Intraductal papillomas ရင်သားကနေ သွေးထွက်တဲ့ရောဂါ

ကျမအသက် ၂၉ နှစ်ပါ၊ အသက် တနှစ်နဲ့ ၃ လ ကလေးတစ်ယောက်ရှိပါတယ်။ ညာဘက် နို့သီးခေါင်းက သွေးထွက်ထွက် နေလို့ပါ ဆရာ။ အမြဲတမ်း သွေးထွက်နေတာလဲ မဟုတ်ဘူး၊ ပျောက်လိုက် ပြန်ပေါ်လိုက်၊ ဖြစ်တာ ၂ နှစ်ခွဲ ၃ နှစ် နီးပါး ရှိပြီလို့ပြောလို့ရတယ်။ ဖြစ်ဖြစ်ချင်း ဆရာဝန်သွားပြတယ်။ Mammogram စစ်ခိုင်းလို့ စစ်ကြည့်တော့ ကင်ဆာ မဟုတ်ဘူးလို့ ပြောတယ်။ စိုးရိမ်စရာ မရှိဘူးဆိုပြီး၊ Antibiotic ဆေးတမျိုးပေးတယ်၊ အဲဒါသောက်ပြီး သွေးထွက်ရပ်သွားတယ်။ တော်တော်လေး ကြာတော့မှ ပြန်ပေါ်လာတယ်။ ကလေး မွေးပြီးပြီးချင်း နို့ဦးရေ ညှစ်တဲ့အချိန်တုန်းက တခါထွက်ပြီး၊ အဲဒီတုန်းက Nurse က သွေးတွေ အကုန်ညှစ်ထုတ်ပြီး နို့ရေ ပြန်ထွက်လာတော့မှ ကလေးကိုတိုက်တယ်။ ကလေးကို ၁၁ လထိ နို့တုိုက်တယ်။ အဲဒီ အချိန်ထိ ဘာမှမဖြစ်ဘူးဆရာ။ အခုကလေး နို့ဖြတ်ပြီး ၂ လ လောက်အကြာမှာ အခုပြန်ဖြစ်နေလို့ပါ။ အခုထိ နို့ကို ညှစ်လိုက်ရင် နို့ရေရော သွေးပါထွက်တယ်။ ရင်သားကင်ဆာများလားလို့ စိုးရိမ်လို့ပါဆရာ။

နို့ကနေ နို့မဟုတ်တာတွေ ထွက်နိုင်တယ်။
(၁) Cloudy white color အများဆုံးဖြစ်တတ်တဲ့ ခပ်နောက်နောက် အဖြူရည် Galactorrhea ကြောင့်ဖြစ်တယ်။
(၂) Clear or light white အဖြူရောင်အရည်ကြည်ဟာ Pregnancy ကိုယ်ဝန်ဆောင်ချိန်မယ် ထွက်တယ်။
(၃) Whitish-yellow ဖြူဝါဝါ၊ Yellow အဝါ နဲ့ Green ခပ်စိမ်းစိမ်းဟာ Infection ပိုးဝင်လို့ထွက်တဲ့ Pus ပြည် ဖြစ်တယ်။
(၄) Red သွေးပါတဲ့ အနီရောင်ဟာ Infection ပိုးဝင်တာ၊ Intraductal papillomas နို့ပြွန်ရောဂါနဲ့ Breast cancer နို့ကင်ဆာတွေကြောင့် ဖြစ်မယ်။
• ပိုးဝင်တာကို ပိုးသေဆေးနဲ့ အနာ-အရောင်သက်သာဆေးပေးတာနဲ့ ကောင်းသွားမယ်။
• Intraductal papillomas နို့ပြွန် (ပက်ပလိုမား) ရောဂါက ၂-၃% လောက်ဖြစ်တယ်။
• လက်နဲ့စမ်းလဲ မတွေ့တတ်ပါ။ ရှိနေပေမဲ့ မနာဘူး။ သွေးမဟုတ်ဘဲ အရည်ကြည်လဲ ထွက်နိုင်တယ်။
• နို့နှစ်ဖက်လုံးမှာလဲ ဖြစ်နိုင်တယ်။
• တွေ့ရင်လဲ ကင်ဆာမဟုတ်တာက များတယ်။ ကင်ဆာကိုလဲ ပြောင်းမသွားပါ။ အသက်ကြီးရင် သူကလဲ ကြီးလာနိုင်တယ်။
• များသောအားဖြင့် အမျိုးသမီး အသက် ၂ဝ ကနေ ၄ဝ အတွင်းမှာဖြစ်ကြတယ်။
• နို့သီးခေါင်းနားမှာဖြစ်တာ (အသက်ကြီးသူတွေပိုဖြစ်တာ) နဲ့ ဘေးမှာဖြစ်တာ (ငယ်သူတွေမှာဖြစ်တာ) ဆိုပြီး (၂) မျိုးရှိတယ်။
• ငယ်သူတွေမှာ ဘေးပိုင်းဖြစ်တာဆိုရင် ကင်ဆာ ဟုတ်-မဟုတ် စစ်ဆေးဘို့ ပိုလိုအပ်တယ်။
• အတော်များများက Mammography (မယ်မိုဂရမ်) ရိုက်ပေမဲ့ သေးလွန်းလို့ မတွေ့တတ်ဘူး။ Galactogram (ဂလက်တိုဂရမ်) နဲ့ Biopsy (ဘိုင်အော့ပ်စီ) လုပ်သင့်တယ်။ Fine needle aspiration cytology (FNA) နဲ့ Core biopsy/Vacuum assisted biopsy နည်းတွေရှိတယ်။
• အနုကြည့်မှန်ဘီလူးနဲ့စစ်ဆေးရင် Atypical cells atypical cells ပုံမှန်မဟုတ်တဲ့ (ဆဲလ်) တွေ တွေ့မယ်ဆိုရင် တချိန်မှာ ကင်ဆာဖြစ်နိုင်တယ်။
• တချို့မှာ တခုမကရှိနေရင်လဲ ကင်ဆာ ဖြစ်လာနိုင်ခြေပိုများနိုင်တယ်။
• ကင်ဆာမဟုတ်တာသိရရင် ဆေးကုစရာမလိုပါ။
• ဒါပေမဲ့ Excision biopsyခွဲထုတ်ပြစ်ပြီး စစ်ဆေးတာ လုပ်နိုင်တယ်။
• တချို့ကို Microdochectomy ဖြစ်နေတဲ့ နို့ပြွန်ထုတ်ပြစ်တာ လုပ်နိုင်တယ်။
• ဒါမှမဟုတ် Hadfield’s operation အဓိကကျတဲ့နို့ပြွန်ကိုပါထုတ်တာ လုပ်မယ်။

ဒေါက်တာတင့်ဆွေ
၉-၂-ဝ၁၄

ဆက်ဖတ်ရန်>>>>

ကြိုးပေး၍ အဆုံးစီရင်မှု များပြားလာသော အီရန်

ကုလသမဂ္ဂ၏ အီရန်နိုင်ငံဆိုင်ရာ လူ့အခွင့်အရေး အထူးကိုယ်စားလှယ် အာမက်ရှာဟီးဒ်နှင့် ခရစ္စတော့ဟေး တို့သည် အကျဉ်းနည်းဖြင့် စစ်ဆေး၍ ကြိုးပေးအဆုံး စီရင်ခြင်းပြစ် ဒဏ်ပေးခြင်းများ

၂ဝ၁၄ ခုနှစ် အစကတည်းက အီရန်နိုင်ငံအတွင်း အထူးများပြားလာခြင်းကို ချက်ချင်း ရပ်တန့်ရန် အီရန်အစိုးရအား တောင်းဆိုလိုက်သည်။ ကျွန်တော်တို့ အရမ်းကို အံ့အားသင့်မိပါတယ်။ အာဏာပိုင်တွေ အနေနဲ့သေဒဏ်အပြစ် ပေးခြင်းများကို ဆက်လက် ကျင့်သုံးနေတာကို တရားဝင် ဆိုင်းငံ့ထားဖို့ အကြိမ်ကြိမ် တောင်းဆိုထားတဲ့ကြားက အာဏာပိုင်တွေက အခုလိုတိုးပြီး လုပ်နေတာဟာ အလွန်ရက်စက်တဲ့ လူမဆန်၊ လူစိတ်ကင်းမဲ့တဲ့ ၊ လူ့သိက္ခာကို လျှော့ချတဲ့လုပ်ရပ်ပါပဲ။ ထိုသို့သော သေဒဏ်အပြစ် ပေးခြင်းကို အဓိကပြောဆိုနေပေသည်။ ဇန်နဝါရီလ ပထမနှစ် ပတ်အတွင်း လူပေါင်း ၄ဝကြိုးပေး သေဒဏ်ချခဲ့ကြောင်း သတင်းပို့ခဲ့ရာ ပြီးခဲ့သည့် တစ်ပတ်တည်းမှာပင် ၃၃ ဦးကို ကြိုးပေးခဲ့သည်။ အနည်းဆုံး အမျိုးသမီး၂၈ ဦးပါ၍ နိုင်ငံရေး အကျဉ်းသား တချို့လည်း ပါသည်။ ပြီးခဲ့သည့် ၂ဝ၁၃ ခုနှစ်တွင် စုစုပေါင်း ၆၂၅ ဦးကို သေဒဏ်အပြစ်ပေး ကွပ်မျက်ခဲ့သည် ဆို၏။

ဤသေဒဏ် အပြစ်ပေးခံရသူ အများစုမှာ မူးယစ်ဆေးဝါးနှင့် ပတ်သက်သော ပြစ်မှုကျူးလွန်ခြင်းများ ဖြစ်၍ တချို့မှာ မိုယာရာဘေး ရာဇဝတ်မှုဖြစ်သော ဘုရားသခင် အားရန်ပြုမှု သို့မဟုတ် အမျိုးသား လုံခြုံရေး ထိခိုက်သော ကျူးလွန်မှုများ ဖြစ်သည်ဟုသိရ၏။

အစိုးရက အကြီးအကျယ် စိုးရိမ်နေသည်မှာ နိုင်ငံတကာ ဥပဒေက သေဒဏ်စီရင်ရန် လိုအပ်ချက်ဖြစ်သော အရေးကြီးဆုံး ရာဇဝတ်မှုများ အတွက် သတ်မှတ်ထားသည့် အချက်များနှင့် ကိုက်ညီခြင်း မရှိပေ။ ထို့အပြင် အမှုကို တရားစစ်ဆေး စီရင်ရာတွင် ထူးခြားသော တရားစီရင်ရေး လုပ်ထုံးလုပ်နည်းများ၊ အကျဉ်းနည်းနှင့် စစ်ဆေးစီရင်ခြင်းများ သို့မဟုတ် မိမိစိတ်ထင်ရာ ကွပ်မျက်ခြင်းများသည် တရားခံ၏ ရပိုင်ခွင့် အခွင့်အရေးများ မပေးဘဲ စစ်ဆေးစီရင် ကွပ်မျက်ခြင်းများကို စိုးရိမ်နေခြင်း ဖြစ်သည်။ သေဒဏ်အပြစ် ပေးခြင်းသည် ယင်းဥပဒေကို မဖျက်သိမ်း ရသေးသော နိုင်ငံများတွင် ပြုလုပ်ကြခြင်း ဖြစ်ရာ ထပ်မံ၍တစ်ကြိမ် တောင်းဆိုလိုက်ပါသည်။ အပြည်ပြည်ဆိုင်ရာ ဥပဒေအရ တရားစီရင်ရေးကို လေးစားလိုက်နာမှု အဆင့်မြင့်ဆုံးအထိ အဆင့် ဆင်ြ့ပုလုပ်ပြီးမှသာ မဖြစ်မနေ သေဒဏ်ပေးရမည်ဆိုပါက သေဒဏ်ပေးရန် စဉ်းစားရပါမည်။ ယခုအခါ အပြည်ပြည်ဆိုင်ရာ လူသတ်မှု ကျူးလွန်ခြင်းအတွက် အရေးကြီးဆုံး ရာဇဝတ်မှုအဖြစ် မဖြစ်မနေ လိုအပ်မှသာလျှင် ကျင့်သုံးရမည့် သဘောဖြစ်ကြောင်း မစ္စတာဟေးက ပြောသည်။

