အင်ဒို နီးရှား နိုင်ငံမှ အစ္စလာမ် စစ်သွေးကြွ များက မြန်မာ နိုင်ငံ အပေါ် ဂျီဟတ် ဘာသာရေး စစ်ပွဲ ဆင်နွှဲ မည် ဆိုသော သတင်း များကို ပုဂ္ဂလိက သတင်း မီဒီယာ များက သတင်း ဖော်ပြကြ သဖြင့် ပြည်သူများ ထိတ်လန့် မှုများ ပေါ်ပေါက် နေပြီး အဆိုပါ သတင်း ဖော်ပြမှု သည် စာနယ်ဇင်း ကျင့်ဝတ်နှင့် ကိုက်ညီမှု ရှိ၊ မရှိ ဝေဖန် သုံးသပ် ချက်များ ပေါ်ထွက် လာသည်။
မြန်မာ နိုင်ငံကို ဂျီဟတ် စစ်ပွဲ ဆင်နွဲရန် အစ္စလမ် စစ်သွေးကြွ ဝါဒီ အချို့က ဖော်ထုတ် ပြောဆို ပြီးနောက် မေလ ၃ ရက်နေ့က အင်ဒိုးနီးရှားနိုင်ငံ၊ ဂျကာတာမြို့ရှိ မြန်မာသံရုံးကိုချိန်ကိုက်ဗုံးနှင့် ဖောက်ခွဲရန် ကြံစည် ခဲ့သည် ဟု သံသယ ရှိသူ ၂ ယောက်ကို ဖမ်းဆီး မိပြီး လက်လုပ်ဗုံး ၅ခုကို ရှာဖွေ တွေ့ ရှိ ခဲ့ သည်ဟု နိုင်ငံ တကာ သတင်း ဌာန များက ရေးသား ဖော်ပြခဲ့ပြီး ပြည်တွင်း ပုဂ္ဂလိက သတင်းမီဒီယာများကလည်း အင်ဒို နီးရှား နိုင်ငံမှ လာသော သတင်း များကို ကိုးကားပြီး မြန်မာနိုင်ငံအပေါ် ဂျီဟတ် ဘာသာရေး စစ်ပွဲပြု လုပ်ရန် လှုံ့ဆော်ဆန္ဒပြသည့်သတင်းနှင့် ဆန္ဒပြဓာတ်ပုံကို ဝေေ၀ ဆာဆာဖြင့် ဖော်ပြခဲ့ရာ မြန်မာ မွတ် စလင် အသိုင်း အ၀ိုင်းနှင့် ပြည်သူများ အကြား စိုးရိမ်မှုများ တိုးပွား လာကြောင်း သိရှိရသည်။
ပြည်တွင်း သတင်း မီဒီယာ များ၏ သတင်းဖော်ပြမှုကြောင့် စိုးရိမ်မှုများ တိုးပွား လာရခြင်း ဖြစ်ပြီး ပဋိ ပက္ခ သတင်း များ ဖော်ပြ ရာတွင် မြန်မာ သတင်း မီဒီယာများ အနေဖြင့် စာနယ်ဇင်း ကျင့်ဝတ်နှင့် အညီ သတိထား ဖော်ပြ သင့်သည် ဆိုသော ဝေဖန် သုံးသပ် မှုများ ပေါ်ထွက် လာသည်။
သမ္မတ ပြောရေး ဆိုခွင့် ရှိသူ လည်းဖြစ် ပြန်ကြားရေးဒုဝန်ကြီးလည်းဖြစ်သူ ဦးရဲထွဋ်က မြန်မာ နိုင်ငံတွင် ဖြစ်ပွား ခဲ့သော ဘာသာရေး နှင့် လူမျိုးရေး ပဋိ ပက္ခ များကြောင့် အင်ဒို နီးရှား နိုင်ငံမှ အစွန်းရောက် အစ္စလမ် စစ်သွေးကြွ ဝါဒီ များက မြန်မာ နိုင်ငံ အပေါ် ဂျီဟတ် စစ်ပွဲ ဆင်နွဲရန် လှုံ့ဆော် ပြောဆိုချက် များ ရှိ လာပြီး ယင်း ပြောဆို ချက်များနှင့် ပတ်သက်၍ ပုဂ္ဂလိက သတင်း မီဒီယာများက ကျယ်ကျယ် ပြန့်ပြန့် သတင်း ဖော်ပြ ခဲ့ခြင်း ကြောင့် ပြည်သူ များကို ထိတ်လန့် စေကြောင်း သူ၏ ဖေ့ဘုတ်စ် လူမှု ကွန်ရက် စာမျက် နှာ တွင် ရေးသား ထားသည်။
