Monday, March 24, 2014

ပဋိပက္ခကို ငြိမ်းချမ်းသည့်နည်းဖြင့် ဖြေရှင်းရေး ရခိုင်အမျိုးသမီးများ ဆွေးနွေး

Posted by drmyochit Monday, March 24, 2014, under | No comments


ရခိုင်ပြည်နယ်မှာ ပဋိပက္ခတွေ ချုပ်ငြိမ်းစေဖို့ ပါဝင်ဆောင်ရွက်နိုင်မယ့် ငြိမ်းချမ်းတဲ့ နည်းလမ်းတွေကို ရခိုင်အမျိုး သမီးတွေက တိုင်ပင်ဆွေးနွေးနေကြပါတယ်။

ပြည်တွင်းပြည်ပက ရာနဲ့ချီတဲ့ ရခိုင်အမျိုးသမီးကိုယ်စားလှယ်တွေဟာ စစ်တွေမြို့က အလိုတော်ပြည့်ကျောင်း တိုက်မှာကျင်းပတဲ့ ရခိုင်အမျိုးသမီးအစည်းအရုံး ညီလာခံမှာ ရခိုင်ပြည်နယ်အရေး ဆွေးနွေးနေကြတာပါ။

ရခိုင်ပြည်နယ်ထဲဖြစ်ပွားတဲ့ ပဋိပက္ခတွေကို အကြမ်းမဖက်တဲ့ ငြိမ်းချမ်းတဲ့နည်းနဲ့ ဖြေရှင်းစေလိုပြီး အမျိုးသ မီးတွေအနေနဲ့ လည်း တဖက်တလမ်းက ပါဝင်ဖြေရှင်းဖို့ ရည်ရွယ်ထားတယ်လို့ ရခိုင်အမျိုးသမီးအစည်းအရုံး ဒုတိ ယခေါင်းဆောင် စောစံငြိမ်းသူက ပြောပါတယ်။

ရခိုင်အမျိုးသမီးတွေအနေနဲ့ မိမိပြည်နယ်နဲ့တကွ နိုင်ငံရဲ့ ဒီမိုကရေစီရေး၊ ငြိမ်းချမ်းရေးကိစ္စတွေမှာ ပူးပေါင်းပါဝင်ဆောင်ရွက်ဖို့၊ နိုင်ငံရေးဦးဆောင်မှု အခန်းကဏ္ဍမှာပါဝင်ခွင့်၊ ဆုံးဖြတ်ခွင့်တွေ ရှိလာအောင်နဲ့ ရခိုင်အမျိုးသမီးတွေရဲ့ စည်းလုံးညီညွတ်မှု ပိုမိုအားကောင်းအောင် ဒီညီလာခံကနေ နည်းလမ်းတွေ ရှာဖွေဆောင်ရွက်သွားမယ်လို့ သူကဆက်ပြောပါတယ်။

ဒါ့အပြင် ရခိုင်အမျိုးသမီးတွေရဲ့ အမည်ရှေ့မှာ စောဆိုတဲ့ အမည်ကို ပိုပြီးတွင်ကျယ်စွာ ပြန်လည်ဖော်ထုတ်သုံးစွဲလာကြဖို့လည်း ညီလာခံမှာ ဆွေးနွေးခဲ့ကြပါတယ်။

ရခိုင်အမျိုးသမီးညီလာခံကိ်ု အရင်က ပြည်ပမှာ ကျင်းပခဲ့ရပြီး ဒီနှစ်တော့ ပြည်တွင်းမှာ အလွှာစုံ၊ မြို့နယ်စုံက အမျိုးသမီးတွေနဲ့ ပထမဆုံးအကြိမ် ကျင်းပခွင့်ရခဲ့တာပါ။

မတ်လ ၂၃ ရက်ကနေ ၂၆ ရက်နေ့ထိ ၄ ရက်တာ ကျင်းပတဲ့ ဒီညီလာခံဟာ ရခိုင်အမျိုးသမီး အစည်းအရုံးရဲ့ စတုတ္ထအကြိမ်မြောက်ညီလာခံဖြစ်ပြီး ရခိုင်ပြည်နယ် မြို့နယ်ပေါင်း ၁၇ မြို့က အမျိုးသမီး ကိုယ်စားလှယ်ပေါင်း ၃၀၀ ကျော် တက်ရောက်ဆွေးနွေးနေတာဖြစ်ပါတယ်။

အပြည့်အစုံ အသံဖုိုင်နားဆင်ရန်



By နန်းမြနဒီ
DVB TV News

ထိုင်းက ဖမ်းမိထားတဲ့ တရုတ်မွတ်စလင်တွေ ဘယ်သူတွေလဲ

Posted by drmyochit Monday, March 24, 2014, under | No comments



တူရကီနိုင်ငံကို သွားပြီး အကြမ်းဖက် အစီအစဉ်တွေ သင်ကြားပေးဖို့ တရားမ၀င် ၀င်လာကြတဲ့ မွတ်စလင် ရွှေ့ပြောင်း နေထိုင်သူတွေဟာ ထိုင်းနိုင်ငံနဲ့ မလေးရှားနိုင်ငံကို ကြားခံ အဖြစ် အသုံး ပြုခဲ့ တာကို မကြာခင်ကတွေ့ရှိခဲ့တယ်လို့ ထိုင်း ရဲတပ်ဖွဲ့ကပြောကြားလိုက်ပါတယ်။

 တရုတ် မွတ်စလင်တွေ ထိုင်းကို ဖြတ်လာတဲ့ လမ်းကြောင်းပြမြေပုံ၊ ဓာတ်ပုံ- ဘန်ကောက်ပို့စ်

မွတ်စလင် ၂၉၆ ဦးနဲ့ ၁၂၂ ဦးအဖွဲ့ဟာ ထိုင်းနိုင်ငံထဲကို ၀င်နည်းမျိုးစုံနဲ့ ၀င်ရောက်လာတယ်လို့ ရဲတပ်ဖွဲ့က သံသယရှိ တဲ့ အကြောင်း ဒီကနေ့ ဘန်ကောက်ပို့စ်သတင်းတခုမှာ ဖော်ပြထားပါတယ်။

အဲဒီအထဲက ပထမဆုံး အုပ်စုတခုကို မနှစ်က ဖမ်းဆီးရမိခဲ့ပြီး ထိုင်းနိုင်ငံ ဘန်ကောက်မြို့ Suan Phlu လ၀က စခန်း မှာ ထိန်းသိမ်းထားပါတယ်။