လူတို့၏ လွတ်လပ်စွာ စုဝေးခွင့်၊အသင်းဖွဲ့ခွင့်၊ တစ်ကမ္ဘာလုံးက လူ့အခွင့်အရေးဆိုင်ရာ အခြေခံမူများနှင့် စံညွှန်းအဖြစ် လက်ခံထားသော အရာများကို ချိုးဖောက်လျက် လူနည်းစုအဖွဲ့များတွင် ပူးပေါင်းပါဝင်သည်ဆိုပြီး လူတစ်ဦးချင်း သေဒဏ်အပြစ် ပေးနေခြင်းကို မစ္စတာရှာဟီးဒ်က ပြောသည်။ လွတ်လပ်သော တစ်သီးပုဂ္ဂလ လူ့အခွင့်အရေး ကျွမ်းကျင်သူက အစိုးရသည် ၂ဝ၁၃ ခုနှစ် အောက်တိုဘာ၂၆ တွင် ဘာလော့ခ်ျ မျိုးနွယ်စုဝင် ၁၆ ဦးကို ထိုနေ့မတိုင်မီက နယ်ခြားစောင့် ၁၄ ဦးကို သတ်ဖြတ်မှုအား လက်စားချေသည့် အနေဖြင့် ကြိုးပေးစီရင်ခဲ့သည်ဟု မှတ်တမ်းပြု ထားသည် ဆို၏။ တခြားပြစ်မှုများအတွက် လက်စားချေသည့် ပုံစံမျိုးဖြင့် လူတစ်ဦးချင်းကို သေဒဏ်အပြစ် ပေးခြင်းသည် အပြည်ပြည်ဆိုင်ရာ လူ့အခွင့်အရေး ဥပဒေအရ တရားမ ဝင်သော လုပ်ရပ်ဖြစ်သည် ဆိုသည်မှာ မေးစရာ မလိုသော ကိစ္စဖြစ်သည်ဟု ကျွမ်းကျင်သူက ပြောသည်။ အီရန်အစိုးရသည် လူတိုင်း၏ အသက်ရှင်ခွင့် အခွင့်အရေးကို လေးစား လိုက်နာရန် ဥပဒေအ ရ ဖြစ်စေ တာဝန်ရှိသည်။ ဤသည်မှာ လူ့အခွင့်အရေး အားလုံးထဲတွင် အခြေခံအကျဆုံး လူ့အခွင့်အရေးကြီး ဖြစ်သည်ဟုဆို၏။ ကျွမ်းကျင်သူများ၏ အသနားခံချက်ကို ကုလသမဂ္ဂ အထူး ကိုယ်စားလှယ်က ညှဉ်းပန်းနှိပ်စက်မှုနှင့် တခြားရက်စက်မှုများ၊ လူမဆန်၊ လူစိတ်ကင်းမဲ့သော သိက္ခာချဆက်ဆံမှု၊ အပြစ်ပေးမှုဆိုင်ရာ အထူးကိုယ်စားလှယ် ဂျူအန်အီးမင်ဒေ့ဇ် က ဖော်ပြ ထားသည်။ ပြင်သစ်မြို့ တော်ဝန်များသည် အီရန်အမျိုးသား တော်လှန်ရေး ကောင်စီဥက္ကဋ္ဌအဖြစ် ရွေးချယ်ခံထားရသူ မစ္စစ်မာရမ် ရာဂျာဗီအား ထောက်ခံကြပြီး အီရန်တွင် သေ ဒဏ်ပေးနေခြင်းကို အီရန်အစိုးရက ဟန့်တားရန် နိုင်ငံတကာ အသိုင်းအဝိုင်းက ဖိအားပေးရေး အတွက်နှင့် အီရန်ရှိကမ့် လစ်ဘာတီ စခန်းတွင် နေထိုင်ကြသူများကို ကာကွယ် စောင့်ရှောက်ရန် ချက်ချင်းအရေးယူ ဆောင်ရွက်ရန် ဖိအားပေးရေးကို ထောက်ခံကြသည်။ မြို့တော်ဝန်များက ကြေညာချက်တစ်စောင် ထုတ်ပြန်ရန် မစ္စစ်မာရမ် ရာဂျာဗီထံသို့ ပေးအပ် ခဲ့ရာ အီရန်တွင် ယခင်က သဘောထား ပျော့ပျောင်းသော သမ္မတ ဟက်ဆန်ရူယာနီ ရွေးကောက်ပွဲ ကတည်းက လူ့အခွင့်အရေး ချိူးဖောက်မှုများ အလွန်မြင့်မားလာမှုကို မှတ်သားမိသည်ဆို၏။ အီရန်ဒေသအတွင်း စစ်လိုလားမှုနှင့် လျှို့ဝှက် နျူကလီးယား ပရိုဂရမ်တို့ကြောင့် ပြင်သစ်က အဓိက စိုးရိမ်နေရသည်။ စက်တင်ဘာ ၁ ရက်က ကမ့်အာရှရတ်ကို အီရတ် တပ်ဖွဲ့က တိုက်ခိုက်မှုအား ပြစ်တင်ရှုတ်ချသည်။ ဤကိစ္စကို အနောက်က အရေးမယူဘဲ တိတ်တိတ်နေခြင်းသည် နောက်ထပ်ရက်စက် ကြမ်းကြုတ်မှုများကို လမ်းခင်း ပေးသလို ဖြစ်နေသည် ဆို၏။ မြို့တော်ဝန်များက ပြင်သစ်အစိုးရ၊ ဥရောပ သမဂ္ဂနှင့် အမေရိကန် ပြည်ထောင်စုတို့အား အီရန်တွင် ရက်စက်စွာ သေဒဏ်အပြစ် ပေးနေခြင်းများကို ရပ်တန့်စေရန်ချက်ချင်း အရေးယူ ဆောင် ရွက်ပေးရန် တောင်းဆိုလိုက်ပြီး ဓားစာခံ ဖမ်းဆီးသွားသော အာရှရတ်မှ ခုနစ်ဦးကို စေလွှတ်ပေးရန်နှင့် ကမ့်လစ်ဘာတီမှ အီရန်အတိုက်အခံ အဖွဲ့ဝင် ၃ဝဝဝ ကို ကာကွယ်စောင့်ရှောက်မှု ပေးရန်နှင့် ကမ့်လစ်ဘာတီမှ အာရှရတ် လူများစွာ သတ်မှုကြီးကို စုံစမ်းစစ်ဆေးရေးအတွက် ပေးရန်တောင်းဆို လိုက်သည်။

ညီလာခံတွင် မစ္စစ်ရာဂျာဗီက နျူကလီးယား ညှိနှိုင်းဆွေးနွေးခြင်းကို အလျှော့ပေး ရပ်တည်ခြင်း ပြုလုပ်ရန်နှင့် ဂျီနီဗာ သဘောတူညီချက်ကို အကောင်အထည် ဖော်ရာမှာလည်း တီဟီရန်မှ ဘာသာရေး ခေါင်းဆောင် မူလာတွေကို နျူကလီးယားများအား ရာသက်ပန် ပိတ်သိမ်းပစ်ရန်၊ ဖိအားပေးရန် တောင်းဆိုလိုက်သည်။ အနောက်အနေဖြင့် လွတ်လပ်ခွင့်၊ လူ့အခွင့် အရေးနှင့် နျူကလီယားများ ညှိနှိုင်း ဆွေးနွေးမှုများအရ အီရန်တို့၏ ဆန့်ကျင်မှုတုိ့ကို လျစ်လျူရှုမထားရန် ပြောကြားလိုက်သည်။ ထို့အပြင် အီရန်တွင် ဘာသာရေးအရ နိုင်လိုမင်း ထက် ပြုမှုနှင့် အတူ ၎င်းတို့၏ ဆက်ဆံရေးအတွက် ခံစားနေရသော အီရန်လူမျိုး တို့ကိုလည်း ဤအတိုင်း ပစ်မထားပါရန် စက်တင်ဘာ ၁ ရက်က ကမ့်အာရှရတ် တွင် နေထိုင်သူများက အစုလိုက် အပြုံလိုက် သတ်ဖြတ်မှု၊ ကမ့်လစ်ဘာတီကို ဒုံးကျည်ဖြင့် ပစ်ခတ်မှုများသည် အီရန်က အကြမ်းဖက် နည်းဗျူဟာများ ကျင့်သုံးနေကြောင်းနှင့် ထင်ရှားသော သက်သေများ ဖြစ်ကြောင်းနှင့် ကမ့်လစ်ဘာတီ တွင် နေထိုင်ကြသူများအား ၎င်းးတို့ကို လွှဲပြောင်း မပေးရမချင်း နိုင်ငံတကာ စောင့်ရှောက်မှု အောက်တွင် ထားရှိရန်နှင့် စက်တင်ဘာ ၁ ရက် လူအစုလိုက် အပြုံလိုက် သတ်ဖြတ်မှုအတွက် လွတ်လပ်သော စုံစမ်း စစ်ဆေးရေး လုပ်ရန်ဖြစ်သည်။ သို့ဖြစ်၍ အီရန်တွင် ယခု ၂ဝ၁၄ လဆန်းပိုင်းတွင် ပြစ်မှု ကျူးလွန်သူများ ကို သေဒဏ်အပြစ်ပေးခြင်း အကြိမ်များတိုး၍သာ လာနေခြင်းနှင့် အီရန်အစိုးရ၏ ရက်စက်ကြမ်းကြုတ်မှုများကို အပြည်ပြည်ဆိုင်ရာနှင့် ကုလသမဂ္ဂ၏ စံနှုန်းများကို လိုက်နာဆောင်ရွက်ရေး၊ တစ်ကမ္ဘာလုံးရှိ လူ့အဖွဲ့အစည်းတိုင်းက လက်ခံထားသော လူတိုင်းလူတိုင်း၏ အခြေခံအကျဆုံး လူ့အခွင့်အရေးကြီး ဖြစ်သည့် လူတိုင်းအသက်ရှင်ခွင့်ကို အလေး ထားလေးစား လိုက်နာရေးတို့ကို အနောက်နှင့် ဥရောပ သမဂ္ဂ နိုင်ငံများက စိုးရိမ်တကြီး တောင်းဆိုနေခြင်းကို သူ့နိုင်ငံသူ့ ဥပဒေအရ သူလုပ်ချင်ရာ လုပ်နေသည်မှာ မိမိတို့နှင့်မဆိုင် သူတပါး၏ ပြည်တွင်းရေးကို ဝင်မစွက်ဖက်သင့်ဟူသော မူနှင့်နေမည်လား၊ အီရန်သည်လည်း နိုင်ငံတကာ အသိုင်းအဝိုင်း အဖွဲ့အစည်းဝင် နိုင်ငံဖြစ်၍ အပြည်ပြည်ဆိုင်ရာက ကျင့်သုံးနေသော စံနှုန်းများအရ လိုက်နာမည်ဟု ဖိအားပေးလိုက်နာ ကျင့်သုံးစေမည်လား စာရှုသူတို့ စဉ်းစားကြည့်နိုင်ပါရန် ရေးသားလိုက်ရပါသည်။

