Saturday, September 01, 2012

အိန္ဒိယစစ်ဘက်ရဟတ်ယာဉ်နှစ်စင်း တိုက်မိသဖြင့် လေတပ်သား ၈ ဦးသေဆုံး

Posted by drmyochit Saturday, September 01, 2012, under | No comments




အိန္ဒိယစစ်ဘက်ရဟတ်ယာဉ်နှစ်စင်း တိုက်မိသဖြင့် လေတပ်သား ၈ ဦးသေဆုံး
အိန္ဒိယနိုင်ငံတွင် စစ်ဘက်သုံး ရဟတ်ယာဉ်နှစ်စင်း လေထဲတွင် တိုက်မိ ရာ လေတပ်သား (၈)ဦး သေဆုံးသွားကြောင်း သိရှိရသည်။ နိုင်ငံ အနောက် ပိုင်း ဒေသတွင် ဖြစ်ပွားသော မတော်တဆမှုသည် အိန္ဒိယ လေတပ်အတွက် ဆိုးရွားသော ထိခိုက်မှုတစ်ခု ဖြစ်လာစေခဲ့သည်။
အိန္ဒိယလေတပ် မှ ပြောရေးဆိုခွင့်ရ အရာရှိက ရဟတ်ယာဉ် နှစ်စင်း သည် လေ့ကျင့် ပျံသန်းမှု ပြုလုပ်ရင်း နားလည်မှုလွဲကာ ဝင်တိုက်မိခဲ့ခြင်း ဟု ပြောကြား သွားသည်။
ဗိုလ်ကြီး အမ်ဂျီမာတာက ပျက်ကျသွားသော ရဟတ်ယာဉ် နှစ်စင်းလုံးသည် ရုရှားလုပ် Mil MI-17 အမျိုးအစားများ ဖြစ်ကြကြောင်း သတင်းထောက်များထံ ပြောဆိုသွား ခဲ့သည်။ လေထဲတွင် နှစ်စင်းဝင်တိုက်မိလောက်အောင် ဖြစ်ခဲ့ရသည့် အမှားအယွင်းနှင့် ပတ်သက် ပြီး လေတပ် က စုံစမ်းမှုများ ပြုလုပ်နေဆဲ ဖြစ်သည်။
ကြာဿပတေးနေ့က ဂျမ်နာဂျာ မြို့အနီးတွင် ဖြစ်ပွားသော မတော်တဆမှုတွင် ရဟတ်ယာဉ် တစ်စင်းသည် ဆိုးဆိုးရွားရွား မီးလောင်သွားကြောင်း မျက်မြင်များက ဆိုသည်။ ရဟတ်ယာဉ်များသည် အချင်းချင်း တိုက်မိပြီးနောက် အနီးရှိ လယ်ကွင်းများထဲ ပျက်ကျသွားခဲ့သည်။ ယခုအခါ တစ်စစီ ပြန့်ကျဲနေသော အပိုင်းအစများကို ပြန်လည်စုစည်းကာ ဂျမ်နာဂျာမြို့ရှိ လေတပ် အခြေစိုက် စခန်းသို့ ပြန်လည် သယ်ယူမှုများ ပြုလုပ်နေကြောင်း သိရှိရသည်။ 

မြန်မာပြည် ပို့မည့် လက်နက်များ ဖမ်းမိ

Posted by drmyochit Saturday, September 01, 2012, under | No comments



မြန်မာပြည်ဘက်သို့ လက်နက်တင်ပို့
ရောင်းဝယ်ရေး လုပ်ကိုင်နေသူဟု
ယူဆရသော ထိုင်းနိုင်ငံသား
၂ ဦးကို လက်နက်များနှင့် အတူ ထိုင်း


-မြန်မာနယ်စပ်တွင် ထိုင်းအာဏာပိုင်များက ယနေ့ ဖမ်းဆီးလိုက်သည်။

လက်နက်များကို ထိုင်းနိုင်ငံ မြောက်ပိုင်း ချင်းရိုင် ခရိုင် မဲ့ဖာလွန်မြို့နယ် အတွင်းရှိ စစ်ဆေးရေး ဂိတ်တွင် ထိုင်း အာဏာပိုင်များက ဖမ်းဆီးရမိခြင်း ဖြစ်ကြောင်း သိရသည်။

သက်သေခံ ပစ္စည်းများ အဖြစ် ဖမ်းဆီးရမိသော လက်နက်များထဲတွင် ၇၉ မမ လောင်ချာ ၁၉ လက်၊
အေကေ (၄၇) သေနတ် ၂၈ လက် စသည့် လက်နက်မျိုးစုံ တို့ကို ဖမ်းဆီးရမိခဲ့ကြောင်း
ထိုင်းသတင်းများအရ သိရသည်။

ယင်း လက်နက်များကို အိမ်နီးချင်းနိုင်ငံ တိုင်းရင်းသား လက်နက်ကိုင် အဖွဲ့အစည်းများထံသို့ ရောင်းချရန် ဖြစ်ကြောင်း အဖမ်းခံရသူ များက ထွက်ဆိုကြောင်း ထိုင်း အခြေစိုက် krobkruakao သတင်းဝက်ဘ်ဆိုက်တွင် ယနေ့ ရေးသားထားသည်။ ထို သတင်း၌ လက် နက်ရောင်းချမည်ဆိုသော တိုင်း ရင်းသား လက်နက်ကိုင် အဖွဲ့၏ အမည်များကို ဖော်ပြထားခြင်း မရှိပေ။



သျှမ်းသံတော်ဆင့် သတင်းဌာနမှ အယ်ဒီတာ ဦးခွန်စိုင်းကမူ ထိုင်း ရဲအရာရှိ တဦးကို ကိုးကား၍ နောက်ဆုံးရရှိ ထားသည့် သတင်း အရ လက်နက်များကို “၀” ပြည် သွေးစည်း ညီညွတ်ရေး တပ်မတော် (UWSA) တပ်ဖွဲ့ဝင်များကို ရောင်းရန်အတွက် ဖြစ်ကြောင်း အဖမ်းခံရသူများက ထွက်ဆိုခဲ့သည်ဟု ဧရာဝတီသို့ ပြောသည်။

“သူတို့ကို စစ်တဲ့ ရဲအရာရှိကတော့ ၀တပ်ဖွဲ့ကို ပို့တယ်လို့ပြောတယ်”ဟု ၎င်းက ဆိုသည်။ ယင်း ကိစ္စနှင့် ပတ်သက်၍ ရှမ်း ပြည် တပ်မတော် တောင်ပိုင်း (SSA-S) ကိုမေးမြန်းခဲ့ရာတွင်လည်း ၎င်းတို့နှင့် မသက်ဆိုင်ဟု ငြင်းဆိုကြောင်း ဦးခွန်ဆိုင်းက ဆက်ရှင်းပြ သည်။

“ဒီနေရာမှာ SSA လည်း ရှိတယ်၊ ၀ လည်း ရှိတယ်၊ ပြည်သူ့စစ်လည်း ရှိတယ် ဆိုတော့
ဘယ်သူမဆို ဖြစ်နိုင်တာပေါ့ သို့သော် လည်း တဖက်က ဒီထွက်ဆိုတဲ့ လူကလည်း
ဖမ်းမိပြီးဆိုတော့ လိမ်စရာ အကြောင်းမရှိတော့လို့ ထင်တယ်”ဟု ၎င်းက ဆိုသည်။

သို့သော် မည့်သည့် တိုင်းရင်းသား လက်နက်ကိုင် အဖွဲ့အစည်းများနှင့် ပတ်သက်ကြောင်း
ဧရာဝတီ သတင်းက သီးခြား အတည် ပြုချက် ရယူနိုင်ခြင်း မရှိသေးပေ။

အဆိုပါ ဖမ်းဆီးရမိမှုနှင့် ပတ်သက်ပြီး ယနေ့တွင် ချင်းရိုင်မြို့၌ ထိုင်းအာဏာပိုင်များက
သတင်းစာ ရှင်းလင်းပွဲ တရပ်ပြုလုပ်ကြောင်း သိရသည်။

ပြီးခဲ့သည့် ဇွန်လ ၂၆ ရက်နေ့ကလည်း ရှမ်းပြည်နယ် တာချီလိတ် မြို့နယ်ဘက်သို့ လက်နက်တင်ပို့ ရောင်းဝယ်ရေး လုပ်ကိုင်နေသူဟု ယူဆရသော ထိုင်း နိုင်ငံသား ၁ ဦး ကို လက်နက်များနှင့်အတူ
ထိုင်း-မြန်မာ နယ်စပ်တွင် ဖမ်းမိခဲ့သေးသည်။

ထိုစဉ်ကလည်း အာပီဂျီ လောင်ချာ ၁၂ လက်၊ အေကေ ၄၇ မောင်း ပြန် ရိုင်ဖယ် ၁၇ လက်၊ အမ် ၁၆ မောင်းပြန် ရိုင်ဖယ် ၆ လက်၊ အမ် ၇၉ လောင်ချာ ၁၂ လက်နှင့် အာပီဂျီ ဗုံးသီး ၉ လုံး တို့ကို ဖမ်းဆီး ရမိခဲ့ကြောင်း ထိုင်း သတင်းများက ဖော်ပြကြသည်။

၂၀၁၁ ခုနှစ် ဖေဖော်ဝါရီလအတွင်း၌လည်း UWSA တပ်ဖွဲ့ အတွက် လက်နက်ရောင်းဝယ်ရေး လုပ်ကိုင်နေသူဟု ယူဆရသော ထိုင်းနိုင်ငံသား ၂ ဦးကို လက်နက်များနှင့် အတူ ထိုင်းအာဏာ
ပိုင်များက ဖမ်းဆီးခဲ့သေးသည်။

ထိုစဉ်က သေသေခံ ပစ္စည်းများ အဖြစ် ၉ မမ ပစ္စတို ၅၆ လက်၊ သေနတ်ပြောင်းရှည် ၂ လက်၊
၆၀ မမ လောင်ဂျာ နှင့် သေနတ် ကျည်ဆန် အတောင့် ၂၀၀၀ တို့ကို သိမ်းဆည်းရမိခဲ့သည်။

မယ်ဆိုင်မြို့ တဖက်ကမ်းရှိ တာချီလိတ်မြို့သည် အစိုးရ စစ်တပ်၊ ရဲ၊ လူဝင်မှု ကြီးကြပ်ရေး (လ၀က)၊ အကောက်အခွန်၊ ငြိမ်းချမ်း ရေးယူထားသည့် အဖွဲ့ဝင်များ၊ မူးယစ်ဆေးဝါး ရောင်းဝယ်လုပ်ကိုင်နေသူများ ကျင်လည် ကျက်စားနေသော မြို့ဖြစ်ကြောင်း သိရသည်။

(ဧရာဝတီ)

KIA အား လေကြောင်းဖြင့် တိုက်ခိုက်ရန် အစိုးရ ရှေ့တန်း တပ်များက တောင်းဆိုလာ

Posted by drmyochit Saturday, September 01, 2012, under | No comments



ထိုးစစ်အတွက် ရှေ့မတိုးသာဖြစ်နေသော
 အစိုးရ တပ်ဖွဲ့များသည် စစ်ဆင်ရေး
အခြေအနေကို ပြောင်းလဲပစ်ရန်
လေကြောင်း စစ်ဆင်မှုကိုပါ အသုံးပြု
လာဖွယ် ရှိသည်ဟု ကချင်ပြည်


လွတ်မြောက်ရေး တပ်မတော် (KIA) စစ်ဌာနချုပ်မှ တပ်မှူး တဦးက ရွှေဟင်္သာသတင်း
ဌာနကို ပြောကြား ခဲ့ပါသည်။

“ KIA ကလည်း တန်ပြန်နေတယ်လေ။ သူတို့ကတော့ ရှေ့မတိုးနိုင်ဘူးဖြစ်နေတယ်။

 ဒါကိုကျော်လွှားဖို့ ထင်ပါတယ်။  အရေးကြီးတဲ့ ပွိုင့် တွေကိုလေကြောင်းနဲ့ ဗုံးကျဲ ဖို့လိုအပ်တယ်ဆိုပြီး၊ အချင်းချင်း ဆက်သွယ်ရေးစက်နဲ့ အကူအညီတောင်းနေ တယ်။

နေပြည်တော်ကတော့ ဘာအမိန့်ချမလဲတော့ မသိဘူး။ လောလောတော့ငြိမ်နေတယ်။
စောင့်ကြည့်နေတယ်။ ကျနော်တို့ကတော့ အဲဒီအတွက် အစကတည်းကပြင်ထားပြီးသားပါ
”ဟုဆိုပါသည်။

အထူးသဖြင့် လိုင်ဇာ စစ်မျာက်နှာရှိ KIA တပ်များနေရာယူထားသော တောင်ကုန်းပွိုင့်များကို ဗုံးကြဲဖွယ်ရှိသည်ဟု KIA ဖက် မှခန့်မှန်းထားပါသည်။

သို့သော် KIA ၏ အစိုးရရှေ့တန်း စစ်တပ်အတွက် ထောက်ပံ့ရေး ရိက္ခာလမ်းကြောင်းများကို ဖြတ် တောက်သည့် တိုက်ပွဲများကြောင့် ရှေ့တန်း တပ်ဖွဲ့များတွင် ရိက္ခာပြသနာဖြစ်ဖွယ်ရှိနေပါသည်။

ဤပြသနာကို အစိုးရဖက်က လေကြောင်းနည်းဖြင့် ရိက္ခာနှင့် ခဲယမ်းမီးကျောက်များ ချပေးနိုင်ဖွယ်ရှိနေပါသည်။

KIA_922qqw
KIA ၏ခံကတုတ်များ (ဓါတ်ပုံ KIA)

KIA သည် ၄င်းတို့၏ တန်ပြန်ထိုးစစ်ကို၊ စခန်းသိမ်းချေမှုန်းရေး တိုက်ပွဲများ အပါဝင် ပျောက်ကျားစနစ်နှင့်၊ မိုင်းစစ်ဆင်ရေး နည်းလမ်းများကို အသုံးပြုပြီး အစိုးရ တပ်ဖွဲ့များအား ပြန်လည် တိုက်ခိုက်နေသည်ဟု ဆိုပါသည်။

 အထူးသဖြင့် လိုင်ဇာစစ် မျက်နှာ၊၀ိုင်းမော်နှင့် တပ်မဟာ (၅) ဧရိယာ၊ တပ်မဟာ (၃)နှင့် တပ်မဟာ (၄) ဧရိယာ နှင့် ဖါးကန့်နယ်ရှိ KIA တပ်ရင်း (၃) ဧရိယာ၌ နေ့စဉ် တိုက်ပွဲများဖြစ်ပွားနေပါသည်။

အစိုးရ တပ်ဖွဲများသည်လည်း KIA တပ်ဖွဲ့များ၏ တန်ပြန်မှုကို တန်ပြန်စစ်ဆင်ရေးဖြင့် တုန့်ပြန်နေသည်ဟုဆိုပါသည်။

ဤ ကဲ့သို့ ပြင်းထန်လာနေသော စစ်ရေးအခြေအနေကြောင့် ကချင် စစ်ပြေး ဒုက္ခသည်များ တိုးလာနေပြီး ယခုဆိုလျှင် ဒုက္ခသည်များ တသိန်းဝန်းကျင်ခန့် ရှိလာနေ ပြီးဟု ဒုက္ခသည်ကော် မီတီ များက ခန့်မှန်းနေပါသည်။

အထူးသဖြင့် ဖါးကန့်ဒေသ၌ ကျေးရွာ (၁၁) ရွာမှ လူထုများ ပြောင်းရွှေ့ပေးရန် အစိုးရ တပ်ဖွဲ့များက ထပ်မံ အမိန့်ပေးထားသည်ဟု ဒေသခံများကဆိုပါ သည်။

ဤကဲ့သို့ KIA နှင့်အစိုးရတို့၏ ရှေ့မတိုးသာ ဖြစ်နေသော ပြသနာကို ၀ိုင်းဝန်း ကူညီဖြေရှင်းပေးရန် အမေရိကန်နိုင်ငံက တ ရုတ်နိုင်ငံအား တောင်းဆိုထားကြောင်း အမေရိကန် အစိုးရ ထုတ်ပြန်ချက်တခု၌ တွေ့ရပါသည်။

