Wednesday, September 05, 2012

ပြည်ထောင်စု အဆင့်ဆိုတာထက် ပြည်သူ့အတွက်သာ ဖြစ်စေချင်သည်

Posted by drmyochit Wednesday, September 05, 2012, under , | No comments


လွန်ခဲ့သည့် အပတ်က သူငယ်ချင်းများ နှင့်အတူ ရခိုင်ပြည်နယ် မောင်တောမြို့သို့ ရောက်ရှိခဲ့သည်။ သူငယ်ချင်းများ စုပေါင်း၍ တိုင်းရင်းသား ဒုက္ခသည်များအား သွားရောက် လှူဒါန်းခဲ့ကြသည်။ ဌာနဆိုင်ရာ အာဏာပိုင်များ၊ ဒုက္ခသည် စခန်းတာဝန်ခံ များနှင့် တွေ့ဆုံ၍ ဒုက္ခသည်များအား ဆန်၊ ငါးပိ၊ ငါးခြောက်နှင့် ရန်ကုန် စက်ရုံထုတ် အ၀တ်အထည်၊ လူသုံးကုန်များနှင့် ငွေများ စုပေါင်း လှူဒါန်းခဲ့ကြသည်။ ဒုက္ခသည်များနှင့် တွေ့ဆုံမေးမြန်းခဲ့ရာ နိုင်ငံတော် အစိုးရ၏ အစီအစဉ်ဖြင့် ရွာများတွင် နေအိမ်များ ဆောက်လုပ်ပေးပြီး ပြန်လည် နေရာ ချထားပေး လျက်ရှိ သော်လည်း အချို့မှာ မပြန်လို ကြကြောင်း၊ ဘင်္ဂါလီရွာများ ကြားတွင် ရခိုင် တိုင်းရင်းသားရွာ ၁ ရွာ၊  ၂ ရွာခန့် စသည်ဖြင့် ကြားညှပ် တည်ရှိနေသဖြင့် ယခုကဲ့သို့ ပဋိပက္ခ ဖြစ်ပွားပြီး နောက်ပိုင်း လုံခြုံမှု မရှိတော့ကြောင်း၊ သံသယ စိတ်ဖြင့် မနေလို တော့ကြောင်း၊ `နွားကွဲ ရင်ကျားကိုက် လိမ့်မယ်´ဟု ရခိုင် တိုင်းရင်းသား တစ်ဦးမှ ရခိုင်သံ ၀ဲဝဲဖြင့် ပြောကြားခဲ့သည် ကို အမှတ်ရ နေမိသည်။ ` သြော် သူတို့တွေရဲ့ အနာဂတ် ရင်လေးစရာ ပါလား ´ ဟူ၍ ကိုယ်ချင်း စာစိတ် ဖြစ်ပေါ် မိခဲ့သည်။
          ရခိုင် ပြည်နယ်မှ ရန်ကုန်သို့ ပြန်လည် ရောက်ရှိပြီး ခေတ္တ အဆက်ပြတ် နေခဲ့သည့် အွန်လိုင်းပေါ်သို့ ၀င်ရောက်ခဲ့ရာ အင်တာနက် စာမျက်နှာများ ပေါ်၌ ခုံရုံးအဖွဲ့နှင့် လွှတ်တော် အဖွဲ့၏ အခြေအတင် ဆွေးနွေးသည့် အရေး ကိစ္စအား ကျယ်ကျယ် ပြန့်ပြန့် ဖော်ပြလျက် ရှိသည်ကို တွေ့လာ ရသည်။ လွှတ်တော် များမှ ဖွဲ့စည်းသည့် ကော်မတီ၊ ကော်မရှင် အဖွဲ့များကို ပြည်ထောင်စု အဆင့်အဖွဲ့ အစည်းဖြစ်သည်၊ မဖြစ်သည်နှင့် ပတ်သက်၍ အငြင်းပွားမှု အရှိန် မြင့်တက် လျက်ရှိကြောင်း သိရသည်။ လွှတ်တော် အဖွဲ့များ အနေဖြင့် ပြည်ထောင်စု အဆင့် သတ်မှတ် လိုလျက်ရှိ သော်လည်း ခုံရုံးအဖွဲ့ အနေဖြင့်မူ ဖွဲ့စည်းပုံ အခြေခံ ဥပဒေနှင့် ညီညွတ်မှု မရှိသဖြင့် ပြည်ထောင်စု အဆင့်အဖွဲ့ အစည်းဟု မသတ်မှတ် သင့်ကြောင်း အဆိုပြု ခဲ့ရာမှ စတင်ခဲ့သည်။
          ဤနေရာတွင် မိမိအနေဖြင့် ဉာဏ်မီ သလောက် ဖော်ပြရလျှင် ပြည်ထောင်စု အဆင့် ဆိုသည်မှာ အနိမ့်ဆုံး ဒုတိယ၀န်ကြီး အဆင့်မှ စတင် အကြုံးဝင်သည်။ သို့ဖြစ်၍ လွှတ်တော်မှ ဖွဲ့စည်း လိုက်သည့် ကော်မတီ ၀င်များ၊ ကော်မရှင် အဖွဲ့ဝင်များ၊ ရေးရာကော်မတီ ၀င်များသည် ဒုတိယ၀န်ကြီး အဆင့်နှင့် တစ်တန်းတည်း ဖြစ်သွားမည်။ လွှတ်တော်မှ ဖွဲ့စည်းသည့် ကော်မတီ ၀င်များ အနည်းဆုံး ၄၀၀ ကျော် ၅၀၀ ခန့်ရှိရာ ၎င်းတို့အား ပြည်ထောင်စု အဆင့်အတန်း သတ်မှတ်ပါက ဒုတိယ၀န်ကြီး တစ်ဦးခံစား ရပိုင်ခွင့်အတိုင်း ချီးမြှင့် ပေးရမည် ဖြစ်သည်။ ထိုအခါ တစ်ဦးလျှင် လစာမှာ ကျပ်သိန်း၂၀၊ မော်တော်ယာဉ် ၃ စီး၊ တစ်စီးလျှင် ဆီဂါလံ ၆၀ နှုန်းဖြင့် ဆီဂါလံ ၁၈၀၊ နေထိုင်ရန် အိမ်ခန်း၊ အခမဲ့ ဆေးကုသခွင့်၊ လုံခြုံရေး အစောင့် အရှောက်များ စသည်ဖြင့် အကျိုးခံစားခွင့် များပေးရတော့မည် ဖြစ်ရာ အင်အား ၅၀၀ ခန့်အတွက် နိုင်ငံတော် အစိုးရမှ ကျပ်သိန်း ၁၃,၀၀၀(၁.၃ဘီလီယံ)ခန့် ထပ်မံ ပေးရမည် ဖြစ်ပြီး တစ်နှစ်အတွက် ကျပ် ၁၅ ဘီလီယံခန့် ထောက်ပံ့ ပေးရမည် ဖြစ်သည်။ လက်ရှိ အခြေအနေတွင်ပင် လွှတ်တော် ကိုယ်စားလှယ် တစ်ဦးလျှင် တစ်လ ၃ သိန်းနှုန်း လစဉ် ထောက်ပံ့ ပေးထားသည်။ လွှတ်တော် တက်ရောက်ပါက နေစရိတ်/ စားစရိတ်အတွက် တစ်ရက်လျှင် ၁၀,၀၀၀ကျပ်နှုန်း နေ့စဉ် ထောက်ပံ့ ပေးထားပြီး ခရီးစရိတ် အတွက်မူ ကုန်ကျ သလောက် တင်ပြ တောင်းခံခွင့် ရှိကြောင်း သိရသည်။ လက်ရှိ အနေအထား အတိုင်း လွှတ်တော် ကိုယ်စားလှယ် ၆၀၀ ကျော်အတွက် တစ်လလျှင် ကျပ်သိန်း ၁,၈၀၀ကျော်ခန့်နှင့် တစ်နှစ်အတွက်  ၂ဘီလီယံကျော် (ခရီးစရိတ်၊ စားစရိတ်မပါ)ကို နိုင်ငံတော်မှ ထောက်ပံ့ ပေးလျက် ရှိကြောင်း သိရသည်။ (အခြား ကော်မတီ၊ ကော်မရှင် အဖွဲ့များ၏ လစာများကို ထည့်မတွက် ထားပါ။)