မြ၀တီ

ဆက်ဖတ်ရန်>>>>

ဂျော်ဂျီယာနယ်မှ ရှားပါးလှသည့် လူဦးခေါင်းခွံနှင့် လူသားဆင့်ကဲဖြစ်စဉ် အငြင်းပွားဖွယ်

ကမ္ဘာတစ်ဝန်းလုံးတွင် ရှေးခေတ်မှ လူသားများ၏ အရိုးအပိုင်း အစများသည် ပျံ့နှံ့လျက် ရှိနေပေသည်။ တစ်ခါတစ်ရံတွင် သွားတစ်ချောင်း သို့မဟုတ် အရိုးအနည်း ငယ်ကိုတွေ့ရှိ ကြရ၍ သန်းချီလျက်ရှိသည့် လွန်ခဲ့သော ရှေးခေတ်နှစ်များက နေထိုင်ခဲ့ကြသော လူများမှ အနီးကပ် ဆွေမျိုးတော်စပ်မှုကို ကျွန်ုပ်တို့အား ပြောပြနေကြပေ သည်။ အကယ်၍သာ ဦးခေါင်းခွံ အပြည့်အစုံကို တွေ့ရှိရလျှင် ကျောက်ဖြစ်ရုပ်ကြွင်း နိခါတဗေဒ ပညာရှင်များအနေဖြင့် ဝမ်းမြောက် ဝမ်းသာဖြစ်သွား ကြပေလိမ့်မည်။ ကျွန်ုပ်တို့သည် အဆိုပါကျောက် ဖြစ်ရုပ်ကြွင်းများကို ထပ်မံသိရှိရ ပြန်သောအခါ ကျောက်ဖြစ်ရုပ် ကြွင်းတွေ့ရှိရသည့် တစ်နေရာအပေါ် ကျွန်ုပ်တို့၏ မျိုးစိတ်ပွား၏ မိသားစုဇယား ရေးဆွဲလိုက်လျှင် မှုန်ဝါးဝါးလေးသာ မြင်ကြရသဖြင့် အငြင်းပွားဖွယ်ရာ ဖြစ်လာခဲ့ရပေသည်။

 မကြာသေးမီက အရှေ့ ဥရောပ ဂျော်ဂျီယာနယ (Georg-ia) တွင် ရှေးခေတ် လူသားဆွေမျိုး တစ်ဦး၏ နှစ်ပေါင်း ၁ ဒသမ ၈ သန်းကြာ ဦးခေါင်းခွံတစ်ခုကို သုတေသနပညာရှင် အုပ်စုတစ်စုမှ တွေ့ရှိခဲ့ရ၍ ၎င်းကိုယခုအခါ ''Skull 5'' အမှတ် ၅'' ဦးခေါင်းခွံဟု နာမည်မှည့် ပေးလိုက်သည်။ အဆိုပါ ဦးခေါင်းခွံသည် အသိ ဥာဏ်ရှိလာပြီဖြစ်သော ကျွန်ုပ်တို့၏ ရှေးခေတ် လူသားမျိုးနွယ် Homo Genus မှ ဖြစ်ပေရာ ယင်းအကြောင်းကို သုတေသန ပညာရှင်များမှ ''Science Jour-nal" ''သိပ္ပံဂျာနယ်'' တွင် ရေးသား တင်ပြထားကြသည်။ အပြည့်စုံဆုံးသော ရှေးခေတ် လူသား၏ ဦးခေါင်းခွံတစ်ခုဖြစ်ကြောင်း Tbilisi တီဘီလစ်စီမြို့ရှိ Georgion Na-tional Museum ဂျော်ဂျီယာ အမျိုးသားပြတိုက်မှ သုတေသန ပြုမှုခေါင်းဆောင် စာရေးဆရာ ဒေးဗစ်လော့ကီပန်နစ်ဇီ (David Lordkipanidze) ဆိုသူက ပြောကြားခဲ့သည်။

ဂျော်ဂျီယာနယ် ဒမန်နီစီမြို့ (Dmanisi, Georgia) ယခုကာလ တွေ့ရှိရသည့် လူတူလူသား (Ho-minid) သည် ခြေနှစ်ချောင်းဖြင့် ခပ်မတ်မတ် လမ်းလျှောက်နိုင်သော အဆင့်မြင့်နို့တိုက် ရှေးခေတ် လူသားဖြစ်ပေ သည်။ အဆိုပါဒေသ မှာပင် သူတို့အသုံးပြုခဲ့ဟန်တူသည့် ကျောက်လက်နက် ကိရိယာများ၊ တိရစ္ဆာန်အ ရိုးများကို လည်း တွေ့ရှိခဲ့ရသည်။ ဒမန်နီစီလူတူ လူသားများ၏ နမူနာများသည် ယခုကာလ လူသားများကို မျိုးစုံမျိုး ကွဲ ထွေပြားစွာ တွေ့ရှိရမှုများနှင့် နှိုင်းယှဉ် ကြည့်နိုင်၍ သူတို့အားလုံးသည် တစ်မျိုးနွယ်ထဲမှ ဆင်းသက်လာ ခဲ့ကြဟန်တူသည်ဟု အကြံပြုပေးနေကြောင်း လော့ကီပန်နီဇီက ပြောကြားခဲ့သည်။ အကယ်၍သာ ဤလူဦးခေါင်း ခွံနှင့် မေးရိုးငါးခု စလုံးကို နေရာကွဲပြားစွာ တွေ့ရှိခဲ့ရလျှင် လူများက ၎င်းတို့သည် မျိုးစိတ်သီးခြားစီ ဖြစ်ကြမည်ဟု ယူဆကြမည်ဖြစ်ကြောင်း ၎င်းက ထပ်မံရှင်းပြသည်။ ယခုပိုမို၍ အငြင်းပွားဖွယ်ရာ ဖြစ်လာခဲ့ရပါပြီ။

 လော့ကီ ပန်နီဇီနှင့် လုပ်ဖော်ကိုင်ဖက်များ၏ ယူဆချက်များအရ အာဖရိကနှင့် အာရှတိုက်များမှ နမူနာများ တွေ့ရှိခဲ့ သည့်အတိုင်း ခြေနှစ်ချောင်းပေါ် ခပ်မတ်မတ်ရပ်၍ သွားလာနိုင်သော ရှေးခေတ် လူသားမျိုးနွယ်များမှ တစ်မျိုးစုတည်း ဆင့်ကဲပြောင်း လဲလာခြင်း ဖြစ်ကြောင်း ကောက် ချက် ဆွဲယူခဲ့ ကြသည်။ အင်ဒိုနီးရှားနိုင်ငံ ဂျာဗားမှ ရှေးခေတ်လူသားနှင့် ဂျော်ဂျီယာမှ အသစ်တွေ့ရှိရသည့် ရှေးခေတ် လူသား၏ ဦးခေါင်းခွံတို့ အကြား ဆင်တူမှုများ ရှိနေကြပေ သည်။ ''Skull 5'' ''အမှတ်-၅'' ဦးခေါင်းခွံကို ၂ဝဝ၅ ခုနှစ်က တွေ့ရှိခဲ့ရသည်။ ၁၉၉၁ ခုနှစ်တွင် လူ တူလူသား၏ ဦးခေါင်းခွံကို ဒမန် နီစီတွင် တွေ့ရှိခဲ့ရသည်။ ဒမန်နီစီမှ လူသားစားသူများနှင့် လူတူလူ သားများသည် တိရစ္ဆာန်အသေ ကောင်များ အပေါ် သူရလို ကိုယ်ရ လိုအငြင်းပွား၍ တိုက်ခိုက်နေကြ လိမ့်မည်ဟု သုတေသနပညာရှင်များက ယုံကြည်နေကြပေ သည်။

 ကျောက်လက်နက် ကိရိယာများဖြင့် တိရစ္ဆာန်များကို သတ်ဖြတ်ခဲ့ ပုံရသည်။ တိရစ္ဆာန်များ၏ အရိုး များပေါ် တွင် ပြတ်ရှရာ များရှိနေ သောကြောင့် ဟု လော့ကီပန်နီဇီက ပြောကြားသည်။ NEANDE-RTHALS ဟုခေါ်သည့် ဥရောပတိုက်မှ ကျောက်လက်နက် အသုံးပြုသော ရှေးဦး လူသားများ ၏ နောက်ဆုံး ဆင်းသက်လာသူများ ဟုဆိုလျှင် ဖြစ်နိုင်ခြေ ရှိသော်ငြား လည်း အာဖရိကနှင့် အာရှတိုက်များမှ ခပ်မတ်မတ် လျှောက် လှမ်း သူများနှင့် အတူတူဖြစ်သည်ဟု အဆိုရှိသည်ကို လက်မခံနိုင်ဖွယ်ရာ ဖြစ်သည်။

မြ၀တီ

ဆက်ဖတ်ရန်>>>>

“SEA Games ပြိုင်ပွဲအတွင်း ပြည်သူ သန်း ၆၀ ၏ ချစ်ခင်မှုများဖြင့် ထွေးပွေ့ခြင်း ခံခဲ့ရသူ”

Sunday, February 9, 2014

၂၀၁၃ ခုနှစ်အတွင်း ပရိသတ်ချစ်ခင်မှု အများဆုံး ရရှိခဲ့သော ဘောလုံးသမားကို ပြပါဆိုလျှင် (၂၇) ကြိမ်မြောက် အရှေ့တောင်အာရှ အားကစားပြိုင်ပွဲ အမျိုးသမီး ဘောလုံးပြိုင်ပွဲများတွင် တတိယနေရာဖြင့် ကျေနပ် ခဲ့ရသော်လည်း ပြည်သူများ ပေးအပ်သော ချစ်ခင်မှု ရွှေတံဆိပ်ဆုကို ရရှိခဲ့သော မြန်မာအမျိုးသမီး အသင်း၏ နံပါတ် (၇) အင်္ကျီဝတ်ဆင်သူ ကွင်းလယ်ဗိုလ်ချုပ်၊ မြန်မာ အမျိုးသမီးအသင်း၏ ပရိသတ် အားပေးမှု အများဆုံး ကစားသမား၊ သူမ၏အမည်ကို ကိုယ်ပေါ်တွင် ဆေးမင်ကြောင် (Tattoo) ထိုးပြီး ဂုဏ်ပြုခြင်းခံခဲ့ရသော ပထမဆုံး အမျိုးသမီးအား ကစားသမား၊ ပြည်သူများ၏ ချစ်ခင်မှုများဖြင့် ထွေးပွေ့ခြင်း ခံခဲ့ရသူအဖြစ် သတ်မှတ်ပြီး ချစ်ထွေးလေးဟု ပရိသတ်များကခေါ်သူ သန်းသန်းထွေးကိုပင် ရွေးချယ်ပြသမိမည် ဖြစ်သည်။

