Saturday, November 02, 2013

မှတ်တိုင် (၅၉) အလွန်

Posted by drmyochit Saturday, November 02, 2013, under | 2 comments

per_ht59al_PLO

အခြေခံဥပဒေ ပြင်ဆင်ရေးနှင့် ပတ်သက်လျှင် အချက်အလက်အားဖြင့် အများအပြား ရှိနိုင်သည် ဆိုသော် လည်း အများစုအာရုံပြုသော အချက်မှာ နှစ်ခုသာရှိသည်ဟု အကြမ်းဖျင်း ဆိုနိုင်ပါသည်။

နံပါတ် (၁) မှာ ဖက်ဒရယ်အရေး ဖြစ်ပါသည်။ ဤသည်မှာ တိုင်းရင်းသား လက်နက်ကိုင်များနှင့် ပတ် သက်နေသော ကိစ္စ ဖြစ်ပါသည်။ တစ်နည်းအားဖြင့် Power Sharing? Resource Sharing ပင် ဖြစ်ပါ သည်။ အခြေခံဥပဒေ ပြင်ဆင်ရေးကို သာမန်အားဖြင့် ပထမဆုံး သက်တမ်းအတွင်းတွင် မပြုသင့်ဟူသော အယူအဆများ ရှိသည့်တိုင် အစိုးရအဖွဲ့မှပင် အရဲစွန့်၍ ပြင်ဆင်သည့်ကိစ္စကို အစပျိုးလိုက်သည်မှာ လက်နက်ကိုင် ပဋိပက္ခကြောင့်သာ ဖြစ်ပါလိမ့်မည်။ ထို့ကြောင့်ပင် သမ္မတကြီးအနေနှင့် သူ၏ ပထမသက် တမ်း အတွင်းမှာပင် လက်နက်ပြဿနာကို အဆုံးသတ်ရန် အာသီသ ပြင်းပြနေသည့်အလျောက် အခြေခံဥ ပဒေ ပြင်ဆင်ရေးကို အရဲစွန့်၍ ဖွင့်ဟလိုက်သည်ဟု ယူဆနိုင်ပါသည်။

တပ်မတော် အနေနှင့်လည်း ပြင်ဆင်ရေးအဆို လွှတ်တော်တွင်း ရောက်သည်မှ အစပြု၍ ပြင်ဆင်ရေးဆိုင် ရာ ကော်မတီများတွင်ပါ ပူးပေါင်း ပါဝင်နေသည်ဖြစ်ရာ ပြင်ဆင်ရေးအား မူအရ သဘောတူသည်ဟု ဆိုနိုင်ပါသည်။သို့ဖြစ်ရာ ဖြစ်နိုင်ခြေရှိသော လိုက်လျောမှု အားလုံးကို တပ်မှ သဘောတူပေးရန် အလား အလာ ရှိသည်ဟု ယူဆနိုင်ပါသည်။ သို့သော် ဒို့တာဝန် အရေးသုံးပါးကို တိုက်ရိုက်ဖြစ်စေ၊ သွယ်ဝိုက်ဖြစ်စေ ခြိမ်းခြောက်နိုင်သော ကိစ္စများကိုမူကား သဘောတူပေးရန် အခက်အခဲ ရှိနိုင်သည်ဟု မျှော်လင့်နိုင်ပါသည်။ ဤတွင် ဆိုခဲ့ပါအတိုင်း လိုက်လျောနိုင်သည်များကို လိုက်လျောပေးခြင်းဖြင့် တပ်အနေနှင့် တစ်ဆင့်ချင်း Liberalization လုပ်ခြင်းကို ဥပမာကောင်း တစ်ခုအဖြစ် ပြနိုင် ပါလိမ့်မည်။ ၂၅ ရာခိုင်နှုန်း ကိစ္စနှင့် ကာ/လုံ ကိစ္စများကိုမူကား ဝေဖန်မှုအချို့ ရှိသည့်တိုင် လက်တွေ့ သဘောတွင် အလှမ်းဝေးပါ သေးသည်။

နံပါတ် (၂) မှာ သမ္မတအရည်အချင်း သတ်မှတ်ချက် ဖြစ်ပါသည်။ ပြင်ဆင်ရေးကို သံကုန်ဟစ်သည့် အခြေခံ အကြောင်းအရင်းမှာ လူထု၏ ထောက်ခံမှုကို အများဆုံးရထားသည့် ဒေါ်အောင်ဆန်းစုကြည် အပေါ်တွင် ကန့်သတ်ထားသည်ဟု ယူဆထားကြသော ပုဒ်မ (၅၉) ကို မနှစ်သက် ကြသည်ကလည်း အကြောင်း တစ်ခု ဖြစ်ပါသည်။ လူထုသည် သာမန်အားဖြင့် အခြေခံဥပဒေ အကြောင်းကို နီးစပ်သည်တော့ မဟုတ်ကြပါ။ ထို့ကြောင့် ကောင်း၏၊ ဆိုး၏ ဆိုသည်ကိုလည်း သာမန်အားဖြင့် တိတိပပ ဝေဖန်နိုင် သည်တော့ မဟုတ်ပါ။ ဥပဒေသမား ဆိုသူတိုင်းပင် (နိုင်ငံရေးအား အထူး စိတ်ဝင်တစား မရှိပါက) နားလည်နိုင်သည်မျိုး မဟုတ်သောကြောင့် အခြေခံလူထုက နားမလည်သည်မှာ မဆန်းလှပါ။

သမ္မတရာထူး ရမှသာ အုပ်ချုပ်ရေး ကဏ္ဍများတွင် ထိထိရောက်ရောက် စွမ်းဆောင်နိုင်မည် ဆိုသည်မှာ ယထာဘူတကျသော အဆိုဖြစ်ပါသည်။ သို့သော်လည်း မသေချာမှုများ မိုးမွှန်နေသည့် ကာလတွင် အကြောင်း အမျိုးမျိုးကြောင့် ပုဒ်မ (၅၉) ကို ပြင်ဆင်ခွင့် မရခဲ့သော် နောက်ဆက်တွဲ အနေနှင့် အားသာ ချက်၊ အားနည်းချက်တို့ မည်သို့ ရှိလာနိုင်သည်ကို အကြမ်းဖျင်း လေ့လာလို၍ ယခုစာစုကို ရေးဖြစ်ခြင်း ဖြစ်ပါသည်။

၁။ ပါတီတည်ဆောက်ရေး ရှုထောင့်

Power Separation သဘောတရားအရ အုပ်ချုပ်ရေးမဏ္ဍိုင်နှင့် ဥပဒေပြုရေး မဏ္ဍိုင်သည် သီးခြားစီ ရှိရသည်မျိုး ဖြစ်သည်။ လက်ရှိပုဒ်မ (၆၄) တွင်လည်း “နိုင်ငံတော်သမ္မတ သို့မဟုတ် ဒုတိယသမ္မတ များသည် နိုင်ငံရေး ပါတီတစ်ခုခု၏ အဖွဲ့ဝင်ဖြစ်လျှင် နိုင်ငံတော်သမ္မတ သို့မဟုတ် ဒုတိယ သမ္မတများ အဖြစ် ရွေးချယ်တင်မြှောက်ခြင်း ခံရသည့်နေ့ မှစ၍ မိမိတို့ရာထူး သက်တမ်းအတွင်း ယင်းပါတီ အဖွဲ့ အစည်း၏ ပါတီလုပ်ငန်းများတွင် ပါဝင် ဆောင်ရွက်ခြင်းမပြုရ” ဟု ပြဆိုထားသည်။ ထိုသို့ ကင်းကင်းရှင်း ရှင်း နေခြင်းမှာ သမ္မတတစ်ဦး၏ လုပ်ပိုင်ခွင့်ကို မလျော်ကန်သော ပုံစံဖြင့် ပါတီ အကျိုးစီးပွားအတွက် အသုံးမချနိုင်ရန် သော်လည်းကောင်း၊ အုပ်ချုပ်ရေးမဏ္ဍိုင်နှင့် ဥပဒေပြုရေးမဏ္ဍိုင် ရောထွေးမနေစေရန် လည်းကောင်း ခွဲခြားထားခြင်း သဘောမျိုးဖြစ်သည်။ ဤသည်မှာ သမ္မတစနစ် (Presidential) ၏ ဝိသေသတစ်ခုလည်း ဖြစ်ပါသည်။ ယေဘုယျအားဖြင့် သမ္မတ ဖြစ်သူသည် မိမိ၏ ပါတီတွင်း လှုပ်ရှားမှုများ တွင် လုံးဝ ကင်းရှင်းရမည်ဖြစ်သည်။ (သို့သော် နိုင်ငံတော်သမ္မတကြီး အနေနှင့် ပြည်ခိုင်ဖြိုးဥက္ကဋ္ဌ တာဝန် ယူခဲ့သည့်အပေါ် ဝေဖန်မှုများ ရှိခဲ့သည်။)

