Thursday, October 10, 2013

ဦးဇော်ဇော်ပိုင်သည့် မက်စ်မြန်မာကျောက်မျက်ကုမ္ပဏီ ဖျက်သိမ်း

Posted by drmyochit Thursday, October 10, 2013, under | No comments


မက်စ်မြန်မာကုမ္ပဏီ၏ ကျောက်စိမ်းနှင့် ကျောက်မျက်ရတနာရောင်းဝယ်ရေး ကုမ္ပဏီအား အစုရှယ်ယာ ရှင်များ၏ ဆန္ဒအလျောက် ဖျက်သိမ်းလိုက်ပြီဖြစ်ကြောင်း သတင်းရရှိသည်။

မြန်မာနိုင်ငံဘောလုံးအဖွဲ့ ချုပ် ဥက္ကဋ္ဌ ဦးဇော်ဇော်ပိုင် မက်စ် မြန်မာကုမ္ပဏီ၏ ကုမ္ပဏီခွဲတစ်ခုဖြစ်သော Max Myanmar Gems & Jewellery ကုမ္ပဏီကို စက်တင်ဘာ ၃၀ ရက်က ဖျက်သိမ်းခဲ့ကြောင်း မြန်မာနိုင်ငံတော်ပြန်တမ်းတွင် ဖော်ပြပါရှိသည်။

အဆိုပါကုမ္ပဏီမှာ ကျောက်စိမ်း ကျောက်မျက် ရောင်းဝယ်တင်ပို့ရေး လုပ်ငန်းများကို အဓိကထားဆောင် ရွက်နေသော ကုမ္ပဏီတစ်ခုဖြစ်ပြီး ကျောက်စိမ်း ကျောက်မျက် တူးဖော်ရေးလုပ်ငန်းများတွင်လည်း ၀င်ရောက်တူးဖော်နေသော ကုမ္ပဏီတစ်ခုဖြစ်သည်။ ကုမ္ပဏီဖျက်သိမ်းခြင်းနှင့် ပတ်သက်ပြီး မက်စ်မြန်မာ ကုမ္ပဏီကို ဆက်သွယ်မေးမြန်းရာ ဖြေကြားမည့်သူမရှိကြောင်း မက်စ်မြန်မာကုမ္ပဏီမှ တာဝန်ရှိသူတစ်ဦးက ပြောသည်။

မက်စ်မြန်မာကုမ္ပဏီအုပ်စုမှာ လတ်တလောတွင် ခရီးသွားလုပ်ငန်း၊ ဆောက်လုပ်ရေးလုပ်ငန်း၊ ဟိုတယ် လုပ်ငန်း၊ ဘဏ်လုပ်ငန်း၊ စက်သုံးဆီဆိုင်လုပ်ငန်း၊ စိုက်ပျိုးရေးလုပ်ငန်းနှင့် ဒေသတွင်း လမ်းပိုင်းများကို ဘီအိုတီ စနစ်ဖြင့် ဆောင်ရွက်ခြင်းများကို အစိုးရထံမှ လုပ်ကိုင်ခွင့်ရရှိထားသည်။

ကျောက်စိမ်းကျောက်မျက် တူးဖော်ရာ ဒေသဖြစ်သည့် ကချင်ပြည်နယ် ဖားကန့် ဒေသတွင် လတ်တလော၌ လုပ်ကွက်များအပေါ် မြန်မာ့စီးပွားရေး ဦးပိုင်လီမိတက်၊ ပတ္တမြားနဂါးကုမ္ပဏီ၊ ထူး ထရေးဒင်းနှင့် မက်စ်မြန်မာကုမ္ပဏီများတို့က ကျောက်စိမ်းကျောက်မျက်တူးဖော်ရေး လုပ်ကိုင်လျက်ရှိသည်။ သို့သော် အစိုးရနှင့် ကချင်လွတ်မြောက်ရေးတပ်မတော်တို့ ကာလရှည်တိုက်ပွဲများ ဖြစ်ပွားနေခြင်းကြောင့် လုပ်ကွက် များ၌ အထက်ပါကုမ္ပဏီများ ရပ်နားထားရသည်။

မက်စ်မြန်မာ ကုမ္ပဏီအနေဖြင့် ကျောက်စိမ်းကျောက်မျက်ရောင်းဝယ်ခြင်းပြုလုပ်သည့် ကုမ္ပဏီကိုသာ ဖျက်သိမ်းခြင်းဖြစ်နိုင်ပြီး တူးဖော်ရေးလုပ်ငန်းများကိုမူ ဖျက်သိမ်းခြင်းတွင် မပါဝင်နိုင်ကြောင်း ဖားကန့်မြို့မှ ကျောက်စိမ်းကျောက်မျက် လုပ်ငန်းရှင်များက ခန့်မှန်းပြောဆိုသည်။

7Day Daily

တတိယလိင် အလှမယ်တစ်ဦးဖြစ်တဲ့ သညာမောင်ဝင်ပြိုင်မည့် Miss International Queen 2013 တွင် ရေကူးဝတ်စုံဖြင့်ပါ ယှဉ်ပြိုင်ရမည်ဟုဆို

Posted by drmyochit Thursday, October 10, 2013, under | No comments


ထိုင်းနိုင်ငံ ပတ္တရားကမ်းခြေ၌ နိုဝင်ဘာလ ၁ ရက်နေ့တွင် ကျင်းပမည့် Miss International Queen 2013 ပြိုင်ပွဲတွင် မြန်မာနိုင်ငံ ကိုယ်စားပြု တတိယလိင် အလှမယ်အဖြစ် သညာမောင်က ပထမဆုံး ဝင်ရော က် ယှဉ်ပြိုင်တော့မည် ဖြစ်သည်။ အသက် ၂၉ နှစ် အရွယ်ရှိ သညာမောင်သည် ကရင်ပြည်နယ် မိကရင်ရွာ တွင် မွေးဖွားခဲ့ပြီး ထိုင်းနိုင်ငံ ဘန်ကောက်မြို့သို့ ၂၀၀၇ ခုနှစ်တွင် စတင် ရောက်ခဲ့သူ ဖြစ်သည်။ ထို့နောက် ဖက်ရှင်ဒီဇိုင်း ကုမ္ပဏီတခုတွင် စတင် အလုပ်ဝင်ခဲ့ပြီး လက်ရှိတွင် နိုင်ငံတကာ အဖွဲ့အစည်း တခု၌ အလုပ် လုပ်ကိုင်ကာ BA. English မေဂျာဖြင့် ပညာသင်ယူဆဲ ဖြစ်ကြောင်း သိရသည်။ သညာမောင်၏ Miss In ternatoinal Queen 2013 ပြိုင်ပွဲဝင်မည့် ကိစ္စနှင့် ပတ်သက်၍ ဧရာဝတီ သတင်းထောက် မေစစ်ပိုင်က ဆက်သွယ် မေးမြန်း ထားပါသည်။

မေး။ ။ Miss International Queen ပြိုင်ပွဲဝင်ဖို့ ဘယ်လို အရည်အချင်းတွေ လိုအပ်မလဲ။

ဖြေ။ ။ ပြိုင်ပွဲဝင်တွေရဲ့ အဓိက အရေးအကြီးဆုံးက ယောက်ျားဘဝကနေ မိန်းကလေး တယောက် ဘဝ ကို လုံးဝ ပြောင်းလဲထားတဲ့သူ တယောက် ဖြစ်နေရမယ်၊ မိန်းကလေး တယောက်ရဲ့ အသွင်ပုံစံ အပြည့် ရှိ နေရမယ်၊ လူမှု ဆက်ဆံရေး လည်း ကောင်းမွန် နေရမယ်။

မေး။ ။ မြန်မာနိုင်ငံ ကိုယ်စားပြုပြီး တတိယလိင် အလှမယ် တယောက်အဖြစ် ဘာကြောင့် ပြိုင်ပွဲဝင် ဖြစ် ခဲ့တာလဲ။

ဖြေ။ ။ အစတုန်းကတော့ ပြိုင်ပွဲဝင်ဖို့ စိတ်ကူး လုံးဝမရှိခဲ့ဘူး။ စိတ်လည်း မဝင်စားဘူး။ ဘာလို့လဲ ဆိုတော့ တချို့ သူတွေလိုမျိုး ကိုယ့်ကို နောက်ခံ ထောက်ပံ့ပေးမယ့် စပွန်ဆာတွေလည်း မရှိဘူးလေ၊ ဒါပေမယ့် သူ ငယ်ချင်းတွေကမြန်မာပြည် ကိုယ်စားပြုအနေနဲ့ ဝင်ပြိုင်သင့်တယ်လို့ အကြံပေးကြတယ်။ အစ်မရဲ့ ရုပ်ရည် နဲ့ ဆိုရင်လည်း ဖြစ်နိုင်တယ်လို့ ဝိုင်းပြီး အကြံပေးကြတာနဲ့ လျှောက်လွှာ တင်ဖြစ်ခဲ့တယ်။ နောက်တော့ေ လျှာက်လွှာတင်တဲ့ အယောက် ၈၀ ကျော်ထဲက၃၀ ပြန်ရွေးတဲ့ အထဲမှာ ကိုယ် က အရွေးခံရတယ်ဆိုတော့ အံ့သြသွားတယ်၊ ပြီးတော့ ပြိုင်ပွဲကို ဆက်ပြီး ယှဉ်ပြိုင်ဖို့ ကိုယ့်ကိုယ်ကိုယ် ယုံကြည်မှုအပြည့် ရှိသွားတယ်။

မေး။ ။ ပြိုင်ပွဲဝင်ဖို့ စပြီး လျှောက်ခဲ့တဲ့တုန်းက အတွေ့အကြုံ ပြောပြပေးပါလား။

ဖြေ။ ။ ပြိုင်ပွဲဝင်ဖို့ လျှောက်လွှာတင်တော့ အင်တာဗျူး လုပ်ရတယ်၊ အဲဒီမှာ အစ်မက မြန်မာပြည် ကိုယ် စားလှယ်အနေနဲ့ ပထမဆုံး ပြိုင်တဲ့သူ တယောက် ဖြစ်နေတယ်။ ပြိုင်ပွဲဝင်ရတဲ့ အကြောင်းရင်းကို မေးတော့ မြန်မာနိုင်ငံမှာ ကျားမ ခွဲခြား ဆက်ဆံမှုတွေ ရှိနေသေးတာရယ်၊ ပြည်သူလူထုရဲ့ တတိယလိင်တွေ အပေါ် လက်မခံနိုင်သေးတဲ့ အမြင်တွေကို ပညာပေးချင်တဲ့ သဘောပေါ့။ ပြီးတော့ ဆုရဖို့ကိုလည်း မမျှော်မှန်း ထား ပါဘူးလို့ အင်တာဗျူးတော့ လူကြီးတွေကို အစ်မ ပြောပြဖြစ်ခဲ့တယ်။

မေး။ ။ တတိယလိင်တယောက် အနေနဲ့ အခုလို မယ်ပြိုင်ပွဲဝင်ဖို့ လုပ်တော့ ဝေဖန်ခံရတာတွေ၊ အားပေး မှုတွေ ဘယ်လိုရှိလဲ။

ဖြေ။ ။ အစ်မရဲ့ လူမှုကွန်ရက်ဖြစ်တဲ့ facebook စာမျက်နှာမှာတော့ ပရိသတ်တွေက ကွန်မန့်တွေ ပေး ကြတယ်။ အမျိုးဘာသာကို ဖျက်တယ်၊ လုံးဝ လက်မခံနိုင်ဘူး ဆိုတာမျိုးတွေ ဝေဖန်ခံရတယ်။ ဒါပေမယ့် အစ်မက အကောင်းမြင် ဝါဒီသမား တယောက်အဖြစ် ခံယူထားတဲ့သူ ဆိုတော့ သူတို့တွေရဲ့ ဝေဖန်မှုေ တွ ကို ကောင်းတဲ့ ရှုထောင့်ကနေ မြင်လိုက်တယ်။ မကောင်းတဲ့ အပိုင်းတွေရှိသေးရင် ကိုယ်က ပြုပြင်လိုက်တ ယ်။ အားပေးတာတွေ ကတော့ တော်တော်လေး များတယ်လို့ ပြောလို့ရတယ်။ မြန်မာနိုင်ငံတွင်းကရော၊ နို င်ငံရပ်ခြားမှာ ရောက်နေတဲ့ မြန်မာလူမျိုးတွေ ရောပေါ့ ပြိုင်ပွဲဝင်တာကို အားပေးကြတယ်။

မေး။ ။ ဒါဆိုရင် နိုဝင်ဘာ ၁ ရက်မှာ ကျင်းပမယ့် ပြိုင်ပွဲမှာ ယှဉ်ပြိုင်ဖို့ကိုရော ဘာတွေ ပြင်ဆင်ပြီး ထား ပြီးလဲ။

ဖြေ။ ။ ပြိုင်ပွဲဝင်ဖို့ အတွက်ကတော့ လောလောဆယ်မှာ ရေကူးဝတ်စုံတွေ အများကြီး ပြင်ဆင်နေတယ်။ မြန်မာဝတ်စုံတွေနဲ့ ညနေခင်း ဝတ်စုံတွေလည်း အစ်မရဲ့ ဒီဇိုင်နာဆီမှာ ချုပ်နေတယ်။ Talent Show အတွ က်ကိုတော့ ကရင်ဒုံးယိမ်းအက ကဖို့ ပြင်ဆင်နေတယ်၊ လေ့ကျင့်နေတယ်။ အစတုန်းကတော့ မြန်မာအကေ လး ကချင်ခဲ့တာပါ။ ဒါပေမယ့် ဝတ်စုံတွေ ရှာဖို့ ခက်တယ်လေ။

မေး။ ။ ပြိုင်ပွဲဝင်မယ် ဆိုတုန်းက စပွန်ဆာပေးဖို့ ကမ်းလှမ်းခံရသေးလား။

ဖြေ။ ။ ပြည်တွင်းမှာက အစ်မရဲ့ အသိမိတ်ဆွေ သိပ်ပြီးတော့မရှိဘူး။ သူငယ်ချင်း တယောက်ကတော့ အစ်မရဲ့ အတွေ့အကြုံ တွေကို အင်တာဗျူး လာလုပ်ပြီး စပွန်ဆာ ပေးဖို့ကမ်းလှမ်းပေမယ့် အဲဒီ တယောက် ကလည်း အခုထိ အကြောင်းမပြန် တော့ပါဘူး။

မေး။ ။ အခုလို ပြိုင်ပွဲဝင်မှာကိုရော မိဘတွေက သဘောတူရဲ့လား။

ဖြေ။ ။ ဝင်ပြိုင်မယ် ဆိုတာကို မိဘတွေက မသိသေးဘူး။ ဒါပေမယ့် သတင်းတွေက ထွက်သွားတော့ အိ မ်က ဖုန်းဆက် လာတယ်။ အစ်မရဲ့ အမေကတော့ အကောင်းဘက်က မြင်ပေးပေမယ့် သူ့စိတ်ထဲမှာ သိပ် ပြီးတော့ လက်မခံသေးဘူး။ ဆုံးမသင့်တာ ဆုံးမတယ်။

မေး။ ။ မြန်မာနိုင်ငံမှာ ရှိတဲ့ တတိယလိင် တွေအတွက် အခွင့်အလမ်းတွေ နည်းနေသေးတာ၊ လူတွေလ က်မခံနိုင်သေးတာ ကိုရော ဘယ်လိုခံစားရလဲ။

ဖြေ။ ။ အစ်မရဲ့ အတွေ့အကြုံအရ ဆိုရင်တော့ တည်တည်တံ့တံ့ နေနိုင်တဲ့သူနဲ့ မနေနိုင်တဲ့ သူတွေရှိ တ ယ်။ ကိုယ်လို လူမျိုးတွေ ဆိုတာက ဒီလိုမျိုးဘဝနဲ့ နေထိုင်တာဆိုတော့ ကိုယ့်ရဲ့ ဂုဏ်သိက္ခာလေးနဲ့ အိနြေ္ဒ ရ ရလေး ရှိနေစေချင်တယ်။ ဘာကြောင့်လဲ ဆိုတော့ တတိယလိင်တွေက ကိုယ်တိုင်ကိုယ်ကျ ပွင့်ပွင့်လင်းလ င်းနဲ့ ဆုံးဖြတ်နိုင်ရမယ်။ ဒီလိုမျိုး တတိယလိင် ဘဝကို ခံယူလိုက်မယ်ဆိုရင် ခံနိုင်ရည်ရှိရဲ့လားဆိုတာကို ကို ယ့်ကိုယ်ကိုယ် ဆန်းစစ်ရမယ်၊ ကောင်းတဲ့သူ တယောက်အဖြစ် လူမှုအဖွဲ့အစည်းကို အထောက်အကူ ပြုနို င် မလား၊ ပတ်ဝန်းကျင်က လူတွေ လက်ခံနိုင်မလား ဆိုတာတွေအရေးကြီးတယ်။

မေး။ ။ သညာမောင်အနေနဲ့ တတိယလိင်ဘဝကို စပြီး ပြောင်းလဲလိုက်တုန်းက ဘယ်လိုမျိုး အခြေအနေ တွေ ကြုံတွေ့ခဲ့ရလဲ။

ဖြေ။ ။ အခက်အခဲတွေကတော့ အများကြီးရှိခဲ့တယ်၊ အိမ်က လုံးဝလက်မခံဘူး၊ အကြီးအကျယ် ပြဿနာ တက်ခဲ့ရတယ်။ အိမ်ကို ပြန်မလာနဲ့လို့ နှင်ထုတ်ခံခဲ့ရတယ်။ အရင်က ကိုယ့်ကို ရိုသေလေးစားခဲ့တဲ့ သူတွေက ရှိန်သွားတယ်။ ဒါပေမယ့် ကိုယ့်အကြောင်းကို တဖြည်းဖြည်း သိလာတော့ ပြန်ပြီး လက်ခံပေးလာတယ်။

မေး။ ။ တတိယလိင် ဘဝရဲ့ အားသာချက်နဲ့ အားနည်းချက်ကရော ဘာတွေဖြစ်မလဲ။

ဖြေ။ ။ အစ်မတို့လိုမျိုး လူတွေရဲ့ အားသာချက်ကတော့ စိတ်ဓာတ်ကြံ့ခိုင်လာတယ်။ ဒီလိုဘဝကို ပြောင်း မယ်ဆိုရင် ကိုယ့်ကိုယ်ကိုယ် တွေးရတယ်လေ။ ဒီလိုဘဝမှာ ကြံ့ကြံ့ခံနိုင်ရဲ့လား၊ အကောင်းဆုံး ဖြစ်အောင် လုပ်နိုင်ရဲ့လား ဆိုတာ ကိုယ့်ကိုယ်ကိုယ် မေးပြီးမှ ခွဲစိတ်ပြုပြင်ကြရတာလေ။ အားနည်းချက်ကတော့ များေ သာအားဖြင့် ပတ်ဝန်းကျင်က သိပ်ပြီးတော့ လက်မခံကြဘူး။ ကိုယ်နဲ့ မသိတဲ့သူတွေဆိုရင် တွေ့တာနဲ့ ဟာ သတခုလို မြင်ကြတယ်။ အလုပ်ကိစ္စနဲ့ တနေရာရာကို သွားလို့ အမျိုးသားတွေနဲ့ တွေ့ရင် သူတို့က ကိုယ့်ကို ရှိန်နေတတ်ကြတာမျိုးတွေ ကြုံတွေ့ရတယ်။

မေး။ ။ တတိယလိင်တယောက် ဖြစ်တဲ့ သညာမောင်ရဲ့ ခံယူချက်ကရော။

ဖြေ။ ။ အစ်မကတော့ အရာရာတိုင်းကို ကြံ့ကြံ့ခိုင်ပြီး ကိုယ့်လမ်းကို လျှောက်နေတယ်၊ အကောင်းဆုံး ဖြစ်အောင် လုပ်သွားမယ်။ အစ်မမြင်နေတာက မြန်မာလူမျိုးတွေ မှာတင် မဟုတ်ဘဲ နိုင်ငံတကာမှာပါ တတိ ယလိင်ဆိုတဲ့ သူတချို့က ကိုယ့်ကိုယ်ကိုယ် တန်ဖိုး မထားကြတာများတယ်။ အဲဒီလိုမျိုးတွေ မဖြစ်စေချင် ဘူး။ ဒါကြောင့်မို့လို့ ကိုယ်တတ်နိုင်တဲ့ ဘက်ကနေ တန်ဖိုးရှိလာအောင်၊ အကျိုးရှိလာအောင် ကူညီသွားမယ်လို့ စဉ်းစားထားတယ်။

By The Irrawaddy (Burmese Version)

မိုးထိမိုးမိရွှေလုပ်ကွက် နောက်ဆုံးကျန်ဇုန်ကို အင်အားသုံးဖယ်ရှားရန် ကြိုးပမ်းခဲ့

Posted by drmyochit Thursday, October 10, 2013, under | No comments


မိုးထိမိုးမိ ရွှေလုပ်ကွက်မှ နောက် ဆုံးကျန်ရှိသော ဇုန် ၁ဝ အား အောက် တိုဘာ ၅ ရက်နေ့တွင် အင်အား သုံး ဖယ်ရှားရန် ကြိုးပမ်းခဲ့ကြောင်း ဖယ်ရှား ခံရသူများတွင် ပါဝင်ခဲ့သော ဦးအောင် ဆန်းလင်းက ပြောသည်။

အမျိုးသားကြီးပွားတိုးတက်ရေး ရွှေတူးဖော် ကုမ္ပဏီနှင့် ရွှေလုပ်သား တို့ ၏ ရွှေမြင်တင် သဘောတူစာချုပ် ပါ အချက် ၆ ချက်အား ဖောက်ဖျက်ခြင်း ကို အကြောင်းပြု၍ ဖယ်ရှားရန် ကြိုးပမ်း သော်လည်း ယင်းနေ့တွင် လုပ်သားတို့ လက်မခံခဲ့ခြင်းကြောင့် မအောင်မြင်ခဲ့ ကြောင်း ၄င်းက ပြော သည်။

မန္တလေးတိုင်းဒေသကြီး၊ ရမည်း သင်းမြို့နယ် မိုးထိမိုးမိဒေသရှိ ၆၁ဝ၅ ဧကအား အမျိုးသားကြီးပွားတိုးတက် ရေး ရွှေတူးဖော်ထုတ်လုပ်မှု ကုမ္ပဏီက ၂ဝ၁ဝ ခုနှစ်တွင် လုပ်ပိုင်ခွင့်ရပြီးနောက် မူလ လက်ငုတ် ရွှေလုပ် သားများနှင့် ၅ နှစ် မှ ၂၅ နှစ်အတွင်း သတ်မှတ်အကျိုးတူ ပူးပေါင်းလုပ်ဆောင်ပါမည် ဟု ဒေသခံ များအား နှုတ်ကတိပြုပြီးဟု ၄င်းက ပြောသည်။

