရေးအကျဉ်းသားတွေကို ရှင်းပြ ပေးထားတဲ့ ထောက်ပံ့မှု အခြေအနေ ၉ ချက်အရ၊ သူတို့မရရှိတာက ၇ ချက်လောက် ရှိတယ်ဆိုပြီး တရားစွဲဖို့ ပြင်ဆင်နေတာ ဖြစ်ပါတယ်။

၂၀၀၃ တုန်းက ဗြိတိသျှ သံရုံးရှေ့မှာ ဆန္ဒပြခဲ့လို့ ထောင်ဒဏ် ၁၅ နှစ်ချမှတ်ခံရပြီး သမ္မတရဲ့ လွတ်ငြိမ်း ချမ်းသာခွင့်နဲ့ ၂၀၁၁မှာ သာယာဝတီထောင်က လွတ်မြောက်လာတဲ့ နိုင်ငံရေးအကျဉ်းသားဟောင်း ကိုဇော်လင်းဦးက အေအေပီပီဆီကနေ သူတို့ အမှန်တကယ်မရခဲ့ဖူးတဲ့ ခံစားခွင့်တွေ အတွက် အကျဉ်းသားဟောင်းတွေ အားလုံးစုပြီး တရားစွဲမှာ ဖြစ်တယ်လို့ ပြောပါတယ်။

ဒီကိစ္စနဲ့ ပတ်သက်ပြီး အေအေပီပီရဲ့ တွဲ့ဘက်အတွင်းရေးမှူး ကိုဘိုကြည်ကို ဘီဘီစီက ဆက်သွယ်ကြည့်တော့ သူတို့အနေနဲ့ ထိုင်းနိုင်ငံမှာ အခြေစိုက်တာကြောင့် ထိုင်းတရားဥပဒေ လုပ်ထုံး လုပ်နည်း အရ လိုက်နာ ဆောင်ရွက်နေတယ် တရားစွဲလိုတယ် ဆိုရင် ထိုင်းနိုင်ငံကိုလှမ်းပြီး တရားစွဲနိုင်တယ်လို့ ပြောပါတယ်။
အေအေပီပီက သူတို့လုပ်ငန်းစဉ်နဲ့ ပတ်သတ်ပြီး နိုင်ငံရေးအကျဉ်းသားတွေကို ရှင်းပြထားတဲ့စာထဲမှာ နိုင်ငံရေးအကျဉ်းသားတွေကို တလ ထိုင်းဘတ်ငွေ ၅၀၀ နှုန်း၊ အရေးပေါ် ကျန်းမာရေးစောင့်ရှောက်မှုအတွက် ဘတ် ၂၀၀၀၊ ကျန်းမာရေးစောင့်ရှောက်မှုအတွက် ဘတ် ၁၀၀၀၊ အကျဉ်းသားမိသားစုတွေရဲ့ သားသမီးတွေ ပညာရေးအတွက် အကြောင်းအရာ ၉ ခုနဲ့ ထောက်ပံ့ငွေတွေ ပေးတဲ့အထဲက အများစုဟာ ၂ ခုလောက်အတွက်ပဲ ရကြသလို ထောက်ပံ့ငွေ လုံးဝမရခဲ့တဲ့သူတွေလည်း ရှိတယ်လို့ နိုင်ငံရေးအကျဉ်းသားဟောင်းတွေက ဆိုပါတယ်။


ဒီလို မရခဲ့တဲ့အတွက် နိုင်ငံတဝှမ်းမှာရှိတဲ့ နိုင်ငံရေးအကျဉ်းသားဟောင်းတွေက ကိုယ်နဲ့သက်ဆိုင်တဲ့ ပြည်နယ်၊ တိုင်း၊ မြို့နယ်တွေက တရားရုံးတွေကနေ တဦးချင်းစီ တရားစွဲဆိုမှုတွေ လုပ်သွားမယ်လို့ သိရပါတယ်။

