ဂျာမနီနိုင်ငံ၏ ပညာရေးစနစ်နှင့်သုတေသနလုပ်ငန်းများကို လေ့လာသင်ယူလိုဟု သမ္မတဦးသိန်းစိန်ပြော

ဂျာမနီနိုင်ငံ ဘာလင်မြို့တွင် ဂျာမနီဝန်ကြီးချုပ်မာကယ်လ်နှင့်အတူတွေ့ရသ့် သမ္မတဦးသိန်းစိန်

ဂျာမနီနိုင်ငံသို့ ရောက်ရှိနေသောသမ္မတဦးသိန်းစိန်က ဂျာမနီနိုင်ငံထံမှ ဖက်ဒရယ်ပြည် ထောင်စုအစိုးရစနစ်တည်ဆောက်ပုံနှင့်အစဉ်အ လာကောင်းခဲ့သည့် ပညာရေးစနစ်နှင့် သုတေသန လုပ်ငန်းအားထုတ်မှုတို့ကို လေ့ လာသင်ယူလိုကြောင်းပြောကြား သည်။

ထို့ပြင် မြန်မာနိုင်ငံအတွက် အလိုအပ်ဆုံးဖြစ်သည့် ရင်းနှီးမြှုပ် နှံမှုအဖြစ် ပြည်သူများအတွက် အလုပ်အကိုင်အခွင့်အလမ်းပေး နိုင်ပြီး နည်းပညာနှင့်ကျွမ်းကျင်မှု တို့ယူဆောင်လာနိုင်သော ရင်းနှီး မြှုပ်နှံမှုများပြုလုပ်ရန် ဂျာမနီဝန် ကြီးချုပ်အားတိုက်တွန်းပြောကြား ခဲ့သည်။

လက်ရှိတွင် အစိုးရက NCCT (တစ်နိုင်ငံလုံးအပစ်အခတ်ရပ်စဲ ရေးဆိုင်ရာညှိနှိုင်းရေးအဖွဲ့)နှင့် ဆွေးနွေးပွဲ၌ ဖက်ဒရယ်ပြည် ထောင်စုစနစ် ထူထောင်ရေုး သဘောတူလိုက်ပြီဖြစ်သည်။ ပြည်တွင်းလက်နက်ကိုင်တပ်ဖွဲ့ အချို့က ဖက်ဒရယ်အပေါ် သဘောထားကွဲလွဲမှုအချို့ဖြစ် ပေါ်နေသော်လည်း သမ္မတကမူ ဖက်ဒရယ်ပြည်ထောင်စုစနစ်ထူ ထောင်ရန် ဂျာမနီနိုင်ငံထံမှ သင်ယူလိုကြောင်း ယခုခရီးစဉ်တွင် စတင်ပြောကြားခဲ့သည်။

‘‘ကျွန်တော် ဂျာမနီနိုင်ငံက နေ သင်ယူစရာတွေရှိပါတယ်။ ဖက်ဒရယ်ပြည်ထောင်စုအစိုးရ စနစ်၊ မြို့ပြတိုးတက်မှုပုံစံ၊ စီးပွား ရေးလုပ်ငန်းတွေ၊ အဆင့်မြင့်ကုန် ပစ္စည်းထုတ်လုပ်မှု၊ အစဉ်အလာ ကောင်းတဲ့ပညာရေးစနစ်၊ စည်း ကမ်းရှိမှုတို့ကို အများကြီးလေ့လာ သင်ယူဖို့လိုအပ်နေပါတယ်’’ဟု စက်တင်ဘာ ၃ ရက်တွင် ဝန်ကြီး ချုပ်မာကယ်လ်နှင့်ပူးတွဲပြုလုပ်သည့် သတင်းစာရှင်းလင်းပွဲ၌ သမ္မတဦးသိန်းစိန်ကပြောကြားခဲ့ သည်။ သမ္မတဦးသိန်းစိန်သည် ဂျာမနီနိုင်ငံသို့ ပထမဆုံးခရီးစဉ် အတွင်းဖရန့်ဖတ်မြို့မှ ဘာလင် မြို့သို့ရထားစီး၍သွားရောက်ခြင်း မှာလည်း ဥရောပနိုင်ငံများ၏ ရထားစနစ်ကို လေ့လာလို၍ဖြစ် ကြောင်း သမ္မတနှင့်အတူလိုက်ပါ သွားသည့် ပြည်ထောင်စုဝန်ကြီး ဦးရဲထွဋ်က အီးမေးလ်မှတစ်ဆင့် ဖြေကြားသည်။

ဂျာမနီနိုင်ငံသည် မြန်မာနိုင် ငံထံတင်ရှိနေသောအကြွေး ယူရို ၁ ဘီလီယံထဲမှ ထက်ဝက်ကို ယခု နှစ်ဖေဖော်ဝါရီက ဂျာမနီသမ္မတ ဂျိုအာချင်ဂေါက်ခရီးစဉ်အတွင်း လျှော်ပေးခဲ့ပြီး ကျန်တစ်ဝက်ကို တစ်နှစ်လျှင် အတိုး ၃ ရာခိုင်နှုန်း ဖြင့် ၁၅ နှစ်အတွင်း အရစ်ကျပေး ရန်သဘောတူခဲ့သည်။

ထို့ပြင် ဂျာမနီသည် မြန်မာ နိုင်ငံအား ဂျပန်နိုင်ငံပြီးပါက ထောက်ပံ့ကူညီမှုအများဆုံးပေး ထားသည့်နိုင်ငံဖြစ်ပြီး လက်ရှိ တွင် ဂျာမနီကားကုမ္ပဏီဖြစ်သည့် မာစီးဒီးကားကုမ္ပဏီလာရောက် ဖွင့်လှစ်ထားပြီး BMW ကား ကုမ္ပဏီပြခန်းလည်း ထပ်မံဖွင့်ရန် စီစဉ်နေပြီဖြစ်သည်။

မြန်မာနိုင်ငံသည် အင်အား ကြီးနိုင်ငံနှစ်ခုကြားရပ်တည်နေရ ပြီး ပြည်သူများဘဝရပ်တည်ချက် ခိုင်မာရန် ဥရောပက မြန်မာပြည် တွင် ပညာရေးဈေးကွက် ရင်းနှီး မြှုပ်နှံပြီး မြန်မာကျောင်းသားများ အား စရိတ်သက်သာစွာဖြင့် ကျောင်းတက်နိုင်ရန် အကူအညီများပိုမိုပေးသင့်ကြောင်း ပညာရေးလေ့လာသူများကထောက်ပြကြသည်။ သမ္မတ၏ယခုဥရောပခရီးစဉ် နှင့်အချိန်ကိုက်၍ နိုင်ငံတကာလူ့ အခွင့်အရေးအဖွဲ့သုံးဖွဲ့က ဥရောပ သမဂ္ဂအဖွဲ့ထံ လူ့အခွင့်အရေး စောင့်ကြည့်ရန် အိတ်ဖွင့်ပေးစာ ပေးပို့ခဲ့ပြီး ဝန်ကြီးချုပ်မာကယ်လ် ကလည်း မြန်မာနိုင်ငံတွင် တိုင်းရင်း သားဒေသများ လူနည်းစုအပေါ် တန်းတူညီမျှရှိရန်နှင့် သည်းခံရန်၊ မြန်မာလူ့အခွင့်အရေးအခြေအနေကို မပြတ်စောင့်ကြည့်သွားမည်ဖြစ် ကြောင်း ပြောကြားခဲ့သည်။

သို့သော် ဥရောပခရီးစဉ်တိုင်း တွင် အမြဲလိုလိုဖိအားပေးခံရသည့် ဘင်္ဂါလီအရေးကိစ္စကို ယခုခရီးစဉ် အတွင်း သမ္မတအားဖိအားပေးပြော ကြားခြင်းမရှိဘဲ ၂၀၁၅ ရွေး ကောက်ပွဲကို လွတ်လပ်ပြီး တရားမျှတ ရန်သာ ဦးတည်ပြောကြားသွား ကြောင်း VOA သတင်းဌာနကဖော် ပြသည်။စက်တင်ဘာ ၄ ရက်တွင် သမ္မတဦးသိန်းစိန်သည် ဂျာမနီ သမ္မတဂျိုအာချင်ဂေါက်နှင့် တွေ့ဆုံမည်ဖြစ်သည်။

သမ္မတဦးသိန်းစိန်သည် ဂျာမနီ-မြန်မာသံတမန်ရေးဆက် သွယ်မှု နှစ် (၆၀)ပြည့်ပွဲသို့ ဂျာမနီ သမ္မတ၊ ဝန်ကြီးချုပ်တို့၏ ဖိတ်ကြားချက်ဖြင့် တက်ရောက်ခဲ့ခြင်းဖြစ် ပြီး ဂျာမနီခရီးစဉ်ပြီးနောက် နယ် သာလန်နှင့် ဆွစ်ဇာလန်နိုင်ငံများသို့ ဆက်လက်ထွက်ခွာမည်ဖြစ်သည်။

7Day Daily

ဆက်ဖတ်ရန်>>>>

နာမည်ထွက်လာနေတဲ့ ISIS အဖွဲ့ (ရုပ်/သံ)

အီရတ်နိုင်ငံမှာ အိုင်ဆက် အစ္စလာမ်မစ် အစွန်း ရောက်အဖွဲ့ နာမည်ထွက်လာတာက ရုတ်ချည်း လိုပါပဲ။ ဒါပေမဲ့ လည်း အီရတ်က အယ်လ်ကိုင်းဒါး အဖွဲ့ထဲ ကနေ ခွဲထွက်ကြီးထွား လာတဲ့ ဒီအဖွဲ့ဟာ နှစ်ပေါင်း များစွာ ပြန်တည်ဆောက် နေခဲ့တာလို့ လေ့လာ သူတွေက သုံးသပ်ကြ ပါတယ်။ Jela de Franceschi ရဲ့သ တင်း လွှာကို ကိုကျော်ကျော်သိန်း တင်ပြ ထားပါတယ်။



