KIO နှင့် တိုက်ပွဲပေါင်း ၁၇၀၀ ကျော်သော်လည်း အရှိန်ကောင်းနေဆဲ

ကချင်ပြည် လွတ်လပ်ရေး အဖွဲ့ (KIO)
အား စစ်ဆင်နေသော အစိုးရ ပြည်သာယာ
စစ်ဆင်ရေး၏ အဓိက ရည်မှန်းချက်သည်
ကချင် လက်နက်ကိုင် အဖွဲ့အစည်းအား
 အမြစ်ဖြတ် ချေမှုန်းရေးသာ


အဓိက ပထမ ဦးစားပေး တိုက်ခိုက်ခြင်းသာဖြစ်သည်ဟု KIO ပြောခွင့်ရသူဦးလာနန်းကဆိုပါသည်။

“ တိုက်ပွဲကတော့ စဖြစ်ကတည်းက အခုဆိုရင် ၁၇၇၀ ပွဲ ရှိနေပြီး၊ ဒါတောင် စာရင်း
မရတဲ့ ပွဲတွေ ရှိသေးတယ်။ အစိုးရတပ် တွေကတော့ လျှော့သွားတာ မရှိဘူး။

အခု တဖြည်းဖြည်းနဲ့ လိုင်ဇာနဲ့ နီးစပ်လာတဲ့ သဘောရှိတယ်။ တဖြည်းဖြည်းနဲ့ ချဉ်းကပ်
လာတဲ့ ပုံစံပါ။ တိုက်ပွဲဖြစ်တိုင်းမှာလည်း လေယာဉ် နဲ့ အမြဲလာတယ်။

 လေကြောင်းနဲ့ တပ်အင်အားတွေ လက်နက်ခဲယမ်းတွေ ပို့တာမျိုးကိုတော့ သူတို့ အမြဲတမ်း
လုပ်နေကျပါ။  အလာဖက်မှာ လက်နက်ကြီး ကျဉ်ဆံတွေ ပါလာတယ်။

အပြန်မှာ ဒဏ်ရာရ လူနာတွေကို သယ်တယ်ပေါ့။ တွေ့ဆုံဆွေးနွေးရေးကျတော့ ဆက်
သွယ်ရေး လမ်းကြောင်းကိုက ပြတ်နေတယ်လို့ ပြောရမှာပေါ့” ဟု ဆိုပါသည်။

KIO သည် အစိုးရ၏ ပြည်သာယာ စစ်ဆင်ရေးကို နိုင်နင်းစွာ တုန့်ပြန်နိုင်သဖြင့် အစိုးရ
တပ်များ ထင်သလို ရှေ့မတိုးနိုင်ခဲ့ခြင်း ဖြစ်သည်ဟု ဆိုပါသည်။

 KIO သည် တိုင်းရင်းသားများ၏ အခွင့်ရေး ပြသနာကို တွေ့ဆုံဆွေးနွေးခြင်းအားဖြင့်သာ
အဖြေရှာ ကြရန် အစိုးရအား အစဉ်တိုက်တွန်းနေခဲ့ပါသည်။

ဤသို့ကြောင့် အစိုးရနှင့် တရုတ်နိုင်ငံရွှေလီမြို့ ၌ တွေ့ဆုံဆွေးနွေးရန် ပြီးခဲ့သည့် ဇွန်လ(၂၀)ရက်
 နေ့၌ အဆိုပြုထား သော်လည်း အစိုးရမှ ယနေ့အထိ အကြောင်းပြန်ခြင်းမရှိပေ။

 KIO သည် နှစ်ဖက်သြဇာ လွှမ်းမိုးမှု မရှိသောနေရာ၌ တွေ့ဆုံကြရန် အဆိုပြုနေခြင်းဖြစ်ပြီး အစိုးရသည် ရွှေလီအစား မြန်မာနိုင်ငံမူဆယ်မြို့၌သာ ဆွေးနွေးရန် အရင် ကမ်းလှမ်း
ထားခဲ့ပါသည်။

တိုက်ပွဲများတွင် ကျဆုံးသွားသော ရဲဘော်များအား အလေးပြု

KIO နှင့် အစိုးရတို့၏ တိုက်ပွဲကြောင့် ကချင် စစ်ပြေး ဒုက္ခသည်များ သိန်းချီရှိလာနေပြီးဟု ဒုက္ခသည် ဆိုင်ရာ ကော်မီတီများက ဆိုပါသည်။

ဤကဲ့သို့ ကချင် စစ်ပြေး ဒုက္ခသည် ပြသနာ၊ ပိုမိုများလာသည့်အတွက် အစားအစာ ရိက္ခာ ပြတ်တောက်မှုများ ဖြစ် လာသဖြင့်  ကချင်ပြည်နယ်မှ လွှတ်တော် ကိုယ်စားလှယ် ဦးယောဒီဒွေ့က ဤပြသနာကို ဖြေရှင်းရန်အတွက် နေပြည်တော် ပြည်သူ့ လွှတ်တော်သို့ အရေးကြီး အဆိုအဖြစ် စက်တင် ဘာလ ၃ ရက် နေ့တွင် တင်သွင်းလိုက်သည်ဟု ဆိုပါသည်။

 http://www.facebook.com/PopularNewsJournal

အမေရိကန်ပြည်ထောင်စုကလည်း ကချင်ပြည် လွတ်လပ်ရေး အဖွဲ့နှင့် အစိုးရတို့အကြား
 ဖြစ်ပွားနေသော စစ်ရေး ပဋ္ဋိပက္ခကို ၀ိုင်းဝန်း ဖြေရှင်းပေးရန် တရုတ် အစိုးရအား တောင်းဆို
ခဲ့ပါသည်။

တရုတ် အစိုးရသည်လည်း ကချင်ဒုက္ခသည်များကို မိမိတို့ နိုင်ငံထဲမှ အလျှင်အမြန် ထွက်ခွာသွားရေးကိုသာ ဆောင်ရွက်ခဲ့ပါသည်။

ကချင်ပြည်နယ်၌ ဖြစ်ပွားနေသော လက်နက်ကိုင် ပဋ္ဋိပက္ခသည်၊ အစိုးရမှ၊ KIO အား ပြည်သာ
ယာ စစ်ဆင်ရေးဖြင့် အပြုတ် တိုက်နေသလို KIO သည်လည်း ဤပဋ္ဋိပက္ခကို နိုင်ငံရေးအရ တွေ့ဆုံ
 ဆွေးနွေးရေး နည်းလမ်းဖြင့် အဖြေရှာကြရန် အဆိုပြု နေပါသည်။

 ဤသို့ မျဉ်းပြိုင်ဖြစ်နေသော နှစ်ဖက် ရည်ရွယ်ချက်များကြောင့် စေ့စပ်နိုင်ဖွယ် အလားအ
လာများ မမြင်သေးဟု ဝေဖန်သူများက ဆိုပါသည်။

ရွှေဟဿင်္ာ