“အဲဒီလို ပြောဆို မှုတွေကို သက်ဆိုင်ရာ နိုင်ငံ အစိုးရ များက လက် မခံဘူး ဆိုတာ လည်း သတိပြု စေလို ပါတယ်။ ဒါ့အပြင် မြန်မာ နိုင်ငံ အတွင်းမှာ ရှိတဲ့ အစ္စလမ် ဘာသာရေး အဖွဲ့ အစည်း များရဲ့ ခေါင်း ဆောင် များရဲ့ ဒီလို အကြမ်း ဖက်တဲ့ အယူ အဆများ အပေါ် သဘောထား ကိုလည်း မေးမြန်း ဖော်ပြ ပေးနိုင်ရင် ပိုသင့် တော်မယ် လို့ ထင်ပါ တယ်”ဟု ဦးရဲထွဋ်က ပြောသည်။
သတင်း သမားများ တွင် လိုက်နာ ရမည့် ကျင့်ဝတ် ၊ မူများ ရှိပြီး ဖြစ်သောကြောင့် သတင်းရေး ရမည့် အလုပ် မှာ သတင်း သမား များ၏ တာဝန်သာ ဖြစ်ကြောင်း၊ ပဋိ ပက္ခနှင့် သက်ဆိုင် သည့် သတင်း သာမက မည်သည့် သတင်းကို မဆို ကျင့်ဝတ် နှင့် အညီ ရေးသား ရန် လို အပ်ကြောင်း၊ သို့ရာတွင် ဖြစ်ပျက် နေသော ဖြစ်ရပ်မှန်ကို ပဋိပက္ခဖြစ်ပေါ်မည်ဆိုသော စိုးရိမ်စိတ်ဖြင့် မရေးဘဲ ချန်ထား၍ မရ ကြောင်း ဒေးလီး အဲလဲဗင်း သတင်းစာ အယ်ဒီ တာချုပ် ကို ဝေဖြိုးက ပြောသည်။
”ဘာသာရေး ပဋိပက္ခ မဖြစ်အောင် ကတော့ ကျင့်ဝတ်မှာ ပါပြီး သားပဲ။ ဖြစ် တာ ကိုတော့ ဖြစ်တဲ့ အတိုင်း ရေးရ မှာပဲ။ ပဋိပက္ခဖြစ်မှာ စိုးလို့ ဆိုပြီး ချန်ထား လို့ မရဘူး”ဟု ကိုဝေဖြိုးက ဆိုသည်။
မြန်မာ နိုင်ငံကို ဂျီဟတ် စစ်ပွဲ လုပ်မည် ဆိုသော သတင်းကို ဆဲဗင်း ဒေး သတင်းစာ အနေဖြင့် ဖော်ပြခြင်း မပြုခဲ့ ကြောင်း၊ လတ် တလော ပဋိပက္ခ သတင်း များမှာ လူအများ စိတ်ပါ ၀င်စား မှု ရှိ နေပြီး ပုဂ္ဂလိက သတင်း မီဒီ ယာများ အနေဖြင့် သတင်း ဖော်ပြ လျက် ရှိရာ နေ့စဉ် ထုတ် သတင်းစာ တစောင် အနေဖြင့် အင်ဒို နီးရှား ဆိုင်ရာ မြန်မာ သံရုံး အနီး ဆန္ဒ ပြသူများ အကြောင်း ဓာတ်ပုံနှင့် သတင်း ဖော်ပြ ရာတွင် သေချာ ဂရု စိုက်၍ ပဋိပက္ခ ပိုမိုကြီး ထွားခြင်း မရှိစေရန် ကြိုးစား သတင်းဖော်ပြ ခဲ့ကြောင်း ဆဲဗင်းဒေး သတင်း စာမှ အမူဆောင် အယ်ဒီတာ ကိုအား မာန်က ပြောသည်။