BBC

ကြေးစားလူသတ်မှုများနှင့် အမှုအခင်းကြီးများကို ကျူးလွန်သူများမှာ ထောင်မှလွတ်မြောက်လာသူများ အဓိကပါဝင်နေ

Posted by drmyochit Tuesday, November 12, 2013, under | No comments


ရန်ကုန်မြို့တွင် ဖြစ်ပွားခဲ့သော ငွေကြေးရယူပြီး ပြစ်မှုကျူးလွန်ခြင်းများ၊ ကြေးစားလူသတ်ခြင်းများနှင့် အခြားသော အမှုအခင်းကြီးများအား ကျူးလွန်ကြသူများမှာ ထောင်မှလွတ်မြောက်လာသူများ အများ ဆုံးပါဝင်နေကြောင်း မှုခင်းမှတ်တမ်းများအရ တွေ့ရှိရသည်။

ယင်းသို့သော အကြောင်းအရင်းမှာ တရားဥပဒေစိုးမိုးမှုမရှိခြင်း၊ လုံခြုံရေး အားနည်းခြင်းနှင့် ပြစ်မှုကျူး လွန်သူတို့၏ စာရိတ္တပြုပြင်ပေးရေး၊ နောင်အလားတူ ပြစ်မှုမျိုး ထပ်မံကျူးလွန်မှု မရှိစေရန် ပြုပြင်ပေးရ သော အကျဉ်းထောင်များ၏ အားနည်းချက်များကြောင့် ဖြစ်ပေသည်။

ထို့ပြင် ပြစ်မှုကျူးလွန်ခဲ့သူများအား လွတ်ငြိမ်းချမ်းသာခွင့်နှင့် လွယ်လွယ်ကူကူ လွတ်မြောက်ခွင့်ပေးခြင်း ကြောင့် ဤသို့သော အမှုခင်းကြီးများ ဖြစ်ပွားနေခြင်းဖြစ်သည်ဟု နိုင်ငံရေးလုပ်ဆောင်နေသူများက ထောက်ပြနေကြသည်။

အဆိုပါ ကိစ္စနှင့် ပတ်သက်ပြီး ရှေ့နေဦးခင်ဇော် (မရမ်းကုန်း) က “ပြစ်မှုကျူးလွန်သူတွေကို ထိရောက် ဟန့်တားတဲ့ ပြစ်ဒဏ်ပေးသင့်ပါတယ်။ အဲဒီလိုလူတွေကို လွတ်ငြိမ်းချမ်းသာခွင့်ဆိုပြီး လွယ်လွယ်ကူကူ ပြန်မလွှတ်သင့်ပါဘူး၊ အပြစ်ရှိသူကို ထိရောက်တဲ့ ပြစ်ဒဏ်မပေးတာဟာ အပြစ်မရှိသူကို ဒဏ်ခတ်တာနဲ့ အတူတူပါပဲ” ဟု ပြောပြခဲ့သည်။
တောင်ဥက္ကလာပမြို့နယ်တွင် ဖြစ်ပွားခဲ့သော အမျိုးသမီးတစ်ဦး၏ပါးအား ဓားဖြင့်လှီးခြစ်ခဲ့သူများမှာ ထောင်မှလွတ်မြောက်လာသူများဖြစ်ပြီး ငွေပေးစေခိုင်းမှုတို့ကြောင့် ထောင်မှလွတ်မြောက်လာသူ လေး ဦးတို့က ပူးပေါင်းပြီး ပြစ်မှုကျူးလွန်ခဲ့ကြခြင်း ဖြစ်သည်။