''အသေးစားကနေ အကြီးစားကို အတင်းပြောင်းခိုင်းနေတာ။ ဒါမတရား ဘူး'' ဟု ဖယ်ရှားခံရသူများတွင် ပါ ဝင် သူတစ်ဦးက ပြောသည်။ အဆိုပါကိစ္စ နှင့် ပတ်သက်၍ Popular News မှ အမျိုးသား ကြီးပွား တိုးတ က်ရေးကုမ္ပဏီ သို့ ဆက်သွယ်မေးမြန်းရာ ဆက်သွယ် ၍ မရခဲ့ပေ။

ဖယ်ရှားခံရသူများထဲတွင် ပါဝင် သူတစ်ဦးက ''တစ်ဖက်သတ်ကျတဲ့ သဘောတူစာချုပ်ပါ။ လုပ်သားတွေက သဘောမတူဘူး'' ဟု ပြောသည်။

သဘောတူစာချုပ်အား ရွှေလုပ် သားတို့မှ မကျေနပ်သည့်အတွက် ဆန္ဒ ပြခဲ့ပြီး လုပ်သားနှစ်ဦးမှာ ထောင် ကျခဲ့ သည်။

မိုးထိမိုးမိတွင် ဇုန် ၁၃ ဇုန်ရှိပြီး ရွှေလုပ်သားတို့ကို နှစ်ဦးသဘောတူ စာ ချုပ်ဖြင့် စတင်ဖယ်ရှားရာ ယခုဇုန် မှာ နောက်ဆုံးဇုန်ဖြစ်ကြောင်း သိရ သည်။

Popular Myanmar News Journal

စားသုံးရန်မသင့်သည့်ဆီများ မြန်မာနိုင်ငံအတွင်း လုံးဝမအ၀င်မခံ

Posted by drmyochit Thursday, October 10, 2013, under | No comments


စားသုံးရန်မသင့်တဲ့ဆီတွေ မြန်မာနိုင်ငံအတွင်းကို လုံးဝအ၀င်မခံပါဘူးလို့ ကျန်းမာရေးဝန်ကြီးဌာန အဆင့်မြင့်အရာရှိကြီးတဦးက ဒီဗွီဘီကို ပြောပါတယ်။

ပြည်ပကနေ ၀င်ရောက်တဲ့ စားအုန်းဆီကို အားထားနေရတဲ့ မြန်မာပြည်ဈေးကွက်မှာ ဆီအရောအနှောတွေ ပါဝင်နေမှုနဲ့ ပတ်သက်လို့ မေးမြန်းရာမှာ ကျန်းမာရေးဝန်ကြီးဌာန အစား အသောက်နဲ့ ဆေးဝါးကွပ်ကဲရေး ဌာန (အက်ဖ်ဒီအေ) ညွန်ကြားရေးမှူး ဒေါက်တာထွန်းဇော်က ဖြေဆိုခဲ့တာ ဖြစ်ပါတယ်။

“စားသုံးရန် မသင့်ဘူးဆိုတဲ့ကတည်းကိုက ကျနော်တို့က အဲဒါကို လုံးဝ ခွင့်မပြုတာပဲ။ တင်သွင်းဖို့ကိုလည်း လုံးဝ လက်မခံဘူး။ တင်သွင်းလာလို့ ဆိပ်ကမ်းရောက်တဲ့ဟာက သတ်မှတ်တဲ့ အရည်အသွင်းမပြည့်မီဘူး ဆိုရင်လည်း ကျနော်တို့က ဆိပ်ကမ်းကနေ ထုတ်ယူခွင့် ပေးမယ့် အကောက်အခွန်တို့လို စီးပွားကူးသန်း ၀န်ကြီးဌာနရဲ့ စမ်းသပ်မှုနဲ့ စစ်ဆေးရေး လုပ်ငန်းတို့လို ဒါဟာ စားသုံးဖို့မသင့်ပါဘူး၊ ထုတ်ယူခွင့်မပြုနိုင်ပါ ဘူးလို့ ပြောထားတဲ့အတွက် အဲဒီဆီတွေက ဈေးကွက်ထဲကို မရောက်ဘူး။ မြန်မာနိုင်ငံကို မ၀င်ဘူးလို့ မပြောလိုဘူး။ ၀င်ရင်လည်း ကျနော်တို့က ခွင့်မပြုဘူး။ အများပြည်သူလက်ထဲကို မရောက်ဘူး။”

ကမ္ဘာ့အဆင်းရဲဆုံးနိုင်ငံတခုဖြစ်တဲ့ မြန်မာနိုင်ငံမှာ ဒေသတွင်း အိမ်နီးချင်းနိုင်ငံတွေနဲ့ နှိုင်းယှဉ်ရင် စားသုံးဆီစားသောက်မှု အတိုင်းအဆဟာ ပိုမိုသလို အရည်အသွေးမပြည့်တဲ့ စားသုံးဆီတွေ ၀င်ရောက်မှုကို အစိုးရဘက်က နိုင်နိုင်နင်းနင်း ထိန်းချုပ်နိုင်ခြင်းမရှိတာ နှစ်နဲ့ချီ ကြာမြင့်နေတာ ဖြစ်ပါတယ်။

စားသုံးဆီစားသုံးမှုရဲ့ နောက်ဆက်တွဲရောဂါတွေနဲ့ ပတ်သက်လို့လည်း ပညာရှင်တွေက စားအုန်းဆီ စားသုံးမှုကို လျော့ချဖို့ သတိပေးနေပါတယ်။

စားသုံးရန်မသင့်တဲ့ဆီတွေနဲ့ ပတ်သက်လို့ ပြောဆိုရာမှာ ထင်ရှားတဲ့ မြန်မာနိုင်ငံ စားသုံးသူ ကာကွယ်ရေး အသင်းရဲ့ ဥက္ကဋ္ဌ ဦးဗအုပ်ခိုင်က ဈေးကွက်အတွင်းက စားသုံးဆီတွေနဲ့ ပတ်သက်လို့ သူ လေ့လာထား ချက်ကို ခုလိုပြောပါတယ်။

“ထင်သွင်းတာကို ကျနော်တို့က မပိတ်ပင်ပါဘူး။ ဒါပေမယ့် စားသုံးလို့ရတဲ့အဆင့် စီးပွားကူးသန်းက သတ်မှတ်ထားတဲ့ ၈ ဒီဂရီ စင်ဒီဂရိတ်ထက် မနှိမ့်တဲ့ အဆင့်မျိုးဖြစ်ရမယ်။ အခု အများစုက ဘယ်သူတွေ သွင်းလဲတော့ မသိဘူး အန္တရာယ်ရှိတဲ့ စားသုံးဆီတွေဖြစ်နေပါတယ်။”

စားသုံးဆီအရောအနှောတွေ ဈေးကွက်မှာ ရှိတယ်ဆိုပေမယ့် မြန်မာတွေရဲ့ ဆီစားသုံးမှု ကတော့ ဈေးနှုန်းအရ တွက်ခြေကိုက်မှုအပေါ် တွက်ချက်ပြီး အန္တရာယ်ရှိမှန်း သိပေမယ့် စားသောက်နေကြတာ ဖြစ်ပါတယ်။

မြန်မာနိုင်ငံ စားသောက်ကုန် ထုတ်လုပ်တင်ပို့ ရောင်းချသူများအသင်း ဗဟိုကော်မတီဝင် ဦးစိုးထွန်း ကတော့ ဈေးကွက်အတွင်း စားသုံးဆီတွေ အရောအနှောပါနေတာဟာ တင်သွင်းသူရော၊ ခွင့်ပြုသူရော လိုက်နာသင့်တဲ့ နိုင်ငံတကာစံနှုန်းတွေကို ချိုးဖောက်နေလို့ ဖြစ်ပါတယ်လို့ ပြောပါတယ်။

“စားသုံးဆီနဲ့ ပတ်သက်လို့ အရည်အသွေး ပြည့်ဝတယ်၊ မပြည့်ဝဘူးဆိုတဲ့ ကိစ္စက နိုင်ငံတကာမှာ ဆီအဆင့် အတန်းက ရှိပြီးသား။ လိုက်နာမယ်ဆိုရင် စားသုံးရန် သင့်တော်တဲ့ ကျန်းမာရေးနဲ့ ညီညွှတ်တဲ့ ဆီလို့ သတ်မှတ်လို့ရတယ်။ တင်သွင်းတဲ့သူတွေကော စစ်ဆေးတဲ့ သူတွေကော အားလုံးသည် ဆီအဆင့် အတန်းကို နားလည်မယ် လိုက်နာမယ် စေတနာထားပြီး အလုပ်လုပ်မယ်ဆိုရင် အရည်အသွေးမပြည့်တဲ့ဆီ ၀င်လာစရာ အကြောင်းမရှိဘူး။ သွင်းတဲ့ လူတွေက လုပ်ထုံးလုပ်နည်းနဲ့ စည်းမျဉ်းစည်းကမ်းတွေကို လိုက်နာဖို့လိုတယ်။ မလိုက်နာနိုင်ပဲနဲ့ သွင်းနေတယ်ဆိုရင် ပြင်းထန်စွာ သတိပေးတာတို့ ငွေဒဏ်ထောင် ဒဏ်ပေးမယ်ဆိုရင် ဒါမျိုးတွေ ဖြစ်လာမှာ မဟုတ်ဘူး။ ”

မြန်မာနိုင်ငံမှာ ၁ နှစ်ကို စားသုံးဆီတန်ချိန် ၆ သိန်း လိုအပ်နေတဲ့အတွက် ပြည်ပမှ စားအုန်းဆီ တင်သွင်းနေရပြီး ပြည်တွင်း စားသုံးဆီထုတ်လုပ်မှုက တနိုင်ငံလုံးစားသုံးမှုရဲ့ ၁၀ ရာခိုင်နှုန်းလောက်သာ ထုတ်လုပ်နိုင်သေးပါတယ်။

စားအုန်းဆီ အရောအနှောနဲ့ အန္တရာယ်ကို စာနယ်ဇင်းလောကနဲ့ မီဒီယာလောကမှာ ကျယ်ကျယ်ပြန့်ပြန့် ရေးသားဖော်ပြနေပေမယ့် စားအုန်းဆီအရောအနှော နှိမ်နင်းရေးကို သက်ဆိုင်ရာ ထိထိရောက်ရောက် ကိုင်တွယ်ခြင်းတော့ မရှိသေးပါဘူး။ 

by မျိုးဇော်လင်း (ဒီဗွီဘီ)

ငပလီကမ်းခြေနှင့် ဟိုတယ်ဇုန်အတွင်း ညမထွက်ရ အမိန့်ရုပ်သိမ်း

Posted by drmyochit Thursday, October 10, 2013, under | No comments


သံတွဲနဲ့ ကျေးရွာတွေမှာ ထုတ်ပြန်ထားတဲ့ မနက် ၆ နာရီကနေ ည ၆ နာရီ မထွက်ရ မိန့်ကို ငပလီ ကမ်းခြေနဲ့ ဟိုတယ်ဇုန်မှာ ရုပ်သိမ်းလိုက်ပြီလို့ သက်ဆိုင်ရာက အသံချဲ့စက်နဲ့ လှည့်လည် ကြေညာ ခဲ့ကြောင်း ဒေသခံ ဦးမောင်မောင်ကျော်က ဒီဗွီဘီကို ပြောပါတယ်။

ပြီးခဲ့တဲ့ရက်ပိုင်း သံတွဲမြို့နဲ့ သဗြုချိုင်၊ ပေါက်တောအပါအ၀င် ကျေးရွာတချို့မှာ လူ ၅ ဦးသေ အများအပြား ဒဏ်ရာရပြီး အိမ်ခြေ ၇၀ လောက် မီးလောင်ဖျက်ဆီးခံရတဲ့ အကြမ်းဖက်မှုတွေ ဖြစ်ပွားပြီးနောက် အစိုးရဟာ ညမထွက်ရအမိန့် ထုတ်ပြန်ထားခဲ့တာ ဖြစ်ပါတယ်။

သမ္မတ ဦးသိန်းစိန် သံတွဲကို လာရောက်စဉ်ကတည်းက ဒေသခံတွေနဲ့ ဟိုတယ်လုပ်ငန်းရှင်တွေက ငပလီ ကမ်းခြေ သာယာရေး အကူအညီပေးဖို့၊ ညမထွက်ရ အမိန့် ရုပ်သိမ်းပေးဖို့ ပြောဆိုတင်ပြခဲ့ကြတာ ဖြစ်ပါတယ်။

ငပလီ ကမ်းခြေနဲ့ အနီးနား ရွာတချို့ကို ညမထွက်ရအမိန့် ရုပ်သိမ်းလိုက်ပေမယ့် သံတွဲနဲ့ အခြားနေရာတွေ မှာတော့ ရုပ်သိမ်းခြင်း မပြုရသေးပါဘူး။ 

by ဒီဗွီဘီ

ဆေးနဲ့မှည့်တဲ့ငှက်ပျောသီး

Posted by drmyochit Thursday, October 10, 2013, under | No comments


တိုက်ကြီးနယ်က ထွက်တဲ့ ဖီးကြမ်းငှက်ပျောသီးချင်း အတူတူ အနှိမ်ခံရတယ်ဗျာ။ ဆေးနဲ့မှည့်ထားတဲ့ ငှက်ပျောသီးမို့တဲ့။ နေပါဦး ကျုပ်ကများ ဆေးနဲ့မှည့်ချင်လို့ အမှည့်ခံထားတယ် ထင်နေလား။ ခြံရှင် ကိုဖိုးသာတို့ လင်မယား သူ့သမီးလေးကျောင်းအပ်ဖို့ ပိုက်ဆံလိုလို့ တဲ့ဗျာ။ သိပ်မရင့်သေးမှန်း သိရဲ့နဲ့ ဆေးစိမ်လို့ရလောက်တဲ့ အနေလောက် အခိုင်တွေ အကုန်လုံး ချိုင်ပစ်လိုက်တာ။ ကောင်းကောင်းမရင့်သေးတဲ့ ကျုပ်တို့ပါ ပါကုန်တာပေါ့။ သိပ်မရင့်လည်းပဲ ဆေးစိမ်လိုက်တော့ ဝါရောင် လိုက်လာပြီး မှည့်သွားတာပေါ့ဗျာ။

အခုဆိုင်ပေါ်မှာ ယှဉ်ရောင်းတော့ တကယ့်ငှက်ပျော အရင့်စစ်စစ်ကို သဘာဝအတိုင်း မှည့်ထားတဲ့ ငှက်ပျောသီးတွေလို ဇောင်းလေးတွေက ချော၊ အလယ်သားလေးတွေက မို့မို့ဖောင်းဖောင်း အစ်အစ်ကလေးမနေဘဲ ဇောင်းတွေကကြမ်း၊ အသားကလည်း သိပ်မပြည့် ချင်နဲ့ ဖြူဖြူဖွေးဖွေးရေဆေး ငါးနဲ့ မီးယပ်ပိန် မီးယပ်ခြောက်လို အသွင်အပြင်က ကွာချင်တိုင်း ကွာနေ တော့တာပေါ့ဗျာ။ ဒီကြားထဲ သူတို့က တစ်လုံးချင်း၊ နှစ်လုံးချင်းတဖြည်းဖြည်း မှည့်တော့ မိသားစုသိပ်မများတဲ့ အိမ်တွေဆို ငှက်ပျော တစ်ဖီးဝယ်ထားပြီး မှန်မှန်လေးစားသွားရင် အတော်ပဲ။ ကျုပ်တို့ကတော့ အားလုံးတစ်ပြိုင်တည်း မှည့်လိုက်တာ ဖီးကြမ်းဆိုတဲ့ နာမည်ကို ဖျောက်ပြီး တစ်ခိုင်လုံးရွှေ လို့တောင် နာမည်ပြောင်း ဖို့ကောင်းသေး။

ခင်ဗျားတို့က ဆေးနဲ့မှည့်တဲ့ ငှက်ပျောသီးဆိုပြီး ကျုပ်တို့ကိုနှိမ်နေလို့ ပြောပြရဦးမယ်။ ကမ္ဘာမှာ နာမည် ကြီးပေ့ဆိုတဲ့ ငှက်ပျောသီးထုတ်လုပ်သူ တွေလည်း ဆေးအမျိုးမျိုးကို လိုသလိုသုံးကြတာပါပဲ။ တစ်နှစ်ကို ငှက်ပျောသီးတန်ချိန် နှစ်သန်းနီးပါးတင်ပို့တဲ့ ဖိလစ်ပိုင်လို နိုင်ငံမျိုးကနေ ကမ္ဘာအရပ် ရပ်ကို အလွန် အမှည့်မြန်တဲ့ ကျုပ်တို့လို ငှက်ပျောသီးတွေကို မှည့်ခါနီးမှ ခူးပြီး တင်ပို့လို့ ဘယ်ရမလဲဗျ။ တချို့ အင်တာနက် စာမျက်နှာတွေမှာ ရေးထားတာ ကတော့ အပင်ကနေ အစိမ်းရောင်ရှိတုန်းမှာ ခူး၊ ဆေးကြော သန့်စင်၊ ပိုးသတ်။ နောက်ပြီး မြန်မြန်မမှည့်အောင် အညှာကို ကျောက်ချဉ်ပွတ်ပြီး ခပ်အေးအေးဖြစ်အောင် ထိန်းထားတဲ့ ကွန်တိန်နာတွေနဲ့ နိုင်ငံတကာကို တင်ပို့ကြသတဲ့။ တင်သွင်းတဲ့နိုင်ငံကို ရောက်မှ လေလုံအောင် ပြင်ဆင်ထားတဲ့ အခန်းတွေထဲမှာ ငှက်ပျောသီးတွေကိုထည့် အီသိုင်လင်း (Ethylene) ဆိုတဲ့ ဓာတ်ငွေ့လွှတ်ပြီး မှည့်အောင် လုပ်ကြသတဲ့။ မှန်ကန်တဲ့ ဓာတုပစ္စည်းသုံးပြီး မှန်ကန်တဲ့နည်းလမ်းနဲ့ ငှက်ပျောသီးမှည့်အောင် လုပ်တာက ပြဿနာအရင်းအမြစ် မဟုတ်ဘူးဆိုတာကို ပြောချင်တာပါဗျာ။

ဒါဖြင့် ပြဿနာအရင်းအမြစ်က ဘာလဲဆိုရင် ကျုပ်က ကျုပ်ကိုဘယ်လို ဘယ်ပုံ ဆေးနဲ့မှည့်အောင် လုပ်ခဲ့သလဲဆိုတာကိုတော့ ပြောပြမှဖြစ်မယ်။ ကျုပ်တို့ကို အဖီးလိုက် ဆစ်ပိုင်းပြီး ပလတ်စတစ်ရေပုံးထဲကို စွတ်ခနဲနေအောင် နှစ်လိုက်တာပဲ။ ခဏလေးမှ ခဏလေးပါဗျာ။ အဲဒီရေနှစ်သဘင် ဆင်ယင်ပြီးတာနဲ့ ဒီအတိုင်း ချိတ်ဆွဲထားလိုက်။ တစ်ရက် နှစ်ရက်အတွင်း မှည့်တာပဲ။ ရေပုံးထဲမှာလား။ ဆေးပါတာပေါ့ဗျာ။ ဘာဆေးလဲဟုတ်လား။ ဘယ်သိမလဲဗျ ကျုပ်ကတရုတ်စာမှ မဖတ်တတ်တာ။ ရော့ဒီမှာ တံဆိပ်။ တွေ့လား အားလုံးက တရုတ်စာချည်းပဲ။ တိုက်ကြီးဈေးထဲက စိုက်ပျိုးရေးသုံး ပစ္စည်းဆိုင်တွေကို သွားပြီး ငှက်ပျောသီး မှည့်ဆေး လို့သာမေးလိုက်။ ခင်ဗျားက တို့ဆေး လိုချင်တာလား၊ စိမ်ဆေး လိုချင်တာလား ပြောလိုက်။ ဆိုင်ရှင်က ပေးလိမ့်မယ်။ ခင်ဗျားမကုန်မှာစိုးလို့ ဘူးလိုက် မဝယ်ချင်ရင် တစ်ရာဖိုး၊ နှစ်ရာဖိုး ဝယ်လည်း ရတယ်။ ရေထဲကို ဘယ်လောက်ထည့်ရမလဲ ဟုတ်လား။ မှန်းထည့်လိုက်ပေါ့ဗျာ။ တံဆိပ်ပေါ်မှာတော့ တရုတ်လို ရေးထားမှာပေါ့။ ဒါပေမဲ့ ကိုဖိုးသာတို့ လင်မယားလည်း တရုတ်လိုမှ မဖတ်တတ်တာ။ ကျုပ်တွေ့လိုက်တာကတော့ မခင်ညို ဆေးဘူးအဖုံးနဲ့ နှစ်ဖုံးစာ ရေပုံးထဲကို လောင်းထည့်လိုက်တာ တွေ့တာပဲ။

ဟိုတစ်လောကတော့ မနေနိုင်တဲ့ သူတစ်ယောက်က တရုတ်စာဖတ် တတ်တဲ့သူတွေကို အကူအညီ တောင်းပြီး အင်တာနက်ပေါ်မှာ ရှာလိုက်ဖွေလိုက်တော့ ဓာတုပစ္စည်းက 2-chloroethyl phosphoric acid လို့ခေါ်သတဲ့။ သူလည်း တရုတ်စာလုံးချင်းတိုက်ကြည့်ပြီးတော့ ယုံလိုက်တာပေါ့ဗျာ။ အပွင့် တွေအသီးတွေကို ကြီးထွားစေတဲ့ဆေး။ ဒီဆေးကို အဓိကအသုံးပြုတာက ဝါဆွတ်တဲ့အခါ လွယ်အောင် လို့တဲ့။ ချည်ဖြစ်လာမယ့် ဝါဖြူဖြူထွေးထွေး တွေက ဝါသီးတွေ အာလာတော့မှ အသီးထဲက ထွက်လာတာ မဟုတ်လား။ သဘာဝအရ ဝါသီးအာအောင်စောင့်ပြီး ဝါဆွတ်ရင် အခင်းထဲကို ခဏခဏ သွားရတယ်။ အချိန်ကုန်တယ်။ လူပန်းတယ်။ အဲဒီတော့ ဝါသီးတွေ အများကြီး တစ်ချိန်တည်းအာအောင် ဒီဆေးကို အများဆုံးသုံးကြပါသတဲ့။ ဒီဆေးက အသီးပေါ်ဖျန်းပြီး ခဏနေတာနဲ့ အီသိုင်လင်း ဓာတ်ငွေ့အဖြစ် ပြောင်းသွားတာ မို့ ဆိုးဆိုးရွားရွား အန္တရာယ်တော့ သိပ်မဖြစ်ဘူးဆိုပဲ။ ဒါပေမဲ့ အတိုင်းအဆ မရှိ ဆေးပမာဏနဲ့ ရေထဲကိုရောချင်သလို ရောနေတာက မှားနေတယ်။ ဘူးထဲကဓာတုပစ္စည်းရဲ့ သန့်စင်မှုနှုန်း တို့ဘာတို့ မသိတာကလည်း အန္တရာယ်ကင်း မကင်း မသေချာမရေရာစေတဲ့ အချက်တွေပဲ။