ထို့အပြင် ကချင်စစ်ပြေး ဒုက္ခသည်များကို နိုင်ငံတကာ အကူအညီပေးရေး အဖွဲ့များက အကူအညီပေး
နိုင်ရန် တရုတ်နယ်မြေကို အသုံးပြု ခွင့်ပေးရန် လည်းတောင်းဆိုထားပါသည်။

ဤစစ်ပွဲသည်၊ တိုင်းရင်းသားများအပေါ် အစိုးရသဘောထား၏ နောက်ဆက်တွဲပြသနာဟု KIA ကခံယူသလို မြန်မာနိုင်ငံ ငြိမ်းချမ်းရေးအတွက် အကူအညီပေးနေသော နော်ဝေးနိုင်ငံမှ Myanmar Peace Support Initiative (MPSI) ကလည်း မြန်မာ့ငြိမ်းချမ်းရေးသည် အစိုးရမှ KIA အပေါ် ထားရှိသောသဘောထား၌ မူတည်သည်ဟု မှတ်ချက်ပြုခဲ့ပါသည်။
http://www.phophtaw.org/burmese/index.php/news/internation-news/1942--kia-mpsi-.html
Naing_par_aung_112
KIA ဗိုလ်ချုပ်ပန်းအောင်                      


ရွေဟဿင်္ာ

ကိုမိုးသီးဇွန် အပါအဝင် ၆ ဦး ဒီနေ့  ရန်ကုန် ရောက်ပြီ

Posted by drmyochit Saturday, September 01, 2012, under | No comments



မိုးသီးဇွန်ခေါင်းဆောင်သည့် ၁၁ဦးအဖွဲသည် မြန်မာအစိုးရနှင့် ငြိမ်းချမ်းရေးဆွေးနွေးရန်ရန်ကုန်လေဆိပ်သို့
ယနေ့1.9.2012 နံနက် ၈ နာရီကျော်က ရောက်ရှိလာသည်။
၎င်းတို့အဖွဲ့ကို လူဘောင်သစ်ပါတီအဖွဲ့အပါအ၀င်နိုင်ငံရေးလှုပ်ရှားသူ အမ
ားစုလေဆိပ်သို့ လာရောက်ကြိုဆိုခဲ့ကြသည်။

ပြည်တွင်း၌နေထိုင်ခွင့် ဘယ်လောက်ရသလဲ ၎င်းတို့ မသိဘူးကြောင်းခန့်မှန်းချေနေ
ထိုင်ခွင့် တလခန့့် ရမည်ဟု အဖွဲ့တွင်းပါလာသူတစ်ဦးကပြောသည်။

မြန်မာပြည်ရောက်ချိန်တွင် ၎င်းတို့အနေဖြင့်ကချင်ဒေသကိုလည်းသွားရောက်မည်ဖြစ်ပြီး
ပြည်တွင်း၌ လက်ရှိ နိုင်ငံရေးလှုပ်ရှားနေသည့် ဒေသများ အဖွဲ့အစည်းများထံကို သွားရောက်တွေ့ဆုံမည်ဟုသိရသည်။

ယနေ့ ရန်ကုန်သို့ ရောက်ရောက်ခြင်းေ၇ွှတိဂုံဘုရားနှင့်အင်းယားကန်သို့ သွားရောက်
မည်ဖြစ်သည်။

ယခုလ ၃ ရက်နေ့တွင် မြန်မာနိုင်ငံကိုလာရောက်သည့်ကိစ္စနှင့်ပတ်သက်ပြီးသတင်း
စာရှင်းလင်းပွဲ ကို ယုဇနဟိုတယ်တွင် ပြုလုပ်မည်ဟုသိရသည်

Popular news journa

မကြာခင် လက်ထပ်တော့မယ့် အမျိုးသားနှစ်ယောက်ရဲ့ ဖူးစာ

Posted by drmyochit Saturday, September 01, 2012, under | No comments


ထူးခြားတဲ့ဒီဓာတ်ပုံ Facebook ကို
လွန်ခဲ့တဲ့ ၂ ရက်က ရောက်လာပါတယ်။
လက်ဆင့်ကမ်းနေကြသူ တထောင်ဝန်း
ကျင် ရှိနေပါပြီ။


အမျိုးသားနှစ်ဦး လက်ထပ်ပွဲလုပ်တော့မယ့် ပုံစံမျိုး ခန့်ခန့်ငြားငြား၊ ခမ်းခမ်းနားနား ရိုက်ကူး


ထားတဲ့ပုံပါ။
အမှန်တကယ်လည်း သူတို့ နှစ်ဦး လက်ထပ်တော့မယ်လို့ သိရပါတယ်။

ဘယ်သူတွေလဲ၊ ဘယ်တော့လဲ

တယောက်က မြန်မာပြည်က၊ တယောက်က စင်္ကာပူကလို့ ဆိုပါတယ်။
ဓာတ်ပုံဆရာကတော့ "real couple with Myanmar traditional wedding setting" ( မြန်မာ့ရိုးရာ မင်္ဂလာအခမ်းအနားနဲ့ တကယ့် စုံတွဲ) လို့ သူ ဖဘမှာ ရေးထားတာပါ။

"its pre-wedding, actually reception will be in dec" မင်္ဂလာပွဲအကြို ဓာတ်ပုံရိုက်ထားတာ၊ လက်ထပ်အခမ်းအနားကတော့ ဒီဇင်ဘာမှာ ဖြစ်လိမ့်မယ် တဲ့။

ကန့်ကွက်မှု

သူတို့နှစ်ယောက်ရဲ့ မင်္ဂလာပွဲအကြို အလှရိုက်ဓာတ်ပုံကို ကြည့်ပြီး အများအပြားက
ကန့်ကွက်ကြပါတယ်။ တယောက်က ဆိုရင် "မြန်မာ့ရိုးရာမင်္ဂလာပွဲသည် လိင်တူချင်းလက်ထပ်ရန်မဟုတ်...." လို့ မှတ်ချက်ချ ရေးထားပါတယ်။

ထောက်ခံမှု

လိင်တူ လက်ထပ်တာ ထောက်ခံတယ် လို့ ဓာတ်ပုံဆရာက ဆိုပါတယ်။
နောက်တယောက်ကတော့ Facebook မှာ အခုလို ရေးထားပါတယ်။
"တချို့က ငါးပိကြိုက်မယ်
တချို့က ငါးပိ မကြိုက်ဘူး
အဲဒီတော့ ငါးပိမကြိုက်တဲ့သူတွေက ငါးပိကြိုက်တဲ့သူတွေကို စိတ်ရောဂါသည် ဒါမှမဟုတ် စိတ်ဝေဒနာသည်လို့ သတ်မှတ်လို့ရလို့လား???
အဲဒီလိုပဲ သူ့လိင်စိတ်ခံယူမှုအရ သူ့ရွေးချယ်မှုကိုတော့ စိတ်ရောဂါတစ်ခုလိုသတ်မှတ်တာကတော့ သိပ်ပြီး ဘဝင်မကျဘူး

နောက်တစ်ချက်က အချစ်ဆိုတာ စိတ်ကထိန်းချုပ်နိုင်ရမယ်ဆိုတာက မသင့်တော်
တဲ့အရာကိုပဲ ထိန်းရှုပ်ရမှာလေ
ဥပမာ မလွတ်လပ်သူ အရွယ်မရောက်သေးသူ စသဖြင့်ပေါ့
သူတို့ဘာသာ လွတ်လပ်သူအချင်းချင်း စိတ်တူသဘောတူ ချစ်ကြ ကြိုက်ကြ ယူကြတာကိုတော့ ဘာမှမပြောလိုပါ"

ဥပဒေ
လိင်တူ လက်ထပ်တာကို ကမ္ဘာ့ ဒေသတချို့မှာ တရားဝင်ခွင့်ပြုထားပါတယ်။
မြန်မာနိုင်ငံမှာရော ဘယ်လိုပါလဲ?
တယောက်က အခုလို မှတ်ချက်ရေးထားပါတယ် -
"သေချာတာက မြန်မာ့ဓလေ့ထုံးတမ်းဥပဒေထဲတော့ မပါဘူး။
လိင်တူခြင်းလက်ထပ်ထိမ်းမြားဖို့အတွက် သီးသန့်ဥပဒေပြဌာန်းဖို့ လိုမယ် ထင်တယ်။
အရေးကြီးဥပဒေတွေ ဦးစားပေးနေရတဲ့ ဒီလိုအချိန်မျိုးမှာ ဒီကိစ္စ အသိအမှတ်ပြုဖို့အတွက် တော်တော်လေးလိုဦးမယ်..."

ဒီအကြောင်းအရာဟာ တချိန်မှာ လွှတ်တော်ထဲ ရောက်သွားနိုင်ပါတယ်။ သို့သော်လည်း အကြိတ်အနယ်ဆွေးနွေးတဲ့အခြေအနေကို ရောက်ဖို့ကတော့ အချိန်အတော်ကြာအုံးမယ်လို့
ယူဆရပါတယ်။

(ဧရာဝတီ)

ခုံရုံးကိစ္စသည် ပြည်သူ့အသံ၊ ပြည်သူ့ဆန္ဒ၊ ပြည်သူ့မျှော်လင့်ချက် မဟုတ်ပါ

Posted by drmyochit Saturday, September 01, 2012, under | No comments


ပြဿနာ၏ ပစ္စုပ္ပန်အခြေအနေ
အားလုံးသိပြီးဖြစ်တဲ့အတိုင်း ဖွဲ့စည်းပုံအခြေခံဥပဒေဆိုင်ရာ ခုံရုံး ဥက္ကဋ္ဌနဲ့ အဖွဲ့ဝင်တွေကို လွှတ်တော်တွေက စွပ်စွဲပြစ်တင်မှုတွေ ပြုလုပ်ကြတာ ဖြစ်ပါတယ်။ အငြင်းပွားတုန်းကတော့ ပြည်သူ့လွှတ်တော်နဲ့ အချေအတင် ဖြစ်ကြတာပါ။ ဒါပေမယ့်လို့ တကယ့်တကယ် ခုံရုံးကို စွပ်စွဲပြစ်တင်ဖို့ အဆိုတင်တော့ အမျိုးသားလွှတ်တော်က လုပ်လိုက်ပါတယ်။ ဒါကလည်း အကြောင်းရှိပါတယ်။ ပြည်သူ့လွှတ်တော်က စွပ်စွဲပြစ်တင်ကြောင်း အဆိုတင်သွင်းလိုက်ရင် စုံစမ်းစစ်ဆေးရေးအဖွဲ့ကို အမျိုးသားလွှတ်တော်က ဖွဲ့ရမှာကိုး။ သူရဦးရွှေမန်း ဦးဆောင်တဲ့ ပြည်သူ့လွှတ်တော်အဖွဲ့က အဲဒီလိုမျိုးဖြစ်မှာကို မလိုလားပါဘူး။ ရှင်းရှင်းပြောရရင်တော့ အမျိုးသားလွှတ်တော်ကို မယုံကြည်ပါဘူး။ ပြည်သူ့လွှတ်တော်မှာ စွပ်စွဲပြစ်တင်ကြောင်း အဆိုတင်သွင်းပြီး အမျိုးသားလွှတ်တော်မှာ စုံစမ်းစစ်ဆေးခိုင်းလိုက်ကာမှ အပြစ်မရှိပါဘူးဆိုတဲ့ ရလဒ်ထွက်လာမှာကို ပြည်သူ့လွှတ်တော်အဖွဲ့တွေ သိပ်ကြောက်ပါတယ်။ ဘာကြောင့်ဖြစ်ရတာလဲဆိုတဲ့ အကြောင်းပြချက်တွေ မနည်းမနော ရှိပါတယ်။ နမူနာတချို့ ထုတ်ပြပါ့မယ်။

လွှတ်တော်နှစ်ရပ် မတူညီသည့် ဥပမာအချို့ 
ခုံရုံးကို စွပ်စွဲပြစ်တင်ဖို့အတွက် သည်းသည်းလှုပ် ဖြစ်နေကြသူတွေ၊ ဒေါသတကြီး ဖြစ်နေကြသူတွေ၊ တဆတ်ဆတ်တုန်ပြီး မကျေနိုင်မချမ်းနိုင် ဖြစ်နေကြသူတွေကိုကြည့်ရင် ပြည်သူ့လွှတ်တော် ကိုယ်စားလှယ်တွေ အများစုဖြစ်တာကို တွေ့ရပါလိမ့်မယ်။ အမျိုးသားလွှတ်တော် ကိုယ်စားလှယ်ထဲက အဲဒီကိစ္စအပေါ် အရူးအမူးဖြစ်တာဆိုလို့ အမြဲတမ်း အတိုက်အခံ လုပ်ချင်နေတဲ့ ဒေါက်တာအေးမောင် တစ်ယောက်ပဲ ရှိပါတယ်။ နောက်တစ်ချက်ကတော့ လွှတ်တော်နှစ်ရပ်ကြားက ကတ္တီပါရန်ညှိုးတွေ ဖြစ်ပါတယ်။ အားလုံးသိပြီးဖြစ်တဲ့အတိုင်း ပြည်သူ့လွှတ်တော်နဲ့ အမျိုးသားလွှတ်တော်တို့ဟာ သိပ်ပြီးတော့ အစေးကပ်လှတာ မဟုတ်ပါဘူး။ ဖွဲ့စည်းပုံအခြေခံဥပဒေမှာ ပြည်သူ့လွှတ်တော်နဲ့ အမျိုးသားလွှတ်တော်တို့သည် အဆင့်အတန်းချင်း တူညီကြသည်လို့ အတိအလင်း ပြဋ္ဌာန်းထားပါတယ်။ သို့သော်လည်း တကယ့်လက်တွေ့တွင်တော့ ထိုသို့မဟုတ်ပါချေ။ လွှတ်တော်နှစ်ရပ်၏ အင်အားချိန်ခွင်လျှာသည် ညီမျှမှုမရှိပါချေ။ ၄၄၀ ဦးသော ကိုယ်စားလှယ်များဖြင့် ဖွဲ့စည်းထားသည့် ပြည်သူ့လွှတ်တော်သည် ၂၂၄ ဦးဖြင့် ဖွဲ့စည်းထားသည့် အမျိုးသားလွှတ်တော်အပေါ် ဒီမိုကရေစီနည်းကျ ဗိုလ်ကျအနိုင်ယူခဲ့ကြောင်း ပညာရှင်အများ သိရှိကြပြီး ဖြစ်ပါသည်။ ဥပဒေကြမ်းများ ဆွေးနွေးပြင်ဆင် ဖြည့်စွက်ကြရာတွင် လွှတ်တော်နှစ်ရပ် သဘောကွဲလွဲခဲ့သည့် အချိန်တိုင်း ပြည်သူ့လွှတ်တော်က ဒီမိုကရေစီနည်းကျ အနိုင်ယူခဲ့သည်ကို နိုင်ငံရေးလေ့လာသူတိုင်း သိရှိကြပြီး ဖြစ်ပါသည်။ ထို့ပြင် လွှတ်တော်နှစ်ရပ်တွင် အမျိုးသားလွှတ်တော်သည် ပို၍ တည်ငြိမ်ရင့်ကျက်သည်ကို တွေ့ရပါသည်။ သို့သော် ယခင်အစိုးရလက်ထက်မှ အကြီးအကဲအများစုက ပြည်သူ့လွှတ်တော်တွင် ရောက်ရှိနေသည့်အတွက် ၎င်းတို့အနေဖြင့် အမျိုးသားလွှတ်တော်ကို မတူမတန်သလို သဘောထားခြင်း၊ အဖြည့်ခံသက်သက်သာ သဘောထားခြင်းများကို လွှတ်တော်မှတ်တမ်းများရှိ သူတို့၏ ဆွေးနွေးပြောဆိုမှုများက သက်သေခံပြီး ဖြစ်ပါသည်။ ထို့ကြောင့် အကယ်၍များ ယခုခုံရုံးကိစ္စကို အမျိုးသားလွှတ်တော်ကများ စုံစမ်းစစ်ဆေးခဲ့လျှင် စွပ်စွဲပြစ်တင်မှုသည် မှန်ကန်မှုမရှိကြောင်း ဆုံးဖြတ်ခဲ့ပါက ပြည်သူ့လွှတ်တော်အဖို့ ဘယ်လိုမှ ကျေနပ်နိုင်လိမ့်မည် မဟုတ်ချေ။ ယခုတော့ သူတို့စိတ်ကြိုက် အခွင့်အရေးကို သူတို့ကိုယ်တိုင် ဖန်တီးနိုင်ခွင့် ရှိသွားခဲ့ပြီ ဖြစ်ပါသည်။