ထို့ပြင် အဆိုပါ မြို့နယ်မှာပင် အမျိုးသမီးတစ်ဦးအား သတ်ဖြတ်ရန် သိန်းငါးဆယ်ဖြင့် အခကြေးငွေရယူ ပြီး ပြစ်မှုကျူးလွန်မှုတစ်ခု ဖြစ်ပွားခဲ့ရာတွင် စက်တင်ဘာလလယ်ခန့်၌ ပြစ်မှုကျူးလွန်ရန် ပူးပေါင်းကြံ စည်သူ ငါးဦးကို ဖမ်းဆီးရမိခဲ့သည်။

အင်းစိန်မြို့နယ်တွင် ဖြစ်ပွားခဲ့သော သိန်းပေါင်း ၁၈၀ ကျော်ဖောက်ထွင်းခဲ့မှုတွင်လည်း ပြစ်မှုကျူးလွန်သူ မှာ ခိုးမှုများဖြင့် ထောင်ဒဏ် ၈၃ နှစ် ကျခံနေရသည့် ရဲဘက်ပြေးတစ်ဦး ဖြစ်နေသည်။
အောက်တိုဘာ ၂၁ ရက်က သန်လျင်မြို့နယ်တွင် ဖြစ်ပွားခဲ့သော အမျိုသမီးတစ်ဦးထံမှ ကျပ် ၄၇ သိန်း တန်ကြေးရှိ လက်ဝတ်ရတနာပစ္စည်းများ လုယက်ခံရမှုတွင်လည်း ပြစ်မှုကျူးလွန်ခဲ့သူမှာ ပြစ်ချက် ဟောင်းများရှိနေပြီး အကျဉ်းစခန်းမှ ထွက်ပြေးလွတ်မြောက်လာသူတစ်ဦးဖြစ်သည်ကို တွေ့ရှိရသည်။

“အခုလို တရားဥပဒေစိုးမိုးမှုမရှိတာတွေ၊ လုံခြုံရေး လျော့တိလျော့ရဲ ဖြစ်နေတာတွေဟာ သက်ဆိုင်ရာ အုပ်ချုပ်ရေးပိုင်းတွေမှာ အဓိက တာဝန်ရှိနေပါတယ်။ တာဝန်ယူထားတဲ့ အစိုးရအဖွဲ့မှာလည်း တာဝန်ယူ မှု၊ တာဝန်ခံမှုတွေ လိုအပ်နေတာပါ” ဟု တရားဥပဒေ စိုးမိုးရေးနှင့် တည်ငြိမ်အေးချမ်းရေး ကော်မတီမှ အတွင်းရေးမှူးဖြစ်သူ ဦးဝင်းမြင့်က ပြောသည်။

ထို့ပြင် အကျဉ်းထောင်များအနေဖြင့်လည်း ပြစ်မှုကျူးလွန်ခဲ့သူများကို အလားတူပြစ်မှုများ ထပ်မံမကျူး လွန်စေရန် အကျင့်စာရိတ္တပိုင်းဆိုင်ရာများကို အဓိကထား လုပ်ဆောင်ပေးရန် လိုအပ်နေသေးသည်ဟု ဆိုသည်။
ထောင်များမှ လွတ်မြောက်လာပါကလည်း ပြင်ပတွင် ကောင်းမွန်စာလုပ်ကိုင်စားသောက်နိုင်ရန် အသက် မွေးဝမ်းကျောင်းဆိုင်ရာ အတတ်ပညာများကို သင်ကြားပေးရန် လိုအပ်ကာ လူမှုအသိုင်းအ၀ိုင်းအတွင်း တွင် ၀င်ဆံ့နိုင်အောင်လည်း ပြုလုပ်ပေးရန် လိုအပ်နေပေသည်။

ဦးသိန်းစိန်အစိုးရသစ်တက်ပြီး နောက်ပိုင်း အကျဉ်းသားများကို ၁၂ ကြိမ်လွတ်ငြိမ်းချမ်းသာခွင့်ပေးခဲ့ပြီး စုစုပေါင်း အကျဉ်းသားနှစ်သောင်းလေးထောင်ကျော်တွင် နိုင်ငံရေးအကျဉ်းသား ၁၀၃၆ ဦးသာပါဝင်ပြီး နိုင်ငံရေးအကျဉ်းသားမဟုတ်သည့် အခြားပြစ်ဒဏ်ကျခံနေရသူ ၂၃၁၄၀ ဦး ပါဝင်ခဲ့သည်။

