Saturday, July 20, 2013

မိန်းကလေးများ အလေးမထားမိသည့် ကျန်းမာရေး ထိခိုက် စေနိုင်သော အချက်များ

Posted by drmyochit Saturday, July 20, 2013, under | No comments

မိန်းကလေးတွေဟာ အလှအပ နောက်ကို လိုက်ရင်း ကျန်းမာရေး ထိခိုက်စေနိုင်တာ တွေကို အလေး မထားမိတာမျိုး ဖြစ်တတ် ကြပါတယ်။

(၁) စိတ်ညစ်တိုင်း အစာစားလေ့ရှိခြင်း

ယောကျာ်းလေး အများစုက ပျော်ရွှင်တဲ့ အခါမျိုးမှာ အစာပိုစား တတ်ကြပြီး မိန်းကလေး တွေကတော့ စိတ်ညစ်တဲ့ အခါမှာ အချိုနဲ့ ကယ်လိုရီများတဲ့ အစားအစာ တွေကို ပိုစားလေ့ ရှိပါတယ်။ စိတ်ညစ်လို့ စားတဲ့ အစားအစာတွေက သင့်ခါး အနေအထားကို ပြောင်းလဲ စေပြီး သင့်ကို ဝလာ စေပါတယ်။ စိတ်ညစ်တာကို အစာစားပြီး ဖြေဖျောက်ဖို့ ကြိုးစား တာထက် လေ့ကျင့်ခန်း လုပ်တာ၊ ယောဂကျင့်တာ၊ အပေါင်းအသင်းတွေနဲ့ ပျော်ပျော်ပါးပါး နေတာတွေနဲ့ အစားထိုး လုပ်ဆောင် ကြည့်ပါ။

(၂) ဝသည်ဟု ထင်မြင်နေခြင်း

မိန်းကလေးတွေက ခန္ဓာကိုယ်ကို ဝတယ်လို့ သူများပြောမှာကို ကြောက်ရွံ့တတ်ကြပြီး ဝိတ်ချနေတယ် လို့လည်း တွင်တွင် ပြောတတ်ကြပါတယ်။ လေ့လာ မှုအရ မိန်းကလေးတွေရဲ့ ၉၀ ရာခိုင်နှုန်း လောက်က သူတို့ရဲ့ ခန္ဓာကိုယ်ပုံပန်း သဏ္ဌာန်ကို ပြုပြင်လိုကြပါတယ်။ ခန္ဓာကိုယ်က အဆီတွေကို ခွဲစိတ် ဖယ်ရှားနိုင်တယ်ဆိုပေမယ့် အစားအ သောက်နဲ့ ကိုယ်အလေးချိန် လျှော့ချတာက အကောင်းဆုံး နည်းလမ်းပါ။

(၃) မိတ်ကပ်မဖျက်ဘဲ အိပ်စက်ခြင်း

ညအိပ်တဲ့အခါ မိတ်ကပ်မဖျက်ဘဲ အိပ်စက်တာကြောင့် တစ်နေကုန် မျက် နှာပေါ်မှာ လိမ်းခြယ်ထားတဲ့ မိတ်ကပ် တွေ၊ ကပ်ငြိနေတဲ့ ဖုန်တွေနဲ့ ထွက်လာတဲ့ ချွေးတွေ မျက်နှာမှာရှိတဲ့ ချွေးပေါက်တွေကို ပိတ်စေပါတယ။် မျက်လုံးမှာ ဆိုးထားတဲ့ မျက်တောင်ကော့ ဆေးရည်ကို မဖျက်ဘဲ အိပ်တာက မျက်လုံးကို ယားယံတာ၊ ပိုး ဝင်တာတွေကို ဖြစ်စေပါတယ်။ ညအိပ်ရာမဝင်မီ သင့်မျက်နှာမှာ လိမ်းခြယ်ထားတဲ့ မိတ်ကပ်တွေကို သေ ချာစွာ သန့်စင်ပေးဖို့ လိုပါတယ်။ မျက်နှာ သန့်စင်ရာမှာ ကြေးချွတ်အား မပြင်းတဲ့ မျက်နှာသစ် ဆေးရည်ကို အသုံးပြုပါ။ မျက်နှာသစ်ပြီးပါက အစိုဓာတ်ထိန်းပေး နိုင်တဲ့ ညလိမ်းခရင်မ်လိမ်းအိပ်ပါ။

(၄) ယောကျာ်းလေးများနှင့် ရင်ပေါင်တန်းကာ သောက်စားခြင်း

ဒီကနေ့ ခေတ်မှာ မိန်းကလေးတွေဟာ ယောကျာ်းလေး တွေနဲ့ ရင်ပေါင်တန်းကာ မူးယစ် သောက်စား တတ်လာပါတယ်။ ဒါဟာ ကောင်းတဲ့ အမူအကျင့်တော့ မဟုတ်ပေမယ့် လက်ခံ ကျင့်သုံးသူ များလာပါတယ်။ မိန်းကလေးတွေဟာ ယောကျာ်းလေး တွေထက် ခန္ဓာကိုယ် အနည်းငယ် ပိုပြီး သေးသွယ်တာကြောင့် အရက်ရဲ့ ပြင်းအားကို လျှော့ချဖို့ ခန္ဓာ ကိုယ်မှာ ရေဓာတ် အသုံးပြုမှု အနည်းငယ် ပိုနည်းပါတယ်။ လူမှုရေးအရ အပေါင်းအသင်းတွေနဲ့ ဆက်ဆံရေး မပျက်ချင်ဘူး ဆိုတဲ့ ဆင်ခြေတစ်ခုနဲ့တော့ အရက်ဆက်သောက် မနေသင့်ပါဘူး။ အရက်က ခန္ဓာကိုယ်ကို ဆိုးကျိုးများ စွာဖြစ်စေတယ်ဆိုတာ သင်သိပြီးသား ဖြစ်ပါလိမ့်မယ်။ သင့်အနေနဲ့ လုံးဝ မသောက်သုံးလို့ မဖြစ်တဲ့အခြေအနေမျိုးမှာ အရက်နဲ့ အချိုရည်ကို တစ်လှည့် စီသောက်ပြီး အရက် သောက်သုံးမယ့် ပမာဏကို လျှော့ချပါ။

(၅) ဘရာစီယာအရွယ်အစား မှားယွင်းစွာ ဝတ်ဆင်နေမိခြင်း

မိန်းကလေးတွေရဲ့ ၇၀ ရာခိုင်နှုန်း လောက်က ဘရာစီယာ အရွယ်အစားကို မှားယွင်းစွာ ဝတ်ဆင် ထားတတ်ကြပါတယ်။ ကိုယ့်ခန္ဓာကိုယ်နဲ့ မကိုက်ညီတဲ့ ဘရာစီယာကို ဝတ်ဆင်တာက သင်ရဲ့ ဝတ်စားဆင်ယင်မှုကို ကြည့်ရဆိုးစေရုံ သာမက နောက်ကျော၊ လည်ပင်းနဲ့ ရင် သားနာကျင်မှုတွေကို ဖြစ်စေပါတယ်။ ဒါ့အပြင် အသက်ရှူကျပ်တာ၊ ကိုယ်ခန္ဓာ အနေအထားပုံစံမကျတာ၊ အရေပြား ယားယံတာ၊ သွေးလှည့်ပတ်မှုမကောင်းတာနဲ့ ဝမ်းဗိုက်မအီမသာဖြစ်တာတွေအထိ ဖြစ်စေနိုင်ပါတယ်။ သင့်ခန္ဓာကိုယ်နဲ့ ရင်သားအရွယ် အစားကို သေချာစွာ သိအောင်လေ့လာပါ။ ဘရာစီယာ ဝယ်ယူတဲ့အခါ ရင်သားကို အထောက်အပံ့ ကောင်းကောင်းပေး နိုင်ပြီး သင့်ရင်သားအရွယ်အစားနဲ့ ကိုက် ညီတာကို ရွေးချယ်ဝယ်ယူပါ။

(၆) အတိတ်ကဖြစ်ရပ်များကို မမေ့ပျောက်နိုင်ခြင်း

စိတ်ဖိစီးမှုက သင့်စိတ်ရော၊ ခန္ဓာကိုယ်ပါ ကျန်းမာမှုအတွက် အဟန့်အတား ဖြစ်စေပါတယ်။ မိန်းကလေးတွေက ယောကျာ်းလေးတွေထက် စိတ်ဖိစီးမှုနဲ့ ဆက်စပ်နေတဲ့ စိတ်ဓာတ်ကျတာနဲ့ စိုးရိမ် စိတ်များတာတွေကို နှစ်ဆ ပိုမိုခံစားတတ် ကြပါတယ်။ သုတေသီတွေရဲ့ လေ့လာမှုအရ မိန်းကလေးတွေဟာ ယောကျာ်းလေးတွေထက် အတိတ်က အကြောင်းအရာတွေကို မမေ့ ပျောက်နိုင်ဘဲ တမ်းတပူဆွေးမှုတွေ လွန်ကဲနေတတ် ပါတယ်။ စိတ်ငြိမ်အောင် တရားထိုင်တာ၊ ယောဂ ကျင့်တာတွေက စိတ်ဖိစီးမှုတွေကို လျော့ကျအောင် ကူညီပေးနိုင်ပါတယ်။

(၇) လေးလံလွန်းသော ဘေးလွယ်အိတ်

မိန်းကလေး အများစုက သူတို့ အသုံးအဆောင်တွေကို သွားလေရာမှာ အဆင် ပြေပြေ အသုံးပြုနိုင်အောင် အိတ်ထဲထည့်ပြီး ယူဆောင် တတ်ကြပါတယ်။ အသေးအဖွဲ လေးတွေဆိုပေမယ့် အားလုံး စုပေါင်းလိုက်တဲ့အခါ သင့်ပခုံးကို ဝန်ပိစေပြီး ကြာရှည် လာတဲ့အခါ သင့်ကျန်းမာရေးကို ဒုက္ခပေး နိုင်ပါတယ်။ သင့်ဘေးလွယ်အိတ် အရွယ်အစားက သိပ်ကြီး လွန်းနေရင် အနေတော် အရွယ်အိတ်ကို ပြောင်းပါ၊ အိတ်ထဲမှ မလိုအပ်တဲ့ အသုံးအဆောင် တွေကို တစ်ပတ်တစ်ခါ ရှင်းလင်း ဖယ်ရှားပေးပါ။

(၈) ဒေါက်မြင့်ဖိနပ်စီးခြင်း

ဒေါက်မြင့် ဖိနပ်စီးတာက ခန္ဓာကိုယ် မှအဆစ်အပေါ် ဖိအား ကျရောက်စေပြီး အရိုးအဆစ် ရောင်ရမ်းတာ၊ ခြေမ နာကျင်တာ၊ ခါးနာတာနဲ့ အရွတ်မှာ ဒဏ်ဖြစ်တာတွေဖြစ်စေပါတယ်။ ဒေါက်မြင့်ဖိနပ်ကြောင့်ဖြစ်ရတဲ့ ဒဏ်တွေသက်သာစေဖို့ နေ့စဉ်စီးတဲ့ ဖိနပ်ရဲ့ ဒေါက်အမြင့်ဟာ တစ်လက်မခွဲ ထက် မပိုသင့်ပါဘူး။ သင်စီးတဲ့ဖိနပ်ဟာ အဆစ်အပေါ် ဒဏ်မပိစေတဲ့ ဖိနပ်မျိုး ဖြစ်ရပါမယ်။

(၉) အိပ်ရေးဝ၀ မအိပ်စက်ခြင်း

ကံမကောင်းစွာဘဲ မိန်းကလေးတွေက ယောကျာ်းလေးတွေထက် အိပ်ရေးပျက်တာကို ပိုမို ခံစားရတတ်ပါတယ်လို့ မစ်ချီကန် တက္ကသိုလ်မှ လေ့လာမှုအရ သိရပါတယ်။ အိပ်ပျက်များတဲ့ မိန်းကလေးတွေက အစာစားချင်စိတ်ဖြစ်ပေါ်စေပြီး နှလုံးရောဂါ ဖြစ်ပွားနှိုင်ခြေကလည်း မြင့်မား စေပါတယ်။ နှစ်နှစ်ခြိုက်ခြိုက် အိပ်ပျော်စေဖို့  ညဘက်အိပ်ခါနီးမှာ ကဖင်းဓာတ်ပါတဲ့ ကော်ဖီ၊ လက်ဖက်ရည်နဲ့ တခြားအချို ရည်တွေ မသောက်ပါနဲ့။ အိပ်ရာဝင်ခါနီး လေ့ကျင့်ခန်း လုပ်တာကိုလည်း ရှောင်ပါ။ အိပ်ခါနီး နွားနို့ပူပူတစ်ခွက် သောက်တာ၊ ကြက်သီးနွေးရေနဲ့ ရေချိုး ပေးတာတွေက သင့်ကို နှစ်နှစ်ခြိုက်ခြိုက် အိပ်ပျော်စေဖို့ ကူညီပေးပါတယ်။

