Wednesday, June 05, 2013

ရခိုင်ပြည်နယ် မောင်တောတွင် ရခိုင်တိုင်းရင်းသား ၂ ရာခိုင်နှုန်းသာ ကျန်ရှိ

Posted by drmyochit Wednesday, June 05, 2013, under | No comments

ရန်ကုန်၊ ဇွန် ၅။

ရခိုင်ပြည်နယ် မောင်တောမြို့တွင် ဘင်္ဂါလီ လူဦးရေ ၉၈ ရာခိုင်နှုန်းဖြစ်နေပြီး ရခိုင်တိုင်းရင်းသားမှာ ၂ ရာခိုင်နှုန်း သာ ရှိတော့ကြောင်း ရခိုင်တိုင်းရင်းသားရေးရာ ဝန်ကြီး ဦးဇော်အေးမောင်က ပြောကြားသည်။
“၁၉၈၂ နိုင်ငံ သားဖြစ်မှု ဥပဒေဟာ တော်တော်ပြည့်စုံတဲ့ ဥပဒေပါ။ အဲဒီ ဥပဒေနဲ့ ချိန်ထိုးပြီးတော့ ဘင်္ဂါလီတွေ ကို ဘယ်လိုအဆင့်ထားမလဲ၊ ဥပမာအားဖြင့် ခု ဒီမှာ permanent resident (PR အမြဲနေ ထိုင်ခွင့်) ဆိုတာကို စဆွဲနေပြီ။ သူတို့ကို permanent resident ထားပြီးတော့ နိုင်ငံသားပေးလို့တော့ မရဘူးလေ။ ဧည့်နိုင်ငံသား ပေးလို့လည်း မရဘူး။

 နိုင်ငံခြားသား အနေနဲ့ PR ပေးထားလို့တော့ ရတယ်။ သူတို့ကို မဲပေးခွင့် မရှိရဘူး။ ရွေးကောက်ပွဲ ဝင်ခွင့် မရှိရဘူး။ ဒါမျိုးအဆင့်တွေနဲ့ ထားလို့ ရမယ်လို့တော့ ကျွန်တော်ထင်တယ်” ဟု က ဦးဇော်အေးမောင်က ပြောကြား သည်။

ရခိုင်ပြည်နယ်တွင် ဘင်္ဂါလီလူမျိုးများ တစ်အိမ်ထောင်လျှင် ကလေးနှစ်ယောက်သာ မွေးခွင့်ရှိသည် ဟူသော ဒေသန္တရအမိန့်နှင့် ပတ်သက်၍ ရခိုင်ပြည်သူလူထုမှ တခဲနက် ထောက်ခံအားပေးခဲ့ကြပြီး ယင်းနှင့် ပတ် သက်၍ “ရခိုင်ပြည်သူလူထုအနေနဲ့ သူတို့ ရင်ထဲမှာ ရှိတာကို သူတို့ထုတ်ဖော်ပြောတာလေ။ ရခိုင်ပြည် သူတွေအနေနဲ့ လုပ်သင့်လုပ်ထိုက်တာတစ်ခုကို လုပ်တယ်လို့ပဲ ပြောချင်တယ်” ဟု ဦးဇော်အေးမောင်က ပြောကြား သည်။

လက်ရှိတွင် ဘင်္ဂါလီလူမျိုးဟု မြန်မာအစိုးရမှ သုံးစွဲခေါ်ဝေါ်နေသော်လည်း ယင်းတို့မှာ ရိုဟင်ဂျာဟုသာ သုံးစွဲနေကြကြောင်း၊ နိုင်ငံတကာမှလည်း ၎င်းတို့ကို ဘင်္ဂါလီအဖြစ် လက်မခံသေးဘဲ ရိုဟင်ဂျာအဖြစ်သာ လက်ခံ ထားကြောင်း Generation Wave မှ ကိုဟိန်းမင်းဇော်က ပြောကြားသည်။

“အစိုးရ အနေနဲ့ ၁၉၈၂ နိုင်ငံသား ဥပဒေနဲ့ ဘယ်သူကတော့ နိုင်ငံသား ဖြစ်သင့်တယ်။ ဘယ်သူကတော့ ဧည့်နိုင်ငံသား ဖြစ်သင့်တယ် ဆိုပြီး စနစ်တကျ ခွဲခြားပြီးတော့မှ ဘယ်သူ့ကို ဘယ်လို ဆက်ဆံတယ် ဆိုတာ မျိုး ဖြစ် သင့်တယ်။ ကိုယ့်နိုင်ငံသားမဟုတ်တဲ့သူကိုတော့ နိုင်ငံသားတစ်ယောက်ရဲ့ အခွင့်အရေး ခံစားခွင့်တော့ ပေးမှာမဟုတ်ဘူး။

အဲဒီလူဟာ နိုင်ငံသားဖြစ်ခွင့် ရှိတဲ့သူ၊ ပြုခွင့် ရတဲ့သူ ပြုခွင့်ရတယ်ဆိုရင်တော့ ဥပဒေအတိုင်း နိုင်ငံသား အခွင့် အရေး ကို ခံစားရမှာပေါ့” ဟု ယင်းက ဆက်လက်ပြောကြားသည်။

၁၉၈၂ ခုနှစ် နိုင်ငံသား ဖြစ်မှုဥပဒေသည် လတ်တလော အခြေအနေတွင် ရခိုင်ပြည်နယ်အတွက်သာမက မြန်မာ တစ်ပြည်လုံး အတွက် အလွန်အရေးကြီးသော ဥပဒေတစ်ရပ်ဖြစ်သည်ဟု နိုင်ငံရေး လေ့လာ သူများက ပြောကြား သည်။

ရည်မွန်
မြန်မာ့ခေတ်

ပုရိန်ကုန်းရွာ အဓိကရုဏ်းမှာ လူ ၄ ဦးဒဏ်ရာရ

Posted by drmyochit Wednesday, June 05, 2013, under | No comments

ရခိုင်ပြည်နယ် မြောက်ဦးမြို့နယ် ပုရိန်ကုန်းကျေးရွာမှာ မနေ့က ညနေပိုင်းက အာဏာပိုင်တွေနဲ့ ဒေသခံတွေ အကြား အဓိကရုဏ်းဖြစ်ပွားခဲ့ပြီး အာဏာပိုင်တွေရဲ့ သေနတ်ပစ်ဖောက်မှုကြောင့် လူ ၄ ဦး ဒဏ်ရာ ရရှိ ခဲ့တယ်လို့ အာဏာပိုင်တွေက ပြောပါတယ်။ု

ဒီပစ်ခတ်မှုကြောင့် ရိုဟင်ဂျာ ၃ ဦးသေဆုံးမှုရှိတယ်လို့ အေပီနဲ့ အေအက်ဖ်ပီသတင်းမှာ ဖော်ပြထားပေမယ့် မြောက် ဦးမြို့ နယ်ရဲစခန်းက တာဝန်ကျရဲအရာရှိတစ်ဦးကတော့ ရွာခံ ၄ ဦး ဒဏ်ရာရရှိပြီး၊ သေဆုံး သူတွေ ကိုတော့ အတည်ပြုပြောဆိုနိုင်ခြင်း မရှိသေးဘူးလို့ RFA ကို ပြောပါတယ်။

မြောက် ဦးမြို့နယ် ပုရိန်ကျေးရွာမှာ နေထိုင်သူတွေအနေနဲ့ ပြည်နယ်အစိုးရက နေအိမ် ၁ဝ ခန်းတွဲပါတဲ့ တန်း လျား ၁၆ လုံးနဲ့ နေရာချထားရေးအစီအစဉ်ကို ကန့်ကွက်ပြီး လုံးချင်းနေအိမ်တွေ ဆောက်လုပ်ပေးဖို့ တောင်း ဆိုချက်တွေကြောင့် ဒေသခံတွေနဲ့ အာဏာပိုင်တွေကြား ရုန်းရင်းဆန်ခတ်ဖြစ်ပွားခဲ့တာလို့လည်း အဲဒီရဲ အရာရှိက ဆိုပါတယ်။

အဲဒီဖြစ်စဉ်ကြောင့် ကျေးရွာအနီး လုံခြုံရေးတွေချထားပြီး ကျေးရွာသားတွေနဲ့ အာဏာပိုင်တွေအကြား ဒီကနေ့ မနက်ပိုင်းက ညှိနှိုင်းမှုတွေ ပြုလုပ်ခဲ့တယ်လို့လည်း သိရပါတယ်။ ပြီးခဲ့တဲ့ ၂ဝ၁၂ ခုနှစ် အောက် တိုဘာလ အတွင်းက မြောက်ဦးမြို့နယ်အတွင်း ဖြစ်ပွားခဲ့တဲ့ နေအိမ်မီးရှို့ အကြမ်းဖက်မှုတွေကြောင့် ပုရိန်ကျေး ရွာမှာ နေအိမ်တွေရာနဲ့ချီ မီးလောင်ဆုံးရှုံးခဲ့ရပါတယ်။

From: RFA

ယာဉ်တိုက်ခံရသူကို မကူညီ၍ ချမ်းမြေ့အေး ယာဉ်လိုင်းကို ဆန္ဒဖော်ထုတ်

Posted by drmyochit Wednesday, June 05, 2013, under | No comments

ပုသိမ်၊ ဇွန် ၄

ဧရာဝတီတိုင်းဒေသကြီး မြို့တော် ပုသိမ်မြို့မှ ရန်ကုန်မြို့သို့ပြေးဆွဲနေသော ချမ်းမြေ့အေး ယာဉ်လိုင်းကို ယာဉ်တိုက်မှုဖြစ်ပွားပြီး တာဝန်ယူ ကူညီခြင်းမရှိ ဟုဆိုကာ ဧရာဝတီတိုင်းဒေသကြီး အခြေစိုက် လူမှုကွန်ရက်များက အင်အား ၁၅၀ ခန့်ဖြင့် ဇွန်လ ၃ ရက်နေ့တွင် ဆန္ဒ ထုတ်ဖော်ကြကြောင်း ပုသိမ်မြို့ခံ များထံမှ စုံစမ်း သိရှိရသည်။