တဆက်တည်းဆိုသလို Songkhla အရပ်မှာ ဒုတိယအုပ်စုကို ဖမ်းဆီးခဲ့ပါတယ်။ ဒုတိယအသုပ်အုပ်စုအဖြစ် မတ်လ ၁၂ ရက်နေ့က ရာဘာစိုက်ခင်းလုပ်ကွက် တခုထဲကနေ မွတ်စလင် ၂၁၉ ဦးနဲ့ မတ် လ ၂၀ ရက်နေ့ က Sadao ခရိုင် ဒေသ၊ ကျောင်းတခုမှာ ၇၇ ဦးကို ဖမ်းဆီးရမိခဲ့တာပါ။

အခု ဖမ်းဆီးမိထားတဲ့ တရား မ၀င် ၀င်ရောက်လာသူတွေဟာ ဘယ်နိုင်ငံသားတွေဆိုတာ သဲသဲကွဲကွဲ မသိရသေးပေ မယ့် အဲဒီ ၁၁၂ ဦးအုပ်စုထဲ လူ ၃၀ က တော့ တရုတ်နိုင်ငံက ခွဲထွက်ရေး ကြိုးစားနေကြတဲ့ ဇီကျန်ပြည်နယ် အနောက် ခြမ်းက ဝှေကာလူမျိုးတွေဖြစ်တယ်လို့ အတည်ပြုချက်ရထားတယ်လို့ ဆိုပါ တယ်။

ရာဘာစိုက်ခင်းထဲဖမ်းမိခဲ့တဲ့ မွတ်စလင်အုပ်စုတခုကတော့ သူတို့ဟာ တူရကီနိုင်ငံက ၀င်ရောက်လာ သူတွေ လို့ ပြော ကြတယ်လို့ သိရပါတယ်။

ကနဦးစုံစမ်းစစ်ဆေးမှုတွေလုပ်ပြီးနောက်မှာတော့ အဲဒီ ၂၁၉ ဦး အုပ်စုနဲ့ ၁၁၂ ဦးအုပ်စုတို့ဟာ အတူတဖွဲ့ တည်းဖြစ် တယ် လို့ ထိုင်းလ၀က အကြီးအကဲတဦးဖြစ်တဲ့ Panu Kerdlarppol က ဘန်ကောက်ပို့စ်ကို ပြော ပါ တယ်။

ဒါပေမယ့် မကြာသေးခင်က ဘန်ကောက်ပို့စ်နဲ့ အင်တာဗျူးတခုမှာတော့ လ၀က ဒု ဗိုလ်ချုပ် Panu က နိုင်ငံတကာ ဆက်ဆံရေးကို ထိခိုက်မှာ စိုးလို့ ဖမ်းဆီးရမိသူတွေရဲ့ နိုင်ငံသား ဆိုင်ရာ ကိစ္စကို အသေးစိပ် ပြောဆိုဖို့ ငြင်းဆို ထား တယ်လို့ ဆိုပါတယ်။

အခု ထိုင်းနိုင်ငံက ဖမ်းဆီးထားတဲ့ အဲဒီ မွတ်စလင်တွေကို တူရကီအစိုးရကတော့ တူရကီနိုင်ငံကို အုပ်စု လိုက် ခေါ်ယူ ရေး အကူအညီပေးလိုတဲ့ ဆန္ဒရှိတဲ့အကြောင်း ထုတ်ပြောစဉ်မှာပဲ တရုတ်အစိုးရကတော့ အဲဒီမွတ်စလင်တွေဟာ တရုတ် လူမျိုးတွေဖြစ်ပြီး တရုတ်ပြည်ကို ပြန်ခေါ်မှာဖြစ်တယ်လို့ ပြောထားပါတယ်။

ထိုင်း လ၀က ဗျူရိုနဲ့ တရုတ်နိုင်ငံက သတင်းထုတ်ပြန်ချက်တွေအရ ထိုင်းနိုင်ငံမှာ ဖမ်းဆီးခံထားရ သူတွေဟာ တရုတ် နိုင်ငံက လာကြတဲ့ မွတ်စလင်တွေ ဖြစ်ပုံရတယ်လို့ သတင်းက ဆိုပါတယ်။

ထိုင်းရဲတပ်ဖွဲ့အနေနဲ့ တရုတ်နိုင်ငံက ဝှေကာမွတ်စလင်တွေနဲ့ပတ်သက်ပြီး အထူး ဂရု စိုက်လာခဲ့တာ ကတော့ ထိုင်းနိုင်ငံ လ ၀ က အကြီးအကဲ မစ္စတာ Panu နဲ့ တရုတ်နိုင်ငံ ကူမင်းရဲတပ်ဖွဲ့ အာဏာပိုင်တွေ ပြီးခဲ့တဲ့ နှစ်ကုန်ပိုင်းက တွေ့ပြီး အဲဒီ ဝှေကာ မွတ်စလင် အရေး ဆွေးနွေးပြီးကတည်းကလို့ ဆိုပါတယ်။

တချို့ တရုတ် ရဲတပ်ဖွဲ့သတင်းရင်းမြစ်တွေရဲ့ အဆိုအရ တရုတ် မွတ်စလင် ရွှေ့ပြောင်းသူတွေဟာ တူရကီနိုင်ငံကို သွားလိုခဲ့ကြပြီး တူရကီနိုင်ငံမှာ စစ်လက်ပစ္စည်းတွေ ဘယ်လိုအသုံးပြုရတယ်ဆိုတဲ့ သင်တန်းတွေ တက်ပြီးရင် တရုတ် နိုင်ငံထဲ ပြန်ဝင်ကာ တရုတ်ကနေ ခွဲထွက်ရေး လှုပ်ရှားမှုတွေနဲ့ အကြမ်းဖက် တိုက်ခိုက်မှုတွေ လုပ်ဖို့ အထောက်အပံ့ တွေရဖို့ ဖြစ်တယ်လို့ ဆိုထားပါတယ်။

အဲဒီ တရုတ်မွတ်စလင်တွေဟာ တရုတ်နိုင်ငံကနေ ထိုင်းနိုင်ငံကို လာရင် ၁၄ ရက်ကြာတယ်လို့ သိရပါ တယ်။

အဆိုပါ တရုတ်မွတ်စလင်တွေဟာ တရုတ်နိုင်ငံတောင်ပိုင်း ကူမင်းမှာ တွေ့ဆုံပြီးတဲ့အခါ အုပ်စု ၄ စု ခွဲပြီး မြန်မာ၊ လာအို၊ ဗီယက်နမ်၊ ကမ္ဘောဒီး ယားနိုင်ငံတွေကို ဖြတ်ကာ ထိုင်းပင်လယ်ကွေ့နဲ့ နီးတဲ့ ထိုင်းနိုင်ငံ Songkhla ခရိုင်ကို ရောက်လာခဲ့ကြတာဖြစ်တယ်လို့ ထိုင်း လ၀က သတင်းရင်းမြစ်တခုကို ကိုးကားပြီးဘန်ကောက်ပို့စ်က ဆိုပါတယ်။