(၁၀) သားသမီးများကို ဂရုစိုက်နေရခြင်း

မိန်းကလေးတွေက ကိုယ့်ကိုယ်ကိုယ် ကျန်းမာဖို့အပြင် အိမ်ထောင် ထိန်းသိမ်းရတဲ့ တာဝန် လည်း ရှိတာကြောင့် အိမ်သားတွေရဲ့ ကျန်းမာရေး ကိုလည်း ဂရုပြုရပါတယ်။ အထူးသဖြင့် သားသမီးတွေ နေမကောင်းတဲ့ အခါ၊ ထိခိုက်ဒဏ်ရာရတဲ့အခါ အိမ်ထောင်ရှင်မမှာ တာဝန် အပိုတွေ ပိစေပါတယ်။ သင့်ကလေးငယ်တွေ အအေး မမိအောင် မိုးရေထဲ ထွက်ဆော့တာကို တားမြစ်ပါ။ ကလေးတွေဟာ ပြေးလွှား ဆော့ကစား တတ်ကြတာကြောင့် အိမ်တွင်း၊ အိမ်ပြင်မှာ ချော်လဲ နိုင်တာ၊ တိုက်မိခိုက်မိ နိုင်တာတွေကို ရှင်းလင်း ထားပါ။

မြ၀တီ

တောင်ကုတ်မြို့၌ အစ္စလာမ်ဘာသာဝင် ၁၀ ဦးအား သတ်ဖြတ်မှုအတွက် သံသယရှိသူ ခြောက်ဦးကို တစ်နှစ်ကျော် အကြာတွင် နေပြည်တော် မှုခင်းတပ်ဖွဲ့ (စီအိုင်ဒီ) ဖမ်းဆီး စစ်ဆေးနေ

Posted by drmyochit Saturday, July 20, 2013, under | No comments

ရခိုင်ပြည်နယ် တောင်ကုတ်မြို့တွင် ၂၀၁၂ ခုနှစ် ဇွန် ၃ ရက်က ဖြစ်ပွားခဲ့သော အစ္စလာမ် ဘာသာဝင် ၁၀ ဦးအား သတ်ဖြတ်မှုတွင် သံသယရှိသူ ခြောက်ဦးအား နေပြည်တော် မှုခင်းတပ်ဖွဲ့ (စီအိုင်ဒီ)က ဖြစ်စဉ်ဖြစ် ပွားပြီး တစ်နှစ်ကျော် အကြာတွင် ဖမ်းဆီးစစ်ဆေးနေကြောင်း သတင်းရရှိပါသည်။ သံသယရှိသူ ခြောက် ဦးကို နေပြည်တော် မှုခင်းတပ်ဖွဲ့ (စီအိုင်ဒီ)မှ ရဲမှူးစိုးမြင့် ဦးစီးပြီး ဇူလိုင် ၁၇ ရက်ညတွင် ဖမ်းဆီးလိုက်ခြင်း ဖြစ်ကြောင်း သိရသည်။

ဖမ်းဆီးခံရသူများမှာ တောင်ကုတ်မြို့မှ (၁) ကိုလေးမောင်(ခေါ်)ထွန်းနိုင် (၃၃နှစ်)၊ (၂)ကိုစန်းကျော် (၃၂နှစ်)၊ (၃) ကိုဝင်းနိုင် (ခေါ်)မောင်ပု (၃၂နှစ်) (၄) ပေါက်စီ (ခေါ်) ကိုမင်းသိုက် ထွန်း (၃၀နှစ်)၊ (၅)ဦးထွန်းဝင်း (ခေါ်)ဘကြီး(၄၂နှစ်)၊ (၆)ကိုသိန်းရွှေမောင် (၃၃နှစ်)တို့ ဖြစ်ကြောင်း သိရသည်။

ဖမ်းဆီးမှုနှင့် ပတ်သက်ပြီး ရခိုင်ပြည်နယ် အစိုးရအဖွဲ့ သတင်းထုတ်ပြန်ရေးနှင့် မှတ်တမ်းပြုစုရေး ဆပ်ကော်မတီ ဥက္ကဋ္ဌ ဦးလှသိန်းက ''လောလောဆယ်တော့ ကျွန်တော်တို့ အဲဒီအကြောင်းတွေ ဘာမှမသိသေးဘူး။ ရဲနဲ့သက်ဆိုင်တဲ့ အမှုဖြစ်တဲ့အတွက် မသိသေးတာပါ'' ဟု ဇူလိုင် ၁၉ ရက် မွန်းလွဲပိုင်းက ပြောကြားသည်။

''အခု ခြောက်ယောက် ဖမ်းသွားတယ် ဆိုတာကိုလည်း မိသားစုတွေဆီက သိရတယ်။ ညအချိန် ဖမ်းသွားတာဖြစ်လို့ ကျွန်တော်တို့ ဘာမှမသိလိုက်ဘူး'' ဟု တောင်ကုတ်မြို့မှ ဒေသခံတစ်ဦးက ပြောကြားသည်။

လက်ရှိတွင် အဆိုပါ အဖမ်းခံထားရသူ ခြောက်ဦးအား သံတွဲအကျဉ်းထောင်သို့ ပို့ဆောင်ထားကြောင်းလည်း စုံစမ်းသိရသည်။ ယင်းကိစ္စနှင့် ပတ်သက်ပြီး တောင်ကုတ်မြို့နယ် ရဲစခန်းသို့ ဆက်သွယ်မေးမြန်းခဲ့ရာ ယင်းကိစ္စနှင့် ပတ်သက်ပြီး သိရှိမှု မရှိကြောင်း တာဝန်ကျသူ တစ်ဦးက ဇူလိုင် ၁၉ ရက် မွန်းလွဲ ၁၂ နာရီ ၄၅ မိနစ်ခန့်က ပြောကြားသည်။ ရခိုင်ပြည်နယ် ရမ်းဗြဲမြို့နယ် ကျောက်နီမော် ကျေးရွာမှ ရခိုင်တိုင်းရင်းသူ မသီတာထွေးအား ဘင်္ဂါလီသုံးဦးက မုဒိမ်းကျင့် သတ်ဖြတ်ကာ ပစ္စည်းများပါ လုယက်ခဲ့သည့် ဖြစ်စဉ် ဖြစ်ပွားအပြီး ခြောက်ရက်အကြာ သံတွဲမှ ရန်ကုန်မြို့သို့ ထွက်ခွာလာသော ရိုးမသစ္စာ ခရီးသည်တင် ဘတ်စကားပေါ်မှ ခရီးသွား အစ္စလာမ် ဘာသာဝင် ၁၀ ဦး အသတ်ခံခဲ့ရခြင်း ဖြစ်သည်။

လူသတ်မှုဖြစ်စဉ် ဖြစ်ပွားပြီး တစ်နှစ်ခန့်အကြာ သံသယရှိသူများကို ယခုကဲ့သို့ ပထမဆုံးအကြိမ် ဖမ်းဆီးစစ်ဆေးခြင်း ဖြစ်ကြောင်း သိရသည်။

ရခိုင်ပြည်နယ် ပဋိပက္ခများ စုံစမ်းစစ်ဆေးရေး ကော်မရှင်၏ အစီရင်ခံစာတွင် ''၂၀၁၂ ခုနှစ် မေ ၂၈ ရက်တွင် ရမ်းဗြဲမြို့နယ် ကျောက်နီမော် ကျေးရွာမှ ရခိုင်တိုင်းရင်းသူ တစ်ဦးအား ဘင်္ဂါလီလူငယ် သုံးဦးမှ ရက်စက်စွာ မုဒိမ်းကျင့်၊ သတ်ဖြတ်ကာ ပစ္စည်းများပါ လုယက်ခဲ့သည့် ဖြစ်စဉ်မှ အစပြု၍ ရခိုင်လူမျိုးများနှင့် ဘင်္ဂါလီများကြား၊ ပဋိပက္ခများ စတင်ဖြစ်ပွားခြင်း ဖြစ်သည်ဟု ဆိုနိုင်ပါသည်။ ထိုသို့ ဖြစ်ပွားခဲ့ပြီး မကြာမီမှာပင် ထိုမှုခင်း ဓာတ်ပုံများသည် Internet Website များပေါ်သို့ ရောက်ရှိလာရာမှ သတင်းများ တစ်ဟုန်ထိုး ပျံ့နှံ့သွားခဲ့ပါသည်။ သတင်းမီဒီယာများ၏ သတင်းဖော်ပြချက်၊ စာသား အသုံးအနှုန်းများနှင့် Online ပေါ်မှ မည်သူရေးသားမှန်း မသိနိုင်သည့် မှတ်ချက်များသည်လည်း မီးလောင်ရာလေပင့် ဖြစ်စေခဲ့ပါသည်။ ဤသတင်းများသည် အင်တာနက် အသုံးမပြုနိုင်သည့် မြို့ပြနှင့် ကျေးလက်ဒေသရှိ ရခိုင်လူထု အကြားသို့ပါ တောမီးပမာ မြန်ဆန်စွာ ပျံ့နှံ့ရောက်ရှိ သွားပါသည်။
    ထိုအခြေအနေ မတိုင်မီ ရက်ပိုင်းအတွင်းက တာဘလစ် ခေါ် အစ္စလာမ်နယ်လှည့် တရားဟောအဖွဲ့ တစ်ဖွဲ့သည် ရသေ့တောင်မြို့နယ်၊ စေတီပြင် ကျေးရွာသို့ ရောက်ရှိစဉ် ဗလီတစ်လုံး အမြန်ဆောက်လုပ်ရန်နှင့် လိုအပ်သည့် ထောက်ပံ့မှုများကိုလည်း စီစဉ်ပေးမည် ဖြစ်ကြောင်းကို တိုက်တွန်းပြောကြား သွားသည်ဟု သိရှိရပါသည်။ ယင်းကိစ္စနှင့် ပတ်သက်၍ ရခိုင်အမျိုးသား အတော်များများက ထိုတာဘလစ်များအပေါ် လုံးဝကျေနပ်မှု မရှိခဲ့ကြကြောင်း ပြောဆိုကြပါသည်။ နဂိုမူလတည်းကပင် ဘင်္ဂါလီများအပေါ် စိုးရိမ်စိတ်၊ သံသယစိတ်တို့ဖြင့် စောင့်ကြည့်နေခဲ့သည့် ရခိုင်လူမျိုးများ၊ အထူးသဖြင့် ရခိုင်မျိုးချစ်စိတ် ပြင်းထန်တက်ကြွ သူများ၏ အမျက်ဒေါသကို ထိုအခြေအနေ အရပ်ရပ်က အထွတ်အထိပ်သို့ ရောက်အောင် တွန်းပို့လိုက် သကဲ့သို့ ဖြစ်သွားခဲ့ပါသည်။ ထိုအကြောင်းရပ်များသည် တစ်ဖက်တွင် ပြဿနာကို ဖန်တီးလိုသူများအား အခွင့်အရေး ပေးလိုက်သကဲ့သို့ ဖြစ်စေခဲ့ပါသည်။ ထိုသို့ လူမျိုးရေး၊ ဘာသာရေးအသွင် လှုံ့ဆော်မှုများ ပြင်းထန်နေစဉ် (၃-၆-၂၀၁၂) ရက်နေ့၌ သံတွဲမှ ရန်ကုန်သို့ ထွက်ခွာလာသော ရိုးမသစ္စာ ခရီးသည်တင် ဘတ်စကားပေါ်တွင် ခရီးသွား အစ္စလာမ်ဘာသာဝင် ၁၀ ဦး ပါရှိလာသည်ဟု ဆိုပါသည်။ တောင်ကုတ်မြို့တွင် လူထုအုံကြွနေသည့် အခြေအနေများကို သိရှိထားသည့် (၂၁) မိုင်စခန်းမှ ရဲအကြပ်တစ်ယောက်က တောင်ကုတ်မြို့၌ အခြေအနေ မကောင်းသောကြောင့် ဆက်လက် မသွားသင့်ကြောင်း တားဆီးခဲ့သည်ဟု သိရပါသည်။ သို့ရာတွင် ၎င်းရိုးမသစ္စာ ဘတ်စကားမှာ တောင်ကုတ်သို့ ဆက်လက် ထွက်ခွာသွားခဲ့သည်ဟု ဆိုပါသည်။ တောင်ကုတ်မြို့ အ၀င်တွင် ဘီးခွန်စခန်းမှ လူတစ်ယောက်က မြို့ထဲသို့ မ၀င်ရန်နှင့် သံတွဲသို့ ပြန်လှည့်မောင်းနှင်ရန် သတိပေးခဲ့ သေးသည်ဟု သိရှိရပါသည်။ သို့သော်လည်း ၎င်းဘတ်စကား ဆရာက တောင်ကုတ်မြို့ထဲသို့ အတင်းမောင်းဝင် လာခဲ့ရာ အဝေးပြေးကားဝင်းသို့ အရောက်တွင်မှ အခြေအနေ မကောင်းသည်ကို သိရှိသွားသဖြင့် ကားဝင်းမှ ပြန်လည် ထွက်ခွာလာစဉ် တောင်ကုတ်မြို့ထဲတွင်ပင် စိတ်ခံစားမှု ပြင်းထန်နေသော လူစုလူဝေးမှ အကျိုးအကြောင်း ဆင်ခြင်စဉ်းစားခြင်း မပြုနိုင်တော့ဘဲ ကားပေါ်ပါ အစ္စလာမ်ဘာသာဝင် ၁၀ ဦးအား ရက်စက်စွာ အကြမ်းဖက် တိုက်ခိုက်သတ်ဖြတ် လိုက်ကြပါသည်။ ထိုဖြစ်စဉ်မှ အစပြု၍ ရခိုင်ပြည်နယ်ရှိ မြို့ရွာဒေသ အများအပြားတွင် ရခိုင်နှင့် ဘင်္ဂါလီ လူမျိုးစု နှစ်စုအကြား အခြေအနေများမှာ ပိုမို တင်းမာ လာခဲ့ပါသည်'' ဟု ဖော်ပြထားသည်။
   
