Wednesday, February 05, 2014

ပြည်သူ့ရင်ပြင်ရှေ့ အပန်းဖြေနေသော လူငယ်အဖွဲ့ ကားဖြင့်လိုက်တိုက်ခံရ

Posted by drmyochit Wednesday, February 05, 2014, under | No comments

ရန်ကုန်၊ ဖေဖော်ဝါရီ ၄

ဒဂုံမြို့နယ် ပြည်သူ့ရင်ပြင်ရှေ့ ပြည်လမ်းမပေါ်တွင် ဖေဖော်ဝါရီလ ၃ ရက် မွန်းလွဲ ၃ နာရီ ၃၀ မိနစ်က အပန်းဖြေနေသော လူငယ်သုံးဦးထံသို့ လူငယ်တစ်စု ရောက်လာပြီး ရန်စခံရမှုကြောင့် ပြဿနာ မဖြစ်ရန် ၎င်းတို့ ပါလာသော ယာဉ်နှစ်စီးဖြင့် နေအိမ်သို့ မောင်းလာစဉ် အဆိုပါ လူငယ်တစ်စုက ယာဉ်ဖြင့် လိုက်တိုက်ခဲ့ကြောင်း ဒဂုံ မြို့မရဲစခန်းမှ ရဲအရာရှိတစ်ဦးက ပြောကြားသည်။

သြစတြေးလျနိုင်ငံ GMC အကယ်ဒမီကျောင်းတွင် အနုပညာ ဘာသာရပ် တက်ရောက်နေသော စမ်းချောင်းမြို့နယ်၊ ရှမ်းရိပ်သာလမ်းတွင် နေသူ ကိုကောင်းမြတ်သည် ယင်းနေ့က ၎င်း၏ သူငယ်ချင်းနှစ်ဦးနှင့်အတူ ကိုယ်ပိုင်ယာဉ် နှစ်စီးဖြင့် ပြည်သူ့ရင်ပြင်ရှေ့၌ လာရောက် အပန်းဖြေနေစဉ် လူငယ်လေးဦး ရောက်ရှိလာကာ ရန်စကား ပြောသောကြောင့် ရှောင်ထွက် ကာ နေအိမ်ပြန်ရန် ယာဉ်ပေါ်တက်စဉ် အဆိုပါ လူငယ်အဖွဲ့က “ရိုက်သတ်ပစ်မယ်၊ ကားကို မီးရှို့ပစ်မယ်” ဟု ခြိမ်းခြောက ပြောဆိုကာ ၎င်းတို့ ယာဉ်နောက် လိုက်လာပြီး အလုံလမ်းမကြီးရှိ အင်တာနေရှင်နယ် ဟိုတယ်ရှေ့တွင် ယာဉ်နောက်ပိုင်းကို ဝင်တိုက်ခဲ့ပြီး မောင်းနှင် ထွက်ပြေးသွားခဲ့ကြောင်း ကိုကောင်းမြတ်၏ တိုင်ကြားချက်အရ သိရှိရသည်။

“လူငယ်ချင်း စကားများရာက ယာဉ်နဲ့ လိုက်တိုက်ခံရလို့ တိုင်ကြားထားတဲ့ ကားနံပါတ်ကို က.ည.န ရုံးထံ သတင်းပေးပို့ပြီး မေးမြန်းထားတယ်။ လတ်တလော စုံစမ်းဆဲ ဖြစ်တာကြောင့် ကားနဲ့ဝင်တိုက်တဲ့အဖွဲ့က ဘယ်သူတွေလဲဆိုတာ မသိရသေးဘူး” ဟု ဒဂုံ မြို့မရဲစခန်းမှ ရဲအရာရှိ တစ်ဦးက ပြောကြားသည်။

ရန်စခံရသောကြောင့် မောင်းထွက်ပြေးလာစဉ် အဆိုပါ လူငယ်လေးဦးခန့်မှာ ဟာရီယာ အမျိုးအစားယာဉ်ဖြင့် နောက်မှလိုက်လာပြီး ကိုကောင်းမြတ်၏ SURF အမျိုးအစားယာဉ်ကို နောက်မှ ဝင်တိုက်ခဲ့သောကြောင့် ယာဉ်နောက်တံခါး ပိန်ချိုင့်ကာ မှန်များကွဲခြင်း၊ အမိုးပိန်ချိုင့် ပျက်စီး ဆုံးရှုံးခဲ့ခြင်း တို့ကြောင့် (ပ)၂၄/၁၄၊ ပုဒ်မ ၂၇၉/၄၂၇/၅၀၆/၂၀၂ ဖြင့် အမှုဖွင့်ကာ စုံစမ်းဆောင်ရွက်လျက် ရှိကြောင်း ရန်ကုန်တိုင်းဒေသကြီး ရဲတပ်ဖွဲ့ရုံးထံမှ သိရှိရသည်။

The Voice Weekly

ဖုန်းကတ်များလာပြီ မကြာမီမျှော်

Posted by drmyochit Wednesday, February 05, 2014, under | No comments


ရေးသားသူ- ဆွေမွန်၊ နိုင်လင်းအောင်

မိုဘိုင်းဖုန်းဆင်းမ်ကတ်တစ်ကတ် ပိုင်ဆိုင်နိုင်ရန် ရပ်ကွက်အုပ်ချုပ်ရေးမှူးရုံး နံရံကပ်ကြော်ငြာသင်ပုန်းတွင် ထီပေါက်စဉ်တိုက်သလို ရင်ခုန်စွာဖြင့် မျှော်လင့်စောင့်စားနေရဆဲဖြစ်သည်။

ထို့အတူ မိုဘိုင်းအင်တာနက်လိုင်းသုံးစွဲသူများမှာလည်း အ၀ိုင်းလေးလည်နေသည်ကို တစ်မိနစ်လျှင်နှစ် ကျပ် (သို့မဟုတ်) တစ်မိနစ်လျှင်လေးကျပ်ပေး၍ ထိုင်ကြည့်နေရဆဲဖြစ်သည်။

ညံ့ဖျင်းလှသည့် ဆက်သွယ်ရေးစနစ်နှင့် မိုဘိုင်းဆင်းမ်ကတ် အခက်အခဲပြဿနာကို ဇန်န၀ါရီ ၃၀ ရက်က အော်ပရေ တာလုပ်ငန်းများအတွက် တရားဝင်လုပ်ကိုင်ခွင့် ဆက်သွယ်ရေးလိုင်စင်ရရှိခဲ့သည့် ပြည်ပ ကုမ္ပဏီနှစ်ခု က ဖြေရှင်းပေးနိုင်လိမ့်မည်ဟုလည်း ယုံကြည်မျှော်လင့်နေကြသည်။

“အားကိုးပါတယ် တယ်လီနောရယ်။ ကျွန်တော်တို့ဒေသ စစ်ကိုင်းတိုင်း ကလေးမြို့နယ် တင်းသားရွာမှာ အခုချိန်ထိ ဖုန်းပြောလို့မရသေးပါ။ အဓိကလိုအပ်နေတာကတော့ တာဝါတိုင်ပေါ့။ အမြန်လေးလုပ်ပေးပါ”ဟု ရွာခံတစ်ဦးက တယ်လီနော၏ လူမှုကွန်ရက်စာမျက်နှာတွင် ရေးသားထားသည်။

ဆက်သွယ်ရေးလိုင်စင် တရားဝင်ရရှိပြီးဖြစ်သည့် တယ်လီနောမြန်မာနှင့် အော်ရီဒူးမြန်မာကုမ္ပဏီများက ဆက်သွယ်ရေးဝန်ဆောင်မှုများကို ခြောက်လမှ ရှစ်လအတွင်း လုပ်ကိုင်ပေးသွားမည်ဟု ကတိပြုပြော ဆိုထားကြ သည်။

ထို့အပြင် ဆင်းမ်ကတ်ဝယ်ယူသည်နှင့် အင်တာနက်စနစ်ပါ တစ်ပါတည်းပါနိုင်ဖွယ်ရှိပြီး ကျပ် ၁၅၀၀ ၀န်းကျင်ရှိ သည့် ဆင်းမ်ကတ်များကို နေရာတိုင်း၊ ဒေသတိုင်းလိုလိုတွင် လိုသလောက် အလွယ် တကူ ၀ယ်ယူ ရရှိနိုင်ရန် အထိ ဆောင်ရွက်သွားမည်ဖြစ်ကြောင်း လိုင်စင်ရရှိပြီးဖြစ်သည့် ပြည်ပကုမ္ပဏီနှစ်ခုဖြစ် သည့် တယ်လီနောနှင့် အော်ရီဒူးကုမ္ပဏီများကပြောသည်။

“ဖုန်းတွေစချပေးကတည်းက လတိုင်းလျှောက်လည်း မပေါက်ဘူး။ ထပ်ပြီးမလျှောက်ချင်တော့ဘူး။ ကုမ္ပဏီတွေရောင်းမယ့် ဖုန်းစောင့်တာမှ ဟုတ်ဦးမယ်။ မဲနှိုက်စရာလည်း မလိုဘူးဆိုတော့ ပိုတောင်ကောင်းသေးတယ်”ဟု အသက်(၄၀)အရွယ် အိမ်ရှင်မတစ်ဦးကပြောသည်။

အသက်အရွယ်အလိုက်၊ နေရာဒေသအလိုက် လူတိုင်းလိုအပ်နေသည့် ဆက်သွယ်ရေးဝန်ဆောင်မှုများမှာ ကွဲပြားမှုများရှိသော်လည်း ၀န်ဆောင်မှုကောင်းကောင်းလိုချင်သည့် ဆန္ဒကတော့ တစ်ထပ်တည်းကျသည်။ မိုဘိုင်းဖုန်းမရရှိသည့် မြို့နှင့်အလှမ်းဝေးသော ကျေးရွာများရှိ ပြည်သူများက မိုဘိုင်းဖုန်း အသုံးပြု လိုကြ သည်။ မိုဘိုင်းဖုန်းရရှိသော်လည်း ဆက်သွယ်ရေးတာဝါတိုင် အလုံအလောက်မရှိသည့် နေရာများရှိ ပြည်သူ များက ကြည်လင်ပြတ်သားစွာပြောဆိုနိုင်မည့် မိုဘိုင်းကွန်ရက်ကို မျှော်ကြသည်။ မိုဘိုင်းဖုန်းလိုင်း အနည်း ငယ် အဆင်ပြေသည့် မြို့နေလူထုမှာလျင်မြန်ပြီး နိုင်ငံတကာအဆင့်မီသုံးနိုင်မည့် အင်တာနက်လိုင်းကို တောင့် တကြသည်။

“နောက်ပိုင်းကုမ္ပဏီတွေ ၀င်လာလို့ လိုင်းမြန်မြန်လေးသုံးလို့ရပါစေလို့ပဲ ဆုတောင်းရမယ်”ဟု အသက် (၂၃)နှစ် အရွယ် ကိုဝေလင်းကပြောသည်။

ဆက်သွယ်ရေးအော်ပရေတာကုမ္ပဏီနှစ်ခုမှာ မြို့ကြီးများတွင် လက်ရှိအသုံးပြုနေသည့် 2G စနစ်အစား 3G စနစ်ကို အကောင်အထည်ဖော်မည်ဖြစ်ပြီး အချို့သော မိုဘိုင်းဖုန်းလိုင်းပင် အဆင်မပြေနိုင်သေးသည့် ရပ်ကွက်/ကျေးရွာ များတွင် 2G စနစ်ကိုသာ စတင်အကောင်အထည်ဖော်မည်ဖြစ်ကြောင်း တယ်လီနောမြန် မာမှ အမှုဆောင်အရာရှိချုပ် မစ္စတာ Petter Furberg က ပြောကြားသည်။

“3G ကို နေရာတိုင်းမှာ ကာဗာဖြစ်အောင် လုပ်ပေးထားမှာပါ။ Social မီဒီယာ အသုံးပြုလို့ရမယ်။ အကုန်လုံး သေသေချာ ချာ တစ်ယောက်နဲ့တစ်ယောက် ကောင်းကောင်းဆက်သွယ်နိုင်အောင် ၀န်ဆောင်မှု လုပ်ပေး သွားမှာ ဖြစ်ပါတယ်”ဟု အော်ရီဒူးမြန်မာကုမ္ပဏီမှ အမှုဆောင်အရာရှိချုပ် မစ္စတာ Rock Cormack က ပြောသည်။

ဆက်သွယ်ရေးဆင်းမ်ကတ်များ အလွယ်တကူဝယ်ယူရရှိနိုင်ရန်သာမက အခြားသော မိုဘိုင်း ၀န်ဆောင် မှုများပါ ပေးသွားမည်ဖြစ်ပြီး အင်တာနက်ဝန်ဆောင်မှုစနစ်များ၊ Value Added ၀န်ဆောင်မှုများကိုပါ တစ်ပါတည်း သုံးစွဲနိုင်ရန် အဆိုပါကုမ္ပဏီနှစ်ခုက လုပ်ဆောင်သွားမည်ဟုဆိုသည်။

“ဆင်းမ်ကတ်တွေမှာ အင်တာနက်ထည့်သွင်းပေးသွားမှာဖြစ်ပြီး အင်တာနက်အတွက် သတ်သတ်လျှောက် ထားစရာမ လိုအပ်ပါဘူး။ တကယ်တမ်း အင်တာနက်သုံးတဲ့အခါမှာသာ သုံးစွဲတဲ့ကျသင့်နှုန်းထားပေးရမှာပါ။ နှုန်းထား ကိုလည်း အတတ်နိုင်ဆုံးသက်သာအောင် ဆောင်ရွက်သွားမယ်”ဟု မစ္စတာ Petter Furberg က ပြောကြားသည်။