အထက်လွှတ်တော်ကိုယ်စားလှယ် ဦးလှဆွေက “ပိုက်ဆံရှိတဲ့သူ ထောင်ကျရင် အထဲမှာ ဇိမ်နဲ့နေရ တယ်။ ထောင်ထဲမှာ လာဘ်ပေးလာဘ်ယူမှုတွေ၊ ပိုက်ဆံရှိသူကို မျက်နှာသာပေးမှုတွေက အများဆုံး ကြားနေရတယ်” ဟု ထောက်ပြသည်။

ထို့ကြောင့် အကျဉ်းထောင်များတွင် အောက်ခြေထောင်ဝန်ထမ်းမှစ၍ အကြီးဆုံးရာထူးရှိသူအထိ ပြုပြင် ပြောင်းလဲပေးရန် လိုအပ်နေသည်။ ထို့ပြင် ၎င်းတို့အားလုံးကိုလည်း အကျဉ်းထောင်နှင့် ပတ်သက်သော လိုအပ်ချက်များ၊ လိုက်နာစောင့်ထိန်းရမည့်အချက်များကို စနစ်တကျ ပညာပေးလုပ်ဆောင်ရန် လိုအပ် နေသည်ဟု ၎င်းကဆိုသည်။

ထို့ပြင် လွန်ခဲ့သော ရက်ပိုင်းက လှိုင်သာယာတွင် ဖြစ်ပွားခဲ့သော သိန်း ၂၀၀၀ ရလိုမှုဖြင့် ပြန်ပေးဆွဲမှု တွင်လည်း ပြန်ပေးသမားများအား လိုက်လံဖမ်းဆီးရာတွင် ဖမ်းဆီးရမိခြင်းမရှိဘဲ ရဲတစ်ဦးပင်လျှင် ပြန် ပေးသမားတစ်ဦး၏ ဓားဖြင့်ခုတ်ခြင်းကို ခံခဲ့ရသည်။

“ပြစ်မှုကျူးလွန်သူကို အပြစ်ပေးရာမှာ ဥပဒေအသိပညာပါရအောင်လုပ်ဖို့လိုတယ်၊ ထိရောက်ဟန့်တား တဲ့ ပြစ်ဒဏ်ချဖို့လိုတယ်။ လွယ်လွယ်လွတ်ရင်တော့ ပြစ်မှုတွေက ထပ်ကျုးလွန်ဦးမှာပဲ၊ ဒါကြောင့် လွတ် ငြိမ်းချမ်းသာခွင့်မှာ ဒုစရိုက်မှု ကျူးလွန်ထားသူတွေမပါဖို့ စဉ်းစားနေသင့်ပါပြီ” ဟု ရှေ့နေဦးခင်ဇော် (မရမ်းကုန်း) က ထောက်ပြပြောဆိုခဲ့သည်။

ထို့ပြင် မြန်မာနိုင်ငံရဲတပ်ဖွဲ့ကို ခေတ်မီစနစ်ကျသော အဖွဲ့အစည်းတစ်ခုဖြစ်ရေးအတွက် လေးနှစ်သက် တမ်းရှိ ရဲသင်တန်းကျောင်းတစ်ခု ဖွင့်လှစ်သင်ကြားပေးရန် ရှေ့နေဦးခင်ဇော်က လွှတ်တော်သို့ တင်ပြ ထားသည်။ အစိုးရအနေဖြင့် ယင်းသို့သော အဖွဲ့အစည်းဂိုဏ်းဂဏ္ဏများအား စနစ်တကျ ထိန်းချုပ်ကန့် သတ်နိုင်ရန် လိုအပ်ကြောင်းနှင့် မြန်မာနိုင်ငံရဲတပ်ဖွဲ့ကိုလည်း ခေတ်မီပြီး အင်အားတောင့်တင်းသော အဖွဲ့စည်းတစ်ခုဖြစ်အောင် လုပ်ဆောင်ထားသင့်နေပြီ ဖြစ်သည်။