ယနေ့ NLD သည် အင်စတီကျူးရှင်း သဘောအရ ဝေဖန်မှုများစွာ ခံနေရသော အနေအထားတွင် ရှိပါသည်။ မာမာချာချာ အတိုက်အခံပါတီ ဖြစ်အောင် NLD ကို များစွာ တည်ဆောက်ရဦးမည် ဖြစ်သည်။ ဒေါ်အောင်ဆန်းစုကြည် အလွန် NLD မှာ အားကောင်းသော ပါတီကြီးနေရာတွင် ဆက်၍ ရှိမရှိဆိုသည်မှာ လူတိုင်း စိတ်ဝင်စားသော မေးခွန်းဖြစ်သည်။ NLD အနေဖြင့်လည်း ယခုအချိန်တွင် Capacity အရ ယခုလောက်သာ ဖြစ်ရခြင်းမှာလည်း ဖြတ်သန်းမှုအရ သဘာဝကျပါသည်။ ဒီလောက်ကျန်အောင်ပင် မနည်း ရုန်းကန်ခဲ့ရသည်လည်း ဖြစ်ပါသည်။ သေချာသည်မှာ ဒေါ်အောင်ဆန်းစုကြည် အနေဖြင့် NLD ၏ အင်စတီကျူးရှင်း ခိုင်မာရေးအတွက် များစွာ ဆောင်ရွက်ရဦးမည် ဖြစ်ပါသည်။ သို့ဖြစ်ရာ ဒေါ်အောင်ဆန်းစုကြည် အနေနှင့် သမ္မတရာထူးကို ရယူနိုင်ခြင်းသည် NLD ၏ အင်စတီကျူးရှင်း ဖွံ့ဖြိုးရေး ဆိုင်ရာ များကို (မျက်နှာစာမှ) ဆောင်ရွက်နိုင်ရန် အကန့်အသတ်သဘော ဖြစ်သွားနိုင်ပါသည်။

၂။ တိုင်းရင်းသားများ ရှုထောင့်

ဤအချက်မှာလည်း များစွာ စိတ်ဝင်စားစရာ ကောင်းသောကိစ္စဟု ထင်ပါသည်။ ဒေါ်အောင်ဆန်းစုကြည်၏ နိုင်ငံရေးဗျူဟာ များသည် လွှတ်တော်တွင်း မဝင်မီနှင့် ဝင်ပြီးနောက်ပိုင်းတွင် များစွာ ပြောင်းလဲမှုများ ရှိလာသည်ဟု ပြောဆိုမှုများ ရှိပါသည်။ လက်တွေ့ ပိုဆန်လာသည်ဟု သတ်မှတ်မှုများ ရှိလာပါသည်။ လက်တွေ့နှင့် သဟဇာတ ဖြစ်လာသည်ဟု ဆိုကြပါသည်။ တပ်မတော်နှင့် ဆက်ဆံရေးကိုလည်း အတိုင်းအတာ တစ်ခုအထိ တိုးတက်အောင် ဆောင်ရွက်နိုင်ခဲ့ပါသည်။ သို့သော် အများခန့်မှန်းချက်နှင့် ကွဲလွဲသည်မှာ လွှတ်တော်နိုင်ငံရေးတွင် အခြားသော တိုင်းရင်းသား ပါတီငယ်များဖြင့် ပူးပေါင်းပြီး ပြည်ခိုင်ဖြိုးကို ထိန်းကျောင်းလိမ့်မည်ဟု တွေးထင်ခဲ့သော်လည်း လက်တွေ့တွင်ကား ပြည်ခိုင်ဖြိုး ထိပ်ပိုင်းနှင့် ပူးပေါင်းပြီး တိုင်းရင်းသား ပါတီအချို့၏ ဝေဖန်မှုကို ရခဲ့ရသည်မျိုး ဖြစ်နေပါသည်။

တစ်ချိန်တည်းတွင်ပင် တိုင်းရင်းသားများ (အချို့) မှ ငြိုငြင်သည့် မှတ်ချက်စကားများ ကိုလည်း ကြားလာ ရပါသည်။ တိုင်းရင်းသားအရေး အချို့တွင် ပါသင့်သလောက် မပါဟူသော စွပ်စွဲမှုများ ရှိလာပါသည်။ သမ္မတ ရာထူးအတွက် တပ်နှင့် ထိပ်တိုက်တွေ့နိုင်သည့် ကိစ္စများကိုရှောင်ပြီး တိုင်းရင်းသား ကိစ္စများတွင် နှုတ်ပိတ်နေသည်ဟု ခပ်ရမ်းရမ်း စွပ်စွဲမှုမျိုး ကြုံလာခဲ့ပါသည်။ တစ်နည်းအားဖြင့် ယင်းအမြင်များ သည်လည်း ဒေါ်အောင်ဆန်းစုကြည် အပေါ် ထားသော မျှော်လင့်တန်ဖိုး ကြီးမားခြင်း၏ ဘေးထွက်ဆိုးကျိုး ဟု ဆိုနိုင်မည် ထင်ပါသည်။ ယင်းသဘောများကို ကချင်ဒေသနှင့် ရခိုင်ဒေသများတွင် တွေ့ရမည်ဖြစ်ပြီး ပြီးခဲ့သည့် စင်ကာပူ ခရီးစဉ်တွင် ယင်းအသံဗလံ အချို့ကို ကြားခဲ့ရသည် များလည်း ရှိပါသည်။

ဒေါ်အောင်ဆန်းစုကြည် အပေါ် လူထုသဘောထားမှာ Statesman နေရာဖြစ်သည်။ အမျိုး သားခေါင်းဆောင် (National Leader) နေရာ ဖြစ်သည်။ သို့သော် ပါတီနိုင်ငံရေး လမ်းကြောင်း လျှောက်လှမ်း ရသောအခါ မိမိပါတီ၏ အကျိုးကို ဆောင်ကြဉ်းလာရသည် ဖြစ်၍ မလွဲသာ မရှောင်သာ အခြားသော တိုင်းရင်းသားပါတီများနှင့် အကျိုးစီးပွား ယှဉ်ပြိုင်ရသည့် အနေအထားသို့ ရောက်လာပါသည်။အထူးသဖြင့် တိုင်းရင်းသား ဒေသများတွင်ပါ ရွေးကောက်ပွဲ ဝင်ကြသည့်ကိစ္စကို ဝေဖန်ခံရမှုများ ရှိခဲ့ပါသည်။ သမ္မတရာထူးကို လိုချင်ကြောင်း ကမ္ဘာသိ ထုတ်ဖော် ပြောဆိုပြီးသောအခါ ဒေါ်အောင်ဆန်း စုကြည်၏ ဆုံးဖြတ်ချက် အချို့အပေါ် “သမ္မတရာထူးနှင့် အလဲအလှယ် လုပ်သည် ဆိုသည်အထိ အမြင်စောင်းသည်များ ရှိလာခဲ့ပါသည်။ ဒေါ်အောင်ဆန်းစုကြည် အနေနှင့်လည်း Statesman နေရာမှ ပြောသင့် ပြောထိုက်သည်ကို ပြောသည့်တိုင် အကျိုးစီးပွားအရ ပွန်းပဲ့ရသူတို့အတွက် မေးငေါ့စရာ အကွက်ရသွားခြင်းသာ ဖြစ်သည်။

အခြေခံဥပဒေ ပြင်ဆင်ရေးတွင် NLD ၏ အစပိုင်း မူမှာ ငွေရတု ထုတ်ပြန်ချက်အရ ပြင်ဆင်ရေးဟု နားလည်မိပါသည်။ သို့သော် တိုင်းရင်းသား ပါတီအချို့က အသစ်ဆွဲရေးကို ဇောင်းပေးလာသော အခါတွင် ပြင်ဆင်ရေးအပြင်၊ အသစ်ဆွဲရေးကိုပါ ပူးတွဲ၍ အသံပြောင်းလိုက်ရသည်။ ပါတီတွင်းတွင်ပင် သဘောထားနှစ်ရပ် ရှိနေသောကြောင့် ပြောင်းသည်ဟု မှတ်ချက် ပြုသည်များလည်း ရှိသည်။ ယင်းအဖြေအတွက်လည်း လူထုဆန္ဒဆိုသည်ကို လွှဲချလိုက်ရသည်။ ယင်းကိစ္စနှင့် ပတ်သက်၍လည်း NLD ကို ဝေဖန်မှုများ ကြားလာရပါသည်။