ကျုပ်ပြောချင်တဲ့ ပြဿနာ အရင်းအမြစ်ဆိုတာက အဲဒါဗျ။ ဘယ်သူမှ မဖတ်တတ်တဲ့ တံဆိပ်နဲ့ ဒီဆေးတွေကို တရားဝင် ရောင်းဝယ်ဖောက်ကား နေတာကို ကျုပ်ကတော့ နားမလည်ဘူး။ ဆိုင်ပေါ် မှာရောင်းတဲ့ ပစ္စည်းတိုင်းဟာ အဲဒီဈေးကွက်ကို ကြီးကြပ်ကွပ်ကဲတဲ့ အာဏာပိုင် များဆီမှာ မှတ်ပုံတင် ထားတဲ့ မှတ်ပုံတင်နံပါတ် ပါရမယ် မဟုတ်ဘူးလားဗျ။ မှတ်ပုံတင်နံပါတ် တောင်မပါဘူး ဆိုတော့ အထဲက ဓာတုပစ္စည်းက မှန်ကန်မှုရှိ မရှိ၊ သန့်စင်မှု ရှိ မရှိ ဘယ်လိုလုပ်ပြီး အာမခံနိုင်မလဲ။ နောက်ပြီး သုံးစွဲဖို့ အညွှန်းကရော ဘယ်လိုလုပ်ပြီး သိရမှာလဲ။ ဆေးကိုရေနဲ့ရောပြီး ဖျန်းတာက လယ်ကွင်းထဲက ဝါပင်တွေကို လုပ်တာ။ အပင်ကခုတ်ထားတဲ့ ငှက်ပျောသီး ကျတော့ရေထဲရောပြီး ဆေးဖျန်းတာက မှန်တာလား၊ ဒီဆေးထဲက အီသိုင်လင်းအငွေ့ ထွက်အောင် တစ်နည်းနည်းနဲ့ လုပ်ပြီး ငှက်ပျောသီးကို အငွေ့ပေးပြီး မှည့်အောင် လုပ်ရမှာလား။
အကြောင်းတစ်ခုခုကြောင့် ငှက်ပျောသီးအသားထဲ ဆေးတွေ စိမ့်ဝင်သွားခဲ့ရင် စားတဲ့သူကို ဥပါဒ်ဖြစ်စေ မှာလား။ အဲဒါတွေကရော ဘယ်သူတွေက ညွှန်ကြားမှာတုန်း။
မပြောကောင်းမဆိုကောင်းဗျာ။ ငှက်ပျောသီးစားပြီး ဗိုက်နာလို့ ဆေးရုံရောက်တယ် ဆိုပါတော့။ ဒီအတွက် ဘယ်သူ့မှာတာဝန်ရှိတာလဲ။ ဆေးစိမ်တဲ့ ကိုဖိုးသာနဲ့ မခင်ညိုလား။ ဒီဆေးကို ရောင်းလိုက်တဲ့ တိုက်ကြီး ဈေးထဲက စိုက်ပျိုးရေးပစ္စည်းဆိုင်ရှင်လား။ အဲဒီဆေးတွေကို လက်ကားဖြန့်တဲ့ သူလား။ ဒီဆေးတွေကို တရုတ်နိုင်ငံကနေ တင်သွင်းလာတဲ့ ကုန်သည်လား။ ဒီလို ပြဿနာအတွဲလိုက် မဖြစ်အောင် တာဝန်ယူ ထိန်းသိမ်းဖို့အတွက် အာဏာပိုင် အဖွဲ့အစည်းဆိုတာ ရှိရတာ မဟုတ်ဘူးလား။

ကျုပ်က ဒီလိုပြောတော့ အခုချက်ချင်း ဈေးထဲက မှတ်ပုံတင်နံပါတ် မပါတဲ့ စိုက်ပျိုးရေးသုံး ပစ္စည်းတွေ သွားသိမ်းပစ်မယ် လို့များ မလုပ်လေနဲ့နော်။ ဒီနည်းက အလုပ်မဖြစ်ဘူးဗျ။ ဒီလို ကောက်သင်းကောက်တဲ့ အလုပ်တွေက ရေရှည်မခိုင်မြဲဘူး။ ဒီတံဆိပ်ကို ဖမ်းရင် နောက်တံဆိပ်ကို တင်ရောင်းမှာပဲ။ ခေါင်ကနေ စပြင်ရမှာဗျ။ စနစ်ကို ခိုင်မာအောင် တည်ဆောက်ရမှာ။ ပြည်တွင်းထုတ်တဲ့ စိုက်ပျိုးရေးသုံးပစ္စည်း ဆိုရင် မှတ်ပုံတင်ဖို့၊ ပြည်ပက တင်သွင်းတာ ဆိုလည်း တင်သွင်းခွင့်ပြုတဲ့ နံပါတ်ပါအောင် စနစ်တကျလုပ် ပေးဖို့၊ နောက်တစ်ဆင့်က မှတ်ပုံတင်နံပါတ် သို့မဟုတ် တင်သွင်းကုန်နံပါတ် စတာတွေမပါဘဲနဲ့ ဈေးကွက်ထဲမှာ မရောင်းအောင် ကြပ်မတ်ဖို့ ဘက်ပေါင်းစုံက လုပ်မှ ကြာရှည်ခံတဲ့ စနစ်တစ်ခုကို အောင်အောင်မြင်မြင် ထူထောင်နိုင် မှာပေါ့။

ငှက်ပျောသီးက လူစကားပြောတယ်လို့ ပြောလည်း ခံရမှာပဲဗျာ။ ငှက်ပျောသီးက ငှက်ပျောသီးလို လှလှပပ တင့်တင့်တယ်တယ် စားတော်ပွဲထဲ မရောက်ရဘဲ၊ ဝါရာက ညိုလာတဲ့အထိ ဝယ်သူမရှိလို့ ဆန်မှုန့်နဲ့လူး၊ ဆီပူထဲ ထည့်ကြော်ခံရတဲ့ ငှက်ပျောသီးကြော်ဘဝ ရောက်ဖို့ရာ မြင်နေတော့ စိတ်တိုတိုနဲ့ ပြောမိ တာပေါ့ဗျာ။ ရှိကြီးခိုးပါရဲ့။ ကျုပ်ရဲ့နောင်လာနောက်သား တွေတော့ သဘာဝအတိုင်း မှည့်ခွင့်ပေးကြပါဗျာ။

(မစိမ့်)

The Voice Weekly

ဓာတ်မီးလာငှားသူကို ရင်းနှီးသူဖြစ်လို့ တံခါးဖွင့်ပေးရာမှ မုဒိန်းကျင့်သွား၍ အမှုဖွင့်ထား

Posted by drmyochit Thursday, October 10, 2013, under | No comments


တိုက်ကြီးမြို့နယ် ဥက္ကံမြို့တွင် အသက် (၄၂) နှစ်အရွယ် အမျိုးသမီးတစ်ဦးက ခင်မင်ရင်းနှီးသူ တစ်ဦး၏ အဓမ္မပြုကျင့်မှုခံရသည်ဆိုကာ အောက်တိုဘာ ၈ ရက်တွင် အမှုဖွင့်တိုင်တန်းလိုက်သည်။

အောက်တိုဘာ ၈ ရက်ည ၉နာရီအချိန်က နေအိမ်ရှေ့ခန်းတွင် ထိုင်နေစဉ် လူတစ်ဦးက တံခါးလာခေါက်၍ ချောင်းကြည့်ရာ ခင်မင်ရင်းနှီးသူဖြစ်နေပြီး စက်ဘီးနှင့်ဓာတ်မီးငှားသဖြင့် တံခါးဖွင့်ပေးရာ အိမ်အတွင်း ၀င်လာ၍ တံခါးပြန်ပိတ်ပြီး မိန်းခလုပ်ပိတ်ကာ အလိုမတူဘဲ သားမယားအဖြစ် တစ်ကြိမ်ပြုကျင့်ခဲ့သည်ဟု မှုခင်းမှတ်တမ်းတွင်လည်း ဖော်ပြထားသည်။

ထို့ကြောင့် အဓမ္မပြုကျင့်သူကို အရေးယူပေးရန် တိုင်တန်းသဖြင့် ဥက္ကံနယ်မြေ ရဲစခန်းက (ပ)၂၁၉/၂၀၁၃ ဖြင့် အမှုဖွင့်ပြီး တိုင်တန်းခံထားရသူအား ဖမ်းဆီးစစ်ဆေးနေကာ ပြစ်မှုကျူးလွန်ကြောင်း တွေ့ရှိပါက ပုဒ်မ ၃၇၆ ဖြင့် အရေးယူသွားမည်ဟု တိုင်းရဲတပ်ဖွဲ့မှူးရုံးကဆိုထားသည်။
By Mizzima

ကာမကိစ္စအလို့ငှာ သွေးဆောင်စည်းရုံး ပို့ဆောင် ပေးသူများ အပေါ် အရေးယူ

Posted by drmyochit Thursday, October 10, 2013, under | No comments


ရန်ကုန်၊ အောက်တိုဘာ ၁၀

၎.၁၀.၂၀၁၃ရက်နေ့ ၁၀၀၀အချိန် ဒဂုံမြို့နယ်နေ မ-----နှင့် သူငယ်ချင်းဖြစ်သူ မ------- တို့သည် ရွှေတိဂုံစေတီတော် တောင်ဘက်စောင်းတန်းတွင် ရှိနေစဉ် မနီနီအောင်(ခ)မမိဖြူ၊ ဗဟန်းမြို့နယ်နေသူမှ ပြင်ဦးလွင်မြို့ရှိ စားသောက်ဆိုင်တွင် မော်ဒယ်ရှိုးလျှောက်ရမည်၊ ငွေများများရမည်၊ လုပ်မည်ဆိုလျှင်
ဆက်သွယ်ပေးမည်ဟု ပြောသဖြင့် လုပ်မည်ဟုပြောဆိုခဲ့ကြောင်း၊ ၅.၁၀.၂၀၁၃ရက်နေ့ ၁၃၀၀အချိန် မနီနီအောင်နှင့်အတူ မယုဇန၊ မသက်တို့ရောက်ရှိလာပြီး တွေ့ဆုံခဲ့ကြောင်း ၆.၁၀.၂၀၁၃ရက်နေ့ ၁၈၀၀အချိန်တွင် မယုဇန၊ မသက်တို့နှင့်အတူ မ------နှင့် မ------တို့သည် ပြင်ဦးလွင်မြို့သို့ထွက်ခွါခဲ့ရာ ၇.၁၀.၂၀၁၃ရက်နေ့ နံနက်တွင် ပြင်ဦးလွင်မြို့ရှိ နေအိမ်တစ်အိမ်သို့ရောက်ရှိခဲ့ကြကြောင်း သိရှိရပါသည်။

မ------နှင့် မ------တို့သည် အဆိုပါနေအိမ်ရှိ အမျိုးသမီး (၇)ဦးခန့်အနက်မှ နှစ်ဦးနှင့် အလုပ်အကြောင်း ပြောဆိုစဉ် မော်ဒယ်ရှိုးလျှောက်သည့် လုပ်ငန်းအပြင် မကောင်းသည့် လုပ်ငန်းများကိုလည်း လုပ်ကိုင်ရကြောင်း ပြောပြသိရှိရသဖြင့် မ-----နှင့် မ-----တို့ (၂)ဦးမှာ ၇.၁၀.၂၀၁၃ရက်နေ့တွင်ပင် ရန်ကုန်မြို့သို့ ပြန်လည်ထွက်ပြေးလာခဲ့ပြီး ကာမစပ်ယှက်ရန် ရည်ရွယ်၍ အကျင့်ဖျက်ဆီးခြင်း ခံရမည်ကိုသိလျက်နှင့် သွေးဆောင်စည်းရုံး ပို့ဆောင်ပေးခဲ့သူ မနီနီအောင်ပါ (၃)ဦးအား အရေးယူပေးပါရန် တိုင်တန်းသဖြင့် ဒဂုံမြို့မရဲစခန်း(ပ)၂၂၂/၂၀၁၃၊ ပုဒ်မ ၃၆၆/၁၁၄ဖြင့် အမှုဖွင့်ကာ မနီနီအောင်အား ဖမ်းဆီးစစ်ဆေးလျက်ရှိပြီး မယုဇနနှင့် မသက်တို့အား ဖမ်းဆီးရမိရေး ဆောင်ရွက်လျက်ရှိကြောင်း သတင်းရရှိပါသည်။

Yangon Police

ဆိုင်ကလုန်းမုန်တိုင်း အားအလွန်ကောင်းနေပြီဟု မိုးဇလပြော

Posted by drmyochit Thursday, October 10, 2013, under | No comments


ဘင်္ဂလားပင်လယ်အော် အရှေ့အလယ်ပိုင်းမှာ ဖြစ်ပေါ်နေတဲ့ ဆိုင်ကလုန်း မုန်တိုင်း ဖိုင်လင်း (PHAILIN) ဟာ အားအလွန်ကောင်းနေပြီး၊ မုန်တိုင်းအရှိန်ကြောင့် မြစ်ဝကျွန်းပေါ်နဲ့ ရခိုင်ကမ်းရိုးတန်းတလျှောက် တနာရီမိုင် ၅၀ နှုန်း လေတိုက်ခတ်နိုင်တယ်လို့ မိုးလေ၀သဌာနက ပြောပါတယ်။

ဆိုင်ကလုန်းမုန်တိုင်းဟာ အနောက်မြောက်ဘက်ကို ရွှေလျားပြီး အိန္ဒိယနိုင်ငံ၊ ကုန်တိုင်းပိုင်းကို ဖြတ်ကျော် ၀င်ရောက်မယ်လို့ လောလောဆယ် ခန့်မှန်းထားပေမယ့်၊ မုန်တိုင်း လမ်းကြောင်း ပြောင်းရင် လဲ ပြောင်သွားနိုင်တာမို့ ပြည် သူတွေအနေနဲ့ အခုရက်ပိုင်း မုန်တိုင်းသတင်းကို မပြတ်နားစွင့်ကြဖို့ မိုးလေ၀ သဌာနက ဒုတိယ ညွှန်ကြားရေးမှူးချုပ် ဦးကျော်မိုးဦးက နှိုးဆော်တိုက်တွန်းလိုက်ပါတယ်။

ကမ်းရိုးတန်းဒေသနေ ပြည်သူတွေ ရေလမ်းက ခရီးသွားတာ၊ ငါးဖမ်းလှေတွေ ပင်လယ်ထွက် ငါးဖမ်းတာတွေ မလုပ်ကြဖို့လဲ သတိပေးထားပါတယ်။ ဆိုင်ကလုန်းမုန်တိုင်း ဖိုင်လင်းရဲ့ မုန်တိုင်းဗဟို ချက်မှာ လေတိုက်နှုန်း တနာရီ မိုင် ၈၀ အထိ ရှိနေတယ်လို့ မိုးလေ၀သဌာနက သတင်းထုတ်ပြန် ပါတယ်။

ကျောင်းနေစဉ် လူငယ်များကြား လိင်ကိစ္စအပေါ်စိတ်ဝင်စားခြင်းကို တိုက်ဖျက်တော့မည်

Posted by drmyochit Thursday, October 10, 2013, under | No comments


တရုတ်နိုင်ငံရှိ စာသင်ကျောင်း အချို့တို့သည် ကျောင်းသူကျောင်းသားများ ငယ်ငယ်ရွယ်ရွယ်နှင့် အချစ်ရေး ဘက် စိတ်ယိုင်လာမှုကို တိုက်ဖျက်သည့် ခြေလှမ်းများ စတင်နေပြီ ဖြစ်သည်။ ပြီးခဲ့သည့် သီတင်းပတ်များ အတွင်း တရုတ်နိုင်ငံရှိ အလယ်တန်း ကျောင်းအချို့သည် ကျောင်းသူ၊ ကျောင်းသားများကြား ဆက်ဆံရေးတွင် တင်းကျပ်သော ကန့်သတ်စည်းမျဉ်းများ စတင်ထုတ်ပြန်လာခဲ့သည်။ ဆယ်ကျော်သက် အရွယ်များတွင် စိတ်ကစားပြီး ဆန့်ကျင်ဘက်လိင်ကို စိတ်ဝင်စားတတ်ခြင်းကြောင့် ပညာရေးဘက်တွင် လစ်ဟင်းမှုများ ဖြစ်ပေါ်လာတတ်သည့် အခြေအနေအား စည်းမျဉ်းများဖြင့် တားဆီးနိုင်ရန် တာဝန်ရှိသူများက မျှော်လင့်ထားသည်။ တရုတ်၏ ပိုးသားမြို့တော်ဟု နာမည်ကြီးသည့် ဟန်ဇူးရှိ အလယ်တန်းကျောင်း တစ်ခုတွင် ယောက်ျားလေးနှင့် မိန်းကလေးများ (၁)မီတာထက် ပို၍ မနီးကပ်ရဟု စည်းကမ်း သတ်မှတ်လိုက်သည်။

အရှေ့ပိုင်း ဒေသရှိ ဝမ်ဇူးတွင် ကျောင်းသူကျောင်းသားချင်း ဆန့်ကျင်ဘက် လိင်အရဖြစ်စေ၊ လိင်တူ ချင်းဖြစ်စေ နီးစပ်သော ထိတွေ့မွေ့လျော်မှု လုံးဝ မရှိရဟု ကန့်သတ်ခဲ့သည်။ သို့သော်လည်း ယင်းစည်း မျဉ်းတွင် အသေးစိတ် ဖော်ပြချက်များ မပါရှိဟု ဆိုသည်။ အကယ်၍ စည်းမျဉ်း ဖောက်ဖျက်ပါက ပြင်းထန်စွာ အပြစ်ပေး အရေးယူမည်ဟု ကျောင်းအာဏာပိုင်မားက ခြိမ်းခြောက်ထားသည်။ အသက် (၁၁)နှစ်ကျော် ကျောင်းသူကျောင်းသားများတွင် ဟိုမုန်းဖွံ့ဖြိုးမှု မြန်ဆန်ပြီး လူပျိုဖော်၊ အပျိုဖော်ဝင်စ ပြုလာသည့်နောက် ထိန်းသိမ်းရန် ခက်ခဲကြောင်း တရုတ်နိုင်ငံမှ ဆရာဆရာမများက ဝန်ခံထားသည်။

ထို့အပြင် ကျောင်းသူကျောင်းသား ဘဝ၌ ချစ်သူရည်းစား ထားခြင်းသည် လူငယ်များကြား ပေါ်ပြူလာ ဖြစ်လာသည်မှာ တရုတ်ပညာရေး လောက၏ စိန်ခေါ်မှု တစ်ခုလည်း ဖြစ်သည်။ ကျောင်းသူကျောင်း သားများ ကြီးကောင်ဝင်ပြီး အချစ်ရေးဘက် စိတ်လည်သွားခြင်းကြောင့် ပညာရေးအဆင့်များ ထိုးကျခြင်းကို တိုက်ဖျက်နိုင်ရန် ကျောင်းအသီးသီးနှင့် ပညာရေး တာဝန်ရှိသူများက လိုလားနေသည်။ တရုတ်တွင် မရင့်ကျက်သေးသည့်အချစ်၊ သို့မဟုတ် စောလွန်းသည့်အချစ်ဟု သတ်မှတ်ထားသော လူမှုရေး ဖြစ်စဉ်တစ်ခုကို ဖယ်ရှားနိုင်ရန် ယခင်ကလည်း အမျိုးမျိုးသော ချဉ်းကပ်မှုများ ပြုလုပ်ခဲ့ဖူးသည်။

တရုတ်နိုင်ငံတွင် လူငယ်များ အချစ်ရေးဘက် စိတ်ယိုင်မသွားစေရန် မည်သို့ကိုင်တွယ် သွန်သင် သင့်ကြောင်း အကြံပြုထားသည့် ဝက်ဘ်ဆိုက်များစွာ ရှိနေသည်။ ထို့အပြင် ကျောင်းများတွင်လည်း ဆယ်ကျော်သက်အရွယ် ကျောင်းသူကျောင်းသားများအား လိင်ပညာပေး ဟောပြောသွန်သင်မှုများ ပို့ချပေးလျှက်ရှိသည်။ ယခုအခါ စည်းမျဉ်းသစ်များဖြင့် ကန့်သတ်လာခြင်းကို ကျောင်းသူကျောင်းသား မိဘများနှင့် ဆရာဆရာမများက ကြိုဆိုလက်ခံနေကြောင်း သိရှိရသည်။ သို့သော်လည်း အချို့သော အင်တာနက် ဝက်ဘ်ဆိုက်များတွင်မူ ယင်းစည်းမျဉ်းများသည် ဖိနှိပ်မှုဆန်သည့် ကျင့်ကြံမှုအဖြစ် ဝေဖန်မှုများ ထွက်ပေါ်နေသည်။

"ရိုင်းစိုင်းတဲ့ ဖိနှိပ်မှု ပုံစံတစ်မျိုးပါပဲ။ ငယ်ရွယ်တဲ့ ကျောင်းသူကျောင်းသား လူငယ်လေးတွေကြား သွားလာလှုပ်ရှားနေတဲ့ ကြားအကွာအဝေးကို ဘာနဲ့တိုင်းတာမှာတဲ့လဲ"ဟု တစ်ဦးက ထောက်ပြခဲ့သည်။ China Youth Daily သတင်းစာကမူ ယခုကန့်သတ်ချက်များသည် "လက်ခံနိုင်စရာ မရှိသော၊ ရယ်စရာကောင်းသော၊ တရားမဝင်သော" လုပ်ရပ်ဟု ပြစ်တင်ရေးသားခဲ့သည်။ "လူငယ်လူရွယ်ပိုင်းမှာ ချစ်ခင်စုံမက်မှု ရှိတတ်တာ သဘာဝပါပဲ။ ကျောင်းသူကျောင်းသား ဘဝမှာ လူငယ်စုံတွဲတွေ ဖြစ်လာ တာဟာ တိုက်တွန်းသင့်တဲ့ အရာမျိုး မဟုတ်ဘူး။ ဒါပေမဲ့ အဲဒီအခြေအနေကို ဆန့်ကျင်ဖို့ အလွန်အကျွံ ဖိနှိပ်တဲ့ နည်းလမ်းမျိုးနဲ့ ကန့်သတ်တာကတော့ ရွေးချယ်စရာ မဖြစ်သင့်ဘူး"ဟု ယင်းသတင်းစာက ဝေဖန်ခဲ့သည်။