သူမ၏ ဘောလုံး အားကစားနည်းနှင့် ပတ်သက်သော ဝါသနာစိတ်သည် ငယ်စဉ်ကတည်းက လေးနက်ခဲ့သည်။ မိခင်က ရွာနီးချုပ်စပ်နှင့် ရွာတွင်း ဈေးဝယ်ခိုင်းလိုက်သည့် လမ်းတွင် ဘောလုံးပွဲရှိလျှင် သူမအချိန်မီ အိမ်ပြန်မရောက်တော့။ ဘောလုံးပွဲ ရပ်ကြည့်နေပြီး ပွဲပြီးမှသာ အလုပ်ကို ဆက်လုပ်သည်။

အသက် ၁၁ နှစ်ခန့်တွင် ၎င်း၏မွေးရပ် ဧရာဝတီတိုင်း ညောင်တုန်းမြို့နယ် ဗောဓိကျေးရွာတွင် ပြုလုပ်သော လွတ်လပ်ရေးပွဲများတွင် ခြေစွမ်းပြ ကစားနေပြီ ဖြစ်ပြီး အမျိုးသမီး ကစားဖော် ရှားပါးသောကြောင့် ယောက်ျားများနှင့် ရင်ပေါင်တန်းကာ တွန်းတိုက်ကစားခဲ့သည်။

အထက်တန်း ကျောင်းသူဘဝ ကျောင်းတွင်း ပြိုင်ပွဲများတွင် ဝင်ရောက် ယှဉ်ပြိုင်နေပြီး ၁၂ နှစ်၊ ၁၃ နှစ်အရွယ် ရွယ်တူ မိန်းကလေးများ အလှပြင် ကျော့မော့နေသော ကျောင်းမုန့်စားဆင်းချိန်များတွင် သူမကတော့ ရွယ်တူကောင်လေးများနှင့် ချွေးသံရွှဲရွှဲ အလုအယက် ဘောလုံးကစားနေခဲ့ကြောင်း ၎င်းကပြောကြားသည်။

ကျောင်းပွဲများမှတစ်ဆင့် အသက် ၁၄ နှစ်အရွယ်တွင် ညောင်တုန်းမြို့နယ် လက်ရွေးစင်အဖြစ် ကစားခဲ့ပြီး ပြိုင်ပွဲတစ်ခု ကျင်းပတိုင်း ပွဲစဉ်တောက်လျှောက် အကောင်းဆုံးဆု၊ အကောင်းဆုံး ကွင်းလယ် ကစားသမားဆု အနည်းဆုံး ဆုတံဆိပ် နှစ်ဆုခန့် ရတတ်ကြောင်း သူမက ပြောပြသည်။

မြို့နယ်လက်ရွေးစင်၊ ခရိုင်လက်ရွေးစင်၊ ပြည်နယ်နှင့်တိုင်း လက်ရွေးစင်များအဖြစ် ရွေးချယ်ခံခဲ့ရသည့် အားကစားသမား သက်တမ်းတစ်လျှောက် ဆရာငါးဦးခန့်ဖြင့် ကြုံခဲ့ဖူးပြီး မြေတောင် မြှောက်ပေးခဲ့သူ လက်ဦးဆရာမှာ ညောင်တုန်းမြို့နယ် ငါးလုပ်ငန်းရှင်များအသင်းမှ ဆရာဦးမြင့်စိုးဖြစ်ကာ မိမိဘောလုံးပွဲ အတွေ့အကြုံ ရရှိစေရန် ပြိုင်ပွဲများ ကျင်းပပေးသည်အထိ မိမိကို မြေတောင် မြှောက်ပေးခဲ့ကြောင်း ၎င်းကပြောပြခဲ့သည်။

“ဆရာက ကျွန်မကို လက်ရွေးစင် အသင်းကြီးအထိ ရောက်စေချင်တယ်။ အဲဒီအချိန်က အမျိုးသမီး ပွဲတွေဆိုတာ သိပ်မရှိသေးဘူးလေ။ အဲဒီအတွက် ကန်ချင်ရင်တောင် စောင့်ခဲ့ရတာ။ ဆရာဦးမြင့်စိုးက ပြိုင်ပွဲတွေ မကြာမကြာ ကျင်းပပေးခဲ့တယ်။ ကျွန်မ အားကစားသမားဖြစ်ဖို့ မြေတောင် မြှောက်ပေးတဲ့ ဆရာတစ်ယောက်ပါ” ဟု ၎င်းက ရှင်းလင်းပြောကြားသည်။
“မိန်းကလေးဖြစ်ပြီး ဘောလုံးကန်တာကို အိမ်ကမကြိုက်ပါဘူး၊ တားမြစ်တယ်။ နောက်ပိုင်းကျတော့ ဘောလုံးမှ ဘောလုံးဖြစ်နေတော့ အိမ်က ခွင့်ပြုတယ်လည်း မဟုတ်ဘူး၊ ရှင်းရှင်းပြောရရင် မနိုင်တော့ လွှတ်ပေးလိုက်တာပေါ့” ဟု ၎င်းကဆိုသည်။

အိမ်က အားမပေးခဲ့သော်လည်း မိမိစိတ်အား ထက်သန်သော ဘောလုံးကစားခြင်းကို ကြိုးစားလုပ်ကိုင်ခဲ့ပြီး ၂၀၀၁ ခုနှစ်တွင် မလေးရှားနိုင်ငံ SEA Games ပြိုင်ပွဲအတွက် လက်ရွေးစင်အသင်းတွင် ပဏာမ လူစာရင်း အတွက် ပါခဲ့သော်လည်း အသက်ငယ်ရွယ်မှုကြောင့် နောက်ဆုံးအဆင့်တွင် ချန်လှပ်ထားခြင်း ခံခဲ့ရသည်။

၂၀၀၁ ခုနှစ်ပြိုင်ပွဲတွင် ချန်လှပ်ထားခြင်း ခံခဲ့ရသော်လည်း ဆက်လက်ကြိုးစားခဲ့ပြီး ၂၀၀၃ ခုနှစ် ဗီယက်နမ်တွင် ပြုလုပ်သည့် SEA Games ပြိုင်ပွဲတွင် စတင်ပြီး ၂၀၁၃ ခုနှစ် (၂၇) ကြိမ်မြောက် အိမ်ရှင်မြန်မာ တွင် ပြုလုပ်သော SEA Games ပြိုင်ပွဲအထိ လက်ရွေးစင်အဖြစ် ရွေးချယ်ခြင်း ခံခဲ့ရသည်။

ယခုကဲ့သို့ သူမလက်ရွေးစင်အဖြစ်သို့ ရောက်ရှိရန် ရင်းနှီးခဲ့ရ၊ ကြုံတွေ့ခဲ့ရသည့် အခက်အခဲများမှာ မနည်းလှ။ အဓိက စွန့်လွှတ်ခဲ့ရသည်ကား ပညာရေးပင် ဖြစ်သည်။ မြန်မာနိုင်ငံ၏ အထက်တန်း ပညာရေး၏ နောက်ဆုံးဖြစ်သော တက္ကသိုလ်ဝင်တန်း စာမေးပွဲကို သူမ မအောင်မြင်ခဲ့ပေ။
“ကိုယ်ဝါသနာပါတဲ့ အရာတစ်ခုကို အောင်မြင်ဖို့ အာရုံစူးစိုက်ဖို့အတွက် ကျောင်းစာကို လွှတ်ခဲ့ရတယ်။ ပညာရေးဆိုရင် ၁၀ တန်းတောင် မအောင်ခဲ့ပါဘူး” ဟု ပြောကြားသော သူမအသံသည် အနည်းငယ် တိုးသွားသည်။

သူမသည် ပြည်သူ့ ရေကြောင်း ပို့ဆောင်ရေးဌာနတွင် အကြီးတန်းစာရေးအဖြစ် လုပ်ကိုင်နေပြီး (၂၇)ကြိမ်မြောက် SEA Games ပြိုင်ပွဲပြီးဆုံးလျှင် ဌာနဆိုင်ရာ အလုပ်နှင့် ဘောလုံးကန်ခြင်း တစ်ခုခုကို ရွေးချယ်ရန်အတွက် ဌာနက ညွန်ကြားခဲ့ကြောင်း သူမကဆိုသည်။

သူမ ကစားသမားသက်တမ်း တစ်လျှောက်တွင် အပျော်ရွှင်ခဲ့ဆုံး ပြိုင်ပွဲမှာ ၂၀၀၇ ခုနှစ်က မြန်မာနိုင်ငံတွင် ကျင်းပခဲ့သော အာဆီယံ ချန်ပီယံရှစ်ပြိုင်ပွဲပင် ဖြစ်သည်။ ယင်းတွင် မိမိနိုင်ငံ ပရိသတ်များရှေ့မှောက် ထိုင်းအသင်းကို ပင်နယ်တီအထိ အကြိတ်အနယ် ယှဉ်ပြိုင်ခဲ့ပြီး နိုင်ငံအတွက် ရွှေတံဆိပ်ဆုကြီးကို ရယူပေးနိုင်သော ပွဲဖြစ်၍ မေ့မရဟု ၎င်းက ပြောကြားသည်။

သူမဘဝတွင် အပျော်ရွှင်ဆုံး အမှတ်တရပွဲမှာ ထိုင်းအသင်းနှင့် တွေ့ဆုံသောပွဲ ဖြစ်ခဲ့သလို ဝမ်းနည်းစရာ အကောင်းဆုံးပွဲမှာလည်း ထိုင်းအသင်းနှင့် ပွဲပင်ဖြစ်သည်။ ခြောက်နှစ်အကြာ၌ မြန်မာနိုင်ငံတွင် အိမ်ရှင်အဖြစ် ပြုလုပ်သော (၂၇) ကြိမ်မြောက် SEA Games ပြိုင်ပွဲ အမျိုးသမီးဘောလုံး ဆီမီးဖိုင်နယ်ပွဲစဉ်တွင် ထိုင်းအမျိုးသမီးနှင့် ပြန်လည် တွေ့ဆုံခဲ့ပြီး နောက်ဆုံး ပင်နယ်တီ အဆုံးအဖြတ် ၁၀ ဂိုးအထိ ရောက်ရှိခဲ့ပြီး မြန်မာအသင်း ရှုံးနိမ့်ခဲ့သည့်ပွဲတွင် သူမ ငိုကျွေးခဲ့ရသည်။
“ကိုယ့်ဘက်က ပင်နယ်တီ လွဲခဲ့တဲ့အထိ ရှုံးမယ်လို့ မမျှော်လင့်ထားဘူး။ ဒီလို ပင်နယ်တီကို ဆယ်လုံးလောက် အထိလည်း မရောက်ဖူးဘူးလေ။ နိုင်မယ်လို့ကို မျှော်လင့်ထားတာ။ ရှုံးခဲ့တော့ ဘာမှမပြောနိုင်အောင် စိတ်ဓာတ်ကျ အားပျက်ခဲ့တယ်၊ တာဝန်မကျေခဲ့ဘူးလေ” ဟု သူက ပြောသည်။