ဤတွင် စာရေးသူအနေဖြင့် နားလည်မိသည်မှာ ဒေါ်အောင်ဆန်းစုကြည်သည် တိုင်းရင်းသား အင်အားစုတို့၏ အသံကို မဖြစ်မနေ ထည့်သွင်း စဉ်းစားရမည့် အနေအထားမျိုး ဖြစ်ပါသည်။ ညှိနှိုင်းဖော်ဆောင်ခြင်း သဘောကို ဆောင်ရပါမည်။ ဒီမိုကရက်တစ် အင်အားစုတို့၏ စည်းလုံးမှုကို အလေးထားရမည့် အခြေအနေလည်း ဖြစ်ပါသည်။ သို့ဖြစ်ရာ ပြင်/သစ် ပြဿနာအတွက် လူထုဆန္ဒဆိုသည်ကို ခေါင်းစဉ် တင်ရခြင်းမှာ လိုအပ်ချက်အရလည်း ဖြစ်နိုင်ပါသည်။ တစ်ဦး၊ တစ်ဖွဲ့ ဆန္ဒကြောင့် ဆိုသည်ထက် အများလက်ခံနိုင်သော အဖြေအတွက် ချဉ်းကပ်နည်း တစ်ခုအနေဖြင့် သုံးခြင်းလည်း ဖြစ်နိုင်ပါသည်။ သို့မဟုတ်က ဒီမိုကရေစီ ပါတီအတွင်းမှာပင် ဒီမိုကရေစီ မဆန်လှဟူသော မှတ်ချက်မျိုးကလည်း ရှိနိုင်သေးသည်။ သို့ဖြစ်ရာ ထိုလုပ်ရပ်အတွက် မဟာဗျူဟာ သဘောအရ မမှားပါဟု ဆိုချင်ပါသည်။ သို့သော် နည်းဗျူဟာ အရတော့ “ဘယ်လို လုပ်မှာလဲ၊ လုပ်လို့ ရပါ့မလား၊ လူထုကို ဆွဲသွင်းချင်တာလား၊ လူထုအားကို သုံးချင်တာလား” စသဖြင့်တော့ ထင်ချင်စရာ ဖြစ်သွားပါသည်။ ဤတွင် ဆိုချင်သည်မှာ NLD အနေဖြင့် Street Politic ကို လုံးဝ လိုလားမည် မဟုတ် ဆိုသည်မှာ ယုံမှားစရာ မရှိသောကြောင့် လူထုအား ဆိုသည်ကို အဓိပ္ပာယ်ကောက် မမှားရန်တော့ လိုပါသည်။ သို့သော် စိုးရိမ်သူတို့ကို မှားသည်ဟုလည်း မဆိုသာပါ။ နိုင်ငံရေးဟူသည် အချက်အလက်ပေါင်းများစွာ နှီးနွယ်နေသောကြောင့် ရှုထောင့်အပေါ် မူတည်၍ အဖြေအမျိုးမျိုး ဖြစ်နိုင်ပါသည်။ သို့သော် ယနေ့အခါ ယင်းလူထုဆန္ဒပွဲ ဆိုသည်များကပင် ပြင်ဆင်ရေးကို အလေးသာနေသည်ဟု ပြောဆိုမှုများ ရှိလာပါသည်။

Politician တို့ သဘာဝမှာ အလုပ်ဖြစ်ရေးအပြင် မိမိကို လူအများ လက်ခံရေးမှာလည်း အရေးကြီးသည်။ ထို့ကြောင့် ရဲဘော်ရဲဘက် အင်အားစုတို့၏ မျက်နှာကြည့်ရသည်များ ရှိသည်။ သို့ဖြစ်ရာ လူကြိုက်များရေး မလိုသော၊ လက်တွေ့နိုင်ငံရေး တစ်ခုတည်းကိုသာ အာရုံပြုနိုင်သော Statesman တို့နှင့် မဟာဗျူဟာ အမြင်တူခဲ့သည့်တိုင် နည်းဗျူဟာအမြင် ကွဲသည်များ ရှိနိုင်ပါသည်။ တစ်ခါတစ်ရံတွင် ဒေါ်အောင်ဆန်းစုကြည် အနေနှင့် Statesman ရှုထောင့်နှင့် Politician ရှုထောင့်တို့ အကြားညှပ်ရသည့် သဘောမျိုး ရှိတတ်ပါသည်။ သမ္မတရာထူးကို အကြောင်းပြုသောအခါ ထိုအညပ်မှာ ပိုကြီးလာတော့သည်။

၃။ အရှိနိုင်ငံရေး လိုအပ်ချက် ရှုထောင့်

မြန်မာနိုင်ငံသည် သမိုင်းကြောင်းအရ လည်းကောင်း၊ ပထဝီနိုင်ငံရေးအရ လည်းကောင်း စုစည်းရန် ခက်ခဲစေသော သဘာဝမျိုး ရှိသည်။ လူမျိုးစု များပြားလွန်းခြင်း ၊ သမိုင်းနှင့်ချီသော လူမျိုးရေး ပြဿနာများ ရှိခြင်း၊ ကမ္ဘာ့ ဆူပါပါဝါအရ ပြိုင်ဘက်သဖွယ်ဖြစ်သော နိုင်ငံကြီးများ အကြားတွင် ရှိခြင်းတို့သည် မြန်မာနိုင်ငံကို စုစည်းရန် ခက်ခဲသော အနေအထားမျိုးကို တွန်းပို့ နေပါသည်။ ယင်းအချက်တို့သည် ယနေ့ ဒီမိုကရေစီ တည်ဆောက်ရေးကို စ်ိန်ခေါ်နေသော အချက်များလည်း ဖြစ်ပါသည်။

လူမျိုးစုကွဲပြားမှု များလွန်းသော နိုင်ငံများတွင် ဒီမိုကရေစီ တည်ဆောက် ရသည်မှာ သာမန်ထက် ပိုခက်ခဲကြောင်း ပညာရှင်များက ဆိုပါသည်။အလားတူ ကမ္ဘာ့ဆူပါ ပါဝါအရ ပြိုင်ဘက် နိုင်ငံများအကြား ရှိခြင်းမှာလည်း အနေအထိုင် မတတ်လျှင် ပဲလှော်ကြား ဆားညှပ်သကဲသို့ ဖြစ်နိုင်ပါသည်။ အမေရိကန်-တရုတ် ပါဝါ ကစားမှုသည် မြန်မာနိုင်ငံအပေါ် များစွာ သက်ရောက်မှု ရှိသည်မှာ ထွေထွေထူးထူး စဉ်းစားရန် မလိုသောကိစ္စ ဖြစ်ပါသည်။ မြင်သာအောင် ဆိုရလျှင် တရုတ်အစိုးရနှင့် အဆင်ပြေစဉ်က တရုတ် နယ်စပ်ရှိ လက်နက်ကိုင် ပြဿနာများကို အတိုင်းအတာ တစ်ခုအထိ ထိန်းထားနိုင်ခဲ့ပါသည်။ အလားတူပင် ထိုင်းအစိုးရနှင့် အဆင်ပြေချိန်တွင်လည်း ထိုင်းနယ်စပ်ရှိ လက်နက်ကိုင် ပြဿနာများကို အတိုင်းအတာ တစ်ခုအထိ ထိန်းထားနိုင်မည်မှာ အသေအချာဖြစ်သည်။ ဤသည်မှာ ပထဝီ နိုင်ငံရေး၏ သက်ရောက်မှု ဖြစ်သည်။ သို့သော် မြန်မာနိုင်ငံ ကံဆိုးသည်မှာ ယင်းနှစ်နိုင်ငံလုံးနှင့် တစ်ပြိုင်နက်တည်းတွင် မဟာဗျူဟာ မိတ်ဖက်ဖြစ်ရန်ကား မလွယ်ပေ။ အဘယ်ကြောင့်ဆိုသော် ယင်းနှစ်နိုင်ငံတို့ကား ဆူပါပါဝါ မျှခြေ၏ တစ်ဖက်စီက ဖြစ်နေသောကြောင့် ဖြစ်သည်။ တစ်ခုနှင့် အဆင်ပြေလျှင် နောက်တစ်ခုနှင့် စင်းလုံးချော အဆင်ပြေရန်ကား မလွယ်တော့။ ဤကား နိုင်ငံ၏ ကံကြမ္မာပင်ဟု ဆိုရမည် ဖြစ်သည်။