အခုဖမ်းဆီးခံရသူတွေဟာ သူတို့ကိုယ် သူတို့ တူရကီတွေလို့ ပြောဆိုနေကြပေမယ့် ကနဦးစုံစမ်းစစ်ဆေး မှုတွေအရ သူတို့ဟာ တရုတ်ပြည်က မွတ်စလင်ရွှေ့ပြောင်းလာသူတွေဖြစ်နိုင်တယ်လို့ ဆိုခဲ့တာပါ။

ဒါပေမယ့်လို့ သူတို့ဟာ တရုတ်စကားပြောတာ၊ သူတို့ရဲ့ အသုံးအဆောက်တွေ၊ ကားလက်မှတ်တွေစတဲ့ အခြား ပုဂ္ဂလိက သုံးပစ္စည်းတွေကို ထိုင်း လ၀က အာဏာပိုင်တွေက စစ်ဆေးခဲ့ပြီးဖြစ်တယ်လို့ သိရပါ တယ်။

ထိုင်း လ၀က အရာရှိတဦးကတော့ ထိုင်း လူဝင်မှုကြီးကြပ်ရေးက တာဝန်ရှိသူတွေဟာ မမိုက်မဲကြောင်း သူတို့ ဘာတွေဆိုတာ သိတဲ့အကြောင်းပြောထားတာလည်း ဘန်ကောက်ပို့စ်က ဆိုပါတယ်။

အဲဒီဖမ်းဆီးထားသူတွေကို တူရကီတာဝန်ရှိသူတွေနဲ့ ထိုင်း လ၀က က တူရကီ စကားပြန်အကူအညီ နဲ့ တွေ့ပေးခဲ့ပေ မယ့် သူတို့ဟာ တူရကီစကားကို ကောင်းကောင်း နားမလည်ခဲ့တာကြောင့် အပြန် အလှန် ကောင်းကောင်း မပြောဆို နိုင်ခဲ့ကြဘူးလို့ ဆိုပါတယ်။

“သူတို့ ( ဖမ်းဆီးခံထားရသူ မွတ်စလင် ရွှေ့ပြောင်းလာသူတွေ) ဟာ တူရကီဘာသာစကားကို နားမ လည်ကြဘူးလို့ စကားပြန်က ယုံကြည်ထားပါတယ်”လို့ ထိုင်း လ၀က အရာရှိတဦးက ပြောထားပါတယ်။

အခု အုပ်စုကတော့ တူရကီ နိုင်ငံကူးလက်မှတ်ထုတ်ပေးတဲ့ မလေးရှားနိုင်ငံမြို့တော်ကို သွားဖို့ အစီအစဉ် ရှိခဲ့တာဖြစ် တယ်လို့ ဆိုပါတယ်။

ဒါပေမယ့် သက်ဆိုင်ရာ ထိုင်းအာဏာပိုင်တွေရဲ့ ဖမ်းဆီးခံလိုက်ရတာကြောင့် သူတို့ရဲ့ တူရကီသွားမယ့် အစီအစဉ်ဟာ ထိုင်းနိုင်ငံမှာ ရပ်သွားရတာဖြစ်ပါတယ်။

ထိုင်း လ၀က အကြီးအကဲ မစ္စတာ Panu က ပြောတာမှာတော့ အခုကိစ္စမှာ တူရကီနဲ့ တရုတ်နိုင်ငံတို့ ပါဝင်နေတာ ကြောင့် အထူးသတိထား ကိုင်တွယ်နေတယ်လို့ ဆိုပါတယ်။

လင်းသန့်
ဧရာဝတီ

သင်္ကြန်မှာ သူများတွေ ပျော်ကြ၊ ကဲကြသလောက်တော့ မကဲဖြစ်ဘူးလို့ ဆိုတဲ့ မော်ဒယ်ဟေမာန်

Posted by drmyochit Monday, March 24, 2014, under | No comments



မော်ဒယ်လောကထဲကို ဝင်ရောက်လာတာ တစ်နှစ်ကျော်လောက်ရှိနေပြီဖြစ်ပြီး အခုချိန်မှာPhoto Model အဖြစ် ရပ်တည်လျှောက်လှမ်းနေပြီဖြစ်တဲ့ မော်ဒယ်ဟေမာန်ကို လတ်တလော အနုပညာလှုပ်ရှားမှုနဲ့အတူ သူမရဲ့သင်္ကြန်ဖီလင်အကြောင်းနဲ့ မေးမြန်းဖြစ်ခဲ့တဲ့အခါ ‘ညီမ လတ်တလောမှာတော့ မဂ္ဂဇင်းတွေအတွက် ဓာတ်ပုံတွေရိုက်ဖြစ်တယ်။ ညီမက အခုလောလောဆယ်မှာတော့ Photo Model အဖြစ် ရပ်တည်နေပါတယ်။

 နောက်ပိုင်းမှာတော့ သရုပ်ဆောင်လုပ်သွားဖို့ အစီအစဉ်ရှိပါတယ်။ ပြီးတော့ ဗီစီဒီရိုက်ထားတွေတော့ရှိပါတယ်။ ထွက်တော့ မထွက်သေးဘူးပေါ့။ သင်္ကြန်သီချင်းတွေ ကြားရင်တော့ ပျော်သလိုလိုပေါ့။

သင်္ကြန်ရောက်ပေမဲ့လို့ အိမ်ထဲမှာပဲ နေဖြစ်တာများပါတယ်။ ရေပက်ခံထွက်ဖူးတယ်။ မဏ္ဍပ်လည်း ထိုင်ဖြစ်ပါတယ်။ သင်္ကြန်မှာ လူငယ်တွေ တအားကြီး ပျော်ကြ၊ကဲကြသလိုတော့ ညီမ မပျော်ဖြစ်ဘူး။ မကဲဖြစ်ပါဘူး။ သင်္ကြန်ဆိုအိမ်မှာ မုန့်လုပ်စားဖြစ်တယ်။ အိမ်တွေလိုက်ဝေဖြစ်တယ်။

အဲဒီလိုမျိုးမုန့်လုပ်စားတာ၊ အိမ်လိုက်ဝေတာမျိုးလုပ်ရတာ ကိုတော့ ပိုသဘောကျတယ်။ သင်္ကြန်မှာ ညီမက အရောင်ကာလာ တောက်တောက်လေးတွေ ဝတ်ဖြစ်တယ်။ ခြေစွတ်စွတ်ပြီး ဦးထုတ်ဆောင်း၊ မျက်မှန်တပ်ရတာကို သဘောကျတယ်။ ဆံပင်ကာလာကို ဖောက်ပြီး ဆိုးထားတယ်။