သမိုင်းမှာ ဥပမာတွေ များစွာရှိတယ်
ကျွန်တော်တို့ မြန်မာ့နိုင်ငံရေးသမိုင်းကို လေ့လာကြည့်လျှင် တစ်ဝက်လောက်က အကွဲအပြဲ ဇာတ်လမ်းများသာ ဖြစ်ကြသည်ကို စာဖတ်သူများ သိရှိကြပြီး ဖြစ်ပါလိမ့်မည်။ စင်ကာပူက ကျောင်းတစ်ခု၏ မြန်မာကျောင်းသားများ သင်္ကြန်အငြိမ့်တစ်ခုမှ သံချပ်တစ်ခုကို ပြန်သတိရမိပါသည်။ သုံးယောက်ရှိရင် လေးဖွဲ့ကွဲတာ တို့မြန်မာ ပါတဲ့။ ဟုတ်ကဲ့၊ ကျွန်တော်တို့လူမျိုးသည် အဖွဲ့အစည်းနှင့် နေလို့မရသည့် လူမျိုးများ ဖြစ်နေချေပြီလားဟု စိတ်ပူမိပါသည်၊ စိုးရိမ်မိပါသည်။ ဘာအသင်းဖွဲ့ဖွဲ့ ကွဲကြ၊ ပြဲကြတာ အစဉ်အလာတစ်ခုကဲ့သို့ပင် ဖြစ်နေလေပြီလားဟုလည်း သံသယဖြစ်နေမိပါသည်။ ဒီမိုကရေစီခေတ်ကို ကူးပြောင်းတာ ၂ နှစ်ပင် မပြည့်သေးပါ။ အကွဲအပြဲ ဇာတ်လမ်းတွေက မနည်းမနော ကြားခဲ့ကြရပြီး ဖြစ်ပါသည်။ လွှတ်တော်နှစ်ရပ် သဘောကွဲလွဲသည်။ အစိုးရအဖွဲ့နှင့် သဘောကွဲလွဲသည်။ သမ္မတကြီးနှင့် သဘောကွဲလွဲသည်။ ဟော... အခုတစ်ခါ ဖွဲ့စည်းပုံအခြေခံဥပဒေဆိုင်ရာ ခုံရုံးနှင့် ကွဲကြပြဲကြ ပြန်လေပြီ။ ယခင် အစိုးရလက်ထက်ကတည်းက အတူလက်တွဲ၍ အလုပ်လုပ်ခဲ့ကြသူများ ဖြစ်ကြပါသည်။ တစ်နည်းပြောရလျှင် ယနေ့လို အချိန်အခါကို ရောက်ရှိဖို့အတွက် အတူတူ လျှောက်လှမ်းခဲ့ကြသူများ ဖြစ်ကြပါသည်။ ညှိညှိနှိုင်းနှိုင်း၊ တိုင်တိုင်ပင်ပင်၊ ဆွေးဆွေးနွေးနွေး၊ အေးအေးဆေးဆေး၊ သပ်သပ်ရပ်ရပ် လုပ်ခဲ့လျှင်ဖြင့် ယခုကဲ့သို့ ဖြစ်လာနိုင်စရာပင် မရှိပါ။ အခုတော့ အပြန်အလှန် ထိန်းကျောင်းမှုကို အကြောင်းပြု၍ တွေ့သမျှလူကို ရန်လိုက်လုပ်နေသည်နှင့် တူနေတော့သည်။ ကျွန်တော်တို့၏ ခေတ်သစ် ဒီမိုကရေစီသမိုင်းကို ယခင်သမိုင်းများကဲ့သို့ အကွဲအပြဲမှတ်တမ်း မရေးထိုးလိုပါ။ စဉ်းစားဆင်ခြင်၍ ဆောင်ရွက်ကြစေလိုပါသည်။

ပြည်သူတွေ စိတ်ဝမ်းကွဲရပြီ
လွှတ်တော်တွေ၊ အစိုးရတွေ၊ တရားစီရင်ရေးတွေ ကွဲကြပြဲကြ၊ ငြိကြထိကြ၊ ဆော်ကြနှက်ကြ၊ အော်ကြဟစ်ကြ ဖြစ်ကြတာက အကြောင်းမဟုတ်။ ကြားထဲက ပြည်သူတွေကပါ စိတ်ဝမ်းကွဲမှုတွေ ဖြစ်လာရသည်ကတော့ ကောင်းသည့်လက္ခဏာမဟုတ်ချေ။ မြစ်ဆုံအရေးတွင် သမ္မတကြီး၏ မှန်ကန်သည့် ဆုံးဖြတ်ချက်နှင့်အတူ သွေးစည်းညီညွတ်ခဲ့ကြသည့် မြန်မာပြည်သူလူထု၊ ရခိုင်အရေးတွင် သမ္မတကြီး၏ သတ္တိရှိရှိ၊ ပြောင်ပြောင်မြောက်မြောက် ပြောကြားခဲ့သည့် စကားသံနှင့်အတူ စည်းလုံးခဲ့ကြသော မြန်မာပြည်သူလူထု၊ အခုတော့ ခုံရုံးကိစ္စကြောင့် စိတ်ဝမ်းတွေ ကွဲစပြုကြရလေပြီ။ ပြဿနာဖြစ်ကြသူတွေရဲ့ နောက်ကွယ်က ဖြစ်ရပ်များက မည်သို့ရှိသည် မသိရ။ သို့သော် ပြည်သူတွေကတော့ ကိုယ့်အတွေး၊ ကိုယ့်အမြင်နှင့်ကိုယ် သူလည်းသူ့အတွေး၊ ကိုယ်လည်းကိုယ့်အတွေးဖြင့် ငြင်းခုန်ကြရ၊ ရန်ဖြစ်ကြရ၊ စကားများရ၊ စိတ်ဝမ်းကွဲရ ဖြစ်ကုန်ရပါသည်။ ငါကခုံရုံး၊ ငါကလွှတ်တော် စသည်ဖြင့် ငြင်းခုန်ရန်ဖြစ်ကြရသည်မှာ သန့်ရှင်းတည်မြဲကိုပင် ပြေးမြင်မိပါသေးတော့သည်။

ဒီမိုကရေစီ အနိုင်ကျင့်မှု
ကျွန်တော်မကြာခဏ ရေးသားတင်ပြခဲ့သလို လွှတ်တော်များသည် ဖွဲ့စည်းပုံအခြေခံဥပဒေက ပေးအပ်ထားသည့် အခွင့်ထူးများကို ခံစားရရှိနေပါလျက် အဘယ်ကြောင့် ရန်တစစ၊ မာန်တ၀င့်ဝင့် ဖြစ်နေရသည်ကို ကျွန်တော်နားမလည်နိုင်ပါ။ အခြားသော မဏ္ဍိုင်နှစ်ရပ်နှင့် နှိုင်းစာလျှင် ဥပဒေပြုရေးမဏ္ဍိုင်သည် အခွင့်ထူးခံ ဖြစ်ပါသည်။ အခြားသော မဏ္ဍိုင်များနှင့် မတူညီသည့် အခွင့်အရေးများကို ဖွဲ့စည်းပုံအခြေခံဥပဒေက လွှတ်တော်များအား အပ်နှင်းထားပါသည်။ ထိုအချက်ကို လွှတ်တော်များကလည်း သိရှိကြပါသည်။ သိသောကြောင့်လည်း ယခုကဲ့သို့ မောက်မောက်မာမာ ဖြစ်နေကြတာ ဖြစ်လိမ့်မည်ဟု သုံးသပ်မိပါသည်။ ဦးချိုရှိသည့် သတ္တ၀ါသည် ဦးချိုကို အားကိုးသကဲ့သို့ လွှတ်တော်များကလည်း သူတို့မှာရှိသည့် အဆိပ်ကို သူတို့အားကိုးကြချေပြီ။ တစ်နည်းဆိုရလျှင် ဒီမိုကရေစီနည်းကျ အနိုင်ကျင့်မှုကို ကျူးလွန်ဖို့ အသင့်ဖြစ်ကြချေပြီဟု ကျွန်တော်ကိုဉာဏ် သုံးသပ်လိုပါသည်။

ဖွဲ့စည်းပုံအခြေခံဥပဒေဆိုတာ
ဥပဒေရှုထောင့်၊ ပညာရှင်ရှုထောင့်မှ မည်သို့ပင် ငြင်းခုန်နေကြသည်ဖြစ်စေ ကျွန်တော်မပြောလိုပါ။ ကျွန်တော်ပြောလိုသည်က ဖွဲ့စည်းပုံအခြေခံဥပဒေသည် မြန်မာနိုင်ငံရှိ ဥပဒေအားလုံး၏ မူလရင်းမြစ် ဖြစ်ပါသည်။ မည်သည့် ဥပဒေကမျှ ဖွဲ့စည်းပုံအခြေခံဥပဒေကို ကျော်လွန်ခြင်း၊ လွှမ်းမိုးခြင်း မပြုရပါ။ ဥပဒေတစ်ခုခု၏ ပြဋ္ဌာန်းချက်တစ်ခုခုသည် ဖွဲ့စည်းပုံအခြေခံဥပဒေပါ ပြဋ္ဌာန်းချက်များနှင့် ကွဲလွဲလျှင် ဖွဲ့စည်းပုံအခြေခံဥပဒေပါ ပြဋ္ဌာန်းချက်အတိုင်း လိုက်နာရမည်ကို ကိုယ်စားလှယ်များ အားလုံးအသိ ဖြစ်ပါသည်။ ထိုသို့သိပါလျက် ဘယ်ဥပဒေကြောင့်၊ ညာဥပဒေကြောင့်ဟု မျက်စိစုံမှိတ်ကာ အော်နေလျှင်တော့ တစ်ခုခု လွဲမှားနေပြီဟု ဆိုချင်ပါသည်။

နိုင်ငံတော် ဖွဲ့စည်းပုံအခြေခံဥပဒေဆိုင်ရာ ခုံရုံး
ဖွဲ့စည်းပုံအခြေခံဥပဒေဆိုင်ရာခုံရုံးသည် ဖွဲ့စည်းပုံအခြေခံဥပဒေနှင့် ညီညွတ်ခြင်း ရှိ၊ မရှိကိုသာ ဆုံးဖြတ်မည် ဖြစ်ပါသည်။ အခြားဥပဒေများကို သူတို့ ဂရုစိုက်လိမ့်မည် မဟုတ်ပါ။ ခုံရုံး၏ အမည်ကပင် ရှင်းလင်းပြီး ဖြစ်ပါသည်။ ဆိုပါစို့၊ ဥပဒေတစ်ခုတွင် အကြောင်းအရာတစ်ခုကို A ဟု ပြဋ္ဌာန်းလိုက်သည်၊ ဖွဲ့စည်းပုံအခြေခံဥပဒေတွင်လည်း ထိုအကြောင်းအရာသည် A ဖြစ်ရမည်ဟု အဓိပ္ပါယ်ထွက်လျှင် ထိုအရာသည် ပြဿနာမဟုတ်ပါ။ သို့သော် ဖွဲ့စည်းပုံအခြေခံဥပဒေတွင် B ဟု အဓိပ္ပါယ်ထွက်နေလျှင်တော့ ထိုအချက်သည် ပြဿနာဖြစ်ပါသည်။ ဥပဒေများသည် ဖွဲ့စည်းပုံအခြေခံဥပဒေမှ သွေဖည်ခြင်းငှာ၊ ကျော်လွန်ခြင်းငှာ မဖြစ်နိုင်ပါ။ ယခုကိစ္စက ထိုသို့ ရှင်းရှင်းလင်းလင်း မဟုတ်ပါ။ လွှတ်တော်များက A ဟု ပြဋ္ဌာန်းလိုက်သည်။ ဖွဲ့စည်းပုံအခြေခံဥပဒေတွင် ထိုသို့ပြဋ္ဌာန်းရမည်ဟု ဖော်ပြထားခြင်းမရှိ။ ထို့အတွက် ခုံရုံးက ဖွဲ့စည်းပုံအခြေခံဥပဒေတွင် ထိုသို့ မပြဋ္ဌာန်းထားသည့်အတွက် A ဟု ပြဋ္ဌာန်းခြင်းသည် အခြေခံဥပဒေနှင့် မညီညွတ်ဟု ဆုံးဖြတ်လိုက်သည်။ ဒါကို လွှတ်တော်တွေက မကျေနပ်ချေ။ သမ္မတကြီးဆီ အကူအညီတောင်းတော့ သမ္မတကြီး၏ အဖြေကလည်း ရှင်းပါသည်။ ဖွဲ့စည်းပုံအခြေခံဥပဒေတွင် A ဟု ပြဋ္ဌာန်းထားခြင်းတော့မရှိ၊ သို့သော် အခြေခံဥပဒေတွင် ခုံရုံး၏ ဆုံးဖြတ်ချက်သည် အပြီးအပြတ် ဖြစ်သည်ဟု ရေးသားထားသဖြင့် လိုက်နာကြရမည်၊ အကယ်၍ လွှတ်တော်များက ဖြစ်စေချင်သည့်အတိုင်း A ဟု ပြဋ္ဌာန်းလိုပါက ဖွဲ့စည်းပုံအခြေခံဥပဒေကို ပြင်လိုက်ပါ။ ထိုသို့ ပြင်ဆင်ခွင့်ကလည်း လွှတ်တော်များတွင်သာ ရှိနေသည် မဟုတ်ပါလား။ ထိုကဲ့သို့သာ ဖွဲ့စည်းပုံအခြေခံဥပဒေထဲတွင် ထိုအချက်သည် A ဖြစ်သည်ဟု ပြဋ္ဌာန်းလိုက်လျှင် ခုံရုံးကလည်း ထိုအချက်သည် ဖွဲ့စည်းပုံအခြေခံဥပဒေနှင့် ကိုက်ညီသည်ဟု ဆုံးဖြတ်မည်မှာ အသေအချာ ဖြစ်ပါသည်။ လွယ်လွယ်လေးကို ရှုပ်အောင်လုပ်နေကြခြင်းသာ ဖြစ်ပါသည်။