အဆိုပါ ဖြစ်စဉ်များ ဖြစ်ပေါ်ပြီးနောက် ရခိုင်ပြည်နယ်တွင် ပဋိပက္ခများ ဇွန်လနှင့် အောက်တိုဘာလတွင် နှစ်ကြိမ်ဖြစ်ပွားခဲ့ပြီး ၁၉၂ ဦးသေဆုံးကာ ၂၆၅ ဦးနှင့်အထက် ဒဏ်ရာရရှိခဲ့သည်။ ရခိုင်ပြည်နယ်၌ ၂၀၁၂ ခုနှစ် မေလနှင့် ဇွန်လအတွင်း ဖြစ်ပွားခဲ့သည့် ဖြစ်စဉ်များအပေါ် ဖြစ်ရပ်အမှန် ဖော်ထုတ်နိုင်ရေးနှင့် ဥပဒေနှင့်အညီ အရေးယူနိုင်ရေး တို့အတွက် ပြည်ထဲရေး ၀န်ကြီးဌာန ဒုတိယ၀န်ကြီး ဗိုလ်မှူးချုပ်ကျော်ဇံမြင့် ဥက္ကဋ္ဌအဖြစ် တာဝန်ယူသည့် စုံစမ်းစစ်ဆေးရေး အဖွဲ့ကို ပြည်ထောင်စု အစိုးရအဖွဲ့က ၂၀၁၂ ခုနှစ် ဇွန် ၆ ရက်တွင် ဖွဲ့စည်းခဲ့သည်။

Eleven

iPhone ကြောင့် တရုတ်မလေးသေဆုံးမှုနောက်ဆက်တွဲသတင်း (၂)

Posted by drmyochit Saturday, July 20, 2013, under | No comments


ပြီးခဲ့တဲ့ ရက်သတ္တပတ်က ၂၃ နှစ်အရွယ် တရုတ် အမျိုးသမီးတစ်ဦး ဖုန်းကို အားသွင်းရင်း စကားပြော ကြားနေစဉ် ဓာတ်လိုက် သေဆုံးခဲ့တဲ့ အကြောင်းအရင်းမှာ third-party USB charger နဲ့ ဆက်စပ်မှု ရှိတယ် လို့ ဖုန်း ကျွမ်းကျင်သူ ပညာရှင် Xiang Ligang က CCTV နဲ့ အင်တာဗျူးမှာ ပြောကြားလိုက်ပါတယ်။

ဖုန်းပြောနေရင်း ဓာတ်လိုက်သေဆုံးသွားတဲ့ Ma Ailun ဆိုသူဟာ သူမရဲ့ iPhone 4 မှာ third-party charger ကို အသုံးပြုခဲ့တယ်လို့ ဆိုပါတယ်။ အဲ့ဒီ third-party charger ဟာ လုံခြုံစိတ်ချမှု အနည်းငယ် သာရှိ တယ်လို့ Xiang Ligang က ပြောကြားခဲ့ပါတယ်။

ဒီဖြစ်ရပ်နဲ့ ပတ်သက်ပြီး Apple ရော တရုတ်နိုင်ငံမှ တာဝန်ရှိသူတွေပါ စုံစမ်းစစ်ဆေးမှု ပြုလုပ်နေဆဲ ဖြစ်ပါ တယ်။ မူလက သေဆုံးသူ အမျိုးသမီး သုံးစွဲခဲ့တဲ့ ဖုန်းဟာ iPhone 5 လို့ ယူဆခဲ့ပေမယ့် တကယ်တမ်းမှာ ၂၀၁၀ ခုနှစ် နှစ်လယ်ပိုင်းက ဖြန့်ချိခဲ့တဲ့ iPhone 4 ဖြစ်တယ်လို့ CCTV က ဖော်ပြခဲ့ပါတယ်။

Ref & Credit: Internet Journal

ကလေးသူ ငယ် လိင်ပိုင်း ဆိုင်ရာ အကြမ်းဖက် ကျူးလွန် သူကို သေဒဏ် အပြစ်ပေးသည့် ဥပဒေ လွှတ်တော် တင်သွင်းရန် စာတမ်းပြုစု

Posted by drmyochit Saturday, July 20, 2013, under | No comments

ရန်ကုန် ၊ ဇူလိုင် - ၁၉ ။                   ။ကလေး သူ ငယ် လိင်ပိုင်း ဆိုင်ရာ အကြမ်းဖက် မှုများလျော့နည်း သွားရန်ရည် ရွယ်၍ ကျူးလွန်သူအား သေဒဏ် အပြစ်ပေးရန် ဥပဒေ တစ်ရပ်ကို ခေတ်သစ် အမျိုး သမီး အစည်း အ ရုံး(မြန်မာ)မှ လွှတ်တော် တွင်တင် သွင်းရန် စာတမ်း ပြုစုပြီးဖြစ် ကြောင်း သိရသည်။ ယခုနှစ် အတွင်း ကလေးသူ ငယ် လိင်ပိုင်း ဆိုင်ရာ အကြမ်းဖက် မှုများမှာ အလွန် များပြားလာ ကြောင်း၊ အချို့ ပြစ်မှု များမှာ ဖခင် နှင့် သား သမီးတို့ပင်ဖြစ်ကြောင်း၊ ထိုကဲ့ သို့ လူမဆန် လွန်းသောဖြစ် ရပ်များကိုတားမြစ် နိုင်ရန် ပြင်း ထန်သော ဥပဒေ အဟန့် အတား တစ်ခုလို အပ်ပြီဟု ခေတ်သစ်အ မျိုးသမီး အစည်းအရုံး (မြန်မာ)က ယူဆသောကြောင့် ယခုကဲ့ သို့ ပြု လုပ်ရန် ကြိုးစား ရခြင်း ဖြစ်ကြောင်း အစည်း အရုံး ဥက္ကဌ ဒေါ်ရီရီစံက ရန်ကုန်တိုင်းမ်နေ့စဉ်သို့ ပြောသည်။

ဒေါ်ရီရီစံက ''ဒီလိုကျူးလွန် ရင် သေဒဏ် ဆိုတာ လူတွေသိသွား မယ်။ ဒါဆိုရင် မကျူး လွန်ရဲတော့ ဘူးလို့ ထင်ပါတယ်။ အသက်နဲ့ ရင်း တဲ့အဟန့် အတား တစ်ခုကြောင့် ဒီလိုမကြားဝံ့ မနာသာတဲ့ ကိစ္စတွေ လျော့နည်း သွားနိုင်ဖို့ ရည်ရွယ် ပါတယ်''ဟုပြောသည်။ အဆိုပါ ကလေး သူငယ် လိင်ပိုင်း ဆိုင်ရာ အကြမ်း ဖက်ခံ ရမှုများ ကို သေဒဏ်ချမှတ်သင့် ကြောင်း အမျိုးသား ဒီမိုကရေစီ ပါတီသစ် ဥက္ကဌ ဦးသိန်းညွန့်က ''ဒီတစ်ပတ် လွှတ်တော်မှာ ကျွန် တော်တင်ပြ ခဲ့ပေမယ့် သိပ် အ ကြောင်းမထူးခဲ့ပါဘူး။ လာမယ့် ရှစ်ကြိမ်မြောက်မှာတော့ ဒီထက် ပိုပြီးပြည့်စုံ ခိုင်မာတဲ့ ဥပဒေကို ကျွန် တော်ကိုယ်တိုင်ေ ရးဆွဲပြီး ထပ် တင်သွားမှာပါ''ဟု ပြောသည်။

မြန်မာ နိုင်ငံ အမျိုးသားလူ့ အခွင့် အရေး ကော်မရှင် အဖွဲ့ဝင် ဒေါက်တာ ဉာဏ်ဇော်က ''ဒီလို လုပ်ရပ်တွေ အတွက် ပြင်းထန်တဲ့ ပြစ်ဒဏ် ချမှတ်ဖို့တော့ လိုတာပေါ့။ ဒါပေမဲ့ သေဒဏ် ဆိုတာ ကတော့ လူ့အခွင့် အရေး စံနှုန်းနဲ့ ကြည့်ရင် မကိုက် ညီပါဘူး။ ဥပဒေ ပြဌာန်း ခြင်း၊ မပြဌာန်းခြင်း ကတော့ လွှတ်တော်က သာလျှင် အဓိက ဖြစ်ပါ တယ်'' ဟုပြောသည်။


ဒီခေတ်နေ
From: yangon mediagroup

အဆိုတော်ဆိုတေး သတိပြန်ရလာတဲ့အချိန် မိမိကို သူ့ဇနီးအဖြစ် လက်မခံဘူး ဆိုရင် ခိုင်လုံတဲ့သက်သေအထောက်အထားများအရ တရားစွဲဆိုသွားမည်ဟု မချိုချိုမှ မြန်မာနိုင်ငံသတင်းထောက်များကွန်ရက်ရုံးခန်းတွင် ၂၀-၇-၂၀၁၃ နေ့လယ် ၁၁ နာရီတွင် စာနယ်ဇင်းရှင်းလင်းပွဲကျင်းပ

Posted by drmyochit Saturday, July 20, 2013, under | No comments


ပြီးခဲ့တဲ့တနင်္ဂနွေနေ့ည ဖိုးချစ်ဇာတ်အဖွဲ့နဲ့အတူ သီချင်းသီဆိုရန် ထွက်ခွာသွားတဲ့ အဆိုတော်ဆိုတေး၊ ဇနီးဖြစ်သူမချောချောနှင့် ယာဉ်မောင်း၊ မိတ်ဆွေအမျိုးသမီးတစ်ဦးတို့ဟာ ရန်ကုန်-မန္တလေးအမြန်လမ်းမှာ ကားအက်ဆီးဒင့်ဖြစ်ပြီး ဇနီးဖြစ်သူ မချောချော ပွဲချင်းပြီးသေဆုံးသွားသလို အဆိုတော်ဆိုတေးဟာလည်း မန္တလေး ပြည်သူ့ဆေးရုံကြီးတွင် ဆေးဝါးကုသမှုခံယူနေရဆဲအချိန်မှာပဲ အွန်လိုင်းစာမျက်နှာတွေပေါ်မှာ မိမိရဲ့ခင်ပွန်းဖြစ်သူ အဆိုတော်ဆိုတေးအား ထိုင်းနိုင်ငံကို ခေါ်ဆောင်ကုသပေးမည်ဟူသည့် သတင်းများ ကျယ်ကျယ်ပြန့် ပြန့်ပေါ်ထွက်လာခဲ့ပါတယ်။

အဲဒီနောက်မှာတော့ မြန်မာ့အလင်းသတင်းစာ ဇူလိုင် ၁၉ ရက်နေ့ထုတ်မှာတော့ အဆိုတော်ဆိုတေးရဲ့ မိဘ ညီအစ် ကိုမောင်နှမများရဲ့ ဖြေရှင်းချက်လို့အမည်တပ်ထားတဲ့ ကြေညာချက်တစ်ခုကို ထုတ်ပြန် လာပါတယ်။

ကွယ်လွန်သွားရှာတဲ့ မချောချော (ခ) မ၀င့်ကုဋေသူဟာ ကျွန်တော်ဦးတင်မြင့်ရဲ့သား ဆိုတေး၏ ဇနီးဖြစ် ပါကြောင်း၊ ၁၆-၁၁-၂၀၁၂ နေ့တွင် နှစ်ဖက်မိဘများနှင့် သထုံခရုင်တရားသူကြီး ဒေါ်အေးအေးသင်း တို့ ၏ရှေ့မှောက်မှာ နှစ်ဦးသဘောတူလက်မှတ်ထိုးပြီး အကြင်လင်မယားအရာရောက်ခဲ့ပြီးဖြစ်ကြောင်း စ သဖြင့် ကြေညာ ချက်ထွက်ပေါ်ပြီးနောက်တစ်ရက်မှာပဲ အဆိုတော်ဆိုတေးဟာ မိမိရဲ့ခင်ပွန်းဖြစ်ကြောင်း ၂၀-၇-၂၀၁၃ ရက်နေ့ စနေနေ့ နေ့လယ် ၁၁ နာရီမှာ ကာယကံရှင် စီဆူဒါးထိုင်းမိုင် (ခ) မချိုချိုက မြန်မာနိုင်ငံ သတင်းထောက် များကွန်ရက် ရုံးခန်းမှာ စာနယ်ဇင်းရှင်းလင်းပွဲတစ်ရပ်ကို ကျင်းပခဲ့ပါတယ်။