၂၀၁၂ ခုနှစ်အတွင်း မြန်မာနိုင်ငံတစ်ဝန်းလုံး၌ဖြစ်ပွားခဲ့သော အမှုကြီးများတွင် လူသတ်မှု ၁၃၂၃ မှု၊ ဓားပြမှု ၁၀မှု၊ လုယက်မှု ၉၁ မှု၊ ပြန်ပေးဆွဲမှု ၃၇ မှု၊ မုဒိမ်းမှု ၆၅၄မှု၊ ဖောက်ထွင်းမှု ၃၅မှုနှင့် လက်နက်မှု ၁၁ မှုထိ ပါဝင်ခဲ့သည်။

၂၀၁၁ ခုနှစ်တွင်လည်း လူသတ်မှု ၁၂၄၅ မှု၊ ဓားပြမှု ၁၃ မှု၊ လုယက်မှု ၁၀၄ မှု၊ ပြန်းပေးဆွဲမှု ၄၁ မှု၊ မုဒိမ်းမှု ၆၀၅ မှု၊ ဖောက်ထွင်းမှု ၃၉ မှုနှင့် လက်နက်မှု ၁၁ မှုတို့ ဖြစ်ပွားခဲ့သည်ဟု မြန်မာနိုင်ငံ ရဲတပ်ဖွဲ့က ထုတ်ပြန်ထားသည်။

KIA မှ လက်နက်ကြီး ဖြင့် ပစ်ခတ်မှု ကြောင့် ကောင်လွင်ရွာ နေအိမ် တစ်လုံးနှင့် စပါးကျီ ထိမှန်ခဲ့

Posted by drmyochit Tuesday, November 12, 2013, under | No comments

တပ်မတော်နှင့် KIA နိုဝင်ဘာ လ ၇ ရက်နေ့ က လက်နက်ကြီး များ ဖြင့် ပစ်ခတ် တိုက်ခိုက်မှု ကြောင့် တိုက်ပွဲ ပြင်းထန် ခဲ့ရာ ကောင်လွင် ရွာမှ ဒေသခံ ရှမ်း တိုင်းရင်းသား ( ၁၀၀၀ ) ၀န်းကျင်ခန့် သည် ၄င်း နှင့် ၅ မိုင်ခန့် ဝေးသော အိမ်ခြေ ( ၁၀၀ ) ခန့် ရှိသည့် စည်ခန်းကြီး ရွာ တွင် သောင်တင် နေဆဲဖြစ်ပြီး၊

တိုက်ပွဲဖြစ် သည့် ကောင်လွင် ရွာ ဘုန်းတော်ကြီး ကျောင်းတွင် လူဦးရေ ( ၁၀၀ ) ၀န်းကျင်ခန့် သည် KIA မှ ကျေးရွာ အတွင်း လမ်းများ၊ စာသင် ကျောင်းများ နှင့် နေရာတိုင်း တွင် KIA မှ မိုင်းများ ထောင်ထား ခဲ့သောကြောင့် ပိတ်မိ နေဆဲဖြစ်ပြီး စာသင်ကျောင်း တွင် ဗုံးလေးလုံး နှင့် ဟန်ထိပ် ရွာ တံတားမှာ ဗုံး တစ်လုံး တွေ့ရှိ ရသည် ဟု ဗန်းမော်မြို့ ရှမ်း မျိုးနွယ်စု ရေးရာ အဖွဲ့ဝင် တစ်ဦးမှ သတင်း ပေးပို့ ထားပါတယ်။ နိုဝင်ဘာ လ ( ၈ ) ရက်နေ့ တွင် လည်း စစ်တပ် နှင့် လူထု ( ၁၀၀ ) ၀န်းကျင်ခန့် ရှိတဲ့ ကောင်လွင် ရွာ ထဲကို လက်နက်ကြီး ဖြင့် ၃ ချက် ပစ်ခတ်ရာ စပါးကျီ တစ်လုံး နှင့် နေအိမ် တစ်လုံး ထိမှန်ကာ ချောင်း ထဲသို့ တစ်လုံး ကျသွား ခဲ့တယ် လို့လည်း ပြောပြပါသည်။