နန်ဂျင်းတက္ကသိုလ်မှ ပရော်ဖက်ဆာ ဇန်ယူလင်းက ယခုအမြင်ကွာဟချက်သည် တရုတ်ကျောင်းနေ ပညာရေးကဏ္ဍ၏ လူမှုရေး ပြဿနာငယ် တစ်ခုဟု သုံးသပ်ခဲ့သည်။ "ကျောင်းတွေက ကလေးတွေကို ထောင်သားတွေလို ဆက်ဆံချင်တယ်။ ဒါကို လူငယ်ပိုင်းက လက်မခံနိုင်ဘူး"ဟု ၎င်းက ဆိုသည်။ ယင်းက ဆက်လက်၍ ခေတ်ပြောင်းသွားချိန်တွင် အမြင်များ ပြောင်းလဲကုန်သည်ကို ရှောင်လွှဲ၍ မရနိုင်ဟုလည်း ထောက်ပြခဲ့သည်။ "လွန်ခဲ့တဲ့ နှစ်(၄၀)လောက်က တရုတ်ဟာ ပြင်ပကမ္ဘာနဲ့ စထိတွေ့ခဲ့တယ်။ အဲဒီတုန်းက အရမ်းသန့်စင်ပြီး အပြစ်ကင်းတယ်။ တရုတ်နိုင်ငံမှာ လိင်ကိစ္စဆိုတာ စိုးရိမ်စိမ်းကားတဲ့ ထိတွေ့မှု တစ်ခုပဲ။ ဒါပေမဲ့ ခုခေတ် လူငယ်ပိုင်းဟာ အရင်မျိုးဆက်တွေထက် ပိုပြီး အသိဉာဏ်ရင်းမြစ်တွေ ရှိလာတယ်။ သိသင့်တာရော၊ မသိသင့်တာပါ အကုန်သိလာတယ်။ ခုဆိုရင် တရုတ်နိုင်ငံမှာ လူငယ်ပိုင်းရဲ့ ညစ်ညမ်းပုံရိပ်တွေ၊ ဗီဒီယိုတွေ ထွက်ပေါ်လာတာက ပုံမှန် ပြဿနာလို ဖြစ်လာတယ်"ဟု ပါမောက္ခ ဇန်က မှတ်ချက်ပြုသွားသည်။ 
By Planet

အိချောပို အဆိုတော်လုပ်တော့မှာလား

Posted by drmyochit Thursday, October 10, 2013, under | No comments


အိချောပိုက ခန့်စည်သူနဲ့ ဇာတ်ကားရိုက်ကူး နေပါတယ်။ ဇာတ် ကားရိုက် ကူးမှုတွေကိုလည်း ဆက်တိုက် ရိုက်ကူးဖြစ်နေသလိုသီ ချင်းတွေကိုလည်း လုပ်နေဖြစ် တယ်လို့ သိရပါတယ်။ ဒီလို သီချင်းတွေ စီစဉ်ဖြစ်တာနဲ့ ပတ်သက်ပြီး “သီချင်းတွေက ပရိသတ်တွေတောင်းဆိုတာတို့၊ အကူအညီ တောင်း တာတို့ဆို ဆိုဖြစ်ပါတယ်။ သီချင်းတွေက ကိုယ်ပိုင်သံစဉ်သီချင်း ခုနစ်ပုဒ် လောက်လုပ် ထားတာရှိတယ်။ သီချင်းခွေ လုပ်ဖို့ အတွက်ကတော့ လောလောဆယ်အစီအစဉ် မရှိသေးပါဘူး။ ဒါပေမဲ့ ပရိသတ်တွေ တောင်း ဆိုရင်တော့ ဆိုဖြစ် သင်္ကြန်မှာ သီချင်းဆိုပေးဖို့ပြောတော့ ဆိုပေးရင်းနဲ့ လုပ်ဖြစ်သွားတယ်။ အိချောက အမှန်တိုင်းပြောရရင် သီချင်း ဆိုတာဝါသနာပါပေမယ့် သီချင်းသိပ်ဆိုတတ်တဲ့ အထဲမပါဘူး။ ပရိသတ်တွေရဲ့အားပါပဲ။ 
သီချင်းတွေက ဆရာ ဓိရာမို ရေးပေး တာပေါ့ အေးအေးလေးတွေ ပါပဲ။ အနုပညာ သမားဆိုတာ သီချင်း လည်းဆိုတတ် ရမယ် ဆိုတော့ အနည်းအကျဉ်း ကိုယ့်ဘာသာလုပ်ထားတဲ့ စိတ်ကူးလေးပါပဲ” လို့ ပြောပြပါတယ်။ သီချင်းတွေလုပ် ဖြစ်ပေမယ့် သင်္ကြန်တွင်းလောက်ပဲ နယ်တွေကို သွားဆိုဖြစ်တဲ့အတွက် ပရိသတ်တွေ ကိုတောင်းပန်ပါတယ်လို့ ပြောပြတဲ့ အိချောပိုက သီချင်းတွေလုပ် ထားပေမယ့် တချို့ နယ်တွေက သီချင်း ဆိုပေးဖို့ ဖိတ်ကြတယ်။ အိချောကလည်း ကားရိုက်တွေလည်း ရှိနေတော့ နယ်တွေ ထွက်ဆိုဖို့ ဖျက်လိုက်ရတာတွေ အတွက် ပရိသတ်တွေကို တောင်းပန်ပါတယ်။ သင်္ကြန်ဆိုရင်တော့ ဆိုဖြစ် ပါတယ်။ အိချောကို ပရိသတ်တွေရဲ့ အားပေးမှုကြောင့် ကြိုးစားပြီး လုပ်သွားရပါတယ်လို့ ပြောပြခဲ့ ပါတယ်။
By Popular Myanmar

အမေပေးတဲ့ ဆန်တစ်ခွဲ တစ်တင်းနဲ့ မလဲလို့ ပြတ်ပြတ်သားသား ပြောလိုက်တဲ့ လူထုကြားရေပန်းစားနေတဲ့ လွှတ်တော်ကိုယ်စားလှယ် ဦးသိန်းညွန့်

Posted by drmyochit Thursday, October 10, 2013, under | No comments


အမေပေးတဲ့ဆန်တစ်ခွဲတစ်တင်းနဲ့ မလဲဆိုသကဲ့သို့ ပြည်သူကအပ်နှင်းခဲ့သော လွှတ်တော်ကိုယ်စား လှယ်တာဝန်ကို လူတစ်ဦးတစ်ယောက်ကပေးအပ်သော အစိုးရအဖွဲ့ရာထူးနှင့် မလဲနိုင်ကြောင်း အမျိုးသား ဒီမိုကရေစီပါတီသစ်ဥက္ကဋ္ဌ ပြည်သူ့လွှတ်တော်ကိုယ်စားလှယ် ဦးသိန်းညွန့်ကဆိုသည်။ 

"ပြည်သူလူထုအကျိုးကိုလွှတ်တော်ကိုယ်စားလှယ်အဖြစ်နဲ့ ဆောင်ရွက်လို့ရပါတယ်။သမ္မတဖြစ်မှလုပ်ပေးနိုင်
မယ်လို့တော့ ကျနော့်အနေနဲ့မယူဆပါဘူး။ အမေပေးတဲ့ဆန်တစ်ခွဲ တစ်တင်းနဲ့ မလဲဆိုသလို မျိုး ပြည်သူက အပ်နှင်းခဲ့တဲ့တာဝန်ကို လူတစ်ဦး တစ်ယောက်ကပေးအပ်တဲ့ အစိုးရအဖွဲ့ရာထူး နဲ့မလဲနိုင် ပါဘူး။ ဒီဘဝ အတွက်ကို ဂုဏ်ယူပါတယ်။ ဘာလို့လဲဆိုတော့ ဗိုလ်ချုပ်အောင်ဆန်းရဲ့သမိုင်းမှာ သမ္မတ ဝန်ကြီးလုပ်ရမယ် ဆိုတာ မရှိပါဘူး။ သူပြောခဲ့တဲ့စကားတစ်ခွန်းက ဝန်ကြီးဆိုတဲ့ရာထူးထက် လူထုခေါင်းဆောင်ဆိုတဲ့ ရာထူးကိုသာ မက်မောတယ်ဆိုတာပါပဲ"ဟု အမျိုးသားဒီမိုကရေစီပါတီသစ် ဥက္ကဋ္ဌ ဦးသိန်းညွန့် ကပြောသည်။

ပေါ်ပေါက်လာသောဒီမိုကရေစီ အသွင်ကူးပြောင်းရေးတွင် အာဏာရထားသော အစိုးရကိုထိန်းကျောင်းနိုင် ရန် အမှန်ထောက်ပြနိုင်ရန်နှင့် ပြုပြင်နိုင်ရန် လိုအပ်သည်ဟု ယူဆသည့်အတွက် မိမိသည် တာဝန် သိနိုင်ငံရေးသမားကောင်း တစ်ယောက်အနေဖြင့် ဖြတ်သန်းမည်ဖြစ်ကြောင်း ၎င်းကထပ်လောင်းပြော ကြားခဲ့သည်။

By Hot News

ဆီးဂိမ်းပြိုင်ပွဲ ဖွင့်ပွဲ၊ ပိတ်ပွဲတွင် ကပြဖျော်ဖြေမည့် ကျောင်းသား၊ ကျောင်းသူများအား စာသင်ချိန်များအစား ပြန်လည် သင်ပေး သွားရန်ရှိ

Posted by drmyochit Thursday, October 10, 2013, under | No comments


ပညာရေး ၀န်ကြီး ဌာနမှ တာဝန်ရှိသူ တစ်ဦးရဲ့ ပြောပြချက် အရ ဆီးဂိမ်း ဖွင့်ပွဲ၊ ပိတ်ပွဲမှာ ကူညီပါဝင်ကပြ ဖျော်ဖြေကြမယ့် ကျောင်းသား၊ ကျောင်းသူတွေအတွက် စာသင်ချိန်ကို အစား ပြန်ပေးပြီး သင်ကြား ပေးသွားဖို့ ရှိတယ်လို့ သိရပါတယ်။ အခုလို သင်ကြားရာ မှာတော့ ဒီဇင်ဘာ ကျောင်းပိတ်ရက် အပြီး ကျောင်းပြန်ဖွင့်တဲ့ အချိန်မှ စတင်ကာ အဆိုပါ ဆီးဂိမ်းမှာ ဖြေဖျော် ပေးခဲ့ကြတဲ့ ကျောင်းသား၊ ကျောင်းသူ တွေကို ပုံမှန် ကျောင်းဖွင့်ရက် တွေမှာ စာသင်ချိန် ၁ ချိန်စီ တိုးပြီး ကျောင်းဖွင့်ရက် တွေမှာ ပြန်လည် ပို့ချပေး သွားမှာ ဖြစ်တယ်လို့ သိရပါတယ်။

ဒါ့အပြင် ကျောင်းပိတ်ရက် ဖြစ်တဲ့ စနေနေ့ တစ်ရက် ကိုလည်း အချိန်ပြည့် တစ်ရက်ယူကာ အစား ပြန်လည် သင်ကြား ပို့ချပေးသွားမှာ ဖြစ်တယ်လို့ သိရပါတယ်။ ယခု ကျင်းပမယ့် ဆီးဂိမ်းဖွင့်ပွဲ၊ ပိတ်ပွဲမှာ ဖြေဖျော်ကြမယ့် ကျောင်းသား၊ ကျောင်းသူ များဟာ ဆဋ္ဌမတန်း၊ သတ္တမတန်း၊ အဋ္ဌမတန်း အရွယ် ကျောင်းသား၊ ကျောင်းသူများ အပြင် တက္ကသိုလ် ကျောင်းသား၊ ကျောင်းသူ များလည်း ပါဝင်တယ်လို့ သိရပါတယ်။

အဆိုပါ ကျောင်းသား၊ ကျောင်းသူများဟာ ယခုလက်ရှိမှာ Sea Game ပြိုင်ပွဲ အတွက် အဆို၊ အက လေ့ကျင့်မှု တွေကို အဖွဲ့လိုက် ပြုလုပ် လျက်ရှိပြီး နိုဝင်ဘာလ ၁ ရက်နေ့မှ စတင်ကာ ဆီးဂိမ်း ကာလပြီးစီးတဲ့ အထိ ပါဝင်ဖြေဖျော်မယ့် သူအားလုံးကို Camp ၀င်ပြီး လေ့ကျင့်မှု တွေကို ပြုလုပ် သွားဖို့ ရှိတာ ဖြစ်တယ် လို့လည်း ဆီးဂိမ်းဖွင့်ပွဲ၊ ပိတ်ပွဲကပြ ဖျော်ဖြေရေး အတွက် တာဝန်ယူ ထားတဲ့ တာဝန်ခံ တစ်ဦးရဲ့ ပြောပြချက် အရ သိရပါတယ်။

တိရစ္ဆာန်အစာနှင့် ဆေးဝါးများ စနစ်တကျ မှတ်ပုံတင် ထားရှိနိုင်ရန် လိုအပ်လျက်ရှိ

Posted by drmyochit Thursday, October 10, 2013, under | No comments


မြန်မာနိုင်ငံရဲ့ မွေးမြူရေးနှင့် ရေလုပ်ငန်း ကဏ္ဍရှိ တိရစ္ဆာန်များရဲ့ အစာနဲ့ ဆေးဝါးများမှာ စနစ်တကျ မှတ်ပုံတင် ထားရှိနိုင်ဖို့ လိုအပ် နေတယ်လို့ မြန်မာနိုင်ငံေ မွးမြူရေး လုပ်ငန်း အဖွဲ့ချုပ်မှ တာဝန်ရှိသူ တစ်ဦးရဲ့ ပြောကြားချက် အရ သိရပါတယ်။ ယခုအခါ ပြည်တွင်းမှာ မွေးမြူရေး အစားအစာနဲ့ ဆေးဝါးများဟာ ဥပဒေနဲ့ အညီ တရားဝင် မှတ်ပုံတင် ထားခြင်း မရှိဘဲ ဖြန့်ဖြူး ရောင်းချမှုတွေ ရှိနေတာ ဖြစ်ပါတယ်။

ဒါကြောင့် တိရစ္ဆာန်များရဲ့ အစားအစာနဲ့ ဆေးဝါးများမှာ ဘေးကင်း လုံခြုံမှု အားနည်းနေပြီး မွေးမြူ ထုတ်လုပ်တဲ့ အသား ငါးများမှာလည်း အရည်အသွေး ကောင်းမွန်မှုနဲ့ ဖွံ့ဖြိုး တိုးတက်မှု တို့မှာ နှေးကွေး နိုင်စေမှာ ဖြစ်ပါတယ်။ ဒီလို မွေးမြူရေး တိရစ္ဆာန်များရဲ့ ဆေးဝါးဥပဒေ၊ အစားအစာ ဥပဒေ ရေးဆွဲပြီး ထိန်းသိမ်း ကာကွယ် နိုင်ဖုိ့အတွက် ကိုတော့ မွေးမြူရေးနှင့် ကုသရေး ဦးစီးဌာနနဲ့ ညှိနှိုင်းကာ FDA ဥပဒေများနဲ့ အညီ ဆောင်ရွက်နိုင်ဖို့ လိုအပ်နေပြီး လက်ရှိမှာတော့ အဆိုပါ ဥပဒေများကို ရေးဆွဲ အတည်ပြုနိုင်ခြင်း မရှိသေးဘူးလို့ သိရပါတယ်။

မြန်မာနိုင်ငံရဲ့ အသား၊ ငါး မွေးမြူရေး ကဏ္ဍမှာ အခုလို စနစ်တကျ မှတ်ပုံတင်ထားမှု မရှိသေးတာ ဖြစ်တဲ့အတွက် ပြည်ပနိုင်ငံများမှ အစာနဲ့ ဆေးဝါးများကို အသုံးပြု မွေးမြူနေရပြီး လက်ရှိ မှာလည်း ပြည်တွင်းမှာ ထိုင်းနိုင်ငံမှ တရားဝင်ဆေးဝါး ကုမ္ပဏီ တစ်ခုက လာရောက် ရင်းနှီးမြှုပ်နှံဖို့ အတွက်လည်း ဆွေးနွေးမှုများ ပြုလုပ်နေတာ ဖြစ်ပါတယ်။ ဒါကြောင့် မြန်မာနိုင်ငံ အနေနဲ့လည်း အခုလို တိရစ္ဆာန်အစာနဲ့ ဆေးဝါးများမှာ စနစ်တကျ ဥပဒေများ ရေးဆွဲပြီး မှတ်ပုံတင်များ ထားရှိနိုင်ခဲ့ပါက ပြည်ပနိုင်ငံများသို့ တင်ပို့ ရောင်းချရာမှာ အကျိုးရရှိ စေမှာ ဖြစ်သလို မွေးမြူရေး တိရစ္ဆာန်များ အတွက်လည်း ဘေးကင်း လုံခြုံတဲ့ အစားအစာနဲ့ ဆေးဝါးများကို အသုံးပြု မွေးမြူနိုင် စေမှာ ဖြစ်တယ်လို့ သိရှိရပါတယ်။

ရန်ကုန်-မန္တလေး အမြန်လမ်းပေါ် ယာဉ်တိုက်မှုဖြစ်ပြန်

Posted by drmyochit Thursday, October 10, 2013, under | No comments


၇-၁၀-၂၀၁၃ ရက်နေ့ ၁၃၁၅ အချိန် မိတ္ထီလာမြို့နယ်၊ ရန်ကုန်-မန္တလေးအမြန်လမ်း၊ မိုင်တိုင်အမှတ် (၂၈၂/၆-၇)ကြားတွင် ယာဉ်တိုက်မှုဖြစ်ပွားကြောင်းသတင်းအရ သီးကုန်းအမြန်လမ်း ရဲစခန်းမှ တပ်ဖွဲ့ဝင် များနှင့် အမြန်လမ်းမီးသတ်တပ်ဖွဲ့မှတပ်ဖွဲ့ဝင်များ သွားရောက်စစ်ဆေးခဲ့သည်။ စစ်ဆေးချက်အရ ရန်ကုန်မှ မန္တလေးသို့ မန္တလေးတိုင်းဒေသကြီး၊ အောင်မြေသာဇံမြို့နယ်၊ မေဂသီရိ ရပ်ကွက်နေ အောင်မင်းထွေး (ခ)ရာဖစ်(၄၃)နှစ်မောင်းနှင်လာသည့် ၅/xxxx မာဇဒါဘန်ဂိုပစ်ကပ် အဖြူရောင်ယာဉ်မှာ တိုက်ရော့ပြုတ်၍ အရှိန်မထိန်းနိုင်ဘဲ လမ်းအရှေ့ဘက်တွင် ကာရံထားသော သံတန်းအား ၀င်ရောက်တိုက်မိခဲ့ပြီး ယာဉ်မှာ ရှေ့ဝဲဘက်ဘီးကျွတ်ထွက်၊ ရှေ့ဘန်ဘာပိန်ချိုင့်၊ ရှေ့လေကာမှန် ကွဲအက်၊ တန်ဘိုးငွေကျပ်(၃၀၀၀၀၀ိ/-)ခန့်ပျက်စီးဆုံးရှုံးခဲ့သဖြင့် ယာဉ်မဆင်မခြင်မောင်းနှင်သူ အောင်မင်းထွေး (ခ) ရာဖစ်အား သီးကုန်းအမြန်လမ်းရဲစခန်းယာဉ်(ပ)၂၂/၂၀၁၃၊ ပြစ်မှုပုဒ်မ ၂၇၉ ဖြင့် အမှုဖွင့်အရေးယူ ထားကြောင်း သတင်းရရှိသည်။
By ရဲဇာနည်

ကျောက်တန်းတွင် ဧကခုနစ်သောင်းခန့်ရှိ ပုစွန်မွေးမြူရေးဇုန် ဖော်ထုတ်ရန် စီစဉ်

Posted by drmyochit Thursday, October 10, 2013, under | No comments


ရန်ကုန်တိုင်းဒေသကြီး ကျောက်တန်းမြို့နယ်တွင် ပုစွန်မွေးမြူရေး အဓိကပြုလုပ်မည့် ဧကခုနစ်သောင်း ခန့်ရှိ မွေးမြူရေးဇုန် တစ်ခုဖော်ထုတ်ရန် စီစဉ်လျက် ရှိသည်ဟု မြန်မာနိုင်ငံ ငါးလုပ်ငန်းအဖွဲ့ချုပ် ဒုတိ ယ ဥက္ကဋ္ဌ ဦးကြီးငွေက ပြောကြားသည်။

ရန်ကုန်မြစ်နှင့် မုတ္တမပင်လယ်ကွေ့အထိ စပ်လျက်ရှိပြီး သဘာဝ အလျောက် ရေငန်ပုစွန် မွေးမြူသည့် လု ပ်ငန်းများကို လက်ရှိ ဧက ၇၀၀၀ ခန့်ထိ မွေးမြူထားသည့် နေရာတွင် ယင်းမွေးမြူရေးဇုန်ကို တည်ဆောက် သွားရန် စီစဉ်ထားသည်ဟု ၎င်းကဆိုသည်။

လက်ရှိ အဆိုပါ ရေငန်ပုစွန် မွေးမြူရေး လုပ်ငန်းများရှိ တိုင်းရင်းသား စီးပွားရေး လုပ်ငန်းရှင်များနှင့် ဂျပန် လုပ်ငန်းရှင်များသည် ငါးလင်ပန်း မွေးမြူခြင်း လုပ်ငန်းများကို ဖက်စပ်လုပ်ကိုင်ရန် စီစဉ် နေကြကြောင်း၊ ယ င်းမွေးမြူရေးကန်များမှ ငါးလင်ပန်း၊ ကကတစ်၊ ကဏန်း၊ ပုစွန်ကျားများ အများဆုံး ထွက်ရှိကြောင်း ၎င်းက ရှင်းပြသည်။

“ပြည်ပ ရင်းနှီးမြှုပ်နှံသူတွေက ဒီမှာလာပြီး ရင်းနှီးမြှုပ်နှံရင် ရန်ကုန်နဲ့ ခရီးအကွာအဝေး၊ လျှပ်စစ်မီး ရရှိမှု၊  ရေရရှိမှုနဲ့လုံခြုံရေးအရကောင်းမွန်မှုအဲဒီအချက်တွေအပေါ်အဓိကမူတည်ပြီးစဉ်းစားကြတယ်။ကျောက်တန်းက အဲဒီအချက်တွေနဲ့ အဆင်ပြေတယ်” ဟု ၎င်းဆိုသည်။

