Thursday, March 06, 2014

အကြွားလွန်၍ ခေါင်းဖြတ်သတ်ခံခဲ့ရတဲ့ မင်းသမီးချောလေးရဲ့ ရင်နင့်ဖွယ်ဖြစ်ရပ်

Posted by drmyochit Thursday, March 06, 2014, under | No comments


ရက်ရက်စက်စက်တော့ လှချင်မှလှပါ။ Hot ဖြစ်တာတော့ အမှန်ပပါပဲ။ သို့ပေမယ့် ရက်ရက်စက်စက် တော့ သေသွားရရှာပါပြီ။ Meenakshi Tharpar လို့အမည်ရတဲ့ အိန္ဒိယိ ဘောလိဝုဒ် မင်းသမီး တစ်ယောက် ဖြစ်ပါတယ်။

အသက်က ၂၆ နှစ်သာရှိသေးပြီး ၂၀၁၁ ခုနှစ်ထွက်တဲ့ 404 အမည်ရ ထိတ်လန့်သဲဖို ရုပ်ရှင်နဲ့ နာမည်ရအောင်မြင်လာသူလေး ဖြစ်ပါတယ်။ ၂၀၁၂ ခုနှစ် ဧပြီလမှာပဲ ကွယ်လွန် အနိစ္စ ရောက်ရခြင်းပါ။ အိန္ဒိယနိုင်ငံ မြောက်ပိုင်း မှာ Heroine အမည်ရ ရုပ်ရှင်ရိုက်ကူးစဉ် ဖြစ် ပါတယ်။ ရုပ်ရှင်မှာ အတူတွဲဖက် သရုပ်ဆောင်တဲ့ ဇာတ်ပို့ သရုပ်ဆောင် နှစ်ဦး ဖြစ်တဲ့ Amit Jaiswal နဲ့ သူ့ချစ်သူ မိန်းကလေး Preeti Surin တို့ ဖြစ်ပါတယ်။ အပြင်မှာ Amit နဲ့ Preeti တို့ ၂ ဦးက ချစ်သူတွေပါ။
Tharpar အနေနဲ့ သူတို့ ၂ဦးနဲ့ အတွဲကျပြီး သူ့အနေနဲ့ ဥစ္စာပိုင်ဆိုင်မှု ဘယ်လောက်ရှိကြောင်း သွားကြွားမိပါတယ်။ အိန္ဒိယ ရူပီ ၁.၅ သန်း ရှိတယ်လို့ သွားကြွားမိတော့ ပြဿနာက စပါလေရော။
Amit တို့ နှစ်ဦးဟာ Tharpar ကိုပြန်ပေးဆွဲပါတော့တယ်။ ဟိုတယ် တစ်ခု မှာ ဖမ်းဆီးပြီး နယ်စပ်မှာနေတဲ့ Tharpar ရဲ့  အမေဆီကို ပိုက်ဆံဖုန်းဆက်တောင်းပါတယ်။ ပိုက်ဆံမပေးရင် Tharpar ရဲ့  ပေါ်ပင် ပုံများ တင်မယ်လို့ ပြောတော့ ရှိစုမဲ့စု ရူပီ ၆ သောင်း ပေးလိုက်ပါလေရော။
ရူပီ ၆ သောင်းရရှိပြီး မကျေနပ်နိုင်တဲ့ လင်မယားက Tharpar ကို ခေါင်းဖြတ်သတ်လိုက်ပါတယ်။ Body ကိုရေတိုင်ကီမှာ ပစ်ခဲ့ပြီး ခေါင်းကိုကျ ဘတ်စ်ကားပေါ်ကနေ လှမ်းပစ်ခဲ့ပါတယ်။ မွန်ဘိုင်းကို အပြန်မှာပေါ့။
နောက်တော့ တရားခံကို Tharpar ရဲ့  Sim card က တစ်ဆင့် ဖမ်းမိ ခဲ့ပါတယ်။ မင်းသမီးချောလေး Tharpar တစ်ယောက်တော့ ရက်ရက်စက်စက် သေဆုံးသွားရရှာပါတယ်။
ဒီမှာ သင်ခန်းစာ တစ်ခုရပါတယ်။ "မိမိရဲ့  ဘယ်လိုအခြေအနေမျိုးကို ပဲ ဖြစ်ဖြစ် ကြွားဝါပြောဆိုခြင်းကို သတိထားရမယ်" ဆိုတာလေးပါ။ ပြီးခဲ့တဲ့ ဧပြီက Tharpar ရဲ့  ကွယ်လွန်ခြင်း တစ်နှစ်ပြည့် ဖြစ်ပါတယ်။
--
ရိုးရာလေး

ဖုန်းဟန်းဆက် မှောင်ခိုသန်းချီ ဝင်ရောက်မှုကြောင့် အခွန်ငွေဆုံးရှုံး

Posted by drmyochit Thursday, March 06, 2014, under | No comments


ပြည်တွင်း ဈေးကွက်သို့ သန်းနှင့်ချီသော တယ်လီဖုန်း ဟန်းဆက်များ မှောင်ခို ဝင်ရောက်မှုကြောင့် နိုင်ငံတော်က ရရှိမည့် အခွန်ငွေများ ဆုံးရှုံးလျက် ရှိကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ ကူးသန်း ရောင်းဝယ်ရေးနှင့် စားသုံးသူရေးရာ ဦးစီးဌာန ဒုတိယညွှန်ကြားရေးမှူး  ဦးစိုးအောင်က ပြောကြားသည်။