ခုံရုံးပြုတ်သွားရင် ဘာဖြစ်မလဲ
ထိုမေးခွန်းကို လွှတ်တော်ကိုယ်စားလှယ်များကိုသာ မေးမြန်းလိုပါသည်။ သူတို့ ယခုလုပ်နေသည့် စွပ်စွဲပြစ်တင်မှု အောင်မြင်သွား၍ ခုံရုံးဥက္ကဋ္ဌနှင့် အဖွဲ့ဝင်များ ရာထူးမှ ရပ်စဲသွားကြပါလျှင် လွှတ်တော်တွေအတွက် ဘာအမြတ်ထွက်မည်လဲ။ ဂုဏ်သိက္ခာ ပြန်ဆည်နိုင်သည်ဟု ပြောကြဦးမည်လား။ ထိုသို့မဟုတ် ငါတို့လွှတ်တော်တွေကို လာမစမ်းနဲ့၊ ဒီလိုမျိုး ဖြစ်သွားမယ်ဟု အခြားသူများကို အမောက်ထောင်ပြချင်တာလား၊ ကျွန်တော် မဝေခွဲတတ်ပါ။ ယခု ဖြစ်နေသည့် အဓိကပြဿနာမှာ လွှတ်တော်အသီးသီးက ဖွဲ့စည်းသည့် ကော်မတီ၊ ကော်မရှင်များသည် ပြည်ထောင်စုအဆင့် ဟုတ်၊ မဟုတ် ဆိုသည့်အချက် ဖြစ်ပါသည်။ လွှတ်တော်တွေက ပြည်ထောင်စုအဆင့် ဖြစ်ချင်သည်။ ဒါပဲဖြစ်သည်။ ခုံရုံးတစ်ခုလုံး ရာထူးမှ ရပ်စဲသွားလျှင် လွှတ်တော်များက ဖွဲ့စည်းသည့် ကော်မတီများ၊ ကော်မရှင်များ ပြည်ထောင်စုအဆင့် ဖြစ်သွားမည်လားဟု ကျွန်တော်မေးချင်ပါသည်။ မဖြစ်ပါ၊ မဖြစ်ရေးချ မဖြစ်ပါခင်ဗျား။ ဖွဲ့စည်းပုံအခြေခံဥပဒေကို မပြင်ဆင်သရွေ့ ထိုဆုံးဖြတ်ချက်သည် အတည်ဖြစ်နေမည် ဖြစ်ပါသည်ခင်ဗျား။ ထိုအခါကျမှ အဲဒါဆိုလည်း ဖွဲ့စည်းပုံကို ပြင်ကြတာပေါ့ဟု မလုပ်ကြပါနှင့် လွှတ်တော်များခင်ဗျား။ အစကတည်းက အဲဒီလို မလုပ်ဘဲ လမ်းချော်ပြီး သူများတွေပြုတ်အောင် အရင်လုပ်ခဲ့ပြီးမှ ဒီလို လုပ်ရင်တော့ ငါတို့လိုချင်တာရတယ်ဟု မျက်နှာပြောင် မတိုက်ကြပါနဲ့ဟု ကြိုတင် တောင်းပန်လိုပါသည်။ ခုံရုံးပြုတ်သည်၊ မပြုတ်သည်က မသေချာသေး၊ အခုလောလောဆယ် သေချာသည်ကတော့ နှစ်ဖက်လုံးအတွက် ရှုံး-ရှုံး (lose-lose) ဖြစ်နေပါသည်။

ခုံရုံးဆုံးဖြတ်ခဲ့သမျှ
ဖွဲ့စည်းပုံအခြေခံဥပဒေဆိုင်ရာ ခုံရုံးကို အဓိပ္ပါယ်ဖွင့်ဆိုပေးဖို့ တောင်းဆိုတာ ဒါက ပထမဆုံးအကြိမ် မဟုတ်ပါဘူး။ ရှေ့မှာလည်း တင်သွင်းလွှာတွေ ရှိခဲ့ပါတယ်။ အခုဖြစ်နေတာနဲ့ အနီးစပ်ဆုံး ပြဆိုလို့ရအောင် နီးစပ်တဲ့ဥပမာကိုပဲ ထုတ်နုတ်ပြပါ့မယ်။ တိုင်းရင်းသားလူမျိုးရေးရာ ၀န်ကြီးတွေဟာ သက်ဆိုင်ရာ တိုင်းဒေသကြီး သို့မဟုတ် ပြည်နယ်ဝန်ကြီးများနဲ့ အဆင့်တူညီခြင်း ရှိ၊ မရှိ ဒေါက်တာအေးမောင် ပါ ၂၃ ဦး ရဲ့ တင်သွင်းလွှာကို ကြည့်ကြရအောင်ပါ။ ဖွဲ့စည်းပုံအခြေခံဥပဒေဆိုင်ရာ ခုံရုံးက တိုင်းရင်းသားလူမျိုးရေးရာ ၀န်ကြီးတွေဟာ ဖွဲ့စည်းပုံအခြေခံဥပဒေအရ တိုင်းဒေသကြီး သို့မဟုတ် ပြည်နယ်ဝန်ကြီးတွေပဲ ဖြစ်တဲ့အကြောင်း၊ တိုင်းဒေသကြီး သို့မဟုတ် ပြည်နယ်အဆင့် ပုဂ္ဂိုလ်များ၏ ချီးမြှင့်ငွေ၊ စရိတ်နှင့် အဆောင်အယောင်များဆိုင်ရာ ဥပဒေတွင် ခွဲခြားပြဋ္ဌာန်းထားခြင်းသည် ဖွဲ့စည်းပုံအခြေခံဥပဒေနှင့် ညီညွတ်မှု မရှိကြောင်း ဆုံးဖြတ်ခဲ့ပါတယ်။ ဒါဟာ သမိုင်းဝင် ဆုံးဖြတ်ချက်တစ်ခုလည်း ဖြစ်ခဲ့ပါတယ်။

သမ္မတကြီးက ဖွဲ့စည်းပုံအခြေခံဥပဒေနဲ့ ခုံရုံးကို လေးစားတယ်
အမှန်အတိုင်း သုံးသပ်ရရင် အဲဒီဆုံးဖြတ်ချက်ကို သမ္မတကြီးခေါင်းဆောင်တဲ့ အုပ်ချုပ်ရေးပိုင်းက ကျေနပ်မှု မရှိပါဘူး။ ဘာကြောင့်လဲဆိုတော့ တိုင်းဒေသကြီး သို့မဟုတ် ပြည်နယ်ဝန်ကြီးတွေနဲ့ တိုင်းရင်းသားလူမျိုး ၀န်ကြီးတွေမှာ မတူခြားနားမှုတွေ အများကြီး ရှိနေလို့ပါ။ စာဖတ်သူတွေလည်း သိရှိနားလည်ပြီး ဖြစ်ကြမယ် ထင်ပါတယ်။ အဲဒီအတွက် သမ္မတကြီးက အဲဒီဆုံးဖြတ်ချက်ကို ပြန်လည်သုံးသပ်ပေးဖို့ ဖွဲ့စည်းပုံအခြေခံဥပဒေဆိုင်ရာ ခုံရုံးကို တင်သွင်းလွှာ တင်ခဲ့ပါတယ်။ ဒါပေမယ့် ခုံရုံးက ဖွဲ့စည်းပုံအခြေခံဥပဒေမှာ တိုင်းရင်းသားလူမျိုးရေးရာ ၀န်ကြီးတွေဟာလည်း တိုင်းဒေသကြီး သို့မဟုတ် ပြည်နယ်ဝန်ကြီးတွေ ဖြစ်တယ်လို့ ပါရှိတဲ့အတွက် ဆုံးဖြတ်ချက်ဟာ အတည်ဖြစ်တဲ့အကြောင်းနဲ့ ဖွဲ့စည်းပုံအခြေခံဥပဒေအရ ခုံရုံးရဲ့ ဆုံးဖြတ်ချက်ဟာ အပြီးအပြတ် အတည်ဖြစ်တဲ့အတွက် သမ္မတရဲ့ တင်သွင်းမှုကို ပလပ်လိုက်ကြောင်း ဆုံးဖြတ်ခဲ့ပါတယ်။ ဒါကိုကြည့်ရင် ခုံရုံးရဲ့ သူတို့အလုပ်အပေါ်မှာ အလေးထားမှုနဲ့ သမ္မတကြီးရဲ့ ခုံရုံးနဲ့ ဖွဲ့စည်းပုံအခြေခံဥပဒေအပေါ် လေးစားမှုကို ကွက်ကွက်ကွင်းကွင်း မြင်နိုင်ပါတယ်။ အဲဒီတုန်းကသာ သမ္မတကြီးက ဒီဆုံးဖြတ်ချက်ဟာ ဘာဖြစ်တယ်၊ ညာဖြစ်တယ်ဆိုပြီး စွပ်စွဲပြစ်တင်တာတွေ ဘာတွေများ လုပ်ခဲ့ရင်တော့ အခုကိစ္စကို မပြောလိုပါဘူးဗျာ။ အဲဒီအချိန်တုန်းကတော့ ဒေါက်တာအေးမောင်တို့တစ်တွေ ပျော်တပြုံးပြုံးနဲ့ ဖြစ်နေခဲ့ကြပြီး အခုလို သူတို့တွေရဲ့ ကော်မတီတွေဟာ ပြည်ထောင်စုအဆင့် မဟုတ်ပါဘူးဆိုတော့မှ မျောက်မီးခဲကိုင် ဆိုသလို ဆွေ့ဆွေ့ခုန်နေတာကတော့ တယ်ပြီးတော့ သဘာဝကျလှတယ် မထင်မိပါဘူး။

ပြည်ထောင်စုအဆင့် ဘာကြောင့်ဖြစ်ချင်တာလဲ
လွှတ်တော်တွေက သူတို့ဟာ အဆောင်အယောင်တွေ၊ ချီးမြှင့်ငွေတွေကို မလိုချင်ပါဘူး၊ အပြန်အလှန် ထိန်းညှိဖို့အတွက်ပဲ ပြည်ထောင်စုအဆင့် ဖြစ်ချင်တာပါတဲ့။ အခြားသူတွေရဲ့ သဘောထားကို ကျွန်တော်မပြောလိုပါဘူး။ ကျွန်တော်ကတော့ မယုံရေးချမယုံပေါင်။ ပြတ်ပြတ်သားသား ပြောရရင်တော့ ကိုယ်စားလှယ် အများစုကို လုံးဝ (လုံးဝ)ကို အယုံအကြည် မရှိကြောင်းပါခင်ဗျား။ ဘာကြောင့်လဲဆိုတော့ ကျွန်တော့်မျက်စိရှေ့မှာတင် လွှတ်တော်ကိုယ်စားလှယ် ဆိုတဲ့လူတွေက ကားလက်မှတ်မရလို့ လက်မှတ်ရောင်းတဲ့လူကို ခြိမ်းခြောက်တာတို့၊ မြို့နယ်တွေမှာလုပ်တဲ့ အခမ်းအနားတွေမှာ သူတို့ကို မဖိတ်လို့၊ တချို့လည်း သူတို့ကို နေရာကောင်းမပေးလို့ ရန်လုပ်တာတို့၊ အထက်ကိုတိုင်တာတို့၊ ၀န်ကြီးဌာနတွေကနေ လျှောက်လွှာတင်လို့ ရသမျှကို ကိုယ်စားလှယ်ဆိုတဲ့ နာမည်ကို အသုံးပြုပြီး အခွင့်အရေးယူနေတာတို့၊ ရပ်ကွက်တွေ၊ မြို့နယ်တွေရဲ့ အုပ်ချုပ်ရေးတွေမှာ ၀င်ရောက်စွက်ဖက်တာတို့၊ ခြိမ်းခြောက်ပြောဆိုတာတို့ကို မမြင်ချင်အဆုံး မြင်တွေ့ကြားသိနေရတာမို့ပါ။ ကိုယ်စားလှယ်တွေ ဘယ်လောက်ခြေလှမ်းသွက်တယ်ဆိုတာ သိချင်သပဆိုရင်တော့ နေပြည်တော်မှာ ကိုယ့်မိတ်ဆွေတွေများ ရှိခဲ့ရင် စက်မှုဝန်ကြီးဌာနတို့၊ သစ်တောဝန်ကြီးဌာနတို့၊ စီးပွား/ကူးသန်းဝန်ကြီးဌာနတို့၊ ဆက်သွယ်ရေးဌာနတို့မှာရှိတဲ့ သူတွေကိုသာ မေးကြည့်ကြပါဗျာ။ ပြည်သူ့အသံ လွှတ်တော်အသံ၊ ပြည်သူ့ဆန္ဒ လွှတ်တော်ဆန္ဒဆိုပြီး အော်နေကြပေမယ့် အခွင့်အရေးဆိုရင်တော့ ပြည်သူတွေထက် ပိုယူချင်တာ မငြင်းနိုင်တဲ့အချက်ပါ။

သမ္မတကြီးကို သူရဦးရွှေမန်း ဘာပြောခဲ့ဖူးသလဲ
သမ္မတကြီးက လွှတ်တော်တွေက ဖွဲ့စည်းတဲ့ ကော်မတီတွေ၊ ကော်မရှင်တွေဟာ ပြည်ထောင်စုအဆင့်သာ ဖြစ်မယ်ဆိုရင် သူတို့ကို ပြည်ထောင်စုအဆင့် အဆောင်အယောင်တွေ၊ စရိတ်တွေ၊ ချီးမြှင့်မှုတွေ လုပ်ပေးရတော့မှာ ဖြစ်တဲ့အတွက် သိလိုခြင်းကြောင့် မေးမြန်းခြင်းလည်း ဖြစ်နိုင်ပါတယ်။ နိုင်ငံက ဆင်းရဲနေတဲ့အချိန်မှာ ပြည်ထောင်စုအဆင့် ပုဂ္ဂိုလ်တွေအတွက် ဘဏ္ဍာတွေ အများကြီးသုံးရမှာကို စိုးရိမ်တာလည်း ဖြစ်နိုင်ပါတယ်။ နောက်တစ်ချက်က ကော်မတီဝင်တွေ၊ ကော်မရှင်ဝင်တွေဟာ ပြည်ထောင်စုအဆင့်ဆိုရင် သူတို့ကို ပြည်ထောင်စုအဆင့်နဲ့ ထိုက်တန်တဲ့ ချီးမြှင့်မှုတွေ လုပ်ပေးချင်တာကြောင့်လည်း ဖြစ်နိုင်ပါတယ်။ ဘယ်လိုပဲဖြစ်ဖြစ် ပြည်ထောင်စုအဆင့် အဖွဲ့အစည်းဝင် ဆိုရင်တော့ သူနဲ့ထိုက်တန်တဲ့ လစာ၊ စရိတ်၊ အဆောင်အယောင်ကို စီစဉ်ပေးရမှာ အစိုးရရဲ့ တာဝန်ပါပဲ။ ဒီအချက်ကလည်း သမ္မတကြီးကို အပြစ်တင်ဖို့ မဟုတ်ပါဘူး။ အဲဒီဇာတ်လမ်းကို စခဲ့တာကလည်း လွှတ်တော်တွေကပါပဲ။ အခြားလူ မဟုတ်ပါဘူး။ ပြည်သူ့လွှတ်တော် ဥက္ကဋ္ဌကြီးကိုယ်တိုင် စခဲ့တဲ့ ဇာတ်လမ်းပါ။ ဘယ်လိုလဲဆိုတော့ တတိယပုံမှန်အစည်းအဝေးမှာ သူရဦးရွှေမန်းက အစိုးရအဖွဲ့ကို ထောက်ပြဝေဖန်ခဲ့တဲ့ စကားတွေ ရှိပါတယ်။ အဲဒါကတော့ သမ္မတကြီးခေါင်းဆောင်တဲ့ အစိုးရအဖွဲ့ဝင် ၀န်ကြီးတွေ၊ ပြည်ထောင်စုအဆင့် ပုဂ္ဂိုလ်တွေဟာ ဥပဒေပါ သတ်မှတ်လစာတွေကို မယူဘဲ ယခင်အစိုးရဟောင်း လက်ထက်က လစာနှုန်းထားများအတိုင်းသာ ခံစားနေကြတာဟာ ဥပဒေနဲ့ မညီညွတ်ကြောင်း ထောက်ပြဝေဖန်ခဲ့တာ ဖြစ်ပါတယ်။ (တစ်ဆက်တည်း ပင်စင်လစာတွေ တိုးပေးတာဟာ ဥပဒေနဲ့ မညီညွတ်တဲ့အကြောင်း၊ ၀န်ထမ်းတွေကို သုံးသောင်းကျပ် ထပ်ဆောင်းပေးတာဟာ ဥပဒေနဲ့ မညီညွတ်တဲ့အကြောင်း ပြောခဲ့တာကို စာဖတ်သူများ မှတ်မိကြမယ်လို့ ထင်ပါတယ်။) အဲဒီတော့ သမ္မတကြီးက နိုင်ငံ့အခြေအနေအရ အစိုးရအဖွဲ့ဟာ ဥပဒေပါ လစာနှုန်းထားအတိုင်း ခံစားခြင်းမပြုပါဘူး ဆိုတာကို ဦးရွှေမန်းက ဥပဒေနဲ့မညီဘူး၊ ကိုယ့်သဘောနဲ့ကိုယ် အဲဒီလို လစာတွေ မယူတာဟာ ဥပဒေကို ချိုးဖောက်တာဖြစ်တယ်လို့ ဝေဖန်ခဲ့တာကို စာဖတ်သူများ သိထားကြစေလိုပါတယ်။ အခုလည်း အဲဒီအတိုင်း ဖြစ်လာပါပြီ။ သူပြောသလိုသာဆိုရင် လွှတ်တော်တွေက ဖွဲ့စည်းတဲ့ ကော်မတီတွေ၊ ကော်မရှင်တွေဟာ ပြည်ထောင်စုအဆင့်ဖြစ်ပါလျက်နဲ့ အဆောင်အယောင်တွေ၊ လစာတွေ၊ စရိတ်တွေ မခံစားဘူး၊ အပြန်အလှန် ထိန်းညှိဖို့အတွက်သာ ဖြစ်ပါတယ်ဆိုရင် ပြည်သူ့လွှတ်တော် ဥက္ကဋ္ဌကြီး ပြောခဲ့တဲ့စကားတွေနဲ့ ရှေ့နောက် ကိုက်ညီပါရဲ့လားလို့ နှိုင်းဆဆင်ခြင် စဉ်းစားတွေးဆ ကြည့်စေချင်ပါတယ်။