ယာဉ်တိုက်ခံရသူများကို ရန်ကုန်တွင် ဆေးသွားကုရန် လမ်းစရိတ်ပေးသည် မှလွဲ၍ ကူညီမှု တစ်စုံတစ်ရာ မရှိသည့်အတွက် ယာဉ်လိုင်းကို ဆန္ဒထုတ်ဖော်
တောင်းဆိုခြင်းဖြစ်ကြောင်း ပန်းတနော်မြို့မှ လာရောက် ဆန္ဒထုတ်ဖော် သည့် ဒေါ်နီလာအောင်က ပြောကြားသည်။

၂၀၁၂ ခုနှစ် မေလ ၁၁ ရက်နေ့ နံနက် ၅ နာရီခန့်က ဦးကျော်မျိုးလှိုင်နှင့်ဇနီး တို့ စီးနင်းလာသော မော်တော်ဆိုင်ကယ်သည် ပုသိမ်မြို့ရှိ ကုန်သည်လမ်း (တစ်လမ်းသွား) အတိုင်း ရွှေစေတီလမ်းဘက်သို့ ဦးတည်မောင်းနှင်လာစဉ် မျက်နှာချင်းဆိုင်မှ လမ်းပြောင်းပြန်မောင်းလာသည့် ချမ်းမြေ့အေး ကြိုပို့ ယာဉ်နှင့် တိုက်မိခြင်းဖြစ်ကြောင်း ဦးကျော်မျိုးလှိုင်က ပြောကြားသည်။

ရန်ကုန်သို့ သွားရောက်ဆေးကုသရန် ခရီးစရိတ်ပေးပြီး ဖြစ်သည့်အတွက် ဥပဒေအတိုင်းသာ ရင်ဆိုင်မည်ဖြစ်ကြောင်း ချမ်းမြေ့အေး ယာဉ်လိုင်းပိုင်ရှင် ဦးမြသိန်းကပြောဆိုသည်။

ယင်းအမှုကို ရဲတပ်ဖွဲ့က တရားလိုပြုလုပ်၍ ပုဒ်မ၂၇၉၊ ၃၃၈တို့ဖြင့် အမှုဖွင့် ထားပြီးပုသိမ်မြို့နယ် တရားရုံးတွင် အမှုရင်ဆိုင်နေသည်။

The Voice Weekly

မလေးရှားတွင် မြန်မာ ၆၀ ခန့် ဖမ်းဆီးထိန်းသိမ်းခံရ

Posted by drmyochit Wednesday, June 05, 2013, under | No comments


မြန်မာများ အသတ်ခံရသည့် ယခုဖြစ်ရပ်ကြောင့် မြန်မာနိုင်ငံတွင် ပေါ်ပေါက်ခဲ့သော မြန်မာနှင့် ဘင်္ဂါလီ မွတ်ဆလင်မ် တို့ကြား ပဋိပက္ခမှာ မလေးရှားသို့ ရိုတ်ခတ်ပျံ့နှံ့လာမည့် စိုးရိမ်မှုများ မြင့်တက်လျက်ရှိ . . . . .

မလေးရှားနိုင်ငံတွင် မြန်မာနိုင်ငံမှ လာရောက်သူ ၄ ဦး အသတ်ခံရပြီးနောက်ပိုင်း မြန်မာ အများအပြားကို မလေးရှား ရဲတပ်ဖွဲ့က ဖမ်းဆီးခဲ့ကြောင်း သိရှိရသည်။ မြန်မာနိုင်ငံမှ လာရောက်သူ ၆၀ ခန့်ကို ဖမ်ဆီး ထိန်း သိမ်းကာ စစ်ဆေးမေးမြန်းမှုများ ပြုလုပ်ရန် ဖမ်းဆီးထိန်းသိမ်းခဲ့ကြောင်း ကွာလာလမ်ပူရဲတပ်ဖွဲ့ ဒုတိယ အကြီး အကဲ အမာရ် ဆင်းဂ်အစ်ရ်ှဟာ ဆင်းဂ်က ပြောကြားသည်။ ပြီးခဲ့သည့် သီတင်းပတ်အတွင်း ကွာလာ လမ်ပူတွင် သီးခြားစီဖြစ်ပွားခဲ့သော ဖြစ်ရပ်များအတွင်း မြန်မာရွှေ့ပြောင်းလုပ်သား ၄ ဦး သေဆုံး ခဲ့ကြောင်း Aljazeera သတင်းက ဖော်ပြသည်။

သေဆုံးသူများအနက် တစ်ဦးမှာ အသက် ၂၀ အရွယ်ဖြစ်ပြီးကားရေဆေးစင်တာတွင် အိပ်နေစဉ် လူ ၁၀ ဦးက အုပ်စုဖွဲ့တိုက်ခိုက်မှုကြောင့် သေဆုံးခဲ့ခြင်းဖြစ်သည်။ အခြားတစ်ဦမှာ ဈေးတစ်ခုတွင် ဓားကဲ့သို့ ချွန် ထက်သော အရာများဖြင့် တိုက်ခိုက်ခံရသဖြင့် သေဆုံးခဲ့ခြင်းဖြစ်သည်။ ရဲတပ်ဖွဲ့၏အဆိုအရ တိုက်ခိုက် မှုများ အတွင်း အမျိုးသား တစ်ဦးနှင့် အမျိုးသမီးတစ်ဦးလည်း ဒဏ်ရာရရှိခဲ့ကြောင်း သိရှိရသည်။ သေဆုံး ဒဏ်ရာရရှိသူများအားလုံးမှာ မြန်မာနိုင်ငံမှ လာရောက်သူများဖြစ်ကြောင်း မလေးရှားရဲတပ်ဖွဲ့ အတည်ပြု သည်။

မြန်မာများ အသတ်ခံရသည့် ယခုဖြစ်ရပ်ကြောင့် မြန်မာနိုင်ငံတွင် ပေါ်ပေါက်ခဲ့သော မြန်မာနှင့် ဘင်္ဂါလီ မွတ်ဆလင်မ် တို့ကြား ပဋိပက္ခမှာ မလေးရှားသို့ ရိုတ်ခတ်ပျံ့နှံ့လာမည့် စိုးရိမ်မှုများ မြင့်တက် လျက် ရှိ သည်။ ခန့်မှန်းစာရင်းများအရ မလေးရှားနိုင်ငံတွင် အလုပ်အကိုင်နှင့် ခိုလှုံခွင့်အတွက် မြန်မာနိုင်ငံမှ လာရောက် သူ လေးသိန်းခန့်ရှိနေကြောင်း သိရသည်။ မြန်မာများ အသတ်ခံရမှုနှင့် ပတ်သက်၍ လိုအပ် သည့် အရေးယူမှုများ ပြုလုပ်ရန် မြန်မာနိုင်ငံအစိုးရက မြန်မာနိုင်ငံဆိုင်ရာ မလေးရှားသံအမတ်အား သတိထောက် လွှာ ပေးအပ်ခဲ့ကြောင်း သိရှိရသည်။

Planet

ကလေးနှစ်ယောက်နှုန်း ကန့်သတ်မိန့် ပြည်နယ်အနှံ့ပြဌာန်းဖို့ တောင်းဆို

Posted by drmyochit Wednesday, June 05, 2013, under | No comments

ရခိုင်ပြည်နယ် မောင်တောခရိုင်အတွင်း ထုတ်ပြန်ထားတဲ့ မွတ်စလင်တစ်အိမ်ထောင် ကလေးနှစ်ဦးထက် ပိုမယူရေး ဒေသန္တရအမိန့်အပေါ် ထောက်ခံကြောင်းနဲ့ ဒီဒေသန္တရအမိန့်ကို ရခိုင်ပြည်နယ်တစ်ခုလုံး တိုးချဲ့ထုတ်ပြန်ပေးဖို့အတွက် ရခိုင်ပြည်နယ် ကျောက်တော်နဲ့ မင်းပြားမြို့တွေမှာ ဒီကနေ့ ဒေသခံတွေ ထောင်နဲ့ချီ ဆန္ဒပြခဲ့ကြပါတယ်။

မင်းပြားမြို့နယ်က ဆန္ဒပြပွဲနဲ့ ပတ်သက်ပြီး ဦးဆောင်သူတွေထဲမှာပါဝင်တဲ့ ရခိုင်လူမှုကွန်ရက်က မြို့ခံ ဦးခင်ဇော်ဝင်းက RFA ကို အခုလို ပြောပါတယ်။

"ဒီဒေသန္တရဥပဒေကို ထောက်ခံတာပဲပေ့ါ၊ ပြီးတော့ တရားဥပဒေစိုးမိုးရေးရယ်၊ ပြည်တွင်းရေးကို ဝင်ရောက်စွက်ဖက်တာ လက်မခံဘူးပေါ့"

ဒီမြို့နှစ်မြို့က ဆန္ဒပြပွဲတွေကို သက်ဆိုင်ရာ မြို့မိမြို့ဖတွေ၊ လူမှုအဖွဲ့အစည်းတွေက ဦးဆောင်ပြုလုပ်ခဲ့ကြတာဖြစ်ပါတယ်။ ဒီဒေသန္တရအမိန့်အပေါ် ထောက်ခံဆန္ဒပြပွဲကို မနေ့က ရခိုင်ပြည်နယ် စစ်တွေမြို့မှာလည်း ပြုလုပ်ခဲ့ပါတယ်။

From: RFA Burmese

အဓိကရုဏ်း ဖြစ်လျှင် ကယား ပြည်နယ်အစိုးရနှင့် ပူးပေါင်းမည်ဟု လက်နက်ကိုင်အဖွဲ့များ ကြေညာ

Posted by drmyochit Wednesday, June 05, 2013, under | No comments


မတ်လ အတွင်းက အစိုးရနှင့် ကယားပြည်နယ် လက်နက်ကိုင် အဖွဲ့တဖွဲ့ ဖြစ်သော KNPP အဖွဲ့ဝင်များ ငြိမ်းချမ်းရေး သဘောတူ လက်မှတ်ရေး ထိုးနေ စဉ် (ဓာတ်ပုံ – ကန္တာရဝတီတိုင်းမ်)

ကယားပြည်နယ်နှင့် ကယန်းဒေသအတွင်းရှိ လက်နက်ကိုင်အဖွဲ့များ၏ ထိန်းချုပ်နယ်မြေအတွင်း လူမျိုးရေး၊ ဘာ သာရေး အဓိကရုဏ်းများ ထပ်မံပေါ်ပေါက်လာပါက အစိုးရအဖွဲ့နှင့် ပူးပေါင်း ဆောက်ရွက် သွား မည်ဖြစ်ကြောင်း လက်နက်ကိုင်အဖွဲ့များ စုပေါင်း၍ ကြေညာချက် ထုတ်ပြန်လိုက်ကြောင်း သိရသည်။