လူမှုဆက်သွယ်ရေးကြား နေရာယူလာသည့် သန်းနှင့်ချီသော ဟန်းဆက်များသည် ပြည်တွင်းသို့ နယ်စပ် လမ်းကြောင်းမှ အများဆုံး မှောင်ခို ဝင်ရောက်လျက်ရှိပြီး လေကြောင်းဖြင့်လည်း ဝင်ရောက်လျက် ရှိသည်ဟု ၎င်းကဆိုသည်။

ပြီးခဲ့သည့် ဖေဖော်ဝါရီလ ၁၂ ရက်နေ့တွင် တရုတ်နိုင်ငံမှတစ်ဆင့် မူဆယ်နယ်စပ်ကို ဖြတ်ကျော် ဝင်ရောက်လာသော ကျပ်သိန်း ၂၅၀၀ တန်ဖိုးရှိ ဟန်းဆက်များကို လည်းကောင်း၊ ပြီးခဲ့သည့် ဇန်နဝါရီလအတွင်း ကျပ်သိန်း ၃၀၀၀ ခန့်တန်ဖိုးရှိ ဟန်းဆက်များနှင့် မန်မိုရီကတ်များကို ရန်ကုန် အပြည်ပြည်ဆိုင်ရာ လေဆိပ်တွင် လည်းကောင်း ဖမ်းဆီးရမိ ခဲ့ကြောင်း ပြည်တွင်း မီဒီယာများက ရေးသား ဖော်ပြခဲ့ကြသည်။

ဈေးကွက်ထဲသို့ ဟန်းဆက်များ ရောက်ရှိလာပုံက မျှော်လင့်ထားသည်ထက် အံ့သြစရာများ ပိုမိုပြည့်နှက်နေပြီး ထင်သလောက် မရိုးရှင်းပေ။ တခြားဘက်တွင်လည်း လေ့လာ စုံစမ်းမှုများမှ သိရသည့် ဟန်းဆက်များ မှောင်ခို ဝင်ရောက်မှုကို ပြသနေသော ကိန်းဂဏန်းများက ထိတ်လန့်ဖွယ်ရာ အခြေအနေကို ဖော်ညွှန်းနေသည်။

ပြီးခဲ့သည့် ၂၀၁၁ ခုနှစ် ဧပြီလမှ ၂၀၁၄ ခုနှစ် ဇန်နဝါရီလ ၃၁ ရက်နေ့အထိ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ သွင်းကုန်ဌာနတွင် လိုင်စင် လာရောက် လျှောက်ထားသော စုစုပေါင်း ဟန်းဆက် အလုံးရေ ရှစ်သောင်းကျော်သာ ရှိကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနထံမှ သိရသည်။

လက်ရှိအချိန်ထိ အစိုးရက ချထားပေးသည့် ဆင်းကတ် အရေအတွက်မှာ ခြောက်သန်း ကျော်သွားပြီဖြစ်ရာ သွင်းကုန်ဌာနသို့ လိုင်စင်လာရောက် လျှောက်ထားသည့် ဟန်းဆက် အရေအတွက်နှင့် နှိုင်းယှဉ်ကြည့်ပါက ၉၉ ရာခိုင်နှုန်းကျော်မှာ မှောင်ခို ဟန်းဆက်များ ဖြစ်ကြောင်း ဦးစိုးအောင်က ဆိုသည်။

မှောင်ခိုဟန်းဆက်များ ဝင်ရောက်နေမှုနှင့် ပတ်သက်၍ မန္တလေးမြို့ရှိ နာမည်ကြီး ဖုန်းနှင့် ဆက်စပ်ပစ္စည်း ရောင်းချသည့် ဆိုင်မှ အမည်မဖော်လိုသည့် မန်နေဂျာတစ်ဦးကမူ “ကျွန်တော်တို့ကိုတော့ လာဖြန့်တဲ့ လူတွေရှိတယ်။ အသေးစိတ်တော့ မသိဘူး” ဟု ဆိုသည်။

မြန်မာ့ဆိုရှယ်လစ် လမ်းစဉ်ပါတီ ခေတ်မှသည် အားကောင်းမောင်းသန် ရှင်သန်ခဲ့သော မှောင်ခို ကုန်သွယ်မှုသည် ယခုအချိန်ထိ အသက်ဝင်နေဆဲ ဖြစ်သည်။
“ကျွန်တော် သိသလောက်ဆိုရင် လက်ရှိ လိုင်စင် လာလျှောက်တဲ့အထဲမှာ တန်ဖိုးကြီးတဲ့ iPhone တို့၊ iPad တို့ လုံးဝမပါဘူး” ဟု စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ ကူးသန်းရောင်းဝယ် ရေးနှင့် စားသုံးသူရေးရာ ဦးစီးဌာနမှ ညွှန်ကြားရေးမှူး ဦးတင်ရဲဝင်းက ဆိုသည်။

တယ်လီဖုန်း ဟန်းဆက်များကို မှောင်ခို တင်သွင်းမှုသည် အစိုးရက အခွန်ငွေ မရရှိခြင်းကြောင့် ပြည်သူ့ဘဏ္ဍာငွေ ဆုံးရှုံးသည့်အပြင် သုံးစွဲသူများအကြား ပိုမိုကောင်းမွန်သည့် အကျိုးခံစားခွင့် မရှိခြင်းကလည်း လုပ်ငန်းရှင်များအပေါ် မေးခွန်းထုတ်စရာ ဖြစ်သည်။