ဒါတွေကို ဘယ်သူလုပ်မှာလဲ
  • ကချင်ပြည်နယ်မှာ တိုက်ပွဲတွေဖြစ်ပွားနေတဲ့ကိစ္စ၊ ဒုက္ခသည်တွေကိစ္စ၊ ပညာရေး၊ ကျန်းမာရေးတွေ ချို့တဲ့နေတဲ့ကိစ္စ။
  • အခုလတ်တလောမှာ ထိလွယ်ရှလွယ် အဖြစ်ဆုံး၊ အမှားမခံဆုံး အရေးကိစ္စဖြစ်တဲ့ ရခိုင်ပြည်နယ်အရေး။
  • မြန်မာနိုင်ငံတစ်ဝန်းလုံးမှာ ရေကြီးမှုကြောင့် တောင်သူတွေ ဘ၀တွေပျက်ကုန်တဲ့ကိစ္စ။
  • ရန်ကုန်မြို့ကြီးမှာ ရှိတဲ့လမ်းနဲ့ သွားနေတဲ့ကား မမျှတတဲ့ကိစ္စ။
  • နိုင်ငံခြားက ရင်းနှီးမြှုပ်နှံမှုတွေ မ၀င်ရောက်မီ၊ ၂၀၁၅ ခုနှစ် အာဆီယံအခွန်ကင်းလွတ်ဇုန် မစတင်မီ ပြည်တွင်းတိုင်းရင်းသား လုပ်ငန်းရှင်တွေကို ကာကွယ်ပေးနိုင်မယ့် ဥပဒေတွေ ပြဋ္ဌာန်းဖို့ကိစ္စ။
  • ခေတ်မမီတော့တဲ့ ရာပေါင်းများစွာသော ဥပဒေတွေကို ပြင်ဆင်၊ ဖြည့်စွက်၊ ပယ်ဖျက်၊ ရုပ်သိမ်းဖို့ ကိစ္စ။
  • တကြော်ကြော် အော်နေကြတဲ့ မီဒီယာဥပဒေ အလျင်အမြန် ပေါ်ထွက်လာဖို့ကိစ္စ။


အလုပ်မဟုတ်တာကို အလုပ် မလုပ်ကြပါနဲ့
လွှတ်တော်ဥက္ကဋ္ဌများနဲ့ ကိုယ်စားလှယ်များခင်ဗျား၊ အပြန်အလှန် ထိန်းကျောင်းမှုတွေ အခုအချိန်မှာ မပြုလုပ်သေးရင်တောင် အခြားသော ဥပဒေပြုစရာ၊ ဆောင်ရွက်စရာ ကိစ္စရပ်တွေ များစွာ (များစွာ) ရှိနေပါတယ်။ အထူးသဖြင့် ရခိုင်ဒေသအရေးကို လူကြီးမင်းတို့ အရေးတယူပြုပြီး စဉ်းစားဆွေးနွေး ဆုံးဖြတ်ကြစေချင်ပါတယ်။ အခုတော့ လူကြီးမင်းတို့ လွှတ်တော်တွေက ရခိုင်အရေးကို မထိ၊ မတို့ဘဲ နှုတ်ဆိတ်နေလိုက်ပုံများ တကယ့်ကို ၀ါတော် ၆၀ ရ ဆရာတော်ကြီးတွေ လွှတ်တော်တက်နေတဲ့ အတိုင်းပါပဲ။ ရခိုင်အရေးဟာ အချိန်ကြာလာတာနဲ့အမျှ တအီအီနဲ့ မဖြစ်သင့်တာတွေ ဖြစ်လာနိုင်တဲ့ အနေအထား ဖြစ်ပါတယ်။ စောစောစီးစီး ပြတ်ပြတ်သားသား လုပ်ကိုင်ဆောင်ရွက်ထားမှ သင့်လျော်မယ်လို့ မြင်မိပါတယ်။ ကချင်အရေးကလည်း အတော်ကြီးကို ကြာညောင်းနေပါပြီ။ ကိုယ်စားလှယ်ကြီးတွေအနေနဲ့ အဲဒီအရေးကိုလည်း အရေးတယူ ပြုသင့်ပါတယ်။ အစိုးရဖက်ကရော၊ လက်နက်ကိုင်တွေဖက်ကပါ လက်ခံနိုင်မယ့် အဖြေတစ်ခု၊ နည်းလမ်းတစ်ခုကို လူကြီးမင်းတို့ လွှတ်တော်တွေမှာ စဉ်းစားဆွေးနွေး ဆောင်ရွက်သင့်ကြတယ်လို့ မြင်မိပါတယ်။ လတ်တလော ရေကြီးမှုကြောင့် တောင်သူတွေ ဘ၀ပျက်ကုန်ရတာကိုလည်း လူကြီးမင်းတို့ လွှတ်တော်တွေ ဘာမှမပြောဘဲ ငြိမ်နေတာဟာ စိတ်ပျက်ဖို့ ကောင်းပါတယ်။ အဲဒီကိစ္စဟာ အစိုးရကိစ္စလို့ လူကြီးမင်းတို့က ခံယူထားကြသလားလို့ ကျွန်တော်စဉ်းစားမိပါတယ်။ ပြည်သူ့အသံ လွှတ်တော်အသံ၊ ပြည်သူ့ဆန္ဒ လွှတ်တော်ဆန္ဒ၊ ပြည်သူတို့ မျှော်လင့်ချက် လွှတ်တော်က ဖော်ဆောင်ရွက် ဆိုတဲ့ ဆိုင်းဘုတ်ကြီးကို လွှတ်တော်သတင်းတွေ မလာခင် ရုပ်မြင်သံကြားမှာ အမြဲတမ်း ကျွန်တော်တို့တွေ မြင်ရဖတ်ရပါတယ်။ အခုတော့ အလုပ်မဟုတ်တာတွေကို အလုပ်လုပ်ပြီး ကိုယ်စားလှယ်များအသံ လွှတ်တော်အသံ၊ ကိုယ်စားလှယ်များဆန္ဒ လွှတ်တော်ဆန္ဒ၊ ကိုယ်စားလှယ်များမျှော်လင့်ချက် လွှတ်တော်က ဖော်ဆောင်ရွက် ဖြစ်နေကြပြီလို့ ကျွန်တော်က ဝေဖန်ထောက်ပြလိုပါတယ်။ ဘယ်ပြည်သူတွေကမှ ဖွဲ့စည်းပုံအခြေခံဥပဒေဆိုင်ရာ ခုံရုံးကို စွပ်စွဲပြစ်တင်တာတွေ၊ နုတ်ထွက်ခိုင်းတာတွေ မလုပ်ခိုင်းပါဘူးခင်ဗျာ။ ပြည်သူတွေက နိုင်ငံရေးတည်ငြိမ်မှုရှိရှိနဲ့ တိုင်းပြည်ဖွံ့ဖြိုးတိုးတက်တာကို လိုချင်ကြတာပါ။ အချင်းချင်း ရန်ဖြစ်နေတာကို ပြည်သူတွေ မမြင်ချင်ကြတာ သေချာပါတယ်။ ဒါကို လွှတ်တော်ကိုယ်စားလှယ်ကြီးများ နားလည်ပေးကြဖို့ တောင်းပန်လိုက်ပါတယ်။

လွန်တာရှိက ၀န္ဒာမိပါ....။
အမှတ်တရ
ကိုဉာဏ် (ပန်းလောင်မြေ)
၂၀၁၂ ခုနှစ်၊ သြဂုတ်လ ၃၀ ရက်၊ ကြာသပတေးနေ့။
ည ၁၀ နာရီ ၀၆ မိနစ်တွင်ပြီး၏။

KIA သောင်းကျန်းသူအဖွဲ့မှ အလင်းဝင်ရောက်လာသူများ

Posted by drmyochit Saturday, September 01, 2012, under | No comments



From : မြဝတီ

၂၀၁၂ ခုနှစ်၊ သြဂုတ်လ ၂၆ ရက်နေ့ ၁၆၃၀ ချိန်ခန့်တွင် ပြည်သူ့စစ်အဖွဲ့များနှင့် ဆက်သွယ်၍ မုံးကိုးတပ်စခန်းသို့ KIA သောင်းကျန်းသူ တပ်ရင်း (၃၆) မှ တပ်ခွဲမှူးအဆင့်ရှိသူ လောက်လိုင်မိုင် ဦးစီးပြီး ဒုတိယတပ်ကြပ် မာလ၊ တပ်သား အိုက်ရွမ်း၊ တပ်သား လခေါင်၊ တပ်သား ရန်ကျားလျန် တို့ အဖွဲ့ဝင် (၅) ဦးသည် လက်နက်၊ ခဲယမ်းများနှင့်အတူ အလင်းဝင် ရောက်ခဲ့ကြောင်း သတင်းရရှိ ပါသည်။

ထို့အပြင် ထပ်မံ အလင်းဝင် ရောက်မည့် အဖွဲ့ဝင်များလည်း ရှိကြောင်းနှင့် ၎င်းတို့အား နွေးထွေးစွာ ကြိုဆိုလျက် ရှိကြောင်း သတင်းရရှိပါသည်။






နိုင်ငံတော် သမ္မတကြီးမှ ပြည်ထောင်စုလွှတ်တော်သို့ ပေးပို့သည့် သဝဏ်လွှာ (ဝန်ကြီးဌာန အတို:၊အလျှော့)

Posted by drmyochit Saturday, September 01, 2012, under | No comments








ပြည်ထောင်စုအစိုးရ ၀န်ကြီးဌာန အရေအတွက် ပြင်ဆင်ခြင်းနှင့် ပြည်ထောင်စုဝန်ကြီးဦးရေ တိုး/လျော့ခြင်းများ ပြုလုပ်လိုကြောင်း နိုင်ငံတော်သမ္မတမှ ပြည်ထောင်စု လွှတ်တော်နာယကထံသို့ သြဂုတ်လ ၂၉ရက်နေ့နှင့် သြဂုတ်လ ၃၁ရက်နေ့ ရက်စွဲများဖြင့် သ၀ဏ်လွှာများပေးပို့ ခဲ့ကြောင်း သိရသည်။

ယင်းသ၀ဏ်လွှာများတွင် အမှတ်(၁)လျှပ်စစ်စွမ်းအားဝန်ကြီးဌာနနှင့် အမှတ်(၂) လျှပ်စစ်စွမ်းအားဝန်ကြီးဌာနများအား လျှပ်စစ်ဝန်ကြီးဌာနအဖြစ် ၀န်ကြီးဌာနတစ်ခုတည်းသို့ ပြင်ဆင်ဖွဲ့စည်းဆောင်ရွက်လိုခြင်း၊ မြန်မာ့စက်မှုဖွံ့ဖြိုးရေးဝန်ကြီးဌာနအား ဖျက်သိမ်းနိုင်ရေးများအတွက် ပြည်ထောင်စုလွှတ်တော်၏ သဘောတူညီချက် ရယူပေးနိုင်ပါရန် သ၀ဏ်လွှာပေးပို့အပ်ပါကြောင်း ဖော်ပြထားသည်။

၂၀၁၁ ခုနှစ် ဖေဖော်ဝါရီလ(၁) ရက်နေ့က ထုတ်ပြန်ခဲ့သော ပြည်ထောင်စုဝန်ကြီးဌာန (၃၄) ခုအနက် အမှတ်(၁)၊ (၂)စက်မှုဝန်ကြီးဌာနများကို စက်မှုဝန်ကြီးဌာနအဖြစ်လည်းကောင်း၊ အမှတ် (၁)၊(၂)လျှပ်စစ်ဝန်ကြီးဌာနများကို လျှပ်စစ်ဝန်ကြီးဌာန အဖြစ်လည်းကောင်း၊ သမ္မတရုံး ၀န်ကြီးဌာနကို ၀န်ကြီးဌာန (၁)၊ (၂)၊ (၃)၊ (၄)၊ (၅)၊ (၆)အဖြစ်လည်းကောင်း ပြောင်းလဲ၍ မြန်မာ့စက်မှုဖွံ့ဖြိုးရေးဝန်ကြီးဌာနကို ဖျက်သိမ်းကာ ပြည်ထောင်စုဝန်ကြီးဌာန (၃၆)ခုအဖြစ် ပြင်ဆင်ဖွဲ့စည်းဆောင်ရွက်လိုပြီး ၀န်ကြီးဦးရေကိုလည်း မူလ (၃၄) ဌာနတွင် ပြည်ထောင်စုဝန်ကြီး (၃၀) ဦးခန့်အပ်ခဲ့ရာမှ ယခု (၃၆) ဌာနတွင် ပြည်ထောင်စုဝန်ကြီး (၃၆) ဦးဖြင့် ပြင်ဆင်ဖွဲ့စည်းခွင့်ပြုနိုင်ပါရေး ပြည်ထောင်စုလွှတ်တော်၏ သဘောတူညီချက် ရလိုပါကြောင်း သ၀ဏ်လွှာတွင် ဖော်ပြထားသည်။

ပြည်ထောင်စုလွှတ်တော်ဆိုင်ရာ ဥပဒေပုဒ်မ ၃၂ နှင့် နည်းဥပဒေ ၂၄ တို့အရ ပြည်ထောင်စုအစိုးရ ၀န်ကြီးဌာနအရေအတွက်နှင့် ပြည်ထောင်စုဝန်ကြီးဦးရေကို အခါအားလျော်စွာ ပြင်ဆင်ဖြည့်စွက်ခြင်း၊ တိုး/လျော့ခြင်း ပြုလုပ်လိုကြောင်း နိုင်ငံတော်သမ္မတ၏ တင်ပြချက်နှင့် စပ်လျဉ်း၍ နိုင်ငံတော်သမ္မတ၏ တင်ပြချက်နှင့်စပ်လျဉ်း၍ လွှတ်တော်က အဆုံးအဖြတ်ပေးရမည်ဖြစ်ပါကြောင်း၊ သို့ပါ၍ ယင်းနှင့်စပ်လျဉ်း၍ ဆွေးနွေးလိုသော လွှတ်တော်ကိုယ်စားလှယ်များရှိပါက စက်တင်ဘာလ ၃ ရက်နေ့ နောက်ဆုံးထား၍ လွှတ်တော်ရုံး၊ ညွှန်ကြားရေးမှူးချုပ်ထံ အမည်စာရင်း ပေးပို့နိုင်ပါကြောင်းနှင့် စက်တင်ဘာလ ၄ ရက်နေ့တွင် ကျင်းပမည့် ပြည်ထောင်စုလွှတ်တော် ပုံမှန်အစည်းအဝေးတွင် လွှတ်တော်၏ အဆုံးအဖြတ်ရယူမည်ဖြစ်ကြောင်း ပြည်ထောင်စုလွှတ်တော် ကိုယ်စားလှယ်များကို ပြည်ထောင်စု လွှတ်တော်နာယကက အသိပေး ကြေညာထားသည်။ 

နိုင်ငံတော်သမ္မတ ဦးသိန်းစိန်က မြန်မာ့စက်မှုဖွံ့ဖြိုးရေးဝန်ကြီးဌာနအား ဖျက်သိမ်းရန် ပြည်ထောင်စုလွှတ်တော်၏ သဘောတူညီချက်ရယူပေးနိုင်ရန် ပေးပို့ သည့် သ၀ဏ်လွှာ