ဇွန်လ ၃ ရက်နေ့က ကယားပြည်နယ် လွိုင်ကော်မြို့ပေါ်ရှိ လက်နက်ကိုင်အဖွဲ့ တခုဖြစ်သော ကရင်နီပြည် လူမျိုးပေါင်း စုံ ပြည်သူ့ လွတ်မြောက်ရေး တပ်ဦး (KNPLF) ရုံးခန်းတွင် လက်နက်ကိုင်အဖွဲ့ ၇ ဖွဲ့၊ နိုင်ငံရေး ပါတီ တခုနှင့် လူမှုရေးအဖွဲ့ တဖွဲ့တို့က လက်မှတ် ရေးထိုးခဲ့ခြင်းဖြစ်သည်။

မေလ ၂၇ ရက်နေ့က ကယားပြည်နယ် ဖားဆောင်းမြို့နယ် မော်ချီးသတ္ထုတွင်း ဒေသတွင် တွင်း အလုပ် သမား များနှင့် တခြားနယ်မြေများမှ ရွှေ့ပြောင်းကာ ဈေးလာရောက် ရောင်းချနေသော မွတ်စလင်တချို့တို့ ခိုက် ရန်ဖြစ် ပွားမှု ဖြစ်ပေါ်ခဲ့ရာမှ မွတ်စလင် တို့၏ ဆိုင်ခန်းများ ဖျက်စီးခံခဲ့ရကြောင်း၊ လူအများ ထပ်မံ စုဝေး ၍ ရွာများအတွင်းရှိ မွတ်စလင် အိမ်များအား ဖျက်ဆီးရန် သွားရောက်ရာတွင် ယင်းဒေသကို ထိန်းချုပ် ထားသော KNSO က ၀င်ရောက် ထိန်းသိမ်း လိုက်ကြောင်း သိရသည်။

“ကျနော်တို့ ပြည်နယ်မှာ အစ္စလမ် ဘာသာဝင် အရမ်းနည်းပါတယ်။ ဘာသာရေး ပြဿနာဖြစ်တာလည်း နည်း တယ်။ အခု ဖြစ်သွားတာက ရွှေ့ပြောင်းလူတွေကြောင့်ပါ။ အခုလိုမျိုး အားလုံးကပါ ပူးပေါင်းပြီး ၀ိုင်း ထိန်း သွားရင် ပိုကောင်းသွားမှာပါ” ဟု ကယားပြည်နယ် အစိုးရအဖွဲ့ အတွင်းရေးမှူး ဦးဇော်ဝင်းက ပြော သည်။

လူမျိုး ရေးပြဿနာ ဖြစ်ပွားခဲ့သော မော်ချီးသတ္ထုတွင်း ကိစ္စနှင့် ပတ်သက်၍ ပြဿနာကို စတင်ခဲ့သော လူ ၆ ဦး အား ဖားဆောင်းမြို့ ရဲစခန်းတွင် ဖမ်းချုပ်ထားကြောင်း၊ ယင်းဒေသမှ မွတ်စလင် ၆၅ ဦးအား လွိုင်ကော် မြို့သို့ ပြောင်းရွှေ့ ပေးပြီးဖြစ်ကြောင်းနှင့် ယင်းကဲ့သို့ ထပ်မံ မဖြစ်ပွားစေရန် ပြည်နယ် အစိုးရ အနေဖြင့် ဒေသတွင်း ကာကွယ်ရေး လုပ်ငန်းများအား လုပ်ဆောင်နေကြောင်း သိရသည်။

လူမျိုးရေး ဘာသာရေး အဓိကရုဏ်းများ ဖြစ်ပွားလာပါက ပြည်နယ် အစိုးရနှင့် ပူးပေါင်း ထိန်းချုပ်ရန် သဘော တူ လက်မှတ် ရေးထိုးရာတွင် ပါဝင်သော အဖွဲ့များမှာ ကရင်နီအမျိုးသား တိုးတက်ရေးပါတီ (KNPP)၊ ကရင်နီပြည် လူမျိုးပေါင်းစုံ ပြည်သူ့ လွတ်မြောက်ရေး တပ်ဦး (KNPLF)၊ ကယန်းပြည်သစ် ပါတီ(KNLP)၊ ကရင်နီအမျိုးသား ဒီမိုကရက်တစ် ပါတီ (KNDP)၊ ကရင်နီ အမျိုးသား စည်းလုံး ညီညွတ်ရေး အဖွဲ့ (KNSO)၊ ကယန်းအမျိုးသား ကာကွယ်ရေးတပ် (KNG)၊ ကရင်နီအမျိုးသား ငြိမ်းချမ်းရေးနှင့် ဖွံ့ဖြိုးတိုးတက်ရေးပါတီ (KNPDP)၊ ကယန်းအမျိုးသားပါတီ (KNP) နှင့် ကရင်နီပြည် လူငယ်များ သမဂ္ဂ (UKSY) တို့ ဖြစ်သည်။

“လူမျိုးရေး၊ ဘာသာရေး ကိစ္စတွေ ကျနော်တို့ နယ်မြေမှာ ဖြစ်တာ မလိုချင်ဘူး။ မော်ချီး ကိစ္စမှာတုန်းက ရဲနဲ့ စစ်တပ် လာတာ နောက်ကျလို့ ကျနော်တို့ ၀င်ထိန်းလိုက်တာ၊ ပူးပေါင်းပြီးတော့ လုပ်မယ်ဆိုပေမယ့် ဖြစ်လာတဲ့ အခြေအနေကို ကြည့်ပြီးတော့ ကျနော်တို့ လုပ်သွားမှာပါ” ဟု KNSO မှ ရုံးအဖွဲ့မှူး ဦးစောက လိုမှူး က ဧရာဝတီသို့ ပြောသည်။

လတ်မှတ်ရေးထိုးရာတွင် ပါဝင်သော UKSY အဖွဲ့ဝင်၊ ကယန်းမျိုးဆက်သစ် လူငယ်အဖွဲ့ အတွင်းရေးမှူး ခူးအသန်း က “လက်နက်ကိုင် အဖွဲ့တွေက သူတို့ထိန်းချုပ်နယ်မြေထဲမှာ ထူးတာရှိရင် ပြည်ထောင်စု အစိုးရ၊ ပြည် နယ် အစိုးရကို တိုက်ရိုက် စကားပြောမယ်၊ မရရင် သူတို့ဘာသာ လက်နက်နဲ့ ထိန်းမယ်ဆိုတာကို အဓိ ကပြောကြတယ်” ဟု ဆိုသည်။

လက်ရှိတွင် လက်နက်ကိုင် အဖွဲ့များက ကယားပြည်နယ်နှင့် ကယန်းဒေသအတွင်း ဘာသာရေး၊ လူမျိုးရေး ပြဿနာများ ထပ်မံ မပေါ်ပေါက်လာစေရန် ပြည်သူများအနေဖြင့် ကောလာဟလများကို မယုံကြည်ရန်နှင့် ယခုပြဿနာများနှင့် ပတ်သက်၍ မည်ကဲ့သို့ စတင် ဖြစ်ပွားလာနိုင်ကြောင်း အစရှိသဖြင့် ၎င်းတို့ နယ်မြေများအတွင်း ဒေသခံများကို လိုက်လံအသိပေးခြင်းများ လုပ်ဆောင်နေကြပြီ ဖြစ်ကြောင်း ကယန်းပြည်သစ်ပါတီ အတွင်းရေးမှူး ဗိုလ်မှူးစောလွင်က ပြောသည်။


ကြယ်ပြာ
ဧရာဝတီ

ခြောက်ကြိမ်မြောက် လွှတ်တော်မှ အတည်ပြုခဲ့သော ဥပဒေကြမ်းအားလုံး သမ္မတ သဘောမတူ

Posted by drmyochit Wednesday, June 05, 2013, under | No comments


ရန်ကုန်၊ ဇွန် ၄

ပထမအကြိမ် ပြည်ထောင်စုလွှတ် တော် ဆဋ္ဌမပုံမှန် အစည်းအဝေးတွင် အတည်ပြုခဲ့သော ဥပဒေကြမ်း ၈ ခုကို သဘောမတူညီသောကြောင့်   နိုင်ငံတော် သမ္မတက လက်မှတ်မထိုးဘဲ ပြန်လည် ပေးပို့ထားကြောင်း ပြည်ထောင်စုလွှတ် တော် ဥပဒေကြမ်းပူးပေါင်းကော်မတီမှ သတင်းရရှိ သည်။

 ပြီးခဲ့သည့် ပထမအကြိမ် ပြည်သူ့ လွှတ်တော်၊ အမျိုးသားလွှတ်တော်နှင့် ပြည်ထောင်စုလွှတ်တော်မှ ဆွေးနွေး အ တည်ပြုချက် ရယူခဲ့သော ၂ဝ၁၃ ခုနှစ် တိုင်းဒေသကြီး သို့မဟုတ် ပြည်နယ် လွှတ်တော်ဆိုင်ရာ ဥပဒေကြမ်း၊ လာဘ် ပေးလာဘ်ယူမှု ပပျောက်ရေး ဥပဒေ ကြမ်း၊ မြန်မာနိုင်ငံသားများ ရင်းနှီးမြှုပ်နှံ မှု ဥပဒေကြမ်း၊ မြန်မာနိုင်ငံတော် ဗဟို ဘဏ် ဥပဒေကြမ်း၊ ငွေချေး သက်သေခံ လက်မှတ်များ လဲလှယ် ရောင်းဝယ်ရေး ဥပဒေကြမ်း၊ သဘာဝ ဘေးအန္တရာယ် ဆိုင်ရာ စီမံခန့်ခွဲမှု ဥပဒေကြမ်း၊ တရား ရုံးများ မထီမဲ့မြင်မှု ဥပဒေကြမ်းနှင့် လူ ဦးရေနှင့် အိမ်အကြောင်းအရာ သန်း ခေါင် စာရင်း ဥပဒေကြမ်းတို့ကို နိုင်ငံ တော်သမ္မတထံသို့ ပေးပို့ခဲ့ရာ ယင်း ဥပဒေများအား သဘောထား မှတ်ချက် များဖြင့် ပြန်လည်ပေးပို့ လာခြင်း   ဖြစ် ကြောင်း သိရသည်။