နိုင်ငံတကာကုမ္ပဏီနှစ်ခုအနေဖြင့် မိုဘိုင်းဆင်းမ်ကတ်များကိုလည်း ကျပ် ၁၅၀၀ ၀န်းကျင်ဖြင့် ရောင်းချပေး မည်ဖြစ်ရာ ခေါ်ဆိုခနှုန်းထားများကို တစ်မိနစ်လျှင် အများဆုံး ၂၅ ကျပ်ဖြင့် ၀န်ဆောင်မှုပေး သွားရန် အော်ပရေ တာလုပ်ငန်းလုပ်ကိုင်ခွင့် ရရှိစဉ်ကတည်းက ထုတ်ပြန်ထားသည်။ သို့သော်လည်း ၎င်းတို့သတ် မှတ်သည့် နှုန်းထားများကို ဆက်သွယ်ရေးနှင့် သတင်းအချက်အလက်နည်းပညာဝန်ကြီးဌာနသို့ တင်ပြပြီးမှ သာ ယှဉ်ပြိုင်လုပ်ဆောင်ရမည့် အော်ပရေတာများအားလုံး လက်ခံနိုင်မည့်နှုန်းထားတစ်ခုကို လုပ်ကိုင်စေ မည်ဖြစ်ကြောင်း လွတ်လပ်စွာတရားဝင်ထိန်းသိမ်းမည့်အဖွဲ့အစည်း (Independent Regulator)အဖြစ် ပြောင်း လဲ လုပ်ကိုင်မည့် ဆက်သွယ်ရေးညွှန်ကြားမှုဦးစီးဌာန ညွှန်ကြားရေးမှူးချုပ် ဦးခင်မောင်သက် ကပြောသည်။

ထို့အပြင် ဆက်သွယ်ရေးဝန်ဆောင်မှုများဖြစ်သည့် အင်တာနက်စနစ်အတွက် 3G ၀န်ဆောင်မှုပေးနိုင်ရန် စီစဉ်ထားသော်လည်း ပြည်တွင်းအနေအထားအရ သုံးစွဲသူများအနေဖြင့်လည်း 4G စနစ် ဆောင်ရွက်ရန်မှာ မလွယ်ကူသေးကြောင်း မြန်မာနိုင်ငံကွန်ပျူတာအသင်းချုပ် အတွင်းရေးမှူးဦးဇော်မင်းဦးကပြောသည်။

“3G ကတော့ ရန်ကုန်၊ မန္တလေး၊ နေပြည်တော်ကတော့ ချက်ချင်းဖြစ်လာမှာပါ။ သုံးမယ်၊ မသုံးဘူးဆိုတာ အဆင်ပြေ၊ မပြေဘဲ ကြည့်ရမယ်။ ကျွန်တော်တို့ တိုင်းပြည်အနေနဲ့ကတော့ တစ်ခါတည်း 4G ပေးလိုက်တော့ လည်း ဟန်းဆက်ကလည်း ဈေးကြီးသွားမှာဖြစ်တဲ့အတွက် ကျွန်တော်တို့ဘက်က လိုက်နိုင်ပါ့ မလား ဆိုတာ ကြည့်ရဦးမယ်”ဟု ဦးဇော်မင်းဦးကပြောသည်။

လက်ရှိတွင် အစိုးရအော်ပရေတာတစ်ခုအဖြစ် လုပ်ကိုင်ခွင့်ရရှိထားပြီး ပြည်တွင်းမိုဘိုင်းဝန်ဆောင်မှုများကို ပေးနေ သည့် မြန်မာ့ ဆက်သွယ်ရေးလုပ်ငန်းကလည်း မြို့ကြီးများတွင် 3G စနစ် ဆောင်ရွက်ပေးနေသော် လည်း သုံးစွဲရ ခက်ခဲ မှုရှိနေဆဲဖြစ်သည်။

လက်ရှိတွင် နိုင်ငံပေါင်း ၃၃ နိုင်ငံမှ ပြည်တွင်းသို့ မိုဘိုင်းဖုန်းယူဆောင်အသုံးပြုနိုင်ပြီဖြစ်သော်လည်း ပြည်တွင်း မှ မိုဘိုင်းဖုန်းများကို ပြည်ပသို့ သယ်ယူအသုံးပြုနိုင်ရန် စမ်းသပ်နေဆဲသာဖြစ်သည်။ သို့သော် ပြည်ပဆက်သွယ်ရေးအော်ပရေ တာနှစ်ခုတွင် အဆိုပါစနစ်ကို မိုဘိုင်းဖုန်းရောင်းချသည်နှင့် တစ်ပြိုင်တည်း အသုံးပြုနိုင်မည်ဖြစ်သည်။

“International Call လည်း ခေါ်လို့ရပါတယ်။ အခြားနိုင်ငံကယူလာရင်လည်း အော်ရီဒူးနက်ဝါ့ခ်ကို သုံးပြီးတော့ Roming အနေနဲ့ သုံးလို့ရမယ့်အပြင် အော်ရီဒူးမြန်မာပြည်ဆင်းမ်ကတ်ကို နိုင်ငံတကာမှာ သုံးလို့ရမယ့် Roming Service ကို ကြိုးစားနေပါတယ်။ ထည့်ပေးမှာပါ”ဟု အော်ရီဒူးမြန်မာကုမ္ပဏီ အမှုဆောင် အရာရှိချုပ် မစ္စတာ Rock Cormack က ပြောသည်။

ဆက်သွယ်ရေးလိုင်စင်ရရှိပြီးဖြစ်သည့် ပြည်ပကုမ္ပဏီနှစ်ခုနှင့် မြန်မာ့ဆက်သွယ်ရေး၊ ရတနာပုံ တယ်လီပို့ ကုမ္ပဏီတို့ အနေဖြင့် ၀န်ဆောင်မှု ယှဉ်ပြိုင်ရမည်ဖြစ်သောကြောင့် ပြည်သူများအနေဖြင့်လည်း အရည် အသွေးကောင်း မွန်သော ၀န်ဆောင်မှုပေးနိုင်မည့် ကုမ္ပဏီကိုသာ ရွေးချယ်မှုလုပ်လာနိုင်မည်ဖြစ်ကြောင်း ဦးဇော်မင်းဦး ကပြောသည်။

“သေချာတာကတော့ အော်ပရေတာက လေးဦးဖြစ်သွားမယ်။ အသုံးပြုသူတွေအနေနဲ့ ရွေးချယ်ခွင့် ရှိလာမယ်။ အရင်တုန်းက တစ်ယောက်ကိုတစ်ခုပေးနိုင်တယ်ဆိုရင် အခုဆိုရင် လေးဦးဆိုတော့ လေးခုပေးလာနိုင် မှာဖြစ် တဲ့အတွက် နောက်ပိုင်းမှာ ပစ္စည်းလည်းပေါလာမယ်။ ဈေးကျလာနိုင်တယ်။ ၀န်ဆောင်မှုပိုကောင်းလာမယ်။ တစ်ဦးတည်းမဟုတ်တော့ဘဲ အပြိုင်အဆိုင်ဖြစ်လာမယ်”ဟု ဦးဇော်မင်းဦးကပြောသည်။

မိုဘိုင်းအတွက် အဓိကလိုအပ်သည့်အသံစနစ်၊ အချက်အလက်ဝန်ဆောင်မှုစနစ်များအပြင် 3G စနစ်မှ 4G စနစ်အထိ ဆောင်ရွက်ပါက ရေဒီယိုစနစ်များပါ ပါဝင်လာမည်ဖြစ်ပြီး ပြည်တွင်းတွင် မသိရှိခဲ့သည့် ဆက်သွယ်ရေး ၀န်ဆောင်မှုစနစ်အသစ်များ၊ တီထွင်ဆန်းသစ်မှုများပါ ထွက်ရှိလာနိုင်ကြောင်း ဦးဇော်မင်းဦး က သုံးသပ်ပြောကြားသည်။

အဆိုပါကုမ္ပဏီနှစ်ခုက လိုအပ်နေသည့် ဆက်သွယ်ရေးတာဝါတိုင်များအတွက် ကနဦးအနေဖြင့် ကုန်ကျ စရိတ်သက် သာမှုရှိစေရန် မြန်မာ့ဆက်သွယ်ရေးလုပ်ငန်းနှင့် ပူးပေါင်းလုပ်ကိုင်နိုင်ဖွယ်ရှိရာ အဆိုပါကုမ္ပဏီ များ၏ မိုဘိုင်းကွန်ရက် ခက်ခဲလာမည်ကို စိုးရိမ်စရာရှိသည်။

“ပြည်ပအော်ပရေတာတွေအနေနဲ့ ဖုန်းတွေကို မြန်မြန်ချမယ်ဆိုရင် မြန်မာ့ဆက်သွယ်ရေးမှာ တာဝါတိုင် တွေ ဆောက်ပြီးသားရှိတဲ့အတွက် ကနဦးအနေနဲ့ အဲဒီတာဝါတိုင်တွေမှာ အငှားအနေနဲ့ တွဲပြီးတော့ လုပ်သွားမှာဖြစ်ပေမယ့် သီးခြားအနေနဲ့လည်း အပြိုင်အဆိုင်လုပ်သွားမှာဖြစ်တဲ့အတွက် နောက်ပိုင်းမှာ ဖုန်းလိုင်းတွေ ကောင်းလာမှာဖြစ်သလို အင်တာနက်မြန်နှုန်းတွေလည်း ကောင်းလာမယ်။ ၀န်ဆောင်မှုတွေကိုလည်း အပြိုင်လုပ်ဆောင်ပေးသွားပါမယ်”ဟု မြန်မာ့ဆက်သွယ်ရေးလုပ်ငန်းမှ မိုဘိုင်းအင်ဂျင်နီယာမှူး ဦးငွေသောင်းကပြောသည်။

လူဦးရေ သန်း ၆၀ ကျော်ရှိသည့် မြန်မာနိုင်ငံတွင် လက်ရှိ မြန်မာ့ဆက်သွယ်ရေးလုပ်ငန်းက မိုဘိုင်းဖုန်း လိုင်း ခုနစ်သန်းကျော်သာ ရောင်းချပေးပြီး မိုဘိုင်းဈေးကွက်ေ နရာတစ်ခုကို ရယူထားသော်လည်း လာမည့်ရှစ် လအတွင်းတွင် ပြည်ပကုမ္ပဏီနှစ်ခုက အပြိုင်အဆိုင်ဈေးကွက်ရယူတော့မည်ဖြစ်ရာ အရည် အသွေးကောင်း မွန်သည့် ၀န်ဆောင်မှုများကိုသာ ရွေးချယ်အသုံးပြုနိုင်တော့မည်ဟု မျှော်လင့်ရသည်။

လုပ်ငန်းစတင်ချိန်မှစ၍ ၂ နှစ်အတွင်း ပြည်သူများ နိုင်ငံတကာအဆင့်မီ ဆက်သွယ်ရေးဝန်ဆောင်မှုများကို အသုံးပြုနိုင် မည် ဟုယုံကြည်ကြောင်း လူကြီးမင်းဖုန်းဆိုင် မန်နေးဂျင်းဒါရိုက်တာ ဦးပြည်စိုး ထွန်း ကပြောသည်။

“လောလောဆယ် မြန်မာပြည်အတွက် လိုအပ်တာတော့ ခလုတ်တစ်ချက်နှိပ်လိုက်တာနဲ့ ဖုန်းခေါ်လို့ရဖို့ အလို အပ်ဆုံး ပါပဲ”ဟု အော်ရီဒူးမြန်မာ၏ လူမှုကွန်ရက်စာမျက်နှာတွင် ပြည်သူတစ်ဦးက ပြောကြား ထားသည်။ ။

ဓာတ်ပုံ- လင်းဘိုဘို/အီးပီအေ
7Day News Journal

ဝန်ကြီးဦးအုန်းမြင့် သစ်ရာကောက် ကျေးရွာသားများနှင့် ထပ်မံတွေ့ဆုံ

Posted by drmyochit Wednesday, February 05, 2014, under | 1 comment

နိုင်ငံရေးသမားတွေအပေါ် ရိုင်းရိုင်းပျပျပြောဆိုမှုနဲ့ ဝေဖန်ခံနေရတဲ့ ပြည်ထောင်စုဝန်ကြီး ဦးအုန်းမြင့်ဟာ သူပြောဆိုခဲ့တဲ့ မကွေးတိုင်း သစ်ရာကောက်ကျေးရွာကို မနေ့ညနေက ထပ်မံသွားရောက်ပြီး ဒေသခံတွေနဲ့ တွေ့ဆုံခဲ့ပါတယ်။

သစ်ရာကောက်ကျေးရွာသားတွေနဲ့ တွေဆုံစဉ်က “ဘယ်နိုင်ငံရေးသမားကိုမှ ဂရုမစိုက်ဘူး၊ ဗိုလ်ချုပ်အုန်းမြင့်ဆိုပြီး နယ်တကာလှည့်ပြီး ပါးရိုက်ရဲတယ်ကွ ဆိုပြီး မိန့်ခွန်းပြောလာတာ” လို့ ပြောဆိုခဲ့ပြီး လူမှုပတ်ဝန်းကျင်မှာ ဝေဖန်ခံနေရတဲ့ ပြည်ထောင်စုဝန်ကြီး ဦးအုန်းမြင့်ဟာ သူပြောဆိုခဲ့တဲ့ မကွေးတိုင်း သစ်ရာကောက်ကျေးရွာကို မနေ့ညနေက နောက်တကြိမ် သွားရောက်ခဲ့တာပါ။

ရေလုပ်ငန်းနှင့်ကျေးလက်ဒေသဖွံ့ဖြိုးရေးဝန်ကြီးဌာန ပြည်ထောင်စုဝန်ကြီးဦးအုန်းမြင့် ၀န်ကြီးလာတောင်းပန်မယ်ဆိုတဲ့သတင်းတွေကြောင့် မနေ့က သစ်ရာကောက်ကျေးရွာ အထကကျောင်းဝန်းထဲမှာ ဒေသခံ ၄၀၀ ကျော် လာရောက်တွေ့ဆုံခဲ့ပါတယ်။