အဆိုပါ မွေးမြူရေးဇုန်တွင် လုပ်ကိုင်လျက်ရှိသော လုပ်ငန်းများကို သုံးမျိုးခန့် ခွဲခြားလုပ်ကိုင်လျက်ရှိရာ ရေ ငန်ပုစွန်များကို သဘာဝအတိုင်း မွေးမြူခြင်း၊ အရင်းအနှီး ထပ်မံထည့်၍ တိုးချဲ့မွေးမြူခြင်းနှင့် သိပ္ပံ နည်းကျ စနစ်တကျ မွေးမြူလျက်ရှိပြီး သိပ္ပံနည်းကျ မွေးမြူခြင်းမှာ လွန်စွာ နည်းပါးသည်ဟု ရန်ကုန်တိုင်းဒေသကြီး၊ ကျောက်တန်းမြို့နယ် ငါးလုပ်ငန်းအဖွဲ့ချုပ် ဥက္ကဋ္ဌ ဦးမင်းမောင်မောင်က ဆိုသည်။

“ကျောက်တန်းတင် မဟုတ်ဘူး။ ကျွန်တော်တို့ သုံးခွကိုလည်း မွေးမြူရေးဇုန်အဖြစ် သတ်မှတ် လုပ်ကိုင်ဖို့ေ ကာင်းတယ်။ ကျောက်တန်းနဲ့ သုံးခွက တစ်ဆက်တည်းပဲလေ။ ရေမြေချင်းလည်း တူတယ်” ဟု ရန်ကုန် တို င်းဒေသကြီး သုံးခွမြို့နယ်မှ ပုစွန်မွေးဧက ၂၀၀ ပိုင်ဆိုင်သည့် စီးပွားရေး လုပ်ငန်းရှင် ဦးသိန်းဇော်ညွန့်က ပြောကြားသည်။

အဆိုပါ မွေးမြူရေးဇုန်တွင် နှစ်ကာလ ကြာလာ၍ ပင်လယ်ကမ်းခြေ တစ်လျှောက်တွင် ပေါ်ထွန်းလာသော သောင်ထွန်းမြေများကို ဝယ်ယူ၍ စိုက်ပျိုးရေး လုပ်ကိုင်သူများကြောင့် ပင်လယ်ရေ အတက်အကျကို အား ပြု၍ သဘာဝအတိုင်း ရေငန်ပုစွန် မွေးမြူသည့် ဒေသခံများမှာ အခက်အခဲ တွေ့လျက်ရှိသည်ဟု မြန်မာနိုင် ငံ ငါးလုပ်ငန်း အဖွဲ့ချုပ်၏ အပတ်စဉ် အစည်းအဝေးသို့ တက်ရောက်လာသည့် ဒေသခံ ရေ လုပ်သားများ က ဆိုသည်။

မြန်မာနိုင်ငံ၏ အမျိုးသားအဆင့် ပို့ကုန်မဟာဗျူဟာတွင် ရေလုပ်ငန်း ပါဝင်သော်လည်း အဆိုပါ ပုစွန် မွေး မြူရေးဇုန်သည် ပြည်တွင်း သားငါးဖူလုံမှုကို ဦးစားပေး လုပ်ဆောင်မည် ဖြစ်ပြီး နှစ်စဉ် ဝင်ရောက်မှု တိုးတ က်လာသည့် ကမ္ဘာလှည့် ခရီးသွားများအတွက် ပင်လယ်စာများ ဖြည့်တင်းပေးနိုင်ရန် ရည်ရွယ်သည်ဟု မြန် မာနိုင်ငံ ငါးလုပ်ငန်း အဖွဲ့ချုပ်ထံမှ သိရသည်။

The Voice Weekly

ကြားဖြတ်ရွေးကောက်ပွဲတွင် မဲပြား၌ ဖယောင်းသုတ်သည်ဟူသော တိုင်ကြားမှုနှင့် ပတ်သက်၍ NLD မှ ဦးဥာဏ်ဝင်းအား တရားရုံးမှ ဒဏ်ငွေ တစ်ထောင်ချမှတ်ခံရ

Posted by drmyochit Thursday, October 10, 2013, under | No comments


နေပြည်တော်၊အောက်တိုဘာ (၁၀)ရက်

၂၀၁၂ခုနှစ် ကြားဖြတ်ရွေးကောက်ပွဲတွင် ဆန္ဒမဲပေးသည့် မဲပြားများ ဖယောင်းသုတ်ထားသည် ဆိုသော တိုင်ကြားမှု နှင့် ပတ်သက်ပြီး အမျိုးသား ဒီမိုကရေစီ အဖွဲ့ချုပ်မှ ဗဟိုကော်မတီ ၀င်ဦးဥာဏ်ဝင်းအား ပြည်ထောင်စုရွေးကောက်ပွဲကော်မရှင်က တရားစွဲဆိုထားမှုကိုပုဗ္မသီရီမြို့နယ်တရားရုံးက ငွေဒဏ် ကျပ်တစ်ထောင် ကျခံစေရန်အမိန့်ချမှတ်လိုက်သည်။

ကြားဖြတ်ရွေးးကောက်ပွဲတွင် အမျိုးသားဒီမိုကရေစီ အဖွဲ့ ချုပ် မှ ဦးခင်မောင်သိန်း (စစ်ကိုင်း မြို့) ဦးဖြိုးမင်းသိန်း (လှည်းကူးမြို့နယ်)ဒေါ်ဖြူဖြူသင်း (မင်္ဂလာတောင်ညွှန့်မြို့နယ်)ဒေါ်တင်တင်ရီ (ကျွန်းစု မြို့နယ် ) တို့သည် ပြည်သူ့လွှတ်တော် ကိုယ်စားလှယ် အဖြစ်ရွေးကောက်ခံရပြီးနောက် ရွေးကောက်ပွဲတွင် ဥပဒေနှင့် အညီဆောင်ရွက် ခြင်းမရှိဟုဆိုကာ အသီးသီး တရားစွဲဆိုခံခဲ့ရသော်လည်းအားလုံးမှာ အမှုနိုင်ခဲ့ ကြသည်။ 
စိုင်းနောင်
By Popular Myanmar News

ယာဉ်မောင်းမရှိစဉ် ယာဉ်နောက်လိုက်မှ ၆ ဘီးကားတက်မောင်းပြီး ဆိုင်ကယ် ၁၀ စီးအားဝင်တိုက်

Posted by drmyochit Thursday, October 10, 2013, under | No comments


မန္တလေး ၊ ၁၀-၁၀-၂၀၁၃

ယမန်နေ့ ည ၈ နာရီခွဲ အချိန်တွင် ရန်ကုန် - မန္တလေး ကားလမ်းမကြီး ဘေး ပြည်ကြီးတံခွန် မြို့နယ် တံခွန်တိုင် ရပ်ကွက်ရှိ မိုးထက်မြင့် လက်ဖက်ရည် ဆိုင်ရှေ့တွင် ယာဉ်မောင်း ဦးရာဂျမ်း ၃၂ နှစ် ( ဘန်းမွှေးရွာ ၊ နောင်ချိုမြို့နယ် နေသူ ) သည် နီဆန်းဒီဇယ် ခြောက်ဘီးကား ကို ရပ်ထားပြီး သော့ဖြုတ်၍ စက်မှုဇုန် ဘက်သို့ ထွက်ခွာ သွားစဉ် ယာဉ်နောက်လိုက် အောင်နိုင် ( မိုးကုတ်မြို့ နေသူ ) က ယာဉ်မောင်း မလာသေး၍ အချိန် ကြာမြင့် နေသဖြင့် ဘက်ထရီ ၀ိုင်ယာကြိုး နှစ်ချောင်းကို ရှော့ခ်တိုက်၍ စက်နှိုး မောင်းနှင် ခဲ့သည်။

ထို့နောက် အဆိုပါ လက်ဖက်ရည် ဆိုင်ရှေ့ရှိ လက်ဖက်ရည် သောက်နေသူ များနှင့် ကယ်ရီဆိုင်ကယ် များ ရပ်တန့် ထားရာ နေရာသို့ ၀င်ရောက် တိုက်မိပြီး ဆိုင်ကယ် နှစ်စီးမှာ ကားနောက်သို့ တရွတ်တိုက် ပါသွားကာ လမ်းဘေးရှိ ဆိုင်ကယ်များ နှင့် ကွမ်းယာ တွန်းလှည်း နှစ်စီး တို့အား ဆက်တိုက် ချိတ်မိခဲ့ရာ စုစုပေါင်း ဆိုင်ကယ် ၁၀ စီးနှင့် ကွမ်းယာဆိုင် နှစ်ဆိုင် တို့မှာ ကြေမွ ပျက်စီး သွားခဲ့ပြီး ယာဉ်မှာ ရန်ကုန် - မန္တလေး ကားလမ်း အရှေ့ဘက်ခြမ်း တံခွန်တိုင် ဈေးရှေ့ရှိ စွမ်းထက် လျှပ်စစ် ပစ္စည်း ဆိုင်သို့ ၀င်ရောက် တိုက်မိရပ်တန့် သွားကာ (ပုံ) ယာဉ်နောက်လိုက် ဖြစ်သူ အောင်နိုင် မှာ ထွက်ပြေး တိမ်းရှောင် သွားခဲ့သည်။

အဆိုပါ ယာဉ်တိုက်မှု ဖြစ်စဉ်ကြောင့် လမ်းသွား လမ်းလာ ၄ ဦး ဒဏ်ရာ ရရှိခဲ့ပြီး ယာဉ်မှုစစ် ဒုတိယ ရဲအုပ် အောင်ကျော်ဦး ၊ တံခွန်တိုင် ရဲကင်းမှူး ဒုတိယ ရဲအုပ် ဝေလင်းထွဋ် နှင့် တံခွန်တိုင် ရပ်ကွက် အုပ်ချုပ်ရေးမှူး ဦးအောင်ကျော်ဦး တို့က ဒဏ်ရာရ လူနာများအား ဆေးရုံသို့ ပို့ဆောင် ပေးခဲ့ပြီး အဆိုပါ ဖြစ်စဉ်တွင် ယာဉ်ဝင်ရောက် မောင်းနှင်သူ အောင်နိုင်မှာ ထွက်ပြေး တိမ်းရှောင် နေသဖြင့် ဖမ်းဆီး ရမိရေး နှင့် ဥပဒေအရ တရားစွဲဆို နိုင်ရေး အတွက် ယာဉ်မှုစစ် ဒုတိယ ရဲအုပ် အောင်ကျော်ဦး မှ တရားလို ပြုလုပ်၍ ဆက်လက် အရေးယူ ဆောင်ရွက်လျက် ရှိကြောင်း သိရှိရသည်။

By Pyi Chit Thar

မော်ဒယ်ဆို ပိန်မှလို့ ပြောတဲ့လူတွေကို မုန်းတဲ့ မင်းသမီး

Posted by drmyochit Thursday, October 10, 2013, under | No comments


မော်ဒယ်လ် တစ်ဦးအတွက် အလွန်တရာ ပိန်လှီနေရန် လိုအပ်သည် ဆိုသည့် ခပ်ကြောင်ကြောင် အတွေး အခေါ်မျိုးကို သူမ ရွံမုန်းမိကြောင်း ရိုစီဟတ်တင်ဂမ် ဝှစ်တလီက ဖွင့်ဟ ပြောကြားခဲ့သည်။ Victoria's Secret၏ လက်ရွေးစင် နတ်မိမယ် စာရင်းဝင် တစ်ဦးအဖြစ် ရပ်တည်နေသည့် ဗြိတိန်သူ ကမ္ဘာကျော် မော်ဒယ်လ်က သူမ၏ ငယ်ဘဝက ကြုံတွေ့ခဲ့သည့် မော်ဒယ်လ် အေးဂျင့်များ၏ အကြံပေးမှုများ အကြောင်းကို Guardianသို့ ထုတ်ဖော် ပြောဆိုခဲ့သည်။ သူမအသက် (၁၅)နှစ် အရွယ်တွင် အေးဂျင့် တစ်ဦးထံမှ ကြားမိခဲ့သည့် ဆိုးရွားသော အကြံပေးမှု တစ်ခုအကြောင်း ရိုစီက အမှတ်တရ ဆိုသည်။ "ကျွန်မ ဝိတ်လျှော့ဖို့အတွက် တစ်နေ့ကို ဆူရှီ တစ်လိပ်ပဲစားပြီး အငတ်ခံနေရမယ်လို့ အဲဒီအေးဂျင့်က ပြောတယ်"ဟု အသက်(၂၆)နှစ် ရှိပြီဖြစ်သော ရိုစီက ပြောဆိုခဲ့သည်။

သူမက အဆိုပါ အေးဂျင့်အား "ကိုယ့်ဖာသာ သွားသေလိုက်"ဟု ခပ်ရင့်ရင့် တုံ့ပြန်ခဲ့ကြောင်းလည်း ရိုစီက ဆိုသည်။ ရိုစီက သူမအနေဖြင့် မော်ဒယ်လ်ဘဝတွင် ဆယ်စုနှစ် တစ်ခုကျော်မျှ ဖြတ်သန်းပြီးချိန်၌ ကောင်းမွန်သော အပြောင်းအလဲများကို တွေ့မြင်နေရခြင်းအတွက် ကျေနပ်မိကြောင်းလည်း ဝန်ခံခဲ့သည်။ "ခုချိန်မှာ မော်ဒယ်လ်တွေအတွက် ပိုပြီးစစ်မှန်တဲ့ လက်တွေ့ဘဝကို တောင်းဆိုမှုတွေ ရှိလာပြီ။ မော်ဒယ်လ်တွေ ဘာလုပ်နေတယ် ဆိုတာကို လူတိုင်းက သိချင်တယ်။ မီဒီယာတွေနဲ့ ပိုပြီးထိတွေ့ဖြစ် လာတယ်။ အရင်ကလို ရှုထောင့် တစ်ခုတည်းကနေ ကြည့်နေဖို့ မလိုတော့ဘူး။ စူပါမော်ဒယ်လ် တစ်ယောက်ဟာ ပိုပြီး စမတ်ကျဖို့တော့ လိုလာတယ်။ ဒါပေမဲ့ သူ့ရဲ့ ကိုယ်ပိုင်အမြင်၊ သူ့ရဲ့ ကိုယ်ရည်ကိုယ်သွေးကလည်း အရေးပါလာတယ်လေ"ဟု ရိုစီက သုံးသပ်သွားခဲ့သည်။

မျက်လုံးမှ ဆေးရည် ပန်းထုတ်ပြီး အရုပ်ရေးခြယ်သူ

Posted by drmyochit Thursday, October 10, 2013, under | No comments


အာဂျင်တီးနားနိုင်ငံမှ အသက် ၂၇ နှစ်အရွယ် လင်ဒရိုဂရန်နက်တူ (Leandro Granato) ဆိုသူသည် ပန်း ချီဆွဲသည့် ရေဆေးများကို မျက်လုံးထဲမှ ပန်းထွက်လာအောင်ပြုလုပ်ပြီး ကင်းဗတ်စပေါ်တွင် ပန်းချီရေး ဆွဲနိုင်သူဖြစ်သည်။ 

နှာခေါင်းနှင့်မျက်လုံးအကြားတွင် ထူးခြားသည့် ဆက်သွယ်မှု ရှိနေခြင်း ကြောင့် ဆေးရည်များကို နှာခေါင်းမှ စုပ်ယူပြီး မျက်လုံးမှပန်း ထုတ်ကာယခုလို ရေးခြယ်မှုမျိုး ပြုလုပ်နိုင်သည်ဟု ယူဆရသည်။

ပန်းချီကားတစ်ခု ရေးဆွဲနိုင်ရန် ရေဆေး ၈ဝဝ မီလီလီတာခန့်ကို နှာခေါင်းမှစုပ်ယူပြီး မျက်လုံးမှပန်း ထုတ်ရသည်။ ၄င်း၏ ထူးခြားသော ပန်းချီကားတစ်ချပ်တိုင်းအတွက် စတာ လင်ပေါင် ၁၅ဝဝဖြင့် ဝယ်ယူ လိုကြသည်။

''ထူးခြားသည့် စွမ်းရည်ပိုင်ဆိုင် နေခြင်းကို ကလေးဘဝကတည်းက သတိထားမိခဲ့ပါတယ်၊ အရွယ်ရောက် လာတော့ မျက်လုံးထဲကနေ လေနဲ့ အရည်တွေကို ပန်းထုတ်နိုင်တဲ့ စွမ်းရည် ကို အသုံးချပြီး ကမ္ဘာပေါ်မှာ ပန်းချီရေး ဆွဲနည်းသစ်ကို တီထွင်နိုင်ခဲ့ပါတယ်။ ကျွန်တော့်ရဲ့စွမ်းရည်ကို သဘောကျသူ တွေရှိသလို သဘောမကျတဲ့သူတွေ လည်း ရှိပါတယ်။ တချို့က ကျွန်တော့်ကို ရူးမိုက်တယ်လို့ ပြောပါတယ်။ ဒါပေမဲ့ တစ်ချိန် မှာတော့ ကျွန်တော့်ကို မျက်လုံး နဲ့ပန်းချီရေးဆွဲသူလို့ လက်ခံလာမှာပါ'' ဟု 
ဂရန်နက်တူက ပြောသည်။

Ref: Metro

မော်ဒယ်မြင့် Samsung ရဲ့  ခေါက်ဖုန်းသစ် W2014

Posted by drmyochit Thursday, October 10, 2013, under | No comments


Samsung ဟာ Galaxy စီးရီးကိုပဲ ထုတ်လုပ်နေခြင်း မဟုတ်ပါ ဘူး။ ခေါက်ဖုန်းဈေးကွက်ကိုလည်း ဆက်လက် ကိုင်တွယ်ထားဖို့ ရည်ရွယ် ချက် ရှိပြီး Hennessy လို့အမည်ရတဲ့ ခေါက်ဖုန်းကို ထုတ်လုပ်ခဲ့ပြီး ဖြစ် ပါတယ်။ ဒီတစ်ခါ ဖုန်းကတော့ W2014 လို့အမည်ရတဲ့ ခေါက်ဖုန်းပါ။ 

ခေါက်ဖုန်းဆိုလုိ့ အထင်သေးလို့ မရပါဘူး။ သူ့မှာ ပါတဲ့ Specification က လက်ရှိ Samsung Galaxy Note 3 နဲ့ ယှဉ်လို့ ရပါတယ်။ 2.3 GHz quad core Qualcomm Snapdragon 800 Processor အသုံးပြုထားပြီး Android 4.3 Jelly Bean OS နဲ့ မြင်တွေ့ရမှာ ဖြစ်ပါတယ်။ နောက်ဘက် ကင်မရာက 13 Megapixel, အရှေ့ မှာက 2 MP ပါဝင်ပြီး ဖုန်း မျက်နှာပြင် အရွယ်စား ကတော့ ၃.၆၇ လက်မရှိပါတယ်။ OLED Display မို့လို အရည်အသွေး လည်း ကောင်းမှာပါ။ ရွှေရောင်အခွံနဲ့ ထုတ်လုပ်ဖန်တီး ထားခြင်း ဖြစ် ပါတယ်။ 

Samsung ရဲ့  အခြားသော Feature ပေါင်းများစွာလည်း ပါဝင်လာအုံးမှာပါ။ SM-W2014 လို့အမည်ပေး ထားတဲ့ ယင်း ခေါက်ဖုန်းကို ၂၀၁၃ နှစ်ကုန် မှာ ဈေးကွက် ဖြန့်ချိသွားဖွယ် ရှိကြောင်း သိရပါတယ်။
.

Ref: pocketlint
Aung Kham ( TSJ Team )

တောင်ထဲမှ လျှို့ ဝှက်ကမ်းခြေ

Posted by drmyochit Thursday, October 10, 2013, under | No comments


မက္ကဆီကိုနိုင်ငံ၊ အနောက်မြောက်ပိုင်း Puerto Vallarata ပြည်နယ်နဲ့ မနီးမဝေးမှာ တည်ရှိနေတဲ့ Marieta ကျွန်းမှာ ဖြစ်ပါတယ်။

ပုံမှာ မြင်တွေ့ရတဲ့အတိုင်း အပေါ်မှာ တောင်ဖုံးနေတဲ့ ကမ်းခြေကို မြင်တွေ့ ရပါတယ်။ ယင်း Hidden beach ဟာ မီးတောင်ပေါက်ကွဲမှု ဖြစ် စဉ်ကြောင့် ဖြစ်ပေါ်လာတဲ့ ကမ်းခြေဖြစ်တယ်လို့လည်း ဆိုပါတယ်။ Marieta ကျွန်းဟာ လူအရောက်နည်းတာမို့ မက္ကဆီကိုအစိုးရဟာ အရင်တုန်းက စစ်လက်နက်ကြီးများ စမ်းသပ်မှု ပြုလုပ်ခဲ့ပါတယ်။ ယင်း ကဲ့သို့ ဗုံးဖောက်ခွဲ စမ်းသပ်မှုကြောင့်လည်း ကမ်းခြေမှု မမြင်ဖူးတဲ့ ဖွဲ့စည်း တည်ဆောက်ပုံများ ပေါ်လာပြီး ထူးခြား လှပနေတတ်ပါတယ်။

ယခုတော့ ယင်းကမ်းခြေကို သဘာဝထိန်းသိမ်းရေး နယ်မြေ အဖြစ် သတ်မှတ်လိုက်ပါပြီ။ ငါးဖမ်းခွင့်၊ အမဲလိုက်ခွင့် လုံးဝ မရှိပဲ ကမ္ဘာလှည့်ခရီး သည်များကိုတောင် အကန့်အသတ်နဲ့ သာ ပေးလည်ပတ် တဲ့ နေရာ ဖြစ် ပါတယ်။ သန္တာကျောက်တန်းများ၊ ရေသတ္တဝါမျိုးစိတ် ၁၀၀ ကျော် အပြင် လှပတဲ့ ပတ်ဝန်းကျင်ကြောင့် Marieta ကျွန်းဟာ အင်မတန်လှပတဲ့ ကျွန်း ဖြစ်ပါတယ်။ ပုံမှာ မြင်တွေ့ရတဲ့အတိုင်း အပေါ်မှာ သစ်တောနဲ့တောင် ဖုံးနေပြီး အထဲမှာကျတော့ ပင်လယ်ရေနဲ့ ဆက်စပ်နေတဲ့ ကမ်းခြေလေး တစ်ခု လည်း တည်ရှိနေပါတယ်။

ယင်း ကမ်းခြေကို The Hidden Beach in the Marieta Islands လို့ လူသိများပြီး လစဉ် ကမ္ဘာလှည့် ခရီးသည်ပေါင်း မြောက်များစွာ လာရောက် လည်ပတ်လေ့ ရှိကြောင်း သိရပါတယ်။