Posted by drmyochit Saturday, September 01, 2012, under | No comments






ပြည်ထောင်စုသမ္မတမြန်မာနိုင်ငံတော်
နိုင်ငံတော်သမ္မတရုံး
စာအမှတ်၊ ၁၀၇ (၀၁)/၈/သမ္မတရုံး
ရက်စွဲ၊ ၂၀၁၂ ခုနှစ်၊ သြဂုတ်လ ၃၁ ရက်

သို့
နာယက
ပြည်ထောင်စုလွှတ်တော်

အကြောင်းအရာ။ သ၀ဏ်လွှာပေးပို့ခြင်း

၁။အစိုးရသစ် တာဝန်ယူစအချိန်တွင် နယ်စပ်ရေးရာဝန်ကြီးဌာနနှင့် မြန်မာ့စက်မှုဖွံ့ဖြိုးရေးဝန်ကြီးဌာန (၂)ဌာနကို ပြည်ထောင်စုဝန်ကြီးတစ် ဦးမှ တာဝန်ယူ၍ အကောင်အထည်ဖော်ရန် စီစဉ်ဆောင်ရွက်ခဲ့ပါသည်။
၂။သို့သော်လည်း လတ်တလော အကောင်အထည်ဖော် ဆောင်ရွက် နိုင်ရေး အချိန်ယူပြင်ဆင်ရန် လိုအပ်လျက်ရှိသောကြောင့် အောင်မြင်စွာ ဆောင်ရွက်နိုင်ခြင်း မရှိခဲ့ပါ။ သို့ပါ၍ မြန်မာ့စက်မှုဖွံ့ဖြိုးရေးဝန်ကြီးဌာနအား ဖျက်သိမ်းနိုင်ရေး ဖွဲ့စည်းပုံအခြေခံဥပဒေပုဒ်မ ၂၀၂၊ ပုဒ်မခွဲ(က)ပါ ပြဋ္ဌာန်းချက်အရ ပြည်ထောင်စုလွှတ်တော်၏ သဘောတူညီချက် ရယူ ပေးနိုင်ပါရန် သ၀ဏ်လွှာပေးပို့အပ်ပါသည်။

သိန်းစိန်
နိုင်ငံတော်သမ္မတ 

ဒေါ်အောင်ဆန်းစုကြည်အရေးပေါ် နေပြည်တော်ဆေးရုံ တင်ရ

Posted by drmyochit Saturday, September 01, 2012, under | No comments





From : မောင်ကာလု

ယမန်နေ့ ညမြန်မာစံတော်ချိန် 8နာရီ အချိန်၌ ဒေါ်စုသည် ရုတ်တရပ် နှလုံးအမောဖောက်လာသဖြင့် နေပြည်တော်ဆေးရုံသို့ တင်ပို့ရကြောင်း သတင်းရရှိပါသည်..

ဖြစ်စဉ်မှာ.. ယခုအချိန်ထိ မြန်မာနိုင်ငံတဝှမ်း NLD ပါတီဝင်များမှ လည်ကောင်းတို့ ပါတီကို ပြန်လည် ဆန္ဒပြမှုများဖြစ်ပေါ်သဖြင့်....ထို့သို့ ဆန္ဒပြမှုများကို ယခုအချိန်ထိ မဖြေ ရှင်းနိုင်သေး ခြင်း ထို့ပြင် ဒေါ်စုမှာ သူမ၏ပါတီကို ပြန်လည် မထိန်းမသိမ်းနိုင်ခြင်းနှင့် သူမ၏ အာဏာရှင်ဆန်းမှု များကြောင့် ပါတီဝင်များမှ အယုံကြည်မရှိတော့ချင်းများကို ရင်ဆိုင်နေရပါသဖြင့် ယမန်နေ့ ည8 နာရီ အချိန်တွင် ဆန္ဒပြသူများနှင့် ဖုန်းမှတဆင့် ညှိနှိုင်းမှုများပြုနေစဉ်အတွင်းမှာပင် ထို့သို့ နှလုံးအမောဖောက်လာသဖြင့် ဆေးရုံသို့အရေးပေါ်တင်ရကြောင်းသိရှိရပါသည်...

တဆက်တည်.. ယခုအချိန်တွင် ကျန်းမားရေးပြန်လည်ကောင်မွန်လာပြီးဟုလည် သိရပါသည်.. ဒေါ်စု သည်.. သားအိမ်ကင်ဆာပါ ရှိနေသဖြင့် စိုးရိမ်းရသည်ဟုသိရပါသည်...။

အာရှဖွံ့ဖြိုးရေးဘဏ်က ထိုင်းအစိုးရကို ထားဝယ်သို့ ချိတ်ဆက်မည့် ရထားလမ်း (သို့) ကားလမ်းမတစ်ခု တည်ထောင်ရန်တိုက်တွန်း အာရှဖွံ့ဖြိုးရေးဘဏ်က ထိုင်းအစိုးရကို ထားဝယ်သို့ ချိတ်ဆက်မည့် ရထားလမ်း (သို့) ကားလမ်းမတစ်ခု တည်ထောင်ရန်တိုက်တွန်း အာရှဖွံ့ဖြိုးရေးဘဏ်က ထိုင်းအစိုးရကို ထားဝယ်သို့ ချိတ်ဆက်မည့် ရထားလမ်း (သို့) ကားလမ်းမတစ်ခု တည်ထောင်ရန်တိုက်တွန်း

Posted by drmyochit Saturday, September 01, 2012, under | No comments


From : Bangkok Post

အာရှဖွံ့ဖြိုးရေးဘဏ်(ADB)သည် မြန်မာနိုင်ငံရှိ အခြေခံအဆောက် အအုံနှင့် ပို့ဆောင်ဆက်သွယ်ရေး ကဏ္ဍများတွင် ရင်းနှီးမြှုပ်နှံသွားရန် ထိုင်းအစိုးရအား တိုက်တွန်း လိုက်ပြီး ထိုသို့ လုပ်ခြင်းဖြင့် ထား ၀ယ်ရေနက်ဆိပ်ကမ်းစီမံကိန်းကြီး ၌ နိုင်ငံတကာရင်းနှီးမြှုပ်နှံသူများ နှင့် ဘဏ္ဍာ
ရေးသမားများ ပိုမို လွယ်ကူစွာ ပါဝင်နိုင်မည်ဖြစ် ကြောင်းပြောကြားလိုက်သည်။

ADB ၏ ထိုင်းနိုင်ငံဆိုင်ရာ ညွှန်ကြားရေးမှူး ခရိတ်စတက်ဖင် ဆန်က ထိုင်းနိုင်ငံ နွန်သာဘူရီ ပြည်နယ်၏ ဘန်ရိုင်ခရိုင်နှင့် ကန် ချနဘူရီပြည်နယ်တို့အကြား ဖောက်လုပ်ရန် စီစဉ်ထားသည့် ကားလမ်းအပြင် ထိုင်းအစိုးရသည် ထားဝယ်သို့ နယ်စပ်ဖြတ်ကာ
ဆက်သွယ်ချိတ်ဆက်နိုင်မည့် ရထားလမ်း (သို့မဟုတ်) ကား လမ်းမတစ်ခုကို တည်ထောင်ရေး ကို စီစဉ်သင့်ကြောင်း ယမန်နေ့က အကြံပြုခဲ့သည်။

၎င်းက “ဒီကိစ္စက ရင်းနှီးမြှုပ် နှံမှုအကြီးကြီး မလိုအပ်ပါဘူး။ ထားဝယ်စီမံကိန်းကြီးကို မြေပေါ် ပေါ်ထွက်လာအောင် လုပ်နိုင်မယ့် အစပျိုးပမာဏလေးလောက်ပါပဲ”ဟု ရက်ချာဒမ်မရီလမ်းမရှိ Four Seasons ဟိုတယ်၌ ပြုလုပ်သော Thailand Focus 2012 ဖိုရမ်
တွင်ပြောသည်။

ADB သည် ထိုင်းနိုင်ငံတွင် ဘန်ရိုင်-ကန်ချနဘူရီလမ်း ဖောက် လုပ်ရေးအတွက် နည်းပညာအကူ အညီပေးအပ်နေပြီး၊ ထိုင်းအဝေး ပြေးလမ်းဌာနသည်လည်း ဘန်ရိုင်မှ ကန်ချနဘူရီသို့ ၉၈ ကီလိုမီ တာအရှည်လမ်း (တန်ဖိုး ဘတ် ၄၅ ဒသမ ၉ ဘီလီယံ)ကို ဖောက်
လုပ်နေသည်။ ဖူနမ်မရွန် နယ်စပ် စစ်ဆေးရေးဂိတ်သို့ သွားသော လမ်းပိုင်းကိုလည်း လေ့လာမှုများ စတင်ပြုလုပ်နေပြီး၊ ဖူနမ်မရွန်မှ ထားဝယ်သို့ ၁၆၀ ကီလိုမီတာ အရှည်လမ်းကို ဒီဇိုင်းအပြီးသတ် ထုတ်ပြီးဖြစ်သည်။

ADB သည် ထားဝယ်စီမံ ကိန်း၏ ဆောက်လုပ်ရေးကို တာ ၀န်ယူလုပ်ကိုင်နေသော အီတာ လျံ-ထိုင်းဖွံ့ဖြိုးရေးကုမ္ပဏီနှင့်ဆွေး နွေးမှုများရှိနေပြီး၊ ယင်းကုမ္ပဏီ ဘက်ကမူ ADB သို့ ချေးငွေရယူ ရန် တရားဝင်တောင်းဆိုမှုမရှိသေး ကြောင်းသိရသည်။

ထားဝယ်စီမံကိန်းအတွက် ပထမအဆင့် တည်ဆောက်ရေး နှင့်ဖွံ့ဖြိုးရေးတွင် ကန်ဒေါ်လာ ရှစ်ဘီလီယံ လိုအပ်မည်ဖြစ်ကာ စီမံကိန်းကြီးတစ်ခုလုံးအတွက် စုစု ပေါင်း ရင်းနှီးမြှုပ်နှံမှု ဒေါ်လာ ၅၀ ဘီလီယံရှိမည်ဖြစ်သည်။ သို့သော် ယင်းရန်ပုံငွေများကို အသေအချာ
မတွက်ချက်ရသေးကြောင်း မစ္စ တာစတက်ဖင်ဆန်ကပြောသည်။

ထားဝယ်ရေနက်ဆိပ်ကမ်း စီမံကိန်းသည် မြန်မာနိုင်ငံအတွက် အလုပ်နေရာပေါင်း ၅,၀၀၀ ခန့် ဖန်တီးပေးနိုင်မည်ဟုသိရသည်။

ငွေကြည်ကာတွန်း

Posted by drmyochit Saturday, September 01, 2012, under | No comments


မြန်မာနိုင်ငံသမ္မတ ဦးသိန်းစိန်အား အမေရိကန်မှ ဗီဇာကန့်သတ်ထားမှု ပယ်ဖျက်

Posted by drmyochit Saturday, September 01, 2012, under | No comments



မြန်မာနိုင်ငံသမ္မတ ဦးသိန်းစိန်အား အမေရိကန်နိုင်ငံတွင် ခရီးသွားလာခွင့် ဗီဇာကန့်သတ်ထားမှုကို သမ္မတ အိုဘားမားက ဗုဒ္ဓဟူးနေ့တွက် ပယ်ဖျက်ပေးလိုက်ပြီ ဖြစ်သည်။ထို့ကြောင့် သမ္မတဦးသိန်းစိန်သည် လာမည့် လာအတွင်း ကုလသမဂ္ဂအထွေထွေညီလာခံ တက်ရောက်ရန် အမေရိကန်သို့ လာရောက်သည့် အခါနယူး ယောက်ခ်မြို့ရှိ ကုလသမဂ္ဂဌာနချုပ် အနီးပတ်ဝန်းကျင်သာမက အမေရိကန်နိုင်ငံတစ်ဝန်းသို့ လွတ်လပ်စွာ သွားရောက် လည်ပတ်နိုင်မည်ဖြစ်ကြောင်း AFP သတင်းက ပြောကြားသည်။

သေဆုံးပြီးသူ များ မြန်မာပြည် သွားနိုင်ပြီ

Posted by drmyochit Saturday, September 01, 2012, under | No comments





Black List ထဲကနေပယ်ဖျက်လိုက်တဲ့နိုင်ငံခြားသားအမည် တထောင်ကျော်ကို
သမ္မတရုံးက ဒီကနေ့ ထုတ်ပြန်လိုက်ရာမှာ သေဆုံးသူတချို့ရဲ့ နာမည်တွေကိုတွေ့ရပါတယ်။

ကွယ်လွန်သွားပြီးဖြစ်တဲ့
- ဖိလစ်ပိုင်သမ္မတဟောင်း ကိုရာဇန်အကွီနို၊
- သတင်းစာဆရာ ကြေးမုံ ဦးသောင်း၊
- ပါမောက္ခဒေါက်တာအေးကျော်၊
- အမေရိကန် လွှတ်တော်အမတ်ဟောင်း Sonny Bono တို့ရဲ့ အမည်တွေ ပါဝင်နေပါတယ်။


နာမည်ပျက်တခုကတော့ တက္ကသိုလ်တခုရဲ့ အမည်ပါ။ Mcgill University တဲ့။ နံပါတ် ၄၉၈ မှာပါ။ တက္ကသိုလ်တခုလုံးကို အမည်ပျက်ထဲ ထည့်ထားရတဲ့အကြောင်းရင်းကို မသိရသေးပါဘူး။ ဗိုလ်ချုပ်မှူးကြီးသန်းရွှေခေတ်တုန်းက အဲဒီလိုထည့်ခဲ့ခြင်းဖြစ်ပုံရပါတယ်။
Black List တွေကို ပုံမှန်အားဖြင့် လျှို့ဝှက်ထားတတ်ကြပါတယ်။ အရာရာလျှို့ဝှက်ခဲ့တဲ့ မြန်မာပြည်မှာတော့ ဒီစာရင်းက ထိပ်တန်းလျှို့ဝှက်ချက်တခု ဖြစ်ခဲ့ပုံပါပဲ။ “အရပ်သား”အစိုးရ တက်လာပြီး တနှစ်ကျော်ကြာမှ ဒီစာရင်းကို တည်းဖြတ်ပြီး ဖယ်လိုက်တဲ့နာမည်တွေကို ထုတ်ပြန်လိုက်တာပါ။
နာမည်တွေကို ဘယ်ကာလတုန်းက ဘာကြောင့် ဒီစာရင်းထဲ ထည့်ရသလဲ ဆိုတာကိုတော့ ဒီကနေ့ ထုတ်ပြန်ချက်မှာ ရေးမထားပါ။
စာရင်းထဲကနေ အထုတ်ခံရသူတွေထဲက ထင်ရှားသူတချို့

771 Vicky Bowman – British.
(ပန်းချီထိန်လင်းရဲ့ ဇနီး။ ဗြိတိသျှသံအမတ်ဟောင်း)


496 Maureen Aung Thwin – USA(Ex-Myanmar)
(ဒေါ်မိုရင်းအောင်သွင် – director of the Burma Project/Southeast Asia Initiative at the Open Society Foundations)

http://2.bp.blogspot.com/-fog_jOnfU3k/UDxBT5JYuUI/AAAAAAAAY4o/Hvgx7qf5934/s400/0%2Bnpd5.jpg
69 Moe Thee Zon(a) Moe Thee (a) Myo – USA citizen (Ex-
(ဦးမိုးသီးဇွန်)

http://www.shanland.org/oldversion/Hso%20Khanfa.jpg
741 Tiger Yawnghwe – -
(စ၀်ဆေခန်ဖ၊ ၂၀၀၅ မှာ ကြေညာ ဖွဲ့စည်းတဲ့ Federal Shan Government အကြီးအကဲ)