VOA

ဆက်ဖတ်ရန်>>>>

IS ပါးကွက်သားများ လက်မှ သေကံမရောက် သက်မပျောက်ခဲ့သူ

ဆွန်နီ အစွန်းရောက် စစ်သွေးကြွများ ဖြစ်သည့် IS (Islamic State) စစ်သွေးကြွများသည် တိုက်ပွဲများ အတွင်း ဖမ်းဆီး ရမိခဲ့သည့် သုံ့ပန်းများကို ရှင်းလင်း ပစ်ရာ၌ နာမည်ကြီးလှပြီး အားလုံးသော သုံ့ပန်းများမှာ IS တို့၏ သုတ်သင်ခြင်းကို ခံခဲ့ရသည်။

သုတ်သင် ခံရသူများ အနက်မှ လွတ်မြောက်လာသူ ဟူစိန် (ကွင်းအနီဖြင့် ၀ိုင်းထားသည်)

သို့သော် အဆိုပါ သုတ်သင်မှုများ အတွင်းမှ အီရတ် ရှီအိုက် စစ်သား တစ်ဦးမှာ ကံကောင်းထောက်မ စွာဖြင့် လွတ်မြောက်လာ ခဲ့သည်။ အလီဟူစိန်ကာဒ်ဟင်မ် အမည်ရှိ ယင်းစစ်သားသည် IS တပ်ဖွဲ့များ တီကရစ်မြို့ကို သိမ်းပိုက်စဉ်က ဖမ်းဆီးခြင်း ခံခဲ့ရသူ ဖြစ်ပြီး ယခုတစ်ပတ် အတွင်း ပြုလုပ်ခဲ့သည့် IS တို့၏ သုတ်သင်မှု အတွင်းမှ လွတ်မြောက် လာခဲ့ခြင်း ဖြစ်သည်။

ယခု ကွက်မျက် မှုတွင် IS ပါးကွက်သားများသည် အလီဟူစိန် ကာဒ်ဟင်မ် အပါအ၀င် သုံ့ပန်း တစ်ရာခန့်ကို လက်နောက်ပြန် ကြိုးတုပ်ကာ မြေပေါ်တွင် ဒူးထောက် ထိုင်စေပြီး ခေါင်းကို အနောက်မှ ပစ်ခတ်ကာ သုတ်သင်ခဲ့ခြင်း ဖြစ်သည်။ ပါးကွက်သားသည် ဟူစိန်၏ ဘေးမှ သုံးဦးကို ခေါင်းများသို့ ထိမှန်အောင် ပစ်နိုင်ခဲ့သော်လည်း ဟူစိန်ကို ပစ်ရာတွင် လွဲချော် သွားခဲ့သည်။ သို့သော် ဟူစိန်က သေဆုံးဟန် ဆောင်ကာ ရှေ့သို့ လှဲချခဲ့ပြီး သူ့ရဲဘော်များ၏ အလောင်းကောင်များ အကြားတွင် ပါးကွက်သားများ ပြန်ထွက် သွားသည် အထိ မလှုပ်မယှက် လှဲနေခဲ့ရသည်။ ယင်းသုတ်သင်မှု တွင် ဟူစိန်တစ်ဦးတည်းမှ လွဲ၍ မည်သူမျှ လွတ်မြောက်ခဲ့ခြင်း မရှိပေ။

ယင်းနောက်တွင်မူ သူ၏ အိမ်အပြန် ခရီးကို စတင်ခဲ့ပြီး သုံးရက် အကြာတွင်မှ အီရတ်ပြည် တောင်ပိုင်းရှိ နေအိမ်သို့ အရောက်ပြန်လာ နိုင်ခဲ့သည်။ လက်ရှိအချိန် တွင် သမီးဖြစ်သူနှင့် ပြန်လည် ဆုံတွေ့နေပြီ ဖြစ်သည့် ဟူစိန်က IS တို့ ထုတ်ပြန်ထားသည့် ဓာတ်ပုံများ အတွင်းမှ သူ၏ ပုံကို ပြန် လည် ရွေးချယ်ပေး ခဲ့သည်။ ဟူစိန်က "အသတ်ခံရဖို့ စောင့်နေချိန်မှာ ကျွန်တော့် သမီးလေးရဲ့ 'ဖေဖေ' ဆိုတဲ့ ခေါ်သံလေးကိုပဲ ကြားနေမိတယ်။ ကျွန်တော့် ခေါင်းကို ကျည်ဆံ လွဲသွားချိန်မှာ ကျွန်တော် အမြန်ပဲ သေချင်ယောင် ဆောင်ခဲ့ရပါတယ်"ဟု ဆိုခဲ့သည်။

Mizzima

ဆက်ဖတ်ရန်>>>>

ထီအကြောင်း ဂဏန်းတွက် ကြည့်ရအောင်

ပြည်တွင်းအခွန်များဦးစီးဌာန အောင်ဘာလေ သိန်းဆုဌာနခွဲဟာ အခုအောက်တိုဘာမှာ ထီလက်မှတ် တွေကို ပုံမှန်ထုတ်လုပ်ရောင်းချနေတာထက် ၁၅ ရာခိုင်နှုန်း လောက်ပိုပြီး ရောင်းချပေးမယ်လို့ သတင်း ထုတ်ပြန်ပါတယ်။ နဂို အက္ခရာ ၃၅ လုံး ထုတ်နေရာကနေ နောက်ထပ် ၅ လုံး ထပ်တိုးပြီး အက္ခရာအလုံး ၄၀ ထုတ်ရောင်းမယ်လို့ ဆိုလိုတာပါ။ ထီလက်မှတ် များများရောင်းမယ်၊ ဆုတွေလည်း များလာမယ်ဆို တော့ ပြည်သူတွေ အတွက် ပိုပြီးပျော်စရာ ဖြစ်လာ မလား၊ ထီလက်မှတ် တိုးပြီးထုတ်တော့ တိုင်းပြည် အတွက်လည်း အခွန်ဘဏ္ဍာတွေ ပိုပြီး ရလာမလား၊ တကယ့် ပြဿနာ အစစ်က ဘာလဲဆိုတာ ဆွေးနွေး ကြည့်ရအောင်။ ကိန်းဂဏန်း တွက်ပြတာတွေ များတော့ စိတ်မညစ်ပါနဲ့လို့ ကြိုပြီးတောင်းပန်ပါရစေ။

ပြည်သူတွေ ပျော်နိုင်မလား၊ မပျော်နိုင်ဘူးလား မဆန်းစစ်ခင် အစိုးရရဲ့ ထီလက်မှတ်ရောင်းချရေးဆိုင်ရာ စနစ်ကိုအရင် လေ့လာကြည့်ဖို့ လိုပါမယ်။ အစိုးရဟာ လက်ရှိထီလက်မှတ်တစ်စောင် ကျပ် ၂၀၀ နှုန်းနဲ့ ထုတ်လုပ် ရောင်းချပါတယ်။ လက်ကားရောင်းဝယ်သူ ထီဆိုင်ကြီးတွေဟာ အစိုးရဆီကနေ ၁၁ စောင်ပါ ထီ တစ်အုပ်ကို ကျပ် ၂,၀၀၀ နဲ့ ၀ယ်ဖို့ သတ်မှတ်ထားပါတယ်။ ပြောရရင် ထီကုန်သည်တွေဟာ အစိုးရက သတ်မှတ်ထားတဲ့ ထီတစ်စောင် ကျပ် ၂၀၀ နဲ့ ရောင်းတယ်ဆိုရင်ပဲ တစ်စောင်ကို ကျပ် ၂၀ နီးပါး အမြတ် ရအောင် ဖန်တီးပေးထားပါတယ်။ ရောင်းရငွေရဲ့ ၁၀ ရာခိုင်နှုန်း နီးပါးပါ။ အဲဒီရောင်းရငွေထဲကမှ ၄၀ ရာ ခိုင်နှုန်းကို နိုင်ငံတော်အခွန်ဘဏ္ဍာအဖြစ် ရယူ၊ ကျန် ၆၀ ရာခိုင်နှုန်းကို ဆုကြေးငွေအဖြစ် ထီမဲ ပြန်ဖွင့်ပေး တာမျိုးပါ။

ဒီထက်သေချာအောင် ထပ်ပြီးရှင်းပြပါဦးမယ်။ ပြည်သူတစ်ယောက်ဟာ ထီလက်မှတ်တစ်စောင်ကို အစိုးရ သတ်မှတ်ထားတဲ့ ကျပ် ၂၀၀ နှုန်းနဲ့ ၀ယ်ယူကံစမ်းနိုင်တယ် ဆိုပါစို့။ အဲဒီငွေထဲက ၁၈ ကျပ် လောက်ဟာ ထီကုန်သည်တွေ ရကြမှာဖြစ်ပြီး အစိုးရကတော့ အခွန်အဖြစ် ၇၂ ကျပ် လောက်ယူပါမယ်။ ကျန် ၁၀၉ ကျပ် လောက်ကိုမှ ဆုငွေအဖြစ် မဲဖောက်ပေးတယ်ဆိုတဲ့ အဓိပ္ပာယ်ပါ။ ပြည်သူတွေ ထီ ၁၀၀ ဖိုး ထိုးတိုင်း ထိုးတိုင်း အစိုးရက ၅၅ ကျပ်ဖိုးနီးပါး ထီမဲပြန်ဖွင့်ပေးတယ်လို့ ဆိုလိုတာပါ။ ဒါဟာထီကို တစ်စောင် ကျပ် ၂၀၀ နဲ့ ထိုးရပါမှပါ။ ဒါပေမဲ့ ကျွန်တော်တို့ ပြည်သူတွေဟာ အဲဒီလောက်ကံ မကောင်းပါဘူး။ အကြောင်းက တော့ အစိုးရက ကျပ် ၂၀၀ နှုန်း သတ်မှတ်ထားတဲ့ထီကို စနစ်ဆိုးနဲ့ လက်ဝါးကြီးအုပ် ထီကုန်သည်ကြီးတွေ ကြောင့် ကျပ်ငွေ ၂၅၀ ကနေ ၃၀၀ အထိ ပေးပြီး ကံစမ်းနေကြရပါတယ်။ အဲဒါဆို ထီပေါက်ဖို့ အခွင့်အ လမ်း ဘယ်လောက်ပဲ ရှိတော့မှာလဲ။ ဆက်ပြီး တွက်ချက်ပြပါ့မယ်။