အောင်ခမ်း

လူထုအသံကိုနားထောင်ဖို့ ဒေါ်အောင်ဆန်းစုကြည် ပြောဆို

Posted by drmyochit Thursday, October 10, 2013, under | No comments


ဖွဲ့စည်းပုံအခြေခံဥပဒေကို ပြင်ဆင်သင့်လား ဒါမှမဟုတ် အသစ်ရေးဆွဲသင့်သလားဆိုတာ ပြည်သူလူထုကို ရှင်းလင်းပြောဆိုဖို့နဲ့ ပြည်သူ့အသံကိုနားထောင်ပြီး လွှတ်တော်ကိုတင်ပြဖို့ မိမိတို့ပါတီမှာတာဝန်ရှိကြောင်း NLD ဥက္ကဌ ဒေါ်အောင်ဆန်းစုကြည်က ပြောဆိုလိုက်ပါတယ်။

"ဖွဲ့စည်းပုံအခြေခံဥပဒေကို ပြုပြင်ပြောင်းလဲသင့်တယ် ဆိုတာကတော့ အများကလက်ခံတဲ့ကိစ္စပါ၊ ဒါပေမ ယ့် တချို့ကတော့ ပြုပြင်ပြောင်းလဲရုံနဲ့ မရတော့ဘူး၊ ဒီဖွဲ့စည်းပုံအခြေခံဥပဒေက တစ်ခုလုံးကိုပြန်ပြီးတော့ ရေးဖို့လိုတဲ့အခြေအနေ ရောက်နေပြီလို့ ပြောတဲ့လူလည်းရှိပါတယ်၊ တချိန်တည်းမှာ ပြည်သူတွေအ နေနဲ့ လည်း ဒီပြဿနာကို ရှင်းရှင်းလင်းလင်း နားလည်အောင်လို့လည်း ရှင်းပြဖို့ရာ ကျမတို့မှာတာဝန်ရှိတယ်၊ ဖွဲ့စည်းပုံအခြေခံဥပဒေ ပြင်ဆင်ရေးဆိုတာ ကျမတို့ NLD က ပထမဦးဆုံးအနေနဲ့ ဒါတရားဝင် နိုင်ငံ ရေးပါ တီတစ်ခုရဲ့မူအရ ရွေးကောက်ပွဲကို ဝင်ပြိုင်ခဲ့တာပါ၊ တခြားပါတီတွေက ဒီမူနဲ့ရွေးကောက်ပွဲကို ဝင်ပြိုင်ခဲ့တာ မဟုတ်ဘူး"

RFA လွတ်လပ်တဲ့အာရှအသံက နှစ်ပတ်တစ်ခါ တင်ဆက်နေတဲ့ ဒီမိုကရေစီခရီးကြမ်းနဲ့ ဒေါ်အောင်ဆန်းစုကြည် အစီအစဉ်အတွက် ဗုဒ္ဒဟူးနေ့ မနေ့ကညနေပိုင်း ဆက်သွယ်မေးမြန်းခဲ့ရာမှာ အခုလိုဖြေကြားခဲ့တာ ဖြစ်ပါတယ်။ ဒီကိစ္စနဲ့ပတ်သက်ပြီး သူ့ရဲ့ကိုယ်ပိုင်အမြင်ကို မေးမြန်းရာမှာတော့ လက်ရှိဖြေဆိုဖို့ မဖြစ်နိုင် သေးကြောင်း NLD က ကော်မရှင်ကို တင်ပြတဲ့အခါအားလုံးကို အသိပေးမှာဖြစ်ကြောင်း ဒေါ်အောင် ဆန်းစု ကြည်က ပြောဆုိုပါတယ်။

ဒ့ါအပြင် လက်ရှိဆက်လက်ဖြစ်ပေါ်နေတဲ့ ဘာသာရေး၊ လူမျိုးရေးပြသနာတွေကို ဖြေရှင်းဖို့အတွက် ရှုဒေါင့် စုံက စဉ်းစားဆင်ခြင်သင့်ကြောင်းလည်း ဒေါ်အောင်ဆန်းစုကြည်က ပြောကြားလိုက်ပါတယ်။

"ဒီလိုအစွန်းရောက်ရတယ်ဆိုတဲ့ အခြေအနေကိုက ကုိုယ့်ရဲ့ပတ်ဝန်းကျင်နဲ့ မကျေနပ်တာတွေပါတယ်၊ ကို ယ့်ရဲ့ဘဝနဲ့ မကျေနပ်တာတွေပါတယ်၊ စိုးရိမ်မှုတွေကြောင့် ဖြစ်ရတာတွေပါတယ်၊ ကိစ္စတစ်ခု ပေါ်ပေါက် လာတဲ့အခါမှာ အကြောင်းတွေကတခါတလေအများကြီးရှိတတ်ပါတယ်၊တစ်ခုနှစ်ခုတည်းကြည့်လို့မရပါဘူး"

တဆက်တည်းမှာပဲ အရင်လက သူ ခရီးထွက်ခဲ့တဲ့ ဥရောပ နိုင်ငံတွေဟာ မြန်မာပြည် ဒီမိုကရေစီရရှိရေးကို အားတက်သရော ထောက်ခံကြသလို၊ လက်တွေ့ပကတိအားဖြင့် မြန်မာပြည်မှာ တိုးတက်မှုတွေ သိပ်ပြီးမရှိ သေးတာကိုလည်း ကောင်းစွာသိရှိ နားလည်ကြတယ်လို့ ဒေါ်အောင်ဆန်းစုကြည်က ပြောပါတယ်။

RFA Burmese

ပြည်ရွှေမြန်မာဖြစ်ဖို့ မဖြစ်မနေဆောင်ရွက်ရမဲ့ ငြိမ်းချမ်းရေးတည်ဆောက်နည်း အပိုင်း(၁)

Posted by drmyochit Thursday, October 10, 2013, under | No comments


လက်ရှိအခြေအနေမှာ တိုင်းရင်းသားလက်နက်ကိုင် အဖွဲ့အစည်းအားလုံးနည်းပါးနဲ့ အပစ်အခတ် ရပ်စဲဘို့ အတွက် MPC (Myanmar Peace Center) က ဦးဆောင်ဦးရွက်ပြုပြီး လုပ်နေတာအတော်လေးခရီးရောက် နေတာမြင်တွေ့နေရပါတယ်။ မြန်မာပြည်ငြိမ်းချမ်းရေးရဖို့လုပ် နေတာဟာ အခုမှမဟုတ်ပါဘူး.. ယခင် တပ်မတော် အစိုးရလက်ထက်ကတည်းက တစိုက်မတ်မတ်ဆောင်ရွက်ခဲ့တဲ့ ရည်ရှည်လုပ်ငန်းကြီးတစ်ခုပါ။ ယခင်တပ်မတော်အစိုးရ လက်ထက်တုန်းက လက်နက်ကိုင်အဖွဲ့အစည်းကြီး (၁၇) ဖွဲ့နဲ့ ငြိမ်းချမ်းရေး ရရှိခဲ့ပါတယ်။

အခု ဒီမိုကရေစီအစိုးရသစ် လက်ထက်မှာလဲ တစ်နိုင်ငံလုံးမှာရှိတဲ့ တိုင်းရင်းသားလက်နက်ကိုင် အဖွဲ့တွေနဲ့ အဆင့်ဆင့်ငြိမ်းချမ်းရေး လုပ်ငန်းတွေဆောင်ရွက်နေတာကို တွေ့မြင်ရမှာဖြစ်ပါတယ်။

ဒါဆိုရင် မြန်မာပြည်တစ်ကယ်အေးချမ်တော့မှာလား?

ဒီနေရာမှာ ကျွန်တော်တို့ နောက်ကြောင်းကို ပြန်ကြည့်ဖို့ အတိတ်ကို ပြန်တွေးဖို့ လက်နက် ကိုင်အဖွဲ့ အစည်းတွေဟာ ဘာကြောင့်လက်နက်ကိုင်တိုက်ခိုက်ချင်နေကြတာလဲဆိုတာတွေကို သိဖို့လိုပါတယ်။ MTA,SSA,WUSA,PNO,PNA,DKBA,KIO စသည်ဖြင့် တိုင်းရင်းသားလက်နက် ကိုင်အဖွဲ့တွေ နဲ့ငြိ်မ်းချမ်းရေး ရယူနိုင်ခဲ့ပါတယ်။ ဘယ်တိုင်းရင်းသားလက်နက်ကိုင်အဖွဲ့အစည်းကိုမှ ထိခိုက်နင့်နာစေ လိုတဲ့ ရည်ရွယ်ချက်မရှိဘဲ အမှန်အတိုင်းပြောရရင်တိုင်းရင်းသားဆိုတဲ့လူမျိုးတွေက

နာမည်အတပ်ခံဘဲရှိတာပါ။ဘယ်အဖွဲ့မှအမျိုးချစ်လို့စစ်တိုက်နေတာမဟုတ်ဘူး။ကိုယ်ကျိုးစည်းပွားရှာနေကြတာကြည့်ပါဘဲ။ အစိုးရနဲ့ငြိမ်းချမ်းရေမယူခင်တုန်းက တောထဲကနေတရားမ၀င်
ကိုယ်ကျိုးစီးပွားရှာတယ်။ ငြိမ်းချမ်းယူပြီးတော့ရောပိုတောင်အခွင့်အရေးရသွားသေးတယ်၊ငြိမ်းချမ်းရေး နာမည်ခံပြီး တရားမ၀င် လွတ်လွတ်လပ်လပ် ကိုယ်ကျိုးစီးပွားရှာတယ်။

KIO ငြိမ်းချမ်းရေးယူပြီးဘာလုပ်လဲ?

၁၉၉၄ ငြိမ်းချမ်းရေးယူပြီးကတည်းက ၂၀၁၁ အစိုးရတပ်တွေနဲ့ တိုက်ပွဲမဖြစ်ခင် အထိ ကချင်ပြည်နယ်မှာ ရှိသမျှသစ်တွေ အကုန်ခုတ်တယ်။ဘိန်းစိုက်တယ်။ဖားကန့်၊တောမှော်၊လုံခင် ကချင်ပြည်နယ်မှာရှိသမျှ ကျောက်စိမ်းမှော်၊ရွှေမှော်တွေကနေ ကျောက်စိမ်းနဲ့ရွှေတွေကို အဖွဲ့အစည်းအမည်ခံတူးတယ်။ ကျောက်စိမ်း၊သစ်၊ရွှေတွေကို တရုတ်ပြည်ခိုးထုတ်တယ်၊ ကချင်ပြည်နယ်မှာရှိသမျှစည်းပွားရေး လုပ်ငန်း လိုင်စင်တွေကို ငြိမ်းချမ်းရေးအဖွဲ့အမည်ခံနဲ့ လက်ဝါးကြီးအုပ်ပြီး အကုန်လုပ်တယ်။ တရုပ်ပြည် ကနေမြန်မာပြည်ဝင်သမျှ မှောင်ခိုပစ္စည်း၊ အထည်အလိပ်၊လူသုံးကုန် တွေကို အဖွဲ့အစည်းအမည်ခံ ကားတွေနဲ့ မူဆယ်လမ်းကြောင်းက သွင်းတယ်။ဗန်မော်လမ်းကြောင်းကသွင်းတယ်။ ငြိမ်းချမ်းရေးအဖွဲ့ အစည်းကလူ၊ကား တွေဆိုတော့ လမ်းမှာ ဘယ်အဖွဲ့ကမှ မစစ်ဘူး။ နှစ်ကာလကြာလာတော့ ပြည်သူတွေက မွဲသထက်မွဲ၊ ဘာမှ လုပ်စားစရာမရှိတော့ဘူး၊ KIO က တဖြည်းဖြည်းချမ်းသာလာတယ်။ ပြီးတော့လိုင်ဇာကိုခွထိုင်၊ တရုတ်နဲ့ပေါင်းလက်နက်တွေစု၊အင်အားတောင့်တင်းအောင်လုပ်တယ်၊ငြိမ်းချမ်းရေး ဆိုတာကြီးကို ကိုင်ထားပြီး တစ်ချိန်ချိန်မှာ အစိုးရနဲ့ အဆင်မပြေရင် ငြိမ်းချမ်းရေး ဖျက်ပြီး ပြန်တိုက် ဖို့ ကောင်းကောင်းအားမွေးထားတယ်။

UWSA ငြိမ်းချမ်းရေးယူပြီးဘာလုပ်လဲ?

UWSA ဘာပြောကောင်းမလဲ၊အထက်ကနည်းလမ်းအတိုင်းဘဲ၊ ပန်ဆန်းကို မြို့တည်ပြီး ”၀”နယ်တစ်ခု လုံးကို ဘိန်းစိုက်တယ်။တရုတ်နယ်စပ်မှာရှိသမျှ မှောင်ခို လုပ်ငန်း အကုန်လုပ်တယ်။ ”၀”နယ်တင်မကဘူး၊ မိုးကုတ်၊မိုင်ရှုးလို ရတနာမြေတွေမှာပါ အစိုးရဆီကနေလုပ်ကွက်တောင်ပြီး ကျောက်ကုမ္ပဏီတွေထောင် တယ်၊ မန္တလေး၊ရန်ကုန်မြို့ကြီးတွေမှာ အကြီးစားလုပ်ငန်းလိုင်စင်တွေ အစိုးရဆီကနေငြိမ်းချမ်းရေး အမည်ခံတောင်းပြီး အကြီးအကျယ်လုပ်တယ်။ ”၀” ဆိုတဲ့လူမျိုးတွေမှာ ခေါင်းဆောင်နေတာက တရုတ်တွေကြည့်ဘဲဆိုတော့ ဘယ်လောက်အထိစီးပွားရေးသောင်းကျန်းသလဲဆိုရင် တစ်နိုင်ငံလုံးမှာရှိတဲ့ သားသတ်လိုင်စင်တွေပါ မောင်ပိုင်စီးထား လိုက်သေးတယ်။ စည်းပွားရေးလဲတောင့်တင် လာ၊အင်အား လည်းတောင်းလာ၊ အားမွေထားတာလည်းကြာပြီ ဆိုတော့ ဟိုတစ်လောက ကိုယ်ပိုင်အုပ်ချုပ် ခွင့်ရပြည်နယ်ပေးထားတာတောင် မကြေနပ်သေးလို့ ပြည်နယ်ပါ ထတောင်း လိုက်သေးတယ်။ ထိုးနည်းလည်းကောင်းဘဲ အစိုးရကို ပြန်တိုက်ဖို့ ကောင်းကောင်း အားမွေးနေတယ်။

PNO,PNA ငြိမ်းချမ်းရေးယူပြီးဘာလုပ်လဲ?

PNO, PNA ပအိုဝ့် အဖွဲ့တွေ ငြိမ်းချမ်းရေးယူပြီးတော့ ရော ဒီလမ်းစဉ်ပါဘဲ၊ PNO, PNA အမည်ခံတဲ့ ကျောက်ကုမ္ပဏီတွေ မိုင်းရှူး၊မိုးကုတ်၊ဖားကန့် ရတနာမြေတွေမှာ ထောင်တားတယ်။ ရှမ်းပြည်နယ်က ကျောက်တလုံး၊ဆီဆိုင်၊ဘန်ယဉ်၊နောင်ထော်၊ကျောက်တန်း၊လွိုင်လင်၊စတဲ့ ပအို့ဝ် နယ်မြေတွေမှာ ဘိမ်းစိုက်တယ်၊ တရားမ၀င်သစ်၊ခဲ၊ခနောင်စိမ်တွေ ငြိမ်းချမ်းရေးအဖွဲ့ အစည်းအမည်သုံးပြီးခိုးထုတ်တယ်။ကိုယ်ကြိုးစီးပွားရှာတယ်။ ပအို့ဝ် အဖွဲ့ကတော့ တစ်ဘက်က ရှမ်းရဲ့ရန်ကို ကြောက်ရတာရယ်၊လူမျိုးစု အနေနဲ့ ရှမ်းလောက်များတာရယ်နဲ့ငြိမ်းချမ်းရေးယူထားမှ ကိုယ်ကျိုးစည်းပွားရှာရတာ ပိုအဆင်ပြေမှာတွေကိုတွက်ချက်ပြီး စည်းပွားရေးတောင့်တင်း လာတော့ အဖြူရောင်နယ်ပယ်ထဲကို လုံးလုံးဝင်ရောက်ဖို့ အသားပေးထားပါတယ်။ ကျောက်စိမ်း နဂါးလို့နာမည်ကြီးပြီးလူသိများတဲ့ ဦးနေ၀င်ထွန်းဆိုရင် သူ့သမီးတောင် အဆိုတော်
ဇော်ဝင်းထွဋ် သား အီတိုနဲ့ ပေးစားထားလိုက်သေးတယ်။

ဆက်လက်ရေးသားပါဦးမယ်

မင်းသားဖြစ်သူက မင်းသမီးအသစ်လေးကို ပါးရိုက်၍ တစ်ဖက်နှင့်တစ်ဖက်အပြန်အလှန်တိုင်ထား

Posted by drmyochit Thursday, October 10, 2013, under | No comments


Thursday, October 10, 2013
5 Seriesရုပ်သံလိုင်းတွင် ပြသမည့် လက်သန်းပြတ်တစ်ချောင်းရဲ့ ရာဇ၀င် ရုပ်သံဇာတ်လမ်းရိုက်ကူးစဉ်ြ
ပဿနာဖြစ်၍ သရုပ်ဆောင်မင်းရာဇာ က အမျိုးသမီးသရုပ်ဆောင်အသစ် အိမ့်နိုင်းဟန်ကို ရိုက်နှက်ပြုလုပ်
ခဲ့ကြောင်း အိမ့်နိုင်းဟန်၏ ဖေ့ဘုတ်စာမျက်နှာတွင် ဓာတ်ပုံနှင့်တကွ ဖော်ပြထားသည်။

“အမှုကို မကြီးချင်ဘူး။ ရိုက်ကွင်းမန်နေဂျာက လျော်ကြေး လာပေးတယ်။ လျော်ကြေးကို မမက်ပါဘူး။ အခြား ဘယ်ကိုမှလည်း မတိုင်ထားပါဘူး။ ရုပ်ရှင်အစည်းအရုံးကဖြေရှင်းပေးနိုင်မယ်လို့ ထင်ပါတယ်”ဟု သရုပ်ဆောင်သစ်ဖြစ်သူ အိမ့်နိုင်းဟန်က ပြောကြားသည်။

ရုပ်ရှင်ရိုက်ကွင်းတွင် မင်းရာဇာ၏ ဆဲဆိုမှုကြောင့် ပြဿနာစတင်ဖြစ်ပွားခဲ့ပြီး ရှုတင်အဖွဲ့သားများ၏ ဖျန်ဖြေမှုကြောင့်ပြဿနာပြန်လည်ငြိမ် သက်နေချိန်တွင် မင်းရာဇာ၏ မိန်းမဆိုသူက သရုပ်သစ် အိမ့်နိုင်းဟန်ကို ပါးရိုက်ခဲ့ကြောင်း၊ယင်းဖြစ်စဉ်ကြောင့် သရုပ်ဆောင် အိမ့်နိုင်းဟန်က
မင်းရာဇာ၏ မိန်းမကို ပါးပြန်လည်ရိုက်နှက်ခဲ့မှုကြောင့်မင်းရာဇာက လူအုပ်ကြားထဲမှ ထွက်လာပြီး သရုပ်ဆောင်သစ် အိမ့်နိုင်းဟန်ကို ပါးနှင့် မျက်နှာတစ်ဝိုက်ကို ပြန်လည် ရိုက်နှက်ခဲ့ကြောင်း ၎င်းဖေ့ဘုတ် စာမျက်နှာတွင် ရေးသားထားသည်။

“လက်ခုပ်ဆိုတာ တစ်ဖက်ထဲ တီးလို့မရပါဘူး၊ ဒီနေ့ မနက်မှာပဲ နှစ်ဖက်စလုံးလာတိုင်သွားတယ်၊ ဒီကိစ္စ ကိုအောက်တိုဘာ ၁၅မှာ ကျွန်တော် တို့ စပြီးတော့ စစ်ပေး မှာပါ”ဟု မြန်မာနိုင်ငံ ရုပ်ရှင်အစည်းအရုံးမှ ပြန်ကြားရေးမှူး ဦးခင်မောင်ချင်းက People Powerသတင်းစာကို
ပြောကြားသည်။

အနုပညာလောကတွင် အဆိုပါ ဖြစ်စဉ်မျိုးသည် မကြာခဏဖြစ်ပွားတတ်ပြီး အစည်းအရုံးအနေဖြင့် မှန်သည် ဘက်မှရပ်တည်ပြီး တရားမျှတမှု ဖြစ်အောင် ဆောင်ရွက်ပေးမည်ဖြစ်ကြောင်း ၎င်းက ပြောကြားသည်။

ယင်းကိစ္စနှင့် ပတ်သတ်၍ သရုပ်ဆောင် မင်းရာဇာသို့ ဆက်သွယ်မေးမြန်းရာတယ်လီဖုန်း စက်ပိတ် ထားသည်။

ရေးသားသူ - အေးငြိမ်းသူ
By People power (ညနေခင်းသတင်းစာ)

သံတွဲတွင် အကြမ်းဖက်တိုက်ခိုက်ခံရမှုကြောင့် ပျောက်ဆုံးနေသူ လူငယ် (၂) ဦး အလောင်းကို မူဆလင်သင်္ချိုင်းမှာ ပြန်တွေ့

Posted by drmyochit Thursday, October 10, 2013, under | No comments


ရှာဖွေတွေ့ရှိထားသော အလောင်းကို သံတွဲ ဆေးရုံသို့ မယူမီ တွေ့ရစဉ်။ ( ဓါတ်ပုံ- Share Arakan News)

အောက်တိုဘာလ ၁ ရက်နေ့က တောင်ကုတ်မှ သံတွဲသို့ သုံးဘီး တက္ကစီဖြင့် အသွား အကြမ်းဖက် အုပ်စု တစ်ခု၏ တိုက်ခိုက်ခြင်းကို ခံရ၍ သေဆုံးသွားသူ လူငယ် (၂) ဦး၏ အလောင်းကို မနေ့က ပြန်လည် ရှာဖွေ တွေ့ရှိခဲ့သည်ဟု သံတွဲ လူမူ ကွန်ယက် ဥက္ကဌ ကိုစိန်ချစ်က ပြောသည်။

သေဆုံးသွားသူ လူငယ် (၂) ဦးမှာ ဖိုးတာ (ခေါ်) မောင်မောင်ဝင်း(၂၀) နှစ် နှင့် ရာဇာ (ခေါ်) မင်းခိုင်ရွှေ (၂၉) နှစ်တို့ ဖြစ်ကြပြီး သူတို့မှာ ရခိုင် ဗုဒ္ဓဘာသာများ ဖြစ်ကြသည်ဟု သူက ဆိုသည်။

သူတို့ နှစ်ဦးသည် တခြားသူ ၄ ဦးနှင့် အတူ အောက်တိုဘာလ ၁ ရက်နေ့က ဆိုင်ကယ် တက္ကစီနှင့် တောင်ကုတ်မှ သံတွဲအလာတွင် လင်းသီ မူဆလင်ရွာသားများ၏ ၀ိုင်းဝန်းတိုက်ခိုက်ခြင်းကို ခံခဲ့ရသည်။ ယင်းနောက်ပိုင်းကတည်းက သူတို့ နှစ်ဦးမှာ ပျောက်ဆုံးသွားခဲ့သည်ဟု သူက ပြောသည်။