ဟန်းဆက် တင်သွင်းမှုအတွက် အမျိုးအစားပေါ် မှုတည်၍ အခွန်ကောက်ခံလျက် ရှိပြီး ပျမ်းမျှအခွန် ကောက်ခံနှုန်းမှာ ၁၅ ရာခိုင်နှုန်းထက် မကျော်လွန်ကြောင်း အဆိုပါ ပုဂ္ဂိုလ်က ရှင်းပြသည်။ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၏ စာရင်းများအရမူ တရားဝင် တင်သွင်းထားသည့် ဟန်းဆက် ရှစ်သောင်းကျော် အပေါ်တွင်သာ အခွန်ကောက်ခံ ရရှိထားသည်။

တယ်လီဖုန်း ဟန်းဆက်များ ပြည်တွင်းသို့ မှောင်ခို ဝင်ရောက်ရာ လမ်းကြောင်းသည် အိမ်နီးချင်း ထိုင်းနိုင်ငံနှင့် တရုတ်နိုင်ငံတို့မှ ဖြစ်ပြီး နယ်စပ်မှ ဖြတ်ကျော်၍ ဝင်ရောက်လာခြင်း ဖြစ်သည်ဟု စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ ကူးသန်းရောင်းဝယ်ရေးနှင့် စားသုံးသူရေးရာ ဦးစီးဌာန ဒုတိယညွှန်ကြားရေးမှူး ဦးစိုးအောင်က ပြောကြားသည်။

နယ်စပ်မှတစ်ဆင့် ဟန်းဆက်များ မှောင်ခို တင်သွင်းရာတွင် မှောင်ခိုကုန်သွယ်သူ အချို့သည်  ပြည်တွင်းမှ သား၊ ငါး၊ ပုစွန်များကို ရေခဲပုံးဖြင့် ထည့်၍ နယ်စပ်မှတစ်ဆင့် တစ်ဖက်နိုင်ငံသို့ တင်ပို့လေ့ရှိပြီး အပြန်တွင် အဆိုပါ ရေခဲပုံးအလွတ်များ အတွင်းသို့ ဟန်းဆက်နှင့် တခြား အီလက်ထရွန်နစ် ပစ္စည်းများကို ထည့်သွင်း၍ မှောင်ခို သယ်ဆောင်ကြလေ့ ရှိသည်ဟု စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ ကူးသန်းရောင်းဝယ်ရေးနှင့် စားသုံးသူရေးရာ ဦးစီးဌာန ဒုတိယညွှန်ကြားရေးမှူးချုပ် ဦးညွန့်အောင်က ဆိုသည်။

ထို့ပြင် ခရီးဆောင် အိတ်များအတွင်း ဟန်းဆက်များကို ထည့်သွင်း၍ မော်ဒယ်မြင့် ကားများဖြင့် မှောင်ခို စစ်ဆေးသူများကို မျက်စိလှည့်၍ သယ်ဆောင်ကြလေ့ရှိပြီး ကုန်ကားများပေါ်တွင်လည်း ထုပ်ပိုးထားသည့် အခြားကုန်စည်များနှင့် ရောနှော၍ သယ်ဆောင်ကြလေ့ ရှိကြောင်း မြဝတီ ကုန်သွယ်ရေးစခန်းမှ အမည်မဖော်လိုသည့် အကြီးတန်း အရာရှိတစ်ဦးက ရှင်းပြသည်။
“လူရှိန်အောင် ပရာဒိုလို ကားမျိုးတွေနဲ့ သယ်ကြတယ်။ တော်ရုံတန်ရုံ အရာရှိတွေက မှောင်ခိုသယ်တဲ့ လူတွေလို့ မထင်အောင်ပေါ့” ဟု ၎င်းကဆိုသည်။

ဟန်းဆက်များ မှောင်ခို ဝင်ရောက်မှုအတွက် မည်ကဲ့သို့ လုပ်ဆောင်ရမည်ကို ပြည်ထောင်စု ဝန်ကြီးထံသို့ ပြီးခဲ့သည့် ဖေဖော်ဝါရီလ တတိယပတ်အတွင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန ပြည်ထောင်စုဝန်ကြီးထံ တင်ပြထားသည်ဟု ဦးစိုးအောင်က ဆိုသည်။

ဟန်းဆက်များ တင်သွင်းရန်အတွက် ဆက်သွယ်ရေးနှင့် သတင်းအချက်အလက် နည်းပညာ ဝန်ကြီးဌာန၏ ထောက်ခံချက် လိုအပ်ပြီး အဆိုပါ ထောက်ခံချက်ရှိမှသာ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနတွင် လိုင်စင် လျှောက်ထားနိုင်သည်။

အဆိုပါ ထောက်ခံချက် ရရှိရန်အတွက် နေပြည်တော်ရှိ ဆယ်သွယ်ရေး ရုံးချုပ် တစ်နေရာတည်းတွင်သာ လျှောက်ထားနိုင်ပြီး လက်ရှိတွင်မူ အဆိုပါ ထောက်ခံချက်ကို ကုမ္ပဏီကြီး အချို့ကသာ ရရှိထားသည်။
“ဆက်သွယ်ရေး ထောက်ခံချက်မပါဘဲ လွတ်လွတ်လပ်လပ် လိုင်စင်လုပ်ခွင့်ရအောင် ကျွန်တော်တို့ ကျန်ခဲ့တဲ့ တစ်နှစ်ကျော်လောက် ကတည်းက တင်ပြခဲ့တာ ရှိပါတယ်။ အရပ်သားကနေ ဆယ်သွယ်ရေး ဒုတိယဝန်ကြီး ဖြစ်လာတဲ့ ဦးသောင်းတင် လက်ထက်မှာလည်း စာနဲ့ တရားဝင် တင်ပြခဲ့တာ ရှိပါတယ်။ ဒါပေမဲ့ အခုထိ အကြောင်းမထူးသေးပါဘူး” ဟု စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန ညွှန်ကြားရေးမှူး ဦးတင်ရဲဝင်းက ဆိုသည်။