136 Aung Bala – USA
(သတင်းစာဆရာ အောင်ဗလ ခေါ် ကြေးမုံဦးသောင်း၊ ၂၀၀၈ ခုနှစ် အသက် ၈၂ နှစ်အရွယ်မှာ ကွယ်လွန်)


141 Aye Kyaw, Dr – Myanmar
(သမိုင်းပါမောက္ခ ဒေါက်တာအေးကျော်၊ ယခုနှစ်ဆန်းပိုင်း အသက် ၇၇ နှစ်အရွယ်တွင် ကွယ်လွန်)

http://2.bp.blogspot.com/_OHlABzvEAj0/SMIK0Jux23I/AAAAAAAAAAc/65qNfX8iE_k/S220/salai.photo2008.JPG
636 Salai Tun Than – Myanmar:
(ပါမောက္ခဟောင်း ဒေါက်တာ ဆလိုင်းထွန်းသန်း)


53 Kyi May Kaung – Ex-Myanmar
(ဒေါ်ကြည်မေကောင်း)


497 Mawdsley, James Rupert Rsusell – British
856 Mr. James Rupert Russell Mawdsley 017977406 ။
950 Mr. James Rupert Russell Mawdsley PP.7400821372 PP.028097029 ။
(မြန်မာပြည်မှာ သုံးကြိမ် ဖမ်းဆီးထိန်းသိမ်းခံခဲ့ရဖူးသူ ဗြိတိသျှလူမျိုး)


468 Lintner, Bertil – Sweden
1134 Mr. Bertil Lintner – နိုင်ငံခြားသတင်းထောက်
(စာနယ်ဇင်းဆရာ ဘာတေးလင့်တနာ)


185 Bo Bo Kyaw Nyein – USA
188 Bo Bo Kyaw Nyein – Ex-Myanmar
(ဦးဘိုဘိုကျော်ငြိမ်း)


2 Aris, Alexander – British
(ဒေါ်အောင်ဆန်းစုကြည်ရဲ့ သားကြီး)

ဒေါက်တာ ထွန်းအောင် (ခ) နူရာဟတ် အား နိုင်ငံခြားငွေမှုဖြင့် ထောင်ဒဏ် ချမှတ်

Posted by drmyochit Saturday, September 01, 2012, under | No comments


မောင်တော ဆူပူ အကြမ်းဘက်မှုနှင့် ပတ်သက်ပြီး ဖမ်းဆီးခံထားရသည့် ဒေါက်တာထွန်းအောင်(ခ) နူရာဟတ်အား ၁၉၄၇ ခုနှစ်၊ နိုင်ငံခြားငွေလှဲလှယ်မှု စည်းမျဉ်းသတ်မှတ်ရေး အက်ဥပဒေပုဒ်မ -၂၄ (၁) ကိုကျူးလွန်ကြောင်း ၀န်ခံသဖြင့် အလုပ်နှင့်ထောင်ဒဏ် (၃)နှစ်ကျခံစေရန် သြဂုတ်လ (၃၀) ရက်နေ့က စစ်တွေ ခရိုင်တရားရုံးမှ အမိန့် ချမှတ်ခဲ့ကြောင်း သတင်းရရှိသည်။
နူရာဟတ်(ခ) ထွန်းအောင်အား ပြစ်မှုပုဒ်မ -၁၅၃-က / ၅၀၅ (ဂ) /၁၄၈ ဖြင့်၎င်း၊ ကြိုးမဲ့ကြေးနန်း ၆(၁) ဖြင့်၎င်း၊ နိုင်ငံခြားငွေ -၂၄(၁) ဖြင့်၎င်း၊ပြစ်မှုပုဒ်မ -၄၆၈ /၄၂၀ ဖြင့်၎င်း၊ အရေးပေါ် စီမံမှု -၅ (ည) ဖြင့်၎င်း အမှုငါးမှုဖြင့် စွဲချတင်စစ်ဆေးလျက်ရှိရာ နိုင်ငံခြားငွေ အမှုတစ်ခုကိုသာ အပြီးသတ်စီရင် ပြစ်ဒဏ်ချမှတ်ခြင်းဖြစ်ကြောင်း သတင်းရရှိသည်။

အရှေ့ အလယ်ပိုင်း ဒေသတွင် အရေးပါသော အခန်းကဏ္ဍမှ အီရန် ပါဝင်လျက် ရှိကြောင်း ဘန်ကီမွန်း ပြောကြား

Posted by drmyochit Saturday, September 01, 2012, under | No comments


(တီဟီရန်  သြဂုတ်  ၃ဝ)

အီရန်နိုင်ငံသည် အရှေ့အလယ်ပိုင်း ဒေသတွင် အရေးပါသော အခန်းကဏ္ဍ မှ ပါဝင်လျက် ရှိကြောင်း (၁၆)ကြိမ်မြောက် ဘက်မလိုက် နိုင်ငံများ လှုပ်ရှား မှုအဖွဲ့ ထိပ်သီး အစည်းအဝေးသို့ တက်ရောက်ရန် တီဟီရန်မြို့သို့ ရောက်ရှိလာစဉ် ကုလသမဂ္ဂ အတွင်းရေး မှူးချုပ် ဘန်ကီမွန်းက  ပြောကြားခဲ့ကြောင်း သိရသည်။
ထို့ပြင် ထိပ်သီး အစည်းအဝေး၌ ဆီးရီးယား အရေးနှင့် စပ်လျဉ်း၍ အီရန်သမ္မတ မာမွတ်အာ မက်ဒီနီဂျက်၊  အစ္စလာမ်မစ် တော်လှန်ရေး ခေါင်းဆောင် အယာတို လာခါမေနီတို့နှင့် ဆွေးနွေး သွားမည် ဖြစ်ကြောင်း ဘန်က ထပ်လောင်း ပြောကြား ခဲ့သည်။
ဘန်ကီမွန်း သည် (၁၆)ကြိမ်မြောက် ဘက်မလိုက် နိုင်ငံများ လှုပ်ရှားမှုအဖွဲ့ ထိပ်သီးအစည်းအဝေးသို့ တက်ရောက်ရန် အီရန်သံအမတ်၏ ဖိတ်ကြားခြင်း ခံရပြီး၎င်း အစည်းအဝေးသို့ တက်ရောက်ရန်  ဖိတ်ကြားသည့် အတွက် အီရန်အစိုးရကို ကျေးဇူး တင်ရှိကြောင်း၊ နွေးထွေးစွာ ကြိုဆိုသည့် အတွက်လည်း ဝမ်းမြောက်ကြောင်း ပြောကြားခဲ့သည်။

ပြန်ကြားရေး ၀န်ကြီးသစ်ရဲ့ ပထမ ခြေလှမ်း

Posted by drmyochit Saturday, September 01, 2012, under | No comments


ယနေ့ စက်တင်ဘာလ ၁ ရက်နေ့မှာ ကျင်းပမယ့် ၈၈ မျိုးဆက်ကျောင်းသားများရဲ့ စေတနာ ၀သန် ဂီတ ရန်ပုံငွေပွဲကို SKY NET ရုပ်သံလိုင်းက တိုက်ရိုက် ထုတ်လွှင့်ပြသခွင့် ရလိုက်ပါတယ်။ ပြန်ကြားရေး ၀န်ကြီးသစ် ဦးအောင်ကြည်ရဲ့ ပထမ ခြေလှမ်းလည်းဖြစ်ပါတယ်။


ဒီအကြောင်းကို ပြန်ကြားရေး ၀န်ကြီးဌာန ညွှန်ကြားရေးမှူးချုပ် ဦးရဲထွဋ်ရဲ့ ဖေ့စ်ဘုတ်စာမျက်နှာမှာ အခုလို ရေးသား ထားပါ တယ်။

“၈၈ မျိုးဆက်ကျောင်းသားများအဖွဲ့က စက်တင်ဘာ ၁ ရက်နေ့မှာ ပြုလုပ်မယ့် ၎င်းတို့ရဲ့ စေတနာဝသန် ရန်ပုံငွေ ဂီတပွဲကို SKY NET ရုပ်သံလိုင်းကနေ တိုက်ရိုက်ထုတ်လွှင့်ခွင့်ပြုပေးပါရန် ပြည်ထောင်စုဝန်ကြီး ဦးအောင်ကြည်ထံ စာရေးသားတင်ပြခဲ့ ပါတယ်။

ပြန်ကြားရေးဝန်ကြီးဌာနကခွင့်ပြုပါက သက်ဆိုင်ရာရုပ်သံလိုင်းက တိုက်ရိုက်ထုတ်လွှင့်ပေး ရန်သဘောတူ ထား ပါကြောင်းလည်းဖော်ပြထားပါတယ်။

အဲဒီတင်ပြချက်အပေါ် အမျိုးသားပြန်လည်စည်းလုံးညီညွတ်ရေးကိုရှေ့ရှုပြီး ပြည်ထောင်စုဝန်ကြီးက တိုက်ရိုက် ထုတ် လွှင့် ခွင့် ခွင့်ပြုပေးလိုက်ကြောင်း သတင်းကောင်းပါးအပ်ပါတယ်။” လို့ ရေးသားထားပါတယ်။

အရှေ့ အလယ်ပိုင်း ဒေသတွင် အရေးပါသော အခန်းကဏ္ဍမှ အီရန် ပါဝင်လျက် ရှိကြောင်း ဘန်ကီမွန်း ပြောကြား

Posted by drmyochit Saturday, September 01, 2012, under | No comments


(တီဟီရန်  သြဂုတ်  ၃ဝ)

အီရန်နိုင်ငံသည် အရှေ့အလယ်ပိုင်း ဒေသတွင် အရေးပါသော အခန်းကဏ္ဍ မှ ပါဝင်လျက် ရှိကြောင်း (၁၆)ကြိမ်မြောက် ဘက်မလိုက် နိုင်ငံများ လှုပ်ရှား မှုအဖွဲ့ ထိပ်သီး အစည်းအဝေးသို့ တက်ရောက်ရန် တီဟီရန်မြို့သို့ ရောက်ရှိလာစဉ် ကုလသမဂ္ဂ အတွင်းရေး မှူးချုပ် ဘန်ကီမွန်းက  ပြောကြားခဲ့ကြောင်း သိရသည်။
ထို့ပြင် ထိပ်သီး အစည်းအဝေး၌ ဆီးရီးယား အရေးနှင့် စပ်လျဉ်း၍ အီရန်သမ္မတ မာမွတ်အာ မက်ဒီနီဂျက်၊  အစ္စလာမ်မစ် တော်လှန်ရေး ခေါင်းဆောင် အယာတို လာခါမေနီတို့နှင့် ဆွေးနွေး သွားမည် ဖြစ်ကြောင်း ဘန်က ထပ်လောင်း ပြောကြား ခဲ့သည်။
ဘန်ကီမွန်း သည် (၁၆)ကြိမ်မြောက် ဘက်မလိုက် နိုင်ငံများ လှုပ်ရှားမှုအဖွဲ့ ထိပ်သီးအစည်းအဝေးသို့ တက်ရောက်ရန် အီရန်သံအမတ်၏ ဖိတ်ကြားခြင်း ခံရပြီး၎င်း အစည်းအဝေးသို့ တက်ရောက်ရန်  ဖိတ်ကြားသည့် အတွက် အီရန်အစိုးရကို ကျေးဇူး တင်ရှိကြောင်း၊ နွေးထွေးစွာ ကြိုဆိုသည့် အတွက်လည်း ဝမ်းမြောက်ကြောင်း ပြောကြားခဲ့သည်။

ဦးဝီရသူ ဦးဆောင်မယ့် ဆန္ဒပြခွင့် အာဏာပိုင်တွေဘက်က ရက်ရွှေ့ခိုင်းဖို့ ပြော

Posted by drmyochit Saturday, September 01, 2012, under | No comments




မန္တလေးမြို့မှာ နိုင်ငံရေးအကျဉ်းသားဟောင်း ဆရာတော် ဦးဝီရသူ ဦးဆောင်မယ့် ရခိုင်အရေးသမ္မတဦးစိန်ရဲ့ရပ်တည်ချက်အပေါ် ထောက်ခံတဲ့ဆန္ဒပြပွဲတွေကို  အာဏာပိုင်တွေဘက်က မူလကခွင့်ပြုထားတဲ့ ရက်မှာ ဆန္ဒပြခွင့်မပေးတာကြောင့်ရက်ရွှေ့ဆိုင်းလိုက
ရတယ်လို့ ဆရာတော် ဦးဝီရသူက RFA ကို ဒီကနေ့ မိန့်ကြားပါတယ်။

မန္တလေးမြို့က မြို့နယ် (၅) ခုနဲ့ မတ္တရာမြို့မှာ သံဃာတော်တွေ ဦးဆောင်ပြီး စက်တင်ဘာလ (၁) ရက်နေ့ ဆန္ဒပြဖို့ စီစဉ်ထားခဲ့ပေးမယ့် မန္တလေးတိုင်း ဒေသကြီး ၀န်ကြီးချုပ်ရဲ့ အလှူပွဲအတွက် လုံခြုံရေး စီစဉ်ပေးရမှာဖြစ်တာကြောင့် ဆန္ဒပြပွဲ တွေကို လုံခြုံရေးမပေးနိုင်ဘူးဆိုပြီး အာဏာပိုင်တွေက ရက်ရွှေ့ကျင်းပဖို့ အခုလို ညွှန်ကြားလိုက်တာ ဖြစ်ပါတယ်။

အာဏာပိုင်တွေနဲ့ နီးစပ်သူမြို့ခံတချို့ကတော့ မူလဆန္ဒပြမယ့် စက်တင် ဘာလ (၁) ရက်နေ့ဟာ ၀ါခေါင်လပြည့် ဥပုသ်နေ့ဖြစ်တာကြောင့် ရဟန်းသံဃာတော်တွေ အများအပြား ပါဝင်ဆန္ဒပြကြမှာကို စိုးရိမ်တဲ့အတွက် အခုလို ရက်ရွှေ့ဖို့ ညွှန်ကြားလိုက်တာလို့ ပြောပါတယ်။

ဆရာတော် ဦးဝီရသူဟာ စက်တင်ဘာလ ၂ရက်နေ့မှာ ချမ်းအေးသာစံ၊ မဟာအောင်မြေနဲ့ အောင်မြေသာစံ မြို့နယ်တွေမှာ ဆန္ဒပြမှာဖြစ်ပြီး၊ စက်တင်ဘာ ၃ရက်နေ့မှာ ပြည်ကြီးတံခွန် ၊ချမ်းမြသာစည် မြို့နယ်တွေနဲ့ စက်တင်ဘာ ၄ရက်နေ့မှာတော့ အမရပူရမြို့နယ်တွေမှာ ဆန္ဒပြပွဲတွေ အသီးသီး ပြုလုပ်သွားဖို့ စီစဉ်ထားတယ်လို့ သိရပါတယ်။
 
RFA( မြန်မာပိုင်း) 

မြန်မာ ပြည်မှာ ရင်းနှီး မြှုပ်နှံမယ့်သူ တွေကို သတိပေး

Posted by drmyochit Saturday, September 01, 2012, under | No comments




မြန်မာနိုင်ငံမှာ ရင်းနှီးမြှုပ်နှံ ချင်တဲ့ နိုင်ငံခြားကုမ္ပဏီတွေ အနေနဲ့ သတိထား ကြဖို့ နိုင်ငံတကာ စီးပွားရေး ကုမ္ပဏီ တွေကို အကြံပေးတဲ့Control Risk Group အဖွဲ့အစည်း ရဲ့အာရှ
 ဒေသ ဆိုင်ရာဒါရိုက်တာ ဒိမ်း ချာမိုရိုက Dame Chammoro က ပြော ပါတယ်။

ဈေးကွက်သစ် ဖြစ်တဲ့ မြန်မာ နိုင်ငံဟာ အခြေခံ အဆောက် အဦတွေ၊ ကျွမ်းကျင် လုပ်သားတွေ၊ ဥပဒေ စနစ်တွေ ငွေကြေး လွှဲပြောင်းတဲ့ စနစ်တွေ၊ အဆင်သင့် မဖြစ်သေးတာ တွေက ပြည်ပက ရင်းနှီး မြှုပ်နှံသူတွေ ရင်ဆိုင်ရမယ့် စိန်ခေါ်မှုတွေ ဖြစ်တယ် ဆိုတာ ကြိုတင် သတိပေး နေတာ ဖြစ်တယ်လို့ သူက ပြောပါတယ်။