မြန်မာအမျိုးသမီး အသင်းအနေနှင့် ဗိုလ်လုပွဲသို့ မတက်ရောက်နိုင်ခဲ့သော်လည်း တတိယနေရာ လုပွဲတွင် မလေးရှားကို ခြောက်ဂိုးအထိ သွင်းယူခဲ့ပြီး သန်း ၆၀ သော ပြည်သူများ၏ ချစ်ခင်မှုဖြင့် ပေးအပ်ခဲ့သော ရွှေတံဆိပ်ဆုကို ရရှိခဲ့သည်။

သန်းသန်းထွေးအနေနှင့် ၂၀၁၃ SEA Games ပြိုင်ပွဲတစ်လျှောက် ပွဲစဉ်လေးပွဲခန့် ပွဲချိန်ပြည့် ကစားခဲ့ပြီး နှစ်ဂိုးသွင်းယူ ပေးနိုင်ခဲ့ကာ အသင်းဖော်များအတွက် အကောင်းဆုံး ဖန်တီးမှုများ ပြုလုပ်ပေးခဲ့သည်။ ပြိုင်ပွဲ စတင်သည်နှင့် အားကြိုးမာန်တက် ကစားသော သူမ၏ ပုံစံကြောင့် ပရိသတ်များ၏ အားပေးမှုကို ရရှိခဲ့ခြင်း ဖြစ်သည်။

ကျားကျားလျားလျားရှိသော အသင်းဖော်များ၏ကြားတွင် အသားဖြူဖြူ မိန်းမဆန်ဆန်ဖြင့် မျက်နှာတွင် သနပ်ခါးရေကျဲဖြင့် ပြေးလွှားကစားနေသော သူမ၏ပုံစံမှာ ပရိသတ်များ၏ ပါးစပ်ဖျားတွင် သန်းသန်းထွေးဟု အော်ဟစ်အားပေးနိုင်စွမ်း ရှိစေသည်။

သူမ၏ အောင်မြင်မှုသည် ထိုမျှလောက်ဖြင့် ရပ်တန့်မသွားသေး။ သူမ၏ အမည်ဖြစ်သော သန်းသန်းထွေးနှင့် ကျောနံပါတ်ဖြစ်သော နံပါတ် (၇)ကို ပရိသတ်တစ်ယောက်က ဆေးမင်ကြောင်ထိုးကာ ဂုဏ်ပြုလိုက်သည်။ မြန်မာအားကစား သမိုင်းတစ်လျှောက်တွင် ကစားသမား အမည်ကို ဆေးမင်ထိုးခြင်းမှာ ပထမဆုံး ဖြစ်နိုင်သည်။

ယင်းအပြင် အခြားဖြစ်ရပ်တစ်ခု ရှိသေးသည်၊ မလေးရှားအသင်းနှင့် ယှဉ်ပြိုင်သည့် တတိယနေရာလု ပွဲစဉ် မိနစ်ကိုးဆယ် + အချိန်ပို ၂ မိနစ်တွင် သန်းသန်းထွေး ဖြတ်တင်ပေးလိုက်ကာ မြင့်မြင့်အေး ပိတ်သွင်းပြီး အောင်ပွဲခံစဉ်တွင် ပွဲကြည့်စင်မှ ပရိသတ်တစ်ဦးက သန်းသန်းထွေးကို လက်ဆွဲနှုတ်ဆက်ရန် ပွဲကြည့်စင်မှ ခုန်ဆင်းခဲ့သောကြောင့် ဘယ်ဘက်ခြေထောက်ရိုး နှစ်ချောင်း ကျိုးသွားခဲ့သည်။
ယခုဆိုလျှင် သူမအား သန်း ၆၀ ၏ ချစ်ခင်မှုများဖြင့် ထွေးပွေ့ခြင်း ခံခဲ့ရသောကြောင့် ချစ်ထွေးလေးဟု အများက ခေါ်နေကြပြီ ဖြစ်သည်။

သူမဘဝတွင် ငယ်စဉ်ကတည်းက ပြည်တွင်း ဘောလုံးသမားများတွင် ဦးသန်းတိုးအောင်၊ ယခုလက်ရှိ အချိန်တွင် ကျော်ကိုကိုနှင့် နိုင်ငံတကာတွင် ပေါ်တူဂီ တောင်ပံတိုက်စစ်မှူး စီရော်နယ်ဒိုကို ကြိုက်နှစ်သက်ကြောင်း သူမက ပြောဆိုသည်။
ပေါ်တူဂီ ကစားသမား ခရစ်စတီရာနို ရော်နယ်ဒိုသည် နိုင်ငံတကာတွင် အောင်မြင်ကျော်ကြားနေပြီး သူ၏ အမှတ်အသားအဖြစ် CR7 ဟု ပရိသတ်များက ခေါ်ဆိုကြကာ မြန်မာနိုင်ငံတွင်လည်း သန်းသန်းထွေးကို ပရိသတ်များက TT 7 ဟု ခေါ်ဆိုကြသည်။

သူမနှင့် မြန်မာ အမျိုးသမီးအသင်းအပေါ် ပရိသတ်များ၏ အားပေးမှုမှာ ပြောစရာပင် မရှိအောင် ကောင်းမွန်ကြောင်း၊ မိမိတို့၏ ကြိုးစားမှုမှာ ၈၀ ရာခိုင်နှုန်း ဖြစ်လျှင် ပရိသတ်၏ အားပေးမှုမှာ ၂၀ ရာခိုင်နှုန်း ပါဝင်ကြောင်းနှင့် ပရိသတ်က မိမိတို့ အားမငယ်ရန် နှစ်သိမ့်ပြီး ပထမဆုပေးသည် ဆိုသော်လည်း မိမိတို့ ရရှိခဲ့သောဆုမှာ တတိယ ဖြစ်နေသဖြင့် ပရိသတ်များအပေါ် တာဝန်မကျေခဲ့ကြောင်း ၎င်းကဆိုသည်။

မိမိအားကစားသက်တမ်း တစ်လျှောက် အော်ဟစ် အားပေးခြင်းများ၊ စာပေးခြင်းများသာ ကြုံဖူးပြီး မိမိအသားအနာခံကာ ဆေးမင်ထိုးကာ ဂုဏ်ပြုသော ပရိသတ်မျိုးရှိသဖြင့် အံ့သြရကြောင်း၊ ပရိသတ်များက ယခုကဲ့သို့ အားပေးလေ မိမိတို့ ပိုမိုသိမ်ငယ်လေ ဖြစ်ကြောင်း ၎င်းကဖွင့်ဟသည်။

သူမအနေနှင့် SEA Games ပြိုင်ပွဲ ငါးကြိမ်ခန့် ကြုံခဲ့ဖူးသော်လည်း ရွှေတံဆိပ်ဆု တစ်ကြိမ်မှ မရဖူးခဲ့ကြောင်း၊ မိမိဘဝတွင် အလိုချင်ဆုံး ဆုတံဆိပ်မှာ SEA Games ပြိုင်ပွဲမှ ရွှေတံဆိပ်ဆုပင် ဖြစ်ကြောင်း သူမက ပြောသည်။
“ကျွန်မ SEA Games ကို ငါးကြိမ် ကြုံဖူးတယ်။ ရွှေတစ်ခါမှ မရဖူးဘူး။ အကြောင်းတစ်ခုမဟုတ် တစ်ခုကြောင့် အမြဲတမ်းလွဲတယ်။ SER Games က ၂ နှစ် တစ်ကြိမ်ဆိုတော့ ဆယ်နှစ်ရှိပြီ အချိန်တွေ နှမြောဖို့ ကောင်းတယ်၊ နောက်အကြိမ်တွေမှာတော့ ရမလား မခန့်မှန်းရဲပါဘူး” ဟု ဆိုသည်။

သူမ၏ ဘောလုံးကန်ခြင်းအပြင် ဒုတိယဝါသနာကို ပြပါဆိုလျှင် ဆရာမ ဖြစ်ချင်သည်ဟု သူမဆိုသည်။
“နောက်တက်လာမယ့် မျိုးဆက်သစ်လေးတွေကို မြေတောင် မြှောက်ပေးရတာ ကျွန်မဝါသနာပါတယ်။ ဘောလုံးလောကက အနားယူဖြစ်ခဲ့မယ် ဆိုရင်လည်း နည်းပြအနေနဲ့ ကျွန်မဆက်လက် လုပ်ဆောင် ဖြစ်မယ်ထင်တယ်” ဟု ဆိုသည်။

သူမအနေနှင့် ဘောလုံးအားကစားကို ကစားနိုင်တဲ့ အချိန်အထိ ကစားသွားမည် ဖြစ်ပြီး SEA Games ပြိုင်ပွဲ ရွှေတံဆိပ်ဆုကို သူမရယူနိုင်အောင် အကောင်းဆုံး လေ့ကျင့်နေပြီ ဖြစ်ကြောင်း ပြောဆိုသည်။

မိမိအနေနှင့် ချစ်သူတစ်ဦး ထားခဲ့ဖူးသော်လည်း လတ်တလောတွင် ချစ်သူတစ်ဦးမှ မရှိသေးကြောင်း၊ နှလုံးသားရေးရာအတွက် အချိန်မပေးနိုင်သေးဘဲ ဘောလုံးတွင်သာ အာရုံစူးစိုက်ထားပြီး ပရိသတ်များအတွက် အကောင်းဆုံး ပေးဆပ်သွားမည် ဖြစ်ကြောင်း ပြောဆိုသည်။
“လတ်တလောတော့ ခြေစွမ်း အကောင်းဆုံးရအောင်ပဲ ကြိုးပမ်းနေပါတယ်” ဟု ဆိုသည်။

ကွင်းအတွင်း အားကြိုးမာန်တက် လိုက်လံဆော့ ကစားသူတစ်ယောက် သာမက လေ့ကျင့်ရေးချိန် များတွင်လည်း အပြင်းအထန် လေ့ကျင့်ပြီး အောင်မြင်မှုကို ဆာလောင်သူတစ်ဦး၊ ပရိသတ်များနှင့် ရင်းနှီးစွာ ဆက်ဆံတတ်သူ တစ်ဦးဖြစ်သည်။ သူမက ပြည်သူများအတွက် သူမ ရယူပေးချင်သော SEA Games ချန်ပီယံဆုကြီးကို ရယူနိုင်အောင် အကောင်းဆုံး ကြိုးစားမည်ဟု ကတိပေး ပြောကြားခဲ့သည်။