လက်ရှိအချိန်တွင် မှောင်ခိုကုန်သွယ်မှုကို ဖမ်းဆီးနေသည့် တရားမဝင် ကုန်သွယ်မှု ရွေ့လျား တိုက်ဖျက်ရေး အဖွဲ့ (မိုဘိုင်းတင်းမ်) သည် လုပ်ငန်းရှင်အချို့၏ ဝေဖန်မှုကို ခံနေရပြီး မှောင်ခိုဖမ်းဆီးရေး လုပ်ငန်းများကို အရှိန်တန့် ထားရသည်။

ဟန်းဆက် အပါအဝင် မှောင်ခိုတားဆီးရေးနှင့် ပတ်သက်၍ စီးပွားရေးနှင့် ကူးသန်း ရောင်းဝယ်ရေး ဝန်ကြီး ဌာန၊ ကူးသန်းရောင်းဝယ်ရေးနှင့် စားသုံးသူရေးရာ ဦးစီးဌာန၊ ညွှန်ကြားရေးမှူး ဦးတင်ရဲဝင်းကမူ ဤသို့ ဆိုသည်။

“စီးပွားရေး လုပ်ငန်းရှင်တွေက နိုင်ငံတကာ စည်းမျဉ်းတွေကို အကြောင်းပြုပြီး လေဆိပ်နဲ့ အပြည်ပြည် ဆိုင်ရာ ဆိပ်ကမ်းတွေကို မှောင်ခိုမစစ်ဆေးဖို့ ကျွန်တော်တို့ရဲ့ အထက်က တာဝန်ရှိသူတွေကို ခြိမ်းခြောက် တာမျိုးတွေ ရှိပါတယ်။ ဒါပေမဲ့ နိုင်ငံတကာ စံနှုန်းတွေတိုင်း ကျွန်တော်တို့ နိုင်ငံနဲ့ ကိုက်ညီတာမှ မဟုတ် တာ” ဟု ၎င်းကဆိုသည်။

မကြာမီ နိုင်ငံခြား ဆက်သွယ်ရေး ကုမ္ပဏီများကလည်း ဆင်းမ်ကတ်များ ရောင်းချတော့မည် ဖြစ်သည်။ တယ်လီနော ဆက်သွယ်ရေး ကုမ္ပဏီကမူ ၎င်းတို့၏ ဝန်ဆောင်မှု စတင်သည်နှင့်တစ်ပြိုင်နက် ဆင်းမ်ကတ် သန်း ၃၀ ရောင်းချပေးမည်ဟု မီဒီယာများတွင် ကြေညာထားပြီး မြန်မာ့ဆက်သွယ်ရေးကမူ လာမည့် ၂၀၁၆ ခုနှစ်အထိ ဆင်းမ်ကတ် သန်း ၃၀ ရောင်းချပေးမည်ဟု ဆိုသည်။

မှောင်ခိုဟန်းဆက် ဝင်ရောက်မှု ၉၉ ကျော် ရာခိုင်နှုန်းကျော်ရှိသည့် ပြည်တွင်း ဈေးကွက်အတွင်းသို့ အဆိုပါ ဆင်းမ်ကတ်များအတွက် လိုအပ်သည့် ဟန်းဆက်များကို မည်ကဲ့သို့ တင်သွင်းခွင့်ပြုမည်နည်း ဆိုသည်မှာ တာဝန်ရှိသူများ ဖြေဆိုသင့်သည့် မေးခွန်း ဖြစ်သည်။  

From: The Voice Weekly

အရပ်ပုသူများ အရပ်ရှည်သူများထက် ယုံကြည်မှု နိမ့်ပါးနိုင်ကြောင်း အောက်စဖို့ဒ် တက္ကသိုလ် သုတေသနဆို

Posted by drmyochit Thursday, March 06, 2014, under | No comments



အရပ်ပုသူများအနေဖြင့် မိမိကိုယ်ကို ယုံကြည်မှု နိမ့်ပါးနိုင်ကြောင်း၊ အောက်စဖို့ဒ် တက္ကသိုလ်သုတေသန တစ်ခုက မကြာသေးမီကဆိုခဲ့သည်ဟု မတ်လ ၄ ရက်က ဘီဘီစီ သတင်းတစ်ရပ်တွင် ဖော်ပြထားသည်။

ပို၍ဆိုး သည်မှာ အရပ်ပုသူအများအပြားတွင် ဖြတ်သန်းကျော်လွှားရမည်ဟု ၎င်းတို့ကိုယ်တိုင် ယူဆ ထားကြသည့် လူမှုရေး ပြဿနာများစွာရှိနေတတ်ခြင်း ဖြစ်သည်။