“ဖော်ပြ လိုက်တဲ့ သတင်း တွေကြောင့် လူတွေ စိုးရိမ်စိတ် တွေ ပိုကြီး သွားမှာ။ တဖက်နဲ့ တဖက် သံသ ယတွေ ဖြစ်လာ မှာနဲ့ လူမှု ကွန်ရက် ဖေ့ဘုတ်စ် စာမျက်နှာ တွေမှာလည်း သံသယ ဖြစ်စရာတွေ များနေတဲ့ အတွက် ကြောင့် အဲလိုပုံမျိုးတွေကို မသုံးဘဲနဲ့ ရွေး ပြီးတော့ သံရုံးလုံခြုံရေး ပေးထား တဲ့ပုံကို အပေါ် က နေမြင် ရတဲ့ အနေအထားနဲ့ ပုံလေးကို ရွေးပြီးတော့ သုံးခဲ့တာပါ။ ကျနော်တို့ဆီမှာ အမှန်ပြောရရင် အနာ မကျက် သေးဘူး။ တဖက်နဲ့ တဖက် သံသယတွေ ဖြစ်နေတဲ့ကာလမှာ ဖော်ပြလိုက်တဲ့ သတင်း ဓာတ် ပုံကြောင့် သံသယ တွေ ပိုပွား လာမှာ။ ပိုပြီးတော့ ပူပန် လာမှာ မျိုး မဖြစ်အောင် ဆုံးဖြတ် ရွေးခဲ့ တာပါ”ဟု ကိုအား မာန်က ဆိုသည်။
အ မေရိကန် ပြည်ထောင်စု၊ ဘာကလေ တက္ကသိုလ်တွင် သတင်းစာ ပညာဘွဲ့ ဆည်းပူး ခဲ့သူ သတင်းစာ ဆရာ ဦးမြင့် ကျော်ကမူ သတင်း မီဒီယာ များ အနေဖြင့် ပဋိပက္ခ သတင်းများ ရေးသား ဖော်ပြ ရာတွင် တဖက်သတ် ရေးသားခြင်း မျိုးကို ရှောင်ကြဉ်ပြီး ရှု့ထောင့် ပေါင်းစုံ၊ ဘက်မ လိုက်ဘဲ မျှမျှ တတ ရေးသား ဖော်ပြရန် လိုအပ် ကြောင်း ရှင်းပြသည်။
”တဖက်ထဲ ရေးလိုက် လို့ စိုးရိမ် စရာကြီး လို့ လူတွေ ကမြင် လာရင် ရန်ပြုဖို့ အဆင်သင့် ဖြစ်လာမယ်။ ရှုထောင့် စုံက ပြည့်ပြည့် စုံစုံ ဖော်ပြ ရင်တော့ ပြဿနာ မရှိဘူး”ဟု ဦးမြင့် ကျော်က သုံးသပ်သည်။
လူငယ် သတင်း သမားများ အတွက် သတင်းစာ ပညာများ ဖွင့်လှစ် သင်ကြား နေသော သင်တန်း ဆရာ ဦးရဲနိုင် မိုးကမူ သတင်းသမားများအနေဖြင့် ပဋိပက္ခသတင်းများ ရေးသားရာတွင် မည်သည့် သတင်း အရင်း အမြစ် က လာ သည်ကို သေချာစွာ အကဲဖြတ် ဆန်းစစ်မှု(Verification) လုပ်ရန် လိုအပ် ကြောင်း၊ မည်သည့် မီဒီယာတွင် ပါဝင်သနည်း၊ ယင်းမီဒီယာက မည်သည့်သတင်းရင်းမြစ်ကိုကိုးကားထားသနည်း စသည့် အချက် များကို လေ့လာ သုံးသပ် သင့်ကြောင်း အကြုံသည်။
”ကိုယ်သိတဲ့ သတင်းက လူတစ် ဦး နှစ်ဦး ကပဲ ပြော တာလား။ လူ တစု ကပဲ ပြော တာလား။ အဲလို မဟုတ် ဘဲနဲ့ အဲဒါကို လိုအပ် တာထက် ပိုပြီးတော့ Highlight အသားပေး ရေး တာမျိုး ဖြစ်လာ ရင် အဲဒါက ပဋိပက္ခ ကို တနည်း နည်းနဲ့ စေ့ဆော် သလိုမျိုး ဖြစ်သွား မှာကို စိုးရိမ်ရတယ်။ လူတွေက စိတ်လှုပ်ရှားမယ်။ စိတ်လှုပ် ရှားရင် သံသယဖြစ်ပြီ။ သံသယစိတ်များလာရင် ကြောက်စိတ်များလာရော။ ကြောက်စိတ် များ လာ ရင် လူတွေက ကာကွယ်ဖို့ အတွင်း ဒေါသစိတ် တွေ ထွက်လာတာပေါ့”ဟု ဦးရဲနိုင်မိုးက သုံးသပ် ပြောသည်။