ဝန်ကြီးက “ကျေးရွာမှာရှိတဲ့ အထောက်ကူပြု အဖွဲ့ဖြစ်ဖြစ်၊ မြို့နယ်မှာရှိတဲ့ အထောက်ကူအဖွဲ့ဖြစ်ဖြစ်၊ အဲ့တော့ ဒီအဖွဲ့တွေနဲ့ ပေါင်းစပ်စစ်ဆေးပြီး ဒီဟာက အရေးကြီးတယ်၊ ဘယ်ဟာကတော့ ချက်ချင်းလိုတယ်ဆိုတဲ့ လိုအပ်ချက်တွေကိုကြည့်ပြီး ကျေးရွာက လိုအပ်ချက်နဲ့ နိုင်ငံတော်က လုပ်ပေးနိုင်တဲ့ ကွာဟချက်ကို ညှိပြီး ဖန်တီးပေးနိုင်မှာ။ ရွာကလိုအပ်ချက်တွေထဲမှာ အရင်တုန်းက သမ၀ါယမရှိလား။ ဒါတွေကို သုံးသပ်ပြီးတော့ လုပ်ပေးတဲ့အခါမှာ စည်းစည်းလုံးလုံး တရွာနဲ့တရွာရှိဖို့လိုတယ်။ တရွာနဲ့တရွာ တည်ငြိမ်မှုမရရင် ဘယ်သူ့အတွက်မှ အကျိုးအမြတ်မရှိဘူး” လို့ ပြောပါတယ်။

ဝန်ကြီးလာပြီး တွေ့ဆုံခဲ့ပေမယ့် ပုံမှန်တွေ့ဆုံပွဲတခုသာဖြစ်ခဲ့တယ်လို့ ဒေသခံ အန်အယ်လ်ဒီအဖွဲ့ဝင် ဦးနေ၀င်းစိုးက အခုလိုပြောပါတယ်။

“ပုံမှန်ဟောပြောပွဲ လုပ်သလိုပါပဲ။ သမ၀ါယမ စနစ်အကြောင်း၊ မွေးမြူရေးအကြောင်းတို့ အဲဒါတွေပဲ ပြောသွားတယ်။ ကျန်တာကတော့ ထူးခြားတာ ဘာမှ မတွေ့ဘူး။”

ဝန်ကြီးပြောသွားတဲ့ စကားဟာ တနိုင်ငံလုံနဲ့ချီပြီး ပြောဆိုသွားတဲ့အတွက် တောင်းပန်ရင်လည်း ကျေနပ်လို့ မရဘူးကြောင်း သစ်ရာကောက်ကျေးရွာဒေသခံ ဦးကျော်သူက ပြောပါတယ်။

“ကျနော်တို့က ကျေနပ်လို့ မရဘူး။ မင်းတို့ သစ်ရာကောက်ကျေးရွာသားတွေကို ငါတို့က ဂရုမစိုက်ဘူး၊ ပါးရိုက်ပြီး ထောင်ထဲထည့်မယ်လို့ ပြောရင် ကျေနပ်လို့ရတယ်။ အခုဟာက တနိုင်ငံလုံးနဲ့ ယှဉ်ပြီးတော့ နိုင်ငံရေးသမားတွေကို မင်းတို့ ကြိုက်သလိုပြော၊ ငါက နယ်လှည့်ပါးရိုက်လာတာဖြစ်တဲ့အတွက် တောင်းပန်ရင် တနိုင်ငံလုံးကို တောင်းပန်ရမယ်။ ကျနော်တို့မှာ ကျေအေးပိုင်ခွင့်မရှိဘူး။ သူက ဘာလိုလဲ မေးတယ်လေ။ ကျနော်တို့လိုတာ ပြောတယ်။ မပေးနိုင်ဘူးဆိုရင်လည်း ၀န်ကြီးတယောက်အနေနဲ့ အေးအေးဆေးဆေးပဲ ကျနော်နဲ့ မဆိုင်ဘူး၊ ကျနော့်မှာ ပေးပိုင်ခွင့်မရှိဘူး၊ လုပ်ခွင့်မရှိဘူးဆိုပြီး ငြင်းလိုက်ရင် ရတာပဲ။ ကျနော်တို့တောင်းတာကလည်း ရေသန့်တဲ့ဟာကို တောင်းတာပါ။”

ဇန်န၀ါရီ ၂၈ ရက်နေ့က ရေလုပ်ငန်းနှင့်ကျေးလက်ဒေသဖွံ့ဖြိုးရေးဝန်ကြီးဌာန ပြည်ထောင်စုဝန်ကြီး ဦးအုန်းမြင့် မကွေးတိုင်း သစ်ရာကောက်ကျေးရွာကိုလာတဲ့အချိန် သုံးမရတဲ့ ရေကို သုံးလို့ရအောင် လုပ်ပေးဖို့ ဒေသခံတွေက တောင်းဆိုခဲ့ပြီးနောက် ၀န်ကြီးပြန်ပြောလိုက်တဲ့ စကားကြောင့် ဒေသခံတွေ မကျေမနပ်ဖြစ်ခဲ့ရတာပါ။

တနင်္သာရီတိုင်း ပုလုံးတုံတုံးကျေးရွာနဲ့ မကွေးတိုင်း သစ်ရာကောက်ကျေး၇ွာ ၂ ခုမှာ ဒေသခံရွာ သားတွေ ကို ပြောကြားချက်တွေနဲ့ ပတ်သက်ပြီး ပြည်ထောင်စုဝန်ကြီးဦးအုန်းမြင့်ကို အရေးယူဆောင်ရွက်ဖို့ အမျိုးသား ဒီမိုကရေစီ အဖွဲ့ချုပ် လောင်းလုံးမြို့နယ် ပြည်သူ့လွှတ်တော်ကိုယ်စားလှယ် ဦးအောင်စိုးက မနေ့ကလွှတ်တော်မှာ အရေးကြီးအဆိုအဖြစ် တင်သွင်းလိုက်ပါတယ်။

By မျိုးဇော်လင်း (DVB)

ဦးအုန်းမြင့် ဒေသခံတွေကို ပြောကြားနေစဉ်

မိခင်ကို ခုတ်ထစ်သတ်ဖြတ်ပြီး အတွင်းအင်္ဂါတွေကို အစိမ်းလိုက်စားခဲ့တဲ့ ညီအစ်ကိုသုံးယောက်

Posted by drmyochit Wednesday, February 05, 2014, under | No comments


ဖိလစ်ပိုင်လူမျိုး ညီအစ်ကိုသုံးယောက်ဟာ သူတို့ ရဲ့ မိခင်ကို ခုတ်ထစ်သတ်ဖြတ်ပြီး အတွင်းအင်္ဂါတွေကို အစိမ်းလိုက်စားခဲ့ကြတယ်လို့ ဖိလစ်ပိုင်ရဲတွေက ထုတ်ပြန်ခဲ့ပါတယ်။ ဒီသတ်ဖြတ်မှုဟာ ရိုးရာဓလေ့ထုံးတမ်း တစ်ခုနဲ့ ဆက်နွယ်နေတယ်လို့ လည်း ပြောကြားခဲ့ပါတယ်။

ဖိလစ်ပိုင်နိုင်ငံ၊ အမ်ပါတူယန်မြို့ အပိုင် ကျေးရွာတစ်ခုရဲ့  အိမ်မှာ အသက် ၅၆ နှစ်အရွယ်၊ မူဆာလာအမီးလ် ရဲ့ ရုပ်အလောင်းကို ရှာမတွေ့ မီ ရက်အနည်းငယ်က အဲဒီ့မိသားစုအိမ်ကနေ ထူးဆန်းတဲ့ဆူညံသံတစ်ချို့  ကြားခဲ့ရကြောင်း အိမ်နီးချင်းတွေက သတင်းပို့ ခဲ့ပါတယ်။

ရဲတွေ ရှာဖွေတွေ့ ရှိတဲ့အချိန်မှာ အလောင်းဟာ ရုပ်ပျက်ဆင်းပျက်ဖြစ်နေပြီး ကိုယ်အင်္ဂါအစိတ်အပိုင်းတွေ ပျောက်ဆုံးနေတဲ့အပြင် သွေးထုတ်ယူခံထားရတယ်လို့ လည်း သိရပါတယ်။

ဒန်တီ ၃၅ နှစ်၊ ပါရွိုင်း ၂၁ နှစ်နဲ့ အီဘရာဟင် ၁၈ နှစ်တို့ ဟာ သူတို့ အမေရဲ့ ကိုယ်အစိတ်အပိုင်းတွေကို အစိမ်းလိုက်စားခဲ့ကြတယ်လို့  စုံစမ်းရေးအရာရှိတွေက စွဲချက်တင်ခဲ့တာပါ။ ဒါပေမယ့်လည်း ညီအစ်ကိုသုံးယောက်လုံးကတော့ သူတို့ အမေကို မသတ်ခဲ့ဘူးလို့ ငြင်းဆန်နေကြပါတယ်။
သူတို့ ပြောကြားချက်အရ သူတို့ အမေဟာ မကောင်းတဲ့ဝိညာဉ်ကြောင့် ဖျားနာနေတယ်လို့ ယုံကြည်ပြီး နှင်ထုတ်ဖို့ ကြိုးပမ်းခဲ့ယုံတာ ဖြစ်တယ်လို့ ဆိုပါတယ်။

ရဲတွေဟာ ဒီမိသားစု မှာ စိတ်ဖောက်ပြန်မှုနောက်ကြောင်းရာဇ၀င် ရှိခဲ့သလားဆိုတာကို စုံစမ်းစစ်ဆေးနေပြီး ဒါပေမယ့် ဒီသတ်ဖြတ်မှုမှာ မူးယစ်ဆေးအလွဲသုံးမှုအပိုင်းကို ထည့်သွင်းစဉ်းစားရမယ်လို့ ဆိုပါတယ်။

အကြီးတန်းစုံစမ်းစစ်ဆေးရေးအရာရှိ ရော်နယ်ဒီလီယွန် က သံသယရှိသူသုံးယောက်စလုံးဟာ မူးယစ်ဆေးဝါးစစ်ဆေးမှုတွေကို ခံယူရမယ်လို့ ပြောကြားခဲ့ပါတယ်။
ဒီညီအစ်ကိုသုံးယောက်ဟာ မိုရို တိုင်းရင်းသားမူဆလင်လူမျိုးစုနွယ်တွေ ဖြစ်တယ်လို့ သိရှိရပါတယ်။
သံသယရှိသူသုံးယောက်လုံးဟာ အမ်ပါတူယန်မြို့ နယ်အတွင်း ပူရော့ခ် နာဘဒ်တော့ဂ်ျ ရွာက မိသားစုလယ်မြေ မှာ သူတို့ အမေနဲ့ အတူ အခြေချနေထိုင်နေကြတာပါ။

ဒေသခံလူထုခေါင်းဆောင်တွေကတော့ ဒီလူသုံးယောက်ဟာ သူတို့ အမေကို သတ်ခဲ့ကြပြီး သားရိုင်းတိရိစ္ဆာန်တွေလို သူမရဲ့ ခန္ဓာကိုယ်အစိတ်အပိုင်းတွေကို အစိမ်းလိုက်ပွဲတော်တည်ခဲ့ကြတယ် လို့  ပြောကြားခဲ့ကြပါတယ်။

ဒီရွာဟာ နာမည်ဆိုးနဲ့ ကျော်ကြားတဲ့ရွာတစ်ရွာဖြစ်ပြီး ၂၀၀၉ ခုနှစ်က လူ ၅၈ ယောက် အစုလိုက်အပြုံလိုက် သတ်ဖြတ်မှုဖြစ်ပွားခဲ့တဲ့နေရာဖြစ်ပါတယ်။

ညီအစ်ကိုသုံးယောက်ဟာ ဒီအိမ်အတွင်းမှာ သူတို့ အမေကို ဓားကောက်တစ်မျိုးနဲ့ ခုတ်ထစ်သတ်ဖြတ်ပြီး ကိုယ်တွင်းအင်္ဂါတွေကို အစိမ်းလိုက်စားသုံးခဲ့ကြတယ်လို့ ယူဆထားပါတယ်။

Ref: Dailymail

Trend Myanmar

IOS 7 (IOS 7.0 To IOS 7.0.5) များကို Jailbreak ပြုလုပ်နိုင်မည့် Evasi0n1.0.5Tool ဗားရှင်းအသစ် ထွက်ရှိလာ

Posted by drmyochit Wednesday, February 05, 2014, under | No comments



iOS 7 (iOS 7.0 to iOS 7.0.5) များကို Jailbreak ပြုလုပ်နိုင်မည့် evasi0n1.0.5tool ကို update ထုတ်ပေးလိုက်ပြန်ပါပြီ.iOS 7.0 through 7.0.5 တင်ထားတဲ့ Iphone,ipad,iPod touch, iPad and iPad mini models များကို အဆင်ပြေစွာ jailbreak ပြုလုပ်နိုင်ပြီဖြစ်ပါတယ်.။အခုအသစ်ထွက်ဗားရှင်းကိုတော့ မကြာသေးခင်ကမှထွက်ရှိထားတဲ့ တရုတ် networks နဲ့တွဲဖက်အသုံးပြုနိုင်တဲ့ iphone5s and 5c များအတွက် ထွက်ရှိထားတဲ့ iOS7.0.5 ကိုပါ အဆင်ပြေပြေ jailbreak ပြုလုပ်နိုင်မယ်လို့ဆိုပါတယ်။အသစ်ထွက်ရှိလာတဲ့Jailbreak tool အသစ်ကိုအောက်မှာရယူနိုင်ပါတယ်.