အခုဆို အစိုးရဟာ ထီအက္ခရာ အလုံး ၄၀ ထုတ်မယ်လို့ ကြေညာရောင်းချနေပါပြီ။ ထီအက္ခရာ တစ်ခုမှာ ထီစောင်ရေ ၉ သိန်း နီးပါးရှိပါတယ်။ အက္ခရာအလုံး ၄၀ ဆိုရင် ထီစောင်ရေ ၃၆ သန်း နီးပါးပါ။ ထီတစ် စောင် ကျပ် ၂၀၀ ဆိုရင် စုစုပေါင်း ကျပ် သန်း ၇,၂၀၀ ဖိုးလောက် ရှိပါတယ်။ အဲဒီ အထဲကမှ ထီကိုယ် စားလှယ်တွေက အမြတ် ကျပ် သန်း ၆၅၀ လောက်ရပါမယ်။ နိုင်ငံတော်က ကျပ်ငွေ သန်း ၂၆၀၀ အခွန် ရပြီး ပြည်သူတွေကို ကျပ်ငွေ သန်း ၄,၀၀၀ ဖိုး နီးပါး ထီဆုအဖြစ် ပြန်ပြီးခွဲဝေပေးမှာဖြစ် ပါတယ်။ ဒါပေမဲ့ ဒါပေမဲ့လည်းပေါ့လေ။ ပြည်သူတွေဟာ ထီတစ်စောင်ကို ကျပ် ၂၀၀ နဲ့ ၀ယ်လို့မရတဲ့အတွက် ထီဆုကို အဲဒီ အချိုးအစားအတိုင်း ရမှာတော့မဟုတ်ပါဘူး။ ဒါဆိုရင် ဆက်ပြီးတွက်ကြည့်ရအောင်။

ပြည်သူတွေဟာ ထီကို တစ်စောင် ကျပ် ၂၅၀ ပေးပြီး ၀ယ်ထိုးရတယ် ဆိုပါတော့။ နိုင်ငံတော်က အခွန်ရ မှာ ပြည်သူတွေက ဆုမဲရမှာ အထက်က ပမဏအတိုင်းပဲ အပြောင်းအလဲ မရှိပါဘူး။ ပြည်သူတွေ ပိုပြီး ကုန်ကျမှာက ကျပ်ငွေ သန်း ၁,၈၀၀ ဖြစ်ပြီး အဲဒီငွေတွေအားလုံး ထီကိုယ်စား လှယ်တွေနဲ့ ထီရောင်းချသူ တွေရဲ့ အိတ်ထောင်ထဲ ရောက်သွားမှာဖြစ်ပါတယ်။ နည်းတဲ့ ငွေမဟုတ်ပါဘူး။ ထီလက်မှတ် ၁၀၀ ဖိုး အတွက် အချိုးအစားကလည်း ခုလိုပြောင်းသွားမှာဖြစ်ပါတယ်။ နိုင်ငံတော်က အခွန် ၂၉ ရာခိုင်နှုန်း၊ ထီကုန် သည်နဲ့ ထီရောင်းသူတွေက ၂၇ ရာခိုင်နှုန်း၊ ပြည်သူတွေကို ပြန်ပြီး ထီမဲခွဲပေးမှာက ၄၄ ရာခိုင် နှုန်းပဲ ရှိပါ တော့တယ်။ ဒါပေမဲ့ ပြည်သူတွေဟာ ဒီလောက်လည်း ကံမကောင်းပြန်ပါဘူး။ အကြောင်းကထီတစ်စောင် ကျပ် ၂၅၀ နဲ့ ၀ယ်ခွင့်ရတာ ခပ်ရှားရှားပါ။

အများစုက ကျပ်ငွေ ၃၀၀ လောက်လို့ ပြောကြပါတယ်။ ထီတစ်စောင် ကျပ်ငွေ ၃၀၀ နဲ့ ထိုးရရင် ဘယ်လို ဖြစ်သွားမလဲ။ ကြည့်ကြရအောင်ပါ။ ထီတစ်စောင် ကျပ် ၂၀၀ နှုန်းနဲ့ နှိုင်းယှဉ်ရင် ပြည်သူတွေပိုပြီး ကုန်ကျ မှာက ကျပ်ငွေ သန်း ၃,၆၀၀ ဖြစ်ပြီး အဲဒီငွေတွေအားလုံး ထီကိုယ်စားလှယ်တွေ နဲ့ ထီရောင်းချ သူတွေရဲ့ အိပ်ထောင်ထဲ ရောက်သွားမှာ ဖြစ်ပါတယ်။ အလွန့်အလွန်များတဲ့ ငွေပမာဏကြီးပါ။ ထီလက်မှတ် ၁၀၀ ဖိုးအတွက် အချိုးအစားကလည်း ခုလို ပြောင်းသွားမှာ ဖြစ်ပါတယ်။ နိုင်ငံတော်က အခွန် ၂၄ ရာခိုင်နှုန်း၊ ထီကုန်သည်နဲ့ ထီ ရောင်းသူတွေက ၃၉ ရာခိုင်နှုန်း၊ ပြည်သူတွေကို ပြန်ပြီး ထီမဲခွဲပေးမှာက ၃၇ ရာခိုင် နှုန်းပဲ ရှိပါတော့တယ်။

အဲဒီစာရင်းကို ပြန်ကြည့်ရင် အစိုးရရဲ့ ထီရောင်းချမှုစနစ်အောက်မှာ ပြည်သူတွေ ဘယ်လောက် ခေါင်းပုံ အဖြတ် ခံနေရသလဲ၊ ထီကိုယ်စားလှယ်ကြီးတွေနဲ့ ထီရောင်းသူတွေလက်ထဲ ငွေပမာဏ ဘယ်လောက် ရောက်သွားပြီလဲ တွေ့ကြရမှာပါ။ ထီတစ်စောင် ကျပ် ၃၀၀ နဲ့ ထိုးရရင် အဲဒီငွေ အများစု ထီကုန်သည်တွေ နဲ့ ထီရောင်းသူ တွေလက်ထဲရောက်သွားနေတာပါ။ ထီ အက္ခရာ အလုံး ၄၀ ဆိုရင် အဲဒီထီကုန်သည်တွေ အမြတ်ရတာ တစ်လ ကျပ်သန်း ၄,၂၀၀ လောက် ရှိနေပါတယ်။ တစ်နှစ်ဆို ကျပ် ဘီလျံ ၅၀ လောက်ပါ။ အလွန့်အလွန်များပါတယ်။

ဒါကို အသေးစိတ်ထပ်ပြီး တွက်ချက်လို့ ရပါသေးတယ်။ လက်တစ်ဆုပ်စာ ထီ ကိုယ်စားလှယ် အကြီးစား တွေက ဘယ်လောက် ရမယ်၊ လက်တွန်းလှည်းတွေနဲ့ လိုက်ရောင်းတဲ့ များပြားလှတဲ့ ထီရောင်းသူတွေက အချိုးအစား ဘယ်လောက်ရမယ် တွက်နိုင်ပါသေးတယ်။ အဓိက အမြတ်ငွေ အများစုကြီးဟာ လက်တစ် ဆုပ်စာ ထီ ကုန်သည်ကြီးတွေရဲ့ အိတ်ထဲ သပိတ်ဝင် အိတ်ဝင်ရောက်သွားတာပါ။ လုံးဝ အဆုံးအရှုံး အလေအလွင့် မရှိပါဘူး။ ဒီထဲမှာ ထီဖြန့်ဖြူးမှု စနစ်မကောင်း တာရယ်၊ အဂတိ လိုက်စားတာတွေကလည်း ပတ်သက်နေပါသေးတယ်။ နောက်တစ်ကြိမ် ထပ်တင်ပြ ပါဦးမယ်။


အခု ဒီ စာရင်းဇယားတွေ ကြည့်ရင်ပဲ ပြည်သူတွေ ထီထိုးနေတာ ဘယ်သူတွေကို အလုပ်အကျွေးပြုနေ တာလဲ၊ တိုင်းပြည်ကပဲ အခွန်ရနေသလား၊ တကယ်ပဲ ထီဆုတွေကို ခံစားနေရသလားဆိုတာ ရှင်းလင်းပြီ လို့ ယူဆပါတယ်။ ထီဖြန့်ဖြူးမှုစနစ် အမြန်ပြောင်းဖို့ လိုပါပြီ။ ပြည်သူတွေ ထီတစ်စောင် ကျပ် ၂၀၀ သတ် မှတ်ရင် ကျပ် ၂၀၀ နဲ့ ထိုးခွင့်ရဖို့ အစိုးရက စနစ်တကျ စီစဉ်ပေးရမှာ ဖြစ်ပါကြောင်း။

Mizzima

ဆက်ဖတ်ရန်>>>>

Miss Asia Pacific World Organization နှင့် မေမြတ်နိုး၏ မိခင်ဖြစ်သူတို့ ဥပဒေကြောင်းအရ အပြန်အလှန်ရင်ဆိုင်မည်ဟုဆို

စက်တင်ဘာ ၂ ရက်ကပြုလုပ်သည့် သတင်းစာရှင်းလင်းပွဲမြင်ကွင်းအား တွေ့ရစဉ် (ဓာတ်ပုံ-ထက်သျှိုင်း)