ကျစ်ဆံမြီးကျစ်ရတာကို ကြိုက်တယ်။ သင်္ကြန်မှာဆိုရင် အသားအရေ ကာကွယ်ဖို့အတွက် SPF 40လောက်ပါတဲ့ Sunscreen လိမ်းမှပဲအဆင်ပြေမယ်လို့ထင်တယ်။ မိတ်ကပ်ကိုတော့နည်းနည်း ထူထူလိမ်းဖြစ်တာပေါ့’လို့ သူမက ပြောပါတယ်။


Trend Myanmar

ပျောက်ဆုံး မလေးရှားလေယာဉ်ကို ရှာဖွေနေသည့် အိန္ဒိယသမုဒ္ဒရာ တောင်ပိုင်းတွင် ခါးပတ်ကြိုးများနှင့် ကုန်တင်သစ်သား အခင်းပြားတစ်ခု ရှာတွေ့

Posted by drmyochit Monday, March 24, 2014, under | No comments


ပက်သ်၊ မတ်၂၃

ဂြိုဟ်တုဓာတ်ပုံများမှ ရရှိသော သဲလွန်စများအရ အိန္ဒိယသမုဒ္ဒရာ တောင်ပိုင်းတွင် ပျောက်ဆုံး မလေးရှား လေယာဉ်ကို ရှာဖွေလျက်ရှိရာ ပြီးခဲ့သော စနေနေ့က လေယာဉ်၊ သင်္ဘောတို့တွင် ကုန်စည် သယ်ဆောင်ရာ၌ အသုံးပြုသော သစ်သား အခင်းပြားတစ်ခုကို ခါးပတ်ကြိုး (သို့မဟုတ်) သိုင်းကြိုးများနှင့်အ တူ ရှာဖွေတွေ့ရှိခဲ့သည်ဟု သြစတြေးလျ အာဏာပိုင်များက သတင်းထုတ်ပြန်ခဲ့ကြောင်း CNA သတင်းဌာန တွင် ဖော်ပြထားသည်။

“အတိအကျ ပြောဖို့တော့ စောလွန်းပါသေးတယ်။ ဒါပေမဲ့ အခုဆိုရင် ကျွန်တော်တို့မှာ အလွန်ယုံကြည် အားထားရ တဲ့ သဲလွန်စတွေ အတော်များများ ရရှိထားပြီဆိုတာ ထင်ရှားပါတယ်” ဟု သြစတြေးလျ ဝန်ကြီး ချုပ် တိုနီအက်ဘော့က ပြောကြားခဲ့သည်။

ပျောက်ဆုံး မလေးရှားလေယာဉ်၏ အစိတ်အပိုင်း ဖြစ်နိုင်ဖွယ်ရှိသော အရာဝတ္ထုနှစ်ခုကို သြစတြေးလျ ဂြိုဟ်တု က ထောက်လှမ်း တွေ့ရှိခဲ့သော ရေပြင်ဧရိယာ အနီး၌ တရုတ်ဂြိုဟ်တုက လေယာဉ် အပျက်အစီး အပိုင်း အစဟု ယူဆရသော အရာဝတ္ထုတစ်ခု ထောက်လှမ်းတွေ့ရှိခဲ့သည့် နေ့မှာပင် ရှာဖွေရေး တပ်ဖွဲ့ဝင်များ က ယခုကဲ့သို့ ကုန်တင် သစ်သားအခင်းပြား တစ်ခုကို သိုင်းကြိုးများနှင့်အတူ ရှာဖွေတွေ့ရှိ ခဲ့ခြင်း ဖြစ်သည်။

ထို့အတူ တနင်္ဂနွေနေ့ မနက်ပိုင်းတွင် ပြင်သစ် အာဏာပိုင်များကလည်း သြစတြေးလျနှင့် တရုတ်ဂြိုဟ်တုတို့ သဲလွန်စများ ထောက်လှမ်း တွေ့ရှိထားသည့် ရေပြင်ဧရိယာတွင် ပျောက်ဆုံး လေယာဉ်၏ အစိတ်အပိုင်းဟု ယူဆ ရသော အရာဝတ္ထုတစ်ခုကို ဂြိုဟ်တုမှ တစ်ဆင့် တွေ့ရှိထားကြောင်း ကြေညာခဲ့ပြီး ဂြိုဟ်တု ဓာတ်ပုံ များကို မလေးရှား အာဏာပိုင်များထံ ပေးပို့ခဲ့သည်။

ကုန်တင်သစ်သား အခင်းပြားများကို လေယာဉ်များတွင်သာမက သင်္ဘောများတွင်လည်း အသုံးပြုလေ့ ရှိသဖြင့် ယခုတွေ့ရှိသော သစ်သားအခင်းပြားမှာ ပျောက်ဆုံး မလေးရှားလေယာဉ်မှ ဖြစ်သည်ဟု အတိအ ကျ ယူဆရန် မဖြစ်နိုင်သော်လည်း သဲလွန်စများ တစ်ခုပြီးတစ်ခု တွေ့လာရသဖြင့် အိန္ဒိယသမုဒ္ဒရာ တောင်ပိုင်း တွင် ရှာဖွေရေး လုပ်ငန်းများကို ပိုမိုအရှိန်မြှင့် လုပ်ဆောင်လျက် ရှိသည်။

သြစတြေးလျ အနောက်ဘက် ကမ်းခြေမှ အနောက်တောင်ဘက် မိုင်ပေါင်း ၁၅၀၀ ကျော်ဝေးသော သမုဒ္ဒရာ ရေပြင်တွင် စစ်ဘက်လေယာဉ် လေးစင်း၊ အရပ်ဘက်လေယာဉ် လေးစင်းနှင့် စစ်သင်္ဘော တစ်စီး တို့ဖြင့် ရှာဖွေရေးလုပ်ငန်းများ လုပ်ကိုင်လျက်ရှိပြီး တရုတ်နိုင်ငံ၊ ဗြိတိန်နိုင်ငံနှင့် သြစတြေးလျ နိုင်ငံတို့က လည်း အဆိုပါ ဧရိယာသို့ သင်္ဘောများ ထပ်မံစေလွှတ်ထားသည်။
“ရှာဖွေတဲ့နေရာ မှာ လေယာဉ်တွေ၊ သင်္ဘောတွေ ပိုများလာလေလေ ဂြိုဟ်တုက တွေ့ထားတဲ့ အရာဝတ္ထုတွေကို ရှာတွေ့ဖို့ ပိုပြီး နီးစပ်လေလေပါပဲ” ဟု တိုနီအက်ဘော့က ပြောကြားသည်။