ServerOsVersionLink
box.comMac OS X1.0.5SHA1: a81a7128113a7610371a2f9f99933a1dbd153c42
box.comWindows1.0.5SHA1: 5e09dfac4b4a0361492961109da72f6f18020d59
Mega.co.nzMac OS X1.0.5SHA1: a81a7128113a7610371a2f9f99933a1dbd153c42
Mega.co.nzWindows1.0.5SHA1: 5e09dfac4b4a0361492961109da72f6f18020d59


From: Myanamr Mobile App

မြန်မာ့သွေးစစ်ရှိတဲ့ ပုဂ်္ဂိုလ်တွေကို တိုင်းပြည်ရဲ့ အထွတ်အထိပ် ပုဂ်္ဂိုလ်ဖြစ်စေချင်ရင် ၅၉ (စ) ကို မပြင်ဘဲ ထားသင့်တယ်

Posted by drmyochit Wednesday, February 05, 2014, under | No comments

၂၀၀၈ နိုင်ငံတော်ဖွဲ့စည်းပုံအခြေခံ ဥပဒေအခန်း (၃)ပုဒ်မ ၅၉ ပါပြဋ္ဌာန်းချက်များ ထောက်ခံပွဲ အားပြီးခဲ့သည့် ဖေဖော်ဝါရီလ ၂ရက် နေ့လယ် ၅နာရီတွင် ဗိုလ်စိန်မှန်အားကစားကွင်း၌ ကျင်းပပြုလုပ် ခဲ့ပြီးယင်း ပုဒ်မ ၅၉ ထောက်ခံပွဲသို့တက်ရောက်လာသည့် လွှတ်တော်ကိုယ်စားလှယ်များ၊ နိုင်ငံရေး နယ်ပယ်မှထင်ရှားသူများကို ပုဒ်မ ၅၉(စ) ထောက်ခံပွဲသို့ တက်ရောက်အားပေးခဲ့ခြင်းနှင့် ယင်းပုဒ်မပြင်ဆင် သင့်/မသင့် အပေါ် သဘောထားအမြင်များ၊ တွေ့ဆုံမေးမြန်းဖြစ်ခဲ့သည်များ စုစည်းရေးသားတင်ပြ လိုက်ပါသည်။

ဦးအောင်သိန်းလင်း (ပြည်သူ့လွှတ်တော် ကိုယ်စားလှယ်)

ဒီပုဒ်မ ၅၉ ထောက်ခံတဲ့ပွဲလုပ် တဲ့ဟာကို တက်ရောက်လာတာဖြစ်တဲ့ အတွက် ဖွဲ့စည်းပုံအခြေခံဥပဒေပါ ပုဒ်မ ၅၉ ကိုထောက်ခံတယ်ဆိုတဲ့သဘောပါ။ ပုဒ်မ ၅၉ မှာပါတဲ့ ၅၉ (စ) ဆိုတာကလည်း ရေရှည် တိုင်းပြည်အကျိုးအတွက်ရည်မျှော် ပြီး မပြင့်သင့်ပါဘူး။ ဒီ ၅၉ (စ)ဆိုတာက ခုမှ ဆွဲပြီးရေးထည့်ထားတာ မဟုတ်ဘူး။ ဟိုအရင် ၁၉၄၇ ခုနှစ်နိုင်ငံတော်ဖွဲ့စည်း အုပ်ချုပ်ပုံအခြေခံဥပဒေပုဒ်မ ၇၄ မှာ လည်းပါတာ ပဲလေ။ဆိုလိုတာက နိုင်ငံခြား ရဲ့ သြဇာလွှမ်းမိုးခံနိုင်စရာရှိရင် အဲဒီသူ ဟာ လွှတ်တော်အမတ်တောင်ဖြစ် ခွင့်မရှိ ဘူးဆိုပြီးပါတာလေ။ ၂၀၀၈ ဖွဲ့စည်းပုံ အခြေ ခံဥပဒေမှာ ဖော်ပြထားသလို တိုက်ရိုက်အားဖြင့် မပါဝင်သော်လည်း ၄၇ ဥပဒေမှာတော့ ပုဒ်မ ၇၄ မှာ ပြဋ္ဌာန်း ထားတာ ပဲ။ ၁၉၇၄ ဥပဒေကကျတော့ အဲဒီအချိန် နိုင်ငံရေးက တစ်ပါတီစနစ် ဖြစ်နေတယ်။ ပါတီစုံစနစ်ချင်းအတူတူဆိုရင် တော့ ၁၉၄၇ နဲ့ ဒီ ၂၀၀၈ ပါ ပြဋ္ဌာန်း ချက်က ဆိုလိုချက်ရည်ရွယ်ချက်ချင်းတူ ပါတယ်။ နိုင်ငံတိုင်း နိုင်ငံတိုင်းလိုလိုမှာ ကိုယ့်အမျိုးသား အကျိုးစီးပွားအတွက် နိုင်ငံရေးအရသော်လည်းကောင်း၊ စီးပွား ရေးအရသော်လည်းကောင်းအစဉ်တစိုက် ကြိုးပမ်းနေကြတာပဲလေ။ အဲဒီတော့ သူတို့ သြဇာလွှမ်းမိုးဖို့ လမ်းဖွင့်ပေးသလိုဖြစ်စေ မယ့်အချက်တွေကို ကျွန်တော်တို့ရဲ့ ဖွဲ့စည်းပုံအခြေခံဥပဒေမှာ မပါမှဖြစ်မှာ လေ။ ဒါတောင်မှ မြန်မာနိုင်ငံအပေါ် ပြည်ပ ဖိအားတွေက အမျိုးမျိုးရှိနေတာ လေ။ ကျွန်တော်တို့ နိုင်ငံကလည်း ခုမှ ဖွံ့ဖြိုးတိုး တက်မှုကိုဦး တည်နေတာဆို တော့ တိုင်းတစ်ပါးသြဇာခံမဖြစ်ဖို့တော် တော်ကို သတိလည်းထားနေရတာလေ။ ယခင်တိုင်း တစ်ပါးလက်အောက်နှစ် ၁၀၀ ကျော်ကျခဲ့တဲ့ ဆိုးမွေတွေကလည်း ခု ထက်ထိ ခံနေရတုန်း ပဲလေ။ ဒါကြောင့် ဒါကို အများကြီး သတိထားရမယ်။

ဒေါ်ခင်ဝိုင်းကြည် (အမျိုးသားလွှတ်တော် ကိုယ်စားလှယ်)

ခု ၂၀၀၈ ဖွဲ့စည်းပုံအခြေခံဥပဒေပါ။ ပုဒ်မ ၅၉ (စ) ရဲ့ ရေရှည်သက်ရောက်မှု နဲ့ လားရာကပြောရမယ်ဆိုရင် ဖွဲ့စည်းပုံ အခြေခံဥပဒေဆိုတာ တစ်ဦးတစ်ယောက် အတွက်ရည်ရွယ်ပြီးဆွဲတာမဟုတ်ဘူး။ တစ်နိုင်ငံလုံး အတွက်၊ အမျိုးသားအကျိုး စီးပွားကိုကာကွယ်စောင့်ရှောက်ဖို့အတွက် ရေရှည်ကိုမျှော်ပြီး ဆွဲရတာဖြစ်တယ်။ တိုင်းပြည်ရဲ့ အကျိုးစီးပွားရေရှည်အဓွန့် ရှည်ဖို့ အတိတ်မှာဖြစ်ပြီးခဲ့တာတွေထဲက အားနည်းချက်၊ အားသာ ချက်တွေကို သင်ခန်းစာယူပြီး တိုင်းပြည်အကျိုး အတွက်လိုအပ်လို့ထည့်သွင်းရေးဆွဲထားတဲ့ ဥပဒေဖြစ် တယ်။ တစ်စုံတစ်ယောက် အတွက်ဆိုရင် အဲဒီအတွက်သက်တမ်းဆို တာ တိုတိုလေး။အရှည်ကြီးကို ရည်ရွယ်ပြီး ဆွဲရတဲ့ အခန်းကဏ္ဍမှာ တစ်စုံတစ်ယောက် အတွက်၊ သက်တမ်းတိုလေးတစ်ခုအတွက် လုပ်လို့မရဘူး။ ၅၉ (စ) ဆိုတာ ဘယ်နိုင်ငံ မှာမဆို ကိုယ့်နိုင်ငံကိုရေရှည်အကျိုးစီးပွား အတွက်လုပ်ကြသလို ကာကွယ်ကြသလို မျိုးပါပဲ။ နိုင်ငံရေးဆိုတာ နိုင်ငံရဲ့ အရေးပဲ။ တလောက မြန်မာပြည်ကို အလည်လာတဲ့ အင်္ဂလန်ကအာရှရေးရာဝန် ကြီးက ၂၀၀၈ ဖွဲ့စည်းပုံပါ ၅၉ (စ) ဆိုတာ ၄၇ ဥပဒေမှာရော၊ ၇၄ ဥပဒေမှာရော မပါဘူးလို့ပြောတယ်။ ခုနကပြောသလို တစ်နိုင်ငံရဲ့အရေးနဲ့ တစ်နိုင်ငံရဲ့ အရေး က မတူဘူး။ တစ်နိုင်ငံရဲ့ဖြစ်စဉ်နဲ့ တစ်နိုင်ငံ ရဲ့ ဖြစ်စဉ်နဲ့က တူတာမဟုတ်ဘူး။ တစ် နိုင်ငံရဲ့ ဥပဒေနဲ့ တစ်နိုင်ငံရဲ့ ဥပဒေ နဲ့ကလည်း ထပ်တူကျဖို့ဆိုတာမဖြစ်နိုင် ဘူး။ နိုင်ငံတစ်နိုင်ငံရဲ့သိက္ခာဆိုတာက အဲဒီနိုင်ငံရဲ့အချုပ်အခြာ အာဏာပိုင်ဆိုင်မှု ပဲ။ အချုပ်အခြာအာဏာဆိုတာ နာမည် ပဲရှိကြီးသူများခိုင်းသမျှလုပ်သူ များသြဇာ ဖြစ်နေ ရင် နိုင်ငံတစ်နိုင်ငံအနေနဲ့ အလွန် ပဲသိက်္ခာကျဆင်းတယ်။ ဒါကြောင့် ၅၉ (စ) ဆိုတာပြင်စရာ မလိုဘူး။ မြန်မာနိုင်ငံ ရဲ့ လွတ်လပ်ရေးဆိုတာ အသက်သွေးချွေး တွေပေးပြီးမှရလာခဲ့တာလေ။ ဒီတော့ ဒီလွတ်လပ်ရေး အဓွန့်ရှည်ဖို့အတွက် လုပ်သင့်လုပ်ထိုက်တာ လုပ်ရမယ်။ ဒီ အတွက်အားလုံးမှာ တာဝန်ရှိ တယ်။


ဦးနေမျိုးဝေ (ဥက္ကဋ္ဌ၊ မတူကွဲပြားရေးနဲ့ ငြိမ်းချမ်းရေးပါတီ)

နိုင်ငံတစ်နိုင်ငံမှာရှိတဲ့ ကျင့်သုံးတဲ့ ဥပဒေတွေကို ဘယ်ဥပဒေတွေကိုထောက် ခံတယ်။ ဘယ်ဥပဒေတွေကို ကန့်ကွက် တယ်ဆိုတာ အဲဒီနိုင်ငံကပြည်သူတွေပဲ လုပ်တယ်။လူထုရဲ့ ပြဋ္ဌာန်းခွင့်ကပဲအဓိက ကျတယ်။ အဲဒီလူထုကို ကျွန်တော်တို့ ဘာကြောင့် ပြဋ္ဌာန်းချင်လဲဆိုတာရှင်း ပြရမှာ ကျွန်တော်တို့အလုပ်ပဲ။ ရလဒ် ကအဲဒီမှာပဲ။ ၅၉ (စ) ပြင်ချင်တဲ့သူ တွေလည်း ပြိုင်ကြပါ။ မပြင်ချင်တဲ့ ကျွန်တော်နဲ့ ပြိုင်မယ်။ ဒီပုဒ်မက လူတစ် ဦးတစ်ယောက်ကိုရည်ရွယ်ပိတ်ဆို့ထား တယ်ဆိုရင် ဒီအချက်နဲ့ ညီသမျှ ဒီဓားနဲ့ ခုတ်ခံရမှာပဲလေ။ ငြိတဲ့ သူကတစ်ယောက် ထဲကအများကြီးလား။ မိမယ့်သူကအများ ကြီးပဲ။ ဒီလိုမျိုးငြိမယ့်သူတွေတစ်နိုင်ငံ လုံးမှာ အများကြီးပဲ။ ဒီဓားနဲ့ အခုတ်မခံ ရဲဘူးလား။ နိုင်ငံတော်သမ္မတနဲ့ အရည် အချင်းနဲ့ လွှတ်တော် ကိုယ်စားလှယ်ရဲ့ အရည်အချင်းနဲ့တူသလား။ ဘယ်သူကို ပိုတင်းကျပ်ထားသလဲ။ ၂၀၀၈ ဖွဲ့စည်းပုံ ပြင် ဆင်ရေးကို ကျွန်တော်လုပ်လာတာ ကြာပြီ။ နိုင်ငံတစ်ခုမှာ ပြဋ္ဌာန်းထားတဲ့ ဥပဒေတွေဟာ ဘယ်နိုင်ငံ ပဲကြည့်ကြည့် လိုတိုးပို့လျှော့လိုမျိုးသွားနေတာသတိထား မိလား။ တင်းကျပ်လိုက် ပြန်ကျယ်ပြန့် လိုက်နဲ့ သွားနေတာပဲ။ နောက်ဥပဒေ တစ်ခုပြဋ္ဌာန်းပြီးရင် အဲဒီမှာပဲ တည်တံ့ နေတာမျိုးရှိသလား။ ဟန်မူရာဘီ ရဲ့ကီုဓ ဥပဒေမျက်လုံးတစ်လုံးဖောက်ရင်မျက်လုံး တစ်လုံးပြန်ဖောက်ခံရတဲ့ ဥပဒေမျိုး ခုခေတ်ယဉ်ကျေးတဲ့ လူ့အဖွဲ့အစည်းမှာ သုံးသေးလား။ အဲဒီလိုပဲ။ ၄၇ တုန်းက လျှော့ပေါ့ထားရင်တောင် ၂၀၀၈ မှာ တင်းကျပ် လိုက်လို့ရတယ်။ တင်းကျပ် ထားရင်တောင်မကြာခင်လျှော့ လိုက် လို့ရတယ်။ လက်ရှိအမြင်အရ ၂၀၀၈ ဟာ ပျော့လွန်းနေသေးတယ်။ အမတ် အရည်အချင်းကိုတောင် သမ္မတ အရည် အချင်းလို ချဖို့ဆန္ဒပြုမှာ။ မကြာခင် အဲဒီ လို သဘောထားတွေ ထွက်လာပါလိမ့် မယ်။