Miss Asia Pacific World Organization နှင့် မေမြတ်နိုး၏ မိခင်ဖြစ်သူတို့ ဥပဒေကြောင်းအရ အပြန်အလှန်ရင်ဆိုင်ရန် စီစဉ်ထားသည်ဟု သိရသည်။ Miss Asia Pacific World Organization အနေဖြင့် မေမြတ်နိုးအား ဥပဒေကြောင်းအရ ဆက်လက်လုပ်ဆောင်ရန် စီစဉ်မည်ဖြစ်ကြောင်း၊ ယင်းသို့ ဆောင်ရွက်ရခြင်းမှာ သရဖူပြန်လည်ရယူလိုခြင်းထက် မေမြတ်နိုး၏ လိမ်ညာခဲ့မှုများအတွက်ဖြစ်ကြောင်း ယင်းအဖွဲ့အစည်း၏ Founder တစ်ဦးဖြစ်သူ  Lawrence Choi ထုတ်ဖော်ပြောကြားသည်။
ယင်းကိစ္စ နှင့်ပတ်သက်၍ မေမြတ်နိုး၏မိခင်က ယင်းအဖွဲ့အစည်းအနေဖြင့် ယခုကဲ့သို့လိမ်ညာမှုများ ဆက်လက်ပြုလုပ်နေခြင်းအပေါ် ဥပဒေကြောင်းအရ ဆက်လက်လုပ်ဆောင်သွားမည်ဖြစ်ကြောင်း ပြောကြားသည်။

“စက်တင်ဘာ ၂ ရက်မှာပြုလုပ်ခဲ့တဲ့ မီဒီယာတွေနဲ့ တွေ့ဆုံရှင်းလင်းမှုမှာ ပြောဆိုခဲ့တဲ့ စကားတွေမှာ လိမ်ညာမှုတွေ ပါဝင်နေပါတယ်။ ဒါကြောင့် မေမြတ်နိုးကို တရားစွဲဆိုသွားမှာပါ။ အခုကိစ္စက အာရှနိုင်ငံအသီးသီးမှာ ဖော်ပြနေကြတဲ့ကိစ္စပါ။ ဒီအတွက် တောင်ကိုရီးယားနိုင်ငံရဲ့ ဂုဏ်သိက္ခာက အရေးကြီးပါတယ်။ မြန်မာနိုင်ငံကို ရောက်ရှိနေတဲ့ကိုရီးယားလူမျိုးတွေအတွက်လည်း အရေးကြီးပါတယ်။ ဒါကြောင့် သူလိမ်ညာခဲ့တာတွေအတွက် တရားစွဲဆိုသွားမှာပါ။ မနေ့ကပဲ ကိုရီးယားနိုင်ငံမှာရှိတဲ့ မြန်မာသံရုံးကိုလည်း သွားခဲ့ပြီးပါပြီ။ ကျွန်တော်တို့လက်ထဲမှာ အထောက်အထားတွေ အများကြီးရှိပါတယ်။ ဒါကြောင့် ဥပဒေအတိုင်းပဲ ဆက်လက်ဆောင်ရွက်သွားဖို့ စီစဉ်ထားပါတယ်။ကိုရီးယားမှာရှိတဲ့ အစိုးရအဖွဲ့အစည်းအဆင့်ဆင့်ကိုလည်း တင်ပြသွားမှာပါ။ အဓိကတော့ နှစ်နိုင်ငံကြားမှာရှိတဲ့ ဆက်ဆံရေး၊ ဂုဏ်သိက္ခာနဲ့ တခြားနိုင်ငံအသီးသီးရဲ့အလယ်က ကိုရီးယားနိုင်ငံရဲ့ဂုဏ်သိက္ခာအတွက် ဆက်လက်ဆောင်ရွက်သွားမှာပါ”ဟု Lawrence Choi က ပြောကြားသည်။

ယခုကိစ္စရပ်နှင့်ပတ်သက်၍ မေမြတ်နိုး၏ မိခင်ဖြစ်သူက “မီဒီယာတွေနဲ့တွေ့ဆုံပွဲမှာပြောခဲ့သလိုပါပဲ။ တောင်းပန်စာပေးပို့မယ်ဆိုရင်တော့ သရဖူကိုပြန်ပေးသွားမှာပါ။ အဲဒီလိုမှမဟုတ်ဘဲ ထပ်ပြီး မဟုတ်မှန်တာတွေပြောဆိုနေတဲ့ Lawrence Choi နဲ့ လှနုထွန်းတို့ကို အန်တီ့အနေနဲ့ ဥပဒေအတိုင်းပဲ ရင်ဆိုင်သွားပါမယ်။ သမီးကတော့ အသက်မပြည့်သေးတဲ့အတွက် သူဘာမှဆောင်ရွက်မှာ မဟုတ်ပါဘူး။ အန်တီ့အနေနဲ့တော့ ဥပဒေအတိုင်းပဲ ဆက်လက်ဆောင်ရွက်သွားပါမယ်။ သူတို့ပြောနေတဲ့ ခွဲစိတ်မှုနဲ့ပတ်သက်လို့ သက်သေရှိတယ်ဆိုရင်လည်း တင်ပြလိုက်ပါလို့ပဲပြောချင်တယ်” ဟု ရှင်းလင်းပြောကြားခဲ့သည်။

မေမြတ်နိုးသည် စက်တင်ဘာ ၂ ရက်တွင် မီဒီယာများနှင့် တွေ့ဆုံပွဲပြုလုပ်ခဲ့ပြီး နောက် Miss Asia Pacific World Organization အနေဖြင့် တစ်ကိုယ်လုံးကို ပလတ်စတစ်ဆာဂျရီလုပ်ကာ စပွန်ဆာများအား အဖော်လုပ်ပေးရန်၊ ဧည့်ခံဖျော်ဖြေရန်၊ အတင်းအကျပ်စေခိုင်းမှုများရှိခြင်း၊ မိခင်ဖြစ်သူအား မြန်မာနိုင်ငံသို့အတင်းပြန်စေပြီး မိမိတစ်ဦးတည်းသာနေခဲ့ရန် စေခိုင်းခြင်းများကြောင့် မြန်မာနိုင်ငံသို့ပြန်လာရခြင်းဖြစ်ပြီး ယင်းအဖွဲ့အစည်းမှ ထုတ်ဖော်ပြောဆိုထားသကဲ့သို့ ရင်သားခွဲစိတ်ပြုပြင်မှု ပြုလုပ်ထားသည်ဟုဆိုခြင်းမှာ လုံးဝမဟုတ်မှန်ကြောင်း ငြင်းဆိုခဲ့သည်။ ယင်းအတွက်  အဆိုပါအဖွဲ့အစည်းမှ တရားဝင်တောင်းပန်စာ ပေးပို့မှသာ သရဖူပြန်လည်ပေးအပ်သွားမည်ဖြစ်ပြီး ယင်းသို့မဟုတ်ပါက ဥပဒေကြောင်းအရ ဆက်လက်ပြုလုပ်သွားမည်ဟု ပြောကြားထားခဲ့သည်။

Eleven

ဆက်ဖတ်ရန်>>>>

အယ်လ်ကေးဒါးခေါင်းဆောင်က အိန္ဒိယတိုက်ငယ်တွင် အဖွဲ့ခွဲသစ် ထူထောင်ပြီး မြန်မာနှင့်ဘင်္ဂလားဒေ့ရ်ှတို့၌ တိုက်ခိုက်မှုများ ပြုလုပ်သွားမည်ဟု ကြေညာ

၂၀၁၁ ခုနှစ် မေ ၃ ရက်က အမ်ရစ်ဆာမြို့တွင် အိန္ဒိယ ဆစ်ခ်အမျိုးသားတစ်ဦး မျက်နှာဖုံးတွင် ဘင်လာဒင်သတ်ဖြတ်ခံရသည့်အကြောင်း ဖော်ပြထားသော သတင်းစာကို ဖတ်နေစဉ်

အယ်လ်ကေးဒါးခေါင်းဆောင် အေမင်အယ်လ်ဇာဝါဟီရီက အိန္ဒိယတိုက်ငယ် (အိန္ဒိယ၊ ပါကစ္စတန်နှင့် ဘင်္ဂလားဒေ့ရ်ှတို့) တွင် အားသစ်လောင်းလျက် လှုပ်ရှားမှုများ ချဲ့ထွင်သွားရန်အတွက် အယ်လ်ကေးဒါးအဖွဲ့ခွဲသစ်တစ်ခုကို စတင်ထူထောင်လိုက်ကြောင်း စက်တင်ဘာ ၃ ရက်က ကြေညာခဲ့သည်။

အယ်လ်ကေးဒါး ထိပ်တန်းခေါင်းဆောင်များ ပုန်းအောင်းနေသည်ဟု ယူဆရသော အာဖဂန်နှင့် ပါကစ္စတန်တို့တွင် အယ်လ်ကေးဒါးအဖွဲ့ သက်ဝင်လှုပ်ရှားလျက်ရှိသော်လည်း အသစ်ဖွဲ့စည်းလိုက်သော အယ်လ်ကေးဒါးအဖွဲ့ခွဲဖြစ်သည့် Qaedat alJihad သည် အိန္ဒိယ၊ မြန်မာနှင့် ဘင်္ဂလားဒေ့ရ်ှတို့ တွင် တိုက်ခိုက်မှုပြုလုပ်မည်ဟု ဇာဝါဟီရီက အယ်လ်ကေးဒါးမီဒီယာအဖွဲ့ AsSahab Media Foundation မှ ဖန်တီးသော ၅၅ မိနစ်ကြာမြင့်သည့် ဗီဒီယိုတစ်ခုတွင် ပြောကြားထားကြောင်း အကြမ်းဖက်မှုစောင့်ကြည့်ရေးအဖွဲ့ (SITE) က ထုတ်ပြန်ခဲ့သည်။

ကက်ရ်ှမီးယားနှင့် မြန်မာတို့တွင် ဖြစ်ပွားနေသော မငြိမ်သက်မှုများကို အသုံးချပြီး ၎င်းတို့အဖွဲ့ ရေပန်းစား မှုပြန်လည်ရ ရှိစေရန် ကြိုးပမ်းသွားမည်ဖြစ်ကြောင်း ဇာဝါဟီရီက ပြောကြားခဲ့သည်။ ရန်သူများကို တိုက်ခိုက်ရန်၊ နယ်မြေများကို လွတ်မြောက်အောင်လုပ်ဆောင်ရန်၊ မွတ်စလင်ပိုင်နက်များ၏ အချုပ်အခြာ အာဏာ ပြန်လည်ဖော်ဆောင်ရန်အတွက် ဂျီဟတ်များ ညီညွတ်ကြရန် ဇာဝါဟီရီက မွတ်စလင်နိုင်ငံများကို တိုက်တွန်းခဲ့သည်။ ထို့ပြင် အာဖဂန်တာလီဘန်ခေါင်းဆောင် မူလာမူဟာမက်အိုမာနှင့် ပါကစ္စတန်ထိပ်တန်း စစ်သွေးကြွခေါင်းဆောင်  အဆင်အူမာတို့၏ ခေါင်းဆောင်မှုများကိုလည်း ယင်းအဖွဲ့ခွဲသစ်က အသိအမှတ်ပြုသွားမည်ဖြစ်ကြောင်း ဇာဝါဟီရီကပြောကြားခဲ့သည်။