”ပြည်ထောင်စုက အတည်ပြုပေး ခဲ့တာ ၈ ခုပဲ။ ပြင်ဆင်ချက်တွေနဲ့ ပြန်ပို့ လာတာလည်း ၈ ခုပဲ။ ဥပဒေတစ်ခုရဲ့ အချက်အလက်အားလုံးတော့ မဟုတ်ဘူးပေါ့။ အချို့အချက်အလက်တွေကို ပြင်ဆင်ဖြည့်စွက်ဖို့ပြန်ပို့တာပါ။ဒီဥပဒေတွေကို ပြည်ထောင်စုက ဒီတစ်ခါ ပြန် ဆွေးနွေးဆုံးဖြတ်ပြီး အတည်ပြုပြီးသွား ရင် သမ္မတကြီးလက်မှတ်မထိုးလည်း အ တည်ဖြစ်သွားမှာပါ” ဟု ဥပဒေကြမ်းပူး ပေါင်းကော်မတီဝင် ပြည်သူ့လွှတ်တော် ကိုယ်စားလှယ်တစ်ဦးက ပြောကြားသည်။

   ယင်း ဥပဒေကြမ်း၈ခုနှင့်ပတ်သက် သည့် သမ္မတ၏ သဘောထား မှတ်ချက် ကိုမူ ထုတ်ဖော်ပြောကြားခြင်း မရှိပေ။ထို့ပြင် ပြည်သူ့လွှတ်တော်နှင့် အမျိုးသားလွှတ်တော်ဆိုင်ရာ ဥပဒေ နှစ်ခုမှာ နိုင်ငံတော်သမ္မတက လက်မှတ် မထိုးဘဲ ဖွဲ့စည်းပုံအခြေခံဥပဒေအရ အတည်ဖြစ်ခဲ့ကြောင်း လွှတ်တော် ကိုယ်စားလှယ်များ၏ ပြောကြားချက် အရ သိရသည်။
လက်ရှိတွင် လွှတ်တော်၌ ဆွေး နွေးအတည်ပြုရန် ကျန်ရှိနေသော ဥပ ဒေကြမ်း၂ဝကျော်ရှိပြီး (ယခုလ)သတ္တမ အကြိမ် လွှတ်တော်အစည်းအဝေး သို့ အသစ်ရောက်ရှိလာသည့် ဥပဒေကြမ်း အသစ် ၁၂ ခုရှိကြောင်း သိရသည်။
အသစ်ရောက်လာသော ဥပဒေ ကြမ်းများမှာ တောင်သူလယ်သမားများ ကာကွယ်စောင့်ရှောက်ရေး ဥပဒေ၊ ဆက်သွယ်ရေး ဥပဒေ၊ အသေးစား၊ အ လတ်စား လုပ်ငန်းများကို ကာကွယ် သည့် ဥပဒေ၊ ကုန်အမှတ်တံဆိပ်နှင့် ဝန်ဆောင်မှုအမှတ်တံဆိပ် ဥပဒေ၊ကွန်ဒိုမီနီယံဥပဒေ၊ အသင်းအဖွဲ့များ ဖွဲ့ စည်းခြင်းဆိုင်ရာ ဥပဒေ၊ အထူးစီးပွား ရေးဇုန်ဥပဒေ၊ တီထွင်မှုအမှတ်တံဆိပ် ဥပဒေ၊ စက်မှုဒီဇိုင်း ဥပဒေ၊ မူပိုင်ခွင့် ဥပဒေ၊ဘက်စုံပို့ဆောင်ရေး ဥပဒေ၊ စား သုံးသူကာကွယ်ရေးဥပဒေနှင့် မြန်မာ နိုင်ငံ အင်ဂျင်နီယာကောင်စီဥပဒေတို့ ဖြစ်ကြောင်း သိရသည်။

 နှစ်နှစ်တာကာလအတွင်း လွှတ် တော်တွင် ရောက်ရှိ ဆွေးနွေးနေသော ဥပဒေများနှင့် ပတ်သက်၍ ပြည်သူ့ လွှတ်တော်ဒုတိယဥက္ကဋ္ဌ ဦးနန္ဒကျော် စွာ က ”အရေးကြီးတာပေါ့။ အရေးကြီးတဲ့ ဥပဒေတွေကြောင့် ခုလို လွှတ်တော်ကို ရောက်ရှိလာတာပေါ့။မိသားစုတစ်စုမှာ နောက်ဖေးချောင်က ပစ္စည်းတွေက လည်း အရေးကြီးသလို ကျန်တဲ့အပိုင်း တွေကလည်း အရေးပါတာဆိုတော့ အားလုံးကို စုံစုံညီညီလုပ်ရမှာပဲ။ မီဒီ ယာ ဥပဒေလည်း အရေးကြီးသလို ကျန် တဲ့ ဥပဒေတွေလည်း အရေးကြီးတာ ပေါ့။ ဒါကြောင့်လည်းဆွေးနွေးအတည် ပြုနေရတာပါ” ဟု ဆိုသည်။

 ဇွန်လ ၂၅ ရက်နေ့မှစ၍ ပြန် လည်ကျင်းပမည့် လွှတ်တော်အစည်း အဝေးများတွင် အများစု ဝေဖန်ထား သည့် ဒေါက်တာဆိတ်ဖွား ကိစ္စ၊ အခြေ ခံဥပဒေ ပြင်ဆင်ရေးအတွက် လေ့လာ သုံးသပ်သည့် ကော်မရှင်နှင့် ကော်မတီ များ ဖွဲ့စည်းရန်ကိစ္စနှင့် ၂ဝ၁၅ ခုနှစ် တွင် ပြုလုပ်မည့် ပါတီစုံဒီမိုကေ ရစီ အထွေထွေ ရွေးကောက်ပွဲတွင် အချိုး ကျ ကိုယ်စားပြုစနစ်  (PR) ကို အသုံးပြု မည် မပြုမည်ကို ဆုံးဖြတ်သွားမည် ဖြစ် ကြောင်း လွှတ်တော် ကိုယ်စားလှယ်များ ၏ ပြောကြားချက်အရ သိရသည်။

 ပထမအကြိမ် ပြည်သူ့လွှတ်တော် နှင့် အမျိုးသားလွှတ်တော် ဆဋ္ဌမပုံမှန် အစည်းအဝေးများကို မတ်လ ၂၂ ရက် နေ့တွင် အဆုံးသတ်ရပ်နား ခဲ့ခြင်းဖြစ် ပြီး ပြည်သူ့လွှတ်တော်နှင့် အမျိုးသား လွှတ်တော်ကို သုံးလခန့်အကြာ ဇွန်လ ၂၅ ရက်တွင် ပြန်လည်စတင်ကာ ပြည် ထောင်စု လွှတ်တော် အစည်းအဝေးကို ဇူလိုင်လ ၁ ရက်နေ့မှစ၍ ပူးတွဲကျင်းပ သွားမည် ဖြစ်သည်။

အောင်ထက် (NYK)
From:   Popular Myanmar News Journal

Thinzar Nwe Win ရဲ့ ဓါတ်ပုံ Album

Posted by drmyochit Wednesday, June 05, 2013, under | No comments


နိုင်ငံခြား NGO ၀န်ထမ်း ၄၀ ကျော် အီဂျစ်ထောင်ဒဏ်စီရင်

Posted by drmyochit Wednesday, June 05, 2013, under | No comments


နိုင်ငံခြား NGO တွေကို မျက်ကွယ်မှာ တရားစီရင်နေစဉ် (၄ ဇွန် ၂၀၁၃)

ရန်ပုံငွေတွေ ကို အသုံးပြုပြီး အီဂျစ်နိုင်ငံအတွင်းမှာ ဆူပူမှုတွေဖြစ်အောင် လုပ်ခဲ့တယ်ဆိုတဲ့ စွပ်စွဲချက်နဲ့ အီဂျစ်နိုင်ငံ ထဲမှာ လုပ်ကိုင်နေတဲ့ နိုင်ငံခြား NGO တွေက အမေရိကန်နိုင်ငံသား အနည်းဆုံး ၁၅ ဦး အပါ အ၀င်၊ ၀န်ထမ်း ၄၃ ဦးကို အီဂျစ်တရားရုံးက စီရင်ချက်တွေ ချမှတ်ခဲ့ပါတယ်။

အင်္ဂါနေ့ တုန်းက NGO ၀န်ထမ်း အတော်များများကို ထောင်ဒဏ် ၅ နှစ်အထိ တရားရုံးက ပြစ်ဒဏ် ချမှတ်ခဲ့ တာဖြစ် ပါတယ်။ သူတို့ထဲက အများစုကို ပြီးခဲ့တဲ့နှစ်တုန်းက တိုင်းပြည်ထဲကနေ ထွက်သွားခွင့် ပြုခဲ့ပြီး တဲ့နောက်၊ မျက်ကွယ်ထောင်ဒဏ် ချမှတ်လိုက်တာ ဖြစ်ပါတယ်။

အီဂျစ်နိုင်ငံ ထဲမှာရှိတဲ့ NGO အဖွဲ့အစည်းတွေရဲ့ ရုံးခန်းတွေကို ပိတ်ပစ်ဖို့လည်း တရားရုံးက အမိန့် ထုတ်ပြန် ထားပါ တယ်။ အဲ့ဒီ NGO တွေထဲမှာ အမေရိကန်အခြေစိုက် Freedom House, the National Democratic Institute (NDI) နဲ့ နိုင်ငံတကာ ရီပက်ဘလစ်ကန် အဖွဲ့အစည်း (IRI) တို့လည်းပါဝင်ပါတယ်။

တရားရုံးရဲ့ စီရင်ချက်ဟာ နိုင်ငံရေးကို အခြေခံပြီး ထွက်လာတဲ့ ဆုံးဖြတ်ချက်တရပ်ဖြစ်ကြောင်း နဲ့ အလွန် အမင်း စိုးရိမ်ပူပန်ရတဲ့အကြောင်း အမေရိကန် အိမ်ဖြူတော်က ပြောပါတယ်။ ပြီးတော့ ဒီစီရင်ချက်ဟာ အပြည်ပြည် ဆိုင်ရာ လူ့အခွင့်အရေးကို အကာအကွယ်မပေးတဲ့ ဆုံးဖြတ် ချက်ဖြစ်ကြောင်းလည်းပြော ပါတယ်။ အီဂျစ် အစိုး ရအနေနဲ့ လူထုအကျိုးအတွက် အလုပ်လုပ်နေတာ ဟုတ်၊ မဟုတ် အိမ်ဖြူတော်က မေးခွန်းထုတ်ထားပါတယ်။