ဦးတင်မောင်ဦး (ပြည်သူ့လွှတ်တော်ကိုယ် စားလှယ်)

ဒီ ၅၉ (စ)နဲ့ ပတ်သက်ပြီး ရေရှည် ဖြစ်လာမယ့်အကျိုးဆက်တွေက အများ ကြီးပဲ။ တလောက ကျွန်တော် လွှတ်တော် မှာ ဒီကိစ္စပြောတယ်။ မြန်မာနိုင်ငံကို နည်းမျိုးစုံနဲ့ စိမ့်ဝင်နေတဲ့ နိုင်ငံခြားငွေ တွေက စနစ်တကျ ထိန်းကျောင်း ဖို့လိုတယ် ဆိုပြီးတော့ ပြောခဲ့တယ်။ နည်းပေါင်းစုံ နဲ့ ပြည်တွင်းကိုနိုင် ငံခြားငွေတွေ ၀င်နေတယ်။ မြန်မာနိုင်ငံအတွက် ဘာလုပ်မှာလဲ။ဒါ တွေကိုလေ့လာသုံးသပ်ပြီးတော့ဒီ အချက် တွေကို မပြင်သင့် ဘူးလို့ မြင်တယ်။ တကယ်လို့ ပြောရရင် ပုဒ်မ ၅၉ (စ)မှာ အဆင့်က (၅) ဆင့်ရှိတယ်။ ကိုယ်ကိုယ် တိုင်၊ ကိုယ့်ရဲ့မိဘ၊ ကိုယ့်ရဲ့ ဇနီး၊ ခင်ပွန်း၊ ကိုယ့်ရဲ့သား၊ သမီးပြီးရင် ဇနီး၊ ချွေးမ စသဖြင့်ပေါ့နော်။ အဲဒီမှာ နံပါတ် (၅) ကို ပြင်ရင်ဘာဖြစ်မလဲ။ နံပါတ် (၄) ကို ပြင်လိုက်ရင်ဘာဖြစ်မလဲ။ ဒီ (၅) ဆင့်ကို ပြင်မယ်ဆိုရင် ကျွန်တော့်အမြင်အရတော့ ရိုးရိုးသားသားပြောရမယ်ဆိုရင် နံပါတ် (၅) အဆင့်ဖြစ်တဲ့ သမက်၊ ချွေးမ ဒီ လောက်တော့ ပြင်ကောင်းပြင်လို့ရရင် ရမယ်။ ကျန်တာတွေ ပြင်လိုက်မယ်ဆိုရင် တော့ တိုင်းပြည်အတွက်ရင်လေးဖွယ်ရာ အခြေအနေတွေ ဖြစ်သွားလိမ့်မယ်။ ဒါကြောင့် မပြင်သင့်ဘူးလို့ ထင်တယ်။ ကမ္ဘာကြီးကိGlobelizeဖြစ်နေတာကို လက်ခံပါတယ်။ တစ်နိုင်ငံနဲ့ တစ်နိုင်ငံကူး ပြောင်းဆက် ဆံမှုတွေ မြန်ဆန်နေတာ လည်း ၀မ်းသာစရာပါပဲ။ သို့သော်ဒီလို ပြောင်းလဲနေခြင်းသည် မြန်မာနိုင်ငံရဲ့ ဒီမိုကရေစီက အမေရိကန်ကိုသွားအတု ယူလို့မရဘူး။ ကိုယ့်အမျိုး၊ ကိုယ့်ဇာတိ မာန်နဲ့ပဲသွားနေကြရတာ။ အမျိုးသား ယဉ်ကျေးမှုလည်း ပျောက်လို့မရဘူး။ ဒါကြောင့်ပြောချင်တာ တလောကလာ တဲ့ အင်္ဂလန် အာရှရေးရာဝန်ကြီးက ၂၀၀၈ ဖွဲ့စည်းပုံမှာပါတဲ့ ပုဒ်မ ၅၉ (စ) က ၄၇ ဥပဒေမှာရော၊ ၇၄ ဥပဒေမှာရော မပါဘူးလို့ပြောတယ်။ သူ့အနေနဲ့ မြန်မာ နိုင်ငံအကြောင်း ဘယ်လောက်သိသလဲ။ မြန်မာနိုင်ငံမှာ ဘယ်နှရက်နေဖူးသလဲ။ သူမြင်ပြီး သူပြောသွားတာက သူ့ရဲ့လို လားချက်အတွက် မြင်တာ။ မြန်မာနိုင်ငံ ကို ယနေ့ တရုတ်၊ အိန်္ဒိယစသဖြင့်ဘယ် နိုင်ငံပဲဖြစ်ဖြစ်ချစ်လွန်းလို့တော့ လာကူ နေတာမဟုတ်ဘူး။ သူ့အကျိုးစီးပွားအတွက် ခံစားလာကူကြတာ အခုအာဆီယံဖွဲ့တာ ကောင်းတယ်။ ကုလသမဂ္ဂဖွဲ့ ထားတာ ကောင်းတယ်။ သူတို့တွေဒီလိုပြောတာ ဟာ မြန်မာ့သယံဇာတတွေလိုချင်လို့လား။ နောက် ဆုံးမြန်မာပြည်ရဲ့ အချုပ်အခြာ အာဏာကိုလိုချင်လို့လား။ ဒီ ၅၉ (စ) ပြင်ဖို့ ဖိအားပေးနေတာတွေက ဒါတွေကို ကျွန်တော်တို့စဉ်းစားထားရမယ်။ ပြောရ ရင် ကျွန်တော်တို့ငယ်ငယ်ကသင်ရတဲ့ မဟော်သဓာ ဇာတ်တော်ထဲက အမေရင်း နဲ့ ဘီလူးမလိုပဲ။ ကျွန်တော်တို့ကအမေ ရင်း။ ခုဝေဖန်နေတဲ့ ပြည်ပနိုင်ငံတွေက ဘီလူးမပဲ။ သူတို့က အကျိုးကိုမျှော်ပြီး အမေယောင်ဆောင်နေတာ။ သူတို့တွေကတော့ လက်ပြုတ်ပြုတ်ြေ ခပြုတ်ပြုတ်ဆွဲ မှာပဲ။ အမေအစစ်မှ မဟုတ်တာလေ။ ပြည်ပနိုင်ငံတွေအားလုံးကိုတော့မဆိုလို ပါဘူး။ ၅၉ (စ) ဟာ တစ်ဦးတစ်ယောက် ကိုရည်ရွယ်ပြီးလုပ်တာမဟုတ်ဘူး။ ဖွဲ့စည်း ပုံအခြေခံ ဥပဒေကြီးဟာ နိုင်ငံတော် အကျိုးအတွက် ရေရှည်ကိုမျှော်ပြီးရေး ဆွဲထားတာ။ ဘယ်သူ့ကိုမှ ပိတ်ဆို့ဖို့ ရည်ရွယ်ထားတဲ့ဥပဒေ လည်းမဟုတ်ပါဘူး။ ဒီ ၅၉ (စ) ကို နိုင်ငံတော်အကျိုးအတွက် ပြင်မယ်ဆိုရင်လက်ခံမယ်။ လူတစ်ဦး တစ်ယောက်အကျိုး၊ အဖွဲ့အစည်းတစ်ခု အကျိုးအတွက်ကိုတော့လုံးဝမထောက်ခံ ဘူး။


ဦးလွင်ဦး (ပြည်သူ့လွှတ်တော်ကိုယ်စား လှယ်)


ကျွန်တော်တို့အနေနဲ့က ပုဒ်မ ၅၉ (စ) ပြင်သင့်၊ မပြင်သင့်ဆိုတဲ့ အပိုင်းမှာ ပြင်ပေးလို့ရတဲ့ အပိုင်းရှိ တယ်။ ပြင်ပေး လို့ရတဲ့ အပိုင်းသည်သမက်တွေ၊ချွေးမတွေ ဆိုတဲ့နေရာအပိုင်းလောက်အထိတော့ပြင် ပေး လို့ရတယ်။ သားသမီး၊ ခင်ပွန်းမပါရ ဘူးဆိုတာကတော့ မဖြစ်နိုင်ဘူး။ မြန်မာ နိုင်ငံရဲ့ သမ္မတသည် နိုင် ငံတော်ရဲ့ အုပ်ချုပ်ရေးအကြီးအကဲဖြစ်သလို နိုင်ငံ တော်ရဲ့ အထွတ်အထိပ်မှာရှိနေတဲ့ ပုဂ်္ဂိုလ် ဖြစ်တယ်။ ဒီလိုမျိုးပုဂ်္ဂိုလ်အတွက်ရွေးချယ် မှုစံနှုန်းတွေမှာ စံမီလိုက်မီဖို့တော့လိုလိမ့် မယ်။ စံမမီတဲ့ ပေတံတွေနဲ့ တိုင်းပြီးတော့ အလုပ်လုပ်တာမျိုးတော့မဖြစ်စေချင်ဘူး။ ဒါအဓိကပဲ။ နောက်တစ်ခုကတော့ ယခင်ဖွဲ့စည်း ပုံတွေမှာမပါဘူးဆိုပြီး ၅၉ (စ)ကို ဝေဖန်နေတဲ့သူတွေအနေနဲ့ရော ၄၇ ဥပဒေ ပုဒ်မ ၇၄ ကို သေသေ ချာချာ ရောဖတ်ပြီးပြီလားလို့မေးချင်တယ်။ အဲဒီတုန်းက ပုဒ်မ ၇၄ ဆိုတာလွှတ်တော် အမတ်ဖြစ်ရမယ့် အရည်အချင်းဆိုင်ရာ ပြဋ္ဌာန်းချက်နော်။ နိုင်ငံတော်သမ္မတ အရည်အချင်းတောင် မပါသေးဘူး။ အမတ်တစ်ယောက်ဖြစ်ဖို့လိုတဲ့ ကန့်သတ် ချက်ကိုတောင်သေသေချာချာဖတ်ရဲ့လား လို့။ မျက်စိစုံ မှိတ်ပြီးပြင်မယ်။ ပြင်မယ်ပဲ လုပ်နေလို့တော့မရဘူး။ ကမ္ဘာတည်သရွေ့ မြန်မာနိုင်ငံတော်ကြီးကို ကမ္ဘာ့မြေပုံပေါ်မှာ တည်တံ့ခိုင်မြဲစေချင်သလား။ ဖွဲ့စည်း ပုံအရ ကျင်းပတဲ့ (၅) နှစ်တစ်ကြိမ်ရွေး ကောက် ပွဲတွေမှာ မြန်မာ့သွေးစစ်ရှိတဲ့ ပုဂ်္ဂိုလ်တွေကို တိုင်းပြည်ရဲ့ အထွတ်အထိပ် ပုဂ်္ဂိုလ်ဖြစ်စေချင်သလား။ အဲဒါဆိုရင် တော့ ဒီပုဒ်မ ၅၉ (စ) မပြင်ရေးကိုဘဲ ထောက်ခံသင့်တယ်။

By Hot News Journal

Valentine’s Day မှာ အချစ်နဲ့ Sex ကို မရောထွေးပါနဲ့(လက်မထပ်ခင် အတူနေသူများဖတ်ရန်)

Posted by drmyochit Wednesday, February 05, 2014, under | No comments



Wednesday, February 05, 2014

လက်ရှိမြန်မာနိုင်ငံမှာ လူငယ်တွေရဲ့အကြား Sex Education နဲ့ပတ်သက်ပြီး ဗဟုသုတ ပျံ့ပွားမှု ဘယ်လောက် ရှိနေသလဲ၊ ဒီအပေါ်မှာ လူငယ်တွေက ဘယ်လိုလက်ခံသလဲ၊ ပညာပေးဖြန့်ဝေမှုတွေ အနေနဲ့ရော ဒီလိုပညာပေးရာမှာ ဘယ်လို အခက်အခဲ အတွေ့အကြုံတွေ ရှိသလဲဆိုတာကို မြန်မာနိုင်ငံ ဆရာဝန်အသင်း၊ ရန်ကုန်တိုင်း ဒေသကြီး၊ အမျိုးသမီး ဆရာဝန်များအဖွဲ့က ဒေါက်တာ ဒေါ်နုနုဆွေကို ဧရာဝတီ အယ်ဒီတာ အေးချမ်းမြေ့ က တွေ့ဆုံ မေးမြန်း ထားပါတယ်။

မေး။ ။ အခု မြန်မာပြည်က လူငယ်တွေ၊ ဆယ်ကျော်သက်တွေအတွက် Sex Education ပေးနိုင်မှုက အိမ်နီးချင်း နိုင်ငံတွေလောက် မလုပ်ပေးနိုင် သေးတဲ့အခြေအနေမှာ ဆယ်ကျော်သက်လူငယ်တွေ အနေနဲ့ ဒီလို Sex ကိစ္စကို စမ်းသပ်ပြီဆိုရင် ဆောင်ရန် ရှောင်ရန်တွေက ဘာတွေရှိနိုင်မလဲ။