ယင်း အခြေအနေအောက်တွင် နိုင်ငံ၏ စည်းလုံးမှု၊ တိုင်းရင်းသား ရင်ကြားစေ့မှုကို စဉ်းစားကြည့်လို ပါသည်။ စည်းလုံးမှု၊ ညီညွတ်မှု ဆိုသည်ကား ယုံကြည်မှုတို့ ‘အမှတ်တစ်ခု’ သို့ လာရောက် စုဆုံကြခြင်းသာ ဖြစ်ပါသည်။အဆိုပါ ‘အမှတ်တစ်ခု’ ဆိုသည်ကား ဘုံအကျိုးစီးပွားလည်း ဖြစ်နိုင်သလို လူပုဂ္ဂိုလ် တစ်ဦးတစ်ယောက်အပေါ်ရှိ ပုဂ္ဂိုလ်ရေး ယုံကြည်မှုလည်း ဖြစ်နိုင်သည်။ ပင်လုံစာချုပ်ကို ပြုလုပ်နိုင်ခဲ့သည် ဆိုသည်မှာ တိုင်းရင်းသားတို့၏ ဘုံအကျိုးစီးပွားကြောင့် ဖြစ်သည့်တိုင် ဗိုလ်ချုပ်အောင်ဆန်း အပေါ်ထားသော ပုဂ္ဂိုလ်ရေး ယုံကြည်မှုကို အခြေခံထားသည်လည်း ပါပါသည်။ သို့ဖြစ်ရာ အင်အားစုများကို စုစည်းနိုင်သည့် ‘ဆုံမှတ်တစ်ခု’ ရှိရန်မှာ ယနေ့ နိုင်ငံ၏ အရှိအနေအထားအရ လိုအပ်ချက်သာ ဖြစ်ပါသည်။

မြန်မာနိုင်ငံတွင် ထိုဆုံမှတ်အတွက် ဖြစ်နိုင်ခြေ ရှိသူများမှာ များများစားစား ရှိလှသည် မဟုတ်ပါ။ သို့ဖြစ်ရာ ရှားရှားပါးပါး ရှိသူအချို့ကို ယင်းဆုံမှတ်တစ်ခု နေရာသို့ ရောက်စေချင်သည်။ သို့သော် သမ္မတဖြစ်မှ ထိုဆုံမှတ်နေရာကို ရောက်နိုင်သည်မျိုး တော့လည်း မဟုတ်ပါ။

၎။ ဆန့်ကျင်ဘက်အုပ်စု ရှုထောင့်

ဤသည်မှာ ပေးထားချက်ဟု လူပြောများသော အရာတို့၏ ခွင့်ပြုနိုင်ခြေဘက်မှ စဉ်းစားခြင်း ဖြစ်သည်။ သမိုင်းကြောင်းနှင့် များစွာ သက်ဆိုင်နေသည်ဟု အကြမ်းဖျင်း ဆိုနိုင်ပါသည်။

ယနေ့ကား ပုဒ်မ (၅၉) နှင့် ပတ်သက်၍ ပြင်ဆင်ခွင့်ရနိုင်/မရနိုင် ဆိုသည်မှာ အတပ် မပြောနိုင်သေးသော ကိစ္စဖြစ်သည်။ ပြည်ထောင်စုလွှတ်တော် ဥက္ကဋ္ဌကြီးက ပုဒ်မ ၅၉ ပြင်ဆင်ရေးကို ကြိုးပမ်းမည်ဟု ဆိုသည့်တိုင် တချို့ ပါတီကြီးများက တစ်ဦးတစ်ယောက်အတွက် မပြင်နိုင်ဟု ခပ်ပါးပါး ဆိုမှုများလည်း ရှိနေပါသည်။ အချို့ ပါတီတို့ကမူ ပုဒ်မ ၅၉ (စ) ကို ပြင်မပေးနိုင်ကြောင်း တည့်တည့် ပြောခြင်းများလည်း ရှိနေပါသည်။ သို့ကြောင့်ပင် NLD အနေဖြင့် လာမည့် ရွေးကောက်ပွဲတွင် အပြတ်အသတ် အနိုင်ရသည် ဆိုဦးတော့၊ သမ္မတရာထူးနှင့် ပတ်သက်၍ ဒေါ်အောင်ဆန်းစုကြည် မဟုတ်သော အခြားတစ်ယောက်ကို ရွေးချယ်ထားသင့်သည် ဟူသော အကြံပြုချက်များကို ကြားနေရသည်လည်း ဖြစ်ပါသည်။

ဤတွင် ပြည်ထောင်စုလွှတ်တော် ဥက္ကဋ္ဌကြီး ပြောခဲ့သော ‘ညွန့်ပေါင်း’ ဟူသော စကားကို ကြားယောင်မိလာပါသည်။ ထိုစဉ် ညွန့်ပေါင်းဟူသော စကားကို ကြားစဉ်က ကောင်းကောင်း နားလည်သည်တော့မဟုတ်။ ပါလီမန် (Parliamentary system) သဘောမျိုး မဟုတ်ဘဲ ဘာကြောင့် ညွန့်ပေါင်းရမှာလဲ ဟူ၍ နားရှုပ်မိဖူးသည်။ သို့သော်လည်း ပုဒ်မ (၅၉) ကို မပြင်နိုင်ပါက ဖြစ်လာနိုင်သည်ကို မျှော်ကိုး၍ ခေါင်းဆောင်နှစ်ဦးအကြား အပေးအယူများလား ဟူ၍တော့ ယနေ့အချိန်တွင် နားလည်မိပါသည်။ သေချာပေါက်တော့ အတပ်မပြောရဲပါ။ သို့သော်လည်း ပုဒ်မ (၅၉) ကို နောက်ဆုံး ပြင်ခွင့်မရပါက ညွန့်ပေါင်းဆိုသည်မှာ အကောင်းဆုံး တုံ့ပြန်နိုင်သည့် နည်းလမ်း တစ်ခုတော့လည်း ဖြစ်နိုင်ပါသည်။ ယနေ့ အနေအထား အရပ်ရပ်အရ ဤသည်မှာ ဖြစ်နိုင်ခြေ အရှိဆုံးဟုလည်း ယူဆစရာ ရှိပါသည်။

သို့သော် Electoral System Design အရ ဖြစ်နိုင်ခြေ တစ်ခုတော့ ရှိသည်။ လက်ရှိ FTPT အစား ပါတီများအကြား Power Balance ကစားနိုင်သည်ဟု ယုံကြည်လောက်သော တစ်စိတ်တစ်ပိုင်း PR ကို ပြောင်းနိုင်လျှင် ပုဒ်မ (၅၉) ကို ဖွင့်ပေးနိုင်ခြေတော့ ရှိသည်။ တစ်စိတ်တစ်ပိုင်း PR သည် ပုဒ်မ (၅၉) အတွက် ထွက်ပေါက်ဖြစ်ကောင်း ဖြစ်နိုင်ပါသည်။

အချုပ်အားဖြင့် ဆိုရလျှင် အခြေခံဥပဒေ ပြင်ဆင်ရေးကိစ္စသည် လက်နက်ကိုင်အရေးအတွက် မဖြစ်မနေ ဖွင့်ပေးရမည့် တံခါးတစ်ချပ် ဖြစ်သည့်တိုင် အစိုးရအနေနှင့် စွန့်စားမှုများစွာ ယူထားသောကိစ္စဟု ယူဆ နိုင်ပါသည်။ မည်သို့ပင် ဆိုစေကာမူ ဖြစ်နိုင်ခြေဘက်က စဉ်းစားလျှင် တိုင်းရင်းသားအရေး အတွက် တစ်ဆင့်တက် ကျေနပ်ဖွယ်ရာများ ရှိလာနိုင်သည်ဟု မျှော်လင့်နိုင် သော်လည်း ပုဒ်မ (၅၉) အရေးမှာကား စောင့်ကြည့်ရဦးမည် ဖြစ်ပေသည်။ ထိုထက် များများစားစား မျှော်လင့်ရန်မှာ မဖြစ်နိုင်သေးပါ။

ပေါ်လင်းဦး
The Voice

လူသတ်မှု သံသယဖြင့် ၁၄ နှစ်အရွယ် ကလေးကို ရဲက ညှဉ်းပန်းနှိပ်စက်

Posted by drmyochit Saturday, November 02, 2013, under | No comments

မြောင်းမြ, ကလေးသူငယ် နှိပ်စက်ခံရမှု, လူသတ်မှု, ရဲတပ်ဖွဲ့
လူသတ်မှု သံသယဖြင့် တရားရင်ဆိုင်နေရသူ မောင်စိုးလင်း (ဓာတ်ပုံ – ဆလိုင်းသန့်စင် / ဧရာဝတီ)


ဧရာဝတီ တိုင်းဒေသကြီး၊ မြောင်းမြမြို့နယ်တွင် လူသတ်မှု သံသယဖြင့် အဖမ်းခံရထားရသူ ၁၄ နှစ် နီးပါး အရွယ်ရှိ မောင်စိုးလင်း ဆိုသူ ကလေးတဦးသည် ရဲတပ်ဖွဲ့ဝင်များ၏ ညှဉ်းပန်းနှိပ်စက်မှုကြောင့် လမ်းမလျှောက်နိုင်တော့သည် အထိ ကျန်းမာရေး ဆိုးဝါးစွာ ထိခိုက်သွားသည်ဟု သိရှိရသည်။