သို့ဖြစ်၍ ပြည်ထောင်စု အဆင့် သတ်မှတ်ပါက နိုင်ငံတော် ဘဏ္ဍာမှ အနည်းဆုံးကျပ် သိန်း ၁၅ ဘီလီယံ ထပ်မံ ထောက်ပံ့ ပေးရမည့် အခြေအနေတွင် ရှိသည်။ ဒီမိုကရေစီ နိုင်ငံတိုင်း သည် အစိုးရ၏ အခြေခံ အဆောက်အဦများ (Infrastructure) နေရာတွင် ပုဂ္ဂလိက/အများပိုင် အခြေခံ အဆေက်အဦ များနှင့် အစားထိုး ဆောင်ရွက် ကြသည်။ ဆိုရှယ်လစ်၊ ကွန်မြူနစ်စနစ် များတွင် ပုဂ္ဂလိက စနစ်မရှိသလောက် နည်းပါးပြီး အခြေခံ အဆောက်အဦ တိုင်းကို အစိုးရမှ ဗဟို ဦးစီးစနစ်ဖြင့် ဆောင်ရွက် သော်လည်း ဒီမိုကရေစီ စနစ်တွင်မူ အစိုးရ ဌာနများတွင် တတ်နိုင် သမျှ ၀န်ထမ်း အင်အားများကို လျှော့ချ၍ ပုဂ္ဂလိက လုပ်ငန်းများ ဖြင့်သာ အစားထိုး ဆောင်ရွက် ကြသည်။ လုံခြုံရေးနှင့် တရားဥပဒေ စိုးမိုးရေးအတွက် ကာကွယ်ရေး၊ ပြည်ထဲရေး၊ လူ့စွမ်းအား အရင်း အမြစ်များနှင့် သက်ဆိုင်သည့် ပညာရေး၊ ကျန်းမာရေး၊ လူမှုရေး၊ ကယ်ဆယ်ရေးနှင့် သက်ဆိုင်သည့် ၀န်ကြီး ဌာနများကိုသာ အဓိက အမာခံ ထားရှိဖွဲ့စည်းပြီး ကျန်ဌာနများကိုမူ အများအားဖြင့် လိုအပ်သည့် ထိပ်ပိုင်း ခေါင်းဆောင်များနှင့် ဦးစီးရုံးအဖွဲ့ လောက်သာ ထားရှိကာ  ပုဂ္ဂလိက လုပ်ငန်းများဖြင့် အစားထိုး ကြသည်သာ။ ပုဂ္ဂလိက လုပ်ငန်းများနှင့် ဈေးကွက်များကို ယှဉ်ပြိုင် ထုတ်လုပ်ခွင့် ပေးထားပြီး အလုပ်အကိုင် အခွင့်အလမ်းများ ပေါ်ပေါက်လာစေရန် အတွက် ပုဂ္ဂလိက ကုမ္ပဏီများအား အထောက် အကူပေးရသည်။ နိုင်ငံသား တစ်ဦးချင်း ၀င်ငွေ မြင့်မား စေရေးနှင့် ကုန်ထုတ်လုပ်မှု တိုးတက် စေရေးအတွက် နိုင်ငံတော် အစိုးရက မူဝါဒများ ချမှတ်၍ ပုဂ္ဂလိကလုပ်ငန်းများကို အထောက်အကူ ပြုပေးရသည်။ နိုင်ငံတော် ဘဏ္ဍာငွေ အတွက် နိုင်ငံသားများ၊ စီးပွားရေးလုပ်ငန်းများ၊ ကုမ္ပဏီများက မှန်မှန်ကန်ကန်အခွန်ထမ်းနိုင် စေရန်အတွက် မူဝါဒ စည်းမျဉ်းများ ချမှတ်၍ စနစ်တကျ စည်းကြပ် ကြရသည်။ ယနေ့ အခြေအနေ သည် ဥရောပနိုင်ငံများ၌ ငွေကြေး အကျပ် အတည်းနှင့် ရင်ဆိုင်နေရပြီး စီးပွားရေး ကျဆင်း နေသည့် ကာလဖြစ်သည်။ ဂရိ၊ စပိန်၊ အီတလီ စသော နိုင်ငံများသည် စီးပွားရေး ကျဆင်းနေ သဖြင့် အစိုးရမှ ခြိုးခြံချွေတာ ရေးမူများချမှတ်၍ လစာစရိတ်နှင့် ပင်စင်လစာ များလျှော့ချခြင်း၊ အစိုးရ အသုံးစရိတ် များလျှော့ချခြင်း တို့ပြုလုပ်၍ ငွေကြေး ကျပ်တည်းမှု ကို ကုစား နေကြသည့် ကာလဖြစ်သည်။
          မိမိတို့ မြန်မာနိုင်ငံ တွင်လည်း အခြေခံ အဆောက်အဦ များတိုးတက် အောင်နှင့် ဆင်းရဲ မွဲတေမှု လျော့နည်း စေရေး အတွက် များစွာ အချိန်ယူ ဆောင်ရွက်ရ ဦးမည် ဖြစ်သည်။ နိုင်ငံတကာ စာမျက်နှာရှိ အဆင်းရဲဆုံးနှင့် ဖွံ့ဖြိုး တိုးတက်မှု အနည်းဆုံး နိုင်ငံစာရင်းမှ ပယ်ဖျက် နိုင်ရေး ကြိုးစား ကြရဦးမည်။ နှစ်စဉ် ကြုံတွေ့ နေရသည့် သဘာဝ ဘေးအန္တရာယ် များနှင့် အခြား အကြောင်း ကြောင်းကြောင့် ဖြစ်ပေါ် လာသည့် နိုင်ငံတွင်း ဒုက္ခသည် များအား ပြန်လည် ထူထောင် ရေးသည်လည်း လူသားချင်း စာနာ ထောက်ထား မှုအရ အရေးကြီးသည့် လုပ်ငန်းတစ်ခု ဖြစ် သည်။ ၎င်းတို့မှာ တစ်နိုင်ငံလုံး အတိုင်းအတာ ဖြင့် ပူးပေါင်း ဆောင်ရွက်ရမည့် လုပ်ငန်းများဖြစ် သည်။ မဲဆန္ဒ နယ်အလိုက် ပြည်သူမှ ရွေးချယ်တင် မြှောက်ထားသည့် မိမိကိုယ်ကို `ပြည်သူထဲက ပေါက်ဖွား လာသည့် ပြည်သူ့ အစေခံများ၊ ပြည်သူ့ အကျိုးအတွက် ပဲဖြစ်စေ        ရမယ်´ဟု ကြွေးကြော် ခဲ့ကြသည့် လွှတ်တော် ကိုယ်စား လှယ် များအနေ ဖြင့်လည်း အမှန် တကယ် ပြည်သူများ ကိုသာ အကျိုး ပြုစေ လိုသည်။ အငြင်းအခုံ ဖြစ်ပွားနေသည့် ကော်မတီ/ ကော်မရှင်ဝင်များအား ပြည်ထောင်စု အဆင့် သတ်မှတ်ခြင်း/ မသတ်မှတ်ခြင်း ငြင်းခုံနေမည့် အစား ဆင်းရဲ ဒုက္ခရောက် နေသည့် ပြည်သူ့ အကျိုးကိုသာ ရှေးရှုဆောင် ရွက်သင့်သည်။ ၎င်းတို့ အား ထောက်ပံ့ ပေးရမည့် နိုင်ငံတော် ဘဏ္ဍာငွေမှ နှစ်စဉ် ကျပ်သိန်း ၁၅ ဘီလီယံ(ဒေါ်လာ ၁၉ သန်း)ခန့်အား ချင်းပြည်နယ်၊ ကယားပြည်နယ်၊ ကချင်ပြည်နယ် ကဲ့သို့သော လမ်းပန်း ဆက်သွယ်ရေး ခက်ခဲသည့် ဒေသများအား လမ်းဖောက် လုပ်ခြင်းနှင့် ဒုက္ခသည်များ ထူထောင် ရေးကိစ္စများတွင် သာအသုံးပြု သွားပါက မိမိတို့ ပြည်သူများအတွက် နိဗ္ဗာန်တမျှအကျိုး သက်ရောက် စေမည်ဖြစ်၍ ပြည်သူ အတွက်သာ ဖြစ်စေချင်သည်။