ဆီးရီးယားမှာ ဓာတုလက်နက် အသုံးပြုမှုတချို့ ကုလတွေ့ရှိ

Posted by drmyochit Wednesday, June 05, 2013, under | No comments


ဆီးရီးယားနိုင်ငံမှာ  ဓာတုလက်နက် ပမာဏ အတိုင်းအတာတစ်ခုအထိ အသုံးပြုထားတယ်လို့ ယုံကြည် ရတဲ့ အကြောင်း ကုလသမဂ္ဂရဲ့  အစီရင်ခံစာအသစ်မှာ ဖော်ပြထားပါတယ်။ ဆီးရီးယားနိုင်ငံဟာ ဓာတု လက်နက် ထုတ်လုပ်ရာမှာ အသုံးပြုတဲ့ Sarin ဓာတုပစ္စည်းတစ်မျိုးကို အကြိမ်အတော်များများ အသုံးပြု ခဲ့တယ် ဆိုပြီးတော့လည်း ပြင်သစ်က အင်္ဂါနေ့မှာ ပြောဆိုခဲ့ပါတယ်။

ဆီးရီးယားနိုင်ငံအတွင်း ၂ နှစ်ကျော်ကြာ ဖြစ်ပွားလာခဲ့တဲ့ ပဋိပက္ခတွေမှာ သေးဆုံးသူ အရေအတွက် တိုးလာ တယ် လို့လည်း ဆီးရီးယားနိုင်ငံဆိုင်ရာ ကုလသမဂ္ဂ စုံစမ်းစစ်ဆေးရေး ဥက္ကဌ ပေါ်လို ဆာဂျီယို ပင်ဟဲ ရိုး (Paulo Sérgio Pinheiro) ရဲ့ ကုလသမဂ္ဂ လူ့အခွင့်အရေးကောင်စီကို တင်သွင်းတဲ့ အစီရင် ခံစာမှာ ဖော်ပြထားပါတယ်။

လူသားဆန်တဲ့ စိတ်ဓာတ်တွေဟာ စစ်ပွဲတွေကြားမှာ ပျောက်ကွယ်သွားရပြီဖြစ်ကြောင်းနဲ့ ဆီးရီးယား ပြဿနာဟာ စစ်ရေးအရ ဖြေရှင်းရမှာမဟုတ်ပဲ၊ သံတမန်နည်းလမ်းအရသာ ဖြေရှင်းဖို့ လိုအပ်ကြောင်း ပင်ဟဲရိုး က သူ့ရဲ့ အစီရင်ခံစာထဲမှာ ထည့်သွင်းပြောဆိုထားတာပါ။

ဆီးရီးယားနိုင်ငံဟာ ဓာတုလက်နက်တွေကို အသုံးပြုတယ်လို့ ပြောဆိုနေပေမဲ့ ဘယ်လို ဓာတု လက်နက် မျိုး ကို သုံးတယ်၊ ဘယ်သူတွေက သုံးတယ်ဆိုတာကို သိဖို့ လုံလောက်တဲ့ အထောက်အထားတွေ မရှိဘူး လို့ လည်း ကုလသမဂ္ဂရဲ့ အစီရင်ခံစာသစ်မှာ ဖော်ပြထားပါတယ်။

ဆီးရီးယားနိုင်ငံက ဓာတုလက်နက်တွေ အသုံးပြုခဲ့တယ်ဆိုရင် ဓာတုလက်နက် ထိခိုက်သူတွေနဲ့ ဓာတု လက်နက် အသုံးပြုထားတဲ့ ပစ္စည်း နမူနာတွေပါ ပြသနိုင်ဖို့ လိုတယ်လို့ ကုသလမဂ္ဂရဲ့ အစီရင်ခံစာထဲမှာ ဖော်ပြ ထားပါတယ်။

ဒါပေမဲ့ ပြင်သစ်နိုင်ငံက ဓာတ်ခွဲခန်းတစ်ခုထဲမှာ ပြုလုပ်ခဲ့တဲ့ စမ်းသပ်မှုတွေကနေ တွေ့ရှိချက်အရ ဆီးရီး ယားနိုင် ငံဟာ ဓာတုလက်နက် ထုတ်လုပ်ရာမှာ အသုံးပြုတဲ့ Sarin ဓာတုပစ္စည်းတစ်မျိုးကို အကြိမ် အတော် များများ အသုံးပြုခဲ့တယ်ဆိုပြီး ပြင်သစ်နိုင်ငံခြားရေးဝန်ကြီး Laurent Fabius က ပဲရစ်မြို့မှာ ပြောဆိုခဲ့ ပါတယ်။

ဓာတ်ခွဲခန်းထဲမှာ ရှာဖွေတွေ့ရှိခဲ့တဲ့ ရလဒ်တွေကို ကုလသမဂ္ဂကို လွှဲပြောင်းပေးပြီဖြစ်ကြောင်း သူက ပြောပါ တယ်။ ဒါပေမဲ့ ဘယ်နေရာမှာ၊ ဘယ်သူတွေကို ဓာတုလက်နက်နဲ့ တိုက်ခိုက်ခဲ့တယ်ဆိုတဲ့ အချက်ကိုတော့ ထုတ်ဖော်ပြော ဆိုတာမျိုး မရှိပါဘူး။

From: VOA

ရုရှားမှာ နှစ်စဉ် လူသန်းတဝက်လောက် ဆေးလိပ်နဲ့ ပတ်သက်တဲ့ ရောဂါနဲ့ သေဆုံးနေရ

Posted by drmyochit Wednesday, June 05, 2013, under | No comments



ရုရှား နိုင်ငံမှာ ဒီနေ့ ဇွန်လ တရက်နေ့ကစပြီး လူအများ သွားလာနေတဲ့ နေရာတခိျု့မှာ ဆေးလိပ် မသောက် ဖို့နဲ့ ဆေးလိပ် ကြော်ငြာတွေကို ထိန်းချုပ်တဲ့ ဆေးလိပ် သောက်မှု ဆန့်ကျင်ရေး ဥပဒေကို စတင် ကျင့်သုံးတော့ မှာ ဖြစ်ပါတယ်။

လုပ်ငန်းခွင် နေရာတွေ ၊ လူနေတိုက်တာ အဆောက်အဦရဲ့ အတက်အဆင်း လှေကား စကြင်န်တွေ ၊ ဘတ် စကားနဲ့ ရထားတွေပေါ်မှာ ဆေးလိပ်သောက်ဖို့ တားမြစ် ထားသလို ဘူတာရုံ ၊ လေဆိပ်တွေနဲ့ ၁၅ မီတာ အတွင်း ကိုလည်း ဆေးလိပ် ကင်းမဲ့ရေး ဇုန် အဖြစ် သတ်မှတ် ထားပါတယ်။

အခုချိန်ကစလို့ တနှစ်အတွင်း ဒီတားမြစ်ချက်ကို စားသောက်ဆိုင်တွေ ၊ ယမကာ ဆိုင်တွေနဲ့ သဘောင်္ ၊ ရထား ခရီးရှည်တွေ မှာလည်း ကျင့်သုံးတော့မှာ ဖြစ်သလို လမ်းနဘေးမှာလည်း ဆေးလိပ်မရောင်းရတော့ မှာ ဖြစ်ပြီး ဆေး လိပ်ဈေးတွေ တိုးမြင့်တော့မှာ ဖြစ်ပါတယ်။

ရုရှားမှာ လူဦးရေရဲ့ ၄ဝ ရာခိုင်နှုန်း ဟာ ဆေးလိပ်သောက်ကြပြီး နှစ်စဉ် လူသန်းတဝက်လောက်ဟာ ဆေးလိပ်နဲ့ ပတ်သက်တဲ့ ရောဂါတွေနဲ့ သေဆုံးနေရပါတယ်။

From: ME

မလေးရှားနိုင်ငံရှိ မြန်မာနိုင်ငံသားများ ထိခိုက်ဒဏ်ရာရခြင်း၊ အသက်ဆုံးရှုံးခြင်းများ ထပ်မံမဖြစ်ပေါ်စေရေး မလေးရှား အစိုးရ အနေဖြင့် လိုအပ်သည့် အရေးယူမှုများ ပြုလုပ်ရန် မြန်မာအစိုးရ သတိထောက်လွှာပေး

Posted by drmyochit Wednesday, June 05, 2013, under | No comments


မလေးရှားနိုင်ငံရှိ မြန်မာနိုင်ငံသားများ ပစ္စည်းဥစ္စာ ဆုံးရှုံးခြင်း၊ ထိခိုက်ဒဏ်ရာ ရခြင်းနှင့် အသက် ဆုံးရှုံးခြင်း များ ထပ်မံမဖြစ်ပေါ်စေရေး မလေးရှား အစိုးရ အနေဖြင့် လိုအပ်သည့် အရေးယူမှုများ ပြုလုပ်ရန် မြန်မာ အစိုး ရက သတိထောက်လွှာ ပေးအပ်ခဲ့သည်ဟု ဇွန် ၄ ရက် ညပိုင်းက မြန်မာ့ရုပ်မြင်သံကြား သတင်း အစီ အစဉ်တွင် ဖော်ပြခဲ့သည်။

ဇွန် ၄ ရက် မွန်းလွဲပိုင်းက နိုင်ငံခြားရေးဝန်ကြီးဌာန ဒုတိယ၀န်ကြီး ဦးဇင်ယော်က မြန်မာနိုင်ငံဆိုင်ရာ မလေး ရှား သံအမတ်ကြီး မစ္စတာအာမတ်ဖိုင်ဆဲ ဘင်မိုဟာမက်အား ဖိတ်ခေါ်တွေ့ဆုံပြီး မကြာမီ ရက်ပိုင်း အတွင်း က မလေးရှားနိုင်ငံတွင် နေထိုင်အလုပ် လုပ်ကိုင်လျက်ရှိသည့် မြန်မာနိုင်ငံသားများ အတိုက်ခိုက် ခံရသည့် အတွက် အသက်ဆုံးရှုံးမှု၊ ထိခိုက်ဒဏ်ရာ ရရှိမှုများနှင့် ပတ်သက်ပြီး သတိထောက်လွှာ ပေးအပ် ခဲ့ခြင်းဖြစ်ကြောင်း သိရသည်။

မလေးရှားနိုင်ငံတွင်ရှိသည့် မြန်မာသံအမတ် သည်လည်း ဇွန် ၅ ရက်တွင် မလေးရှား နိုင်ငံခြားရေး ၀န်ကြီး ဌာန သို့ သွားရောက်မည်ဟု သိရကြောင်း နိုင်ငံတော် သမ္မတ၏ ပြောရေးဆိုခွင့်ရှိသူ . . . . .