မီဒီယာအများအပြား၊ သတင်းထောက်အများအပြားတက်ရောက်လာတဲ့ အဆိုပါသတင်းစာရှင်းလင်းပွဲမှာ မချိုချိုက
''အခုလို စာနယ်ဇင်းသတင်းမီဒီယာများနှင့် တွေ့ဆုံရှင်းလင်းရတဲ့အကြောင်းအရင်းကတော့ ၂၀၁၃ ခုနှစ်၊ ဇူလိုင်လ ၉ ရက်နေ့ကစပြီး မိမိနှင့်အဆိုတော် ဆိုတေးတို့ဟာ အကြင်လင်မယားအဖြစ် အတူတူပေါင်း သင်းနေ ခဲ့ကြကြောင်း အဆိုတော် ဆိုတေး သတိမရသေးတဲ့အချိန်မှာ မိမိဟာ အဆိုတော်ဆိုတေးနဲ့ မပတ်သက်ကြောင်း ထုတ်ပြန်ကြေညာလာတဲ့အတွက် မိမိအနေနဲ့ ဂုဏ်သိက္ခာထိခိုက်ခဲ့ကြောင်း၊ မိမိ အနေနဲ့ သက်သေအထောက်အထားပြစရာ အများကြီးရှိကြောင်းနဲ့ အသိ သက်သေတွေလည်းရှိပါကြောင်း တကယ် လို့ အဆိုတော်ဆိုတေး သတိပြန်ရ လာတဲ့အချိန်မှာ မိမိကိုသူ့ဇနီးအဖြစ် လက်ခံ၊ မခံဆိုတာ တိကျတဲ့ အဖြေ ပေါ်ထွက်လာမှာဖြစ်ကြောင်း၊ အကယ်ရွေ့ အဆိုတော်ဆိုတေးမှ မိမိအား ၄င်း၏ဇနီးအဖြစ် လက် မခံ၊ ငြင်းပယ်ခဲ့မယ်ဆိုရင်ဖြင့် သက်သေအထောက်အထား ခိုင်လုံစွာဖြင့် တင်ပြကာ တရားစွဲ ဆိုသွား မှာဖြစ်ကြောင်း တက်ရောက်လာကြတဲ့ သတင်းမီဒီယာတွေကို ရှင်းလင်းပြောကြားခဲ့ကြောင်းလည်း သိရှိရ ပါတယ်။

ဘယ်သတင်းဟာ အမှန်အမှားဆိုတာနဲ့ ဘယ်ဇနီးဟာ မိမိရဲ့တရားဝင်ဇနီးဖြစ်ကြောင်း အတည်ပြုပေးနိုင် မယ့် ကာယကံရှင်ဖြစ်သူ အဆိုတော်ဆိုတေးကတော့ ယခုအခါ မန္တလေးပြည်သူ့ဆေးရုံကြီးတွင် သတိပြန် လည်ရ ရှိလာစေ ဖို့အတွက် သက်ဆိုင်ရာဆရာဝန်ကြီးများ၊ မိသားစုများက အပူတပြင်း ဂရုစိုက်ဆေး ၀ါးကု သနေကြောင်း သိရှိရတဲ့အတွက် ဘယ်သတင်းအမှန်၊ အမှားနဲ့ ဘယ်သူဟာ တရားဝင် ဇနီး အစစ် အမှန် ဆိုတာကို အဆိုတော် ဆိုတေးမှာအပ ဘယ်သူမှသိနိုင်မှာမဟုတ်ကြောင်းလည်း အဆိုပါ သတင်းစာ ရှင်းလင်းပွဲကိုတက်ရောက်လာတဲ့ သတင်းထောက်များက မှတ်ချက်ပြုခဲ့ကြကြောင်း သိရှိရပါတယ်။

The First Media Group

အရေးပေါ် အခြေအနေ ကြေညာခြင်းအား ရုပ်သိမ်းခြင်း

Posted by drmyochit Saturday, July 20, 2013, under | No comments

ပြည်ထောင်စု သမ္မတ မြန်မာ နိုင်ငံတော်
နိုင်ငံတော် သမ္မတရုံး
ဥပဒေ ကဲ့သို့ အာဏာ တည်သော အမိန့်အမှတ်(၂/၂ဝ၁၃)
၁၃၇၅ ခုနှစ်၊ ဝါဆို လဆန်း ၁၃ ရက်
(၂ဝ၁၃ ခုနှစ်၊ ဇူလိုင်လ ၂ဝ ရက်)

အရေးပေါ် အခြေအနေ ကြေညာခြင်းအား ရုပ်သိမ်းခြင်း

၁။ မန္တလေးတိုင်း ဒေသကြီး မိတ္ထီလာ ခရိုင်အတွင်းရှိ မိတ္ထီလာမြို့နယ်၊ မလှိုင် မြို့နယ်၊ ဝမ်းတွင်းမြို့နယ်နှင့် သာစည်မြို့နယ် များတွင် တည်ငြိမ် အေးချမ်းမှု ပျက်ပြားသည့် ပဋိပက္ခများ ဖြစ်ပေါ်မှုအား ဥပဒေကဲ့သို့ အာဏာတည်သော အရေးပေါ် အခြေအနေ ကြေညာသည့် အမိန့်အမှတ် (၁/၂ဝ၁၃) ကို (၂၂-၃-၂ဝ၁၃) ရက် တွင် ထုတ်ပြန် ကြေညာ၍ ထိန်းသိမ်း ခဲ့ပါသည်။

၂။ (၂ဝ-၅-၂ဝ၁၃) ရက်တွင် အမိန့် ထုတ်ပြန်သည့် ရက်(၆ဝ) ပြည့်သော်လည်း တည်ငြိမ် အေးချမ်းမှု ထိန်းသိမ်းရန် လိုအပ်သဖြင့် အဆိုပါ အမိန့် ထုတ်ပြန်မှုအား ဖွဲ့စည်းပုံ အခြေခံဥပဒေနှင့် အညီ အတည်ပြုချက် ရယူရန်နှင့် သက်တမ်း တိုးမြှင့် ပေးရန် တို့အတွက် (၂၁-၅-၂ဝ၁၃) ရက်တွင် ကျင်းပသော ပြည်ထောင်စု လွှတ်တော် အထူး အစည်းအဝေးသို့ တင်ပြခဲ့ရာ ကနဦး ထုတ်ပြန်ခဲ့သည့် အမိန့်ကို အတည်ပြုပြီး၊ အထူး အစည်းအဝေး ပြုလုပ်သည့် ရက်မှ စ၍ ရက်ပေါင်း (၆ဝ) အထိ ဆက်လက် အာဏာ တည်စေရန် အတည်ပြုခဲ့ပါသည်။ ထိုသို့ ဆက်လက် အာဏာတည်သည့် ရက်သည် (၁၉-၇-၂ဝ၁၃) ရက်တွင် ရက်(၆ဝ)ပြည့်ပြီး ဖြစ်ပါသည်။

၃။ မိတ္ထီလာ ခရိုင်အတွင်းရှိ မိတ္ထီလာမြို့နယ်၊ မလှိုင်မြို့နယ်၊ ဝမ်းတွင်းမြို့နယ် နှင့် သာစည်မြို့နယ် များတွင် တည်ငြိမ် အေးချမ်းမှု ရရှိပြီး ဖြစ်သောကြောင့် ထုတ်ပြန်ထားသော အရေးပေါ် အခြေအနေ ကြေညာသည့် အမိန့်အား ယနေ့မှစ၍ ရုပ်သိမ်းလိုက်သည်။

                                                                    (ပုံ) သိန်းစိန်
                                                                နိုင်ငံတော် သမ္မတ
                                                    ပြည်ထောင်စု သမ္မတ မြန်မာနိုင်ငံတော်

http://www.president-office.gov.mm/zg/briefing-room/news/2013/07/20/id-3993

လိင်မှုဆိုင်ရာ အသိပညာပေးရေးနှင့် ဆယ်ကျော်သက် (ဒုတိယပိုင်း)

Posted by drmyochit Saturday, July 20, 2013, under | No comments

အခုပြုလုပ်တဲ့ ပညာပေး ပို့ချချက် အစီအစဉ်မှာ အပိုင်းငါးပိုင်း ပါဝင်ပြီး၊ အားလုံးကို သမာဆပ် ကျောင်း သားတွေ ပုံစံချပြီး ပို့ချခဲ့ကြတာပါ။

လိင်ကွဲပြားမှု၊ ကာမဆက်ဆံခြင်းနှင့် ဆက်စပ်ပြီး ကိုယ်ဝန် ရရှိလာနိုင်မှု၊ ကြုံတွေ့လာနိုင်မယ့် အခက်အခဲ များ၊ ကွန်ဒုံးကို စနစ်တကျ ဘယ်လို စွပ်ရမယ်၊ လိင်ဆက်ဆံမှုကနေ ရလာနိုင်တဲ့ ကူးစက်ရောဂါများ အကြောင်းနှင့် ဘယ်လို ကာကွယ်နိုင်မယ် ဆိုတဲ့ အချက်များ၊ လိုအပ်လို့ ပဋိသန္ဓေတားဆေး သုံးရတဲ့အခါ သုံးစွဲရပုံ၊ ကိုယ့် ရည်စား ယောက်ျားလေးက လိင်ဆက်ဆံဖို့ စည်းရုံးလာရင်၊ အဆင်သင့် မဖြစ်သေးေ ကြာင်း၊ မဖြစ်နိုင်ကြောင်း ဘယ်လိုငြင်းဆန် ရမလဲ စတာတွေ ပါဝင်တဲ့ ဆွေးနွေးပို့ချမှု တွေကို ပျော်စရာ ကစားနည်းတွေ၊ သရုပ်ပြ သင်ခန်းစာ တွေနဲ့ ပြုလုပ်ပညာပေးပါတယ်။

ပွင့်ပွင့်လင်းလင်း ဆွေးနွေးဖို့လိုတဲ့ လိင်မှုဆိုင်ရာ ကိစ္စရပ်တွေကို တကယ့် ဆရာတွေ အစား အသက်အရွယ် သိပ်မကွာတဲ့ တက္ကသိုလ်ကျောင်းသူကျောင်းသားတွေက ဆရာတွေ အဖြစ် ပို့ချဆွေးနွေးတဲ့ အခါမှာ၊ သင်ယူတဲ့ ကျောင်းသားလေးတွေ အနေနဲ့ ပြောဆိုဆွေးနွေးဖို့ ပိုအဆင်ပြေပြီး၊ ပိုမိုနားလည် သဘောပေါက် လွယ်စေ ပါတယ်။

တွဲဖက်ပါမောက္ခ ကလျာကွန်က "ကျမတို့ ကျောင်းသားတွေက အခုမှ ၂၁၊ ၂၂ နှစ် လောက်ပဲ ရှိကြသေးတော့၊ သူတို့ ဆယ်ကျော်သက် အရွယ် လွန်ခဲ့တာ သိပ်မကြာကြသေးဘူး။" "ဒီတော့ သူတို့ ဆယ်ကျော်သက်မှာ တွေ့ကြုံခဲ့ရတဲ့ လိင်ကိစ္စနဲ့ ပတ်သက်ပြီး ခံစား သိမြင် ခဲ့တာတွေကို အခုပညာပေး အစီအစဉ်မှာ ကျောင်းသားတွေ ထိထိရောက်ရောက် နားလည်နိုင်ဖို့ ဘယ်လို တင်ပြမလဲ ဆိုတာကို ကောင်းကောင်း သိကြတာပေါ့"

စူဝမ်ခိုလတ်ဝီထိရာလိုင်ကျောင်းက ၁၄ နှစ် အရွယ်၊ ရှစ်တန်း ကျောင်းသူ ဂျစ်ထရင်နတ်က အခုလို တက္က သိုလ်ကျောင်းသူ ကျောင်းသားတွေက လိင်မှုဆိုင်ရာ ပညာပေးကို လာသင်ကြ၊ လာဆွေးနွေးကြတဲ့ စိတ်ကူး ကို နှစ်သက်ကြောင်း ပြောပါတယ်။ အခု သင်ကြားမှု အစီအစဉ်ဟာ ပေါ့ပေါ့ပါးပါးနဲ့ ပျော်စရာကောင်းရုံ တင်မက၊ ကျောင်းကဆရာတွေ သင်တာထက် ပိုထိရောက် ပါတယ်တဲ့။