လူ ၂၃၉ ယောက်ကို တင်ဆောင်သွားသော မလေးရှားလေကြောင်း လိုင်းပိုင် ဘိုးရင်း ၇၇၇ လေယာဉ်ကြီးသည် မတ်လ ၈ ရက်နေ့တွင် ကွာလာလမ်ပူမှ ဘေဂျင်းသို့ ပျံသန်းစဉ် ဗီယက်နမ် လေပိုင်နက် အတွင်းသို့ ဝင်ခါနီး၌ မြေပြင် ထိန်းချုပ်ရေးစခန်းနှင့် အဆက်အသွယ် ပြတ်တောက်ကာ ပျောက်ဆုံးသွားခဲ့ခြင်း ဖြစ်သည်။

စတင်ပျောက်ဆုံးခါစ စက်ချို့ယွင်းကာ တောင်တရုတ် ပင်လယ်အတွင်း ပျက်ကျသွားခြင်း ဖြစ်မည်ဟု ယူဆပြီး ရှာဖွေမှုများ ပြုလုပ်ခဲ့သော်လည်း နောက်ပိုင်း စုံစမ်းတွေ့ရှိမှုများအရ လေယာဉ်သည် မြေပြင်စခန်းနှင့် အဆက်အသွယ် ပြတ်တောက်သွားပြီးနောက် မူလလမ်းကြောင်းအတိုင်း ဆက်မသွားဘဲ နောက်ကြောင်း ပြန်လှည့်ကာ နောက်ထပ် ၇ နာရီခန့် ပျံသန်းခဲ့ကြောင်း တွေ့ရှိရသဖြင့် ရှာဖွေသည့် ဧရိယာကို ထပ်မံတိုးချဲ့ခဲ့ရသည်။

ထို့အပြင် လေယာဉ်ကို တစ်စုံတစ်ဦးက ရည်ရွယ်ချက်ရှိရှိ လမ်းကြောင်း ပြောင်းခဲ့ခြင်း ဖြစ်ကြောင်းလည်း စုံစမ်း တွေ့ရှိထားရသဖြင့် အကြမ်းဖက်မှု (သို့မဟုတ်) ပြန်ပေးဆွဲမှု ဖြစ်မည်ဟု ယူဆမှုများလည်း ရှိနေသည်။

The Voice Weekly

"ကျွန်မ အဖေက ကျွန်မရဲ့ အပျိုရည်ကို ရောင်းစားခဲ့ပါတယ်"

Posted by drmyochit Monday, March 24, 2014, under | 2 comments


"ကျွန်မ အဖေက ကျွန်မရဲ့ အပျိုရည်ကို ရောင်းစားခဲ့ပါတယ်" ဟု ၁၆ နှစ် အရွယ် ဒူဘိုင်းသူလေးမှ တရားရုံး၌ သက်သေခံ ထွက်ဆိုခဲ့ဒူဘိုင်းတရားရုံးတစ်ခု၌ အသက် ၁၆ နှစ် အရွယ် မိန်းမပျိုသည် သူမ၏ မိဘနှစ်ပါးနှင့် ရင်ဆိုင်တွေ့သောအခါ သူမ၏ မိဘနှစ်ပါးမှ သူမ၏ ခန္ဓာကိုယ်အား Dh ၁၆၀၀၀၀ ဖြင့် ရောင်းချကာ သူမ၏ အပျိုရည်အား ဖျက်ဆီးခဲ့သည့်အကြောင်း တရားရုံးတော်အား ရှိုက်ကြီးတငင် ဖွင့်ချလိုက်သည်။
"ကျွန်မအဖေက နောက်မဆင်းရဲချင်တော့ဘူး ဆိုတဲ့ အကြောင်းပြချက်နဲ့ ကျွန်မရဲ့ အပျိုရည်ကို ရောင်းစားခဲ့ပါတယ်။ အဖေရော အမေရောက ကျွန်မကို ဖာလုပ်ခိုင်းတယ်။ ကျွန်မလည်း ကြောက်ကြောက်နဲ့ လုပ်ခဲ့ရတယ်။ ကြောက်ရဆို မလုပ်နိုင်ဘူးလို့ ကျွန်မ ပထမငြင်းတော့ အဖေက ခုပဲထသတ်တော့မယ့်အတိုင်း စိတ်ဆိုးတယ်လေ" ပါကစ္စတန် မိန်းမပျိုမှ သူမ၏ မိဘများအား တရားရုံးတော်မှ စစ်ဆေးစဉ် ဤသို့ သက်သေခံ ထွက်ဆိုခဲ့သည်။

အသက် ၁၆ နှစ် အရွယ် မိန်းမပျိုမှ သူမ၏ ဖခင်ဖြစ်သူ KA နှင့် မိခင်ဖြစ်သူ SK တို့သည် သူမအား သူစိမ်းသူများနှင့် လိင်ဆက်ဆံမှု ပြုရန် တွန်းအားပေးခိုင်းစေကာ သူမ၏ ကိုယ်ကာယကို အလွဲသုံးစားလုပ်ခဲ့ကြောင်း မိဘများအား မျက်နှာချင်းဆိုင်၍ သက်သေခံ ထွက်ဆိုခဲ့သည်။
မိန်းကလေးမှ မိဘများ၏ မျက်နှာကို တည့်တည့်ကြည့်လျက် ဤသို့ တရားသူကြီးရှေ့မှောက်၌ ထွက်ဆိုခဲ့သည်။

"ကျွန်မတို့က ဆင်းရဲတယ်။ အဖေက ကျွန်မကို သူနှင့်အတူ ဒူဘိုင်းကို လိုက်ခဲ့ပြီး ဖာလုပ်ဖို့ ချော့ပြောတယ်။ ဒီလိုလုပ်လျှင် ကျွန်မတို့ ချမ်းသာသွားမယ် တဲ့။ ပထမက ကျွန်မ ဖာလုပ်အောင် ကျွန်မကို ချော့ပြောဖို့ အဖေက အမေ့ကို ခိုင်းတာ။ ကျွန်မက အမေပြောတော့ မလုပ်နိုင်ဘူးလို့ ငြင်းလိုက်တယ်။ အဖေက ဒေါသ အကြီးအကျယ်ထွက်ပြီး ကျွန်မကို နင်ပဲငဆ ပက်ပက်စက်စက်ပြောတယ်။ နောက်တော့လည်း ဖိအားတွေက များများလာတော့ ကျွန်မလည်း မခံနိုင်တော့ပဲ သူတို့ကိုငဲ့ပြီး ဖာလုပ်လိုက်ရတယ်"