ယင်းဒေသအတွင်း မွတ်စလင်လူထုကို တကွဲတပြားစီဖြစ်စေသည့် နယ်နိမိတ်သတ်မှတ်ချက်များကို အဆိုပါအဖွဲ့ခွဲက ဖြိုခွဲသွားမည်ဟု  ဇာဝါဟီရီကပြောကြားခဲ့သည်။  ယခုအဖွဲ့သစ်ကို ယနေ့တစ်နေ့တည်းဖြင့် ဖွဲ့စည်းလိုက်ခြင်းမဟုတ်ကြောင်း၊ အိန္ဒိယတိုက်ငယ်ဒေသရှိ မူဂျာဟစ်ဒင်များကို တစ်စုတစ်စည်းတည်း စုပေါင်းရန် အချိန် နှစ်နှစ်ကျော်ကြာ ကြိုးပမ်းမှု၏ရလဒ်ဖြစ်ကြောင်း ၎င်းက ပြောကြားခဲ့သည်။

အယ်လ်ကေးဒါးခေါင်းဆောင် အေမင်အယ်လ်ဇာဝါဟီရီ (Photo: AFP)

အိုစမာဘင်လာဒင် စတင်ထူထောင်ခဲ့သော အယ်လ်ကေးဒါးအဖွဲ့သည် မွတ်စလင်ဒေသများကို တစ်ခုတည်းသောနိုင်ငံအဖြစ် ထူထောင်နိုင်ရေးအတွက် တိုက်ခိုက်နေကြသော ဂျီဟတ်များ၏ ခေါင်းဆောင်ဖြစ်သည်ဟု ထုတ်ပြန်ကြေညာထားခဲ့သည်မှာ ကာလကြာခဲ့ပြီဖြစ်သည်။ ဘင်လာဒင်သည် ၂ဝ၁၁ ခုနှစ် မေတွင် ပါကစ္စတန်၌ အမေရိကန်အထူးတပ်ဖွဲ့ဝင်များ၏ စီးနင်းတိုက်ခိုက်မှုကြောင့် သေဆုံးခဲ့ပြီး နောက်ပိုင်း အယ်လ်ကေးဒါးအဖွဲ့ အနည်းငယ်မှေးမှိန်သွားခဲ့သော်လည်း အာဖရိကနှင့် အာရေဗျကျွန်းဆွယ် အဖွဲ့ခွဲသည် ယခုအခါ အီရတ်နှင့် ဆီးရီးယားတွင်တိုက်ခိုက်နေသော အစ္စလာမ္မစ်နိုင်ငံတော် (IS) ဟု မိမိဘာသာသာ ကြေညာထားသောအဖွဲ့အဖြစ် သီးခြားရပ်တည်နေသည်။

အေအက်ဖ်ပီသတင်းဌာနမှ ဖော်ပြရာတွင် မြန်မာနိုင်ငံမှ သက်ဆိုင်ရာအာဏာပိုင်များကို မေးမြန်းခဲ့ရာ၌ ဇာဝါဟီရီ၏ တိုက်ခိုက်ရန် လှုံဆော်မှုများကို သူတို့သတိမပြုမိကြောင်းနှင့် မြန်မာနိုင်ငံတွင် အကြမ်းဖက်မှုသည် အစွန်းရောက်အစ္စလာမ်ဟူသော အကြောင်းအရာနှင့် ဆက်နွှယ်ပုံမရကြောင်း ပြောကြားခဲ့သည်ဟု ဆိုသည်။မြန်မာလုံခြုံရေးတပ်များက သူတို့သည် ရိုဟင်ဂျာသွေးစည်းညီညွတ်ရေးအဖွဲ့ (RSO) အဖွဲ့ကို ဘင်္ဂလားဒေ့ရ်ှနယ်စပ်အနီး၌ ပြန်လည်အသက်သွင်းခဲ့ကြောင်း အထောက်အထားများ ရရှိထားသည် ဟုဆိုသည်။ သို့သော် ယင်းသည် ဘာသာရေးဆိုင်ရာ အစွန်းရောက်ဝါဒနှင့် စဉ်ဆက်မပြတ်ဆက်နွှယ်နေမှုမရှိကြောင်းနှင့် ကျွမ်းကျင်သူအများအပြားက RSO သည် အသက်ကင်းမဲ့နေသည်မှာ ကာလကြာခဲ့ပြီဖြစ်သည့်အဖွဲ့ဖြစ်သည်ဟု ယုံကြည်ကြကြောင်း အေအက်ဖ်ပီသတင်းဌာန၌ ဖော်ပြထားသည်။

ယခုထွက်ပေါ်လာသော သတင်းနှင့်ပတ်သက်၍ မြန်မာနိုင်ငံသမ္မတရုံးမှ အကြီးတန်းအရာရှိတစ်ဦးက “အကြမ်းဖက်တိုက်ဖျက်ရေးနဲ့ ပတ်သက်တဲ့ အမျိုးသားလုံခြုံရေးကို ဆောင်ရွက်ရာမှာ နိုင်ငံတစ်နိုင်ငံတည်း သီးခြားဆောင်ရွက်လို့ မပြည့်စုံနိုင်ပါဘူး။ နိုင်ငံတကာနဲ့ ပူးပေါင်းဆောင်ရွက်မှုတွေ လုပ်ဆောင်သွားရမှာ ဖြစ်ပါတယ်။ အိန္ဒိယတိုက်ငယ်သာမက ကမ္ဘာကြီးတစ်ခုလုံးက အကြမ်းဖက်တိုက်ဖျက်ရေးလှုပ်ရှားမှုတွေနဲ့ ပေါင်းစည်းဆောင်ရွက်သွားရမှာ ဖြစ်ပါတယ်။ အထူးသဖြင့် အကြမ်းဖက်အဖွဲ့အစည်းတွေ ရဲ့လှုပ်ရှားမှုတွေနဲ့ပတ်သက်တဲ့ သတင်းအချက်အလက်တွေ ဖလှယ်နိုင်ဖို့ မျှဝေနိုင်ဖို့အတွက် Early Warning System တစ်ခုကို ထူထောင်ထားရှိရာမှာ မြန်မာနိုင်ငံဟာလည်း ပူးပေါင်းပါဝင်လျက်ရှိပါတယ်”ဟု The Daily Eleven သတင်းစာသို့ ပြောကြားခဲ့သည်။

Eleven

ဆက်ဖတ်ရန်>>>>

အွန်လိုင်းထဲရောက်လာတဲ့ မေမြတ်နိုးဓာတ်ပုံတချို့

 အငြင်းပွားမှုတွေဖြစ်နေတဲ့ မေမြတ်နိုး၊ တောင်ကိုရီးယားအခြေစိုက် Miss Asia Pacific World အဖွဲ့အစည်းတို့နဲ့ ပတ်သက်ပြီး စိတ်ဝင်စားဖွယ် ဓာတ်ပုံတချို့ အွန်လိုင်းထဲ ရောက်လာပါတယ်။
ဒီပုံတွေကို ဘယ်သူတွေက ဘာရည်ရွယ်ချက်နဲ့ တင်တာလဲ၊ ပုံတွေအားလုံးက အစစ်အမှန်လား၊ ဘယ်တုန်းက ဘယ်မှာ ရိုက်ကူးထားတာလဲ ဆိုတာကတော့ ဘာမှ မသိရပါ။

ပြီးခဲ့တဲ့ရက်ပိုင်းအတွင်းမှာတော့ ... Miss Asia Pacific World အဖွဲ့အစည်းက သူ့ကို သူခိုး၊ လိမ်ညာသူ လို့ ပြောဆိုခဲ့မှုတွေကို ပြန်တောင်းပန်မှ သရဖူကို ပြန်အပ်မယ်လို့လည်း မေမြတ်နိုးက ပြောထားပါတယ်။
နောက်ပြီး ရင်သားခွဲစိတ်မှုကိုလည်း မပြုလုပ်ခဲ့ဘူးလို့ မေမြတ်နိုးက ငြင်းဆိုထားတာပါ။

မေမြတ်နိုးနဲ့ပတ်သက်တဲ့ အသက် ကိုလည်း အလှမယ် ပြိုင်ပွဲ စတင်ကတည်းက အမှန်အတိုင်း ၁၆ နှစ် အဖြစ် ရှင်းရှင်းလင်းလင်း ဖော်ပြထားတယ်လို့ ဆိုလိုချင်တဲ့သဘောကို ဓာတ်ပုံတပုံမှာ တွေ့ရပါတယ်။

နောက်တချက်က ရင်သားအစားထိုး ဖို့ အတင်းဖိအားပေးခံခဲ့ရတယ်လို့ မေမြတ်နိုးဘက်က ပြောဆိုခဲ့ပြီး ရင်သားခွဲစိတ်မှု မလုပ်ခဲ့ဘူးလို့ ငြင်းဆိုထားမှုတွေကို စဉ်းစားစရာဖြစ်သွားနိုင်မယ့် ဓာတ်ပုံလည်း ပါပါတယ်။
အဲဒီ ခွဲစိတ်ခန်းလိုလို၊ ကျန်းမာရေးဝန်ဆောင်မှုတခုခုပေးတဲ့အခန်းလိုလိုမှာ တွေ့ရတဲ့ အမျိုးသမီးက မေမြတ်နိုးနဲ့ ဆင်တူပါတယ်။ သူလည်း ဖြစ်နိုင်သလို တခြားတယောက်လည်း ဖြစ်နိုင်ပါတယ်။