"ကျောင်းက ဆရာ/ဆရာမတွေနဲ့ သင်ရင်တော့ အမြဲလိုလို သူတို့ ပြောတာ နားထောင် နေရတာဆိုတော့၊ ဘယ်လိုလုပ် ပြန်မေးခွန်း ထုတ်ရဲမှာလည်း" လို့ ဂျစ်ထရင်နတ်က ဆက်ပြောပါတယ်။ ဆယ်ကျော် သက်တွေ တွေ့ကြုံရနိုင်တဲ့ လိင်ပိုင်းဆိုင်ရာ နှောက်ယှက် ခံရမှု၊ မလိုလားတဲ့ ကိုယ်ဝန် ပြဿနာတွေ ဟန့်တားနိုင်ဖို့ရာမှာ မိသားစုဝင်တွေကြား ပွင့်လင်းတဲ့ ဆက်ဆံရေးက အရေးပါတဲ့ အချက်တချက် ဖြစ်ပြီး၊ ယင်း အလေ့အကျင့်ကို အားပေးဖို့သင့်ကြောင်း သင်တန်းပို့ချသူ ကူဘာရူဘီရာက ဆိုပါတယ်။

"ကောက်ခံရရှိတဲ့ အချက်အလက်တွေအရ ကျမတို့ဆီမှာ ဆယ်ကျော်သက် ကိုယ်ဝန်ဆောင်နှုန်း က မြင့်လွန်းနေတယ် ဆိုတာကို အားလုံးသိနေကြတယ်။ တကယ်လို့များ ဖြစ်တဲ့ကိစ္စကို ကိုယ့်အိမ်မှာ၊ သား သမီးနဲ့ မိဘ ပွင့်ပွင့်လင်းလင်း ပြောဆိုဆွေးနွေး နိုင်ခဲ့မယ် ဆိုရင်၊ အခုလို ဆယ်ကျော်သက် ကိုယ် ဝန်ဆောင်မှု အရေအတွက် ပိုနည်းပါလိမ့်မယ်။ ဒီတော့ ပြောဆိုဆက်ဆံရေးဆိုတာ အဓိကကျ မနေဘူး လား" လို့ သည်အစီအစဉ်မှာ ပါဝင်သူ မာဂျာကလည်း ပြောပါတယ်။ သမာဆပ်နဲ့ ပလန် ထိုင်းနဲ့ လက်မှတ် ထိုး သဘောတူညီချက်နဲ့ အလုပ်လုပ်ရာမှာ အချင်းချင်း အပြန်အလှန် ပူးတွဲ လုပ်ဆောင်ဖို့နှင့် ထိုင်း ကလေးတွေ အကျိုးဖြစ်ထွန်းစေမယ့် နည်းလမ်းပေါင်းစုံ ရှာဖွေသွားဖို့ပါလို့ သူမကဆိုပါတယ်။

အခြားက ယဉ်ကျေးမှုပုံစံစုံ ရောယှက်လာတာနဲ့ အမျှ အမူအကျင့်ပေါင်းစုံနဲ့ ထိတွေ့ရမှုတွေ ပိုများလာတဲ့ အခြေအနေမှာ အသက်ငယ်ငယ်နဲ့ အတူနေတဲ့ကိစ္စ၊ လိင်ဆက်ဆံတဲ့ကိစ္စ တွေကို သာမန် ဖြစ်ရိုးဖြစ်စဉ်လိုမျိုး သဘောထားလာကြတယ်။ အခုလို သဘောထားမျိုးနဲ့ အံဝင်ဖို့ ဆိုရင်တော့ ကိုယ့်မိသားစုဝင် အချင်းချင်းကြား ဆွေးနွေးတိုင်ပင်မှုကို အခုထက်မက စောစော လုပ်သင့်ပါတယ်။

"ကလေးတွေ အိမ်မှာ အချိန်ပြည့်မရှိသလို၊ မိဘတွေကလည်း သူတို့ကို အချိန်ပြည့် ကြည့်မနေနိုင်ကြဘူး။ ဒီတော့ ကလေးတွေ ကျောင်းပြန်ချိန်၊ ကျောင်းပိတ်ရက်တွေမှာ ဘာလုပ်နေကြလဲ ဆိုတာ ကျမတို့ တကယ် မသိကြဘူး"။

"ကျမကတော့ သူတို့ကို အကာအကွယ် မပါပဲ ဆက်ဆံမိရင် ဘာဖြစ်နိုင်တယ်၊ ကိုယ်ဝန်ရနိုင်တယ်၊ ဒါတွေကို ဘယ်လို ကာကွယ်နိုင်တယ်ဆိုတာ သူတို့ကို ပညာပေးထားခဲ့ရင် သူတို့အတွက် အကောင်းဆုံး ဖြစ်စေ လိမ့်မယ်။"

လိင်နှင့် ပတ်သက်တဲ့ ပညာပေးမှုမှာ ထိုင်းအစိုးရက ပိုပွင့်လင်းလာပါတယ်။ ပလန် အနေနဲ့ ချင်းရိုင်း၊ ချင်းမိုင်မြို့က ကျောင်းအချို့မှာ လိင်မှုဆိုင်ရာ ပညာပေး အစီအစဉ်တွေ လုပ်နေပါတယ်။ ကျောင်းတွေ ကိုယ်၌က သူတို့ ကလေးတွေကို ပွင့်ပွင့်လင်းလင်း ပညာပေးစေလိုကြတယ်။"

"ဒီပညာပေး အစီအစဉ်တွေကို မြို့ကြီးတွေနဲ့ ဆင်ခြေဖုံး ကျောင်းတွေမှာ လုပ်လာကြတာကို တွေ့နေရပါပြီ။ အခု ကျမစိုးရိမ်နေတာက တောင်ပေါ် တိုင်းရင်းသားတွေနဲ့ ကျောင်းမနေရတဲ့ ကလေးတွေပါ။ သူတို့တွေက ဘာမှအသိပညာ မရှိပဲ နေချင်သလို နေမိကြမှာပဲ။ ကျမတို့ သူတို့ကို ထိစပ်ဖို့၊ အသိပညာပေးဖို့ တကယ့်ကို လိုအပ်နေတယ်။"

ကနေ့ ထိုင်းဆယ်ကျော်သက်တွေကြား လိင်ပညာပေးမှု အောင်မြင်ဖို့ဆိုရင် နားလည်မှုနဲ့ လိုအပ်ချက်တွေ ကို ပံ့ပိုး နိုင်မှုက အခရာကျတာကို သူနှစ်နှစ်ကာကာ ယုံကြည်တယ်လို့ တက္ကသိုလ်ကျောင်းသူ မန်တနာက ပြောပါတယ်။

သူမကပဲ "မင်္ဂလာ မဆောင်ခင် အတူမနေသင့်ဘူး ဆိုတဲ့ အတွေးအခေါ်ကို နားလည်ပေးနိုင် ပါတယ်။ နောက်ထပ် စဉ်းစားမိတာက ကမ္ဘာပုံစံကလည်း အတော့်ကို ပြောင်းနေပြီ ဆိုတာပါ။"

"ဒီကနေ ဆယ်ကျော်သက်တွေကြား အကာအကွယ်မပါပဲ အတူနေ၊ အတူအိပ်ကြတဲ့ ကိစ္စက တကယ့်ကို နက်နက်ရှိုင်းရှိုင်း ဖြစ်နေတဲ့ ကိစ္စပါ။ ဒါကို လျစ်လျူရှု ပစ်မထားသင့်ဘူး။ ဒီပြဿနာကို ဖြေရှင်းဖို့ ကျမမြင် တာကတော့ ဖြစ်လာတဲ့ အပေါ် နားလည်မှုပေးနိုင်အောင် ကြိုးစားပေးပါ။ သူတို့ အပေါ် အပြစ် တင်နေ တာထက် စာရင်တော့ အဲဒီကလေးတွေကို ဘာလုပ်သင့်တယ်ဆိုတာကို လမ်းညွှန်သင်ပြပေးပါ။"

(Bangkok Post သတင်းစာပါ Arusa Pisuthipan ရေးသားသော Sex from Students' Perspective ဆောင်းပါးကို ဆီလျော်အောင် ဘာသာပြန်ဆိုပါသည်)

http://www.bangkokpost.com/news/health/338826/sex-from-students-perspectives

မောက္ခ

ကမ္ဘာ့နောက်ဆုံးပေါ် ထီးဒီဇိုင်းသစ် တီထွင်

Posted by drmyochit Saturday, July 20, 2013, under | No comments

လက်ရှိ အသုံးပြုနေသော ထီးများနှင့် ဒီဇိုင်းပိုင်း အတွေးအမြင် လုံးဝ ကွဲပြားသော ထီးသစ် တစ်မျိုးကို ပညာရှင်များက တီထွင်လျှက် ရှိနေကြောင်း သိရှိရသည်။ Rainshaderဟု အမည်ပေးထားသော ထီးသစ်သည် အားပြင်းသော လေဒဏ်ကြောင့် ထီးရွက် လန်သွားသည့် ပြဿနာမျိုး မပေါ်ပေါက်အောင် တားဆီးနိုင်သလို ထီးရွက်ကြောင့် အသုံးပြုသူ၏ မြင်ကွင်းပိုင်း မရှင်းလင်းမှုမျိုး မဖြစ်နိုင်အောင် ဖန်တီးထားသည်။ ယင်းထီးကို ကိုင်ဆောင်ခြင်းဖြင့် မိုးလုံအောင် ငိုက်ငိုက်ဆောင်းထားခြင်းကြောင့် လူချင်း ဝင်တိုက်သည့် ကိစ္စမျိုးကိုလည်း အလိုလို ရှောင်လွှဲနိုင်မည် ဖြစ်သည်။ ခေါင်းဆောင်းတစ်ခု သဏ္ဍန်နှင့် ဆင်တူသည့် Ranishaderထီးတွင် ထီးကိုင်းများအား ဖိုင်ဘာဂလက်စ်ဖြင့် တည်ဆောက်ထားသည်။
ယင်းထီးကို ကိုင်ဆောင်ထားရာတွင် တစ်နာရီ မိုင်(၄၀)မျှ လေတိုက်နှုန်း၌ပင် ထီးရွက် လန်ထွက်မသွားနိုင်ကြောင်း သိရသည်။ Rainshaderကို ဝါးဝစ်ခ်ရှိုင်းယားရှိ Hospitality Umbrellas ထီးကုမ္ပဏီက ဒီဇိုင်းဖန်တီး တည်ဆောက်ခဲ့ခြင်း ဖြစ်သည်။ ပိုလီစတာ ထီးရွက်တွင် ထီးကိုင်း(၁၀)ချောင်းကို ယှက်ဖြာကာ တည်ဆောက်ထားသည်။ ပြီးခဲ့သည့်နှစ်က Wet and Windy Grand Nationalတွင် ရရှိလာသည့် စိတ်ကူးဖြင့် အဆိုပါ ထီးကို အကောင်အထည် ဖော်ခဲ့ခြင်းဟု ဒီဇိုင်း ပညာရှင် စတီဖင် ကိုလင်းက ဆိုသည်။ ၎င်းက မိမိသည် လူကြားထဲတွင် ထီးဆောင်းထားရင်း အားကစားပွဲ တစ်ခုကို ရှင်းရှင်းလင်းလင်း ကြည့်မြင်နိုင်မည့် ထီးမျိုးကို တီထွင်ရန် စိတ်ကူးမိခဲ့ခြင်းဟု ရှင်းပြခဲ့သည်။

"သာမန် ထီးတစ်ချောင်းမှာ ရှေ့ကိုမြင်ဖို့အတွက် လူတွေက ထီးကို မြှောက်ကိုင်ရတယ်။ Rainshaderမှာက ရှေ့ပိုင်းက မြင်ကွင်း ရှင်းပြီးသားလေ။ လေဒဏ်ကိုလည်း သူက ခံနိုင်ရည် ပိုရှိတယ်။ ဘာဖြစ်လို့လဲဆိုတော့ ဒီဇိုင်းအရ ပိုသွယ်လျတာကိုး။ ကျွန်တော်တို့ စမ်းသပ်ပြီးသား အခြေအနေအရ တစ်နာရီ မိုင်(၄၀)လောက် တိုက်ခတ်နေတဲ့ လေဒဏ်ကို ဥမင်တစ်ခုထဲမှာ ကောင်းကောင်း ခံနိုင်ရည်ရှိတယ်"ဟု ကိုလင်းက ပြောကြားခဲ့သည်။ Rainshaderကို တစ်လက်လျှင် (၂၄.၉၉)ပေါင်ဖြင့် ရောင်းချသွားရန် ကုမ္ပဏီက စီစဉ်နေကြောင်းလည်း သိရှိရသည်။