ပြည်သူတစ်ဦး

အကြမ်းဖက်သမားတို့၏အနာဂတ်

Posted by drmyochit Wednesday, September 05, 2012, under | No comments

 
မျက်မှောက် ကာလတွင် အကြမ်းဖက်မှုသည် တစ်ကမ္ဘ္ဘာလုံးပျံ့နှံ့လာလျက်ရှိရာ အမေရိကန်နှင့် ရုရှားနိုင်ငံ များတွင်ပင် သြဂုတ်လအတွင်း အကြမ်းဖက်မှု များစွာနှင့် ရင်ဆိုင်ရ လျက်ရှိသည်။ အကြမ်းဖက်မှု များသည် ပုံသဏ္ဍာန်အမျိုးမျိုးဖြင့် ဖြစ်တည်လာလျက်ရှိရာ အများ အားဖြင့် ဘာသာရေး၊ လူမျိုးရေး အစွန်းရောက် တို့၏အကြမ်းဖက် မှုများ၊ နိုင်ငံခွဲထွက်လို၍ အကြမ်းဖက်မှုများ စသည်ဖြင့်တွေ့လာရသည်။ အကြမ်းဖက်မှု နှိမ်နင်းရေး အတွက် နိုင်ငံတိုင်း တွင် ဥပဒေများ ပြဋ္ဌာန်း၍ ကျယ်ကျယ် ပြန့်ပြန့် လုပ်ဆောင် လာကြသည်ကို တွေ့ရသည်။ အကြမ်းဖက် နှိမ်နင်းရေး ဆိုသည်မှာ ကြိုတင် လက်ဦးမှုရယူ၍ တားဆီးနှိမ်နင်းခြင်း၊ စစ်ဆင်ရေး များပြုလုပ်၍ တိုက်ခိုက် နှိမ်နင်းခြင်း ဟု အမေရိကန်တို့မှ အဓိပ္ပါယ်ဖွင့်ဆို ထားသည်။ အာဖဂန် နစ္စတန်တွင် တာလီဘန် တို့၏အကြမ်းဖက်မှု မြင့်မား လာသဖြင့် အမေရိကန် တို့မှ ကျူးကျော်စစ် ဆင်နွှဲခဲ့ကြသည်။ ချေချင်းညှာသို့ ရုရှားတို့ ကျူးကျော် စစ်ဆင်နွှဲခဲ့သည်။ အကြမ်းဖက်မှု အတွက် တရားသော စစ်ဆင်နွှဲခဲ့ခြင်းဟု မှတ်ယူ ခဲ့ကြသည်။ အစ္စရေးနှင့် ပါလက်စတိုင်း ပဋိပက္ခများ၊ ကိုလံဘီယာ ပြည်တွင်းစစ်၊ ဗြိတိန်၏ အိုင်ယာလန် သူပုန်နှိမ်နင်း ခြင်းနှင့် သီရိလင်္ကာ ပြည်တွင်း စစ်တို့သည် အကြမ်းဖက်မှု နှိမ်နင်းရေး စစ်ပွဲများပင် ဖြစ်သည်။
သီရိလင်္ကာ မြောက်ပိုင်းရှိ တမီးလ်ကျား သူပုန်တို့သည် လွတ်လပ်သော တမီးလ်နိုင်ငံ ခွဲထွက်ရန် အတွက် အစိုးရအား ဆန့်ကျင်၍ လက်နက်ကိုင် တိုက်ခိုက်ခဲ့ ကြသည်။ တမီးလ်သူပုန် တို့သည် အာရှ၏ အရှည်ကြာဆုံး သောင်းကျန်းသူ အဖွဲ့အစည်း တစ်ဖွဲ့ပင်ဖြစ်သည်။ မိမိတို့နိုင်ငံ မြောက်ပိုင်းရှိ ပြည်ထောင်စု ခွဲထွက်လိုသည့် ကချင် တိုင်းရင်းသား လက်နက်ကိုင်အဖွဲ့နှင့် အလားသဏ္ဍာန် ခပ်ဆင်ဆင် တူလေသည်။ တမီးလ်ကျား သူပုန်များသည် သီရိလင်္ကာ မြောက်ပိုင်းကို သိမ်းပိုက် ထားခဲ့သည်။ ၎င်းတို့ အင်အားမှာ ၇၀,၀၀၀ ခန့်ရှိပြီး အစိုးရတပ် အင်အားမှာ ၁၅၀,၀၀၀ ခန့်ရှိသည်။ ၎င်းတို့သည် ပြည်သူအား အစုလိုက် အပြုံလိုက် သတ်ဖြတ်ခြင်း၊ အစိုးရ အဆောက်အဦ များအား ဖောက်ခွဲ ဖျက်ဆီးခြင်း၊ စီးနင်း တိုက်ခိုက်ခြင်း၊ အသေခံ ဗုံးခွဲတိုက်ခိုက်ခြင်း စသည်ဖြင့် အကြမ်းဖက် လုပ်ရပ်များ လုပ်ဆောင်ခဲ့ပြီး ၎င်းတို့အား အိန္ဒိယ နိုင်ငံရှိ တမီးလ်များနှင့် ဥရောပ၊ အာဖရိကရှိ တမီးလ်များက ထောက်ခံ အားပေးခဲ့ ကြသည်။ ၎င်းအပြင် အိန္ဒိယ နိုင်ငံကပါ အကူအညီများ ပေးခဲ့သည်ကို တွေ့ရသည်။ အစိုးရနှင့် (၆)ကြိမ် ဆွေးနွေးမှု ပြုလုပ်ပြီး ၂၀၀၃ ခုနှစ်တွင် အပစ်အခတ် ရပ်စဲရေး လက်မှတ် ရေးထိုးခဲ့ကြ သည်။ သို့သော်လည်း ၂၀၀၅ခုနှစ် ဒီဇင်ဘာ လတွင် တမီးလ်ကျား တို့သည် သီရိ လင်္ကာ ရွေးကောက်ပွဲမှ နုတ်ထွက်ခဲ့သည်။ ၂၀၀၆ ခုနှစ်တွင် အစိုးရ ကိုယ်စားလှယ် အဖွဲ့ကတွေ့ဆုံ ဆွေးနွေးရန် ကမ်းလှမ်းခဲ့ သော်လည်း ၎င်းတို့က လက်မခံခဲ့ဘဲ တစ်ဖက်နှင့် တစ်ဖက် အပြန်အလှန် စွပ်စွဲမှုများ ပြုလုပ်ခဲ့ကာ ၂၀၀၈ခုနှစ်တွင် အပစ်အခတ် ရပ်စဲရေး ပျက်ပြယ်ခဲ့သည်။ ၎င်းနောက်ပိုင်း အစိုးရတပ်များနှင့် ပြင်းထန်စွာ တိုက်ပွဲများ ဖြစ်ပွားခဲ့ပြီး အစိုးရအပေါ်တွင် နိုင်ငံတကာမှ ဖိအားပေးရန် တောင်းဆိုခဲ့သည်။ ၂၀၀၉ခုနှစ်တွင် တမီးလ်ကျား သူပုန်တို့မှ အထိအခိုက် များလာသဖြင့် အပစ်အခတ် ရပ်စဲရန် အစိုးရသို့ ကမ်းလှမ်းခဲ့ သော်လည်း အစိုးရမှ ပယ်ချခဲ့သည်။ ၎င်းနောက် တမီးလ်သူပုန်များကို လေကြောင်း အပါအ၀င် အစိုးရတပ်များက အပြီးသတ် တိုက်ခိုက် နှိမ်နင်းခဲ့သည်။ စစ်ဆင်ရေး အတွင်း နှစ်ဖက် အကျအဆုံး ၂၅၀၀၀ ကျော် ခန့်ရှိပြီး ၇၀၀၀ ခန့် ဒဏ်ရာရ ရှိခဲ့ကာ ပြည်သူ ၃၅၀၀၀၀ ခန့်အား ဘေးလွတ်ရာသို့ ရွှေ့ပြောင်း စေခဲ့ရသည်။