From:Myo Min Thant

ဘင်္ဂလားဒေ့ရ်ှသတင်းစာတစ်စောင်၏တာဝန်မဲ့ရေးသားမှုသည် နိုင်ငံ၏အချုပ်အခြာ အာဏာကိုထိ ပါးပြီးနှစ်နိုင်ငံချစ်ကြည်ရေးကိုပျက်ပြားစေနိုင်၍ တရားဝင်ဖြေရှင်းပေးရန်တောင်းဆိုမည်

Posted by drmyochit Monday, March 24, 2014, under | No comments


မင်းဟိန်းထက် ၊ ရန်ကုန်၊ မတ် ၂၂

ရခိုင်ပြည်နယ် စစ်တွေမြို့နှင့် မောင်တောမြို့နယ်တို့တွင် ခရိုင်းမီးယားကဲ့သို့ ပြည် သူ့ဆန္ဒ ခံယူပွဲပြုလုပ်ပြီး ဘင်္ဂလားဒေ့ရ်ှနိုင်ငံ စစ်တ ကောင်းပြည်နယ်အောက်သို့ ပူးပေါင်းသင့်သည်ဟု ရေးသားခဲ့သည့် သတင်းနှင့်ပတ်သက်၍ ဘင်္ဂလားဒေ့ရှ် နိုင်ငံအစိုးရထံသို့ မြန်မာအစိုးရအနေဖြင့် ကန့်ကွက် ကြောင်းနှင့်ဖြေရှင်းပေးရန် တောင်းဆိုသွားမည်ဖြစ် ကြောင်း နိုင်ငံတော်သမ္မတရုံးမှ အဆင့်မြင့်အရာရှိ တစ်ဦးက ပြောသည်။

''လွတ်လပ်စွာ သတင်းရေးသားခွင့် ရှိတယ် ဆိုပေမယ့် ဒါဟာ နိုင်ငံရဲ့အချုပ်အခြာအာဏာကို ထိ ပါးပါတယ်။ နောက်တစ်ချက်က နှစ်နိုင်ငံဆက်ဆံရေး၊ ချစ်ကြည်ရေးကိုလဲ ထိပါးစေတယ်။ ပြည်တွင်းတည် ငြိမ်အေးချမ်းရေးကိုလဲ ထိခိုက်နိုင်ပါတယ်။ ဒါကြောင့် သံတမန်နည်းလမ်းအရရော အစိုးရအနေနဲ့ရော ဘင်္ဂ လားဒေ့ရ်ှအစိုးရကို ပြောမှာပါ''ဟု အဆိုပါ တာဝန်ရှိ သူတစ်ဦးက ပြောသည်။

ဘင်္ဂလားဒေ့ရ်ှနိုင်ငံထုတ် ဒါကာထရိုင်ဗျူး သတင်းစာ၏ သတင်းဆောင်းပါးတွင် ဘင်္ဂလားဒေ့ရှ် နိုင်ငံနှင့် နယ်နိမိတ်ချင်းထိစပ်နေသည့် ရခိုင်ပြည်နယ် တွင် နေထိုင်ကြသူများ၏ ၄၂ ရာခိုင်နှုန်းသည် တောင် အာရှမျိုးနွယ်များဖြစ်ပြီး ဘင်္ဂါလီစကား ပြောဆိုနေ ကြကြောင်း၊ စစ်တွေနှင့် မောင်တောတွင် ၉၅ ရာခိုင် နှုန်းရှိနေကြောင်း၊ ယူကရိန်းနိုင်ငံလက်အောက်မှ ခရိုင်းမီးယားတွင် ဆန္ဒခံယူပွဲပြုလုပ်ပြီး ရုရှားလက် အောက်သို့ ပူးပေါင်းလိုက်ခြင်းသည် လွန်စွာဆွဲဆောင် မှုရှိလှပြီး အံဝင်လှသော အဖြေများထဲက တစ်ခုဖြစ် ကြောင်း ရေးသားထားခြင်းဖြစ်သည်။

''ကျွန်တော်တို့မြန်မာနိုင်ငံရဲ့ နယ်နိမိတ်ကို ဘယ်သူမှ လာပြီးသတ်မှတ်လို့မရဘူး။ လူဦးရေ သန်း ၆ဝ ကပဲ ပိုင်ပါ တယ်။ ဒီသန်း ၆ဝ ရဲ့ ဆန္ဒမပါဘဲနဲ့ ဒါကို ဘယ်သူမှ လာပြင်ဆင်လို့မရဘူး။ သူတို့ ဘယ် လောက်ရေးရေး မဖြစ်နိုင်တဲ့ကိစ္စကြီးကို ရေးနေတာ ဖြစ်ပါတယ်''ဟု ပြည်ထောင်စုငြိမ်းချမ်းရေး ဖော်ဆောင် ရေးကော်မတီဥက္ကဋ္ဌ ဦးအောင်မင်းက ပြောသည်။

ထို့ပြင် အဆိုပါဆောင်းပါးတွင် စစ်တွေ မြို့နှင့် မောင်တောဒေသတို့သည် ခရိုင်းမီးယားကဲ့ သို့ပင် မြန်မာနှင့် ဘင်္ဂလားဒေ့ရ်ှအကြား လွတ်လပ် သော နိုင်ငံတစ်ခုကို ထူထောင်ခွင့်ရှိသင့်ကြောင်း အ ဆုံးသတ်တွင် ဖော်ပြထားသည်။

''ရခိုင်ဒေသရဲ့ အချုပ်အခြာအာဏာကို ထိန်းချုပ်တဲ့နေရာမှာ အစိုးရအနေနဲ့ ရဲရဲတင်းတင်း လုပ်သင့်တယ်။ ဘာလို့လဲဆိုတော့ ခိုးဝင်လာတဲ့ဘင်္ဂါ လီလူအုပ်ကြီးတွေက ရည်ရွယ်ချက်ရှိရှိ လုပ်ဆောင် နေတာပါ။ လွတ်လပ်ရေးမရမီနဲ့ ရပြီးနောက်ပိုင်းအ ထိ အကြံအစည်တွေ အများကြီးနဲ့ လုပ်ဆောင်နေ တာပါ။ သူတို့ ခိုးဝင်နေထိုင်တဲ့ ဘူးသီးတောင်၊ မောင် တောကို သူတို့ရဲ့ အစ္စလာမ္မစ်နိုင်ငံ ထူထောင်မယ်။ ဒါမှမဟုတ်ရင် ဘင်္ဂလားဒေ့ရ်ှနိုင်ငံနဲ့ ပူးပေါင်းမယ် ဆိုတဲ့အကြံအစည်က အရင်ကတည်က ရှိပြီးသားပါ'' ဟု စစ်တွေမြို့ ရပ်မိရပ်ဖ ဦးသန်းထွန်းက ပြောသည်။