ကျန် ၄ ဦးမှာ ဒဏ်ရာဖြင့် ထွက်ပြေး လွှတ်မြှောက်ခဲ့ပြီး ဒဏ်ရာ ပြင်းထန်သဖြင့် သံတွဲဆေးရုံသို့ ပို့ဆောင်ခဲ့ရသည်။

“ သူတို့ အလောင်းကို မနေ့က မူဆလင်သချိုင်္င်းမှာ မြုပ်နှံထားတာကို ရဲက ရှာဖွေတွေ့ရှိခဲ့ပါတယ်။ ကျနော်တို့ကတော့ ဥပဒေအတိုင်း ထိရောက်စွာ ဆောင်ရွက်ပေးဖို့ပါဘဲ။ ဒါလောက်ဘဲ ပြောချင်ပါတယ်” ဟု ကိုစိန်ချစ်က ပြောသည်။

ယခုအခါ အဆိုပါ လူသတ် တိုက်ခိုက်မူနှင့် ပတ်သက်သူ လင်းသီ ရွာသား မူဆလင် (၁၀) ယောက်ခန့်ကို သံတွဲရဲက ဖမ်းဆီး ထားပြီး စစ်ဆေး မေးမြန်းနေသည်ဟု သိရသည်။

သံတွဲရဲစခန်းသို့ ဆက်သွယ် မေးမြန်းရာ အဆိုပါ အမူကို ရွှေလှေ ရဲစခန်းက ကိုင်ထားသဖြင့် အဆိုပါ စခန်းသို့ တိုက်ရိုက် မေးမြန်းပါဟု ဆိုကာ ဖုံးချသွားခဲ့သည်။

သံတွဲ ဖြစ်စဉ်တွင် လူ (၇) ဦးသေဆုံးခဲ့ရပြီး ထိုအထဲတွင် ယခု အလောင်းရသူ ကိုဖိုးတာနှင့် ကိုရာဇာတို့ အပါအ၀င် ဖြစ်သည်။

By narinjara

ဆရာဝန် (၁၀၁၀) ဦးအား Black List မှ ပယ်ဖျက်ခွင့်ပြုခြင်း

Posted by drmyochit Thursday, October 10, 2013, under | No comments


၁။ ပြည်ထောင်စုအစိုးရအဖွဲ့သည် နိုင်ငံတော် ဖွဲ့စည်းပုံအခြေခံဥပဒေနှင့်အညီ ဒီမိုကရေစီ စနစ်ကို ဖော်ဆောင်လျက် ရှိပြီး နိုင်ငံရေး၊ စီးပွားရေး ပြုပြင်ပြောင်းလဲမှုများကိုလည်း အလေးထား အကောင်အထည်ဖော် ဆောင်ရွက် လျက်ရှိပါသည်။

၂။ နိုင်ငံတော်၏ အမျိုးသားအကျိုးစီးပွားကို ကာကွယ်စောင့်ရှောက်နိုင်ခြင်း အလို့ငှာ ကုမ္ပဏီများ၊ နယ်ပယ်အသီးသီးမှ လူပုဂ္ဂိုလ်များအား အကြောင်းအမျိုးမျိုးကြောင့် ယခင်က Black List သတ်မှတ်ရေးသွင်းပြီး ကန့်သတ်မှုများ ဆောင်ရွက် ထား ရှိခဲ့သော်လည်း ယခုအခါ ပြောင်းလဲလာသော ခေတ်စနစ်နှင့် အညီ ဖြေလျော့ဆောင်ရွက်ပေးလျက်ရှိရာ Black List မှ ပယ်ဖျက်ပေးခဲ့မှုများကိုလည်း နိုင်ငံတော်သမ္မတရုံး Website တွင် ဖော်ပြပေးလျက်ရှိပါသည်။

၃။ ယခုအခါ ထပ်မံ၍ ကျန်းမာရေးဝန်ကြီးဌာနမှ Black List သတ်မှတ်ထားသူများအနက် ဆရာဝန် (၁၀၁၀) ဦးအား Black List မှ ပယ်ဖျက်ပေးလိုက်ကြောင်း ထုတ်ပြန်အပ်ပါသည်။

၎။ Black List မှ ပယ်ဖျက်ပေးသည့် ဆရာဝန် (၁၀၁၀) ဦး၏ အမည်စာရင်းကို ဆက်လက် ဖော်ပြပါမည်။

မိမိကိုယ်ကို ကြိုးဆွဲချသတ်သေသူ မသေဘဲ ရဲဖမ်းတာခံလိုက်ရ

Posted by drmyochit Thursday, October 10, 2013, under | No comments


စစ်ကိုင်းတိုင်းဒေသကြီး၊ ကလေးခရိုင်၊ မင်းကင်းမြို့နယ်၊ ကျွန်းတော် အနောက်ကျေးရွာ၌ အောက်တိုဘာလ ၇ ရက်က၊ မိမိကိုယ်ကိုကြိုးဆွဲချ သတ်သေရန် ကြိုးပမ်းမှုဖြစ်ပွားခဲ့သည်။ ယင်းသို့ ကြိုးပမ်းမှုကို မြင်တွေ့သည့် ကြိုးဆွဲချရန် ကြိုးပမ်းသူ၏ ဇနီးက ကျေးရွာအုပ်ချုပ်ရေးမှူးထံ အကြောင်း ကြားခဲ့သည့်အတွက် အချိန်မီ တားဆီးနိုင်ခဲ့သည်။

ယင်းသို့ ကြိုးဆွဲချရန် ကြံစည်သူမှာ နေအိမ် ကြက်ခိုးစင်ရှိ အ၀တ်လှန်းဝါးလုံးတန်းကို အရှည်ငါးတောင်ရှိ ကြိုးဖြင့် ချည်နှောင်ကာ မိမိကိုယ်ကိုသတ်သေရန် ကြိုးစားနေကြောင်းကို မင်းကင်းမြို့မရဲစခန်းမှ ရဲအုပ်နှင့် တကွတာဝန်ရှိ သူများက တွေ့ရှိခဲ့ရသည်ဟု ဆိုသည်။

သို့အတွက်ကြောင့် မိမိကိုယ်ကိုသေကြောင်း ကြံစည်သူအား ရဲအုပ်သိန်းနိုင်မှ တရားလိုလုပ်ကာ ဥပဒေအရ အရေးယူပေးပါရန် တိုင်ကြားခဲ့သည့်အတွက် မင်းကင်းမြို့မရဲစခန်းက (ပ) ၈၁/ ၂၀၁၃ ပြစ်မှု ပုဒ်မ ၃၀၉ အရ အမှုဖွင့် အရေးယူထားသည်။
By Mizzima

အမှန်တရားသာထွန်းကားမယ်ဆို ကျွန်တော်တို့မြန်မာနိုင်ငံဟာ အင်မတန်နေပျော်လို့ ကောင်းတဲ့ နိုင်ငံဖြစ်လာမှာပါဆိုတဲ့ ဆောင်းဦးလှိုင်

Posted by drmyochit Thursday, October 10, 2013, under | No comments


ကျွန်တော်တို့မြန်မာနိုင်ငံပြည် တွင်းထဲမှာ ကျွန်တော်တို့နဲ့အတူ ဒုက္ခသုခတွေကို မျှဝေခံစားပေးနေ တဲ့အဆိုတော်တွေအများကြီးရှိပါ တယ်။ သူတို့ရဲ့နာမည်ကြီးသီချင်း တွေကလည်း အများကြီးပါပဲ။ သူ တို့ရဲ့ဖျော်ဖြေပွဲတွေ၊ သီချင်းတွေကို ကြည့်ချင်နားထောင်ချင်ပါတယ်။ သူတို့ကို နိုင်ငံခြားကပြန်လာတဲ့အ ဆိုတော်တွေလိုမျိုး ရှိုးကြီးကြီးတွေ လုပ်စေချင်တယ်။ ဟိုကပြန်လာတဲ့ အဆိုတော်ကြီးတွေက ပြန်လာပြီး ပွဲလုပ်တယ်။ သူတို့ပြန်သွားဦးမှာ လားဆိုတာ မသိနိုင်ဘူး။ သူတို့က ကမ္ဘာရဲ့နံပါတ်တစ်နိုင်ငံနတ်ဘုံနတ် နန်းက နတ်စည်းစိမ်တွေကိုခံစားပြီး ပြန်လာတာ။ အဲဒါကြောင့် ကျွန် တော်တို့နဲ့အတူ ဒုက္ခသုခတွေကို မျှဝေ ခံစားပေးတဲ့ပြည်တွင်းကအဆို တော်တွေကို ပိုသံယောဇဉ်ရှိတယ်။ မိုက်ကယ်လန်းလိုအဆိုတော်မျိုး မြန်မာနိုင်ငံကိုလာတာ သွားအား ပေးသင့်တယ်။ ဒါပေမဲ့ ဈေးနည်း နည်းမြင့်လို့ တီဗွီကနေပဲအားပေး ဖြစ်ခဲ့တယ်။ မိုက်ကယ်လန်းပွဲမ အောင်မြင်ဘူးလို့ကြားရတာ စိတ်မ ကောင်းဘူးဗျာ။ မိုက်ကယ်လန်း ကြောင့် မြန်မာနိုင်ငံမှာ နာမည်ကြီး ခဲ့တဲ့အဆိုတော်တွေအများကြီးရှိခဲ့ တယ်။ သူတို့အနေနဲ့ မိုက်ကယ် လန်းကိုသွားအားပေးသင့်တယ်။ မိုက်ကယ်လန်းသီချင်းကို ယူဆိုထား ပြီး အောင်မြင်ပြီးမှ တကယ့်မူပိုင်ရှင် ရောက်လာတော့ သွားအားမပေး တာကို ဘယ်လိုတွေများ ဖြစ်ကုန်ပါ လိမ့်ဆိုပြီးသံဝေဂရမိတယ်။ ဘယ် နိုင်ငံဘယ်လောကတိုးတက်ဖို့ဆိုရင် အမှန်တရားထွန်းကားဖို့တော့ လို အပ်တယ်။ မိုက်ကယ်လန်းပွဲမှာ လူ သိပ်မရှိဘဲ သူ့သီချင်းယူဆိုနေတဲ့ လူတွေရဲ့ပွဲမှာ ပရိသတ်တွေကြိတ် ကြိတ်တိုးနေတာကတော့ အမှန် တရားမထွန်းကားတာလို့ပဲ ကျွန် တော်ထင်တယ်။ ဒီနေ့စီးပွားရေး လောကမှာ တောင်သူလယ်သ မားတွေပိုက်ဆံမရဘူး။ ဆင်းရဲတွင်း နက်နေကြတယ်။ အေ<ကးတွေဝိုင်း နေကြတယ်။ ကျွန်တော်တို့စားသုံး သူတွေမှာလည်း ကုန်ဈေးနှုန်းကျ တယ်ဆိုတာ တစ်ခါမှမရှိဘူး။ စိုက် ပျိုးတဲ့သူကလည်းမရ၊ စားသုံးတဲ့လူ တွေကလည်းမသက်သာ၊ ကြားက ဘယ်သူတွေအမြတ်ကြီးစားနေလဲ ဆိုတာ ဖော်ထုတ်ရမယ်။ အဲဒါ စီး ပွားရေးလောကမှာ အမှန်တရားမ ထွန်းကားလို့ပဲ။ အမှန်ဆိုရင် စိုက် ပျိုးမွေးမြူတဲ့သူတွေလည်း ခံစားခွင့် ရသင့်တယ်။ စီးပွားရေးသမားတွေ ကိုလည်း အမြတ်မယူနဲ့လို့ပြောတာ မဟုတ်ပါဘူး။ အမြတ်ယူပါ။ ဒါပေ မဲ့ နှစ်ဦးနှစ်ဖက်ပြေလည်အောင်အ မြတ်ယူသင့်တယ်လို့ ကျွန်တော်ထင် တယ်။ ဒီနေ့ ကျွန်တော်တို့တိုင်း ပြည်မှာ လူမျိုးရေး၊ ဘာသာရေး မပြေလည်မှုတွေ၊ မကြေလည်မှု တွေဖြစ်နေတာဟာ တိုင်းပြည်မှာ အမှန်တရားမထွန်းကားလို့ပါ။ အ မှန်တရားသာထွန်းကားရင် ကျွန် တော်တို့လူ့ဘောင်ကြီး အင်မတန် နေပျော်သွားမယ်။ ကျွန်တော်တို့ မြန်မာနိုင်ငံရဲ့မြေသြဇာဟာ ဘာအ ပင်ပဲစိုက်စိုက် အောင်မြင်တဲ့နတ် မြေသြဇာမြေမျိုးဖြစ်သလို မြစ်တွေ၊ ချောင်းတွေကလည်း ရေကောင်း ရေသန့်တွေပေါများတဲ့နိုင်ငံဖြစ်လို့ အမှန်တရားသာထွန်းကားမယ်ဆို ရင် ကျွန်တော်တို့မြန်မာနိုင်ငံဟာ အင်မတန်နေပျော်လို့ကောင်းတဲ့နိုင် ငံတစ်ခုဖြစ်လာမှာပါ။

တောင်ကြီး ကွန်ပျူတာတက္ကသိုလ် အတွင်းက တောင်သူတွေကို ဖယ်ရှားပေးဖို့ လက်မှတ်ထိုးခိုင်းနေပြီ

Posted by drmyochit Thursday, October 10, 2013, under | No comments


ဒီကနေ့ ၁၀.၁၀.၂၀၁၃ ရက်နေ့မှာ တောင်ကြီးတက္ကသိုလ်ဝန်ထမ်းတွေက တောင်သူတွေကို တက္ကသိုလ်မြေ အတွင်း ကျူးကျော်ဆောင်ရွက်ခြင်း မပြုရန်နှင့် ဖယ်ရှားပေးပါရန်ဟူသော အကြောင်းအရာ ခေါင်းစီး စာသားပါ စာရွက်တွေမှာ လက်မှတ်လိုက်ထိုးခိုင်းနေကြောင်း တောင်သူများအရေး ကူညီပေးနေသူ ရှမ်းပြည်မျိုးဆက်အဖွဲ့မှ ကိုအောင်မျိုးက ပြောသည်။

တောင်ကြီးကွန်ပျူတာ တက္ကသိုလ်အတွက် ရယူထားသော မြေဧရိယာမှာ ဧက(၄၈၀)ကျော်နေသည့် အတွက် မြန်မာတစ်နိုင်ငံလုံး အတိုင်းအတာဖြင့် ထိုမျှလောက် ကျယ်ဝန်းသော ကျောင်းဟူ၍ မရှိသေးကြောင်းဖြင့် ကိုအောင်မျိုးက ရှင်းလင်းပြောဆိုသည်။ 

အဆိုပါကိစ္စအတွက် မြေဧရိယာ စုစုပေါင်းမှာ ၄၈၀ကျော် ရယူထားပြီး အမှန်တကယ် သုံးစွဲပြီး ဧရိယာ ၂၆ဧကသာ ရှိသေးရာ လွန်ရောကျွံရော ဧက၇၀ကျော်လောက် ရယူထားလျှင်ပင် လုံလောက်ပါလျှက်
အများအပြားသိမ်းဆည်းထားခြင်းအပေါ် တောင်သူများက လက်မခံနိုင်ဖြစ်နေကြသည်။

တောင်သူတစ်ဦးမှ “ဒီနေ့နောင်လေကျေးရွာအုပ်စုအတွင်းမှာ ကျောင်းအုပ်ဆရာမကြီးက တောင်သူတွေကို အတင်းလက်မှတ်လိုက်ထိုးခိုင်းတာပါ။ ကျောင်းဝန်ထမ်း နှစ်ယောက်က လိုက်ပြီးတောင်သူတွေကို
ထိုးခိုင်းခြင်းဖြစ်ပါတယ်။ တောင်သူတွေက ထိုးမပေးကြပါဘူး။ တစ်ယောက်ကိုတွေ့ရင် ဟိုလူတွေထိုးပြီးသွားပြီ ဆိုပြီး မထိုးတဲ့သူတွေကို လိမ်ညာပြောပါတယ်။” ဟုဆိုသည်။

အဆိုပါကိစ္စအား မြေယာစုံစမ်းရေး ကော်မရှင်အပါအ၀င် သိပ္ပံနှင့် နည်းပညာဝန်ကြီးဌာနကိုလည်း တင်ပြထားပြီး စစ်ဆေးဆောင်ရွက်ပေးခြင်း မရှိသေးသော လယ်ယာမြေသိမ်းဆည်းခံရမှု ပြဿနာတစ်ရပ် ဖြစ်ကြောင်း သိရသည်။

လိုက်လံ လက်မှတ်ရေးထိုးခိုင်းသောစာတွင် ကွန်ပျူတာတက္ကသိုလ်မြေအတွင်း ကျူးကျော်ဆောက်လုပ်ခြင်း ဆောင်ရွက်ခြင်း ဖြစ်သည့်အတွက် မပြုလုပ်ရန်နှင့် ဖယ်ရှားပေးပါရန် ဟု ဖော်ပြထားပြီး ၈ - ၁၁ -၂၀၁၃ ရက်နေ့ အပြီးဖယ်ရှားပေးရမည်ဟု ဆိုကာ ဖယ်ရှားပေးခြင်း မရှိက ဥပဒေအရ တရားစွဲဆိုသွား မည်ဖြစ်ကြောင်းဖြင့် ဖော်ပြထားသည်ကို တွေ့ရသည်။

ထွန်းထက်

by Myanmar News Now

ဇနီးဖြစ်သူမင်းသမီးက အပြာရိပ်လွှမ်းတဲ့ ဇာတ်ဝင်ခန်းရိုက်တာတောင် နားလည်ပေးနိုင်သော ခင်ပွန်းတစ်ဦး

Posted by drmyochit Thursday, October 10, 2013, under | No comments


ရုပ်ရှင် ဇာတ်ကားများတွင် အဖော်အချွတ် ဇာတ်ဝင်ခန်းမျာအတွက် သရုပ်ဆောင်ရသည့်တိုင် ခင်ပွန်း သည်က အေးအေးလူလူ နားလည်မှုရှိရှိနှင့် လက်ခံ အားပေးကြောင်း ဂွင်းနက်သ် ပက်ထရိုက ပြောကြား လိုက်သည်။ Iron Man ဇာတ်ကားများမှ မင်းသမီးက ခင်ပွန်းသည် ခရစ်မာတင်သည် သူမ၏ အပြာရိပ် လွှမ်းသော ရုပ်ရှင် ဇာတ်ဝင်ခန်းများကို သက်တောင့်သက်သာပင် ကြည့်ရှုနိုင်သူဟု မှတ်ချက်ပြုခဲ့သည်။ အသက်(၄၁)နှစ်ရှိ ဂွင်းနက်သ်သည် Thanks For Sharing ဇာတ်ကားတွင် လိင်စွဲလမ်းမှု ပြင်းထန်နေသည့် အဒမ် (မင်းသား မာ့ခ်ရက်ဖ်ဖာလို) ရှေ့မှောက်၌ အနက်ရောင် အတွင်းခံ အဝတ်အထည်များနှင့် ရမ္မက်နှိုးဆွ ကပြနေရသည့် ဇာတ်ဝင်ခန်းမျိုး သရုပ်ဆောင်ထားသည်။ ဂွင်းနက်သ်က သူမနှင့် (၉)နှစ်ကျော် ပေါင်းသင်းခဲ့သည့် ခရစ်က ယင်းဇာတ်ဝင်ခန်းမျိုးကို မည်သို့မျှ သဘောမထားကြောင်း ပြောဆိုသွားသည်။

ဂွင်းနက်သ်သည် ဗြိတိသျှ Rockဂီတအဖွဲ့ Cold Playကို ထူထောင်သူ တစ်ဦးဖြစ်သည့် ခရစ်နှင့် (၂၀၀၃)ခုနှစ် နှောင်းပိုင်းက လက်ထပ်ခဲ့ပြီး ကလေးနှစ်ဦး ရရှိထားသည်။ ဗြိတိသျှ ရုပ်မြင်သံကြား အစီအစဉ် Lorraineနှင့် အင်တာဗျူးတွင် ဂွင်းနက်သ်က "ခရစ်ဟာ ကျွန်မရဲ့ ဇာတ်ဝင်ခန်း အားလုံးကို နားလည်မှု အပြည့် သက်တောင့်သက်သာ ကြည့်ရှုပေးနိုင်သူပါ။ ခုဇာတ်ကားမှာလည်း ဒီလိုရိုက်ချက်မျိုး ပါလာမယ် ဆိုတာကို ဇာတ်ညွှန်း ရကတည်းက ကျွန်မသူ့ကို ပြောပြပြီး လုပ်သင့် မလုပ်သင့် မေးခဲ့တယ်။ သူက ရုပ်ရှင်တွေကို ချစ်တဲ့သူပါ။ အနုပညာကိုလည်း နားလည်မှု ရှိပါတယ်။ ကျွန်မအနေနဲ့ ရွေးချယ် သင့်တယ်ထင်ရင် ရွေးချယ်ဖို့ သူက တိုက်တွန်းခဲ့တယ်"ဟု ပြောဆိုခဲ့သည်။

သူမက ရမ္မက်နှိုးဆွသည့် ပုံရိပ်မျိုး ဇာတ်ဝင်ခန်းတွင် သရုပ်ဆောင်ရချိန်၌ အခက်တွေ့ခဲ့သော်လည်း တွဲဖက်မင်းသား မာ့ခ်က နားလည်မှုရှိရှိ ကူညီပေးခဲ့ကြောင်းလည်း ဆိုသည်။ "အတွင်းခံ အဝတ်အစားတွေ ဝတ်ပြီး ဒီလို သရုပ်ဆောင်ရတဲ့ အချိန်မှာ ကျွန်မ တော်တော်လေး တုန်လှုပ်ခဲ့မိတယ်။ ဒါပေမဲ့ ချောချောမောမော အဆင်ပြေခဲ့ပါတယ်။ မာ့ခ်က သိပ်ကို လူကြီးလူကောင်း ပီသသူပါ။ ရယ်ရယ်မောမော ပြောဆိုရင်း အရာရာ လွယ်လွယ်ကူကူ ဖြစ်သွားအောင် သူက အကြံပေးခဲ့ပါတယ်"ဟု ဂွင်းနက်သ်က မှတ်ချက်ပြုသွားသည်။