(အောင်သော်ဖြိုး)
The Voice Weekly

ဆက်ဖတ်ရန်>>>>

အော်ပရေတာများ၏ ဈေးကွက်ယှဉ်ပြိုင်မှုအရဖုန်းပြောဆိုခများ ကိုဈေးနှုန်းလျော့ချမည်

မြန်မာ့ဆက်သွယ်ရေးလုပ်ငန်းအနေဖြင့် လက်ရှိကာလတွင် မြန်မာ့ စီးပွားရေးကော်ပိုရေးရှင်း(MEC TEL) အပြင် နိုင်ငံတကာဖြင့် မိုဘိုင်းလ်ကွန်ရက်ချိတ်ဆက်အသုံးပြုနိုင်ရန် ပြင်သစ်နိုင်ငံအခြေစိုက် Orange ဆက်သွယ်ရေးကုမ္ပဏီတို့နှင့် အကျိုးတူပူးပေါင်းဆောင်ရွက် လျက်ရှိသည်။

ထို့အပြင် မြန်မာ့ဆက်သွယ်ရေးလုပ်ငန်းအနေဖြင့် (၂)နှစ်တာ ကာလအတွင်း ကိုယ်ပိုင်ဘတ်ဂျက်နှင့် ရပ်တည်နိုင်ရန်နှင့် ဆက်သွယ် ရေးဝန်ဆောင်မှုများကို ပေးအပ်သွားနိုင်ရန်စီစဉ်ထားရှိ သည်။ ““အခုလောလောဆယ်တော့ မြန်မာ့ဆက်သွယ်ရေးလုပ်ငန်းအ နေနဲ့ အကျိုးတူပူးပေါင်းဆောင်ရွက်သွားမယ် Partner တွေကိုညှိနှိုင်း ဖိတ်ခေါ်နေဆဲပါ။

 ပွင့်လင်းမြင်သာမှုရှိတဲ့ လုပ်ငန်းပုံစံနဲ့ ဆက်သွယ်ရေး ၀န်ဆောင်မှုလုပ်ငန်းများကို ပြည်သူတွေစိတ်ကြိုက်ပေးနိုင်ဖို့အတွက် မိုဘိုင်းလ်အော်ပရေတာ(၄)ခုစလုံးက ဆောင်ရွက်သွားမှာပါ။ နောက်ပြီး တော့ဈေးကွက်ယှဉ်ပြိုင်မှုတွေအရ မိုဘိုင်းလ်ဖုန်းဝန်ဆောင်ခနှုန်းထား များကျဆင်းနိုင်ပါတယ်။ ဒါပေမယ့် ကျန်တဲ့ မိုဘိုင်းလ်အော်ပရေတာ တွေ ထိခိုက်နိုင်တဲ့ဈေးအထိ ဈေးနှုန်းလျော့ချလို့တော့မရပါဘူး။ အဲ့ဒီ အတွက်မြန်မာ့ဆက်သွယ်ရေးလုပ်ငန်းက ဦးစီးဆောင်ရွက်သွားမှာပါ။

သင့်တော်တဲ့ မိုဘိုင်းလ်ဝန်ဆောင်မှု ဈေးနှုန်းပဲဖြစ်ပါလိမ့်မယ် ”” ဟု မြန်မာ့ဆက်သွယ်ရေးမှ တာဝန်ရှိသူတစ်ဦးက ပြောကြားခဲ့သည်။

လက်ရှိကာလတွင် မြန်မာ့ဆက်သွယ်ရေးလုပ်ငန်းအနေဖြင့် တန် ဖိုးနည်းမိုဘိုင်းလ်ဖုန်း SimCard များအပါအ၀င် မိုဘိုင်းလ်ဖုန်း SimCard စုစုပေါင်း(၃.၅၄)သန်းကို မြန်မာ့တစ်နိုင်ငံလုံး အတိုင်းအတာဖြင့် ရောင်းချပေးပြီးဖြစ်သည်။ ထို့အပြင် မြန်မာ့ဆက်သွယ်ရေးလုပ်ငန်းမှ ငှားရမ်းသုံးစွဲခွင့်ပြုထားသော မိုဘိုင်းလ် SimCard များကို နိုင်ငံတကာ တွင် အသုံးပြုနိုင်ရန် ဆောင်ရွက်သွားမည်ဖြစ်သည်။ လက်ရှိတွင် မြန်မာ့ဆက်သွယ် ရေးကCorporation အဖြစ် စတင်ပြောင်းလဲ သွားရန်စီစဉ်ထားရှိသည်။

အောင်ရဲကျော်
Ref:Myanmar Digital Life Journal

ဆက်ဖတ်ရန်>>>>

မိမိသခင်ဖြစ်တဲ့ ကိုယ်ဝန်ဆောင်ကျောင်းဆရာမလေးကို သတ်လိုက်လို့ တစ်ရွာလုံးကို ပြန်သတ်ပြီး လက်စားချေ တဲ့ ကြောက်မက်ဖွယ် သစ်ဘီလူး

အညာဒေသ၏တောရွာလေးတစ်ရွာ တွင် မှောင်မှောင်မဲမဲနှင့် တိတ်ဆိတ်နေလေ သည် ။ ထိုအချိန်တွင် စွဲငင်စွာ အူလိုက်သော ခွေးအူသံသည် တိတ်ဆိတ်နေသော ညအချိန်ကိုဖောက်ခွဲလိုက်လေသည်။ ထိုအချိန်တွင် ရွာတောင်ပိုင်းမှအော်သံနှင့်အတူ လူအများမီးဒုတ်များ
လက်နက်များကိုစွဲကိုင်ကာ သူကြီးအိမ်ရှေ့သို့ေ၇ာက်လာကြသည်။
“ သူကြီး သူကြီး မောင်ထုပါအုံး ထစမ်းပါအုံးဟ “ လူအများ၏အော်ဟစ်သံကြောင့်သူကြီးသည် မောင်းကို

တစ်ဒူဒူနှင့်စတင်တီးခတ်လိုက်သည်။ ထိုအခါ ရွာတစ်လုံးမှ လူများသည် ဓားလှံလက်နက်များကိုစွဲကိုင်ကာ
သူကြီးအိမ်သို့အပြေးအလွှားရောက်ရှိလာကြပါသည်။

သူကြီးလည်းအိမ်ထဲမှထွက်လာပြီး “တောင်ပိုင်းက
ဘာဖြစ်လို့လဲကွပြောစမ်းပါအုံးဟ” ထိုအခါ ပွကြီးဆိုသောရွာသားမှ” ကျုပ်တို့အိမ်နားမှာ ခြေသံကြားလို့
ထိကြည့်လိုက်တော့မဲမဲကောင်ကြီးတစ်ကောင် ထောင်ထောင်မောင်းမောင်းနဲ့ သရဲလား တစ္တေလားမသိဘူး အဲဒါကြောင့်ဓားဆွဲပြီးလိုက်လာတာဟုပြောသံအဆုံး တစ်ရွာလုံး
လှုပ်ရှာသွားကြသည်။ ထိုအခါ သူကြီးက “ကဲဘာကောင်လဲဆိုတာအတိအကျတော့မသိဘူး
အဲတော့ဘုန်းကြီးပင့်ပြီး အန္တရာယ်ကင်းတရားလေးဘာလေး
ရွတ်ကြတာပေါ့ကွာ” ဟုပြောကာ မနက်လင်းသောအခါ

ရွာကလေးမှ တရားစာရွတ်သံများအိမ်တိုင်လိုလိုကြားလာကြရပါသည်။
တဲအ်ိမ်လေးတစ်ခုအတွင်းမှာတော့ “ကဲအရီးလေး သမီးပြန်မယ်နော်
ကျန်းမာရေးသေချာဂရုစိုက်” “ကျေးဇူးတင်လိုက်တာ ဆရာမလေးရယ် ဆေးဖိုးဝါးခမပေးနိုင်ပေမဲ့ အလကားကုပေးတဲ့ဆရာမလေးကျေးဇူးကိုဘယ်လိုဆပ်ရမလဲမသိ
ပါဘူး ဆရာမလေးရယ်” “ အရီးလေးကလည်း ဆေးဖိုးဝါးခပြောစရာမလိုပါဘူး ဒီရွာလေးက ကျွန်မအိမ်လိုဖြစ်နေပါပြီ” ဟုပြောကာ လှပသော မိန်းကလေးတစ်ယောက်သည် အိမ်ကလေးထဲမှထွက်ခွာသွားလေသည်။ ဆရာမလေးက
တနယ်တကျေးမှလာ၍ထိုရွာလေးတွင်နေသော ကျေးလက်ဆေးပေးခန်းမှ သူနာပြုဆရာမလေး
မမြခက်ဖြစ်ပါသည်။ ဆရာမလေးသည် ရုပ်ရည်ချောမောလှပကာ
မိန်းကလေးပီသစွာရိုးရိုးယဉ်ယဉ်လေးနှင့်ကျက်သရေရှိသူဖြစ်ပါသည်။

တစ်နေ့ ဆရာမလေးတစ်ယောက်
တစ်ဖက်ရွာမှနေ၍ဆေးကုပြီးအပြန် “ ဆရာမ ဆရာမ “ “ အော်
ဦးလှအောင်ပဲ နေမကောင်းလို့လား မသိဘူး “ “ မဟုတ်ပါဘူးဆရာမလေးရယ် ဆရာမလေးအတွက် ပန်းပင်ပေါက်လေးတွေလက်ဆောင်ပေးချင်လို့ပါ “ “ကျေးဇူးပါပဲ ဦးလှအောင် ရယ် အိမ်လေးကလည်း နည်းနည်းခြောက်ကပ်နေတော့စိမ်းစိမ်းစိုစိုလေးဖြစ်ချင်တာပေါ့” “
ဆရာမလေးရယ် စိမ်းစိမ်းစိုစိုဖြစ်ချင်တာများ ဆရာလေး မောင်စောနိုင်နဲ့လက်ထပ်လိုက်ပေါ့ဗျာ” ဆရာမလေးသည် ရယ်မောရင်း တစ်နေ့နေ့ပေါက်ရှင်ဟုပြောကာ ပျိုးပင်ပေါက်များကိုယူကာထွက်ခါသွားလေသည်။ ဆရာလေးမောင်စောနိုင်သည် ကျောင်းဆရာတစ်ဦးဖြစ်ကာ ဆရာမလေးနှင့်ရေငံနေသူဖြစ်ပါသည်။

ထိုပျိုးပင်ပေါက်များကိုဆရာမလေးသည် အိမ်ခေါင်းရင်းဘက်တွင်သေချာစိုက်ပျိုးလေသည်။ ထိုသစ်ပင်ပေါက်များထဲတွင် အခက်အလက်သိပ်မရှိ မုလာဥကဲ့သို့အရွက်များရှိ၍ပြောင်ချောချောအနေအထားရှိသော အပင်တစ်ပင်ပါလာသည်ကိုတော့ဆရာမလေး သတိပြုမိလိုက်ပါသည်။ ထိုအပင်သည် သစ်မခုတ်ရ
ကျမ်းအလိုအရာ အောက်ပိုင်းရှုး၍ အပေါ်ပိုင်းကြီးသော သစ်ဘီလူးပင်ဆိုသည်သာ ဆရာမလေးသိခဲ့ရင် ……။