ဘင်္ဂလားဒေ့ရ်ှနိုင်ငံတွင် ဘင်္ဂလားလူမျိုး ထက်ဝက်လောက်သာ နေထိုင်နေကြပြီး ကျန်တစ် ဝက်နီးပါးမှာ အခြားလူမျိုးများဖြစ်ကြောင်း၊ ရုရှား လူမျိုးများက ဘင်္ဂလားဒေ့ရ်ှတွင် ဝင်ရောက်နေထိုင် နေပြီး ဘင်္ဂလားဒေ့ရ်ှနိုင်ငံကို အသုံးချနေခြင်းဖြစ်နိုင် ကြောင်း နိုင်ငံရေးကျွမ်းကျင်သူတစ်ဦးက သုံးသပ်ထား သည်။

အတွဲ ၁၀ အမှတ် ၁၃ ၊ The Flower News Journal
Yangon Media Group

MH370 လေယဉ်မထွက်ခွါမီ လေယာဉ်မှူးထံ လျို့ဝှက်စွာဖြင့် အမျိုးသမီးတစ်ဦး မှတ်ပုံတင်အတုဖြင့် ၀ယ်ထားသော ဖုန်းဖြင့် ဖုန်းခေါ်ခဲ့

Posted by drmyochit Monday, March 24, 2014, under | No comments


လေယာဉ် MH370 ပျောက်ဆုံးမှုဟာ လ၀က်ကျော် (၁၆ ရက်ကြာပြီးတဲ့နောက်) ပိုမိုလျို့ဝှက် နက်နဲလာတာ တွေ့၇ပါတယ်။ ဒီနေ့ ထွက်ပေါ်လာတဲ့ သတင်းသစ်တွေအရ လေယာဉ်မှူးဟာ 9/11 တုန်းကလို အကြမ်းဖက်သမား တစ်ဦးဖြစ်နိုင်တဲ့ အနေအထား တွေ့လာရပြီလို့ ဒေးလီးမေးလ် သတင်းစာက ဆိုပါတယ်။

လေယဉ်မှူး လေယာဉ်ပေါ် တက်ခါနီး အချိန်ပိုင်းလေးမှာ အမည်မသိ လျို့ဝှက် အမျိုးသမီးတစ်ဦးက လေယဉ်မှူး Zaharie Ahmad Shah ဆီကို ၂ မိနစ်ကြာ ဖုန်းခေါ်ခဲ့သေးပြီး သူမ ဟာ ဒီဖုန်း SIM ကဒ်ကို မှတ်ပုံတင် အတုနဲ့ တစ်ခါသုံးအဖြစ် ၀ယ်ယူသွားတာ ဖြစ်တာမို့ ရဲတပ်ဖွဲ့က ဒါကို စစ်ဆေး စုံစမ်းနေပြီ ဖြစ်ပါတယ်။ လေယာဉ်မှူးရဲ့ ဇနီးသည်ကို အဓိကထား စစ်ဆေးနေတာ ဖြစ်ပါတယ်။...

အမေရိကန် ညီနောင်မျှော်စင်ကို လေယာဉ်နဲ့ ၀င်တိုက်အကြမ်းဖက်ခဲ့တဲ့ 9/11 အကြမ်းဖက်မှု တုန်းကလည်း အကြမ်းဖက်သမားတွေကို ဆက်သွယ်တဲ့ ဖုန်းနံပါတ်တွေဟာ အခုလိုပဲ မှတ်ပုံတင် အတုတွေနဲ့ ၀ယ်ယူသွားတာ ဖြစ်ကြောင်းလည်း သိရပါတယ်။

ဒီတော့ လေယာဉ်မှူးဟာ မတ်လ ၈ ရက်နေ့ကတည်းက ခရီးသည် ၂၃၉ ဦးနဲ့အတူ ပျောက်ဆုံးနေတဲ့ ဘိုရင်း 777 လေယာဉ်ကြီးရဲ့ ပျောက်ဆုံးမှု အဓိက တရားခံလား ဆိုတာ အားလုံးက သသယ ဖြစ်နေကြပါပြီ။ ခရီးသည်တွေရဲ့ ကျန်ရစ်သူ မိသားစုတွေကတော့ မလေးရှား အစိုးရကို ဆန္ဒပြ ဒေါသထွက်နေကြပါပြီ....

Read more: http://www.dailymail.co.uk/news/article-2587064/Probe-mystery-call-captain-doomed-jet-Unknown-woman-used-fake-ID-buying-phone-bypass-security-checks.html#ixzz2wf1dTPcR

Zaw Lwin Wi
Dawnmanhon

ဘင်္ဂါလီအမည်သာ တွင်စေရမည် တိုင်းရင်းသားများ စိတ်ချမ်းသာကြပါဟုပြည်ထောင်စု ဝန်ကြီး ဦးအောင်မင်း ပြောကြား

Posted by drmyochit Monday, March 24, 2014, under | No comments

ကံ့ကော် ၊ ရန်ကုန်၊ မတ်၂၂

ပြည်လုံးကျွတ်သန်း ခေါင်စာရင်းကောက်ရာတွင် ဘင်္ဂါလီလူမျိုး များအား ဘင်္ဂါလီအမည်သာ တွင်စေရမည် ဖြစ်ပြီး တိုင်းရင်းသား ၁၃၅ မျိုးတွင် ထည့် သွင်းမည်မဟုတ်ကြောင်း ပြည်ထောင်စုဝန် ကြီးဦးအောင်မင်းက အာဆီယံလူငယ်များ နှင့်တွေ့ဆုံစဉ် ပြောကြားခဲ့သည်။

''ဘင်္ဂါလီလူမျိုးဟာ ဘင်္ဂါလီလို့ ပဲ အမည်တွင်မှာပါ။ ဒါကြောင့်လဲ ဘင်္ဂါလီ လို့ပဲအမည်တွင်အောင် ဆောင်ရွက်မယ်။ လူ့အခွင့်အရေးအရပဲ ဆောင်ရွက်မယ်။ တိုင်းရင်းသား ၁၃၅ မျိုးထဲမှာ ထည့်လို့မရ ပါဘူး။ အဲဒီအတိုင်းပဲ ဆောင်ရွက်မှာ ဖြစ် လို့ တိုင်းရင်းသားများ စိတ်ချမ်းသာအောင် နေကြပါ''ဟု ဦးအောင်မင်းက မတ် ၂၂ ရက်က Myanmar Peace Center တွင် ပြုလုပ်သော အာဆီယံလူငယ်များနှင့်တွေ့ ဆုံပွဲတွင် ပြောကြားခဲ့သည်။