ကိုရီးယားမယ်ပြိုင်ပွဲအဖွဲ့ကတော့ မေမြတ်နိုးရဲ့အလှအပအတွက် ခွဲစိတ်ပြုပြင်ရေးကျွမ်းကျင်သူ ဆယ်ဦးကို အပ်ထားခဲ့တယ်လို့ ပြောထားတာကို http://blog.irrawaddy.org/2014/09/blog-post_62.html မှာ ရေးထားပါတယ်။ ကျွမ်းကျင်သူ ၁ဝ ဦး စီစဉ်ထားတယ် ဆိုတော့လည်း ဒီအခန်းဟာ ခွဲစိတ်ခန်း ဟုတ်ပါ့မလားလို့လည်း သံသယ၀င်စရာ ဖြစ်ပါလိမ့်မယ်။

ဒီစာအုပ်ဟာ လွန်ခဲ့တဲ့ လအနည်းငယ်ကတည်းက ဖော်ပြထားတဲ့ အလှမယ် ပြိုင်ပွဲနဲ့ပတ်သက်ပြီး အလှမယ်တဦးချင်းစီ အကြောင်းရေးထားတဲ့ စာအုပ်၊ မေမြတ်နိုးနဲ့ပတ်သက်တဲ့ ရေးသားဖော်ပြချက်၊ အသက် ၁၆ နှစ်လို့ တရားဝင် ဖော်ပြထားတဲ့ မှတ်တမ်း စာအုပ်လို့ ယူဆနိုင်ပါတယ်။

စားပွဲပုံစံအရ ဆိုရင် ဒါဟာ ဝန်ဆောင်မှုတခုခုပေးတဲ့ဌာနတခုခုရဲ့ ဧည့်ခန်းဖြစ်ပါလိမ့်မယ်
ဒါက မေမြတ်နိုး နဲ့ သူ့မိခင် ဖြစ်ပါလိမ့်မယ် အလှမယ် မေမြတ်နိုးနဲ့ ကိုရီးယားအဖွဲ့ကြား ပဋိပက္ခက အင်မတန် ရှုပ်ထွေးပါတယ်။ နှစ်ဘက်စလုံးက ငါ့ဘက်က မမှား၊ သူ့ဘက်ကသာ မှားတယ်လို့ ပြောနေကြတာပါ။ ဒီပဋိပက္ခအကြောင်း နောက်ဆက်တွဲတွေ ထပ်လာဦးမယ်လို့ ယူဆရပါတယ်။

အိမ့်သံစဉ်
ဧရာဝတီ

ဆက်ဖတ်ရန်>>>>

ရွှံ့မီးတောင်မှချော်ရည်များဆက်လက်ထွက်နေပြီး ပျက်စီးသောလယ်ဧကမြင့်တက်

ရွှံ့မီးတောင်မှ ချော်ရည်များ စီးဆင်းလာစဉ် (ဓာတ်ပုံ - ကိုထွန်းလွင် (ကျောက်ဖြူ))

ကျောက်ဖြူမြို့နယ် ရှောက်ချောင်း ကျေးရွာတွင် ပေါက်ကွဲခဲ့သည့် ရွှံ့မီးတောင်မှာ ငါးရက်မြောက်နေ့အထိ ချော်ရည်များထွက်နေဆဲဖြစ်ပြီး ပျက်စီးသည့် လယ်ဧကစာရင်းမြင့် တက်နေကြောင်း မြို့နယ်ကျေးလက် ဒေသဖွံ့ဖြိုးရေးအသင်းမှသတင်း ရရှိသည်။

ရှောက်ချောင်း ကျေးရွာရှိ နဂါးရွှံ့မီးတောင်မှာ သြဂုတ် ၃၁ ရက်ကပေါက်ကွဲခဲ့ပြီး စက်တင် ဘာ ၄ ရက်ညနေအထိ ချော်ရည် များထွက်နေဆဲဖြစ်သောကြောင့် အနီးပတ်ဝန်းကျင်ကျေးရွာရှိစပါး စိုက်လယ်ဧက သုံးရာကျော်ကို ချော်ရည်များဖုံးလွှမ်းနေကြောင်း ကျောက်ဖြူမြို့နယ် ကျေးလက် ဒေသဖွံ့ဖြိုးရေးအသင်းပြန်ကြား ရေးတာဝန်ခံ ဦးကျော်ဝင်းကပြော သည်။

‘‘ထွေ/အုပ်နဲ့မြေစာရင်းက တော့ ပျက်စီးလယ်ဧကစာရင်း တွေ လာကောက်တယ်။ ပထမ တော့ ဧကသုံးဆယ်လောက်ပဲ ပျက်မယ်ထင်တာ။ အခုကတော့ ချော်ရည်တွေက တဖြည်းဖြည်း ချင်းထွက်နေသေးပြီး ဘေးပတ် ချာလည်မှာရှိတဲ့ လယ်တွေရော၊ စားကျက်မြေတွေပေါ်ကိုရော စီး နေတုန်းပဲ’’ဟု ၎င်းကပြောသည်။

နဂါးရွှံ့မီးတောင်ပတ်ဝန်း ကျင်တွင် ရှောက်ချောင်း၊ စည် မော်နှင့် ကြတ္တိန်ကျေးရွာများရှိနေ ပြီး ရှောက်ချောင်းကျေးရွာတွင် အဆိုးရွားဆုံးရင်ဆိုင်နေရ၍ပျက်စီး လယ်ဧကစာရင်းကို ကောက်ယူနေဆဲဖြစ်ကြောင်း မြို့နယ်ထွေ/အုပ်ရုံးတာဝန်ရှိသူတစ်ဦးကပြောသည်။ ကျောက်ဖြူ မြို့နယ်ကျေးလက်ဒေသဖွံ့ဖြိုးရေးအသင်းမှ ကောက်ယူထားသော စာရင်းအရ ရှောက်ချောင်းကျေးရွာရှိ တောင်သူ ၄၀ ဦး၏ လယ်ဧက ၉၀ ကျော် ပျက်စီးခဲ့ကြောင်း သတင်းရရှိသည်။

‘‘ဒီရက်ပိုင်း မိုးကရွာနေ တော့ပိုဆိုးတယ်။ ချော်ရည်တွေက မိုးရေနဲ့အတူမျောပါလာပြီး လယ်ကွင်းတွေထဲဝင်နေတုန်းပဲ။ ရေနံစိမ်းနံ့တွေလည်းရတယ်။ ဒီနှစ်လယ်ကတော့ ပြန်စိုက်ဖို့ မလွယ်ဘူး’’ဟု ရှောက်ချောင်းကျေးရွာမှ တောင်သူတစ်ဦးက ပြောသည်။

နဂါးရွှံ့မီးတောင်မပေါက်ကွဲ မီနှစ်ရက်ခန့်အလိုက မီးတောင် အတွင်းမှ ဆူညံသံများကြားခဲ့ရ ပြီး ဒေသခံများက ပေါက်ကွဲတော့ မည်ကိုသိနေသော်လည်း အစိုးရ ပိုင်းက ကြိုတင်သတိပေးမှုမလုပ်ခဲ့ ကြောင်း ဒေသခံများကပြောသည်။ နဂါးရွှံ့မီးတောင်အနီးတွင် ဆိုင် ကဒိန်ရွှံ့မီးတောင်နှင့် ကြတ္တိန်ရွှံ့မီးတောင်များလည်းရှိနေပြီး ကျောက်ဖြူမြို့အနီးပတ်ဝန်းကျင်တွင် ရွှံ့မီးတောင်သုံးလုံးရှိနေသည်။


7Day Daily

ဆက်ဖတ်ရန်>>>>

မြန်မာကို တိုက်ခိုက်မည်ဟု အယ်လ်ခိုင်ဒါ ခြိမ်းခြောက်

ရန်ကုန်၊ စက်တင်ဘာ ၄

အိုစမာဘင်လာဒင် စတင်တည်ထောင်ခဲ့သည့် အစ္စလာမ်မစ်အစွန်းရောက် အယ်လ်ခိုင်ဒါအဖွဲ့က မြန်မာနိုင် ငံကိုတိုက်ခိုက်မည်ဟု အယ်ခိုင်ဒါမီဒီယာကထုတ်ပြန်ထားသည့် ဗီဒီယိုတစ်ခုတွင် စက်တင်ဘာ ၃ ရက်က ခြိမ်းခြောက်ပြောဆိုလိုက်သည်။

၅၅ မိနစ်ကြာဗီဒီယိုဖိုင်ကို အကြမ်းဖက်မူဝါဒ စောင့်ကြည့်လေ့လာရေး အဖွဲ့ (SITE) က အွန်လိုင်းဂျီဟတ်ဝါဒီ ဆွေးနွေးမှုများထဲ၌ တွေ့ရှိ ခဲ့ခြင်းဖြစ် ပြီး ခေါင်းဆောင် အေမန်အယ်လ်ဇ၀ါဟရီက မြန်မာနိုင်ငံ အပါအ၀င် ဘင်္ဂလားဒေ့ရ်ှနှင့် အိန္ဒိယနိုင်ငံ များတွင် တိုက်ခိုက်မှုများ ပြုလုပ်သွားမည် ဟု ပြောဆိုလိုက်ခြင်းဖြစ်သည်။

အယ်လ်ခိုင်ဒါသည် လက်ရှိတွင် အာဖဂန်နစ္စတန်နှင့် ပါကစ္စတန်နိုင်ငံများတွင် အားကောင်းနေဆဲဖြစ်ပြီး ဗီဒီယိုဖိုင်အတွင်း အဓိကပြောဆိုချက်မှာ အိန္ဒိယနိုင်ငံတွင် အယ်လ်ခိုင်ဒါ ဂိုဏ်းခွဲတစ်ခု ဖွင့်လှစ်လိုက်သည့် အချက်ဖြစ်သည်။