ဇူလိုင်လ ၂၃ ရက်နေ့ မြောင်းမြမြို့၊ မြရတနာ ရပ်ကွက်၊ န၀ရတ် လမ်းမကြီး ဘေးရှိ အောင်ပန်းဆား စက်ဝင်း အတွင်းတွင် ဆားစက်ဝန်ထမ်း ဖြစ်သူ ဦးကျော်ဝေ အသတ်ခံခဲ့ရပြီး ယင်းလူသတ်မှုနှင့် ပတ်သက် ၍ အိမ်နီးချင်းဖြစ်သူ ဦးသိန်းထွန်းနှင့် သားဖြစ်သူ အသက် ၁၄ နှစ်အရွယ် မောင်စိုးလင်းတို့ကို မြောင်းမြ ရဲစခန်းက ဖမ်းဆီးခဲ့ကြောင်း၊ ယင်းနောက် လူသတ်သည် ဟု ၀န်ခံစေရန် နည်းမျိုးစုံဖြင့် ညှဉ်းပန်း နှိပ်စက် ခဲ့ရာ မောင်စိုးလင်း၏ ကျန်းမာရေး ဆိုးဝါးစွာ ထိခိုက်ခဲ့ ကြောင်း၊ ကျန်းမာ ရေး ဆိုးဝါးလျက်ရှိသော မောင်စိုးလင်း သည် လူသတ်မှု သံသယဖြင့် တရားရုံးတင် စစ်ဆေးမှု ခံနေရဆဲဖြစ် ကြောင်း မောင်စိုးလင်း ၏ မိခင်ဖြစ်သူ ဒေါ်ခင်ရွှေကဧရာဝတီကို ပြောသည်။

“ကလေးက လမ်းလုံးဝ မလျှောက်နိုင်ဘူး။ တနေရာရာ သွားမယ် ဆိုရင် ကုန်းပိုးခေါ်ရတယ်။ သူ့ကို ရဲစခန်း က ထုတ်လာ တဲ့နေ့ ကတည်းက လမ်းမလျှောက်နိုင်တော့တာ။ မတ်တပ် မရပ်နိုင်ဘူး။ မတ်တပ်ရပ် ဖို့ လူတွဲရတယ်။ ရပ်နေရင် လည်း တွဲထားမှ လွှတ်လိုက်ရင် ချက်ချင်း လဲကျသွားတာ။ ပြီးတော့ ကလေးက အသက်ရှူမ၀ဘူးပြောတယ်။ အချုပ်ခန်းထဲမှာ ရေထဲကို ခေါင်းနှစ်ပြီး နှိပ်စက်တာတွေ လုပ်တဲ့ နောက်ပိုင်း ကတည်းက အဲဒီလိုဖြစ်နေတာ ပြောတယ်။ ဆီးသွားရင်လည်း သွေးနည်းနည်းပါတယ်”ဟု ဒေါ်ခင်ရွှေက ဆိုသည်။

ဦးကျော်ဝေ အသတ်ခံရပြီးနောက် နာရီပိုင်းအတွင်းတွင် ဦးသိန်းထွန်းနှင့် မောင်စိုးလင်းတို့ကို မြောင်းမြရဲစခန်းက ဖမ်းဆီး ခဲ့ပြီး ရက်အနည်းငယ်အကြာ ဦးသိန်းထွန်း၏ ဇနီးဖြစ်သူ ဒေါ်ခင်ရွှေနှင့် ၄ တန်းကျောင်းသူ သမီးငယ်ကို မြောင်းမြ ရဲစခန်းက ခေါ်ယူစစ် ဆေးခဲ့ ကြောင်း၊ ရဲစခန်းတွင် ဒေါ်ခင်ရွှေနှင့် သမီးကို ၂ ရက်ကြာ ဖမ်းဆီး ချုပ်နှောင် ထားခဲ့ပြီးမှ ပြန်လွှတ် ပေးခဲ့သည်ဟု သိရှိရသည်။

မြောင်းမြရဲစခန်းက လူသတ်မှုသံသယဖြင့် ဖမ်းဆီးထားသော ဦးသိန်းထွန်းနှင့် မောင်စိုးလင်းတို့ကို ၃ ပတ်ကျော် ကြာသည် အထိ မိသားစု ၊ ဆွေမျိုးများနှင့် လုံးဝတွေ့ခွင့်မပေးဘဲ ဖမ်းဆီးပြီး ၁ လခန့် ကြာမှသာ မိသားစုနှင့် တွေ့ခွင့်ပြုခဲ့ကြောင်း ဒေါ်ခင်ရွှေက ဆိုသည်။

မြောင်းမြ ရဲစခန်းက ၁၄ နှစ်အရွယ် မောင်စိုးလင်းကို ဖမ်းဆီးစစ်ဆေးရာတွင် အမှုလက်ခံသော ဖိုင်တွဲတွင် အသက် ၁၆ နှစ်ဟု ရေးဖြည့်၍ မြောင်းမြခရိုင်တရားရုံးတွင် ရုံးတင်စစ်ဆေးခဲ့ကြောင်း၊ သို့ရာတွင် မောင်စိုး လင်း ပညာသင်ယူနေသည့်ဘုရားချောင်း မူလတန်းကျောင်းမှ ကျောင်းအုပ်ကြီး ကိုယ်တိုင် တရားရုံး သို့ လာရောက်ပြီး မောင်စိုးလင်းသည် အသက် ၁၃ နှစ် ၁၀ လ သာရှိကြောင်း ထွက်ဆိုချက်ပေး၍ မောင်စိုးလင်း ၏ အသက်မှန် ပေါ်ပေါက်ခဲ့ကြောင်း၊ ယင်းနောက် မောင်စိုးလင်း ၏ အမှုကို မြောင်းမြမြို့နယ် တရားရုံးမှ အိမ်မဲမြို့ ကလေးသူငယ် တရားရုံးသို့ ပြောင်းရွှေ့ပေးခဲ့ပြီး မောင်စိုးလင်းကိုလည်း ကလေး သူငယ် တရားရုံးက အာမခံ ပေးခဲ့ကြောင်း သိရှိရသည်။

ရဲတပ်ဖွဲ့ဝင်များက မောင်စိုးလင်းကို စစ်ဆေးရာတွင် မျက်ခုံးမွှေးကို မီးရှို့ခြင်း၊ ရေထဲသို့ ခေါင်းနှစ်ခြင်း၊ ဆေးလိပ်မီးဖြင့် တို့ခြင်း၊ အစားအစာနှင့်သောက်ရေတို့ မပေးဘဲ ဒူးခေါင်းအောက်တွင် ကျောက်ခဲ ၂ လုံးထား၍ အချိန်ကြာ မြင့်စွာ ဒူးထောက်ခိုင်းထားသည့် နည်းလမ်းများ အသုံးပြုခဲ့ကြောင်း၊ မြောင်းမြ ရဲစခန်းအချုပ်တွင် ၁ လကြာ ချုပ်နှောင်ခံခဲ့ရပြီး မြောင်းမြမြို့ ရဲစခန်းမှ စခန်းမှူးဖြစ်သူ ရဲအုပ်ကျော့ဟန် ကိုယ်တိုင် မောင်စိုးလင်း၏ လက်သည်းခွံ ကို ဆေးလိပ်မီးဖြင့် တို့ခဲ့၍ လက်သည်းခွံကျွတ်ထွက်ခဲ့ကြောင်း၊ ရဲတပ်ဖွဲ့နှင့်ရင်းနှီးသည့် အရပ်သားတဦးကလည်း မောင်စိုးလင်းကို ရိုက်နှက်မှု ပြုလုပ်ခဲ့ကြောင်း သိရှိရ သည်။

“သားက ပြောတယ်။ ဦးကျော်ဝေနဲ့သားနဲ့ အခေါ်အပြောလည်းမရှိဘူး။ ခင်လည်းမခင်ဘူး။ သူ့ကိုလည်း သားမသတ်ဘူး ပြောတယ်။ သားက သူ့အိမ်တောင်တခါမှ မရောက်ဖူးဘူးလို့ ပြောတာကိုမရဘူး။ ရောက်ဖူး တယ်ချည်းပဲပြောတယ်။ အဲလိုစစ်တာ သားက မဟုတ်ဘူးလို့ ငြင်းနေတဲ့အခါကျတော့ ၃ ရက်လောက် လည်းကြာရော သားကိုစပြီးရိုက်တော့ တာပဲ။ မျက်ခုံးမွှေးတွေကိုလည်း မီးနဲ့ရှို့တယ်။ ဂက်စ်မီးခြစ်နဲ့ မျက်စိကိုကပ်တယ်။ ပါးတွေနားတွေရိုက်တယ်။ နားထဲက သွေးကျအောင်ကို ရိုက်တယ်”ဟု မောင်စိုးလင်း က ဧရာဝတီသို့ ပြောသည်။