ယခုအကြိမ် သန်းခေါင်စာရင်း ကောက်ယူခြင်းသည် စီမံကိန်းအရ တိုင်း ပြည်ဖွံ့ဖြိုးရေးကိုသာ အဓိကထား ဆောင် ရွက်ခြင်းဖြစ်ကြောင်း၊ နောက်ပိုင်းတွင်ပြုလုပ် မည့် ပြည်ထောင်စုစာရင်းကောက်ယူခြင်း နှင့် မှတ်ပုံတင်ပြုလုပ်ခြင်းတို့တွင် အသေး စိတ် ထပ်မံပြုလုပ်သွားမည်ဖြစ်ကြောင်း ယင်း က ပြောကြားခဲ့သည်။

သန်းခေါင်စာရင်း Code No ပေးခြင်းနှင့်ပတ်သက်၍ ဦးအောင်မင်းက ''သန်းခေါင်စာရင်း ကောက်ယူတဲ့ကိစ္စမှာ ပြည် သူတွေ အရမ်းစိုးရိမ်နေကြတယ်။ Code No ပေးလိုက်တာနဲ့ Code No ဝင်သွား မယ်။ ဥပမာ-ရခိုင်မှာဖြစ်နေတဲ့ ရိုဟင်ဂျာ ကိစ္စဆိုရင် သူတို့ကို ရိုဟင်ဂျာလို့ပဲမှတ်သွား မယ်။ ကွန်ပျူတာထဲမှာ ၁၃၅ မျိုးပဲ ထည့် ထားတဲ့အတွက် သူက Code No ထဲမှာ ဝင် သွားမယ်''ဟု ရှင်းပြပြောဆိုခဲ့သည်။

ပြဿဿ နများ ကို ဖြေရှင်းရာတွင် လည်း နိုင်ငံရေးနည်းအရသာ ဖြေရှင်းသွား မည်ဖြစ်ကြောင်း၊ မည်သည့်ကိစ္စကိုမဆို မှား သည် မှန်သည်ကိုမကြည့်ဘဲ ပြည်သူများ လက်ခံခြင်း လက်မခံခြင်းကသာ အဓိက ဖြစ်ကြောင်းကိုလည်း ဦးအောင်မင်းက ထည့် သွင်းပြောကြားခဲ့သည်။


အတွဲ ၁၀ အမှတ် ၁၃ ၊ The Flower News Journal
Yangon Media Group

မလေးရှားလေကြောင်းလိုင်း စီအီးအို ဝန်ခံချက်ကြောင့် MH 370 လယာဉ်ပျောက်ဆုံးရခြင်း လမ်းစ တွေ့ရှိ

Posted by drmyochit Monday, March 24, 2014, under | No comments


ကွာလာလမ်ပူ

မလေးရှားလေကြောင်း လိုင်း စီအီးအို အာမက်ဂျူဘာရီသည် ပျောက်ဆုံးနေသော MH 370 လေယာဉ် ပေါ်တွင် ပေါက်ကွဲစေ တတ်သော လစ်သီ ရန်အိုင်း ယွန်း (Lithum-iron) ဘထ္ထရီ အသေးစားများ တင်ဆောင်ခဲ့ကြောင်း ဝန်ခံလိုက်သည်ဟု သိရသည်။

မလေးရှားလေကြောင်းလိုင်း စီအီးအိုသည် ကွာလာလမ်ပူ၌ ပြုလုပ်ခဲ့ သော သတင်းစာရှင်းလင်းပွဲတွင် မီဒီယာ များက လေယာဉ်ပေါ်တွင် ပေါက်ကွဲစေ သော ကုန်ပစ္စည်းများ ပါဝင်ခြင်းရှိမ ရှိမေး မြန်းရာတွင် လေယာဉ်ပေါ်တွင် သစ်သီး များ အမြောက်အမြားတင်ဆောင်ခဲ့သည် ဟု ဟာသနှောကာ ဖြေကြားခဲ့သည်။

ယခုအခါတွင် စီအီးအိုက ဘထ္ထ ရီခြောက်များ အမြောက်အမြားတင်ဆောင် ခဲ့ကြောင်း ဝန်ခံခဲ့ပြီး ယင်းဘထ္ထရီများက ပေါက်ကွဲမှု၏ အကြောင်းအရင်းဖြစ်နိုင် သည်ဆိုခြင်းကို ငြင်းဆိုခဲ့သည်ဟု သိရ သည်။

ယင်းဘက်ထရီခြောက်များမှာ ထွက်ပေါ်ရရှိလာသော သတင်းဓာတ်ပုံ များအရ လက်တော့ပ်ကွန်ပျူတာတွင်အသုံး ပြုသော ဘက်ထရီများဖြစ်သည်ကို တွေ့ရှိ ရပြီး အခြားလေယာဉ်များတွင် ¤င်းဘက် ထရီတင်ဆောင်မှုကြောင့် လေယာဉ်ပေါက် ကွဲသည့်သမိုင်းရာဇဝင်များလည်း ရှိခဲ့ဖူး သည်ဟု သိရသည်။

မလေးရှားလေကြောင်းလိုင်း စီအီးအိုက ယင်းကုန်ပစ္စည်းများ သည် ICAO ၏ခွင့်ပြုချက်ဖြင့် တင်ဆောင်ခဲ့ ခြင်းဖြစ်ပြီး အန္တရာယ်ရှိနိုင်သော ကုန်ပစ္စည်း နှင့်ဆက်စပ်မှုမရှိကြောင်း ပြောကြားခဲ့ သည်ဟု သိရသည်။ လေကြောင်းထိန်းချုပ် ကွပ်ကဲရေးဌာနချုပ်(FAA) ကမူ ယင်းကုန် ပစ္စည်းများသည် အန္တရာယ်ရှိသောကုန် ပစ္စည်းအဖြစ် သမိုင်းရာဇဝင်များရှိခဲ့ပြီး လွန်ခဲ့သော ၂၃နှစ်အတွင်း လေယာဉ်ပေါ် ၌ ဖြစ်ပွားခဲ့သော အက်ဆီးဒင့်ပေါင်း ၁၄ဝ အဖြစ်အပျက်တွင် ပါဝင်ပတ်သက်မှုရှိခဲ့ ကြောင်းသိရသည်။

Ref: Yahoo News
Yangon Media Group
အတွဲ ၁၀ အမှတ် ၁၃ ၊ The Flower News Journal

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်