အဆို ပါ သတိထောက်လွှာတွင် မြန်မာနိုင်ငံသားများ တိုက်ခိုက်ခံရ မှုများအတွက် ချက်ချင်းစုံစမ်း စစ်ဆေးဖော် ထုတ်ရန်၊ ပြစ်မှုကျူးလွန် သူများအား ဥပဒေနှင့်အညီ အရေးယူပေးရန်တို့ ပါဝင်သည်။          
ထို့ပြင် မြန်မာနိုင်ငံ သားများ၏ လုံခြုံရေးအတွက် လိုအပ်သည့် ကာကွယ်စောင့်ရှောက်မှုများ ဆောင်ရွက်ပေး ရန်၊ မြန်မာနိုင်ငံသားများ တိုက်ခိုက်ခံရမှုများနှင့် ပစ္စည်းဥစ္စာ ဆုံးရှုံးခြင်း၊ ထိခိုက် ဒဏ်ရာ ရခြင်း၊ အသက်ဆုံးရှုံးခြင်းများ ထပ်မံမဖြစ်ပေါ်စေရေး မလေးရှား အစိုးရမှ လိုအပ်သည့် အရေးယူမှုများ ဆောင် ရွက်ပေး ရန်တို့ ပါရှိကြောင်း သတင်းတွင် ဖော်ပြခဲ့သည်။

မလေးရှားနိုင်ငံရှိ မြန်မာနိုင်ငံသားများ၏ လုံခြုံရေးနှင့် ပတ်သက်ပြီး မလေးရှားနိုင်ငံတွင်ရှိသည့် မြန်မာ သံအမတ် သည်လည်း ဇွန် ၅ ရက်တွင် မလေးရှား နိုင်ငံခြားရေး ၀န်ကြီးဌာနသို့ သွားရောက်မည်ဟု သိ ရကြောင်း နိုင်ငံတော် သမ္မတ၏ ပြောရေးဆိုခွင့်ရှိသူ ပြန်ကြားရေးဝန်ကြီးဌာန ဒုတိယ၀န်ကြီး ဦးရဲထွဋ်က ၄င်း၏ Facebook  စာမျက်နှာမှတစ်ဆင့် ပြောကြားထားသည်။

From: Eleven

နိုင်ငံတော်သမ္မတကြီး ဦးသိန်းစ်ိန် မေလကုန် ရေဒီယိုမိန့်ခွန်း

Posted by drmyochit Wednesday, June 05, 2013, under | No comments

From : ..သမ္မတရုံး
နေပြည်တော် မေ ၃

မိဘပြည်သူများခင်ဗျား
ကျွန်တော် တို့ နိုင်ငံရဲ့ လက်ရှိအခြေအနေများကို မိဘပြည်သူများထံ ရေဒီယိုကနေ တဆင့် အသိပေး ပြောကြားနေကြ ဖြစ်တဲ့အတိုင်း မေလအတွင်း မြန်မာနိုင်ငံရဲ့ ပြုပြင် ပြောင်းလဲမှုများနှင့် ပတ်သက်ပြီး  ကျွန်တော်တို့ အစိုးရရဲ့  လုပ်ဆောင်ချက် များကို မိဘ ပြည်သူများထံ ယခုကဲ့သို့ ပုံမှန်တင်ပြရခြင်း ဖြစ်ပါတယ်။

မိဘပြည်သူများ သိကြပြီးဖြစ်တဲ့အတိုင်း ကျွန်တော်ဟာ အမေရိကန်ပြည်ထောင်စုကို မေလ (၁၉) ရက်နေ့ ကနေ (၂၂) ရက်နေ့အထိ အလုပ်သဘော ခရီးစဉ်အဖြစ် သွားရောက် ခဲ့ပါတယ်။ ဒီခရီးစဉ်ဟာ နှစ်ပေါင်း လေး ဆယ်ကျော် အကြာမှာ နိုင်ငံ့ခေါင်းဆောင် တဦး အနေနဲ့ သွားရောက်ခဲ့တဲ့ အလုပ်သဘောခရီးစဉ် တခုဖြစ်တဲ့ အပြင် နှစ်နိုင်ငံ ချစ်ကြည် ရင်းနှီးရေးနဲ့ ဆက်ဆံရေးပုံစံအသစ်ကို ပိုမိုပီပြင်စေခဲ့တာကြောင့် ကျွန်တော် တို့နှစ်နိုင်ငံ ဆက်ဆံရေးသမိုင်းမှာ ထူးခြားတဲ့ အလှည့်အပြောင်း တခုလည်း မှတ်တမ်းဝင်မှာ ဖြစ်ပါ တယ်။ ဒီသမိုင်းဝင် ခရီးစဉ်ကနေ ရရှိလာတဲ့ ရလဒ်တွေကနေတစ်ဆင့် အနာဂတ်မှာ ပူးပေါင်း ဆောင်ရွက် နိုင်မယ့် အလားအလာများကြောင့် ဒီခရီးစဉ်ဟာ အစိုးရချင်း ဆက်ဆံရေး သာမက နှစ်နိုင်ငံ ပြည်သူချင်း ရင်းနှီးချစ်ကြည်ရေးအတွက်ပါ အရေးပါတယ်လို့ ဆိုရမှာပဲ ဖြစ်ပါတယ်။ ကျွန်တော့်အနေနဲ့ အမေရိကန်ပြည်ထောင်စု ခရီးစဉ် အတွင်းမှာ အမေရိကန်သမ္မတ အိုဘားမား အပါအဝင် အစိုးရအဖွဲ့ဝင်များ၊ အထက်လွှတ်တော်နဲ့ အောက်လွှတ်တော် ခေါင်းဆောင်များနဲ့ တွေ့ဆုံပြီး ကျွန်တော်တို့ နိုင်ငံရဲ့ ဒီမိုကရေစီအသွင် ကူးပြောင်းရေး လုပ်ငန်းစဉ်များအတွင်း ကြုံတွေ့နိုင်ဖွယ်ရှိတဲ့ အခက်အခဲများ၊ စ်ိန်ခေါ်မှုများ၊ အလားအလာများနဲ့ ပူးပေါင်းဆောင်ရွက်နိုင်မယ့် ကိစ္စရပ်များကို ရင်းနှီးပွင့်လင်းစွာ ဆွေးနွေးနိုင်ခဲ့ပါတယ်။ ဒါ့အပြင် ကျွန်တော်တို့ လုပ်ဆောင်နေတဲ့ အမျိုးသားစီးပွားရေး တစ်ရပ် တည်ဆောက်ရေးမှာ အဟန့်အတား ဖြစ်နေတဲ့ ပိတ်ဆို့အရေးယူမှုများ ဖယ်ရှားနိုင်ရေးအတွက် ယုံကြည်မှု တည်ဆောက်ရေး ကိစ္စတွေကိုလည်း လုပ်ဆောင်နိုင်ခဲ့ပါတယ်။ ကျွန်တော့်အနေနဲ့ အမေရိကန် ပြည်ထောင်စုရဲ့ ပညာရေးစနစ်ကို လေ့လာနိုင်ဖို့အတွက် ဂျွန်ဟော့ကင်းစ် တက္ကသိုလ်ကို သွားရောက်ပြီး ပါမောက္ခများ၊ ကျောင်းသူ ကျောင်းသားများနဲ့ ရင်းရင်းနှီးနှီး တွေ့ဆုံ မိန့်ခွန်းပြောကြားခဲ့ပါတယ်။ ကျွန်တော့်ရဲ့ အမေရိကန် ပြည်ထောင်စု ခရီးစဉ်အတွင်းမှာ အကြောင်းအမျိုးမျိုးကြောင့် အမေရိကန်ပြည်ထောင်စုမှာ ရောက်ရှိနေကြတဲ့ မြန်မာ မိသားစုများရဲ့ နွေးထွေးတဲ့ ကြိုဆိုမှုတွေကြောင့် ဝမ်းသာပီတိ ဖြစ်ရသလို ကျွန်တော်တို့ရဲ့ ပြုပြင်ပြောင်းလဲမှုများအပေါ် နားလည်စာနာမှု ရှိကြတဲ့ အမေရိကန်ရောက် ကျွန်တော်တို့ ပြည်သူများကိုလည်း အထူးကျေးဇူးတင်ရှိပါကြောင်း အလေးအနက် ပြောကြားလိုပါတယ်။ တစ်ပြိုင်နက်တည်းမှာပဲ ခရီးစဉ်နဲ့ ပတ်သက်ပြီး ကျွန်တော်တို့ရဲ့ ပြုပြင်ပြောင်းလဲရေး လုပ်ငန်းစဉ်များအပေါ်မှာ မယုံကြည်နိုင်သေးတဲ့ သူများက သံသယနဲ့ ပြောဆိုဝေဖန် အပြစ်ရှာ ရေးသားခဲ့မှုများကိုလည်း ကြုံတွေ့ခဲ့ ရပါတယ်။ နိုင်ငံတခု ပြုပြင်ပြောင်းလဲမှုဖြစ်တိုင်းမှာ ဒီလိုသဘောထားကွဲလွဲမှုတွေ၊ မယုံကြည်မှုတွေ၊ လက်မခံနိုင်မှုတွေ၊ အငြင်းပွားမှုတွေနဲ့ ဝိဝါဒကွဲပြားမှုတွေကို ကြုံတွေ့ရတာဟာ ဖြစ်ရိုးဖြစ်စဉ် သဘာဝကျတဲ့ ကိစ္စရပ်တွေပဲ ဖြစ်ပါတယ်။ ကျွန်တော့် အတွက်ကတော့ နိုင်ငံရေးလက်တွေ့ကျမှုများက ပိုမိုအရေးကြီးတယ်လို့ အလေးအနက် ခံယူထားပါတယ်။ ကျွန်တော်တို့ရဲ့ ပြုပြင်ပြောင်းလဲရေး လုပ်ငန်းစဉ်များ အောင်မြင်မှုများ ရရှိဖို့အတွက် မိမိတို့ မြန်မာနိုင်ငံဟာ ကမ္ဘာ့မိသားစုဝင် နိုင်ငံများနဲ့ ထဲထဲဝင်ဝင် ချိ်တ်ဆက်ရန်ဆိုတဲ့ ကိစ္စရပ်က အလွန်အရေးကြီးပါတယ်။ လက်ရှိ ကျွန်တော်တို့ရဲ့ ကြိုးပမ်း လုပ်ဆောင်မှုများရဲ့ အောင်မြင်မှု အသီးအပွင့်တွေကို ကျွန်တော်တို့ရဲ့ ပြုပြင်ပြောင်းလဲရေး လုပ်ငန်းစဉ်များအပေါ် အားပေးထောက်ခံသူများကို သာမက မယုံကြည် နိုင်သေးသူများ၊ သံသယရှိနေသူများနဲ့ ဆန့်ကျင်နေသူများပါ ခံစားရရှိမှာ ဖြစ်တဲ့အတွက် ကျွန်တော့်အနေနဲ့ ကမ္ဘာ့မိသားစုအတွင်းမှာ မြန်မာနိုင်ငံဂုဏ်ကို ဂုဏ်သိက္ခာရှိတဲ့၊ တာဝန်သိတဲ့ နိုင်ငံတနိုင်ငံ အဖြစ် ရပ်တည်နိုင်ဖို့ ယခုလို တစိုက်မတ်မတ် ကြိုးပမ်းလုပ်ဆောင် နေရခြင်း ဖြစ်တယ်ဆိုတာ အသိပေးပြောကြားလိုပါတယ်။