 ရေနံနဲ့ သဘာဝ ဓါတ်ငွေ့လို ကဏ္ဍမှာရင်းနှီးမြှုပ်နှံတဲ့ ရှက်ဗရွန်လို၊ တိုတယ်လို ကုမ္ပဏီကြီးတွေက လိုအပ်တဲ့ အခြေခံ အဆောက်အဦနဲ့ ကျွမ်းကျင်မှု တွေကို သူတို့ ယူဆောင်လာပြီး နှစ်တွေ အကြာကြီး လုပ်ဆောင်နေခဲ့တဲ့ ဥပမာနဲ့ နှိုင်းယှဉ် ပြီး ဘီဘီစီက မေးတဲ့ အခါ မြန်မာနိုင်ငံရဲ့ရေနံနဲ့ သဘာဝ ဓါတ်ငွေ့ အပိုင်း ကတော့ တခြား လုပ်ငန်းပိုင်း တွေနဲ့ ကွာခြားမှု အနည်းငယ် ရှိပြီး ဒီကဏ္ဍ တွေမှာ ရင်းနှီး မြှုပ်နှံတဲ့ ကုမ္ပဏီတွေ ကလည်း ဈေးကွက်သစ် တွေမှာဝင်ရောက် ရင်းနှီး မြှုပ်နှံ ကြတဲ့ သဘာဝ ရှိတာမို့ မြန်မာနိုင်ငံကို ဝင်လာမယ် ဆိုရင်လည်း ကြိုတင် ပြင်ဆင် ပြီးသား ဖြစ်နိုင်တယ်လို့ သူက ပြောပါတယ်။

မြန်မာ နိုင်ငံ ဘက်ကလည်း ရင်းနှီးမြှုပ်နှံမှုတွေလိုချင်နေပြီး မကြာခင် ထွက်လာမယ့် ရင်းနှီး မြှုပ်နှံမှု ဆိုင်ရာ ဥပဒေသစ် ထဲမှာ နိုင်ငံခြားသား တွေကို ၁၀၀ ရာခိုင်နှုန်း အထိ တချို့ကဏ္ဍ တွေမှာ ရင်းနှီး မြှုပ်နှံခွင့် ပေးထား တယ်လို့ သိရပေမဲ့ သူတို့ အတွေ့အကြုံ အရ ဥပဒေ မူကြမ်း ဘယ်လိုပဲ ထွက်လာလာ နောက်ဆုံး အတည် ဖြစ်တဲ့ အခါ အပြောင်း အလဲတွေ ရှိနိုင်တယ်၊ အဲဒီ ဥပဒေကို လက်တွေ့ ဘယ်လို ကျင့်သုံး မလဲ ဆိုတာ ကလည်း အရေးကြီး တယ်လို့ ဒိမ်း ချာမိုရိုက ပြောပါတယ်။

အခု ဖြစ်ပေါ် လာတဲ့ အခွင့်အရေးကို အသုံးချပြီး ချက်ချင်း ဝင်ရောက် ရင်းနှီး မြှုပ်နှံ ချင်တဲ့ ကုမ္ပဏီတွေ ရှိနိုင်သလို စောင့်ကြည့် ဦးမယ့် သူတွေလည်း ရှိနိုင်တယ်လို့ သူက ပြောပါတယ်။

ဥပဒေ ပိုင်းရော အခြေခံ အဆောက် အဦ ပိုင်းရော ပြုပြင်ဖို့ ချက်ချင်း မလွယ်ပေမဲ့ နိုင်ငံခြား ရင်းနှီး မြှုပ်နှံသူတွေ စိတ်ချ လက်ချ လာနိုင်အောင် အစိုးရအနေနဲ့ အကောင်းဆုံး လုပ်နိုင်တာ က နိုင်ငံခြား ရင်းနှီး မြှုပ်နှံမှု ဥပဒေကို လက်တွေ့ လွယ်လွယ် ကူကူ ကျင့်သုံးလို့ ရနိုင်အောင်နဲ့ ရှင်းရှင်း လင်းလင်း ရှိအောင် ရေးဆွဲဖို့ လိုအပ်တယ်၊

 လက်တွေ့ ကျင့်သုံးရာ မှာလည်း ပွင့်လင်း မြင်သာ ဖို့နဲ့ ဥပဒေကို ကျောသား ရင်သား မခွဲခြားဘဲ ကျင့်သုံးဖို့၊ ရင်းနှီး မြှုပ်နှံသူတွေ ဘက်က ကြိုတင်မှန်းဆလို့ ရနိုင်တဲ့ အခြေ အနေ မျိုးကိုလည်း ဖန်တီး ပေးဖို့ လိုတယ်လို့ အာရှ ဒေသ ဆိုင်ရာဒါရိုက်တာကအကြံပြုပါတယ်။

ဥပဒေတွေ မူဝါဒတွေ ဘယ်လိုရှိတယ်၊ အဲဒီ မူဝါဒတွေ အရ အစိုးရက ဆုံးဖြတ်ချက် တွေကို ဘယ်လို ချလေ့ ရှိတယ်ဆိုတာ ခန့်မှန်း လို့ရနိုင်မယ် ဆိုရင် ရင်းနှီးမြှုပ်နှံသူတွေ ဘက်က ယုံကြည်မှု ရလာ နိုင်တယ်လို့ လည်း သူက ပြောပါတယ်။

BBC( မြန်မာပိုင်း) 

Smerch ဒုံးကျည်များ ထုတ်လုပ်ရန် အိန္ဒိယနှင့် ရုရှား သဘောတူ စာချုပ်ချုပ်ဆို

Posted by drmyochit Saturday, September 01, 2012, under | No comments



(နယူးဒေလီ သြဂုတ် ၃ဝ)
အိန္ဒိယ နိုင်ငံသည် အကွာအဝေး ၈ဝ ကီလိုမီတာအထိ ပစ်ခတ်နိုင် သည့် Smerch ဒုံးကျည်များ ထုတ်လုပ်ရန်အတွက်  ရုရှား နိုင်ငံနှင့် သဘောတူ စာချုပ်တစ်ခုကို လက်မှတ် ရေးထိုး ခဲ့ကြောင်း သိရသည်။
အိန္ဒိယ အစိုးရသည် ရုရှား နိုင်ငံမှ နည်းပညာ များအပေါ် အခြေခံ၍ ၎င်းဒုံးကျည် ငါးမျိုးကို ထုတ်လုပ် မည်ဖြစ်ပြီး နည်း ပညာအရ ပိုမို အစွမ်းထက်သည့် အဆိုပါ ဒုံးကျည်များအာ ပြည်တွင်း၌ ထုတ်လုပ်နိုင်မည် ဆိုပါက အိန္ဒိယနိုင်ငံ အနေဖြင့် အဆင့်မြင့် ဒုံးကျည် စနစ်ကို  ပိုင်ဆိုင်တော့မည် ဖြစ်ကြောင်း အိန္ဒိယ ကာကွယ်ရေး ဝန်ကြီးဌာန က ပြောကြားခဲ့သည်။
ယခုအခါ အိန္ဒိယ တပ်မတော် တွင် အနည်းဆုံး Smerch ဒုံးကျည် တပ်ရင်း နှစ်ရင်းကို   ဖြန့်ချ ထားပြီး ဖြစ်သည်။   အိန္ဒိယ နိုင်ငံသည် အဆိုပါ ဒုံးကျည်များကို ပြည်တွင်း၌ ထုတ်လုပ်ရန် ရုရှားနိုင်ငံနှင့် လွန်ခဲ့သည့် နှစ်များစွာ အတွင်းကပင် ဆွေးနွေး ခဲ့ကြောင်း သိရသည်။

မြန်မာသဘာဝ ဘေးအန္တရာယ်ကြောင့် စီးပွားရေးတိုးတက်မှု ထိခိုက်နိုင်ကြောင်း သတိပေး

Posted by drmyochit Saturday, September 01, 2012, under | No comments



 
 
မြန်မာနိုင်ငံတွင် လက်ရှိ ဖြစ်ပေါ်နေသောသဘာဝ ဘေးအန္တရာယ် များကြောင့်တိုင်းပြည်၏ ဘဏ္ဍာရေးကို ထိခိုက်လာနိုင်ကြောင်း  ADB နှင့် သဘာဝ ဘေး
အန္တရာယ် လေ့လာရေးအဖွဲ့ Maplecroft အဖွဲ့က၂၂-၈-၂၀၁၂ ရက်တွင် သုံးသပ် ပြော
ကြားလိုက်သည်။

တောင်အာရှ ဒေသတစ်ဝန်းတွင် မိုးများနေသောကြောင့် ရေကြီးရေလျှံမှုများ ဖြစ်ပေါ်နေရာ မြန်မာနိုင်ငံ အပါအဝင် ဒေသတွင်း ဖွံ့ဖြိုးမှု အားကောင်းစ ပြုနေသော နိုင်ငံ ၁၀ နိုင်ငံအနေဖြင့် စိုးရိမ်ဖွယ်ရာ အခြေအနေဖြစ်ကြောင်း သိရသည်။

“မြန်မာနိုင်ငံရဲ့ စီးပွားရေး ဖွံ့ဖြိုးတိုးတက်မှုက အရှိန်ကောင်းစ ပြုလာပြီ ဆိုပေမယ့် သဘာဝ ဘေးအန္တရာယ် မျိုးစုံကြောင့် ထိခိုက်မှုတွေ၊ ဘဏ္ဍာရေး ဆုံးရှုံးမှုတွေ ရှိလာနိုင်တယ်။ ဒါက ကိစ္စသေးသေးလေးလို့ ထင်ရပေမယ့် တကယ်တော့ ပြဿနာ အကြီးကြီးပါပဲ” ဟု ADB မှ အဆင့်မြင့် အရာရှိများက ရန်ကုန်မြို့ ထရိတ်ဒါး ဟိုတယ်တွင် ကျင်းပမည့် စာနယ်ဇင်း ပွဲတစ်ခုတွင် ပြောကြားလိုက်သည်။

Maplecroft အဖွဲ့၏ အဆိုအရ မြန်မာနိုင်ငံ အပါအဝင် ဘင်္ဂလားဒေ့ရှ်၊ အိန္ဒိယ၊ ဗီယက်နမ်၊ ဖိလစ်ပိုင် အစရှိသော နိုင်ငံများ အနေဖြင့် သဘာဝ ဘေးအန္တရာယ်များကို ထိခိုက်စွာခံစားရနိုင်ပြီး ပြန်လည် နာလန်ထူရေးတွက် ဆောင်ရွက်နိုင်စွမ်းတွင် နိမ့်ကျမှုများ ဖြစ်ပေါ်နိုင်လိမ့်မည်ဟု ကြိုတင်ခန့်မှန်း အကြံပေးထားသည်။

“မြန်မာနိုင်ငံက အာရှဒေသရဲ့ သဘာဝ ပတ်ဝန်းကျင် ဘေးအန္တရာယ် အရှိနိုင်ဆုံး နိုင်ငံတွေထဲမှာ ပါနေတယ်လို့ ဂျာမနီက ပညာရှင် အဖွဲ့တစ်ဖွဲ့က ခန့်မှန်းထားတာ ရှိပါတယ်” ဟု ADB မှ လက်ထောက် စီးပွားရေး အကြီးအကဲ ဖြစ်သူ မစ္စပါ့စ်ဆိုင်ယွန်းက ပြောကြားသည်။


အေဝိုင်အီး (ပြည်မြန်မာ)

""အကြမ်းဖက် ရိုဟင်ဂျာလူမျိုး တစ်စုက ရိုတ်သက်မူကြောင့် အတွင်းလူနာအဖြစ် နှုစ်လကျော်ကူးသ ခဲ့သော်လည်းသေဆုံး""

Posted by drmyochit Saturday, September 01, 2012, under | No comments

 မလေးရှားနှိုင်ငံဂျိုဟိုပြည်တွင်နေထိုင်သောရခိုင် လူမျိုးသုံးဦးကိုအမည်မသိရိုဟင်ဂျာလူမျိုး တစ်စုက အကြမ်း ဖက်ရိုက် သက်မူ ကြောင့် နှုစ်ဦးပြင်းထန်စွာဒဏ်ရာရရှိကာ တစ်ဦးသေဆုံးသွားကြောင်းသတင်းရရှိသည်။ ဖြစ်စဉ်မှာ ၆ လ ပိုင်း ၁၁ နေ့ က ""ဂျိုဟိုပြည်ကိုတာသိမ်ဂိမ် မှ"အိမ်မှာနေရင်း ရိုဟင်ဂျာလူ တစ်စုက၀င် ရောက်အကြမ်း ဖက်သွားကြောင့်သေဆုံးသွားသူ၏အတူနေ ကိုထွန်းဝင်းက ရွှေမြန်မာမီဒီယာသို့ ယခုလို ပြောသည်။


""ပထမတော့ လူနှုစ်ယောက် ကျနော်တို့  အိမ်ကို တခါးလာခေါက်ပါတယ်။ မြန်မာလူမျိုးပါတဲ့ ရခိုင်လို ပြောပြီးတော့ အိမ်ထဲမှာစကားပြောချင်ပါတယ်။ ၀င်ပါရစေနော်ဆိုပြီးပြောပါတယ် ။။ပထမတော့အေးဆေးပြောပါတယ်။



                                     (  သေဆုံးသွားသူ အောင်ဇော်မိုး၏အလောင်း)  (ဓါက်ပုံရွေမြန်မာမီဒီယာ)

စကားတွေ ပြောရင်းနဲ့  တစ်ယောက် ကအိမ်သာသွားချင်တယ်တဲ့ ။တစ်ယောက်ကျနော်တို့ နဲ့ စကား ပြောနေတယ်။အိမ်သာထဲမှာဖုန်းခေါ်သံတော့ကြားရပါတယ်။သိပ်မကြာပါဘူး။လူအုပ်တစုရောက်လာပြီး.တုတ်တွေ ဓါးတွေနဲ့ ရောက်လာကြတယ်။အခန်းထဲကို ရှိတဲ့ လူတွေ အကုန်ဝင်ရိုက်ပါတယ်။

မင်းတို့  ရခိုင်တွေ ကိုအကုန်အပြတ်ရှင်းမယ်ဆိုပြီးအကုန်ရိုက်သက်ပါတယ်။သုံး ယောက်ကအပြင်းအထန် ဒဏ်ရာ ရှိသွားပါတယ်"ဟုကိုထွန်းဝင်းပြောသည်။အဆိုပါရိုက်နှက်သက်မူကြောင့် သေဆုံးသွားသူမှာ အောင်ဇော်မိုးအသက်၂၄ ဖြစ်ပြီး။
သံတွဲမြို့ နယ် စပါးတန်ကျေးရွာဦးဖြူလှအောင်ရဲ့ သားဖြစ်သည်ဟုသိရသည်.။

အောင်ဇော်မိုးကို  ဂျိုးဟိုးဆေးရုံးကြီးတွင်အတွင်းလူနာအဖြစ် နှုစ်လကျော်ကူးသခဲ့သော်လည်းအတွင်းဒဏ်ရာ ပြင်းထန်း သောကြောင့်၂၄ ရက်နေ့  ညနေတွင်သေဆုံးသွားပြီး ယခုလ၂၉ရက်နေ့ တွင်သဂြိုလ်ခဲ့သည်ဟုသိရသည်။



 ၀မ်းဗိုက်တွင်ဓါးဒဏ်ရာပြင်းထင်မူကြောင့် အတွင်ကလီစာများ ကြေမွသွားပြီးသေဆုံးသွားသည်ဟုသိရသည်။အဆိုပါပြင်း ထင်ဒဏ်ရာရသွားသူနှုစ်ဦးများ မှာ"ပျိုချေ"ဖြစ်ပြီး ဦးကျော်ဖြူရဲ သားဖြစ် သားဖြစ် ကာကျန်တစ်ဦးမှာမောင်မောင်ဖြစ်ပြီးမြေပုံမြို့က ဟုသိရသည်။


ရွေမြန်မာမီဒီယာဂရု 

ကြပ် သုံး ကြပ်

Posted by drmyochit Saturday, September 01, 2012, under | No comments


Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်