အစွန်းရောက် အစ္စလမ် ၀ါဒီ များ၏ ဂျီဟတ် စစ်ပွဲ ဆင်နွဲ မည် ဆိုသော ပြောဆို ချက်များနှင့် လုပ်ဆောင် ချက် များသည် မြန်မာနိုင်ငံ တွင် အေးချမ်း စွာ နေထိုင် လိုသော အစ္စလမ် ဘာသာ ၀င်များ၏ ပုံရိပ်ကို ထိခိုက် စေကြောင်း၊ အစ္စလမ် ဘာသာ အပေါ် နားလည်မှု လွဲမှား စေနိုင်စေကာ မတူ ကွဲပြား သည့် လူမှု အဖွဲ့ အစည်း များ၊ နားလည်မှု တည်ဆောက်ရေး၊ ငြိမ်းချမ်းစွာ၊ သဟဇာတ ဖြစ်စွာ နေထိုင် နိုင်ရေး လှုပ်ရှား မှု များကိုလည်း ထိခိုက် စေနိုင်ကြောင်း ဦးရဲထွဋ်က သုံးသပ်သည်။
”ဒီလို ပြောဆို တိုက်တွန်း ချက်များဟာ လူ့ အသိုင်း အ၀န်း နှစ်ခုကြား မှာ သံသယ တွေပို မိုများပြား လာ အောင် ရည်ရွယ် ချက်ရှိရှိနဲ့ ဆောင်ရွက်တာလည်းဖြစ်နိုင်တဲ့ အတွက် ကျနော်တို့အားလုံးက သတိရှိ ရှိနဲ့တုံ့ပြန်ဖို့ လိုပါတယ်”ဟု ဦးရဲထွဋ်က ပြောသည်။
မြန်မာနိုင်ငံ မော်လ၀ီ အဖွဲ့ချုပ် အတွင်း ရေးမှူး ဦးရဲနောင်သိန်း က ပြည်တွင်း မီဒီယာများ အနေဖြင့် နှစ်ဖက် ပဋိပက္ခ ဖြစ်နေစဉ် ကာ လတွင် အကြမ်း ဖက်မှု ဖြစ်လာ စေနိုင်သော အားပေး လှုံဆော် သည့် အရေး အသား များကို ရှောင် စေ လိုကြောင်း၊ ပုဂ္ဂလိက သတင်း မီဒီယာ အချို့သည် ကျင့်ဝတ်နှင့် မညီသော ရေးသား မှုများ ရှိကြောင်း ပြောသည်။
”တိုင်းပြည် ငြိမ်းချမ်း ရေးကို ဦးတည် တယ်ဆိုရင် ဟိုမှာမီးတစ၊ ဒီမှာ မီးတစ ဖြစ်နေတဲ့ အချိန်မှာ ဖွတာမျိုး စွတာ မျိုး တွေ မရေးသင့်ဘူး။ မနေ့ကဂျာနယ်တစောင်မှာ ဂျီဟတ်ဘာသာရေးစစ်ပွဲလုပ်မယ့်အကြောင်း ရေးထား လိုက်တာ စိုးရိမ်ထိတ်လန့်စေတယ်။ ကျနော်တို့ကလည်း အေးအေးချမ်းချမ်းနေချင်တယ်။ ဂျီဟတ် ဘာသာရေး စစ်ပွဲ ဆိုတာကို သဘော မတူဘူး။ မီဒီယာတွေ အနေနဲ့ ကျနော်တို့ ပြည်တွင်း အစ္စလမ် အဖွဲ့ တွေ ရဲ့ သဘော မတူတဲ့ သဘော ထား တွေကို ဖော်ပြ သင့်တယ်။ ရေး သင့်တယ်။ တဖက် တည်း မရေး သင့်ဘူး”ဟု ဦးရဲနောင် သိန်းက ဆိုသည်။
ရခိုင်ပြည် နယ်နှင့် မိထ္တီလာတွင် ဖြစ်ပွားခဲ့သော ဘာသာရေးနှင့်လူမျိုးရေးပဋိပက္ခများကြောင့် လူသေ ဆုံးမှု များ ရှိ နေပြီး အစိုးရက အရေးပေါ်အခြေအနေ ထုတ်ပြန်ကြေညာ ထိန်းသိမ်းမှုများ လုပ်ဆောင် နေရ ဆဲဖြစ် သည်။
From : ..irrawaddy
Time in Rangoon 