ယခုအခါ အခြားဗြိတိန်သုတေသန တစ်ရပ်ကလည်း အရပ်ပုသူများ ဥာဏ်စွမ်းရည် ပိုနည်းကောင်းနည်း နေနိုင်ကြောင်း ဖော်ပြခဲ့သည်။ ဗြိတိန် Sunday Times သတင်းစာ၏ ဆောင်းပါးတစ်ပုဒ်တွင် အရပ်ပုသူများ အနေဖြင့် အိုင်ကျူ ပိုနိမ့်ကောင်းနိမ့်နေနိုင်ကြောင်း ဖော်ပြခဲ့ခြင်းဖြစ်သည်။

အရပ်အမြင့်နှင့် အထွေထွေ ဥာဏ်စွမ်းရည်တို့အကြား ဗီဇပိုင်းဆိုင်ရာ ဆက်စပ်မှုကို ခန့်မှန်းနိုင်ရန်အတွက်၊ အီဒင်ဘာ့ခ်ျ တက္ကသိုလ်၏ မျိုးရိုးဗီဇနှင့် မော်လီကျူး ဆေးသိပ္ပံမှ သုတေသီများက တစ်ယောက်နှင့်တစ်ယောက် ဆွေမျိုးတော်စပ်မှု မရှိသော လူ ၆,၈၀၀ ကျော်၏ ဒီအင်န်အေများကို လေ့လာ ခဲ့ကြသည်။ သုတေသန၏ ရည်ရွယ်ချက်မှာ၊ ဤမျိုးရိုးဗီဇဆက်စပ်မှုအနေဖြင့် အခြားကျန်းမာရေးဆိုင်ရာ အကျိုးရလဒ်များ ဖြစ်ပေါ်စေခြင်း ရှိ၊ မရှိ စူးစမ်း လေ့လာရန်ဖြစ်ကာ ထိုကဲ့သို့ ရည်ရွယ်ချက်မျိုးဖြင့် ပထမဆုံးပြုလုပ်သော လေ့လာမှုလည်း ဖြစ်သည်။

ထိုတက္ကသိုလ်၏ မျိုးရိုးဗီဇနှင့် မော်လီကျူးဆေးသိပ္ပံမှ ရီကာဒိုမာရီရိုနီက Sunday Times သတင်းစာသို့ ပြောကြားခဲ့ရာတွင် “ကျွန်တော်တို့ တွေ့ရှိခဲ့ တာကတော့ အရပ်ပိုရှည်တဲ့လူတွေဟာ ပိုပြီးတော်တတ်တယ် ဆိုတဲ့ အရပ် အမြင့်နဲ့ ဥာဏ်စွမ်းရည်အကြားမှာ သေးငယ်တဲ့ ဆက်စပ်မှုတစ်ရပ် ရှိနေတဲ့ အချက်ပဲ ဖြစ်ပါ တယ်”ဟု ဆိုခဲ့သည်။

ရီကာဒိုမာရီရိုနီက “သေးငယ်တဲ့ဟူသော စကားစုကို သုံးနှုန်းသွားခြင်းနှင့် ပတ်သက်၍ချီးကျူးသင့်ပေသည်။ ခြောက်လှန့်သူတစ်ဦးအဖြစ် မရပ်တည် သော ပညာရှင်တစ်ဦးထက်ပို၍ တာဝန်သိသူ မရှိပေ။“သေးငယ်တဲ့ ဆက်စပ်မှု ဟူ၍ ရီကာဒိုမာရီရိုနီက ပြောဆိုခဲ့သော်လည်း “ကိန်းဂဏန်း အချက်အလက် အရ အရေးပါ” ကြောင်း ၎င်းက ပြောခဲ့သည်။ အရပ်ပုသူများ၏ ပိုမိုနိမ့်ပါး သော အိုင်ကျူများ၏ ၇၀ ရာခိုင်နှုန်းအား မျိုးရိုးဗီဇဆိုင်ရာ အကြောင်းရင်း တစ်ခုအဖြစ် ယူဆနိုင်ကြောင်း သုတေသနက ညွှန်ပြနေသည်ဟုလည်း ရီကာဒိုမာ ရီရိုနီက ဆိုခဲ့သည်။

အရပ်ပုသူတစ်ဦး၏ လိမ်လည်မှုများ၊ မိသားစုအနေအထား ပုံပျက်မှုများကို ကြည့်၍ ထိုသူ၏ ဥာဏ်ပိုင်းဆိုင် ရာ အားနည်းချက်များ၏ အနည်းဆုံး ၇၀ ရာခိုင်နှုန်းမှာ မျိုးရိုးဗီဇဆိုင်ရာ အကြောင်းရင်းများဖြစ်သည်ဟု အတွေးချဲ့ကာ ကောက်ချက်ချသွားနိုင်သည်။

RCSS/SSA အဖွဲ့မှ ထွက်ပြေးတိမ်းရှောင်သွားသော တပ်ဖွဲ့ဝင်အစား မိသားစုဝင်များအား ဖမ်းဆီး ခေါ်ဆောင်

Posted by drmyochit Thursday, March 06, 2014, under | No comments


ရှမ်းပြည်နယ်၊ ပင်လုံမြို့နယ်ခွဲ၊ ဟဲနန်းကျေးရွာအုပ်စု၊ ကျူလင်းကျေးရွာအတွင်းသို့ ယမန်နေ့မနက်ပိုင်းက ရှမ်းပြည် ပြန်လည်ထူထောင်ရေးကောင်စီနှင့် ရှမ်းပြည်တပ်မတော်(တောင်ပိုင်း) RCSS/SSA အဖွဲ့တစ်ဖွဲ့ ရောက်ရှိလာပြီး တပ်ဖွဲ့ဝင်တစ်ဦး ထွက်ပြေးသွားသည့်အတွက် အစားထိုးဝင်ရောက်ရမည်ဟု ပြောဆိုကာ မိသားစုဝင်များအားဖမ်းဆီးခေါ်ဆောင်မှုဖြစ်ပွားခဲ့ကြောင်း ယင်းဒေသခံများထံမှ သတင်းရရှိသည်။