ဖြေ။ ။ အဲဒီကိစ္စတွေကို အရင်တုန်းက Sensitive issue ဖြစ်တဲ့အတွက် ဘယ်သူမှလည်း မလုပ်ကြဘူး။ ကျမတို့က ဆရာဝန်အသင်း အနေနဲ့ လွန်ခဲ့တဲ့ ၁၀ နှစ်လောက် ကတည်းက ကျောင်းတွေမှာ သွားပြီး ၆ တန်းကနေ ၁၀ တန်းအထိ အမျိုးသမီး လေးတွေကို စုလိုက်တယ်။ စုပြီးရင် မသဘာဝ ဘာညာပြောတယ်။ သူတို့က သိသင့်သမျှကို သိထားသင့်တယ်။ မသိဘဲနဲ့ စမ်းသပ်တာ အန္တရာယ်များတယ်။ အလင်းရောင်လေးရှိတဲ့ နေရာကို သွားတာ ကောင်း တယ်လေ။ မှောင်ထဲကို မသိဘဲနဲ့ စမ်းတဝါးဝါးသွားတာ မကောင်းဘူး။ အရမ်း စိုးရိမ်စိတ်ပိုတဲ့ လူကြီးတွေကတော့ ဒါတွေကို ဒီလို အရွယ်လေးတွေမှာ သိအောင် ပြောလိုက်ရင် သူတို့တွေရဲ့ စိတ်ကို နှိုးဆွသလို ဖြစ်မလား ဆိုပြီးတော့ ဆောင်ရန်ရှောင်ရန် မရောက်ခင်မှာကို အတိုက်အခံ လုပ်ပြီးတော့ အမျိုးသမီးဆရာဝန်အဖွဲ့က မသဘာဝ ဆယ်ကျော်သက်ဘဝ ဆိုပြီးတော့ ပြောတယ်။ အဓိက ကတော့ ဆောင်ရန် ရှောင်ရန်တွေက ဆယ်ကျော်သက်လို့ ပြောလိုက်ပေမယ့် အမျိုးသမီးတွေ ဘက်က ပိုပြီးတော့ နစ်နာဆုံးရှုံးနိုင်ချေ များတယ်လေ။ အဲဒါကြောင့် အမျိုးသမီးတွေကို ပိုပြီးတော့ ဦးစားပေးပြောတယ်။ လူနေမှုစနစ်က တံခါးဖွင့်ဆို၊ ဖွင့်နေတဲ့ အချိန်မှာ အကုန်လုံးဝင်လာမယ်။ အဲဒီမှာ ကိုယ်က နည်းမှန်လမ်းမှန် အသိမပေးဘဲနဲ့ သူတို့ဟာသူတို့ ရှာဖွေမှာပဲလေ။ ဒါ စူးစမ်းတဲ့ အရွယ်၊ အဲဒီမှာ မဟုတ်တဲ့၊ မမှန်တဲ့ အချက်တွေတွေ့ရင် အန္တရာယ် အရမ်းများတယ်။ အဲဒါကို မျှော်တွေးပြီးတော့၊ အတိုက်အခံလုပ်ပြီးတော့ ကျောင်းတွေမှာ မ သဘာဝကိစ္စ ပြောတယ်။

အရေးကြီးတဲ့ အန္တရာယ်က ကိုယ်ဝန်တခုတည်း မဟုတ်ဘူး။ လိင်ကတဆင့် ကူးစက်တဲ့ STD လို့ခေါ်တဲ့ အရာတွေရဲ့ အန္တရာယ်။ AIDS ပဲ လူတွေက ကြောက်တာ။ အသည်းရောင် အသားဝါပိုးတွေ၊ အဲဒါတွေကလည်း တသက်လုံး လူလုံးမလှဘူးလေ။ နောက်ဆက်တွဲ ကင်ဆာတွေ၊ ဘာတွေ ဖြစ်တယ်။ အဲဒါမျိုး ဆိုးကျိုးတွေ အများကြီးရှိတယ်။ ဘယ်အသက်အရွယ် မဆို လိင်ကတဆင့် ကူးစက်တဲ့ရောဂါတွေက အန္တရာယ် ဖြစ်တယ်ပေါ့။ ကိုယ်ဝန်ရတယ် ဘာဖြစ်လဲ။ ကိုယ်ဝန်ရသွားရင် ဖျက်ချလိုက်မယ်။
ဖျက်ချပြီးရင် နောက်အပျိုလိုပဲ နေပြီးတော့ အိမ်ထောင်ပြုကြမယ် ပေါ့နော်။ ဒီလူနဲ့ပဲ ယူရင်လည်း ယူမယ်ပေါ့။ အဲဒီလိုမျိုးတွေ တိမ်တိမ်လေးမတွေးဖို့ပေါ့နော်။ ကိုယ့်အတွက်က ဘယ်လောက် အန္တရာယ်များလဲ၊ ကိုယ်ဝန် ဖျက်ချတာရဲ့ နောက်ဆုံး အောင်မြင်သွားတဲ့ လူတွေက ဒီလိုပဲ ပျော်ပျော်ရွှင်ရွှင်နဲ့ နေကြတယ်လို့ လူတွေက ထင်တယ်။

ဒါပေမယ့် တကယ်တော့ အဲဒီလိုမဟုတ်ဘူး။ တကယ်လို့ ဒီလူနဲ့ မဟုတ်ဘဲ၊ ကိုယ့်ကို တန်ဖိုးထားတဲ့ လူနဲ့ အိမ်ထောင်ကျပြီး ကလေးယူမယ်ဆိုရင် ကိုယ်လိုချင်တဲ့ အချိန်ကျရင် မရတော့ဘူး။ ဘာဖြစ်လို့လဲ ဆိုတော့ ကိုယ်ဝန်ဆောင်တဲ့ သားအိမ်ကနေ လမ်းကြောင်းတွေကို ဖျက်ဆီးလိုက်တဲ့အချိန်မှာ ပိုးဝင်တယ်၊ အနာဖြစ်တယ် ဆိုရင် အနာရွတ်တွေ ဘာတွေက သားဥပြွန် ဆင်းတဲ့ လမ်းကြောင်းမှာ အနှောင့်အယှက်ဖြစ်တယ်။

နောက်ပြီး ဒီထက်ပိုဆိုးတာက မီးယပ်ပိန်၊ မီးယပ်ခြောက် ဖြစ်တာ။ အိမ်ထောင်ပြုတဲ့အချိန်မှာ ကိုယ့်အိမ်ထောင်ရေး သာယာမှုမရှိတာပေါ့။ ဒါတွေက လူတွေမသိတဲ့ နောက်ဆက်တွဲ ဆိုးကျိုးတွေပေါ့။

မေး။ ။ ဒီကိစ္စတွေမှာ မိန်းကလေးတွေကို ပညာပေးတယ်ဆိုတော့ ယောက်ျားလေးတွေကရော အန္တရာယ် မရှိနိုင်ဘူးလား။

ဖြေ။ ။ အဲဒီဟာတွေကို လုပ်တာကျတော့ ဆရာဝန်အသင်းမှာ Reproductive health ဆိုတာ၊ ဆယ်ကျော်သက် မျိုးဆက်ပွား ကျန်းမာရေး ဆိုတာ ရှိတယ်။ အဲဒါကတော့ Mobile Educator တွေ ဆင်းပြီးတော့ ပြောတယ်။ အဲဒီမှာ ယောက်ျားလေး တွေကို ဘာပြောလဲဆိုတော့ သူတို့က ကိုယ်ဝန်မရနိုင်လို့ ကိစ္စမရှိတာ မဟုတ်ဘူး။ နောက် ကိုယ့်ဆီကနေ တဆင့် STD ကို ဖြန့်ဖြူးတဲ့ ကိစ္စဟာ အလွန် အရေးကြီးတယ်ဆိုတာ ပြောတာပေါ့။ ကျမတို့ အကြောက်ဆုံးကတော့ တသက်လုံး ကုနေရမယ်၊ လူမှုအသိုင်းအဝိုင်းထဲမှာ ဝန်ထုပ်ဝန်ပိုး ဖြစ်နေမှာလေ။ အဲဒီလိုဆို သူ့လုပ်အားကိုလည်း ဆုံးရှုံးမယ်၊ သူကို ဝိုင်းစောင့်ရှောက်ရတဲ့ လူတွေအတွက်လည်း လုပ်အားဆုံးရှုံးမယ်။ တိုင်းပြည်အတွက်လည်း တိုးတက်ဖွံ့ဖြိုးမှုမှာ နှေးနိုင်မယ် ပေါ့နော်။ အနှောင့်အယှက် ပြုနိုင်တဲ့ ကိစ္စရပ်အားလုံးကို ကျမတို့က ကူညီပြီးတော့ တိုက်ဖျက်ပေးတာပေါ့။ မှန်ကန်တဲ့ အသိ သူတို့မှာ ရှိသွားအောင်ပေါ့။ လူငယ် တော်တော်များများက ဒါကိုလုပ်၊ ဒါမလုပ်နဲ့ဆို မကြိုက်ဘူး။ ဘာလုပ်လဲ ဆိုတော့ ပုဂ္ဂိုလ်ခင်မှ တရားမင်မယ် ဆိုသလိုလေ သူတို့ ယုံကြည်စိတ်ချတဲ့၊ သူတို့အားကိုး စိတ်ချတဲ့ လူကိုပဲ ပြန်ပြီးတော့ Educate လုပ်စေတယ်။ Educate ဆိုတာ ပြောတော့ လွယ်တယ်။ အခုနောက်ပိုင်း ကမ္ဘာမှာ Health Education က Education နဲ့ မပြီးဘူး။ Health Promation နော်၊ Promation လာရမယ်။

မေး။ ။ အခုနောက်ပိုင်းမှာ မလိုချင်ဘဲရတဲ့ ကိုယ်ဝန်ကိစ္စ၊ အဲဒါတွေက ဘယ်လောက်အထိ များလာလဲ။

ဖြေ။ ။ အရမ်းများတယ်။ ကိုယ် လက်တွေ့လုပ်နေတဲ့ ဆေးခန်းမှာဆိုရင်လေ အမျိုးကောင်း သမီးလေးတွေလည်း ရောက်လာတယ်။ သူတို့ဟာ ပိုက်ဆံလိုချင်လို့လည်း မဟုတ်ဘူး၊ အပျော်ရှာချင်လို့လည်း မဟုတ်ဘူး။ ကံမကောင်း အကြောင်း မသင့်လို့ ဖြစ်မယ်။ စောစောကလို Sex Education မရှိတဲ့ဟာ အဓိက အချက်လို့ ထင်တယ်။ ရည်းစားရှိတဲ့ ကောင်မလေး တယောက်ကို သမီးရေ ဒီလိုတော့ မနေနဲ့ ဘယ်အချိန်က ကိုယ်ဝန်ရှိနိုင်တယ်။ ဒါတွေ ကိုယ့်ကို ကျူးလွန်မခံနဲ့ ပြောလိုက်လို့ ရှိရင် ဘယ်အချိန်ကတော့ ဖြစ်နိုင်တယ် ဆိုပြီး အဲဒီအချိန်မှာ တခါတည်း ပါသွားမှာ။ အဲဒါ ဆိုရင် ဘယ်အချိန်မှာ နေလို့ရတယ် ဆိုတာကြီးပါ သင်ပေးသလိုမဖြစ်အောင် အဲဒါ အရမ်းအန္တရာယ် ကြီးတယ် ဆိုတာတော့ ပြောတတ်ဖို့ လိုတယ်။ ကျမတို့က ရယ်စရာပြောတယ် ပေါ့နော်။ ကလေးတွေကို ခိုးစားနည်း သင်အပေးနဲ့ဆိုတာ ကိုယ်ပြောကာမှ သူတို့ ခိုးစားတတ်သွားရင် ဒါကြီးကို ကိုယ်ဝန်လည်း မရနိုင်ပါဘူးကွာဆိုပြီး အဲဒီလိုမျိုး Attitude ဘက် ရောက်သွားမှာ၊ အရမ်း အန္တရာယ်များတယ်။

မေး။ ။ ငယ်ရွယ်တဲ့အချိန်မှာ၊ ဥပမာ – ၁၄ နှစ်ကနေ ၁၆ နှစ်ပေါ့။ အဲဒီလိုဝန်းကျင်မှာ ကိုယ်ဝန်ဆောင်မိ၊ ကိုယ်ဝန်လွယ်မိရင် အန္တရာယ် ဘယ်လိုရှိနိုင်လဲ။

ဖြေ။ ။ ဆေးပညာ အလိုအရတော့ ၁၈ နှစ်ကနေ ၃၅ နှစ်ဟာ ကိုယ်ဝန်ဆောင်ရတာ အသင့်လျော်ဆုံးပဲလို့ ပြောတယ်။ ရုပ်ခန္ဓာ အရတော့ အန္တရာယ်တွေတအား မများဘူးပေါ့နော်။ လူတွေက ထင်တယ်၊ ငယ်ငယ်ရွယ်ရွယ် ဆိုရင် အန္တရာယ်တွေ များတယ်လို့။ အမှန်မှာတော့ သိပ်မရှိဘူးလို့ ပြောတယ်။ စိတ်ကြောင့်၊ စိတ်ဖိစီးမှုတွေရှိပြီးတော့ ရုပ်ခန္ဓာ အားနည်းတာတို့ မစားနိုင်တာတို့ သူတို့ အဆင်သင့် မဖြစ်ရင် သူတို့ အပေါ်မှာ ဒါကြီးက စိတ်ဒဏ်ရာ ရမယ်လို့ ထင်တယ်။ တကယ် အန္တရာယ် များတာကတော့ ၃၅ နှစ်ကျော် ၄၀ သက်ကြီးပိုင်း သားဦးမွေးတာ။

မေး။ ။ အခုအချိန်မှာ Valentine’s Day ကလည်း နီးလာပြီလေ။ Valentine’s Day ဆိုတာ အရင်တုန်းက မြန်မာပြည်မှာ သိပ်ခေတ်မစား ပေမယ့် အခု နောက်ပိုင်း အရမ်း ခေတ်စားလာတယ်။ အဲဒီလို ရက်တွေမှာ စုံတွဲတွေ အတူနေကြမယ် ဆိုတာမျိုး ဖြစ်လာတဲ့အခါကျတော့ အဲဒီနေ့ အတွက်၊ လူငယ်စုံတွဲတွေ အတွက် စကား လက်ဆောင် တခုလောက် ပေးပါလား။