မိမိတို့ နိုင်ငံအတွင်းရှိ တိုင်းရင်းသား လက်နက်ကိုင် အဖွဲ့အစည်းများအနက် KIA ၏ လုပ်ဆောင်မှု များကိုလေ့လာ ကြည့်ပါက ရထားလမ်းနှင့် ကားလမ်း တံတားများ ဖောက်ခွဲ ဖျက်ဆီးခြင်း၊ မြစ်ကြီးနားမြို့ပေါ်လူနေ ရပ်ကွက်များတွင် မိုင်းထောင် ဖောက်ခွဲခြင်း၊ တာပိန် ရေအား လျှပ်စစ်လမ်း ကြောင်းတွင် အပြစ်မဲ့ပြည်သူ ၇ ဦးအား သတ်ဖြတ်ခဲ့ခြင်း၊ ကျေးရွာလူကြီး အချို့နှင့် ပြည်သူ အချို့အား သတ်ဖြတ်ခဲ့ခြင်းများ၊ နေရာအနှံ့ မိုင်းထောင်ခြင်း များမှာ ကချင် ပြည်နယ် လွတ်မြောက်ရေးနှင့် မည်သို့မျှ မသက်ဆိုင်ဘဲ အကြမ်းဖက် လုပ်ရပ်များသာ ဖြစ်ကြောင်း တွေ့ရသည်။ ကချင်အမျိုးသား၊ အမျိုးသမီးများနှင့် ရှမ်းလူငယ်/ မိန်းကလေး များအား အတင်းအဓမ္မ စစ်သားစုဆောင်းခြင်း များသည် လူ့အခွင့်အရေး ချိုးဖောက်မှုများပင် ဖြစ်သည်။ ပြန်ကြားရေးဌာန၏ မှတ်တမ်းများ အရ ကချင်ပြည်နယ်တွင် ရထားလမ်း၊ ကားလမ်း များအား KIA မှမိုင်းခွဲဖျက်ဆီးမှု ၁၅၁ ကြိမ်၊ မော်တော်ယာဉ်များနှင့် အဆောက် အအုံများအား ဖောက်ခွဲဖျက်ဆီးမှု ၂၃ ကြိမ်၊ ကျေးရွာများအား မီးရှို့မှု ၁၃ ကြိမ်၊ အတင်းအဓမ္မ ဖမ်းဆီး၍ စစ်သားစုဆောင်းမှု အကြိမ် ၅၀၀ ကျော်နှင့် KIA မိုင်းကြောင့် သေဆုံး ဒဏ်ရာရသူ ရာဂဏန်း ကျော်ရှိကြောင်း သိရသည်။ ကချင်ပြည်နယ် လူထုအနေဖြင့် ရထားလမ်း၊ ကားလမ်း၊ တံတား များဖျက်ဆီး ခံထားရ သဖြင့် လမ်းပန်း ဆက်သွယ်မှု ပြတ်တောက်ကာ စိတ်သွားတိုင်း ကိုယ်မပါ ဘဲ၊ နေ့စဉ်နှင့် အမျှမိသားစု ဘ၀လုံခြုံရေးအား ခြိမ်းခြောက် ခံနေရသည်။ နိုင်ငံတော် အစိုးရမှ တိုင်းရင်းသား ညီအစ်ကိုများ ရင်ကြားစေ့ရေးနှင့် ထာဝရ ငြိမ်းချမ်းစွာ တည်ဆောက်နိုင်ရေး အတွက် စိတ်ရှည် သည်းခံစွာဖြင့် အကြိမ်ကြိမ် ကမ်းလှမ်း၍ အခြား တိုင်းရင်းသား လက်နက်ကိုင် အဖွဲ့အစည်း များနှင့်အတူ စေ့စပ် ဆွေးနွေးခဲ့မှု အကြိမ်ကြိမ် ပြုလုပ်ခဲ့သည်။ သို့သော်လည်း သဘောထား မမှန်သဖြင့် ငြိမ်းချမ်းရေး လမ်းစဉ်မှ သွေဖည်ပြီး အကြောင်း အမျိုးမျိုးပြကာ အချိန် ဆွဲ၍ သွေးသစ် လောင်းခြင်းနှင့် အင်အားဖြည့် တင်းခြင်းကိုသာ ဆောင်ရွက်ခဲ့သည်။ ဆွေးနွေးပွဲမှ မည်သည့် အကျိုးရလဒ်မျှ ထွက်ပေါ်လာခြင်း မရှိသည်ကို တွေ့ရသည်။ နိုင်ငံတော်အစိုးရမှ ပြုပြင် ပြောင်းလဲရေး အရှိန် အဟုန်မြှင့် တင် ဆောင်ရွက်နေစဉ် အလိုက်သင့် ပါမလာဘဲ နောက်ကျန် နေသူ၊ နောက်ပြန် သွားလိုသူများကို လက်တွဲ ဖြုတ်ခဲ့မည်ဟု နိုင်ငံတော် အစိုးရမှ ပြောကြား ခဲ့ပြီးဖြစ်သည်။
KIA ၏လုပ်ရပ်များသည် သီရိလင်္ကာ နိုင်ငံရှိ တမီးလ်ကျား သူပုန်တို့၏ အကြမ်းဖက် လုပ်ရပ်များနှင့် ထပ်တူနီးပါး တူညီနေသည်ကို တွေ့ရှိရသည်။ KIA  အနေဖြင့် ယခုကဲ့သို့သာ အကြမ်းဖက် လုပ်ရပ်များ အတိုင်း ဆက်လက် လျှောက်လှမ်းမည် ဆိုလျှင် ပြည်သူလူထု ၏အကျိုး စီးပွားကို ကာကွယ်ရန် အတွက် သီရိလင်္ကာနိုင်ငံမှ တမီးလ်ကျား သူပုန်များအား ပြတ်ပြတ် သားသား နှိမ်နင်းသကဲ့သို့ အစိုးရမှ ပြတ်သားစွာ ဆောင်ရွက်သင့် ပြီဖြစ်ကြောင်း မနောမြေမှ အတိဒုက္ခ ရောက်နေသည့် ပြည်သူများ ကိုယ်စားဆန္ဒပြုလိုက်သည်။
မနောမောင်