“ ရွာထဲကို ၀င်လာပြီး ထွက်ပြေးသွားတဲ့ တပ်ဖွဲ့ဝင်အစား ပြန်ဝင်ရမယ်လို့ပြောပြီး ခေါ်သွားတာပဲ၊ အဖမ်းခံရတဲ့သူက ထွက်ပြေးသွားတဲ့ တပ်ဖွဲ့ဝင်ရဲ့ အစ်ကိုလို့ ပြောသွားတာပဲ ” ဟု ကျူလင်းရွာသားတစ်ဦးက ဆိုသည်။

RCSS/SSA အဖွဲ့သည် နောက်တစ်နေ့တွင် အဆိုပါရွာသို့ ထပ်မံရောက်ရှိလာပြီး အသက်(၅၇)နှစ်အရွယ် ဒေါ်နန်းရှိုးအား လာရောက်ဖမ်းဆီးခေါ်ဆောင် သွားခဲ့ကြောင်း သိရသည်။
“ ဒေါ်နန်းရှိုးမှာ သား(၂)ယောက် ရှိတယ်၊ အငယ်ကောင် ခွန်မောင်လွမ်းကို လွန်ခဲ့တဲ့ တစ်နှစ်လောက်က ရှမ်းပြည် တောင်ပိုင်းတပ်က လူသစ်လုပ်ရမယ်ဆိုပြီး ခေါ်သွားတယ်၊ အခု အကြီးကောင် ခွန်မောင်မြကို ထပ်မံဖမ်းသွားရာမှာ ထွက်ပြေးသွားလို့ မအေလုပ်သူကို လာဖမ်းတာလို့ သိရတယ် ” ဟု ကျူလင်းရွာနေ ဦးခွန်တိဆောင်က ပြောသည်။

အဆိုပါ ဖြစ်စဉ်နှင့်ပတ်သက်၍ ဟဲနန်းကျေးရွာအုပ်စုရှိ အုပ်ချုပ်ရေးမှူး တစ်ဦးက RCSS/SSA အဖွဲ့သည် ကျူလင်း ကျေးရွာအနီး အခြေပြုနေစဉ် အဆိုပါ ရွာသား ခွန်မောင်လွမ်း (၁၉)နှစ်မှာ လက်နက်မဲ့ ထွက်ပြေးသွားခဲ့ကြောင်း၊ ခွန်မောင်လွမ်းအစား RCSS/SSA အဖွဲ့သို့ ၀င်ရောက်ရန် အစ်ကိုဖြစ်သူ ခွန်မောင်မြအား ထပ်မံဖမ်းဆီးခဲ့ခြင်း ဖြစ်ကြောင်း၊ လမ်းခရီးတွင် ခွန်မောင်မြကလည်း ထွက်ပြေးသွားသဖြင့် မိခင်ဖြစ်သူ ဒေါ်နန်းရှိုးအား လာရောက်ဖမ်းဆီးသွား ခြင်းဖြစ်ကြောင်း ပြောကြားခဲ့သည်။

“ တစ်ရွာဝင်တစ်ရွာထွက် ခွန်မောင်မြတို့ ညီအစ်ကို ကို ရှမ်းစစ်တပ်က လိုက်ရှာနေတယ်လို့ ကြားတယ်၊ ဒီရွာတွေ မှာက ပအိုဝ့်တွေလည်း နေကြတယ်၊ အခု အဖမ်းခံရတဲ့ မိသားစုဟာ ပအိုဝ့်တွေပါ၊ ပအိုဝ့်တွေအပေါ် ရှမ်းစစ်တပ် က အမြဲတမ်း အနိုင်ကျင့်နေတာပါ၊ အခုလည်း ကြည့်လေ.. ဘာမှမဆိုင်တဲ့ မအေလုပ်သူကို ဖမ်းသွားတယ် ဆိုတော့ တရားလွန်တာပေါ့၊ ဒေါ်နန်းရှိုးကို ပြန်မလွတ်ပေးရင် သက်ဆိုင်ရာ အဖွဲ့အစည်းတွေကို တင်ပြသွားဖို့ စီစဉ် နေပါတယ် ” ဟု ပင်လုံမြို့နေ ပအိုဝ့်အမျိုးသားအဖွဲ့ချုပ် (PNO) အဖွဲ့ဝင်တစ်ဦးက ပြောကြားသွားခဲ့သည်။

ခွန်နော်

ငါးသောင်းပေါက်တယ်ဆိုတဲ့ထီ တိုက်ကြည့်မှ သိန်းထောင့်ငါးရာပေါက်မှန်းသိ

Posted by drmyochit Thursday, March 06, 2014, under | No comments


ဧရာဝတီတိုင်းဒေသကြီး၊ ပုသိမ်မြို့တွင် မတ်လ(၁)ရက်နေ့၌ အောင်ဘာလေထီကျပ်သိန်း(၁၅၀၀) ပေါက်သူ ကြင်စဦးဇနီးမောင်နှံကို မိုးယံရွှေလမင်းနှင့်မြတ်ဆုကုဋေထီဆိုင် ကိုယ်စားလှယ်မှ တွတ်(၅)သောင်းသာ ရရှိသည်ဟု မှားယွင်းစွာအကြောင်းကြားမှု တစ်ခုဖြစ်ပွားခဲ့ကြောင်းသိရသည်။