ဖြေ။ ။ လူငယ်တွေအတွက်တင် မကဘူး၊ အဓိက ကတော့ ဘေးက ဝိုင်းဝန်းပြီး မြှောက်ပေးနေတဲ့ မီဒီယာတွေရယ်၊ စီးပွားရေးသမားတွေရယ် အဲဒါတွေကစပြီး ပိတ်ရမှာ။ ကလေးဆိုတာတော့လေ ဒီလိုပဲ မြှောက်ပေးတော့ သူတို့ဟာသူတို့တော့ ဟုတ်တယ်ထင်နေမှာပဲ။ ဘေးက အရမ်းလိုတယ်။ ကိုယ့်ရဲ့ စီးပွားရေးပေါ့။ ကိုယ့်နာမည် ကြော်ငြာတခု အတွက်၊ မြန်မာနိုင်ငံရဲ့ သားကောင်းရတနာ လေးတွေကို ချောက်ထဲ တွန်းမပို့ စေချင်ဘူး။ အဲဒီနေ့ဆို ဟိုတယ်တွေ ပြည့်လို့ဆိုတာ ကြားတယ်။ တည်းခိုခန်း တွေမှာ အကုန်ပြည့်နေတယ် ဆိုတော့ ဒါ မဖြစ်သင့်ဘူးလေ။ တံခါးဖွင့်တာ ဟုတ်တယ်။ သို့သော် တံခါးဖွင့်လာရင် စောစောက ပြောသလို ဖုန်တွေ သဲတွေ ဝင်လာတဲ့အထဲမှာ ဒီဖုန်ကတော့ အဆိုးဆုံးပဲ။ ဘဝပျက်နိုင်တဲ့ ဖုန်မှုန်တွေ။ အဲဒါတွေကိုတော့ ကာကွယ်ရမယ်ဆိုတော့ ဘေးက ပံ့ပိုးမှုကို ဝိုင်းဝန်းပြီးတော့ပေါ့နော်၊ ဥပမာ – သီချင်းဆို ပြိုင်ပွဲ၊ ဒီလို ရိုးရိုးသားသား လေးတွေတော့ ကောင်းပါတယ်။

ဒါပေမယ့် မြန်မာ့ရိုးရာ အစဉ်အလာ ရှိတယ်လေ။ ကိုယ့်ဟာကိုယ် ယူကာမှသာ ယူရော ဒီရည်းစား တယောက် အနေနဲ့ ဘာဖြစ်လို့ ဒီလိုပေါ်တင်ကြီး ဒါ ကျမချစ်သူပါလို့ မိန်းကလေးတွေ အနေနဲ့ရော ပြတာတော့ မကောင်းဘူး။ ဘယ်သူ ကြိုက်ကြိုက် မကြိုက်ကြိုက် ဒါကတော့ ကိုယ့်အမြင်ပဲ။ နေရာ တကာမှာ ခေတ်ဆန်လွန်းတာ၊ နိုင်ငံခြားကနေ ပုံတူကူးချတာတော့ မကောင်းဘူး။ လူငယ်တွေကို ဘာပြောချင်သလဲ ဆိုတော့ စကားတခွန်းက ချစ်တာက ချစ်ပါ၊ ချစ်လို့ရတယ်လို့။ နောင်တချိန်မှာ နောင်တရစရာ ဆိုတာ ပြန်ပြင်လို့ရမယ့် အမှားဆိုရင် တော်သေးတယ်။ ကိုယ့်ဘဝကို အရိပ်မည်း ထိုးမယ့်ဟာမျိုးကို ဘယ်လိုမှ မလုပ်ပါနဲ့၊ ချစ်သူထားတဲ့အရွယ် ဆိုတာလည်း တနည်းနည်းတော့ ဝေဖန်နိုင်ပြီ၊ စဉ်းစားနိုင်ပြီ၊ ကိုယ့်ကိုယ်ကိုယ် တန်ဖိုးထားသလို ကိုယ့်ရဲ့ လက်တွဲဖော်ကိုလည်း တန်ဖိုး ထားပါ။ အချစ်နဲ့ Sex ကို မရောထွေးပါနဲ့၊ စောင့်စည်းပြီးတော့ သစ္စာရှိတဲ့ အချစ်ကသာ ဘဝလမ်းကို ဖြောင့်ဖြူးနိုင်ပါတယ် ဆိုတာ ပြောချင်ပါတယ်။

ဧရာဝတီ

ချိန်ကိုက်မိုင်း ပေါက်ကွဲမှု၊ မိုးကုတ်ရွှေဆိုင် ဓားပြတိုက်မှုနှင့် မိုးမိတ်နယ်စပ် နယ်ခြားစောင့်တပ် ပစ်ခတ်မီးရှို့ခံရမှုတို့ ဆက်စပ်မှုရှိ မရှိ စစ်ဆေး

Posted by drmyochit Wednesday, February 05, 2014, under | No comments


Wednesday, February 5, 2014

ရှမ်းပြည်နယ်မြောက်ပိုင်း ကျောက်မဲခရိုင် အတွင်းတွင် ဖြစ်ပွားခဲ့သော မန္တလေးတိုင်းဒေသကြီး ဝန်ကြီးချုပ် ယာဉ်တန်းရှေ့တွင် ချိန်ကိုက်မိုင်း ပေါက်ကွဲမှု၊ မိုးကုတ်မြို့နယ်ရှိ ရွှေဆိုင်နှစ်ဆိုင် ဓားပြတိုက်မှုနှင့် မိုးကုတ်-မိုးမိတ်နယ်စပ်ရှိ နယ်ခြားစောင့် တပ်စခန်းကို လက်နက်ကိုင်အဖွဲ့ ဝင်ရောက် ပစ်ခတ် မီးရှို့မှုတို့တွင် ကျူးလွန်သူများ ဆက်စပ်မှုရှိ မရှိ စုံစမ်းစစ်ဆေးလျက် ရှိကြောင်း ကျောက်မဲခရိုင် ရဲတပ်ဖွဲ့မှူးရုံးမှ တာဝန်ရှိသူတစ်ဦးက ပြောကြားသည်။

အဆိုပါ ဖြစ်စဉ်နှင့် ပတ်သက်၍ ကချင်၊ ပလောင်၊ ရှမ်း လက်နက်ကိုင်အဖွဲ့များ ဟုတ်မဟုတ်ကို စစ်ဆေးနေ ဆဲ ဖြစ်ကြောင်း ၎င်းကဆိုသည်။

ရှမ်းပြည်နယ် မြောက်ပိုင်း ကျောက်မဲခရိုင်အတွင်း မိုးကုတ်-မိုးမိတ် နယ်စပ်ရှိ မိုးမိတ်စစ်ဗျူဟာ လက်အောက်ခံ လွယ်ဆာ တပ်စခန်း (KF -573446) ကို အင်အား ၈၀ ဦးခန့် ပါဝင်သည့် လက်နက်ကိုင် အဖွဲ့ သည် ဖေဖော်ဝါရီလ ၃ ရက်နေ့ နံနက် ၆ နာရီ အချိန်ခန့်က ဝင်ရောက် တိုက်ခိုက်ခဲ့ပြီး ယင်းစခန်းအနီးရှိ ရွှေသာယာ ကျေးရွာတွင် အင်အား ၃၀ ဦးခန့် ဝိုင်းရံထားပြီး တပ်စခန်းကို လက်နက်ကြီး နှစ်လုံးဖြင့် စတင်ပစ်ခတ်ခဲ့ရာ တပ်ကြပ်တစ်ဦး သေဆုံးသွားခဲ့ကြောင်း၊ ရွှေသာယာ ကျေးရွာမှ ဒေသခံတစ်ဦး၏ ပြောပြချက်အရ လက်နက်ကိုင် အဖွဲ့သည် အရှေ့ဘက်အရပ်သို့ ထွက်ခွာသွားကြောင်း မန္တလေးတိုင်းဒေသကြီး ရဲတပ်ဖွဲ့မှူးရုံး မှတ်တမ်းများအရ သိရသည်။

အဆိုပါ ဖြစ်စဉ်ကြောင့် မိုးမိတ်မြို့နယ် လွယ်ဆာကျေးရွာ အုပ်စု၊ ရွှေသာယာ ကျေးရွာနှင့် ပန်ထီလာ ကျေးရွာတို့မှ ဒေသခံများသည် မိုးကုတ်မြို့နယ် ပိန်းမြစ် ကျေးရွာအုပ်စု အတွင်းရှိ ကိုးမိုင်ရွာ၊ ပိန်းမြစ် အထက်ရွာ၊ ပိန်းမြစ်အောက်ရွာနှင့် မိုးကုတ်မြို့ပေါ် လယ်ဦးရပ်ကွက်၊ ပိတ်ဆွယ် ရပ်ကွက်များရှိ ၎င်းတို့၏ ဆွေမျိုးနေအိမ်များသို့ ထွက်ပြေး တိမ်းရှောင်လျက် ရှိကြောင်း အဆိုပါ တာဝန်ရှိသူက ပြောကြားသည်။
“အခုဖြစ်ပွားတဲ့ နေရာကို သွားရောက် စစ်ဆေးမှုတွေ၊ စုံစမ်းမှု လုပ်နေပါတယ်။ အခုချိန်မှာတော့ ဘယ်အဖွဲ့က လုပ်တယ်ဆိုတာ ပြောလို့ မရသေးပါဘူး” ဟု မိုးမိတ် ရဲစခန်းမှ တာဝန်ကျ ရဲအရာရှိတစ်ဦးက ဆိုသည်။

မိုးကုတ်မြို့၊ ရှောလီဝိုင်းအုပ်စု၊ အောင်ချမ်းသာရပ်ကွက်၊ ပတ္တမြားဈေး အတွင်းရှိ ‘မီလျံ’ ရွှေဆိုင်နှင့် ‘နဂါး’ ရွှေဆိုင်သို့ ဇန်နဝါရီလ ၂၁ ရက်နေ့ မွန်းလွဲ ၂ နာရီအချိန်ခန့်က ဓားပြတိုက်မှု ဖြစ်ပွားခဲ့ပြီးနောက် ကျူးလွန်သည့် တရားခံများထဲမှ နှစ်ဦးကို ဖေဖော်ဝါရီလ ၂ ရက်နေ့တွင် ဖမ်းဆီးရမိပြီး ဖော်ထုတ် စစ်ဆေးမှု ပြုလုပ်ခဲ့ကြောင်း၊ ကျူးလွန်သူ ခြောက်ဦးထဲမှ နှစ်ဦးသည် ရှမ်းတိုင်းသားများ ဖြစ်ပြီး အဆိုပါ နှစ်ဦးထံမှ လက်နက်များ ရရှိခဲ့ခြင်း ဖြစ်ကြောင်း ကျူးလွန်သူတစ်ဦး၏ ထွက်ဆိုချက်ကို တိုင်းရဲတပ်ဖွဲ့မှူးရုံးမှ တာဝန်ရှိသူ တစ်ဦး၏ ပြောကြားချက်အရ သိရသည်။

“နှစ်ဦး မိထားတဲ့အထဲမှာ တစ်ဦး ကျူးလွန်တယ်လို့ ဝန်ခံတယ်။ တစ်ဦး ဝန်မခံဘူး။ ဝန်ခံတဲ့ တစ်ယောက်က ဓားပြတိုက်တဲ့နေ့မှ လူလေးဦးကို တွေ့ရှိတာ ဖြစ်တယ်။ ကျူးလွန်တယ်လို့ ဝန်မခံတဲ့သူက အဲဒီလူတွေကို ခေါ်လာတာ။ ဝန်ခံတဲ့သူကနေ သူမြင်ဖူးတဲ့ ရုပ်ပုံကို ခန့်မှန်းပြီး မြန်မာနိုင်ငံ ရဲတပ်ဖွဲ့ ဌာနချုပ်ကို ပို့ထားပါတယ်။ အဲဒီကနေ နယ်မြေ ရဲစခန်းတွေကိုလည်း ပေးထားပါတယ်” ဟု မိုးကုတ် ရဲစခန်းမှ တာဝန်ရှိသူက ရှင်းပြသည်။

ဇန်နဝါရီလ ၃၁ ရက်နေ့က ရှမ်းပြည်နယ် မြောက်ပိုင်း နောင်ချိုမြို့နယ် ဒိုးပင်ရွာနှင့် ဟိုခိုရွာအကြား မိုင်တိုင်အမှတ် ၃၀ နှင့် ၃၁ ကြားအရောက်တွင် မန္တလေးတိုင်းဒေသကြီး ဝန်ကြီးချုပ်တို့ လိုက်ပါလာသည့် ယာဉ်တန်းသည် လက်ဆွဲမိုင်း ချိန်ကိုက် ပေါက်ကွဲခဲ့မှုနှင့် ပတ်သက်၍ ဒိုးပင် ရဲစခန်းတွင် (ပ) ၈/၂၀၁၄ ပြစ်မှု ဥပဒေပုဒ်မ ၃ အရ အမှုဖွင့် ဆောင်ရွက်ခဲ့ပြီး အခင်းဖြစ်ပွားသည့် နေရာနှင့် နောင်ချို မြို့နယ် တစ်ဝိုက်တွင် စစ်ကြောင်းများ ချမှတ်ထားကြောင်း နောင်ချို ရဲစခန်းထံမှ စုံစမ်းသိရသည်။

The Voice Weekly

အနေဝေးနေတဲ့ ချစ်သူရည်းစား ၊ အိမ်ထောင်ရှင်များအနေနဲ့ သံယောဇဉ်ကို ထိန်းထားဖို့ လင်မယားချင်းပို့တဲ့ အတွင်းကျတဲ့ဓါတ်ပုံမျိုး တွေ ပေးပို့ပေးပါ

Posted by drmyochit Wednesday, February 05, 2014, under | No comments


တရားဝင်အိမ်ထောင်ကျပြီးဖြစ်ပေမယ့် ခွဲနေကြရတဲ့ မိသားစုတွေ အများကြီးရှိပါတယ်။ စစ်ဘက်မှာတာဝန်ထမ်းဆောင်သူတွေ၊ အကျဉ်းချခံနေရသူ တွေမျိုး ရှိတတ်ပေမယ့် အဓိကအားဖြင့်တော့ အသက်မွေးဝမ်းကြောင်းဆိုင်ရာ လုပ်ငန်း များကြောင့် ခွဲနေရတာများပါတယ်။ ဒီအခါမှာ ဝေးနေရတဲ့ အိမ်ထောင်ရှင်တွေဟာ အတူနေတဲ့ အိမ်ထောင်ရှင်တွေထက် လူမှုရေးဆိုင်ရာ ပြဿနာပိုများပါတယ်။ ဒီတော့ တစ်ဦးနဲ့တစ်ဦး အနေဝေးပေမယ့် သွေးမအေးစေဖို့ ပုံစံတစ်ချို့ ဖန်တီးပေးဖို့ လိုပါတယ်။