မောင်စိုးလင်း၏ ကျန်းမာရေးကို ကုသပေးနေသော ပုသိမ်မြို့မှ အထွေထွေ ရောဂါကုဆရာဝန်တဦးက “ကလေးက လမ်းမလျှောက်နိုင်တော့တာ အမှန်ပဲ ။ မတ်တပ်ရပ်မယ်ဆို သူ့ခါးရိုး၊ တင်ပါးဆုံရိုးတွေ အရမ်း နာကျင်ပုံရတယ်။ လှုပ်လို့ တော့ ရတယ်။ နာတော့ မရပ်နိုင် မသွားနိုင်ဖြစ်နေတာပေါ့။ သူက မှုခင်းနဲ့ပတ် သတ်နေတော့ အစိုးရဆေးရုံမှာ ဓာတ်မှန် ရိုက်၊ ဆေးစစ်မှုခံယူပြီး ဆေးကုသတာတွေ လုပ်သင့်တယ်”ဟု ဧရာဝတီသို့ ပြောသည်။

ဧရာဝတီသတင်းဌာနက မောင်စိုးလင်းညှဉ်းပန်းနှိပ်စက်ခံရမှုနှင့်ပတ်သက်ပြီး မြောင်းမြရဲစခန်းသို့ အကြိမ်ကြိမ် ဆက်သွယ် မေးမြန်းခဲ့သော်လည်း “စခန်းမှူးအပြင်သွားနေသည်”ဟုသာ ပြောဆိုပြီး တစုံတရာ ဖြေကြားခြင်းမရှိခဲ့ပေ။

မောင်စိုးလင်းကို အိမ်မဲမြို့နယ်ကလေးသူငယ်တရားရုံးတွင် အောက်တိုဘာ ၃၁ ရက်နေ့က ရုံးထုတ် စစ်ဆေး ခဲ့ပြီး ဖခင်ဖြစ်သူ ဦးသိန်းထွန်းကိုမူ မြောင်းမြခရိုင်တရားရုံး၌ နိုဝင်ဘာလ ၈ ရက်နေ့တွင် ရုံးထုတ် စစ်ဆေးမည်ဟု သိရသည်။

ပုသိမ်မြို့မှ ဥပဒေအတိုင်ပင်ခံ ဦးအောင်သူရက “အပြစ်ထင်ရှားရှိရင်တောင် ကလေးတယောက်ကို ဖမ်းမယ် ဆိုရင် ရဲအနေနဲ့ လက်ထိပ်ခတ် ပိုင်ခွင့် မရှိဘူး၊ အချုပ်ထဲမှာ ထည့်ထားလို့လည်း မရဘူး။ ရဲတပ်ကြပ်လို အဆင့်မျိုး အိမ်မှာ ထားရမှာ။ နှိပ်စက်တာတို့ ဘာတို့ကတော့ ဥပဒေမရှိ မင်းမဲ့စရိုက် လူမိုက် ဆန်ဆန် လုပ်ရပ်တွေပဲ။ အခုကိစ္စက သံသယ ရှိခံရတဲ့ကလေးက ကျန်းကျန်းမာမာ အဖမ်းခံရပြီးတော့ ကျန်းမာရေးထိခိုက်သွားတာဆိုတော့ သက်ဆိုင်ရာ ရဲတပ်ဖွဲ့ဝင် တွေမှာ တာဝန်ရှိပါတယ်” ဟု ပြောသည်။

ဧရာဝတီတိုင်း ဒေသကြီး ဒုတိယတိုင်း ရဲတပ်ဖွဲ့မှူး ဦးထွန်းမင်းက ဥပဒေ အရ ရဲတပ်ဖွဲ့ဝင်များသည် တရားခံဟု သံသယ ရှိခံရသူ များကို ညှဉ်းပန်း နှိပ်စက်ခွင့်မရှိကြောင်း၊ ညှဉ်းပန်းနှိပ်စက်ပါက ညှဉ်းပန်းနှိပ် စက်သည့် ရဲတပ်ဖွဲ့ဝင်များကို ပြန်လည် အမှုဖွင့်နိုင် ကြောင်း၊ မောင်စိုးလင်းအမှုနှင့်ပတ်သက်ပြီး မိဘအုပ် ထိန်း သူများဘက်က မိမိထံ တိုင်ကြားလာပါက စုံစမ်း စစ်ဆေးရေး အဖွဲ့ ဖွဲ့စည်း၍ တာဝန်ရှိသော ရဲတပ်ဖွဲ့ ၀င်များကို အရေးယူပေးမည်ဟု ဧရာဝတီသို့ ပြောသည်။

ဧရာဝတီ

နိုင်ငံသား အကျိုးစီးပွား ကာကွယ်ရေးဆိုကာ ကုမ္ပဏီကြီးများ ကြီးပွားတိုးတက်ရေး အတွက်သာ

Posted by drmyochit Saturday, November 02, 2013, under | No comments

B-3-11
ရန်ုကုန်မြို့တွင် အောက်တိုဘာ ၃၀ ရက်ညက လျှပ်စစ်မီး ပြတ်တောက်သွား၍ ဖယောင်းတိုင်မီး ထွန်းညှိထားသည်ကို တွေ့ရစဉ်။ (ဓာတ်ပုံ-ဝေလင်းအောင်)

"လျှပ်စစ်ဓာတ်အားခ နှုန်းထားများ ပြင်ဆင်ပြောင်းလဲ ကောက်ခံမည့် ကိစ္စအား အသိပေး ကြေညာခြင်း" ဟူသည့် ခေါင်းစဉ်ဖြင့် လျှပ်စစ်ဓာတ်အား ဖြန့်ဖြူးရေး လုပ်ငန်း၏ ကြေညာချက်ကို အစိုးရထုတ် သတင်းစာ၌ အောက်တိုဘာ ၃၀ ရက်စွဲဖြင့် ဖတ်ရှုသိရှိ လိုက်ရပါသည်။

ဆက်၍ လျှပ်စစ်ဓာတ်အား ဖြန့်ဖြူးရေး လုပ်ငန်းသည် ဓာတ်အားထုတ်လုပ်မှု ကုန်ကျစရိတ်နှင့် ဓာတ်အားဝယ်ယူမှု ကုန်ကျစရိတ်များ တတ်နိုင်သမျှ ကာမိစေရန်အတွက် ၂၀၁၃ ခုနှစ် နိုဝင်ဘာလ ဓာတ်အားသုံးစွဲမှု အပေါ်မှ စတင်၍ တစ်ပြည်လုံး အတိုင်းအတာအထိ အောက်ပါနှုန်းထားအတိုင်း ပြင်ဆင်သတ်မှတ် လိုက်ပါသည်။

အများပြည်သူသုံးအတွက် ၁ ယူနစ်မှ ယူနစ် ၁၀၀ အထိ ၃၅ ကျပ်။ ၁၀၁ ယူနစ်မှ အထက် ကျပ် ၅၀။ စီးပွားရေး လုပ်ငန်းရှင်များအတွက် ၁ ယူနစ်မှ ယူနစ် ၅၀၀၀ အထိ ကျပ် ၁၀၀။ ၅၀၀၁ ယူနစ်မှ အထက် ကျပ် ၁၅၀ နှုန်းဖြစ်ပြီး အစိုးရ ဌာနများအတွက် ရုံးသုံးကျပ် ၅၀ နှင့် စက်မှုသုံး ကျပ် ၁၀၀ ဟု ဖော်ပြထားပါသည်။

ဤကဲ့သို့ ရုတ်တရက်နိုင်လှစွာ ဓာတ်အားခများ တိုးမြှင့်ကောက်ခံ လိုက်ခြင်းဖြင့် သုံးစွဲသူ အများပြည်သူတို့အတွက် "မြွေပူရာ ကင်းမှောင့်" သကဲ့သို့ ကုန်ဈေးနှုန်း ကြီးမြင့်မှု ဒဏ်ရာဒဏ်ချက်များဖြင့် အလူးလူး အလိမ့်လိမ့် ဖြစ်နေရချိန်၌ တစ်ပူပေါ် နှစ်ပူဆင့်လိုက်ခြင်းသာ ဖြစ်ပါသည်။