အချိန်တွေကြာလာသည်နှင့်အမျှ ဆရာမလေးတို့လဲလက်ထပ်ပြီးပြီး
အပင်ကြီးကလည်းပိုပိုကြီးလာလေသည်။ ထိုအပင်သည်
ဆရာမလေးအတွက် ကံကြမ္မာဆိုးတွေသယ်ဆောင်လာမည်ဆိုသည်ကိုသာ သိခဲ့ရင်

ညနေခင်းရေခပ်ဆင်းချိန် ပျိုးနုတ် ကောက်စိုက် စပါးရိတ်စသည့်စုပေါင်းအဖွဲများကြုံလျှင်လည်း ထိုအကြောင်းမပါမပြီးပေ “ ဟဲ့ကောင်မ ဟိုနေ့က တောင်ပိုင်းက ကိုကျော်ရသားလေး မဲမဲအကောင်ကြီးကိုမြင်ပြီး မေ့သွားသာအခုထိသတိမရသေးဘူးတဲ့” ပြီးတောံ့နောက်တစ်ခုက
“အဲကောင်ကြီး ကဆရာမလေးတို့အိမ်နားမှာပဲပျောက်သွားတာတဲ့ဆရာမလေးသ
ရဲမွေးထားလားမသိပါဘူးအေ ဆရာမလေးကစုန်းပညာတတ်တယ်လို့လဲပြောကြတယ်
ငါတော့မယုံပါဘူးအေ “ ဟုပြောဆိုနေကြသည် ။ ထိုမကောင်းဆိုးဝါးအမည်ရသောသတ္တ၀ါကြီးမှာ တစ်ပတ်ခြားတစ်ခါ နှစ်ပတ်ခြားတစ်ခါတွေ့နေရသောကြောင့်ရွာလေးမှာ တုန်လှုပ်ချောက်ချားနေကြရသည်။

သူတို့ထိုအကောင်ကြီးနောက်ကိုလိုက်တိုင်း ထိုအကောင်ကြီးသည်
ဆရာမလေးတို့အိမ်နားမှာပျောက်ဆုံးသွားလေသည်။ တစ်ည “ အမလေးကယ်ကြပါအုံးသရဲသရဲ” ဟူသောအသံနှင့်တစ်ရွာလုံးဆူညံပွက်လောရိုက်သွားပါသည် ။
ထိုအခါကင်းသမားများကလိုက်ကြရင်း ခဲများဒုတ်များနှင့်ပစ်ပေါက်ကြလေသည်။

ထိုအကောင်ကြီးသည်ဆရာမလေးခြံနားအရောက်ပျောက်ဆုံးသွားလေသည်။ ထိုအခါ”ဆရာမလေးထပါအုံး ထပါအုံး “ ဟုနှိုးကာ ၀င်ရောက်ရှာဖွေသော်လည်းမတွေ့ရှိကြပေ။ သို့သော်လည်း စိုက်ပျိုးထားသောအပင်ကြီးမှာ သွေးများပမာအရည်များထွက်ကျနေသောဒဏ်ရာကြီးအား မည်သူမျှသတိမထားမိကြပေ။

ထိုအခါတစ်ရွာလုံးကလည်းဆရာမလေးစုန်းမဆိုတာပိုယုံကြည်အောင်ကိစ္စတစ်ခုဖြစ်ပွားခဲ့သည်။
ဆရာမလေး ကိုစုန်းမဟုစွတ်စွဲပြီးအိမ်ရှေ့တွင်လာရောက်ဆဲဆိုကာရန်ရှာနေသော ရွာသားနှစ်ယောက်လုံးနောက်နေ့တွင် သစ်ပင်ပေါ်မှလ်ိမ့်ကျကာ
ဇက်ကျိုး၍သေလေသည်။ ထိုအခါတစ်ရွာလုံးမှသေချာပေါက်အတွေးများပိုမိုခိုင်မာလာသည်။

ဆရာမလေးတို့လင်မယားသည်တစ်ညတွင် “ မိန်းမကိုယ်တို့အိမ်ပြောင်းရအောင်ကွာ
ဒီရွာမှာဆက်နေရင်အန္တရာယ်များတယ် မင်းဗိုက်ထဲကကလေးကိုလည်း ထည့်တွက်ရအုံးမယ်လေ” ဟု ဆရာလေး ကိုစောနိုင်ကပြောကာ ကဲကိုယ်တို့နောက်ညဆိုတိတ်တိတ်လေးပြောင်းရွေ့ကြမယ်နော်ဟု
စီစဉ်ထားခဲ့လေသည်။ လရောင်မထွက်တဲ့ထိုနေ့ညတွင် “ လိုက်ကြလိုက်ကြ” ဟူသောအသံများနှင့် “ ဟိုစုန်းမလင်မယား ငါတို့ရွာကိုဖျက်စီးပြီးအခုထွက်ပြေးတော့မယ် လိုက်ကြလိုက်ကြ”

ဟူသောအသံများနှင့်ဆရာမလေးတို့လင်မယားနောက်ကိုလိုက်ကြ
လေသည်။ ဆရာမလေးကမိန်းမသားမို့ ကလေးလည်းလွယ်ထားရသောအခါ ခဏလေးနှင့်မိလေသည်။ “
ကျွန်မတို့စုန်းမမဟုတ်ကြပါဘူးရှင်မသတ်ပါနဲ့ “ဟုတောင်းပန်သော်လည်း ခေတ်ပညာအမြင်မရှိသော
ရွာသားများသည် ရက်ရက်စက်စက်သတ်ပစ်လိုက်ကြလေသည်။
တစ်ရွာလုံးနီးပါး ရွာအပြင်ရောက်နေသောအခါ
အိမ်တွင်ကလေးများနှင့်အဖိုးအဖွားများသာကျန်ရစ်လေသည်။

ထိုအချိန်တွင် မဲမဲကောင်ကြီးသည် မှောင်ထဲမှနေ၍
ကလေးများအားခြောက်လှန့်လေရာ ကလေးများလည်းကြောက်လန့်ပြီးပြေးမိပြေးရြာေ့ပးကြသောအခါ
မီးခွက်များကိုခလုပ်တိုက်မိပြီး တစ်အိမ်လုံးမီးစွဲလောင်လေသည်။
ထိုအခါသက်ကယ်များ ဓနိများနှင့်မိုးထားသောအိမ်များကိုဆက်တိုက်စွဲလောက်လေသည်
ထိုအခါရွာအပြင်ပြန်ရောက်နေသောရွာသားများသည် ရွာထဲသို့အမှီပြန်လာကြသော်လည်း မီးလောင်တိုက်သွင်းသကဲ့သို့ ကလေးများအကုန်သေကြေကုန်ကြလေသည်။ သို့သော်လည်း
ဆရာမလေးတို့တစ်အိမ်သာ မိးမလောင်ဘဲကျန်ရစ်လေသည်။ ရွာသားများလည်းအရုးတစ်ပိုင်းဖြစ်ကြရှာသည်။
မနက်လင်းသောအခါ ရွာဦးကျော်င်းဆရာတောင်ကြွချီလာပြီး ဆရာမလေးတို့အိမ်ဝင်းကိုလှည့်ကြည့်ပြီး

သစ်ပင်ကြီးရှေ့ရောက်သောအခါ
“ဒကာတို့ဒီသစ်ပင်ဟာ သစ်ဘီလူးပင်ဖြစ်တယ် ဘီလူးစောင့်ပြီးညအချိန်ဆိုအပြင်ထွက်လေ့ရှိတယ် သူ့ကိုမွေးမြူစောင့်ရှောက်ထားတဲ့သခင်ကိုအမြဲစောင့်ရှောက်တယ်
သူ့သခင်ကိုစိတ်ဆင်းရဲအောင်လုပ်ရင် သူက ကလက်စားချေတတ်တယ်ဒကာတို့ဟု”မိန့်လေရာ တစ်ရွာလုံးလဲ အမှားကိုသိပြီး ဆရာမလေးတို့လင်မယားအား မြေမြှပ်ပေးကာ
ထိုရွာလေးမှာရွာလုံးကျွတ်ပြောင်းရွေ့ခဲ့လေသည်။
သစ်ဘီလူးပင်ကြီးကတော့တစ်ထီးတည်းကျန်ရစ်ခဲ့လေသည်။

Credit to :-chris- (ကမ္ဘာအရပ်ရပ်မှ မှော်ပညာနှင့် ထူးဆန်းအံဖွယ်ဖြစ်ရပ်ဆန်းများ အကြောင်း)
Post by:မောင်မိုးတိမ်

ဆက်ဖတ်ရန်>>>>

ကလေးငယ်တစ်ယောက်ကို ခေါင်းဖြတ်ပြီး သွေးသောက်ခဲ့တဲ့အတွက် သေဒဏ်ချမှတ်ခံလိုက်ရတဲ့ အိန္ဒိယမှော်ဆရာ

အိန္ဒိယလူမျိုးတစ်ယောက်ဟာ ကလေးငယ်တစ်ယောက်ကို ခေါင်းဖြတ်သတ်ပြီး ကလေးရဲ့သွေးတွေ သောက်ခဲ့ကြောင်းအပြစ်ထင်ရှားတဲ့အတွက် သေဒဏ်ချမှတ်ခြင်းခံခဲ့ရကြောင်း mirror သတင်းဌာနမှာ မနေ့ က ဖော်ပြထားပါတယ်။ ဒီရာဇ၀တ်မှုဟာ မှော်ဂမ္ဘီရကျင့်စဉ်တစ်ခုနဲ့ ပတ်သတ်နေကြောင်း ရဲတွေက အတည်ပြု ထားပါတယ်။

လက်ခ်ျမီးကန်တာဆာကာ ဟာ ကလေးငယ်ရဲ့ခေါင်းကို သင်္ချိုင်း ထဲက သစ်ပင်တစ်ပင်မှာ တွဲလောင်းချိတ်ပြီး သွေးတွေ ခံယူသောက်သုံးနေတာကို ရွာသားတွေက လက်ပူးလက်ကြပ်မိခဲ့တာပါ။

လက်ခ်ျမီးကန်တာဆာကာ ဟာ အေဒီ ၅ ရာစု လောက်က ဟိန္ဒိူကျင့်စဉ်တစ်ခုဖြစ်တဲ့ “တန်ထရာ” ကို ကျင့်ကြံ လိုက်နာနေသူဖြစ်ပြီး ဒီလူသတ်မှုကို ကျူးလွန်ခဲ့ကြောင်း ၀န်ခံခဲ့ပါတယ်။

အနောက်ဘင်္ဂလားပြည်နယ်၊ ဘန်ကူရာ ခရိုင်မြို့ ၊ ကာလာကူရီ ရွာမှာ ဖြစ်ပျက်ခဲ့တဲ့ အဖြစ်အပျက်ဖြစ်ပြီး အိန္ဒိယ လူမျိုး ရုပ်သံအမှုထမ်းတစ်ဦးက ဗီဒီယို ရိုက်ကူးနိုင်ခဲ့တာဖြစ်ပါတယ်။