အဆက်အသွယ်မပြတ်စေဖို့အရေးကြီးပါတယ်။ အဆက်အသွယ်ဟာ ပတ်သက်မှုတစ်ခုမှာ အဓိကအားဆေးပါ။ ဘာကြောင့်လဲဆိုတော့ တစ်ဦးနဲ့ တစ်ဦး ရုပ်ပိုင်းဆိုင်ရာဆက်နွယ်မှု မရှိနေတဲ့အချိန်မှာ တစ်နေ့တစ်နေ့ ဘယ်အရာတွေ တွေ့ကြုံနေကြရတယ်ဆိုတာကို မျှဝေဖို့ စကားလုံးတွေကိုသာ အားထားရမှာပါ။ ဒါကြောင့် ဆက်သွယ်ရေးက အရေးကြီးပါတယ်။

တစ်ဦးနဲ့တစ်ဦး လုပ်လေ့လုပ်ထရှိတဲ့ တူညီတဲ့ အလေ့အထလေးတွေကို ခိုင်မြဲ နေအောင်ထိန်းသိမ်းပါ။ ဥပမာ- တစ်ပတ်တစ်ခါ ညစာအတူတူထွက်စားတာမျိုး ၊ နှစ်ဦးသား ကြိုက်နှစ်သက်တဲ့ ရုပ်ရှင်တစ်ခု အတူတူသွားကြည့်တာမျိုးပေါ့။ အကယ်လို့ မိုင်ပေါင်းများစွာ ဝေးကွာနေကြတဲ့သူတွေဆိုရင်တော့ နှစ်ဦးစလုံး ဆန္ဒရှိတဲ့ ရုပ်ရှင် ဇာတ်ကားတစ်ကားကို အချိန်ကိုက်အတူတိုက်ကြည့်ပြီး ဇာတ်ကားအကြောင်း ပြန်လည်ဆွေးနွေးတာမျိုး၊ နိုင်ငံရေးဆွေးနွေးတာမျိုး၊ အွန်လိုင်း ဂိမ်းကစားတာမျိုး လုပ်ပေးပါ။ ဝေးနေပေမယ့်လဲ ဒီသေးငယ်တဲ့ အလေ့အထလေးတွေကနေတဆင့် အပြန်အလှန် စိတ်ဝင်စားမှုရယူနိုင်မယ့် နည်းလမ်းတွေကို ရှာတွေတည်ဆောက်ပါ။

ပိတ်ရက်ရှည်ရတဲ့အခါ နှစ်ဦးသား ဆုံနိုင်မယ့် ခရီးတစ်ခုစီစဉ်ပါ။ ဥပမာ- နှစ်ဦးသားကြားမှာရှိတဲ့ အပန်းဖြေစခန်းလည်းရှိနိုင်မယ် မြို့တစ်မြို့မှာ ချိန်းပြီးဆုံတာမျိုး ပေါ့။ ဒါဟာ တကယ်ရင်ခုန်ဖို့ကောင်းပါတယ် ။ ကိုယ့်မှာရှိတဲ့ အကောင်းဆုံးနဲ့ အလှဆုံး အ၀တ်အစားတချို့ထည့်ပြီး နေရာသစ်တစ်ခုမှာ လွတ်လွတ်လပ်လပ်ချိန်းတွေ့ကြပါ။ မင်းတို့ရဲ့ ဆက်နွယ်မှုကို ပိုပြီးခိုင်မာစေမှာပါ။

ခေတ်မီနည်းပညာကို အသုံးချပါ။ အွန်လိုင်းမှာချိန်းပြီး Conferendo လိုမျိုး Version နဲ့ စကားပြောတာမျိုး။ နောက်ပြောင်တဲ့သဘောနဲ့ရေးထားတဲ့ အီးမေး လေးတွေလိုမျိုး လင်မယားချင်းပို့တဲ့ အတွင်းကျတဲ့ဓါတ်ပုံမျိုး စတာတွေ ပေးပို့ပြီး သတိရစိတ်ကို နှိုးဆွပေးတာမျိုးလုပ်ပါ။ အပြန်အလှန် သတိရကြောင်း မတ်ဆေ့ လေးတွေ ပို့ပေးပါ။ နည်းပညာတိုးတက်လာတာဟာ အလွန်အသုံးဝင်ပေမယ့် ရှေးတုန်းက သုံးတဲ့နည်းလမ်းတစ်ခုဖြစ်တဲ့ စာတိုက်ကနေတဆင့် စာပို့တာကလဲ အခုအချိန်ထိ ဆန်းသစ်နေဆဲဆိုတာကို မမေ့ပါနဲ့။

ဒီနည်းလေးတွေအတိုင်း ကြိုးစားကြည့်မယ်ဆိုရင်တော့ အနေဝေးနေတဲ့ ချစ်သူရည်းစား ၊ အိမ်ထောင်ရှင်များအနေနဲ့ မိမိတို့ရဲ့ ပတ်သက်မှုသံယောဇဉ်ကို ထိန်းသိမ်းထားနိုင်မယ်လို့ ယုံကြည်ပါတယ်။

Ref:globalpose
By Trend Myanmar

✔ PRO PDF Reader v3.10.0 Latest Full Version App for Android✔

Posted by drmyochit Wednesday, February 05, 2014, under | No comments



-Android ဖုန်းထဲမှာ Ebook စာအုပ်​ဖတ်​ဖို့ အတွက်​ အသုံးတဲ့ပြီး စွမ်း​ဆောင်​ရည်​ ​ကောင်းမွန်​တဲ့ application ​တွေထဲက တစ်​ခုဖြစ်​တဲ့"PRO Pdf Reader v3.10.0 Full" ဆိုတဲ့ February;04;2014 ရက်​​နေ့ ထွက်​ရှိလာ​သော Latest Full Version ​ဆော့ဖ်​ဝဲ​လေးတစ်​ခုကို တင်​​ပေးလိုက်​ပါပြီ။
Scrolling Mode နဲ့ multi-window Mode
ပါဝင်​တာ​ကြောင့်​ အသုံးပြု လို့​ကောင်းမွန်​ပါတယ်​။Full Version ဖြစ်​တာမို့ တခြားအသုံးပြုလို့ ​ကောင်းမယ့်​ Features ​ကောင်း​ကောင်း​လေး​တွေကို ထည့်​​ပေးထားတာကို ​တွေ့ရပါတယ်​-

-Apk File Size 6MB ရှိပြီး၊
-Android OS Version 2.1 နှင့်​အထက်​ရှိ ထား​သော ဖုန်းများမှာ ထည့်​သွင်း install လုပ်​၍ အသုံးပြုနိုင်​မှာ ဖြစ်​ပါတယ်​-

-​အောက်​က လင့်​ခ်​ မှာ ​ဒေါင်းလုပ်​ရယူပါ-

Downloas Link 1

Download Link 2










If you are looking for a good PDF reader, stop here, you have found it.
It does what you expect it to do. You can easily lay down and read PDF books and documents with this app.
The amazing enhancement dims your screen in some way that it doesn't hurt your eyes.
Easy to set and keep scrolling. The best functional from all readers.
Functional:
1) Read mode and control mode (single tap to switch)
2) Fixate pages by width, saved on scroll
3) Search in books
4) Table of content
5) Night Mode
6) Search ALL books (PDF, DjVu) on device
7) Next Page or scroll pages by tap screen
8) Full screen mode
9) Support e-reader keys like Nook, Kindle, Sony
10) File navigation
11) Recent Books
12) Light and black theme
13) Screen orientation: Portrait, Landscape, Automatic
14) Text Bookmarks for page
15) Links History, back to page
16) Crop borders
17) Automatic Scroll
18) Swipe pages in lock mode
19) Support Intel Atom x86 CPU
20) Book and Page Thumbnails
21) Recent books widget
22) Send, Share documents and bookmarks
23) Import, Export Settings
24) Configurable search directories
25) Samsung multi-window mode support

https://play.google.com/store/apps/details?id=com.foobnix.pro.pdf.reader

What's New
Open as Magazine
Always open as Magazine
Show-hide the Bookmarks tab
Fixed numbering pages in search (Francesco Donni)

Additional information
Updated
February 4, 2014

Size
6MB

Current Version
3.10.0

Requires Android
2.1 and up

Content Rating
Everyone
"အဆင်​​ပြေပါ​စေ"

ကို​ဇော်​သွင်​(နည်းပညာ)

ဂျပန်ဝန်ကြီးချုပ်ကို အာရှတိုက်၏ ဟစ်တလာဟု မြောက်ကိုရီးယားဝေဖန်

Posted by drmyochit Wednesday, February 05, 2014, under | No comments

အဘေးအနေဖြင့် ဂျပန်နိုင်ငံ၏ ကာကွယ်ရေး ကဏ္ဍတွင် အဆင့်မြှင့်တင်ပြီး စစ်ရေးစွမ်းရည်ကို မြှင့်တင်လျှက်ရှိရာ ယင်းကို မြောက်ကိုရီးယားက ဝေဖန်ခဲ့ခြင်း ဖြစ်သည်။

မြောက်ကိုရီးယား နိုင်ငံက ရန်သူတော် ဂျပန်နိုင်ငံ၏ ဝန်ကြီးချုပ်ဖြစ်သူ ရှင်ဇိုအဘေးအား အာရှတိုက်၏ အဒေါ့ဖ် ဟစ်တလာဟု အမည်တပ် ပုတ်ခတ်စွပ်စွဲလိုက်သည်။ အဘေးအနေဖြင့် ဂျပန်နိုင်ငံ၏ ကာကွယ်ရေး ကဏ္ဍတွင် အဆင့်မြှင့်တင်ပြီး စစ်ရေးစွမ်းရည်ကို မြှင့်တင်လျှက်ရှိရာ ယင်းကို မြောက်ကိုရီး ယား က ဝေဖန်ခဲ့ခြင်း ဖြစ်သည်။ အဘေး၏ လုပ်ရပ်သည် ဒုတိယကမ္ဘာစစ် အစမပျိုးမီ ဂျာမန်အာဏာရှင် ဟစ်တလာ ၏ အကောင်အထည်ဖော်နေပုံများနှင့် တူနေကြောင်း မြောက်ကိုရီးယားက ဆိုသည်။ ထို့အပြင် ဂျပန်ကြောင့် အရှေ့အာရှ ဒေသ၏ တည်ငြိမ်မှုကို အနှောင့်အယှက် ဖြစ်လာစေနိုင်ကြောင်းလည်း ပြောကြား ခဲ့သည်။

KCNA သတင်းဌာနက အာဏာရပါတီထုတ် ရိုဒွန်ဆင်မွန် သတင်းစာပါ ဖော်ပြချက်များကို ကိုးကားပြီး ယင်းကဲ့သို့ အပုပ်ချခဲ့ခြင်း ဖြစ်သည်။ အဘေးသည် ပြီးခဲ့သည့် လအတွင်းက ဒုတိယ ကမ္ဘာစစ်အပြီး ဂျပန်၏ စစ်လက်နက် ကဏ္ဍကို ကြီးမားစွာ ကန့်သတ်ချုပ်နှောင်ထားသည့် စာချုပ်အချက်အလက်များကို (၂၀၂၀)တွင် ပြင်ဆင်နိုင်လိမ့်မည်ဟု ပြောဆိုထားသည်။ KCNA သတင်းဌာနက "အာရှတိုက်ရဲ့ ဟစ်တလာ ထွက်ပေါ်လာပြီလား"ဆိုသည့် ခေါင်းစဉ်ဖြင့် အဘေးကို ပယ်ပယ်နယ်နယ် ဝေဖန်ထားခြင်း ဖြစ်သည်။ ထို့အပြင် အဘေး၏ လုပ်ရပ်သည် မြောက်ကိုရီးယား၏ ဒုံးကျည်နှင့် နျူကလီးယား လက်နက်များအပေါ် လူအများ စိုးရွံ့နေမှုကို ပိုမိုဆိုးရွားအောင် လှုံ့ဆော်ရင်း ဂျပန်၏ စစ်အင်အားကို မြှင့်တင်နေခြင်းဟုလည်း ထောက်ပြခဲ့သည်။

"ဂျပန်မှာ အဘေးဦးဆောင်တဲ့ အစွန်းရောက် လက်ယာယိမ်း အဖွဲ့တွေ ဩဇာကြီးနေတယ်။ ပြီးတော့ ဂျပန်အပေါ် နိုင်ငံတကာရဲ့ ဝေဖန်မှုတွေကို မြောက်ကိုရီးယားအပေါ် လွှဲချဖို့ ကြိုးစားနေတယ်"ဟု သတင်းဌာနက ဆိုသည်။ ထို့အပြင် "အဘေးဟာ ဖက်ဆစ်ဝါဒီအရူး ဟစ်တလာနဲ့ ဘာမှမကွာဘူး။ ဟစ်တလာဟာ ကွန်မြူနစ်တွေကို တိုက်ခိုက်သလို အကြောင်းပြပြီး နောက်ထပ်စစ်ပွဲတစ်ခုကို ဖန်တီးခဲ့တယ်။ အဘေးလည်း တူတူပဲ။ မြောက်ကိုရီးယားကို အကြောင်းပြပြီး ဂျပန်ရဲ့ စစ်မက်လိုလားတဲ့ ရည်မှန်းချက်သစ်ကို အကောင်အထည် ဖော်နေတာပဲ"ဟု KCNAက စွပ်စွဲသွားခဲ့သည်။

From: Planet Myanmar Network

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်