ပိုဆိုးလာတဲ့ကချင်ပြည်နယ်

Posted by drmyochit Wednesday, September 05, 2012, under , | No comments

 
KNG ၊ ဧရာဝတီ၊ မဇ္ဈိမနဲ့ ရှမ်းသံတော်ဆင့် သတင်းမီဒီယာ blog တွေမှာ မကြာမကြာ ဖော်ပြနေတဲ့ လူပြောသူပြော များတဲ့ ကချင်ပြည်နယ်ဘက်ကို ပြီးခဲ့တဲ့အပတ်က ဖားကန့်မှာ ကျောက်လုပ်နေတဲ့ ကျွန်တော့် ဦးလေးတွေနဲ့ သွားဖြစ်တယ်။ သူတို့လည်း နယ်မြေ အခြေအနေ ကြည့်ရင်း ဒုက္ခသည်တွေကို လှူရင်းတန်းရင်း အတူတူသွားခဲ့ကြတယ်။ သူတို့ရဲ့ လုပ်ငန်းတွေကတော့ စစ်ရေး အခြေအနေ မကောင်းလို့ ခဏရပ်ထားရတယ်။  ဟိုရောက်မှပဲ ကြောက်ရ ကောင်းမှန်း သိတော့တယ်ဗျာ။ လက်နက်ကြီး သံတွေ ဖားကန့်ကနေ မကြာခဏ ကြားနေရတယ်။ ဒေသခံတွေ မေးကြည့်တော့ KIA က တော်တော်လေး နယ်ချဲ့လာပုံ ရတယ်။ အရင်တုန်းက ဖားကန့်နယ်မြေမှာ ကေအိုင်ကေက အခုလောက်မများဘူးလို့ သိရတယ်။ သူတို့ရဲ့ အဓိက ဆက်ကြေးကောက်တဲ့ နေရာဆိုတော့ ဒီဒေသကို လက်မလွှတ် နိုင်ဘူးနဲ့ တူပါ တယ်။ နှစ်စပိုင်းတုန်း ကလည်း ကုမ္ပဏီတစ်ခုကို KIA က သိန်း ၂၀၀၀ တောင်းတယ်။ မပေးရင် Back Hole တို့ Loader တို့ မြေသယ်ယာဉ်တို့ကို မိုင်းခွဲပြီး မီးရှို့မယ်လို့ ခြိမ်းခြောက်တယ်။ ဈေးဆိုင်တွေနဲ့ လုပ်ငန်း အသေးလေးတွေ အပါအ၀င် ဆက်ကြေး အတင်း အဓမ္မ ကောက်ခဲ့ကြ တယ်။ ဓားပြတွေလိုပဲ။ အခြေအနေ မကောင်းတော့ ကုမ္ပဏီတွေ အိမ်ပြန် ခေါက်ကြတယ်။ သူတို့အကြိုက် ဖြစ်သွားတယ်။ သူတို့လူတွေနဲ့ ပေါင်းပြီး ခိုးထုတ်နေကြတယ်။ ရသမျှဟာ သူတို့ အတွက်ပဲလေ။ အချို့ကုမ္ပဏီတွေက မိုးကျလာတော့ ပစ္စည်းတွေ ပြန်မ သယ်နိုင်ဘဲ Site ထဲမှာ ပဲထားခဲ့တယ်။ ပြီးခဲ့တဲ့ ၂၉ ရက်နေ့ ကဆို ရင် ရွှေဂေါင်ဂေါင် ကျောက်စိမ်း ကုမ္ပဏီထဲဝင်ပြီး ဆက်ကြေး တောင်းတာမရလို့ ကုမ္ပဏီက မိုးကျလို့ မသယ် နိုင်ဘဲ ထားခဲ့တဲ့ ယန္တရားတွေနဲ့ မြေသယ် ကားတွေ၊ ဂိုဒေါင်တွေ၊ အဆောက် အအုံတွေ အကုန်လုံး မီးရှို့ လိုက်တယ်လို့ သိရတယ်။
အခုလည်း အခြေအနေ မကောင်းလို့ ရွာကနေ ဖားကန့် ဘက်ကို ပြောင်းလာကြတာ အိမ်ထောင်စု ၁၀၀၀ ကျော်လောက် ရှိတယ်။ လူဦးရေကတော့ ၇၀၀၀ ကျော်လောက် ရှိမယ် ထင်တယ်။ ကျွန်တော့် ဦးလေးတွေကလည်း သူတို့ရဲ့ အလုပ်သမား အသိတွေများတော့ လိုတာ တွေ လိုက်ကူညီ ပေးခဲ့ကြတယ်။ သူတို့တွေ ပြောပြချက် အရတော့ တပ်ရော၊ KIA ရော နေရာအတော် များများမှာ သူချကိုယ်ချ တိုက်ပွဲဖြစ် နေကြတယ်လို့ သိရတယ်။ နှစ်ဖက်စလုံး ကတော့ အထိအခိုက် ရှိတယ်လို့ ပြောတယ်။ သူတို့တွေ ဖားကန့်ကို တက်လာတော့ KIA နဲ့ မနည်းရှောင် ပြေးလာခဲ့ရတယ်။ ရွာသားတွေ မရှိရင် KIA က အထောက်အပံ့ မရမှာစိုးလို့ ရွာသား တွေကို ပေးမသွားဘူး။ ရွာသားတွေ မရှိရင် KIA က ဒီနယ်မြေမှာ ကြာကြာ မခံပါဘူးလို့ ရွာသား တစ်ယောက်က သူ့အတွေ့အကြုံကို ပြောပြတယ်။ စစ်တပ်လို သူတို့မှာ ရိက္ခာမရှိဘူးလေ။ ရွာသားတွေဆီကပဲ တောင်းစားရတာ။ မြစ်ကြီးနားက ကြက်ခြေနီ အဖွဲ့က ဒုက္ခသည် တွေအတွက် ကယ်ဆယ်ရေးပစ္စည်းတွေတင်ပြီး ဖားကန့်ကို ထွက်လာတဲ့ ကားတွေကို KIA က မိုးကောင်းမြို့နယ်၊ နန့်ဟိုင်ရွာနားမှာ လမ်းပိတ်ပြီး ပြန်မောင်း ထုတ်တယ်လို့  သိရတယ်။ သူတို့တွေ နေရာ အတော် များများမှာ မိုင်းတွေ ထောင်ထားတယ်။ စစ်တပ်တွေ ၀င်လာရင် ထိအောင် လို့ပေါ့။ ဒါပေမယ့် လောလော ဆယ် ရွာသားတွေပဲ ခံရတယ်။ မြစ်ကြီးနား ဆေးရုံမှာ ဆိုရင် မိုင်းထိလို့ ဆေးရုံတက် နေတာ တော်တော် များတယ်လို့ သိရတယ်။