နောက်တစ်ချက်ကတော့ လျှပ်စစ်ဓာတ်အား ဖြန့်ဖြူးခွင့် ရလိုက်သည့် ပုဂ္ဂလိက ကုမ္ပဏီများ၏ အကျိုးစီးပွား များ တိုးတက်ဖြစ်ထွန်းရေးအတွက် လောလောလတ်လတ် အကျိုးပြုလိုက်ခြင်းလည်း မည်ပါသည်။ ယခင် အစောပိုင်း တစ်လနှစ်လခန့်ကပင် လျှပ်စစ်ဓာတ်အားခများ တိုးမြှင့်ကောက်ခံရေးအတွက် ကြိုတင်၍ ဟောကိန်းထုတ်ခဲ့သည်။ လျှပ်စစ်ဓာတ်အား ကျွမ်းကျင်သူတို့၏ စကားကို ပြန်လည်ကြားယောင် မိပါသည်။ အစိုးရက ဥပဒေစံနှုန်း မရှိသေးဘဲ လက်ရှိ လျှပ်စစ်မီတာခထက် သုံး၊ လေးဆအထိ မြင့်တက်နိုင်သည့် နှုန်းဖြင့် လျှပ်စစ်ထုတ်လုပ် ဖြန့်ဖြူးခွင့်အား ပုဂ္ဂလိက ကုမ္ပဏီများသို့ ဆက်လက်ခွင့်ပြုရန် စီစဉ်လျက် ရှိကြောင်း ကြားသိခဲ့ရပေရာ "ပြည်သူတို့ မျှော်လင့်ချက် လွှတ်တော်က ဖော်ဆောင်ရွက်" ဟု ဆိုခဲ့သော် လည်း ပြည်သူတို့၏ အကျိုးစီးပွားကို ထည့်သွင်းစဉ်းစားမှု မပြုဘဲ ပုဂ္ဂလိက ကုမ္ပဏီတို့၏ အကျိုးအတွက်သာ အလေးထား၍ ယခုကဲ့သို့ ဈေးနှုန်းများ ရုတ်တရက် တိုးမြှင့်လိုက်ခြင်းက စောစောကပြောခဲ့သည့် အများပြည်သူတို့၏ မျှော်လင့်ချက်ကို လွှတ်တော်ကြီးက အလေးထား အကောင်အထည် ဖော်လိုက်ခြင်းပေ ပဲ လားဟူ၍ေ၀၀ါးနေမိပါသည်။ ဒီကိစ္စနှင့် ပတ်သက်၍ ပြည်သူတို့ ၀န်းကျင်တစ်လွှား အသံဗလံများလည်း ပလူပျံလျက် ရှိပေသည်။ တကယ်တော့ မည်သို့ဆိုစေ ပုဂ္ဂလိက စီးပွားရေး လုပ်ငန်းရှင် အလတ်စား၊ အသေးစားများအတွက် ဈေးနှုန်းတက်သည် ပြောစေဦးတော့ တကယ်တမ်း အကျိုးအမြတ်များများ တစ်လုံးတစ်ခဲတည်း ခံစားရသူမှာ ကြီးကြီးမားမား လုပ်ငန်းရှင်ကြီးများ အတွက်သာ ဖြစ်ပါသည်။ ၎င်းတို့မှာ လျှပ်စစ်ဓာတ်အား ဖြန့်ဖြူးခွင့် ရရှိသည့် အေးရှားဝေါလ် ကုမ္ပဏီနှင့် ဧဒင်စွမ်းအင် သဘာဝ အရင်းအမြစ်များ ဖွံ့ဖြိုးတိုးတက်ရေး ကုမ္ပဏီ အပါအ၀င် ကုမ္ပဏီ ၂၀ တို့အား လျှပ်စစ်ဓာတ်အား ဖြန့်ဖြူးခွင့်ကို ခွင့်ပြုမိန့် ပေးထားခဲ့ပြီးဖြစ်သည်။

စီးပွားရေးကလည်း အခက်အခဲတွေနဲ့ အကျပ်အတည်းတွေ ဖြစ်နေတဲ့ အချိန်မှာ ရုတ်တရက် မီတာခတွေ တိုးမြှင့်လိုက်တော့ ငွေကုန်ကြေးကျ ပိုများလာတာပေါ့။ အိမ်မှာက သားသမီးတွေရဲ့ ၀န်ထမ်းလစာတွေက လည်း မလောက်ငဘူး။ သွားရလာရတဲ့ ခရီးစရိတ်နဲ့တင် လစာက ထက်ဝက်ကျိုးနေတာ အခုတော့ မီတာခကပါ တက်မယ်ဆိုတော့ ပိုပြီးဒုက္ခရောက်ဖို့ပဲ ရှိတော့တာပေါ့ . . . . .

နောက်ဆုံး "ထွက်သမျှချေး ပုစွန်ဆိတ်ခေါင်းမှာစု" ဆိုသကဲ့သို့ နင့်နေအောင် ဒုက္ခပေါင်းစုံ စု၍ ခံစားကြရ မှာကတော့ အောက်ခြေက နင်းပြားလူတန်းစားများသာဖြစ်တာ ဗေဒင်မေးဖို့ မလိုအပ်တဲ့ ကိစ္စတစ်ခုသာ ဖြစ်ပါသည်။ ကုန်ထုတ်လုပ်သူများ ဆိုသည်ကတော့ ဘာတွေဘယ်အရာတွေ ဘယ်သို့ပင် ဈေးတက်တက် သူတို့ထုတ်ကုန် ပစ္စည်းအပေါ် ဈေးနှုန်းတင်လိုက်ရုံသာ သဘာဝပါ။ နောက်ဆုံးမြားဦး စိုက်ခံရသူက ကျွန်တော်တို့ စားသုံးသူများသာ ဖြစ်လေရာ ကျွန်တော်တို့တွေပဲ ကံဆိုးသူ မောင်ရှင်များလော့။

ကုမ္ပဏီများနှင့် အကျိုးတူ ပူးပေါင်းလုပ်ဆောင်မှု ဆိုသော်လည်း ပြည်သူတို့ဘက် ငဲ့ကွက်စဉ်းစားမှု မပြုဘဲ ကုမ္ပဏီတို့၏ ထုတ်လုပ်မှုစရိတ် ကာမိစေရေးအတွက် တွက်ချက်တောင်းခံလာသည့် နှုန်းထားများအတိုင်း သဘောတူညီမှုပြုကာ ပြည်သူတို့အပေါ် စရိတ်စကများ တိုးမြှင့်ကောက်ခံ နေခြင်းမျိုးမှာ ပြည်သူတို့အပေါ် မငဲ့ကွက် မစာမနာရာ ရောက်ပေသည်။

နိုင်ငံတော် အနေဖြင့် လျှပ်စစ်ကဏ္ဍအတွက် အသုံးစရိတ်များစွာ ရင်းနှီး၍ လုပ်ကိုင်ဆောင်ရွက်လျက် ရှိသော်လည်း ယခုအချိန်ထိ လျှပ်စစ်ဓာတ်အား လိုအပ်မှုများမှာ ၇၅ ရာခိုင်နှုန်း အထိပင် ရှိသေးကြောင်း ကိုလည်း သိရပေသည်။ လျှပ်စစ်ဓာတ်အားခ တိုးမြှင့်ကောက်ခံမည့် အနေအထားပေါ် ပြည်သူတို့၏ အသံများကိုလည်း ကြားသိရပေရာ "စီးပွားရေးကလည်း အခက်အခဲတွေနဲ့ အကျပ်အတည်းတွေ ဖြစ်နေတဲ့ အချိန်မှာ ရုတ်တရက် မီတာခတွေ တိုးမြှင့်လိုက်တော့ ငွေကုန်ကြေးကျ ပိုများလာတာပေါ့။ အိမ်မှာက သားသမီးတွေရဲ့ ၀န်ထမ်းလစာတွေကလည်း မလောက်ငဘူး။ သွားရလာရတဲ့ ခရီးစရိတ်နဲ့တင် လစာက ထက်ဝက်ကျိုးနေတာ အခုတော့ မီတာခကပါ တက်မယ်ဆိုတော့ ပိုပြီးဒုက္ခရောက်ဖို့ပဲ ရှိတော့တာပေါ့။ ကုန်ကျမယ့် စရိတ်တွေကသာ ပိုများလာတယ်။ ပိုပြီးလျော့သွားတယ် ဆိုတာမျိုးတော့ မရှိပါဘူး" လို့ တစ်ဦးက ဆိုပါသည်။

နောက်တစ်ဦးကတော့ "လျှပ်စစ်မီး အချိန်မှန်ရမယ်လို့ အာမခံနိုင်တဲ့အချိန် သင့်တင့်တဲ့ဈေးကိုတိုးတာ အကြောင်းမဟုတ်ဘူး။ စီးပွားရေး လုပ်ငန်းတွေကလည်း ကောင်းလားမေးရင် အရင်အတိုင်းပဲ။ အများပြည် သူရဲ့ နေ့စဉ်ဝင်ငွေကလည်း တိုးလာတာ မဟုတ်ဘူး။ ဓာတ်အားခ တိုးမယ်ဆိုရင်လည်း ပြင်ဆင်ချိန် ရအောင် အချိန်လုံလောက်စွာနဲ့ အသိပေးသင့်တယ်။ အများပြည်သူက မဲပေးရွေးချယ်ထားတဲ့ အစိုးရဖြစ် တယ်လို့ ဆိုတဲ့အတွက် အများပြည်သူကို သေချာချပြပြီးမှ လုပ်သင့်တယ်လို့ ထင်တယ်" လို့ ရင်ဖွင့်ခဲ့ပါ သည်။