မေလ (၂၄) နေ့မှာလည်း မြန်မာနိုင်ငံအပေါ်မှာ အစဉ်တစိုက် အားပေးကူညီခဲ့တဲ့ ဂျပန်နိုင်ငံရဲ့ ဝန်ကြီးချုပ် ရှင်ဇိုအာဘေးဟာ နှစ်နိုင်ငံ သမိုင်းမှာ ၃၆ နှစ်အတွင်း ပထမဦးဆုံးအကြိမ် ဝန်ကြီးချုပ် ခရီးစဉ်အဖြစ် လာရောက်ပြီး ကျွန်တော်တို့ နိုင်ငံရဲ့ ပြုပြင်ပြောင်းလဲရေး လုပ်ငန်းစဉ်များအပေါ် ဂျပန်နိုင်ငံရဲ့ အားပေးထောက်ခံမှုကို ပြသခဲ့ပါတယ်။ ဂျပန်နိုင်ငံအနေနဲ့ ပေးအပ်လာမယ့် ကူညီထောက်ပံ့မှုတွေကိုလည်း ကြိုဆို လက်ခံသွားမှာ ဖြစ်သလို ဒီအကူအညီများ အားလုံးကို ပြည်သူလုထု ဗဟိုပြု ဖွံ့ဖြိုးရေး လုပ်ငန်းများမှာသာ အသုံးပြုသွားမှာ ဖြစ်ပါတယ်။ အပြန်အလှန်အားဖြင့် ဂျပန်နိုင်ငံရဲ့ စီးပွားရေး လုပ်ငန်းများဟာ ပွင့်လင်းလာမယ့် မြန်မာ့ ဈေးကွက်အတွင်းမှာ ရင်းနှီးမြှုပ်နှံမှုများ၊ ကုန်သွယ်ရေးတိုးမြှင့်မှု အခွင့်အလမ်းများရရှိပြီး နှစ်ဦးနှစ်ဖက် မျှတတဲ့ အကျိုးကျေးဇူးများ ခံစားကြရမှာလည်း ဖြစ်ပါတယ်။

ယခုလို နှစ်နှစ်တာအတွင်းမှာ ဖြစ်ထွန်းခဲ့တဲ့ မြန်မာနိုင်ငံနဲ့ နိုင်ငံတကာ ကူးလူးဆက်ဆံမှုများဟာ ဆိုရင် မြန်မာပြည်သူများ ကြိုးပမ်းအားထုတ်နေကြတဲ့ ဒီမိုကရေစီ အသွင်ကူးပြောင်းရေးအတွက် ထိုက်တန်တဲ့ နိုင်ငံတကာ ထောက်ခံမှု ရရှိနေခြင်းကို တနည်းအားဖြင့် ပြသနေခြင်းလည်း ဖြစ်ပါတယ်။

ယခု ကျွန်တော်တို့ ကြိုးပမ်းလုပ်ဆောင်နေတဲ့ နိုင်ငံရေး ပြုပြင်ပြောင်းလဲမှုများနဲ့ ပတ်သက်လို့ အနည်းငယ် ရှင်းလင်းပြောကြားလိုပါတယ်။ နိုင်ငံရေးနဲ့ တိုက်ရိုက် ချိတ်ဆက်နေတဲ့ အမျိုးသားစီးပွားရေး ပြန်လည် ပုံစံချ သတ်မှတ်မှုနဲ့ ပတ်သက်လို့ လိုအပ်တဲ့ အစီအမံများ၊ မဟာဗျူဟာများ၊ စီမံချက်များ ရေးဆွဲနေသည့် နည်းတူ တတွဲတည်း လိုအပ်လာမယ့် အင်စတီကျူးရှင်းများကို ပြောင်းလဲဖွဲ့စည်းခြင်း၊ အသွင် ကူးပြောင်းခြင်း၊ အသစ်ထူထောင်ရန် ပြင်ဆင်ခြင်းများကို လုပ်ဆောင်နေရပါတယ်။ ကာလကြာရှည် ပြုလုပ်နိုင်ခြင်း မရှိခဲ့တဲ့ ကိစ္စရပ်တွေကို လုပ်ဆောင်ရတာ ဖြစ်တဲ့အတွက် ထင်ရှားမြင်သာရှိတဲ့ အပြောင်းအလဲတွေထက် ဆုပ်ကိုင်မှုပြနိုင်တဲ့ အပြောင်းအလဲ များသည်လည်း အရှိန်အဟုန် တခုဖြင့် ရွေ့လျားနေတယ် ဆိုတာကိုလည်း မီးမောင်းထိုးပြလိုပါတယ်။ ဒီအပြောင်းအလဲများ ထင်ရှားမြင်သာရှိလာချိန်မှာ ကျွန်တော်တို့ အမျိုးသားစီးပွားရေးဟာလည်း အရှိန်အဟုန် ရလာမှာ ဖြစ်ပါတယ်။

တောင်သူလယ်သမား တဦးချင်းအတွက် စိုက်ပျိုးစရိတ် အထောက်အကူ ဖြစ်စေဖို့နဲ့ အသေးစားနဲ့ အလတ်စား လုပ်ငန်းရှင်များ အရင်းအနှီး စုဆောင်းရာမှာ အထောက်အကူ ဖြစ်စေဖို့အတွက် အသေးစားနှင့် အလတ်စားချေးငွေများ ရရှိရန်ကိုလည်း ကျွန်တော့် အနေနဲ့ အာရုံစိုက် လုပ်ဆောင်လျက်ရှိပါတယ်။

ကျွန်တော်တို့ အစိုးရအနေနဲ့ အမျိုးသားပြန်လည် စည်းလုံးညီညွတ်ရေးကို ရည်သန်ပြီးယုံကြည်ချက်ကြောင့် အကျဉ်းကျ ခံနေရသူများ လွတ်မြောက်ရေးအတွက် အစဉ်အမြဲအာရုံစိုက် လုပ်ဆောင်လျက်ရှိပါတယ်။ ကျွန်တော့်အနေနှင့် အမှန်တကယ် ယုံကြည်ချက်ကြောင့် အကျဉ်းကျခံနေရတဲ့ နိုင်ငံရေးအကျဉ်းသားတစ်ဦးတစ်ယောက်မျှ အကျဉ်းထောင်ထဲမှာ ရှိနေစေလိုခြင်းမရှိပါဘူး။ သို့သော်လည်း ယခင်ခေတ် အဆက်ဆက်က ရှုပ်ထွေးခဲ့တဲ့ ရာဇဝတ်မှုနဲ့ နိုင်ငံရေး ပြစ်မှု မကွဲပြားတဲ့ ကိစ္စရပ်တွေကို စိစစ်ဆောင်ရွက်နေရတဲ့အတွက် အချိန်ယူလုပ်ဆောင်နေရတာ ဖြစ်ပါတယ်။ ယခုအခါမှာ ဒီကိစ္စရပ်တွေကို ရှင်းလင်းနိုင်ဖို့အတွက် လက်ကျန်နိုင်ငံရေး အကျဉ်းသား စိစစ်ရေးကော်မတီကို ကျယ်ပြန့်တဲ့ ပါဝင်မှုနဲ့ ဖွဲ့စည်းပြီးဆောင်ရွက်နေပြီ ဖြစ်တဲ့အတွက် မကြာခင်မှာအမှန်တကယ် ယုံကြည်ချက်ကြောင့် အကျဉ်းကျခံရသူများ အားလုံး လွတ်မြောက်တော့မှာ ဖြစ်ပါတယ်။ သို့သော်လည်းပဲ နိုင်ငံရေး နဲ့ ရောယှက်ပြီး အကြမ်းဖက်မှုများ၊ လူသတ်မှုများ၊ မုဒိန်းမှု အစရှိတဲ့ ရာဇဝတ်မှုတွေ ကျူးလွန်ခဲ့တဲ့ သူတွေကတော့ ထိုက်တန်တဲ့ အပြစ်ဒဏ်ကိုခံယူရမှာ ဖြစ်ပါတယ်။ ဒီကိစ္စကို ကျွန်တော် အမေရိကန် ပြည်ထောင်စုကို ရောက်ရှိစဉ် ကာလမှာ သက်ဆိုင်ရာ အစိုးရအဖွဲ့အစည်းတွေနဲ့ လွှတ်တော်ကိုယ်စားလှယ်များကို ရှင်းလင်း ပြောကြားခဲ့ရာမှာ ကျွန်တော်တို့နဲ့ သဘောထား တူညီတယ်ဆိုတာကို တွေ့ရှိခဲ့ရပါတယ်။