ကျွန်တော့် ဦးလေးတွေနဲ့ ဗန်းမော်ကနေ လွယ်ဂျယ် ဘက်ကိုလည်း ရောက်ခဲ့သေးတယ်။ အဲ့ဒီဘက်ကလည်း အခြေအနေ သိပ်မဟန်ပါဘူး။ ဗန်းမော်-လွယ်ဂျယ် လမ်းကြောင်းပေါ် အချို့ နေရာတွေမှာတော့ စစ်သားတွေတွေ့ရတယ်။ လမ်းကြောင်း လုံခြုံရေး အဖွဲ့တွေဖြစ်ဟန် တူတယ်။ ကားတွေ၊ ဆိုင်ကယ် တွေတော့ သွားလာ နေကြတယ်။ ဒီဘက်မှာလည်း ကားလမ်း ပေါ်မှာ တိုက်ပွဲတွေ မကြာမကြာ ဖြစ်တယ်လို့ သိရတယ်။ လွယ်ဂျယ် ရောက်တော့ လီဆူးဘုရား ကျောင်းမှာ ဒုက္ခသည်တွေကို သွားလှူကြတယ်။ သူတို့တွေက အရင်က တရုတ်နိုင်ငံဘက် လားရင် ဒုက္ခသည် စခန်းမှာနေရင်း တရုတ်က လက်မခံလို့ ဒီကို ပြန်ရောက် လာကြတာ။ သူတို့တွေရဲ့ အဖြစ်ကြားရ တာလည်း စိတ်မကောင်း စရာပါပဲ။ အရင်က သူတို့ ခရိန်မုဒန်း၊ ဟန်ယော (ယောယုံ) ဗျင်ဝိုင်ရွာသား တွေပါ၊ KIA အစီအစဉ်နဲ့ ဒုက္ခသည် အမည်ခံပြီး တရုတ် နယ်စပ်မှာ နေတယ်။ ကြုံရာကျပန်း လုပ်ကိုင် စားရတယ်။ အလှူရှင်တွေက ရတဲ့ ငွေ/ပစ္စည်း တွေက ဒုက္ခသည် တွေဆီကို ရောက်မလာဘူး။ KIA ရန်ပုံငွေ ဖြစ်သွားတယ်လို့ ဒုက္ခသည် တွေရဲ့ ပြောပြတာကို ကြားခဲ့ ရတယ်။ အောက်ခြေမှာ ဒီလိုဖြစ်ပျက် နေတာ KIA ကိုကြောက်တော့ ဘယ်သူမှ မပြော ရဲကြဘူး။ အလှူရှင်တွေ၊ အဖွဲ့အစည်းတွေက ပေးတဲ့ငွေတွေက KIA စစ်သား တွေကို ထောက်ပံ့ ပေးတာနဲ့ အတူတူ ပါပဲလေ။
တကယ်တမ်း နက်နက်နဲနဲ တွေးကြည့်ရင် KIA ဟာ အကြမ်းဖက် သမားလိုဖြစ်နေပြီ။ ကျွန်တော်တို့တွေ၊ အဖွဲ့အစည်းတွေက ကချင်ပြည်နယ် ငြိမ်းချမ်းရေးရဖို့ လူထုလှုံ့ဆော်တာ တစ်မျိုး၊ မီဒီယာ တွေကနေ တွန်းအားပေးတာ ကတစ်မျိုး နည်းမျိုးစုံနဲ့ KIA ဘက်ကနေပြီး ရပ်တည် ခဲ့ကြတယ်။ သမ္မတကြီးနဲ့ နအဖမျိုးဆက် ဖြစ်တဲ့ စစ်တပ်ကို တစ်ဖက်သတ် အပြစ်တင် ခဲ့ကြတယ်။ တကယ်တမ်း ကိုယ်တိုင် သွားကြည့်တော့ On Ground မှာ ဖြစ်ပျက် နေတာတွေနဲ့ ကွဲလွဲနေတာ တွေ့ရတယ်။ KIA အပေါ်မှာ ဒေသခံတွေ အနေနဲ့ အတော်လေး ကြောက်ရွံ့ နေကြတယ်။ ဒေသခံတွေ ခံစားနေရတဲ့ ခါးသီးမှုတွေဟာ အကြောက် တရားက လွှမ်းမိုး ထားတာကြောင့် ပပျောက်ကုန်တယ်။ ဘယ်သူမှားတယ်၊ ဘယ်သူ မှန်တယ် ဆိုတာ မဝေဖန် လိုပါဘူး။ ဘာကြောင့်လဲ ဆိုတော့ စစ်ပွဲဆိုတာ အောင်နိုင်သူရဲ့ မှတ်ကျောက်ပဲလို့ စာအုပ် တစ်အုပ်မှာ ဖတ်ဖူးတယ်။ ဒါပေမယ့် ကိုယ့်တိုင်းရင်းသား ပြည်သူတွေရဲ့ ဘ၀တွေ ကိုတော့ ထောက်ထား သင့်ပါတယ်။ ဒီမိုကရေစီ အသီးအပွင့် ဖြစ်တဲ့ လွတ်လပ်မှုနဲ့ ငြိမ်းချမ်း မှုဆိုတာ  လူတိုင်း လိုချင်နေ ကြတာပါ၊ လက်နက်ကိုင် အဖွဲ့အစည်း ဆိုတာလည်း တိုင်းရင်းသား ပြည်သူ ထဲကပဲ ပေါက်ဖွားလာခဲ့တာပါ။ ပြည်သူ့အရေးဟာ သူတို့အရေး ကိစ္စဖြစ်တဲ့ အတွက် တိုင်းရင်းသား လက်နက်ကိုင် အဖွဲ့အစည်း တွေဟာ အပစ်အခတ် ရပ်စဲပြီး တိုင်းရင်းသား အချင်းချင်း တန်းတူ အခွင့်အရေး ရရေးအတွက် စားပွဲပေါ်မှာ ငြိမ်းချမ်းစွာနဲ့ တိုက်ပွဲ ၀င်နေကြ ပြီလေ။ နိုင် ငံရေး ရေစီးကြောင်းနှင့် အတူ နောက်ကျန် မနေဘဲ KIA/KIO အနေနှင့်လည်း ကချင် လူမျိုးရေး၊ ကချင်ပြည်နယ် အရေးကိစ္စအတွက် စားပွဲပေါ်မှာပဲ တိုက်ပွဲဝင်သင့်ပြီလို့ ထင်တယ်။ ဟိုနေရာမှာ ဆွေးနွေးမယ်၊ ဒီနေရာမှာ ဆွေးနွေးမယ် ဆိုတာထက် မိမိပြည်တွင်းမှာ ပြည်သူ့ရှေ့ မှာပဲ ဆွေးနွေး သင့်ပါတယ်။ ဒီထက်ပိုပြီး ခေါင်းမာ နေရင်တော့ အကြမ်းဖက် သမားလို့ စွပ်စွဲရ လိမ့်မယ်။