From: Planet Myanmar

အမေ ကို သားဖြစ်သူမှ အဓမ္မပြုကျင့်မှု ဖြစ်ပွား

Posted by drmyochit Saturday, July 20, 2013, under | No comments

၁၈.၇.၂၀၁၃ ရက်နေ့ (၂၁၀၀) အချိန်ခန့်တွင် ဧရာဝ တီတိုင်းဒေ သကြီး ၊  မြန်အောင်မြို့နယ် ၊ ဇလုပ်ကြီး အုပ်စု ၊ ပိန်းအင်းကျေးရွာနေ ၊ ဒေါ်---- (၅၆) နှစ် သားဖြစ်သူ ကျော်မင်းထိုက် (၂၂) နှစ် ၊ တို့သည် တစ်ရွာ တည်းနေ ကျော်နိုင်မှ ဒုတ်နှင့်ပစ်၍ ဒဏ်ရာ ရရှိသဖြင့် ကျေးရွာ အုပ်ချုပ်ရေးမှူး ထံတွင် တိုင်ကြားပြီးနောက် အတူပြန် လာစဉ် ဦးသိန်းမြင့်၏ လယ်စောင့်တဲ အရောက် အရက်ပုလင်းကျန်ရစ်ခဲ့၍ လယ်စောင့်တဲ အတွင်း သွားရောက် ယူမည်ဟု ပြော၍ မိခင်အား လယ်စောင့်တဲ့ အတွင်း ခေါ်သွား ပြီးနောက် ကျော်မင်းထိုက်မှ ၄င်း ၏ မိခင် ဒေါ်မစိန်အား သားမယားအဖြစ် အတင်းအဓမ္မ ပြုကျင့် မည်ပြု လုပ်စဉ် မိခင် ဒေါ်မစိန်မှ “ သားရယ် အမေလေ အဲသည်လို မလုပ်ရဘူး ” ဟု ပြောရာ ရုန်းရဲရုန်းကြည့် ရုန်း လျှင် ဓါးနှင့် ထိုးမည်ဟု ခြိမ်းခြောက် ပြောဆို၍ သားမယားအဖြစ် ပြုကျင့်ခဲ့သဖြင့် မြန်အောင်မြို့နယ် ၊ ရွှေကျင်ရဲ စခန်းတွင် (ပ) ၃၁ / ၂၀၁၃ ၊ ပြစ်မှုဆိုင်ရာ ဥပဒေပုဒ်မ ၃၇၆  အရ အမှုဖွင့်ဆောင်ရွက် ထားကြောင်း သိရှိရပါသည်။

Myanmar News Now

ရိုဟင်ဂျာလူကုန်ကူးမှုစုံစမ်းဖို့ ထိုင်းကိုအမေရိကန်တိုက်တွန်း

Posted by drmyochit Saturday, July 20, 2013, under | No comments

မြန်မာနိုင်ငံတွင်း ဖိနှိပ်မှုတွေကြောင့် ထွက်ပြေးလာကြတဲ့ ရိုဟင်ဂျာမူဆလင်တွေကို ထိုင်းရေတပ်က မလေး ရှားနိုင်ငံကို ခိုးထုတ်ပေးပြီး လူမှောင်ခိုကူးမှု လုပ်ငန်းတွေမှာ ပါဝင်နေတယ်ဆိုတဲ့ ရိုက်တာ သ တင်းဖော်ပြ ချက်နဲ့ ပတ်သက်လို့ ထိုင်းအစိုးရအနေနဲ့ ပွင့်လင်းမြင်သာမှုရှိတဲ့ အရေးတယူ စုံစမ်းစစ်ဆေးမှုတွေ လုပ်သွား ဖို့ အမေရိကန်အစိုးရက တိုက်တွန်းလိုက်ပါတယ်။

မြန်မာနယ်စပ်နဲ့ ဒေသတွင်းနိုင်ငံတွေမှာ ခိုလုံနေကြတဲ့ ဒုက္ခသည်တွေ အပါအ၀င် မြန်မာနိုင်ငံတွင်းက ဖိနှိပ် ခံနေရ သူတွေရဲ့ လုံခြုံရေးနဲ့ လူသားချင်း စာနာထောက်ထားရမယ့် အခြေအနေ ဖြစ်နေတဲ့ အပေါ်မှာ အထူးစိုး ရိမ်တဲ့ အကြောင်းလည်း အမေရိကန်နိုင်ငံခြားရေးဌာန ပြောခွင့်ရသူ Marie Harf က သောကြာနေ့ ပုံမှန်သတင်းစာရှင်းလင်းပွဲအတွင်း ပြောခဲ့ပါတယ်။ ဇွန်လက ထုတ်ပြန်ခဲ့တဲ့ ကမ္ဘာတ၀ှမ်း လူကုန် ကူးမှုလုပ်ငန်းများဆိုင်ရာ နိုင်ငံခြားရေးဌာနရဲ့ နှစ်ပတ်လည် အစီရင်ခံစာထဲမှာလည်း ခုလို လူမှောင်ခိုကူးမှု ကိစ္စတွေနဲ့ပတ်သက်လို့ တင်ပြထားတဲ့အကြောင်းလည်း ပြောခဲ့ပါတယ်။

လူကုန်ကူးမှုလုပ်ငန်းတွေမှာ ထိုင်းအစိုးရပိုင်းက ပါဝင်ပတ်သက်နေတယ်ဆိုတဲ့ သတင်းတွေနဲ့ ပတ်သက်လို့ အသေးစိတ် စုံစမ်းစစ်ဆေးမှုတွေ လုပ်ဆောင်ပြီး ကျူးလွန်သူတွေကို အပြစ်ပေး အရေးယူဖို့ အပါအ၀င် လူကုန်ကူးမှု တိုက်ဖျက်ရေး ကြိုးပမ်းမှုတွေကို အခုထက်ပိုပြီး တိုးမြှင့် ဆောင်ရွက်သွားဖို့ ထိုင်းအစိုးရကို တိုက်တွန်းထားတယ်လို့လည်း နိုင်ငံခြားရေးဌာ ပြောခွင့်ရက ပြောသွားခဲ့ပါတယ်။ နိုင်ငံခြားရေးဌာနက နောက်ဆုံး ထုတ်ပြန်ခဲ့တဲ့ လူကုန်ကူးမှုဆိုင်ရာ နှစ်ပတ်လည် အစီရင်ခံစာထဲမှာတော့ မြန်မာနိုင်ငံနဲ့ ထိုင်းနိုင်ငံတွေကို စောင့်ကြည့်ရမယ့် နိုင်ငံတွေအဖြစ် သတ်မှတ်ထားတာ ဖြစ်ပါတယ်။

ဗွီအိုအေ (မြန်မာဌာန)

အရက်မူးသည့်ဖခင် ခြောက်လအရွယ်ရင်သွေးငယ်ကို လက်သီးဖြင့်ထိုးကာ လက်ဝါးဖြင့်ရိုက်သဖြင့် သေဆုံး

Posted by drmyochit Saturday, July 20, 2013, under | No comments

ကျောက်ဖြူ      ဇူလိုင်     ၁၈

ကျောက်ဖြူမြို့နယ် လိပ်ခမော်ကျေးရွာအုပ်စု ရွာသစ်ကျေးရွာ၌ ဇူလိုင် ၉ ရက်တွင် ဖခင်ဖြစ်သူက မိမိ၏ရင်သွေးသားငယ် ခြောက်လခန့် အရွယ် အား လက်သီးဖြင့်ထိုးကာ လက်ဝါးဖြင့်ရိုက်သဖြင့်  သေဆုံး သွားခဲ့ သည့်ဖြစ်စဉ် တစ်ခုဖြစ်ပွားခဲ့သည်။

အခင်းဖြစ်ရပ်သို့ စခန်းမှူးရဲအုပ်စိုးကျော်နှင့်တပ်ဖွဲ့ဝင်များက သွားရောက် စစ်ဆေးရာ ကလေးမိခင် မအောင်စံထွေးက ''ကျွန်မ ဇူလိုင် ၇ ရက် မွန်းလွဲ ၁ နာရီတွင် အသက်ခြောက်လအရွယ်ရှိသော သားဖြစ်သူ ကျော်ကျော်စိန်နှင့်အတူ ရှိနေခဲ့ ကြောင်း၊ ခင်ပွန်းဖြစ်သူ မောင်မောင်ထွေးမှာ နေ့စဉ်နှင့်အမျှ အရက်သောက် စားမူးယစ်နေ၍ နေအိမ်၌မရှိပါကြောင်း၊ ကျွန်မမှာ နေအိမ်ပေါ်၌သားနှင့်အတူ ထိုင်နေစဉ် ခင်ပွန်းဖြစ်သူ အရက်မူး၍ရောက်ရှိလာပြီး ကလေးငယ်အား ပွေ့ချီရာ ကလေးငယ်မှာ အော်ငိုသဖြင့် ကလေးကို ဘယ်ဘက်လက်ဖြင့် ချိုင်းမှမချီပြီး ညာ ဘက်လက်သီးဖြင့်ရင်ဘတ်ကို သုံးချက်၊ မှောက်လျက် ကျောကုန်းကို နှစ်ချက်ရိုက်နှက်လိုက်ရာ ကလေးငယ်မှာ အငိုရပ်လျက် သတိလစ်သွားခဲ့ကြောင်း၊ ထို့နောက် ကလေးငယ်ကို ပွေ့ချီစမ်းသပ်ခဲ့ရာ အသက်မရှိတော့ကြောင်း၊ မောင်မောင်ထွေးမှာ နေအိမ်တွင် မတွေ့ရတော့ဘဲ ထွက်ပြေးသွားကြောင်း'' ပြောပြခဲ့သည်။

မအောင်စံထွေးက သားဖြစ်သူ မောင်ကျော်ကျော်စိန် သေဆုံးအောင် ရိုက်နှက်ခဲ့သည့် ခင်ပွန်းဖြစ်သူ မောင်မောင်ထွေး (၃၁)နှစ် (ကျပန်း) ရွာသစ်ကျေးရွာ လိပ်ခမော်ကျေးရွာအုပ်စု   ကျောက်ဖြူမြို့နယ်နေသူအား အရေး ယူပေးရန် ကျောက်ဖြူ မြို့နယ် ရဲတပ်ဖွဲ့စခန်းသို့ အမှုဖွင့်တိုင်ကြားခဲ့ကြောင်း သိရသည်။ အခင်းဖြစ်စဉ်အား စခန်းမှူးရဲအုပ်စိုးကျော်နှင့်  တပ်ဖွဲ့ဝင်များကစစ်ဆေးပြီး မောင်မောင်ထွေးအား စုံစမ်းထောက်လှမ်း မှုများ ဖြင့်ရှာဖွေခဲ့ရာ အခင်းဖြစ်သည့် အချိန်နှင့် သုံးနာရီအတွင်း ဖော်ထုတ်ဖမ်းဆီးနိုင်ခဲ့ကြောင်း သိရသည်။                                                                                              

(စောမိုးကျော်) - မြန်မာ့အလင်း

ဆိုင်ကယ်ကယ်ရီလိုက်ပို့သည့် အမျိုးသမီးအား ဓါးဖြင့်ထိုး၊ ကျောက်ခဲဖြင့် ထုသတ်သူများအား ဖမ်းဆီးအရေးယူ

Posted by drmyochit Saturday, July 20, 2013, under | No comments

နေပြည်တော်၊ ဇူလိုင် ၁၉

၁၇-၇-၂၀၁၃ ရက်နေ့ ၁၁၃၀ အချိန် တနင်္သာရီတိုင်းဒေသကြီး၊ ဘုတ်ပြင်း မြို့နယ်၊ ကရသူရိ မြို့နယ်ခွဲရှိ ““ပိုကောင်း”” ဆီအုန်း ကုမ္ပဏီ အလုပ် သမား လိုင်းခန်းနေ ဇင်မင်းမောင်(၂၄)နှစ်၏ဇနီးဖြစ်သူ မအေးသိန်း(၂၆)နှစ်သည် ၎င်းပိုင်ဆိုင်ကယ်ဖြင့် ကုမ္ပဏီ အလုပ် သမားများ ဖြစ်သော မွန်ပြည်နယ်၊ ကျိုက်ထိုမြို့နယ်၊ မုက္ခမော့ကျေးရွာနေ ဇော်မင်းစိုး(၁၉)နှစ်၊ ပဲခူးတိုင်းဒေသကြီး၊ အုတ်ဖိုမြို့နယ်၊ အေးမြသာယာကျေးရွာနေ စိုးနိုင်(၁၉)နှစ်နှင့် ပဲခူးတိုင်းဒေသကြီး၊ နတ်တလင်းမြို့နယ်၊ ထန်းတပင် ကျေးရွာနေ အောင်ကို(၁၉)နှစ်တို့ ၃ ဦးအား ကုမ္ပဏီမှကြို့ပင်ဆိပ်သို့ ဆိုင်ကယ်ဖြင့်အငှားလိုက်ပို့ ပေးခဲ့ပြီး ထိုနေ့ညနေအချိန်ထိပြန်လည်ရောက်ရှိလာခြင်းမရှိသောကြောင့် ““ပိုကောင်း””ဆီအုန်းကုမ္ပဏီရှိ လုံခြုံရေးရဲကင်းမှတဆင့် ဘုတ်ပြင်းမြို့နယ်ရဲတပ်ဖွဲ့မှူးနှင့် ကရသူရိနယ်မြေရဲစခန်းမှူးတို့အား အကြောင်းကြားခဲ့သည်။