ကျွန်တော်တို့ အစိုးရအနေနဲ့ အမျိုးသားပြန်လည် စည်းလုံးညီညွတ်ရေးကို ရှေးရှုတဲ့ စေတနာ သက်သက်နဲ့ နိုင်ငံရေး အကျဉ်းသားများ လွတ်မြောက်ရေးကို လုပ်ဆောင်နေတာ ဖြစ်ပြီး အချိန်အတိုင်းအတာ တစ်ခုယူရတာကလွဲပြီး အခြားနိုင်ငံရေး အမြတ်ထုတ်လိုမှု မရှိကြောင်း အလေးအနက် ပြောကြားလိုပါတယ်။ ဒါကြောင့် ကျွန်တော်တို့ အစိုးရ လက်ထက်မှာ လွတ်ငြိမ်းချမ်းသာခွင့် ပေးခဲ့တဲ့ နိုင်ငံရေးနဲ့ ဆက်နွယ် အကျဉ်းကျခံခဲ့ ရသူများနဲ့ ပတ်သက်လို့ ပုဒ်မ ၄၀၁ ကို နိုင်ငံရေးလက်နက်တစ်ခု အနေနဲ့ အသုံးချပြီး အရေးယူခြင်း ပြုလုပ်ဖို့ အစီအစဉ်မရှိကြောင်း တပါတည်း ပြောကြား လိုပါတယ်။

ပဋိပက္ခများ ဖြစ်ပွားခဲ့ရာဒေသဖြစ်တဲ့ မိတ္ထိလာမြို့မှာ တည်ငြိမ်အေးချမ်းရေးကို ဆက်လက် ထိန်းသိမ်း ထားနိုင်ရေးအတွက် နိုင်ငံတော်သမ္မတရဲ့ ဥပဒေကဲ့သို့ အာဏာတည်သော အမိန့်အမှတ် (၁/၂၀၁၃) အရေးပေါ် အခြေအနေ ကြေညာခြင်းကို လွှတ်တော်မှ အတည်ပြုပေးရန် အဆိုအား ပထမဦးဆုံးအကြိမ် ပြည်ထောင်စုလွှတ်တော် အထူးအစည်းအဝေးကို ခေါ်ယူပေးတဲ့အတွက် ပြည်သူ့လွှတ်တော် ဥက္ကဋ္ဌ၊ အမျိုးသားလွှတ်တော် ဥက္ကဋ္ဌနှင့်တကွ လွှတ်တော်ကိုယ်စားလှယ်များ အားလုံးကို ကျေးဇူး တင်ရှိပါကြောင်း ပြောကြားလိုပါတယ်။

မေလအတွင်းမှာ ကျွန်တော်တို့ ပြည်သူများဟာ မဟာစင်မုန်တိုင်း သတင်းကြောင့် စိုးရိမ်ပူပန်မှုတွေ ဖြစ်ပေါ်ခဲ့ရပါတယ်။ ကျွန်တော်တို့ အစိုးရအနေနဲ့ အမျိုးသားသဘာဝဘေး ကာကွယ်စောင့်ရှောက်ရေး ဗဟိုကော်မတီနဲ့ အမျိုးသား သဘာဝကာကွယ် စောင့်ရှောက်ရေး စီမံခန့်ခွဲမှု လုပ်ငန်းကော်မတီများကို အလျင်အမြန် ဖွဲ့စည်းပြီး မုန်တိုင်း ဝင်ရောက်နိုင်တဲ့ ဒေသများက ဒေသခံများကို လူမျိုးဘာသာ ခွဲခြားခြင်းမရှိဘဲ လူသားချင်းစာနာမှုဆိုင်ရာ အရေးပေါ် ကာကွယ်စောင့်ရှောက်မှုများ ပြုလုပ်နိုင်ဖို့ ကြိုတင် ပြင်ဆင်နိုင်ခဲ့ပါတယ်။ ကော်မတီများအနေနဲ့ သက်ဆိုင်ရာ ဝန်ကြီးဌာနများ၊ တပ်မတော် အင်အားစုများနဲ့ ပူးပေါင်းညှိနှိုင်းပြီး ကယ်ဆယ်ရေးလုပ်ငန်းစဉ်များကို အားသွန်ခွန်စိုက် ဆောင်ရွက်ခဲ့ကြပါတယ်။ ကျွန်တော်တို့ ပြည်သူများ စိုးရိမ်ပူပန်ခဲ့သလို မုန်တိုင်းဒဏ်ကို ခံခဲ့ရခြင်း မရှိပေမယ့် ဘေးအန္တရယ်တွေ ကြုံတွေ့လာတဲ့အခါမှာ ရင်ဆိုင်ကျော်လွှားနိုင်ဖို့ အတွက် အစိုးရ၊ ပြည်သူနဲ့ တပ်မတော်တို့ အကောင်းဆုံး ပူးပေါင်းလုပ်ဆောင်နိုင်တဲ့ အနေအထားရှိနေပြီဆိုတာကို ဝမ်းမြောက်ဖွယ်ရာ တွေ့ရှိရပါတယ်။

ကျွန်တော့်အနေနဲ့ ပြည်တွင်းငြိမ်းချမ်းရေး ဖြစ်ပေါ်တိုးတက်မှု အခြေအနေများကိုလည်း တင်ပြလိုပါတယ်။ ပြီးခဲ့တဲ့ မေလ (၃၀) ရက် နေ့ဟာ ပြည်တွင်း ငြိမ်းချမ်းရေး တည်ဆောက်မှုမှာ သမိုင်းဝင် အပြောင်းအလဲ တစ်ရပ်ဖြစ်ပြီး ပြည်သူများ အားလုံးအတွက် ဝမ်းမြောက်ဝမ်းသာ ရှိကြရမယ့် နေ့ပဲဖြစ်ပါတယ်။ မေလ (၃၀) ရက်နေ့ ပြည်ထောင်စု ငြိမ်းချမ်းရေး ကိုယ်စားလှယ်အဖွဲ့နှင့် KIO တို့ဟာ ပစ်ခတ်တိုက်ခိုက်မှုတွေ လျော့ချ ရပ်ဆိုင်းနိုင်ဖို့ အတွက်နဲ့ ထာဝရ ငြိမ်းချမ်းရေး တည်ဆောက်ဖို့အတွက် ငြိမ်းချမ်းရေး သဘောတူညီချက် (၇) ချက်ကို ကချင်ပြည်နယ် မြစ်ကြီးနားမြို့မှာ လက်မှတ် ရေးထိုးခဲ့ကြပါတယ်။ ယခုလို လက်မှတ်ရေးထိုးနိုင်ဖို့ဟာ နှစ်ပေါင်း ခြောက်ဆယ်ကျော် ကြာခဲ့ပြီ ဖြစ်တဲ့ လက်နက်ကိုင် ပဋိပက္ခတွေ ရပ်ဆိုင်းနိုင်ဖို့အတွက် ကြီးမားတဲ့ ခြေလှမ်း တစ်ရပ်ဖြစ်ပြီး မြန်မာနိုင်ငံသား အားလုံးအတွက် ဂုဏ်သိက္ခာ ကြီးမားတဲ့ အောင်မြင်မှု တစ်ရပ်ပဲ ဖြစ်ပါတယ်။ ထာဝရ ငြိမ်းချမ်းရေးအတွက် စိတ်ရင်း စေတနာ မှန်ကန်စွာနဲ့ ကြိုးပမ်းခဲ့ကြတဲ့ ငြိမ်းချမ်းရေး ဖော်ဆောင်ရေး လုပ်ငန်းအဖွဲ့ တပ်မတော်နဲ့ KIO အဖွဲ့အစည်းမှ ခေါင်းဆောင်များ၊ အရပ်ဘက် လူ့အဖွဲ့အစည်းများ အားလုံးကို ကျေးဇူးတင်ရှိကြောင်းနဲ့ အထူးသဖြင့် ငြိမ်းချမ်းရေး ဆွေးနွေးပွဲများ ပြုလုပ်နေစဉ်အတွင်း ငြိမ်းချမ်းရေး ရချင်ပြီဆိုတာကို လှိုက်လှိုက်လှဲလှဲ ထုတ်ဖော်ပြသခဲ့ကြတဲ့ ပြည်သူများ ကိုလည်း အလေးအနက် ကျေးဇူးတင်ရှိကြောင်း ပြောကြားလိုပါတယ်။

ကျွန်တော်တို့ နိုင်ငံဟာ ဘယ်နိုင်ငံမှာမှ မကြုံဖူးခဲ့တဲ့ အသွင်ကူးပြောင်းရေး လမ်းကြောင်း တစ်ရပ်ကို လျှောက်လှမ်း ချီတက်နေရတာ ဖြစ်ပါတယ်။

လက်ရှိ အခြေအနေမှာ များပြားလှတဲ့ မရေရာ မသေချာမှုများ၊ ကြီးမားတဲ့ စိန်ခေါ်မှုများ၊ အဟန့်အတားများနဲ့ ပြည့်နှက်နေတဲ့ မြန်မာနိုင်ငံရဲ့ ပြုပြင်ပြောင်းလဲရေး လုပ်ငန်းများကို ဦးစီး ပဲ့ကိုင်နေရာကနေ လုပ်ကိုင်နေရတဲ့ ကျွန်တော့် အနေနှင့် ယခုအစိုးရ သက်တမ်း ကျန်ရှိနေသေးတဲ့ ကာလများမှာလည်း အစိုးရအဖွဲ့၊ လွှတ်တော်များ၊ နိုင်ငံရေး အင်အားစုများ၊ အရပ်ဘက်အဖွဲ့ အဖွဲ့အစည်းများ၊ တပ်မတော်နှင့် ပြည်သူလူထု တစ်ရပ်လုံးရဲ့ ပူးပေါင်းပါဝင်မှုကို အခြေခံပြီး မှန်ကန်သော စေတနာဖြင့် မဆုတ်မနစ် လုပ်ဆောင်သွားဖို့ သံဓိဋ္ဌာန်ချထားကြောင်း ပြောကြားရင်း နိဂုံးချုပ်ပါတယ်။
မိဘပြည်သူများ ကျန်းမာကြပါစေ။

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်