ဝေယံမိုး

icon

Posted by drmyochit Wednesday, September 05, 2012, under | No comments



မြန်မာမိန်းကလေးများ ကိုယ့်ကိုကို တန်ဖိုးထားတတ်ပြီး ၊ မြန်မာ့ ယဉ်ကျေးမှုများကို ထိန်းသိမ်းနိုင်ပါစေ…

Posted by drmyochit Wednesday, September 05, 2012, under | 1 comment



ယုခုဆို နည်းပညာတိုးတက်လာခြင်းကြောင့် ဆက်သွယ်ရေးများကောင်းလာပြီး ကမ္ဘာကြီးဟာ ရွာလို့ပင် တင်စား နိုင်ပြီဖြစ်ပါတယ်။ ယခုအချိန်ဆို အင်တာနက်ဆိုတာ လူတိုင်း သုံးနိုင်ပြီး လူတန်းစားမျိုးစုံ သုံးတတ်တဲ့ အခြေနေသို့ ရောက်ရှိခဲ့ပြီဖြစ်ပါတယ်။
ကျွန်တော် ဆယ်တန်းအောင်ပြီး တက္ကသိုလ်တက်စက အင်တာနက်ဆိုတာ ကြားသာကြားဖူးခဲ့တာ ဘယ်လိုသုံးရလဲ ဘာ တွေအသုံးဝင်လဲဆိုတာ မသိခဲ့ပါဘူး။ အမှတ်မကောင်းတော့ တက္ကသိုလ်အဝေးသင်ယူရင်းနဲ့ ကွန်ပြူတာကို စိတ်ဝင်စားလို့အပြင်သင်တန်းတွေ တက်နေတဲ့အထိ အင်တာနက်ဆိုတာကို ဘာမှန်းညာမှန်းမသိခဲ့ပါဘူး။ ဒီလိုနဲ့ မှတ်မှတ်ရရ ၂၀၀၄ -၂၀၀၅ လောက်မှာ သူငယ်ချင်းတစ်ရောက်က ဘယ်လိုသုံးရလဲဆိုတာ သင်ပေးရင်းနဲ့ စတင် သုံးတတ်ခဲ့တာ ဖြစ်ပါတယ်။  ယခုအချိန်မှာတော့ အင်တာနက်ဆိုတာ ကလေးအစ အရွယ်စုံ သုံးတတ်နေကြပါပြီ။ အင်တာနက်ဆိုတာ တစ်ဦးနဲ့တစ်ဦး ဆက်သွယ်ရေးမှာလဲ အင်မတန် လွယ်ကူ မြန်ဆန်သလို အွန်လိုင်းကနေတဆင့် ယောင်္ကျားလေးတွေ မိန်းကလေးတွေ ခင်မင်ရင်နှီး၊ချစ်ကြိုက်ခဲ့ကြပြီး နောက်ဆုံး လက်ထပ်ကြတဲ့ အထိ များစွာ ရှိခဲ့ကြပြီဖြစ်ပါတယ်။အကောင်းနဲ့ အဆိုးကတော့ အမြဲတန်းဒွန့်တွဲနေကြပါတယ်။တိုးတက်လာတဲ့ အင်တာနက် နည်းပ ညာကို အကျိုးရှိရှိ အသုံးချတဲ့သူများအတွက်တော့ အကျိုးကျေးဇူးများရရှိပြီး တလွဲ အသုံးချသူများအဖို့တော့ ဘေးထွက် ဆိုးကျိုးတွေ ရှိခဲ့တာ တွေ့ရပါတယ်။ အွန်လိုင်းကနေ တဆင့် လိမ်လည်လှည့်ဖြားပြီး ငွေများတောင်းခံခြင်း၊ အထူးသဖြင့် မိန်းကလေးများကို အွန်လိုင်းကနေ တဆင့် ခြမ်းခြောက်ခြင်း၊ ဖျားရောင်းသွေးဆောင်ပြီး ဖျက်ဆီးခြင်း၊ အကျပ်ကိုင် ငွေညှစ် ခြင်းများကိုလဲ သတင်း ဂျာနယ်၊ ဘလော့များတွင် တွေ့ခဲ့ပြီးဖြစ်ကြပါလိမ့်မယ်။
 နိုင်ငံခေတ်မှီတိုးတက်လာသည်နှင့် အမျှ မြန်မာ့ ယဉ်ကျေးမှု များလဲ ပျက်စီးလာတာတွေ့ရပါတယ်။ အနောက်တိုင်း အ၀တ်အစားများ ကိုရီးယားအ၀တ်အစားများ ခေတ်စားလာခြင်းကြောင့် မြန်မာမိန်းကလေးတချို့ မလုံမခြုံအ၀တ်အစားများ အ၀တ်များကြပြီး သူတို့ရဲ့ အန္တရယ်ကို ဖိတ်ခေါ်သကဲ့သို့ဖြစ်နေခဲ့ပါတယ်။ အတုယူသင့်တာကို မယူ အတုမယူသင့်တာကို ယူကြတဲ့အတွက် ကိုရီးယားဇာတ်လမ်းတွဲ အ်ိမ်ထောင်ရေးဖောက်ပြန်တဲ့ကားများ အချစ်ကားများကြောင့် မြန်မာ မိန်းက လေး တချို့ စိတ်ဓာတ်ပိုင်း ပျက်စီးလာကြတာကိုလဲ တွေ့ရပါတယ်။  
 လိုရင်းမရောက်တော့လို့ အဓိကပြောချင်တာကိုဘဲပြောပါတော့မယ်။ အားလုံးမကောင်းဘူးလို့ ဆိုလိုတာမဟုတ်ပါဘူး၊ ကောင်း တဲ့သူက ကောင်းပါတယ်လို့ ကြိုတင်ပြောခဲ့ပါရစေ။
ကျွန်တော် သိတဲ့သူတစ်ရောက်ပေါ့၊ သူက နိုင်ငံခြားမှာ အလုပ်လုပ်ရင်းနဲ့ ဒီကို ခနပြန်လာတာပေါ့။ အွန်လိုင်းကို အားရင် အချိန်တော်တော်များ သုံးပြီး facebook ကိုလဲ အမြဲတန်း သုံးနေကြပေါ့။ ဒီမှာ ခနရောက်ခိုက် အွန်လိုင်းကနေ ကောင်မလေး တစ်ရောက်နဲ့သိပြီး ဖုန်းတွေဆက် ၊ကောင်းမလေးဆီသွားလည်ရင်းနဲ့ ဘာလိုလို ညာလိုလိုဖြစ်သွားတဲ့ ထိတော့ သိခဲ့တာပေါ့။ ဒီလိုနဲ့ လလောက်နေပြီး နိုင်ငံခြားကိုပြန်ထွက်တော့မယ့် အချိန် တွေ့ဆုံခိုက်မှာ သူ့ကောင်မလေးပုံဆိုပြီး ဓာတ်ပုံထုတ် ပြပြီးကြွားတာပေါ့။ ဓာတ်ပုံထဲမှာ အခန်း တစ်ခန်း မီးရောင်မှိန်မှိန် လေးထဲမှာ ကောင်မလေးနဲ့ သူနဲ့ ဖက်ပြီး ရိုက်ထားတဲ့ပုံလေ။ ဒါနဲ့ ဘယ်နေရာမှာ ရိုက်ထားတာလဲမေးကြည့်တော့ သူကပြောတယ် မင်းဒါလေးတောင် မသိဘူးလားတဲ့ တည်းခိုခန်းမှာ ရိုက်ထားတာလို့ပြောပါတယ်။ ကြားကြားခြင်း  ကောင်မလေးရဲ့စိတ်ကို တော်တော်အံသြ သွားပါ တယ်၊ပျက်စီးနေတဲ့ မိန်းကလေးလဲမဟုတ်တဲ့အတွက် အတွင်း အွန်လိုင်းကနေ အချိန်တိုလေးအတွင်း သိခဲ့ တဲ့သူတစ်ရောက်ကို ဒီလိုအခြေအနေထိ ဖြစ်ခဲ့ကြတာကို မယုံနိုင်လောက်အောင်ပါဘဲ။ ရုပ်ချောအပြောကောင်းလို့လား၊ နိုင်ငံခြားပြန် ပိုက်ဆံသုံးနိုင်တဲ့သူမို့လို့လား အယုံလွယ်သူ မလို့လားတော့ မသိပါဘူး ၊သူ့အကြောင်းကိုယ့်အကြောင်းလဲ သေချာမသိ၊ စိတ်နေစိတ်ထားလဲ ကောင်းလားဆိုးလား မသိဘဲနဲ့ အချိန် လကျော်လေးအတွင်းမှာ ဒီလို အခြေအနေထိရောက်ခဲ့တယ်ဆိုတော့ နိုင်ငံခြား ဥရောပ နိုင်ငံတွေရဲ့ အခုမြင် အခုကြိုက်ကြပြီး LivingTogether ကို သဘောကြလို့လား၊ ဒါမှမဟုတ် ခပ်ရိုင်းရိုင်းပြောရရင်  အပေးအကမ်း ရက်ရောတယ်လို့ပြောရမလားတောင် မသိတော့ပါဘူး။ ဒီနေရာမှာ ယောင်္ကျားလေးကိုတော့ အပြစ်ပြောရင်ပြောကြမှာပါ၊ ဒါပေမယ့် ယောင်္ကျားလေးချင်းမလို့ ဘက်လိုက်ပြောတာတော့မဟုတ်ပါဘူး။ လက်ခုပ်ဆိုတာ တစ်ဖက်ထဲနဲ့ မမည်ပါဘူး၊ လက်နှစ်ဖက်တီးမှ မည်တာပါ။ ဘယ်လိုဘဲဖြစ်ဖြစ် မိန်းကလေးဘက်က အရင်ထိခိုက် နစ်နာမှာဆိုတော့ ကြိုတင်စဉ်းစားပြီး ကိုယ့်ကိုကို ထိန်းသိမ်း သင့်ပါတယ်။
    ဒီလိုနဲ့ အဲဒီတစ်ယောက်က နိုင်ငံခြားရောက်သွားပြီး လောက်ကြာတော့ အွန်လိုင်းမှာတွေ့လို့ စကားပြောရင်းနဲ့ မေးဖြစ်တယ်၊ ဟိုကောင်မလေးနဲ့ကော အဆက်အသွယ်ရှိသေးလားပေါ့၊ သူကပြန်ပြောတယ် ငါအ ဆက်အသွယ်ြ ဖတ် လိုက်ပြီတဲ့လေ။ ကာယကံရှင်တွေကတော့ ဘယ်လိုခံစားပြီး၊ ဘယ်လို သဘောထားလဲတော့ မသိပါဘူး။ ကျွန်တော်ကတော့ မိန်းကလေးအတွက် နှမချင်းကိုယ်ချင်းစာပြီး  သက်ပျင်းချမိလိုက်ပါတယ်။
 မြန်မာမိန်းကလေး တစ်ယောက်အနေနဲ့ ကိုယ့်ကိုကို တန်ဖိုးထားပြီး ကိုယ့်ဘ၀အတွက် လက်တွဲမယ့်သူအပေါ်ကို သစ္စာရှိရှိ စောင့်ထိန်းသင့်တယ်လို့ ထင်မိပါတယ်။စိတ်အလိုလိုက်မှုကြောင့် ဘ၀ကို ပုံအပ်ပေးမယ်ဆိုရင်တောင် အဲဒီလူဟာ အချိန်ကြာကြာလက်တွဲခဲ့ပြီး ကိုယ့်ကိုတစ်ကယ်ချစ်တဲ့သူ၊ အမှန်တကယ် လက်တွဲ လက်ထပ်မယ့်သူသာ ဖြစ်သင့်ပါတယ်။ ကျွန်တော် ပညာပေး ဘလော့ရေးတိုင်း အမြဲတန်းလိုလို ပြောနေကြစကားရှိပါတယ်။
လူတစ်ရောက်ကို အချိန်ခဏလေးအတွင်း မယုံကြည်သင့်ပေ၊ အချိန်ကြာကြာလက်တွဲ၊ စကားများများပြောကြည့်ပြီးမှ လူတစ်ရောက်ရဲ့ အတွင်းစိတ်၊ ကိုယ့်ကျင့်တရားကို သိနိုင်ပေသည်။ထိုမှသာ ကိုယ့်အတွက် လူကောင်းလား လူဆိုးလားဆိုတာကို တွက်ချက်နိုင်ပါလိမ့်မည်
ကြားဖူး မြင်ဖူး တွေ့ဖူးခဲ့သော ယခုလို ဖြစ်စဉ်မျိုး အများကြီးထဲမှ တစ်ခုကို မိန်းကလေးများအတွက်၊ အထူးသဖြင့် ယခုခေတ်ကာလတွင် အဖြစ်အများဆုံး တက္ကသိုလ်တက်စ စိတ်ကစားတတ်တဲ့အရွယ် ဆယ်ကျော်သက် ကောင်မလေးများအတွက် အချစ်ကို ကိုးကွယ်ပြီး ဒုက္ခမရောက်စေရန်၊ ကိုယ့်ကိုကို တန်ဖိုးထား ထိန်းသိမ်းတတ်စေရန် အတွက် ဗဟုသုတ၊ ပညာပေး ရှောင်ကြဉ် သင့်တာ ရှောင်ကြဉ် နိုင်အောင် ရေးသားလိုက်ခြင်းဖြစ်ပါသည်။ မိန်းကလေးအားလုံးကို မဆိုလိုပါ။
ကျွန်တော်ဘဲ ခေတ်နောက်ကြ ကျန်နေခဲ့တာလား၊ ဒါမှမဟုတ် တိုးတက်သွားလို့ လိုက်မမှီတော့တာလား မသိတော့ပါဘူး။ ဒီလို တိုးတက်လာပုံမျိုးကိုတော့ စိုးရိမ် ကြောက်လန့်မိပါတယ်။ မြန်မာမိန်းကလေးများအနေဖြင့် အသားကပ် ဘောင်းဘီများ၊ ပေါင်တို ဘောင်းဘီများဝတ်ခြင်းတို့ကို အားမကြ အတုမယူကြဘဲ မြန်မာ့ယဉ်ကျေးမှု အ၀တ်အစားများ၊ မြန်မာ့စိတ်ဓာတ် စိတ်နေစိတ်ထားတွေကို ထိမ်းသိမ်း စောင့်ရှောက်နိုင်ကြပါစေလို့ ဆန္တပြုရင်းနဲ့ ရေးထားတာ အမှားပါရင် ခွင့်လွတ် ပေးကြပါလို့

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်