အကြောင်းကြားချက်အရ ဆိုင်ကယ်အငှါးစီးနင်းခဲ့သူ ဇော်မင်းစိုးပါ ၃ ဦးအား စစ်ဆေးခဲ့ရာ မအေးသိန်းအား ကြို့ပင်ဆိပ်အပြန်လမ်းတွင် စိုးနိုင်နှင့်အောင်ကိုတို့ ၂ ဦးက ဓါးဖြင့်ထိုး၊ ကျောက်ခဲဖြင့်ထုကာ အလောင်းအား လမ်းဘေးတောတွင်းရှိ ချိုင့်ထဲတွင် ကျောက်ခဲ၊ ရွံ့၊ သစ်ရွက်များ ဖြင့်ဖုံးအုပ်ထားခဲ့ကြောင်း၊ ဆိုင်ကယ်အား ၀ါးရုံအနီးတောထဲတွင်ဝှက်ထားခဲ့ကြောင်း သိရှိရသဖြင့် အခင်းဖြစ်နေရာသို့ သွားရောက်စစ်ဆေးခဲ့ရာ မအေးသိန်းအား ယာဘက်မျက်ခုံး ၁ လက်မခန့်ပြတ်ရှ ဒဏ်ရာ၊ ယာဘက်ငယ်ထိပ် ၂ လက်မခန့်စုတ်ပြဲဒဏ်ရာ၊ ဦးခေါင်းနောက်စေ့ ၁ လက်မခွဲခန့်ပြတ်ရှ ဒဏ်ရာ ၂ ချက်၊ ယာဘက်နားရွက်နောက် ၁ လက်မခန့်ပြတ်ရှဒဏ်ရာ ၁ ချက်၊ ယာဘက်နို့အုံတွင် ၁ လက်မခွဲခန့်ထိုးသွင်းဒဏ်ရာ ၁ ချက်တို့ဖြင့်သေဆုံးနေကြောင်းနှင့် အလောင်းအနီး ခြုံထဲတွင် ၀ှက်ထားသည့်ဆိုင်ကယ်အား ရှာဖွေတွေ့ရှိသိမ်းဆည်းရမိခဲ့သည်။

 သို့ဖြစ်၍ သေဆုံးသူ၏ခင်ပွန်းဖြစ်သူ ဇင်မင်းမောင်မှ အရေးယူပေးရန်တိုင်တန်းခဲ့သောကြောင့် ပြစ်မှုကျူးလွန်ခဲ့သူများဖြစ်သည့် ဇော်မင်းစိုး၊ စိုးနိုင်နှင့်အောင်ကိုတို့ ၃ ဦးအား ကရသူရိနယ်မြေရဲစခန်း(ပ)၁၂/၂၀၁၃၊ ပြစ်မှုပုဒ်မ ၃၀၂/၃၉၂/၁၁၄ ဖြင့် အမှုဖွင့်အရေးယူထားကြောင်း သတင်းရရှိသည်။

ရဲဇာနည်

အပျိုစင်လေးများအတွက် သိကောင်းစရာ (၂)

Posted by drmyochit Saturday, July 20, 2013, under | No comments


"ဒေါ်လေး.. ဟိုတစ်ခေါက်က သမီးမေးထားတာ ဖြေပေးဦးလေ။ ကလေးမွေးတယ်ဆိုတာ ရာသီလာ တာကြောင့်လား ဆိုတာ..."

"သြော်... ဟုတ်သားပဲ ပြောပြမှာပေါ့ သမီးရယ်၊ သမီး စိတ်ဝင်စားတာကိုဘဲ ဒေါ်လေးက ၀မ်းသာနေတာ။ အမျိုး သမီးတွေဟာ ကိုယ့်ရဲ့ ခန္ဓာကိုယ် အကြောင်းကို သိဖို့လည်း လိုတယ်။ စိတ်ဝင်စားဖို့လည်း လိုတယ်လေ။ ဒီလို သမီးရဲ့၊ ရာသီလာတိုင်း သားအိမ်ပါတိုင်းလည်း ကိုယ်ဝန်ရှိတာ၊ ကလေးမွေးတာ မဟုတ်ပါဘူး"

"ဟင်... ဒေါ်လေးပြောတော့ သားအိမ်ရှိရင် ရာသီလာမယ်၊ ရာသီလာတယ်ဆိုတာ ကိုယ်ဝန်ဆောင်ဖို့ဆို..."

"ဟုတ်တယ်လေ သမီးရဲ့၊ တချို့ အမျိုးသမီးတွေကတော့ ကျန်းမာရေး မကောင်းတာကြောင့် သားအိမ်ရှိလို့ ရာသီလာပေမယ့် ကလေးမမွေးနိုင်ကြဘူး"

"ဘယ်လို ကျန်းမာရေး မကောင်းတာကြောင့်လဲ ဟင်"

"ကဲ သမီးကို ကိုယ်ဝန်ဆောင်ပြီး ကလေးမွေးရတဲ့ အကြောင်းကို အရင်ရှင်းပြမယ်၊ ပြီးမှ ဘာကြောင့် ကလေး မမွေးနိုင်တာလဲဆိုတာကို ပြောပြမယ် ဟုတ်ပြီလား"

"ဟုတ်ကဲ့"

"ရာသီလာတဲ့ အရွယ်ကနေစပြီး အမျိုးသမီးတွေဟာ ကိုယ်ဝန်ဆောင်ဖို့ အဆင်သင့် ဖြစ်နေတတ်ကြတယ်။ အမျိုးသားတွေနဲ့ လိင်ဆက်ဆံမိတဲ့အခါ ချက်ချင်း ကိုယ်ဝန်ရသွားတတ်တယ် သမီးရဲ့။ အခုခေတ် အမျိုး  သမီးငယ်လေးတွေက မသိကြတော့ သမီးရည်းစားတွေ ထားပြီးရင် အလွယ်တကူ လိင်ဆက်ဆံ လိုက်ကြရော၊ ဟော ကိုယ်ဝန်ရှိလာပြီဆိုရင် မရှူနိုင် မကယ်နိုင် ဖြစ်ရတာက မိန်းကလေးတွေ ဘဲ သမီးရဲ့"

"ဒီလို အမျိုးသမီးတွေက ကဲလွန်းလို့ ဖြစ်တာပေါ့နော် ဒေါ်လေး"

"အင်း အဲဒီလိုလည်း တဖက်သတ် ပြောလို့မရဘူးပေါ့ သမီးရယ်။ အမျိုးသမီးရော အမျိုးသားရော နှစ်ယောက်ပေါင်းမှ ကိုယ်ဝန်ရှိတာ မဟုတ်လား။ ဒီနေ့ လူငယ်တွေက အတွေ့အကြုံ အသစ်တွေ အလွယ် တကူ လိုချင်တတ်ကြတယ်။ ဒါပေမဲ့ ဖြစ်လာနိုင်တဲ့ ဆိုးကျိုးတွေကိုတော့ သေသေချာချာ မလေ့လာ ထားကြဘူးလေ။ ဘယ်လိုပဲဖြစ်ဖြစ် နှစ်ဦးနှစ်ဖက် စလုံးမှာ တာဝန်ရှိတာပေါ့ ကွယ်။ အမျိုးသမီးတွေကတော့ ဒီအတွက်ကြောင့် ကိုယ်ဝန်ရသွားတတ်တော့ လူပြောစရာ ပိုဖြစ်တာပေါ့။ တကယ်တော့ သမီးမိန်း ကလေးတွေ အပျိုဖော်ဝင်ပြီဆိုတာနဲ့ မိခင်တွေက ပညာပေးတာတွေ၊ လေးလေးနက်နက် သတိပေး  တာတွေ လုပ်ထားသင့်တာပေါ့။"

"တချို့ မိန်းကလေးတွေဆိုရင် သူတို့ အလိုမတူပဲ၊ သူတို့ ဆန္ဒ မပါပဲ အတူနေလိုက်ရတာမျိုးတွေ၊ လိင်ဆက်ဆံ ခံလိုက်ရတာတွေလည်း အများကြီး ရှိတယ်။ မုဒိန်းမှု လိုမျိုးဆိုရင်လည်း ဗိုက်ကြီးသွားတတ်တာပဲလေ သမီးရဲ့။"

"ဟင် မုဒိန်းမှုဆိုတာ ဘာကြီးလဲ ဒေါ်လေး။ အဲဒါလည်း ဗိုက်ကြီးနိုင်တယ်.. ဟုတ်လား"

"ဒီလို သမီးရဲ့။ မုဒိန်းမှုဆိုတာ မိန်းကလေးကို ခွင့်ပြုချက် မရဘဲ အတင်းအဓမ္မ လိင်ဆက်ဆံတာမျိုးကို ပြောတာ၊ အဲဒီလို လိင်ဆက်ဆံ ခံလိုက်ရတော့ ကိုယ်ဝန်ရှိသွား နိုင်တာပေါ့"

"သြော်.. ခုမှပဲ သိတော့တယ်။ အဲဒါကို မုဒိန်းမှုလို့ ခေါ်တာပေါ့နော်"

"အေး... ဟုတ်တယ်၊ ကဲ သမီး ဖြတ်ပြီး မေးနေတာနဲ့ ဒေါ်လေးလည်း တောင်ပြော မြောက်ပြော ဖြစ်ပြီး ရှုတ်ကုန်ပြီ၊"

"ဟင်း ဟင်း... ဟုတ်တယ်၊ ဟုတ်တယ်၊ ကိုယ်ဝန် ဘယ်လိုဆောင်သလဲဆိုတာဘဲ ပြောပြပါတော့ ဒေါ်လေးရယ်"

"အင်း သမီးကို ဟို တစ်ပတ်က အကြောင်း ပြန်ဆက်ပြောရမယ် ဆိုရင်တော့ သားဥအိမ်ကနေ သားဥပြွန် ထဲကို သားဥလေးတွေက အရည်ကလေးတွေနဲ့အတူ တဖြည်းဖြည်းနဲ့ သားအိမ်ထဲကို ၀င်လာတာ သိ တယ်နော်"

"ဟုတ်"

"အေး.. အဲဒီအချိန်မှာ အမျိုးသားတယောက်နဲ့ လိင်ဆက်ဆံလိုက်တဲ့အခါ၊ အမျိုးသားမှာလည်း သုတ်ရည်ဆိုတာ ရှိတယ်လေ၊ အဲဒီသုတ်ရည်ထဲကနေ သုတ်ကောင်တွေ သန်းပေါင်းများစွာ ပါလာတယ်"

"ဟင်.. သုတ်ကောင် ဟုတ်လား ဒေါ်လေး၊ ကြောက် စရာကြီးနော်"

"ကြောက်စရာတော့ မဟုတ်ပါဘူး သမီးရယ်၊ လူတွေမှာ မျိုးဆက်ပြန့်ပွားဖို့ဆိုတာ ဒီသုတ်ကောင်တွေ ရှိမှ ဖြစ်တာပါ။ ဒီသုတ်ကောင်လေးတွေဟာ လူတွေမျိုးဆက် ပြန့်ပွားဖို့အတွက် အရေးကြီးတယ် သမီးရဲ့၊ အဲဒီထဲက သုတ်ကောင်တစ်ကောင်နဲ့ အမျိုးသမီးရဲ့ သားအိမ်ကနေ ဆင်းလာတဲ့ သားဥတစ်ခုနဲ့ သွားပေါင်း ဆုံလိုက်တဲ့အခါ အဲဒီ အမျိုးသမီးမှာ ကိုယ်ဝန် ရသွားတောပေါ့ကွယ်။"

"သုတ်ရည်ဆိုတာကကော ဘာလဲ ဒေါ်လေး"

"ဒီလို သမီးရဲ့"

"ဟုတ်ကဲ့ ဒေါ်လေး"

"ဟို... ဒီလိုလေ"

"ဟင် ဒေါ်လေးကလည်း လုပ်ပြန်ပြီ။ ဒီလိုဆိုတာ ဘယ်လိုလဲလို့"

"ဟင်းဟင်း... ဒီလိုပါ သမီးရယ်၊ သမီးနားလည်အောင် ဘယ်လိုရှင်းပြရရင် ကောင်းမလဲလို့ စဉ်းစားနေလို့ပါ။ အမျိုးသားတွေနဲ့ အမျိုးသမီးတွေ အတူတူနေကြတဲ့အခါ ဟိုလေ လိင်ဆက်ဆံကြတဲ့အခါကို ပြောတာသမီး ရဲ့။ အမျိုးသားတွေရဲ့ လိင်တံကနေ အရည်ဖြူဖြူလေးတွေ ထွက်လာတယ်၊ အဲဒါကို သုတ်ရည်လို့ ခေါ် တာပေါ့"

"ဟုတ်ကဲ့"