ပုသိမ်မြို့ကင်မလင်းကျွန်းရပ်ကွက်၊ ကန်သာယာ(၃)လမ်းနေကို ထိန်လင်းအောင်နှင့် မသော်တာတို့မှ ထီသိန်း(၁၅၀၀)ပေါက်သည်ကို အက္ခရာတူ ရှေ့နှစ်လုံးတူအဖြစ် တစ်စောင်ကို(၅)သောင်းကျပ်ဖြင့် (၅)စောင်တွဲအား(၂၅၀၀၀၀)ကျပ်ရသည်ဟု သွားရောက်အကြောင်းကြားရာမှ ပါလာသောထီပေါက်စဉ်ဖြင့် တိုက်ကြည့်ရာတွင် သိန်း(၁၅၀၀)ပေါက်သည်ကိုသိရှိခဲ့သည့်ဖြစ်စဉ် ဖြစ်ပွားခဲ့ခြင်းဖြစ်သည်။

 “မတ်လ(၁)ရက်နေ့ညနေ(၄)နာရီခွဲလောက်မှာ လာအကြောင်းကြားတာပါ၊ ကျွန်တော်က သူတို့လာပြောတော့ တစ်စောင်(၂)သိန်းဆိုရင်(၅)စောင်ဆိုတော့(၁၀)သိန်းမရဘူးလားဆိုတော့ သူတို့ကလည်းပါလာတဲ့ ထီပေါက်စဉ်ကိုထုတ်ပြပြီး ကျပ်သိန်း(၁၅၀၀)ဂဏန်းကို ဒီလိုတိုက်ရတယ်လို့ပြောရင်းနဲ့ ကြည့်လိုက်တော့ ကျွန်တော်ထိုးထားတဲ့(၅)စောင်တွဲမှာပေါက်ဂဏန်းပါနေတာသိရတာပဲ။”ဟု ပုသိမ်မြို့မှ ကျပ်သိန်း(၁၅၀၀)ထီ ပေါက်ခဲ့သူ ကိုထိန်လင်းအောင်က ပြောသည်။

အဆိုပါ ထီ(၅)စောင်တွဲအား ၄င်းတို့မင်္ဂလာဆောင်မည့် ဖေဖေါ်ဝါရီလ(၂၀)ရက်နေ့နံနက်မတိုင်မီ ဖေဖေါ်ဝါရီလ (၁၉)ရက်ညပိုင်းက မင်္ဂလာဆောင်တွင်ကမ်းမည့်ကဒ်များ သွားယူစဉ် လမ်းတွင် ထိုးခဲ့ခြင်းဖြစ်ပြီး၊ မိသားစု အတွင်း၌ (၂) ကျပ်တန်ထီခေတ်ကလည်း အမြင့်ဆုံးဆုဖြစ်သည့်(၁၀)သိန်းဆု ပေါက်ခဲ့ဘူးကြောင်း ၄င်းက ဆက်ပြောသည်။

ပုသိမ်မြို့မှထီဆိုင်ကြီးများကို ရန်ကုန်ပင်ရင်းဆိုင်မှ ပေါက်ဂဏန်းထွက်ပြီး အချိန်ပိုင်းအတွင်း အကြောင်း ကြားလေ့ ရှိသော်လည်း ကိုယ်စားလှယ်များက မည်သည့်ဒေသမှပေါက်သည်ကို ဆက်လက် ကြည့်ရှုပြီး အကြောင်းကြားလေ့ရှိသည်။

ကိုယ်စားလှယ်များအကြောင်းကြားမှု ပျက်ယွင်းသဖြင့် ပေါက်သူမှာ မိမိထီပေါက်မှန်းမသိရှိသဖြင့် သိန်းဆုအကြီးစားများပင် မကြာခဏနိုင်ငံတော်ဘဏ္ဍာအဖြစ် သိမ်းယူနေသဖြင့် ထီထိုးထားသူများအနေဖြင့် ကိုယ်စားလှယ်များအကြောင်းကြားသည်ကို မစောင့်ဘဲထီပေါက်စဉ် ၀ယ်ကာ တိုက်ကြည့် ကြစေလိုကြောင်း ပုသိမ်မြို့မှ ထီဆိုင်ပိုင်ရှင်များကဆိုသည်။

“ကျွန်တော်တို့က ထီပေါက်စဉ်နဲ့ တိုက်ကြည့်ပြီးမှ အရင်ဆုံးငါးသောင်းဆုကနေစပြီး တွတ်ရတဲ့ ဆုသေးတွေ ကို လိုက်လျှော်ပေးတယ်။ အဲ့ဒီနေ့ကလည်းတွတ်(၅)သိန်းရတဲ့ လူတစ်ယောက်ကို သွားပေး ရင်းနဲ့ ၀င်သွား တာပါ၊ ကျွန်တော်တို့ သိန်း(၁၅၀၀)ပေါက်နေတယ်ဆိုတာ အဲ့ဒီအချိန်ထိမသိခဲ့ပါဘူး။ လိမ်ချင်ရင်တော့ သူတို့ငြင်းတဲ့ (၁၀)သိန်းကို ချက်ချင်းပေးခဲ့မှာပေါ့ဗျာ။ ပါသွားတဲ့ထီပေါက်စဉ်တောင် ထုတ်မပြဘူး။”ဟု သိန်း(၁၅၀၀) ဆုကို မှားယွင်းကာသွားရောက်ပေးလျှော်ခဲ့သူ ပုသိမ်မြို့မှ ထီကိုယ်စားလှယ် ကိုစိုးသူကျော် ကပြောသည်။