“ဂိုဏ်းခွဲကို ဒီနေ့တည်ထောင်လိုက် တာတော့ မဟုတ်ပါဘူး။ ဒါပေမဲ့ အိန္ဒိယ တိုက်ငယ်ထဲက မူဂျာဟစ်ဒင် တွေတစ်စုတည်း ဖြစ်လာအောင် စုစည်းဖို့ လွန်ခဲ့တဲ့ နှစ်နှစ်ကျော် ကတည်းက အားထုတ်မှုရဲ့ အသီးအပွင့် တစ်ခုဖြစ်ပါတယ်”ဟု အယ်လ်ဇ၀ါဟရီက ဗီဒီယိုဖိုင်တွင် ပြောဆိုထားသည်။

မြန်မာအစိုးရဘက်မှ တုံ့ပြန်မှု

အဆိုပါ ဗီဒီယိုဖိုင်သတင်းများ ပြန့်နှံ့သည့် စက်တင်ဘာ ၄ ရက်က နာရီပိုင်းအတွင်း သမ္မတရုံးညွှန်ကြား ရေးမှူးဦးဇော်ဌေး (မှူးဇော်)က “အယ်လ်ခိုင်ဒါဂျီဟတ် စိုးရိမ်စရာမရှိသေး” ဟု ၎င်း၏ ဖေ့စ်ဘွတ် စာမျက်နှာ တွင်ရေးသားသည်။

ထို့ပြင် မြန်မာအစိုးရအနေနှင့် အကြမ်းဖက် တိုက်ခိုက်မှုများ၏ပစ်မှတ်ဖြစ်လာနိုင်သည်ကို လွန်ခဲ့သည့် နှစ် အနည်းငယ်က ကြိုတင်သိရှိသည်ဟု ၎င်းကဆိုသည်။“ပြင်ဆင်မှုတွေကို တပ်မတော်နဲ့ လုံခြုံရေးအဖွဲ့အ စည်းတွေအားလုံး အလေးထားလုပ်ဆောင်ခဲ့ပါတယ်။ အယ်လ်ခိုင်ဒါ ကွန်ရက်ပျံ့နှံ့စီးဆင်း လည်ပတ်မှုတွေ ကိုလေ့လာပြီး ၀င်ရောက်လာနိုင်တဲ့ လမ်းကြောင်းတွေကို ကြိုတင်သတ်မှတ်ဆောင်ရွက်ခဲ့ပါတယ်”ဟု ဦး ဇော်ဌေးက ဆိုသည်။
ထို့ပြင် အယ်လ်ခိုင်ဒါသတင်းနှင့် ပတ်သက်၍ ရခိုင်ပြည်နယ်အစိုးရအဖွဲ့ သတင်းထုတ်ပြန်ရေးကော်မတီ အတွင်းရေးမှူး ဦးဝင်းမြိုင်က “ရခိုင်ပြည်နယ်မှာ လုံခြုံရေး အပြည့်အ၀ ယူထားပါတယ်။ ပြည်သူလူထု စိုးရိမ် မှုကင်းအောင် ရုပ်မြင်သံကြားကတစ်ဆင့် သတင်းထုတ်ပြန်ပေးမယ့် အစီအစဉ်လည်း ရှိပါတယ်။ လုံခြုံရေး တာဝန်ရှိသူတွေက အသေးစိတ်ထုတ်ပြန်ပါလိမ့်မယ်”ဟု မဇ္ဈိမကို ပြောသည်။

အယ်လ်ခိုင်ဒါနှင့် ပတ်သက်သည့် အခြားအမြင်များ

အစ္စလာမ်သာသနာရေးကောင်စီအဖွဲ့ဝင် ဦးလှဝင်းက “ဒါမျိုးကို လက်ခံလို့မရဘူးလေ။ သတင်းရရင်တော့ ကျွန်တော်တို့ အစ္စလာမ်ကောင်စီ အနေနဲ့ ဆွေးနွေးပွဲ လုပ်ပြီး ကန့်ကွက်ဆန့်ကျင်တဲ့အကြောင်း ထုတ်ပြန် ရမှာပေါ့”ဟု မဇ္ဈိမကို ပြောသည်။

အမျိုးသားလွှတ်တော်အမတ် ဒေါက်တာအေးမောင်က “နယ်စပ်လုံခြုံရေးနဲ့ ပင်လယ်ပြင်လုံခြုံရေးကို အ လေးအနက်ထား ကာကွယ်ပေးဖို့လိုပါတယ်။ ပြီးတော့ ဘင်္ဂလားဒေ့ရ်ှနဲ့ ဆက်သွယ်နေတဲ့ ကုန်စည် စခန်း တွေကိုတောင် ပိတ်သင့်ရင် ပိတ်တာမျိုး ဖြစ်သင့်တယ်။ ရခိုင်နယ်စပ်မှာ တိုက်ခိုက်မှုတွေဖြစ်တဲ့ RSO အဖွဲ့နဲ့ ဆက်စပ်မှု မရှိဘူးလို့ မပြောနိုင်ဘူးလေ”ဟု ဆိုသည်။

မောင်တော နယ်စပ်ခြံစည်းရိုးမိုင်တိုင် ၅၀၊ ၅၂ အနီးတွင် မေလအတွင်းက အမည်မသိလက်နက်ကိုင်အ ဖွဲ့တစ်ခုနှင့် မြန်မာစစ်တပ်တို့အကြား ပစ်ခတ်မှု သုံးကြိမ်ဖြစ်ပွားခဲ့ပြီး နှစ်ဖက်အဖွဲ့အစည်းမှ တပ်သားခုနစ် ဦးကျဆုံးခဲ့သည်။ ထိုဖြစ်စဉ်များနှင့်ပတ်သက်ပြီး မြန်မာအစိုးရဘက်က ဘင်္ဂလားဒေ့ရ်ှနိုင်ငံ အခြေစိုက် သောင်းကျန်းသူတပ်ဖွဲ့ (RSO)ဟု စွပ်စွဲထားသည်။

ရခိုင်ပြည်နယ်တွင် ပင်လယ်ရေကြောင်းလုံခြုံရေးတပ်ဖွဲ့များကို မြို့နယ်အချို့တွင် ဖွဲ့စည်းထားပြီး ကင်းလှည့် ရေယာဉ်များဖြင့် ကြပ်မတ်လျက် ရှိသည် ဟု ပြည်နယ်အစိုးရက ပြောကြားထားသည်။ရခိုင်ပြည်နယ် နယ် စပ်လုံခြုံရေး မကျိုးပေါက်စေရန် ကြည်း၊ ရေ၊ လေတပ်ဌာနချုပ် အပါအ၀င် နယ်နိမိတ်မျဉ်း တစ်လျှောက် ကာကွယ်ရေးနှင့် လုံခြုံရေးအစီအမံများ ဆောင်ရွက်ထားသည်ဟု ပြည်ထဲရေး ၀န်ကြီးဌာန ဒု-၀န်ကြီး ဗိုလ် ချုပ်ကျော်ကျော်ထွန်း က အမျိုးသားလွှတ်တော်တွင် ဇူလိုင်လအတွင်းက ပြောကြားထားသည်။

အယ်ခိုင်ဒါအကြောင်း အကျဉ်း

အယ်လ်ခိုင်ဒါအဖွဲ့သည် ဆွန်နီစစ်သွေးကြွများဖြစ်ပြီး ၎င်းတို့အဓိက အသုံးပြုသည့် တိုက်ခိုက်နည်းများမှာ အသေခံ ဗုံးခွဲခြင်းပြုလုပ်လေ့ ရှိသည်။ အယ်လ်ခိုင်ဒါ အဖွဲ့၏ နာမည်ကြီး တိုက်ခိုက်မှုများမှာ ၂၀၀၁ ခုနှစ် စက်တင် ဘာ ၁၁ ရက်က အမေရိကန်နိုင်ငံ ကမ္ဘာ့ကုန်သွယ်ရေးဗဟိုဌာန (WTC) ကို လေယာဉ်ပြန်ပေး ဆွဲကာတိုက်ခိုက်ခဲ့ခြင်းဖြစ်ပြီး ၁၉၉၈ အမေရိကန် သံရုံးဗုံးခွဲခြင်းနှင့် ၂၀၀၂ ခုနှစ် အင်ဒိုနီးရှားနိုင်ငံဘာလီ မြို့ ဗုံးဖောက်ခွဲမှုတို့ဖြစ်သည်။

နိုင်ငံတကာ သတင်းဌာနများဖြစ်သည့် CNN နှင့် နယူးယောက်တိုင်း(မ်) သတင်းဌာနများ၏ ရေးသားချက် များအရ အယ်လ်ခိုင်းဒါ၏ ယခုဗီဒီယိုဖိုင်အ တွင်း ပြောဆိုချက်သည့် ၏ အင်အားတိုးပွားလာမှုကို တိုက် ဖျက်နိုင်ရေးအတွက် အင်အားသစ်များ၊ နောက်လိုက်အသစ်များ စုဆောင်းရန် ၀ါဒဖြန့်ခြင်းဟု ဆိုသည်။

Mizzima

ဆက်ဖတ်ရန်>>>>

ရခိုင်ပြည်နယ်၌ နိုင်ငံသားစိစစ်နေချိန်တွင် OIC ရောက်လာခြင်းကို ရခိုင်အမျိုးသားရေး အင်အားစုများ ဝေဖန်

OIC အဖွဲ့ရခိုင်ပြည်နယ်သို့ရောက်ရှိလာစဉ် (ဓာတ်ပုံ − ရခိုင်လူငယ်များအဖွဲ့) 

နိုင်ငံသားပြုခွင့်ရသူများ နှင့် တရားမဝင် ဝင်ရောက်လာသူ များကွဲပြားစေရန် ၁၉၈၂ ခုနှစ် ဥပဒေဖြင့် စိစစ်နေသည့်ကာလ တွင် ရခိုင်ပြည်နယ်သို့ OIC လာ ရောက်ခြင်းသည် ကောင်းသော လက္ခဏာမဟုတ်ကြောင်း အစ္စ လာမ်မစ်နိုင်ငံများပူးပေါင်းဆောင်ရွက်ရေးအဖွဲ့ (OIC)အထူးကိုယ်စားလှယ်နှင့် တွေ့ဆုံ ရာတွင် ရခိုင်အမျိုးသားရေးအင်အားစုများက ပြောကြားလိုက်သည်။