"အဲဒီ သုတ်ကောင်လေးတွေက ၂ ရက် ကနေ ၇ ရက်အထိ အသက်ရှင်နိုင်တယ်လို့ ဒေါ်လေး လေ့လာဖူး တယ်၊ အမျိုးသမီးတွေရဲ့ မမျိုးဥလေးတွေကတော့ ၁၂ နာရီကနေ ၇၂ နာရီ အထိ အသက်ရှင်တယ်လို့ ဆိုတယ် သမီးရေ၊ ဒါကြောင့် အမျိုးသမီးတွေ မမျိုးဥ ကြွေတဲ့အချိန် အမျိုးသားတစ်ယောက်နဲ့ လိင်ဆက် ဆံလိုက်တာနဲ့ ကလေးရသွားနိုင်တာပေါ့"

"ကိုယ်ဝန်ဆောင်တာ အန္တရာယ်ရှိလားဟင်၊ လူတွေကပြောတာ သမီးကြားဖူးတယ်၊ ဗိုက်ကြီးသည်ဆိုတာ သင်္ချိုင်းကို တနေ့သုံးခါ မျက်စောင်းထိုးတယ်တဲ့၊ အဲဒါ ဘာပြောတာလဲဟင်၊ အသက်နဲ့ ရင်းရတယ်လို့လည်း ပြောကြတယ်။ သမီးတော့ စိတ်ရှုပ်သွားတာပဲ။ အသက်နဲ့ရင်းရရင်တော့ ကလေးမမွေးတော့နဲ့ပေါ့ နော်။"

"ကိုယ်ဝန်ဆောင်တယ်ဆိုတာ လွယ်တဲ့ ကိစ္စတော့ မဟုတ်ဘူး။ လူသားတိုင်းက ကိုယ့်ထက်ငယ် တာလေးတွေကို ပိုချစ်တတ်ကြတယ်မဟုတ်လား။ အိမ်ထောင်ကျသွားရင် သားသမီးလိုချင်တယ်။ ချစ်ချင်တယ်၊ ပြုစုချင်တယ်၊ ယုယချင်တယ်၊ အိမ်ထောင်မကျပေမယ့် အကြောင်းအမျိုးမျိုးကြောင့် ကိုယ်ဝန် ရသွားရင်လည်း ကိုယ့်ရင်သွေးလေးပဲ ကိုယ့်ဝမ်းထဲမှာ နေနေတော့ မွေးချင်ကြတာပဲလေ။ တချို့ဆိုရင် ကိုယ့်ဝမ်းထဲမှာ မလွယ်ရတဲ့ ကလေးတွေကိုတောင် မွေးစားကြတာလေ။ အဲဒါကို မိခင်စိတ်ဓါတ်လို့ ခေါ်တယ်။ နောက်ထပ်အရေးကြီးတဲ့ အချက်ကတော့ ကိုယ်ဝန်ဆောင်တယ် ကလေးမွေးတယ်ဆိုတာ မျိုးဆက်တွေ မပျက်စီးသွားအောင် မလွဲမသွေလုပ်ရမယ့် လူသားတာဝန် တစ်ခုပဲ သမီး"

"အင်း ဒါလည်း ဟုတ်တာဘဲနော်"

"အဲဒီ စိတ်ဓါတ်နဲ့ ကိုယ်ဝန်ဆောင်လိုက်တာကနေစပြီး တချို့ဆို ခံစားမှု စရတော့တာပဲ အစားအသောက်ေ တွ ပျက်တယ်၊ အိပ်ရေးပျက်တယ်၊ ဒီတော့ မူးတော့တာပေါ့၊ တနေကုန်လည်း နေလို့ ထိုင်လို့ မကောင်းတာ မျိုးတွေ ဖြစ်တော့တာပဲ"

"ဟုတ်တယ် ဒေါ်လေး၊ ဟုတ်တယ်၊ သမီးတို့အိမ် လာလာလည်နေတဲ့ ဆံပင်ရှည်ရှည်နဲ့ မမလေ၊ အခု ဗိုက်ကြီးနေလို့တဲ့။ မစားနိုင် မသောက်နိုင်၊ မအိပ်နိုင်ဖြစ်တာ အတော်လေး ပိန်သွားတယ် အန်တီ"

"အဲဒီလို ဖြစ်တဲ့အခါမှာတော့ မနက်ပိုင်းကို ရေမသောက်ဘဲ မုန့်ခြောက်လေးတွေ စားရင် သက်သာနိုင် တာပေါ့။ ရေသောက်လိုက်ရင် ပိုအန်ချင်ပြီး အစာလည်း မစားချင်တော့ဘူး၊ အနံ့တွေလည်း မခံနိုင်တော့ ဘူးပေါ့။ ဒေါ်လေးတို့ မေမေတုန်းကတော့ ဟင်းနံ့တောင် မခံနိုင်ဘူးလို့ ပြောတာပဲ။"

"ကလေးတစ်ယောက်မွေးဖို့ သတ္တိကတော့ အများကြီး လိုတယ်နော် ဒေါ်လေး"

"သေချာတာပေါ့သမီးရယ်၊ ဒါပေမဲ့ မိခင်စိတ်ဓါတ်ရှိနေတဲ့ အမျိုးသမီးတွေဟာ ဒါကို မငြိုငြင်ရှာဘူး။ ကိုယ်ဝန်ရှိတာကို ဂုဏ်ယူနေကြတာ။ အဲဒီဒဏ်ကို အနည်းဆုံး ၃ လ လောက် ခံစားနေရတာ များတယ်။ ကိုယ်ဝန်ရင့်လာရင်တော့ ပြန်ကောင်းလာတယ်လေ။ ဒါပေမဲ့ တချို့ကတော့ မွေးဖွားခါနီးအထိ ခံရတာမျိုး ဖြစ်ရှာတယ်။ ကိုယ်ဝန်ဆိပ်တက်တယ်လို့ ခေါ်တာပေါ့ သမီးရယ်၊ ဒါကြောင့် မိခင်ရဲ့ မေတ္တာ တရားကို ဘာသာ တရားတွေကပါ အလေးပေး တန်ဖိုးထားပြီး ပြောကြတာပေါ့။"

"အရင်ခေတ်ကဆို အမေတစ်ယောက်ထဲနဲ့ ကလေးတစ်ဒါဇင်လောက် မွေးကြတယ်နော်။"

"အခုခေတ်မှာလည်း ကလေးတွေ အများကြီး မွေးနေတာတွေ ရှိနေသေးတာပဲ။ နည်းတော့ နည်းသွား ပြီပေါ့။ လူတစ်ယောက် လူ့လောကကို ရောက်လာဖို့ဆိုတာ မလွယ်ဘူး သမီး၊ လွယ်လွယ်လေး မွေးလာ ရတာ မဟုတ်ဘူးကွဲ့၊ သမီးကိုလည်း သမီးအမေက အဲဒီလိုပဲ မွေးဖွားခဲ့တာပေါ့။ ဒါကြောင့် ဗိုက်ကြီးတာနဲ့ ကလေးမွေးရမယ့် ကြားတွေမှာ ဘယ်အချိန် မိန်းမတွေ အသက်ပါသွားမလဲဆိုတာကို တင်စားပြီးမှ ပြောထားတာလေ။ နေ့တိုင်း သင်္ချိုင်းကုန်းကို မျက်စောင်း ထိုးနေရတယ် ဆိုတာပေါ့။ အခန့်မသင့်ရင် ကလေးပျက်ကျပြီးတောင် ကလေးရော အမေရော ဆုံးသွားနိုင်တယ်။ တချို့ ကလေးပဲ အဖတ်မတင်တာ၊ အမေက ကံကောင်းပြီး အသက်မဆုံးတာမျိုးလည်း ရှိတာပေါ့"

"ကလေး ပျက်ကျတတ်တယ် ဟုတ်လား"

"သြော်... သမီးရယ်၊ ပျက်ကျတတ်တာပေါ့။ ချော်လဲသွားတဲ့ အခါမှာဖြစ်ဖြစ်၊ တစ်ခုခုနဲ့ ပြင်းပြင်းထန်ထန် ဆောင့်မိတာမျိုး၊ ဒါမှမဟုတ် သားအိမ်မခိုင်တဲ့ အခါမှာ သွေးပြန်ဆင်းသလိုမျိုး ဖြစ်တာလေ။ ကိုယ်ဝန်ရင့်ရင် ရင့်သလို ပိုပြီး ခံစားရတာပေါ့။ ဒါကြောင့် အမျိုးသမီးတွေဟာ ကိုယ်ဝန်ဆောင်တဲ့ အချိန်မှာ ကိုယ့်အသက်ကို ပြန်လွယ်ထားရသလို ဖြစ်နေတတ်တယ်။"

"မွေးဖွားပြန်တော့လည်း တချို့တွေကတော့ မွေးပြီး ကလေးဆုံးတာမျိုး၊ ဒါမှမဟုတ် အမေဆုံးတာမျိုးလည်း ဖြစ်တတ်တယ်လေ၊ ကိုယ်ဝန်ကို အချိန်မတန်ပဲ မွေးတာလည်း ဖြစ်နိုင်တယ်၊ ဥပမာ ၇ လနဲ့ ကလေးမွေး တာမျိုးပေါ့။ အဲဒီအချိန်မျိုးမှာ မွေးရင် အမျိုးသမီးတွေအတွက် သိပ်ထိခိုက်တာလေ။ ဒါကြောင့် မိခင်စိတ်နဲ့ ဘဲ စဉ်းစားပြီး ကမ္ဘာကြီးကို အလှဆင်ဖို့အတွက်သာ ကလေးမွေးနေကြရတာပါ သမီးရယ်၊ ကိုးလလွယ် ၁၀ လဖွားဆိုတာ လက်တွေ့မှာတော့ လွယ်တာမှ မဟုတ်ဘဲ"

"ပြီးတော့ ကလေးဆိုတာကလည်း မွေးရုံနဲ့ မပြီးသေးဘူး။ ကလေးတွေ ကျန်းမာသန်စွမ်းအောင်လည်း မိဘတွေက ကြည့်ရှုစောင့်ရှောက်ကြရတယ်။ ဒါပေမဲ့ မိခင်တွေက ဘယ်တော့မှ မငြိုငြင်ပဲ သူတို့ ဘ၀တွေ ထက် ကလေးငယ်ရဲ့ ဘ၀ကို ပိုတန်ဖိုးထား၊ အလေးပေးပြီး ရှင်သန်နေကြတာ မဟုတ်လား။ မိခင်တွေရဲ့ စိတ်ဓါတ်ကို ဘယ်သူမှ လိုက်မှီတာ မဟုတ်ဘူး။"

"ဟယ်... ဒေါ်လေးက အပျိုကြီး လုပ်နေပေမယ့် အမေတွေရဲ့ စွန့်စားမှုတွေကို တော်တော်သိတာပဲနော်။ သမီး အမေက သမီးကို အခုလို ဘယ်တော့မှ မပြောပြဘူး ဒေါ်လေးရဲ့"

"ဒေါ်လေးတို့ အသိုင်းအ၀ိုင်းမှာ ဒီကိစ္စမျိုးတွေနဲ့ ပါတ်သက်လာရင် သမီးပျိုလေးတွေကို မပြောပြရဘူးလို့ လူတွေက ယူဆကြတယ်လေ။ အဲဒီလို ပြောပြရင် ကလေးတွေ လက်တည့်စမ်းပြီး လျှောက်လုပ်ကုန်မှာ စိုးလို့တဲ့။"

"အမလေး မလုပ်ချင်ပါဘူး ဒေါ်လေးရယ်။ အချိန်မတန်ခင် ကိုယ်ဝန်တွေ ဘာတွေ ရသွားလို့ကတော့ သမီးဖြစ်ချင်တဲ့ အင်ဂျင်နီယာမကြီး ဖြစ်တော့မှာ မဟုတ်ဘူး။ အခုလို နားလည်သွားတော့ ပိုပြီးတော့ ထိန်းသိမ်းရမယ်ဆိုတာ သမီး သိလာပါတယ် ဒေါ်လေးရယ်"

"အေးကွယ်၊ သမီးက အင်မတန် ပါးနပ်ပြီး သိတတ်လိမ္မာတဲ့ မိန်းကလေး တစ်ယောက်ပါ။ ကဲ နောက်လ ကျမှ တချို့ အမျိုးသမီးတွေ ဘာကြောင့် ကိုယ်ဝန်မဆောင်ကြတာလဲဆိုတာ ဒေါ်လေး ဆက်ပြောပြ မယ်နော်"

"ဟုတ်ကဲ့ပါ ဒေါ်လေး၊ သမီး စာပြန်ကျက်လိုက် ဦးမယ်နော်"

အပျိုစင်ကလေးများ ရွှင်လန်း ချမ်းမြေ့ကြပါစေ။

(အမှတ် ၄/၂၀၀၅ ခုနှစ်၊ ဇန်န၀ါရီလ တွင် ထုတ်ဝေသည်။ )
ဒေါ်လေးမာန်(ချိုလင်းပြာ)

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်