မတ်လ(၁)ရက်နေ့က (၃၀၂) ကြိမ်မြောက် အောင်ဘာလေ ထီဖွင့်ပွဲတွင် ကျပ်သိန်း(၁၅၀၀)ဆုမဲ အဖြစ် (တ-၆၅၆၉၉၈) ထွက်ပေါ်ခဲ့ကာ ပုသိမ်မြို့တွင် ယခုတစ်ကြိမ်ကျပ်သိန်း(၁၅၀၀)ဆုမဲပေါက်ခဲ့မှုမှာ ပထမဆုံး အကြိမ်ဖြစ်ကြောင်း ပုသိမ်မြို့ရှိ ထီဆိုင်ပိုင်ရှင်များထံမှသိရသည်။

မျိုးမင်းထွန်း (မြစ်မခ)

၁၅ နှစ်အရွယ်ကောင်လေးရဲ့ အိပ်ခန်းထဲကိုခိုးဝင်ပြီး လိင်ဆက်ဆံခဲ့တဲ့ အပျိုကြီး တရားစွဲခံရ

Posted by drmyochit Thursday, March 06, 2014, under | No comments



အသက်အရွယ် မရောက်သေးတဲ့သူကို နေထိုင်ပေါင်းသင်းမိပါက အရေးယူ ခြင်း ခံရလိမ့်မယ်ဆိုတာ အခုဖြစ်ရပ်က သက်သေပြသ သွားခဲ့ပါတယ်။ အမေ ရိကန်နိုင်ငံ၊ အရီဇိုနားမှာ ရှိတဲ့ (၃၄)နှစ်အရွယ် အမျိုးသမီးတစ်ဦးဟာ အိမ်နီး နားချင်းဖြစ်တဲ့ အရွယ်မရောက်သေးတဲ့ (၁၅)နှစ်အရွယ် ကောင်ကလေးရဲ့ အိမ်ကိုခိုးဝင်ပြီး အတူအိပ်စက်ခဲ့လို့ ရဲတပ်ဖွဲ့ က ဖမ်းဆီးစစ်ဆေးမှုတွေ ပြုလုပ်လျက်ရှိပါတယ်။

ကီရီဂွန်ဇာလက် အမည်ရ အမျိုးသမီးဟာ ကောင်လေးရဲ့အိမ်ကို ခိုးဝင် ရောက်လာပြီးတဲ့နောက် အရက်တွေသောက် သုံးကာ နှစ်ကြိမ်တိုင်တိုင် ချစ်တင်းနှောခဲ့ကြပါတယ်။ နံနက်နှစ်နာရီ ရောက်တဲ့အခါ ကောင်လေးရဲ့ အမေက သားဖြစ်သူရဲ့ အခန်းထဲမှာ အသံကြားလို့ သွားရောက်ကြည့်ရှုခဲ့ပါ တယ်။

ဒီအချိန်မှာ အ၀တ်ဗလာနဲ့ အမျိုးသမီး တစ်ဦးကို တွေ့ရှိခဲ့ပြီး၊ ကောင်လေးရဲ့ အမေက ဖမ်းဆီးဖို့ ကြိုးစားခဲ့ပါတယ်။ ဒါပေမဲ့ အဲဒီအမျိုးသမီးဟာ အ၀တ်ဗ လာနဲ့ ပြတင်းပေါက်ကနေ ထွက်ပြေးသွားခဲ့လို့ ခြေကျင်းဝတ်ဒဏ်ရာ ရရှိ သွားခဲ့ပါတယ်။ ဒီနောက် မိနစ်(၃၀)ခန့် အကြာမှာ ထွက်ပြေးသွားတဲ့ အမျိုး သမီးက ကောင်လေးအိမ်ကို ပြဿနာလာရှာခဲ့ပါတယ်။ နှစ်ရက်အကြာမှာ ကောင်လေးရဲ့အမေက ရဲစခန်း ကို တိုင်ကြားခဲ့ ပါတယ်။ ရဲတပ်ဖွဲ့ ဝင်တွေဟာ ကီရီဂွန်ဇာလက်ကို ခေါ်ယူမေးမြန်းတဲ့အခါ လိမ်လည်ပြောဆိုခဲ့ပါတယ်။ ကောင်လေးကို မေးမြန်းတဲ့အခါ အခန်းထဲကို ရောက်လာသူ ကီရီဇွန်ဇာလက် ဖြစ်ပြီး၊ အရက်ပုလင်းကိုလည်း ယူဆောင်ခဲ့ကြောင်း ထွက်ဆိုခဲ့ပါတယ်။ ဒါကြောင့် ရဲတပ်ဖွဲ့ ဝင်တွေဟာ ကီရီဂွန်ဇာလက်ကို လိမ်လည်ပြောဆိုမှု၊ အရွယ်မရောက်သေးသူနဲ့ ပျော်ပါးမှု စတဲ့စွဲ ချက်တွေ တင်ထားတယ်လို့ သိရပါတယ်။

The Messenger

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်