OIC ၏ မြန်မာနိုင်ငံဆိုင်ရာ အထူးကိုယ်စားလှယ် မလေးရှား နိုင်ငံခြားရေးဝန်ကြီးဟောင်းရှိတ် ဟာမစ်အာလ်ဘာဦးဆောင်သော ကိုယ်စားလှယ်အဖွဲ့နှင့် ရခိုင်လူမှု အဖွဲ့အစည်းများ စက်တင်ဘာ ၃ ရက်တွင် စစ်တွေမြို့၌ တွေ့ဆုံခဲ့ ခြင်းဖြစ်သည်။

ယင်းသို့ တွေ့ဆုံရာတွင် ရခိုင်ပြည်နယ်လုံခြုံရေးနှင့် နယ် စပ်ရေးရာ ဝန်ကြီးက ပဋိပက္ခ အလွန်ကာလတွင် ဒေသခံများ အနေဖြင့် UN, INGO, OIC အပါ အဝင်နိုင်ငံတကာအဖွဲ့အစည်း များ၏ လုပ်ရပ်များအပေါ် သံသ ယစိတ်များဖြစ်ပေါ်လာရခြင်းနှင့် ပတ်သက်၍ ရှင်းလင်းပြောကြား ခဲ့ကြောင်း တွေ့ဆုံပွဲတက်ရောက် ခဲ့သူများက ပြောသည်။

‘‘နိုင်ငံသားပြုခွင့်ရသူ၊ တရား မဝင်ခိုးဝင်လာသူ ကွဲပြားအောင် စိစစ်နေတဲ့ အခုလိုအချိန်မျိုးမှာ OIC လာတာ ကောင်းတဲ့လက္ခ ဏာမဟုတ်ဘူး။ ဒါကြောင့် လက် မခံနိုင်ဘူးလို့ ကျွန်တော်က ပြော ခဲ့ပါတယ်’’ ဟု တွေ့ဆုံပွဲတက် ရောက်ခဲ့သော စစ်တွေမြို့မိမြို့ဖ အဖွဲ့ဝင် ဦးသန်းထွန်းက ပြော သည်။

OIC အထူးကိုယ်စားလှယ် ကလည်း သတင်းမှားများကို မယုံ ကြည်၍ လာရောက်လေ့လာခြင်း ဖြစ်ပြီး ၎င်းတို့အနေဖြင့် နိုင်ငံတစ် နိုင်ငံ၏ ပြည်တွင်းရေးကို ဝင် ရောက်စွက်ဖက်ခွင့်မရှိကြောင်း နှင့် မြန်မာနိုင်ငံတွင်လည်း OIC ရုံးခွဲများဖွင့်လှစ်ထားမှုမရှိကြောင်း ပြန်လည် ရှင်းလင်းပြောကြားခဲ့ သည်။

လက်ရှိ အခြေအနေနှင့် အစိုးရ၏ဆောင်ရွက်နေမှုများကို နိုင်ငံတကာသတင်းဌာနများက ထုတ်ပြန်မှုများသည် ဖြစ်ရပ်မှန် နှင့် ကွဲလွဲနေပြီး အပြုသဘော မဆောင်ကြောင်း ရခိုင်ပြည်နယ် ဥပဒေချုပ်က OIC အဖွဲ့သို့ပြော ကြားခဲ့ကြောင်း သတင်းရရှိသည်။

အစ္စလာမ်မစ် နိုင်ငံများ ပူးပေါင်းဆောင်ရွက်ရေးအဖွဲ့ (OIC)ကို ၁၉၆၉ ခုနှစ်က တည်ထောင်ခဲ့ပြီး အဖွဲ့ဝင်နိုင်ငံ ၅၇ နိုင်ငံပါဝင်သည်။

ယမန်နှစ်ကလည်း OIC ရုံးခွဲ မြန်မာနိုင်ငံတွင် လာရောက်ဖွင့် လှစ်မည်ဆိုသည့် သတင်းများ ထွက်ပေါ်ခဲ့ပြီး ကန့်ကွက်ဆန္ဒပြ မှုများ ဖြစ်ပွားခဲ့သည်။

ဆက်ဖတ်ရန်>>>>

အမြန်လမ်းတစ်လျှောက် အန္တရာယ်ရှိသည့် မိုင်တိုင် ၁၄ ခု ထုတ်ပြန်

အမြန်လမ်းတစ်လျှောက် သတိထားမောင်းနှင်ရမည့် အန္တ ရာယ်ရှိသော မိုင်တိုင် ၁၄ ခုကို ပထမဆုံးအကြိမ်အဖြစ် အမြန် လမ်းရဲတပ်ဖွဲ့က သတင်းထုတ် ပြန်သည်။

မိုင်တိုင် ၃၆၆ ခုရှိသည့် အ မြန်လမ်းတစ်လျှောက် လမ်းမျက် နှာပြင်မညီညာခြင်းနှင့် မိုးရွာလျှင် ရေ၀ပ်သည့် မိုင်တိုင် ၁၄ ခုကို စက်တင်ဘာ ၁၄ ရက်တွင် သတင်း ထုတ်ပြန်ခဲ့ခြင်း ဖြစ်သည်။ ယင်း မိုင်တိုင် ၁၄ ခုမှာ ရန်ကုန်-မန္တလေး လမ်းပိုင်းနှင့် မန္တလေး-ရန်ကုန် လမ်းပိုင်းအသွားအပြန် နှစ်ဖက် စလုံးတွင်ရှိနေပြီး မိုးသည်းထန်စွာ ရွာပါက ရေ၀ပ်ပြီး ယာဉ်မတော် တဆမှုအများဆုံးဖြစ်လေ့ရှိသည့် နေရာများကို ရွေး၍ သတိပေးခြင်းဖြစ်ကြောင်း အမြန်လမ်းရဲတပ်ဖွဲ့ ရဲမှူးကြီး နေ၀င်းက ပြောသည်။

‘‘အမြန်လမ်း အသုံးပြုတဲ့ ကားအားလုံး ဒီနေရာတွေမှာ သတိထားဖို့လိုတဲ့အတွက် သတိပေး တာပါ။ အထူးသဖြင့် မိုးရွာနေတဲ့ အချိန်တွေ အန္တရာယ်ရှိလို့ သတင်းထုတ်လိုက်တာပါ’’ဟု ရဲမှူးကြီး နေ၀င်းက ပြောသည်။

ယခုကဲ့သို့ အန္တရာယ်ရှိသည့် မိုင်တိုင်နေရာများ သတင်းထုတ် ပြန်ခြင်းမှာ အမြန်လမ်းစတင်ဖွင့် ခဲ့သည့် အချိန်မှစ၍ ပထမဆုံးအ ကြိမ်ဖြစ်ကြောင်း အမြန်လမ်းအင် ဂျင်နီယာဌာန လက်ထောက်အင် ဂျင်နီယာတစ်ဦးက ပြောသည်။

အန္တရာယ်ရှိသောကြောင့် သတိထားမောင်းနှင်ရမည့် မိုင် တိုင်များမှာ ရန်ကုန်-မန္တလေး လမ်းပိုင်းတွင် ကျောက်တံခါးမြို့ နယ်ရှိ မိုင်တိုင် ၈၄၊ ၈၉၊ ၁၀၀ နှင့်ဖြူးမြို့နယ်ရှိ မိုင်တိုင် ၁၁၅၊ ရေတာရှည်မြို့နယ်ရှိ မိုင်တိုင် ၁၆၄ တို့ ဖြစ်သည်။ မန္တလေး-ရန်ကုန်လမ်း ပိုင်းတွင် လှည်းကူးမြို့နယ်ရှိ မိုင် တိုင် ၂ နှင့် ၈ အနီး၊ ပဲခူးမြို့ရှိ မိုင်တိုင် ၂၇၊ ၃၃၊ ၄၂၊ ဒိုက်ဦးမြို့နယ် ရှိ မိုင်တိုင် ၄၉ နှင့် ၅၂၊ ရေတာရှည်မြို့နယ်ရှိ မိုင်တိုင် ၁၇၅၊ ဒက္ခိဏ သီရိမြို့နယ်ရှိ မိုင်တိုင် ၂၀၁ နေရာ များကို သတိပေးထားသည်။

ရန်ကုန်-မန္တလေး အမြန် လမ်းသည် ၃၆၆ မိုင် ၃ ဖာလုံရှည် လျားပြီး အမြန်လမ်းပေါ်တွင် နေ့စဉ်သွားလာနေသည့် ခရီးသည်တင်ကားနှင့် အိမ်စီးကား အစီးရေ၁၂,၀၀၀ ခန့်ရှိနေကြောင်း အမြန် လမ်း အင်ဂျင်နီယာဌာန၏ စစ် တမ်းများအရ သိရသည်။

စတင်အသုံးပြုသည့် ၂၀၀၉ ခုနှစ်မှ ယခုနှစ်အထိ ကားမတော် တဆမှုများကြောင့် ခရီးသည်သေ ဆုံးမှု လေးရာကျော် ဖြစ်ပွားခဲ့ သည့် အမြန်လမ်းကို နိုင်ငံတကာ တွင် အသုံးပြုနေသည့် အမြန် လမ်းများနှင့် နှိုင်းယှဉ်ပါက လိုအပ်ချက်များစွာရှိနေကြောင်း ခရီး သည်နှင့် ကျွမ်းကျင်ပညာရှင်များ က သုံးသပ်မှုများရှိနေသည်။

ပြီးခဲ့သည့် သြဂုတ်လဆန်းပိုင်းကလည်း မိုးသည်းထန်စွာရွာခဲ့သောကြောင့် အမြန်လမ်းနေရာအချို့ ပျက်စီးမှုများဖြစ်ခဲ့ကာ ပြန်လည်ပြင်ဆင်မှုများ ပြုလုပ်ခဲ့ရသည်။

ဆက်ဖတ်ရန်>>>>