ဦးခက်ထိန်နန် နှင့် လူမှုရေး ၀န်ကြီး ဒေါ်ဘောက်ဂျာ တို့မှ ရိက္ခာ တစ်ချို့ကိုသာ ပေးပို့ နိုင်ခဲ့ သေးပေမယ့် လမ်းပန်း ဆက်သွယ်မှု အခက်အခဲ များ ကြောင့် ကုလ နှင့် NGO အဖွဲ့အစည်း များ က ဗန်းမော်သို့ စစ်ရှောင်များ ရောက်ရှိ လာချိန် ကိုသာ စောင့်မျှော် နေကြ ပါတယ်။ ရှမ်းနီပါတီ၊ ရှမ်းစာ ပေ နှင့် ယဉ်ကျေးမူ အဖွဲ့၊ ကချင် ပြည်နယ် ရှမ်း မျိုးနွယ်စု ရေးရာ အဖွဲ့တို့ ပူးပေါင်းပြီး ကူညီ နိူင်ရန် အတွက် အလျှူငွေများ ကောက်ခံ လျှက် ရှိနေပြီး၊ နိုဝင်ဘာ လ ၁၆ ရက်နေ့ မှာ သွားရောက် လှူဒါန်း နိုင်ဖို့ စီစဉ် နေကြ ပါတယ်။ 

စည်ခန်းကြီး တွင် သောင်တင် နေသည့် ဒေသခံ လူထု ကတော့ မိုင် ( ၄၀ ) ခန့် ဝေးသည့် ဗန်းမော် သို့ သွားရန် အာသီသ မရှိကြပဲ စပါးများ ရိပ်သိမ်းချိန် ဖြစ်တာကြောင့် ရွာ သို့ အမြန် ပြန်နိုင်ရေး ငြိမ်သက် မည့် အခြေအနေ တစ်ရပ်ကို စောင့်ကြည့် ရင်း စည်ခန်းကြီး မှာ ဆက်လက် တိမ်းရှောင် နေလို ကြပြီး အစိုးရ နှင့် NGO အဖွဲ့အစည်းများ ၏ လုံလောက် ထိရောက်သော အကူအညီ အထောက် အပံ့များ မရောက်ရှိ ပါက ရက်ရှည် ရပ်တည်ရန် အခက်အခဲ ပြဿနာ များနှင့် ရင်ဆိုင် နေရဦးမှာ လည်း ဖြစ်ပါတယ်။ လက်ရှိ အချိန်မှာ မိုင်းများ မရှင်းလင်း သေးတာ ကြောင့် ရယ် KIA မှ ရွာ အတွင်းသို့ လက်နက်ကြီး များ ဖြင့် အချိန်မရွေး ပစ်ခတ် နိုင်တာ ကြောင့်ရယ် တို့ကြောင့် စစ်တပ်မှ ကောင်လွင်ရွာ အတွင်း အ၀င်အထွက် ကို မပြုလုပ် ခိုင်းသေးဘူး လို့ သိရှိ ရသည်။ 


ဧရာဝတီမြစ်ဖျားဆီက

Model Baby Maung

Posted by drmyochit Tuesday, November 12, 2013, under | 1 comment















Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်