ဆာကာ ကို ဆူလဂ်နာ ခရိုင်တရားရုံးမှာ အမှုတင်စစ်ဆေးခဲ့ပြီး မျက်မြင်သက်သေ ၁၇ ယောက်က အပြစ်ရှိကြောင်း ထွက်ဆိုခဲ့တဲ့အတွက် သေဒဏ် စီရင်ခဲ့ပါတယ်။

ဆာကာ ကို သင်္ချိုင်းမှာ တွေ့ ရှိရတဲ့အချိန်မှာ ရွာသားတွေဟာ “စုန်းကဝေကောင်” လို့ အော်ဟစ်ပြီး ၀ိုင်းရိုက်ပုတ်ခဲ့ကြတဲ့အတွက် ရဲတွေက ဥပဒေမဲ့အပြစ်ပေးသလိုမျိုး မဖြစ်အောင်လို့ ဝင်တားမြစ်ခဲ့ရပါတယ်။

တန်ထရာ ကျင့်စဉ် ဟာ အိန္ဒိယ နာမ်ဝိဥာဉ်ဂမ္ဘီရအယူဝါဒ မှာ မထင်ရှားဆုံးအပစ်ပယ်ခံရဆုံး ကျင့်စဉ်ခွဲ တစ်ခုဖြစ်ပါတယ်။ တန်ထရာ ကျင့်စဉ် ကျင့်သုံးသူတွေဟာ သူတို့ ဆန္ဒလိုလားချက်တွေ ပြည့်ဝဖို့ အတွက် အခုလို သွေးစွန်းယစ်ပူဇော်မှုတွေ ပြုလုပ်ကြတယ်လို့ ဆိုပါတယ်။

Ref: mirror
Trend Myanmar

ဆက်ဖတ်ရန်>>>>

နိုက်ဂျီးရီးယား၏ စားသောက်ဆိုင် တစ်ခုတွင် လူဦးခေါင်း အသားကင်ရောင်းချခဲ့

နိုက်ဂျီးရီးယား၊ အနမ်ဘရာပြည်နယ်မှ စားသောက်ဆိုင်တစ်ခုမှာ လူသားဖြင့် ဟင်းလျာများ ချက်ပြုတ် ရောင်း ချနေကြောင်း အာဏာပိုင်များမှ လက်ပူးလက်ကြပ်တွေ့ရှိပြီးနောက် ယင်းဆိုင်အား ပိတ်စေခဲ့ သည်။

လျှို့ဝှက်သတင်းပေးမှုအရ စားသောက်ဆိုင်အတွင်း ၀င်ရောက်ဖမ်းဆီးရာတွင် ဆိုင်ပိုင်ရှင်၊ အမျိုးသမီး ၈ ဦး၊ အမျိုးသား လေးဦး စုစုပေါင်း ၁၁ ဦးကို လတ်ဆတ်နေဆဲ ဆီစိမ်စက္ကူဖြင့်ပတ်ထားသော လူသားဦးခေါင်း နှစ်ခုနှင့်အတူ ရဲများက တွေ့ရှိခဲ့ကြသည်။

၎င်းအပြင် ၀င်ရောက်စီးနင်းစဉ် အေကေ ၄၇ ရိုင်ဖယ်သေနတ် ၂ လက်၊ အခြားလက်နက် ကိရိယာများ၊ ဒါဇင်နှင့်ချီသော ကျည်များထည့်သွင်းထားသည့်ခါးပတ်များ နှင့် မိုဘိုင်းလ်ဖုန်းများစွာကိုလည်း သိမ်းယူနိုင်ခဲသည်။

“ ကျွန်တော် ဈေးကိုသွားလေတိုင်း ဈေးနဲ့သိပ်နီးကပ်နေတဲ့ အဲ့ဒီဟော်တယ်မှာ ပုံမမှန်တဲ့ဝင်ထွက်မှုတွေကို အမြဲ သတိထားမိပါတယ်။ စရိုက်ကြမ်းကြမ်း လူအပေအတေတွေ အဲ့ဒီဟော်တယ်ထဲ ၀င်သွားနေလေ့ရှိတယ်။ ဒါကြောင့် မနေ့ မနက်ပိုင်းမှာ ရဲတွေက ဒီလိုရှာဖွေတွေ့ရှိတာကိုကြားရတော့ ကျွန်တော့်အဖို့ သိပ်မထူးဆန်းတော့ပါဘူး ” ဟု ဒေသခံတစ်ဦးမှ Osun Defender သို့ ပြောပြခဲ့သည်။

မိမိစားသုံးခဲ့မိသည့်အရာမှာ လူသားဖြစ်ကြောင်းသိသွားသော အမည်မဖော်လိုသူ ပရိုတက်စတင့်ဘုန်းတော်ကြီးက “ ဒီနှစ်အစောပိုင်းက ကျွန်တော် ဒီဟိုတယ်ကို ရောက်ခဲ့တယ်။ အသားတစ်တုံးကို N700 (ပေါင်စတာလင် ၂.၅ ပေါင်) နဲ့ ရောင်းချတယ်လို့ပြောတော့ ကျွန်တော် အရမ်းအံ့သြခဲ့ပါတယ်။ ဒီလောက်ဈေးကြီးပေးပြီး စားခဲ့တဲ့အသားဟာ လူသားဖြစ်မှန်း မသိခဲ့ရဘူးဗျာ ” ဟု ရဲဌာနသို့ ပြောဆိုခဲ့သည်။

နိုက်ဂျီးရီးယားနိုင်ငံတွင် လူသားစားသတင်းများ ကြားရလေ့ရှိသော်လည်း လူသားဟင်းလျာရောင်းချသည့် စားသောက်ဆိုင်ကိုတွေ့ရခြင်းမှာ ဤတစ်ကြိမ်သည် ပထမဆုံးဖြစ်သည်။

ဓါတ်ပုံရှင်းလင်းချက်- လူသားဖြင့် ဟင်းလျာ ချက်ပြုတ်ရောင်းချနေသော နိုက်ဂျီးရီးယားမှ စားသောက်ဆိုင် ( ရိုက်တာသတင်းဓာတ်ပုံ)

ကိုးကား-International Business Times
သတင်းချစ်သူ - ဝေဟင်

ဆက်ဖတ်ရန်>>>>

ဟောင်ကောင်တွင် အိမ်ဖော်လုပ်မည့်သူများ အာရှတိုက်အမြင့်ဆုံးဝန်ဆောင်ခ ပေးရဖွယ်ရှိ

ဟောင်ကောင်သို့ အိမ်ဖော်အဖြစ် သွားရောက် လုပ်ကိုင်ကြမည့် မြန်မာ အမျိုးသမီး များသည် အေဂျင်စီ ၀န်ဆောင်ခ မြန်မာကျပ်ငွေ သိန်းနှစ်ဆယ်ခန့် ကုန်ကျမည် ဖြစ်သောကြောင့် အာရှတိုက်တွင် အိမ်ဖော် ၀န်ဆောင်ခ အမြင့်ဆုံး ဈေးနှုန်း ဖြစ်သည်ဟု ဟောင်ကောင်အခြေစိုက် South China Morning Post က ဖေဖော်ဝါရီ ၆ရက်တွင် ရေးသားဖော်ပြသည်။

မြန်မာ အိမ်ဖော်များ အနေဖြင့် တစ်လလျှင် ဟောင်ကောင်ဒေါ်လာ လေးထောင်ခန့် (မြန်မာငွေ ငါးသိန်း) ရရှိနိုင်ပြီး ၀န်ဆောင်ခ အဖြစ် တစ်လလျှင် ဟောင်ကောင် ဒေါ်လာ နှစ်ထောင်နှုန်းဖြင့် အရစ်ကျပေးဆောင်ရ မည်ဖြစ်ကြောင်း ဟောင်ကောင်အခြေစိုက် Golden Mind အလုပ်သမားအေဂျင်စီတာဝန်ရှိသူ Law Yiu Keung က ပြောကြားသည်ဟု ရေးသားထားသည်။

ဟောင်ကောင်တွင် အိမ်ဖော်များ အနိုင်ကျင့်ခံရသည့်သတင်းများ ထွက်ပေါ်နေသော်လည်း မြန်မာအိမ်ဖော်များခေါ်ယူရေးကို အစီအစဉ်အတိုင်း ဆက်လက်လုပ်ဆောင်သွားမည်ဟု ဟောင်ကောင်လစ်ဘရယ်ပါတီ အမတ်တစ်ဦးက ဇန်န၀ါရီ ၂၄ ရက်တွင် မြန်မာအလုပ်သမားဝန်ကြီး ဦးအေးမြင့်နှင့် တွေ့ဆုံစဉ် ပြောကြားခဲ့သည်။

မြန်မာအိမ်ဖော်များခေါ်ယူရေးတွင် အလုပ်သမားများအား ဥပဒေအရ မည်သို့ကာကွယ်စောင့်ရှောက်ပေးမည်ဆိုသောအချက်ကို အဆိုပြုတင်သွင်းရမည်ဖြစ်ကြောင်း၊ အလုပ်သမားများ၏ ရပိုင်ခွင့်နှင့် ဟောင်ကောင်ဥပဒေများကို လေ့လာပြီးမှသာ ခွင့်ပြုသွားမည်ဖြစ်ကြောင်း၊ ဟောင်ကောင်က မြန်မာအိမ်အကူ နှစ်ထောင်ခန့် အလိုရှိနေကြောင်း အလုပ်သမားဝန်ကြီးဌာန ဒုဝန်ကြီးက ပြောကြားသည်။

ဟောင်ကောင်အခြေစိုက် Golden Mind အေဂျင်စီသည် မြန်မာအစိုးရထံမှ အိမ်ဖော်အလုပ်သမားခေါ်ယူရန် ပထမဆုံးခွင့်ပြုချက်ရသည့် အေဂျင်စီဖြစ်ပြီး အိမ်ဖော် ၅၅ ဦး ကို ဟောင်ကောင်သို့ ပို့ပးနိုင်ရန်စီစဉ်နေသည်။ အခြား ဟောင်ကောင်အလုပ်သမားအေဂျင်စီတစ်ခုဖြစ်သော Technic ကလည်း အလုပ်သမားများခေါ်ယူရန် ဖေဖော်ဝါရီလကုန်တွင် မြန်မာနိုင်ငံမှ တာဝန်ရှိသူများနှင့် ဆွေးနွေးမည်ဖြစ်သည်။

အင်ဒိုနီးရှားနိုင်ငံသည် ၂၀၁၇ ခုနှစ်တွင် အိမ်ဖော်များ ဟောင်ကောင်သို့ စေလွှတ်ခြင်းမပြုတော့ဟု ဆုံးဖြတ်ချက်ထွက်ခဲ့ပြီးနောက် မြန်မာနိုင်ငံသည် ဟောင်ကောင်အိမ်ဖော်လုပ်သား ဈေးကွက်အတွက် အရင်းအနှီးတစ်ခုအဖြစ် ပေါ်ပေါက်လာခဲ့သည်။

Author: ရဲနောင်
7DAY DAILY

ဆက်ဖတ်ရန်>>>>