ထုံးဘိုကျောက်ထုတ်စခန်း သုံးရက်ဆက်တိုက် ကျောက်တုံးပိ၍ သုံးဦးသေ

Posted by drmyochit Thursday, October 10, 2013, under | No comments


မန္တလေးခရိုင် ပုသိမ်ကြီးမြို့နယ် အမှတ်(၁)ထုံးဘို အကျဉ်းဦးစီးဌာနရှိ ကျောက်ထုတ်လုပ်ရေး စခန်းတွင် အောက်တိုဘာလ ၅ ရက်နေ့မှ ၇ ရက်နေ့ အထိ သုံးရက်အတွင်း ကျောက်တုံးများပိ၍ လူသုံးဦး သေဆုံးခဲ့ကြောင်း မန္တလေးတိုင်းဒေသကြီး ရဲတပ်ဖွဲ့မှူးရုံး ထံမှ စုံစမ်းသိရှိရသည်။

အဆိုပါ ထုံးဘို (၁) အကျဉ်းဦးစီးဌာနတွင် အောက်တိုဘာလ ၇ ရက်နေ့ ညနေ ၄ နာရီက အကျဉ်းသား များဖြင့် လုပ်ငန်းဆောင်ရွက်နေစဉ် ပုသိမ်ကြီး မြို့နယ် သလဲကုန်း ကျေးရွာနေသူ ဦးနိုင်လင်း ၃၅ နှစ် သည် ထော်လာဂျီပေါ်သို့ ကျောက်ပျက်များ တင်ဆောင်ရန် ထော်လာဂျီ၏ နောက်ပိတ်တံခါးဖွင့်စဉ် အမြင့်ပေ ၁၀၀ ခန့် ကျောက်တောင်မှ ၄ x ၃ ပေခန့် ကျောက်တုံးသုံးတုံး အလိုအလျောက် ပြုတ်ကျလာပြီး ကျောက်တုံးပိကာ သေဆုံးသွားကြောင်း မန္တလေးတိုင်း ဒေသကြီး ရဲတပ်ဖွဲ့မှူးရုံး မှတ်တမ်းများအရ သိရသည်။

ယင်းကဲ့သို့ ကျောက်တုံးပြုတ်ကျစဉ် အနီးတွင် ရှိနေသည့် အကျဉ်းသားများမှာ ထွက်ပြေးသဖြင့် လွတ်မြောက် သွားခဲ့ပြီး ဦးနိုင်လင်းမှာ ကျောက်တုံးပိကာ ပါးစပ်နှင့် နှာခေါင်း သွေးထွက်ဒဏ်ရာများ ရရှိ၍ သေဆုံး သွားခဲ့ကြောင်း၊ အဆိုပါဖြစ်စဉ်နှင့် ပတ်သက်၍ သက်ဆိုင်ရာ နယ်မြေရဲစခန်း (အုန်းချော)က သေမှုသေခင်း အမှတ်စဉ် ၁၈/၂၀၁၃ အရ အမှုဖွင့် အရေးယူထားကြောင်း ယင်းရဲတပ်ဖွဲ့စခန်း ထံမှ သိရသည်။

ပုသိမ်ကြီးမြို့နယ် အုန်းချောကျေးရွာ၊ အမှတ်(၃) ကျောက်ဖြူတောင် ကြွေတောင် ကျောက်မိုင်းခွဲ လုပ်ငန်းတွင် အောက်တိုဘာလ ၆ ရက်နေ့က ကျောက်မိုင်းခွဲ လုပ်ငန်း လုပ်ကိုင်သူ ချစ်ကို (၂၆နှစ်) သည် ကျောက်မိုင်းခွဲရန် အမြင့်ပေ ၁၀၀ကျော်ခန့်ရှိ ကျောက်တောင်ပေါ်သို့ ကြိုးဖြင့်တက်ရာ အမြင့်ပေ၂၀ခန့် အရောက် ခြေချော်၍ ပြုတ်ကျပြီး ဦးခေါင်းနောက်စေ့ ပေါက်ပြဲ ယာခြေသလုံး ကျိုးဒဏ်ရာ ရရှိ၍ သေဆုံး သွားခဲ့ကြောင်း မန္တလေးတိုင်း ဒေသကြီး ရဲတပ်ဖွဲ့မှူးရုံး မှတ်တမ်းများအရ သိရသည်။

ယင်းအပြင် ပုသိမ်ကြီးမြို့နယ် ထုံးဘိုအကျဉ်း ဦးစီးဌာနတွင် အောက်တိုဘာလ ၅ ရက်နေ့ ကလည်း ကျောက်တောင်ပေါ်သို့ တက်စဉ် ကျောက်တောင်ပေါ်မှ ပြုတ်ကျ၍ အကျဉ်းသား အမျိုးသားတစ်ဦး သေဆုံးခဲ့ကြောင်း မန္တလေးတိုင်းဒေသကြီး ရဲတပ်ဖွဲ့မှူးရုံးမှ တာဝန်ရှိသူတစ်ဦးက ပြောကြားသည်။

The Voice Weekly

အင်ချွန်လူငယ် ဘောလုံးပွဲတော်တွင် အာရှထိပ်သီးအသင်းများကို အနိုင်ယူပြီးမြန်မာအသင်းပထမရရှိ၊ မြန်မာအသင်းခြေစွမ်းကို အားကျ၍ အာရှ ၂ နိုင်ငံမှ ခြေစမ်းပွဲကစားပေးပါရန်ကမ်းလှမ်း၍ အပိုနှစ်ပွဲ ကန်ပေးခဲ့ရ

Posted by drmyochit Thursday, October 10, 2013, under | 1 comment


မြန်မာနိုင်ငံမှ လူငယ်ဘောလုံးအသင်း နှစ်သင်းသွားရောက်ယှဉ်ပြိုင်ခဲ့သည့် တောင်ကိုရီးယားနိုင်ငံ အင်ချွန် လူငယ်ဘောလုံးပွဲတော်တွင် မြန်မာယူ- ၁၂ အသင်းပထမရရှိ သွားခဲ့သည်။

အဆိုပါ ဘောလုံးပွဲတော်ကို အောက်တိုဘာ ၃ ရက်မှ ၆ ရက်အထိ ကျင်းပပြုလုပ်ခဲ့ပြီး မြန်မာနိုင်ငံမှ ယူ- ၁၀နှင့် ယူ- ၁၂ အသင်းနှစ်သင်း ပါဝင်ယှဉ်ပြိုင်ခဲ့သည်။

မြန်မာယူ-၁၂ အသင်းသည်ကိုရီးယား (coramdeo) အသင်းကို ၁-၀ ဂိုး၊ ဥဇဘတ် ကစ္စတန်အသင်းကို ၁-၀ ဂိုး၊ ဗီယက်နမ်အသင်းကို ၄-၃ ဂိုးတို့ဖြင့် အနိုင်ရပြီး ပထမရခဲ့ခြင်းဖြစ်သည်။

ဘောလုံးပွဲတော်တွင်မြန်မာယူ-၁၂ အသင်း၏ ခြေစွမ်းကို ပြိုင်ဖက်များချီးကျူးခဲ့ကြပြီး ဗီယက်နမ်နှင့် ယီမင်အသင်းများ ကခြေစမ်းကစားလိုသည်ဟု ကမ်းလှမ်းခဲ့သည့်အတွက် အပိုနှစ်ပွဲ ကစားခဲ့ကြောင်းလည်း မြန်မာနိုင်ငံဘောလုံးအဖွဲ့ချုပ် နည်းစနစ် ဒါရိုက်တာ ဦးဝင်းသူမိုးက မဇ္ဈိမသို့ပြောသည်။

“ဒီဘောလုံးပွဲတော်က အာရှဒေသအတွင်းက နိုင်ငံတွေ ဘောလုံးအဆင့်အတန်း တိုးတက်ဖို့အတွက် ရည်ရွယ်ပြုလုပ်တာပါ။ မြန်မာလူငယ်တွေရဲ့ ဘောလုံးစွမ်းရည်ကို ပြိုင်ဖက်နိုင်ငံတွေက သဘောကျ ချီးကျုးမှုတွေ လုပ်ခဲ့ ကြပါတယ်။ ကလေးတွေအနေနဲ့လည်း သူတို့ဘ၀မှာ အမြဲအမှတ်ရနေမှာပါ။

မြန်မာယူ-၁၂အသင်းက ပထမရခဲ့လို့ အထိမ်းအမှတ် ဆုဖလားနဲ့ ဆုတံဆိပ်တွေ ရခဲ့ပါတယ်။ ကျွန်တော်တို့ ကေလိဂ်ပွဲစဉ်တစ်ပွဲကိုလည်း ကြည့်ရှုလေ့လာခဲ့ပါတယ်” ဟု ဦးဝင်းသူမိုးက ဘောလုံးပွဲတော် အတွေ့ အကြုံကို ရှင်းလင်းပြောကြားခဲ့သည်။

အင်ချွန်လူငယ်ဘောလုံးပွဲတော်ကို အာရှနိုင်ငံပေါင်း ၄၂ နိုင်ငံမှ လူငယ်ဘောလုံးအသင်းများ ပါဝင်ယှဉ်ပြိုင် ခဲ့ပြီးမြန်မာလူငယ်အသင်းများကိုလူရွေးပွဲကျင်းပကာ ရွေးချယ်ဖွဲ့စည်းပြီး ပြိုင်ပွဲဝင်ခဲ့ခြင်းဖြစ်သည်။
By Mizzima

စိတ်ကြွဆေးတွေ ရန်ကုန် လေဆိပ်မှာ ဖမ်းမိ

Posted by drmyochit Thursday, October 10, 2013, under | No comments


အမျိုးသမီးတစ်ယောက် သယ်ဆောင်လာတဲ့ ကျပ်သိန်း ၃ဝဝဝ နီးပါး တန်ဖိုးရှိ ယာဘ စိတ်ကြွဆေးပြားတွေကို ရန်ကုန်လေဆိပ်မှာ တနင်္လာနေ့က ဖမ်းဆီး ရမိခဲ့ပါတယ်။

ထိုင်းနိုင်ငံကနေ တဆင့် ဘင်္ဂလားဒေ့ရှ် နိုင်ငံကို သယ်ယူသွားမယ့် ဆေးပြား အရေ အတွက် ၅၄၇၂၀ ပြားကို ဖမ်းမိတာ ဖြစ်ပါတယ်။

ထိုင်းမြန်မာ နယ်စပ်ဘက်က လာတဲ့ WY ဆေးပြား အမျိုးအစား ဖြစ်တယ်လို့ မြန်မာနိုင်ငံ မူးယစ်ဗဟို နိုင်ငံတကာဌာနက ဒုတိယ ရဲမှူးကြီး ခင်မောင်ထွန်းက ပြောပါတယ်။

ရန်ကုန်မှာ မူးယစ်ဆေးဝါး ရောင်းဝယ်ဖောက်ကားမှုတွေ ရှိနေပြီး ဒီတခေါက် လေဆိပ်မှာ ဖမ်းဆီးရမိတာကတော့ အများဆုံးပဲလို့ ရဲတပ်ဖွဲ့က ပြောပါတယ်။

အမျိုးသမီးတစ်ယောက်က မင်ခံ စက္ကူတွေနဲ့ ပတ်ထားတဲ့ စိတ်ကြွဆေးတွေကို ထိုးမုန့်ဗူးတွေထဲ ထည့်ပြီး သူ့ရဲ့ ခရီးဆောင်အိတ်ထဲမှာ သယ်ယူလာခဲ့တာလို့ ရဲမှူးကြီးက ပြောပါတယ်။

X-ray ဓာတ်ရောင်ခြည်စက်နဲ့ စစ်ဆေးစဉ် မသင်္ကာစရာ တွေ့လို့ ရှာဖွေကြည့်ရာက အခုလို တွေ့ခဲ့တာ လို့လည်း သူက ပြောပါတယ်။

အဲဒီ အမျိုးသမီးက ကယ်ရီခ ကျပ်ငွေ နှစ်သိန်းနဲ့ သယ်ဆောင်ပေးတာ ဖြစ်ပြီး သူ့ကို သယ်ခိုင်းသူ သာကေတ နော်မန် ရပ်ကွက်က ပွဲစားကိုလည်း ဖမ်းမိထားပြီလို့ ဆိုပါတယ်။

ပိုင်ရှင်ကတော့ ထိုင်းနိုင်ငံက ဖြစ်တယ် ဆိုပြီး စုံစမ်း စစ်ဆေးနေကြောင်းလည်း ရဲက ပြောပါတယ်။

ပြီးခဲ့တဲ့နှစ်က ယာဘ စိတ်ကြွဆေးပြား ၁၈ သန်းကျော် ဖမ်းဆီးရမိခဲ့ပါတယ်။

အခုနှစ်မှာတော့ ဖမ်းဆီးရရှိမှု နည်းလာတယ်၊ ဒါဟာ နယ်စပ် ကုန်သွယ်မှု လျှင်မြန်စေဖို့ နယ်စပ်နဲ့ ဆက်စပ်တဲ့ လမ်းတစ်လျှောက်မှာ စစ်ဆေးရေး ဂိတ်တွေ ဖျက်သိမ်းလိုက်တာကြောင့် ဖြစ်တယ်လို့ ရဲအရာရှိတွေက ဘီဘီစီကို ပြောပါတယ်။

ဘီဘီစီ (မြန်မာပိုင်း)

သားလုခန်းမှ မိခင်စိတ်ဓာတ်မွေးမြူနိုင်ပါစေ

Posted by drmyochit Thursday, October 10, 2013, under | No comments


မေတ္တာ၊ ကရုဏာ၊ မုဒိတာ၊ ဥပေက္ခာဟူသော ဗြဟ္မစိုရ်တရားလေးပါးသည် မြန်မာလူမျိုးတို့နှင့် စိမ်းကားလှ သည် မဟုတ်သော်လည်း လိုက်နာကျင့်ကြံမှုမရှိသည်ကတော့ အမှန်ပင်ဖြစ်သည်။ ဘာကြောင့်မလိုက်နာ လည်းဟုအကျဉ်းချုပ်ဆိုရသော်ကိုယ်ကျိုးအတ္တစီးပွားကြောင့်ပင်ဖြစ်သည်ဟုဆိုရပေမည်။

တစ်ဦးနှင့် တစ်ဦး အပြုံးနှင့် ပြောဆိုဆက်ဆံနေကြသော်လည်းစိတ်ထဲ၌တွင် ကိုယ့်အတ္တ၊ ကိုယ်အလိုဆ န္ဒ အတွက်မေတ္တာမထားနိုင်ကြသည်ကိုတွေ့မြင်နေရပေသည်။အချိန်အတိုင်းအတာအထိမင်းသားမျက်နှာဖုံးစွပ်ထား နိုင်သော်လည်း ၎င်းအချိန်ကိုကျော်လွန်ပါက ဘီးလူးရုပ်များထွက်ပေါ်လာနေကြသည်မှာ လောကသ ဘာဝ ဟုပင်ဆိုရတော့မည်ဖြစ်ပေသည်။

ယနေ့မြန်မာနိုင်ငံရေးအခြေအနေသည်လည်း မျက်နှာဖုံးများကွာကျမည့် အချိန်သို့ရောက်ရှိရန်တစ်ဖြေးြေ ဖးနီးကပ်လာလျက်ရှိပေသည်။ ဘယ်သူတွေမေတ္တာပျက်ပျက် မပျက်ပျက် ကိုယ်မပျက်ဖို့သာ အရေးကြီး ပါ သည်။ တိုင်းပြည် တကယ်တိုးတက်စေချင်လျှင် ငြိမ်းချမ်းစေချင်လျှင်၊ အမှန်တကယ်စေတနာထားလျှင် ထားနိုင်သလောက် အကျိုးပေးပြောင်းလဲလာနိုင်သည့်အခြေအနေသို့ တစ်ဖြေးဖြေးချဉ်းကပ်လာလျက်ရှိ သည် ကို တွေ့နေရပေသည်။ ပြောင်းလဲနိုင်စွမ်းရှိသည့် နိုင်ငံတော်အကြီးအကဲများ၊ တပ်မတော် ခေါင်းဆောင် များ၊ နိုင်ငံရေးပါတီခေါင်းဆောင်များ၊ တိုင်းရင်းသားလက်နက်ကိုင်ခေါင်းဆောင်များ အနေဖြင့် တိုင်းပြည်အ ပေါ် ဘယ်သူစေတနာမှန်သလဲဆိုတာ တွေ့မြင်ရတော့မည် ဖြစ်ပါသည်။ 

မဟော်သဓာဇာတ် ထဲမှ သားလုခန်းသည် ဘီလူးမနှင့် မိခင်ရင်းနှစ်ဦးသာ သားလုပြီး ယနေ့မြန်မာနိုင်ငံရေး သားလုခန်းသည် သမ္မတလုပ်လိုပါသည်ဟု ပြောဆိုထားသော ဒေါ်အောင်ဆန်းစုကြည်နှင့် ဦးရွှေမန်းအပြင် ထုတ်ဖော်မပြော ဆိုဘဲ ယှဉ်လုမည့်သူများလည်းရှိနေမည်ဟု ယူဆပါသည်။ဒါကြောင့် သားနှင့်တူ သောပြ ည်သူတွေအနေဖြင့် သားလုခန်းတွင် သားအားနာကျင်မှာစိုး၍ စွန့်လွှတ် အနစ်နာ ခံသောမိခင်စိတ်ဓာ တ်ရှိ သည့် ခေါင်းဆောင်မျိုးတွေသာ ပေါ်ပေါက်လာဖို့အလိုရှိပါသည်။ မိခင် ယောင်ဆောင်သော ဘီလူးမလိုစိ တ်ဓာတ်မျိုးဖြင့် ငါသမ္မတဖြစ်ပြီးရောဆိုပြီး လုပ်ဆောင်လိုသူတွေများပါက သားနှင့်တူသော ပြည်သူများ နာ ကျင်ထိခိုက်ကြေကွဲခံစားရမည်မှာ အသေအချာပင် ဖြစ်ပေသည်။

ဒါကြောင့်သမ္မတဖြစ်ချင်ကြောင်းကြေငြာထားသောဦးရွှေမန်း၊ဒေါ်အောင်ဆန်းစုကြည်အပြင်သမ္မတလုပ်ချင်သူများအားသားလုခန်းတွင်မိခင်ဖြစ်သူမှသားဖြစ်သူအားနာကျင်မှာစိုး၍အနစ်နစ်ခံသည့်စိတ်ဓာတ်မျိုးဖြင့်သားနှင့်တူသည့် ပြည်သူတွေ မထိခိုက်မနစ်နာအောင် ကိုယ်ကျိုး အတ္တဆန္ဒများကို ပစ်ပယ်ပြီး စွန့်လွှတ် အနစ် နာခံသည့်စိတ်ဓာတ်များ မွေးမြူနိုင်ပါစေလို့ တိုက်တွန်းရေး သားလိုက်ရပါသည်။

ဦးသစ္စဏ

မန္တလေးမြို့ သုံးလောင်းပြိုင် လူသတ်မှု တရားခံနှစ်ဦး ဖမ်းဆီးရမိ

Posted by drmyochit Thursday, October 10, 2013, under | No comments


မန္တလေးမြို့၊ ချမ်းမြသာစည် မြို့သစ် Panasonic ကုမ္ပဏီ၏ ဂိုဒေါင်ဝင်းအတွင်း အောက်တိုဘာလ ၁ ရက်နေ့က ဖြစ်ပွားခဲ့သည့် သုံးလောင်းပြိုင်လူသတ်မှု တရားခံနှစ်ဦးဖြစ်သော မောင်သောင်းစုဇင် အသက်-၂၀ နှစ်၊ အဖ-ဦးကြံတင်၊ ဗန်းမော်နှင့် မောင်အောင်ကျော်ဟိန်း(ခ) အောင်ကျော်၊ အသက်-၁၉ နှစ် တို့ကို မန္တလေးတိုင်းဒေသကြီး မှူခင်းအကူဌာနမှ (CID ) ရဲအုပ်-မျိုးညွှန့်လွင်နှင့် မန်းရဲအုပ်-ရဲမြင့်တို့မှ (၇)ရက်အတွင်း ဖမ်းဆီးဖေါ်ထုတ်နိုင်ခဲ့တယ်လို့ မန္တလေးမြို့အမှတ်(၁၁) ရဲစခန်းမှ စုံစမ်းသိရှိရသည်။

လူသတ်မှု ကျူးလွန်သည့် မောင်သောင်းစုဇင်နှင့် မောင်အောင်ကျော်ဟိန်းတို့သည် ၀န်းယမ်း (၅၀)ကျော် ရှိသော ထို Panasonic ကုမ္ပဏီ၏ ၀န်းထမ်းများ ဖြစ်ပြီး ပြီးခဲ့တဲ့ အောက်တိုဘာလ ၁ ရက်နေ့ညက ကုမ္ပဏီ၏ မီးခံသေတ္တာဖောက်ဖို့ သွားရာ လုံခြုံရေးဝန်များဖြစ်သော (အမရပူရမြိုနယ်နေ) ဦးဟန်သောင်း၊ ဦးတင်လှိုင်၊ ဒေါ်ကြည်ကြည်ဟန်(ခ) ဒေါ်ခင်ခင်ဝင်း တို့ကိုတွေ့ပြီး သတ်ဖြတ်ရာမှ သုံးလောင်ပြိုင် လူသတ်မှု ဖြစ်သွားခဲ့တယ်လို့ သိရပါတယ်။

CID ရဲအုပ်- မျိုးညွှန့်လွင်နှင့် မန်းရဲအုပ်-ရဲမြင့်တို့သည် ကုမ္ပဏီမန်နေဂျာ နှစ်ဦး၏အကူအညီဖြင့် ၀န်ထမ်း များကို မေးမြန်းစစ်ဆေးရာက အမူအရာပျက်နေသော တရားခံ ကုမ္ပဏီဝန်ထမ်းနှစ်ဦးကို သတိထားမိပြီး ထိုတရားခံနှစ်ဦး၏ လှုပ်ရှားမှုများ၊ အခင်းဖြစ်ပျက်စဉ်က လှုပ်ရှားမှု ကွင်းဆက်များနှင့် သဲလွန်စများကို စောင့်ကြည့်စစ်ဆေး စုံစမ်း မေးမြန် ရှာဖွေရာမှ အမှုကိုဖေါ်ထုတ်နိုင်ခဲ့တယ်လို့ သိရပါတယ်။

အဆိုပါ သုံးလောင်ပြိုင် လူသတ်မှု တရားခံများဖြစ်ကြသည် မောင်သောင်းစုဇင်နှင့် မောင်အောင်ကျော်ဟိန်း တို့ကို မန္တလေးမြို့ အမှတ် (၁၁) ရဲစခန်းမှ ပြစ်မှုဆိုင်ရာ ဥပဒေပုဒ်မ ၃၀၂နှင့် (ပ) ၄၉၈/၂၀၁၃ တို့ဖြင့် အမှုဖွင့် စစ်ဆေး ဆောင်ရွက်လျက် ရှိကြောင်း သိရပါသည်။

ဦးကောလေး

by Myanmar News Now

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်