ဒီကနေ့ အချိန်၌ ကုန်ဈေးနှုန်းများကလည်း ဘက်ပေါင်းစုံက တက်နေသည့် အချိန်ဖြစ်သည်။ ထို့အတူ အလုပ်အကိုင် အခွင့်အလမ်းများကလည်း ခက်ခဲလျက် အလုပ်လက်မဲ့ နှုန်းကလည်း ရာခိုင်နှုန်း ၆၀ အထိ မြင့်တက်နေချိန်ဖြစ်သည်။ အစစ အရာရာတွင် အခက်အခဲမျိုးစုံ အိမ်ငှားခဈေးနှုန်း များကလည်း မိုးထက်သို့ တိုးတက်နေချိန် ဒီလိုအချိန်မျိုးနှင့် တိုက်တိုက်ဆိုင်ဆိုင် လျှပ်စစ်ဓာတ်အားခများကို တိုးမြှင့်လိုက်ခြင်းက အချိန်ကိုက် ဖောက်ခွဲလိုက်လေ သလားဟု ထင်မှားဖွယ် ဖြစ်၍နေပါသည်။

ဒီကိစ္စနှင့် ပတ်သက်၍ Eleven Media Group ၏ CEO ဒေါက်တာသန်းထွဋ်အောင်ကတော့ ဒီလိုပြောပါ သည်။ "ဒီလို ဖွဲ့စည်းပုံ အခြေခံဥပဒေ ပြင်ဆင်ရေး ပြည်တွင်းငြိမ်းချမ်းရေးတွေကို ပြည်သူတွေ အာရုံစိုက်နေ တဲ့ အချိန်မှာ ဒါဟာနောက်ထပ် ဖောက်ခွဲလိုက်တဲ့ ဗုံးတစ်လုံးပေါ့ဗျာ။ ကုန်ဈေးနှုန်းတွေ တက်နေတယ်။ ပြည်တွင်း ပဋိပက္ခ ပြဿနာတွေကြောင့် လူတွေစီးပွားရေး မကောင်းဘူး။ နိုင်ငံခြား ရင်းနှီးမြှုပ်နှံမှုတွေ ထင်သလောက် မ၀င်လာဘူး။ ပြည်သူတွေ ပိုကျပ်တည်း လာနေတယ်။ ဒီအခြေအနေမျိုးမှာ လျှပ်စစ်ခကို ဒီလိုနှစ်ဆ တိုးလိုက်တယ်ဆိုတာ အတော်ကြီး မညှာမတာ လုပ်ရာကျပါတယ်။ ဒီ Impact အရမ်းကြီးတယ်။ ၂၀၀၇ ခုနှစ်က စက်သုံးဆီ ဈေးတက်သလို ဖြစ်လာလိမ့်မယ်"

နိုင်ငံတော် အကြီးအကဲများက ဆိုခဲ့ပါသည်။ နိုင်ငံတော် အစိုးရက ၁၆ ရာခိုင်နှုန်းအထိ ဆင်းရဲမွဲတေမှု ကိန်းဂဏန်းများကို လျှော့ချသွားရန် ဆက်လက်ဆောင်ရွက် နေပါသည်ဟု ဆိုပါသည်။ အပြောနှင့် လက်တွေ့ လုပ်ဆောင်ချက်များ ထပ်တူညီဖို့ လိုပါသည်။ သို့မှသာ အလုပ်ဖြင့် သက်သေပြရာ ရောက်နိုင် မည် ဖြစ်ပါသည်။ ပြည်သူ့လွှတ်တော် ဥက္ကဋ္ဌကြီးကလည်း ပြောခဲ့ဖူးပါသည်။

ကျွန်တော်တို့ ပြဋ္ဌာန်းလိုက်တဲ့ ဥပဒေတွေဟာ "နိုင်ငံတော်နှင့် နိုင်ငံသား အကျိုးစီးပွားကို ကာ ကွယ်စောင့်ရှောက်သည့် ဥပဒေဖြစ်ရေး" ဟု ဆိုထားခဲ့ပေရာ လျှပ်စစ်ဓာတ်အားခ နှစ်ဆတိုးမြှင့် ကောက်ခံမည် ဆိုသည့် ကိစ္စကတော့ ကျွန်တော်တို့ကဲ့သို့ အများပြည်သူ၏ အကျိုးစီးပွားကို ကာကွယ်စောင့်ရှောက်ရာ မရောက်ဘဲ လက်တစ်ဆုပ်စာ ကုမ္ပဏီကြီးများ၏ အကျိုးစီးပွား အတွက်သာလျှင် ကြည့်ရာ ရောက်မနေပေဘူးလားဟူ၍ မေးခွန်းထုတ်လာ ခဲ့သော်...။

ကမ္ဘာ့ အကောင်းဆုံးအဆင့် တိုက်စစ်အတွဲမျိုးကို မိမိပိုင်ဆိုင်ထားကြောင်း မိုယက်စ်ကြွေးကြော်

Posted by drmyochit Saturday, November 02, 2013, under | No comments


မိမိသည် ကမ္ဘာ့အကောင်းဆုံးဟု ညွှန်းဆိုနိုင်လောက်သည့် တိုက်စစ်အတွဲအဖက်ကို ပိုင်ဆိုင်ထားကြောင်း မန်ချက်စတာ ယူနိုက်တက် မန်နေဂျာ ဒေးဗစ်မိုယက်စ်က ကြွေးကြော်လိုက်သည်။

ရော်ဘင်ဗန်ပါစီနှင့် ဝိန်းရွန်နီတို့၏ အတွဲအဖက်သည် ပရီးမီးယားလိဂ်တွင် အကောင်းဆုံးဖြစ်သလို ကမ္ဘာ့အဆင့်ထိ အမြင့်ဆုံးအခြေအနေ နှိုင်းယှဉ်နိုင်ကြောင်း မိုယက်စ်က ဆိုသည်။ လက်ရှိတွင် ပရီးမီးယား လိဂ်၌ လီဗာပူးလ်၏ ဒန်နီရယ်လ် စတားရစ်ဂ်ျနှင့် လူးဝစ်ဆွာရက်ဇ်တို့ နှစ်ဦးက အကောင်းဆုံးပုံစံ ရရှိနေသော်လည်း ရွန်နီနှင့် ဗန်ပါစီ အတွဲသာ အကောင်းဆုံးဟု မိုယက်စ်က ယုံကြည်ထားသည်။ ပြီးခဲ့သည့် သီတင်းပတ် ပရီးမီးယားလိဂ် ပွဲစဉ်များတွင် နှစ်သင်းလုံးမှ တိုက်စစ်အတွဲများ အပြိုင်ဂိုးသွင်းခဲ့ကြသည်။

မိုယက်စ်က "ရွန်နီနဲ့ ဗန်ပါစီတို့ဟာ အကောင်းဆုံး အခြေအနေမှာ ရှိနေပါတယ်။ ကမ္ဘာပေါ်မှာရှိတဲ့ အကောင်းဆုံးဆိုတဲ့ ဘယ်တိုက်စစ်အတွဲကိုမဆို ယှဉ်နိုင်ပါတယ်။ ဒီနိုင်ငံ အဆင့်လောက်ကို ကျွန်တော် ထည့်ပြောမနေတော့ဘူး။ သူတို့နှစ်ယောက် တကယ်ခြေတွေ့ပြီဆိုရင် အကောင်းဆုံးဆိုတာ ငြင်းစရာကို မရှိတော့ဘူး"ဟု ပြောကြားခဲ့သည်။ ယူနိုက်တက်သည် ဖူလ်ဟမ်နှင့် ယနေ့ညတွင် ရင်ဆိုင် ကစားရ မည်ဖြစ်ပြီး ကွင်းလယ်တွင် မိုက်ကယ်ကာရစ်မှ ခြေဖနောင့် ဒဏ်ရာကြောင့် ပါဝင်နိုင်မည် မဟုတ်ချေ။ ဗန်ပါစီသည် ခြေမနှင့် ပေါင်ခြံ အတန်ငယ် နာကျင်မှု ရှိသော်လည်း ယခုပွဲအတွက် ကြံ့ခိုင်မှု ပြည့်ဝနေဖွယ်ရှိကြောင်း သိရှိရသည်။ 

Ref: dailymail

အရမ်းလန်းတဲ့ မင်းသမီးလေး Pwint Nadi Mg

Posted by drmyochit Saturday, November 02, 2013, under | No comments










Myanmar Model Girls

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်